1 Thessalonika 4 16-18 : - Lalpa ngei chu au thawm nen, vantirhkoh chungnungber aw nen, Pathian

tawtawrawt ri nen, van atangin a lo chhuk dawn si a, tin, Krista a thi tawh te chu an tho hmasa ang a,
Chumi hnuah chuan keini nunga lo la awm renga te hi boruakah Lalpa hmuak turin anmahni rualin chum
zingah te khian lak chhohvin kana wm ang, Chutichuan kumkhuain Lalpa hnenah kan awm tawh ang.

Chuvangin heng thu hian inthlamuan tawn rawh u.

Mihring inchanna ah te, chhungkaw member in channa ah tre hian eng ang pawhin intuarpui tum mah
ila, theih tawpin intanpui mah ila, inhnemna tak tak leh inthlamuanna tak tak hi a awmlo a ni tih kan
hria.

Mahse kristian te kan danglam em em na chu Bible in rintur mumal tak, beisei tur nghet tak min
pe a, Chumi avang chuan thihna kan tawh pawhin danglam takinn kan hmachhawn thin a ni. Sakhaw
dang be tut e tan chuan thihna chu engkim tawpna a ni mai a, beiseina la nei te tan pawh HE khawvela
theihtawp chhuah a beih a thawh that a ngai thin. An beiseina chu a nungn lo tih an hriat avangin an
beidawn hnu ah Sakhaw sawichhiat ah te, Thlarau khawvel awm rinnohna ah te, thenkhat chu Pathian
awm rinloh na ah te an tuan a, thenkhat ve thung chuan Sakhaw zawng zawng hi Pathian hnen thlen
tumna vek ani tih an te an tuan thin a ni.

Keini kristian te erawh chu kan lo thi anih pawhin ‘Thawhlehna’ beiseina feltak neiin kan thi a,
Thilthlawnpek Isua Krista kan rinna avangin Chatuan Nunna nei tura tiam kan ni.

Nung tawhlo tura thihna hi a rapthlak em em a, keimah ngei pawh hian ka ngaihtuah thin a.
Entirnan Khawvelah reilo te kan lo piang ve a, Hun zawngin ngaihtuah tai la, Khawvel in dintirh Hun
intantirh atanga Chatuan han pawt tai la. Chumi lazai ther pakhat te ang vel pawh chu kan tiat dawnlo a
ni. Tawp vek tur atan chuan a rapthlak em em a ni.

Amaherawhchu keini Isua Krista ringtute chu Rinna avangin Nung tura thihna beiseina nung kan
nei a ni.

1Petera 1 3-5 Kan Lalpa Isua Krista Pathian leh Pa chu fakin awm rawh se. Ani chuan a
khawngaihna nasa tak ang zelin, mitthi zing ata Isua Krista thawhlehna avangin beiseina nung hmu turin
min hring leh a, Rochan chhe theilo, bawlhhlawh kailo, chuai theilo, vana in tana khek chu hmuhna turin,

Chhandamna, hun hnuhnunga lang tura peihsa chu hmu turin, rinna avangin Pathian thiltihtheihna a ven
chu in ni.

Isua ringtu Thawhlehna hi thutiam engemaw mai mai, inhnemana satliah angah kan ngai maithei
a. Nichina kan chhiar ang khan kan tho le hang tih hi beiseina nung a ni a, Rinhlelh rualloh thutiam anih
nachhan chu, chu kan rinna chu Pathian engkim dintu leh siamtu thiltihtheihna a ven a ni.

Chu beiseina avang chuan ringtu te chuan thihna karah pawh Pathian an faka, ruang chungah
pawh Nunna Tha Zawk an hmuh avangin Pathian hnenah lawmthu an sawi thei thin a ni.
 Khawvelah hian Mihring ten ngaih pawimawh tur hran ghrang kan nei a, Rawngbawlna te,
Eizawnna te, Sum leh pai in leh lo, mihring inlaichinna thil pawimawh tak tak kan buaipui tur a awm a ni.
Mahse heng zing ah hian engnge pawimawh be rang? Duhthlan ngaih chang a awm fova, enge kan dah
hmasak be rang ti a thlan ngaih chang kan tawng fo thin a ni.

SYMA Tlangau Whatsapp Group ah thu post ka chhiar fuh a, Power Secy H Lalengmawia IAS
thusawi thenkhat tih kha kan lo chhiar ve maithei a, a ni chuan Priority tiang hian a set a.

Kan ngaih pawimawh tur thil 3 a in dawtin, Pathian kan dah hmasa ber tur a ni, a dawtah
chhungkua, a hnuhnung berah mahni eizawnna hna.

Hei hi kan pawmpui maithei a, pawmpui lo kana wm maithei bawk. Keiman ka hriat dan han
sawi ka duh a, Enge kan damchhan ni ang? Enge 1 st a dah turah hian ka buai ve thin a ni. Mak tak mai in
ti mai ila, Johana 3:16 atang hina Pathian in ka tan a hmasa ber tur min hrilh a. Mhring te chuan kan tana
thil pawimawh ber hi kan hre lo. Mahse Pathian in a hria a, nei turin min duhsak pui em em, chu chu
Chatuan Nunna a ni. He chatuan nunna hi nei ngei ngei turin min duh sake m ema, A fapa Isua hial pawh
min pe a ni.

Pathian in khawvel a hmangaih em em a, chutichuan a fapa mal neih chhun min pe a, amh chu
tupawh a ring apiang an boral loh a, chatuan nunna an neih zawk nan. Hei hi kan ngaihpawimah
hmasak ber tur, kan nun a kan chinfel hmasak ber tur a ni. Hemi nei si lo a, thil dang kan buaipui hmasak
hian kan nun a buai thin a, kan dah pawimawh ber erawh chuan a dang lo dawttu ho chhungkua te, ei
zawnna, in leh lo, engkim hi a lo fel mai zawk a ni.

Zanin a kan ral Umabiaki pawh hian Thil pawimawh ber alo neih fel diam avangin Hlim takin
Pathian kan fal thei a, a chhung te pawn ngaiin ui em em mahserilru thlamuang takin A nung a ni tih hria
in an thlahliam thei a ni.

Mihring tak pawn kei ngei pawh hian ka ui em em a,

Thian te, chhungte a hmangaih ber tu an ni.Mahse heng ai a hmangaihna la nasa zawk a awm a,
khawvel a hmangaihna awm zawng zawng aia la na zawk Pathian in a hmangaih a, kan hmangaih aiin a
hmangaih hmasa tawh a, Kraws ah thihna alo tuar sak tawh a ni.

Thlarau ah chuan Kan hmangiah aia hamgaihna nasa zawk tu hnenah a thleng tawh zak a ni.