• 30 kawih Sunda

1. Peuyeum Bandung

Dimana-mana, di kampung di kota

Tos kakoncara, ku nimat rasana

Sampeu asalna, tur direka-reka

Naon namina, ku matak kabita.

Peuyeum Bandung ka mashur

Pangaosna teu luhur

Ku sadaya kagaleuh

Sepuh jeung murang kalih.

Mangga cobian, bilih panasaran

Peuyeum ti Bandung, henteu sambarangan.

2. Mojang Priangan

Angkat ngagandeuang, bangun taya karingrang

Nganggo sinjang dilamban, Mojang Priangan

Umat imut lucu, sura seuri nyari

Larak lirik keupat, Mojang Priangan

Diraksukan kabaya, nambihan cahayana

Dangdosan sederhana, Mojang Priangan

Diraksukan kabaya, nambihan cahayana

Dangdosan sederhana, Mojang Priangan

Mojang anu donto, matak sono nu nempo

Mun tepang sono ka Mojang Priangan.

3. Manuk Dadali

Mesat ngapung luhur jauh di awang-awang

Mébekeun jangjangna bangun taya karingrang

Sukuna ranggoas reujeung pamatukna ngeluk

Ngapak méga bari hiberna tarik nyuruwuk.

Saha anu bisa nyusul kana tandangna

Gandang jeung perténtang taya bandinganana

Dipikagimir dipikasérab ku sasama

Taya karémpan kasieun lébér wawanénna.

Manuk dadali manuk panggagahna

Perlambang sakti indonesia jaya

Manu dadali pangkakoncarana

Resep ngahiji rukun sakabehna.

Hirup sauyunan tara pahiri-hiri

Silih pikanyaah teu inggis béla pati

Manuk dadali ngandung siloka sinatria

Keur sakumna bangsa jeung rahayat Indonésia.

4. Bubuy Bulan

Bubuy bulan, bubuy bulan sangray bentang

Panon poe , panon poe di sasate

Unggal bulan, unggal bulan abdi teang

Unggal poe,, unggal poe oge hade

Situ ciburuy laukna hese di pancing

Nyeredet hate ningali ngeplak caina

Duh eta saha nu ngalangkung unggal enjing

Nyeredet hate ningali sorot socana

5. Dina Jandéla

Tina jandéla urang silih gupayan

lemu paneuteup deudeuh jeung geugeut neuteup eunteub

tara nu nyora simpé henteu nyarita

ngukir ciptaan tresna jeung asih marengan

Lir nu keur ngimpi, lir nu keur ngimpi

gambar lamunan naon geuning nu katepi.

lir nu disirep, lir nu disirep

geter katineung reureuh geuning, rep rerep.

Tina jandéla urang silih kiceupan

imut kareueut raga katresnaan padeukeut

langit keur lenglang jauh tina kamelang

urang jadikeun galeuh pasini lawungkeun.

6. Sanga Gancang ( Noneng R )

Kinanti pamekar arum. Gentra dipirig ku gending.

Lir hirup mah sareng hurip na. Rebab panggeuing na ati.

Kendang panggugat na atma. Nawiskeun wujud rohani.

Rohani nyata na ayun. Nu ngancik dijirim jalmi.

Di basisir loba layung. Di ala kunu di buat.

Pikir abdi keur tagiwur. Sok asa kasuat – suat.

Bungkus baju make tilam. Pangrapeut na sa aya – aya.

Duh gusti ratuning alam. Salamet sa Indonesia.

Samping hideung dina upih. Di bantun dikakalerkeun.

Abdi nineung da kanu mulih. Teu kenging dipapalerkeun.

7. Samoja ( Euis Komariah & mang Koko)

Kedal na asih na bulan pinuh mamanis.

Hiji jangji pasini na rasmining wanci

Mangsa samoja jongjon kembangan.

Duh eulis langit lenglang. Angin rintih dina ati … aduh.

Lalakon lawas na bulan pinuh katineung.

Aya jangji pasini nu heunteu ngajadi.

Mangsa samoja geus ngarangrangan…. Duh ieung.

Langit anggeub samagaha dina ati … duuh.

Ayeuna kantun wa’as na jungjunan.

Lalakon katukang diteang ngan ku ciptaan.

Kamari nu pamit … kamari nu pamit.

Datang deui na kalangkang.

Ayeuna kantun ngangres na jungjunan

Lalakon nu lawas (peugat) di sambung ngan ku ciptaan.

Kamari nu leungit …. Kamari nu leungit.

Rek leubeung mo datang deui.

8. Enjing dei

Enjing…urang teupang deui

Enjing…urang angkat deui

Kapan tos jangji bade satia

Tong pura pura mun leureus cinta

Enjing deui enjing deui

atuh ulah bohong deui bohong deui

Enjing…urang teupang deui

Enjing…urang ngobrol deui

 Awas tong hilap seueur aleusan

Bade kamana tong pura pura

Enjing deui enjing deui atuh ulah bohong deui bohong deui

Saweungi asa tos lami

Saminggu bade ditunggu

Sabulan taya wartos pisan

Teu maparin putusan Laaaah enjing deui

9. Ramalan Asih

Pituduh ramalan asih…

heeeh dinten minggu ulah mulih

Lamun angkat dinten senen

Hujan ngeucreuk ti enjing dugi ka sonten

Salasa dintenna cangra

Hahhh namung nombok na cilaka

Lamun angkat dinten rebo

Udar cinta didodoho pondok jodo

Dinten kemis mulus…Hanjakal diancam putus

Dinten jumaah ulah sok kapegat caah rongkah

Dinten saptu kade halangan nombok di sue

Minggu payun teu langkung tapi abdi arek pundung

Da teupang teh apan langka

Haaah Matak naon rada lami

Sakeudap teh teu karasa

Na teu sono pateupang jeung buah ati

10. Salam Sono

hatur salam, salam sono…haturan engkang…

hatur salam, salam sono…haturan engkang

tos lami teu pateupang da bongan urang paanggang

duh aduh aduh aduh…salam sono haturan engkang

ieu salam, salam sono

tawis ati sing jadi tilam katresna

ieu salam ,salam sono

duh…disanggakeun ka jungjunan

rakeut… geugeut…rangkul deudeuh

imut geugeut…teuteup deudeuh

nineung deui… nineung deui

salam sono.. salam sono

11. Kania

ngangkleung tineung ngawang ngawang

bongan deukeut bongan meulang

rumasa diri kabandang ieu

kalebuh geter kadeudeuh kapentang gandrung

hayang kuring nyaritakeun mamanis dina melodi

hayang kuring nguniangkeun anteubna dina kacapi

jadi lagu nu abadi wawakil titipan ati

nu teuteup imut kareueut najan asih samar teupi

kania….duh kania…

linduh asih linduh bulan

duh teuteupan katresna

nya ti njeun kuring meutik.

12. Puspa Reuma

Puspa reuma endah teh ngahudang rasa

Ku teu sangka horeng beut jadi didinya

Na ku naon neundeun asih kadirina

Kapikat panah asmara mustika kembang katresna

Nya di gunung kuring teupung

Gandrung liwung kapidangdung

Duh aduh malati ligar na ati

Nenggorkeun imut kareueut pinuh ku madu mamanis

Nu kapireung harewos mawa hariring

Ngagalindeung nyanding dina hate kuring

Geter asih minuhan rasa katineung

Na rangkulan jadi sungkeman kaheman

13. Bimbang

Rasa bingbang…rasa meulang…

Diangkleung angkleung honcewang

Nanya diri nangtang ati

Rek nyieun hiji putusan pabeurat beurat timbangan

Naha bimbang…naha meulang….

Kainggis reujeng mamanis

 Silih eunteung patembongan

Naha bingbang naha melang

Ditalikung Liwung gandrung

Ngalanglayung pageuh tangtung

Bingbang…meulang….

Nineung….keueung

Nun gusti nu maha agung

pasihan pituduh jalan

Abdi panceug kayakinan

teu bimbang nampi cobaan.

14. Es lilin

Es lilin mah didorong-dorong

dibantun mah dibantun ka Sukajadi

abdi isin dunungan samar kaduga

sok inggis mah aduh henteu ngajadi

Es lilin mah ceuceu buatan Bandung

dicandak mah geuning ka Cipaganti

abdi isin jungjunan duh bararingung

sok inggis mah aduh henteu ngajadi

Itu saha dunungan nu nungtun munding

digantelan geuning ku saputangan

itu saha dunungan ku ginding teuing

sing horeng mah aduh geuning jungjunan

Es lilin mah ceuceu dikalapaan

 raosna mah geuningan kabina-bina

abdi alim dunungan paduduaan

sok sieun mah dibantun kamana-mana

Kamana mah geuningan ngaitkeun kincir

ka kaler mah ka kaler katojo bulan

kamana mah dunungan ngaitkeun pikir

moal paler geuningan da ku sabulan

15. Sabilulungan

Sabilulungan, urang gotong-royong

Sabilulungan, urang silih rojong

Sabilulungan, genteng ulah potong

Sabilulungan, persatuan tembong

Tohaga, rohaka..

Rempug jukung ngabasmi pasalingsingan

Satia, sajiwa..

Rempug jukung ngabasmi pasalingsingan

16. Bajing luncat

Bajing luncat bajing luncat kaastana aduh

abdi lepat narosan teu ti anggalna

bajing luncat bajing luncat ka astana ieung

abdi lepat narosan teu anggangna

duh teu sangka salira bet laus pisan

teu hawatos kanu tos sesah ngantos-ngantos

api-api teu emut kana pasini

pasini pakait ati duh pakait ati

bajing luncat-bajing luncat kaastana aduh

abdi leupat narosan teu ti anggalna

17. Mawar Bodas

Mapay jalan satapak

Ngajugjug ka hiji lembur

Henteu karasa capena

Sabab aya nu diteang

Hujan angin dor dar gelap

Hunteu aya keur ngiuhan

Sanajan awak rancucut

Teu paduli kajeun teuing

Nu penting mah asal nepi

Ka tempat anu di tuju

Rek ngalongok mawar bodas

Nu moal lila ka ala

Sugan tea moal gagal

Kembang geus aya nu boga

Balik teh asa hoream leumpang ge asa ngalayang

Teu kasawang ti anggalna

Teu kapikir ti tadina

Lamun bakal nyeri hate

Hoream teu sudi teuing

Mikiran pipanyakiteun

Mikiran pipanyakiteun

18. Karatagan pahlawan

Teu honcewang sumurewang

Tekadna pahlawan bangsa

Cadu mundur pantrang mulang

Mun maksadna can laksana

Berjuang keur lemah cai

Lari rabi tur tegang pati

Taya basa menta pamulang tarima

Rido keur korban merdeka

19. SOMSE

Somse ala meni Somse

Eneng meni Somse

Sombong sekali

Somse ala meni Somse

Eneng meni Somse

Sombong sekali

Bongan ngaheureyan bae

Bongan naroelan bae

Bongan maroyokan bae

Ih… pika sebeleun

Is is ulah kitu

Is is ulah bendu

Is is ulah belikan

Is is ulah kitu

Is is ulah bendu

Is is ulah pundungan
 Dimana-mana ge sami

Pameget mah cararuni

Mun pameget teu cunihin

Namina.. KuPer

Palias bararaid

Carunihin araroces

Sawios da sawios

Oces oge kararasep

20. Asmarandana

Manggih hakaneun saeutik

Dibikeun ka anak heula

Kajeun manehna mah engke

Sieun anak kalapara

Eta di sato hewan

Jalma mah leuwih ti kitu

Nyaah asihna ka anak

Mun anak dipareung geuring

Kurang sare kurang dahar

Jaba tatamba ka doktor

Henteu ngitung karugian

Asal anak waluya

Ti keur leuutik terus – terusan

Nepi ka anak sawawa

21. Kembang Ros

Kembang ros kumatak lucu

Nya alus rupa nya seungit

Heunteu aya papadana

Ratuning kembang sajati

Papaes ti patamanan

Seungit mani ngadalingding

22. Kinanti

Saweh kalah murungkut

Kawantu meujeuhna tiris

Tapi nugeus biasamah

Ngorejat teurus ka cai

Siuen kaberangan solat

Pancen ti gusti yang widi

Subuh- subuh rea mahluk

Nu ngarasa bungah ati

Lain bae sipat jalma

Sato hewan kitu deui

Manuk ricit dina tangkal

Hayam kongkorongok tarik

23. Laut Kidul

laut kidul kabeh katinggali

Ngebat paul kawas dina gambar

Ari ret kaleubah kaler batawi ngarungkunuk

Laut namah teu katingali

Ukur lebah lebahna

 Semu- semu biru

Ari ret kalebah wetan

Gunung gede kawas nu ngajakan balik

Meh bae kapiuhan

24. Lemah cai

Lemah cai kuring

Nagri endah asri

Sugguh cacah jiwa

Bahan lubak libuk

Simkuring tresna miwah nyaah

Lemah cai Indonesia

Kuring suka kluring

betah Indonesia gemah ripah

25. Maskumambang

Itu kusir bangun umbak ambek teuing

Turun tina delman

Kuda dipecut tarik

Teu aya pisan ras rasan

Teu ngarasakeun bong kana sato laip

26. Panon Hideng

Panon hideng

Pipi koneng

Irung mancung

Putri Bandung

Putri saha dimana bumina

 Abdi resep ka anjeuna

Siang weungi kaimpi- impi

Hate abdi sararedih

Teu emut dahar

Teu emut nginum

Emut kanu geuils

Panon hideng

27. Sapu nyere pegat simpati

Ririungan urang karumpul

meumpeung deukeut hayu rang sosonoan

Macangkrama bari ngawadul

urang silih tempas silih eledan

Moal lila jeung babaturan

hiji wanci anu geus ditangtukeun

Bakal pisah bakal pajauh

bakal mapohokeun katineung urang

Sapu nyerepegat simpai

bakal kasorang takdir

ti Gusti Hyang Widi

pasti kalakon

Urang rek papisah

urang rek pajauh

meumpeung deu keut

hayu rang sosonoan

28. Pahlawan Toha

Getih suci nyiram bumi, tulang setra mulang lemah

Babakti nyungkem pertiwi, cikal bugang putra bangsa

Nyatana Pahlawan Toha, Pahlawan Bangdung Selatan

Patriot di Dayeuh Kolot, Tugu diwangun ngajadi ciri

Tarate nu mangkak, Ligar di Empang

Jadi bukti gugurna, Pahlawan bangsa

29. Tanah Sunda

Tanah sunda, wibawa, gemah ripah, tur endah

Nungumbara suka betah

Orang sunda, sawawa, sing toweksa, perceka

Nyangga darma anu nyata

Seweh pajajaran, mungga tong kasmaran

Sing tuladen jeung rumasa

Miara pakaya, memang sawajibna

Geten titen rumawat tanah pusaka

30. Duh Indung

Duh indung ngaraksa ngajaring anak

Najan rungsing matak pusing

Heunteu weleh deudeuh, mikanyaah asih

Di mongmong jeung di titimang

Duh indung ngaping ngadama-dama anak

Ngamumule buah hate

Ngajungjung tur ngagung-ngagung

Anak di jieun puputon

Duh indung, duh indung

Timang titi ngamongmong anak

Duh indung, aduh indung

Teu kendat ngadudu’a