B ATANGAS S TATE U NIVERSITY

JPLPC Malvar
College of Engineering Technology

KAUGNAYAN NG BIGAT NG AKADEMIKONG GAWAIN

SA ANTAS NG PRESYUR NG MGA MAG-AARAL SA
PAMBANSANG PAMANTASAN NG BATANGAS –
KAMPUS NG MALVAR

Isang Konseptong Papel na Iniharap kay

Bb. Maricar R. Lajos
Fakulti, Kolehiyo ng Teknolohiya sa Inhinyeriya
PAMBANSANG PAMANTASAN NG BATANGAS
Ang Pambansang Pamantasan ng Inhenyeriya
JPLPC MALVAR
Malvar, Batangas

Bilang Bahagi ng Pagtugon

sa Pangangailangan sa Kursong
Filipino sa Iba’t ibang Disiplina

ABARIENTOS, JOHN CARLO J.

BAUTISTA, PHOEL CHRISTAN
CUARTO, DENNIELL G.
LAYVA, JOMMEL A.
LOPEZ, ALEXIS T.
SALUDO, ANGEL SAM M.

Mayo 9, 2023
 B ATANGAS S TATE U NIVERSITY
JPLPC Malvar
College of Engineering Technology

TALAAN NG MGA NILALAMAN

INTRODUKSIYON 1

LAYUNIN 5

METODOLOHIYA 6

INAASAHANG RESULTA 7

BIBLIYOGRAPIYA i
 B ATANGAS S TATE U NIVERSITY
JPLPC Malvar
College of Engineering Technology

INTRODUKSIYON

Isa sa mga mainit na usapin sa kasalukuyang panahon ay ukol sa kalusugang

pangkaisipan o mas kilala sa terminong mental health. Ayon sa Departamento ng

Kalusugan (DOH), ang pangkalahatang kalusugan ay hindi kumpleto kung wala ang

mental na kagalingan. Ang kalusugan ng isip ay mahalaga para sa pangkabuuan at

indibidwal na kakayahang makapagtrabaho, makapag-isip, makaramdam, at mabuhay. Isa

sa mga paksa na nasa ilalim nito ay ang presyur o mas kilala rin sa tawag na stress. Sa

isang lathalain ni Zauderer (2023), inilahad niya na 45 porsyento ng mga mag-aaral sa

sekondaryang paaralan ang nakaranas ng presyur sa pag-aaral. Sa kabilang banda, isang

pag-aaral na isinagawa sa GC Women University sa Sialkot, Pakistan, ang nagpakita na

84.4% ng mga mag-aaral ay nakaranas ng presyur, kung saan ang 13.2% nito ay malalang

kaso at 2.8% naman ay lubhang malala (Asif et al., 2020). Sa isang pag-aaral naman na

isinagawa nina Dy et al. (2015), pumangalawa sa mga maaring dahilan ng presyur ng mga

mag-aaral ang bigat ng gawain o workload na nararanasan ng isang indibidwal. Dito ay

naipakita na ang mga mag-aaral, lalo na sa kolehiyo, ay malamang na madaling kapitan ng

presyur na may kaugnayan sa pag-aaral ngunit ang maaaring dahilan nito ay hindi pa

naitatag ng tuluyan, partikular kung may kaugnayan ang presyur sa bigat ng akademikong

gawain. Sa kadahilanang ito, naniniwala ang mga mananaliksik na ang pag-kumpleto ng

pag-aaral na ito ay kinakailangan.

Sa Pambansang Pamantasan ng Batangas — Kampus ng Malvar manggagaling ang

mga respondente. Napili ang paaralan na ito dahil sa pag-unlad at pagdaragdag ng mga

kurikulum dito, na naging sanhi ng pagbigat ng mga gawain kailangang gawin at mga dapat

1
 B ATANGAS S TATE U NIVERSITY
JPLPC Malvar
College of Engineering Technology

ipasa, pagdami ng oras na ginugugol sa pag aaral, pagdami ng araw na ipapasok, at pag-

unti ng oras para sa sarili ng mga mag-aaral. Mga mag-aaral sa kolehiyo rin ang napili dahil

gaya ng naunang nabanggit, ang dami at bigat ng mga gawain sa kolehiyo ay lubhang naiiba

sa mga gawain sa sekondaryang paaralan at elementarya. Dahil dito mas malamang na

tamaan sila ng presyur kaysa sa mga mag-aaral sa sekondarya at elementarya.

Ang kalusugan, partikular na ang kalusugang pangkaisipan ay isa sa mga paksang

nabigyang pansin sa patuloy na pagbabago at pag-unlad ng mundo. Ayon sa Pandaigdigang

Organisasyon para sa Kalusugan (WHO), ang kalusugang pangkaisipan ay isang estado ng

mental na kagalingan na nagbibigay-daan sa mga tao na mapagtanto ang kanilang mga

kakayahan, makapagtrabaho ng maayos, makayanan ang mga presyur o stress sa buhay,

matuto nang mabuti, at makapag-ambag sa kanilang komunidad. Maraming salik ang

nakakaapekto sa estado o kalagayan ng kalusugang pangkaisipan ng isang tao. Ilan sa mga

ito ay ang kapaligirang ginagalawan, karanasan sa buhay, pamilya, at kung paano pinalaki

ang isang indibidwal (Gibson, 2020). Sa lahat ng mga ito, ang presyur o stress ang isa sa

mga pinaka-karaniwang dahilan ng mga sakit na madalas maiuugnay sa kalusugang

pangkaisipan. Ayon kay Berger (2022), ang presyur ay isang pakiramdam ng pisikal o

emosyonal na katangian. Ito ay maaaring magmula sa anumang kaganapan o pag-iisip na

nagdudulot ng galit, pagkabigo, o kaba. Isinaad rin niya na ang presyur ay ang pagtugon

ng iyong katawan sa isang paghihirap o pangangailangan. Sa mga panaka-nakang pagranas

nito, ang presyur ay maaaring maging kapaki-pakinabang, tulad ng kapag nakakatulong ito

sa pagsunod sa isang deadline o pag-iwas sa panganib. Ngunit ang presyur ay maaaring

makapinsala sa kalusugan kapag ito ay tumatagal ng mahabang panahon.

2
 B ATANGAS S TATE U NIVERSITY
JPLPC Malvar
College of Engineering Technology

Bagama’t iba-iba ang epekto ng presyur sa bawat indibidwal dahil sa iba’t-ibang

salik gaya ng paraan ng pagharap sa problema, kalakasan ng pag-iisip, kalakasan ng loob,

at iba pa, isa sa pinaka-karaniwang tamaan o nakakaranas nito ay ang mga mag-aaral,

partikular ang mga mag-aaral sa kolehiyo (Cornejo, 2020). Nitong mga nakaraang taon,

ang mga alalahanin tungkol sa kalusugang pangkaisipan ng mga mag-aaral sa unibersidad

ay tumataas o mas nabibigyang pansin (Milojevich & Lukowski, 2016). Ipinakita ng

maraming pag-aaral na ang edukasyon sa kolehiyo ay nauugnay sa mga sintomas ng

kalusugan ng isip (Kim et al., 2015), at isa sa mga problemang psychosocial na naging

laganap ay ang presyur o stress (Gustems-Carnicer et al, 2019). Ayon kay Freire et al.

(2020), ang mga mag-aaral ay nahaharap sa maraming nakakapinsalang sitwasyon sa

kanilang pang-araw-araw na buhay pang-akademiko, na maaaring negatibong makaapekto

sa kanilang kalusugan at akademikong tagumpay. Sa pag-aaral na ginawa nina Deb et al.

(2015), lumalabas na 63.5% ng mga respondanteng mag-aaral sa India ang nagsabi na

nakakaranas sila ng presyur sa pag-aaral — na walang makabuluhang pagkakaiba sa edad,

kasarian, grado, at iba pang mga indibidwal na salik. Humigit-kumulang isang-katlo

(32.6%) ng mga mag-aaral naman ang nagpakita ng mga sintomas ng depresyon, at 81.6%

ng mga mag-aaral ang nag-ulat ng pagkabalisa na may kaugnayan sa pagsusulit. Ang

resulta ay nagpapakita na ang mga mag-aaral ay malinaw na nakakaranas ng presyur,

depresyon, at pagkabalisa. Lumalabas rin dito na walang malinaw na ugnayan ang mga

demograpikong salik kung bakit nakakaranas ng presyur ang mga mag-aaral.

Sa isang pag-aaral na isinagawa ni Barnayannis (2022), lumabas na ang nag-iisang

pangunahing salik sa presyur na nakakaapekto sa mental na kagalingan ng mga mag-aaral

3
 B ATANGAS S TATE U NIVERSITY
JPLPC Malvar
College of Engineering Technology

sa kolehiyo ay maaaring ang bigat ng akademikong gawain. Ang bigat ng akademikong

gawain ay tumutukoy sa bilang ng mga gawain na kailangang gawin o tapusin ng mga mag-

aaral bilang bahagi ng kanilang akademikong gawain sa pag-aaral (Smith, 2019). Sa isang

pag-aaral na inilathala sa International Journal of Asian Education, lumalabas na isa sa

mga pinaka-karaniwang problemang nararanasan ng mga mag-aaral sa kolehiyo ay ang

sidhi o tindi ng mga gawain at uri nito; bunga nito, maraming oras ang kinakailangang

igugol ng isang mag-aaral sa paggawa ng mga akademikong gawain (Licayan et al., 2021).

Binigyang diin at iminungkahi rin ni Licayan (2021) na dapat matugunan ng institusyon sa

edukasyon ang mga pamamaraan ng interbensyon sa pamamagitan ng mga serbisyong

pang-akademiko at hindi pang-akademiko upang matugunan ang problema. Sa kabilang

banda, lumabas naman sa pag-aaral nina Yangdon et al. (2021), na ang mga mag-aaral ay

hindi nasisiyahan sa buhay kolehiyo, lalo na tungkol sa pag-aaral, bigat ng akademikong

gawain, mga pasilidad, at mga serbisyo. Gaya ng naunang nabanggit na pag-aaral, ini-

rekomenda rin nina Yangdon (2021) ang agarang estratehikong interbensyon sapagkat

ipinakita rin ng resulta na maaaring maging sanhi ito ng presyur na makaapekto naman sa

pangkalahatang kalusugan at buhay ng mga mag-aaral.

Ang mga resulta, konklusyon, at mungkahi ng mga nabanggit na pag-aaral ay

nagpapahiwatig na ang mga mag-aaral ay madalas na nakakaranas ng presyur bilang isang

hindi maiiwasang bahagi ng kanilang edukasyon, partikular sa kolehiyo. Ito ay

kinakailangan din upang mahubog ang mga kakayahan ng mga mag-aaral sa anumang

propesyon o akademikong larangan na kanilang pinili. Gayunpaman, ang labis na presyur

sa mag-aaral ay maaaring magdulot ng isyu na nakakaapekto sa kalusugan ng mag-aaral,

4
 B ATANGAS S TATE U NIVERSITY
JPLPC Malvar
College of Engineering Technology

lalo na ang kanilang mental na kagalingan. Lumalabas rin na isa sa mga nangungunang

problemang nararanasan ng mga mag-aaral ay ang bigat ng akademikong gawain, na kung

saan parehong binigyang diin na maaring magdulot ito ng mas malalang problema gaya ng

presyur at pagkabalisa. Iminungkahi rin ang pagpapatupad ng estratehikong interbensyon

upang maagapan ito.

Bagama’t may mga pag-aaral ng nailathala na nagsusuri ng antas ng presyur na

nararanasan ng mga mag-aaral at mga maaring dahilan nito, madalas ito ay isinagawa ng

magkahiwalay at inilathala bilang magkaibang pag-aaral. Kaunti rin ang mga pag-aaral na

gaya nito na isinagawa sa Pilipinas at ang madalas na respondante dito ay mga mag-aaral

sa sekondarya at mataas na paaralan. Madalas ring suriin ang kaugnayan ng antas ng

presyur sa mga salik gaya ng problema sa pamilya, problemang pinansyal, o kaya naman

ay mga problema sa emosyon gaya ng depresyon at pagkabalisa, ngunit hindi ang

kaugnayan nito sa bigat ng akademikong gawain.

LAYUNIN

1. Masuri ang bigat o dami ng mga akademikong gawain na ginagawa ng mga mag-

aaral sa loob ng isang semestre sa Pambansang Pamantasan ng Batangas JPLPC —

Kampus ng Malvar.

2. Matukoy ang antas ng presyur o stress na nararanasan ng mga mag-aaral.

3. Malaman kung mayroong signipikanteng ugnayan ang bigat o dami ng

akademikong gawain at ang antas ng presyur o stress na nararanasan ng mga respondante.

5
 B ATANGAS S TATE U NIVERSITY
JPLPC Malvar
College of Engineering Technology

4. Makabuo ng mga mungkahi at mga hakbang upang mapabuti ang distribusyon

ng akademikong gawain at mabawasan ang stress, o presyur, na nararanasan ng mga mag-

aaral sa kolehiyo.

METODOLOHIYA

Korelasyonal ang disenyong gagamitin sa pag-aaral na ito sapagkat ang

pananaliksik na ito ay naglalayong matukoy ang relasyon ng bigat ng akademikong gawain

at antas ng stress o presyur na nararanasan ng mga mag-aaral. Ayon kay Tan (2014), ang

korelasyonal na disenyo ng pag-aaral ay naglalayong alamin ang relasyon sa pagitan ng

dalawa o higit pang mga baryabol. Ang magiging respondente ng pag-aaral na ito ay ang

mga piling mag-aaral sa Pambansang Pamantasan ng Batangas - Kampus ng Malvar sa

taong panuruan 2023-2024. Sa websayt ng paaralan, kukunin ng mga mananaliksik ang

kabuuang populasyon habang ang bilang naman ng mga kalahok ay tutukuyin sa

pamamagitan ng paggamit ng Slovin's formula sa 0.05 na antas ng halaga. Ang mga

respondente ay pipiliin gamit ang stratified sampling at ang iba't-ibang departamento sa

kolehiyo bilang strata. Ang stratified sampling ay isang pamamaraan ng pagkalap ng

respondente sa pananaliksik na ginagamit upang matiyak na ang bawat subgroup sa isang

populasyon ay maayos na kinakatawan ang kabuuang populasyon (Cole, 2020).

Ang pag-aaral na ito ay gagamit ng talatanungan sa pagkalap ng mga datos at

impormasyong kailangan. Ayon kay Mcleod (2023), ang talatanungan ay binubuo ng mga

serye ng mga katanungan para sa pangangalap ng impormasyon mula sa mga respondente.

Ang mga mananaliksik ay gumawa at nagdisenyo ng talatanungan upang matukoy ang

6
 B ATANGAS S TATE U NIVERSITY
JPLPC Malvar
College of Engineering Technology

bigat ng akademikong gawain ng mga mag-aaral sa isang semestre habang

istandardisadong talatanungan (Shahid et al., 2012) naman ang gagamitin upang

mailarawan ang antas ng presyur na nararanasan ng mga mag-aaral. Ang unang bahagi ng

talatanungan ay naglalayong masuri ang bigat o dami ng mga akademikong gawain na

ginagawa ng mga mag-aaral sa loob ng isang semestre, partikular sa mga parametro ng

oras na ginugugol sa pag-aaral, dami ng araw ng pagpasok sa paaralan, at oras para sa sarili.

Habang ang ikalawang bahagi naman ay mula kina Shalid et al. (2012), na kanilang

idinisenyo upang matukoy ang antas ng presyur o stress na nararanasan ng isang

indibidwal. Ito ay isasalin ng mga mananaliksik sa wikang Filipino mula sa orihinal nitong

wikang Ingles. Ang mga talatanungan na ito ay ipamamahagi ng mga mananaliksik sa

napiling respondante sa pamamagitan ng pag-iikot at pagbibigay nito sa bawat silid-aralan.

INAASAHANG RESULTA

Isasagawa ang pag-aaral na ito upang matuklasan kung mayroong signipikanteng

ugnayan ang bigat ng akademikong gawain ng mga mag-aaral sa kolehiyo sa antas ng

presyur na kanilang nararanasan sa pag-aaral at makabuo ng mga hakbang at

rekomendasyon upang mas mapabuti ang distribusyon ng akademikong gawain at

mabawasan ang stress o presyur, na nararanasan ng mga mag-aaral sa kolehiyo. Ang

hinuha ng mga mananaliksik ay lalabas na mataas ang antas ng presyur na nararanasan ng

respondente at meron itong signipikanteng ugnayan sa bigat ng akademikong gawain nila

sa isang semestre. Ito ay ibinatay ng mga mananaliksik sa mga datos na nailimbag sa mga

nakaraang pag-aaral na nagsusuri ng antas ng presyur ng mga mag-aaral; madalas ay sa

7
 B ATANGAS S TATE U NIVERSITY
JPLPC Malvar
College of Engineering Technology

mga mag-aaral sa sekondaryang paaralan, at mga pag-aaral naman na nagsusuri ng mga

posibleng dahilan ng presyur ng mga mag-aaral sa paaralan.

Ang mga rekomendasyon ng mga mananaliksik batay sa inaasahang resulta ay; una,

rebisahin ang kasalukuyang akademikong kurikulum at tanggalin ang mga bahagi nito na

hindi lubusang kailangan o mahalaga, pangalawa, palakasin ang mga sistema ng suporta sa

mga mag-aaral upang mas maging epektibo ang mga interbensyong gagawin (gaya ng

Cognitive-Behavioral Stress Management, Mindfulness-Based Stress Reduction (MBSR),

Programa sa Pagsasanay sa Pamamahala ng Presyur, atbp.); at pangatlo, magsagawa ng

mga seminar, symposium, o kumperensya sa mga mag-aaral na maglalayong ipalaganap

ang kaalaman tungkol sa presyur, mga masasamang epekto nito, at ang kahalagahan ng

pamamahala ng presyur (stress management). Iminumungkahi rin ang pagrebisa sa mga

tuntunin ng unibersidad gaya ng pagbabago sa iskedyul ng mga mag-aaral upang

masiguradong magkakaroon sila ng sapat na tulog at pahinga, at pagbebenta ng mga

masustansyang pagkain sa mga karinderya upang mahikayat ang mga mag-aaral na

magkaroon ng malusog na diyeta.

8
 B ATANGAS S TATE U NIVERSITY
JPLPC Malvar
College of Engineering Technology

BIBLIYOGRAPIYA

A. ELEKTRONIKONG SANGGUNIAN

Asif, S., Mudassar, A., Shahzad, T. Z., Raouf, M., & Pervaiz, T. (2020). Frequency of

depression, anxiety and stress among university students. Pakistan journal of

medical sciences, 36(5), 971–976. https://doi.org/10.12669/pjms.36.5.1873

Barnayannis, G., Bandari, M., Zheng, X., Baquerizo, H., Pecor, K. W., & Ming X. (2022).

Academic Stress and Mental Well-Being in College Students: Correlations,

Affected Groups, and COVID-19. Frontiers in Psychology, 13.

https://doi.org/10.3389/fpsyg.2022.886344

Berger, F. K. (2022). Stress and your health Medline Plus.

https://medlineplus.gov/ency/article/

Cole, N. L. (2020, January 27). Understanding Stratified Samples and How to Create

Them. Greelane. https://www.greelane.com/tl/science-tech-math/mga-agham-

panlipunan/stratified-sampling

Cornejo, J. (2020). Stress and Coping Mechanisms Among College Students.

https://scholarworks.calstate.edu/

Department of Health. (2024). Walang health kung walang mental health!.

https://caro.doh.gov.ph/walang-health-kung-walang-mental-

health%F0%9F%A7%A0/

Dy, M. R., Espirito-Santo, K., Ferido, M. P., & Ria, S. (2015). Stressors and stress

responses of Filipino college students. Asia Life Sciences, 24(2), 737-759.

i
 B ATANGAS S TATE U NIVERSITY
JPLPC Malvar
College of Engineering Technology

Freire, C., Ferradás, M. del M., Regueiro, B., Rodríguez, S., Valle, A., & Núñez, J. C.

(2020). Coping Strategies and Self-Efficacy in University Students: A Person-

Centered Approach. Frontiers in Psychology, 11. doi:10.3389/fpsyg.2020.00841

Gibson, R. (2024). What factors affect our mental health? Understanding the social,

physiological and environmental impact Northern Healthcare.

https://www.northernhealthcare.org.uk/news-resources/what-factors-affect-our-

mental-health-understanding-the-social-physiological-and-environmental-

impact/

Gustems-Carnicer, J., Calderón, C., & Calderón-Garrido, D. (2019). Stress, coping

strategies and academic achievement in teacher education students. Eur. J. Teach.

Educ. 42, 375–390. doi: 10.1080/02619768.2019.1576629

Kim, J. E., Saw, A., & Zane, N. (2015). The influence of psychological symptoms on

mental health literacy of college students. Am. J. Orthopsychiatry 85, 620–630.

doi: 10.1037/ort0000074

Licayan, R. J., Chierife C, F. M., P, L. G., & Kim, C. R. (2021). Academic Stress Level

Determination among College Students in Times of Covid-19 Pandemic: Basis

for an Intervention Scheme. International Journal of Asian Education, 2(3), 313–

326. https://doi.org/10.46966/ijae.v2i3.119

Mcleod, S. (2023, December 13). What is a questionnaire and how is it used in research?

Simply Psychology. https://www.simplypsychology.org/questionnaires.html?

Z4yP0IuSPVxrHUVXUQTNVk7qvUBK2R8_aem

ii
 B ATANGAS S TATE U NIVERSITY
JPLPC Malvar
College of Engineering Technology

Milojevich, H. M., & Lukowski, A. F. (2016). Sleep and mental health in undergraduate

students with generally healthy sleep habits. PLoS One 11:e0156372. doi:

10.1371/journal.pone.0156372

Shahid, A., Wilkinson, K., Marcu, S., & Shapiro, C. M. (2012). Perceived stress

questionnaire (PSQ). STOP, THAT and One Hundred Other Sleep Scales, 273–

274. https://doi.org/10.1007/978-1-4419-9893-4_64

Smith, A.P. (2019). Student Workload, Wellbeing and Academic Attainment. In: Longo,

L., Leva, M. (eds) Human Mental Workload: Models and Applications. H-

WORKLOAD 2019. Communications in Computer and Information Science, vol

1107. Springer, Cham. https://doi.org/10.1007/978-3-030-32423-0_3

Tan, L. (2014). Correlational Study. NIE Digital Repository.

https://repository.nie.edu.sg/bitstream/10497/18115/4/BC-MSB-2014-269.pdf

World Health Organization. (2022). Mental health. https://www.who.int/news-room/fact-

sheets/detail/mental-health-strengthening-our-response?

Yangdon, K., Sherab, K., Choezom, P., Passang, S., & Deki, S. (2021). Well-being and

academic workload: Perceptions of Science and technology students. Academic

Journals, 16(11), 418-427. DOI:10.5897/ERR2021.4197

Zauderer, S. (2023, September 19). 47 Student Stress Statistics (High School/College)

Cross River Theraphy. https://www.crossrivertherapy.com/student-stress-

statistics?

iii