"poetrywala shair" <poetry-walay@yahoogroups.

com>

ye merii Gazalen ye merii nazmen tamaam terii hikaayaten hain

ye tazkiren terii lutf ke hain ye sher terii shikaayaten hain
main sab terii nazr kar rahaa huuN ye un zamaanon kii s'aten hain
jo zindagii ke naye safar men tujhe kisii roz yaad aayeN
to ek ek harf jii uThegaa pahan ke anfaas kii qabaayeN
udaas tanahaa_iiyon ke lamhon men naach uThengii ye apasaraayeN

[tazkiren=mention; s'aten=moments]
[anfaas=breaths; qabaayeN=long coats]

mujhe tere dard ke alaavaa bhii aur dukh the, ye jaanataa huuN
hazaar Gam the jo zindagii kii talaash men the, ye jaanataa huuN
mujhe Khabar hai ki tere aaNchal men dard kii ret chhaanataa huuN
magar har ek baar tujh ko chhuu kar ye ret rang-e-hinaa banii hai
ye zaKhm gul_zaar ban gaye hain ye aahen-sozaaN ghaTaa banii hai
ye dard mauj-e-sabaa huaa hai ye aag dil kii sadaa banii hai

aur ab ye saarii mataa-e-hastii ye phuul ye zaKhm sab tere hain

ye dukh ke nauhe ye sukh ke naGmen jo kal mere the vo ab tere hain
jo terii qurbat terii judaa_ii men kaT gaye roz-o-shab tere hain
vo teraa shaayar teraa muGannii vo jis kii baaten ajiib sii thii
vo jis ke andaaz Khusro-vaanaa the aur adaayeN Gariib sii thiin
vo jis ke jiine kii Khvaahishen bhii Khud us ke apane nasiib sii thiin

[mataa=things; qurbat=nearness]
[roz-o-shab=day and night; muGannii=singer]
[Khusro-vaanaa=king-like; Khvaahishen=desires]

na puuchh us kaa ki vo diivaanaa bahut dinon kaa ujaD chukaa hai

vo kohakan to nahiin thaa lekin kaDii chaTTaanon se laD chukaa hai
vo thak chukaa hai aur us kaa teshaa usii ke siine men gaD chukaa hai

[kohakan=another name for Farhaad; teshaa=axe]

Ahmad Faraaz

Reet is nagar ki hai

Titlion kay mausam mein

Nochna gulabon ka

Reet is nagar ki hai

Aur jaanay kab say hai

Dekh ker parindon ko

Bandhna nishanon ka

Reet is nagar ki hai

Aur jaanay kab say hai

Tum abhi na-ay ho na

Is liay pareshan ho

Aasman ki janib is tarah say mat dekho

Aaftain jab aani hon tootna sitaron ka

Reet is nagar ki hai

Aur janay kab say hai

Shahar kay baashinday

Nafraton ko bo ker bhi

Intizar kartay hain

Fasal ho mohabbat ki

Chor ker haqiqat ko

Dhoondna sarabon ka

Reet is nagar ki hai

Aur janay kab say hai

Ajnabi fiza-on mein

Ajnabi musafir say

Apnay har ta-alluk ko da-aimi samajh laina

Aur jab bichar jaana

Maangna duaoon ka

Reet is nagar ki hai

Aur janay kab say hai

Khamoshi mera shaiwa

Guftagu hunar un ka

Meri begunahi ko log kaisay maanain gay

Baat baat per jab kay maangna hawalon ka

Reet is nagar ki hai

Aur janay kab say hai

From: "Shumaiila Mohd." <[email protected]> | This is Spam | Add to Address
Book
Date: Sun, 28 Dec 2003 11:25:46 +0000
Subject: [eBazm] RE: need "Tarkasha"

here u go:-)

by javed akhtar "tarkash".

woh dhal raha hai,ye bhi rangat badal rahi hai

zameen suraj ki ungliyon se phisal rahi hai

jo mujhko zinda jala rahe hain woh bekhabar hain

ki meri zanzeer dheere dheere pighal rahi hai

main qatl to ho gaya tumhari gali main lekin

mere lahu se tumhari deewar gal rahi hai

na jalne pate the jinke chulhe bhi har savere

suna hai kal raat se woh basti jal rahi hai

main janta hoon ki khaam'shi main hi maslehat hai

magar yahi maslehat mere dil ko khal rahi hai

kabhi to insaan zindagi ki bhi karega izzat

ye ek umeed aaj bhi dil main pal rahi hai

ab kise chaahe.n kise Dhuu.NDhaa kare.n

vo bhii aaKhir mil gayaa ab kyaa kare.n

halkii halkii baarishe.n hotii rahe.n

ham bhii phuulo.n kii tarah bhiigaa kare.n

aa.Nkh muu.Nde us gulaabii dhuup me.n

der tak baiThe use sochaa kare.n

dil muhabbat diin duniyaa shaayarii

har dariiche se tujhe dekhaa kare.n

ghar nayaa kapa.De naye bartan naye

in puraane kaaGazo.n kaa kyaa kare.

- Bashir Badr
Share the fun. Invite your friends to join eBazm.

Subject: pyaas vo dil kii bujhaane....

pyaas vo dil kii bujhaane kabhii aayaa bhii nahin

kaisaa baadal hai jiskaa koi saayaa bhii nahin

beruKhii is se barii aur bhalaa kyaa hogii

ek muddat se hamein us ne sataayaa bhii nahin

roz aataa hai dar-e-dil pe vo dastak dene

aaj tak hamne jise paas bulaayaa bhii nahin

sun liyaa kaise Khudaa jaane zamaane bhar ne

vo fasaanaa jo kabhii hamne sunaayaa bhii nahin

tum to shaayar ho 'Qateel' aur vo ik aam saa shaKhs

us ne chaahaa bhii tujhe aur jataayaa bhii nahin

Koee Khoee Huvi Shay Mill Gaee Hai

kalli Dill Ki Achanak Khill Gaee Hai

Koee Khoee Huvi Shay Mill Gaee Hai

********************
********************

Yeh Kiss Andaaz Say Daikha Hai Tum Nay ?

Zameen Paoon Tallay Say Hill Gaee Hai

********************
********************
Main Uss Ki Her Adda Per Mer Mitta Hoon
Laga'ay Gaal Per Jo Till Gaee Hai

********************
********************
Yeh Kiss Nay Churhian Pehnaeen Aa Ker ?
Teri Sari Kalai Chill Gaee Hai

********************
********************
Kahan Ab Phool Sersoon Kay Khillain Ghay ?
Kahan Ab Woh Hawa-e-Dill Gaee Hai

********************
********************
"HASSAN" Ik Shokh Ki Khushbu Ki Soorat
Hamain Dolat Jahan Ki Mill Gaee Hai.

// Second Lot of Ghazals........... printed on 6th March 2004

Rait par likh ke mera naam mitaya na karo

aankhen sach bolti hain, pyaar chupaya na karo

log har baat ka afsana bana lete hain

sab ko haalaat ki rudaad sunaya na karo

ye zaroori nahin har shakhs masiha hi ho

pyaar ke zakhm amaanat hain dikhaya na karo

shahar-e-ehsaas mein pattharaav bahut hain

dil ko shiishe ke jharonkhon mein sajaaya na karo

"shahar-e-ehsaas mein pattharaav bahut hain "Mohsin"

Dear Anumeha ji,

This nazm is of sahir ludhiyanawai . It used to be my very favourite one

but it is not flashing out from my back burner. It could be a part of......

Pyaar per bus toO nahi.n hai lekin phir bhi

Tu batadey ki tujhey pyaar karoon yaa na karoon
Tuney khud apaney tabassum se jagayaa hai jinhe
Un tammannawo.n ka izhaar karoo yaa na karoo.

Meri dermada jawaani ki tamannao.n ki

Muzmahil khwaab ki tabeer batadey mujhako
Terey daaman mein gulistaa.n bhi hain veerani bhi
Meri haasil mery taqdeer bata dey mujhko.

Kanhi aisaa na ho ki paanwa merey tharra jaayen

Aur teri maramari bhaho.n ka sahara na mile
Ashk bahatey raheyn khamosh siyah raato.n mein
Aur terey reshami aanchal ka kinaraa na miley

Perhaps it may not be the one you are looking for, neverthless, it is indeed a
good one by him.
 shyam"saahil"

Anumeha <[email protected]> wrote: Hi,

can u give me the lyrics for the following nazm..
i remember only two lines

hum jise pyaar ka andaaz samajh baithe hain

woh tabassum woh takallum teri aadat hee sahi...

Thanks
Anumeha

Subject: [eBazm] Shaair (Poet) ka Naam ? : Kashti ulajh ke helqa-e-toofaN meiN

reh gai

Kashti ulajh ke helqa-e-toofaN meiN reh gai

Dekho to....kitni door kinaray chalay gayay!

Shaayed tuumharay saathh bhi vaapas na aa sakeN,

Vo valvalay jo saathh tumharay chalay gayay

(?)

Thanks for the addition.......but i just want make a correction ... or ....
resolve a confusion. The couplets i mentioned are from Baikul Istahi sahab. Jo
shair aap nay mention kiyay hain woh Bashir Badr nay is zameen main kahay
hain......woh shair bilkul different hain orginal ghazal say. So we have not
found the orginal ghazal by Baikal Istahi sahab.

I hope u understand this.

Best Regards
Rehan

mansoor sahib, rehan sahib,

i hav heard this ghazal by bashir badra sahib in a mushaira, i think,

writeen by him only. jo sune, woh aashar pesh-e-khidmat-

" sadgi singar ho gayee,

aaino ki haar ho gai;

gham ne jabse mol le liya,

zindgi udhar ho gayee;

doston ka to kafila hai bahoot,

dosti gubar ho gai"

izazat den
animesh

Mere khayalon ki rehghuzar se woh dekhiye woh ghuzar rahe hain

Meri Nighaoun ke aasman se zameene dil per utter rahe hain

Yeh kaise mumkin hay hamnasheeno ke dil ko dil ki khaber na ponche

Unhain bhee hum yaad atte honge ke jinko hum yaad kar rahe hain

Tumare he damqadam se thee jinki mout aur zindaghee aabarat

Bichar ke tumse woh na murad ab na jee rahe hain na marr rahe hain

Aisi mohabbat ki roozo shab hum sunaya karte thee daastanain

Aisi mohabbat ka naam lete howe bhee hum ajj darr rahe hain

Chule hain thorri hee dour thak bas woh saath mere mumtaz phir bhee
Yeh baat kaise main bhool jaoun ke hum kabhi humsafar rahe hain

Tukade tukade din bita, dhajji dhajji raat mili,

Jisaka jitana aanchal tha, utani hi saugaat mili.

Rimjhim boondon me jahar bhi hai, aur amrit bhi,

Aankhen hans di, dil roya…yah achhi barsat mili.

Jab chaha dil ko samjhayeen, hansane ki awaz suni,

Jaise koi kahata ho, Lo……phir tumko ye maat mili.

Maatein kaisi? Ghaten kya? Chalate rahana aath pahar,

Dil-sa sathi jab paya, bechaini bhi saath mili.

Hothon tak aate aate, jane kitane roop bhare,

Jalati bujhati aankhon me, saada si jo baat mili.

-- Meena Kumari.

Hasrat Jaipuri ki ghazal: http://www.urdupoetry.com/hjaipuri01.html

vo apane chehare me.n sau afataab rakhate hai.n

vo apane chehare me.n sau afataab rakhate hai.n

is liye to vo ruKh pe naqaab rakhate hai.n

vo paas baiThe to aatii hai dilab\rubaa Khushbuu

vo apane hoTho.n pe khilate gulaab rakhate hai.n

har ek varq me.n tum hii tum ho jaan-e-mahabuubii

ham apane dil kii kuchh aisii kitaab rakhate hai.n
jahaan-e-ishq me.n sohanii kahii.n dikhaaii de
ham apanii aa.Nkh me.n kitane chenaab rakhate hai.n

Haqeeqatoon ki tamana thi, khawab choRh gaya

woh mere waste kaisa azab choRh gaya

Diya tha mujh ko sabaq bhi usi ne jeene ka

Jo zindagi ka adhoora nisab choRh gaya

Woh paas tha to bikharte the rang khusiyoon ke

chala gaya to ghammon ke azab choRh gaya

wohi hai sham wohi main aur wohi khushboo

woh apni yadoon ke kaise gulab choRh gaya

Ab hum se yeh be kaif din katien kaise ae Zia

woh kyon yeh sham o sehar ka hisab choRh gaya....

Hath choottey bhi to rishtey nahin chora karte

Waqt ki shaakh se lamhe nahin tora karte

Jis ki awaz main silwat ho , nigahon main shikan

aisi tasweer k tukde nahin jora karte

shehd jeene ka milta hai thoda thoda

jaane walon k liye dil nahin tora karte

Lag k sahil se jo behta hai usey behne do

aisey dariya ka kabi rukh nahin mora karte.

Poet: Gulzar.

Johari Phalaao (Atomic Proliferation)

By Muhammad Fazil.
**************

TV peh maafi maanglii, uskaa zameer hai

yeh bhii nahin kahaa, keh Musharruf musheer hai

atom kay kaar-o-baar main tunhaa nahin hai woh

uskaa shareek koii wifaaqii wazeer hai

mujh sey bhii poochtay hain keh kis kis ka haath hai
dast-e-kamaal-e-Beg hai yaa Benazeer hai?

khudhii woh boaltay hain kuch awr soach kar

woh to kaheen nahin joh Arab main aseer hai?

johar phailaanay waalon main shaair bhii aik hai

kitaabon main uska naam Mirza Dabeer hai

Ifreet kay dabaao main katwaa kay dast-o-paa

Libia samajh rahaa hai taraqqii-pazeer hai

aankhon main aakhain daal kay boalaa yeh Koria

jhaarhi awr uska baap kia Munkar-Nakeer hai?

Tony Blair-o-Powell-o-Cheney kay dum sey aaj

Kabul sey Karbala tek khooni lakeer hai

media joh bhii kahay Fazil ko hai yaqeen

bakraa balii ka joh banaa Abdul Qadeer hai!

aankhon ka rang, baat ka lehja badal gaya

woh shakhs aik shaam main kitna badal gaya

kuch din to mera aks raha ayeena naqsh

phir yoon huwa k khud mera chehra badal gaya

jab apnay apnay haal pay ham tum na reh sakay

to kiya huwaa jo ham say zamana badal gaya

kadmon talay jo ret bichi thi woh chal pari

us nay churaaya haath to sehra badal gaya

koi bhi cheez apni jageh par nahin rahi

jaatay hi aik shakhs kay kiya kiya badal gaya

ik sarkhoshi ki moj nay kaisay kiya kamal

wo be niaaz saara ka saara badal gaya

uth kar chala gaya koi wakfay kay darmiaan

parda utha to saara tamaasha badal gaya

hairat say saaray lafz usay dekhtay rahay

baaton main apni baat ko kaisay badal gaya

kehnay ko ik sehan main deewar hi bani

ghar ki fiza makaan ka naqsha hi badal gaya

shaayad wafa kay khel main uktaa gaya tha woh

manzil kay paas aakay jo rasta hi badal gaya

qayem kisi bhi haal pay dunyaa nahin rahi

tabeer kho gayee kabhi sapna badal gaya

manzar ka rang asal main saaya tha rang ka

jis nay usay jidhar say bhi dekha badal gaya

andar kay mosaamon ki khabar us ko ho gayee

us no bahaar naaz ka chehra badal gaya

aankhon main jitnay ashaq thay jugnoo say ban gaye

woh muskuraaya aur meri dunyaa badal gayee

apni gali main apna hi ghar dhoondtay hain log

"amjad" yeh kon shehar ka naqsha badal gaya

Share the fun. Invite your friends to join eBazm.

------------------------------------------------------------------------------
--
Yahoo! Groups Links

To visit your group on the web, go to:

http://groups.yahoo.com/group/ebazm/

To unsubscribe from this group, send an email to:

[email protected]

Your use of Yahoo! Groups is subject to the Yahoo! Terms of Service.

Here is corected sher

Ujale apni yadon ke hamare sath rahne do,

na jane kis gali main zindagi ki shaam ho jaye,

And here is the full ghazal. I myself asked for this ghazal on Ebazm
only and get it from Nandini Ji.

this ghazal is by basheer badra sahab.

hamara dil sawere ka sunahra jaam ho jaye,

charagon ki tarah ankh jale jab shaam ho jaye,

main khudbhi ahetiyatan us gali se kam guzarta hoon,

koi masoom mere liye kyun badnam ho jaye,

ajab halat theyun dil ka sauda ho gaya akhir,

mohabbat ki haveli jis tarah neelam ho jaye,

samandar ke safar main is tarh aawaz do humko,

hawayen tez ho aur kashtiyon me shaam ho jaye,

mujhe maloom hai uska thikana phir kahan hoga,

parinda aaasman choone main jab naakaam ho jaye,

ujale apni yadon ke hamare sath rahne do,

na jane kis gali main zindagi ki shaam ho jaye,

Regards,
--Anoop
Tu kaatil tera chehra kaatil
Chehre ka ye kala til bhi katil
bhool kar bhi kahin tum dekh na lena aaina
ki kahin mar na de katil ko katil

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Bikhari hui zulfoon ko girahgeer bana lo,

rakhna hai mujhe kaid to zanjeer bana lo
kaagaz pe lakeeren to bahut kheech le tumne,
ab sab ko mila kar meri tasveer bana lo

-- Hitesh

lagta nahin hai ji mera ujde dayaar mein

kis ki bani hai alam e napaidaar mein

bulbul ko pasban se na saiyaad se gila

qismat mein qaid thi likhi fasl e bahaar mein

kehdo musarraton se yeh kahin aur jaa basein

itni jaga kahan hai dil e daaghdaar mein

umr e daraaz maang ke laiy thay chaar din

do arzoo mein kat gaye do intezaar mein

hay kitna badnaseeb Zafar (this is where i forget)

do gaz zameen na mil saki kooay yaar mein

Ab to hum ghar se nekaltey hain to rakh detey hain

Taaq per izzat-i-sadaat bhi dastaar ke saath.

Eik to Khaab leay phirte ho galiyon galiyon

Us pe takrar bhi karte ho khareedar ke saath

Shehr Ka shehr he naaseh ho to phir kya kejay

verna hum rind to bhiR jaatey hain do chaar ke saath

humko is shehr mein taamir ka sauda hae jahan

log memaar ko chun detay haen deevar ke saath

(Ahmad Faraz)

~Maan~

Yeh Kambyabian Yeh Izaat Yeh Naam Tum Say Hay

Khuda Nay Jo Bhi Dia Hay Maqam Tum Say Hay
Tumharay Dum Say Hay Meray Laho Main Khiltay Gulab
Meray Wajood Ka Sara Nizaam Tum Say Hay

Kahan Basat Jahan Aur Main Kumsin O Nadan

Yeh Mere Jeet Ka Sab Aihtmam Tum Say Hay

Jahan Jahan Hay Mere Dushmini Sabab Main Hoon

Jahan Jahan Hay Mera Aihtram Tum Say Hay

Hope its what you need.

GHAZAL

Kion uljhay uljhay rehte ho

Kion tanha tanha phirte ho
Wo
Chamak naheen hai aankhoon main
Wo mehak naheen hai batoon main
Hontoon ki hansi
Aur mizaaj ki
shooki kaha chor aaye
Wo
Behr-e-mohabbat ki mojain
Kis raste tum moar aaye
Koi baat
Naheen ab pehle si
Kion bhatke bhatke phirte ho
Kion
Apne aap se larte ho
Yun gumsum rehna chor chalo
Tum
Khush khush rehna seekh chalo
Thori kohsih aur karo
Tum pehle jaise achay ho
Eik baat goosh guzaar karoon
Ager baat ko meri sach samjho
Tumhara hansna acha lagta hai
Yun chup chup rehna chor bhi do
Tum waqi achay insaan ho
Her haal main achay lagte ho.

Apnay chehray say jo zahir hai, chupain kaisay,

Teri marzi kay mutaabik nazar aaain kaisay !

Ghar sajanay ka tassavur to bahut baad ka hai,

Pehlay yeh tay ho ki is gahr ko bachain kaisay !

Kah-kahan aankh ki bartav badal deta hai,

Hasnay vaalay tujhay aansoon nazar aaain kaisay !

Koi apni hi nazar say to hamay dekhayga,

Ek qatray ko samundar nazar aaain kaisay !

Apnay chehray say jo zahir hai, chupain kaisay,

Teri marzi kay mutaabik nazar aaain kaisay !

Main udaas raasta hoon shaam ka,teri aahaton ki talaash hai,

Yeh sitare sab hain bujhe bujhe , mujhe jugnuon ki talaash hai.

Woh jo ek dariya tha aag ka, sabhi raaston se guzar gaya,

Tumhein kab se ret ke sheher mein,nayi baarishon ki talaash hai.

Naye mausamon ki udaan ko,abhi iski koi khabar nahin,

Tere aasmaan ke jaal ko,naye panchhiyon ki talaash hai.

Mere doston ne sikha diya,mujhe apni jaan se khelna,

Meri zindagi tujhe kya khabar,mujhe qaatilon ki talaash hai.

Teri meri ek hain manzilen,wohi justujoo wohi aarzoo,

Tujhe doston ki talaash hai,mujhe dushmanon ki talaash hai

By : Bashir Badr Sahab

lazat-e-gham barha di jiye

aap youun muskara di jiye

keemat-e-dil bata di jiye

khaak lay kar ura di jiye

aap andharay main kab tak rahain

phir koi ghar jala di jiye

chand kab tak gahin main rahaye

aap zulfain hata di jiye

mera daaman bahut saaf hai

koi tahumat laga di jiye

eik samandar nain awaz di

mujh ko pani pila di jiye

Iss Tarrah Tou Hotta Hai

Qn Uddas Phirtay Ho Serdion Ki Shamoon Main?

Iss tarrah Tou Hotta Hai Iss Tarrah Kay Kamoon Main.

Sara Din Andheray Main Raat Bher Khiyaloon Main

Iss Tarah Tou Hotta Hai Iss Tahrah Kay Kamon Main

Chup Say Ho Gaay Ho Qn Baat Qn Naheen Kertay ?

Chotti Chotti Batoon pay Jetay Ji Naheen Mertay
Hath Kalay Kertay Ho Naam Likh Kay Hathoon Main
Iss Tarrah Tou Hotta Hai Iss Tarah Kay Kamoon Main

Nazm Jo Sunani Thi Nazm Woh Suna Di Hai

Baat Samjhani Thi Baat Samjha Di Hai
Waqt Ho Gayya Apna Phir Millain Ghay Khwaboon Main
Iss tarrah Tou Hotta Hai Iss Tarrah Kay Kamoon Main.

Toot Jaate Hain Sabhi Rishte Magar

Dil Se Dil Ka Raabta Apni Jagah
Dil Ko Hai Tujh Se Na Milne Ka Yaqeen
Tujh Se Milne Ki Dua Apni Jagah

Falak Ke Teer Ka Kya Nishana Tha

Idhar Mera Ghar, Udhar Uska Aaashiyana Tha
Puhunch Rahi Thi Kinare Pe Kashti-E-Umeed
Usi Waqt Is Tofaan Ko Bhi Yahaan Aana Tha

Aisa lagta hai zindagi tum ho

Ajnabee, kaise ajnabee tum ho?
Main zameen par ghana andhera hoon
Aasmaanon ki chaandini tum ho

Ab koi aarzoo nahin baakee

joostjoo meree aakhree tum ho
Doston-se wafa ki ummeeden!
Kis zamaane ke aadmee tum ho?

Tujhko dekhenge to sitare bhi Zia maangen ge

Pyaase teri zulfon se ghataa maange ge
Apne maathe se yun aanchal ko na sarkaa dena
Varna buddhe bhi jawaani ki dua maange ge

Majid Deobandi
tumhe.n hai shauq agar bijaliyaa.N giraane kaa

tumhe.n hai shauq agar bijaliyaa.N giraane kaa

hamaaraa kaam bhii hai aashiyaa.N banaane kaa

bhalaa vo kaise samandar ke paar utaregaa

nafas nafas jinhe.n Khadshaa hai Duub jaane kaa

sunaa hai aap hai.n maahir havaa chalaane me.n

magar hame.n bhii hunar hai diye jalaane kaa

Recited at Red Fort mushaira, New Delhi on 23rd January, 2001

Adaab..aap sab ki nazar,,,Faraz saab ki aik ghazal......

shiddateN barhti gayi hijr ke azaar ke saath

ab to hum baat bhi karte nahi ghamkhwaar ke saath

ab to hum ghar se nikalte haiN to rakh daite haiN

taaq main izzat-e-sadaat bhi dastaar ke saath

aik to khwaab liye phirte ho galiyoN galiyoN

us pe takraar bhi karte ho kharidaar ke saath

hum ko us shehr maiN taameer ka saudaa hay jahaaN,

log me'maar ko chun daite haiN diwaar ke saath

aisi wahshat hay ke is shehr ki galiyoN maiN FARAZ!

chaap sunte haiN to lag jaate hain diwaar ke saath.

- Ahmed Faraz

Hoo Kitnay Mazboot Eraday,

Chahat Say Bach Kar Chalnay Kay,

Lakh Yah Khowahish Mann Main Aajay

Dil Kay Dar Per Jo Dastak Dain, In Hatoon Ko,

Mayoosi Ke Deemak Chatay,

Pher Bhi Easa Ho Sakta Hay,

Bheer Main Bethay Bethay Koee,

Khud Ko Yakdem Kho Sakta Hay,

Lakin Janaan!!!
Phooloon Jesay Tum Lagtay Ho,

Kantoon Say Beopaar Na Karna.

Dekho, Mujh Say Piyaar Na Karna..

apnay ehsas sy choo k mujhey sandal kerdo

sadyo sy adhora ho mukammal kardo

Shaam Furqat Dhalay Hum Nahi Chahtay

Ghum Say Fursat Milay Hum Nahi Chahtay

Phir Naya Waar Sehnay Ko Tayar Hain

Tu Parishan Rahay Hum Nahi Chahtay

Aaj Ansoo Bahanay Say Maat Rookay

Aaj Barish Tamay Hum Nahi Chahtay
Hum Teray Baad Ujray Hoay Thik Hain
Ab Kahin Dil Lagay Hum Nahi Chahtay

Teray Pekar Ko Hum Dekhtay Hi Rahain

Tu Nazar Say Hatay Hum Nahi Chahtay

Kis Qadar Dil Nasheen Hai Yeh Mojon Ka Shoor

Ghum Ka Darya Rukay Hum Nahi Chahtay

Iss Qadar Pyar Say Tu Pukara Na Kar

Aag Dil Ko Lagay Hum Nahi Chahtay

Jaise Jhanna Ke Chatak Jaaye Taar Kisi Saaz Ka

Jaise Resham Ki Kisi Dor Se Kat-ti Hai Ungli
Aise Ek Zarb Si Padti Hai Kahi Seene Ke Andar
Jab Khinch-kar Todni Pad Jaati Hai Tujhse Nigaahe
---
Tere Jaane Ki Ghadi...Aah, Badi Sakht Ghadi Hai!!

Makhdoom Muhi-uddin

yahii.n kii thii mohabbat ke sabaq kii ibtadaa mai.n ne

yahii.n kii jurrat-e-izhaar-e-harf-e-mudd'a mai.n ne
yahii.n dekhe the ishv-e-naaz-o-a.ndaaz-e-haya mai.n ne
yahii.n sunii thii dil kay dha.Dakane kii sadaa mai.n ne

yahii.n kheto.n me.n paanii ke kiinare yaad hai ab bhii

dilo.n me.n izdaham-e-aarazuu lab ba.nd rahate the

nazar se guftaguu hotii thii dam ulfat kaa bharate the
na maathe par shikan hotii, na jab tevar badalate the
Khudaa bhii muskuraa detaa thaa jab ham pyaar karate the
yahii.n kheto.n me.n paanii ke kiinare yaad hai ab bhii
wo kyaa aataa ke goyaa daur me.n jaam-e-sharaab aataa
wo kyaa aataa rangilii raaganii rangii.n rabaab aataa
mujhe rangiiniyo.n me.n rangane wo rangii.n sahaab aataa
labo.n kii mai pilaane jhuumataa mast-e-shabaab aataa
yahii.n kheto.n me.n paanii ke kiinaro yaad hai ab bhii

hayaa ke bojh se jab har qadam par laGazishe.n hotii.n

fazaa.N me.n mu.ntashar rangii.n badan kii larzishe.n hotii.n
rabaab-e-dil ke taaro.n me.n musalasil jumbishe.n hotii.n
Khifaa-e-raaz kii pur_lutf baham koshishe.n hotii.n
yahii.n kheto.n me.n paanii ke kiinare yaad hai ab bhii

balaa-e-fikr-e-fardaa hamase koso.n duur hotii thii

suruur-e-sarmadii se zindagii maamuur hotii thii
hamaarii Khilwat-e-masuum rashq-e-tuur hotii thii
malak jhuulaa jhulaate the Gazal-Khwaa.N huur hotii thii
yahii.n kheto.n me.n paanii ke kiinare yaad hai ab bhii

na ab wo khet baaqii hai.n na wo aab-e-rawaa.N baaqii

magar us aish-e-raftaa kaa hai ik dhu.ndalaa nishaa.N baaqii

zabaan-e-hind hai urduu

zabaan-e-hind hai urduu to maathe kii shikan kyuu.N hai

vatan me.n be-vatan kyuu.N hai

[shikan = frown]

merii mazaluum urduu terii saa.Nso.n me.n ghuTan kyuu.N hai

teraa lahajaa mahakataa hai to lafzo.n me.n thakan kyuu.N hai
agar tuu phuul hai to phuul me.n itanii chubhan kyuu.N hai
vatan me.n be-vatan kyuu.N hai

[mazaluum = oppressed; ghuTan = suffocation]

[lahajaa = style/manner; thakan = fatigue]

ye naanak kii ye Khusro kii dayaa shankar kii bolii hai

ye diivaalii ye baisaakhii ye iid-ul-fitr holii hai
magar ye dil kii dha.Dakan aaj kal dil kii jalan kyuu.N hai
vatan me.n be-vatan kyuu.N hai

ye naazo.n se palii thii miir ke Gaalib ke aa.Ngan me.n

jo suuraj ban ke chamakii thii kabhii mahalo.n ke daaman me.n
vo shah-zaadii zabaano.n kii yahaa.N be-anjuman kyuu.N hai
vatan me.n be-vatan kyuu.N hai

[be-anjuman = without a gathering/assembly (alone)]

muhabbat kaa sabhii elaan kar jaate hai.n mahafil me.n
ke is ke vaaste jazbaa hai ham-dardii kaa har dil me.n
magar haq maa.Ngane ke vaqt ye begaanaapan kyuu.N hai
vatan me.n be-vatan kyuu.N hai

[elaan = proclaimation; jazbaa = feeling; ham-dardii = sympathy]

[begaanaapan = indifference/aloofness]

ye doshiizaa jo baazaaro.n se iThalaatii guzaratii thii

labo.n kii naazukii jis kii gulaabo.n sii bikharatii thii
jo tahaziibo.n kii sar kii o.Dhanii thii ab kafan kyuu.N hai
vatan me.n be-vatan kyuu.N hai

[doshiizaa = young girl; naazukii = delicacy; tahaziib = culture/etiquette]

[o.Dhanii = veil; kafan = shroud]

muhabbat kaa agar daavaa hai to is ko bachaao tum

jo vaadaa kal kiyaa thaa aaj vo vaadaa nibhaao tum
agar tum raam ho to phir ye raavan kaa chalan kyuu.N hai
vatan me.n be-vatan kyuu.N hai

Manzar Bhopali...

ab ke ham bichha.De to shaayad kabhii Khvaabo.n me.n mile.n

ab ke ham bichha.De to shaayad kabhii Khvaabo.n me.n mile.n

jis tarah suukhe hue phuul kitaabo.n me.n mile.n

Dhuu.NDh uja.De hue logo.n me.n vafaa ke motii

ye Khazaane tujhe mumkin hai Kharaabo.n me.n mile.n

[uja.De=desolated, ruined; Kharaab=bad]

tuu Khudaa hai na meraa ishq farishto.n jaisaa

dono.n insaa.N hai.n to kyo.n itane hijaabo.n me.n mile.n

[hijaab - veil, here it means barrier]

Gam-e-duniyaa bhii Gam-e-yaar me.n shaamil kar lo

nashaa ba.Dataa hai sharabe.n jo sharaabo.n me.n mile.n

aaj ham daar pe khe.nche gaye jin baato.n par

kyaa ajab kal vo zamaane ko nisaabo.n me.n mile.n

ab na vo mai.n huu.N na tu hai na vo maazii hai `Faraaz',

jaise do shaKhs tamannaa ke saraabo.n me.m mile.n

[maazii=past; saraab - illusion, mirage]

Ahmad Faraz.....

ab ke rut badalii to Khushbuu kaa safar dekhegaa kaun

ab ke rut badalii to Khushbuu kaa safar dekhegaa kaun
zaKhm phuulo.n kii tarah mahake.nge par dekhegaa kaun

dekhnaa sab raqs-e-bismal me.n magan ho jaaye.nge

jis taraf se tiir aayegaa udhar dekhegaa kaun

vo havas ho yaa vafaa ho baat maharuumii kii hai

log to phal-phuul dekhe.nge shajar dekhegaa kaun

[maharuum=deprived; shajar=tree]

ham chiraaG-e-shab hii jab Thahare to phir kyaa sochanaa

raat thii kis kaa muqaddar aur sahar dekhegaa kaun

[chiraaG-e-shab=night lamp]

aa fasiil-e-shahar se dekhe.n Ganiim-e-shahar ko

shahar jalataa ho to tujh ko baam par dekhegaa kaun

[fasiil-e-shahar=city wall/boundary; Ganiim-e-shahar=city's enemy]

Ahmad faraz....

ab kis kaa jashn manaate ho us des kaa jo taqsiim huaa

ab kis ke giit sunaate ho us tan-man kaa jo do-niim huaa

[taqsiim=divided; do-niim=cut in two]

us Khvaab kaa jo rezaa rezaa un aa.Nkho.n kii taqadiir huaa

us naam kaa jo Tuka.Daa Tuka.Daa galiyo.n me.n be-tauqiir huaa

[rezaa-rezaa=pieces; be-tauqiir=disrespect]

us parcham kaa jis kii hurmat baazaaro.n me.n niilaam hu_ii

us miTTii kaa jis kii hurmat mansuub uduu ke naam hu_ii

[parcham=flag; hurmat=respect/honour; niilaam=auction]

[mansuub=nominated/appointed; uduu=enemy]

us jang ko jo tum haar chuke us rasm kaa jo jaarii bhii nahii.n

us zaKhm kaa jo siine pe na thaa us jaan kaa jo vaarii bhii nahii.n

[jang=war; vaaranaa=to offer in sacrifice]

us Khuun kaa jo bad_qismat thaa raaho.n me.n bahaayaa tan me.n rahaa
us phuul kaa jo beqiimat thaa aa.Ngan me.n khilaa yaa ban me.n rahaa

[ban=jungle]

us mashriq kaa jis ko tum ne neze kii anii marham samajhaa

us maGarib kaa jis ko tum ne jitana bhii luuTaa kam samajhaa

[mashriq=east; nezaa=spear; anii=spear's point]

[marham=salve/ointment; maGarib=west]

un maasuumo.n kaa jin ke lahuu se tum ne farozaa.N raate.n kii.n

yaa un mazaluumo.n kaa jis se Khanjar kii zubaa.N me.n baate.n kii.n

[farozaa.N=illuminate; mazaluum=oppressed]

us mariyam kaa jis kii iffat luTatii hai bhare baazaaro.n me.n
us iisaa kaa jo qaatil hai aur shaamil hai Gam_Khvaaro.n me.n

[iffat=chastity]

in nauhaagaro.n kaa jin ne hame.n Khud qatl kiyaa Khud rote hai.n
aise bhii kahii.n dam_saaz hue aise jallaad bhii hote hai.n

[nauhaagar=mourner; dam_saaz=supporting; jallaad=executioner (cruel)]

un bhuuke nange Dhaa.Ncho.n kaa jo raqs sar-e-baazaar kare.n

yaa un zaalim qazzaaqo.n kaa jo bhes badal kar vaar kare.n

[Dhaa.Nchaa=skeleton; raqs=dance; qazzaaq=dacoit]

yaa un JhuuTe iqaraaro.n kaa jo aaj talak aifaa na hue

yaa un bebas laachaaro.n kaa jo aur bhii dukh kaa nishaanaa hue

[aifaa=to fulfill]

is shaahii kaa jo dast-ba-dast aa_ii hai tumhaare hisse me.n

kyo.n nang-e-vatan kii baat karo kyaa rakhaa hai is qisse me.n

[shaahii=royal]

aa.Nkho.n me.n chhupaaye ashko.n ko ho.nTho.n me.n vafaa ke bol liye

is jashn me.n bhii shaamil huu.N nauho.n se bharaa kashkol liye

[nauhaa=lamentation; kashkol=beggar's bowl]

Contributed by Fayaz Razvi

Ahmad faraz

badan me.n aag sii cheharaa gulaab jaisaaa hai

ke zahar-e-Gam kaa nashaa bhii sharaab jaisaa hai

kahaa.N vo qurb ke ab to ye haal hai jaise

tere firaaq kaa aalam bhii Khvaab jaisaa hai

magar kabhii ko_ii dekhe ko_ii pa.Dhe to sahii

dil aa_iinaa hai to cheharaa kitaab jaisaa hai

vo saamane hai magar tishnagii nahii.n jaatii

ye kyaa sitam hai ke dariyaa saraab jaisaa hai

[tishnagii=thirst, saraab=illusion/mirage ]

'Faraz' sang-e-malaamat se zaKhm zaKhm sahii

hame.n aziiz hai Khaanaa_Kharaab jaisaa hai
raaz keh daytay hai nazuk say esharay aksar
kitni khamosh mohabbat ki zuban hoti hai

lehroan ki khamoshi pay na ja aay mizaj-e-doost

gehray samndaro may bada irteaash hai

may tujh may dhahdknay lagi ho dil ki terha .........

yeh or baathai k ab bhi tujhey sunaee na doo

Buss mera ho

Jisko toot kar pyar karoon

Apni chahat ka izhaar karoon

Jub woh roothay to manaoon mein
Pyar say dekhay woh to sharmaoon mein
Uski baanhon mein hur pal guzaroon
Subha, shaam, din, aur raat guzaroon
Jisko apnay galay se lagaoon mein
Jiski ankhon mein dekhte he doob jaaon mein
Aik din to usko dil mein basaoongi
Kuch bhi hojaye lekin usko mein apnaoongi" !!

kitnay din beet gayay hain daikho to sahi

kitnay chiragh bujh gayay hain daikho to sahi
mausam bahar ka phir tanha guzar gaya
khizaan ek bar phr agayee hai daiho to sahi

kitni chahat say likhti thi mai naam tumhara

wo qalam hi tor dia hai zara daikho to sahi
anchal mai apnay chupayay thay moti bohat
ab k zabt tutnay say saylab ravan hai daikho to sahi

ana rokti hai mujhay har bar jhuknay say magar

kitni bar tumnay jhukaya hai daikho to sahi
faqeer ban kar teray kuchay mai akar "Saroo?
kitni aas say daikhtay hain tumhain daikho to sahi

MUJHEY KIYON YAQEEN HAI ABB TAK

TUMHEEN YAAD MERI ATTI HAI
MUJHEY KIYON YAQEEN HAI ABB TAK
TUMHEEN CHAANDNI SATTATTI HAI
MUJHEY KIYON YAQEEN HAI ABB TAK
TUMHEEN INTIZAAR MERA HAI

MUJHEY KIYON YAQEEN HAI ABB TAK

TUM PEE HAQ SIRF MERA HAI
MUJHEY KIYON YAQEEN HAI ABB TAK
TUM DIL SEY MUJH PEY MARTEY HO
MUJHEY KIYON YAQEEN HAI ABB TAK
TUM PYAR MUJH SEY KARTEY HO
MUJHEY KIYON YAQEEN HAI ABB TAK

dil barbad se nikla nahin ab tak koi...

ik lutay ghar pay bhi Aah deta hey dastak koi
Aas jo toot gaye phir se bandhta kion hey...

ik zara hath barha dein to pakar lein daman

us ke seeny mein sama jaye hamari dhadkan...

itni qurbat hey to phir phasla itna kion hay..
..tum musarrat ka kaho ya ise gham ka rishta.
kehty hein pyar ka rishta hey yeh....
janam ka rishta hey,
janam ka jo yah rishta haito badalta kion hey
koi yeh kasiay bataye keh woh tanha kion hey.
woh jo apna tha wohi aur kisi ka kion hey....

ik zara hath barha dein to pakar lein daman

ulafat ki her nigha se bichne k bawajod

damon chora sake na teri dosti sa hum

parakhna mat, parakhney mein koi apna nahi rehta

kisi bhi aainey mein der tak chehra nahin rehta

baRe logon se milne mein hamesha faasla rakhna

jahaan dariya samandar se mila dariya nahin rehta

haath maltey hein Kausar-o-tasneem...

teri aankhon mein roop ka ras hai...
meray shaanon pay zulf rehnay day...
yeh andhera bada muqqaddas hai...

farishtey aatey haein haathon ko choomnay kay liye...

khuda ki shaan hein meray pri-jamaal kai haath...
tammam surkh samandar ka ho gaya paani...
abhi gaye hein woh mehndi bharey khangaal kay haath...
tum jo hansti ho to mastana kanwal lagti ho...
meer ka shair ho ghaalib ki ghazal lagti hoo...
sang-e-mar-mar say tarasha hua shaffaf badan
saans leta hua ek taj mahal lagti ho...

tumhaare shehr ka mausam naye andaaz wala hai

hamaare shehr mein bhi ab koi hum sa nahin rehta

mohabbat aik khusboo hai, hamesha saath chalti hai

koi insaan tanhaai mein bhi tanha nahin rehta

Ek Shakhs iss tarah meray dil main utter gaya

Jaisay woh jaantaa ho meray dil k raastay

kabhi pehle chand ki neem shab kisi kunj-e-gum k andhair main

mili her qadam tujhe roshani merey jugnuoon ka hisaab kar.

[email protected]

jise chaho use ehsase kudai de do....

silsala piyar ka rakho to ebadet jesa

Chah ker chandni bhi us husn ko pohanch na sakee

nikhar ke phool bhi us ka shabaab laa na sakay

Hazar Gardish-e-doraan ke saath khail chukkay

magar tumharee nazar ka mizaaj paa na sakay
jhujik jhuuik ker nazar un ke dil tak aa pohanchii
yeh woh safar hai ke manzil jise bhula na sakay

Kabhi yoon bhi to ho k tujh mein dhal jaon mein,

Jo teri yaad mein khud aap say nikel aaon mein....,
Rakho chahay chupa ker jahan kaheen bhi tum..
Socho kabhi mujhay to ankhon mein jhilmilaon mein....

apanii rusavaa_ii tere naam ka charchaa dekhuu.N

ek zaraa sher kahuu.N aur mai.n kyaa kyaa dekhuu.N

niind aa jaaye to kyaa mahafile.n barpaa dekhuu.N

aa.Nkh khul jaaye to tanhaa_ii kaa sahara dekhuu.N
shaam bhii ho ga_ii dhundhalaa ga_ii aa.Nkhe.n bhii merii
bhuulanevaale mai.n kab tak teraa rastaa dekhuu.N

sab zide.n us kii mai.n puurii karuu.N har baat sunuu.N

ek bachche kii tarah se use ha.Nstaa dekhuu.N

mujh pe chhaa jaaye vo barasaat kii Khushbuu kii tarah

ang ang apanaa usii rut me.n mahakataa dekhuu.N

tuu merii tarah se yaktaa hai magar mere habib

jii me.n aataa hai ko_ii aur bhii tujh saa dekhuu.N

mai.n ne jis lamhe ko puujaa hai use bas ek baar

Khvaab ban kar terii aa.Nkho.n me.n utarataa dekhuu.N

tuu meraa kuchh nahii.n lagataa hai magar jaan-e-hayaat

jaane kyo.n tere liye dil ko dha.Dakataa dekhuu.N

qurbatein achi hain magar itn abhi na mil

tujh ko meray rog poray lag jaein

Ek Shakhs iss tarah meray dil main utter gaya Jaisay woh jaantaa ho meray dil
k raastay.

Mujhay bas itna kehna hai??

Kabhi main yaad aaoon to?.. Kabhi tanhai ki raatain??.
Tumhain ziada sataein to??. Kabhi titli na bolay to?..
Aur jugnoo lout jaye to?? Kabhi jab dil bhi bhar jaye??
Koi jab sun na paye to?? Agar sab dost sathi bhi??
Jo tum se rooth jaaein to?? Kabhi jab khud se lar lar kar?..
Thakan say choor ho jao??. Kabhi chahtay huay bhi khud?..
akelayRo na paao to?.

Apni aankhon ko band karna?..

Mujhay aawaz de dena?..

Jo chaho batain keh dena??. Meray kaandhay pe sir rakh kar??

Tum jitna chaho ro lena??. Phir khud main jab loat jao to??
Us he duniya main chalay jana??. Magar bas itna kehna hai??
Ke jab bhi dukh ya khushiyon main?..
Hamain dil se pukaro gay?? Hamain tum saath pao gay.......

Yeh din yeh raat yeh lamhay achay lagtay hain

Tumhain sochou to saray silslay achay lagtay

barbaad tamannaa pe ataab aur zyaadaa

haa.N merii mohabbat kaa javaab aur zyaadaa

roye na abhii ahal-e-nazar haal pe mere

honaa hai abhii mujh ko Kharaab aur zyaadaa

aavaaraa-va-majanuu.N hii pe maukuuf nahii.n kuchh

milane hai.n abhii mujh ko Khitaab aur zyaadaa

uThe.nge abhii aur bhii tuufaa.N mere dil se

dekhuu.Ngaa abhii ishq ke Khvaab aur zyaadaa

Tapakegaa lahuu aur mere diidaa-e-tar se

dha.Dakegaa dil-e-Khaanaa_Kharaab aur zyaadaa

ai mutrib-e-bebaak ko_ii aur bhii naGmaa

ai saaqii-e-fayyaaz sharaab aur zyaadaa

Home | Index of Poets Majaz Lucknawi

husn ko be-hijaab honaa thaa

shauq ko kaamayaab honaa thaa

hijr me.n kaif-e-iztaraab na puuchh

Khuun-e-dil bhii sharaab honaa thaa

tere jalvo.n me.n ghir gayaa aaKhir

zarre ko aafataab honaa thaa

kuchh tumhaarii nigaah kaafir thii

kuchh mujhe bhii Kharaab honaa thaa

raat taaro.n kaa TuuTanaa bhii 'Majaz'

baa_is-e-iztaraab honaa thaa

Home | Index of Poets Majaz Lucknawi

husn phir fitnaagaar hai kyaa kahiye

dil kii jaanib nazar hai kyaa kahiye

phir vahii rahaguzar hai kyaa kahiye

zindagii raahabar hai kyaa kahiye

husn Khud pardaadaar hai kyaa kahiye

ye hamaarii nazar hai kyaa kahiye

aah to be-asar thii baraso.n se

naGmaa bhii be-asar hai kyaa kahiye

husn hai ab na husn ke jalve

ab nazar hii nazar hai kyaa kahiye

aaj bhii hai 'Majaz' Khaak_nashii.n

aur nazar arsh par hai kyaa kahiye

Home | Index of Poets Majaz Lucknawi

javanii ke hiile hayaa ke bahaane
ye maanaa ke tum mujh se pardaa karogii
ye duniyaa magar tujh sii bholii nahii.n hai
chhupaa ke muhabbat ko rusvaa karogii

ba.Dii koshisho.n se ba.Dii Khvaahisho.n se

tamannaa ke sahamii hu_ii saazisho.n se
milegaa jo maukaa to bechain hokar
dariicho.n se tum mujhako dekhaa karogii

sataayegii jab chaa.Ndanii kii udaasii

dukhaayegii dil jab fizaa kii Khaamoshii
ufaq kii taraf Khaalii nazare.n jamaakar
kabhii jo na sochaa vo sochaa karogii

kabhii dil kii dha.Dakan mahasuus hogii

kabhii ThanDii saa.Nso.n kii tuufaa.N uThegii
kabhii gir ke bistar pe aahe.n bharogii
kabhii jhuk ke takiye pe royaa karogii

Premwar Burtoney...

kabhii to khul ke baras abr-e-meharabaa.N kii tarah

meraa vajuud hai jalate hue makaa.N kii tarah

bharii bahaar kaa siinaa hai zaKhm zaKhm magar

sabaa ne gaaye hai.n lorii shafiiq man kii tarah

vo kaun thaa jo barahanaa badan chaTTaano.n se

lipaT gayaa thaa kabhii bahr-e-bekaraa.N kii tarah

sakuut-e-dil to jaziiraa hai barf kaa lekin

teraa Khuluus hai suuraj ke saayebaa.N kii tarah

mai.n ik Khvaab sahii aap kii amaanat huu.N

mujhe sambhaal ke rakhiyegaa jism-o-jaa.N kii tarah

kabhii to soch ke vo shaKhs kis qadar thaa bula.nd

jo bichh gayaa tere qadmo.n me.n aasmaa.N kii tarah

bulaa rahaa hai mujhe phir kisii badan kaa basa.nt

guzar na jaaye ye rut bhii kahii.n Khizaa.N kii tarah

lahuu hai nisf sadii kaa jis ke aabagiine me.n

na dekh "Prem" use chashm-e-arGavaa.N kii tarah

bas isii soch me.n huu.N Duubaa huaa

ye nadii kaise paar kii jaaye

mere maazii ke zaKhm bharane lage

aaj phir ko_ii bhuul kii jaaye
... Rahat Indori
log har mo.D pe ruk ruk ke sambhalate kyuu.N hai.n
itanaa Darate hai.n to phir ghar se nikalate kyuu.N hai.n

mai.n na juganuu huu.N diyaa huu.N na ko_ii taaraa huu.N

raushanii vaale mere naam se jalate kyuu.N hai.n

niind se meraa ta'alluq hii nahii.n baraso.n se

Khvaab aa aa ke merii chhat pe Tahalate kyuu.N hai.n

mo.D hotaa hai javaanii kaa sambhalane ke liye

aur sab log yahii.n aake phisalate kyuu.N hai.n
...Rahat Indori...

Message: 7
Date: Thu, 15 Apr 2004 00:41:39 +0100 (BST)
From: Phool <[email protected]>
Subject: Bund pulkon tely

Bund pulkon tely

Bund pulkon tely tery khawab liey seher her roz utarti hia
Zzesat ka unwan budal daloon yeh khawahish ubherit hia

Dil-gumrah ko koe awaz to do

Meri ankhon mein koe tasweer ubherti hia

Bus youn ho key hath berhaon or pa loon tujh ko

Naheen kiyoon ser-e-husat, wsal ki munzil sukerti hia ?

Moj-e-saba ab koe rah to dikhlaye

Bund-e-kaba perdon ki sawan mein nikherti hia

In lufzon ko youni girney do smaayat per

Mehsoos yeh hota hia key tuqdeer sunwaerti hia

Teri deed, teri aanhon sey daman bucha ker

Meri zeesat ki her rah guzerti hia

Tujhey paaney ka hosla hia na cohrney ki sakat

Ajab kashmakash liey her subh, yeh shaam guzerti hia

Mien bund kerloon ankhien to phir jabeen holey sey

Sir-dil teri suda-e- khushandaam bukherti hia

Dil mein jo baat hai , woh baat kahogi kab tak....

Dekhna yeh hai kai, khaamosh rahogi kab tak
kab tak is baat ko honton pay na laaoigi tum
kab tak is jazba-e-ulfat ko chupaaoigi tum
kab tak is raah say katra kay chalogi tanhaa
kab tak is aag mein chup chaap jalogi tanha

Dard furqat ka meri jaan sahogi kab tak.......

dil ki woh baat jo honton pay thehar jaati hai

jii jalaati hai tumhara, tumhein tarpaati hai
lab pay laatey hua bhi jis ko hijaab aata hai
bin kahe bhi jisay dil chain nahin paata hai

chup kay darya mein khamoshi say bahoogi kab tak......

Dekhna yeh hai kai, khaamosh rahogi kab tak

Hijr kai maahtaab sun.....

ham bhi hein teray humsafar

ham say bhi koi baat kar
ham to teray rafeeq hein
ham say na ijtanaab kar
dasht-e-firaaq-e-yaar mein
azal kay ham rakaab sun.....

bakht mein jab na chain ho

waqt say kiya gila karein
us say kahan mila karein
raah mein us ko rok lein ????
kaisay yeh hosla karein !?!?!?!?
tu to hamaarey saath chal
tu to hamaarey khwaab sun....

taaron mein intashaar hai

kis ki nigah kay sabab?
apni hi chah kai sabab !
ham nay jisay ganwa diya
shiddat-e-raah kay sabab
us kay gham-e-firaaq ka
ham say kabhi hisaab sun.....

Hijr kai maahtaab sun.....

Himayat Ali Shair ki Ankahi aur Partov...

Tujh ko maloom nahin tujh ko bhala kia maloom......

jab bhi dekha hai usay dil nay yeh mahsoos kia
jaisay meray saher-o-shaam ka mehwar hai yehi
meray takh-uul kay aazar nay taraasha hai jisey
meray khwabon ka woh benaam sa paiker hai yehi
Tujh ko maloom nahin tujh ko bhala kia maloom......
us ki aankhon ki woh masoom si duzdeeda chamak
kitnay nagafta fasaanon ki hai tamheed na pooch
us ka gul rang labon ka woh tabassum woh hijaab
kis tamnna ki hai besaakhta taaid na pooch
Tujh ko maloom nahin tujh ko bhala kia maloom......

us kay andaaz-e-takklum ki woh mohtaat rawish

kis nawaazish ki hai ghammaz koi kiya jaaney
paass reh kar bhi woh kuch door hi rehnay ki adaa
kis rafaqat ka hai aaghaaz koi kiya jaaney
Tujh ko maloom nahin tujh ko bhala kia maloom......

itna manoos hai us ka har andaaz kai dil

us ki har baat ka afsaana bana leta hai
us kay tarshey hua paiker say chura kar kuch rang
apnay khwabon ka sanam khana saja leta hai
Tujh ko maloom nahin tujh ko bhala kia maloom......

jaaney us husn-e-tasswur ki haqeeqat kiya hai?

jaaney in khwabon ki qismat mein saher hai kai nahin
jaaney woh kon hai mainey usay samjha kiya hai
jaaney us ko bhi meray dil ki khabar hai kay nahin
Tujh ko maloom nahin tujh ko bhala kia maloom......???????
Tujh ko maloom nahin tujh ko bhala kia maloom......!?!?!?!?!?

nigaah-e-saaqii-e-naamaharabaa.N ye kyaa jaane

ki TuuT jaate hai.n Khud dil ke saath paimaane

milii jab unase nazar bas rahaa thaa ek jahaa.N

haTii nigaah to chaaro.n taraf the viiraane

hayaat laGzishe-paiham kaa naam hai saaqii

labo.n se jaam lagaa bhii sakuu.N Khudaa jaane

vo tak rahe the hamii.n ha.Ns ke pii gae aa.Nsuu

vo sun rahe the hamii.n kah sake na afasaane

ye aag aur nahii.n dil kii aag hai naadaa.N

chiraaG ho ke na ho jal bujhe.nge paravaane

fareb-e-saaqii-e-mahafil na puuchhiye "Majrooh"

sharaab ek hai badale hue hai.n paimaane

dil akelaa hai bahut laalaa-e-saharaa kii tarah

tum ne bhii chho.D diyaa hai mujhe duniyaa kii tarah
[laalaa-e-saharaa=desert flower]

chho.D ke jaao na yuu.N ahad-e-guzishtaa kii tarah

ban ke ummiid raho vaadaa-e-fardaa kii tarah

[ahad-e-guzishtaa=bygone days; vaadaa-e-fardaa=promises of yesterday (past)]

tum havaa ho bikhero mujhe saahil saahil

mauj-e-mai ho to bahaa do mujhe dariyaa kii tarah

[saahil=shore; mauj=wave; mai=wine]

paas rahate ho to aataa hai judaa_ii kaa Khayaal

tum mere dil me.n ho andeshaa-e-fardaa kii tarah

[andeshaa-e-fardaa=remnants of the past]

biich me.n kuchh to rah-o-rasm-e-ta'alluq rakkho

ajanabii yuu.N nahii.n milate hai.n shanaasaa kii tarah

[rah-o-rasm-e-ta'alluq=social etiquettes/code/customs]
[shanaasaa=acquaintance]
Mazhar Imam

Suhaag Raat

doodhiya jism say uthti hui sandal ki mehak

meray jazbaat mein kohraam macha day na kahin
yeh khulay baal yeh duzdeeda nigahon ka fasoon
hosh masti bhari raaton kay uda day na kahin.....

yeh machaltey hua jazbay yeh dadhktay huaye dil

kufr-o-imaan ki pehchaan na jaaney kiya hai
do jawan jism haseen phool hasien tanhaai
aaj ki raat ka farmaan na jaaney kiya hai.......

goori gadraai huyi reshmein baahon ka gudaaz

yeh mehaktien huayi raatein yeh mehktay huye raaz
husn aur ishaq ki sarmastian allah allah
raat kay pichlay pehar jaisay farishton ki namaaz.....

meri baahon main preshaan hein ghaneri zulfien

ek mahtaab-e-mujjassim meri aaghoosh main hai
kiya qayamat ka nasha hai yeh jawaani ka nasha
laakh mekhaanon ki masti dil-e-madhoosh main hai.......

gol gulnaar damaktay huye rukhsaaron par

zulf lehraa kay ghazab dhaati hai kaisay kaisay
uff yeh nokhaiz jawaani kay dil-aawaiz ubhaar
kisi maghroor shawaalay kay kalas hon jaisay.....

zindagi lams-b-lab hai to jawaani sarshaar

uff yeh be-khwaabaak dhundalkon ka pur-asraar samaan
kon rokega umandtay huye toofaanon ko
dadhkanein taiz hain khamoosh hai khalwat ki zuban......

ishq choomega abhi chaand ki peshaani ko

jagmaga uththega soye huye khawabon ka suhaag
phel jayegi ufaq-ta-b-ufaq aaj ki raat
do mohabbat bharay seenon ki mehakti huyi aag........

yeh mehakti huyi, hansti huyi, gaati huyi aag

narm neendon kay shabistanon main dhal jayegi
chaand ki shama isi aag say roshan hogi
aaj ki raat isi aag main jal jayegi......

premwar burtani

laakh pardon main rahon bhaid marey kholti hai...

shairii sach bolti hai...

tera israar kay chahat ka kabhi izhaar na ho

waaqif is gham say mera halqa-e-ehbaab na ho
tuu mujhey zabt kay sehraon main kyon roolti hai
shairii sach bolti hai...

yeh bhi kiya baat kay chup chup kay tujhay pyaar karon
agar koi pooch hi bethay to main inkaar karon
waqt ki har baat ko duniya ki nazar tolti hai
shairii sach bolti hai...

mainay is fikar kaatien kai raatien kai din

meray shairon main tera naam na aaye lekin
jab teri aankh meri saans main ras gholti hai
shairii sach bolti hai...

teray jalwon ka asar to meri ek ek ghazal

tu meray jism ka saaya hai to yon katra kay na chal
parda-daari to khud apna bharam kholti hai
shairii sach bolti hai...

Qateel Shifai

yeh jii chahta hai tumhein khat likhon

magar sochta hon kay khat main tumhain
wafa aashna, be-murrawat likhon
likhon kiya agar main tumhain khat likhon.....

woh waadey likhon ya woh qasmain likhon

woh milnay milaanay ki rasmain likhon
un aankhon kay woh surkh dooray likhon
larztay labon kay katoray likhon
tabassum kay sholay shararay likhon
shararat kay rangeen ishaaray likhon
hui baat khaamoshyon main likhon
kati raat sargoshyon main likhon
fasaana likhon ya haqeeqat likhon
likhon kiya agar main tumhain khat likhon.....

nazar rah guzar dar dareechay likhon

haram farsh chilman ghaleechay likhon
khalish karb zakhm-e-tammanna likhon
junon bekhudi jaam-o-meena likhon
jafa berukhi bainiyaazi likhon
haqeeqi muraadi majaazi likhon
dil aara dil aazaar dilbar likhon
sanam sangpaara sitamgar likhon
tumhaari adaa apni wehshat likhon
likhon kiya agar main tumhain khat likhon.....

mulaqaat ka aakhri pal likhon

main daaman likhon ya kay aanchal likhon
glogeer afsurdaa gharyaan likhon
woh namnaak palkon ki ladyaan likhon
kashakash hawaadis salasil likhon
hayaat-o-ajal ka main haasil likhon
ghazal, nazm, qata, rubaii likhon
hadees-e-dam-e-alwidaai likhon
koi khat likhon ya wassiyat likhon
likhon kiya agar main tumhain khat likhon.....

zafar adeem

jo hona tha wohi qissa hua hai

na main us ki na woh mera hua hai

bichchar kar bhi kabhi us ko na bholon

yeh sauda kis qadar mehngaa hua hai

jo lot aaya ho yeh mumkin nahin hai

mujhey khushbuu ka kyon dhooka hua hai

hai zinda us ka aks shamme dil main

yeh aaina magar toota hua hai

Nafees baano

woh samandar hai to phir rooh ko shadaab karey

tishnagi kyon mujhey detaa hai sarabon ki tarah

kaun jaane kay naye saal main tuu kis ko padhey

tera maiyaar badlta hai nisaboan ki tarah

shookh ho jaati hai ab bhi teri aankhon ki chamak

gaahe gaahe teray dilchasp jawaaboan ki tarah
hijr ki shab meri tanhaai pay dastak degi
teri khushbuu meray khoe hua khwaabon ki tarah

parveen shaakir

Dua to jaaney kon si thi

zehan main nahin
bas itna yaad hai
kay do hatheliyaan milien huin thien
jin mein ek meri thi
aur ek tumhaari !!!!!

parveen Shaakir

duniya kay nigaahon kay tasadum say na darr, Aaa

aankhon main sama aur meray dil main utar, Aaa

yek tarfa MOHABBAT ko MOHABBAT nahin kehtay

kuch mein idhar aata hon to kuch tuu bhi idhar Aaa

hoti hai kahin ishq main hayal koi deewar

jaltey hein agar log to jalnay day magar Aaa

be azm-o-yaqeen ishq ki manzil nahin milti

is raah main aata hai to be khoaf-o-khatar Aaa

ehbabb yeh kahtey hein kay fankaar hai daanish

tuu bhi to parakhnay ko meray aib-o-hunar Aaa

Daanish Malwi

yeh shareef ghar ki hain ladkiyaan inhein dil khudaa nay diya nahin
mahaz aab-o-gil say banien hein yeh, inhein soaz-e-ishq mila nahin

inhein ans ho yeh rawa nahin, jo zaban pay aaye baja nahin
lagey aag aur dhuwaan na ho, kahin aaj tak yeh hua nahin

na chaman say door yeh reh sakein, na yeh gul ki tarah lehak sakein
na yeh soaz-e-ishq say bach sakein, na yeh shola ban kay bhadak sakein

yonhi chupkay chupkay jala karein, yunhien raakh ban kay raha karein
inhein haq nahin kay gilaa karein, inhein hukum hai kay jiyaa karein

yehi marzi apnay badon ki hai

yehi reet apni gharon ki hai

Mujeeb sahalwi
haat uljhay howay resham may phasa bethay hain
ab bata kon sy dhagay ko juda kis sy karein

may kuch na kaho or yeh chaho k mere baat

chupkay sy urr k teray dil may sama jaey

baraso.n ke baad dekhaa ik shaKhs dil_rubaa saa

ab zahan me.n nahii.n hai par naam thaa bhalaa saa

abaruu khi.nche khi.nche se aa.Nkhe.n jhukii jhukii sii

baate.n rukii rukii sii lahajaa thakaa thakaa saa

alfaaz the ke jugnuu aavaaz ke safar me.n

ban jaaye jangalo.n me.n jis tarah raastaa saa

Khvaabo.n me.n Khvaab us ke yaado.n me.n yaad us kii

niindo.n me.n ghul gayaa ho jaise ke rat_jagaa saa

pahale bhii log aaye kitane hii zindagii me.n

vo har tarah se lekin auro.n se thaa judaa saa

agalii muhabbato.n ne vo naa_muraadiyaa.N dii.n

taazaa rafaaqato.n se dil thaa Daraa Daraa saa

kuchh ye ke muddato.n se ham bhii nahii.n the roye

kuchh zahar me.n bujhaa thaa ahabaab kaa dilaasaa

phir yuu.N huaa ke saavan aa.Nkho.n me.n aa base the

phir yuu.N huaa ke jaise dil bhii thaa aabalaa saa

ab sach kahe.n to yaaro ham ko Khabar nahii.n thii

ban jaayegaa qayaamat ik vaaqi_aa zaraa saa

tevar the beruKhii ke andaaz dostii ke

vo ajanabii thaa lekin lagataa thaa aashnaa saa

ham dasht the ke dariyaa ham zahar the ke amrit

naahaq thaa zo.Num ham ko jab vo nahii.n thaa pyaasaa

ham ne bhii us ko dekhaa kal shaam ittefaaqan

apanaa bhii haal hai ab logo 'Faraz' kaa saa

beniyaaz-e-Gam-e-paimaan-e-vafaa ho jaanaa
tum bhii auro.n kii tarah mujh se judaa ho jaanaa

mai.n bhii palako.n pe sajaa luu.Ngaa lahuu kii buu.Nde.n

tum bhii paabastaa-e-zanjiir-e-hiinaa ho jaanaa

Khalq kii sang_zanii merii Khataao.n kaa silaa

tum to maasuum ho tum duur zaraa ho jaanaa

ab mere vaaste tariyaq hai ilhaad kaa zahar

tum kisii aur pujaarii ke Khudaa ho jaanaa

dost ban kar bhii nahii.n saath nibhaanevaalaa

vahii andaaz hai zaalim kaa zamaanevaalaa

ab ise log samajhate hai.n giraftaar meraa

saKht nadiim hai mujhe daam me.n laanevaalaa

kyaa kahe.n kitane maraasim the hamaare is se

vo jo ik shaKhs hai muu.Nh pher ke jaanevaalaa

tere hote hue aa jaatii thii saarii duniyaa

aaj tanhaa huu.N to ko_ii nahii.n aanevaalaa

muntazir kis kaa huu.N TuuTii hu_ii dahaliiz pe mai.n

kaun aayegaa yahaa.N kaun hai aanevaalaa

mai.n ne dekhaa hai bahaaro.n me.n chaman ko jalate

hai ko_ii Khvaab kii taabiir bataanevaalaa

kyaa Khabar thii jo merii jaan me.n ghulaa hai itanaa

hai vahii mujh ko sar-e-daar bhii laane vaalaa

tum taqalluf ko bhii iKhalaas samajhate ho 'Faraz'

dost hotaa nahii.n har haath milaanevaalaa

ai Khudaa dard-e-dil hai baKhshish-e-dost

aab-o-daanaa nahii.n ke tujh se kahe.n

FARAZ

na kar kisii pe bharosaa ke kashtiyaa.N Duubii.n

Khudaa ke hote huye naaKhudaa ke hote huye

FARAZ

haath uThe hai.n magar lab pe duaa ko_ii nahii.n

kii ibaadat bhii vo jis kii jazaa ko_ii nahii.n

[duaa = prayer; jazaa = reward]

ye bhii vaqt aanaa thaa ab to gosh har aavaaz hai

aur mere barbaad-e-dil me.n sadaa ko_ii nahii.n

aa ke ab tasliim kar le.n tuu nahii.n to main sahii

kaun maanegaa ke ham me.n bevafaa ko_ii nahii.n
vaqt ne vo Khaak u.Daa_ii hai ke dil ke dasht se
qaafile guzare hai.n phir bhii naqsh-e-paa ko_ii nahii.n

[dasht = desert/wildnerness; qaafile = caravans]

[naqsh-e-paa = footprints]

Khud ko yuu.N mahasuur kar baiThaa huu.N apanii zaat me.n

manzile.n chaaro.n taraf hai raastaa ko_ii nahii.n

[mahasuur = surrounded; zaat = self/one's personality]

kaise raasto.n se chale aur kis jagah pahu.Nche 'Faraz'

yaa hujuum-e-dostaa.N thaa saath yaa ko_ii nahii.n

[hujuum = crowd]

har tamaashaa_ii faqat saahil se manzar dekhataa

kaun dariyaa ko ulaTataa kaun gauhar dekhataa

[tamaashaa_ii=spectator; faqat=merely; saahil=river side]

[ma.nzar=spectacle/show/view; gauhar=pearl]

vo to duniyaa ko merii diivaangii Khush aa ga_ii

tere haatho.n me.n vagarnaa pahalaa patthar dekhataa

[vagarnaa=otherwise]

aa.Nkh me.n aa.Nsuu ja.De the par sadaa tujh ko na dii

is tavaqqo par ki shaayad tuu palaT kar dekhataa

[sadaa=call; tavaqqo=hope]

merii qismat kii lakiire.n mere haatho.n me.n na thii.n

tere maathe par ko_ii meraa muqaddar dekhataa

[qismat=fate; lakiire.n=lines; maathe=forehead]

[muqaddar= destiny/fate]

zindagii phailii hu_ii thii shaam-e-hijraa.N kii tarah

kis ko itanaa hausalaa thaa kaun jii kar dekhataa

[shaam-e-hijraa.N=evening of separation; hausalaa=strength]

Duubane vaalaa thaa aur saahil pe cheharo.n kaa hujuum

pal kii mohalat thii mai.n kis ko aa.Nkh bhar ke dekhataa

[hujuum=crowd; mohalat=(free) time]

tuu bhii dil ko ik lahuu kii buu.Nd samajhaa hai 'Faraz'

aa.Nkh gar hotii to qatre me.n samandar dekhataa

[lahuu=blood; qatre=drops; samandar=ocean]

havaa ke zor se pindaar-e-baam-o-daar bhii gayaa
chiraaG ko jo bachaate the un kaa ghar bhii gayaa

pukaarate rahe mahafuuz kishtiyo.n vaale

mai.n Duubataa huaa dariyaa ke paar utar bhii gayaa
mai.n Duubataa huaa dariyaa ko paar kar bhii gayaa

ab ehatiyaat kii diivaar kyaa uThaate ho

jo chor dil me.n chhupaa thaa vo kaam kar bhii gayaa

mai.n chup rahaa ki is me.n thii aafiyat jaa.N kii

ko_ii to merii tarah thaa jo daar par bhii gayaa

sulagate sochate viiraa.N mausamo.n kii tarah

ka.Daa thaa ahad-e-javaanii magar guzar bhii gayaa

jise bhulaa na sakaa us ko yaad kyaa rakhataa

jo naam dil me.n rahaa zehan se utar bhii gayaa

phaTii-phaTii hu_ii aa.Nkho.n se yuu.N na dekh mujhe

tujhe talaash hai jis kii vo shaKhs mar bhii gayaa

magar falak kii adaavat usii ke ghar se na thii

jahaa.N 'Faraz' na thaa sail-e-Gam udhar bhii gayaa

is qadar musal_sal thii.n shiddate.n judaa_ii kii

aaj pahalii baar mai.n ne us bevafaa_ii kii

[musal_sal=continuous; shiddat=severity]

varanaa ab talak yuu.N thaa Khvaahisho.n kii baarish me.n

yaa to TuuT kar royaa yaa Gazal_saraa_ii kii

[Khvaahish=desire/wish]

taj diyaa thaa kal jin ko ham ne terii chaahat me.n

aaj un se majabuuran taazaa aashanaa_ii kii

[taj denaa=to abandon; aashanaa_ii=love/form relationships]

ho chalaa thaa jab mujh ko iKhtilaaf apane se

tuune kis gha.Dii zaalim merii ham_navaa_ii kii

[iKhtilaaf=difference of opinion; ham-navaa_ii=friendship]

tanz-o-taanaa-o-tohamat sab hunar hai.n naaseh ke

aap se ko_ii puuchhe ham ne kyaa buraa_ii kii

[tanz=satire; taanaa=taunt; tohamat=allegation; naaseh=preacher]

phir qafas me.n shor uTThaa qaidiyo.n kaa aur sayyaad

dekhanaa u.Daa degaa phir Khabar rihaa_ii kii

[qafas=cage/prison; sayyaad=hunter
Faraz
machchar ne mujhe kata Machchar ko junoon tha
Khujli fir aisi machi ki dil besukoon tha
Humne use pakda fir choRh diya Ghalib
Kambakht ki ragon mein apna hi khoon tha

- I am sure it was not written by Ghalib

juz tere ko_ii bhii din raat na jaane mere

tuu kahaa.N hai magar ai dost puraane mere

[juz=except]

tuu bhii Khushbuu hai magar meraa tajassus bekaar

barq-e-aavaaraa kii maanind Thikhaane mere

shamaa ki lau thii ke vo tuu thaa magar hijr kii raat

der tak rotaa rahaa ko_ii sirhaane mere

[sirhaane=bed-side]

Khalq kii beKhabarii hai ke merii rusavaa_ii

log mujh ko hii sunaate hai.n fasaane mere

luT ke bhii Khush huu.N ke ashko.n se bharaa hai daaman

dekh Gaarat_gare dil ye bhii Khazaane mere

aaj ik aur baras biit gayaa us ke baGair

jis ke hote hue hote the zamaane mere

kaash tuu bhii merii aavaaz sunataa ho

phir pukaare hai tujhe dil kii sadaa ne mere

kaash tuu bhii kabhii aajaaye masiihaa_ii ko

log aate hai.n bahut dil ko dukhaane mere

kaash auro.n kii tarah mai.n bhii kah sakataa

baat sun lii hai merii aaj Khudaa ne mere

tuu hai kis haal me.n ai zuud_faraamosh mere

mujh ko to chhiin liyaa ahad-e-vafaa ne mere

chaaraagar yuu.N to bahut hai.n magar ai jaan-e-'Faraz'

juz tere aur ko_ii Gam na jaane mere

Khush huaa ai dil ke muhabbat to nibhaa dii tuune

log uja.D jaate hai.n anjaam se pahale pahale

ab tere zikr pe ham baat badal dete hai.n

kitanii raGabat thii tere naam se pahale pahale

saamane umr pa.Dii hai shab-e-tanhaa_ii kii

vo mujhe chho.D gayaa shaam se pahale pahale

Faraz

baaz nay send ki hai

Tumhe zindagi se ziyada main chahta rahon ga

Tere saare gham main loo ga tere saare dukh sahon ga
Tanha tu jab bhi ho gi waraniyon main ho gi
Koi bhi na sath ho ga tere sath main raho ga
Teri baat sunnay wala na agar jahan main ho ga
Mujhe ek dafa bulana so dafa main haa kahon ga

Teri chahatain main poori karon ga kisi bhi tarah

Tujhe saari duniya do ga tere dil main bas raho ga
Tera dard main sahon ga teri aaftain main loo ga
Tujhe sukh hi sukh main doo ga tujhe gham main ek na do ga
Tujhe dhoop gar lage gi tera saya main bano ga
Teri manzilon ki janib tera raasta main banoo ga

Teri rah ke main saare kante samet loo ga

Jo koi na de sake ga tujhe pyar aisa main doo ga
Har saal january main tujhe umr ki duayen
Har saal december main tere sar pe shal do ga
Meri zindagi ka hasil mera daira bhi tum ho
Tere saath main jiyon ga tere saath main maroo ga

Dhullay Dhullay Ranghoon Ki Meli Tesveerain Hain

Dhullay Dhullay Ranghoon Ki Meli Tesveerain Hain

Jurhay Huway Hathoon Main Tuti Teqdeerain Hain

Rait Say Bana Gher Toot Hi Gayya

Rishta Kinaray Say Choot Hi Gayya
Jammay Huway Pani Pay Likhi Tehreerain Hain
Jurhay Huway Hathoon Main Tuti Taqdeerain Hain

Buli Huwi Baat Mujhay Yaad Qn Rahi ?

Jaghi Jaghi Raat Meray Sath Qn Rahi ?
Jagha Jagha Kamray Main Mazi Ki Lakeerain Hain
Jurhay Huway Hathoon Main Tuti Taqdeerain Hain

koi to ho jo dilon main rabta rakhe

meri khushiyon mere dukhon se wasta rakhe

barhaye na faslon ko mere apney darmiyan

woh apney dil tak pohonchney ka rasta rakhe

beshak na sajaye raston ko meri khatir magar

woh khud ko aksar mere liyeh arasta rakhe

jaye jahan bhi magar lotey to mere paas aye

woh apnay dil ka koi aisa zabta rakhe

shamil main uski rooh main ho jaoon istarha

woh mere naam ko har b
say2saba : shamil main uski rooh main ho jaoon istarha
woh mere naam ko har baat main sabqa rakhe

main uske khawb-o-khawajish main bas jaoon aise

woh apni nazron main mujhe hamesha parsa rakhe

Jab Raat Ko Sehma Sehma Sa Tanha Sa Nikla Aata Hai?.

Main Apney Chaand Ko Dekhtee Hoon?
Or Us Say Batein Karteen Hoon...
Bas Us Ki Ho Jateen Hoon?
Kuch Us Main Youn Kho Jatee Hoon?
Woh Kehta Hai Main Suntee Hoon..
Bas Us Ko Taktee Rehtee Hoon?

Woh Jaan K Mujh Ko Tarpaata Hai?!

Badal Ki Taiz Hawaoon Main
Kabhi Dhakta Hai Kabhi Chup Jata Hai ?
Kuch Dair Jo Mere Pass Na Reh Kar?!
Bechain Mujhey Kar Deta Hai?
Ghabra K Aagay Barhtee Hoon ?.
Jo Dhondney Us Ko Lagtee Hoon?
To Samney Mere Aajata Hai?

Jab Raat Ko Us K Shaaney Per

Sar Rakh K Jo Main Roteen Hoon
Barey Pyaar Se Mujh Ko Taktaa Hai?
Bahoon Main Mujhey Bhar Leta Hai?
Main Bhool K Apney Zakhmoon Ko
Dunyawi Sarii Rasmoon Ko?
Jo Doob Si Us Main Jatee Hoon?
Kuch Pal K Liye Soo Jatee Hoon?

To Chain Mujhey Aajata Hai?

Who Hansta Hai?Main Hanstii Hoon..
Who Rota Hai?Main Rotee Hoon...
Woh Dhalta Hai...Main Bujhtee Hoon...
Who Mera Hai?Main Us Ki Hoon?
Dewaana Hai Ye Mera Chaand?
Bas Mera Hai Ye Mera Chaand

Ehsaas main mahki hoyee kushboo tere batain,

Alfaaz main utra hova jadoo, tere batain,
Tu husan hai mere din k ujale ki dhnak da
Raaton k chamktee hoyee jugnoo, tere batain,
Ek to hi to dilasa hai mere shaam-e-alam ka
Behne nahin dati mere aansoo, ter batain,
Sarmaya hai saifan ki es umr-e-rawan ka
Jana tere abroo, tere aankhain, tere batain.

ALVIDA

Na tujh pay jafa ka koi ilzaam

Na main apni ulfat pay sharamsaar
Tagaaful na pashaymaani na koi shikayat
Bus zindgi ko daikha apnay apnay andaaz say humnay

Main ishq ko samjhtaa huiN zindgi ka muqaddar

Toonay muqqadar ko bus zindgi samjhaa
MaiN jin zulmatoN pay uthaata raha barbat-I-bagaawat
Toonay unhee Aqaayud ko raushni samjhaa

MaiN banaataa hi raha haseeN khwaaboN kay ghroNday

Mujhko na tha pata ki tera guzar inmaiN kahaN
Tu to dhooNdhti phirti thi ik kafas sandli
Maray tassuvar main tha teray liyay ik aazaad jahaN

MaiNnay to chahaa tha tum humqadam ho kay chalo

Tumnay visay main paya hai magar aqeedat ka bharum
Meri ulfat to thi braabar ki dosti
Teri ulfat rahi meri mohtaaj-i-karam

Meri tamanna thi ki tumujhay “tu” ho kay milay

Toonay khudi ko apni biknay kay liyay paalaa tha
Meri hasrat ki tu isay apnay ahsaas main rakh kar kay jiyay
Toonay parstish kay liyay jisay ab talak saMbhaalaa tha

Na tujhsay thi mujhay parstish ki aarzoo

Na khud mujhay tha shauq-I-aqeedat
MaiN tujh main dhooNdhta phirtaa tha il khuddaar mehboob
Aur tumko piyaari thi apnay purkhoN ki viraasat

Brijinder “Sagar”
Auckland, New zealand

Meanings;

Tagaaful—la-parwaah
zulmatoN—andhayroN
Barbat-I-bagaawat—bagaawat ka bigul(baaja, musical instrument)
Aqqayud—Vishwaas
Qafus—Pinjra
Mohtaaj-I-karam—daya ka mohtaaj
Shauq-I-aqeedat—pooja karnay ki ichaa

Woh Apne Ghar Chala Gaya, Afsoos Mat Karo

Itna Hi Uss Kaa Saath Thaa Afsoos Mat Karo
Insaan Apne Aaap Mein Majboor Hai Bohuat
Koi Nahien Hai Bewafa, Afsoos Mat Karo

Iss Baar Tum Ko Aane Mein Kuch Dair Hoo Gaye

Thak Haar Ke Woh Soo Gaya, Afsoos Mat Karo

Duniya Mein Aur Chahney Waale Bhi Hein Bohuat

Jo Hona Thaa Woh Hoo Gaya, Afsoos Mat Karo

Iss Zindagi Kay Mujh Pe Kayi Karz Hein Magar

Mein Jald Laut Ayun Gaa, Afsoos Mat Karo

Yeh Dekho Phir Se Aa Gayein Phoolon Pe Titliyan

Ek Rooz Woh Bhi Aaye Gaa, Afsoos Mat Karo

Woh Tum Se Aaj Duur Hai, Kal Paas Aaye Gaa

Phir Se Khuda Milaye Gaa, Afsoos Mat Karo

Bekaar Jee Pe Boojh Liye Phir Rehe Hoo Tum

Dil Hai Tumhaara Phool Saa, Afsoos Mat Karo

Poet: Bashir Badar

sadaeN sun-nay walay sun , sada kuch aur kehti hai

kay ab yeh bay yaqeeni ki fiza kuch aur kehti hai

chalo ham apnay andar kay kissi mausam maeN kho jaeN
agar is shehr ki aab-o-hawa kuch aur kehti hai

ham apnay haath pay dil rakh kay aaey haeN teray dar par
duayeiN sun-nay waalay yeh dua kuch aur kehti hai

tumhara sath dooN ya ghar ki dekhooN chaar deewari

haya kuch aur kehti hai, wafa kuch aur kehti hai

tou phir ham ro hi laitay haeN agar girya ka mausam hai

wagarna dil kay mausam ki ada kuch aur kehti hai

teray hi sath rehna chahti hooN zindagi bhar maeN

meri taqdeer lekin raaNjhna kuch aur kehti hai

ni maa-ey apnay hathoN say marooN gi , sun rahi hai tu !

meray haathoN ki baybarkat hina kuch aur kehti hai

Rai ki muNtazir
Anant Kaur

Mere mahbuub chalo aaj alag ho jaayein

Apnii raahein hain judaa un mein kahiin kho jaayein
Nahiin laazim ke safar kar ke shuruu ruk na sakein
Raaste hain ye ajab jaane kidhar ko jaayein

Koii wadaa to karo aaj nibaahne ke liye

Phir na dekhoge kabhii mud ke kaho to jaayein

Ham ne siikhaa hai fanaa pyaar ki khaatir honaa

Kyon unhein rokein agar raah-e-zafaa wo jaayein

Dil-e-naakaam ko rahne do tum andheron mein

Kah do kismat ke charaagon se Khalish so jaayein.

M C Gupta 'Khalish'

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
>>>>>>>>>>>>>>

"Last Call"

Kal hamesha ki tarah us nay kaha yeh phone per

mai bahut masroof hoon mujhko bahut say kaam hain
is liye tum ao milnay, mai tu asakti nahin
har riwayat toRh kar is baar mainay kah diya
tum jo ho masroof tu mai bhi bahut masroof hoon
tum jo ho mashhoor tu mai bhi bahut maroof hoon
tum agar gamgin ho mai bhi bahut ranjore hoon
tum thakan say choor ho tu mai bhi thakan say choor hoon
jaan-e-man hai wakt mera bhi bahut hi keemti
kuch puranay doston nay milnay ana hai abhi
mai bhi ab faarigh nahi mujh ko bhi lakho kaam hain
warna kahnay ko to sab lamhay tumharay naam hain
meri ankhain bhi bahut bojhal hain sauna hain mujhay
ratjagon kay baad ab neendon mai khona hai mujhay
mai lahu apni anao ka baha sakta nahin
tum nahin aatin tu milnay asakta nahin
us ko yeh kah kay WASI mai receiver rakh diya
aur phir apni ana kay paon pay sar rakh diya

--Wasi Shah
Dear eBazm Friends, I have a beautiful Ghazal of famous poet Parveen
Shakir, its here for you, I hope every one would like it.

Bohat Roya who hum ko yAd kar kay

Humari zindagi barbAd kar kay

Palat kar phir yaheen a'Ajaen gey hum

Who deykey tow humain a'Az'Ad kar kay

Rihaye ki koi surat nahi hay

Magar, haan minnat ?e- sayyad kar kay

Badan mer'A chu'a tha uss nay laykin

Geya'A hay rooh ko a'Abad kar kay

Her a'Amir tool deyna chahTA hay

Muqarrar zulm ki mey'Aad kar kay

kabhii yuu.N bhii to ho (Javed Akhtar)

kabhii yuu.N bhii to ho

dariyaa kaa saahil ho
puure chaa.Nd kii raat ho
aur tum aao

kabhii yuu.N bhii to ho

pariyo.n kii mahafil ho
ko_ii tumhaarii baat ho
aur tum aao

kabhii yuu.N bhii to ho

ye narm mulaayam Tha.nDii havaaye.n
jab ghar se tumhaare guzare.n
tumhaarii Khushbuu churaaye.n
mere ghar le aaye.n

kabhii yuu.N bhii to ho

suunii har ma.nzil ho
ko_ii na mere saath ho
aur tum aao

kabhii yuu.N bhii to ho

ye baadal aisaa TuuT ke barase
mere dil kii tarah milane ko
tumhaaraa dil bhii tarase
tum nikalo ghar se

kabhii yuu.N bhii to ho

tanahaa_ii ho, dil ho
buu.Nde.n ho, barasaat ho
aur tum aao

kabhii yuu.N bhii to ho

Javed Akhtar

vo saamane hai magar tishnagii nahe jaatii

~~~ye kyaa sitam hai ke dariyaa saraab jaisaa hai
contributed by saba

tammam umr ki,awwargi pey bhaari hey

woh aik shab,jo teri yaad mai'n guzaari hey

kahei'n tan'ha raoo'n ya,teri mehfil mai'n rahoo'n

hey aarzoo ki hamesha,tumhara dil mai'n rahoo'n

kabhi haalaat key toofaan mai'n, jo ghir jaaye

teri kashti,tera patwaar,tera saahil,mai'n rahoo'n

kabhi kang'gan,kabhi chand'dan kabhi mai'n haar banoo'n

kabhi jhankaar banoo'n,teri paayal mai'n rahoo'n

mai'n nikhar jaaoo'n ga kuch,tu bhi sa'nwar jaaye gi

tera aa'nchal,tera kaajal,tera til, mai'n rahoo'n

mai'n nahi jaanta taqdeer,najaney kya ho

bus khuda khair karey aur,terey qaabil mai'n rahoo'n

ahmad asrar/florida

jab socha ke ek aashiyaaN bana le

be-patta be-shaakh sab shajar nikle

ho jaaye nibah sabse rahguzar mein shaayad

ham ashk-o-hansi ghar se lekar nikle

wada-e-wasl ki jo hum ne baat chedi

zaalim ki zabaN se 'agar-magar' nikle

darta hoon jaane kaun sa toofaN aayega

wo jo ek din kuch kareemtar nikle

Saahil....

aql har baar dikhaatii thii jale haath apane

dil ne har baar kahaa aag paraa_ii le le
Ahmad Farz.....

phoolon ki har pankhudi hai ashkon se tarr

naa jaane kaun roya hai thaam ke daaman bahaar kaa

----- Original Message -----

From: devraj singh
Sent: Sunday, May 16, 2004 10:10 PM
 Subject: [eBazm] Ye oss ki boondein

" Ye oss ki boondein jo ru-e-gul pe hoti hain,

Aapko nahin maloom, titliyaan bhi roti hain."

Zid kee hay aur baat magar khoo buri nahin

Bhoolay say us nay sainkron waada-e-wafaa kiye
Ghair kee mahfil main na us ko paRhi ho khoo
Deney laga hay bosay baghair ilteja kiye

Bosa-e-khaal kee keemat meri jaan thahree hay

Cheez itnee see hay aur kitnee giraan thahree hay

Yeh inayate ghazab ki, yeh bala ki meherbani,

Meri khairiyat bhi puche, kisi aur ki Zubani...

Meri be-juban aankhonse, gire hain chand katare,

Woh samaz sake to aasun, na samaz sake to pani...

Mera gham rula chuka hain, tuze bhikhari zulf-wale,

yeh ghata bata rahi ke baras chuka hain pani...

Tera husn so raha tha, meri chhed ne jagaye,

woh nigah maine dali, ke sawar gayi jawani......

Yeh inayate ghazab ki, yeh bala ki meherbani,

Meri khairiyat bhi puche, kisi aur ki jubani...

dil hai hiire kii kaanii jism gulaabo.n vaalaa

meraa mahabuub hai dar_asl kitaabo.n vaalaa

[kaanii = mine; dar_asl = in reality]

husn hai rang hai shoKhii hai adaa hai us me.n

ek hii jaam magar kitanii sharaabo.n vaalaa

[jaam = wine goblet]

yaar aa_iinaa huaa karate hai.n yaaro.n ke liye

teraa cheharaa to abhii tak hai naqaabo.n vaalaa

mujh se hogii nahii.n duniyaa ye tijaarat dil kii

mai.n karuu.N kyaa ke meraa zahan hai Khvaabo.n vaalaa

[tijaarat = trade/buying and selling; zahan = mind]

tuu rahegaa na tere zulm rahe.nge baaqii

din to aanaa hai kisii roz hisaabo.n vaalaa
husn-e-bebaak se ho jaatii hai.n aa.Nkhe.n roshan
dil me.n utaraa hai magar ruup hijaabo.n vaalaa

[bebaak = bold/outspoken; hijaab = bashfulness/shyness]

jo nazar aataa hai haasil nahii.n hotaa 'Manzar'

zindagaanii kaa safar bhii hai saraabo.n vaalaa
Manzar Bhopaali .....

judaa_ii ho ke milan har adaa hamaarii hai

tumhaaraa shahar hai lekin fizaa hamaarii hai

shikaayate.n bhii kare.n ham to kis zabaan se kare.n

Khudaa banaayaa ham ne ye Khataa hamaarii hai

[Khataa = mistake]

hamaare jism kii uriyaanat pe mat ha.Nsanaa

ke tum jo o.Dhe hue ho vo ridaa hamaarii hai

[uriyaanat = nakedness/nudity; ridaa = cloak/sheet]

hamaare saamane zebaa nahii.n Guruur tumhe.n

jahaa.N pe baiThe ho tum vo jagaa hamaarii hai

[zebaa nahii.n = does not suit; Guruur = pride]

[jagaa = place(jagah)]

Manzar Bhopaali .....

ham ko kisake Gam ne maaraa ye kahaanii phir sahii

kisane to.Daa dil hamaaraa ye kahaanii phir sahii

dil ke luTane kaa sabab puuchho na sab ke saamane

naam aayegaa tumhaaraa ye kahaanii phir sahii

nafarato.n ke tiir khaa kar dosto.n ke shahar me.n

ham ne kis kis ko pukaaraa ye kahaanii phir sahii

kyaa bataaye.n pyaar kii baazii vafaa kii raah me.n

kaun jiitaa kaun haaraa ye kahaanii phir sahii

Masroor Anwar .....

"Na Jannay Konsa Aasaib Dill Main Rehta Hai
Keh Jo Bhi Thehra Woh Aakhir Makkan Chorh Gayya Hai."

dard kii baarish sahii maddham zaraa aahistaa chal

dard kii baarish sahii maddham zaraa aahistaa chal

dil kii miTTii hai abhii tak nam zaraa aahistaa chal

tere milane aur phir tere bichha.D jaane ke biich

faasalaa rusvaa_ii kaa hai kam zaraa aahistaa chal

apane dil hii me.n nahii.n hai us kii maharuumii kii yaad
us kii aa.Nkho.n me.n bhii hai shabanam zaraa aahistaa chal

ko_ii bhii ho ham-safar 'Raashid' na ho Khush is qadar

ab ke logo.n me.n vafaa hai kam zaraa aahistaa chal
Mumtaz Rashid

ghar chho.D ke bhii zindagii hairaaniyo.n me.n hai

shaharo.n kaa shor dasht kii viiraaniyo.n me.n hai

[dasht = desert/wilderness]

kitanaa kahaa thaa us se ke daaman sameT le

ab vo bhii mere saath pareshaaniyo.n me.n hai

laharo.n me.n Dhuu.NDhataa huu.N mai.n khoye huye nagiin

cheharo.n kaa aks bahate huye paaniyo.n me.n hai

[aks = reflection]

Darataa huu.N ye bhii vaqt ke haatho.n se miT na jaaye

halkee sii jo chamak abhii peshaaniyo.n me.n hai

[peshaanii = forehead]

Mumtaz Rashid

saahil pe bhii to itnii shaguftaa ravish na thii

tuufaan ke beech aake bahut Khush hai zindagii

dhadkan dhadkan basnay walay tere yaad k deep jaaey

hum apna nisha bhol gaey ghar ka rasta bhool gaey

aah! ye baaraanii raat

mii.nh, havaa, tuufaan, raqs-e-saayeqaat
shash-jahat par tiirgii uma.Dii huii
ek sannaaTe me.n bazm-e-hadasaat
aur merii khi.Dakii ke niiche
kaa.Npate pe.Do.n ke paat
chaar suu aavaaraa hai.n
bhuule bisare vaaqayaat
jhakka.Do.n ke shor me.n
jaane kitanii duur se
sun rahaa huu.N terii baat

[saayeqaat=bolts of lightning]
[shash-jahat=six directions]
Munir Niazi

Gam kii baarish ne bhii tere naqsh ko dhoyaa nahii.n

tuune mujh ko kho diyaa mai.n ne tujhe khoyaa nahii.n

[naqsh = mark]

niind kaa halkaa gulaabii-saa Khumaar aa.Nkho.n me.n thaa

yuu.N lagaa jaise vo shab ko der tak soyaa nahii.n

[Khumaar = intoxication]

har taraf diivaar-o-dar aur un me.n aa.Nkho.n kaa hujuum

kah sake jo dil kii haalat vo lab-e-goyaa nahii.n

[hujuum = crowd; lab-e-goyaa = lips that can speak]

jurm aadam ne kiyaa aur nasl-e-aadam ko sazaa

kaaTataa huu.N zindagii bhar mai.n ne jo boyaa nahii.n

[aadam = Adam; nasl-e-aadam = mankind]

jaanataa huu.N ek aise shaKhs ko mai.n bhii 'Munir'

Gam se patthar ho gayaa lekin kabhii royaa nahii.n

[shaKhs = person]

Munir Niazi

Khalish

vo Khuubasuurat la.Dakiyaa.N
dasht-e-vafaa kii hiraniyaa.N
shahar-e-shab-e-mahataab kii
bechain jaaduugaraniyaa.N
jo baadalo.n me.n kho ga_ii.n
nazaro.n se ojhal ho ga_ii.n
ab sard kaalii raat ko
aa.Nkho.n me.n gaharaa Gam liye
ashko.n kii bahatii nahar me.n
gul_naar chehare nam kiye

hastii kii sarahad se pare

Khvaabo.n kii sangii.n oT se
kahatii hai.n mujh ko bevafaa
ham se bichha.Dakar kyaa tujhe
sukh kaa Khazaanaa mil gayaa

Munir Niazi

aur sab kii hikaayate.n kah dii.n

baat apanii kabhii kahii na ga_ii

ham bhii ghar se 'Munir' tab nikale

baat apano.n kii jab sahii na ga_ii

Munir Niazi

rishtaa-e-Khayaal

kabhii kisii baam ke kinaare

uge huye pe.D ke sahaare
mujhe milii hai.n vo mast aa.Nkhe.n
jo dil ke paataal me.n utar kar
gaye dino.n kii gufaa me.n jho.nke

kabhii kisii ajanabii nagar me.n

kisii akele udaas ghar me.n
parii_ruKho.n kii hasii.n sabhaaye.n
ko_ii bahaar-e-gurez paaye.n

kabhii sar-e-rah sar-e-kuu

kabhii pas-e-dar kabhii lab-e-juu
mujhe milii hai.n vahii nigaahe.n
jo ek lamhe kii dostii me.n
hazaar baato.n ko kahanaa chaahe.n
Munir Niazi

kyo.n "Munir" apanii tabaahii kaa ye kaisaa shikavaa

jitanaa taqadiir me.n likhaa hai adaa hotaa hai

Dua ab khuda sai mai yai maangthi hoon

wo mil jaye jesay chahati hoon
dabey paoon aye kahey sai achanak
wo awaz apni sunaye achanak
taher jaye a kash her ek lamha
hawa goongunaty rahey her lamha
wo gher mai marey chand ki tarha aye..........
sitaroon ka wo ek jaha sath laye
mukader mera pher khuda jaag jaye
wo guzara howa waqt pher loot aye
tasawoor mai ubhara wo chahara ho
say2saba : jo tha marey khater mohabbat sarapaa
lay aoow hathoon mai pholoo ki dali
JO AJAYE CHUPKEY SAI GULSHAN KA MAALI

un se nain milaakar dekho

ye dhokhaa bhii khaa kar dekho

duurii me.n kyaa bhed chhipaa hai

isakii khoj lagaakar dekho

[bhed=secret]

kisii akelii shaam kii chup me.n

giit puraane gaakar dekho

aaj kii raat bahut kaalii hai

soch ke diip jalaa kar dekho

jaag-jaag kar umr kaTii hai

nii.nd ke dvaar hilaakar dekho
Munir Niyazi

meraa dil bhii shauq se to.Do ek tajurbaa aur sahii

meraa dil bhii shauq se to.Do ek tajurbaa aur sahii

laakh khilone to.D chuke ho ek khilonaa aur sahii

raat hai Gam kii aaj bujhaa do jalataa huaa har ek chiraaG
dil me.n a.Ndheraa ho hii chukaa hai ghar me.n a.Ndheraa aur sahii

dam hai nikalataa hai ik aashiq kaa bhii.D hai aa kar dekh to lo
laakh tamaashe dekhe ho.nge ek nazaaraa aur sahii

kha.njar le kar sochate kyaa ho qatl "Murad" bhii kar Daalo

daaG hai.n sau daaman pe tumhaare ek izaafaa aur sahii

Murad Lucknawi
kachche gha.De ne jiit lii nadii cha.Dhii hu_ii
mazabuut kashtiyo.n ko kinaaraa nahii.n milaa
Mustafa Zaidi

dekh ai dasht-e-junuu.N bhed na khulane paaye

Dhuu.NDhane aaye hai.n ghar ke dar-o-diivaar mujhe

sii diye ho.nTh usii shaKh kii majabuurii ne

jis kii qurbat ne kiyaa maharam-e-asraar mujhe

merii aa.Nkho.n kii taraf dekh rahe hai.n anjum

jaise pahachaan ga_ii ho shab-e-bedaar mujhe

jaras-e-gul ne ka_ii baar bulaayaa lekin

le ga_ii raah se zanjiir kii jhankaar mujhe

Mustafa Zaidi

JATTAY JATTAY....

Jattay Jattay Woh Mujhay Achi Nishani Day Gayya

Umr Bher Dohraoon Gha Aeski Kahani Day Gayya
******
******
Uss Say Main Kuch Pa Sakoon Aesi Kahan Umeed Thi
Gham Bhi Woh Shayad Brayay Mehrbani Day Gayya
*******
*******
Sab Hawain Lay Gayya Merray Samender Ki Koi
Or Mujh Ko Aik Kashti Baadbani Day Gayya
*******
*******
Khair Main Pyassa Rahha per Uss Nay Itna Tou kiya
Meri Palkoon Ki Qitaroon Ko Woh Pani Day Gayya.

jhalak

sirf laharaa ke rah gayaa aa.Nchal

rang ban kar bikhar gayaa ko_ii
gardish-e-Khuu.N rago.n me.n tez hu_ii
dil ko chuukar guzar gayaa ko_ii

phuul se khil gaye tasavvur me.n

daaman-e-shauq bhar gayaa ko_ii

[tasavvur = imagination/thought]

Ali Sardar Jafri

Gam kaa sitaaraa

merii vaadii me.n vo ik din yuu.N hii aa nikalii thii

rang aur nuur kaa bahataa huaa dhaaraa ban kar

[vaadii=valley; nuur=light]

mahafil-e-shauq me.n ik dhuum machaa dii us ne

Khalvat-e-dil me.n rahii anjuman-aaraa ban kar

[mahafil-e-shauq=gathering of love]
[Khalvat-e-dil=solitude/loneliness of the heart]
[anjuman-aaraa=one who adorns a meeting]

sholaa-e-ishq sar-e-arsh ko jab chhune lagaa

u.D ga_ii vo mere siine se sharaaraa ban kar

[sar-e-arsh=seventh heaven; sharaaraa=spark]

aur ab mere tasavvur kaa ufaq roshan hai

vo chamakatii hai jahaa.N Gam kaa sitaaraa ban kar

[tasavvur=imagination; ufaq=horizon]

Ali Sardar Jafri

zindagii tujh ko manaane nikale

ham bhii kis darjaa diivaane nikale

[darjaa=type of, to what limit]

kuchh to dushman the muKhaalif-saf me.n

kuchh mere dost puraane nikale

[muKhaalif-saf=in the enemy camp]

nazar_andaaz kiyaa hai us ne

Khud se milane ke bahaane nikale

be-basaarat hai ye bastii yaaro

aa_iinaa kis ko dikhaane nikale
[be-basaarat=blind]

in andhero.n me.n jiyoge kab tak

ko_ii to shamaa jalaane nikale

Ameer Kazalbash

ha.Ns ke faramaate hai.n vo dekh kar haalat merii

kyo.n tum aasaa.N samajhate the muhabbat merii

baad marane ke bhii chho.Dii na rafaaqat merii

merii turbat se lagii baiThii hai hasarat merii

mai.n ne aaGosh-e-tasavvur me.n bhii khe.nchaa to kahaa

pis ga_ii pis ga_ii bedard nazaakat merii

aa_iinaa subah-e-shab-e-vasl jo dekhaa to kahaa

dekh zaalim ye thii shaam ko suurat merii

yaar pahaluu me.n hai tanhaa_ii hai kah do nikale

aaj kyo.n dil me.n chhupii baiThii hai hasarat merii

husn aur ishq ham_aaGosh nazar aa jaate

terii tasviir me.n khi.nch jaatii jo hairat merii

kis DhiTaa_ii se vo dil chhiin ke kahate hai.n 'Ameer'

vo meraa ghar hai rahe jis me.n muhabbat merii

Ameer Minai

kah rahii hai hashr me.n vo aa.Nkh sharmaa_ii hu_ii

haaye kaise is bharii mahafil me.n rusvaa_ii hu_ii

aa_iine me.n har adaa ko dekh kar kahate hai.n vo

aaj dekhaa chaahiye kis kis kii hai aa_ii hu_ii

kah to ai gul_chii.n asiiraan-e-qafas ke vaaste

to.D luu.N do chaar kaliyaa.N mai.n bhii murjhaa_ii hu_ii

mai.n to raaz-e-dil chhupaa_uu.N par chhipaa rahane bhii de

jaan kii dushman ye zaalim aa.Nkh lalchaa_ii hu_ii

Gamzaa-o-naaz-o-adaa sab me.n hai hayaa kaa lagaao

haaye re bachapan kii shoKhii bhii hai sharmaa_ii hu_ii

vasl me.n Khaalii hu_ii raqiibo.n se mahafil to kyaa

sharm bhii jaaye to jaanuu.N ke tanhaa_ii hu_ii

gard u.Dii aashiq kii turbat se to jhunjhalaa ke kahaa

vaah sar cha.Dhane lagii paa.Nv kii Thukaraa_ii hu_ii
Ameer Minai

sarakatii jaaye hai ruKh se naqaab aahistaa-aahistaa

nikalataa aa rahaa hai aaftaab aahistaa-aahistaa

javaa.N hone lage jab vo to ham se kar liyaa pardaa

hayaa yak_laKht aa_ii aur shabaab aahistaa-aahistaa

shab-e-furkat kaa jaagaa huu.N farishto.n ab to sone do

kabhii fursat me.n kar lenaa hisaab aahistaa-aahistaa

savaal-e-vasl par un ko uduu kaa Khauf hai itanaa

dabe ho.nTho.n se dete hai.n javaab aahistaa aahistaa

hamaare aur tumhaare pyar me.n bas farq hai itanaa

idhar to jaldii jaldii hai udhar aahistaa aahistaa

vo bedardii se sar kaaTe 'Ameer' aur mai.n kahuu.N un se

huzuur aahistaa-aahistaa janaab aahistaa-aahistaa

Ameer Minai

tund mai aur aise kam_sin ke liye

saaqiyaa halkii sii laa in ke liye

mujh se ruKhsat ho meraa ahad-e-shabaab

yaa Khudaa rakhanaa naa us din ke liye

hai javaanii Khud javaanii kaa singaar

saadagii gahanaa hai is sin ke liye

sab hasii.n hai.n zaahido.n ko naapasand

ab ko_ii huur aayegii in ke liye

vasl kaa din aur itanaa muKhtasar

din gine jaate the is din ke liye

saarii duniyaa ke hai.n vo mere sivaa

mai.n ne duniyaa chho.D dii jin ke liye

laash par ibarat ye kahatii hai 'Ameer'

aaye the duniyaa me.n is din ke liye

Ameer Minai
aaKhirii baat

tuluu-e-shams-e-mufaaraqat hai
puranii kirane.n naye makaano.n ke aa.Ngano.n me.n laraz rahii hai.n
fasiil-e-shahar-e-vafa ke rozan chamakate zarro.n se bhar ga_ii hai.n
gaye dino.n ke aziz baate.n nigar subahe.n gulab raate.n
bisaat-e-dil bhii ajiib shay hai hazaar jiite.n hazaar maate.n
judaa_iyo.n kii havaaye.n lamho.n kii Khush maTTii u.Daa rahii hai.n
ga_ii ruto.n kaa malaal kab tak
chalo ke shaaKhe.n to TuuTatii hai.n
chalo ke qabro.n pe Khuun rone se
apanii aa.Nkhe.n hii phuuTatii hai.n
ye mo.D vo hai jahaa.N se mere tumhaare raste badal gaye hai.n
puraanii raaho.n ko lauTanaa bhii hamaarii qatadiir me.n nahii.n
ke raaste bhii hamaare qadamo.n ke saath aage nikal gaye hai.n

tuluu-e-shams-e-mufaaraqat hai
tum apanii aa.Nkho.n me.n jhil_milaate huye sitaaro.n ko maut de do
ga_ii ruto.n ke tamaam phuulo.n tamaam Khaaro.n ko maut de do
naye safar ko hayaat baKhsho
ke pichhalii raaho.n pe sabt jitane nuquush-e-paa hai.n
vo baar ho.nge
havaa u/Daaye ke tum u.Daao

Amjad Islam Amjad

chehare pe mere zulf ko phailaao kisii din

kyaa roz garajate ho baras jaao kisii din

raazo.n kii tarah utaro mere dil me.n kisii shab

dastak pe mere haath kii khul jaao kisii din

pe.Do.n kii tarah husn kii baarish me.n nahaa luu.N

baadal kii tarah jhuum ke ghir aao kisii din

Khushbuu kii tarah guzaro mere dil kii galii se

phuulo.n kii tarah mujh pe bikhar jaao kisii din

phir haath ko Khairaat mile band-e-qabaa kii

phir lutf-e-shab-e-vasl ko doharaao kisii din

guzare.n jo mere ghar se to ruk jaaye.n sitaare

is tarah merii raat ko chamakaao kisii din

mai.n apanii har ik saa.Ns usii raat ko de duu.N

sar rakh ke mere siine pe so jaao kisii din

Amjad Islam Amjad

dil ke dariyaa ko kisii roz utar jaanaa hai
itanaa besimt na chal lauT ke ghar jaanaa hai

vo tere husn kaa jaaduu ho ke meraa Gam-e-dil

har musaafir ko isii ghaaT utar jaanaa hai

Amjad Islam Amjad

ishq kaa jaaduu

meraa tamaam fan merii kaavish meraa riyaaz

ik naa-tamaam giit ke misare hai.n jin ke biich
maanii kaa rabt hai na kisii kaafiye kaa mel
anjaam jis kaa tay na huaa ho ik aisaa khel
merii mataa bas yahii jaduu hai ishq kaa
siikhaa hai jis ko mai.n ne ba.Dii mushkilo.n ke saath
lekin ye saahir-e-ishq kaa tohfaa ajiib hai
khulataa nahii.n hai kuchh ke haqiiqat me.n kyaa hai ye
taqadiir kii ataa hai yaa ko_ii sazaa hai ye
kis se kahe.n ai jaa.N ke ye qissaa ajiib hai
kahane ko yuu.N to ishq kaa jaduu hai mere paas
par mere dil ke vaaste itanaa hai is kaa bojh
siine se ik pahaa.D-saa haTataa nahii.n hai ye
lekin asar ke baab me.n halkaa hai is qadar
tujh pe agar chalaauu.N to chalataa nahii.n hai ye

Amjad Islam Amjad

jo utar ke ziinaa-e-shaam se terii chashm-e-Khush me.n samaa gaye

jo utar ke ziinaa-e-shaam se terii chashm-e-Khush me.n samaa gaye

vahii jalate bujhate se mahar-o-maah mere baam-o-dar ko sajaa gaye

ye ajiib khel hai ishq kaa mai.n ne aap dekhaa ye mojezaa

vo jo lafz mere gumaa.N me.n the vo terii zubaa.N par aa gaye

vo jo giit tum ne sunaa nahii.n merii umr bhar kaa riyaaz thaa
mere dard kii thii daastaa.N jise tum ha.Nsii me.n u.Daa gaye

vo charaaG-e-jaa.N kabhii jis kii lau na kisii havaa se niguu.N hu_ii

terii bevafaa_ii ke vaasavaa use chupake chupake bujhaa gaye

vo thaa chaa.Nd shaam-e-visaal kaa ke thaa ruup tere jamaal kaa

merii ruuh se merii aa.Nkh tak kisii raushanii me.n nahaa gaye

ye jo bandagaan-e-niyaaz hai ye tamaam hai vo lash_karii

jinhe.n zindagii ne aman na dii to tere huzuur me.n aa gaye

terii beruKhii ke dayaar me.n mai.n havaa ke saath havaa huaa

tere aa_iine kii talaash me.n mere Khvaab cheharaa ga.Nvaa gaye
tere vaasavaao.n ke fishar me.n teraa sharar-e-rang uja.D gayaa
merii Khvaahisho.n ke Gubaar me.n mere maah-o-saal-e-vafaa gaye

vo ajiib phuul se lafz the tere ho.nTh jin se mahak uThe

mere dasht-e-Khvaab me.n duur tak ko_ii baaG jaise lagaa gaye

merii umr se na simaT sake mere dil me.n itane savaal the
tere paas jitane javaab the terii ik nigaah me.n aa gaye

Amjad Islam Amjad

Khud apane liye baiTh ke soche.nge kisii din

yuu.N hai ki tujhe bhuul ke dekhe.nge kisii din

bhaTake hue phirate hai.n ka_ii lafz jo dil me.n

duniyaa ne diyaa vaqt to likkhe.nge kisii din

hil jaaye.nge ik baar to arsho.n ke dar-o-baam

ye Khaak_nashii.n log jo bole.nge kisii din

aapas kii kisii baat kaa milataa hii nahii.n vaqt

har baat ye kahate hai.n ke baiThe.nge kisii din

ai jaan terii yaad ke be-naam parinde

shaaKho.n pe mere dard kii utare.nge kisii din

jaatii hai kisii jhiil kii gaharaa_ii kahaa.N tak

aa.nkho.n me.n terii Duub ke dekhe.nge kisii din

Khushbuu se bharii shaam me.n jugnuu ke qalam se

ik nazm tere vaaste likkhe.nge kisii din

soye.nge terii aa.Nkh kii Khlvat me.n kisii raat

saaye me.n terii zulf ke jaage.nge kisii din

Khushbuu kii tarah ,asl-e-sabaa Khaak numaa se

galiyo.n se tere shahar kii guzare.nge kisii din

'Amjad' hai yahii ab ke kafan baa.Ndh ke sar se

us shahar-e-sitam_gaar me.n jaaye.nge kisii din

Amjad Islam Amjad

na shikaayate.n na gilaa kare

na shikaayate.n na gilaa kare

ko_ii aisaa shaKhs huaa kare
jo mere liye hii sajaa kare
mujh hii se baate.n kiyaa kare
[gilaa=complaint]

kabhii roye jaaye vo bepanaah

kabhii betahaashaa udaas ho
kabhii chupake chupake dabe qadam
mere piichhe aa kar ha.Nsaa kare

[bepanaah=limitless]

merii qurbate.n merii chaahate.n

ko_ii yaad kare qadam qadam
mai.n taviil safar me.n huu.N agar
merii vaapasii kii duaa kare

Amjad Islam Amjad

terii zad se nikalanaa chaahataa hai

terii zad se nikalanaa chaahataa hai

ye dariyaa ruKh badalanaa chaahataa hai

[zad = target/range]

vo sapanaa jis kii suurat hii nahii.n hai

merii aa.Nkho.n me.n chalanaa chaahataa hai

dilo.n kii maa.Ndagii pe kyaa ta'ajjub

ki suuraj bhii to Dhalanaa chaahataa hai

[maa.Ndagii = dimmed/faded/dulled' ta'ajjub = amazement]

nashist-e-dard badalii hai to ab dil

zaraa pahaluu badalanaa chaahataa hai

[nashist-e-dard = place where it hurts]

mujhe bhii saamanaa hai karbalaa kaa

meraa sar bhii uchhalanaa chaahataa hai

nahii.n hai tarjumaan-e-Gam ye aa.Nsuu

ye paanii ab ubalanaa chaahataa hai

[tarjumaan-e-Gam = translation (representative) of sorrow]

tabassum zer-e-lab kahataa hai 'Amjad'

ko_ii jazbaa machalanaa chaahataa hai

[tabassum = smile; zer-e-lab = beneath the lips (hidden)]

[jazbaa = emotion]
Amjad Islam Amjad
mohabbat kii tabiyat me.n
ye kaisaa bachapanaa qudarat ne rakkhaa hai

ke jitanii puraanii jitanii bhii mazabuut ho jaaye

ise taa_iid-e-taazaa kii zaruurat phir bhii rahatii hai
yaqii.n kii aaKhirii had tak dilo.n me.n lah_lahaatii ho
nigaaho.n se Tapakatii ho lahuu me.n jag_magaatii ho
hazaaro.n tarah se dil_kash hasiin haale banaatii ho
use izhaar ke lafzo.n kii haajat phir bhii rahatii hai

mohabbat maa.Ngatii hai yuu.N gavaahii apane hone kii

ke jaise tifl-e-saadaa shaam ko ik biij boye
aur shab me.n bauraa uThe
zamii.n ko khod kar dekhe
ke paudhaa ab kahaa.N tak hai

mohabbat kii tabiyat me.n ajab takaraar kii Khuu hai

ke ye iqraar ke lafzo.n ko sunane se nahii.n thakatii
bichha.Dane kii gha.Dii ho yaa ko_ii milane kii sa'at ho
ise bas ek hii dhun hai
kaho mujh se mohabbat hai
kaho mujh se mohabbat hai

kuchh aisii besakuunii hai vafaa kii sar_zamii.no.n me.n

ke jo ahal-e-mohabbat ko sadaa bechain rakhatii hai
ke jaise phuul me.n Khsuhbuu ke jaise haath me.n taaraa
ke jaise shaam kaa taaraa
mohabbat karane vaalo.n kii sahar raato.n me.n rahatii hai
gumanaam ke shaaKhcho.n me.n aashiyaa.N banataa hai ulfat kaa
ye ain visaal me.n bhii hijr ke Khadsho.n me.n rahatii hai

mohabbat ke musaafir zindagii jab kaaT chukate hai.n

thakan kii karachiyaa.N chunate vafaa kii ajarake.n pahane
samay kii rah_guzar kii aaKhirii sarhad pe rukate hai.n
to ko_ii Duubatii saa.Nso.n kii Dorii thaam ker
dhiire se kahataa hai
ke ye sach hai naa
hamaarii zindagii ik duusare ke naam likhii thii
dhundhalakaa saa jo aa.Nkho.n ke qariib-o-duur phailaa hai
isii kaa naam chaahat hai
tumhe.n mujh se mohabbat thii
tumhe.n mujh se mohabbat hai

mohabbat kii tabiyat me.n

ye kaisaa bachapanaa qudarat ne rakkhaa hai

Amjad Islam Amjad

zindagii ke mele me.n

zindagii ke mele me.n

Khvaahisho.n ke rele me.n
tum se kyaa kahe.n jaanaa
is qadar jhamele me.n
vaqt kii ravaanii hai
baKht kii giraanii hai
saKht bezamiinii hai
saKht laamakaanii hai
hijr ke samandar me.n
taKht aur taKhte kii
ek hii kahaanii hai
tum ko jo sunaanii hai

baat go zaraa sii hai

baat umr bhar kii hai
umr bhar kii baate.n kab
do gha.Dii me.n hotii hai.n
dard ke samandar me.n
anginat jaziire.n hai.n
beshumaar motii hai.n
aa.Nkh ke dariiche me.n
tum ne jo sajaayaa thaa
baat us diye kii hai
baat us gile kii hai
jo lahuu kii Khilvat me.n
chor ban ke aataa hai
lafz ke fasiilo.n par
TuuT TuuT jaataa hai

zindagii se lambii hai

baat rat_jage kii hai
raaste me.n kaise ho
baat taKhaliye kii hai
taKhaliye kii baato.n me.n
guftaguu izaafii hai
pyaar karane vaalo.n ko
ik nigaah kaafii hai
ho sake to sun jaao
ek din akele me.n
tum se kyaa kahe.n jaanaa.N
is qadar jhamele me.n

[Khvaahish = desire; baKht = fate; giraanii = deficiency]

[laamakaanii = homelessness/having no roots; hijr = separation]
[taKht = throne; taKhtii = plank of wood]
[anginat = countless; jaziiraa = island]
[beshumaar = innumerable; dariichaa = window]
[fasiil = ramparts; taKhaliyaa = solitude]
[guftaguu = conversation; izaafii = additional/extra]

Amjad Islam Amjad

Kuch Bhi Nahin...

PrIeNcEss OF HeArT
Socha naheen accha bura
Dekha suna kuch bhee naheen
Manga khuda say hur waqt...
Teray siwa..... Kuch bhee naheen!

Dekha tujhey chaha tujhey

Socha tujhey pooja tujhey
Meri wafa meri khata....
Teri khata kuch bhee naheen!

Jis par hamari aankh nay

Moti bichayey raat bhar
Bhaija wahee kaghaz usay
Ham nay likha...... Kuch bhee naheen

Aur aik shaam kee dehleez per

Baithay rahay woh dair tak
Aankhon say kee batain bohat
Munh say kaha.....kuch bhee naheen!

Do chaar din kee baat hay

Dil khak mein mil jaeyey ga
Aag per jab kaghaz rakha
Baqee bacha ..... Kuch bhee naheen

PrIeNcEss OF HeArT

~*~Bohat Say Khawab~*~

Masael Apni Aankhoon Kay Barhay Hain

Bohat Say Khawab Un Dekhay Parhay Hain

Hamain Hi Paar Kerna Hai Yeh Dariya

Agerchay Hath Main Kachay Garhay Hain

Yahan Aa Ker Tou Payasa Mer Gayya Hoon

Sunna Tha Shehr Main Dariya Charhay Hain

Yahan Loghon Ki Aadet Or Si Hai

Merray Under Tou Paghal Pann Barhay Hain

Hawa Nay Iss Qader Dhoka Diya Hai

Keh Insaan Sans Takk Rokkay Kharhay Hain

That Ghazal Is Really Nice To Listen.

Lyrics By : Iftikhar Qaiser.
Sung By : Humaira Arshad .
Composed By : Ustad Nusrat Fateh Ali Khan.

Soochta Hoon K..

Suchta hoon kay usay neend bhi aatee ho gee
Ya meri tarhan faqat ashq baha tee hoo gee

Woh meri shakl mera nam bhulanay wali

Apni tasver say kia ankh milatee ho gee

Is zameen per bhi hay sailab meray ashkon say

Meray matam ki sada arsh hilatee hoo gee

Sham hutay hee woh chukhat pay jala kay shama

Apni palkon pay kaee khwab sulatee ho gee

Is nay silwa bhi lyeh hoon gay siyah rang libas

Abb Muharam ki tarhan Eid manatee ho gee

Hotee ho gee meray bosay ki talab main pagal

Jab bhee zulfon main koi phool sajatee ho gee

Meri tareek zamanoo say nikalnay wali

Roshni tujh ko meri yad dilatee ho gee

Dil ki masom ragain khud hi sulagtee hoon gee

Jonhee tasweer ka kona woh jalatee ho gee...!!!

~~~~~~~~~~~~~~~~~~~~~~~~~~~~~~~~~~~~~~
Aashnaa Hootey Huey Bhi Aashnaa Koi Nahien
Jaantey Sab Hein Mujhe, Pehchantaa Koi Nahien

Hum Ney Khud Paeda Kiye Hein Zindagi Mein Masley

Warnaa Sachhi Baat Yeh Hai Key Maslaa Koi Nahien

Khudkushi Bhi Jurm Hai Aur Mai Kashi Bhi Jurm

Koun Kis Mushkil Mein Hai Yeh Dekhtaa Koi Nahien

Mukhtasar Lafzoon Mein Hai Yeh Abb Mizaaj-e-Doosti

Raabtaa Bey Shak Hai Sab Sey, Wastaa Koi Nahien

[email protected]

Zindagi say Barhi sazza Hi Naheen

Or Kya Jurm Hai Patta Hi Naheen...

Itnay Hisson Main Bhatt Gayya Hoon Main

Merray Hissay Main Kuch Bacha Hi Naheen

Such Ghattay ,Ya Barhay , Such Na Rahhay

Jhoot Ki koi Inteha Hi Naheen.......................
Jerh Do Chandi Main Chahay Sonnay Main
Ayena Jhoot Bolta Hi Naheen......................

Kisi kumzoor lumhay mey

Ager mein tum se ye keh doon

Mujhe tum se mohabbat hai

Tum ye mat samajh lena

Mein ne such kaha ho ga

Aisi dilnasheen baatoon ko

Aisay dilbar peraye mey kehna

Mujhe buchpan se aata hai

Meri aankhein mera chehra

Mera ye besakhta lehja

Ye sab kuch jhoot kehta hai mager

Is jhoot mey aik such bhi hai

key Mujhe tum se mohabbat hai

dear friends

here is one more sher of this ghazal.

aataa hai to toofan aaney dey manzil ka khuda khud haafiz hai ,
mushkil to nahin in maujon main bahata hua saahil aa jayey.

Dr.S.S.Singh.M.D.

----- Original Message -----

From: awaaz_e_dost <[email protected]>
Sent: Saturday, June 26, 2004 9:20 PM
Subject: [eBazm] Re: need the words of this composition and the poet's name

> -here r 2 more couplets

>
> haan yaad mujhe tum kar laina, awaaz mujhe tum de daina
> es raah-e-mohabbat main koi darpesh jo mushkil aa jaaye
>
> ab kion dhundoon wo chashm-e-karam, hone de setam balaa-e-setam
> may chahta hoon ae jazba e dil, mushkiltar(SE) mushkil aa jaaye
>
> -- In [email protected], Kashif Asrar Ahmad <ka_ahmad2001@y...> wrote:
> > Here is the Ghazal by Behzaad Luckhnawi ... Hope it
> > would answer your question ...
> > Thanks and Regards
> > Kashif
> >
> > Ae jazba-e-dil gar main chahoon, hur cheez muqaabil aa jaaye,
> > Manzil ke liye do gaam chaloon, aur saamne manzil aa jaaye.
> >
> > Ae dil ki khalish chal yun hee sahi, chalNA TO TUJHE HAI MAHFIL TAK{ta
to hoon unki mehfil mein,}
> > Us waqt mujhe chaunka dena, jub rang pe mehfil aa jaaye.
> >
> > Ae rahbar-e-kamil chalne ko taiyyar to hoon, par yaad rahe,
> > Us waqt mujhe bhatka dena, jub saamne manzil aa jaaye.
> >
> > Ae shama qasam parwaane ki, itna to meri khaatir karna,
> > Us waqt bhadak kar gul hona, jub saahib-e-mehfil aa jaaye.
> >
>

here are two more

is jazb-e-dil ke baare me.n ik mashvaraa tum se letaa huu.N

us vaqt mujhe kyaa laazim hai jab tum pe meraa dil aa jaaye

ai barq-e-tajalli kyaa tuune mujhako bhii muusaa samajhaa hai

mai.n tuur nahii.n jo jal jaauu.N jo chaahe muqaabil aa jaaye

--- In [email protected], "Dr. S S Singh" <drsssingh@s...> wrote:

> dear friends
>
> here is one more sher of this ghazal.
>
> aataa hai to toofan aaney dey manzil ka khuda khud haafiz hai ,
> mushkil to nahin in maujon main bahata hua saahil aa jayey.
>
> Dr.S.S.Singh.M.D.
>
> ----- Original Message -----
> From: awaaz_e_dost <makhan66@y...>
>
> > -here r 2 more couplets
> >
> > haan yaad mujhe tum kar laina, awaaz mujhe tum de daina
> > es raah-e-mohabbat main koi darpesh jo mushkil aa jaaye
> >
> > ab kion dhundoon wo chashm-e-karam, hone de setam balaa-e-setam
> > may chahta hoon ae jazba e dil, mushkiltar(SE) mushkil aa jaaye
> >
> > -- In [email protected], Kashif Asrar Ahmad
<ka_ahmad2001@y...> wrote:
>
> > > Here is the Ghazal by Behzaad Luckhnawi ... Hope it
> > > would answer your question ...
> > > Thanks and Regards
> > > Kashif
> > >
> > > Ae jazba-e-dil gar main chahoon, hur cheez muqaabil aa jaaye,
> > > Manzil ke liye do gaam chaloon, aur saamne manzil aa jaaye.
> > >
> > > Ae dil ki khalish chal yun hee sahi, chalNA TO TUJHE HAI MAHFIL
TAK{ta
> to hoon unki mehfil mein,}
> > > Us waqt mujhe chaunka dena, jub rang pe mehfil aa jaaye.
> > >
> > > Ae rahbar-e-kamil chalne ko taiyyar to hoon, par yaad rahe,
> > > Us waqt mujhe bhatka dena, jub saamne manzil aa jaaye.
> > >
> > > Ae shama qasam parwaane ki, itna to meri khaatir karna,
> > > Us waqt bhadak kar gul hona, jub saahib-e-mehfil aa jaaye.
> > >
> >

RasmoN ko aur saare riwaajoN ko toR ke

Hum tairay ho chukay haiN qabeele ko choR ke

Aisa tou koii ziNdagi se ahad bhi na tha

Jeena paRega apne lahu ko nichoR ke

Ab tou kahaaniyoN meiN bhi vo rait ho chuki

Kya dhooNdnay ko aaye ho uNtoN ko moR ke

Is qaid se rihaii ka matlab bhi maut hai

PiNjaray se vo nikaalega gardan maroR ke

Hum jaante haiN hum haiN teray na pasaNd loag

Hum ja rahay haiN aaj tera shahar choR ke

rai ki muNtazir
Anant Kaur

Yeh Chandni Bhi Jin Ko Chootey Houey Darti Hai

Duniya Unhi Phooloon Ko Payroon Sey Masalti Hai

Shohrat Ki Bulandi Bhi Pal Bhar Ka Tamaasha Hai

Jis Daal Pey Baethay Hoo Woh Toot Bhi Sakti Hai

Loubaan Mein Chingaari Jesay Koi Rakh Jaye

Youn Yaad Teri Shab Bhar Seenay Mein Sulagti Hai

Aa Jaata Hai Khud Kheench Kar Dil Seenay Sey Patri Par
Jab Raat Ki Sarhadd Sey Ek Rail Guzarti Hai
Aansoo Kabhi Palkoon Par Ta-Dair Nahien Ruktey
Urr Jaatey Hein Yeh Panchi Jab Shaakh Lachakti Hai

Khus Rang Parindoon Kay Lout Aaney Kay Din Aaye

Bichrey Huye Milte Hein Jab Baraf Pighalti Hai

Poet: Bashir Badar

Book: Koi Shaam Ghar Bhi Raha Karoo

************************************* New Lot

*********************************************
******************** Printed on 8th August 2004, Sunday
***********************************

http://www.urdupoetry.com/nkazmi12.html

Yeh Zindagi....

Yeh zindagi bari ajeeb si

Kabhi gulzar si kabhi bezar si
Kabhi khushi hamaray sath sath
Kabhi gammon ki barsat si
Yeh zindagi bari ajeeb si
Kabhi tofanon main bhi hain rastay
Kabhi manzilon ka pata nahi
Kabhi do kadam pay zindagi
Kabhi saddeuon tak intizar si
Yeh zindagi bari ajeeb si
Kabhi her pal emtihan hai
Kabhi bin mangay enam hai
Kabhi kuch nahi
Kabhi sab kuch si
Yeh zindagi bari ajeeb si
Kabhi gulzar si kabhi bezar si

wohi log mujh say bicher gayee

Jo khayal thay naa qayaas thay, wahee loog mujh say bichar gayae
Jo mohabaton kee asaas thay wahee loog mujh say bichar gayae

Jinhain mantaa hee nahin yeah dil, wahee loog mairay hain ham safar
Mujhay har tarah say joo raas thay, wahee loog mujh say bichar gayae

Mujhay lamhay bhar kee rafaqaton kay saraab or sataeengay

Mairee umar bhar kee joo pyas thay wahee loog mujh say bichar gayae

Yeah khayal saray hain aaarzeee, yeah gulaab saaray hain kaghzi
Gul aarzu kee joo ba-as thay, wahee loog mujh say bichar gayae
Jinhain kar sakaa naa qubool main, woh shareek raah-e-esafar huyae
Jo mairee talab, mairee aas thay, wahee loog mujh say bichar gayae

Mairee dharkanon kay qareeb thay, mairee chah thay, mairaa khuwaab thay
Woh joo roz-o-shab mairay paas thay, wahee loog mujh say bichar gayae

raat hogi to chand bhi duhai dega

khawab mei tumhe woh chehra dikhayi dega
yeh mohabbat hei zara soch ke karna
aansoon bhi gira to sunayi dega..

hi people...there is another very good ghazal of Bashir Badr........I hope

you all will enjoy it.

vo thakaa huaa merii baaho.n me.n zaraa so gayaa thaa to kyaa huaa
abhii mai.n ne dekhaa hai chaa.Nd bhii kisii shaaKh-e-gul pe jhukaa huaa

jise le ga_ii hai abhii havaa vo varaq thaa dil kii kitaab kaa
kahii.n aa.Nsuo.n se miTaa huaa kahii.n aa.Nsuo.n se likhaa huaa

[varaq = page]

ka_ii miil ret ko kaaT kar ko_ii mauj phuul khilaa ga_ii
ko_ii pe.D pyaas se mar rahaa hai nadii ke paas kha.Daa huaa

[mauj = wave]

mujhe haadaso.n se sajaa sajaa ke bahut hasiin banaa diyaa

meraa dil bhii jaise dulhan kaa haath ho mehandiyo.n se rachaa huaa

vahii Khat ke jis pe jagah jagah do mahakate ho.nTho.n ke chaa.Nd the

kisii bhuule-bisare se taaq par tah-e-gard hogaa dabaa huaa

[taaq = shelf; tah-e-gard = under the dust]

vahiii shahar hai vahii raaste vahii ghar hai aur vahii laan bhii
magar us dariiche se puuchhanaa vo daraKht anaar kaa kyaa huaa

[dariichaa = window; daraKht = tree]

mere saath juganuu hai ham_safar magar is sharar kii bisaat kyaa
ye charaaG ko_ii charaaG hai na jalaa huaa na bujhaa huaa

Kitni aziat se us ne mujh ko bhulaya hoga

Mere yadon ne usay khoob rulaya hoga
Baat bay baat ankh us ki jo chhalakti hogi
Us ne chehre ko bazo-on mai chhupaya hoga

Socha hoga us ne din may Qaye baar mujhe

Naam haathele pe bhi likh likh ke mitaya hoga

Jahan us ne mera zikr suna hoga kisi se

Us ki ankhon mein koi ansoo tou aya hoga

Raat ke bhegne tak neend na aye hogi tujhe

Tu ne takeye ko bhi senay se laagya hoga

Ho ke nidhal mere yadon se tu ne jana

Mere tasveer pe sar apna tikaya hoga

Pocha hoga jo kisi ne teri halat ka sabab

Tu ne baton mein khoob us se chhupaya hoga

Jab kabhi chand ko dekha akele tu ne

Tujhe mera saath bada yaad aya hoga

mailed by ur grop member sidra

~*~TERA ARMAAN~*~

Dil Se Ager Kabhi Tera Armaan Jayega

Ghar Ko Laga K Aag Yeh Mehmaan Jayega

Sab Hongey Us Sey Apni Tarif Ki Fiker Main

Mujh Ko Meray Sakut Sey Pehchan Jayega

Is Kufr-e-Ishaq sey Mujhay Kiyon Roktey Ho

Emaan Walo ! Mera Hi Emaan Jayega

Aaj Us Sey Main Ney Shikwa Kiya Tha Shirartun

Kis Ko Khaber Thi Kay Itna Bura Maan Jayega

Ab Us Muqaam Per Hain Meri Beqarariyan

Samjhaney Wala Khud Hi Preshan Ho Jayega

Duniya Pay Aesa Waqat Bhi Ayega Khurram

Insaan Ki Talash Main Insaan Jayega

~*~Laiba An Arien~*~

Mujhe bhulna bhi chaho to bhula na sako ge

Main to palkon pe thahar jaoon ga, aaansoon ki tarah
Tum badle, jahan badla, badli nazar zamane ki
Yeh Aansu char baqi rah gaye, nishani dil lagane ki

Teri aur meri nazar ka na kabhi bair ho

Lo raah main takra gaye, allah khair ho

Dhoondhta Phirta Hoon Main Logon Main Shabahat Uski

Ke Woh Khwabon Main Bhi Lagti Hai Khyalon Jaisi

Ek Naam Kya Likha Tera Saahil Ki Rait Par

Phir Umar Bhar Hawa Se Meri Dushmani Rahi

hamaaraa kyaa hai

hamaaraa kyaa hai ke ham to chiraaG-e-shab kii tarah

agar jale bhii to bas itanii raushanii hogii
ke jaise tund andhero.n kii raah me.n juganuu
zaraa sii der ko chamake chamak ke kho jaaye
phir is ke baad kisii ko na kuchh sujhaa_ii de
na shab kaTe na suraaG-e-sahar dikhaa_ii de
hamaaraa kyaa hai ke ham to pas-e-Gubaar-e-safar
agar chale bhii to bas itanii raah tay hogii
ke tez havaao.n kii zard maa_il naqsh-e-qadam
zaraa sii der ko ubhare ubhar ke mit jaaye
phir us ke baad na raastaa na rah_guzar mile
hadd-e-nigaah talak dasht-e-bekinar mile
hamaarii simt na dekho ke ko_ii der me.n ham
qabiilaa-e-dil-o-jaan judaa hone vaale hai.n
base basaaye huye shahar apanii aa.Nkho.n ke
misal-e-khaanaa-e-viiraan uja.Dane vaale hai.n
havaa kaa shor ye hii hai to dekhate rahanaa
hamaarii umar ke Kheme.n ukha.Dane vaale hai.n

Mohsin Naqvi

zikr-e-shab-e-firaaq se vahashat use bhii thii

zikr-e-shab-e-firaaq se vahashat use bhii thii

merii tarah kisii se muhabbat use bhii thii

[zikr-e-shab-e-firaaq = mention of the night of separation]

[vahashat = fear/dread]

mujh ko bhii shauq thaa naye cheharo.n kii diid kaa

rastaa badal ke chalane kii aadat use bhii thii

us raat der tak vo rahaa mahv-e-guftaguu

masruuf mai.n bhii kam thaa faraaGat use bhii thii
[mahv-e-guftaguu = immersed in conversation]
[masruuf = busy; faraaGat = leisure/freedom from business]

sunataa thaa vo bhii sab se puraanii kahaaniyaa.N

taazaa rafaaqato.n kii zaruurat use bhii thii

[rafaaqat = friendship]

mujh se bichha.D ke shahar me.n ghul mil gayaa vo shaKhs

haalaa.Nke shahar bhar se raqabat use bhii thii

[haalaa.N ke = although; raqabat = enmity]

vo mujh se ba.Dh ke zabt kaa aadii thaa jii gayaa

varnaa har ek saa.Ns qayaamat use bhii thii

[zabt = tolerance/restraint; aadii = habituated]

Mohsin Naqvi

[email protected]
From: "kajal" <[email protected]> Add to Address Book
Date: Sun, 11 Jul 2004 04:07:38 -0700 (PDT)
Subject: [S H A Y R I S] Aik Dewaana Sa Larka Aur Aik Pagal Pagal Larki..!

Aik qose qazaah ke rangoon ki sundar se tittle the

Aik dewaana sa larka tha aik pagal pagal larki the
Her shaam shafaq per subha jawan tabeer ki baatien
karte the
Dhoop,hawa,baarish,jugnu,tanveer ki baatien karte the
Jaagi aankhon k khawaboon ki tabeer ki baatien karte
the
rasmoon aur rawajoon ki zanjeer ki baatien karte the
woh roshan roshan aankhoon ki aur sidq-o-wafa ki
baatien thien
ujle ujle haathoon per woh rang-e-hina ki baatien the
khushboo chand sitaroon ki,aur hawa ki baatien thien
saahil se milte lahroon ki aur hawa ki baatien thien
Aik qose qazaah ke rangoon ki sundar se tittle the
Aik dewaana sa larka tha aik pagal pagal larki the
mausam badle,waqt gaya,phool murghaane lage
shaam dhale tou saare panchee apne gher ko jaane lage
naddi nahate seep se bacche loot k gher aane lage
Gaoon k saare pagal jugnu geet judaii k gaane lage
aik dooor nagar ka shahzada woh tittle lene aaya tha
aur apne saath sitaroon k anmol nageene laya tha
phir rasm-o-rawaj ki zenjeeroon ne bal aik aisa khaaya
tha
tittle aur shahzade ne khawabon ka mahal sajaaya tha
Ab qose qazaah ke rangoon ki woh hai sundar tittle
per jo dewaana sa larka tha ab pagal pagal larka hai...!

=====

thnks

regards kajal..........

Raat bhar neend hi naa aaye to ,

Ashq aankhon main chhal chhalaaye to,
Kyaa hua hai bataaiye kaise,
Yaad koi bahot hi aaye to !

=====

thnks

regards kajal..........

SAQIA TERA ISRAR APNI JAGHA

TERE MAIKASH KA INKAR APNI JAGHA

TAIG APNI JAGHA, DAR APNI JAGHA

AUR HAQEQAT KA IZHAR APNI JAGHA

AB KHANDER HAI, KHANDER HI KAHO DOSTO

SHEESH MAHLON KE AASAR APNI JAGHA

TOOR PAR LAKH MUSA SE HO GUFTAGO

ARSHE AZAM PE DEDAR APNI JAGHA

AWALAN HAQ NE TAKHLIQ JISKO KIA

SUB KE BAD US KA IZHAR APNI JAGHA

MUKTASER YE BATA SIRBAKAF KON THA

JEET APNI JAGHA HAR APNI JAGHA

BHAI SE BHAI KE KUCH TAQAZE BHI HAIN

SEHEN KE BEECH DEWAR APNI JAGHA

UN SE NATA TOR KER TARPA KIYE APNI JAGHA

FAISLA APNI JAGHA THA SILSILA APNI JAGHA.
Majid Deobandi

kyaa bhalaa mujhako paraKhane ke natiijaa nikalaa

zaKhm-e-dil aap kii nazaro.n se bhii geharaa nikalaa
to.Dakar dekh liyaa aaiinaa-e-dil tuune
terii suurat ke sivaa aur bataa kyaa nikalaa

tishnagii jam gaii patthar kii tarah ho.nTo.n par

Duub kar tere dariyaa me.n mai.n pyaasaa nikalaa
Muzzafar Warsi

merii zindagii kisii aur kii, mere naam kaa koii aur hai

merii zindagii kisii aur kii, mere naam kaa koii aur hai
mera aks hai sar-e-aaiinaa, pase aaiinaa koii aur hai

merii dha.Dakano.n me.n hai chaap sii, ye judaaii bhii hai milaap sii
mujhe kyaa pataa, mere dil bataa, mere saath kyaa koii aur hai

na gae dino.n ko Khabar merii, na shariik-e-haal nazar terii

tere des me.n, mere bhes me.n, koii aur thaa koii aur hai

vo merii taraf nigaraa.N rahe, meraa dhyaan jaane kahaa.N rahe

merii aa.Nkh me.n kaii suurate.n, mujhe chaahataa koii aur hai

Muzaffar Warsi

sholaa huu.N bhadakane kii guzaarish nahii.n karataa

sach muu.Nh se nikal jaataa hai koshish nahii.n karataa

giratii hui diivaar kaa ham_dard huu.N lekin

cha.Date hue suuraj kii parastish nahii.n karataa

[parastish=worship]

maathe ke pasiine kii mahak aaye to dekhe.n

vo Khuun mere jism me.n gardish nahii.n karataa

hamdardii-e-ahabaab se Darataa huu.N 'Muzaffar'

mai.n zaKhm to rakhataa huu.N numaaish nahii.n karataa
Muzaffar Warsi
dayaar-e-dil kii raat me.n chiraaG saa jalaa gayaa
milaa nahii.n to kyaa huaa vo shaql to dikhaa gayaa

[dayaar=place, residence]

judaa_io.n ke zaKhm dard-e-zindagii ne bhar diye

tujhe bhi niind aa ga_ii mujhe bhii sabr aa gayaa

ye subah kii safediyaa.N ye dopahar kii zardiyaa.N

ab aa_iine me.n deKhataa huu.N mai.n kahaa.N chalaa gayaa

pukaratii hai.n fursate.n kahaa.N ga_ii vo sohabate.n

zamii.n nigal ga_ii unhe.n yaa aasamaan khaa gayaa

vo dostii to Khair ab nasiib-e-dushmanaa.N hu_ii

vo chhoTii chhoTii ranjisho.n kaa lutf bhii chalaa gayaa

ye kis Khushii kii ret par Gamo.n ko niind aa ga_ii

vo lahar kis taraf ga_ii ye mai.n kahaa.N samaa gayaa

gaye dino.n kii laash par pa.De rahoge kab talak

uTho amal_kasho.n uTho ki aafataab sar pe aa gayaa

Nasir Kazmi

dil me.n ik lahar sii uThii hai abhii

ko_ii taazaa havaa chalii hai abhii

shor barpaa hai Khaanaa-e-dil me.n

ko_ii diivaar sii girii hai abhii

[barpaa = arisen]

kuchh to naazuk mizaaj hai.n ham bhii

aur ye choT bhii na_ii hai abhii

[naazuk = delicate; mizaaj = temperament]

[choT = wound; na_ii = new]

bharii duniyaa me.n jii nahii.n lagataa

jaane kis chiiz kii kamii hai abhii

tuu shariik-e-suKhan nahii.n hai to kyaa

ham-suKhan terii Khaamoshii hai abhii

yaad ke be-nishaa.N jaziiro.n se

terii aavaaz aa rahii hai abhii

[jaziiraa = island]

shahar ke becharaaG galiyo.n me.n

zindagii tujh ko Dhuu.NDhatii hai abhii

[becharaaG = dark/without light]

so gaye log us havelii ke
ek khi.Dakii magar khulii hai abhii

[havelii = mansion]

tum to yaaro abhii se uTh baiThe

shahar me.n raat jaagatii hai abhii

vaqt achchhaa bhii aayegaa 'Nasir'

Gam na kar zindagii pa.Dii hai abhii
Nasir Kazmi

dukh kii lahar ne chhe.Daa hogaa

yaad ne ka.nka.D phe.nkaa hogaa

aaj to meraa dil kahataa hai

tuu is vaqt aakelaa hogaa

mere chuume hue haatho.n se

auro.n ko Khat likhataa hogaa

bhiig chalii.n ab raat kii palake.n

tuu ab thak kar soyaa hogaa

rel kii gaharii sii.nTii sun kar

raat kaa jangal guu.Njaa hogaa

shahar ke Khaalii sTeshan par

ko_ii musaafir utaraa hogaa

aa.Ngan me.n phir chi.Diyaa.N bole.n

tuu ab so kar uThaa hogaa

yaado.n kii jalatii shabanam se

phuul saa mukha.Daa dhoyaa hogaa

motii jaisii shaql banaakar

aa_iine ko takataa hogaa

shaam hu_ii ab tuu bhii shaayad

aapane ghar ko lauTaa hogaa

niilii dhundhalii Khaamoshii me.n

taaro.n kii dhun sunataa hogaa

meraa saathii shaam kaa taaraa

tujh se aa.Nkh milaataa hogaa

shaam ke chalate haath ne tujh ko

meraa salaam to bhejaa hogaa

pyaasii kurlaatii kuunjuu.N ne

meraa dukh to sunaayaa hogaa

mai.n to aaj bahut royaa huu.N

tuu bhii shaayad royaa hogaa

'Nasir' teraa miit puraanaa

tujh ko yaad to aataa hogaa

Nasir Kazmi

gaye dino.n kaa suraaG lekar kidhar se aayaa kidhar gayaa vo

ajiib maanuus ajanabii thaa mujhe to hairaan kar gayaa vo

Khushii kii rut ho ke Gam kaa mausum nazar use Dhuu.NDhatii hai har dam
vo buu-e-gul thaa ke naGmaa-e-jaan mere to dil me.n utar gayaa vo

vo maikade ko jagaanevaalaa vo raat kii niind u.Daanevaalaa

na jaane kyaa us ke jii me.n aa_ii ki shaam hote hii ghar gayaa vo

kuchh ab sambhalane lagii hai jaa.N bhii badal chalaa rang aasmaa.N bhii
jo raat bhaarii thii Tal ga_ii hai jo din ka.Daa thaa guzar gayaa vo

shikastaa_paa raah me.n kha.Daa huu.N gaye dino.n ko bulaa rahaa huu.N
jo qaafilaa meraa ham_safar thaa misl-e-gard-e-safar gayaa vo

bas ek manzil hai bul_havas kii hazaar raste hai.n ahal-e-dil ke

ye hii to hai farq mujh me.n us me.n guzar gayaa mai.n Thahar gayaa vo

vo jis ke shaane pe haath rakh kar safar kiyaa tuune mannzilo.n kaa
terii galii se na jaane kyuu.N aaj sar jhukaaye guzar gayaa vo

vo hijr ki raat kaa sitaara vo ham_nafas ham_suKhan hamaaraa

sadaa rahe us kaa naam pyaaraa sunaa hai kal raat mar gayaa vo

bas ek motii sii chhab dikhaakar bas ek miiThii sii dhun sunaa kar
sitaaraa-e-shaam ban ke aayaa barang-e-Khayaal-e-sahar gayaa vo

na ab vo yaado.n kaa cha.Dhataa dariyaa na fursato.n kii udaas barkhaa

yuu.N hii zaraa sii kasak hai dil me.n jo zaKhm gaharaa thaa bhar gayaa vo

vo raat kaa benavaa musaafir vo teraa shaayar vo teraa 'Nasir'

terii galii tak to ham ne dekhaa phir na jaane kidhar gayaa vo

Nasir Kazmi

baGair mere tujhe chain aa nahii.n sakataa

meraa javaab kahii.n se tuu laa nahii.n sakataa

hazaar parde bhii Daalo agar banaavaT ke

dilo.n kii baat ko cheharaa chhupaa nahii.n sakataa

banaa diyaa hai zamaane ne dil ko patthar kaa

sataaye ko_ii bhii mujh ko rulaa nahii.n sakataa

hasiin taaj mahal ke banaane vaalaa bhii

dilo.n ke TuuTe gharau.nde banaa nahii.n sakataa
Naseem Akhtar

kabhii Khaamosh baiThogii kabhii kuchh gun_gunaaogii

mai.n utanaa yaad aa_uu.Ngaa mujhe jitanaa bhulaaogii

ko_ii jab puuchh baiThegaa Khaamoshii kaa sabab tum se

bahut samajhaanaa chaahogii magar samajhaa na paaogii

kabhii duniyaa muqammal ban ke aaye.ngii nigaaho.n me.n

kabhii merii kabhii duniyaa kii har ek rain bitaaogii

kahii.n par bhii rahe.n ham to muhabbat phir muhabbat hai

tumhe.n ham yaad aaye.nge hame.n tum yaad aaogii

Nazeer Banarasi

ko_ii laa sako to laao meraa vo hasii.n zamaanaa

jise mai.n ne kuchh na samajhaa jise mai.n ne kuchh na jaanaa

mujhe Gam nahii.n hai is kaa ki badal gayaa zamaanaa

merii zindagii ke maalik kahii.n tum badal na jaanaa

mere paas vaqt tho.Daa mere vaaqyaat lambe

kahaa.N sar-guzasht apanii na suno meraa fasaanaa

[vaqyaat = incident; sar-guzasht = account/story]

mujhe yaad aaj bhii hai jo karam huaa hai mujh pe

mujhe Gam abhii hai taazaa mere saamane na aanaa

ye andherii raat me.n tum kahaa.N jaa rahe ho tanhaa

na tumhaarii raah roke kahii.n be-adab zamaanaa

[be-adab = ill-mannered]

jahaa.N Thahare qalb-e-muztar vo "Nazeer" merii manzil

jahaa.N ruk ke saa.Ns le luu.N vahii.n ab meraa Thikaanaa

Nazeer Banarasi

ye kare.n yaa vo kare.n aisaa kare.n vaisaa kare.n

zindagii do din kii hai do din me.n ham kyaa kyaa kare.n

jii me.n aataa hai ki de.n parde se parde kaa javaab

ham se vo pardaa kare.n duniyaa se ham pardaa kare.n

sun rahaa huu.N kuchh luTere aa gaye hai.n shahar me.n

aap jaldii band apane ghar kaa daravaazaa kare.n

is puraanii bevafaa duniyaa kaa ronaa kab talak

aa_iiye mil-jhul ke ik duniyaa na_ii paidaa kare.n

Nazeer Banarasi
Mujhay apnay Zabt per naaz tha, sar-e-bazm raat yeh kiya huwa
meri aankh kaisay chalak gayi, mujhay ranj hai yeh bura huwa

mujhay jo bhi dushman-e-jaan mila, wohi pukhta-kaara-e-jafa mila

na kisi ki zarab ghalat padi, na kisi ka teer khata huwa

mujhay humsafar mila bhi koii to sitam naseeb meri tarah

kahain manzilon ka thaka huwa , kahin raaston ka luta huwa

mujhay kal gali main pada huwa kisi bad naseeb ka khat mila
kahin khoon-e-jigar say likha huwa, kahin aansoan say mita huwa

woh log jo guzar gaye meray saamnay say abhi abhi

yeh meri hi shahar k log thay, meray ghar say ghar tha mila huwa

tera husan aik saraab tha, mera ishq aik faraib tha
yeh to zindagi k asool thay kabhi mujh say to jo ghula mila

issi aab-o-gil say banay hain sab, magar apna apna mizaaj hai
mujhay zindagi ki kasak mili tujhay zindagi ka maza mila

[email protected]
From: "Pradipmaya Maharana" <[email protected]> Add to Address Book
Date: Tue, 20 Jul 2004 12:42:11 +0530
Subject: [eBazm] RE: baDi haseen raat thii ....

charaaG-o-aaftaab Gum, ba.Dii hasiin raat thii

shabaab kii naqaab Gum, ba.Dii hasiin raat thii

mujhe pilaa rahe the vo ki Khud hii shammaa bujh gayii

gilaas Gum sharaab Gum, ba.Dii hasiin raat thii

likhaa huaa thaa jis kitaab me.n, ki ishq to haraam hai

huii vahii kitaab Gum, ba.Dii hasiin raat thii

labo.n se lab jo mil gaye, labo.n se lab jo sil gaye

savaal Gum javaab Gum, ba.Dii hasiin raat thii

A beautiful ghazal by Sudarshan Fakir and equally well sung by Jagjit Singh,
from the album "The Latest".

Take care,
Pradipmaya.
[S H A Y R I S] Raaz ki Batain likhi

Raaz Ki Baatain Likhin Aur Khat Khula Rehnay Diya,

Jaanay Kyun Rusvaiyon Ka Silsila Rehnay Diya

Umar Bhar Meray Saath Reh Kar Woh Na Samjha Dil Ki Baat,
Do Dilon Kay Darmiyan Ek Faasla Rehnay Diya !

Apni Fitrat Woh Badal Paaya Na Iskay Bawajood,

Khatam Ki Ranjish Magar Gila Rehnay Diya !

Raaz Ki Baatain Likhin Aur Khat Khula Rehnay Diya,

Jaanay Kyun Rusvaiyon Ka Silsila Rehnay Diya !

[S H A Y R I S] BHOOL JANA.

Usey Main Bhool Jana Chahti Hoon

Suno ! Main Muskurana Chahti Hoon
Dukhi Rehnay Ki Aadat Ho Gai Hai
Mager Ab Gungunana chahti Hoon
Puraney Sab Taluq Toor Ker Ab
Nai Duniya Basana Chahti Hoon
Woh Nazmen Paaon Se Lipti Hain Lakin
Main Un sey Jaan Churana Chahti Hoon
Woh Sab Tohfey Woh sookhey Phool Sarey
Main Ab Un Ko Jalana Chahti Hoon
Main Utna Pass Aati Hoon Tumharey
Main Jitna Door Jana Chahti Hoon
Maery Hamdam, Haqeeqat Hai Yeh Meri
Main Teray Pass Aana Chahti Hoon
Ubhrney Ki Koi Khahish Nahin Hai
K Ab Main Doob Jana Chahti Hoon

*«´¨`·.¸¸.*¤* IMRAN m3m0n *¤*.¸¸.·´¨`»*

S H A Y R I S]
Muhabbat

mohabbat jeet hoti hai

mohabbat maat hoti hai

mohabbat zaat hoti hai

takmeel-e-zaat hoti hai

koi jangal main ja thehray

kisi basti main bus jaye

mohabbat saath hoti hai

mohabbat khushion ka aangun

mohabbat mausamon ki dhun

mohabbat wadiyon main

nikhartay panioon ka mun

mohabbat jungaloon main raqs karti

morni ka tum
mohabbat barf parti sardion main

dhoop ki manind
mohabbat chilchilatay sehra main

thandi chaoon ki manind

mohabbat ajnabi dunya main
apnay gaaon ki manind
mohabbat dil

mohabbat jaan
mohabbat rooh ka darmaan

aur

mujhay tum se
mohabbat hai!!!!!!

[S H A Y R I S] Kum Hai Ki Ziyada

Joe Kartay Ho Izhaar A Ulfat Ziyada

Hai Poshida Iss May Himaaqat Ziyada

Tum.Haray Rug O Raisha Say Hum Hai.N Waqif

Dikha O Na Hum Ko Sharafat Ziyada

Ajab Baath Hai Shaikh Kay LectureO.N May

Naseehat Hai Thodi Malamat Ziyada

Tuj.Hay Dekh Kar Tayray Beemar A Ghum Ki

Bigadh.Nay Lagi Aur Haalath Ziyada

Raho Ba Khabar Maghrabi Dosti Say

Murawwat Hay Kum and Siyasat Ziyada

Mera Khat Joe Dekha To Khaney Lagay Wo

Hay Taarif To Kum Shikayat Ziyada

Sha'ir: Asadullah Husaini Chakkar

naval verma" <[email protected]> Add to Address Book
Date: Wed, 21 Jul 2004 09:39:07 -0000
Subject: [eBazm] aao kuchh der zamaane se kahi.n door chalei.n,

hello friends, kamal hatvi saheb ki ek ghazal kaafi arse ke baad pesh
kar raha hu. ummeed hai aap sab ko pasand aayegi. apni rai se zarooe
nawaaziyega--Naval

surkh chilman mein hasee.n tajmahal ho jaise,

aapka husn muhabbat ki ghazal ho jaise.

aao kuchh der zamaane se kahi.n door chalei.n,

yu.n jiya jaaye ki bas aakhiri pal ho jaise.

kyo.n nahi aata tujhe meri muhabbat pe yakee.n,

kyo.n ye lagta hai tere maathe pe bal ho jaise.

yu.n qareeb aaye.n ki bichhade.n to koi ranj na ho,

saans lena bhi mohabbat mei.n khalal ho jaise.

yu.n uthi jaise koi Barq chamak jaaye kahi.n,

ek nazar saare sawalaat ka hal ho jaise.

a ghazal by kamal hatvi

ham tere shahar me.n aaye hai.n musaafir kii tarah

ham tere shahar me.n aaye hai.n musaafir kii tarah

sirf ek baar mulaaqaat kaa mauqaa de de

merii manzil hai kahaa.N meraa Thikaanaa hai kahaa.N

subah tak tujh se bichha.Dakar mujhe jaanaa hai kahaa.N
sochane ke liye ek raat kaa mauqaa de de

apanii aa.Nkho.n me.n chhupaa rakhe.n hai.n juganuu mai.n ne

apanii palako.n pe sajaa rakhe hai.n aa.Nsuu mai.n ne
merii aa.Nkho.n ko bhii barasaat kaa mauqaa de de

aaj kii raat meraa dard-e-muhabbat sun le

ka.Np-ka.Npaate huye ho.nTho.n kii shikaayat sun le
aaj izhaar-e-Khayaalaat kaa mauqaa de de

bhuulanaa thaa to ye iqaraar kiyaa hii kyuu.N thaa

bevafaa tuune mujhe pyaar kiyaa hii kyuu.N thaa
sirf do-chaar savaalaat kaa mauqaa de de

Qaiser ul Jafri

har shammaa bujhii raftaa raftaa har Khvaab luTaa dhiire dhiire
har shammaa bujhii raftaa raftaa har Khvaab luTaa dhiire dhiire
shiishaa na sahii patthar bhii na thaa dil TuuT gayaa dhiire dhiire

baraso.n me.n maraasim banate hai.n lamho.n me.n bhalaa kyaa TuuTe.nge
tuu mujh se bichha.Danaa chaahe to diivaar uThaa dhiire dhiire

ehasaas huaa barbaadii kaa jab saare ghar me.n dhuul u.Dii
aa_ii hai hamaare aa.Ngan me.n patajhar kii havaa dhiire dhiire

dil kaise jalaa kis vaqt jalaa ham ko bhii pataa aaKhir me.n chalaa
phailaa hai dhuaa.N chup ke chup ke sulagii hai chitaa dhiire dhiire

vo haath paraaye ho bhii gaye ab duur kaa rishtaa hai 'Qaiser'

aatii hai merii tanhaa_ii me.n Khushbuu-e-hinaa dhiire dhiire

Qaiser ul Jafri

tumhaare shahar kaa mausam ba.Daa suhaanaa lage

tumhaare shahar kaa mausam ba.Daa suhaanaa lage

mai.n ek shaam churaa luu.N agar buraa na lage

tumhaare bas me.n agar ho to bhuul jaao hame.n

tumhe.n bhuulane me.n shaayad mujhe zamaanaa lage

hamaare pyaar se jalane lagii hai ye duniyaa

duaa karo kisii dushman ki bad_duaa na lage

na jaane kyaa hai us kii bebaak aa.Nkho.n me.n

vo muu.Nh chhupaa ke jaaye bhii to bevafaa lage

jo Duubanaa hai to itane sukuun se Duubo

ke aas paas kii laharo.n ko bhii pataa na lage

ho jis adaa se mere saath bevafaa_ii kar

ke tere baad mujhe ko_ii bevafaa na lage

vo phuul jo mere daaman se ho gaye mansuub

Khudaa kare unhe.n baazaar kii havaa na lage

tum aa.Nkh muund ke pii jaao zindagii 'Qaiser'

ke ek ghuu.NT me.n shaayad ye bad_mazaa na lage

Contributed by Fayaz Razvi

Qaiser ul Jafri

ai mere ham-nashii.n chal kahii.n aur chal

Qamar Jalalwi

ai mere ham-nashii.n chal kahii.n aur chal is chaman me.n ab apanaa guzaaraa
nahii.n
baat hotii gulo.n tak to sah lete ham ab to kaa.NTo.n pe bhii haq hamaaraa
nahii.n
aaj aaye ho tum kal chale jaaoge ye muhabbat ko apanii gavaaraa nahii.n
umr bhar kaa sahaaraa bano to bano do gha.Dii kaa sahaaraa sahaaraa nahii.n

de sadaa daar par aur kabhii tuur par kis jagah mai.n ne tum ko pukaaraa
nahii.n
Thokare.n yuu.N khilaane se kyaa faayedaa saaf kah do ke milanaa gavaaraa
nahii.n

gulasitaa.N ko lahuu kii zaruurat pa.Dii sab se pahale hii gardan hamaarii
kaTii
phir bhii kahate hai.n mujh se ye ahal-e-chaman ye chaman hai hamaaraa
tumhaaraa nahii.n

zaalimo.n apanii qismat pe naazaa.N na ho daur badalegaa ye vaqt kii baat hai
vo yaqiinan sunegaa sadaaye.N merii kyaa tumhaaraa Khudaa hai hamaaraa nahii.n

apanii zulfo.n ko rukh se haTaa liijiye meraa zauq-e-nazar aazamaa liijiye

aaj ghar se chalaa huu.N yahii soch kar yaa to nazare.n nahii.n yaa nazaaraa
nahii.n

jaane kis kii lagan kis ke dhun me.n magan ham ko jaat ehu_e mu.D ke dekhaa
nahii.n
ham ne aavaaz par tum ko aavaaz dii phir bhii kahate hai.n ham ne pukaaraa
nahii.n

Written by the poet while quitting East Pakistan

Qamar Jalalwi

gum-karadaa raah kii miTTii na ho Kharaab

gard us taraf u.Dii hai jidhar kaaravaa.n nahii.n

kyuu.N shama-e-i.ntazaar bujhaate ho ai "Qamar"

naale hain ye kisii ke sahar kii azaa.N nahii.n
Qamar Jalalwi

ye jo zindagii kii kitaab hai ye kitaab bhii kyaa kitaab hai

Rajesh Reddy

ye jo zindagii kii kitaab hai ye kitaab bhii kyaa kitaab hai

kahii.n ik hasiin saa Khvaab hai kahii.n jaan-levaa azaab hai

[azaab=torment/anguish]

kahii.n chha.Nv hai kahii.n dhuup hai kahii.n aur hii ko_ii ruup hai
ka_ii chehare is me.n chhupe hu_e ik ajiib sii ye naqaab hai

kahii.n kho diyaa kahii.n paa liyaa kahii.n ro liyaa kahii.n gaa liyaa
kahii.n chhiin letii hai har Khushii kahii.n meharabaan behisaab hai

kahii.n aa.Nsuo.n kii hai daastaa.N kahii.n muskuraahaTo.n kaa bayaa.N

kahii.n barqato.n kii hai baarishe.n kahii.n tishnagii behisaab hai

[bayaa.N=tale; barqat=prosperity/good fortune; tishnagii=thirst]

Rajesh Reddy

zindagii tuune lahuu leke diyaa kuchh bhii nahii.n

tere daaman me.n mere vaaste kyaa kuchh bhii nahii.n

mere in haatho.n kii chaaho to talaashi le lo

mere haatho.n me.n lakiiro.n ke sivaa kuchh bhii nahii.n

hamane dekhaa hai ka_ii aise Khudaao.n ko yahaa.N

saamane jin ke vo sach much kaa Khudaa kuchh bhii nahii.n

yaa Khudaa ab ke ye kis rang se aa_ii hai bahaar

zard hii zard hai pe.Do.n pe haraa kuchh bhii nahii.n

dil bhii ik zid pe a.Daa hai kisii bachche kii tarah

yaa to sab kuchh hii ise chaahiye yaa kuchh bhii nahii.n
Rajesh Reddy

ko_ii dost hai na raqiib hai

ko_ii dost hai na raqiib hai

teraa shahar kitanaa ajiib hai

vo jo ishq thaa vo junuun thaa

ye jo hijr hai ye nasiib hai

yahaa.N kis kaa cheharaa pa.Dhaa karuu.N

yahaa.N kaun itanaa qariib hai

mai.n kise kahuu.N mere saath chal

yahaa.N sab ke sar pe saliib hai
Rana Sahri

dard kii had se guzaranaa to abhii baaqii hai

TuuT kar meraa bikharanaa to abhii baaqii hai

paas aake meraa dukh-dard baTaanevaale

mujhase kataraa ke guzaranaa to abhii baaqii hai

cha.nd shero.n me.n kahaa.N Dhalatii hai ehasaas kii aag

Gam kaa ye rang nikharanaa to abhii baaqii hai

rang-e-rusvaa_ii sahii shahar kii diivaaro.n par

naam "Rashid" kaa ubharanaa to abhii baaqii hai

Rashid Kamil
ye daur-e-masarrat te tevar tumhaare.n
ubharane se pahale na Duube.n sitaare.n

[masarrat=happiness; tevar=mannerisms]

bha.Nvar se la.Do tu.nd laharo.n se ulajho

kahaa.N tak chaloge kinaare-kinaare

[tu.nd=fast]

ajab chiiz hai ye mohabbat kii baazii

jo haare vo jiite, jo jiite vo haare

siyaah naagine.n banake Dasatii hai.n kiraNno.n

kahaa.N ko_ii ye roz-e-rausahn guzaare

[siyaah=black/dark; roz-e-raushan=bright day]

safiine vahaa.N Duub kar hii rahe hai.n

jahaa.N hausale naaKhudaao.n ne haare

[safiinaa=boat; naaKhudaa=boatsman]

ka_ii i.nqalaabaat aaye jahaa.N me.n

magar aaj tak na din na badale hamaare

[i.nqalaabaat=revolutions/revolutionary changes]

"Raza" sail-e-nau kii Khabar de rahe hai.n

ufaq ko ye chhute huye tez dhaare

[sail-e-nau=new flood (sail is short for sailaab); ufaq=zenith]

Raza Hamdani

jo chaahate ho so kahate ho chup rahane kii lazzat kyaa jaano

ye raaz-e-muhabbat hai pyaare tum raaz-e-muhabbat kyaa jaano

alfaaz kahaa.N se laauu.N mai.n chhale kii tapak samajhaane ko

izahaar-e-muhabbat karate ho ehasaas-e-muhabbat kyaa jaano

kyaa husn kii bhiikh bhii hotii hai jab chuTakii chuTakii ju.Datii hai
ham ahal-e-garaz jaane is ko tum saahib-e-daulat kyaa jano

hai farq ba.Daa ai jaan-e-"Raza" dil dene me.n dil lene me.n
ulfat kaa ta'alluq jaanate ho rishte kii nazaakat kyaa jaano

Raza Qureshi

[URDU] gazal
Bashr Anjan hai lekin kabhi ye chup nahi rehta
Wo sab kuchh janta hai aur phir bhi kuchh nahi kehta

Nahi yoon bhi nahi ki ishq ka kayal nahi hoon mein

magar ye baat mein unse kabhi khulkar nahi kehta

kahan ae dost aise log ab milte hain duniya mein

nazar mein khot jinke haath mey paTthar nahi rehta

Hamare HukmRan ab hukumarano se nahi dikhte

ki unke taaz mey ab fikr ka gauhar nahi rehta

Kahan 'Anmol' Usko dhoonDney ab dar-b-dar jayen

koi ghar hi nahi aisa jahan dilbar nahi rehta

Ravi Kant "anmol"

**********************************************************

Dheeray Dheeray doob rahien hain umra-e-rawan ki munfa-atien

Aagey aagay ek bhaari nuqsaan ubharta aata hai

Pasmanzar main "Feed" (English word) huway jaatay hain insaani kirdaar
"Focus" (English word) main rafta rafta shaitaan ubharta aata hai

Saaz meri jaanib uthti hai raat gayey Unghasht-e-alast

Dil main ek bhoola bisra paimaan ubharta aata hai

jaisay main doobtata jaata hon un aankhon k bojh talay

dil per do ashkon ka ek ehsaan ubharta aata hai

Suhaag Raat

doodhiya jism say uthti hui sandal ki mehak

meray jazbaat mein kohraam macha day na kahin
yeh khulay baal yeh duzdeeda nigahon ka fasoon
hosh masti bhari raaton kay uda day na kahin.....

yeh machaltey hua jazbay yeh dadhktay huaye dil

kufr-o-imaan ki pehchaan na jaaney kiya hai
do jawan jism haseen phool hasien tanhaai
aaj ki raat ka farmaan na jaaney kiya hai.......

goori gadraai huyi reshmein baahon ka gudaaz

yeh mehaktien huayi raatein yeh mehktay huye raaz
husn aur ishaq ki sarmastian allah allah
raat kay pichlay pehar jaisay farishton ki namaaz.....

meri baahon main preshaan hein ghaneri zulfien

ek mahtaab-e-mujjassim meri aaghoosh main hai
kiya qayamat ka nasha hai yeh jawaani ka nasha
laakh mekhaanon ki masti dil-e-madhoosh main hai.......

gol gulnaar damaktay huye rukhsaaron par

zulf lehraa kay ghazab dhaati hai kaisay kaisay
uff yeh nokhaiz jawaani kay dil-aawaiz ubhaar
kisi maghroor shawaalay kay kalas hon jaisay.....

zindagi lams-b-lab hai to jawaani sarshaar

uff yeh be-khwaabaak dhundalkon ka pur-asraar samaan
kon rokega umandtay huye toofaanon ko
dadhkanein taiz hain khamoosh hai khalwat ki zuban......

ishq choomega abhi chaand ki peshaani ko

jagmaga uththega soye huye khawabon ka suhaag
phel jayegi ufaq-ta-b-ufaq aaj ki raat
do mohabbat bharay seenon ki mehakti huyi aag........

yeh mehakti huyi, hansti huyi, gaati huyi aag

narm neendon kay shabistanon main dhal jayegi
chaand ki shama isi aag say roshan hogi
aaj ki raat isi aag main jal jayegi......

premwar burtani

laakh pardon main rahon bhaid marey kholti hai...

shairii sach bolti hai...

tera israar kay chahat ka kabhi izhaar na ho

waaqif is gham say mera halqa-e-ehbaab na ho
tuu mujhey zabt kay sehraon main kyon roolti hai
shairii sach bolti hai...

yeh bhi kiya baat kay chup chup kay tujhay pyaar karon
agar koi pooch hi bethay to main inkaar karon
waqt ki har baat ko duniya ki nazar tolti hai
shairii sach bolti hai...

mainay is fikar kaatien kai raatien kai din

meray shairon main tera naam na aaye lekin
jab teri aankh meri saans main ras gholti hai
shairii sach bolti hai...

teray jalwon ka asar to meri ek ek ghazal

tu meray jism ka saaya hai to yon katra kay na chal
parda-daari to khud apna bharam kholti hai
shairii sach bolti hai...

Qateel Shifai
woh samandar hai to phir rooh ko shadaab karey
tishnagi kyon mujhey detaa hai sarabon ki tarah

kaun jaane kay naye saal main tuu kis ko padhey

tera maiyaar badlta hai nisaboan ki tarah

shookh ho jaati hai ab bhi teri aankhon ki chamak

gaahe gaahe teray dilchasp jawaaboan ki tarah

hijr ki shab meri tanhaai pay dastak degi

teri khushbuu meray khoe hua khwaabon ki tarah

parveen shaakir

Dua to jaaney kon si thi

zehan main nahin
bas itna yaad hai
kay do hatheliyaan milien huin thien
jin mein ek meri thi
aur ek tumhaari !!!!!

parveen Shaakir

duniya kay nigaahon kay tasadum say na darr, Aaa

aankhon main sama aur meray dil main utar, Aaa

yek tarfa MOHABBAT ko MOHABBAT nahin kehtay

kuch mein idhar aata hon to kuch tuu bhi idhar Aaa

hoti hai kahin ishq main hayal koi deewar

jaltey hein agar log to jalnay day magar Aaa

be azm-o-yaqeen ishq ki manzil nahin milti

is raah main aata hai to be khoaf-o-khatar Aaa

ehbabb yeh kahtey hein kay fankaar hai daanish

tuu bhi to parakhnay ko meray aib-o-hunar Aaa

Daanish Malwi

yeh shareef ghar ki hain ladkiyaan inhein dil khudaa nay diya nahin
mahaz aab-o-gil say banien hein yeh, inhein soaz-e-ishq mila nahin

inhein ans ho yeh rawa nahin, jo zaban pay aaye baja nahin
lagey aag aur dhuwaan na ho, kahin aaj tak yeh hua nahin

na chaman say door yeh reh sakein, na yeh gul ki tarah lehak sakein
na yeh soaz-e-ishq say bach sakein, na yeh shola ban kay bhadak sakein

yonhi chupkay chupkay jala karein, yunhien raakh ban kay raha karein
inhein haq nahin kay gilaa karein, inhein hukum hai kay jiyaa karein

yehi marzi apnay badon ki hai

yehi reet apni gharon ki hai

Mujeeb sahalwi

Yeh hamara Ziyaan, hum ko sakht-o-graan yeh zamana mila

Jaanay waalo tumhain log achchay milay, waqt achcha mila

Sukh bhi paimana tha rooh k rizaq ka, per woh mehnga pada
Zarf-e-gham say mujhay gham ziyada mila or hamesha mila

Thi sad aashob-e-jaan ek bagooloan ki ro, phir bhi baaqi thi lo

Dasht say bhaag kar log aagay gayey aagay darya mila

Kiya badi daastan pal main kar di bayan kal lab-e-behar nay
Rait per muntashir ek gharonda mila, ek khilona mila

Kooch jis dam kiya paid bharpoor tha, ab jo lotay idhar

Jhulsi shaakhain milien, girtay pattay milay, paid aadha mila

Mehshar Badayoni

dil nay ek eeint say tameer kiya taaj mahal

tuu nay ek baat kahi lakh fasanay niklay

mainay bewasta us ko kabhi dekha hi nahin

woh to khushbu main bhi aahat k bahanay niklay

Aankh say door sahi dil say kahan jayega

Jaanay waalay tuu hamin yaad bohot aayega

Toot jaayin na kahin Pyaar k nazuk rishtay

Waqt zaalim hai har ek mod pay takrayega
Obaida-allah Aleem

***************************************************************

raat yuuN dil maiN teri khoyee hui yaad ayi

jaise wiraane maiN chupke se bahaar a jaaye
jaise sahrawoN maiN houle se chale baad e naseem
jaise bimaar ko be-waja qaraar a jaaye
This is not a ghazal, only Qitaa by Faiz Ahmad Faiz

[S H A Y R I S] Khuda Karay....

Tujhay Ishq Ho Khuda Karay

Koi Tujh Ko Us Say Juda Karay
Teray Hont Hasna Bhol Jain
Teri Ankh Pornam Raha Karay
Tu Us Ki Batain Kiya Karay
Tu Us Ki Batain Suna Karay
Usay Dekh Kay Tu Ruk Paray
Wo Nazar Jhoka Kay Chala Karay
Tujhay Hijar Ki Wo Jhari Lagay
Tu Milan Ki Her Pal Dua Karay
Teray Khuwab Bikhrain Toot Kar
Tu Kirchi Kirchi Chunna Karay
Tu Nagar Nagar Phira Karay
Tu Gali Gali Saada Karay
Tujhay Ishq Ho Phir Yaqeen Ho
Usay Tasbihoon Main Parha Karay

Urdustan ...

SALAM!AAP KI KHIDMAT MAIN HASTI KI AIK ZABERDUST GHAZAL!

Saaya ban ker saath chalain gay iss k bharosay mat rehna,
apnay humesha apnay rahain gay iss k bharosay mat rehna.

sawan ka mahina aatay hi badal tu chajayaingay,

her haal main lekin bersain gay ,iss k bharosay mat rehna.

sooraj ki manind safar pe roz nikalna perta hai,

bethe bethe din badlain gay iss k bharosay mat rehna.

behti nadi main kachay gharay hain rishtay natay husn-o-wafa,

dur talak yeh behte rahaingay iss k bharosay mat rehna.

saaya ban ker saath chalaingay iss k bharosay mat rehna.

apnay humesha apnay rahain gay iss k bharosay mat rehna.

HASTI!
_________________
SUCH HAI K DIL TU DUKHA HAI
HUM NE MAGAR SOCHA HAI
DIL KO HAI GHUM KYUN
ANKH HAI NUM KYUN
HONA HI THA JO HUA HAI
USS BAAT KO JAANAY HI DO
JIS KA NISHAN KAL HO NA HO!
JO BHI JATA HAI TAH-E-KHAK WO AATA HI NAHIN
KOI BATLAYE TAH-E-KHAK TAMASHA KIYA HAI

Urdustan ...

this is one og my fav ghazals sung by jagjit shayad aap logon main se bhi kisi
ne suni ho

Mujh ko yaqin hai such kehti thin jo bhi ammi kehti thin,
jab mere bachpan k din thay chand main pariyaan rehti thin.

aik yeh din jab apno ne bhi hum se nata tor lia,
aik woh din jab pairh ki shaakhain bojh humara sehti thin.

aik yeh din jab sari serkain roothi roothi lagti hain,
aik woh din jab aao khelein sari galiyaan kehti thin.

aik yeh din jab jagi raatain deewaron ko takti hain,

aik woh din jab shamon ki bhi pulkain bojhal rehti thin.

aik yeh din jab lakhon gham aur kaal para hai ansoo ka,
aik woh jab aik zara c baat pe nadiyaan behti thi.

mujh ko yaqin hai such kehti thin jo bhi ammi kehti thin
jab mere bachpan k din tha chand main pariyaan rehti thin.

JAVED AKHTAR!

Urdustan ...
Lab-e-khamosh say izhar-e-tamanna chaahay,
Baat kernay ko bhi tasveer ka lehja chaahay.

Tu chalay saath to aahat bhi na aaey apni,

Darmiya.n hum bhi na hou youn tujhay tanha chaahay.

Khuwab may roaey to ehsaas ho sairabi ka,

Rayt per soay meger aankh may dariya chaahay.

Aisay tairaak bhi dekhain hain muzaffar humnay,

Ghark honay kay liyey bhi jo sahara chaahay

Urdustan ...
HMM AIK AUR ZABERDUST GHAZAL BY HASTI BATAYIGA KAISI LAGI

QUDRAT K ASOOLON MAIN BADAL KYUN NAHI HOTA

JO AAJ HUA HAI WOHI KAL KYUN NAHI HOTA

HER JHEEEL MAIN PANI HAI HER AIK JHEEL MAIN LEHRAIN
PHIR SAB K MUQADDAR MAIN KANWAL KYUN NAHI HOTA

JAB USS NE HI DUNYA KA YEH DEEWAAN LIKHA HAI

HER AADMI PYAARI C GHAZAL KYUN NAHI HOTA.

HER BAR NA MILNAY KI QASAM KHA K MILAY HUM

APNAY HI IRAADON PE AMAL KYUN NAHI HOTA

QUDRAT K ASOOLON MAIN BADAL KYUN NAHI HOTA

JO AAJ HUA HAI WOHI KAL KYUN NAHI HOTA.!

HASTI!

Urdustan ...
Meri tanhaiyoun tum he laga lo mujh ko seenay say
K main ghabra gaya houn is terha ro ro k jeenay say

Yeh aadhi raat may phir chooriya say kiya khanakti hain
Koi aaya hai yaa meri he zanjeerain chanakti hain
Yeh kaisi hook si othti hai khamoshi k seenay say
K main ghabra gaya houn is terha ro ro k jeenay say

Bohot lambi hain rahain piyar ki aur zindagi kam hai

Hawa bhi taiz aaei hai diyey kay lo bhi maddham hai
Kinara door hota ja raha hai phir safeenay say
K main ghabra gaya houn is terha ro ro k jeenay say

Urdustan ...
tum haqeeqat nahiN ho Hasrat ho
jo miley khwaab mein wo daulat ho

main tumhaarey hi dam se zinda hooN

mar hi jaauN jo tum se fursat ho

tum ho khushbu ke khwaab ki khushbu

aur itni hi bay.muravvat ho

tum ho pehlu mein par qaraar nahiN

yaani aisa hai jaise furqat ho

tum ho angaRaai rang-o-nikhat ki

kaise angaRaai se shikaayat ho

kis taraH choR dooN tumhe jaanaaN

tum miri zindagi ki aadat ho

kis liye dekhti ho aaiena

tum to khud se bhi khoobsurat ho

daastaaN khatm honey waali hai

tum miri aakhri mohabbat ho
John Alia

Urdustan ...
Kisi nay bhi to na dekha nigaah bhar kay mujhay
Gaya phir aaj ka din bhi odaas ker kay mujhay

Saba bhi laei na koi payaam apnoun ka

Suna rahi hai fasanay idher udher kay mujhay
Gaya phir aaj ka din bhi odaas ker kay mujhay

Muaf ki jiyey jo may ajnabi houn mehfil may

Kay raastay nahi maloom is nagar kay mujhay
Gaya phir aaj ka din bhi odaas ker kay mujhay

Woh dard hai kay jisay seh sakoun na keh paoun

Milay ka chain to ab jaan say guzar kay mujhay
Gaya phir aaj ka din bhi odaas ker kay mujhay

Urdustan ....
Phool bharay hain angan angan
Laikin veeraa.n gulshan gulshan

Aqal ki batain kernay walay

Kiya samjhaingay dil ki dhadkan

Kaun kisi kay dukh ka saathi ?

Apnay aansu apna daman ;(

Tera daman choroun kaisay ?

Meri duniya tera daman

urdustan ....

Jis din say juda wo hum say howay is dilnay dhadakna chorh diya,
Hai chand ka mou.n otra otra taroun nay chamakna chorh diya.

Wo paas hamaray rehtay thay bay rut bhi bahar aajati thi,
Ab laakh baharain aaein to kiya? pholoun nay mehekna chorh diya.

Hum nay yeh dua jab bhi maangi taqdeer badal day aey malik,
Aawaaz aaei kay ab humnay taqdeer badalna chorh diya.
Is dil nay dhadakna chorh diya.

Urdustan .....
Farhat Shehzad ki ghazal haazir hai:

tanhaa tanhaa mat sochaa kar

mar jaayegaa, mat sochaa kar!

pyaar ghaRii bhar kaa hi bahut hai

jhooTaa sachchaa, mat sochaa kar!!

apnaa aap gaNvaa kar tuune

paayaa hai kyaa? mat sochaa kar!

dhoop meiN tanhaa kar jaataa hai

kyoN ye saayaa, mat sochaa kar!

jiskii fitrat hii Dasnaa hai

vo to Dasegaa, mat sochaa kar!

maan mere "shehzaad" vagarnaa

pachhtaayega! mat sochaa kar!

ummiid hai sabko pasand aayii hogi, Mehdi Hasan ki aavaaz meiN ye ghazal to
itni khoobsoorat lagtii hai k kuchh poochhiye mat!

Amit Malhotra "tanhaa"

Urdustaan ....
ham se bhaagaa na karo duur Gazaalo.n kii tarah
hamane chaahaa hai tumhe.n chaahane vaalo.n kii tarah

Khud-ba-Khud nii.nd-sii aa.Nkho.n me.n ghulii jaatii hai

mahakii mahakii hai shab-e-Gam tere baalo.n kii tarah

aur kyaa is se zyaadaa ko_ii narmii baratuu.N

dil ke zaKhmo.n ko chhuaa hai tere gaalo.n kii tarah

aur to mujh ko milaa kyaa merii mehanat kaa silaa

cha.nd sikke hai.n mere haath me.n chhaalo.n kii tarah

zindagii jis ko teraa pyaar milaa vo jaane

ham to naakaam rahe chaahane vaalo.n kii tarah
Jaan Nisaar Akhtar

ek chhoTii behr ki ghazal ke chaNd ash'aar pesh haiN

zulfeiN, seenaa, naaf, kamar

ek nadii meiN kitne bhaNvar!

sadiyoN sadiyoN meraa safar

manzil manzil raah guzar

kitna mushkil, kitna kaThin

jeene se jeene ka hunar

phooNkne vaale sochaa bhi?

phailegii ye aag kidhar!!!

laakh tarah se naam tiraa

baiThaa likhouN kaaGhaz par

chhoTe chhoTe zehan ke log

ham se un kii baat na kar!!!

raat ke piichhe raat chale

khwaab huaa har khwaab-e-sahar!!!

shab bhar to aavaara phire

lauT chaleiN ab apne ghar!

Jaan Nisaar Akhtar

Urdustaan ....
Apnay chehray say jo zahir hai chupain kaisay ?
Teri marzi k mutabiq nazar aaein kaisay ?

Ghar sajanay ka tasawwur to bohot baad ka hai

Pehlay yeh dekho k is ghar ko bachaein kaisay ?

Qehqaha aankh ka her raaz badal dayta hai

Ronay walay teray ansu nazar aaein kaisay ?

Koi apni he nazar say to hamain dekhay ga

Eik qatray ko samander nazar aaein kaisay ?

Poetrywala ......
MAIN AANSO'ON SAY BUJHAOON GHA PYASS KHAITOON KI
MAIN APNAY DAIS KO YOUN QEHAT SAY BACHA LOON GHA
KAROON GHA RAAH KO RANGEEN APNAY LAHOO KI BOONDHON SAY
MAIN APNAY PAOON SAY KANTAY NAHEEN NIKALOON GHA
2.____________________________________________________________

YEH HAQEEQAT HAI KEH AB INSANIYAT

AADMIYAT SAY BOHAT BAIZAR HAI
DUSHAMNEE KA JO GA'AY WAQTOON MAIN THA
DOSTI KA AB WOHEE MEIAR HAI.
3.____________________________________________________________

ZAKHM KITNA BHEE HO GEHRA,BHER JATA HAI

WAQT KAISA BHEE HO BEHERHAL,GUZZER JATA HAI
AISAY INSAAN KAY JEENAY PAY ZARRA GHORE KAROO
ZINDA REHNAY KI KHWAHISH MAIN, JO MER JATA HAI.
4.____________________________________________________________

RASM-E-ULFAT HI IJAZAT NAHEEN DAITEE WERNA

HUM BHEE AISA TUMHAIN BHOOLAIN KEH SADDA YAAD KAROO.
5.____________________________________________________________

AJEEB HAAL HAI IN DINOON TABEEAT KA

KEH GHUM BHURA NA LAGHAY KHUSHI,KHUSHI NA LAGHAY.
6.____________________________________________________________

DERHTAY HUWAY HANSTAY HAIN,HANSTAY HUWAY DERHTAY HAIN

ULJHAY HUWAY GAISOO BARHEE MUSHKIL SAY SANWERTAY HAIN
NAZUK HAI MIZZAJ UN KA,BERHAM NA KAHEEN WOH HOON
FARIYAD BHEE RUK RUK KAY ISS KHOF SAY KERTAY HAIN.
7.___________________________________________________________

8.____________________________________________________________
KUJ ONJ WEE RAWAN OKHIAN SAN
KUJ GAL WICH GHUM DA TOQ VEE SEE
KUJ SHEHR DAY LOK VEE ZALIM SAN
KUJ SANOO HARAN DA SHOQ VEE SEE.
9.____________________________________________________________

EHSAN ZINDAGEE PAY GAWARAH NA THA HAMAIN

JAINAY KAY HUM KO CHANND SAHARAY MILLAY TOW THAY
APNEE KHUDEE KO KO HUM NAY BACHAYA HAI DOOB KER
MOJOON MAIN REH KER HUM KO KINARAY MILLAY TOW THAY.
10.___________________________________________________________

TUM SAY JUDDA HUWA'AY TOW KISSI KO KAHBER NA THEE

MURH MURH KAY TUMHARA DAIKHNA HAMAIN BERBAD KER GAYYA.
11.___________________________________________________________

MAIN TOW ISS LIYAY CHUP HOON KEH TAMASHA NA BANAY

TUU SAMAJHTEE HAI MUJHAY TUJH SAY GILLA KOEE BHEE NAHEEN.
12.___________________________________________________________

KALL BICHERHNA HAI TOW EHD-E-WAFA SOCH KAY BANDH

ABHEE AAGHAZ-E-MOHABBAT HAI GAYYA KUCH BHEE NAHEEN.
13.___________________________________________________________

DUA'AIN HUM NAY MANGHEE THEEN

BAHARAIN GHAIR NAY LOOTEEN
HUMAIN TOW HAAR HEE GUZRA
SANNAM TAIRA JAWWAN HONA.
14.___________________________________________________________

HANSEE KHUSHEE BICHERH JA AGHER BICHERHNA HAI

HER IK MAQQAM PAY KYA SOCHTA HAI AAKHIR TUU
MAIN JANTA HOON KEH DUNIA TUJHAY BADDAL DAI GHEE
MAIN MANTA HOON KEH BAZAHIR NAHEEN HAI AESA TUU.
(KAMMAL HAI NA..)
15.___________________________________________________________

KON BICHERHA NAHEEN DUNIA MAIN KISSI SAY FARRAZ

TUM NAY HALAT HEE AJJAB SEE BANA RAKHEE HAI.
16.___________________________________________________________

MAIN TUJHAY KHO KER BHEE ZINDA RAHA

YEH DAIKHA TUM NAY...?
KISS QADDER HOSLA ISS TOOTAY HUWA'AY
INSAAN MAIN HAI.
17.___________________________________________________________

WOH ROOTH GA'AY HUM SAY,VAJJA KUCH BHEE NAHEEN HAI

BASS ITNEE SEE KHATTA HAI KEH KHATTA KUCH BHEE NAHEEN HAI
YA RAB TAIRAY BAY-MISL KHAZANOON MAIN BATA DAY
KYA MARAY LIYA GHUM KAY SIVA KUCH BHEE NAHEEN HAI.?
18.__________________________________________________________

YAD-E-MAZEE AZZAB HAI YA RAB

CHEEN LAY MUJH SAY HAFIZA MAIR.
19.__________________________________________________________
ITNAY JEENAY PAY BHEE JEENAY KA ANDAAZ NA AYYA
ZINDAGHEE CHORH DAY PEECHA MAIRA, MAIN BAAZ AYYA.
20.__________________________________________________________

HUM BHEE KHUSH NAHEEN WAFFA KER KAY

TUM NAY ACHA KIYA NIBAH NA KEEE.
21.__________________________________________________________

KUCH LOGH SAFER KEH LIYAY MOZZON NAHEEN HOTTAY

KUCH RAASTAY KAT'TAY NAHEEN TANHA USSAY KEHNA
USS NAY KAHATHA TOW YAQEEN HUM NAY KIYA THA
UMMED PER QA'EM HAI YEH DUNIA USSAY KEHNA.
22.__________________________________________________________

HUM MURDA NASEEBOON KEH LIYAY

YEH HUKM HUWA HAI
SOOKHAY HUWA'AY PATTAY HAIN
INHAIN AAGH LAGHA DOO.
(KAMMAL HAI)
23.__________________________________________________________

YEH THEEK HAI NAHEEN MERTA KOEE JUDAEE MAIN

KHUDA KISSI KO KISSI SAY MAGHER JUDDA NA KARAY.
24.__________________________________________________________

WOH ISS KAMMAL SAY KHAILEE THEE ISHQ KEE BAZEE

MAIN APNEE JEET SAMAJHTA RAHHA MAAT HONAY TAKK.
25.__________________________________________________________

SAB AYB(FAULT) SAHEE MUJH MAIN

MAGHER AJJ BHEE DAIKHOO
APNOON SAY KAHFFA HONAY KA
ANDAAZ NA AYYA .
26.__________________________________________________________

HAWA KAY DOSH PAY RAKHAY HUWA'AY CAHARAGH THAY HUM

JO BUJH GA'AY TOW HAWA SAY SHIKA-ETAIN KAISEE.
27.__________________________________________________________

YEH HIJRATOON KI KAHANEE,YEH RAT-JAGHOON KA HISSAB

WERQ WERQ MUJHAY AZ-BER HAI CHAHTOON KA NISSAB
BHATTAK RAHA HOON MAIN KAB SAY TALASH-E-MANZIL MAIN
HAI KAB TALAK MUJHAY SEHNA MUSAFERAT KA AZZAB.
28.__________________________________________________________

MAIN DEEWAR-E-HASTAGHEE HOON MUJHYA HATH MATT LAGHA

GIR PARHOON GHA DAIKH MUJHAY AASRA NA DAY.
29.__________________________________________________________

MAIN JANTAN HOON MERI KHUD'DARIAN TUJHAY KHO DAIN GHEE

MAGHER MAIN KYA KAROON MUJHAY MANGNAY SAY NAFRAT HAI.
30.__________________________________________________________

SAREE DUNIA KI BAY-TABIAN SAMAIT KER

JAB KUCH NA BAN SAKKA TOW MERA DILL BANNA DIYA.
31.__________________________________________________________
YEH KYA KAMM HAI KEH HUM TERI MOHABBAT MAIN JIYAIN,
LUTF-E-MANZIL NA SAHEE HASRAT-E-MANZIL HEE SAHEE.
32.__________________________________________________________

YOUN NA MILL MUJH SAY KHAFFA HO JAISAY

ISS TARAH SATH CHALL MOJ-E-SABBA HO JAISAY
ISHQ KO SHIRK KI HADD TAK NA BARHA
YOUN NA MILL HUM SAY KHUDA HO JAISAY
ZINDAGHEE BEET RAHEE DANISH
AIK BAY-JURM SAZZA HO JAISAY.
33.__________________________________________________________

MAZZA BERSAT KA CHAHOO

TOW INN ANKHOON MAIN AA BAITHOO
WOH BERSOON MAIN KABHEE BERSAIN
YEH BARSOON SAY BARASTEE HAI.
34.__________________________________________________________

NAHEEN ATTA MUJHAY WAFFA'AON SAY DAMAN CHURHA LAINA

AAP PAY JAAN DAY DOON GHA KISSI DIN AZMA LAINA.
35.__________________________________________________________

WAQF HAI ZEHAN FAQQAT TARAY TASAWUR KEH LIYAY

MAIN TUJHAY BHOOLA HEE KABB HON JO TUMHAIN YAAD KAROON.
36.__________________________________________________________

SHAMMAR ZAKHM ABHEE SAY FARRAZ KYA KERNAY

ABHEE TOW JAAN MERI IBTADA BAHHAR KEE HAI.
37.__________________________________________________________

KAASH AESA HO KEH AB KAY BAY-WAFAEE MAIN KAROON

TUU PHIRRAY QARYA-BA-QARYA DER-BADER MARAY LIYAY.
38.__________________________________________________________

IK QAYYAMT HAI KEH HER RAAT GUZZER JATEE HAI

TUU NAY DAIKHA HI NAHEEN AALAM MERI TANHAEE KA.
39.__________________________________________________________

BAAT CHALEE TOW NEEL GAGHAN SAY

TARAY TORHAY LOGHOON NAY
KAAM PARHA TOW AANKH CHURA LEE
JAAN SAY PAYARAY LOGHOON NAY.
40.___________________________________________________________

BASS ISS KHIYAL SAY AANSOO CHUPA LIYAY HUM NAY

UDDAS REH KER KISSI KO UDDAS KYA KERNA.
41.___________________________________________________________

AZZEZ ITNA HI RAKHOO KEH JEE BEHAL JA'AY

AB ISS QADDER BHEE NA CHAHOO KEH DAMM NIKKAL JA'AY.
42.___________________________________________________________

MUJH SAY GURAIZ HAI TOW HER RASTA BADDEL

GER MAIN SANG-E-RAAH HOON TOW HER RASTAY MAIN HOON.
43.___________________________________________________________

RANJ KI JAB GUFTAGHOO HONAY LAGHEE

AAP SAY TUM,TUM SAY TUU HONAY LAGHEE.
44.___________________________________________________________

TERI MA'ASOOM NIGAHOON KAY TAQADUS KI QASSAM

DILL NAY TOW KYA ROOH NAY BHEE TUJH SAY MOHABBAT KI HAI.
45.___________________________________________________________

TARAY BAGHAIR NA GUZRAY GHEE ZINDAGHEE AAY DOST

MAIN KYA KAROON GHA ZAMANAY KI DOSTEE LAIKER.
46.___________________________________________________________

BURA HO AASHQEE KA
ISS NAY BIGHARHAY SARAY KAAM
HUM A,B MAIN RAHAY
OR YAAR B.A HO GAYYA.
47.___________________________________________________________

TUMHAIN MAIN YAAD KERTA HOON

NIGAHOON MAIN KHYALOON MAIN
MARAY DILL KI YEH HALAT HAI
TARAY DILL KI KHUDA JANAY.
48.___________________________________________________________

TERI YADOON KO BHOOL JANAY TAKK

MAR DAIGHA TAIRA KHAYYAL MUJHAY.
49.___________________________________________________________

GHAIROON KO KYA PARHEE HAI KEH WOH RUSWA KARAIN MUJHAY

IN SAAZSHOON MAIN HATH KISSI AASHNA KA HAI.
50.___________________________________________________________

AFSOOS DILL KA HALL KOEE POOCHTA NAHEEN.....

SAB POOCHTAY HAIN,YEH TERI SOORAT KO KYA HUWA..?
(KAMMAL HAI NA)
CONTINUED................................................

Mohabbat Ki AK Nazam

Ager Kabi mairee Yaad Aye

Tu Chand Raaton Ki Neram-Dil-Gair roshni main

Kisi sitare Ko dekh Laina _

Ager wo Nakhlay falak say UR Ker Tumhare Kadmon Main Agiray tu

Ye Jaan Laina K wo sitara tha maire Dil Ka,

Ager Na Aye tu....

Mager ye Mumkin he kis terhan hai k tu Kisi pay Nigaah Dalo

Tu us ki Deeware-Jaan na tootay

Wo Apni hasti na bhool jai !

Ager Kabi maire Yaad Aye

Guraiz Kerti Hawa Ki Lehron pay Haat Rakhna

mai Kushboon mai tumhain milon ga _

Muje Gulaabon Ki pation main talash Kerna

Main OOS Ketron k Ayino main tumhain milon ga _

Ager sitaron main OOS Ketron main Kushboon main na PAo muj ko tu Apnay Kadmon
main Dekh laina

Main Gard hoti musafaton main tumhain milon ga

Kahin Pay Roshan Cheraag Dekho tu Jaan laina

K her Patangay K saat mai bhi bikhar chuka hon

Tum Apnay haaton say UN Patangon Ki Khaaq _

Derya main daal daina

Main Khaaq Ban K samunderon main safar Keron ga _

Kisi na Dekhay howay Jazeeray Pay Ruk K tum Ko sada don ga

Samunderon K safar Pay niklon tu US Jazeeray pay bhi uter na_

Ager Kabi mairee Yaad Aye

Ager Kabi.............!!!

Urdustaan ...
Mohabbat ki tabiyat mein yeh kaisa bachpana qudrat ne rakha hai
Ke jitni purani jitni bhi mazboot ho jaye
Isse taid e taza ki zaroorat phir bhi rakhi hai

Yaqeen ki aakhri had tak dilon mein lahlhati ho

Nigahon se tapakti lahu mein jagmagati ho
Hazaron tarhan ke dilkash haseen haalay banati ho
Isse izhar ke lafzon ki hajat phir bhi rahti hai

Mohabbat mangti hai yum gawahi apne hone ki

Ke jaise tifl e sada shaam mein ek beej boye
Aur shab mein bar ha uthe
Zameen ko khod ke dekhe ke poda ab kahan tak hai
Mohabbat ki tabiyat mein ajab takrar ki hu hai
Ke yeh iqrar ke lafzon ko sunne se nahin thakti

Bicharne ki ghari ho ya koi milne ki saa’t ho

Isse bas aik hi dhun hai
Kaho --------“mujh se mohabbat hai”
Kaho --------“mujh se mohabbat hai”

Samandar se kahin gahri, sitaron se siwa roshan

Paharon ki tarha qaim, hawaon ki tarhan daim
Zameen se aasman tak jis qadr ache manazir hain
Mohabbat ke kanaye hain wafa ke istaa’re hain
Hamare hain
Hamare wastey ye chandni raatein sanwarti hain
Sunehra din nikalta hai
Mohabbat jis taraf jaye zamana saath chalta hai

Kuch aisi be sakooni hai wafa ki sarzaminon mein

Ke jo ahl e mohabbat ko sada baichen rakhti hai
Ke jaise phool mein khushbo ke jaise haath mein para
Ke jaise shaam ka tara

Mohabbat karne walon ki sahr raton mein rahti hai

Guman ke shakhchon mein aashyan banta hai ulfat ka
Yeh ain wasl mein bhi hijr ki khadshon mein rahti hai

Mohabbat ke musafir zindagi jab kaat chukte hain

Thakan ki kirchian chunte wafa ki ajrakein pahne
Tu koi dobti sanson ki dori tham kar
Dheeray se kahta hai

Yeh such hai na _______________!

Hamari zindagi ek doosre ke naam likhi thi!
Dhundlaka sa jo aankhon ke qareeb o’ dor phela tha
Ussi ka naam chahat tha!
Tumhein mujh se mohabbat thi
Tumhein mujh se mohabbat thi !!

Mohabbat ki tabiyat mein

Yeh kaisa bachpana qudrat ne rakha hai!

--- sahil sharma <[email protected]> wrote:

> KUCHH TO ASLI JISM KO BAHAR JHALAKNE DIJIYE
> ANDRUNI SHAKHAS KA KAPDA SARAKNE DIJIYE
>
> JHUTHE KAHKAHE HOTE RAHENGE YUN HI BULAND
> AAP DIL-E-NASHAD PE NIGAHOON KO CHAMAKNE DIJIYE
>
> KUCHH NAYE CHEHRE KHAKE AKS BAN JAYENGE
> SHAHER KI GALIYOON MAIN IN ANKHOON KO BHATAKNE DIJIYE
>
> APNE JISM KO HAR EK MEHFIL MAIN KIJIYE SHARIQ
> AUR DARDE-DIL KO KHUNTI PAR LATAKNE DIJIYE
>
> HUM TO KHUD BARSA KIYE HAIN MANCHALI BARSAAT MAIN
> CHHAT KI KISKO FIKAR HAI "SAHIL" TAPAKNE DIJIYE
>
> (SAHIL)
>

Urdustaan
main aap hi apni talaash main hoon
mairaa koi raah-numa nahin hay
woh kiya dikhaaengay raah mujh ko
jinhain khud apna pata nahin hay

bahut dinon say main sun raha tha

sazaa woh daitay hain her khata ki
mujhay to is ki saza mili hay
keh mairi koi khataa nahin hay

dil aainaa hay tum apni surat

sanvaar lo aur khud hi daikho
jo nuks hoga dikhaai daigaa
yay bayzubaan bolta nahin hay

musarraton ki talaash main hoon

magar yay dil jaantaa nahin hay
agar gham-e-zindagi nahin hay
to zindagi main mazaa nahin hay

yeh unkay mandir, yeh unki masjid

yeh zar-paraston ki sajda-gaahain
agar yeh unkay khuda ka ghar hay
to is main maira khuda nahin hay.

(dunno the poet)

(side note for deewana, no b.s in this thread)
_________________

Jo woh aa kar Kabr par mere Dheere say Muskura diyaa...!

Bijlii tadap ke gir padi saara Kafan Jala diyaa...!
Chain se so raha thaa mai, odhe Kafan Mazaar main...!
Yahaa bhi sataane aa gaye, kis ne pata bata diyaa??

- Unknown

Hello everyone!

Here is another good ghazal by Bashir Badr.

-----------------------------------------
Mujh Sey Bichar Kay Khush Rehtay Hoo
Meri Tarhaa Tum Bhi Jhootey Hoo
Ek Deewar Pe Chaand Tika Thaa
Mein Yeh Samjha, Tum Bethay Hoo

Ujley Ujley Phool Khilay Thay

Bilkul Jaisey Tum Hanste Hoo

Mujhe Shaam Bataa Deti Hai

Tum Kaisey Kapdre Payhney Hoo

Dil Ka Haal Parhaa Cheray Sey

Sahil Sey Lahrein Gintey Hoo

Tum Tanhaa Duniya Sey Lardo Gey

Bachon si Baatein Kartey Hoo
-----------------------------------------

zindagi ke mele meiN

KhwaahishoN ke rele meiN
tum se kya kaheiN jaanaaN
is qadar jhamele meiN

Waqt ki rawaani hai

baKht ki giraani hai
saKht be~zameeni hai
saKht laa~makaani hai
hijr ke samandar meiN
taKht aur taKhte ki
eik hi kahani hai
tum ko jo sunani hai

baat go zara si hai

baat umr bhar ki hai
umr bhar ki baateiN kab
do ghaRi meiN hoti haiN
dard ke samandar meiN
an~ginat jazeere haiN
be~shumaar moti haiN

aaNkh ke dareeche meiN

tum ne jo sajaya tha
baat us diye ki hai
baat us gile ki hai
jo lahu ki Khilwat meiN
chore ban ke aata hai
lafz ki faseeloN par
TooT TooT jaata hai

zindagi se lambi hai

baat rat~jage ki hai
raaste meiN kaise ho
baat taKhliye ki hai
taKhliye ki baatoN meiN
guftagu izaafi hai
piyaar karne waaloN ko
ik nigaah kaafi hai

ho sake to sun jaao

eik din akele meiN
tum se kya kaheiN jaanaaN
is qadar jhamele meiN
_________________

Urdustaan
Posted: Wed Aug 04, 2004 7:09 am Post subject: Tum Raaz agar hotey, Mein
Dil mein chhupa leti

------------------------------------------------------------------------------
--

Tum Raaz agar hotey, Mein Dil mein chhupa leti

Muskaati hui Aankhein, aelaan na bun jaaein
Jab naam tera aata, Palkon ko jhuka leti

Tum meri taraf chal kar, jiss raah se bhi aatey

Hur simt meri Aankehin, qadmaon ke taley paatey
Aik meethi hansi , hans kar , sow phool khilaa jaatey

Yeh Phool Utha leti, Rangon mein naha leti

Tum Raaz agar hotey, Mein Dil mein chhupa leti

Tum meri umeedon ki kashti ke liyey Saahil

manzil ke liyey Rusta, Aankhon ke liyey Kajal
Tum Dhoop mein jab aatey, bun jaati waheen Badal

Aawaaz agar hotey, Geeton mein saja leti

Tum Raaz agar hotey, Mein Dil mein chhupa leti

dekh lo khuaab magar khuaab ka charcha na karo

log jal jayan ge sooraj ki tamanna na karo

waqt ka kaya hai kisi pal bhi badal sakta hai

ho sake tum se to tum mujh pe bharosa na karo

kirchiyan tootay hoye aks ki chubh jayan gi

aur kuch roz abhi aiina dekha na karo

ajnabi lagne lage khud tumhain apna hi wajood

apne din raat ko itna bhi akela na karo

khuaab bachhon ke khelonon ki tarah hote hain

khuaab dekha na karo khuaab dikhaya na karo
bekhiyali main kabhi ungliyan jal jayain gi
raakh guzre hoye lamhon ki kureedah na karo
.

~ Salman Majeed ~

AZAD GULATI:

Aafiyat apnay hareefon kee nazar mein rakhna

Aib thorha sa kahin apnay hunar mein rakhna
Ghar talak aanay ki targheeb milegi us sey
Apnay koochay ki mehel saath safar mein rakhna

aa chaa.Ndanii bhii merii tarah jaag rahii hai

palako.n pe sitaaro.n ko liye raat kha.Dii hai

ye baat ki suurat ke bhale dil ke bure ho.n

allaah kare jhuuTh ho bahuto.n se suunii hai

vo maathe kaa matalaa ho ki ho.nTho.n ke do misare

bachapan kii Gazal hii merii mahabuub rahii hai

Gazalo.n ne vahii.n zulfo.n ke phailaa diye saaye

jin raaho.n pe dekhaa hai bahut dhuup ka.Dii hai

ham dillii bhii ho aaye hai.n laahaur bhii ghume

ai yaar magar terii galii terii galii hai

[laahaur =Lahore]
Bashir Badr

aa.Nsuuo.n kii jahaa.N paayamaalii rahii

aisii bastii charaaGo.n se Khaalii rahii

dushmano.n kii tarah us se la.Date rahe

apanii chaahat bhii kitanii niraalii rahii

jab kabhii bhii tumhaaraa Khayaal aa gayaa

phir ka_ii roz tak beKhayaalii rahii

lab tarasate rahe ik ha.Nsii ke liye

merii kashtii musaafir se Khaalii rahii
chaa.Nd taare saabhii ham-safar the magar
zindagii raat thii raat kaalii rahii

mere siine pe Khushbuu ne sar rakh diyaa

merii baa.Nho.n me.n puulo.n kii Daalii rahii
Bashir Badr

abhii is taraf na nigaah kar mai.n Gazal ke palke.n sa.Nvaar luu.N

meraa lafz lafz ho aa_iinaa tujhe aa_iine me.n utaar luu.N

mai.n tamaam din kaa thakaa huaa tuu tamaam shab kaa jagaa huaa
zaraa Thahar jaa isii mo.D par tere saath shaam guzaar luu.N

agar aasamaa.N kii numaa_isho.n me.n mujhe bhii izn-e-qayaam ho

to mai.n motiyo.n kii dukaan se terii baaliyaa.N tere haar luu.N

[izn-e-qaayam=command to stop]

ka_ii ajanabii terii raah ke mere paas se yuu.N guzar gaye

ji.nhe.N dekh kar ye ta.Dap hu_ii teraa naam leke pukaar luu.N
Bashir Badr

bhiigii hu_ii aa.Nkho.n kaa ye ma.nzar na milegaa

ghar chho.D ke mat jaao kahii.n ghar na milegaa

phir yaad bahur aayegii zulfo.n kii ghanii shaam

jab dhuup me.n saayaa ko_ii sar par na milegaa

aa.Nsuu ko kabhii os kaa qataraa na samajhanaa

aisaa tumhe.n chaahat kaa samu.ndar na milegaa

is Khvaab ke maahaul me.n be-Khvaab hai.n aa.Nkhe.n

baazaar me.n aisaa ko_ii zevar na milegaa

ye soch lo ab aaKhirii saayaa hai muhabbat

is dar se uthoge to ko_ii dar na milegaa

Bashir Badr

kabhii yuu.N bhii aa merii aa.Nkh me.n ke merii nazar ko Khabar na ho

mujhe ek raat navaaz de magar uske baad sahar na ho

[navaaz - to grant]

vo ba.Daa rahiim-o-kariim hai mujhe ye sifat bhii ataa kare

tujhe bhuulane kii duaa karuu.N to duaa me.n merii asar na ho

[rahiim-o-kariim - kind & generous; sifat - talent]

mere baazuo.n me.n thakii thakii , abhii mahav-e-Khvaab hai chaa.Ndanii
na uThe sitaaro.n kii paalakii, abhii aahaTo.n kaa guzar na ho

ye Gazal ki jaise hiran kii aa.Nkho.n me.n pichhalii raat kii chaa.Ndanii
na bujhe Kharaabe kii roshanii, kabhii becharaaG ye ghar na ho

vo firaaq ho yaa visaal ho, terii yaad mahakegii ek din

vo gulaab ban ke khilegaa kyaa, jo chiraaG ban ke jalaa na ho

kabhii dhuup de, kabhii badaliyaa.N, dil-o-jaa.N se dono.n qubuul hai.n

magar us nagar me.n na qaid kar jahaa.N zindagii kii havaa na ho

kabhii din kii dhuup me.n jhuum ke kabhii shab ke phuul ko chuum ke
yuu.N hii saath saath chale.n sadaa kabhii Khatm apanaa safar na ho

[shab - night]

mere paas mere habiib aa zaraa aur dil ke qariib aa

tujhe dha.Dakano.n me.n basaa luu.N mai.n ke bichha.Dane kaa kabhii Dar na ho

[habiib - beloved]

Bashir Badr

kahii.n chaa.Nd raaho.n me.n kho gayaa kahii.n chaa.Ndanii bhii bhaTak ga_ii
mai.n charaaG vo bhii bujhaa huaa merii raat kaise chamak ga_ii

merii daastaa.N kaa uruuj thaa terii narm palako.n kii chhaa.Nv me.n
mere saath thaa tujhe jaaganaa terii aa.Nkh kaise jhapak ga_ii

kabhii ham mile to bhii kyaa mile vahii duuriyaa.N vahii faasale
na kabhii hamaare qadam ba.Dhe na kabhii tumhaarii jhijhak ga_ii

tujhe bhuul jaane kii koshishe.n kabhii qaamayaab na ho sakii.n

terii yaad shaaKh-e-gulaab hai jo havaa chalii to lachak ga_ii

Bashir Badr

kaun aayaa raaste aaiinaaKhaane ho gae

raat raushan ho gaii din bhii suhaane ho gae

kyo.n havelii ke uja.Dane kaa mujhe afasos ho

saika.Do.n beghar pari.ndo.n ke Thikaane ho gae

ye bhii mumkin hai ke usane mujhako pahachaanaa na ho

ab use dekhe hue kitane zamaane ho gae
jaao un kamaro.n ke aaiine uThaakar phe.nk do
ve agar ye kah rahe.n ho ham puraane ho gae

merii palako.n par ye aa.Nsuu pyaar kii tauhiin hai

unakii aa.Nkho.n se gire motii ke daane ho gae

Bashir Badr

Khushbuu kii tarah aayaa vo tez havaao.n me.n

maa.Ngaa thaa jise ham ne din raat duaao.n me.n

tum chhat par nahii.n aaye mai.n ghar se nahii.n nikalaa

ye chaa.Nd bahut laTakaa saavan ki ghaTaao.n me.n

is shahar me.n ik la.Dakii bilkul hai Gazal jaisii

phuulo.n kii badan vaalii Khushbuu sii adaao.n me.n

duniyaa kii tarah vo bhii ha.Nsate hai.n muhabbat par

Duube huye rahate the jo log vafaao.n me.n

Bashir Badr

Khvaab is aa.Nkho.n se ab ko_ii churaa kar le jaaye

qabr ke suukhe huye phuul uThaa kar le jaaye

mu.ntazir phuul me.n Khushbuu kii tarah huu.N kab se

ko_ii jho.nke.n kii tarah aaye u.Daa kar le jaaye

[mu.ntazir=waiting]

ye bhii paanii hai magar aa.Nkho.n kaa aisaa paanii

jo hathelii pe rachii meha.ndii u.Daa kar le jaaye

mai.n mohabbat se mahakataa huaa Khat huu.N mujh ko

zindagii apanii kitaabo.n me.n dabaa kar le jaaye

Khaak i.nsaaf hai naabiinaa buto.n ke aage

raat thaalii me.n chiraaGo.n ko sajaa kar le jaaye

[naabiinaa=blind]

Bashir Badr

ko_ii kaa.NTaa chubhaa nahii.n hotaa

dil agar phuul saa nahii.n hotaa

kuchh to majabuuriyaa.N rahii ho.ngii

yuu.N ko_ii bevafaa nahii.n hotaa

guftaguu un se roz hotii hai

muddato.n saamanaa nahii.n hotaa

jii bahut chaahataa sach bole.n

kyaa kare,n hausalaa nahii.n hotaa

raat kaa i.ntazaar kaun kare

aaj kal din me.n kyaa nahii.n hotaa

Bashir Badr

log TuuT jaate hai.n ek ghar banaane me.n

tum taras nahii.n khaate bastiyaa.N jalaane me.n

aur jaam TuuTe.nge is sharaab-Khaane me.n

mausamo.n ke aane me.n mausamo.n ke jaane me.n

har dha.Dakate patthar ko log dil samajhate hai.n

umr biit jaatii hai dil ko dil banaane me.n

faaKhtaa kii majabuurii ye bhii kah nahii.n sakatii

kaun saa.Np rakhataa hai usake aashiyaane me.n

duusarii ko_ii la.Dakii zindagii me.n aayegii

kitanii der lagatii hai usako bhuul jaane me.n

Bashir Badr

mere saath tum bhii duaa karo yuu.N kisii ke haq me.n buraa na ho
kahii.n aur ho na ye haadasaa ko_ii raaste me.n judaa na ho

mere ghar se raat kii sej tak vo ik aa.Nsuu kii lakiir hai
zaraa ba.D ke chaa.Nd se puuchhanaa vo isii taraf se gayaa na ho

NOTE: Some books have the first misra of the above sher as:
merii chhat se raat kii subah tak ko_ii aa.Nsuuo.n kii lakiir hai

sar-e-shaam Thaharii hu_ii zamii.n, aasamaa.N hai jhukaa huaa

isii mo.D par mere vaaste vo charaaG le kar kha.Daa na ho

vo farishte aap hii Dhuu.NDhiye kahaaniyo.n kii kitaab me.n

jo buraa kahe.n na buraa sune ko_ii shaKhs un se Khafaa na ho

vo visaal ho ke firaaq ho terii aag mahakegii ek din

vo gulaab ban ke khilegaa kyaa jo charaaG ban ke jalaa na ho

mujhe yuu.N lagaa ki Khaamosh Khushbuu ke ho.NTh titalii ne chhuu liye

i.nhii.n zard patto.n kii oT me.n ko_ii phuul soyaa huaa na ho
isii ehatiyaat me.n mai.n rahaa, isii ehatiyaat me.n vo rahaa
vo kahaa.N kahaa.N mere saath hai kisii aur ko ye pataa na ho

Bashir Badr

muskuraatii hu_ii dhanak hai vahii

us badan me.n chamak damak hai vahii

phuul kumhalaa gaye ujaalo.n ke

saa.Nvalii shaam me.n namak hai vahii

ab bhii cheharaa charaaG lagataa hai

bujh gayaa hai magar chamak hai vahii

ko_ii shiishaa zaruur TuuTaa hai

gunagunaatii hu_ii khanak hai vahii

pyaar kis kaa milaa hai miTTii me.n

is chamelii tale mahak hai vahii

Bashir Badr

Sar jhukaaoge to patthar devataa ho jaayegaa

Itanaa mat chaaho use wo be-wafaa ho jaayegaa

Ham bhii dariyaa hain hamein apanaa hunar maaluum hai

Jis taraf bhii chal padengay raastaa ho jaayegaa

Kitanii sachchaa_ii se mujhase zindagii ne kah diyaa

Tuu nahin meraa to ko_ii duusaraa ho jaayegaa

Main Khudaa kaa naam le kar pii rahaa huun dosto

Zahar bhii is me agar hogaa davaa ho jaayegaa

RuuTh jaanaa to mohabbat kii alaamat hai magar

Kyaa Khabar thii mujh se wo itanaa Khafaa ho jaayegaa

Bashir Badr

Zabat ka ahd bhee hay shoq ka pamaan bhee hay

Ahd -O- paman say guzar janey ko jee chahta hay
Shor itna hay kah har rag pay hay mahshar berpa
Sakoon itna hay kah mar janey ko jee chahta hay

lamhon ki ik potli mein, mazi ki daulat chhupaye,

fida in chaar lamhon pe, meri hasti ka afsana.

mera hasil nahi kuchh, baad in do chaar lamhon ke,

koi poochhe ki "kya ho?", phir se uthhna aur dohrana.

ankur 'ahmaq'

koi zanjeer ho..

aahan ki,chandi ki ,riwaayat ki..
mohabbat tor sakti hai..

yeh aesi dhaal hai jis par..

zamanay ki kissi talwaar ka loha nahee chalta..
yeh aesa shahar hai jis mein..
kissi amir kissi sultan ka sikaa nahee chalta..

agar chasm-e- tamasha main zara see bhi milawat ho...

yeh aayinaa nahee chalta..

yeh aesi aag hai jis mein..

badan sholon main jaltay hain..tu roohein muskurati hain..

yeh woh sailab hai jis ko..

dilon ki batiyaan aawaz de kar khood bulati hain..
yeh jab chaye kissi bhi khuwaab ki tabeer mil jaye..

jo manzar bujh chuke hain ..unko bhi tanveer mil jaye..

dua jo be thikana thii..usse taseer mil jayee..
kissi rastay main rasta poochti taqdeer mil jaye..

mohabbat rok sakti hai..samay kay tez dharaay ko..

kissi jaltay shararay ko ,fanaa kay istaaray ko..
mohabbat rok sakti hai..kissi girtay sitary ko..

yeh chikna choor aayenay ki kirchein jor sakti hai..

jidher chaye yeh baagein mausamon ki mor sakti hai..
koi zanjeer ho,usko mahabbat tor sakti hai..
Amjad Islam Amjad

****************************** Up to here
*************************************************

*********************************** Printed on 25thAug 2004

******************************************

mushkil hai ab shahar me.n nikale ko_ii ghar se

dastaar pe baat aa ga_ii hai hotii hu_ii sar se

barasaa bhii to kis dasht ke be-faiz badan par

ik umr mere khet the jis abr ko tarase

is baar jo indhan ke liye kaT ke giraa hai

chi.Diyo.n ko ba.Daa pyaar thaa us buu.Dhe shajar se

mehanat merii aa.Ndhii se to manasuub nahii.n thii

rahanaa thaa ko_ii rabt shajar kaa bhii samar se

Khud apane se milane kaa to yaaraa na thaa mujh me.n

mai.n bhii.D me.n gum ho ga_ii tanhaa_ii ke Dar se

benaam musaafat hii muqaddar hai to kyaa Gam

manzil kaa ta'yyun kabhii hotaa hai safar se

pattharaayaa hai dil yuu.N ki ko_ii ism pa.Dhaa jaaye

ye shahar nikalataa nahii.n jaaduu ke asar se

nikale hai.n to raste me.n kahii.n shaam bhii hogii

suuraj bhii magar aayegaa is raah-guzar se

Parveen Shakir

sabz maddham roshanii me.n surKh aa.Nchal kii dhanak

sard kamare me.n machalatii garm saa.Nso.n kii mahak

baazuuo.n ke sakht halqe me.n ko_ii naazuk badan

silvaTe.n malabuus par aa.Nchal bhii kuchh Dhalakaa huaa

garmii-e-ruKhsaar se dahakii hu_ii Thaa.nDii havaa

narm zulfo.n se mulaayam u.Ngaliyo.n kii chhe.D chhaa.D

surKh ho.nTho.n par sharaarat ke kisii lamhe.n kaa aks

reshamii baaho.n me.n chuu.Dii kii kabhii maddham dhanak

sharmagii.n lahajo.n me.n dhiire se kabhii chaahat kii baat

do dilo.n kii dha.Dakano.n me.n guu.Njatii thii ek sadaa

kaa.Npate ho.nTho.n pe thii allaah se sirf ek duaa

kaash ye lamhe Thahar jaaye.n Thahar jaaye.n zaraa

Parveen Shakir

Jis sar ko ghuroor aaj hay yaaN taaj'wari ka

Kal us per yaheen shor hay phir noha'gari ka

Aafaaq ki manzil se gaya kaun salamat

Asbaab luta raah me yaaN har saf'ri ka

Le saans bhi ahista k nazuk hay bohot kaam

Aafaaq ki is kaar'ga-e-sheesha'gari ka

Aitbaar Saajid / Meer taqi Meer ?

Urdustaan ...
Hui hai shaam to aankhon mein bas gayaa phir tu
kahaan gayaa hai mere shahar ke musaafir tu

bahut udaas hai ik shakhs tere jaane se

jo ho sake to chalaa aa usi ki Khaatir tu

merii misaal ki ik nakhl-e-Khushk-e-saharaa huN

tera Khayaal ki shaaKh-e-chaman kaa taair tu

main janataa hoon ke duniya tujhe badal degi

main manataa hoon ke aisaa nahin bazaahir tu

hansi Khushi se bichhad jaa agar bichhadnaa hai

ye har maqaam pe kyaa sochataa hai aaKhir tu

'Faraz' tune use mushkilon mein daal diyaa

zamanaa saahib-e-zar aur sirf shaayar tu..

==============================================================================
==========

Aasmaanon per nazar kar, anjum-o-mahtaab dekh....

Subah ki bunyaad rakhni hai to pehlay khwaab dekh ..

dosh per tarkash pada rehnay day pehlay dil sambhaal ..

dil sambhal jaayey to suu-e-seena-e-ehbaab dekh ..

moja-e-sarkash kinaaron say chchalak jaayey to phir. ..

kaisi kaisi bastiyaan aatien hain zairay-aab dekh....

boond main sara samandar, aankh main kul kainaat ...

aik musht-e-khaak main suuraj ki aab-o-taab dekh ...

Iftakhaar Aarif kay tund-o-taiz lehjay per na jaa ....

Iftakhaar Aarif ki aankhon main uljhtay khwaab dekh ....

Main Kirnon ka sona Shu-aaon ki chaandi

Baharon ki sajh dhaj shaguufon ki mehndii
Teri zindagii main sajata rahonga
Koi Naghma-gar main, main shaair tera hon ....

Teri zindagii main fasurday khizaan ko

Main aanay na doonga zamaan-e-giraan ko
Sapar ban k tujh ko bachata rahonga
Koi Naghma-gar main, main shaair tera hon ....

Main aariz ko teray subah ka ujala

Ghanay gaisuoan ko shab-e-taar donga
Tujhay waqt ban k naya roop donga
Koi Naghma-gar main, main shaair tera hon ....
Main raaton say teri farozaan qamar ko
Chamktay dinon say gulaabi sahar ko
Main atraaf ban k nikalnay na donga
Koi Naghma-gar main, main shaair tera hon ....

Aarzu Chaudhary

Khuda zabaan ko kuchch or us ki Talkh karay

Meray zameer ko jis shaks nay jhinjor diya

Kitaab-e-Umr mai tha lafz-e-ishq paicheeda

Samajh sakay nay issay hum warq ko mod diya

Ab or kitni karon ehtiyaat yeh to bata

Nazar mila k to kiya, daikhna bhi chchod diya

Sitam zareef-i-qudrat yeh daikhiyey Parveen

hamaray naam pay laa kar qalam ko toar diya

Atia Parveen

Khiltay phoolon ki yeh kahaani, dil ko na kyon tadpaayey bohot

Shaakhon per kam rehnay paayey, haathon main murjhaayey bohot

Qismat ka yeh phphair bhi dekha, bujhnay waali pyaas badhi

Mitti tarsi, boond na barsi baadal ghir kar aayey bohot

Apni apni wazaa hai ai dil, kon tang zarfon say kahay
Chadar or bhi chchoti hogi paaon agar phailaayey bohot

Waah ray un ki bazm-e-hazoori, wah ray apna paas-e-adab

Kehnay ko jaayein thodi baatien, kehnay ko reh jaayey bohot

Insaanon ka ajayab khana, hai to raza dilchasp muqaam

Jis say bolo, jis ko dekho, samjhay kam samjhaayay bohot

Sayyed Aal Raza

Qahat-u-rijaal
Ab yeh aalam hai koii manzil na koi rahbar
Neel kay saahil say lay kar, taa-ba-khaak-e-kaashghar

Or yarmook-o-firaat-o-dajla sab hain bay sadaf

Shaam-o-najad-o-qeerwaan sab hain nakheel-e-bay-samar

Sab kay haathon main hai kashkoal gadaii saf-b-saf

Or sab mohtaaj-o-saim-o-zar sabhi daryuuzagar

Kitni dehleezon pay paishaani rahegi sajda-raiz

Kitnay qadmoan per giraaii jaayegi dastar-e-sir

Mahw-e-Khwaab-e-khud faramoshi hai har aik anjuman

Har sabu daaman-tahi, har khaak-daan hai bai sharar

Ranj-e-paspaaii say woh shoar-e-rajz-khwaani gaya

Dast-o-baazu shal, uthaayay kon ab taigh-o-tabar

Khoaf-e-shab-khoon lay gaya saf-bandiyey-noa ka khayaal

Jurrat-e-parwaaz lay doobi, shikastay baal-o-par

Kuch zabaanon per hai ab bhi shikwa-e-baagh-e-fidak

Or baaqi hain giraftaar-e-abu-bakr-o-omar

Jab hon sab masroof-e-tazzuun-e-dar-o-deewaar-o-zaat

Jab hon sab dildaada-e-asbaab-e-shaan-o-karro-fur

Qomiyat, Mazhab, Mafaad-e-iqtasaadi or zabaan

In sabhi asnaam main nikla na koi moatabar

Muddaton say hai yehi andaaz-e-fikr-e-roz-o-shab

Aik khalish si aazmi rehti hai ab shaam-o-sahar

Kiya huwa karta hai farda soorat-e-imroaz bhi

Laut kar aata hai kiya, maazi kabhi baar-e-digar ?????

Sees Moh'd Ismaael Aazmi

Yeh waraq hain k dhadaktay huway dil bikhray hain

Narm haathon ki yeh sharmaayiy huii tahreerain
Garm saanson k yeh ghabraayey huway afsaanay
Aik raanjhay k taaquub main bohot si heerain
Yeh meri maiz pay bikhray huway rangeen khatoot ....

Haay yeh nazr-e-aqeedat, yeh kisi zulf ki lat

Chuudyon k yeh haray, laal, sunehray tukday
Yeh haseen khoon say likha huwa paimaan-e-wafa
"Hum nahin badleingay, chaahay koi kar day tukday"
Yeh meri maiz pay bikhray huway rangeen khatoot ....

Yeh kisi bint-e-karachi kay khatarnaak sawaal

Yeh kisi dukhtar-e-lahore k bebaak jawaab
Yeh kisi qasr k seenay ki sulagti huii aag
Yeh kisi laaj ki aankhon k mehaktay huway khwaab
Yeh meri maiz pay bikhray huway rangeen khatoot ....

Yeh subak lafz, jawaan lafz, khanaktay huway lafz

Yeh baraily ki dhanak, Shahjahanpur k phool
Gungunaatien hain fazaaon main ajab khushbuain
Muskuraatay hain dareechon main bohot door k phool
Yeh meri maiz pay bikhray huway rangeen khatoot ....

Kaash main saahib-e-alfaaz na hota shabnam

Waraq-e-shauq pay lafzoan ki tarah so jata
Kash jin phool say haathon nay yeh khat likhkhay hain
Main unhin haathon ka likhkha huwa khat ho jata
Yeh meri maiz pay bikhray huway rangeen khatoot ....

Shabnam Romaani ....

Aa Mussawir meri naheed ki tasveer bana

 Door hon us say tujhay shakl dikhaaon kyon kar
Woh hai maghroor na aayegi bulaaon kyonkar
Sach kaha Hulya bayan main karon teray aagay
Magar alfaaz main guldusta sajaaon kyonkar
Khair, pehlay to ghani zulf-e-girahgeer bana
Aa Mussawir meri naheed ki tasveer bana

Jis main takmeel ki mairaaj pay hon zulmat-o-noor

Day siyaahi ko chamak, fun pay jo rakhta hai uboor
Jab ho yeh marhala tay, Shabnam gul ki nikhat
Zulf main jis ki mehak ho woh khapana hai zaroor
Baad-e-azaan abroo-e-khamdaar ki shamsheer bana
Aa Mussawir meri naheed ki tasveer bana

Faasla ho faqat itna k nazar khaayey faraib

Or palkien talay ooper na khulien or na milien
Or yeh shubah ho mabain hai bareek jhiri
Jhankna chahay jahan, dil main chchuri pair gayi
Raqs karta huwa aik halqa-e-tanveer bana
Aa Mussawir meri naheed ki tasveer bana

Yaani aankhien bana or aisi sitamgar aankhien

Kar k jo ehad-e-karam qatal kiya karti hien
Bijliyaan jin ki shararat say dara kartien hein
Seham kar abr kay daaman main chupa kartien hien
Taairtay hon jis main gul, aik qadah-e-sheer bana
Aa Mussawir meri naheed ki tasveer bana

Warna rukhsaar ka ghaaza bhi na hoga tayyaar

Hont to khair jo barsaatay hien rangeen anwaar
Or chida detay hain moonh bosay ki dawat day kar
Haath malti huii mehroom hi jaati hai bahar
Sang-marmar k kisi khwaab ki tabeer bana
Aa Mussawir meri naheed ki tasveer bana
( Yahan ka aik band or hai jo meray pass
sahih likha huwa nahin hai or poora bhi nahin hai...
Ussay hazaf kar raha hon)

Us k Aaza kay tanasub ka ho partaw jis main

Or jhalktii ho zara jism ki bhi zoa jis main
Kiya koii haraj hai jo zaire-e-galoo kuch ho khulaa
Behar-e-takhkhuul ho samaan-e-tag-o-do jis main
Yeh to sab kuch huwa ab rang main taqreer bana
Aa Mussawir meri naheed ki tasveer bana

Mirza Asar Lucknawii...

Raat yuun dil ki weeraanyon k qareen, teri yaadon nay jashna-e-bahaaran

kiyey
Maqbaray ki mundaaron pay jaisay koi, tairgii main jalata raha ho diyey

Bheeni bheeni hawa, Bheegi bheegi Fiza, Nuqraii baadlon k safeenay liyey
Khamshi say meri jaanay kiya keh gayii, raat bhar saaghar-e-naab
chchalka kiyey
 Garmi-e-bazm-e-husn-e-jawaan reh gayi, Azmat-e-saadgii-e-butaan reh gayi
Baat jaanay pohanchti kahan say kahan, Tum nay achcha kiya meray lab see
diyey

In dinon mairi duniya main koi nahin, aik pal k liyey raahtien bakhsh
day
Barha saaqiya anjuman main terii, main k jhooma kiya dair tak bay piyey

Dil gaya jazba-e-aashqii bhi gaya, Khwaahish-e-lazzat-e-sang-e-dar bhi

gayii
Doar-e-haazir nay woh gham diya hai mujhay, jis nay ulfat k saaray
nishaan dho diyey

Yeh alam, yeh sitam, raastay purkhatar, Raah-ro teraa saabit rahey har
qadam
Waqt ki baag haathon main un k rahi, Taiz dhaaron ki aaghosh main jo
jiyey....

Zubair Rizwii ....

Zindagii ki raahon main un ki yaad k saayey meray khayaalon ko aa k jagmagatay

hien
Raat ki khamoshi main jaisay aasman-zaaday, chaandni ki lehroan per kashtiyaan
chalatay hien

Ai haseen mah-paaro dil faraib nazzaro, sach batao kiya tum bhi un say mil k
aayey ho?
Jin k har isharaay per saaz raqs kartay hien, phool jagmagatay hien, geet
muskuratay hien

Dil mien jagmagahat hay rooh mien ujaalay hien, Aaj merii kutiyaa main phir
woh aanay waalay hien
Khwaabgaah say jin ki chaand roop laita hai, chaandni k shehzaaday roshni
churaatay hien

Paaylon ki jhankarien, nakhaton ki bochchaarien, aik raat k mehmaan, Umr bhar

k afsaanay
Zindagii mien kuch lamhay gham bhulanay aatay hien, or aik lafaani dard chod
jaatay hien

Tum meray khayaloan say is tarah guzartay ho, tum meray tassawur mien is tarah
nikhartay ho
Jaisay neend mien bachchay titliyaan pakadtay hien, jaisay zehan-e-shaair mien
rang jism paatay hien

Haath lay k haathon mien khud qasam dilaatay ho, saath saath chalnay ki saari
umr ai Arshad
Or khud wohi raahi tairgii say ghabraa kar, Paich-o-kham say uktaa kar saath
chod jaatay hien

Arshad Siddiqui....
Aankhien meri talwoan say woh mal jaayey to achcha
Hai hasrat-e-paa boas nikal jaayey to achcha

Woh sub-h ko aayey to karon baaton mien dopahar

Or chaahon k din thoda sa dhal jaayey to achcha

Dhal jo din bhi to issi tarah karon shaam

Or chahon k gar aaj say kal jaayey to achcha

Jab kal ho to woh hi kahon kal ki tarah say

Gar aaj ka din bhi yuhiin tal jaayey to achcha

Alqissa nahin chahta mien jaayey woh yaan say

Dil garchay yahiin us ka behal jaayey to achcha

Hai qata-e-rah-e-ishq mien ai Zauq adab shart

Joon shamma to ab sir hi k bal jaayey to achcha

Zauq

Jashan-e-Eid
Sabhi nay Eid manaii meray gulistaan mien
Kisi nay phool piroyey, kisi nay khaar chunay

Banaam-e-izna-e-takllum, banam-e-jabr-e-sakoot
kisi nay hont chabayey, kisi nay geet bunay

Baday ghazab ka gulistaan mien jashan-e-eid huwa

Kahien to bijliyaan kondii kahien chinaar jalay

Kahien kahien koii fanoos bhi nazr aaya

Batoar-e-khaas magar qalb-e-daaghdaar jalay

Kisi nay atlas-o-kamkhwaab ki qaba pahnii

Kisi nay chaak gareeban kisi nay zakhm siyey

Hamaaray zoq-e-nazzra ko eid k din bhi

Kahien pay saaya-e-zulmat kahien pay noor mila

kisi nay deeda-o-dil kay kanwal khilay paayey

kisi ko saaghar-e-ehsaas chaknachoor mila

Ba faiz Eid bhi paida huii na yak rangii

koi malool koi gham say bay niyaaz raha

Bada ghazab hai khuda-wanday Kausar-o-Tasneem

Kay roz-e-Eid bhi tabqoan ka imtiyaaz raha

Shakeeb Jalaalii ....

Kaar-e-bad ooron ka hai, dil hien hamaaray sharmsaar

Saahil-e-sarjuu pay toota hai jo bharat ka bharam
 Khaak-o-khoon mien mil gayii hindostaan ki aabroo
Aaj say sarju nadi ka naam hai daryaay-e-gham

dast-e-wehshat nay utara Raam k maathay ka taaj

Ho gayien Seeta ki aankhien khoon k ashkon say num

Gunbadoan k saath woh bhi ho chuka hai paash paash

Hind k dil mien jo tha mehr-o-murrwat ka sanam

Khoon-e-insaani ki pyaasi hai hawaay-e-iqtadaar

Or tumhaari aarzo is say ziyada hai na kam

Chal rahay ho is tarah khaak-e-watan ko roand kar

Jaisay Ramayan k seenay per ho Raawan k qadam

Dais to hai eik, lekin dais mien qoamien hien do

Aik be naam-o-namak or aik aasooda shikam

Aik ki qismat mien mehnat, aik ki qismat mien raaj

Aik ki qismat mien khushyaan, aik ki qismat mien gham

Yeh haqeeqat dharam k parday mien chupp sakti nahin

Faash hien ehlay-e-nazar per zindagii k zair-o-bam

Rakh diyey hien kaat kar kitnay sitam gaaron k naam

Aik zara tareekh ki talwaar ka dekho to kham

Dair tak rehta nahin hai zulm or zulmat ka raaj

Likh raha hai waqt ka farmaan shaair ka qalam

Ali Sardar Jaafrii

==============================================================================
======================

Koi Wada Nahee Hum Main

Na Aapis Main Buhat Baatain
Na Milnay Main Buhat Shoukhi
Na Aakhrii Shab Manajatain

Magar Ik Unkahi See Hai

Jo Hum Dunoo Samjhtay Hain
Ajab Ik Sarkhushii See Hai
Joo Hum Dunoo Samajhtay Hain

Magar Yeh Saray Dilruba Manzar

Sitaroon Key Hasee~n Baatain
Yeh Halkey Dhoop Kay Manzar
Sabhi Ik Zid Main Rehtay Hain
Mujhay Pahum Yeh Kehtay Hain

Mohabat yun Nahee Achii..............

Mohabat Yun Nahee Achii..............

ab hum pe khula ye raaz-e-chamaN uljha k baharoN maiN damaN

kantooN se niqlna asaaN tha phoolooN seY niqalNa mushkil hai

yaa hum se preshaN khushbo thei ya band haiN ab kaliOoN ki taRha

yaa misl-e-saba awaara thaY ya ghaR seY niqalna mushkil hai

likhteY rahaY khooN dil se jisaY taa'eed-e-nigha dost maiN hum

ab is afsaanaY ka unwaaN badalna mushkil hai

Posted: Fri Oct 03, 2003 2:15 am Post subject: Ek Vaaq'ah - Sahir Ludhianvi

------------------------------------------------------------------------------
--

inteKhaab-e-kalaam-e-Sahir continues....

Ek vaaq’ah

andhyaarii raat ke aangan meiN yah subah ke qadmoN kii aahaT

yah bhiigii bhiigii sard hawaa, yah halkii halkii dhundlaahaT !!
gaaRii meiN huuN tanhaa mahv-e-safar aur niind nahiiN hai aankhoN meiN
bhuule bisre armaanoN ke KhwaaboN kii zamiin hai aankhoN meN
agle din haath hilaate haiN pichhlii piiteiN yaad aatii haiN
gum-gashtah KhushiyaaN aankhoN meiN aansoo ban kar lahraatii haiN
siine ke viiraaN goshoN meiN ek Tiis sii karvaT letii hai
naakaam umangeiN rotii haiN, ummiid sahaare detii hai !!!!
woh raaheiN zahan meiN ghuumtii haiN jin raahoN se aaj aayaa huuN
kitnii ummiid se pahunchaa thaa, kitnii maayuusii laayaa huuN
Sahir Ludhyanwi..

Mujhey takht wa taj ki aarzoo na duwa key umar daraaz dey,

Merey sir ko aur buland kar merey dil ko aur guzar dey,
Mera seena noor hi noor ho Mera jism toor hi toor ho,
Kabhi itefeqaat kar is khadr kabhi is taraf bhi nawaz dey,
Na jhukey kabhi woh jabeen miley na ho khatam aesaa safr koyee,
Jo katafaton pey chala karey woh nigah aayeena saaz dey,
Yeh sukoot per da saaz kya woh purkaarta hey agar suney,
Hum tan nigah baney koyee toh jhalak woh shobada baaz dey,
Teraa naam ward zabaan raha teraa zikr mashal jaan raha,
Mujhey kuch tameez nahi rahi toh niyaaz dey key majaaz dey,
Tere justajoo mein bagola hoon mein agar chey raasta bhola hoon,
Koyee simt jis pey na band ho wahee jazbey talag wa taaz dey,
Mera shouk sard na ho kabhi mera khoon sard na ho kabhi,
Nayee fikr dast daraaz dey nayee tarz sahr taraaz dey.
_________________
Muzzaffar Hanfii

day rahi hai dil pay dastak yaad us ki

ho gai hooN jaisay maeN hamzaad us ki

aasmaaN tak baybasi pahuNchay na pahuNchay

tujh talak to jaey gi faryaad us ki

umr bhar maeN jis khasaray maeN rahi hooN

kehti hai meri ghazal roodaad us ki

mayri barbadi ka wo bais naheeN hai

aey khuda! dunia rahay aabaad us ki

aasmaaN ko choo rahi thi jo imaarat

hil gai do roaz maeN bunyaad us ki

Rai ki muNtazir
Anant Kaur

Faa'ilatun Faa'ilatun Faa'ilaat!

Shaikhji ki ek nai saat saat

dulhanatun, begumatun, mashooqaat!

leaderaaN har roz daite haiN tarhi

machliyatun, murghiyatun, bakriyaat!

aur bas khaarayeiN becharey shayaraN

mirchiyatun, rotiyatun, baiganaat!

us se barh ker aur kya begum diye

jhirkiyatun, gaaliyatun, bailanaat!

yaad karte hain faqat sunday ke din

paaniyatun, sabunatun, gusliyaat!

mehfil'e shair o sukhan ki jaan haiN

kamsinatun, shayaratun, beautiyaat!

phirse kaiku chaat rayeiN begum tume

chatniyaatun, kairyaatun, imliyaat!

auratoN ke bas yehi hain teen kaam

faishonatun, makeupatun, chughliyaat!

kaun hai "Anjum" jo poocha tou kaha

laagharatun, papadatun, dubliyaat!
_________________
Fareed Anjum
raaHat baRee milti haiN azaaboN se nikal ker
meHsoos hua mujhko kharaaboN se nikal ker

lafzoN ki banaavaT to Haqeeqat se judaa hai

dekho meri dunya ko kitaaboN se nikal ker

dekhooN ga tujhe neend meiN kab tak miree jaanaaN

ik baar nazar aa mujhe khwaaboN se nikal ker

tere liye mushkil hai rah-e-ishq pe chalnaa

ye raaz khulaa tere javaaboN se nikal ker

bulbul ki taraH qaid na ker khud ko chaman mein

"khushbu ki taraH phail gulaaboN se nikal ker"

kehti hai hamesha ye miree chashm-e-taqaaza

aa jaao kabhi tum bhi HijaaboN se nikal ker

kyuNker tumheN maaloom ho aflaas ki Haalat

dekho to sahee naan kabaaboN se nikal ker

ulfat hameN be.laus hi achi lagee Amjad

do aur jama do ke HisaaboN se nikal ker

shukria
Amjad Nabeel

Mujhe Gussa Dikhaaya Jaa rahaa hai..

Tabassum ko Jagaaya Jaa rahaa hai..

Do Aaalam Maine Chode Jiske Liye..

Wohi Daaman Chudaaya Jaa rahaa hai..

Kareeb aaane me Unko hai Takalluf..

Wahin se Muskuraaya Jaa rahaa hai...
=============================================================

Gulshan ki Faqat Phoolon se nahin ..

Kaanton se bhi Zeenat Hoti hai..
Jeene ke liye is Duniya me
Gam ki bhi zaroorat hoti hai...

==============================================================

Ebazm
Aik aazaad nazm aap logoN ki nazr kar rahaa hooN, umeed hai pasand aaye gi
:-)

kuch is se farq nahin paRtaa

moHabbat gar nahin milti
rafaaqat gar nahin milti
tumheN chaahat nahin milti

tumheN kis baat ka Dar hai

tumheN kis baat ki parvaah

tumhaara dil nasheman hai

mohabbat ka Thikaana hai
vafaaiN is mein rehti haiN
adaaiN is mein palti haiN
rafaaqat yooN panapti hai
ke jaise phool gulshan meiN

sisak sisak ker roney se

bilak bilak ker roney se
crore darja behtar hai

bataa do raaz-e-dil apna

sunaa do Haal-e-dil apna
dikhaa do zakhm-e-dil apna

kuch is se farq nahiN paRtaa

moHabbat gar nahiN milti ................................

amjad nabeel

nita awtarmaani ...

dard apanaataa hai paraa_e kaun
kaun sunataa hai aur sunaa_e kaun

kaun doharaa_e vo puraanii baat

Gam abhii soyaa hai jagaa_e kaun

vo jo apane hai.n kyaa vo apane hai.n

kaun dukh jhele aazamaa_e kaun

ab sukuu.N hai to bhuulane me.n hai

lekin us shaKhs ko bhulaa_e kaun

aaj phir dil hai kuchh udaas udaas

dekhiye aaj yaad aa_e kaun

Javed Akhtar

mai.n bhuul jaauu.N ab yahii munaasib hai

magar bhuulanaa bhii chaahuu.N to kis tarah bhuuluu.N
ki tum to phir bhii haqiiqat ho ko_ii Khvaab nahii.n
yahaa.N to dil kaa ye aalam hai kyaa kahuu.N
kamabaKht
bhulaa sakaa na ye silasilaa jo thaa hii nahii.n
vo ik Khayaal
jo aavaaz tak gayaa hii nahii.n
vo ek baat
jo mai.n kah nahii.n sakaa tum se
vo ek rabt
vo ham me.n kabhii rahaa hii nahii.n
mujhe hai yaad vo sab
jo kabhii huaa hii nahii.n
agar ye haal hai dil kaa to ko_ii samajhaa_e
tumhe.n bhulaanaa bhii chaahuu.N to kis tarah bhuuluu.N
ki tum to phir bhii haqiiqat ho ko_ii Khvaab nahii.n

Javed Akhtar

misaal isakii kahaa.N hai zamaane me.n

ki saare khone ke Gam paaye hamane paane me.n

vo shakl pighalii to har shai me.n Dhal gaii jaise

ajiib baat huii hai use bhulaane me.n

jo mu.ntazir na milaa vo to ham hai sharmi.ndaa

ki hamane der lagaa dii palaT ke aane me.n

latiif thaa vo taKhaiyyul se, Khvaab se naazuk

gavaa diyaa hamane hii use aazamaane me.n

samajh liyaa thaa kabhii ek saraab ko dariyaa

par ek sukuun thaa hamako fareb khaane me.n

jhukaa daraKht havaa se, to aa.Ndhiyo.n ne kahaa

ziyaadaa farq nahii.n jhuk ke TuuT jaane me.n

Javed Akhtar

ye tasallii hai ki hai.n naashaad sab

mai.n akelaa hii nahii.n barabaad sab

[tasallii= satisfaction]

sab kii Khatir hai yahaa.N sab ajanabii

aur kahane ko hai.n ghar aabaad sab

bhuul ke sab ra.njishe.n sab ek hai.n

mai.n bataauu.N sab ko hogaa yaad sab

sab ko daavaa-e-vafaa sab ko yaqii.n

is adakaarii me.n hai.n ustaad sab

shahar ke haakim kaa ye faramaan hai

qaid me.n kahalaaye.nge aazaad sab

chaar lafzo.n me.n kaho jo bhii kaho

us ko kab furasat sune fariyaad sab

talKhiyaa.N kaise na ho ashaar me.n

ham pe jo guzarii hai ham ko yaad sab

[talKhiyaa.N=bitterness]

Javed Akhtar
Mohabbat ki hai to ab aisa karo
Tadpa karo, Tarsa karo.
-Riasat Ali Taj

Ebazm ...
Aap sabhi ko Akhil ka aadab...

Patthar pe kuchch sher yaad aa gaye...pesh-e-khidmat hain!

1. Eek patthar pe bana di gayi surat meri,

is se badh kar na lagi is shaher mein keemat meri.

2. Shadma logon..
mere zakhmo mein yeh dilchaspi kyon,
uska patthar hai,
mera sar hai,
tumhara kya hai?

3. Thokre kha kar sambhle na sambhle,

yeh musafir ka naseeb!
Raah pe farz adaa karta hai patthar apna!

Ummid hai aapko pasand aaye honge..muaafi chahunga ke

shayron ka naam yaad nahi hai!!
Shukriya!!

Hello!
Presenting another good ghazal of Bashir Badar.

---------------------------------------------------
Saath Chalte Jaa Rayhey Hein Paas Aa Saktey Nahien
Ek Nadi Kay Doo Kinaroon Koo Milaa Saktey Nahien

Daenay Waaley Ney Diya Sab Kuch Ajab Andaaz Sey

Saamney Duniya Padri Hai Aur Uttha Saktey Nahien

Uss Ki Bhi Majbooriyien Hein Meri Bhi Majbooriyien Hein

Rooz Milte Hein Magar Ghar Mein Bataa Saktey Nahien

Raaz Jab Seenay Sey Baahar Hoo Gaya, Apnaa Kahaan

Rait Par Bikharey Houye Aansoo Uttha Saktey Nahien

Aadmi Kya Hai Guzrey Waqt Ki Tasweer Hai

Jaaney Waaley Ko Sadaa Dey Kar Bulaa Saktey Nahien

Shahar Mein Rahtey Houye Hum Koo Zamaana Hoo Gaya

Koun Rehtaa Hai Kahaan, Kuch Bataa Saktey Nahien

Uss Ki Yaadoon Sey Mahekney Laga Hai Saara Badan

Pyaar Ki Khusboo Koo Seenay Mein Chupaa Saktey Nahien

Patthar Kay Bartannoo Mein Aansoyoun Koo Kya Rakkhein

Phool Koo Lafzoon Kay Gamloon Mein Khilaa Saktey Nahien
 Poet: Bashir Badar
-----------------------------------------------------------------------

Urdustaan
Ek ghazal ASHA jee ki awaaz mein sunne ka ittefaaq hua aur behad pasand ayai
aur dil ko choo gayi..socha aap logoN ke saath bhi share ka rloon..ummeed hai
aap logon ko bhi utni hi pasand aayegi ye ghazal jitni ki mujhe aayi

AANKHON KO INTIZAAR KA DE KE HUNAR CHALA GAYA

CHAAHA THA EK SHAQS KO JAANE KIDHAR CHALA GAYA

DIN KI WOH MEHFILEIN GAYIN,RAATON KE RATJAGE GAYE

KOI SAMAIT KAR MERI SHAAM-O-SAHAR CHALA GAYA

USKE HI DAM SE DIL MEIN AAJ DHOOP BHI CHAANDNI BHI HAI
DE KE WOH APNI YAAD KE SHAMS-O-QAMAR CHALA GAYA

JHONKA HAI EK BAHAAR KA,RANG-E-KHAYAAL-E-YAAR BHI

HAR SUU BIKHAR BIKHAR GAYI KHUSHBOO JIDHAR CHALA GAYA

KUUCHAA BA KUUCHA DAR BA DAR KAB SE BHATAK RAHA HAI DIL

HUM KO BHULAAA KE RAAH WOH APNI DAGAR CHALA GAYA
_________________

Urdustaan ...
menu

kya bataoon tumhe khudam e watan ka menu

pi k kya khatey hain kya kha k piya kerte hain
kuch bhi pitey nahi ye koom ki yaakhni k siwa
nashta millat e beza ka kia kerte hain

apni zooja k ta'ruf me kaha aik sakhs ne

dil se in ka mutarif hoon mai zubani hi nahi
chae bhi achi banati hain meri begum mager
mu banane me to in ka koi sani hi nahi
_________________

aik beera doosrey se

itney sadey log mai ne aj tak dekhey nahi

chae pinney k liye hotel me kaise a gae
kaghazoon ko bhi becharey khoordani samjha kiye
peestri k sath us ka perahan bhi kha gae

bayakt waqt

idher hum se mehfil me nazrain larana

udher gair ko dekh ker muskurana
ye bhengi nazer ka no ho shaksana
kahin per nigahain kahin per nishana

daku dildar

allah mai qurban jaoon apne daku yaar k

jis ne dooli wich bithaya menoon thudey maar k
_________________

Moadibana guzarish hai dhoop hai na barish hai

Banda bimar hai aany se lachar hai
Chutty day dain ....
Ain nawazish hogi
Werna app ko kharish hogi!!!
_________________

aasraa shaitaan ney choraa hai baaqee ik tera

sakhtian aasaan kar de aey mere rab e rahim!

ho chukey bas faiz yaab e leader e afwaj ham

aaooz billa he minash,shaitan aur us ki "regime"!

regime angreizee ka lafz hai (spellinng shayad sahih na hon)

Kitne Aziyat Say Uss Nay Mujh Ko Bhulaya Ho ga...

Mere Yadoon Nay Ussay Khub Rulaya Ho Ga..

Baat Be-Baat Aankh Uss Ki Jo Chalki Hoo Gi.......

Uss Nay Chahray Ko Bazuoon Main Chupaya Ho Ga

Soocha Hoo Ga Uss Nay Din Main Kaye Baar Mujhy.......

Naam Hathele Par Bhe Likh Likh Kay Mitaya Ho Ga...

Jahan Us Nay Mera Ziker Suna Hoo Ga Kisi Say..

Uss Ki Aankhoon Main Koe Aansoo Tu Aya Hoo Ga..

Raat Kay Bhegnay Tak Neind Na Aye Ho gi Tujhy........

Tuu Nay Takeye Ko Bhe Senay Say Lagaya Ho ga..

Hoo Kay Nidhal mere Yadoon Say Tuu Nay Jana.........

Mere Tasveer Pay Sar Apna Tikaya Hoo Ga......

Poocha Hoo Ga Jo Kisi Nay Tere Halat Ka Sabab....

Tuu Nay Batoon Main Khub Us Say Chupaya Ho Ga....

**********************************************************

kisee kee justujoo hai aur main hoon!

Hijaabe rangoboo hai, aur main hoon!
nigaah-e-sharmageen hai aur too hai
bayaan-e-aarzoo hai aur main hoon!

mataa-e-zindigee thoree hai meree

yehee ik aabroo hai aur main hoon!

tumhein maykhaana-e-hastee mubaarak!

miraa tootaa suboo hai aur main hoon!

Khudaayaa! beniyaaz-e-aarzoo kar!

yehee ik aarzoo hai, aur main hoon!

mujhe yoon raas aaee Khud shanaasee

Khudaa se guftugoo hai aur main hoon!

main kiss manzil pe aakhir aagayaa hoon?

yahaan bas too hee too hai aur mai hoon!

mujhe fikr-e-doaalam kyon ho ab ?

voh mere roobaroo hai, aur main hoon!
~*~ Saba ~*~
khud ko chuntay huway din sara nikal jata hae
phir hawa shaam ki chalti hae, bikkhar jatay hain hum
Always Love & Care Them Who Love You

Urdustaan ...
ossay apnay fardaa ki fikr thi wo jo mera waqif-e-haal tha
wo jo os ki subh-e-urooj thi wo hi mera waqt-e-zawaal tha

mera dard kesay wo jaanta meri baat kesay wo maanta

wo to khud fanaa kar safr mein tha ossay rokna bhi muhaal tha

Kahan jao gay mujay chor kar Mein ye poch poch kay thak gia
Wo jawab mujh ko na de saka, Wo tu khud sarapaa sawal tha

Wo mila tu sadyon ka baad bhi, Maire lab pa koi gilla na tha

Usay meri chup na rula diya, Jisay guftagu mein kamal tha

dam-e-wapsi ossay kiya howa na wo roshni na wo taazgi

wo sitara kesay bikhar giya wo to khud aap apni misaal tha

meray saath lag kay wo ro diya mujhay itna hi wo keh sakaa

jissay jaanta tha main zindagi wo to sirf whem-o-khiyaal tha

ZAHID FAKHRI

kya kisi jashn ka sar-nama banaya hai mujhe

ye jo tune sar-e-deewaar jalaya hai mujhe

main to kam-saya hon phir bhi koyi masraf hoga

us ne kuch soch ke sahra mein ugaya hai mujhe

ai samandar, meri kishti ko dubone wale

teri hi mauj ne sahil se lagaya hai mujhe

main wo daulat hoon jo mil jaaye zaroorat ke baghair

jis ne paaya hai mujhe usne ganwaya hai mujhe

muddatoN baad hawa laayi hai paighaam uski

raasta bhool chuka hoon to bulaya hai mujhe

main to ik harf-e-mukarrar hon mujhe kya maloom

kis ne likha hai mujhe kis ne mitaya hai mujhe

phir mila de isi mitti meiN ye haque hai usko

us ne aakhir isi mitti se uthaya hai mujhe

by irfan siddiqi

Junoon se guzarne ko jee chahta hei

Hansi zabt kerne ko jee chahta hei

Jahan ishq mein doob ker re gaye hein

Wahin phir ubharne ko jee chahta hei

Wo hum se khaffa hein hum un se khafa hein

Magar baat kerne ko jee chahta hei

Hei muddat se be'rang naqsh-e-muhabbat

Koi rang bharnay ko jee chahta hei

Ba'eeN khudsarri wo gharoor-e-muhabbat

UnheiN sajda kerne ko jee chahta hei

Qaza mazdaa-e-zindagi le ke aaye

Kuch iss tarah marnay ko jee chahta hei

Nizaam-e-du'aalam ki kher Ya Rab

Phir ik aah kerne ko jee chahta hei

Gunnah-e-mukarar Shakeel Allah Allah

BigguR ker sanwarne ko jee chahta hei

Shakeel Badayooni

Kis tarah rokta hon ashkon ko

Kis tarah dil pay jabr karta hon
Aaj bhi khaarzaar-e-hastii main
Jab teray shehar say guzarta hon

Iss qadar bhi nahin mujhay maloom

Kis mahallay main hai makaan tera
Kon say shaakh-e-gul pay rakhsaan hai
Raqs-e-firdaus, aashiyaan tera
Jaanay kin waadiyon main thehra hai
Ghairat-e-ehusn kaarvaan teraa
Kis say poochchonga main khabar terii
Kon batlaayega nishaan tera
Terii ruswaayon say darta hon
Jab teray shehar say guzarta hon....

Haal dil bhi na keh saka garchay

Tuu rahi muddaton qareeb meray
Kuchch teri azmaton ka darr bhi tha
Kuchch khayalaat thay ajeeb meray
Aakhir-e-kaar woh ghadi aayi
Baar-a-war ho gayey raqeeb meray
Tuu mujhay chchod kar chali bhi gayii
Khair! Qismat merii, naseeb meray
Ab main kyon tujh say pyaar karta hon
Jab teray shehar say guzarta hon ...

Go zamana terii mohabbat ka

Aik bhooli huwii kahaani hai
Teray koochay main umar bhar na gayey
Saari duniya ki khaak chchaani hai
Lazzat-e-qurb ho k zakh-e-firaaq
Jo bhi hai terii meherbaani hai
Kis tammana say tujh ko chaha tha
kis mohabbat say haar maani hai
Apnii qismat pay naaz karta hon
Jab teray shehar say guzarta hon....

Aaj bhi karzaar-e-hesti maien

Tu agger aik baar mil ja,ay
Chaien aa ja,ay arzouon ko
Hesreton ko qerrar mil ja,ay
Ab na jieta hoon na hi merta hoon
Janay kya ,kya khaiyaal kerta hoon
Jab tairay sher say guzerta hoon
Safiuddin saif

Urdustaan ... continued

hum kesaY pagal hoteY thay
ik phool ko choonaY ki khatir
kaa'ntooN se zakhmi hotey thay
jo phool jhooli maiN a giRtaa
isaY choonaY se daaR jateY thay

hum kesaY pagal hoteY thaY

k dhundhlaY aai'nooN maiN apna

hum akas sa dhoondha karteY thaY
auR kir'chiaN chitkhaY aai'nooN ki
muthi maiN daba kaR rakhteY thaY

hum kesaY pagal hoteY thay

jab saRak pe chalna hota tha

hum kashti la k chalteY thaY
auR beach bhanwaR janaY k leaY
hum paidal niQla karteY thay

hum kesaY pagal hoteY thaY

jaab pass bohat wo hota tha
hum us ko dekh na sakteY thaY
jaab door chala jata tha wo
hum aa'hat us ki sunteY thaY

hum kesay pagal hotey thay

jaab saaRi dunia soti thei

hum chand se khela kartey thaY
jaab saaRi dunia jaag uthti
phiR hum thak k so jateY thaY

hum kitnaY pagal hotey thaY

hum kesaY pagal hoteY thay

OR OR
hum aj be wesaY pagaL haiN

ik teRi yaad se yaadooN k khizanay niqlay

ziKer teRa be mohabat k bahanay niqlay

hum ne samja tha dil tRa ha mus'kuN lakiN

janay walooN k kahiN auR thikana niQlay

ik khushboO ki tarha gahay bagahay ana

kitnay sundar teraY kuch roop suhanay niqlay

dil maiN kuch tootnaY lagta ha teRay zikaR k sath

chaand ansOo teri ulfat k bahanay niqlay

maiN tu hooN ik roop hooN teRa yehi kafi ha

ab teray rang se is dil ko sajaNay niqlay

purasish-e-Gam kaa shukriyaa, kyaa tujhe aagahii naheN

tere baGair zindagii dard hai, zindagii naheeN

daur thaa ek guzar gayaa, nashaa thaa ek utar gayaa

ab vo muqaam hai jahaaN shikvaa-e-beruKhii naheN

tere sivaa karuuN pasa.nd kyaa terii qaayanaat maiN

donoN jahaaN kii ne_amateN, qiimat-e-baNdagii naheN

laakh zamaanaa zulm Dhaaye, vaqt na vo Khudaa dikhaaye

jab mujhe ho yaqeeN ki tuu haasil-e-zindagii naheN

dil kii shaguftagii ke saath raahat-e-mayakadaa gaye

fursat-e-mayakashi to hai, hasarat-e-mayakashii gaye

zaKhm pe zaKhm khaake jii, apane lahuu ke ghuuNt pii

aah na kar, labooN ko sii, ishq hai dillagii naheN

dekh ke Khushk-o-zard phuul, dil hai kuchh is tarah maluul

jaise terii KhizaaN ke baad, daur-e-bahaar hii naheN

Ehsaan Danish

Mohabbaton mein hawis kay aseer ham bhi nahi..

ghalat na jaan kay itnay haqeer ham bhi nahi..

nahin ho tum bhi qayaamat ki tundotez hawaa..

kissi kay naqshe-qadam ki lakeer ham bhi nahi..

hamari doobti nabzon se zindagi tu a maang..

sakhi tu hain magar itnay ameer ham bhi nahi..

karam ki bheek na day,apna takht bakht sanbhal..

zarroraton ka Khuda tu faqeer ham bhi nahi..

shab -e -siyaah kay mahmaan dar tharay hain..

wagarna teerigiyoon kay safeer ham bhi nahi..

hamein bhuja day hamari anaa ko qatl na kar..

kay bay zarar hi sahee bayzameer ham bhi nahi..

Yeh nazm "Phool Ki Faryaad" Ahmed Ali Shouk Khudwai ki hey aur Hydrabad -
India key schools ki 7th class ki nissaab mein hey. Mujhey bahut pasand hey
aur ummeed key aap sab ko pasand aayegi.

Kya khata thi meri zalim tu ney kyun tohda mujhey

Kyun na meri umar hi tak shaak per choda mujhey

Jaanta agar is hansi key dard naak anjaam ko

Mein hawa key gud guda ney sey na hansta naam ko

Shaak ney aaghosh mein kis lutf sey paala mujhey

Tu ney milney key liye bistar pey la dhala mujhey

Tu ney meri jaan li dam bhar ki zeenat key liye

Ki jaafa muj per fakht thodi si farhat key liye

Dekh merey rang ki halat badal janey pey hey

Patti patti hochali bey aab murjhaney pey hey

Jis ki ronak tha mein bey ronak woh dhali hogayee

Haif hey bachey sey maa ki ghodh khaali hogayee

Titliyaan bey chein hoon gi jab na mujh ko payien gi

Gham sey bhonrey royeingey aur bulbulien chillaien gi

Doodh shabnam ney pilaya tha milli woh khaak mei

Kya khabr thi yeh key hey bey rahem gulchien taak mei

Mahr kheta hey meri kirno ki sab mehnat gayi

Maah ko gham hey key meri di huwee ranghat gayi

Deed-o-heyraan hey kayari, baghbaan key dil pey daag

Shaak roti hey key hey gul huwa mera chiraag

Mein bhi faani tu bhi faani sab hein faani duhr mein
Ek khiyamat hey magr margey jawani duhr mei

Gulzar Sahab ki ghazal hei..

Quran haatho.n me.n leke naabiinaa ek namaazii

labo.n pe rakhataa thaa
dono.n aa.Nkho.n se chuumataa thaa
jhukaake peshaanii yuu.N aqiidat se chhuu rahaa thaa
jo aayat.n pa.D nahii.n sakaa
un ke lams mahasuus kar rahaa ho

mai.n hairaa.N-hairaa.N guzar gayaa thaa

mai.n hairaa.N hairaa.N Thahar gayaa huu.N

tumhaare haatho.n ko chuum kar

chhuu ke apanii aa.Nkho.n se aaj mai.n ne
jo aayate.n pa.D nahii.n sakaa
un ke lams mahasuus kar liye hai.n

Sharm, Dehshat, jijak, parshaneee

Naaz say kaam Q nahin laitee-n
Aaap ,geee , woh, yeh sab kaya hai
Tum maira naaaaam Q nahin laiteee-n....
_________________
sunaa hai chashm-e-tasavvur se dasht-e-imkaan me.n
palang zaave us kii kamar ke dekhate hai.n

kise nasiib ke be-pairahan use dekhe

kabhii kabhii dar-o-diivaar ghar ke dekhate hai.n

Ebazm ...
WAPSI)

Yaqeen main kis tarah tum ko dila'oon?

ana ki qaid say azaad ho ker

khudi ko chor ker naa'shaad ho ker
tumharay dard ki roodaad ho ker
tumharay ishq main berbaad ho ker
wafa'ain kis tarah apni lutaoon?
Yaqeen main kis tarah tum ko dila'oon?

yeh such hay tum falak ho main zameen hoon

jahan chhora tha tum nay main waheen hoon
tumhari chahaton ka main ameen hoon
jo thukra do to main kuch bhi naheen hoon
mujhay ghaflat peh apni hay nadamat
mager main bay wafa her giz naheen hoon
jo chhalni hay jigar kaisay dikhaaoon!
Yaqeen main kis tarah tum ko dila'oon?

mujhay tum aaj, jo chaho, saza do

siwa is kay keh nazron say gira do
bohot toota hoa hoon aasra do
khudara! ab to maazi ko bhula do
chalo sub chhor ker itna bata do
keh main kis tar'h khud ko aazmaoon?
Yaqeen main kis tarah tum ko dila'oon?

kyaa khabar thhi is tarah se vo judaa ho jaayega

khwaab me bhi usse milnaa khwaab sa ho jaayega

Urdustaan ...

chehraa meraa thaa nigaahaiN us kii

Khaamoshii maiN bhii vo baataiN us kii

meray chehraY pe Ghazal likhtii gayeeN

sher kehtii hoyee aaNkhen us kii

shoKh lamhooN kaa pataa dene lageeN

tez hotii hoyee saaNsen us kii

aise mausam bhii guzaare ham ne

subaheN jab apanii theeN shaamaiN us kii

dhyaan maiN us ke ye aalam thaa kabhii

aaNkh mahataab kii yaadaiN us kii

faislaa mauj-e-havaa ne likkhaa

aaNdhiyaaN merii bahaaraiN us kii

Neend is sooch say tooti aksar

kis tarah katatii haiN raataiN us kii

duur reh kar bhii sadaa rehtii hai

mujh ko thaamey hue baahaiN us kii
Parveen Shakir

Juute

jahaa.N gaaye the Khushiyo.n ke taraane

muqaddar dekhiye roye vahii.n par
hu_e masjid se gum juute hamaare
jahaa.N se paaye the, khoye vahii.n par
------------------------------------------------
Rail ka Dabba

rail ke Dibbe me.n ye qissaa huaa

ek bachchaa zor se rone lagaa
maa.N ne samajhaane kii koshish kii bahot
us ko bahalaane kii koshish kii bahot
thak ke aaKhir loriiyaa.N gaane lagii
bijaliyaa.N kaano par barasaane lagii
das minute tak loriiyaa.N jab vo gaa chukii
til-milaa kar bol uThaa ek aadamii
"Behanjii, itanaa karam ab kiijiiye
aap is bachche ko rone diijiiye!"
Girgit Ahmedabadi
----------------------------------------------

[mushaayaro.n me.n police vaalo.n kii 'duty' lagatii hai

aur vo ghar jaate jaate Khud shaayar ban jaate hai.n. Is
mauzuu par ek sher]

raftaa raftaa har police vaale ko shaayar kar diyaa

mahafil-e-sher-o-suKhan me.n bhej kar sarakaar ne
ek qaidii subah ko phaa.Nsii lagaa kar mar gayaa
raat bhar Gazale.n sunaa_ii.n us ko thaanedaar ne

Saghar Khaiyyami
-----------------------------------------------
mai.n huu.N jis haal me.n ai mere sanam rahane de
teG mat de mere haatho.n me.n qalam rahane de
mai.n to shaayar huu.N meraa dil hai bahot hii naazuk
mai.n paTaake hii se mar jaa_uu.Ngaa, bam rahane de

mahabuub vaadaa kar ke bhii aayaa na dosto

kyaa kyaa kiyaa na ham ne yahaa.N us ke pyaar me.n
murGe churaa ke laaye the jo chaar "Popular"
"do aarazuu me.n kaT gaye, do intazaar me.n"
Popular Meeruthi

ajnabi shehr kay ajnabi raastay'meri tanhai pay muskuratay rahay

main bahut dair tuk younhi chalta raha' tum bahut dair tuk yaad aatay rahay

zeher milta raha zeher peetay rahay'rooz martay rahay rooz jeetay rahay
zindagi beh hum ko aazmati rahi'aur hum beh ussay aazmatay rahay

zakhm jab beh koi zinhn-o-dil per laga' zindagi ki taraf ik dareecha khulla
hum beh goya kissi saaz kay taar hain'chout khatay rahay gungunatay rahay

sakht halaat kay taiz toofan main'ghir giya tha humara junoon-e-wafa
hum charag-e-tamanna jalatay rahay' woh charag-e-tamanna bhujatay rahay

kal kuch aysa hua main bahut thak giya' iss liyay sun kay beh un sunni kar
giya
kitni yaadon kay bhatkay kaarwaan dil kay zakhmoon kay darr khat-khata-tay
rahay

saad ullah shah ki chote bahar ki aik cute si ghazal:

woh lamhe jo mil hi na paaye

un ki khushbu ab tak aaye
koi chhup kar dekh raha hai
chupte phirte the do saaye

kuchh bhi nahiN tha waham tha mera

maiN ne jab baazoo phailaaye

uss bin umar bitaayi maiN ne

lekin uss ko kaun bataaye

saad yah dil bhi kesi shai hai

mujh par resham bunta jaaye

end pe chand sher yaad aa rahe hain yah bhi chote bahar ke hi haiN:

kahiN aisa na ho daaman jala lo

hamaare aansuoN pe khaak daalo

manaana bhi zaroori hai to phir tum

hameN sab se khafa ho kar mana lo

akele pan se khof aata hai mujh ko

kahan ho ai mere khawaabo kheyaalo

buhat mayoos baiTha hooN maiN tum se

kabhi aa kar mujhe hairat meN Daalo

--liaqat ali azeem

Dost Kia Khoob Wafaon Ka Sila Detay Hain

Har Naye Mor Pay Ek Zakhm Naya Detay Hain

Tum Say To Khair Gharee Bhar Ko Mulaqaat Rahi

Log Sadiyon Ki Rifaqat Ko Bhula Detay Hain

Kasey Mumkin Hay Dhuan Bhi Na Ho Aur Dil Bhi Jaley

Chot Partee Hay To Pather Bhi Sada Detay Hain

Kon Hota Hay Muhabbat Main Kisi Ka Aye Dost

Aag Lagtee Hay To Pattey Hi Hawa Detay Hain

Jin Pay Hota Hay Buhat Dil Ko Bharosa TABISH

Waqt Parney Pay Wohi Log Daga Detay Hain
TABISH

Bhalay dinoon ki baat hai

Bhali si eik shakl thi
Na yai kay husn-e-taaam ho,
Na dakhnay main aaam si
Na yai kay chalay to
Kahkashaan si rahguzar lagay
Mugar wo saath ho to
Bhala bhala safar lagay
Na aashqi Junoon ki
Kay zindagi azaab ho
Na isqadar kathorpun kay dosti azaab ho
Na ikhtalaat main wo rum
Kay budmazaa hoon khuahishain
Na isqadar supurdagi kay zich karain nawazishain

Phir eik roz kia hoa

Wafa pay bahes chhir gai
Wo ishq ko amer kahay main uski zid say chir gai
Wo ishq ka aseeer tha, main ishq ko kafas kahoon
So istarhaan kay saath ko main budtaraz hawas kahoon

"Main koi painting nahi kay eik frame main rahoon

Wohi jo mun ka meeet ho usi kay praim mayn rahooon
Tumhari soch jo bhi ho, main is mizaaj ki nahi
Tumhi say mujh ko piar hai yai baaat aaj ki nahi"

So upna upna raasta hunsi khushi badal lia

Main upni rah chal puri wo upni rah chal dia
Bhali si us ki shakl thi,
Bhali si us ki dosti
Ab uski yaad,
Raat din
Nahi, Magar
Kabhi khabi

Aye Meri Shairee Aye Mujassam Ghazal

saaz e dil per yunhi gungunatee raho
in labon say yunhi phool jhartey rahen
zindagee bhar yunhi muskuratee raho

hay jo sachi lagan di dilon ka milan

ho kay rahna hay aisa bhi waqt aaye ga
kuch nigahen zamaney ki achi nahi
abhi raaz e ulfat chupatee raho

gesuon ki mehak lay kar ur jayen gee

khud bhi behken gee hum ko bhi behkayen gee
mausam e gul ki chanchal hawayen hain yah
in hawaon say daman bachatee raho

janta hoon kay tum kitni ranjoor ho

jaanta hoon kay tum kitni majboor ho
aisey jeeney main bhi ek ajab lutf hay
ghum uthatee raho muskuratee raho

baar tum per yah furqat ki raten na hon

zaib e aagosh e firdos e chanchal raho
aaney waley haseen kal kay imkaan per
apney khuabon ko rangeen banatee raho
(SAGAR FAREB)

poem by Mohsin Naqvi that i want to share with every1.

Ab yeh sochoo.n tu bhanwar zehan mei.n per jatay hein

kesay chehray hein jo miltay hi bichar jaatay hein
kiyoon teray dard ko dei.n tuhmat-e-weerani-e-dil
zalzalo.n mein tu bharay shehar bhi ujar jatay hein

mosam-e-zard mein ik dil ko bachaaoo.n kesay?

aisi ruut mein tu ghanay peirrh bhi jhar jatay hein

ab kya koi meray kadmo.n ke nishaa.n dhoonday ga

teiz aandhi mein tu khemay bhi ukhar jatay hein

shidat-e-gham mein bhi zinda hoon tu hairat kesi

kuch diye tu tund hawao.n se bhi larh jatay hein

woh bhi kya log hein Mohsin jo wafa ki khatir

khud tarasheeda asoolo.n pe bhi arrh jatay hein

****** AB AUR TAB ******

kaha us ne
mujhey Tab waqai tum se muhabbat thi
kaha mein ne
mujhey tou aaj bhi tum se muhabbat hai
wo tab ki bat karti hai
main ab ki bat karta hon
magar jo fasla " tab aur ab " ke darmiaan hail hai
woh hum se tou mil kar bhi sameta ja nahin sakta
woh AB tak aa nahin sakti
mein TAB ko pa nahin sakta.
Qateel Shifaaii ...

*********************************** Printed on 25thAug 2004

******************************************

PoetryWala ..

Ham dil kee kahaani keh denge

Samjhe na jise tum aaNkhoN se
Vo baat zabaanse keh deNge

PhooloN ki tarah jab hoToN pe

Ik shoKH tabassum bikhrega
Dheere se tumhaare kaanoN meiN
Ik baat puraanee keh deNge

Izhaar-e-vafa tum kya jaano

Ikraar-e-vafa tum kya jaano
Ham zikr karenge GHairoN ka
Aur apnee kahaanee keh deNge
Mausam to baDa hee zaalim hai
Toofaan uTHaata rehta hai
Kuch log magar is halchal ko
Bad-mast javaanee keh deNge

eBazm ...
aye muhabbat tere anjaam pe ronaa aayaa
jaane kyo aaj tere naam pe ronaa aayaa

youn to har shaam ummiido.n mai guzar jaatii thii

aaj kuchh baat hai jo shaam pe ronaa aayaa

kabhii taqadiir kaa maatam kabhii duniyaaa kaa gilaa

manzil-e-ishq me.n har gaam pe ronaa aayaa

jab huaa zikr zamaane me.n mohabbat kaa 'Shakeel'

mujh ko apane dil-e-naakaam pe ronaa aayaa.

Poet:Shakeel Badayuni

ebazm
Gham-e-zindagani kay sub silsilay
Bil_aakhir gham-e-ishq se ja milay

Rivayaat-e-vesl-o-firaq ub kahaN
Nai quurbateN haiN, nayay faaslay

Kabhi bay_sabab shikva_hai_daraaz

Kabhi aek chuup aur hazaroN gilay

Teri yaad yuN dil meN ayi kabhi,

Koi jis terha ittefaqan milay

BahareN kaee aa kay ruukhset hooeeN,

Per ehl-e-juunooN kay na daamen silay

Na ye mo'tber haiN, na vo mo'tber

Jafa kay taqazay, vafa kay silay

(Hafeez Hoshiarpuri, circa 1952)

eBazm
Yeh Sehno-o-Ravish, Yeh Lalaa-o-Gul , Hone Do Jo Veeran Hote Hain
Takhreeb-o-Junoon Ke Parde Mein , Tameer Ke Samaan Hoten Hain

[ Sehn-o-Ravish = Baag Mein Kiyaariyon Ke Beech Chalne Ka Raasta ]

[ Lalaa-o-Gul = Phool , Thakhreeb-o-Junoon = Vinaash Aur Unmaad , Tameer =
Nirmaand]

Mandlaaye Huye Jab Har Jaanib , Toofaan Hi Toofaan Hote Hain

Diwaane Kuch Aage Badhten Hain , Aur Dast-o-Girebaan Hote Hain

[ Dast-o-Girebaan = Haata Pai ]

Iss Zehad-o-Talab Ki Duniyan Mein , Kiya Kaar-e-Numaanya Hote Hain
Hum Sirf Shikaayat Karten Hain , Woh Sirf Pashemaan Hote Hain

[ Zehad-o-Talab = Sangharsh Aur Abhilaasha , Kaar-e-Numaayan = Ullekhniye Kaam

]

Tu Kush Hai Ki Tujh Ko Haasil Hai , Main Kush hoon Ke Mere Hisse Mein Nahin
Woh Kaam Jo Aasaan Hote Hain , Woh Jalwe Jo Arzaan Hote Hain

[ Arzaan = Saste Aur Aasaani Se Milne Waale ]

Aasooda-e-Saahil Tau Hai Magar , Shaayad Yeh Tujhe Maloom Nahin

Saahil Se Bhi Mauje Uthtin Hain , Khaamosh Bhi Toofaan hote Hain

[ Aasooda-e-Saahil = Befikar Aur Santushta Se Kinaare Par ]

Jo Haq ki Khaatir Jeeten Hain , Marne Se Kahin Darte Darten Hain ' Jigar '
Jab Wakht-e-Shahaadat Aata Hai , Dil Seenon Mein Raksaan Hote Hain

[ Wakht-e-Shahaadat = Veer Gati Ka Samay , Raksaan = Naachten ]

Nita site
vusa't-e-chashm ko andoh-e-basaarat likhaa
mai.n ne ik vasl ko ik hijr kii haalat likhaa

mai.n ne likkhaa ke safaa-e-dil kabhii Khaalii na ho

aur kabhi Khaalii ho bhii to malaamat likhaa

mai.n ne paravaaz likhii hadd-e-falaq se aage

aur be-baal-o-parii ko bhii nihaayat likhaa

mai.n ne dastak ko likhaa kash-ma-kash-e-be-Khabarii

jumbish-e-pardaa ko aane kii ijaazat likhaa

mai.n ne Khushbuu ko likhaa dastaras-e-gum-shudagii

rang ko faasalaa rakhane kii riyaayat likhaa

zaKhm likhane ke liye mai.n ne likhii hai Gafalat

Khuun likhanaa thaa magar mai.n ne haraarat likhaa

husn-e-go_aa_ii ko likhanaa thaa likhii saragoshii

shor likhanaa thaa so aazar-e-sama'at likhaa

mai.n ne taabiir ko tahariir me.n aane na diyaa

Khvaab likhate hu_e mohataaj-e-bashaarat likhaa

ko_ii aasaan rafaaqat nahii.n likhii mai.n ne

qarb ko jab bhii likhaa jazb-e-raqaabat likhaa

itane daao.n se guzar kar ye Khayaal aataa hai

'Azm' kyaa tum ne kabhii harf-e-nadaamat likhaa

Azm Behzaad

eBazm ...
thokre maar kar mehfil se uthate hain humein
aur doosre pav se daaman bhi daba rakkha hai

jis ne jo chaha mere daman pay likh diya

chup chap khade rahein hum deewaaar ki tarah

eBazm...
Benaam Sa Ye Dard, Thehar Kyon Nahi Jata
Jo Beet Gaya Hai, Woh Guzar Kyon Nahi Jata

Sab Kuch To Hai, Kya Dhundti Rehti Hai Nigaahein

Kya Baat Hai, Mai Waqt Pe Ghar Kyon Nahi Jata

Woh Ek Hi Chera To, Nahi Sare Jahan Mein

Jo Door Hai Woh Dil Se Utar Kyon Nahi Jata

Main Apni Hi Uljhi Hui, Raho Ka Tamasha

Jate Hain Jidhar Sab, Main Udhar Kyon Nahi Jata

Woh Naam Jo Na Jane Kab Se, Na Chehra Na Badan Hai

Woh Khawaab Agar Hai To Bikhar Kyo Nahi Jata

Mukesh

PAATAY KHAAN, NAZRANA, JILANI

[email protected] ya [email protected]

ebazm..
In kitabo me titliyan rakh ja
kuch to aapni nishaniya rakh ja,

Log thak har ke na laut aaye,

raste me kahaniya rakh ja.

Muntazir Koyee to mille tujhko

Ghar ke bahar udasiyan rakh ja.

Aaj toofan bhi akela hai

tu bhi sahil pe kashtiya rakh ja.

Ho raha hai agar juda mujhse

meri ankho pe ungliya rakh ja.

Urdustaan
SLAAMZ

aap sab ki kihdmat mein Faiz ki aik mazan peash kar raha hoon umeed hai sab ko
pasnd aay gi.

gar muje iss ka yaqeeN ho mery hamdam, mery dost

gar muje iss ka yaqeeN ho ke tery dil ki thakan

teri ankhoN ki udasi ,tery seeny ki jhlan---------
meri diljoi,mery piyar se mit jay gi---------------
--------------------gar mera harf_e_tasli woh dawa ho jis se.
ji uthy tera ujhra howa benoor damagh---------
teri peeshani se dhul jaeiN yeh tazleel ke daagh
teri bemaar jawani ko shifa mil jay---------------

---------------------gar muje iss ka yaqeeN ho mery hamdam mery dost

rooz_o_shab,sham_o_sehar meiN tujhy behlata rahooN

meiN tujhy gheet sunata rahooN halky sheerN-----------
aabsharooN ke,bharooNke,chman zarooN ke-------------
aamd_e_subha ke mehtab ke,searoN ke------------------
tuj se husan_o_ishaq ki hakyat kahooN--------------------
kesy maghroor hasinaoN ke barfab jism-------------------
ghram hatooN ki hararat mein pighil jaty heiN-------------
kesy aik chery ke tehry howy manoos nuqosh-------------
dekhty delhty yak lakt badl jaty heiN------------------------
kis trha aarz_e_mehboob ka shfaf bloor--------------------
yak bayak ahmar se dehak jata hai-------------------------
kesy gulceeN ke liye jhukti hai kudh shak_e_ghulab------
kis trha raat ka ewaaN mehak jata hai----------------------
yhoN hi gahta rahooN ,ghata rahooN teri khatir--------------
gheet bunta rahon,betha rahooN teri khatir-------------------

---------------------- par mery gheet tery dukh ka mudawa hi nahiN

nghma_e_jrha nahiN,munas_o_gham khuwar nahiN

gheet nashtar to nahiN,marham_e_aazar sahee-----
tery aazar ka cara nahiN nashtar ke siwa------------
aur yeh safak maseeha mery qabzy meiN nahiN----
iss jhaaN ke kisi zirooh ke qabzy meiN nahiN--------

------------------haaN maghr tery siwa,terysiwa,tery siwa.....

NAVEED AHMAD NAVEED...............

_________________
www.urdubazm.tk

eBazm
---------------------Khamosh Zakhm--------------------

koi khamosh zakhm lagti hay

zindagi aik nazm lagti hay

bazm-e-yaran mai rehta hu tanha

aur tanhai bazm lagti hay

hum se chaahe kahin ki baat karo

hoti tum per hi khatm lagti hay

apne saaye pe paaoon rakhta hoon

chhaaon chhaalon ko narm lagti hay

chaand ki nabz dekhta hoon mai

raat ki saans garm lagti hay

yeh riwayat ke dard mehke rahein

dil ki derina rasm lagti hay

Selected by: Neha

do sher hazrey khidmat hain pasand aayan to jawab deejiya ga

Kal bichedna hay to pher ahed-e-wafa soch kay bandh

Abhee aaghazey muhabat hay gaya kuch bhee nahin
Main to is wastey chup hoon kah tamasha na banay
Tuu samjhta hay mujhey tujh say gila kuch bhee nahin

Ehsan

Urdustaan ...
Posted: Sat Sep 04, 2004 3:11 am Post subject: jal bhee chuke parvaane.....

------------------------------------------------------------------------------
--

jal bhee chuke parvaane, ho bhee chukee rusvaai

ab Khaak uRaane ko baiThe haiN tamaashai

taaroN kee zia dil maiN ik aag lagaati he

aaraam se raatoN ko sote naheeN sodai

raatoN kee udaasi maiN Khamosh he dil mairaa

be his haiN tamannai, neend aayee ke mout aayee

ab dil ko kisi karvaT aaraam naheeN miltaa

ik umr kaa ronaa he do din kee shanaasaai

eBazm...
Hello everyone!
Here is one of a very good ghazal from Amjad Islaam Amjad.

---------------------------------------------------------------
Miley Kaisey Sadiyoun Ki Pyaas Aur Paani, Zara Phir Sey Kehnaa
Badri Dilrubaa Hai Yeh Saari Kahaani, Zara Phir Sey Kehnaa

Kahaan Sey Chalaa Thaa Judai Ka Saaya, Nahien Dekh Paaya

Kay Rastay Mein Thi Aansoyoun Ki Rawaani, Zara Phir Sey Kehnaa

Hawa Yeh Khabbar Tuu Sunaati Rahey Aur Mein Suntaa Rahoon
Badalney Koo Hai Ab Yeh *Mousum Khizaani*, Zara Phir Sey Kehnaa

Mukar Jaaney Waala Kabhi Zindagi Mein Khusi Phir Naa Paaye
Younhi Khattam Kar Lein Chalo Yeh Kahaani, Zara Phir Sey Kehnaa

Samay Kay Samandar! Kaha Tu Ney Jo Bhi, Suna Par Naa Samjhay
Jawaani Ki Nadi Mein Thaa Taiz Paani, Zara Phir Sey Kehnaa
 Poet: Amjad Islaam Amjad
---------------------------------------------------------------

Thanx...
Issey milti julti ek bahut hi naazuk aur khoobsoorat
Ghazal Sharyar saheb ne likhi hai... umeed hai ki
aapsabhi ebazmers ko pasand aayegi...it goes like this

Ye kya hai muhabbat me to aisa nahi hota,

Main tujhse juda hoke bhi tanha nahi hota.

Iss mor se aage bhi koii morr hai warna,

Yoon mere liye tu kabhi tehra nahi hota.

Kyon mera muqaddar hai ujalon ki siyahi,

Kyon raat ke dhalne pe savera nahi hota.

Yaa itni na tabdil huyee hoti ye duniya,

Yaa mainey isey khwab me dekha nahi hota.

Suntey hain sabhi gaur se awaz-e-jaras ko,

Manzil ki taraf koii rawana nahi hota.

Dil tark-e-talluq pe bhi aamada nahi hai,

Aur haque bhi ada issey wafa ka nahi hota.

Regards,
Khwab.
Achcha Tumhare Shaher Ka Dastur ho gaya
Jis ko galay laga lia wo duur ho gaya

Kaghaz main dab ke mar gai keeray kitaab ke

Diwaana bin padhay likhay mashoor ho gaya

Tanhaiyon ne tood di hum dono ki ana

Aaina baat kerney pe majboor ho gaya

Subh-e-wasaal puch rahi hai ajab sawaal

Wo paas aa gaya ke bahot duur ho gaya

Basheer badr
(asab mehdi)

Nita Site ...

ho ga_ii phir parbat-sii pighalanii chaahiye

ho ga_ii phir parbat-sii pighalanii chaahiye

is himaalay se ko_ii gangaa nikalanii chaahiye

aaj ye diivaar pardo.n kii tarah hilane lagii

shart lekin thii ki buniyaad hilanii chaahiye

har sa.Dak par har galii me.n har nagar har gaao.n me.n
haath leharaate huye har laash chalanii chaahiye
sirf hangaamaa kha.Daa karanaa meraa maqsad nahii.n
merii koshish ye hai ki ye suurat badalanii chaahiye

mere siine me.n nahii.n to tere siine me.n sahii

ho kahii.n bhii aag lekin aag jalanii chaahiye

Dushyant Kumar

Urdustaan ...
Meri tasveer may rung aur kisi ka to nahi
Ghair lain mujh ko sub ankhain may tamasha to nahi

Zindagi tujh say her eik saans pay samjhota karoun

Shawk jeenay ka hai mujh ko meger itna to nahi

Rooh ko dard mila dard ko ankhain na milee.n

Tujh ko mehsoos kiya hai tujhay dekha to nahi

Sochtay sochtay dil doobnay lagta hai mera

Zehen ki teh may muzaffar koi dariya to nahi

Ebazm ...
yunhi be yaqiN yunhi be nishaN, meri aadhi umr guzar gayi
kahiN ho na jaaoN maiN raayegaN, meri aadhi umr guzar gayi

kabhi sayebaN na tha baham, kabhi kehkashaN thi qadam qadam

kabhi be makaN kabhi la makaN, meri aadhi umr guzar gayi

tere vasl ki jo naveed hai, wo qareeb hai ke bayeed hai

mujhe kuch khabar to ho jaaN-e-jaaN, meri aadhi umr guzar gayi

kabhi mujhko fikr-e-ma'ash hai, kabhi aap apni talaash hai

koyi gur bata mere nuktadaaN , meri aadhi umr guzar gayi

koyi taanazan meri zaat par,koyi khandazan kisi baat par

pa-e-dil nawazi-e-dostaaN, meri aadhi umr guzar gayi

abhi waqt kuch mere paas hai, ye khabar nahiN hai qayaas hai
koyi kar gila mere bad gumaaN, meri aadhi umr guzar gayi

use pa liya use kho diya, kabhi hans diya kabhi ro diya
badi mukhtasar hai ye daastaaN, meri aadhi umr guzar gayi

teri har daleel bahut baja, magar intezaar bhi ta kuja?

meri baat sun mere raazdaaN, meri aadhi umr guzar gayi

kahaN kainaat meiN ghar karooN, maiN ye jaan looN to safar karooN
isi soch meiN tha ke nagahaN, meri aadhi umr guzar gayi

eBazm ...

Here you go!

rait sey but na banaa, ai meray achchhay fankaar
aik lamhay ko thahar, main tujhay patthar laa doon
main teray saamnay ambaar lagaa doon lekin
kaun sey rang kaa patthar teray kaam aayegaa
surkh patthar jisay dil kahatii hai bedil duniyaa
yaa vo pattharaaii huii aankh kaa niilaa patthar
jis main sadyon kay tahayyur ke parhaye hon doray

kyaa tujhay rooh kay patthar kii zuroorat hogii

jis peh haq baat bhii patthar kii tarah giratii hai
ik vo patthar hai jisay kahtay hain tahaziib-e-safed
us kay marmar main siyah khoon jhalak jaataa hai
ik insaaf kaa patthar bhii to hotaa hai magar
haath main teshaa-e-zar ho to vo haath aataa hai

jitnay mayaar hain is daur kay sab patthar hain

sher bhii, raqs bhii, tasviir-o-ginaa bhii patthar
meray ilhaam, teraa zahan-e-rasaa bhii patthar
is zamaanay main har fan kaa nishaan patthar hai
haath patthar hain teray, merii zabaan patthar hai
rait sey but na banaa ai meray achchhay fankaar
Ahmad Nadeem Qasmii

Fazil.
eBazm
Woh Dil Hi Kya, Tere Milney Ki Jo Duaa Naa Karey
Mein Tujh Ko Bhool Kay Zindaa Rahoon, Khudaa Naa Karey

Rahey Gaa Saath Tere, Pyaar Zindagi Ban Kar

Yeh Aur Baat Zindagi Meri Wafa Naa Karey

Yeh Theek Hai, Nahien Martaa Koi Judaai Mein

Khudaa Kisi Ko Kisi Sey Magar Judaa Naa Karey

Agar Wafa Par Bharoosa Rahey Naa Duniya Ko

Tou Koi Shakhs Mohabbat Ka Hoslaa Naa Karey

Sunaa Hai Uss Ko Mohabbat Duaaien Deyti Hai

Joo Dil Pey Chot Tou Khaaye, Magar Gila Naa Karey

Bujhaa Diya Naseebon Nein Mere Pyar Kaa Chaand

Koi Diya Meri Palkoon Pey Abb Jalaa Naa Karey

Zamaana Dekh Chukaa Hai, Parakh Chukaa Hai Ussey

Qateel Jaan Sey Jayee, Yeh illtijaa Naa Karey

Poet: Qateel Shafai

Urdustaan
Kabhi chor ankhon se dekh liya
kabhi bedhiani ka zaher diya

kabhi honton se sargoshi ki

kabhi chal chali khamoshi ki

jab jaane lagey tou rok liya

jab barhney lagey tou tok diya

aur jab bhi koi sawal kiya

us ne hans kar hi tal diya ..
Munir Niyazii

PoetryWala

Kaisa yeh pyar hai..

<DIR> <DIR>

</DIR></DIR>

Kabhi iqrar kar layna kabhi inkar kar layna

kahaan say tum nay sekha hai anokha pyar kar lyna

tumhain baanhoon main bhar k serif yehhi pygam dena tha

apnay sooy jazboon ko zara bydar kar layna

kabhi chahat say tum magloob ho kar muskora dyna

kabhi kuch sochna or soch kar inkaar kar lyna

kabhi shola kabhi shabnum kabhi shadaan kabhi barhum

kabhi roona kabhi lyhjay ko phir jhankar kar lyna

tumhari yeh bolti ankhain yeh gur jantee bhee hoon gi

hum aseeoon ko aseer nagmaan guftaar kar lyna

salika chaheyeh rah talab main jinay marnay ka

nahi zeba mohabbat ko janoon aasar kar lyna

mohabat ek naymaat hai essay hanza yeh samajh na

monasib to nahi hoga esay aazad kar lyna

very few know that a book named MAIKHANAA was written by Krishna Dutt
'Toofaan' in early thirtees. This was around when MADHUSHALA was
written by H R Bachhan, father of Amitabh Bachhan. I am quoting some stanzas
from this book and anyone who has read Madhushala will notice the sriking
resemblance it carries for content and expression. I am sure you will relish
the beauty of expression.

ai fasle baharaaN jab samjhooN

tu sahne chaman meiN aai hai
jab baagh.e eram se bhi baRhkar
rangeen ho meraa maikhanaa
aakaash se jo shabnam barse
vo baada.e rangee ho jaae
har ahle chaman ki nazrooN meiN
har phool bane ek paimanaa

ai mast.e nigaahe saaqi ab

hastee kaa badal de afsanaa
gardish meiN hai aae paimaane
aur jhoom uThaa hai maikhanaa
mehroom nishaate dil se hooN
ek yaas ki duniyaa meiN rahkar
maiN teri inaayat ke sadqe
aisey meiN banaa de diwanaa

rangeen shuaaeN phooT paRee

dene ko sukooN kaa nazranaa
mere hotooN tak aane ko
betaab huaa khud paimanaa
saaqi ki nigaaheN uThate hi
tobaa kaa andheraa door huaa
har saghar ne angdaai lii
bedaar huaa badaakhanaa

jataa hai ajab masti lekar

aataa hai jo su.e.maikhanaa
saaqi kaa karam har ek pe hai
vo apnaa ho yaa begaanaa
sab is se faiz uThaate haiN
dindaar ho yaa vo kaafir ho
allah ki rahmat ki soorat
makhsoos naheeN hai maikhanaa

is husn ke sadqe duniyaa hai

dil kiskaa naheeN hai diwanaa
lekin jo fidaa.e.ulfat hai
kuchh aur hai uskaa afsanaa
dushwaar sukoon.e.qalb naheeN
jo garm.e.safar ho jaaoN main
har manzil par sau jaam mileN
har raah meiN aaey maikhanaa

phir kyaa ho zurrat.e.tarq.e.mai

jab chhaey ho rangeeN baadal
mai naach rahee ho shishey meiN
aur jhoom rahaa ho paimanaa
jab vazd kaa aalam hotaa hai
ik mastee si chhaa jaatee hai
har kaifeeat.e.dil kahtee hai
peenaa hi paRegaa paimanaa

hastee ke safar kaa ai hamdam

kuchh poochh na mujhse afsanaa
khumkhaana.e.manzil paayegaa
jo khizr se hogaa begaanaa
lab tishnaae azaaem ke 'ToofaaN'
tu apne lahoo se tar kar de
ban jaaegaa raah.e.manzil kaa
har zarraa sarapaa maikhanaa

ai mahlooN meiN rahne waloo

eflaas bhi hai ek afsaanaa
Thokar se na toRo bahr.e.khudaa
majboor ke dil kaa paimanaa
sone ke qalam se likhee huee
kismat pe na etnaa naaz karo
ghurbat ke hi dam se qaaem hai
sone chaandee kaa maikhanaa

zurr.at meiN nihaaN hai raahat.e.dil

saqi kaa tawaqul bemanee
tu dil meiN kashish paidaa kar le
khiNch aaegaa khud hi paimanaa
mansoob ussi se hotee hai
taqdeer bhi jaam.o.meenaa bhi
jo shoq ki azmat ko samjhe
miltaa hai ussi ko paimnanaa

ishrat ho ki daur.e ranj.o.alam

badlegaa na meraa afsanaa
rahmat ne mujhe kyaa samjhaa hai
diwanaa hooN mai kaa diwanaa
kyaa khauf hai naar.e.dozakh kaa
wo aag naheeN hai badaa hai
ai khuld nashinooN kyaa jaano
ek wo bhi hai meraa maikhanaa

rindee hi suroor.e.hastee hai

kaise ye bhulaa dooN afsanaa
rahtaa hai khayaal.e.saaqi se
ehsaas kaa rangeeN paimanaa
ai zaahid.e.nadaaN is se kabhi
pehloo na bachayaa jaaegaa
saaqi ki muhabbat jannat hai
saaqi kaa tasawwar maikhanaa

Regards

PK Swami[/quote]

eBazm ... Saba

udaas raaton mien tez coffee ki talkhiyon mien,
wo kuch ziyada hi yaad ata hai sardiyon mien,

mujhey ijazat nahin hai us ko pukaarney ki,

jo goonjhta hai lahu mien,seeney ki dharkanon mien,

wo bachpan jo udaas rahon mien kho gaya tha,

mien dhondta hun usey tumhari sharartoun mien,

usey dilasey to dey raha hun magar ye such hai,

kahien koi khuaf bardh raha hai tassaliyon mien,

tum apni pouron sey janey kia likh gaye thay jana,
charagh roshan hain ab bhi meri hatheliyon mien,

jo tu nahin hai to ye mukamal na ho sakiengien,

teri yehi ehmiyat hai meri kahaniyon mien,

mujhey yaqeen hai wo thaam ley ga bharam rakhey ga,

ye maan hai to diye jalaye hain andhiyon mien,

har ik mausam mien roshni si bekhairtey hain,

tumharey ghum key charagh meri udasiyon mien.

by wasi shah
(mujhey sandul kar do)

eBazm
Chhapan saala apni kahani
Kaisa daana kaisa pani
Bijri begum aani jaani
Boorhay naita Josh-e-jawaani
Ahlu Pahlu Bollywood
Budhhay neta feeling good
(Saghar Khayyami)

Khuli jo aankh to wo tha na wo zamana tha

Dahekti aag thi tanhaai thi fasana tha.

Ye kya ki chand hi qadmo pay thak ke baith rahay

Tumhay to saath mera door tak nibhana tha

Mujhay jo meray lahu main duboo ke guzra hai

Wo koi ghair nahi yaar ek puraana tha

Ghamo nain baant liya hai mujhay yoon aapas main

ke jaisay main koi loota hoa khazaana tha

allah hafiz
mehdi lko

Urdustaan ..
voh ada'e tabssum'e pinhaaN......bangayee mere dard ka unwaaN
ishq hai mawraaye baish o kam....tera armaaN hai haasil'e armaaN
zarra zarra baja'ee khud aalam....poochiye humse vusa'at'e imkaaN
soz o saaz'e yaqeen paida ker.....aye giraftaar'e daam'e vehm o gumaaN
hum yunhi muskurayenge 'Nayyar
gham'e janaaN ho ya gham'e dauraaN'

Mehfil-e-sukhan
Aap kee khidmat mein Payaam Fatehpuree kee ek ghazal pesh hai!
Jo tabassumooN se gulfishaaN vohee laB haNsee ko taras gaye
HameeN shaHreyaare haYaat the hameeN zindagee ko taras gaye

Ye ajeeb subhe bahaar hai koi zindagee kee kiran naheeN

HameeN khaaliq.e maah.o.meHr haiN hameeN roshnee ko taras gaye

Ye chaman hai kaisaa chaman jahaaN tihee daaminee hee naseeb hai
Ye bahaar kaisee bahaar hai k kalee kalee ko taras gaye

Na karam na koi etaab hai koi iss adaa kaa jawaab hai
Kabhee dostee ko taras gaye kabhee dushmanee ko taras gaye

Vohee manziloN se bhatak gaye na junooN ke saath jo chal sake

Jo fareb.e.hoosh meiN aa gaye rah.e aagahee ko taras gaye

Hai ajab naseeb bhee ishq kaa na vafaa milee na jafaa milee
Tere iltifaat kee kyaa khabar terii berukhee ko taras gaye

Main Payaam kaafir.e ishq hooN meri gumraHee bhee hai bandgee
K fidaa.e kabaa.o.dair bhee meree kaafiri ko taras gaye

Please tell me how did you like it !!

eBazm
WORLD TRADE CENTER KA MALBA:

Imaarat kia giri !

Mehsoos hota hay
keh apnay gher kay bhi deewaar-o-dar tootaay
hamaray sir peh goya chhat naheen baaqi
kharay hain bay-sir-o-samaan, bay saaya
"kisi" ka saaniha
"hum" ko bala ki dhoop main laaya
kabhi to paoon jaltay thay
mager ab sir bhi zud per hain
yeh samjhain jaisay ab hum sub fana honay ki hud per hain
Imaarat kia giri !
hum log meeloan door bhi pathra ga'ay jaisay
hum is kay toot'tay mulbay kay neechay aa ga'ay jaisay
woh pat'thar eent or gaara to aakhir hut hi ja'ay ga
mager hum per gira jo kon "woh" mulba hata'ay ga ?
hamaray sath hay tehzeeb or taareekh bhi shayad
sunai di hay hum ko deen-e-huq ki cheekh bhi shayad
sada zakhmi sahi laikin ghaneemut hay, sada to hay !
humain khud-ehtisaabi ka koi moqa mila to hay

Bazm-e-Sukhan sTanvir
sundar komal sapano.n kii baaraat guzar ga_ii jaanaa.N

sundar komal sapano.n kii baaraat guzar ga_ii jaanaa.N

dhuup aa.Nkho.n tak aa pahu.Nchii hai raat guzar ga_ii jaanaa.N

[komal=soft]
bhor samay tak jis ne hame.n baaham ulajhaaye rakhaa
vo albelii resham jaisii baat guzar ga_ii jaanaa.N

[baaham=with each other]

sadaa kii dekhii raat hame.n is baar milii to chup ke se

Khaalii haath pe rakh ke kyaa sauGaat guzar ga_ii jaanaa.N

kis ko.npal kii aas me.n ab tak vaise hii sar-sabz ho tum
ab to dhuup kaa mausam hai barasaat guzar ga_ii jaanaa.N

log na jaane kin raato.n kii muuraade.n maa.Ngaa karate hai.n

apanii raat to vo jo tere saath guzar ga_ii jaanaa.

by PARVEEN SHAKIR

PoetryWala
Ye baat samajh main aai nahi, Aur Ammi ney samjhai nahi
Main kaisay meethi baat karoon? Jab meethi cheeji khai nahi
Aapi bhi pakaati hain Halwa, Woh aakhir kiyon 'Halwaai' nahi?
Bhayya ki mangni ho gai kal, Kiyoon kal hi 'Dulhan' mangwaai nahi?
Ye baat samajh main aai nahi
Naani ke miyaan jab Nana hain, Dadi ke miyaan jab Dada hain......
Tab Aapi se main ne poocha... Baaji ke miyaan kiya 'Baaja' hain?
Woh huns huns kar yoo kehnay lagi, A bhai nahi yeh bhai nahi
Ye baat samajh main aaai nahi
Jab naya maheena aata hay, Bijli ka bill aa jaata hay
Halaankey Baadal bechaara ye bijli mufft Lutata hay
Phir hum ne apnay ghar Bijli....Kiyoo Badal se lagwaai nahi?
Ye baat samajh main aai nahi
Gar Billi 'Shair' ki khala hay?...phir hum ne ussay kiyoon pala hay?
Kiya 'Shair' bohat nalaayak hay? Khala ko maar nikala hay?
Ya jungle ke Raja kay yahaan... kiya milti doodh malaai nahi?
Ye baat samajh main aai nahi
Kiyoon Lambay baal hain bhaalu ke ? Kiyoon uss ki tind karai nahi?
Kiya 'woh' bhi Ganda bacha hay?.. ya uss ke Abbu,bhai nahi?
Yeh uss ka 'Hair Style' hay?..... ya Jungle main koi Naai nahi?
Ye baat samajh main aai nahi,
Jo Taaray jagmag kartay hain, Kiya unn ki 'Chachi Taai' nahi?
Ho ga koi rishta sooraj se? ye baat humain batlaai nahi
Per Chanda kaisa mamoo hay? jab ammi ka woh 'bhai' nahi?
Ye baat samajh main aai nahi,
Ye baat samajh main aai nahi, Aur Ammi ne samjhaai nahi
Main kesay meethi baat karoon? jab meethi cheeji khai nahi

KABHI YOON MILEN KOI MASLEHAT

KOI KHOF DIL MEIN ZARA NA HO
MUJHY AAPNI KOI KHABAR NA HO
TUJHY AAPNA KOI PATA NA HO
KABHI DHUOOP DEY KABHI BADLEYAN
DIL O JAAN SEY DONOO QABOOL HAIN
MAGAR ES MEHAL MEIN NA QEAD KAR
JAHAN ZINDAGE KI HAWA NA HO
TERY EKHTEYAR MEIN KIYA NAHIN
MUJHY ES TARHAN SEY NAWAZ DEY
YOON DUAEYN MERI QABOOL HOON
MERE LAAB PE KOI DUA NA HO !

eBazm
Humaray Bass Mein Agar Apney Faislay Hoote
Tou Hum Kabhi Kay Gharoon Ko Palatt Gaye Hoote

Kareeb Reh Kar Sulagney Sey Kitnaa Behtar Thaa

Kisi Maqaam Par Hum Tum Bichar Gaye Hoote

Kabhi Tou Rait Ko Hum Muthiyoun Mein Bharr Laite

Kabhi Hawaayoun Se Apney Mukaalmay Hoote

Humaarey Naam Pe Koi Charaagh Tou Jaltaa

Kisi Zubaan Pe Humaarey Bhi Tazkaray Hoote

Hum Apna Koi Alag Raastaa Banaa Laite

Humaarey Dil Ney Agar Hooslay Kiye Hoote

Poet: Noshi Gilaani

************************************ Printed Up to here on 29th Sep 2004

*******************8

PoetryWala
"Kabhi yaad aao to iss terha
ke laho ki saari tamazatein
tumhein dhoop dhoop samait lein
tumhein rung rung nikhaar dein
tumhein harf harf mein soch lein
ke deyaar-e hijer ki teergi
ko palak ki nok se noch lein

kabhi yaad aao to iss terha

ke dil-o nazar mein sama sako
kabhi had se jub yeh junoo berhay
to hawas bun ke bikher sako
kabhi khul sako shab-e visel mein
kabhi khoon-e dil mein sanwar sako
sir-e rahguzar jo milo kabhi
na theher sako na guzar sako

mera dard phir se ghazal banay

kabhi gungunao to iss terha
mere zakhm phir se gulaab hon
kabhi muskuraao to iss terha
meri dharkanein bhi laraz uthein
kabhi chot khaao to iss terha

jo nahin to phir baray shoq se

sabhi rabtay , sabhi zabtay
kabhi dhoop chaaon mein tor do
na shikast-e dil ka sitam kaho
na suno kisi ka azab-e jaan
na kisi se dil ki qalish kaho
yuun hi khush raho yuun hi kush phiro

na ujer sakein na sanwar sakein

kabhi dil dukhaao to iss terha
na simat sakein na bikher sakein
kabhi bhool jaao to iss terha
KISI TAUR JAAN SE GUZAR SAKEIN
KABHI YAAD AAO TO ISS TERHA

eBazm ...
Iss Sey Pehlay Kay Bewafa Hoo Jaayien
Kyun Naa Ae Doost Hum Judaa Hoo Jaayien

Tu Bhi Heeray Sey Bann Gaya Patthar

Hum Bhi Kal Jaaney Kya Sey Kya Hoo Jaayien

Tu Kay Yaktaa Tha, Bayshumaar Hua

Hum Bhi Tootayien Tu Jaa-Bajaa Hoo Jaayien

Hum Bhi Majbooriyoun Kaa Azzar Karyien

Phir Kahien Aur Mubtalaa Hoo Jaayien

Hum Agar Manzil Naa Bann Paaye

Manziloon Tak Kaa Raastaa Hoo Jaayien

Dair Sey Sooch Mein Hein Parwaaney

Raakh Hoo Jaayien Ya Hawa Hoo Jaayien

Bandagi Hum Ney Choord Dee Hay Faraaz

Kya Karien Loog Jab Khudaa Hoo Jaayien

Poet: Ahmed Faraaz

urdustan
Us mod say shuru karain phir yeh zindagi,
Her sheh jahaa haseen thi hum tum thay ajnabi.

Lay ker chalay thay hum jinhain jannat k khuwab thay

Pholoun kay khuwab thay woh mohabbat k khuwab thay
Laikin kaha hai un may woh pehli si dilkashi ?
Us mod say shuru karain phir yeh zindagi

Rehtay thay hum haseen khayalou ki bheed may

Uljhay howay hain aaj sawaloun ki bheed may
Aanay lagi hai yaad woh mohabbat ki her ghari
Us mod say shuru karain phir yeh zindagi

Shayad yeh waqt hum say koi chaal chal gaya

Rishta wafa ka aur he rangoun may dhal gaya
Ashkoun ki chandni say thi behter woh dhoop he
Us mor say shuru karain phir yeh zindagi
Her sheh jahaa haseen thi hum tum thay ajnabi.
Sudarshan Fakhir

Urdustan
jog bijog kii baate.n jhuuThii sab jii kaa bahalaanaa ho
phir bhii ham se jaate jaate ek Gazal sun jaanaa ho

saarii duniyaa aql kii bairii kaun yahaa.N par sayaanaa ho

naahaq naam dhare.n sab ham ko diivaanaa diivaanaa ho

tum ne to ik riit banaa lii sun lenaa sharmaanaa ho

sab kaa ek na ek Thikaanaa apanaa kaun Thikaanaa ho

nagarii nagarii laakho.n dvaare har dvaare par laakh sukhii

lekin jab ham bhuul chuke hai.n daaman kaa phailaanaa ho

tere ye kyaa jii me.n aa_ii khii.nch liye sharmaa kar ho.nT
ham ko zahar pilaane vaalii amrit bhii pilavaanaa ho

ham bhii jhuuThe tum bhii jhuuThe ek isii kaa sachchaa naam
jis se diipak jalanaa siikhaa paravaanaa mar jaanaa ho

siidhe man ko aan daboche miiThii baate.n sundar log

'Meer', 'Nazeer', 'Kabir' aur 'Insha' sab kaa ek gharaanaa ho
_________________

eBazm
Here are some Rubai's.

---------------------------------------------------------------
Kab Tak Aakhir Hum Sey Apney Dil Kaa Bhay-aid Chupao Gee
Tumhein Raah Par Ek Din Aana Hai, Tum Raah Par Aaa Hi Jao Gee

Jab Khel Hi Khelaa Sholoon Kaa, Phir Aao Koi Tadbeer Karein
Hum Zakham Kahaan Tak Khaien Gey, Tum Gham Kab Tak Apnao Gee
---------------------------------------------------------------

---------------------------------------------------------------
Mein Khud Zameen Hoon, Magar Zarf Aasmaan Ka Hai
Kay Toot Kar Bhi Mera Hoosla Chattaan Ka Hai

Buraa Naa Maan, Mera Harf Harf Zahar Sahi

Mein Kya Karoon, Yehi Zaiyqa Zabaan Kaa Hai
---------------------------------------------------------------
---------------------------------------------------------------
Teri Chaah Mein, Teri Raah Mein Mere Hosloon Kaa Hunar Gaya
Thi Woh Aandhiyian Tere Shahar Ki, Mera Ghar Gaya Mera Dar Gaya

Tere Shahar Mein Ae Be-Mehar, Tere Doostoon Kaa Yeh Haal Hai
Koi Chupke Chupke Jee Uttha, Koi Chupke Sey Mar Gaya
---------------------------------------------------------------

---------------------------------------------------------------
Yeh AjeebHai Mohabbat Kay Zamaana Jaantaa Hai
Naa Mein Uss Ki Maanta Hoon, Naa Woh Meri Maanta Hai

Koi Uss Sey Jaa Kar Poochey, Ussey Kya Milaa Bichar Kay
Mein Bhi Khaak Chaanta Hoon, Woh Bhi Khaak Chaanta Hai
---------------------------------------------------------------

Hope you'll like them as well.

Thanx...

eBazm
yo.n lage dost teraa mujhase Khafaa ho jaanaa
jis tarah phuul se Khushbuu kaa judaa ho jaanaa

ahal-e-dil se ye teraa tark-e-ta'alluq

vaqt se pahale asiiro.n kaa rihaa ho jaanaa

[tark-e-ta'alluq=breaking off the acquaintanceship/ relationship]

[asiir=prisoner]

yo.n agar ho to jahaa.N me.n ko_ii kaafir na rahe

mo'ajuzaa tere vaade kaa vafaa ho jaanaa

[mo'ajuzaa=miracle]

zindagii mai.n bhii chaluu.Ngaa tere piichhe-piichhe

tuu mere dost kaa naqsh-e-kaf-e-paa ho jaanaa

[naqsh-e-kaf-e-paa=footprints]

jaane vo kaun sii kaifiyat-e-Gam_Khvaarii hai

mere piite hii "Qateel" us ko nashaa ho jaanaa

[kaifiyat-e-Gam_Khvaarii=empathy]

eBazm
Here is another good ghazal from Qateel Shafai.

-----------------------------------------------------
Gham-e-Hijar Se Na Dil Ko Kabhi Humkinaar Karna
Mein Phir Aaoyoun Ga Palat Kar Mera Intezaar Karna

Mujhe Darr Hai, Mere Aansoo Teri Aankh Se Na Jhalkien

Zara Sooch Kar Samajh Kar Mujhe Sogawaar Karna

Ussey Dhoond Sab Se Pehlay Jo Mila Nahien Hai Tujh Ko

Yeh Sitarey Aasmaan Kay Kabhi Phir Shumaar Karna

Mere Shaher Ki Fiza Mein Koi Zahar Bhar Gaya Hai

Tere Husn Par Hai Laazim Ussay Khusgawaar Karna

Mein Uthayoun Gaa Na Ihsaan Tere Baad Na-Khuda Ka

Mujhe Tu Ney Hi Daboya, Mujhe Tu Hi Paar Karna

Mere Bad-Naseeb Waaz, Teri Zindagi Hi Kya Hai

Na Kisi Sey Dil Lagaana, Na Kisi Sey Pyaar Karna

Kabhi Iqtidaar Bakhshey Jo Khuda Qateel Tujh Ko

Jo Rawish Hai Katiloon Ki, Woh Na Ikhtiyaar Karna

Poet: Qateel Shafai

eBazm
--- syed hamid hussain baaqri <[email protected]> wrote:
>
> hello ,aadaab,hamara kalaam haazir hai.
>
> lab pe mere jo haqbayani hai
> bas yeh moula ki meherbaani hai
>
> yeh mohammed ne humse farmaaya
> dekho duniya saraaye faani hai
>
> iski laalach bahut buri shai hai
> na bujhe pyaas yeh woh paani hai
>
> tanha aaya hai tanha jaayega
> baat yeh to sabhi ne maani hai
>
> rozey mahsher hisaab dena hai
> tu samajhta hai yeh kahaani hai
>
> murda chehrey se le sabaq warna
> kora kaagaz teri kahani hai
>
> hashr ke din koyee na bolega
> sirf moula ki hukmraani hai
>
> khwabey ghaflat se jaag aye insaan
> mokhtesar teri zindagaani hai
>
> khidmate khalq bandagi haamid
> tere eemaan ki nishaani hai
>
> hope you will like this kalaam of mine
> haamid baaqri,bangalore,india
>
>
>
>

sTanvir
Jab hawaa shab ko badalti hui pahloo aai
MuddatoN apnay badan se teri khushboo aai
YooN umad aai koi yaad meree aankhoN mein
Chaandnee jese nahaane ko labe joo aai

eBazm
Ishq ney seekh li waqt ki taqseem keh ab
Woh mujhey yaad tau aata hai magar kaam key baad

Thanks! Best regards,

Muhammad Fazil

"Amjad Hussain" <[email protected]>

Date: Wed, 20 Oct 2004 18:12:57 -0700 (PDT)
Subject: [eBazm] ik shair

Mehfil ko Adab

ik shair arz karta hoon umeed hey pasand Aay ga

Aao Chup ki zuban main Nair

itni Batain kareen k thak jaeen

be Happy and make Happy others..

bye and take care...

eBAzm
ye tumharein pyar ka faiz hai ye jo ek ghazal ki kitaab hai
tere ghum mein ghuzrey har ek pal mere rat jagoon ka hesaab hai

mujhe beech rah mein choor kar mera haath tumnein jhatak deya
ye jo naz hai tujhe husn par ye to chand dinoo ka shabab hai

mujhe tumse pyar nahi hoa teri saadghe thi pasand mujhe
mujhe har tarah se qubool hai tu bhala hai ya ke kharaab hai

mujhe choRh kar mujhe toRh kar usse raastey pay palat deya
wahee mai-kada wahee jaam hai wahe mein hooN wahee shraab hai

mere haal ki mujhe kia khabar ye tumhare dard ki dain hai

ye jo ashq hain meri annkh mein ye jo lamha lamha kharaab hai

Poet : Sohail Shazad

eBazm
Zindagi Khud Ko Baratney Ki Adda Jaanti Hai
Zindagi Asal Mein Kya Hai, Yeh Kaza Jaanti Hai

Baad Baanoun Ko Sahi Simt Mein Rakhna Sekhoo

Koun Si Simt Ko Chalnaa Hai, Hawa Jaanti Hai

Mout Ki Aankhon Sey Ojhal Nahien Hoo Sakta Koi

Koi Bachtaa Nahien, Yeh Sab Ka Pata Jaanti Hai

Mast Reh Kar Hi Guzaro Tou Guzar Jaaye Gee

Zindagi Hoosh Mein Aaney Ki Saza Jaanti Hai

Apni Har Koshish-e-Nakaam Pe Mehsoos Hua

Gardish-e-Waqt Mujhe, Mujhe Sey Siwa Jaanti Hai

Poet: Nafees Faridi

eBazm
Haalaat kah rahay haiN ab wo na aaeN gay
Ummeed kah rahee hai zara intezaar kar

Ghazab kiya tairay waday pay aitebaar kiya

tamaam raat qayamat ka intezaar kiya

Mairee laash kay sirhaanay wo khaRay ye kah rahey haiN

Isay neend yooN naa aatee agar intezaar hota

na koi wadaa, na koi yaqeeN, na koi ummeed

magar hamaiN to teraa intezaar karna tha

tairay firaaq kay lamhay shumaar kartay huway

bikhar gaye haiN tairaa intezaar kartay huway

With best regards

From: Kaukab Azim.

Stanvir
Aap kee khidmat mein Payaam Fatehpuree kee ek ghazal pesh hai!

Kabhee naghma.e gham.e aarzoo kabhee zindgee kee pukaar ham

Kabhee khaak.e kucha.e yaar ham kabhee shahar.e yar.e bahaar ham

Kabhee chal paRe teri raah meiN to haD.e junnoN se guzar gaye
Tere intazaar meiN ho gaye kabhee naqsh.e raah guzaar ham

HameeN kishtagaan.e hayaaT se haiN junoon.e ishq kee azmataiN

Kabhee haNs paRe tah.e tegh ham kabhee jhoom uThe sar.e.daar ham

RaH.e muztarab kabhee muddatoN gham.e dahar kee kaRee dhoop meiN
jo sukooN milaa hai to so liye kabhee zer.e gesoo.e yaar ham

tujhe paa sakeN k na paa sakeN koi zindagee kee lagan to hai
k khushee se kaise ujaaR deN teri aarzoo kaa dayaar ham

gham.e zindagee se shikasht kyaa rah.e aarzoo meiN qadam baRhaa

tu jo saath ho to badal bhee deN ye mizaaj.e lailo nihaar ham

kabhee paas aa ke nigaah kar hai ye zindagee teraa aaienaa

teraa roop ham teraa pyaar ham teree aarzoo kaa singaar ham

P K Swami

Urdustan
---faiz ahmed faiz

nahiin nigaah men manzil to justajuu hii sahii

nahiin visaal mayassar to aarazuu hii sahii
na tan men Khuun faraaham na ashk aankhon men
namaaz-e-shauq to vaajib hai be-vazuu hii sahii

kisii tarah to jame bazm maikade vaalo

nahiin jo baadaa-o-saagar to haa-o-huu hii sahii

gar intazaar kathin hai to jab talak ai dil

kisii ke vaada-e-fardaa kii guftaguu hii sahii

Vaadaa-e-fardaa=Promises Of Yesterday (Past)

dayaar-e-Gair men maharam agar nahiin ko_ii

to 'Faiz' zikr-e-vatan apane ruu-ba-ruu hii sahii

sTanvir
hisab_e_umr ka itna sa ghosvara hai
tumhein nikaal ke dekha tu sab khisara hai
mein aur tum tu nadi ke do kinaarey hain
phir wo kaun hai jo teesra kinara hai

sTanvir
Us Nay Kaha ...

Usne kaha mujh se kitna piyar hai

Maine kaha sitaron ka koi shumar hai

Usne kaha ke kon tumhe hai bohat aziz?

Maine kaha dil per jjise ikhtiyar hai

Usne kaha ke konsa tohfa tumhain main doon

Maine kaha wo sham jo ab tak udhar hai

Usne kaha khizan main mulaqat ka jawaz?

Main ne kaha qurb ka matlab bahar hai

Usne kaha sennkron gham zindagi main hain

Mai ne kaha gham nahi jab gham gusar hai

Usne kaha saath kahan tak nibhao gai

Maine kaha jitni ye sanson ki taar hai

Usne kaha mujhko yaqeen aaye kistarah

Maine kaha naam mera aitbaar hai.

Urdustan
Dr. Afaaq Faakhri

Peeyenge apnaa lahoo voh mizaaj kar dega

Har ek shaKhs ko paagal anaaj kar dega

Jalenge roz yuNhi ghar tu dekhna ek din

Zamana usko bhi rasm o riwaaj kar dega

Agar karoge zuban o zameer ka sauda

To waqt tum ko bhi be taKht o taaj kar dega

Yeh sach hai ab ke agar maiN ne sach kaha to meri

Zuban kaat ke goonga samaaj kar dega

Kisay Khabar thee ke Afaaq ab ke mausam-e-gul

Har ek shahar meiN sho’loN kaa raaj kar dega

Urdustan
Nasim Nikhat

Ghurbat meiN to hamdard bhi aksar nahiN aatay

Sehra ki eyaadat ko samandar nahiN aatay

Raas aa gaya unko bhi baRay shahroN ka maahol

Ab suni haweli meiN kabootar nahiN aatay

Mumkin hai bichchaR jaayeN ussi moR pe ham tum

Yeh haadsay kuchch soch samajh kar nahiN aatay

Unn shoKh parindoN kaa kare koun bharosa

Mausam teri yaadoN ke palat kar nahiN aatay

Kam zarf se jo bheek bhi lete naa thay Nikhat

Basti meiN meri ab voh qalandar nahiN aatay

hai justuju ki Khoob se hai Khoob_tar kahaaN!

hai justuju ki Khoob se hai Khoob_tar kahaaN!

ab dekhiye Thai'hrti hai jaa kar nazar kahaaN!

yaa Rab! is iKhtilaat ka anjaam ho ba_Khai'r

tha us ko ham se rabt, magar is qadar kahaaN!

ik 'umr chaahiye ki gavaara ho nai'sh-e-ishq

rakkhi hai aaj lazzat-e-zaKhm-e-jigar kahaaN!

ham jis pe mar rahe haiN vo hai baat hi kuchh aur

'aalam meN tujh se laakh sahii, tu magar kahaaN!

hotii nahiN qubool du'aa tark-e-'ishq kii

dil chaahtaa na ho to zubaaN meN asar kahaaN!

"Haali!" nashaat-e-naGhma_o_mai DhooNDhte ho ab

aaye ho waqt-e-sub'Ho, rahe raat bhar kahaaN!
_________________

eBazm
Halaat Kay Qadmoun Pe Qalandar Nahien Girta
Toutey Jo Bhi Taara, Tou Zameen Par Nahien Girta

Girtey Hein Samandar Mein BarDey Shouq Se Dariya

Lakin Kisi Dariya Mein Samandar Nahien Girta
Samjho Wahaan Phal-Daar Shajar Koi Nahien Hai
Woh Sayhen Kay Jis Mein Koi Patthar Nahien Girta

Itna Tou Hua Faayida Baarish Ki Kammi Se

Iss Shaher Mein Ab Koi Phisal Kar Nahien Girta

Heraan Hai Kayi Rooz Se Tehraa Hua Paani

Talaab Mein Ab Kyun Koi Kankar Nahien Girta

Qaaim Hai Qateel Ab Yeh Mere Sar Kay Satoon Par

Bhonchaal Bhi Aaye Tou Mera Ghar Nahien Girta

Poet: Qateel Shafai

eBazm
Naushad has written some simple lyrrics and his album Athwan Sur
contains songs sung by Hariharan and Preeti Uttam.Here is one such
Ghazal:

tanhaa khudse baat karoon

dilki haalat dilse kahoon

kitni mushkil raah teri

phirbhi tere saath chaloon

khwabke gahare jangalmen

sabse chhupkar tujhase millon

ishqmen chain karaar kahaan

roz jiyoon aur roz maroon

duniyaa jab patthar maare

main jakhmonse pyaar karoon

mujhko pukare wo, Naushad

main usko awaaz na doon

MV

Urdustan
Niyat-e-shuq bhar na jaye kahiN
Tu bhi dil se utar na jaye kahiN

Aaj dekha hai tujh ko der ke baad

Aaj ka din guzar na jaye kahiN

Na mila kar udaas logon se

Husn tera bikhar na jaye kahiN

Arzoo hai ki tu yahaan aaye

Aur phir umar bhar na jaye kahiN
Aur kuch der ro hi leiN 'Nasir'
Phir yeh dariyaa utar na naye kahiN

Poet:- Nasir Kazmi

Urdustan
tum puuchho aur maiN na bataauuN, aise to Haalaat nahiiN
ek zaraa saa dil TuuTaa hai, aur to koii baat nahiiN

kis ko Khabar thii saNvale baadal bin barse uR jaate haiN

saavan aayaa, lekin, apnii qismat meN barsaat nahiiN

maanaa jiivan meN aurat ek baar moHabbat kartii hai

lekin, mujh ko yeh to bataa de kyaa tuu aurat zaat nahiiN

Khatm huaa meraa afsaana, ab yeh aaNsuu poNchh bhii lo

jis meN koii taaraa chamke, aaj kii raat vo raat nahiiN

mere Gham_giiN hone par ai'Hbaab haiN yuuN Hairaan, "Qateel!"

jaise maiN patthar huuN mere siine meN jazbaat nahiiN

********************* Printed on 1st Jan 2005 Up to here

**************************************

Stanvir

AB K SAAL KUCH AISA KURNA

APNAY PICHLAY BAARA MAH KAY
DUKH SUKH KA ANDAZA KURNA
BISRI YAADEIN TAZA KURNA
SADA SA IK KAAGHAZ LAI KUR
BHOOLAY BISRAY PUL LIKH LAINA
PHIR IS BEETAY IK IK PUL KA
APNAY GUZRAY IK IK KUL KA
IK IK MOR AHAATA KURNA
SAAARY DOST IKATHAY KURNA
SAARI SUBHEIN HAAZIR KURNA
SAARI SHAAMEIN PAAS BULANA
AUR ILAWA IN K DAIKHO
SAAARY MOSAM DHIYAAN MEIN RUKHNA
IK IK YAAD GUMAAN MEIN RUKHNA
PHIR MOHTAAT QIAAS LAGANA
GAR TO KHUSHIAAN BURH JAATI HAIN
TO PHIR TUM KO MERI TARAF SAI
AANAY WALA SAAL MUBARIK
AUR AGAR GHUM BURH JAAIN TO
MUT BEKAR TAKALLUF KURNA
DEKHO PHIR TUM AISA KURNA
MERI KHUSHIAAN TUM LAI LAINA
MUJH KO APNAY GHUM DAI DAINA
AB K SAAL KUCH AISA KURNA
Enjoy Faraz
inhii.n Khush_gumaaniyo.n me.n kahii.n jaa.N se bhii na jaao
vo jo chaaraagar nahii.n hai use zaKhm kyuu.N dhikhaao

ye udaasiyo.n ke mausam kahii.n raayegaa.N na jaaye.N

kisii zaKhm ko kuredo kisii dard ko jagaao

vo kahaaniyaa.N adhuurii jo na ho sake.ngii puurii

unhe.n mai.n bhii kyuu.N sunaa_uu.N unhe.n tum bhii kyuu.N sunaao

mere ham_safar puraane mere ab bhii muntazir hai.n

tumhe.n saath chho.Danaa hai to abhii se chho.D jaao

ye judaa_iyo.n ke raste ba.Dii duur tak gaye hai.n

jo gayaa vo phir na lauTaa merii baat maan jaao

kisii bevafaa kii Khaatir ye junuu.N 'Faraz' kab tak

jo tumhe.n bhulaa chukaa hai use tum bhii bhuul jaao
_________________

teri rehmaton ke dayaar maiN, tere baadaloN ko pata nahiN

abhi aag sard hui nahiN, abhi ik alaao bujha nahiN

meri bazm-e-dil tou ujaR chuki,mera farsh-e-jaN tou simat chuka

sabhi jaa chukay mere hamnasheeN, magar ek shaKhs gaya nahiN

dar-o-baam sab nay sajaa liye, sabhi roshni maiN nahaa liye
meri ungliyaaN bhi jhulas gaeeN magar ek charaGh jala nahiN

Gham-e-zindagi teri raah maiN,shab-e-aarzoo teri chaah maiN

jo ujaR gayaa wo basaa nahiN, jo biChaR gayaa wo milaa nahiN

jo dil-o-nazar ka suroor tha, meray paas reh ke bhi duur tha

wohi ik gulaab umeed ka, meri shaaKh-e-jaaN pe khila nahiN

pas-e-kaarwaN,sar-e-reh guzar, main shikasta paa hooN tou isliye

ke qadam tou sab say mila liye, mera dil kisi say milaa nahi

mera humsafar jo ajeeb hai, tou ajeeb tar hoon maiN aap bhi
mujhay manziloN ki Khabar nahiN, usay raastoN ka pata nahiN

Aitbaar Saajid

sTanvir
Nida Fazli ki aisi ghazal hai jo humein zindagi ki talkh sachchayon se roobaru
karati hai..

safar me.n dhuup to hogii jo chal sako to chalo

sabhii hai.n bhii.D me.n tum bhii nikal sako to chalo

idhar udhar ka_ii ma.nzil hai.n chal sako to chalo

bane banaaye hai.n saa.Nche jo Dhal sako to chalo

kisii ke vaasate raahe.n kahaa.N badalatii hai.n

tum apane aap ko Khud hii badal sako to chalo

yahaa.N kisii ko koii raastaa nahii.n detaa

mujhe giraake agar tum sambhal sako to chalo

yahii hai zindagii kuchh khvaab chand ummiide.n

inhii.n khilauno.n se tum bhii bahal sako to chalo

har ik safar ko hai mahafooz raasto.n kii talaash

hifaajato.n kii rivaayat badal sako to chalo

kahii.n nahii.n ko_ii suuraj, dhuaa.N dhuaa.N hai fizaa

Khud apane aap se baahar nikal sako to chalo

Urdustan
besan kii so.ndhii roTii par
khaTTii chaTanii jaisii maa.N
yaad aatii hai chaukaa-baasan
chimaTaa phukanii jaisii maa.N

baa.Ns kii khurrii khaaT ke uupar

har aahaT par kaan dhare
aadhii so_ii aadhii jaagii
thakii dopaharii jaisii maa.N

chi.Diyo.n ke chahakaar me.n gu.Nje

raadhaa-mohan alii-alii
murGe kii aavaaz se khulatii
ghar kii ku.nDii jaisii maa.N

bivii, beTii, bahan, pa.Dosan

tho.Dii tho.Dii sii sab me.n
din bhar ik rassii ke uupar
chalatii naTanii jaisii maa.N

baa.NT ke apanaa cheharaa, maathaa,

aa.Nkhe.n jaane kahaa.N ga_ii
phaTe puuraane ik alabam me.n
cha.nchal la.Dakii jaisii maa.N
Nida Fazli

eBazm
To whom it may concern, here is a very nice gazal from
poet, Saeed Rahi.Hope you will like it.

Aankh say aankh mila baat banaata kyon hain,

Tu agar mujhsay khafa hai to chupaata kyon hain !

Gair lagta hai na apno ki tarah milta hain,

Tu zamanay ki tarah mujko sataata kyon hain !

Waqt kay saath khayalaat badal jaatay hain,

Yeh haqeeqat hai magar mujko sunaata kyon hain !
Ek muddat say jahan kafilay guzray hi nahin,
Aisee rahon pay charagon ko jalaata kyon hain !

Aankh say aankh mila baat banaata kyon hai,

Tu agar mujhsay khafa hai to chupaata kyon hai !

Krishan Rangra

sTanvir
Jaun Eliya ki aik ghazal jo mujhe bahot pasand hai, aap sab ki aa'la
basaaratoN ki nazr :

bahot dil ko kushaada kar liya kiya

zamaane bhar se vaada kar liya kiya

to kiya such much judaai mujh se kar li

to khud apne ko aadha kar liya kiya

hunar maNdi se apni dil ka safHaa

miree jaaN tum ne saada kar liya kiya

jo yak.sar jaan hai us ke badan se

kaho kuch istifaada kar liya kiya

yahaaN ke log kab ke jaa chuke haiN

safar jaada ba jaada kar liya kiya

uThaaya ik qadam tu ne na us tak

bahot apne ko maaNda kar liya kiya

bahot nazdeek aati jaa rahi ho

bichaRne ka iraada kar liya kiya

Jaun Eliya

eBazm
PairDh Ko Deemak Lag Jaye Ya Aadam Zaad Ko Gham
Doono Hi Ko Amjad Hum Ney Bacchtey Dekha Kam

Taariqi Kay Haath Pe Bait Karney Waaloun Ka

Suraj Ki Bas Ek Kiran Se Ghutt Jaata Hai Dum

Rangoun Ko Kaliyoun Mein Jeena Koun Seekhata Hai

Shabnam Kaise Rukna Seekhi! Titli Kaise Ram!

Aankhoun Mein Yeh Palney Waley Khuaab Na Bujhney Payien

Dil Kay Charaagh Ki Dekho Lou Na Ho Maddham

Hans ParDta Hai Bouhut Zyaada Gham Mein Bhi Insaan

Bouhut Khushi Se Bhi Tou Aankhein Ho Jaati Hein Nam

Poet: Amjad Islam Amjad

----------------------------------------------------
bbcurdu

’‫مجھے یاد ہیں وہ زمستاں کی راتیں‬

‫ستارے ٹھٹھرتےتھے بام فلک پر‬
‫مئے آتشیں جام میں جم گئي تھی‬
‫میرے گرم کمرے میں شمع فروزاں‬
‫الجھنے لگی موت کی تیرگی سے‬
‫انگیٹھی کا ایندھں دھکنے لگا تھا‬
‫اچانک ہوادان سے ایک چڑیا‬
‫شب تار سے بھاگتی آگئی تھی‬
‫ننھی منی سی تھی سراسیمہ سی تھی‬
‫گھڑی دو گھڑی گرم و روشن فضا میں‬
‫پھڑکتی رھی‬
‫پھر اڑی‬
‫جب سے میرے لیے ایک تمثیل سی بن گئی ھے‬
‫یہ وقفہ یہ عالم سراسیمگی کا‬
‫گھڑی دو گھڑی گرمی و روشنی کا‬
‫حیات بشر ھے‬،

‫شیخ ایاز‬
_________________

Dard ke phool bhii khilate haiN bikhar jaate haiN

Zakhm kaise bhii hoN kuchh roz maiN bhar jaate haiN

Us dariiche maiN bhii ab koii nahiN aur ham bhii

Sar jhukaaye huve chup-chaap guzar jaate haiN

Raastaa roke khadee hai yahee ulajhan kab se

Koii puchhe to kaheiN kyaa ki kidhar jaate haiN

Narm aavaaz bhalee baateiN mohazzab lahaze

Pahali baarish maiN hii ye rang utar jaate haiN

Poet:- Javed Akhtar

Hi All..

Poet : Ahmed Nadeem Qasmi

1. kisko qatil main kahoon kisko masiha samjhoon

sab yahan dost hi baithe hain kise kya samjhoon

2. woh bhi kya din the ke har waham yaqeen hota tha
ab haqeeqat nazar aaye to use kya samjhoon

3. dil jo toota to kai haath dua ko uthe

aise mahoul mein ab kisko paraya samjhoon

4. zulm yeh hai ke hai yakta teri beganaravi

lutf yeh hai ke main ab tak tujhe apna samjhoon

Kuchh sher Wasim Barelevi Shahab ke

Usoolon pe jo aanch aaye to takraana zaroori hai

Agar zinda hain to zinda nazar aana zaroori hai

Nayi umro ki khudmukhtaariyon (arrogance) ko kaun samjhaaye

Kahan se bach ke chalna hai kahan jaana zaroori hai

Thake haare parinde jab basere ke liye lautein

Saleeka mand saakhon ka lachak jaana zaroori hai.

Saleeka hi nahin shaayad use mahsoos karne ka

Jo kehta hai khuda hai to nazar aana zaroori hai

Mere hothon pe apni pyaas rakha do aur phir socho

Ki iske baad bhi is duniya mein kuchh paana zaroori hai.

Kuchh sher aur

Zara sa katra kahin aaj gar nikalta hai

Samandaron ke hi lahje mein baat karta hai

Sharafaton ki yahan koi ahamiyat hi nahin

Kissie ka kuchh na bigado to kaun darta hai.

Khuli chhaton ke diye kab ke bujh gaye hote

Koi to hai jo hawawon ke par katarta hai

Zameen ki koi bikaalat kabhi nahin chalti

Jab aasman se koi faisla utarata hai

Tum aa gaye ho to phir chandni ki baatein ho

Zameen pe chaand kahan roj yun utarata hai.

Enjoy.
shiv

eBazm
Kya Kahun tujhe,
Khwab kahun to toot jayega!
Dil kahun to bikhar jayega!
Aa tera naam Zindagi rakh dun,
Maut se pehle to tera saath na chhut payega!!

eBazm
aap ki yaad aati rahi raat bhar
chandni dil dukhati rahee raat bhar.

gah jaltee huee, gah bujhtee huee,

sahma-e-gham jhilmilatee rahee raat bhar.

koee khusboo badaltee rahee pairhan,

koee tasveer gaatee rahee raat bhar

phir saba saya-e-shaakh-e-gul ke talay

koee kissa sunaati rahee raat bhar.

jo na aaya use koee zanjeer-e-dar,

har sada pe bulaatee rahee raat bhar.
ek umeed se dil bahalta raha,
ek tamana satati rahee raat bhar.

urdustan
Aadaab.Buhat hi umda lari chal rahi hai.Nahayat aala kalam parhnai ko mila hai
yahan par.Socha main bhi kuch pech kar don.Shair/shaira ka naam mujhe maloom
nahi.Iss k liye mazarat.

Gulistan main kisi bachay ne phir titlee pakar li

Bena dekha k titlee k paron k rang kachay hain
Bena janay k urti titleyan kitnay sakoon main hain
Bena sochay k usske shoq ne barbaad kar dali
Kisi ki nazuki, pakeezki aur dilkashi sari
Usse shaid mahz yaron ko ye bawar karana tha
K titlee ko pakarnay main usse bhi to maharat hai
Usse shaid sakoon daita hai apni band muthi main
Haseen, nazuk paron ka parphara jana
Kisi ki baybasi, bachargi taskeen daiti hai
Fatah karnay k jazbay ko, maharat ko, shararat ko
Abhi tak hath main usske paron k rang baki hain
Kisi lamhay, kisi manzil, kisi inaam ki manand
Kisi ne shoq ki khatir kisi ki zindagi laili
Kisi ki dilkashi, masoomiyat aur har khushi lai li
Gulistan main kisi bachay ne phir titlee pakar li

sTanvir
IZHAAR

tujhe izhaar-e-moHabbat se agar nafrat hai

tu ne honToN ko larazne se to rokaa hota

be-niaazi se, magar kaanpti aawaaz ke saath

tu ne ghabraa ke miraa naam na poocha hota

tere bas mein thi agar mash.al-e-jazbaat ki lau

tere rukhsaar mein gulzaar na bhaRkaa hota

YooN to mujh se huiiN sirf aab-o-hawaa ki baateN

apney TooTey huey fiqroN ko to parkhaa hota

YooNhi be wajha ThiThakney ki zaroorat kia thi

dam-e-rukhsat main agar yaad na aayaa hota

teraa ghamaaz bana khud tiraa andaaz-e-khiraam

dil na sambhlaa tha to qadmoN ko sambhaala hota

apney badley miree tasweer nazar aa jaati

tu ne us waqt agar aaina dekhaa hotaa

Hosla tujh ko na tha mujh se judaa honey ka

Warna kaajal tiree aankhoN mein na phailaa hota

Ahmed Nadeem Qasmi (1964 : MuHeet)

sTanvir
daalaanoN meiN kamroN meiN ulajhaaye hue rakhna
kuchh kaam meiN apne ko behlaaye hue rakhna

duniya ke masaail meiN uljha hua jab aaooN

tum ghar ke masaail ko suljhaaye hue rakhna

sandooq ke kapRoN ko kuchh dhoop dikha dena

tum sehn meiN jaaRe ko phelaaye hue rakhna

maiN dhoop ke sehra se jhulsa hua aaooN ga

shaanoN pe ghaTaaoN ko Thehraaye hue rakhna

ho jaayeN kabhi shab meiN bachchoN se bhi do baateN

pariyoN ki kahaani ko dohraaye hue rakhna

dhundhla na kaheeN kar de kuchh ghar ki pareshaani

aaeenaa-e-ruKh apna chamkaaye hue rakhna

ik umr pe bhi us ka andaaz vohi ANJUM

kamre meiN qadam rakhna sharmaaye hue rakhna

Anjum Irfani

nitaSite
Date: 15-Feb-2002
Poet: Shakeb Jalali

aa ke patthar to mere sahan me.n do-chaar gire

jitane us pe.D ke phal the pas-e-diivaar gire

[sahan = courtyard; pas-e-diivaar = other side of the wall]

mujhe giranaa hai to apane hii qadamo.n me.n giruu.N

jis tarah saayaa-e-diivaar pe diivaar gire

[saayaa-e-diivaar = wall's shadow]

tiiragii chho.D gaye dil me.n ujaale ke Khutuut

ye sitaare mere ghar TuuT ke bekaar gire

[tiiragii = darkness; Khutuut = letters]

dekh kar apane dar-o-baam laraz uThataa huu.N

mere ham_saaye me.n jab bhii ko_ii diivaar gire

[dar-o-baam = walls and roofs; laraz = tremble]

[ham_saaye = neighbourhood]

vaqt kii Dor Khudaa jaane kahaa.N se TuuTe

kis gha.Dii sar pe ye laTakii hu_ii talvaar gire

[Dor = string]

ham se Takaraa ga_ii Khud ba.Dh ke andhere kii chaTTaan

ham sambhal_kar jo bahut chalate the naachaar gire

kyaa kahuu.N diidaa-e-tar ye to meraa cheharaa hai

sang kaT jaate hai.n baarish kii jahaa.N dhaar gire

[diidaa-e-tar = tear filled eyes; sang = stone]

dekhate kyaa ho 'Shakeb' itanii bulandii kii taraf

na uThaayaa karo sar ko ki ye dastaar gire

[bulandii = height; dastaar = truban]

Meena Kumari, the 'tragedy queen' of Indian Cinema, was

a well known 'shaayaraa' of her times. On her death, she
bequeathed 250 diaries of her nazms, ghazals and ashaar
to Gulzar. Some of her ghazals and nazms were released
in an album titled "I write, I recite" ("Mere Nazm, Meri
Zabani" in Hindi) by Gulzar.

I have posted a ghazal from this album earlier (MeG #132).

Here is another ghazal from the same album:

aaGaaz to hotaa hai anjaam nahii.n hotaa

jab merii kahaanii me.n vo naam nahii.n hotaa

[aaGaaz = start; anjaam = end/result]

jab zulf kii kaalikh me.n ghul jaaye ko_ii rahii

bad_naam sahii lekin gum_naam nahii.n hotaa

[kaalikh = blackness]

ha.Ns ha.Ns ke javaa.N dil ke ham kyo.n na chune.n Tuka.De

har shaKhs kii qismat me.n inaam nahiin hotaa

bahate hue aa.Nsuu ne aa.Nkho.n se kahaa tham kar

jo mai se pighal jaaye vo jaam nahii.n hotaa

din Duube hai.n yaa Duubii baaraat liye kashtii

saahil pe magar ko_ii koharaam nahiin hotaa

Urdustan
suntay hain qeemat tumhari lag rahi hai aaj kal
sab se achhay daam kis k hain yeh batlana hamain
ta k us khushbakht tajir ko mubarak baad dain
(aur us k baad dil ko bhi hai samjhana humain)

------------------------------------------------------------------------------
--

itna hi yaad rakh mujhay

jaisay kisi kitaab main
beetay dinoon k doost ka
khat ik para howa milay
lafz mitay mitay se hoon
rang ura ura sahi
lekin woh ajnabi na ho
uth ker teray galay lagay
bhoolay howay tamaam dukh, guzray howay tamaam sukh
beetay dinoon ki sab katha
tujh se kahay aur ro paray
itna hi yaad rakh mujhay
beetay dinoon k doost ka
jaisay k koi khat hoon main
rakha howa kitaab main!!

sTanvir
bay@
Basa ouqat
Bisaat ke mohre
Bus main nahi hote hain
Bebasi main kabhi ajab chaal chul jate hain
Basirat hote hoe bhi
Baeed-ul-aql kam ker jate hain
Bilashubha baat hae yeh bareek
Baeed-ul-qayas jeet bhi jate hain
Betalab jo kuch pa laete hain
Benayaz-o-beperwah hojate hain
(BE-AAEB HAE ZAAT KHUDA KEE)[b]

subah..

sTanvir
Assalam o Aalaiku.
Dostoun, Mehfil-e-Sukhan mai Noon Meem Rashid Key Aik Nazam Lay Kar Hazir-e-
Khidmat Houn, Umeed Hai Pasand Aai Gee...

Zindagi Say Dartay Hou?

Zindagi Say Dartay Hou?

Zindagi Tau Tum Bhi Hou, Zindagi Tau Hum Bhi Hain!
Aadmi Say Dartay Hou?
Aadmi Tau Tum Bhi Hou, Aadmi Tau Hum Bhi Hain!
Aadmi Zuban Bhi Hai, Aadmi Bayan Bhi Hai,
Es Say Tum Nahi Dartay!
Harf Aur Maani K Rishta Haay Aahun Say, Aadmi Hai Wabasta
Aadmi K Daman Say Zindagi Hai Wabasta
Es Say Tum Nahi Dartay!
Un Kahi Say Dartay Hou
Jou Abhi Nahi Aai, Us Ghari Say Dartay Hou!
Us Ghari Key Aamad Key Aagahi Say Dartay Hou!
Pahlay Bhi Tau Guzray Hain,
Daur Na Rasai K, Bai Raya Khudai k
Phir Bhi Yai Samajhtay Hou, Hech Arzo Mandi
Yai Shub-e-Zuban Bandi, Hai Rahe Khudawandi!
Tum Magar Yai Kia Jano,
Lub Agar Nahi Hiltay, Haath Jaag Uthtay Hain
Haath Jaag Uthtay Hain, Raah Ka Nishan Bun Kar
Noor Key Zuban Bun Kar
Haath Bool Uthtay Hain, Subah Key Azan Bun Kar
Roshni Say Dartay Hou?
Roshni Tau Tum Bhi Hou, Roshni Tau Hum Bhi Hain,
Roshni Say Dartay Hou!
Shahar Key Fasiloun Par
Dau Ka Jou Saya Tha Pak Hou Gaya Akhir
Raat Ka Libada Bhi
Chak Hou Gaya Akhir, Khak Hou Gaya Akhir
Azdaham-e-Insan Say Fard Key Nawa Aai
Zaat Key Sada Aai
Raah-e-Shoq Mai Jaisay Rahrawo Ka Khoon Lapkay
Ik Naya Junoon Lapkay!
Aadmi chalk Uthay
Aadmi Hansay Daikho, Shahar Phir Bansay Daikho
Tum Abhi Say Dartay Hou!

sTanvir
Ghazal

Dost Kiya Khoob Wafaoun Ka Silla Daitain Hain

Har Nayee Moore Par Ek Zakhm Naya Daitay Hain

Tum Say Tu Khair Ghari Bhr Ki Mullaqaat Rahi

Loug Sadiyoun Ki Rafaqat Ko Bullah Daitain Hain

Kaisay Mimkin Hai Ka Dohaan Bhe Naa Hou Aur Dil Bhi Na Jallay
Chout Parti Hai Tu Patthar Bhi Sadda Daitay Hain

Kaun Hota Hai Museebat Main Kissi Ka Ay Dost

Aag Lagti Hai Tu Pattay Bhe Hawa Daitay Hain

Jin Pay Houta Hai Dil Ko Barhoosa “Tabish”

Waqt Parnay Pay Wohi Loug Dagha Daitay Hain

Jo sir utha na sakain woh bagawatain kaisy

Jo apna he dil jalain woh chahatain kaisy

Hum apnai ahad kee taza hawa main sans na lain

Milli hain wirsay main hum ko muhabatain kaisy

Woh ker gaya bhary barsaat main laho dil ka

Rahi hain ankh pay barish key shidatain kaisy

Humain tu khud ko parakhnay key bhi nahi muhlat

Kissi kai sath zada shikayatain kaisy

Humaray naam pay zinda hay ek shahr -e- jamaal

Qabay -e- gul pay hawaon key tuhmatain kaisy

Jo ankh daikhty hai dil bhi daikhnay lag jaye

Baseeratain na raheen tu basaratain kaisy

Urdustan
Buhat dinon ki baat hei
Tumhein to yaad hee nahin
Shabaab per bahaar thee
Fiza bhi khushgawaar thee
Na jaanay kyoon machal para
Mein apnay ghar se chal para
Kisi ne mujh ko rok ker
Bari adaa se tok ker
Kaha k lot aaiye
Meri qasam na jaaiye
Mein phir gali se aa gaya
Khyaal thaa k paa gaya
To ek haseen shaam ko
Mein chal para salaam ko
Gali ka rang dekh ker
Naiee tarang dekh ker
Mujhay bari khushi hui
Mein kuchh isee khushi mein thaa
Kisi ne jhaank ker kaha
Paraai ghar se jaaiye
Meri qasam na aaiye
Ab ja raha yahaan se mein
Koi nahin jo rok ker
Koi nahin jo tok ker
Kahay k lot aaiye
Meri qasam na jaaiye ..

Har Kushii maiN koii kamii sii hai

Hansatii aankhoN maiN bhii namii sii hai

Din bhii chup chaap sar jhukaaye thaa

Raat kii nafz bhii thamii sii hai

Kisako samajhayeN kisakii baat nahiiN

Zahan aur dil maiN phir Thanii sii hai

Khwaab thaa yaa Gubaar thaa koii

Gard in palakoN pe jamii sii hai

Kah gaye ham kis se dil kii baat

Shahar maiN ek san-sanii sii hai

HasarateN raakh ho gaeeN lekin

Aag ab bhii kahiiN dabii sii hai

Poet:- Javed Akhtar

nitaSite
Poet: Ahmed Faraz

baat kar tujh pe gumaa.N hone lagaa tasviir kaa

mu.ntazir kab se hai Gair terii taqariir kaa

[gumaa.N = suspicion; mu.ntazir = waiting; taqariir = repeated speech]

raat kyaa soye ki baaqii umr kii nii.nd u.D ga_ii
Khvaab kyaa dekhaa ki dha.Dakaa lag gayaa taabiir kaa

[taabiir = realization of a dream]

kaise paayaa thaa tujhe kis tarah khoyaa tujhe

mujh-saa mu.nkir bhii to qaayal ho gayaa taqadiir kaa

[mu.nkir = one who does not believe; qaayal = fan/follower]

jaane kis aalam me.n tuu bichha.Daa hai ki tere baGair

aaj tak har naqsh fariyaadii hai merii tahariir kaa

[tahariir = writing]

jis ko bhii chaahaa ba.Dii shiddat se chaahaa hai "Faraz"

sil-silaa TuuTaa nahii.n hai dard kii za.njiir kaa

nitaSite
Poet: Farig Bukhari

dekh kar us hasiin paikar ko

nashaa-saa aa gayaa samandar ko

[paikar = form/appearance]

Dolatii Dag_magaatii-sii naav

pii ga_ii aa ke saare saagar ko

Khushk pe.Do.n me.n jaan pa.Dane lagii

dekh kar ruup ke samandar ko

[Khushk = dry]

bahar pyaase kii justajuu me.n hai

hai sadaf kii talaash gauhar ko

[bahar = ocean; justajuu = search]

[sadaf = oyster; gauhar = pearl]

ko_ii to niim_vaa dariicho.n se

dekhe us rat_jage ke manzar ko

[niim_vaa = half-open]

ek devii hai muntazir 'faariG'

vaa kiye paT sajaaye mandr ko

nitaSite
[b][color=darkred]
Shaad Azeemabadi ki aik khoobsoorat ghazal haazir hai ....
Kabhi bachpan main apni walda say iss k asha'ar suna karta tha ... to badi
achchi lagti thi .... lijiyey mulaheza farmayiy .... or aara say
nawaziyega .... [/color]
[color=green]
Dhoondogay agar mulkon mulkon, milanay k nahiin, naayaab hain hum
Taabiir hai jis kii hasarat-o-gham, aiy ham-nafso vo khwaab hain hum [/color]
[color=darkred]Or yeh Shair dekhiyega ... [/color]
[color=green]
Main hairat-o-hasarat kaa maaraa, khaamosh khadaa hoon saahil per
Dariyaa-e-mohabbat kahataa hai, aa kuchh bhii nahiin paayaab hain hum !!

Aiy dard-e-mohabbat tuu hii bataa, ab tak ye muammaa hal na huaa

Hum mein hay dil-e-baitaab nihaan, yaa aap dil-e-betaab hain hum

Murghaan-e-qafas ko phuulon nay aiy "Shaad" ye kah-laa bhejaa hai

Aa jaao jo tum ko aanaa ho, aisay mein abhii shaadaab hain hum

Shad Azeemabadi[/color]

[color=darkred]Shukria ...[/color] [/b]

eBazm
Kab Tak Baithey Haath Mallyien
Chal Saathi, Kahien Aur Challyien

Ab Kis Ghaat Pe Baandhein Nayo

Ab Yeh Tufaan Kaisey Tallyien

Ab Yeh Maangein Koun Bharey

Ab Yeh Poudey Kaisey Phallyien

Jug Jug Geeyien Mere Saathi

Jalney Waaley Aur Jallyien

Tujh Ko Chain Miley Nasir

Tere Dukh Geetyoun Mein Dhallyien

Poet: Nasir Kaazmi

nitaSite
din aa gaye sabaab ke aa.Nchal sambhaaliye

din aa gaye sabaab ke aa.Nchal sambhaaliye

hone lagii hai shahar me.n hal-chal sambhaaliye

chaliye sambhal sambhal ke kaThin raah-e-ishq hai

naazuk ba.Dii hai aap kii paayal sambhaaliye

saj dhaj ke aap nikale sar-e-raah Khair ho

Takaraa na jaaye aap ka paagal sambhaaliye

ghar se naa jaao duur kisii ajanabii ke saath

barasenge zor-zor se baadal sambhaaliye

Madanpal

nitaSite

Nida Fazli
duniyaa jise kahate hai.n jaaduu kaa khilonaa hai
mil jaaye to miTTii hai kho jaaye to sonaa hai

achchhaa saa koii mausam tanahaa saa koii aalam

har vaqt aa ronaa to bekaar kaa ronaa hai

barasaat kaa baadal to diivaanaa hai kyaa jaane

kis raah se bachanaa hai kis chhat ko bhigonaa hai

Gam ho ki Khushii dono.n kuchh der ke saathii hai.n

phir rastaa hii rastaa hai ha.Nsanaa hai na ronaa hai

nitaSite
duur hai manzil raahe.n mushkil aalam hai tanahaa_ii kaa
aaj mujhe ehasaas huaa hai apani shikastaapaa_ii kaa

[shikastaah_paaii=infirmity of the feet]

dekh ke mujh ko duniyaaa vaale kahane lage hai.n diivaanaa

aaj vahaa.N hai ishq jahaa.N kuchh Khauf nahii.n rusavaa_ii kaa

chho.D de.n rasm-e-Khud_nigarii ko to.D de.n apanaa iimaa.N

Khatm kiye detaa hai zaalim ruup terii a.nga.Daa_ii kaa

Note: Peenaz Masani sinsg this as:

chho.D de rasm-e-Khud_nigarii ko chho.D de apanaa haath yahaa.N
Khaak kiye detaa hai zaalim ruup terii a.nga.Daa_ii kaa

mai.n ne ziyaa husn ko baKhshii us kaa to ko_ii zikr nahii.n

lekin ghar ghar me.n charchaa hai aaj terii raanaa_ii kaa

[ziyaaye.n=splendour, brilliance; raanaaii=radiance]

ahal-e-havas ab ghabaraate hai.n Duub ke behar-e-Gam me.n "Shakeel"

pahale na thaa bechaaro.n ko a.ndaazaa geharaa_ii kaa

[havas=desire; behar=sea, gulf, bay]

Shakeel Badayuni

sTanvir

[b]Na Chemistry Hoti Na Love Hota [/b]

[color=blue][b]
Na Chemistry hoti na main Student hota
Na ye Lab hoti Na Ye Accident Hota [/b][/color]
[color=brown][b]
Abhi Practical main ayee nazar Ek Larki
Sundar thi Naak Us ki Test Tube Jaisi [/b][/color]
[color=red][b]
Baton main Us ki Glucose ki Mithas thi
Sanson main Ester ki Khushboo bhi sath thi [/b][/color]
[color=blue][b]
Aankhon se jhalakta tha kuch is Tarah ka Pyaar
Bin Piye hi ho jata hai Alcohol la Khumar [/b][/color]
[color=green][b]
Benzene sa hota tha Uski Presence ka Ehsaas
Andhere main hota tha Radium ka Abhas [/b][/color]
[color=olive][b]
Nazrain mileen, reaction hua
Kuch is tarah Love ka Production hua [/b][/color]
[b]
Lagne lage Us ke Ghar ke Chakkar aise
Nucleus ke charon taraf Electron hon jaise [/b]
[color=green][b]
Us din hamare Test ka Confirmation hua
Jab us ke daddy se hamara Introduction hua [/b][/color]
[color=darkblue][b]
Sun kar hamari baat wo aise Uchal pare
Ignesium Tube main jaise Sodium Bharak uthe [/b][/color]
[color=darkred][b]
Wo bole, Hosh main aao, Pahchano apni Auqat
Iron mil nahin sakta kabhi Gold ke saath [/b][/color]
[color=brown][b]
Ye sun ker Tuta hamare Armanon Bhara Beaker
Aur ham Chup rahe Benzaldehyde ka Karwa Ghoont pee ker [/b][/color]
[color=green][b]
Ab us ki yadon ke siwa hamara Kam chalta na tha
Aur Lab main hamare Dil ke siwa kuch jalta na tha [/b][/color]
[color=orange][b]
Zindagi ho gayee Unsaturated Hydrocarbon ki Tarah
Aur ham phirte hain Awara Hydrogen ki Tarah

sTanvir
hijrat ke masaa,ib maiN uThaooN kab tak
ik aashiyaN har-roz banaooN kab tak
barq-e-sitam-e-waqt se bachne ke liyey
is shaakh se us shaakh pe jaooN kab tak
KAUSAR SIDDIQUI
(BHOPAL)

urdustan
Hai kahan tammna ka doosra qadam yarab
Hum nay dasht-e-imkaan ko aik naqshe-e-paa paya

Ghalib qouted by Rajkumar Qais

******************************** Printed on Tuesday 29th March 2005

*******************************
Nitasite
is baar vo milaa to ajiib us kaa rang thaa

is baar vo milaa to ajiib us kaa rang thaa

alfaaz me.n tarang na lahajaa dabang tha

[alfaaz=words (plural of lafz); lahajaa=manner]

ek soch thii ki bikharii hu_ii Khaal-o-Khad me.n thii

ek dard thaa ki jis kaa shahiid ang-ang thaa

[Khaal-o-Khad=body]

ek aag thii ki raakh me.n poshidaa thii kahii.n

ek jism thaa ki ruuh se masaruuf-e-jang thaa

[poshiidaa=hidden; masaruuf=busy in/involved with]

mai.n ne kahaa ki yaar tumhe.n kyaa huaa hai ye

us ne kahaa ki umr-e-ravaa.N kii ataa hai ye

[umr-e-ravaa.N=life in passing; ataa=gift]

mai.n ne kahaa ki umr-e-ravaa.N to sabhii kii hai

us ne kahaa ki fikr-o-nazar kii ataa hai ye

mai.n ne kahaa ki sochataa rahata to mai.n bhii huu.N

us ne kahaa ki aa_iinaa rakhaa huaa hai ye

dekhaa to meraa apanaa hii aks-e-jamaal thaa vo

vo mai.n thaa aur "Himayat Ali" thaa vo

mai.n so rahaa thaa aur ko_ii bedaar mujh me.n thaa

mai.n so rahaa thaa aur ko_ii bedaar mujh me.n thaa

shaayad abhii talak meraa pindaar mujh me.n thaa

[bedaar=awake; pindaar=pride]

vo kaj_adaa sahii merii pahachaan bhii thaa vo

apane nashe me.n mast jo fan_kaar mujh me.n thaa

[kaj-adaa=crooked; fanakaar=artiste]

mai.n Khud ko bhuulataa bhii to kis tarah bhuulataa

ik shaKhs thaa ki aa_iinaa bar_daar mujh me.n thaa

[aa_iinaa bar_daar=bearing a mirror]

shaayad usii sabab se tavaazun-saa mujh me.n hai

ik muhatasib liye hue talavaar mujh me.n thaa

[sabab=reason; tavaazun=balance; muhatasib=one who stops]

apanii kisii amal pe nidaamat nahii.n mujhe
thaa nek dil bahut jo gunaah_gaar mujh me.n thaa

[amal=work/deed; nidaamat=repentance/regret]
Himayat ALi Shaair

paao.n ke zaKhm hai.n farsh-e-gul-e-tar hone tak

paao.n ke zaKhm hai.n farsh-e-gul-e-tar hone tak

raah dushvaar hai aaGaaz-e-safar hone tak

[farsh = floor; dushvaar = difficult; aaGaaz = beginning]

ye alag baat ke Khaamosh hai.n ahal-e-zindaa.N

varnaa ye qaid hai diivaar me.n dar hone tak

[zindaa.N = prison; ahal-e- = residents of]

ek nazar naqsh-e-kaf-e-paa kaa hunar to dekho

kahkashaa.N sii nazar aatii hai sahar hone tak

[naqsh-e-kaf-e-paa = footprints; kahkashaa.N = Milky Way]

haaye vo biij jo miTTii me.n dabaa rahataa hai

kin maraahil se guzarataa hai shajar hone tak

[biij = seed; maraahil = stages; shajar = tree]

kyaa Khabar tum ko ki ye saqf ye diivaar hai.n kyaa

ham pe kyaa guzarii hai is chhaao.n ke ghar hone tak

[saqf = ceiling]

Himayat Ali

ye aarazuu hai ki jab bhii gale lagaa_uu.N use

ye aarazuu hai ki jab bhii gale lagaa_uu.N use

hisaar-e-zaat se baahar nikaal laa_uu.N use

vo jal rahaa thaa ka.Dii dhuup kii tamaazat me.n

milaa jo ab to o.Dhaa duu.Ngaa apanii chaa.Nv use

ye ishq bhii hai ajab imtihaan-e-ahad-e-vafaa

vo aazamaaye mujhe aur mai.n aazamaa_uu.N use

vo shahar shahar chiraaGaa.N sahii magar ek din

havaaye.n yaad dilaaye.ngii apanaa gaa.Nv use

vo apane Khvaab me.n shaayad mujhii ko dekhataa ho

mai.n tashnaa_lab sahii sote me.n kyaa jagaa_uu.N use

Himayat Ali
ye aarazuu hii rahii ko_ii aarazuu karate

ye aarazuu hii rahii ko_ii aarazuu karate

Khud apanii aag me.n jalate jigar lahuu karate

tere jamaal kaa paratau nigaah me.n hotaa

kabhii sabaa se kabhii gul se guftaguu karate

[jamaal = beauty; paratau = reflection; sabaa = gentle breeze]

tere Khayaal me.n gum hoke ek Gazal kahate

aur us Gazal ko na rusvaa kuu-ba-kuu karate

[kuu-ba-kuu = from street to street (galii-galii)]

ham ahal-e-dil ko bahut thaa ye nashshaa-e-Gam bhii

usii sharaab se raushan subuu-subuu karate

[subuu = (wine) pitcher]

ye ehataraam-e-junuu.N hai ki sii liyaa daaman

vagarnaa ek tamaashaa-saa kuu-ba-kuu karate

[ehataraam = respect; vagarnaa = otherwise]

hame.n yaqii.n hai ki gar tuu qariib bhii hotaa

to duur jaake kahii.n terii justajuu karate

[yaqii.n = belief; qariib = near; justajuu = search]

Himayat Ali

Urdustan
Khaamoshii kah rahii hai kaan me.n kyaa
Khaamoshii kah rahii hai kaan me.n kyaa
aa rahaa hai mere gumaan me.n kyaa

ab mujhe ko_ii Tokataa bhii nahii.n

yahii hotaa hai khaanadaan me.n kyaa

bolate kyo.n nahii.n mere haq me.n

aabale par gaye zubaan me.n kyaa

merii har baat be-asar hi rahii

nuqs hai kuchh mere bayaan me.n kyaa

vo mile to ye puuchhanaa hai mujhe

abhii huu.N mai.n terii amaan me.n kyaa

shaam hii se dukaan-e-diid hai ba.nd

nahii.n nukasaan tak dukaan me.n kyaa

yuu.n jo takataa hai aasamaan ko tuu

ko_ii rahataa hai aasamaan me.n kyaa
ye mujhe chain kyuu.N nahii.n pa.Dataa
ik hii shaKhs (hai)thaa jahaan me.n kyaa

sTanvir
apni eik nazm aap sab ke liye:-

NAZM: mera jis aag ki hiddat se sulagta hai badan

mera jis aag ki hiddat se sulagta hai badan

voh tiri marmareeN baahoN se na bujh paaye gi!
mere seene meiN jo aazaar pala karte heiN
teri zulfoN se kahaaN un ka madawa ho ga?

tum zara apne shabistaaN se nikal kar dekho

har taraf khoon ki barsaat lagi rehti hai
bazm-e-yaaraaN se bhi baahar kabhi aa kar dekho
kitna atraaf meiN kohraam bapaa rehta hai

kis tarha bhook se rote hue nannhe bachche

apni maaoN ke kaleje ko jala dete haiN
chaar sikkoN ke iwaz baap ki nannhi laRki
kese ajdaad ki meeraas ko bechch aati hai

kese taaghoot ke panjoN meiN phaNsi hai ummat

hukmraaN sar pe musallat haiN hamaare kese
kese behta hai falasteen meiN bachchoN ka lahoo
kese kashmir ke vaadi meiN basa hai baarood
kese baghdaad ki galioN meiN sisakti hai hayaat!

yeh bhi haiN aur kaii in se masaail haiN yahaaN

jin se muNh moR ke maiN jee naheeN sakta jaanaaN
haaN yehi soz yehi aag mira sarmaaya hai
maiN inhi khaak~nasheenoN meiN pala hooN jaanaaN

yehi behtar hai ke tu raah badal le apni

is qadar soz kahaaN dil meiN samaaye ga tire?
tu jo is aag ko choole gi to jal jaaye gi
tu mire dard ke sholoN meiN pighal jaaye gi!!!

Shoaib

sTanvir
Milli thee mujh ko ek bhory tawaeef aik mehfil main
Jo khud paicha nahi kerty thee ' ek chakla chalaty thee
Mere jaisy ghairailo bewion kai dil jalaty thee
Thee iss kai sath ek maan mohni see naujawaan larki
Jo iss mehfil main baraye ruks ayee thee
Kai sahib -e- khana ko soorat iss albeili kee bahyee thee
Younhi bus itafaqan dono mere pass a behty
Buhat hee zaam main thee main kai apni paak bazi kai
Zara see dair main oqaat un kee un ko samjha dee
Buhat sa bhoojh lay ker phir rahee ho tum gunahon ka
Hisaab -e- aqabat ka khoof bhi tum ko nahi
Yea sun ker rang jaisay urr gaya larki kai chahray ka
Nadamaat say sir uss ka jhuuk gaya bhar ayeen ankhain bhi
Magar bhoria jo nach orron ko tagni ka nachaty thee
Nazar bazon ko jo ghar baar kee sudh budh bhulaty thee
Tasur lainay wali bhala woh aisy baton ka ?
Hansi pehlai tu woh apnai massi alooda honton say
Mere kano main phir boli woh sargoshi kai lehjay main
"Yahan per nachna parta hay sab ko pait kee khatir
Humain ghairon kai agay
Tum ko shohar kai isharon per "

Shabnum Shakeel.

urdustan
Manzil na day, Charagh na day hosla to day,
Tinkay ka he sahi tu meger aasra to day.

Mainay yeh kab kaha kay meray haq may ho jawab,

Laikin khamosh kyoun hai tu koi faisla to day.

Barsou may teray naam pay khata raha faraib,

Meray khuda kaha hai tu koi faisal to day.

Bayshak meray naseeb pay rakhna apna ikhtiyar,

Laikin Meray naseeb may kiya hai bata to day.

sTanvir
Nihaan hone se darte hein ayaan hone se darte hein
Barabar chal rahe hein karvaan hone se darte hein

Balandi se kaheen girkar na chaknachoor ho jaein

Zammeen wale tabhi ba aasman hone se darte hein

Sitam ki aandhiyon me ye kaheen pehchan na kho dein

Nishaan wale bhi akser benishaan hone se darte hein

Gulon me khar ki fitrat chalee aaee he chupke se

Bayaaban bhi tabhi to gulsitaan hone se darte hein

Jhalak jate hein akser dard ki manind aankhon se

Mager khamosh rehte hein bayaan hone se darte hein

Kuchal deti hai her hasrat hamari beraham duniya

Dil-e-masoom ke armaan jawaan hone se darte hein

Haqeeqat ko bayaan karne se pehle aajkal SAJID

Zabaan wale bhi akser bezabaan hone se darte hein

Sajid Hashmi

urdustan
Raat aawara hawa ki maanind
shola-e jism hey shabnam ki tarah
Aa ke phir ho kisi isaa ka warood
tu bhi masoom hey maryam ki tarah
mein bhi tanha hun Khuda ki maanind

Himayat Ali Shayer

stanvir
Teree nazar hai mera dil hai kya kiya jaiy
Junon khirad ke muqaabil hai kya kiya jaiy

Hum apne gham ka fasaana sunane aye the

Magar apkee mehfil hai kya kiya jaiy

Jhuka diya hai mohabbat nae apkae dar pur

Jabeen uthaoun ye mushkil hai kya kiya jaiy

Ye eik daagh e mohabbat kahan chupaa rakhon

Tamaam umr ka haasil hai kya kiya jaiy
Unknown

SAGAR SIDDIQUI KI EK BUHAT HI UMDAH GHAZAL PESH HAI

UMEED HAI SAB KO PASAND AAEY GI rose:

[color=blue][size=18]
ye jo diivaane se do chaar nazar aate hai.n
in me.n kuchh saahib-e-asraar nazar aate hai.n

terii mahafil kaa bharam rakahate hai.n so jaat ehai.n

varnaa ye log to bedaar nazar aate hai.n

duur tak ko_ii sitaaraa hai na ko_ii juganuu

marg-e-ummiid ke aasaar nazar aate hai.n

mere daaman me.n sharaaro.n ke sivaa kuchh bhii nahii.n

aap phuulo.n ke Khariidaar nazar aate hai.n

kal jise chhuu nahii.n sakatii thii farishto.n kii nazar

aaj vo raunaq-e-baazaar nazar aate hai.n

hashr me.n kaun gavaahii merii degaa 'Sagar'

sab tumhaare hii taraf_Daar nazar aate hai.n

Sagar Sarhadi

eBazm
QURBAT BHI NAHIN DIL SEY AUTAR BHI NAHIN JATA
WOH SHAKS KOI FESLA KAR BHI NAHIN JATA
HAM DOHRI AAZYAT KEY GIRAFTAR MUSAFIR
PAOUN BHI SHAL SHOQ E SAFAR BHI NAHIN JATA!!
KITNI THANDAK HAI TERI HAR BAAT MEIN LEKIN
BAAT KARTA HAI TO PHIR AAG LAGATA KYUN HAI
YE TO SACH HAI MUJHY BANNA HAI KUNDAN LEKIN
TOU MAGAR MUJHY SAR E AAM JALATA KYUN HAI!!

************************* Printed on Wednesday 20th April 2005

********************************
sTanvir
assalam o alikum,

Parveen Shakir sahiba k kalam se saMi laya hai aap sab k liye..

akser aisa ho hi jata hai..

laikin izhaar ka saleeqa...aur byaan ka andaaaaz...aisa kahan..!!!!

aaj kii shab to kisi taur guzar jaayegii

raat gaharii hai magar chaa.Nd chamakataa hai abhii
mere maathe pe teraa pyaar damakataa hai abhii
merii saa.Nso.n me.n teraa lams mahakataa hai abhii
mere siine me.n teraa naam dha.Dakataa hai abhii
ziist karane ko mere paas bahut kuchh hai abhii

terii aavaaz kaa jaaduu hai abhii mere liye

tere malabuus kii Khushbuu hai abhii mere liye
terii baa.Nhe.n teraa pahaluu hai abhii mere liye
sab se ba.Dhakar merii jaa.N tuu hai abhii mere liye
ziist karane ko mere paas bahut kuchh hai abhii

aaj kii shab to kisii taur guzar jaayegii

aaj ke baad magar rang-e-vafaa kyaa hogaa
ishq hairaa.N hai sar-e-shahar-e-sabaa kyaa hogaa
mere qaatil teraa andaaz-e-jafaa kyaa hogaa

aaj kii shab to bahut kuchh hai magar kal ke liye

ek andeshaa-e-benaam hai aur kuchh bhii nahii.n
dekhanaa ye hai ki kal tujh se mulaaqaat ke baad
rang-e-ummiid khilegaa ki bikhar jaayegaa
vaqt paravaaz karegaa ki Thahar jaayegaa
jiit ho jaayegii yaa khel biga.D jaayegaa
Khvaab kaa shahar rahegaa ki uja.D jaayegaa

Urdustan
Youn to guzar raha hai her eik pal khushi k saath
Phir bhi koi kami si hai kyoun zindagi k saath ?

Rishtay wafaein dosti sub kuch to paas hai

Kiya baat hai pata nahi dil kyoun odaas hai
Her lamha hai haseen naei dil kashi k saath
Phir bhi koi kami si hai kyoun zindagi k saath ?
Chahat bhi hai sukoon bhi hai dil bari bhi hai
Ankhoun may khuwab bhi hai laboun per hasi bhi hai
Dil ko nahi hai koi shikayat kisi k saath
Phir bhi koi kami si hai kyoun zindagi k saath ?

Chaha tha jaisa waisa he jeewan to hai meger

Ab aur kis talash may bay chain hai nazar ?
Qudrat to meherbaan hai dariya dili k saath
Phir bhi koi kami si hai kyoun zindagi k saath ?

sTanvir
Here is beautiful piece of poetry by Ibn-e-Insha........ sharing with you
people here....

dard ruswaa na tha zamane meiN

dil ki tanhaiyoN meiN bastaa tha
Harf-e-na.guftaa tha fasana-e-dil

ek din jo unhaiN khayal aya

pooch beThe udaas kyuN ho tum?
yunhi !.. Muskura ke mein ne kaha
dekhte dekhte , sar-e-mizhgaaN
aik AaNsoo magar Dhalak aya...

Ishq nauras tha, khaam.kaar tha dil

baat kuch bhi na thi magar hamdam
ab moHabbat ka wo naheeN Aalam..

aap hi aap sochta hooN meiN

dil ko ilzaam de raha hooN meiN
dard be.waqt ho gaya ruswaa
aik AaNsoo tha pee liya hota !!

.....IshQ tauqeer kho gaya uss din

.....Husn moHtaat ho gaya uss din

haaey kyuN be.qaraar tha dil

(Ibn-e-Insha)

stanvir
woh shakhs ke mein jis se mohabbat nahin karta
hansta hai mujhe dekh ke, nafrat nahin karta

ghar walon ko ghaflat pe sabhi kos rahe hein

choroN ko magar koi malaamat nahin karta
daitay hein ujalay mere sajdoN ki gawahi
mein chup ke andhairon mein ebadat nahin karta

bhoola nahin mein aaj bhi aadab e jawani

mein aaj bhi auroN ko naseehat nahin karta

duniya mein Qateel uss sa munafiq nahin koi

jo zulm tou sehta hai baghawat nahin karta

~ Qateel Shifai

stanvir
Aadaab
phir ek shokbharii apni pasand kii gazal likh rahii hu, isko anjaam diya hai
Shadab Lahori ji ne

huzuur aap kaa bhii ehataraam karataa chaluu.N

idhar se guzaraa thaa sochaa salaam karataa chaluu.N

nigaah-e-dil kii aaKhirii yahii tamannaa hai

tumhaarii zulfo.n ke saaye me.n shaam karataa chaluu.N

u.nhe.n ye zid ki mujhe dekh kar kisii ko na dekh

meraa ye shauq ki sab se salaam karataa chaluu.N

ye mere Khvaabo.n kii duniyaa nahii.n, sahii lekin

ab aa gayaa huu.N to do din kayaam karataa chaluu.N

tumhaare husn se jaage tamaam ha.ngaame.n

mai.n do hii lafzo.n me.n qissaa tamaam karataa chaluu.N

mere kalaam kii "Shadab" saadagii achchhii

avaam sun ke maze le.n mai.n naam kartaa chaluu.N

sTanvir
Obaidullah Aleem ki ek ghazal jo mujhey behad pasand hai

aap sabse share kar rahi hun umeed hai pasand aaye gi

aziiz itanaa hii rakho ke jii sa.Nbhal jaaye

ab is qadar bhii na chaaho ke dam nikal jaaye

mile hai.n yuu.N to bahut aao ab mile.n yuu.N bhii

ke ruuh garmii-e-a.nfaas se pighal jaaye

muhabbato.n me.n ajab hai dilo.n ko dha.Dakaa saa

ke jaane kaun kahaa.N raastaa badal jaaye

rahe vo dil jo tamannaa-e-taazaa tar me.n rahe

Khushaa vo umr jo Khvaabo.n hii me.n bahal jaaye

mai.n vo charaaG-e-sar-e-rahaguzaar-e-duniyaa huu.N

jo apanii zaat kii tanhaaiiyo.n me.n jal jaaye
har ek lahajaa yahii aarazuu yahii hasarat
jo aag dil me.n hai vo sher me.n bhii Dhal jaaye

Nita site
[b][color=darkred]Dosto Asslamalaikum
Ibn-e-Safi Marhoom ki aik Ghazal paish hai .... Ummeed hai pasand aayegii ....
[/color] [color=green]Ibn-e-Safi Marhoom ka Takhaluss Israar Narvi tha ...

Raah-e-talab mein kaun kisii kaa apane bhii baigaany hain

Chaand say mukhday, rashk-e-ghizala'an, sab jaanay pehchaanay hain

Uff ye talaash-e-husn-o-haqiiqat kis jaa thahrein, jaayein kahaan

Sehan-e-chaman mein phool khilay hain sehraa mein diivaane hain

Tanahaaii sii tanahaaii hai kaise kahein kaise samjhaayein

Chashmo-o-lab-o-rukhsaar kii tah mein rooho'n kay viiraanay hain

Apnay Wujuud kii mastii say ham, ri'ndo'n kay ahawaal na poochch
Qadam qadam par chched khirad say, nafas nafas maikhaanay hain
[/color][color=darkred]
Or yeh sh'air to lajawaab hai ... tawajoh chahonga .... [/color][color=green]

Bil-aakhir thak haar kay yaaro'n, hum nay bhii tasliim kiyaa
Apanii zaat say ishq hai sachchaa, baaqii sab afsaane hain

Asraar Narvi (Ibn-e-Safi)[/color][color=darkred]

Aara ka muntazir ...
Allah Hafiz
Kashif[/color][/b]

nitaSite

raat aur rel

phir chalii hai rel isTeshan se laharaatii hu_ii

niim-shab kii Khaamoshii me.n zer-e-lab gaatii hu_ii

[isTeshan=station; niim-shab=midnight; zer-e-lab=humming]

Dag-magaatii, jhuumatii, siiTii bajaatii, khelatii

vaadii-o-kohasar kii Tha.nDii havaa khaatii hu_ii

[vaadii-o-kohasar=valley and mountains]

tez jho.nko.n me.n vo chham chham kaa sarod-e-dil-nashii.n

aa.Ndhiyo.n me.n meh barasane kii sadaa aatii hu_ii

[meh=rain]

jaise maujo.n kaa tarannum jaise jal-pariyo.n ke giit

ik-ik lay me.n hazaaro.n zam-zame.n gaatii hu_ii

naunihaalo.n ko sunaatii miThii miThii loriyaa.N

naaz-niino.n ko sunahare Khvaab dikhalaatii hu_ii
Thokare.n khaakar, lachakatii, gunagunaatii, jhumatii
sar-Khushii me.n ghu.ngharuuo.n kii taal par gaatii hu_ii

naaz se har mo.D par khaatii hu_ii sau pech-o-Kham

ik dulhan apanii adaa se aap sharmaatii hu_ii

[pech-o-Kham=twists and turns]

raat kii taariikiyo.n me.n jhil-milaatii, kaa.Npatii

paTariyo.n pe duur tak siimaab chhalakaatii hu_ii

[taariikii=darkness; siimaab=mercury]

jaise aadhii raat ko nikalii ho ik shaahii baraat

shaadiyaano.n kii sadaa se vazd me.n aatii hu_ii

[shaadiyaano.n=musical instruments; vazd=extreme happiness]

mu.ntashir kar ke fazaa me.n jaa-ba-jaa chi.ngaariyaa.N

daaman-e-mauj-e-havaa me.n phuul barasaatii hu_ii

[mu.ntashir=in disarray]

tez-tar hotii hu_ii ma.nzil-ba-ma.nzil dam-ba-dam

raftaa raftaa apanaa asalii ruup dikhalatii hu_ii

siinaa-e-kohasar par cha.Dhatii hu_ii be-iKhtiyaar

ek naagan jis tarah mastii me.n laharaatii hu_ii

[kohasar=mountain; be-iKhtiyaar=without control]

[naagan(naagin)=snake]

ik sitaaraa TuuT kar jaise ravaa.N ho arsh par

rifat-e-kohasar se maidaan me.n aatii hu_ii

[rifat-e-kohasar=mountain peak]

ik baguule kii tarah ba.Dhatii hu_ii maidaan me.n

ja.ngalo.n me.n aa.Ndhiyo.n kaa zor dikhalaatii hu_ii

yaad aa jaaye puuraane devataao.n kaa jalaal

in qayaamat-Kheziyo.n ke saath balakhaatii hu_ii

[jalaal=brilliance]

ek raKhsh-e-be-inaa.N kii barq-raftaarii ke saath

Kha.ndaqo.n ko phaa.Ndatii Tiilo.n se kataraatii hu_ii

[raKhsh-e-be-inaa.N=a horse without reins]

[Kha.ndaqo.n=chasms]

murG-zaaro.n me.n dikhaatii juu-e-shirii.n kaa Khiraam

vaadiyo.n me.n abr ke maani.nd ma.Dalaatii hu_ii

[murG-zaaro.n=green jungles; juu-e-shiirii.n=sweet water river]

[Khiraam=slow pace; abr=cloud; maani.nd=like]
ik pahaa.Dii par dikhaatii aabashaaro.n kii jhalak
ik biyaabaa.N me.n chiraaG-e-tuur dikhalaatii hu_ii

justajuu me.n ma.nzil-e-maqasuud kii diivaanaavaar

apanaa sar dhunatii fazaa me.n baal bikharaatii hu_ii

chhe.Datii ik vazd ke aalam me.n saaz-e-saramadii

Gaiz ke aalam me.n muu.Nh se aag barasaatii hu_ii

[saaz-e-saramadii=immortal music; Gaiz=anger]

re.ngatii, mu.Datii, machalatii, til-milaatii, haa.Npatii

apane dil kii aatish-e-pinhaa.N ko bha.Dakaatii hu_ii

[aatish-e-pinhaa.N=hidden fire]

Khud-ba-Khud ruuThii hu_ii, bifarii hu_ii, bikharii hu_ii

shor-e-paiham se dil-e-getii ko dha.Dakaatii hu_ii

shor-e-paiham=continuous noise; dil-e-getii=world's heart]

pul pe dariyaa ke damaadam kau.Ndatii lalakaaratii

apanii is tuufaan-a.ngezii pe itaraatii hu_ii

pesh karatii biich nadii me.n chiraaGaa.N kaa samaa.N

saahilo.n pe ret ke zarro.n ko chamakaatii hu_ii

muu.Nh me.n ghusatii hai surango.n ke yakaayak dau.D kar

dan-danaatii, chiiKhatii, chi.nghaa.Datii gaatii hu_ii

aage aage justajuu-aamez nazare.n Daalatii

shab ke haibatanaak nazzaaro.n se ghabaraatii hu_ii

[justajuu-aamez=inquisitive; haibatanaak=terrifying]

ek mujarim kii tarah sahamii hu_ii simaTii hu_ii

ek mufalis kii tarah sardii me.n tharraatii hu_ii

[mufalis=poor]

tezii-e-raftaar ke sikke jamaatii jaa-ba-jaa

dasht-o-dar me.n zindagii kii lahar dau.Daatii hu_ii

[dasht-o-dar=deserted and populated areas]

safaah-e-dil se miTaatii ahad-e-maazii ke nuquush

haal-o-mustaqabil ke dil-kash Khvaab dikhalaatii hu_ii

[safaah-e-dil=paper of the heart; ahad-e-maazii=past]

[nuquush=picture/mark; haal-o-mustaqabil=present and future]

Daalatii behis chaTTaano.n par hiqaarat kii nazar

koh par ha.Nsatii falak ko aa.Nkh dikhalatii hu_ii

[falak=sky]
daaman-e-taariikii-e-shab kii u.Daatii dhajjiyaa.N
qasr-e-zulmat par musal-sal tiir barasaatii hu_ii

[qasr-e-zulmat=palace of darkness]

zad me.n ko_ii chiiz aa jaaye to us ko piis kar

irtiqaa-e-zindagii ke raaz batalaatii hu_ii

[irtiqaa-e-zindagii=progress of life]

zom me.n peshaanii-e-seharaa pe Thokar maaratii

phir subak-raftaariyo.n ke naaz dikhalaatii hu_ii

[zom=pride; subak-raftaariyo.n=slow pace]

ek sarkarsh fauj kii suurat alam khole hue

ek tuufaanii garaj ke saath darraatii hu_ii

[alam=flag]

har qadam par top kii sii ghan-garaj ke saath saath

goliyo.n kii san-saanaahaT kii sadaa aatii hu_ii

vo havaa me.n saika.Do.n ja.ngii duhal bajate hue

vo bigul kii jaa.N-fazaa aavaaz laharaatii hu_ii

[ja.ngii duhal=war drum]

al-Garaz u.Datii chalii jaatii hai beKhauf-o-Khatar

shaayar-e-aatish-nafas kaa Khuun khaulaatii hu_ii

[al-Garaz=meaning that]
Majaz

sTanvir
Saghar Siddique Sahib key khuch ghazlaon mere pass bhi hain...unn main chand
buhat pasandeeda hazir hain....

Rawadaad -e- muhabbat kia kaheye , Khuch yaad rahee khuch bhool gaye
Do din key musaraat kia kaheye , khuch yaad rahee khuch bhool gaye

Jub jaam dya tha saqi nay jub door chala tha mehfil main
Ek hosh key saAt kia khaeye , Khuch yaad rahee khuch bhool gaye

Abh waqt kai nazuk honton per majrooh taranum rakhsaan hay
Baidaad -e- mayeeshat kia khaeye , Khuch yaad rahee khuch bhool gaye

Ahsaas kai maykhanay main kahan abh fikar -o- nazar key qandeelain
Alaam key shidaat kia khaeye , Khuch yaad rahee khuch bhool gaye

Abh apni haqeeqat bhi saghar bay rabt kahani lagty hay
Dunya key haqeeqat kia kaheye , Khuch yaad rahee khuch bhool gaye

sTanvir
kash-m-kash

maiN tujhe bhuul gayii, yeh bhii nahiiN hai, lekin

maiN tujhe yaad bhii har vaqt nahiiN kar saktii !
ziNdagii kitnii hamagiir hai, kitnii pur_shor
sirf ashkoN hii se daaman to nahiiN bhar saktii !

kaise fitrat ke taqaazoN se kinaaraa kar luuN ?

kis tareh talKhii-e-zehraab gavaaraa kar luuN ?
ziNdagii kitnii hamagiir hai, kitnii pur_shor !

maiN muhabbat ke taqaaze bhii samajhtii huuN magar,

maiN haqiiqat ke ishaare bhii to pehchaantii huuN !
maiN tiri yaad meiN Khud apne se ghaafil ho jaauuN,
masiwaa apne kisii aur ko bhii jaantii huuN !

ziNdagii sirf taraanaa hii taraanaa to nahiiN,

kuChh haqiiqat bhii hai yeh, meHz fasaanaa to nahiiN !
maiN haqiiqat ke ishaaare bhii to pehchaantii huuN !

sher-o-naghma meiN guzartii hui raNgiiN raateiN,

kaun hogaa jise naghmaat kaa eHsaas nahiiN ?
talKhii-e-gham bhii to ik Thhos haqiiqat hai, magar
kaun hai jis_ko haqiiqat kaa zaraa paas nahiiN !

yeh dha.Dakte hue dil aur yeh khanakte hue saaz,

yeh mehakte hue naghmaat, yeh bajtii aawaaz,
kaun hogaa jise naghmaat kaa eHsaas nahiiN !

ziNdagii kitnii hamagiir hai, kitnii pur_shor,

aur is shor meiN naghmoN kii haqiiqat kitnii ?
maiN tujhe yaad kiye jaauuN, yeh mumkin hai magar
is hamagiirii meiN ik yaad kii fursat kitnii ?

kitne dil_chasp haiN ulfat ke taraane lekin,

kitne raNgiiN haiN yeh saadah se fasaane lekin,
is hamagiirii meiN in sab kii haqiiqat kitnii ?!

NikHat Naseem Badayuni

stanvir
kash-m-kash

sochte sochte phir mujh_ko Khayal aataa hai,

voh mire raNj-o-masaaib kaa mudaawaa to na thii,
raNg_afshaaN thii mire dil ke KhalaayoN meiN magar,
ek aurat thii, ilaaj-e-gham-e-duniya to na thii !

mire idraak ke nasuur to riste rehte,

miri ho kar bhii voh mere liye kya kar letii?
hasrat-o-yaas ke gaMbhiir aNdhere meiN bhalaa,
ek naazuk sii kiran saath kahaaN tak detii?

us_ko rehnaa thaa zar-o-siim ke aivaanoN meiN

reh bhii jaatii voh mire saath to rehtii kab tak?
ek maghruur sahu_kaar kii pyaarii beTii,
bhuukh aur pyaas kii takliif ko sehtii kab tak?

ek shaayar kii tammanaayoN ko dhokaa de kar,

us_ne to.Dii hai agar pyaar bhare giit kii lai,
is pe afsos hai kyuN, is pe ta'jjub kaisaa?
yeh muhabbat bhii to ehsaas kaa ik dhokaa hai!

phir bhii anjaane meiN jab shehar kii raahoN meiN kahiiN,
dekh letaa huuN maiN doshiiza-jamaaloN ke hujuum,
ruuh par phailne lagtaa hai udaasii kaa ghubaar,
zehn meiN reNgne lagte haiN KhayaloN ke hujuum

sochte sochte phir mujh_ko Khayal aataa hai,

voh mire raNj-o-masaaib kaa mudaawaa to na thii,
raNg_afshaaN thii mire dil ke KhalaayoN meiN magar,
ek aurat thii, ilaaj-e-gham-e-duniya to na thii !!

Naresh Kumar Shaad

eBazm
phirate hue kisii kii nazar dekhate rahe
dil Khuun ho rahaa thaa magar dekhate rahe

kuchh din ye bhii rang rahaa intazaar me.n

aa.Nkh uTh ga_ii jidhar bas udhar dekhate rahe

jab aashiyaa.N ki yaad asiirii me.n aa ga_ii

u.Date huye havaa me.n sharar dekhate rahe

[asiirii=prison; sharar=spark]

sunate raho ki dekh liyaa jalvaa behijaab

apanaa hii sab fareb-e-nazar dekhate rahe

[behijaab=uncovered; fareb=deception]

is vaaste ki aur ghaTe mol jins kaa

mataluub un ko dil thaa jigar dekhate rahe

[mataluub=longed for]

saamaan-e-sad_hazaar tamaashaa thii beKhudii

aa.Nkhe.n thii band aur 'Asar' dekhate rahe

poet :'Asar'
Regards
Rajeev Rathi

sTanvir
aaKhirii Tiis aazamaane ko Ada Jafri

------------------------------------------------------------------------------
--

Hello

ik meri pasand ki gazal

enjoy

aaKhirii Tiis aazamaane ko

jii to chaahaa thaa muskuraane ko

yaad itanii bhii saKht_jaa.N to nahii.n

ik gharau.ndaa rahaa hai Dahaane ko

sang_rezo.n me.n Dhal gaye aa.Nsuu

log ha.Nsate rahe dikhaane ko

zaKhm-e-naGmaa bhii lau to detaa hai

ik diyaa rah gayaa jalaane ko

jalane vaale to jal bujhe aaKhir

kaun detaa Khabar zamaane ko

kitane majabuur ho gaye ho.nge

ankahii baat muu.Nh pe laane ko

khul ke ha.Nsanaa to sab ko aataa hai

log tarasate rahe ik bahaane ko

rezaa rezaa bikhar gayaa insaa.N

dil kii viiraaniyaa.N jataane ko

hasarato.n kii panaah_gaaho.n me.n

kyaa Thikaane hai.n sar chhupaane ko

haath kaa.NTo.n se kar liye zaKhmii

phuul baalo.n me.n ik sajaane ko

aas kii baat ho ki saa.Ns 'Ada'

ye Khilaune hai.n TuuT jaane ko

sTanvir
Jahan Kashti Ruki Meri Kinara Or Tha Koi
Jissay Main Dost Samjha Tha Sitara Or Tha Koi

Falak Ki Balkoni Mein Khuda Khamoosh Baitha Hai

Tu Kya In Girnay Walon Ka Sahara Or Tha Koi

Bujhi Aankhon Ke Daman Mein Jammi Thi Dhool Barson Ki

Voh Chehra Ab Jo Dekha Hai Dobaraa, Or Tha Koi

Bohut Aadil Sahi Munsif, Magar Insaaf Kaisay Ho

Gawahi Or Hai. Qatil Humara, Or Tha Koi

Hawa Ki Simtt Dekhi Or Kashti Daal Di Hum Ne

Khulla Aa Ker Samunder Mein Isharaa Or Tha Koi

Vohi Manoos Lehja Tha, Vohi Aawaz Thi Amjad

Magar Jo Murr Ke Dekha Tu Pukaraa Or Tha Koi

Amjad Islam Amjad

Ye kasak dilki dilmen chubhi reh gayee

Zindagee mein tumharee kami reh gayee

Eik mein eik tum eik deevaar thee

Zindagee adhee adhee battee reh gayee

Mein ne roka nahi voh chala bhi gaya

Bebasee dur tak dekhtee reh gayee

Raat ki bheegee bheegee chaton ki tarha

Meri palkon pe thoree nami reh gayee
Bashir Badr

sTanvir
Hello

ik meri pasand ki gazal

enjoy

aaKhirii Tiis aazamaane ko

jii to chaahaa thaa muskuraane ko

yaad itanii bhii saKht_jaa.N to nahii.n

ik gharau.ndaa rahaa hai Dahaane ko

sang_rezo.n me.n Dhal gaye aa.Nsuu

log ha.Nsate rahe dikhaane ko

zaKhm-e-naGmaa bhii lau to detaa hai

ik diyaa rah gayaa jalaane ko

jalane vaale to jal bujhe aaKhir

kaun detaa Khabar zamaane ko
kitane majabuur ho gaye ho.nge
ankahii baat muu.Nh pe laane ko

khul ke ha.Nsanaa to sab ko aataa hai

log tarasate rahe ik bahaane ko

rezaa rezaa bikhar gayaa insaa.N

dil kii viiraaniyaa.N jataane ko

hasarato.n kii panaah_gaaho.n me.n

kyaa Thikaane hai.n sar chhupaane ko

haath kaa.NTo.n se kar liye zaKhmii

phuul baalo.n me.n ik sajaane ko

aas kii baat ho ki saa.Ns 'Ada'

ye Khilaune hai.n TuuT jaane ko
Nasrunaz
_________________

urdustan
hum log
daairon mein chaltey hain
daairon mein chalnay say
daairay to badhtey hain
faasley nahin ghattey
aarzo'ein chalti hain
jis taraf ko jaatey hain
manzilain tamanna ki
saath saath chalti hain
gard udti rehti hai
dard badhta rehta hai
raastey nahin ghattey
subh dam sitaaron ki tez jhilmilahat ko
roshni ki amad ka pesh baab kehtay hain
ik kiran jo milti hai, aaftaab kehtay hain
daairah badelnay ko inqilaab kehtay hain

Teray faraq kay lamhay shumaar kartay howay

Bikhar gay hain tera intazaar kartay howay

Tou main bhi khush hoon koi us say ja kar kah day
Ager wo khush hay mujhay bey qaraar kartay howay

Main muskurata howa aainay main ubhroon ga

Woh ro paray ge achanak singhar kartay howay

Tujhay khaber he nahi koe toot gia hay

Mohabbatoon ko bohat paedaar kartay howay

Woh kah rahe the sumander nahi hai aankhoon main

Main un main doob gia ahtabaar kartay howay

Mujhay khaber thi kah ab loot kar na aaonga

Tuj ko yaad kia dard paar kartay howay

sTanvir
Kashti chala raha hay magar kiss ada k sath
Hum bhi na doob jain kaheen na khuda k sath

Dil key talab pary hay tu aya hay yaad abh

Woh tu chala gaya tha kissi dil-ruba k sath

Jub say chali hay adam -o- yaazdaan key dastan

Her ba wafa ka rabt hay ek bay wafa k sath

Mehmaan ' maizban he ko behka kay lay ura

Khooshbo -e- gul bhi ghoom rahee hay saba k sath

Pharta namaaz main bhi hon per iteefaaq say

Uthta hon nisf raat ko dil key sada k sath

Mehshar ka khair khuch bhi nateeja ho aye ADAM

Khuch guftago tu khul k karain gain Khuda k sath

Baith jata hay woh jub mehfil main akay samnay

Main he bus hota hon uss key iss ada kai samnay

Taiz thee itnee kai sara shahar hee sona ker gayee
Dair tak baitha raha main iss howa kai samnay

Raat ek ujray makaan pay ja kai awaaz dee

Goonj uthay baam -o- dar mery sada kai samnay

Woh rangeela hath mere dil pay orr iss key mehak
Shama dil bujh see gayee rang -e- hina kai samnay

Main tu iss ko daiikhtay he jaisay pathar ka ho gaya

Baat tak moan say na nikli baiwafa kai samnay

Yaad bhi hain Aye Muneer iss shaam key tanhayian

Ek maidaan ' Ek darakht orr tu Khuda kai samnay

poetrywalay
Jugnoo Ki Tarhan Aana,Khushboo Ki Tarhan Jana
Mousam Ney Parindoon Ko Ye Baat Bata Dei Hai
Aus Jheil Pey Khatra Hai,Aus Jheil Pey Na Jana
Khaei Qasam Tum Ney Wapas Nahin Louto Gy
Kashti Ko Jala Dena Jab Par Autar Jana
Chrey Key Naqosh Itny Sadmoon Ney Mita Daly
Logoo Ney Mujh Ko Meri Aawaz Sey Phcana!!
Aes Dil Mein SAlamat Hain Ab Tak
Woh Shokhi E Lab Woh Harf E Dua
Woh Naqsh E Qadam'Woh Aks E Hina
So Baar Jesy Coma Ham Ney
So Baar Parastish Ki JIs Ki
Aes Dil Mein Salamat Hai Ab Tak
Woh Gard E aalam,Woh Deida E Nam
Ham Jis Mein Cupa Kar Rakhty Thy
Tasver Bikharti Yaadoon Ki
Zanjeer Pighalty Wadoon Ki
Ponji Nakam Aeradoon Ki
Aaey Teez Hawa Naraz Na Ho
Aes Dil Mein Salamat Hai Ab Tak
Saman Bhicharti Saeat Ka
Kuch Tukry Garam Dopehar Key
Kuch Rezy Naram Sawaloon Key
Kuch Dur Aanmool Khayaloon Key
Aik Sacha Roop Haqeqat Ka
Aik Jhoota Lafz Muhabbat Ka
Aes Dil Mein Salamat Hai Ab Tak!!!

sTanvir

[quote="riaz ahmed saraa"]dosto is bazm ke soti mushaare meiN Hisssa laite

hu'ae ye ghazal sunaaii thi aap se share kar rahaa huN. ra'ae kaa muntazir
rahoon gaa

[color=blue][b]guftagu wijdaan ki ilhaam ki

gulrukhooN ki marmar'eeN ajsaam ki

in pari zaadooN ki suHbat do ghaRi

kaif-o-masti go'yaa subH-o-shaam ki

mahwashooN se dil lagaa'ya thaa agar

baat kaise phir gham-o-aalaam ki

kar ga'aii be rabt mairy zindagi

barhami us gasu'ae gulfaam ki

tum kahaaN ke ho muwaHid ae riaz

kar rahee ho baNdagi asnaam ki

************************** Printed On 8th JUune 2005

********************************************

stanvir

Yaraane mehfil
Aadaab

Saaz Tamkanat kee ek ghazal pesh hai.

aablaa paaee se veeranaa mahak jata hai

kon pholooN se meraa rastaa Dhak jataa hai
Maslehat kehtee hai vo aayeN to kyoN aayeN yahaaN
Dil ka ye haal har aaHaT pe dhaRak jataa hai

Kyaa sar.e shaam na loutoNgaa nasheman kee taraf

Kyaa aNdheraa ho to jugnoo bhee bhaTak jataa hai

Aik dewanaa bhaTaktaa hai bagolaa bankar

Aik aaHoo kisee vadee meiN bhaTak jataa hai

Koi aawaaz kaheeN gooNj ke reh jatee hai

Koi aaNsoo kisee aariz pe dhalak jataa hai

Qaafilaa umr kaa paiham safar aamaadaa sahee

Shajr.e sayaa figan dekh ke thak jataa hai

Saaz is koshishe tamkeeN pe bohat naaz na kar

Ye chiraagh.e tihi damaaN bhee bhaRak jataa hai

Ummed hai ghazal pasand aayeegee.

Regards
P K Swami

Yaaraane Mehfil
Aadaab

Aap kee khidmat meiN Hafeez Banarasee kee aik ghazal pesh hai.Kaisee lagee,
bataaiegaa zaroor!

Ye aur baat hai laHzaa udaas rakhte haiN

KhizaaN ke geet bhee apnee miThaas rakhte haiN

KaheN to kyaa kaheN ham unkee sadaa loHee ko

Jo qaatiloN se tarannum kee aas rakhte haiN

Kisee ke saamne failaayeN kis liye daaman

TumHare dard kee daulat jo paas rakhte haiN

UnHe hayaat kee tuHmat na do abas yaroo

Jo apnaa jism na apnaa libaas rakhte haiN

Qareeb.e gul badanaaN raH chuke haiN deewaane

Ye khaar vo haiN jo pholooN kee baas rakhte haiN

KahaaN bhigaaye koi apne khushk hooNtoN ko

Ye daur vo hai k dariyaa bhee pyaas rakhte haiN

Khudaa kaa shukr adaa kijey khushnaseebee par

Hafeez aap dil.e gham shanaas rakhte haiN

Regards
PK Swami
stanvir
Main nay tumharay pyaar ko marnay nahi dyaa
Daryaa jo chaar gaya tha utarnay nahi dyaa

Yadon kai silsilay ko bikharnay nahi dyaa

Main nay kissi bhi zakhum ko bharnay nahi dyaa

Jin main tumhary zulf key khushboo nahi bassi

Inn raston say khud ko guzarnay nahi dyaa

Ilzaam jo bhi thay woh sabhi apnay sir leye

Tujh ko kissi ka samna kernay nahi dyaa

Papand hon Rasheed main apnai zameer ka

Wada kia tu khud ko mukarnay nahi dyaa

Ghum -e- Hayaat say dil achna tu rakhtay hain

Hum apnai dil main khoof -e- khuda tu rakhtay hain

Hamara sir na jhukay ga kissi kai qadmon main

Ghareeb loog hain lekin anna tu rakhtay hain

Naseeb main hay agar tairgee judayee key

Tumhary yaad kai deepak jala tu rakhtay hain

Humaray pass nahi orr khuch tu kia ghum hay

Kai hum zameer ka ek ayeena tu rakhtay hain

Rasheed atlas -o- kumkhowaab tu nahi lekin

Hum apnai jism pay apni qaba tu rakhtay hain

sTanvir
Basheer Badr
One of my all time fav
udaasi ka ye patthar aansuon se nam nahin hota
hazaron jugnuon se bhi andhera kam nahin hota

kabhi barsaat mein shadaab bele.n sookh jaati hain

hare pedon ke girne ka koi mausam nahin hota

bahut se log dil ko is terah mehfooj rekhte hain

koi baarish ho ye kagaz jara bhi nam nahin hota

bichudte waqt koi badgumani dil mein aa jati

use bhi gam nahin hota mujhe bhi gam nahin hota

ye aansoo hain inhein phoolon mein shabnam ki terah rakhna

ghazal ehsaas hai ehsaas ka maatam nahin hota

..............................................................................
.............................

hoTho.n pe muhabbat ke fasaane nahii.n aate

saahil pe samu.ndar ke Khazaane nahii.n aate
palake.n bhii chamak uThatii hai.n sote me.n hamaarii
aa.Nkho.n ko abhii Khvaab chhupaane nahii.n aate

dil uja.Dii hu_ii ik saraaye kii tarah hai

ab log yahaa.N raat jagaane nahii.n aate

u.Dane do pari.ndo.n ko abhii shoKh havaa me.n

phir lauT ke bachapan ke zamaane nahii.n aate

is shahar ke baadal terii zulfo.n kii tarah hai.n

ye aag lagaate hai.n bujhaane nahii.n aate

ahabaab bhii Gairo.n kii adaa siikh gaye hai.n

aate hai.n magar dil ko dukhaane nahii.n
aate..........................................................................
................................

maiN samandrooN ka mizaj hooN abhi is nadi ko pata nahi

sabhi nadya'N mujh se mil gayin magaR maiN kisi se ja mila nahi

meray dil ki simat na dekh tu kisi aur ka ye muqaam hai

yahaN us ki yadaiN muqeem haiN ye kisi ko maiN ne dya nahi

mujhaY dekh k na jhuka nazaR na kawaar dil k tu band kaR

teRay ghaR maiN aa'oN gha kis tarha k maiN admi hooN hawaa nahi

meRay dil ko khushboo se bhaR gaya wo kareeb se yuuN guzaR gaya

wo meRi nazaR maiN tu phool hai usaY kia laga maiN pata nahi

ya muqadRooN ki likhawatiaN jo chamak gayeN wo parhi gayeN

jo meRay qalam se likha gaya usay keoN kisi ne parha nahi

ya badaR ab be sawal hai k ye berukhi hai ya payaR hai

kabhi paas us k gaya nahi kabhi dooR us se raha
nahi .........................................................................
..................................

aur chalte chalte another gem of a creation from Badra sahab!

aik nadiy kay doo kinaroon ko mila saktay nahin

dainay wallay nay diya sab kuch ajab andaaz say

saamnay dunyaa pariy hay aur uthaa saktay nahin

is ki bhi majbooriyan hain mery bhi majbooriyan hain

rooz miltay hain magar ghar main bata saktay nahin

kis nay kis ka naam entoon pay likhaa hay khoon say
ishtiharoon say yay deewarain chupaa saktay nahin

raaz jab seenay say bahir ho gaya apnaa kahan

rait pay bikhray hoay ansoo uthaa saktay nahin

aadmiy kiya hay guzartay waqt ki tasweer hay

janay wallay ko sada day kar bulaa saktay nahin
shahar main rahtay hoay hum ko zamana ho gaya
kon rahta hay kahan kuch bhi bata saktay nahin

us ki yadoon say mahaknay lagtaa hay sara badan

piyaar ki khushboo ko seenay main chupa saktay nahin

patharoon kay bartanoon main ansoon ko kiya rakhain

phool ko lafzoon kay gamloon main khilaa saktay nahin
..............................................................................
............................

Badar sahab ki khasiyat hai unki sadabayani par sade lafzon ke istemaal ke
bavjood aasharon ki gehrayi aur unki khoobsurti kamal ki rehti hai!

regards
Manish

sTanvir
muhabat mashwaron pand-o-naseehat aur taveelon kay taabay to nahin hoti

muhabat khud batati hay kahan kis ka thikaana hay

kisay aankhon main rakhna hay kisay dil main basaana hay
rihaa karna hay kis ko aur kisay zanjeer karna hay
mitaana hay kisay dil say kisay tehreer karna hay
gharonda kab giraana hay kahan taameer karna hay

muhabat mashwaron pand-o-naseehat aur taveelon kay taabay to nahin hoti

usay maaloom hota hay safar dushwaar kitna hay

kisi ki chashm-e-girya main chupa iqraar kitna hay
shajar jo girnay waala hay woh saaya daar kitna hay
safar ki har saoobat aur tamaazat yaad rakhti hay
jisay saaray bhula daalain muhabat yaad rakhti hay

muhabat mashwaron pand-o-naseehat aur taveelon kay taabay to nahin hoti

keh is kaa koi bhi mosam kabhi yaksaaN nahin hota

keh is ka raasta hargiz razi weeraaN nahin hota
waheeN imkaan hota hay jahan imkaaN nahin hota
muhabat raaston main ik alag rasta banaati hay
jahan koi nahin sunta wahaaN qissa sunaati hay
........................
muhabat mashwaron pand-o-naseehat aur taveelon kay taabay jo nahin hoti
usay kia raaston main phool kitnay dhool kitni hay?
kisi naazuk samay main jo hui thee bhool kitni hay?
usay kia phool say haathon main ab tak khaar kitnay hain?
ya dushman ghaat main baythay pas-e-deewaar kitnay hain?
usay kia jaagti aankhon main pinhaan khwaab kaisa hay?
or us main wasl ki khaatir koi baytaab kaysa hay?
usay kia shaam kaysi talkhi-e-ayaam kaysi hay?
usay kia zindagi kis ki kisi kay naam kaysi hay?
usay kia chaahaton main soorat-e-aalaam kaysi hay?

Razi-u-ddin Razi (poetrazi)

sTanvir
Taqdeer hay taqdeer say laar bhi nahi saktay
Hum iss say zada tu ujaar bhi nahi saktay

Halaat bigarnay say maza daita hay jeevan

Per tere tu halaat bigar bhi nahi saktay

Khuch dard sada sabz rahain gain mere under

Yea patay mere pair(tree) say jhar bhi nahi saktay

Khuch kheemay tere ghum kai mere daman -e- dil per
Iss tarha garay hain kai ukhaar bhi nahi saktay

Iss yaar Jafa-kaar -o- situm kaish say apna

Hay aisa talooq kai jaghar bhi nahi saktay
Farhat Abbas Shah

eBazm
Presenting a very nice Ghazal of Bashir Badar. Hope you'll like it.

--------------------------------------------------------------
Mere Dil Ki Raakh Kuraid Matt Ussey Muskura Kay Hawa Na Dey
Yeh Charaagh Phir Bhi Charaagh Hai Kahien Tera Haath Jalaa Na Dey

Naye Dour Kay Naye Khuaab Hein, Naye Mousamoun Kay Gulaab Hein
Yeh Mohabbatoun Kay Charaagh Hein Unhein Nafratoun Ki Hawa Na Dey

Zara Dekh Chaand Ki Patiyoun Ney Bikhar Bikhar Kay Tamaam Shab
Tera Naam Likha Hai Rait Par Koi Layher Aa Kay Mitta Na Dey

Mein Udaasiyian Na Saja Sakoun Kabhi Jism-o-Jaan Kay Mazaar Par

Na Diye Jalien Meri Aankh Mein Mujhe Itni Sakht Saza Na Dey

Mere Saath Chalney Kay Shouq Mein BarDi Dhoop Sar Pe Utthaye Gaa
Tera Naak Naksha Hai Moum Ka Kahien Gham Ki Aag Ghulla Na Dey

Mein Ghazal Ki Shabnami Aankh Se Yeh Dukhoun Kay Phool Chuna Karoun
Meri Saltanat Mera Fun Rahey Mujhe Taaj-o-Takht Khudda Na Dey

Poet: Bashir Badat

--------------------------------------------------------------
Thanx...

eBazm
Aadaab Arz.

Aap kay husn-samaat ki nazr aik taza ghazel, agar pasand aay to aap ka shukria
awr na aay to mairi dili mazrat.

Niazmund,
Fazil.

********

ka'i marhalay hain guzar gaay, mairay ashk sey mairay khoon tak
hai yeh aik naam ka silsilaa, chalay aql sey joh junoon tak
usi naam hi ki to goonj hai, mairay ghar kay arz main tool main
wohi aashkaar hai har taraf, mairay rozanon sey sutoon tak

huvay tairay dar sey ataa mujhay, yeh duroos maktab-e-ishq kay
hay woh aik nuktay ka daairaa, woh joh simta hai jeem sey noon tak

woh kunooz hain joh zameen kay, woh rumooz hain joh buhoor kay
unhain jaan-nay ki hai justujoo, joh chalay azal sey quroon tak

mairay qeel-o-qaal hain munsalik, tairi shakhsiyat kay wujood sey

tairi zaat hi sey to muttasil, maira iztaraab sukoon tak

chalay mukhtasar sa budget mairaa, shuroo saal sey naay saal tak
tairaa maali saal ajeeb hai, keh chalay July sey June tak

kahan tairaa afsar-e-mohtasib, kahan mujh-sa Fazil-e-muzmahil

ussay iqtadaar ka zoam hai, issay paas anaa ka junoon tak.

Thanks!

sTanvir
Posted: Sun Jul 10, 2005 1:19 pm Post subject: Aik Taza Hamd

------------------------------------------------------------------------------
--

Dia,Charaagh, Shama saaray naam uskay haiN

ke raushni ke sabhee ehtemaam uskay haiN

Khyaal o fikr o hunar sab usi ki haiN takhleeq

qalam bhi lafz bhi sab kuch ghulaam uskay haiN

tamam wusatatiN uski , meri nazar mahdood

samajh mai aiN na mere jo kaam uskay haiN

har ek jaga pe tasarruf ka haq usi ko hai

zameeN se arsh tak saray muqaam uskay hain

hikayateiN bhi haiN us maiN hidayatoN ke lye

kitaab e haq mai likhay sab pyaam uskay haiN

Vo aik zaat ke jo laa shareek hai mahtaab

sabhi jahaanoN ke , sab intezaam uskay haiN

Mahtab Qadr
_________________
Gulaab kardiye taqseem , khar o khas mai rahe
ham ahl e zarf bhala kab kisi hawas mai rahe
Mahtab Qadr
Cell : 966 508438856

sTanvir
aadaab, dosto!

ek taaza Ghazal pesh-e-Khidmat hai. mulaahiza farmaaiye aur apnii raae se

navaaziye.

Ghazal

aaiina mujh ko pas-o-pesh meN taktaa kyuuN hai

mujh meN Khaamii hai to kahne meN jhijhaktaa kyuuN hai

justujuu jis kii ho aisaa to nahiiN kuchh mujh meN

ek saayaa mire atraaf bhaTaktaa kyuuN hai

tujh se kuchh rabt nahiiN hai to bhalaa teraa Khayaal

phuul ban kar mirii saaNsoN meN mahaktaa kyuuN hai

tuu ne Khud raah-e-muhabbat ko chunaa thaa, ai dil!

ab ye tanhaayii meN raatoN kii sisaktaa kyuuN hai

kaun aayegaa mire paas, kise fursat hai

dil-e-deevaana har aahaT pe dhaRaktaa kyuuN hai

vaaqif-e-ishq nahiiN jo vo bhalaa kyaa jaane

maut ke muNh meN bhii parvaana thiraktaa kyuuN hai

be.zarar zarra-e-Khaashaak saa meraa ye vujuud

jaane ahbaab kii aaNkhoN meN khaTaktaa kyuuN hai

jeete jee laash kii maanind koii ho jaaye

is qadar jism rah-e-dahr meN thaktaa kyuuN hai

kaise maanuuN ki bahut Khush ho yahaaN tum :Abid:

Gham nahiiN hai to phir aaNkhoN se Tapaktaa kyuuN hai

niyaazmand,
Irfan :Abid:
mukarramee Irfan SaaHeb: aadaab!

aap kee Ghazal dekh` kar dilee masarrat huyee. Khayaalaat saadah aur pur-acar
aur bayaan bh`ee waisaa hee! maashaa-Allah! naacheez kee daad HaaZ^ir hai!

jahaaN Ghazal ne muta,accir kiyaa waheeN yeh eHsaas bh`ee huwaa keh yeh Ghazal
aap ne kuch` jaldee meN kahee hai. aap kaa raNg is meN numaayaaN hai lekin
bunat aur bandish kee jo chustee aap kaa KhaaSSah hai is meN kam naz^ar aayee.
ho saktaa hai keh yeh meree naz^ar kaa quSoor ho.

micaal ke t^aur se aap kaa mat^la' yooN hai:

aaiina mujh ko pas-o-pesh meN taktaa kyuuN hai

mujh meN Khaamii hai to kahne meN jhijhaktaa kyuuN hai

awwal to :pas-o-pesh meN taknaa: muHaawarah jaNchaa naheeN. doosre yeh keh
bh`artee ke alfaaz^ aap kee nigaah-e-iHtisaab se kaise baalaa-baalaa hee guZar
gaYe? :aa,eenah: kaa lafz^ dekh`te hee Zehn meN yeh aayaa:

aaiina yooN mujhe Hairaanee se taktaa kyuuN hai

koyee Khaamii hai to kahne meN jhijhaktaa kyuuN hai

mazeed yeh keh :aa,eenah: aap ko :pesh: meN to shaayad tak bh`ee le!
lekin :pas: meN kaise tak saktaa hai? aur agar woh is par qaadir huwaa bh`ee
(eeN Khaayaal ast-o-maHaal ast-o-junooN!) to aap ko kaise Khabar ho gee?

yeh ek u'moomee ta,accur mujh` ko huwaa aur kayee maqaamaat par huwaa. tafSeel
naheeN likh`taa hooN! Dartaa hooN keh kaheeN aap meree ma'rooZ^aat ko "kuch`
aur" nah samajh` baiTh`eN!

majmoo,e'e t^aur se Ghazal bohat achh`ee hai. mubaarakbaad qubool keejiYe!

Sarwar A. Raz "Sarwar"

eBazm
salam..
dis nazam is sung by AhMaD jAhAnZeB..!!!
hope i answered ur q. keep smilin
tc
Allah hafiz

Mohammad Shahzad Wahid <[email protected]> wrote:

This time presenting a very beautiful nazm that can't be ignored.
Even peoples who don't have interest in urdu poetry also likes this
nazm. But can anyone tell me that who sung this nazm?

------------------------------
Hum Ghoom Chukey Hein Basti Ban Mein
Ek Aas Ki Phanss Liye Man Mein
Koi Sajan Ho, Koi Pyara Ho
Koi Deepak Ho, Koi Tara Ho
Jab Jeewan Raat Andheri Ho
Ek Baar Kaho Tum Meri Ho

Jab Sawan Badal Chhaye Hoon

Jab Phagan Phool Khilaaye Hoon
Jab Chanda Roop Lutaata Ho
Jab Suraj Dhoop Nahaata Ho
Ya Shaam Ney Basti Ghayri Ho
Ek Baar Kaho Tum Meri Ho

Haan Dil Ka Daaman Phayla Hai

Kyoun Goori Ka Dil Maila Hai
Hum Kab Tak Peet Kay Dhookay Mein
Tum Kab Tak Door Jharookay Mein
Kab Deed Se Dil Ko Seyri Ho
Ek Baar Kaho Tum Meri Ho

Kya JhagDra Suud Khasaaray Ka

Yeh Kaaj Nahien Banjaaray Ka
Sab Soona Rupa Lay Jaaye
Sab Duniya Duniya Lay Jaaye
Tum Ek Mujhe Bohoutayri Ho
Ek Baar Kaho Tum Meri Ho

Poet: Ibn-e-Insha
------------------------------
Thanx...
Waalaikum-Assalaam, Mukarmi Kashif Sahab.
Pasundiidgi awr sataaish kay liyay aap ka teh-e-dil sey shukr-guzaar hoon.
Jahaan tak:
"......hai woh aik nuktay.........." ka taalluq hai to usay aap mahaz
zuroorat-e-qafia keh kar nazar-andaaz bhi kar saktay hain, laikin joh mairay
zahun main thaa, (zuroori nahin keh aap ussay mutafiq hon isliyay keh barhi
had tak yeh aqeedat ki baat hai,) woh yeh hai keh agar aap usko pehlay misray
sey milaa kar parhain:
huvay tairay dar sey ataa mujhay, yeh duroos maktab-e-ishq kay
hay woh aik nuktay ka daairaa, woh joh simta hai jeem sey noon tak

Iss main joh mukhaatab mehboob hai woh ishq-e-haqeeqee ka mehboob hai, yani
zaat-e-baaria-e-taa'laa jis nay 'Jahaan' (dunia, world) takhleeq kii. Awr yeh
'jahaan' jis paak hasti kay liyay bana ya banayaagayaa woh, mirii aqeedat kay
mutabiq Hazrat Muhammad SLM ki zaat-e-paak hai. To jab 'jahaan' kay jeem kay
pait kay nuktay ka daairah noon tak simta to Allah nay 29wn siparay ki Soorat-
e-Noon ki pehli aayat main qasam khaa kar Aap SLM kay shaoor-o-firaasat ki
tasdeeq farmaii.

Mairay zahun main yehi kuch mubham saa khaakaa thaa, awr jaisakeh mainay
pehlay arz kia keh, aap ka mairi wazahat sey mutafiq honaa zuroori nahin hai.
Jahaan tak budget walay shair ka taalluq hai to usay mehaz aik mizahia rung
samajh kar nazar-andaaz kardigiyay.
Pasundeedgii kay liyay aik martabeh phir shukria.
Ahqar,
Fazil.

----- Original Message -----

From: Kashif Asrar Ahmad
To: [email protected]
Sent: Saturday, July 09, 2005 8:55 PM
Subject: Re: [eBazm] ka'i marhalay hain guzar gaay, mairay ashk sey mairay
khoon tak

Fazil Sahab
Asslamalaikum
Masha-a-allah Umdah Ghazal hai ... behad pasand aayi ....
Kuchch asha'ar mairi samjh k mehdood daairay main qaid na ho sakay ....
Jaisay yeh misra ...
hay woh aik nuktay ka daairaa, woh joh simta hai jeem sey noon tak

kiya yeh kisi khaas jaanib ishara hai .... roshni daaliyiega ...
Or yeh bhi ... yaqeena'an kisi waqay ko apnay andar samaaytaye huway lagta hai
...
tairaa maali saal ajeeb hai, keh chalay July sey June tak

kalaam ki chaashni, rawani or besakhtagii nihayat dilchasp or seher angaiz hai

... Dilli daad qabool farmaayien ...
Allah Hafiz
Kashif

"Fazil M." <[email protected]> wrote:

Aadaab Arz.

Aap kay husn-samaat ki nazr aik taza ghazel, agar pasand aay to aap ka shukria
awr na aay to mairi dili mazrat.

Niazmund,
Fazil.

********

ka'i marhalay hain guzar gaay, mairay ashk sey mairay khoon tak
hai yeh aik naam ka silsilaa, chalay aql sey joh junoon tak

usi naam hi ki to goonj hai, mairay ghar kay arz main tool main
wohi aashkaar hai har taraf, mairay rozanon sey sutoon tak

huvay tairay dar sey ataa mujhay, yeh duroos maktab-e-ishq kay
hay woh aik nuktay ka daairaa, woh joh simta hai jeem sey noon tak

woh kunooz hain joh zameen kay, woh rumooz hain joh buhoor kay
unhain jaan-nay ki hai justujoo, joh chalay azal sey quroon tak

mairay qeel-o-qaal hain munsalik, tairi shakhsiyat kay wujood sey

tairi zaat hi sey to muttasil, maira iztaraab sukoon tak

chalay mukhtasar sa budget mairaa, shuroo saal sey naay saal tak
tairaa maali saal ajeeb hai, keh chalay July sey June tak

kahan tairaa afsar-e-mohtasib, kahan mujh-sa Fazil-e-muzmahil

ussay iqtadaar ka zoam hai, issay paas anaa ka junoon tak.

Thanks!

sTanvir
Shayerana see hei zindagi kee faza
aap bhi zindagee ka maza lijiye
mein ghazal ban gayee apke saamne
shouq se ab mujhe gunguna lijiye
aap sun tou rahe hein mere dilkee laiy
is mein benaam see eik udasi bhi hei
is udasi mein nagham koi cher kar
eik bechain dilkee dua lijiye
aap ke piyar ka jo bhi mayaar hei
is se kab jaan e jaan mujhko inkaar hei
jis tarha aap chaahain nazar aoun mein
mujh ko hur rang mein azmaa lijiye

sTanvir
jis din huaa paThaan ke murGe kaa intaqaal
daavat kii maulavii kii tab aayaa use Khayaal
murdaar murG kii hu_ii mullaah ko jab Khabar
saaraa badan sulag uThaa, Gaalib huaa jalaal
kahane lage khilaaoge mam gosht?
tum ko nahii.n zaraa bhii shariyat ka kuchh Khayaal
murdaar Gosht to shariyat me.n hai haraam
jab tak na zibaah kiijiye, hotaa nahii.n halaal
fatavaa jab apanaa maulavii saahab sunaa chuke
jhunjhalaa ke Khan ne kiyaa tab un se ye sawaal
kaisii hai aap kii ye shariyat bataaiiye
ba.nde ko kar diyaa hai Khudaa se bhii baa-kamaal
allaah jis ko maar de, ho jaaye vo haraam
bande ke haath jo mare, ho jaaye vo halaal

Ankhoun mai guncha haye nawazish nichor kar,

hanthoun pay neem mouj-e-tabasum ko tod kar,
meray dil-e-shiqasta ko narmi say jor kar,
meri taraf khafeef si gardan ko mor kar,
kal subah rastay mai ,sohani haya k sath,
us nay mujhay Salam kiya,
Haye kis ada k sath !!!
_________________

aadatan tum ne kar diye vaade

aadatan ham ne aitabaar kiyaa

terii raaho.n me.n baarahaa ruk kar

ham ne apanaa hii intazaar kiiyaa

ab naa maa.Nge.nge zindagii yaa rab

ye gunaah ham ne ek baar kiyaa

Uss nay kaha kai hum khareedar ho gaye

Biknay ko saray loog he tayaar ho gaye

Uss nay kaha kai ek wafa daar chahyee

Saray jahan kai loog wafa daar ho gaye

Uss nay kaha kai koi gunha gaar hay yahan ?

Jo parsaa thay woh bhi gunha gaar ho gaye

Uss nay kaha kai ajiz -o- maskeen hay koi ?

Sab loog garrd -e- kooch -o- bazaar ho gaye

Uss nay kaha kai kash koi jung-joo milay ?

Apis main yaar barsar -e- paikaar ho gaye

Uss nay kaha Adeem mera hath thamna

Charon taraf say hath namodaar ho gaye

My most favourite ghazal by Kaifi Azmi

Audio link
http://www.desiconnection.com/musicweb/ramfiles/dc/koiyekai.ram

Lyrics

koi ye kaise bataaye ke wo tanha kyooN hai

wo jo apna thaa wahi aur kisi ka kyooN hai
yahi duniya hai to phir aisee ye duniya kyooN hai
yahi hota hai to aakhir yahi hota kyooN hai

ik zara haath baDha deN to pakaD le daaman

uske seene meiN sama jaaye hamari dhaDkan
itni kurbat hai to phir faaslaa itna kyooN hai

dil-e-barbaad se nikla nahiN ab tak koi

ik lute ghar pe diya karta hai dastak koi
aas jo TooT gayee phir se bandhaata kyooN hai

tum masarrat ka kahO ya ise gham ka rishta

kehte hain pyaar ka rishta hai janam ka rishta
hai janam ka jo ye rishta to badalta kyooN hai

Jism e faani se siwa kuch garaan ho ga

Kaheen tou zaroor aisa bhee asmaan ho ga

Kabhi sanam ke rubaru hon gaiy hum bhee

Kabhi khuda hum pe bhee meharbaan ho ga

Khaamosh hon gaye lab,wuqt ruka ho ga

Lamhe visaal bhi us pal hairaan sa ho ga

Jhuktee nigaah keh jaiy gee dil ka ahwaal

Kitna mukhmoor woh rangeen samaa ho ga

Zaahir na ho jaiy us pe baiqarari hamaree

Iss andaishe se dil kaisa pareshan ho ga

Kyunkar sambhalain gaye dile khana kharab ko

Samnae jiss lamhae woh dushman e jaan ho ga

Khaamosh khare hon gaye saamne uske magar

Laraztae badan sae raaz sab ayann ho ga

Woh jo ho ga humkalaam yukbaar , yunhee

Kyunkar haal e dil rubaru uske bayan ho ga

Kiya kahain gaye kiya karain gaye najanae

Unn lamhon mein hamae hosh hee kahan ho ga

Hum tum hon gaye mehkee see tanhayee ho gee

Khaawb sa ek motee pirotaa lamha wahan ho ga

Madhosh see jawan see faza ho gee uss pal

Alam e Suroor mein ye saraa jahan ho ga
TUM NAGHMA E MAAH O ANJUM HO

tum naghma e maah o anjum ho tum soz e tamanna kya jano

tum dard e mohabbat kya samjho tum dil ka tarapna kya jano

tum door karay dekha hi kye aur doobne wala doob gaya
saahil ko tum manzil samjhay tum lazzat e dariya kya jano

sua baar agar tum rooth gaye hum tumko mana hi lete thay
eik baar agar hum rooth gaye tum humko manana kya jano

duniya e mohabbat mein shayad tum pehle pehle aaye ho

tum doobti nabzein kya samjho tum dil ka dharakna kya jano

...hum jo shair kehtay hain us main koi na koi mah jabeen apnay pooray
siraapay kay saath mojood hoti hay..is waqt mujhay apnay chand shairyaad aa
rahay hain woh aap ko post kar raha hoon ..main apnay mehboob ko kaisa sochta
hoon is say andaaza ho jaay ga..aur shair yaad aay to woh bhi zaroor share
karoon ga

lakeerain khainch kar mubham sa ik paykar banana hay

phi us main rang bharnay hain usay behtar banana hay

abhi to is muhabat main bohat say kaam baaqi hain

keh hum nay us pari rukh ko but e kaafir banana hay

mujhay karna hay zikr us ki shabaahat aur tabiat ka

kahin par phool rakhna hay kahin pathar bananahay

razi jis ko muhabat main bana baythay hain devi hum

ab us ko poojnay kay waasty mandar banana hay
........................
kal shab us ko pyaar main paagal daykha tha
aik adhoora chand mukamal daykha tha

hum ko bhi phir rangon ki pehchaan hui

bas ik baar kisi ka aanchal daykha tha

..............................

chaaand sitaara khushboo titli aur gulaab

ab tum khud socho woh kaysa ho sakta hay

teri aankhain bhi bay khaab nazar aati hain

is ka matlab hay ab waada ho sakta hay

hum mehfil main us ki baat nahin kartay hain

woh baaton say bhi to mayla ho sakta hay

thanx
razi-ud-din razi

Yeh bhi eik andaz hai mehboob ke husn ko khiraaj e aqedat paish karne ka
ik majma-e-raNgiiN meN voh ghabraayi hui si
baiThii hai ajab naaz se sharmaayi hui si
aaNkhoN meN hayaa lab pe haNsii aayi hui si
honthoN pe fidaa rooh-e-bahaar-e-gul-o-nasriiN
aaNkhoN ki chamak ruukash-e-bazm-e-mah-o-parviiN
pai'raahan-e-zartaar meN ik paikaar-e-seemiiN

lehreN si voh ik leta hua phool sa sehra

sehre meiN jhamaktaa hua ik chaaNd sa chehra
ik raNg sa rukh par kabhi halkaa , kabhi gehra

har saaNs meiN ehsaas-e-furaavaaN ki kahaani

khamoshi-e-mahzuub meN ik saii'l-e-m'aani
jazbaat ke tuufaaN meN hai dosheeza jawaani

fitrat naye jazbaat ke dar khol rahi hai

meezaan-e-jawaani meN ise'y tol rahi hai
lab saaqit-o-saamat haiN, nazar bol rahi hai

sarshaar niGhaahoN meN hayaa jhoom rahi hai

hai raqs meN aflaaq, zamiiN ghoom rahi hai
shaayar ki wafaa badh ke qadam choom rahi hai

a'ii tu ke tere dam se mirii zamzamaa-khvaani

ho tujhko mubarak ye tiri noor-e-jahaani
afkaar se mehfooz rahe teri jawaani

chhalke teri aaNkhoN se sharaab ,aur ziyaaada

mehkeN tire aariz ke gulaab, aur ziyaadaa
allah kare zor-e-shabaab , "aur ziyaadaa"

Hamare eik bauhat azeez sathi ne eik nazm likhee thee

aaj yahan unka ye kalaam paish karte hein

HeiN ajab Rang se Maa'moor tumhaari aankheiN

Jaisey chahat ki tamana meiN machalti raateiN
Jaisey Gum-naam jazeeroN ki pareeshaaN raaheiN
Jaisey Mo'hoom saharey ko tarasti baaheiN

Ik ajab sehr sa atraaf pe cha jaata hai

jab ghani zulf ke saaye meiN jhukaati ho inheiN
Dam-ba-khud ho k naz'aarey bhi tumheiN daikhtey heiN
Zulf chehrey se hata ker jo uthaati ho inheiN

Tum ko shayed nahiN maaloom yeh jaado-gar heiN!

Tum kisi ko bhi bohat ghaur se daikha na karo!
Ain Mumkin hai k ho jaaye koi be-qaabu
YooN kisi ko bhi nazar rok ke daikha na karo!

Tum kahiN sun ke pareshaaN to nahiN ho daikho!

Yeh meri hairat-o-Eihaam pe mabni baateiN
In ko yeh Husn Bhi bakhsha hai khuda ne "****"
Sab bata ker bhi chupa leti heiN kitni baateiN
Itni gehraai meiN khulti heiN tumhaari aankheiN!
Mud'aa in ka koi jaan le mumkin hi nahiN
Jitney gham tum ne chupa rakhey heiN in ke peechey!
Itna laawa bhi jo daikho to nahiN zair-e-ZameeN

Phir bhi ik nasha'-e-Umeed se sir-shaar heiN yeh

Ho na payeiN yeh kabhi wehshat-e-HirmaaN ki ghulam
In ki azmat ke taqad'us meiN yeh aankheiN kham heiN
In ki khidmat meiN ba-sad-shouq hai ZeeshaN ka salaam!

tera zeyaaN raha hooN maiN apna zeyaaN rahooN ga maiN

talkh hai meri zindagi talkh zubaaN rahooN ga maiN

tere hazoor tjh se door, jalti rahe gi zindagi

shola bajaaN raha hooN maiN, shola bajaaN rahooN ga maiN

tujh ko tabaah kar gaye, teri wafa ke walwale

yaani mataay-e-barday-e-kam nazraaN rahooN ga maiN

jaaz ki dhhun udaas hai dil bhi buhat udaas hai

jaane kahaN base gi tu jaane kahaN rahooN ga maiN

ham haiN juda juda magar fan ki basaat-e-rang par

raqs-e-kanaaN rahe gi tu zamzama khawaaN rahuN ga maiN
Jon Aliya
_________________

juz Gumaan aur tha hi kya mera

faqat ek mera naam tha mera

nik.hat-e-pairhan se uss gul ki

silsilaa be.saba raha mera

mujh ko khwahish hi dooNDne ki na thi

mujh meiN khoya raha Khuda mera

thook de khoon, jaan le agar wo

Aalam-e-tark-e-mud'uaa mera

jab tujhe meri chaah thi jaanaaN!

bas wohi waqt tha kaRa mera

koi mujh tak puNhach nahi pata

itna aasaan hai pata mera

Aa chuka pesh wo murrawwat se

ab chalooN, kaam ho chuka mera

aaj maiN khud se ho gaya mayus

aaj ek yaar mar gaya mera
Jon Aliya

azaab-e-hijr baRhaa looN agar ijaazat ho

ik aur zakhm maiN khaa looN agar ijaazat ho

tumhaare aariz-o-lab ki judaai ke din haiN

maiN jaam mooN se lagaa looN agar ijaazat ho

tumhaara Husn tumhaare khayaal ka chehra

shabaahatoN meiN chupaa looN agar ijaazat ho

tumhiiN se hai mire her khwaab-e-shauq ka rishta

ik aur khwaab kamaa looN agar ijaazat ho

thakaa diya hai tumhaare firaaq ne mujh ko

kahiiN maiN khud ko giraa looN agar ijaazat ho

baraaye naam banaam-e-shab-e-visaal yahaaN

shab-e-firaaq manaa looN agar ijaazat ho

===============================

tumhaara hijr manaa looN agar ijaazat ho

maiN dil kisi se lagaa looN agar ijaazat ho

tumhaare baa'd bhalaa kia hai vaa'da-o-paemaaN

bas apna vaqt gaNvaa looN agar ijaazat ho

tumhaare hijr ki shab haaye kaar meiN jaanaaN

koi charaagh jalaa looN agar ijaazat ho

junooN vohi hai, vohi maiN, magar hai shehr nayaa

yahaaN bhi shor machaa looN agar ijaazat ho

kise hai khwaahish-e-marham garee magar phir bhi

maiN apne zakhm dikhaa looN agar ijaazat ho

tumhaari yaad meiN jeene ki aarzu hai abhi

kuch apna Haal sanbhaa looN agar ijaazat ho
Jon Aliya

Jon Eliya ki aik ghazal, 1 nazam, ap sab ke liye hazir hai :

"Ajanbai Shaam"

dhundh chaye hoye hai jheeloon par

urr rahay hain parind te'eloon par
sab ka rukh hai nashaimnoon ki taraf
bastioon ki taraf ban'oon ki taraf

apney ga'loon ko lai ke charwahay

sarhadi bastioon main jaa pohonchay
DIL-E-NAKAAM ! MAIN KAHAN JAOON ?
AJNABI SHAAM ! MAIN KAHAN JAOON ?

ghazal :

bohot dil ko kushadaa kar liya kya

zamanay bhar se wa'ada kar liya kya

tu kya sach much judaye mujh se kar Lee

tu kya khood ko bhi aadha kar liya kya
hunar-mandi se apni dil ka saf'ha
meri jaan tum ne sadaa kar liya kya

yahan ke loog kab ka jaa chukey hain

safar jada'a be jada'a kar liya kya

uthaya ik qadam too ne na ab tak

bohot apney ko maanda kar liya kya

BOHOT NAZDEEK AATI JAA RAHI HO

BICHERNAY KA IRADA KAR LIYA KYA

har baar meray saamne aati rahi ho tum

har baar tum se mil ke bichaRhta raha huuN main
tum kaun ho ye Khud bhi nahin jaanti ho tum
main kaun huuN ye Khud bhi nahin jaantaa huuN main
tum mujh ko jaan kar hi parHi ho aazaab mein
aur is tarah Khud apni saza ban gaya huuN main

tum jis zameeN par ho main us ka Khuda nahin

bas sar basar azeeyat-o-aazaar hi raho
bezaar ho gayi ho bahut zindagi se tum
jab bas mein kuch nahin hai to bezaar hi raho
tum ko yahaaN ke saayaa-e-partau se kya Gharz
tum apne haq mein biich ki deevaar hi raho

main ibtada-e-ishq mein bemahar hi rahaa

tum intahaa-e-ishq ka miyaar hi raho
tum Khuun thuukati ho ye sun kar Khushii huyi
iss rang iss adaa mein bhi pur-kaar hi raho

main ne ye kab kaha tha k muhabbat mein hai najaat

main ne ye kab kaha tha k vafadaar hi raho
apni mataa-e-naaz luTaa kar mere liye
baazaar-e-iltafaat mein naadaar hi raho

jab main tumhein nishaat-e-muhabbat na de sakaa

Gham mein kabhi sukuun-e-rafaaqat na de sakaa
jab mere saare charaaG-e-tamanna hava k hain
jab mere saare Khvaab kisi bevafaa k hain
phir mujhe chaahne ka tumhein koi haq nahin
tanhaa karahane ka tumhein koi haq nahin
jon Aliya

From 'shayad' :

taNg aaghosh meiN aabaad karuuNgaa tujh ko,

huuN bahut shaad k na_shaad karuuNgaa tujh ko!

fikr-e-eijaad meiN gum huuN, mujhe ghaafil na samajh,

apne aNdaaz par eijaad karuuNgaa tujh ko!

nashsha hai raah kii duurii kaa k hamraah hai tuu,

jaane kis shehar meiN aabaad karuuNgaa tujh ko!
merii baahoN meiN behakne kii sazaa bhii sun le,
ab bahut der meiN azaad karuuNgaa tujh ko!

maiN k rehtaa huuN basad naaz gurezaaN tujh se,

tuu na hogaa, to bahut yaad karuuNgaa tujh ko!

Jaun Eliya

From 'shayad' :

gaahe gaahe, bas ab yahii ho kya?

tum se mil kar bahut Khushii ho kya!

mil rahii ho ba.De tapaak ke saath,

mujh ko yaksar bhulaa chukii ho kya?!

yaad haiN ab bhii apne Khwaab tumheiN?

mujh se mil kar udaas bhii ho kya?

bas mujhe yuuN hii ik Khayaal aayaa,

sochtii ho to sochtii ho kya?

ab merii koii ziNdagii hii nahiiN,

ab bhii tum merii ziNdagii ho kya?

kya kahaa, ishq javedaanii hai!

aaKhirii baar mil rahii ho kya?!

haaN, fazaa yaaN kii soii soii sii hai,

to bahut tez raushnii ho kya?

mere sab tanz be_asar hii rahe,

tum bahut duur jaa chukii ho kya?

dil meiN ab soz-e-iNtezaar nahiiN,

sham'-e-ummiid! bujh gayii ho kya?

is samundar pe tashnaa_kaam huuN maiN,

baan! tum ab bhii beh rahii ho kya?!

Jaun Eliya

Note: 'baan' Amrohe kii ek nadi ka naam hai.

1-
gale mil kar woh mujh se ro rahi hai
mire seene meiN kaaNTe bo rahi hai

2-
bala se ab woh be gaana hai phir bhi
kabhi ham meiN mohabbat to rahi hai

3-
utarti jaa rahi hai mere dil se
mujhe woh rafta rafta kho rahi hai

4-
isay phir kis liye bhaRka rahe ho?
zara si aag baaqi jo rahi hai

5-
khuda ke waaste aahista bolo
yahaaN taqdeer meri so rahi hai

6-
bohat naadim hooN maiN is zindagi se
abhi tak bojh mera Dho rahi hai

7-
Shoaib aao kaheeN baahar chaleN ham
bohat bojhal tabiat ho rahi hai

Shoaib Tanveer

1-
dil ke behlaane ko koi to sahaara hota
koit titli, koi jugnu, koi taara hota

2-
gardish-e-waqt bhi tham jaati waheeN par, yaaro!
us ne muR kar jo kaheeN mujh ko pukaara hota

3-
mujh ko dozakh bhi gawaara thi hamesha ke liye
us ne ik pal jo mire saath guzaara hota

4-
zindagi ham ne guzaari yuNhi tanha yaaro!
"dil ko hasrat hi rahi koi hamaara hota"

5-
kya zaroori hai k ulfat meiN khasaara na paRe
ham tire ho na sake tu to hamaara hota

6-
ooNche mehloN ke usay khaab sataate the Shoaib
meri KuTiya meiN kahaaN us ka guzaara hota

Shoaib
mire dil meiN mojzan hai, gham-e-zindagi ka dhaara
maiN tire liye naheeN hooN, mujhe bhool ja khudaara!
jinheN aarzoo hai is ki, unheiN aagahi ata kar
yeh azaab tu ne aakhir, mere dil pe kiyuN utaara?

mira haal dekh kar bhi, woh mukar gaya hai warna
"woh nazar bhi kya nazar hai, jo samajh na le ishaara"

mujhe aur bhi to dukh haiN, mujhe aur bhi to gham haiN
tire bas meiN hi kahaaN hai, mere dard-e-dil ka chaara

mujhe kuchchh gila naheeN hai, teri kaj~adaaioN se

mujhe zindagi ne looTa, mujhe zindagi ne maara

woh mila Shoaib aakhir, mujhe dil ki dhaRkanoN meiN

jise har gali meiN DhooNDa, jise har jaga pukaara

Shoaib

Akhtar Shairana ki aik khubsurat nazm hai

O’ des se aaney waley bata

O’des se aaney waley bata kis haal main haiN yaran-e-watan
Aawara-e-ghurbat ko bhee suna kis rang main hai Kinaan-e-watan
Who baagh-e-watan firdous watan who sarw-e-watan reehaan-e-watan
O’ des se aaney waley bata
Kiya ab bhee wahaN k baaghoN main mastana hawaiaN aati haiN
Kiya ab bhee wahaN k parbat par ghanghor ghataiN chaati haiN
Kiya ab bhee wahaN ki barkhaiN waisay hi diloN ko bhaati haiN
O’ des se aaney waley bata
Kiya ab bhee watan main waisay hi sarmast nazarey hotey haiN
Kiya ab bhee suhaani raatoN ko who chaand sitaarey hotey haiN
Ham khel jo khaila karte they kiya ab bhee who sarey hotey haiN
O’ des se aaney waley bata
Kiya shaam ko ab bhee jaatey hain ehbaab kinar-e-darya par
Who pair ghanairey ab bhee haiN shadaab kinar-e-darya par
Aur piyar se aa kar jhankta hai mahtaab kiar-e-darya par
O’ des se aaney waley bata
Kiya ab bhee kissi ke seenay main baaqi hai hamari chaah bata
Kiya yaad hamieN bhee karta hai ab yaaroN main koi aah bata
O’ des se aaney waley bata lilah bata lilah bata
O’ des se aaney waley bata

Akhtar Shairaani

sTanvir
tan ki uryaani se behtar hi nahee koee libaas
yeah woh jamaa hai k jiss ka nahe seedha ulta
_________________
do manfiyaaN milaa ke banaati haiN mucbateN
tum bhi khudaa ke vaaste keh do nahin nahin

maine ye sher kuch yuN sun rakha hai...

do manfiyoN ke zarb se macbat muraad hai

tum bhi Khuda ke waaste keh do nahi nahi!!!

(and this one of my fav. sher)

naakhun baRhe hue haiN mire mujh se kar hazar

ya jaa ke dekh nail cutter kis ke paas hai
Jaun Eliya

Kapde talak hi theek thaa yeh sufaid raNg

Kambakht ab to Khun ke andar bhi aagayaa

**************************** Printed On 13th August 2005

***************************************

sTanvir

Akhtar ul Iman sahab ka ek kalam yaad agaya aaj hamay jo k buhaat pehlay parha
tha ...apki is post ki badalat yaad aya tou lijiye ishi ki nazar

phir vahii maa.Nge hue lamhe, phir vahii jaam-e-sharaab

phir vahii taariik raato.n me.n Khayaal-e-maah_taab
phir vahii taaro.n kii peshaanii pe rang-e-laazavaal
phir vahii bhuulii hu_ii baato.n kaa dhundhalaa saa Khayaal
phir vo aa.Nkhe.n bhiigii bhiigii daaman-e-shab me.n udaas
phir vo ummiido.n ke madafan zindagii ke aas-paas
phir vahii fardaa kii baate.n phir vahii miiThe saraab
phir vahii bedaar aa.Nkhe.n phir vahii bedaar Khvaab
phir vahii vaaraftagii tanhaa_ii afasaano.n kaa khel
phir vahii ruKhsaar vo aaGosh vo zulf-e-siyaah
phir vahii shahar-e-tamannaa phir vahii taariik raah
zindagii kii bebasii uff vaqt ke taariik jaal
dard bhii chhinane lagaa ummiid bhii chhinane lagii
mujh se merii aarazuu-e-diid bhii chhinane lagii
phir vahii taariik maazii phir vahii bekaif haal
phir vahii besoz lamhe.n phir vahii jaam-e-sharaab
phir vahii taariik raato.n me.n Khayaal-e-maah_taab
_________________

Post subject: aasmaaN ka koi kona

------------------------------------------------------------------------------
--

raaH pe rehte haiN yadooN pe basar karte haiN

Khosh raho ahl.e.watan ham to safar karte haiN

jal gaye dhoop mein to saaya ho gaye

aasmaaN ka koi koona ouRha so gaye
jo guzar jaati hai bus uspe guzar karte haiN
uRte pairooN ke tale jab behti hai zameeN
muR ke hamne koi manzil daikhi hi naheen
raat din raah pe ham shaam.o.sehar karte haiN

aise ujRe aaShiyaane, tinke uR gaye

bastiyoon tak aate aate raste muR gaye
ham Tehar jaayeiN jahaan usko SHehar karte haiN
Gulzar

Kar diya izhare-ishq hamne telephone par,

laakh rupaye ki bat thi,
do rupaye main ho gayee (wah wah)

Taj Mahal kya cheez hai

main to usse bhi bara mahal banaoonga,
aree Mumtaz to marke dafan hui thi,
main to tujhe zinda hi dafna doonga.

tum duur sahi majboor sahi

par yaad tumhari aati hai
tum saaNs wahaan pe lete ho
,badbooo yahaan tak aati hai

Log ishq karte hain,

Bare shor ke saath.
Humne bhi kiya,
Bare zor ke saath.
Magar ab karenge,
Thora gaur ke saath.
Kyonki kal usko dekha,
Kisi aur ke saath.

sTanvir
Kabhi kabhi aisa hota hay k hum sab khuch ker k bhi khuch nahi kertay...sab
rastay...sab rahain...youn he hamray leye inteezar main khari hoti
hain...magar phir bhi hum ruknay per majboor ho jatay hain....pata nahi....yea
koan hay jo baar baar aker kano main sargoshi kerta hay...kehta hay....chalo
na...kab tak akhir kab tak yahan he khari raho gee...daikho na tumharay
peechay k saray rastay tumharay leye bandh ho gaye hain...abh jub k agaye
bharnay main he afeeyat hay tu chalo na....phir kion nahi agay
nikalteen...?...Magar....itna asaan nahi....Allah nay jo soach rakha
hay...pehlay USS key marzi tu pata chalay...?lolz....warna phir loot ker
yaheen anna par jaye ga....

Hijr key shab main qaid karay yea subha -e- wisal main rakhay
Acha MOLA ! tery marzi tu jiss haal main rakhay

Khail yea kaisa khail rahee hay dil say tery muhabbat
Ek pal key sar shary day orr dinno malaal main rakhay
Main nay sari khushboo anchal say bandh k rakhain
Shaid inn ka zikar tu apnai kissi sawaal main rakhay

Kiss say tere anay key sargoshi ko suntay he

Main nay kitnay phool chunay or apni shawl main rakhay

Mushkil ban ker toot pary hay dil per yea tanhayee
Abh janay yea kub tak iss ko apnay jaal main rakhay

Arz Kiya Hai:

1.

>dil do kisi ek ko,

>
>woh bhi kisi nek ko...
>
>par jab tak sachaa dilbar naa mile,
>
>"propose karte raho har ek ko".........

2.
>
>Unki gali ke chakkar lagate-2 kutte bhi hamare yaar ho gaye..
>
>vo to hamare ho na sake, hum kutto ke sardaar ho gaye !

3.

>pani aanay ki baat kartay ho

>
>dil jalanay ki baat kartay ho...
>
>char din se mu nahi dhoya
>
>tum nahanay ki baat kartay ho... ..............

4.
>Na woh inkaar karti hai,
>
>Na woh ikraar karti hai,
>
>Kambakht mere hi sapno mein aakar,
>
>Mere dost se pyaar karti hai.

5.

>Shadi karni thi ,kismat khuli nahi,

>
>Tajmahal banwana tha, mumtaz mili nahin.
>
>Ek din Mumtaz Mili,shadi hui,Ab Tajmahal banwana hai par Mumtaz marti
>
>nahin
urdustan
~~ ** ~~ * chaTkhare * ~~ ** ~~

dekha jo zulf e yaar meN kaGaz ka aik phool

meN coat meN ghulaab lagaa kar chalaa gayaa

powder lagaa kar voh aaye merey ghar

meN iinke ghar Khizaab lagaa kar chalaa gayaa
************

heero'ien bechne waale se kahaa lailaa ne

ye jo powder hai' sungha do merey parwane ko

yuN hi marjaaye kisee roz nashe ke hathoN

" koie patthar se na marey merey deevane ko "
*************

Aah bharti huwee aayee jo siliming centre

""Aah ko chahieye aik umr asar hone tak "

dieting khel nahiN chund dinoN ka begum

aik sadee chahieye kamre ko kamar hone tak
**************

voh le ke aagaaye thay ghalt rung ka Khizaab

daRhi ke iin ko dekhye ab lala zaar hai

bachche chacha ko dekh ke kehte heN bar bar

"peeri ke valvale heN KhizaaN ki bahar hai."

jk.

eBazm
ya rab teri duniya main adakaar bahoot hain
dildaar yahan kum hain dilazaar bahoot hain

woh sir pe latakti hui talwaar bhi dekhain

insaan ka lahoo pee ke jo sarshaar bahoot hain

ab koi talabgaar nahi laala o gul ka

is dour main lashoon ke khareedaar bahoot hain

woh qoum tabahi ke dahane pe khadi hai

jis qoum ki taqdeer main sardaar bahoot hain

ab aap ke wadoon ka yaqeen aye to kaise

sachaai ke pardey main riyakaar bahoot hain

haq baat ka izhaar yahan jurm hai logo

is shaher main batil ke parastaar bahoot hain
ahsaas e khudi jin main nahi un se yeh keh do
bikne ke liye kooch o bazaar bahoot hain

ab kiun lab o ariz hi ko unwaan banain

tazaeen e ghazal ke liye afkaar bahoot hain

kuch joosh e amal bhi mere ahbaab dikhain

akhbaar ki surkhi main to ghamqaar bahoot hain

taqdees e mohabbat mera imaan hai lekin

is shaher e mohabbet main gunhagaar bahoot hain

ley baithey RAIS aap bhi shayed gham e duniya

kiya baat hai kiun tanz ke ashaar bahoot hain

poet RAIS AKHTER[hyderabad,india]

Paigham-e-Urdu { Registered On 26th Sep 2005, Monday, Username KashifAsrar

password kashif }
bhalee dino ke baat hai

bhalee dino ke baat hai

bhali se aik shakal thee
naa yeh ke husun aam hoo
naa dheknee mein aam se

naa yeh ke woh chalee

tu kahkashan se rahghuzar lagay
magar woh saath hoo
tu phir bhalaa bhalaa safar lagay

koi bhi rut ho aus ki chchab

fiza ka rang-u-roop thee
woh garmiyu'n ke chchaawu'n thee
woh sardiyu'n ke dhoop thee

naa mudatu'n juda rahay

naa saath subh-u-shaam hoo

naa ristaye-e- wafa pay zid

naa yeh ke az'n-e-aam hoo

naa aesse khush libasiyan

ke saadgee gilaa karee
naa itni betakalufi
ke aaina hayaa karee

naa ikhtilaat mein woh rum

ke badmaza hoo'n khowahishe'n
naa ais kadar supurdigi
ke ziche karee nawazishe'n

naa aashiqii junoon ke

ke zindage azaab hoo
naa ais qadar khathorpan
ke dooste kharaab hoo

kabhi tu baat bhi khafi

kabhi sukoot bhi sukhan
kabhi tu kish't-e-zafiran
kabhi audasiyu ka ban

suna hai aik aumr hai

muamilaat-e-dil ke bhi
wisaale jaa'nfiza tu kiya
firaaq-e-jaan gusal ke bhi

naa aus ko mujh pay maan tha

naa mujh ko aus pay zae'm he
jo ahad he koi naa hoo
tu kiya ghame-e-shikastage....!

soo apna apna raasta

hansi khushi badal liya
woh apne rah chal paree
mein apne rah chal diya

bhale se aik aik shakal thee

bhale se aus ke dooste
abb aus ke yaad raat din
nahi' magar kabhi kabhi ................!

hath diya uss ne mere hath main

mein tu wali ban gaya ik rat main

ishq karo gai tu kumao gai naam

tuhmatain bat'ti nahi khairat main

ishq boori shaai sahi per dostoo

dakhal na doo tum meri har bat main

mujh per tawajjah hai sab afaat ki

koye kashish tu hai meri zat main

rah'numa tha mera ik saamri

khoo gaya main shehar-e-tilsimat main

sham ki gul-rang hawa kiya chali

dard mehaknay laga jazbat main

hath main kaghaz ki liye chatriyaan

ghar se na nikla karo barsat main

sTanvir
Dard hotay hain kayee dil main chupanay k leye
Sab k sab ansoo nahi hotay bahanay k leye
Umar tanha kaat dey wada nibhanay k leye
Ahad bandha tha kissi nay azmanay k leye

Yea qafus hay ghar key zaibayish barhanay k leye

Yea parinday tu nahi hain ashyanay k leye

Khuch deye deewar per rakhnay hain waqt-e-inteezar

Khuch deye laya hon palkon per jalanay k leye

Tu pus -e- khundan labi ahon key awazain tu sun

Yea hansi tu ayee hay ansoo chupanay k leye

Koi ghum ho koi dukh ho dard koi ho Adeem

Muskurana par he jata hay zamanay k leye

Ek khilona toot jaye jaye ga' naya mill jaye ga

Main nahi tu koi tujh ko doosra mill jaye ga

Bhagta hon her taraf aisay howa k sath sath

Jiss tarha sach much mujhay iss ka pata mill jaye ga

Kiss tarha rooko gay ashkon ko pas -e-deewar -e- chachum

Yea tu pani hay' Issay tu rasta mill jaye ga

Aik din tu apnai jhootay khool ko tooray ga woh

Eik din tu iss ka darwaza khula mill jaye ga

Choor khali ghar ko' A bahar chalain ghar say Adeem

Khuch nahi tu koi chahra chand sa mill jaye ga

Taiz hoti ja rahee hain dharkanay aisay Adeem

Jaisay aglay moor pay woh baywafa mill jaye ga

sTanvir
Teri zad se nikalna chahta hai
ye dariya rukh badalna chahta hai

wo sapNa jiski soorat he nahiN

Meri aankhoN main palna chahta hai

diloN ki mandgi ye kia tajjub

ki sooraj bhi to dhalna chahta hai

nashist e dard badli hai to ab dil

zara pehlu badalna chahta hai

hawa hai band aur shola wafaa ka

bohut he taiz jalna chahta hai

ye dil is gard baad zindagii maiN

bas aik lamha sambhalna chahta hai

mujhay bhi samna hai karbala ka

mera sir bhi uchalna chahta hai
nahiN hain tarjumaan e ghum se aaNsoo
ye paani ab ubalna chahta hai

guzashta sohbatoN ka aik lashtar

Mere hamraah chalna chahta hai

in ankhoN ki adaa kehti hai AMJAD

koi pathar pighalna chahta hai

Marne ka tere ghuM main irrada bhi nahin hai

hai ishq magar itna ziada bhi nahiN hai

hai yuN k ibadat ki zabaN aur hai koi

kaghaz meri taQdeer ka saada bhi nahin hai

kion daikhte rehte hain sitaroN ki taraf hum

jab unse mulaqaat ka waada bhi nahiN hai

kioN raah kay manzar main ulajh jaati haiN aankhaiN

jab dil main koi aur irrada bhi nahiN hai

kion uski taraf daikh k paauN nahin uth te

wo shaqs haseeN itna ziada bhi nahiN hai

kis moR pe lay aya humaiN hijr e musalsal

taa had-e-nigaah wasl ka waada bhi nahiN hai

pathar ki tarhaN sard hai kion aankh kisi ki

amjad jo bichaRnay ka irrada bhi nahiN hai

sTanvir

Saghir Siddiqi ki aik la zawaal ghazal, bharpoor maa'nwiyat aur salees lehjay
main kahay gaye ilfaaz,

Woh Bulain tu Kya Tumasha ho

Hum na jain tu Kya Tumasha ho

Ye Kinaroon se khelnay walay

Doob Jain tu Kya Tumasha ho

Banda-e-Parwar ! jo hum pe guzri hai

Hum batain tu Kya Tumasha ho

Aj hum bhi teri Wafaoon par

Muskurain tu Kya Tumasha ho

TERI SOORAT ITTEFAQ SE HUM

BHOOL JAIN TU KYA TUMASHA HO

waqt Ki Chand Sa'atain Saghir

Lout Aaain tu Kya Tumasha ho
sTanvir

mashwarah!

ai mire dost! ek baat kahuuN?!

aisii a'urat se pyaar mat karna,
jis ke dil meiN bhi koii hasrat ho!
jo taqaaze kare, shikaayat bhii!!

itnii masruuf ziNdagi meN bhala,

aisii baatoN ka tum ko vaqt kahaaN?!

merii maano to tum KhayaaloN meiN,

koii farzii banaa lo mehbuubah!
jis ko tum Chhuu sako tassavur meiN,
jis se fursat meiN kar sako baateN!

us se mil lenaa apne KhwaaboN meiN,

qaid rakhna use kitaaboN meiN
Jaun ya Faiz ya Faraz ke saath!!!

ai mire dost! merii baat suno!!

zindah a'urat se pyaar mat karna!!

______________Zoya

Poetrywala
Balti bher k tera aks dikhata hon
balti hila hila k tera raks dikhata hon

sTanvir

hei ikhtiyaar mein tere tou maujza kar dey

woh shakh mera nahi ussae mera kar dey

akelee shaam bauhat hee udaas kartee hei

kisi ko bhej koi mera humnava kar dey

mein uske zor ko dekhon woh mera sabr o sakoon

mujhe charagh bana dey ussae havaa kar dey.

Nitasite

sar pe saayaa saa dast-e-duaa yaad hai

apane aa.Ngan me.n ik pe.D thaa yaad hai

[dast=hand; duaa=prayer]

jis me.n apanii pari.ndo.n se tashbiih thii

tum ko skuul kii vo duaa yaad hai

[pari.ndaa=bird; tashbiih=comparison; skuul=school]

aisaa lagataa hai har imtahaa.N ke liye

zindagii ko hamaaraa pataa yaad hai

[imtahaa.N=test; pataa=address]

maikade me.n azaa.N sun ke royaa bahut

is sharaabii ko dil se Khudaa yaad hai

[azaa.N=call for prayer]

mai.n puraanii havelii ka pardaa mujhe

kuchh kahaa yaad hai kuchh sunaa yaad hai
Basheer Badr

Urdustan
Anjaam agar yehi hai to phir ibtida na ho,
Koi tumhari tarah kisi se juda na ho.

Manzil agar naseeb nahi hai to ai Khuda,

Main jis taraf badhau.n kadam, raasta na ho.

Khud par nigaah daale zamaane guzar gaye,

Darta hoon aaiine me koi doosara na ho.

Dono gunaah-e-ishq ke mujrim sahi magar,

Allah! uske vaaste aisi sazaa na ho.

Maayusiya.n kuchh aisi siwaa ho gayi.n ki bas,

Yu.n lag raha hai jaise kahee.n par Khuda na ho.

Kamal Hatvii

Urdustan
ABHI KUCH PUL HAMAREY HAATH MAIN HAIN

Abhi kuch pul hamarey haath main hain

koan jaaney
konsa lamha hamarey haath say phisley, girey
or paoon ki zanjeer hojayey
abhi yeh din jo lagta hay k hum ik doosrey k saath
reh saktey hain pal do pal
najaaney kub kahan deewaar bun jayain
abhi do chaar saansain buch rahi hain
yeh to jhaunka hain
kisey maloom kis aahistagi say yoon guzar jayay
k hum daryaoun k do mukhtalif na'aashna goongey kinaaroun par
kharey
ik doosrey ki shakal takney ko taras jayain
meri awaaz teri yaad main zinda hou bus
or main teri tasweer aankhoun main liyey rona chupaoon
shehar waaloun say
abhi kuch pul hamarey haath main hain
hum jo chahain gain to kuch kum kum bhi mil lain gain
magar jaaney kahan.... ?
kub... ?
konsa lamha....?

FARHAT ABBAS SHAH

************************************************* Printed on 1st March 2006

Wednesday ******