Moyugba de Santo
Omi tutu, Ona tutu, Ile tutu, Ashe tutu, tutu Omo, tutu Owo, tutu Egun,
tutu Laroye, tutu Ariku Babawa.
Moyugba Olofin, moyugba Olorun, moyugba Olodumare;
Moyugba Aseda, moyugba Akoda, moyugba Olorun Alagbo sunife,
moyugba olorun alagbo sudaye, moyugba Olorun alaye, Olorun eyemi,
moyugba atiwaiu, atiwa Orun aya lode; moyugba irawo chukua,
moyugba Ogue, iru mole ikouotun, iba mole ikousi Olorum timberoke;
keru aye endofin, moguba bogbo wan olodo, Iyalocha, Babalocha,
Olwo, bogbo oba, keda tokun tokun, lakua lakua, timbelaye timblese
Olodumare.
Omifun egun, omifun egun Ile, Omi fun egun Ara, Omi fun egun fila ami,
omi fun egun merilaye, omi fun egun obara, omi fun egun oche, omi
fun egun chebo, omi fun egun ore, omi fun egun Olofin Olodumare.
Ibae baentonu, timbelaye, timbelese Olodumare ke ibae.
Ayai Latuan, ibae, Otolosa, ibae, Abancoche Awapitico, ibae, Tiyoco,
ibae, Ayai Latuan, ibae, Alamito, ibae, Abero, ibae;
Ibae baentonu, Abba Tola, ibae, Tibursia Sotolongo, ibae, Oshun Miwa,
ibae, Chencha Oshun were, Joseito Arimao Osun, ibae.
Ibae baentonu, los familiares de mi Oyugbona kan que están iku;
Ibae baentonu, los santeros que están iku;
Ibae baentonu, Ida sobrino, ibae, Anselmo Orione, ibae, Oscar Antonio
Salceda, ibae, Osvaldo Orione, ibae, Nicolas Grillo, ibae, Yolanda
Salceda, ibae, Olegario Salceda, ibae, Aurelia Aguerre, ibae, Omar
Salceda, ibae, Juana Bonelli, ibae.
Ibae baentonu Ara onu bogbo egun Omo Elegwa, Omo Ogun, Omo
Ochosi, Olo Obatala, Olo Oya, Olo Oshun, Ala Agayu, Oni Yemaya, Oni
Chango, Omo Orunmila,
Ibae baentonu que esta tokun tokun lakua lakua, timbelaye timbelese
Olodumare.
Ibae baentonu bogbo egun que kawe Ile.
Moyugba Ashe, moyugba Aseda, moyugba akoda.
Afa Ashe bogbo iworo, afa ashe semi lenu.
Kinkamache mi Iya tobi baba tobi,
Kincamache mi baba de ocha Hernan Osun
Kincamache mi Oyugbona kan, Soledad Obba Aña,
Kincamache Ori eleda mio, Oscar Anselmo Salceda Echudina,
Kincamache IYalocha, babalocha, Iworo Babalawos, Oriates, abure sima
umbo wa Ile.
Elegwa, Eshu alawana nikoko ribilla, bara tento no maniko manikon
dolo, iku yelede, baraki yelu, eshu afra, Bara Laiki, a lago mago, a la
mumbata.
Ewe edun, aya edun, moko edun, edun loyi, edun loya kawemi, yoko,
aye yemi, fumiendole obi omi tutu, para que usted le de un Ofe Oloyu.
Mofi iku unlo, mofi a unlo, mofi araye unlo, tiya tiya unlo, elewofo unlo,
akoba unlo, fitibo unlo, ogu unlo, akalakuambuka unlo, avila yunso
dide.
Fun ire owo, ire oma, ire kirin kirin, ire sunsun, ire otonowa, ire
desariye, ire ashekun oda, ire umbo Ile, ire bobani ilara, ire kadara, ire
dildara, ire Olofin oyu ala diledi, ire bogbo ire, ire ariku babawa, para
que todo sea kebofi, kebo agda, kebo agda baba, kebo agda Yeye, Kebo
agda unsoro.
Ago eri;
Elese eleda;
Eshuni pakuo;
Wenwereya;
Lapa otu;
Lapa osi;
Okan;
Abognu;
Elese kan; Elese Meyi;
Ikan buruku, ikan buruku lode;
Lowo tun, Lowo sin;
Ire omo, ire owo, owo yale, coto yale, ire aiku babawa.
Rezo al Obi
Moyugba Obi, oyu mokueo, obi akunia bokueo, loni obi, fuloni,
maferefun obi, adi diloggun, aina orisha, yano kero mumbuore,
moyugba obi, modupue Elegwa, aquí tiene su obi a la fibiku, si obi ala
fibiaro, a la fibigna araye.
Ile mokueyo akueye, ile mokueyo akueye, Elegwa mokueyo akueye,
akueye owo, akueye oma, akueye ariku babawa, Obi Elegwa, akuagna
