.. Hayagriva Upanishad ..
|| hayagrIvopaniShat ||
svaj~no.api yatprasAdena j~nAnaM tatphalamApnuyAt |
so.ayaM hayAsyo bhagavAnhRRidi me bhAtu sarvadA ||
OM bhadraM karNebhiH shruNuyAma devAH |
bhadraM pashyemAkShabhiryajatrAH |
sthiraira~NgaistuShTuvA sastanUbhiH |
vyashema devahitaM yadAyuH ||
svasti na indro vRRiddhashravAH | svasti naH pUShA vishvavedAH |
svasti nastArkShyo ariShTanemiH | svasti no bRRihaspatirdadhAtu ||
OM shAntiH shAntiH shAntiH ||
hariH OM || nArado brahmANamupasametyovAchAdhIhi bhagavan
brahmavidyAM variShThAM yayA chirAtsarvapApaM vyapohya
BACK TO TOP
brahmavidyAM labdhvaishvaryavAnbhavati | brahmovAcha
hayagrIvadaivatyAnmantrAnyo veda sa shrutismRRitItihAsapurANAni veda |
sa sarvaishvaryavAnbhavati | ta ete mantrAH |
vishvottIrNasvarUpAya chinmayAnandarUpiNe |
tubhyaM namo hayagrIva vidyArAjAya svAhA svAhA namaH || 1||
RRigyajuHsAmarUpAya vedAharaNakarmaNe |
praNavodgIthavapuShe mahAshvashirase namaH svAhA svAhA namaH || 2||
udgItha praNavodgItha sarvavAgIshvareshvara |
sarvavedamayAchintya sarvaM bodhaya bodhaya svAhA svAhA namaH || 3||
brahmAtriravisavitRRibhArgavA RRiShayaH | gAyatrItriShTubanuShTup ChandAMsi |
shrImAn hayagrIvaH paramAtmA devateti | lhaumiti bIjam |
so.ahamiti shaktiH | lhUmiti kIlakam | bhogamokShayorviniyogaH |
akArokAramakAraira~NganyAsaH | dhyAnam |
sha~NkhachakramahAmudrApustakADhyaM chaturbhujam |
sampUrNachandrasa~NkAshaM hayagrIvamupAsmahe ||
OM shrImiti dve akShare | lhaumityekAkSharam | OM namo
bhagavata iti saptAkSharANi | hayagrIvAyeti pa~nchAkSharANi |
viShNava iti tryakSharANi | mahyaM medhAM praj~nAmiti
ShaDakSharANi , prayachCha svAheti pa~nchAkSharANi |
hayagrIvasya turIyo bhavati || 4||
OM shrImiti dve akShare | lhaumityekAkSharam | aimaimaimiti
trINyakSharANi | klIM klImiti dve akShare | sauH sauriti dve akShare |
hrImityekAkSharam | OM namo bhagavata iti saptAkSharANi |
mahyaM medhAM praj~nAmiti ShaDakSharANi | prayachCha
svAheti pa~nchAkSharANi | pa~nchamo manurbhavati || 5||
hayagrIvaikAkShareNa brahmavidyAM pravakShyAmi | brahmA
maheshvarAya maheshvaraH sa~NkarShaNAya sa~NkarShaNo nAradAya
nArado vyAsAya vyAso lokebhyaH prAyachChaditi
hakAroMsakAromakAroM trayamekasvarUpaM bhavati | lhau
bIjAkSharaM bhavati | bIjAkShareNa lhauM rUpeNa tajjApakAnAM
sampatsArasvatau bhavataH | tatsvarUpaj~nAnAM vaidehI
muktishcha bhavati | dikpAlAnAM rAj~nAM nAgAnAM
kinnarANAmadhipatirbhavati | hayagrIvaikAkSharajapashIlAj~nayA
sUryAdayaH svataH svasvakarmaNi pravartante | sarveShAM
bIjAnAM hayagrIvaikAkSharabIjamanuttamaM mantrarAjAtmakaM
bhavati | lhauM hayagrIvasvarUpo bhavati | amRRitaM kurukuru svAhA |
tajjApakAnAM vAksiddhiH shrIsiddhiraShTA~Ngayogasiddhishcha
bhavati | agamyAgamanAtpUto bhavati | patitasambhAShaNAtpUto
bhavati | brahmahatyAdipAtakairmukto bhavati | gRRihaM gRRihapatiriva
dehI dehAnte paramAtmAnaM pravishati | praj~nAnamAnandaM brahma
tattvamasi ayamAtmA brahma ahaM brahmAsmIti mahAvAkyaiH
pratipAditamarthaM ta ete mantrAH pratipAdayanti | svaravya~njanabhedena
dvidhA ete | athAnumantrA~njapati |
yadvAgvadantyavichetanAni rAShTrI devAnAM niShasAda mandrA |
chatasra UrjaM duduhe payAMsi kva svidasyAH paramaM jagAma || 1||
gaurIrmimAya salilAni takShatyekapadI dvipadI sA chatuShpadI |
aShTApadI navapadI babhUvuShI sahasrAkSharA parame vyoman || 2||
oShThApidhAnA nakulI dantaiH parivRRitA paviH |
sarvasyai vAcha IshAnA chAru mAmiha vAdayeti cha vAgrasaH || 3||
sasarparIramatiM bAdhamAna bRRihanmimAya jamadagnidatta |
AsUryasya duritA tanAna shravo deveShvamRRitamajuryam || 4||
ya imAM brahmavidyAmekAdashyAM paTheddhayagrIvaprabhAvena
mahApuruSho bhavati | sa jIvanmukto bhavati | OM namo brahmaNe
dhAraNaM me astvanirAkaraNaM dhArayitA bhUyAsaM karNayoH
shrutaM mAchyoDhvaM mamAmuShya omityupaniShat ||
OM bhadraM karNebhiH shruNuyAma devAH | bhadraM pashyemAkShabhiryajatrAH |
sthiraira~NgaistuShTuvA sastanUbhirvyashema devahitaM yadAyuH ||
OM svasti na indro vRRiddhashravAH | svasti naH pUShA vishvavedAH |
svasti nastArkShyo ariShTanemiH | svasti no bRRihaspatirdadhAtu ||
OM shAntiH shAntiH shAntiH || hariH OM tatsat ||
atha hayagrIvopaniShatsamAptA ||
% Text title : Hayagriva Upanishad
% File name : hayagriva_upan.itx
% itxtitle : hayagrIvopaniShat
% engtitle : Hayagriva Upanishad
% Category : upaniShat
% Location : doc_upanishhat
% Sublocation : upanishhat
% Texttype : svara
% Author : Vedic tradition
% Language : Sanskrit
% Subject : philosophy/religion
% Transliterated by : Sunder Hattangadi (sunderh at hotmail.com)
% Proofread by : Sunder Hattangadi (sunderh at hotmail.com)
% Description-comments : 100 / 108; Atharva Veda - Vaishnava upanishad
% Latest update : April, 19, 2000
% Send corrections to :
[email protected]% Site access : http://sanskritdocuments.org
This text is prepared by volunteers and is to be used for personal study and research. The file is not to be copied or
reposted for promotion of any website or individuals or for commercial purpose without permission. Please help to
maintain respect for volunteer spirit.
Home Sitemap Sanskrit Links Blog Contributors Support GuestBook FAQ Search
Last Updated on 03/30/2015 07:43:10
sanskritdocuments.org
