港男大鬧高鐵喪爆粗兇乘客：「我畀時間你打電話去香港吹雞！」傳因音量問題起衝突當事人否認｜Juicy叮
2025-04-23 10:35 
網絡熱傳有港男搭高鐵發惡與乘客衝突，期間態度囂張喪爆粗兇人，更揚言：「我畀時間你打電話去香港吹雞！」「你住邊Ｘ度？」「未Ｘ被人打過！」言行令人側目。
網傳事件起因與音量問題有關，但自稱為白衫港男的當事人聯絡《星島頭條》否認有關指控，但未有進一步透露觸發今次衝突的起因。
「我畀時間你打電話去香港吹雞！」港男大鬧高鐵喪爆粗兇乘客 傳因音量問題起衝突當事人否認↓↓↓↓
有關事發時影片在多個社交平台瘋傳，未知事發時間。
片中開頭，該名發惡燥底港男著白色衫，估計為其女友的女子戴鴨舌帽，一直在旁嘗試勸阻港男行為。
港男當時正爆粗喪罵一名穿深色的男乘客，該男乘客疑因為港男聲浪太大而到來勸阻被罵。
「你要係大陸嘈交，定香港嘈交啊！」
港男大聲指罵該男乘客：「你返翻埋位！Ｘ你老母！你住邊Ｘ度啊？」男乘客態度平靜企圖繼續勸阻：「唔係，唔係，即係咁啊，好似你老婆......」
港男越說越火，打斷他的說話罵道：「你要係大陸嘈交，定香港嘈交啊！」男乘客不斷說：「唔係！唔係！好似你老婆自己出街......」
港男繼續聲撕力竭怒吼：「我叫你收嗲，返翻埋你個位！串就梗Ｘ樣㗎啦！你想大陸嘈交，定香港嘈交！」
男乘客表現無奈：「唔使咁大聲啊？！」
「你依家吹雞啊！我Ｘ你老母！
港男指手指指篤向男乘客，大喝：「我畀時間你打電話去香港吹雞！」男乘客好言相勸企圖平伏港男情緒：「唔使唔使！得得得！無事無事！唔好意思！唔好意思！」
但港男非常火爆：「Ｘ你老母！你嚟嘢啊！你係咪香港嘈交啊！你依家吹雞啊！我Ｘ你老母！定你想上深圳啊！」
港男的女友這時勸男乘客「返翻埋位」，並表示：「等我處理佢啦。」
男乘客聞言即欲行開，但港男仍不斷怒吼：「Ｘ你老母！我唔Ｘ出聲，唔係傻仔嚟啊！你收嗲啦！」
女友向乘客說「你真係搞笑」又撻著港男
男乘客這時走開，港男的女友向該乘客表示：「唉，你真係又搞笑啊。」未料這句話又再撻著港男，港男又再指罵男乘客：「你真係搞笑！係嗰度行Ｘ過嚟同我講嘢！」
港男又再挑釁男乘客：「你係咪真係想嘈交！起鋼啊！咪嚟囉！」
男乘客聞言又再上前表示：「即係同你講，你唔好咁大聲，知唔知啊？」
「你傻㗎？你定係個腦有問題啊？」
這時港男的女友站在兩人中間，不斷居中勸交，她向男乘客說：「佢知㗎啦！」
但港男仍非常憤怒，罵道：「Ｘ你老母傾乜Ｘ嘢啫！Ｘ完你仲行埋嚟傾計，你傻㗎？你定係個腦有問題啊？」男乘客這時靜默低頭走開。
高鐵職員勸交：一人少一句
影片這時跳至另一畫面，一名高鐵女職員到場勸交，不斷勸港男：「唔好嘈住先！一人少一句，先生！」
港男不斷向男乘客爆粗指罵，該高鐵女職員大聲勸阻：「先生！先生！唔好咁樣，一人少一句！」這時男乘客亦走開，並離遠向港男舉手示意：「係！唔好意思啊！唔好意思！」
「未Ｘ畀人打過啊！過嚟香港！」
港男見男乘客走開，又拿出手機欲拍攝該男乘客樣貌：「Ｘ你老母，過嚟影張相先啦！......未Ｘ畀人打過啊！過嚟香港！」
這時港男邊罵邊回座位，這位高鐵女職員繼續好言相勸：「一人少一句，唔好鬧人，唔好鬧人好唔好？」
港男仍有餘怒，向職員說：「佢係嗰車嘢過嚟同我講嘢喎，九唔搭八！......」女職員表示：「先唔好嘈住！你唔好出聲！」其後待港男情緒慢慢平伏，女職員才離開。
網民：影衰香港人！籲報公安行政拘留
影片引發網民議論，不少人批評該港男脾氣爆燥「影衰香港人」：「這些人影衰香港人！粗口爛舌影衰身份！」「有個咁嘅男朋友真係失禮啦，躁狂症發作。」
網民又指該港男大鬧高鐵，擾亂秩序，已涉嫌違法內地法例：「做咩唔報公安呀？行政拘留返幾日先啦。」「咩年代呀？仲講吹雞。係唔係上網睇古惑仔睇上腦。」
網民又大讚男乘客表現克制：「嘩，呢個黑衣阿叔，睇落去真係好好脾氣，可能就係覺得畀啲咁嘅傻仔羅彩，費事同佢嘈。」
同場加映：港人內地過關爆衝突 內地關員充「和事佬」果斷勸阻獲激讚↓↓↓↓
最新回應