Izina ry'Igitabo: Ubutumwa Bwatoranyijwe, Igitabo cya 3

Abatunganyije Igitabo: Editorial Safeliz SL Copyright: Rwanda Union Mission of SDAs

Produced by Editorial Safeliz for the Rwanda Union Mission of SDAs Editorial Safeliz S.L.
Pradillo 6, Pol Ind La Mina 27880 Colmenar Viejo, Madrid, Spain www.safelizbibles.com
[email protected]
Cyasobanuwe mu Kinyarwanda n'Itorero ry'Abadiventisiti b'Umunsi wa Karindwi mu Rwanda.
BP.367
Kigali -Rwanda
©2022 Itorero ry' Abadiventisiti b'Umunsi wa Karindwi mu Rwanda
Nyakanga 2022: Igitabo cya mbere
ISBN: 978-84-7208-889-4
YACAPWE MU BUSHINWA IMP12
IBIRIMO:
UBUTUMWA BWAGENEWE UMUSOMYI .................................................................................................. 14
UMUGABANE WA I ..................................................................................................................................... 16
ITORERO...................................................................................................................................................... 16
IJAMBO RY'IBANZE ................................................................................................................................. 16
IGICE CYA 1 ................................................................................................................................................. 17
ITORERO NI IKI? .......................................................................................................................................... 17
IGICE CYA 2 ................................................................................................................................................. 20
UBUMWE MU ITORERO ............................................................................................................................. 20
MUGABE IGITERO MWUNZE UBUMWE ................................................................................................ 20
IGICE CYA 3 ................................................................................................................................................. 22
GUKORERA MU BWIGENGE ....................................................................................................................... 22
KUVA KU KWIZERA ................................................................................................................................. 22
IMBARAGA ZIVA MU GUKORA IBYAGIWEHO INAMA .......................................................................... 22
MUJYE INAMA KANDI MUGERERANYE IMIGAMBI MUFITE ................................................................. 22
IMIKORERE MU ITANGIRA RY'UMURIMO ............................................................................................. 23
UBWIGENGE, NI UBUHENDANYI BWA SATANI ..................................................................................... 23
GAHUNDA Y'IMIYOBORERE INOZE NI INGENZI ..................................................................................... 24
UMUGABANE WA II.................................................................................................................................... 25
AMAHAME YO GUHUMEKWA ................................................................................................................... 25
IJAMBO RY'IBANZE ................................................................................................................................. 25
IGICE CYA 4 ................................................................................................................................................. 26
IJAMBO RY'IMANA NI RYO NYAMBERE ..................................................................................................... 26
IGICE CYA 5 ................................................................................................................................................. 29
IBYABAYEHO MU GUHABWA AMAYEREKWA ........................................................................................... 29
IGICE CYA 6 ................................................................................................................................................. 33
ISHUSHO NTO Z'UBURYO UMUCYO WAJE KURI ELLEN WHITE ................................................................ 33
IGICE CYA 7 ................................................................................................................................................. 38
KUMENYESHA ABANDI UBUTUMWA IMANA YAHISHUYE ....................................................................... 38
IGICE CYA 8 ................................................................................................................................................. 47
IKIBAZO CYO GUKORERWAMO N'IBITEKEREZO BY'ABANDI .................................................................... 47
IGICE CYA 9 ................................................................................................................................................. 51
GUSOBANURA IMYUMVIRE YA ELLEN WHITE N'IJAMBO RY'IMANA ....................................................... 51
 MBESE NI IGITEKEREZO CYA ELLEN WHITE? .......................................................................................... 51
IGICE CYA 10 ............................................................................................................................................... 53
IBYEREKEYE KUBA INTUMWA YAHUMEKEWE .......................................................................................... 53
NYUMA Y'URUPFU RWA ELLEN WHITE ................................................................................................. 56
IGICE CYA 11 ............................................................................................................................................... 57
KWAKIRA UBUTUMWA .............................................................................................................................. 57
INGERO EBYIRI ZIFATIKA ........................................................................................................................ 60
UMUGABANE WA III................................................................................................................................... 63
GUTEGURA IBITABO BYA ELLEN G. WHITE ................................................................................................ 63
IJAMBO RY'IBANZE ................................................................................................................................. 63
IGICE CYA 12 ............................................................................................................................................... 64
ABAHANGA MU NDIMI BAFASHIJE MU MURIMO WA ELLEN G. WHITE .................................................. 64
IGICE CYA 13 ............................................................................................................................................... 68
IBIHAMYA BY'ITORERO .............................................................................................................................. 68
ELLEN WHITE YIFUZAGA KO URURIMI RUKORESHWA MU BURYO BUTUNGANYE ............................. 70
INZANDIKO ZO GUFASHA ABANDI......................................................................................................... 70
IGICE CYA 14 ............................................................................................................................................... 71
INTAMBWE Z'IBANZE MU NO MU KWANDIKA NO GUSOHORA INKURU Y'INTAMBARA IKOMEYE ....... 71
IYEREKWA RY'INTAMBARA IKOMEYE RYO MU 1858 ............................................................................ 71
IMPANO ZA MWUKA, UMUZINGO WA GATATU N'UWA KANE ........................................................... 72
IGICE CYA 15 ............................................................................................................................................... 73
INKURU Y'IBYABAYE KURI ELLEN WHITE UBWO YANDIKAGA IBY'IMIBEREHO YA KRISTO MU 1876"23 . 73
IGICE CYA 16 ............................................................................................................................................... 77
KWANDIKA INKURU Y'INTAMBARA IKOMEYE MU BURYO BURAMBUYE ................................................ 77
INGERI Y'INTAMBARA IKOMEYE YO MU MWAKA WA 1888 ................................................................ 78
IGICE CYA 17 ............................................................................................................................................... 81
IBYO ELLEN WHITE YANYUZEMO ARI GUTEGURA IGITABO CY'UWIFUZWA IBIHE BYOSE....................... 81
GUHANGANA N'IBYANENGWAGA KU GITABO CY'UWIFUZWA IBIHE BYOSE ...................................... 83
IGICE CYA 18 ............................................................................................................................................... 85
INYUNGANIZI ZATANZWE UBWO ELLEN WHITE YARI KU MURIMO WO KWANDIKA URWUNGE
RW'IBITABO BIVUGA KU NTAMBARA IRI HAGATI Y'ICYIZA N'IKIBI .......................................................... 85
UMUSARURO W'AMAYEREKWA YAGIZE MU MIBEREHO YE ................................................................ 85
KONGERA GUTUNGANYA INTAMBARA IKOMEYE MU MWAKA WA 1911........................................... 86
 UMWANDITSI ARASOBANURA IBYATUNGANYIJWE N'IMPAMVU YABITEYE Sanitarium, Cal., Ku Wa
25, Nyakanga, 1911 ................................................................................................................................ 86
UMUGABANE WA IV .................................................................................................................................. 88
KWIGIRA UMUNTU KWA KRISTO .............................................................................................................. 88
IJAMBO RY'IBANZE ................................................................................................................................. 88
IGICE CYA 19 ............................................................................................................................................... 89
KWIGIRA UMUNTU KWA KRISTO .............................................................................................................. 89
KUZURA K'UBUMUNTU BWA KRISTO.................................................................................................... 89
KRISTO YARAMANUTSE AJYA KU RWEGO RW'INYOKOMUNTU YACUMUYE ...................................... 89
MBESE BYASHOBOKAGA KO KRISTO YATSINDWA N'IKIGERAGEZO? ................................................... 90
IMANA YOHEREJE UTAGIRA ICYAHA NGO AZE MURI IYI SI .................................................................. 92
UMUNTU NTIYAREMANWE KAMERE Y'ICYAHA.................................................................................... 92
YISHYIZEHO UBURWAYI BW'ABANDI ATAGIZEMO URUHARE ............................................................. 93
KUTAGIRA ICYAHA KWA YESU KWAKANGARANYIJE SATANI ............................................................... 93
KAMERE YACU YA MUNTU YACUMUYE YAHUJWE N'UBUMANA BWA KRISTO .................................. 93
YAGERAGEJWE NK'UKO ABANA B'IMANA BAGERAGEZWA MURI IKI GIHE ......................................... 93
ICYO KWIGIRA UMUNTU KWA KRISTO BISOHOZA ............................................................................... 93
SATANI YAVUGAGA KO UMUNTU ADASHOBORA KUBAHIRIZA AMATEGEKO Y'IMANA .................... 94
UBUSOBANURO NYABWO BWO KWIGIRA UMUNTU KWA KRISTO ..................................................... 97
UMUGABANE WA V: AMAHAME Y'AGAKIZA ............................................................................................ 99
IJAMBO RY'IBANZE ................................................................................................................................. 99
IGICE CYA 20 ............................................................................................................................................. 100
АМАНАМЕ Y'AGAKIZA NK'UKO AVUGWA NA ELLEN WHITE MU ITANGIRA RY'UMURIMO WE .......... 100
INGINGO Z'IBANZE ZAGARAGAJWE MU NTEKO NKURU RUSANGE YO MU 1883 ............................. 102
IGICE CYA 21 ............................................................................................................................................. 107
IBYO Ellen G. WHITE YATANGAJE KU NAMA YABEREYE | MINNEAPOLIS .............................................. 107
AMAGAMBO AGARAGAZA IMVANO Y'IBYABEREYE MU NAMA ........................................................ 107
AMASEZERANO Y'AGAHOZO UGERERANYIJE N'AMASHUSHO YIJIMYE ............................................. 111
AMAGAMBO YA ELLEN WHITE KU MUNSI USOZA INAMA (Yandikiwe umwe mu bagize umuryango
we, taliki ya 4 Ugushyingo, 1888) ........................................................................................................ 120
IBICE BIBIRI BYAKUWE MU BIBWIRIZWA BYABWIRIJWE I MINNEAPOLIS48 ..................................... 121
AMEZI ATATU NYUMA Y'INAMA Y'I MINNEAPOLIS ............................................................................ 122
UKO UBUTUMWA BWO GUTSINDISHIRIZWA KUBWO KWIZERA BWAKIRIWE AHAKORERWA
UMURIMO ............................................................................................................................................ 122
 HAKENEWE IMVUGO IKWIRIYE ISOBANURA GUKIRANUKA KUBWO KWIZERA ................................ 124
IGICE CYA 22 ............................................................................................................................................. 129
GUSHIMANGIRA INSANGANYAMATSIKO Y'AGAKIZA- 1890-1908 ......................................................... 129
UMUGABANE WA VI ................................................................................................................................ 138
Uburezi-ISHURI RY'ITORERO ΝΑ KAMINUZA Z'ISI ................................................................................... 138
IJAMBO RY'IBANZE ............................................................................................................................... 138
IGICE CYA 23 ............................................................................................................................................. 140
KURARIKIRWA KUGIRA ISHURI RY'ITORERO51 ........................................................................................ 140
IGICE CYA 24 ............................................................................................................................................. 143
INAMA YEREKEYE IMYAKA Y'UBUKURE YO GUTANGIRA ISHURI ........................................................... 143
RAPORO Y'IKIGANIRO .......................................................................................................................... 143
ISHURI RY'INSHUKE RY'I BATTLE CREEK .............................................................................................. 145
UMUCYO NAHAWE KURI "IZI NGINGO" .............................................................................................. 145
UBUREZI ABANA BAKENEYE................................................................................................................. 146
GUSHYIRAHO IGENAMIKORERE........................................................................................................... 147
IKIBAZO CYEREKEYE ISHURI RY'INSHUKE ............................................................................................ 148
MBESE ISHURI RISHOBORA GUHUSHA INTEGO? ................................................................................ 149
ISHURI RY'INTANGARUGERO ............................................................................................................... 149
IGICE CYA 25 ............................................................................................................................................. 151
AMAHAME RUSANGE NGENDERWAHO .................................................................................................. 151
AHANTU HOSE HARI ITORERO ............................................................................................................. 151
SI IMIGANI Y'ABANTU AHUBWO NI IJAMBO RY'IMANA .................................................................... 151
NTA MUGAMBI WO KWIGANA MU BUREZI ........................................................................................ 151
UBUSOBANURO BW'UBUREZI NYAKURI ............................................................................................. 151
INDANGAGACIRO ZO MU MASHURI YO MU BUSUWISI ZIKWIRIYE GUSHIMIRWA ........................... 151
IGICE CYA 26 ............................................................................................................................................. 153
KUJYA MURI KOLEJI NA KAMINUZA BY'ISI .............................................................................................. 153
AKAGA GATERWA NO GUTEGA AMATWI ABANTU B'IBIRANGIRIRE BO KU ISI ................................. 153
ABANYESHURI B'ABADIVENTISITI B'UMUNSI WA KARINDWI ............................................................ 154
KUBIBA IMBUTO Z'UKURI MU NTEKEREZO NO MU MITIMA ............................................................. 154
UMUGABANE WA VII ............................................................................................................................... 156
AMAHAME NGENDERWAHO ................................................................................................................... 156
IJAMBO RY'IBANZE ............................................................................................................................... 156
IGICE CYA 27 ............................................................................................................................................. 157
UMUCO WO KUGIRA URUGWIRO ........................................................................................................... 157
IGICE CYA 28 ............................................................................................................................................. 160
IMYAMBARO N'IMIRIMBO....................................................................................................................... 160
IMIGISHA IKOMOKA KU KWAMBARA IMYAMBARO IKWIRIYE .......................................................... 160
AMAHAME MAZIMA NGENDERWAHO................................................................................................ 160
UMUDENDEZO N'UBUTWARI BYO GUKORA IBIKWIYE ....................................................................... 161
GUTUNGANYA UBUSHOBOZI BWO KUGIRA ICYO UKUNDA............................................................... 161
KWIYOROSHYA MU MYAMBARIRE...................................................................................................... 161
TURAGANA HE ...................................................................................................................................... 163
"INARINJYE, INARINJYE, INARINJYE IGOMBA KUGABURIRWA" ......................................................... 164
IMYAMBARO ABAGABURA B'ABADIVENTISITE BAMBARA ................................................................ 165
KU BIJYANA NO KUGIRA IKIBAZO CY'IMYAMBARIRE IGIPIMO .......................................................... 167
IGICE CYA 29 ......................................................................................................................................... 170
ISABATO: AMAHAME NGENDERWAHO MU KUBAHIRIZA İSABATO .................................................. 170
AMASABATO MAKE N'UMURYANGO WA ELLEN WHITE .................................................................... 173
IGICE CYA 30 ......................................................................................................................................... 177
GUHINDURANYA INYIFATO Mu GUSENGA BIRAKWIRIYE................................................................... 177
UMUGABANE WA VIII: IVUGURURA MU BY'UBUZIMA .......................................................................... 180
IJAMBO RY'IBANZE ............................................................................................................................... 180
IGICE CYA 31 ............................................................................................................................................. 181
AMAYEREKWA YAHAMAGARIYE ABANTU AMAVUGURURA MBERE .................................................... 181
GUKANGURIRWA GUTEKEREZA IBY'ITABI, ICYAYI N'IKAWA MU MWAKA WA 1848 NA 1851 ......... 181
AMAHAME Y'INGENZI YAHISHUWE MU MWAKA WA 1854 ............................................................... 181
IGICE CYA 32 ............................................................................................................................................. 183
IYEREKWA RYABAYE MU 1863 RIVUGA KU IVUGURURA MU BY'UBUZIMA .......................................... 183
IBIBAZO BIKOMEYE BISUBIZWA .......................................................................................................... 183
UKO NAHISHURIWE IVUGURURA MU MYAMBARIRE......................................................................... 184
ISANO IYEREKWA RIFITANYE N'INYANDIKO N'IMIKORERE ................................................................ 185
INYANDIKO YO KU YA 6 KAMENA IVUGA KU BUZIMA, UMUNSI W'IYEREKWA"............................... 185
KWIGA INYANDIKO IVUGA KU IVUGURURA MU BY'UBUZIMA KWABAYEHO MU 1867 ................... 186
KWANDIKA UDASHINGIYE KU BITABO CYANGWA KU BITEKEREZO BY'ABANDI ............................... 187
IGICE CYA 33 ......................................................................................................................................... 189
 IMIKORESHEREZE IKWIRIYE Y'IBIHAMYA BIVUGA KU IVUGURURA MU BY'UBUZIMA"73 ................. 189
KWIRINDA UBUHEZANGUNI ................................................................................................................ 189
GUTWARA IBINTU MU RUGERO NO KWIGENGESERA BIRAKENEWE ................................................. 190
AKAGA K'IMIRYANGO ELLEN G. WHITE YERETSWE ............................................................................ 190
AMAVUTA Y'INKA, INYAMA, NA FOROMAJE ...................................................................................... 191
ICYAYI, IKAWA, ITABI N'INZOGA ............................................................................................. 191
INGORANE MU BY'UMWUKA NO KU MUBIRI ZITERWA NO GUKABYA Mu GUHAZA IPFA ................... 193
IMPINDUKA ZATEWE NO KURYA INYAMA .......................................................................................... 193
GUSHAKA IBYIZA MU NYURABWENGE KWARANGIRITSE .................................................................. 193
UBUZIMA BW'IBY'UMWUKA BUSHYIRWA MU KAGA ........................................................................ 193
UBUZIMA BUFATIKA BUFITANYE ISANO N'UBUZIMA BW'IBY'IDINI .................................................. 194
AKAGA GATERWA NO GUKERENSA KU BUSHAKE............................................................................... 194
MBESE TURI ABA NDE? ........................................................................................................................ 194
IMBOGAMIZI KU GUTERA IMBERE MU BY'UBWENGE NO KWEZWA K'UBUGINGO .......................... 194
IGICE CYA 35 ......................................................................................................................................... 196
KWIGISHA IVUGURURA MU BY'UBUZIMA MU MURYANGO.............................................................. 196
KUTABUSANYA KW'ABABYEYI N'ABANA IGIHE BARI KU MEZA ......................................................... 196
GUHATIRA ABANA KURYA BAKARENZA URUGERO ............................................................................ 196
KUDASHYIRAHO ITEGEKO NA RIMWE ................................................................................................. 196
IGICE CYA 36 ......................................................................................................................................... 198
ELLEN WHITE NO GUSENGERA ABARWAYI ......................................................................................... 198
ISENGESHO RYOROHEJE RIVUYE KU MUTIMA RIGOMBA GUHEREKEZA KUVURWA ........................ 198
UMUGABANE WA IX: INAMA ZATANZWE KU NGINGO ZITARI ZIMWE .............................................. 199
IJAMBO RY'IBANZE ............................................................................................................................... 199
IGICE CYA 37 ............................................................................................................................................. 200
ABADIVENTISITI B'UMUNSI WA KARINDWI NO KUBURANA MU ΝKΙΚΟ ............................................... 200
ABAJYANAMA BABI .............................................................................................................................. 200
INAMA YAHAWE UMWIZERA WAKANGISHAGA KUJYA KUREGA MU NKIKO .................................... 201
ABERA BAZACIRA AB'ISI URUBANZA ................................................................................................... 202
ABUNGANIZI MU MATEGEKO N'ABANYALAWODOKIYA .................................................................... 202
URUBANZA RWAREZWE ICAPIRO ........................................................................................................ 202
UMURIMO W'IMANA UHAKURA IGIKOMERE ..................................................................................... 203
IGICE CYA 38 ......................................................................................................................................... 205
 UBUMENYI BUHANITSE N'IBYAHISHUWE ........................................................................................... 205
IMBUTO ZERA KU GUSHIDIKANYA....................................................................................................... 205
IMANA UMUHANZI N'UMUREMYI ...................................................................................................... 208
IGICE CYA 39 ......................................................................................................................................... 210
IBIBAZO BYEREKEYE ABAKIJIJWE ......................................................................................................... 210
MBESE ABANA B'ABABYEYI BATIZERA BAZAKIZWA?74 ..................................................................... 210
MBESE ABAZABA BAZUTSE BAZAMENYANA? ..................................................................................... 211
IGICE CYA 40 ......................................................................................................................................... 213
IKIBAZO CY'UMURONGO W'IMINSI ..................................................................................................... 213
ISABATO YAHANGIWE ISI YIBURUNGUSHUYE .................................................................................... 213
IKIBAZO CY'AMATALIKI ........................................................................................................................ 213
IGICE CYA 41 ............................................................................................................................................. 215
MBESE INZIBUTSO ZIRAKWIRIYE? ........................................................................................................... 215
INZIBUTSO ZITWIBUTSA AMATEKA YACU ........................................................................................... 215
GUHAMAGARIRWA KWIBUKA IMINSI YA KERA.................................................................................. 215
IGICE CYA 42 ............................................................................................................................................. 216
GUTIZA INSENGERO ZACU ANDI MATORERO ......................................................................................... 216
IGICE CYA 43 ............................................................................................................................................. 217
KUMVA NTA BYIRINGIRO ......................................................................................................................... 217
ELLEN WHITE YIGEZE KWIYUMVAMO ATAKAJE IBYIRINGIRO ............................................................ 217
INAMA YAHAWE UMUKOBWA WARI WATAKAJE IBYIRINGIRO......................................................... 217
REBA HIRYA Y'UMWIJIMA ................................................................................................................... 218
IGICE CYA 44 ............................................................................................................................................. 220
UMUCYO WIHARIYE WATANZWE KU GUTUNGANYA UBUSITANI ......................................................... 220
ELLEN G. WHITE YATANZE AMABWIRIZA AJYANA NO GUTERA IBITI BYERA IMBUTO ...................... 220
GUTERA UMUTI WICA UDUKOKO MU BITI BY'IMBUTO ..................................................................... 220
IGICE CYA 45 ............................................................................................................................................. 221
INAMA ZIKWIRIYE ZATANZWE KU KWIFOTOZA NO GUSENGA IBIGIRWAMANA .................................. 221
IGICE CYA 46 ............................................................................................................................................. 222
UMUZIKI N'INDIRIMBO N'UMUYOBOZI WABYO .................................................................................... 222
KURIRIMBA BYIRUKANA INGABO Z'UMWIJIMA ................................................................................. 222
UMWUKA W'AB'ISI MU BIJYANA N'INDIRIMBO ................................................................................. 222
IGICE CYA 47 ............................................................................................................................................. 225
MUKORERE MU MWUKA Wo GUSENGA ................................................................................................. 225
IMYANZURO MYINSHI CYANE.............................................................................................................. 225
IGICE CYA 48 ............................................................................................................................................. 226
ABAHANUZI BO MURI BIBILIYA BANDIKIYE IGIHE CYACU ...................................................................... 226
UBUTUNZI BUGENEWE AB'IGISEKURU GIHERUKA ............................................................................. 226
IGICE CYA 49 ............................................................................................................................................. 227
MBESE ABANTU BOSE BAGIRA IMPANO YO GUHANURA?..................................................................... 227
IGICE CYA 50 ............................................................................................................................................. 228
GUPFOBYA ABAVUGABUTUMWA BATUBANJIRIJE MU MURIMO ......................................................... 228
KUGIRA UMUCYO MWINSHI BITANGA INSHINGANO IRUSHIJEHO GUKOMERA ............................... 230
IGICE CYA 51 ............................................................................................................................................. 232
IBITERO KURI ELLEN WHITE N'UMURIMO WE ........................................................................................ 232
MBESE DUKWIRIYE GUCECEKA? .......................................................................................................... 232
KURWANYA IBINYOMA NO KUBIKOSORA .......................................................................................... 232
URUPAPURO RW'ITORERO RUKWIYE KUVUGA .................................................................................. 233
(Ubutumwa bwandikiwe uwari ushinzwe kunoza inyandiko mu 1883) ............................................ 233
IGICE CYA 52 ............................................................................................................................................. 235
UBUZIRANENGE N'AGAKIZA .................................................................................................................... 235
KWIVUGA UBUZIRANENGE78 ............................................................................................................... 235
MUREKE IMANA ABE ARI YO IBIVUGA, SI ABANTU ............................................................................ 236
NTIBISHOBOKA KUGEZA UBWO UYU MUBIRI WOKOJWE IKIBI UZAHINDURWA .............................. 236
IGIHE INTAMBARA IZABA IRANGIYE .................................................................................................... 237
IBYIRINGIRO BY'AGAKIZA MURI IKI GIHE ............................................................................................ 237
NTUKUKE UMUTIMA, IBYIRINGIRO BYAWE BIRI MURI KRISTO ......................................................... 237
IGICE CYA 53 ............................................................................................................................................. 238
MWIGE IBIHAMYA.................................................................................................................................... 238
UMUCYO UZACIRAHO ITEKA ABADAHITAMO KWIGA NO KUMVIRA ................................................ 238
ELLEN G. WHITE AHABWA KURARIKIRA ABANTU KWIGA IBIHAMYA ................................................ 238
KWIYIGISHA KWAGOMBYE GUSUBIZA IBIBAZO ................................................................................. 238
MWISOMERE IBIHAMYA UBWANYU ................................................................................................... 238
IBIHAMYA NI UBURINZI BWACU ......................................................................................................... 239
UMUGABANE WA X.................................................................................................................................. 240
GUHURA N'UBWAKA................................................................................................................................ 240
 IJAMBO RY'IBANZE ............................................................................................................................... 240
IGICE CYA 54 ............................................................................................................................................. 241
IKIBAZO CYA MACKIN............................................................................................................................... 241
RAPORO Y'IKIGANIRO .......................................................................................................................... 241
UWITEKA YATANZE UMUCYO .............................................................................................................. 249
URUNDI RUGERO KU GUFATWA N'ABADAYIMONI ............................................................................ 250
UMUGABANE WA XI: ............................................................................................................................... 251
IBIZABA MU MINSI Y'IMPERUKA ............................................................................................................. 251
IJAMBO RY'IBANZE ............................................................................................................................... 251
IGICE CYA 55 ............................................................................................................................................. 253
AMASOMO YIGIWE MU GUHURA N'AKAGA ΚATEWE N'ITEGEKO RY'ICYUMWERU MU MYAKA IHERUKA
YA 1880 NO MU MYAKA IBANZA YA 1890 .............................................................................................. 253
IBYIRINGIRO IGIHE IBICU BYABUDIKAGA MU MWAKA WA 1884 ...................................................... 253
AMERIKA ISHOBORA GUHINDUKA AHANTU H'AMAKUBA ARUTA ANDI YOSE ................................. 256
ISHUSHO YO HAMBERE IGARAGAZA UBUREMERE BW'ISABATO83 .................................................... 256
INAMA IREBANA N'IBIBAZO BY'ITEGEKO RY'ICYUMWERU ................................................................ 260
IGICE CYA 56 ............................................................................................................................................. 266
IGIHE TWEGEREJE IMPERUKA .................................................................................................................. 266
UBUTUMWA BUYOBYA BUZEMERWA NA BENSHI ............................................................................. 266
GUSHIKAMA KUTARI UBUTAGONDWA ............................................................................................... 267
ABADIVENTISITI B'UMUNSI WA KARINDWI BASUBIYE INYUMA BAZIFATANYA N'ABATIZERA ........ 268
UBUHANGA BWAHIMBWE NA SEKIBI ................................................................................................. 269
SATANI N'ABAMARAYIKA BE BIVANGA N'ABAHAKANYI .................................................................... 269
UMURIMO W'ABIGISHA BIGENGA ...................................................................................................... 269
ABAMARAYIKA BABI BAZAKORERA HAGATI MURI TWE MU ISHUSHO Y'ABIZERA ........................... 270
UBUHAKANYI BUZADUTUNGURA........................................................................................................ 271
ABAHAKANYI BAZAKORESHA KUGUSHA ABANTU IKINYA ................................................................. 271
"MUFATANYE, MUFATANYE" .............................................................................................................. 271
IGICE CYA 57 ......................................................................................................................................... 273
URUGAMBA RUKOMEYE RUHERUKA .................................................................................................. 273
AMAKUBA ARI IMBERE ........................................................................................................................ 273
ITEGEKO RY'IBIHUGU RIZATERA ABANTU KWICA AMATEGEKO Y'IMANA ........................................ 274
ISI MU BWIGOMEKE ............................................................................................................................. 274
ABANA BENSHI BAZASINZIRA .............................................................................................................. 276
URUGAMBA RUHERUKA RUZABA RUGUFI ARIKO RUTEYE UBWOBA ........................ 276
NIBABARENGANYA MUZAHUNGIRE AHANDI HANTU ........................................................................ 277
GUTOTEZWA KW'ABANTU BAZIRA KWIZERA IMANA NI UBURYO IMANA IKORESHA IZANA BENSHI
KU KURI................................................................................................................................................. 277
KRISTO AHAGAZE MU RUHANDE RW'ABERA BARENGANYWA .......................................................... 277
ABACURUZI BAKOMEYE N'IBIKOMANGOMA BAZAHITAMO URUHANDE BAHAGARARAMO .......... 278
BURI MUNTU AZABA MU NGABO ZA KRISTO CYANGWA MUZA SATANI .......................................... 279
KRISTO YIVANGA N'INGABO ZE MU RUGAMBA RUHERUKA .............................................................. 280
UBUGINGO BWACU NO KWITEGURA GUHERUKA .............................................................................. 281
IPICA IKORA KU MUTIMA Y'IBIGIYE KUBAHO ..................................................................................... 282
 UBUTUMWA BWAGENEWE UMUSOMYI
Icapwa ry'Ubutumwa Bwatoranyijwe igitabo cya mbere n'icya kabiri mu mwaka wa 1958 ryatanze
amahirwe yo kwakira inama z'ingirakamaro zigenewe itorero kuva igihe Ellen White yandikiye
Ibihamya by'Itorero umugabane wa 9 mu mwaka wa 1909. Ubutumwa buri mu gitabo cya mbere
n'icya kabiri bukubiyemo inyandiko ziboneka mu binyamakuru n'utu dutabo: Úrwibutso
n'Integuza, (Review and Herald) Umwigisha w'Abasore (The Youth's Instructor), n'Ibimenyetso
by'ibihe (Signs of the Times). Burimo kandi ubutumwa bwavuye mu nyandiko z'ibyigisho
bitacapwe, mu nyandiko Ellen White yandikishije intoki no mu mabaruwa yagiye yandikira
abantu. Ibi byongeye kwandikwa nk'igitabo cyuzuye cyangwa nk'umugabane bitewe n'akamaro
byagombaga kugira mu guha abantu inama mu buryo bwihariye. Ingingo zerekeye guhishurirwa,
akamero ka Kristo no gutsindishirizwa n'ubuntu kubwo kwizera zashyigikiwe n'inama
zitandukanye uko ibihe byagiye biha ibindi. Ibi bitabo bifite ubutumwa bw'ingenzi bwerekeye
ubwaka, udutsiko tw'abantu twagiye dushaka kwitandukanya n'itorero ndetse n'imikoreshereze
y'ibyifashishwa mu kuvura indwara. Ibi bitabo byabaye ingirakamaro cyane maze byuzuza
ubutumwa bwo mu Bihamya by'Itorero n'ibindi bitabo bitanga inama zihariye.[3UB11]
Mu myaka isaga makumyabiri ishize, inyandiko za Ellen White zo mu Rwibutso n'Integuza
(Review and Herald) no mu Bimenyetso by'Ibihe (Signs of the Times) zongeye gucapwa
nk'ibitabo, maze bitanga ubutunzi bw'inyandiko z'agaciro zitari zisanzwe ziriho muri rusange.
Muri iyi myaka isaga makumyabiri ishize, ubushakashatsi ku nyandiko Ellen White yandikishije
intoki ndetse no ku nzandiko yanditse bwatumye haboneka ubundi butumwa bw'ingenzi cyane.
Zimwe muri izo nyandiko zacapwe ari ingingo imwe yasohotse mu kinyamakuru cyavugaga
urwibutso rw'Abadiventisiti (Adventist Review), naho izindi zabaye umwe mu migabane
ikoreshwa mu kwiga no gucukumbura bikorwa n'itsinda ryiga ku mahame amwe n'amwe ndetse
n'ibibazo bigaragara mu miyoborere y'itorero ryacu. [3UB11]
Ubushakashatsi bwakozwe n'abanyeshuri bo muri kaminuza bwashishikarije abantu kwita ku
mvugo nyinshi Ellen White yahisemo gukoresha zashoboraga [3UB11] kugira umumaro ku buryo
burenze zimwe mu nama zari zaramaze gucapwa. Inyigo icukumbuye neza kandi yitondewe
yerekeye ubutumwa bwo mu minsi y'imperuka na yo yatumye habaho gusobanukirwa kwimbitse
ku buryo Abadiventisiti b'Umunsi wa Karindwi bazahora babuzirikana. Indi nyigo ikomeye
yakozwe mu myaka mike ishize yibanze ku kibazo cyo guhishurirwa ndetse n'uburyo ibitabo bya
Ellen White byateguwe, yatumye hakusanywa imvugo ze zitandukanye. Zimwe zishobora
kugaragara nk'izidasanzwe zicapwe naho izindi zikaba zimenyerewe. [3UB12]
Igitabo cya gatatu cy'Ubutumwa Bwatoranyijwe cyakomotse mu guhuriza hamwe inama zose
zavuye muri ubwo bushakashatsi. Kwandika iki gitabo bijyanye n'icyifuzo cya Ellen White cy'uko
mu myaka yari kuzakurikira urupfu rwe mu bitabo bye byaba ibyari byaracapwe cyangwa ibitari
byaracapwe hagombaga kuzava ubutumwa bwari kuzafasha itorero uko ryari kugenda rikura.
Kugeza mu mwaka wa 1938 izi nyandiko zari zibitswe mu ishyinguranyandiko ryari rifatanye
n'ibiro by'ahitwa Elmshaven hafi y'urugo Ellen White yari atuyemo i California. Kuva icyo gihe,
izo nyandiko zabitswe mu ishyinguranyandiko ry'Ikigo gishinzwe kurinda inyandiko za Ellen G.
White (White Estate) ku cyicaro gikuru cy'Inteko Nkuru Rusange y'Itorero i Washington, D.C.
Cyari icyifuzo cya Ellen White ko inyandiko yandikishije intoki ze ndetse n'inzandiko byari
kuzafasha itorero mu buryo bukomeye. Kuri iyi ngingo mu mwaka wa 1905 yaranditse ati:
[3UB12]
"Ndasabwa mfashijwe n'Imana kwandika inzandiko zizaba ubufasha bw'ingirakamaro atari kubo
nandikiye gusa ahubwo no ku bandi bantu benshi bazazikenera." -Letter 79, 1905. [3UB12]
Inyandiko zakoreshejwe muri iki gitabo zakusanyijwe hatanzwe uburenganzira n'ubuyobozi
by'Abashinzwe kurinda Inyandiko za Ellen White, kandi ibyo byakorewe mu biro by'ikigo
gishinzwe kurinda inyandiko za Ellen White i Washington, D.C. kandi bikorwa n'itsinda
ry'abakozi bahoraho. [3UB12]
Umusomyi azabona ko hari itandukaniro ku miterere y'imyandikire kuva ku mugabane umwe ujya
ku wundi ndetse no hagati mu migabane imwe n'imwe. Kuri buri mugabane hakoreshejwe
imyandikire ijyanye n'ubutumwa buhari. Ubu buryo ni na bwo bwakurikijwe mu myandikire
y'ibindi bitabo bibiri byabanjirije ikingiki. Imvano y'ubutumwa bwose yagiye igaragazwa neza.
Henshi na henshi igaragaza itariki ubwo butumwa bwanditsweho cyangwa igihe bwacapiwe bwa
mbere. [3UB12]
Itsinda ry'abantu bateguye iki gitabo bakoze uko bashoboye ngo aho bishoboka kose bagaragaze
neza inyandiko y'umwimerere kugira ngo umusomyi arusheho gusobanukirwa. Hari aho
kugaragaza igihe n'ahantu ubutumwa bwatangiwe ari ingenzi cyane ariko andi mateka akaba nta
kintu cy'ingirakamaro yakongera kuri ubwo butumwa. Izi nyandiko ni [3UB12] umwihariko ku
bashinzwe kurinda inyandiko za Ellen White gusa. Ukuri ni ukuri kandi inshuro nyinshi ntihaba
hakenewe ubundi busobanuro bwo kugushyigikira. [3UB13]
Aho biri ngombwa cyangwa no mu zindi ngero, ubutumwa bwanditswe bufite izina ry'umuntu
bwandikiwe. Aho kugaragaza izina bidashobora guhungabanya icyizere cy'uwandikiwe ryarekewe
mu nyandiko. Ahenshi inyuguti zakoreshejwe nk'amazina. Hagatangizwa A bigakomeza nk'uko
inyuguti zikurikirana. Nta sano iri hagati y'inyuguti yakoreshejwe n'izina ry'uwandikiwe. [3UB13]
Icyifuzo cy'Abashinzwe kurinda inyandiko za Ellen White ni uko iki gitabo kigizwe n'ubutumwa
bw'ingenzi n'inama cyaba ingirakamaro mu buryo bw'umwihariko kandi kikaba n'isoko
y'umugisha no gusubizwamo intege ku bagize Itorero. [3UB13]
Inama y'Abashinzwe Kurinda Inyandiko za Ellen White
 UMUGABANE WA I

ITORERO

IJAMBO RY'IBANZE
Itorero ry'Abadiventisiti b'Umunsi wa Karindwi ryahoze ari isanga n'ingoyi n'umutima wa Ellen
White. Inshuro nyinshi cyane mu mibereho ye, ijuru ryamuhaye ubutumwa bwo gusubizamo
intege, kugira inama, kumenyesha, guhamya ndetse no gukosora. Aya mayerekwa yose yayahawe
kugira ngo ayobore kandi arinde abasigaye bubahiriza Isabato y'Imana nk'umuntu ku giti cye
cyangwa nk'itorero. [3UB15]
Igihe itorero ryari ryibasiwe, Ellen G. White yaravuze ati: "Nzi ko Uwiteka akunda itorero rye
(Ubutumwa Bwatoranyijwe 2, p. 76; [2016]). Ellen White yongeye kwandika agira ati: "Nubwo
Itorero rya Kristo ryaba irinyantege nke rite kandi rikabasha kugira inenge, niryo kintu cyonyine
ku isi Kristo yitaho bihebuje." Testimonies to Ministers, p. 15. [3UB15]
Ellen White yakundaga itorero cyane. Imibereho ye yose yayeguriye kwitangira imikorere,
ubusugire n'intsinzi by'itorero. [3UB15]
Mbega ukuntu ari ingenzi kuba iki gitabo cy'Ubutumwa Bwatoranyijwe gitangizwa n'ubusobanuro
bw'itorero nk'uko byakuwe mu rwandiko rw'inama yandikiye umuyobozi wakoreraga hanze ya
Amerika y'Amajyaruguru. Uru rwandiko rukurikirwa n'izindi nama zihamagarira itorero kugira
ubumwe kuko ubwo bumwe butera imbaraga ndetse yihanangiririza abagize itorero kwirinda
kwirema ibice kuko bica intege ibikorwa byo gukiza abazimiye muri iyi si yangiritse. [3UB15]

Abashinzwe Kurinda Inyandiko za Ellen White

 IGICE CYA 1

ITORERO NI IKI?
Imbaraga ihindura ya Kristo igomba kumvikanira mu isi binyuze mu bana be bamwizera. Umuntu
wese wemeye Kristo na we agomba kugaragaza iyo mbaraga yatanze umusaruro ikamugeza ku
guhinduka binyuze mu bo Imana yakoresheje. Umurimo wacu wose muri iyi si ugomba gukorwa
mu bwuzuzanye, urukundo n'ubumwe. Urugero Kristo yatanze nirwo rugomba guhora imbere
yacu tukarukurikiza bityo tukagera ikirenge mu cye. [3UB17]
Ubumwe ni zo mbaraga kandi Imana ishaka ko uku kuri guhishurirwa abagize umubiri wa Kristo
bose. Bose bagomba kuba umwe mu rukundo, ubugwaneza no kwiyoroshya. Abakristo bari mu
muryango w'abizera ku bw'umugambi wo guhuriza hamwe no kwamamaza inkuru nziza nk'uko
Kristo yabikoraga. Bakwiriye kugaragarizanya ubwuzu no kubahana. Buri mpano ifite aho
ikwiriye gukoreshwa kandi ikwiriye kugengwa n'Umwuka Wera.
-
Itorero ni Umuryango wa Gikristo Washyiriweho Abawugize. umuryango wa Gikristo uriho ku
bw'abawugize kugira ngo buri munyamuryango yishimire ubufasha bw'ubuntu n'impano by'abandi
ndetse n'uburyo Imana ibakoresha uko impano n'ubushobozi byabo bitandukanye. Itorero
rihurijwe hamwe mu isano yera yo gushyira hamwe kugira ngo ku bwo gufashwa na mugenzi we
buri mukristo yunguke. Abakristo bose bakwiriye guhurizwa hamwe ku isezerano ry'urukundo
n'ubugwaneza. Amahame n'ubuntu bya Gikristo by'umuryango mugari w'abizera bihurizwa
hamwe kugira ngo haboneke imbaraga zo gukora umurimo w'ubugwaneza. Buri mukristo akwiriye
kuronka kandi agasubizwamo intege n'ibikorwa bya bagenzi be kugira ngo impano itagaragara
kuri umwe iboneke ku buryo busaze kuri mugenzi we. Bose bakwiriye kuba umwe kugira ngo
ibyo bibere igihamya isi, abamarayika ndetse n'abantu. [3UB17]
Isezerano ryo kuba umwe mu bagize itorero ni uko buri mukristo agera ikirenge mu cya Kristo
ngo bemere kuba abagaragu be kandi bamwigireho kuko ari umugwaneza kandi yoroheje mu
mutima. Mu gukora ibi, Kristo yaravuze ati: "Mwemere kuba abagaragu banjye munyigireho, kuko
ndi umugwaneza kandi noroheje mu mutima, namwe muzabona uburuhukiro [3UB17] mu mitima
yanyu, kuko kunkorera kutaruhije, n'umutwaro wanjye utaremereye." (Matayo 11:29, 30).
[3UB18]
Abemera kwikorera umutwaro wa Kristo bazagira ubumwe. Bazagira impuhwe n'ubugwaneza
kandi kubwo gukuzwa na Mwuka Wera bazaharanira kugaragariza abandi impuhwe n'urukundo
kuko bazumva ko ari byo bibakwiriye. Umunyantegenke kandi udafite ubunararibonye nubwo
afite intege nke ashobora gukomezwa n'abamurusha ibyiringiro kandi bafite ubunararibonye
bukomeye. Nubwo yaba ari uworoheje muri bo ni ibuye rikwiriye kurabagirana ku nyubako. Ni
urugingo rw'ingirakamaro ku mubiri wa Kristo, we mutwe kandi muri we haboneka ubwiza
buhebuje bwo mu mico ye ku buryo Umukiza atagira isoni zo kumwita mwene se. [3UB18]
Kuba Ingirakamaro Byongerwa n'Ubumwe mu Itorero. - Kuki abakristo bahurizwa mu
itorero? Kuko muri ubu buryo Kristo yifuza kongera umumaro wabo mu isi kandi agakomeza
imibereho yabo ngo bakore ibyiza. Mu itorero hakwiriye gukomezwa ihame ririnda uburenganzira
bwa buri wese kandi rigateza imbere ubufatanye. Ntabwo Imana yagennye ko ibitekerezo
by'umuntu umwe n'ubushishozi bwe ari byo biyobora. Ntabwo yagennye kandi ko umuntu umwe
ayobora, agakora iteganyabikorwa ndetse agatekerereza abandi hatabayeho gusengana ubwitonzi
bikozwe n'umubiri wose kugira ngo byose bikorwe mu buryo bwiza kandi butarangwa no
kubusanya. [3UB18]
Abakristo bakwiriye kurabagirana nk'umucyo ku isi. Umurwa uri ku mpinga y'umusozi ntubasha
kwihisha. Itorero ryitandukanyije n'iby'ab'isi kandi rishikamye ijuru riribona nk'igikoresho
gikomeye ku isi yose. Abagize itorero bararikirwa kwitandukanya n'isi maze bakiyegurira
gukorera Shebuja umwe, ari we Yesu Kristo. Bagomba kwereka isi ko bahisemo Kristo
nk'umuyobozi wabo. Itorero rigomba kuba nk'uko Imana yabiteganyije rigahagararira umuryango
w'Imana mu yindi si. -Letter 26,1900. [3UB18]

Imana Ifite Umubiri Ufite Gahunda

Mujye mwitondera abahagurukana umutwaro uremereye wo kwamagana itorero barishinja ibibi.
Abatoranyijwe bahagaze bashikamye kandi bahanganye n'umuraba wo kurwanywa n'ab'isi kandi
bagaharanira kwerereza amategeko y'Imana yasiribanzwe bakamenya ko ari ayera kandi
bakayubaha ni bo mucyo nyakuri w'isi. [3UB18]
Ndababwira bavandimwe, Imana ifite umubiri utunganye izakoreramo urimo ibikenewe byose
kandi biri kuri gahunda. Uyu mubiri ushobora kubamo benshi bameze nka Yuda, hashobora
kubamo abahubuka nka Petero bashobora kumwihakana baramutse bahuye n'ibigeragezo.
Hashobora kubamo abantu bameze nka Yohana Yesu yakundaga ariko akagira ishyaka
ryashoboraga kuvutsa abantu ubuzima ubwo yifuzaga [3UB18] guhamagara umuriro ngo uve mu
ijuru ubatwike kugira ngo yihorere ku gitutsi bari batutse Kristo n'ukuri kwe. Nyamara, Umwigisha
mukuru ashaka kubagira inama kugira ngo bakosore izo ngeso mbi. N'uyu munsi, Kristo
aracyakorera itorero rye uwo murimo. Abereka akaga kabategereje kandi akabaha ubutumwa
bugenewe Lawodokiya. [3UB19]
Kristo abereka ko ukwikunda kose, ukwishyira hejuru kose, ukwihimbaza kose, ukutizera kose
n'urwikekwe rwose bishobora gutuma binangira bakanga ukuri nuko bakajya kure y'umucyo
nyakuri. Ibyo bizana akaga. Keretse ibi byaha byihanwe, naho ubundi abishimira kubikora
bazasigara mu mwijima nk'uko byagendekeye ishyanga ry'Abayuda. Mureke umutima wa buri
mukristo wese ushishikarire gusubiza isengesho rya Kristo. Mureke buri mutima uzirikane iryo
sengesho, mu gusaba no kwinginga kugira bose babe umwe nk'uko na Kristo ari umwe na Se nuko
dukore kugeza ku iherezo. [3UB19]
Aho gukoresha intwaro z'urugamba ku bw'ikuzo ryacu, nimureke zikoreshwe mu kurwanya abanzi
b'Imana n'ukuri. Reka umutima wawe uzirikane isengesho rya Kristo yasenze agira ati: "Data
Wera, ubarindire mu izina ryawe wampaye, ngo babe umwe, nk'uko natwe turi umwe" (Yohana
17:11). [3UB19]
Icyo Isengesho rya Kristo Ryari Rigendereye. Isengesho Kristo yasenze ntabwo ryari ryerekeje
ku bari abigishwa be bo muri icyo gihe gusa, ahubwo yasabiraga abari kuzamwizera bose binyuze
mu magambo y'abigishwa be ndetse no kugeza ku mperuka y'isi. Yesu yari hafi gutanga ubugingo
bwe kugira ngo azane ubugingo no kudapfa. Igihe Kristo yari mu mibabaro, yangwa n'abantu buri
munsi, yitegereje itorero rye mu gihe cy'imyaka ibihumbi bibiri yari kuzakurikiraho ririho mu
minsi ya nyuma, mbere y'umusozo w'amateka y'iyi si.
Kuva uwo munsi Uwiteka yari afite itorero, kugeza mu bintu byagiye bibaho bihinduka uko igihe
cyagiye gisimbura ikindi kugeza ubu. Bibiliya itwereka itorero ry'icyitegererezo. Abarigize
bagomba kunga ubumwe hagati yabo ndetse bakanagirana ubumwe n'Imana. Iyo abakristo bunze
ubumwe na Kristo we muzabibu w'ukuri, umusaruro uvamo ni uko baba umwe na Kristo, bakuzura
imbabazi, impuhwe n'urukundo. [3UB19]
Abacira Itorero Urubanza. Igihe umuntu uwo ariwe wese yitandukanyije n'itsinda rigari rifite
gahunda ry'ubwoko bw'Imana bukomeza amategeko yayo, iyo atangiye gupimira itorero ku
minzani ye ya kimuntu maze agatangira gucira urubanza abarigize, icyo gihe muzamenye ko
Imana itamuyoboye. Aba yataye umurongo ari mu nzira itari ukuri. [3UB19]
Abagabo n'abagore bahora bahaguruka bakabura amahwemo kandi ntibatuze, baba bashaka
kuzana udushya no gukora ibintu bitangaje. Satani agenzura neza amahirwe abonye yo kubaha
icyo bamukorera. Imana yahaye umuntu wese inshingano ye. [3UB19]
Gusubizamo Intege aho Gusenya. - Mu itorero hari uburyo n'amahirwe byo gufasha abagiye
gupfa, ndetse no gutera ishyaka abagize itorero aho gusenya itorero rigacikamo ibice. Mu itorero
hari amahirwe menshi cyane yo kugendera mu nzira za Kristo. Niba umutima wuzuye ishyaka ryo
kugera ku kwezwa n'ubutungane byimbitse, ngaho gendera muri uwo murongo ufite kwicisha
bugufi kose n'ubwitange bwose. Itorero rikeneye umwete n'ihishurwa by'abantu bahumeka
umwuka mvajuru kugira ngo batume itorero rigira ubuzima nubwo urukungu rwaba mu ngano...
[3UB20]
Ndihanangiriza abizera bose kwiga kugira ifuhe ry'iby'Imana mu mibereho yanyu. Nibitagenda
bityo, Satani azigarurira imitima yanyu maze ayikure ku Mana, bityo muzanyerera mutabizi
mwinjire mu ruhande rw'abakorera Satani mutigeze mutahura ko mwahinduye umutware, bityo
mwisange mu butware bushukana bw'umunyagitugu. [3UB20]
Nk'itorero dukwiriye kuba maso cyane, kandi nk'abakozi bakorana n'Imana tugakorera
abayobagurika bari hagati muri twe. Twahawe intwaro z'umwuka, zikomeye ngo zisenye igihome
cy'umwanzi. Ntidukwiriye gusakuza duhinda nk'inkuba twibasira ingabo z'itorero rya Kristo, kuko
Satani ari gukora ibyo ashoboye byose muri urwo rwego. Kandi mwebwe abavuga ko muri
abasigaye b'umwandu w'Imana ntibyakabaye byiza bigaragaye ko mufasha Satani, mugira uwo
mwamagana, muregana kandi mucirirana imanza. Mushake uko musubiza abantu mo intege aho
gusenya, guca intege no kurimbura. - Manuscript 21, 1893. (The Review and Herald, Nov. 8,
1956). [3UB20]
 IGICE CYA 2

UBUMWE MU ITORERO

MUGABE IGITERO MWUNZE UBUMWE

Ubuhamya bwa buri muntu wese wizera ukuri bugomba kuba bumwe. Ibyo mutandukaniraho bito
byose bibyutsa umwuka wo gushyamirana muri bene data, ni ibikoresho Satani yifashisha kugira
ngo ateshure intekerezo z'abantu ku ngingo ikomeye kandi ikwiriye gutinywa iri imbere yacu.
Amahoro nyakuri azaza mu bwoko bw'Imana ubwo binyuze mu guhuriza hamwe, kugira ishyaka
no gusenga bubikuye ku mutima hazabaho guhungabanya amahoro y'icyitiriro ariho ku rwego
rukomeye. Ubu hari umurimo witondewe cyane ugomba gukorwa. Iki ni igihe cyo kugaragaza
ibyangombwa mwujuje nk'abasirikari. Nimutyo ubwoko bw'Imana bugabe igitero ku banzi
b'Imana n'ukuri no gukiranuka bushyize hamwe. [3UB21]
Igihe Mwuka Wera yasukwaga ku itorero ry'intumwa, "Abizeye bose bahuzaga umutima n'inama,
kandi nta n'umwe wagiraga ubwiko ku kintu, ahubwo byose barabisangiraga" (Ibyakozwe
n'Intumwa 4:32). Umwuka wa Kristo wabagize umwe. Iyi ni imbuto yo kuguma muri Kristo...
[3UB21]
Dukeneye kumurikirwa n'ijuru. Buri muntu araharanira kuba uw'imbere, nyamara kugeza igihe
Imana izagira icyo ikorera ubwoko bwayo, ntabwo buzabona ko kwiyegurira Imana ari byo
bwugamo rukumbi bw'umuntu uwo ari we wese. Ubuntu buhindura imitima y'abantu bwa Kristo
buzabageza ku bumwe butigeze bugerwaho kuko abiyeguriye Kristo burundu bazabana amahoro
nta kubusanya. Umwuka Wera azarema ubumwe. - Letter 25b, 1892. [3UB21]

Ubumwe ni Ihame Shingiro Ryacu

Isengesho Kristo yasenze Se riboneka mu gice cya cumi na karindwi cy'ubutumwa bwiza
bwanditswe na Yohana rigomba kuba ihameshingiro ry'itorero ryacu. Ritwereka ko kudahuza
kwacu no kwirema ibice bidahesha Imana icyubahiro. Soma icyo gice cyose, umurongo ku
murongo. -Manuscript 12, 1899. [3UB21]

Nta Kwirema Ibice

Nta nama cyangwa se amabwiriza biboneka mu Ijambo ry'Imana byahawe abizera ubutumwa bwa
marayika wa gatatu ngo bibatere kwibwira ko bashobora kwitandukanya n'abandi. Imigambi iva
mu ntekerezo zitejejwe ni yo ibasha gushishikariza abantu kwirema ibice. Ubucakura bw'abantu
bushobora kugaragara nk'ukuri mu maso yabo, ariko si ukuri cyangwa gukiranuka. "Uwo ni we
mahoro yacu, kuko yahinduye twebwe ababiri kuba umwe, akuyeho ubwanzi ari bwo rusika rwari
hagati yacu, rutugabanya, amaze gukuzaho amategeko y'iby'imihango umubiri we, kugira ngo ba
babiri abarememo umuntu umwe mushya muri we, ngo azane amahoro atyo; kandi ngo bombi,
abagire umubiri umwe, abungishe n'Imana umusaraba, awicishije bwa bwanzi." (Abefeso 2: 14-
16). [3UB22]
Kristo ni we pfundo mu murunga w'izahabu uhuriza abakristo hamwe mu Mana. Nta
kwitandukanya gukwiriye kubaho muri iki gihe gikomeye cyo kugeragezwa. Ubwoko bw'Imana
ni "ubwoko bumwe n'abera, ndetse [ni] abo mu nzu y'Imana; kuko [bubatswe] ku rufatiro
rw'intumwa n'abahanuzi, ariko Kristo ni we buye rikomeza imfuruka. Muri we inzu yose iteranijwe
neza, irakura, ngo ibe urusengero rwera mu Mwami Yesu." (19-21). Abana b'Imana bagize itsinda
rimwe muri Kristo, kandi berekana umusaraba wa Kristo nk'ipfundo bahuriraho. Abizera bose ni
umwe muri Kristo. [3UB22]
Amarangamutima ya muntu azabatera gufata umurimo mu biganza byabo, bityo ibyo bitume
inyubako itaringanira. Kubw'ibyo rero, Imana ikoresha impano zitandukanye kugira ngo inyubako
ibe iringaniye rwose. Nta kuri na kumwe gukwiriye guhishwa cyangwa ngo guteshwe agaciro.
Imana ntishobora guhabwa icyubahiro keretse gusa inyubako "iteranijwe neza kandi igakura ngo
ibe urusengero rwera mu Mwami Imana." Icyigisho gikomeye kirumvikana ahangaha, kandi
abasonukiwe n'ukuri kugenewe iki gihe bagomba kwitondera uko bumva n'uko bubaka kandi
bakigisha abandi kukugenderamo. - Manuscript 109, 1899. [3UB22]

Icyo Ijuru Ryemera

"Ndababwira ukuri yuko ibyo muzahambira mu isi bizaba bihambiriwe no mu ijuru, kandi ibyo
muzahambura mu isi bizaba bihambuwe mu ijuru." (Matayo 18:18). Iyo ibyo Kristo yategetse
byose bishyizwe mu bikorwa mu mwuka nyakuri wa Gikristo, icyo gihe cyonyine ni bwo ijuru
ryemera icyemezo itorero ryafashe, kubera ko abarigize baba bafite wa mutima wari muri Kristo,
kandi bakaba bakora nk'ibyo yakora nawe abaye ari ku isi. -Letter 1c,1890. [3UB22]
 IGICE CYA 3

GUKORERA MU BWIGENGE

KUVA KU KWIZERA
Imana iri kwigisha, kuyobora no gufasha ubwoko bwayo, kugira ngo nabwo bubashe kwigisha,
kuyobora no gufasha abandi. Nk'uko byabayeho mu ishyanga rya Isirayeli ya kera, mu basigaye
bo muri iyi minsi iheruka hazabaho abashaka kugenda bitandukanyije n'abandi, badashaka
kumvira inyigisho za Mwuka w'Imana, kandi batazigera batega amatwi inama n'impuguro
bahabwa. Mureke abo bantu bamenye ko Imana ifite itorero ku isi, itorero yahaye ububasha.
Abantu bazashaka gukurikiza imyumvire yabo bwite, basuzugure inama no gucyahwa; ariko ubwo
bazaba bakora batyo, bazava ku kwizera maze hakurikireho amakuba no kurimbuka K'ubugingo.
Ubu abishyira hamwe kugira ngo bashyigikire kandi bubake ukuri kw'Imana baragenda bajya mu
ruhande rumwe kandi bahagaze bahuje umutima, intekerezo n'ijwi ngo barwanirire ukuri. -Letter
104, 1894. [3UB23]

IMBARAGA ZIVA MU GUKORA IBYAGIWEHO INAMA

Imana ishaka ko abantu bose bafite uruhare mu murimo wayo batangira ubuhamya mu mibereho
yabo bakagaragaza ukwera k'ukuri. Iherezo rya byose riri bugufi, kandi iki ni igihe Satani
azakoresha imbaraga zidasanzwe kugira ngo arangaze intekerezo z'abantu kandi azitandukanye
n'ingingo z'ingirakamaro zagombye gukururira ubwenge bw'umuntu wese gukora umurimo
adakebakeba. [3UB23]
Ingabo ntizishobora kugira icyo zikora ngo zigere ku ntsinzi igihe imitwe itandukanye izigize
idakora ibyo yumvikanyeho. Buri musirikare aramutse akoze atitaye ku byo abandi bakora,
bidatinze izo ngabo zavurungana. Aho kugira ngo imbaraga zihurizwe hamwe bivuye mu murimo
uhuriweho na bose, izo mbaraga zapfira ubusa mu gukoresha umuhati utarangwamo gahunda
kandi w'imburamumaro. Kristo yasengeye ko abigishwa be baba umwe na We, nk'uko na we ari
umwe na Se. [3UB23]
Indangagaciro nziza izo arizo zose umuntu ashobora kugira, ntizamubashisha kuba umusirikare
mwiza aramutse akora yitandukanyije n'abandi. Rimwe na rimwe hari ibyiza bishobora gukorwa
ariko akenshi umusaruro uba uw'agaciro gake, ndetse akenshi iherezo ryerekana amahano
yakozwe kurusha ibyiza. Abakora ari ba nyamwigendaho bigaragaza nk'abakora ikintu runaka,
bakireherezaho abantu, bakigaragaza nk'abahanga hanyuma bakagenda. Bose bagomba gukurura
bagana mu cyerekezo kimwe kugira ngo bakore umurimo utanga umusaruro... [3UB24]
Imana ishaka umurimo w'ingabo zayo zihuje umutima, kandi kugira ngo ibi bishoboke mu itorero,
kwitegeka ni ingenzi; kandi abantu bakwiriye gushyira uku kwitegeka mu bikorwa. -Letter 11a,
1886. [3UB24]

MUJYE INAMA KANDI MUGERERANYE IMIGAMBI MUFITE

Mu mbaraga zose n'ahantu hose ukuri kwamamazwa haba hakenewe ibitekerezo bitandukanye,
impano zitandukanye, imigambi itandukanye ndetse n'uburyo butandukanye byo gukora umurimo
abantu bahuje umutima. Bose bakwiriye kumva ko kujya inama no gusengera hamwe ari
ngombwa. Kristo yaravuze ati: "Kandi ndababwira yuko ababiri muri mwe nibahuza umutima mu
isi wo kugira icyo basaba cyose, bazagikorerwa na Data wo mu ijuru." (Matayo 18:19). Nta mukozi
umwe uba ufite ubwenge bukenewe bwose. Hakwiriye kubaho kugereranya ingamba no kujya
inama. Nta muntu umwe ukwiriye kumva ko yihagije ku buryo yakora umurimo wenyine ahantu
aho ariho hose adafite abafasha. [3UB24]
Umuntu umwe ashobora kugira ubuhanga mu cyerekezo kimwe, ariko agatsindwa rwose ku
ngingo zimwe na zimwe z'ingenzi. Ibi bituma umurimo we udatungana. Bene uyu muntu aba
akeneye ubuhanga n'impano by'undi muntu kugira ngo bihurizwe hamwe n'imbaraga ze. Bose
bakwiriye kutabusanya rwose mu murimo. Baramutse bakoranye gusa n'ababona ibintu nk'uko
nabo babibona kandi bakaba abakurikiza imigambi yabo gusa, amaherezo bazatsindwa. Umurimo
uzapfapfana kubera ko nta n'umwe muri aba bakozi wigiye mu ishuri rya Kristo ribabashisha
kumurikira Imana umuntu wese amaze gutunganyirizwa rwose muri Kristo Yesu. Bose bakwiriye
guhora biyungura. Bakwiriye kudacikwa n'amahirwe yose babonye kandi bakayakoresha neza
kugeza ubwo baba batunganirijwe rwose gukora umurimo wabo ukomeye kandi w'icyubahiro.
[3UB24]
Ariko Imana yashize impano zitandukanye mu itorero ryayo. Zose ni iz'igiciro mu mwanya wazo
kandi zose zikwiriye kugira uruhare mu gutunganya abera. [3UB24]
Iri ni itegeko ry'Imana kandi niba abantu bashaka gutsinda bakwiriye gukora bakurikije amategeko
Imana yatanze n'uburyo byayo. Imana izemera gusa umuhati uva mu bushake no ku mitima
yicíshije bugufi, itarangwa n'ibyo umuntu umwe yibwira ubwe cyangwa ngo irangwe no
kwikunda. -Letter 66, 1886. [3UB24]

IMIKORERE MU ITANGIRA RY'UMURIMO

Ubwo umurimo wari utaraguka, umugabo wanjye yakundaga kujya inama n'abagabo bari bafite
ibitekerezo bizima. Icyo gihe umurimo wari muto ugereranyije n'iki gihe, ariko ntiyumvaga ko
ashoboye kuwucunga wenyine. Yatoranyaga abajyanama mu babaga bafite inshingano mu bice
byose by'umurimo. Kandi nyuma yo kujya inama bari kumwe, abo bagabo basubiraga gukora
umurimo wabo biyumvamo inshingano irushijeho gukomera yo guteza umurimo imbere mu
byerekezo bitunganye, bakajya kuwerereza, kuwutunganya no kuwukomeza kugira ngo umurimo
w'Imana ubashe kujya mbere mu mbaraga. -Manuscript 43,1901. [3UB25]

UBWIGENGE, NI UBUHENDANYI BWA SATANI

Ni ubuhendanyi bw'umwanzi ku muntu wese utekereza ko ashobora kwitandukanya n'inzego
Imana yashyizeho maze agakora ukwe yigenga, mu byo yita ubwenge bwe, ngo abe yagera ku
ntsinzi. Nubwo ashobora kwishyeshya yibwira ko akora umurimo w'Imana, amaherezo
ntazagubwa neza. Turi umubiri umwe, kandi buri rugingo rugomba komatana n'umubiri, buri
muntu agakora uko ubushobozi bwe bungana. -Letter 104, 1894. [3UB25]
Si ikimenyetso cyiza kuba abantu batunga ubumwe n'abavandimwe babo mu kwizera, ahubwo
bagahitamo gukora bonyine, igihe batazinjiza bagenzi babo mu murimo wabo bitewe n'uko
badahuje nabo ibitekerezo. Abantu nibikorera umutwaro wa Kristo, ntibazashobora
kwitandukanya. Bazikorera umutwaro we kandi bazahuriza hamwe nawe. -Manuscript 56, 1898.
[3UB25]
Mu gihe twegereza akaga gaheruka, aho gutekereza ko gahunda no kutabusanya mu mikorere
bidakenewe cyane, twagombye kurushaho kugira gahunda ndetse kurusha uko byari bisanzwe.
Umurimo wacu wose ukwiriye gukorwa hashingiwe ku ngamba zisobanutse neza. [3UB25]
Nakiriye umucyo uva ku Uwiteka ko hakwiriye kubaho ubuyobozi bw'ingabo [z'Uwiteka] bwuje
ubwenge muri iki gihe kurusha uko byabaye mu gihe icyo aricyo cyose cy'amateka yacu. - Letter
27a, 1892. [3UB25]

GAHUNDA Y'IMIYOBORERE INOZE NI INGENZI

Yooo! Mbega uburyo Satani yanezerwa aramutse ageze ku ntego ye mu muhati akoresha ngo
yinjire muri iri shyanga, maze azane akaduruvayo mu murimo mu gihe gahunda y'imiyoborere
inoze ari ingenzi, kandi iyi gahunda izaba imbaraga ikomeye cyane yo gukumira abahagurukana
ibitekerezo bipfuye no kwamagana ibivugwa bidashyigikiwe n'ljambo ry'Imana! Dushaka ko
imirongo tugenderaho itava kuri gahunda, kugira ngo hatazabaho gusenya imikorere y'ubuyobozi
na gahunda yubatswe biciye mu murimo wakoranwe ubwenge n'ubwitonzi. Nta burenganzira
[3UB25] cyangwa ubudendezo bikwiriye guhabwa abatagendera kuri gahunda bifuza kugenga uko
umurimo wakorwa muri iki gihe. [3UB26]
Abantu bamwe bagiye bazana igitekerezo cy'uko ubwo twegereje iherezo ry'ibihe, buri mwana
w'Imana wese azakora yigenga kandi yitandukanyije n'inzego z'imikorere iyo ari yo yose
y'iby'idini. Ariko Uwiteka yambwirije ko muri uyu murimo nta kintu nk'icyo cy'uko umuntu wese
yakora yigenga gikwiriye kubaho. Inyenyeri zose zo mu kirere zifite amategeko azigenga, buri
nyenyeri itera indi kubahiriza ubushake bw'Imana, maze zose zigahuriza hamwe kumvira
amategeko agenga imikorere yazo. Ni yo mpamvu, kugira ngo umurimo w'Imana ubashe gutera
imbere, uguwe neza kandi utajegajega, ubwoko bw'Imana bugomba gukubira hamwe. -(May 30,
1909). Testimonies, vol. 9, pp. 257, 258. [3UB26]
 UMUGABANE WA II

AMAHAME YO GUHUMEKWA

IJAMBO RY'IBANZE
Ibyiringiro dufitiye ibitugeraho ari ubutumwa bwahumetswe n'Imana, bishingiye ku kwizera
Imana n'ljambo ryayo kwacu. Binashingiye ku murimo wemeza Umwuka Wera akorera mu
mitima yacu. Ibyiringiro byacu binashingiye ku kwitegereza ubuhanuzi bwasohoye n'uburi
gusohora ndetse n'imbuto y'ubwo butumwa mu mibereho yacu n'iy'abandi. Umumaro inama zagize
mu iterambere n'umurimo by'itorero uduha ikindi gihamya ko izo nama zikomoka ku mbaraga
idasanzwe. [3UB27]
Kumenya bimwe mu bigize guhumekerwa ndetse n'ihishurwa bifasha mu gusigasira ibyo
byiringiro dufite. Ibyo bishobora kuboneka mu mvugo zakoreshejwe n'abanditsi bahumekewe
n'Imana ubwabo. Ayo magambo asigasira ibyiringiro byacu aboneka muri Bibiliya no mu
nyandiko za Ellen G. White. Ijambo ry'ibanze umwanditsi yahaye igitabo cye cyitwa Intambara
Ikomeye ryagize uruhare rukomeye cyane ku kuntu dusobanukirwa uburyo yahumekewe n'Imana.
[3UB27]
Uko ibihe byagiye bisimburana Abashinzwe Kurinda Inyandiko za Ellen White bashyize
ahagaragara ubutumwa buvuye mu nyandiko ze zacapwe n'izitaracapwa zivuga kungingo yo
guhishurirwa no guhumekerwa. Ubwo butumwa bwagiye bukoreshwa kenshi, hamwe n'inyandiko
zitigeze zicapwa ubu biri muri uyu mugabane ufite umutwe uvuga ngo: "Amahame yo
Guhumekerwa." [3UB27]
Nk'uko byagenze ku banditsi ba Bibiliya, Ellen White avuga ku mayerekwa yahawe mu buryo
butagenderewe. Asobanura gusa mu magambo make uko umucyo wamugezeho, ndetse n'uko
yahawe ubutumwa. Aho yagiye avuga ku mayerekwa ye bisa n'ibitunguranye bigaragara mu
nyandiko zitandukanye kandi bikaboneka mu mirongo mike, ubu noneho noneho ku nshuro ya
mbere ubwo butumwa bwasonzoranyirijwe muri iki gitabo. [3UB27]
Abashinzwe Kurinda Inyandiko za Ellen White. 27
 IGICE CYA 4

IJAMBO RY'IMANA NI RYO NYAMBERE

Isano iri Hagati ya Bibiliya n'Inyandiko za Ellen G. White nk'uko Igaragara mu Gitabo cye
cya Mbere. - Ncuti musomyi, nkuragije Ijambo ry'Imana ngo abe ari ryo rigenga ukwizera kwawe
n'ibyo ukora. Tuzacirwa urubanza n'iryo Jambo. Muri iri Jambo ni ho Imana yasezeraniye ko "mu
minsi ya nyuma" izatanga amayerekwa, atari ayo kuba umugenga mushya wo kwizera, ahubwo
ari ukugira ngo ubwoko bw'Imana bukomezwe kandi abatandukira ukuri kwa Bibiliya bakosorwe.
Uko ni ko Imana yagenjereje Petero igihe yari igiye kumwohereza kubwiriza Abanyamahanga. -
A Sketch of the Christian Experience and Views of Ellen G. White, p. 64 (1851). (Inyandiko
z'Ibanze; 2018, p. 81). [3UB28]
Inyandiko za Ellen White Ntizisimbura Ijambo ry'Imana. - Uwiteka ashaka ko mwiga Bibiliya
zanyu. Nta wundi mucyo w'inyongera yatanze wo gusimbura Ijambo rye. Uyu mucyo ni uwo
kugarura abaguye mu rujijo ku Ijambo rye, kuko iyo iri jambo ririwe kandi rikagogorwa, rimera
nk'amaraso y'ubugingo mu mitima. Nibiba bityo, imirimo myiza izagaragara imeze nk'umucyo
urabagiranira mu mwijima. - Letter 130, 1901. [3UB28]
Mushakire Ibihamya muri Bibiliya. -Mu murimo mukorera mu ruhame ntimukagire ishingiro
ibyo umuvandimwe wanyu Ellen White yanditse kandi ngo mubisubiremo nk'ijambo rifite
ubutware ryo gushyigikiza uruhande muhagazemo. Gukora ibi ntibizongera icyizere abantu
bafitiye ibihamya. Mutange ibihamya byanyu byumvikana kandi bishimikiriye mubikuye mu
Ijambo ry'Imana. Ijambo ngo, "Ni ko Uwiteka avuga" ni cyo gihamya gikomeye kurusha ibindi
mushobora guha abantu. Mureke ntihazagire uwigishwa guhanga amaso mushiki wanyu Ellen
White, nibigishwe kureba ku Mana y'inyembaraga iha impuguro mushiki wanyu Ellen White. -
Letter 11, 1894.
Mubanze Amahame ya Bibiliya, Ibihamya Bibone Gukurikiraho. -Inshingano yanjye ya
mbere ni ukuvuga amahame ya Bibiliya. Hanyuma uretse ko haba hari ubugorozi budakebakeba
kandi buvuye ku mutima [3UB28] bwakozwe n'abantu nigeze kwerekwa ibyabo, ubwo nibwo mba
ngomba kubyifashisha ubwanjye. - Letter 69, 1896. [3UB29]
Umurimo wa Ellen White Ntuhabanye n'uw'Abahanuzi bo muri Bibiliya. -Mu bihe bya kera
Imana yavuganiraga n'abantu bayo mu kanwa kabahanuzi n'intumwa. Muri iyi minsi, ivuganira
nabo mu bihamya bya Mwuka wayo. Ntabwo higeze kubaho igihe Imana yigishije ubwoko bwayo
ibishimikiriye kuruta uko muri iki gihe ibwigisha ibyerekeye ubushake bwayo n'inzira yifuza ko
bugenderamo. - Testimonies, Vol.5, p. 661. [3UB29]
Ibyanditswe Byera n'Umwuka w'Ubuhanuzi Bifite Isoko Imwe. - Mwuka Wera ni we sōko
ry'Ibyanditswe Byera n'Umwuka w'Ubuhanuzi. Ibyanditswe Byera n'Umwuka w'Ubuhanuzi
ntibigomba gusobekwa no guhindurwa kugira ngo bisobanure icyo umuntu ashaka ko bisobanura,
cyangwa ngo bisohoze ibitekerezo by'umuntu n'amarangamutima ye, no guteza imbere imigambi
y'umuntu. - Letter 92, 1900. [3UB29]
Isano Inyandiko za Ellen White zifitanye na Bibiliya. Umucyo muto. Bibiliya yumvirwa gake
cyane, bityo rero Uwiteka yatanze umucyo muto kugira ngo ayobore abagabo n'abagore ku mucyo
munini. - The Review and Herald, Jan. 20, 1903. (Colporteur Ministry, p.125). [3UB29]
-
Ibihamya Byageragereshejwe Bibiliya. Ntabwo Mwuka yatangiwe (kandi nta nubwo ashobora
gutangirwa) kugira ngo asimbure Bibiliya; kubera ko Ibyanditswe bisobanura byeruye ko Ijambo
ry'Imana ari ryo rugero ngenderwaho inyigisho zose n'ibibaho byose bigomba gupimirwaho
Yesaya aravuga ati: "Nimusange amategeko y'Imana n'ibiyihamya. Nibatavuga ibihwanye n'iryo
Jambo nta museke uzabatambikira" (Yesaya 8:20). -Intambara Ikomeye, p. 11. [3UB29]
Umugambi w'Ibihamya si Ugutanga Umucyo Mushya. - Mwene data J. ashobora guteza urujijo
ashaka kugaragaza ko umucyo Imana yatanze mu Ibihamya ari inyongera ku Ijambo ry Imana,
ariko muri ubwo buryo agaragaza ibintu mu mucyo utari ukuri. Muri ubu buryo, Imana yabonye
ko bikwiriye kugeza ubwenge bw'ubwoko bwayo ku Ijambo ryayo, kandi ngo ibahe
gusobanukirwa birushijeho. [3UB29]
Ijambo ry'Imana ririhagije kugira ngo rimurikire intekerezo zijijwe kurusha izindi, kandi rishobora
gusobanukira abifuza kurisobanukírwa. Nubwo ibyo byose bimeze bityo, abantu bamwe bavuga
ko biga ljambo ry'Imana usanga barangwa n'imibereho ihabanye rwose n'inyigisho zaryo
zumvikana neza. Ni yo mpamvu, kugira ngo abagabo n'abagore be kugira urwitwazo, Imana itanga
ibihamya byumvikana neza kandi byahuranyije, bibagarura ku Ijambo ryayo birengagije
gukurikiza. [3UB29]
Ijambo ry'Imana rikungahaye ku mahame rusange agamije kurema imyitwarire itunganye mu
mibereho, ndetse ryuzuyemo n'ibihamya byaba ibya rusange cyangwa iby'umuntu ku giti cye,
byashyiriweho gukangurira[3UB29] intekerezo zabo kwita kuri ayo mahame mu buryo bwihariye.
- Testimonies, Vol. 5, pp. 663, 664. [3UB30]
Ibihamya Byashyiriweho Gutanga Amasomo Yeruye Ava mu Ijambo ry'Imana. Imana
yagaragarije mu Byanditswe Byera amasomo y'ibifatika agomba kuyobora imibereho
n'imyitwarire by'abantu bose. Nyamara nubwo yatanze ingingo nto zose zisobanutse neza ku
byerekeye imico yacu, ibiganiro byacu ndetse n'imyitwarire, nyamara amasomo yigishije
yarasuzuguwe kandi arirengagizwa ku rwego rwo hejuru. Nubwo Imana yatanze impuguro mu
Ijambo ryayo, yahaye ubwoko bwayo n'ibihamya byihariye, ntiyabibahera kuba ihishurirwa
rishya, ahubwo ari ukugira ngo ishyire imbere yacu amasomo yumvikana neza y'ljambo ryayo
kugira ngo amakosa akosorwe, kugira ngo inzira y'ukuri igaragazwe bityo he kugira umuntu
n'umwe ugira urwitwazo. - Letter 63,1893. (Reba Testimonies, Vol. 5, p.665.) [3UB30]
Ellen White Yatumye Ukuri n'Ikinyoma Bisobanuka Neza. - Muri cya gihe [nyuma yo
kutabona ibyari byitezwe mu mwaka wa 1844], ibinyoma byagiye bitwibasira bikurikiranye;
abagabura n'abaganga bagiye bazana imyizerere mishya. Twarondoraga mu Byanditswe Byera
kandi dusenga cyane, nuko Mwuka Wera akatumenyesha ukuri. Rimwe na rimwe amajoro yose
yegurirwaga gushakashaka mu Byanditswe Byera no gusaba Imana twinginga ngo ituyobore.
Amatsinda y'abagabo n'abagore bamaramaje yarateranaga ku bw'uyu mugambi. Imbaraga y'Imana
yanzagaho, maze nkabashishwa gusobanura neza ukuri kandi nkerekana n'ikinyoma. [3UB30]
Ubwo ingingo zigize kwizera kwacu zashimangirwaga muri ubwo buryo, ibirenge bwacu
byashyirwaga ku rufatiro rukomeye. Igihe twagaragarizwaga ukuri na Mwuka w'Imana,
twemeraga ukuri ingingo ku ngingo. Najyanwaga mu iyerekwa maze ngahabwa ubusobanuro.
Nahawe ibyitegererezo by'ibyo mu ijuru n'iby'ubuturo bwera ku buryo twagejejwe aho umucyo
warabagiranaga kuri twe mu mirasire imurika cyane kandi yihariye. - Gospel Workers, p.302.
[3UB30]

Gukosora Amakosa no Kwerekana Ukuri Neza. Nanditse ibintu byinshi muri ajenda'
nagendanaga mu ngendo zanjye zose, kandi ibyo bintu byagombaga gushyirwa imbere y'abantu
igihe byari kuba ari ngombwa, nubwo nta wundi murongo nanditse. Nshaka ko ibikwiriye
gushyirwa ahagaragara bihajya, kuko Uwiteka yampaye umucyo mwinshi nifuza ko abantu
bamenya, kubera ko hari impuguro Uwiteka yampaye zigenewe ubwoko bwe. Ni umucyo
bagomba kugira umurongo ku murongo, [3UB30]

1 Nubwo Ellen White yari afite ajenda ya buri munsi yandikagamo ibyerekeye ubuhamya bwe, ntabwo iyi ari yo yakomojeho muri iki gice. Inyinshi
mu nyandiko ze zigaragara mu bitabo bye yanditse mbere zanditswe mu bitabo by'imirongo. Bimwe muri byo bifite umutwe uvuga ngo "Ajenda"
nk'uko byakoreshejwe ahangaha. Iyi mvugo yakoreshejwe mu Ibihamya ashaka kuvuga inyandiko ze zandikishijwe intoki ze. (Reba mu lbihamya
(Testimonies, vol.8, p.206), aho avuga ati. "Ibi nabibonye muri ajenda yanjye hashize umwaka umwe." Birumvikana ko dukurikije ibikurikiraho
yavugaga ibihamya ubwabyo).

itegeko ku itegeko, aha bike n'ibindi bike hariya. Ibi noneho bigomba kumenyeshwa abantu,
kubera ko byatangiwe gukosora ibinyoma bikurura abantu ndetse no kugaragaza neza ukuri uko
ari ko. Uwiteka yahishuye ibintu byinshi byerekana ukuri agira iti: "Iyi ni yo nzira abe ari yo
munyuramo." - Letter 117, 1910. [3UB31]
Ibihamya Ntibivuguruza Bibiliya na Gato. - Bibiliya igomba kubabera umujyanama. Muyigane
kandi mwige n'ibihamya Imana yatanze kubera ko bitavuguza Ijambo ryayo na gato. - Letter
106,1907. [3UB31]
Niba Ibihamya bivuga ibitandukanye n'iri jambo ry'Imana, mubireke. Kristo na Beliyali
ntibashobora kunga ubumwe. - Testimonies, Vol.5, p.691. [3UB31]
Kubyo Kwifashisha Amagambo yo mu Nyandiko za Ellen White. - Ni gute Uwiteka ashobora
guha umugisha abagaragaza umwuka wa "ntacyo bimbwiye," umwuka ubayobora mu kugenda
banyuranyije n'umucyo Imana yabahaye? Nyamara ntabwo mbasaba gufata amagambo yanjye.
Nimushyire Ellen White ku ruhande rumwe. Ntimukongere gukoresha amagambo yanjye igihe
cyose mukiriho kugeza ubwo muzaba mushobora kumvira Bibiliya. Nimugira Bibiliya ibyokurya
byanyu, umutsima wanyu n'ibyokunywa byanyu, kandi nimugira amahame yayo ishingiro ry'imico
yanyu, nibwo muzamenya neza uko mwakwakira inama iva ku Mana. Nderereza ljambo ry'Imana
imbere yanyu uyu munsi. Ntimugasubiremo ibyo navuze ngo muvuge muti: "Mushiki wacu White
yavuze ibi" cyangwa ngo "Mushiki wacu Ellen White yavuze biriya." Mushake ibyo Úwiteka
Imana ya Isirayeli avuga, maze mukore ibyo ategeka. - Manuscript 43,1901. (Mu mbwirwaruhame
yabwiye abayobozi b'itorero ijoro ryabanjirije ifungurwa ry'inama y'Inteko Nkuru Rusange mu
1901.) [3UB31]

2 Ellen White yari yahuye n'abayobozi b'itorero nk'itsinda bwa mbere mu myaka icumi yari ishize. Ibintu byari byarasubiye inyuma cyane haba
mu Nteko Nkuru Rusange ndetse no mu kigo cyacu cya Battle Creek. Ibihamya bikangurira abantu gusubira ku mahame ya Bibiliya byari
byarigishijwe mu magambo gusa ariko nta mpinduka nziza zifatika zari zarabayeho.
Abenshi mu ntumwa zari zije mu nama y'Inteko Nkuru Rusange yari gutangira mu gitondo cy'umunsi wari gukurikiraho, batekerezaga ko hari
hakwiriye kubaho impinduka. Ellen White yacyashye abayobozi bibigo nuko ahamagarira abari bitabiriye iyo nama kongera gutunganya
imiyoborere y'Inteko Nkuru Rusange. Wari umutwaro we kubamenyesha ko impinduka zari gushingira ku mahame ya Bibiliya aho kuba amagambo
ya Ellen White. Muri iyi mbwir waruhame yaravuze ati:
"Imana yambwiye ko ubuhamya bwanjye bukwiriye gutangirwa muri iyi nama kandi ko ntakwiriye gutuma abantu babwizera. Umurimo wanjye ni
ukwereka abantu ukuri. Kandi abishimira umucyo mvajuru bazakira ukuri." Manuscript 43,1901.
Inama yari kumuzaho nk'intumwa y'Imana kandi yagombaga kwitonderwa. Nyamara, umurimo ushimikiriye wagombaga gukorwa ugashingira ku
mahame yatanzwe mu jambo ry'Imana. - Abakusanyije Inyandiko.

IGICE CYA 5

IBYABAYEHO MU GUHABWA AMAYEREKWA

Iyerekwa rya Mbere. - Igihe nasengeraga ku gicaniro cy'umuryango, Umwuka Wera yanjeho.
Inyandiko z'Ibanze; 2018, p.35. [3UB32]
Uko twari abagore batanu twari dupfukamye bucece ku gicaniro cy'umuryango. Ubwo
twasengaga, imbaraga y'Imana yanjeho kuruta uko byari byarigeze bimbaho. Nari meze
nk'ukikijwe n'umucyo kandi numvise nzamurwa hejuru kandi hejuru cyane y'iyi si. Icyo gihe,
neretswe imibereho y'abizera bategereje kugaruka kwa Yesu, nerekwa kugaruka kwa Kristo
n'ingororano zizahabwa abakiranutsi. - Testimonies, vol.5, pp. 654, 655. [3UB32]
Kuvuga Uko Byagenze. Ubwo umucyo wo kurabagirana k'ubwiza bw'Imana wazaga kuri jye bwa
mbere, batekereje ko napfuye, baranyitegereza kandi bamara umwanya munini batakamba ndetse
basenga. Ariko kuri jye ryari ijuru, bwari ubugingo hanyuma isi iramburwa imbere yanjye maze
mbona umwijima wari umeze nk'igicucu cy'urupfu. [3UB32]
Mbese ibyo byari bishatse kuvuga iki? Sinashoboraga kubona umucyo. Hanyuma nabonye
urumuri rw'umucyo muto cyane nuko nongera kubona urundi ruto cyane, maze uwo mucyo ugenda
wiyongera, uba mwinshi ndetse urakura cyane urakomera kugeza ubwo uhindutse umucyo w'isi.
Uwo mucyo wari abizera Yesu Kristo... [3UB32]
Sinigeze ntekereza ko nari kugaruka ku isi ukundi. Ubwo umwuka wongeraga kugaruka mu mubiri
wanjye, sinashoboraga kugira icyo numva. Ibintu byose byari umwijima. Umucyo n'ubwiza amaso
yanjye yari yabonye byari byaganje umucyo usanzwe kandi ibyo byamaze amasaha menshi.
Nyuma yaho, buhoro buhoro natangiye kubona umucyo maze mbaza aho nari ndi. Nyir'inzu
yarasubije ati: "Uri hano mu nzu yanjye." [3UB32]
"Ngo iki, ahangaha? Njyewe ndi ahangaha? Mbese ntabyo muzi?" Hanyuma byose bikangarukira.
Ese uru ni urugo rwanjye? Mbese nagarutse ahangaha? Yooo, kuremererwa n'umutwaro byaje mu
bugingo bwanjye. - Manuscript 16,1894. [3UB33]
Kwibagirwa iby'Isi Burundu. Igihe Uwiteka abonye ko bikwiriye gutanga iyerekwa, njyanwa
imbere ya Yesu n'abamarayika maze nkibagirwa ibyo ku isi byose burundu. Nta handi harenze aho
nshobora kubona uretse aho marayika anyoboye. Rimwe na rimwe intekerezo zanjye zerekezwa
ku bibera ku isi. [3UB33]
Inshuro nyinshi njyanwa kure mu gihe cy'ahazaza nkerekwa ibizaba. Hanyuma nanone nkerekwa
ibintu nk'uko byabayeho mu gihe cyashize. - Spiritual Gifts, Vol.2, p. 292 (1860). [3UB33]
Rimwe na Rimwe Yahawe Amayerekwa Yumva. Ku wa Gatandatu w'Isabato, taliki ya 20
Werurwe, nabyutse mu rukerera hafi saa cyenda n'igice. Ubwo nari ndi kwandika ku gice cya cumi
na gatanu cy'ubutumwa bwiza bwanditswe na Yohana, mu buryo butunguranye amahoro ahebuje
yaje muri jye. Icyumba cyose nari ndimo cyari kimeze nk'icyuzuwe n'ikirere cy'ijuru. Icyumba
cyanjye cyasaga n'icyuzuyemo ukwera n'ubutungane. Narambitse ikaramu yanjye hasi maze
nditegura ntegereza icyo Mwuka yari agiye kumbwira. Nta muntu nabonye. Nta jwi numvise,
umurinzi uvuye mu ijuru yasaga n'undi iruhande; numvise ko nari ndi imbere ya Yesu. [3UB33]
Akanwa kanjye ntigashobora gusobanura amahoro ahebuje n'umucyo byari mu cyumba cyanjye.
Nari nzengurutswe n'ikirere cyera kandi kizira inenge, maze intekerezo zanjye n'ubwenge
byerekwa ibintu bitangaje kandi by'agaciro gakomeye. Umurongo w'ibikorwa wanshyizwe imbere
nk'aho uwari kumwe nanjye utaraboneshwaga amaso ari kuvugana nanjye. Ibyo nari ndi kwandika
nabaye nk'ubyibagiwe maze imbere yanjye haza indi ngingo. Imbaraga nyinshi no gutangara
byasaga n'ibinyuzuye ubwo ibyo nerekwaga byinjiraga mu ntekerezo zanjye. - Manuscript
12c,1896. [3UB33]
Irindi Yerekwa Nagize Ndi Kwandika. Nabyutse kare ku wa Gatanu saa munani za mugitondo,
kandi nari mpugiye cyane mu kwandika ku Muzabibu w'Ukuri, ubwo numvaga mu cyumba
cyanjye hari nk'undi ukijemo, nk'uko byari byarambayeho inshuro nyinshi mbere y'icyo gihe, maze
nibagirwa ibyo nari ndimo byose. Nasaga n'uri imbere ya Yesu. Yari ari kumbwira ibyo
nagombaga guhugurirwa. Ibintu byose byarumvikanaga neza ku buryo nta kujijwa kwari
kumbaho. [3UB33]

3 lyi ni yo mpamvu Ellen White adakunda kuvuga uko yumvaga amerewe mu gihe na nyuma yiyerekwa rye. Yibandaga ku mayerekwa yaboneshaga
amaso ye nk'ibihamya by'uko kwigaragaza nk'uko yabikoze mu 1906 ubwo yavugaga ku buhamya bw'umuhamagaro n'umurimo bye. Reba
amagambo asoza iki gice.

Nari ngiye gufasha uwo natekerezaga ko ntakwiriye guhamagarirwa kuba nakumva ntatekanye
kubwo kongera kumufasha. Sinashoboraga gusobanukirwa icyo byari bisobanuye, ariko nahise
mfata icyemezo cyo kutagerageza kubitekerezaho, ahubwo ngakurikiza amabwiriza mpawe. Nta
jambo ryumvikana mu matwi yanjye nigeze numva, ahubwo numvaga ijwi rimbwirira mu
ntekerezo zanjye. Naravuze nti: "Mwami, ndakora ibyo untegetse." - Letter 36, 1896. [3UB34]
Kwerekwa Ibitangaje Ari Kwandika cyangwa ari Kuvuga. - Ntabwo mpabwa ubufasha
budasanzwe igihe mpagaze imbere y'iteraniro rinini gusa; ahubwo n'igihe ndi kwandika n'ikaramu
yanjye, nerekwa ibintu bitangaje byo mu gihe cyashize, iby'iki gihe n'iby'ahazaza. - Letter 86,
1906. [3UB34]
Ellen White Ntiyashoboraga Kugenga Amayerekwa. -Biramutse bivuzwe ko nigeze nifuza ko
nahabwa iyerekwa igihe ndishakiye byaba ari ikinyoma gikomeye. Muri ibi nta n'igicucu cy'ukuri
kirimo. Sinigeze mvuga ko nashoboraga kujya mu iyerekwa ku bushake bwanjye, kubera ko ibi
bidashoboka. Namaze imyaka myinshi nibwira ko ndamutse nshoboye kugira amahitamo kandi
bigashimisha n'Imana, ibyiza ni uko nakwipfira aho kugira ngo njye mu iyerekwa, kubera ko
iyerekwa ryose rimpa inshingano ikomeye yo gutanga ibihamya byo gucyaha n'imiburo, kandi
ibyo iteka numvaga bitamereye neza, kuko bintera umubabaro wo mu mutima udashobora
gusobanurwa. Sinigeze nifuza umwanya mfite, nyamara kandi sinahangara kurwanya Umwuka
w'Imana kandi ngo nshake umwanya woroheje. [3UB34]
Umwuka w'Imana yanjeho mu bihe bitandukanye, ndi ahantu hatandukanye ndetse no ku mu bihe
bitandukanye. Umugabo wanjye ntiyigeze agira ububasha kuri uko kwigaragaza kwa Mwuka
w'Imana. Inshuro nyinshi ubwo nagiraga amayerekwa yabaga yagiye ahantu ha kure. - Letter 2,
1874. [3UB34]
Sinatinyutse Gushidikanya. - Ibyo bintu byose byaremereye umutima wanjye cyane, maze muri
urwo rujijo rimwe na rimwe nkageragereshwa gushidikanya kubyo nanyuzemo. Igitondo kimwe
ubwo nari mu masengesho y'umuryango, imbaraga y'Imana yatangiye kunzaho, maze muri njye
haza igitekerezo cy'uko byaba ari uguhangwaho birimo guta ubwenge bituma nyirwanya. Ako
kanya nahise mpinduka ikiragi... Nyuma y'ibyo, sinongeye guhangara gushidikanya imbaraga
z'Imana cyangwa ngo ngire n'akanya gato ndwanya imbaraga y'Imana kabone n'ubwo abandi
bagira uko bantekereza. Inyandiko z'Ibanze, p. 42. [2018]. [3UB34]

4 Umukuru J. N. Loughborough yavuze ko iyerekwa rya nyuma ryaherekejwe no guhinduka kw'ibigaragara ryabereye ku kibuga cy'ingando cy'i
Portland muri Oregon mu 1884. Yari ahibereye kandi ibi yabivuzeho mu kiganiro yatanze ku wa 20, Mutarama, 1893 ubwo yavugaga ku "Kwiga
Ibihamya" mu nama y'Inteko Nkuru Rusange yabereye i Battle Creek. Reba muri General Conference Bulletin, 1893, pp. 19, 20. Abakusanyije
Inyandiko.

Ellen White Avuga Ibihamya by'Umuhamagaro n'Umurimo we. -Muri iyi si yacu hari
umwuka wo kwizera n'umwuka wo kutizera. Mu minsi ya nyuma, abantu bamwe bazareka
ukwizera, bumvire imyuka iyobya n'inyigisho zabadayimoni. Twiteze ko abanga gukurikiza ibyo
Kristo ashaka bazahinduka imbaraga imurwanya; ariko ntidukwiriye gutekereza ko ibi hari icyo
bizadutwara. Tugomba kwibuka ko abari ku ruhande rwacu baruta kure abaturwanya. Ibi ni byo
byiringiro byanjye, imbaraga n'ubushobozi byanjye. Nizera Imana. Nzi uwo nizeye. Nizera
ubutumwa Imana yahaye itorero ryayo ryasigaye. Kuva nkiri umwana nahuye na byinshi, nongere
ngo nahuye na byinshi byakomereje ukwizera mfite mu murimo Imana yampamagariye gukora.
[3UB35]
Kubashishwa Kwandika. - Mu minsi ibanza y'umurimo nkorera mu ruhame, Uwiteka
yarambwiye ati: "Andika, andika ibyo uhishurirwa." Igihe ubu butumwa bwangeragaho,
sinashoboraga gukomeza ikiganza cyanjye. Uburyo impagarike yanjye yari imerewe bwatumye
ntashobora kwandika. Ariko jambo ryagarutse rivuga riti: "Andika ibintu uhishurirwa."
Narumviye, maze bidatinze mbasha kwandika impapuro zagiye zikurikirana mu buryo
bunyoroheye. Ni nde wambwiye ibyo nandika? Ni nde wakomeje ikiganza cyanjye cy'iburyo
agatuma mbasha kwandikisha ikaramu? Ni Uwiteka wabikoze. [3UB35]
Nitugirana n'Umwami wacu umubano utunganye, kandi tukamwiyegurira burundu, tuzabona
imbaraga y'Imana ikora ibitangaza mu magambo no mu bikorwa. [3UB35]
Amayerekwa Yashimangiye Imyanzuro Yavuye mu Kwiga Bibiliya. - Mu minsi ya mbere yo
guhabwa ubutumwa, igihe twari tukiri bake, twigaga dushimikiriye kugira ngo twumve
ubusobanuro bw'Ibyanditswe byinshi. Rimwe na rimwe byasaga n'aho nta busobanuro bushoboye
gutangwa. Intekerezo zanjye zasaga n'izidashoboye rwose gusobanukirwa n'ljambo ry'Imana;
ariko igihe bene Data babaga bateraniye hamwe kwiga Ijambo ry'Imana bageraga ku ngingo
batashoboraga kurengaho ngo babe batera indi ntambwe, maze noneho bakitabaza gusenga
bashimikiriye, Mwuka w'Imana yazaga kuri jye nuko nkajya mu iyerekwa maze ngasobanurirwa
isano ibyo Byanditswe bifitanye n'ibindi Byanditswe. Ibi byambayeho inshuro nyinshi cyane. Uko
ni ko ingingo nyinshi z'ukuri k'ubutumwa bwa marayika wa gatatu zashimangiwe ingingo ku yindi.
[3UB35]
Mbese mutekereza ko uko nizera ubu butumwa bizigera bidohoka? Mbese mutekereza ko
naceceka igihe mbona imbaraga zikoreshwa mu gusenya inkingi z'urufatiro rwo kwizera kwacu?
Nshikamye muri uku kuri uko nshoboye kose mu mbaraga zanjye nk'umuntu. Sinshobora
kwibagirwa ibyo nanyuzemo. Imana yashimangirishije ukwizera kwanjye ibihamya byinshi
bigaragaza imbaraga zayo. [3UB35]
Umucyo nakiriye narawanditse, kandi umwinshi muri wo ubu urabagirana uturuka mu nyandiko
zacapwe. Mu bitabo byanjye bicapwe harimo ubutumwa butabusanya n'inyigisho nigisha muri iki
gihe. [3UB36]
Ntiyahumekaga Ubwo Yabaga Ari mu Iyerekwa. - Zimwe mu mpuguro ziboneka muri izi
mpapuro zatanzwe mu bihe bidasanzwe kugira ngo zihamye imbaraga y'Imana ikora ibitangaza
ngo ishimangire ukuri kwayo. Rimwe na rimwe ubwo nabaga ndi mu iyerekwa, inshuti zanjye
zaranyegeraga zikavuga ziti: "Kuki? Ntabwo ahumeka!" Ubwo bashyiraga indorerwamo ku
munwa wanjye, babonaga ko nta byuya na bike byagaragaraga ku kirahuri. Igihe nta kimenyetso
cyo guhumeka nagaragazaga nibwo nakomeje kuvuga ku bintu biri kunyuzwa imbere yanjye
mbyerekwa. Ubwo butumwa nabuherewe gukomeza ukwizera kw'abantu bose, kugira ngo muri
iyi minsi iheruka tubashe kwiringira Umwuka w'Ubuhanuzi. [3UB36]
Ijwi Ryakomeje Kurindwa mu Buryo bw'Igitangaza. - Ndashimira Imana ko yandindiye ijwi
kuko mu buto bwanjye abaganga n'inshuti bavuze ko ryari kuzaceceka mu mezi atatu. Imana
nyir'ijuru yabonye ko nari nkeneye kunyura mu bihe by'ibigeragezo kugira ngo ntegurirwe
umurimo yashakaga ko nkora. [3UB36]
Mu myaka mirongo itanu ishize ukwizera mfitiye intsinzi ikomeye y'ubutumwa bwa marayika wa
gatatu n'ibindi byose bibwerekeye, kwakomejwe n'ibyo nanyuzemo bitangaje. Iyi ni yo mpamvu
mfite ubwuzu bwo kubona ibitabo byanjye bicapwa kandi bigakwirakwizwa mu ndimi nyinshi.
Nzi ko umucyo uri muri ibi bitabo ari umucyo w'ijuru. [3UB36]
Mwige Impuguro. - Ndabasaba ngo mwige impuguro ziboneka muri ibi bitabo. Intumwa Yohana
yari igeze mu zabukuru yarabwiwe ngo: "Nuko wandike ibyo ubonye n'ibiriho, n'ibiri bukurikireho
hanyuma" (Ibyahishuwe 1:19). Uwiteka yantegetse kwandika ibyo nahishuriwe. Ibi narabíkoze
none ubu biri mu bitabo bicapwe.... [3UB36]
Mu buyobe buri kugenda bukwira isi yose, mureke duharanire guhagarara dushikamye ku rufatiro
rw'ukuri kw'iteka ryose. Mureke twambare intwaro zose z'Imana; kubera ko tubwirwa ko muri iki
gihe Satani ubwe azakorera ibitangaza imbere y'abantu. Ubwo tubona ibi bintu, tugomba kuba
twiteguye gutsinda imbaraga yabyo y'ubushukanyi. Ikintu cyose umwanzi agaragaza nk'ukuri
ntigikwiriye kudukurura; kubera ko dukwiriye kugendera munsi y'amabwiriza y'Umuhanzi
ukomeye w'ukuri kose. The Review and Herald, June 14,1906. [3UB36]
 IGICE CYA 6

ISHUSHO NTO Z'UBURYO UMUCYO WAJE KURI ELLEN WHITE

Mu Iyerekwa rya Mbere Nasaga n'uri Kugira Uruhare mu Biri Kuba. -Igihe nasengeraga ku
gicaniro cy'umuryango, Umwuka Wera yanjeho, maze mera nk'uzamuwe hejuru, nkuwe ku isi
y'umwijima. Mpindukirira kureba abategereje kugaruka kwa Yesu bari ku isi; ariko sinababona
maze ijwi rirambwira riti: "Ongera urebe, kandi urebe hejuru biruseho hato." Numvise ibyo nubura
amaso, mbona inzira igororotse kandi ifunganye iturutse ku isi. Ako kayira ni ko abategereje
banyuragamo berekeza mu murwa wari ku iherezo ry'iyo nzira. Inyandiko z'Ibanze, p.35. [2018]
[3UB37]
Kwiterereza Uruhererekane rw'Ibintu Rwagutswe. -Amurikiwe na Mwuka Muziranenge,
umwanditsi w'iki gitabo yahishuriwe urugamba rw'intambara iri hagati y'icyiza n'ikibi imaze igihe
kandi igikomeje. Mu bihe binyuranye nagiye nemererwa kwitegereza imigendekere y'iyo
ntambara ikomeye ishyamiranyije Kristo, Umwami w'ubugingo kandi akaba Inkomoko y'agakiza
kacu na Satani, umugenga w'ikibi, isoko y'icyaha kandi akaba uwa mbere wagomeye amategeko
y'Imana azira inenge. -Intambara Ikomeye, p.13. [3UB37]
Marayika Asobanura Iyerekwa. -Taliki ya 16 Mata, 1906, ubwo nari i Loma Linda muri
California, imbere yanjye hanyujije iyerekwa ritangaje. Mu iyerekwa rya nijoro, ubwo nari
mpagaze ahirengeye aho nashoboraga kwitegereza amazu anyeganyezwa nk'urubungo igihe
ruhungabanywa n'umuyaga. Inyubako nini n'intoya zagwaga ku butaka. Ahantu hagenewe
kwishimisha, inzu ziberamo ibitaramo, amahoteri n'inzu zabakire [3U B37] zaranyeganyejwe
kandi zararindimutse zihinduka ibirundo by'amatongo. Abantu benshi batakaje ubuzima bwabo,
kandi ikirere cyari cyuzuye imiborogo y'abakomeretse n'abatashwe n'ubwoba bwinshi...
Sinshobora kubona amagambo yo gusobanura ububi bw'ibyanyujijwe imbere. Byasaga naho
ukwihangana kw'Imana kwari kwashize, kandi umunsi w'urubanza ukaba wari usohoye. [3UB38]
Ibyanyujijwe imbere byari biteye ubwoba, kandi ibyakoze ku ntekerezo zanjye bikomeye ni
amabwiriza nahawe afitanye isano nabyo. Marayika wari umpagaze iruhande yavuze ko ubutware
bw'ikirenge bw'Imana ndetse no kwera kw'amategeko yayo bigomba guhishurirwa abinangira
bakanga kubaha Umwami w'abami. Abahitamo gukomeza kutaba indahemuka, kubw'ubuntu
bagomba kugerwaho n'amateka [y'Imana], kugira ngo niba bishoboka bakangukire gusobanukirwa
n'ubunyacyaha bwo mu migirire yabo. - Testimonies, Vol. 9, pp.92, 93. [3UB38]
Ishusho Ikora ku Mutima Yerekeye Umuryango. - Marayika w'Imana yarambwiye ati:
"Nkurikira." Nasaga n'uri mu cyumba mu nyubako isa nabi, kandi muri yo harimo abasore benshi
bakinaga amakarita. Basaga n'abatwawe cyane n'ibinezeza bari bahugiyemo kandi bari bahuze
cyane ku buryo basaga n'abatabona ko hari umuntu wari winjiye mu cyumba. Hari abakobwa
b'inkumi bitegerezaga ba bakinnyi, kandi amagambo y'ikinyabupfura gike niyo yari yiganje aho
hantu. Muri icyo cyumba hari umwuka no gutwarwa byari byabigaruriye kandi imiterere yabyo
ntiyari iyo kweza no kuzahura intekerezo cyangwa ngo biheshe imico agaciro... [3UB38]
Narabajije nti: "Aba ni bande kandi iri yerekwa risobanura iki?" [3UB38]
Narabwiwe ngo, "Tegereza."... [3UB38]
Nuko ngira ibindi nerekwa. Hariho abantu bari kunywa uburozi, kandi amagambo n'ibikorwa
baterwaga n'ubwo burozi byari byiza ku buryo byarimo ibitekerezo bidakebakeba, imyumvire
iboneye mu bijyana n'ubucuruzi, imico iboneye ndetse no kuzahura abari aho... [3UB38]
Nongeye kubaza nti: "Aba ni bande?" [3UB38]
Igisubizo cyaraje ngo: "Aba ni bamwe mu bagize umuryango uri gusura. Umwanzi w'imitima,
kandi akaba umwanzi ukomeye w'Imana n'abantu, umutware w'ibinyabubasha n'ibinyabushobozi,
akaba n'umutware utegeka iyi si y'umwijima ni we uraba ayoboye muri uyu muryango iri joro.
Satani n'abadayimoni be bateje ibishuko aba bantu b'impezamajyo kugira ngo babarimbure. Letter
1, 1893. [3UB38]
Kwerekwa Ibintu nk'Ibiri Kuba Muri uwo Mwanya. - Noneho nabonye umucyo, cyane cyane
mu gihe cy'ijoro, maze biba nk'aho ibintu byose biri kuba, maze ndabyitegereza, mera nk'aho ndi
kumva ikiganiro. Nahatiwe guhaguruka ngo nsanganire uwo mucyo. - Manuscript 105, 1907.
[3UB38]
Amayerekwa y'Uburyo bw'Imvugoshusho. Nakweretswe umeze nk'umugaba mukuru w'ingabo,
wicaye ku ifarashi kandi wari ufite ibendera. Umuntu yaje akwaka iryo bendera ryari ryanditseho
ngo: "Amategeko y'Imana no kwizera kwa Yesu," maze iryo bendera riribatirwa mu mukungugu.
Nabonye ukikijwe n'abantu bari bari kuguhuza n'isi. - Letter 239, 1903. [3UB39]
Imwe mu mirimo yakorewe [abantu b'ibicibwa] igaragazwa imeze nk'abantu bari gusunika
amabuye manini bayerekeza mu mpinga y'umusozi bakoresheje imbaraga nyinshi. Ubwo bendaga
kuyageza mu mpinga y'umusozi, ya mabuye yarongeraga akabatembana agasubira mu manga. Abo
bagabo bashoboye kugeza amabuye make cyane mu mpinga y'umusozi. Mbega imbaraga cyangwa
ikiguzi byasabye mu murimo wakorewe abantu b'insuzugurwa kugira ngo bayoborwe ku
guhagarara bagatsinda irari ry'inda n'ibyifuzo bibi! - Letter 232, 1899. [3UB39]
Yabashishijwe Gusobanukirwa Amayerekwa y'Uburyo bw'Imvugoshusho. -Ubwenge
n'inyurabwenge byanjye biracyakora neza. Ibyo Uwiteka anyereka mu mvugoshusho, ambashisha
kubisobanukirwa. - Letter 28, 1907. [3UB39]
Yaburiwe Akaga Kari Kibasiye Umuganga. Mu iyerekwa nagize mu ijoro ryakeye nakubonye
uri kwandika. Haje umuntu maze arebera inyuma y'ibitugu bwawe aravuga ati: "Wowe, nshuti
yanjye, uri mu kaga."..." [3UB39]
Reka nkubwire ibyo nabonye ubwo nari ndi muri Okilandi (Oakland). Abamarayika bambaye
ibishura byiza bameze nk'abamarayika b'umucyo bari bashagaye Dogiteri A. aho yajyaga hose,
kandi bakamutera kuvuga amagambo y'ubwibone no kwishyira hejuru kandi yari igitutsi ku Mana.
[3UB39]
Nyuma gato y'inama yabereye Oakland, mu ijoro Uwiteka yanyujije imbere ibyabaga, muri byo
Satani yari yambaye mu buryo bureshya amaso bwiyoberanyije, kandi yagendaga yakajije
umurego yegereye Dogiteri A. Nabonye kandi numva byinshi. Buri joro nacaga bugufi mfite
intimba mu mutima ubwo nabonaga Satani ari kuvugana n'umuvandimwe wacu. -Letter 220, 1903.
[3UB39]
Byahishuwe mu Murabyo w'Umucyo. - Hari ikibazo kibazwa ngo: Ni gute mushiki wacu Ellen
White ajya amenya ibyerekeye ibibazo ajya avugaho ashize amanga, akabivuga nk'ufite ububasha
bwo kuvuga ibyo bintu? Mvuga ntyo kubera ko ibyo mvuga biba birasa mu ntekerezo zanjye igihe
mpagaritse umutima bikaza birneze nk'umurabyo uvuye mu gicu cyijimye mu gihe cy'umugaru
ukaze. Ibintu bimwe neretswe mu myaka yashize ntibyagumye mu ntekerezo zanjye, ariko igihe
impuguro zatanzwe icyo gihe zikenewe, ndetse rimwe na rimwe iyo mpagaze imbere y'iteraniro
ry'abantu, bya bintu mbyibuka vuba vuba kandi byumvikana neza, bimeze [3UB39] nk'umucyo
w'umurabyo, bikagarura mu ntekerezo za mpuguro n'umuburo byihariye. Icyo gihe sinshobora
guceceka ibyo nibutse, atari uko nagize iyerekwa rishya, ahubwo ari uko ibyo neretswe mu myaka
myinshi yashize byagarutse mu ntekerezo zanjye bimpata. - Manuscript 33, 1911. [3UB40]
Ibyabereye mu Cyumba Cyakirirwamo Abaje mu Ivuriro. - Mu nzozi zanjye nari
ahitwa,……… nuko mbwirwa n'Umuyobozi wanjye kwita ku kintu cyose numvise no kwitegereza
ibyo nabonaga byose. Nari ahantu hiherereye aho nta muntu washoboraga kumbona, ariko jye
nashoboraga kwitegereza ibintu byose byaberaga mu cyumba. Abantu bari bari kuvugana nawe
iby'ibyo bagomba kwishyura, nuko numva mucyocyorana ku bijyanye n'amafaranga menshi
bishyuzwaga ku icumbi, icyumba no kwivuza. Nakumvise uvuga mu ijwi rikomeye wanga
kugabanya amafaranga basabwaga kwishyura. Natangajwe n'uko igiciro cyari hejuru cyane.
[3UB40]
Wari umeze nk'umutware ugenga iby'aho byose. Nabonye ko isura imikorere yawe yasigaga mu
ntekerezo z'abari bari kwishyura itari isura nziza ku kigo. Numvise bamwe muri bene so mukorana
bakwinginga, bakubwira ko ibyo ukora atari iby'ubwenge kandi birimo akarengane, ariko wari
winangiye nk'ibuye wanga kuvirira imikorere yawe. Wavugaga ko mu byo ukora ari kubw'inyungu
z'ikigo. Ariko nabonye abantu bava kuri iryo vuriro batanyuzwe. - Letter 30, 1887. [3UB40]
-
Yerekwa Ibikorwa by'Ubuhchesi n'Ubusambanyi. Ubwo nari ku mugabane w'Uburayi
ibyabereye i ....... byaje mu maso yanjye. Ijwi ryarambwiye riti: "Nkurikira, ndakwereka ibyaha
bikorwa n'abari mu myanya y'ubuyobozi." Nanyuze mu byumba bitandukanye, nuko ndakubona,
wowe murinzi ku nkike z'i Siyoni, wari wahuje urugwiro n'umugore w'undi mugabo, ugambanira
inshingano zera wahawe, kandi wongera kubamba Umwami wawe. Mbese wazirikanaga ko hari
Uwakwitegerezaga, Uwera warebaga umurimo mubi wakoraga, akareba ibikorwa byawe kandi
yumvaga amagambo yawe, kandi ibyo byose bikaba byanditswe mu bitabo byo mu ijuru? [3UB40]
Uwo mugore yari akwicaye ku bibero; uri kumusoma kandi na we ari kugusoma. Ibindí bikorwa
byabayeho byo gutwarwa, indoro n'imyitwarire bikangura irari, byashyizwe imbere yanjye, nuko
bituma umutima wanjye utengurwa. Amaboko yawe wari warazengurukije mu rukenyerero rwe,
kandi gutwarwa kwagaragaraga kwari gufite imbaraga igusha ubwenge ikinya. Nuko igitambaro
gikurwaho, maze nkwerekwa uryamanye na.. mugitanda. Umuyobozi wanjye yarambwiye ati:
"Igicumuro, ubusambanyi."- Letter 16,1888. [3UB40]

5 Avuga ku buryo umucyo wazaga kuri Ellen White, umuhungu we W.C. White yavuze amagambo akurikira yaje kwemezwa na Ellen White ubwe.
Yaravuze ati: "Ibyo yanditse ni ubusobanuro by'amashusho yeretswe n'umucyo ndetse n'andi mayerekwa yahawe yerekeye ibikorwa by'abantu
n'ingaruka ibyo bikorwa bigira ku murimo w'Imana wo gukiza abantu. Harimo ibitekerezo by'igihe cyashije, iby'iki gihe n'ibyahazaza bifite aho
bihuriye n'uyu murimo." (W. C. W. Oct.30.1911). Abakusanyije Inyandiko.

Ubutumwa Bwagereranyijwe n'Imbuto Zitangwa. - Neretswe umurimo wawe mu buryo

bw'imvugoshusho. Wari ushyiriye iteraniro ry'abantu imbuto nziza zari zuzuye isahani. Nyamara
ubwo wabahaga izo mbuto, wavuze amagambo akakaye cyane, kandi imyitwarire yawe yari mibi
ku buryo nta muntu n'umwe wari kwemera izo mbuto. Hanyuma haje Undi asanga rya teraniro
ry'abantu, maze abaha za mbuto. Ubwo yavuga uburyo izo mbuto ari izo kwifuzwa, amagambo ye
n'imyitwarire ye byari byuje urugwiro kandi bishimishije ku buryo ya sahani yasigayemo ubusa.
Letter 164,1902. [3UB41]
Ufite Ubutware Yatanze Inama ku Byerekeye aho Kubaka Ivuriro. - ljoro rimwe nari mu
nama hamwe na bene data baganira ibyerekeye ivuriro mu mujyi wa Los Angeles. Umwe muri
bene data yavuze ibyiza byo kubaka ivuriro muri uwo mujyi. Hanyuma, Umwe Nyir'ubutware
yarahagurutse maze avuga kuri icyo kibazo mu buryo bwumvikana neza kandi bufite imbaraga. -
Letter 40, 1902. [3UB41]
Amayerekwa Ahabanye; Kugaragaza Umuhati mu Murimo w'Ivugabutumwa. Nasaga n'uri
mu iteraniro rinini. Umwe mu bayobozi yavuganaga n'iyo mbaga y'abantu, kandi imbere ye hari
harambuye ikarita y'isi. Yavuze ko iyo karita igaragaza uruzabibu rw'Imana rwagombaga
guhingirwa. Ubwo umucyo uturutse mu ijuru wamurikiraga umuntu uwo ari we wese, uwo na we
yagombaga kumurikiraabandi. Amatara yagombaga gucanwa ahantu hose, kandi andi matara
yagombaga gucanwa akongejwe kuri ayo yakaga... [3UB41]
Nabonye imirasire y'umucyo irasira mu mijyi no mu midugudu, ndetse n'ahirengeye ko ku isi no
mu bibaya. Ijambo ry'Imana ryarumviwe kandi nk'umusaruro wavuyemo muri buri mujyi na buri
mudugudu habayemo ibimenyetso by'urwibutso byerekana Imana. Ukuri kwayo kwamamajwe ku
isi yose. [3UB41]
Hanyuma ya karita yakuweho maze isimbuzwa indi. Kuri yo hamurikaga umucyo uturutse ahantu
hake gusa. Ahandi hantu hose ku isi hari hacuze umwijima, uretse ahantu hamwe na hamwe.
Umuyobozi wacu yaravuze ati: "Uyu mwijima ni ingaruka z'uko abantu bikurikirira inzira zabo
bwite. Bimitse amatwara mabi barazwe n'abo bakomokaho ndetse n'ibibi bimenyereje ubwabo.
Kujya impaka, gushaka amakosa ku bandi no kuregana ni byo bagize umurimo w'ingenzi mu
mibereho yabo. Imitima yabo ntitunganiye Imana. Batwikije umucyo wabo intonga. - Testimonies,
vol.9, pp. 28, 29. [3UB41]
Kwiga Ijambo ry'Imana n'Ubumenyi Budasanzwe. Mbese ubu naguma mu bujiji, mu
gushidikanya kw'ibitekerezo no mu buhumyi mu by'umwuka nk'uko byari bimeze mu itangira
ry'iyi mibereho, kandi mfite umucyo nahawe binyuze mu kwiga ijambo ry'Imana, n'ubumenyi
budasanzwe nahawe bwerekeye ibintu byihariye birangwa mu bwoko [3UB41] bw'Imana mu
byagiye bibaho byose n'urwego rwose byagiye bigeraho? Mbese bene data bazavuga ko mushiki
wabo Ellen White yabaye umunyeshuri w'umuswa ku buryo imyumvire ye muri iki cyerekezo
itarutwa n'uko yari imeze mbere y'uko yinjira mu ishuri rya Kristo kugira ngo atozwe kandi
atunganyirizwe gukora umurimo udasanzwe? Mbese ntabwo nsobanukiwe neza ibyerekeye
inshingano n'akaga by'ubwoko bw'Imana kurusha abantu batigeze babyerekwa? - Testimonies,
vol.5, p. 686. [3UB42]
Mwuka Wera Yamurikiye Ubwenge n'Umutima bya Ellen White. - Imana yampaye
ubunararibonye bugaragara kandi bukomeye bwerekeye umurimo wayo; kandi mushobora
guhamirizwa neza ko igihe cyose nkiriho ntazahwema kuvuga ijwi ry'imbuzi uko Mwuka w'Imana
azajya angenderera, abantu babyumva cyangwa batabyumva. Nta bwenge budasanzwe nifitemo;
ahubwo ndi igikoresho mu biganza bw'Uwiteka gusa kugira ngo nkore umurimo yampamagariye.
Impuguro natanze haba mu nyandiko cyangwa nkoresheje ijwi zagiye ziba imvugo igaragaza
umucyo Imana yampaye. Nagerageje kubagezaho amahame Mwuka w'Imana yamaze imyaka
myinshi acengeza mu bwenge bwanjye kandi akayandika ku mutima wanjye. [3UB42]
None rero bene data, ndabinginga ngo mwe kwitambika hagati yanjye n'abantu, kandi ngo
muyobye umucyo Imana ishaka ko wabageraho. Kubwo kujora kwanyu, ntimukambure Ibihamya
ingingo yose ibirimo, imbaraga zose bifite n'ububasha bwabyo. Ntimugatekereze ko mushobora
kubisesengura kugira ngo bihuze n'ibitekerezo byanyu bwite muvuga ko Imana yabahaye
ububasha bwo gutandukanya umucyo mvajuru n'imvugo y'ubwenge bwa kimuntu busanzwe. Niba
Ibihamya bitavuga ibihuje n'Ijambo ry'Imana, nimubireke. - Testimonies, vol.5, p. 691. [3UB42]
Iyerekwa Ryerekeye aho Kubaka Uruganda ruto rw'Ibyokurya. - Mu iyerekwa rya nijoro,
neretswe aya mahame yerekeye icyifuzo cyo gushinga uruganda rw'imigati i Loma Linda.
Neretswe inyubako nini yakorerwagamo ibyokurya by'amoko atandukanye. Ndetse hafi y'urwo
ruganda rw'imigati hari amazu mato. Ubwo nari mpagaze iruhande, numvise urusaku rw'amajwi
y'abantu bajyaga impaka ku murimo wakorwaga. Nta guhuza kwari hagati y'abakozi, bityo
umuvurungano niwo wari uhibereye. [3UB42]
Hanyuma nabonye mwene data Burden aje ansanga. Mu maso he hari hacuze igihunya
kubw'umubabaro nagahinda yari afite ubwo yashishikariraga kujya inama n'abakozi kugira ngo
atume hagati yabo haba guhuza. Iyo pica yongeye kugaruka nuko mwene data Burden ajya ava
kenshi ku murimo we nk'umucungamutungo w'ivuriro kugira ngo ajye gukemura ayo macakubiri...
[3UB42]

6 Icyitonderwa: lyi ni imigambi yo kugena ahagombaga kubakwa uruganda ruto rw'imigati muri metero nkeya uva ku nyubako y'ivuriro.

Noneho, nabonye abarwayi bahagaze ku mbuga nziza z'ivuriro. Bari bumvise impaka zari zabaye
hagati y'abakozi. Abarwayi ntibabashije kumbona, ariko jye nashoboraga kubabona no kubumva,
kandi amagambo yabo yangeraga mu matwi. Bavugaga amagambo y'akababaro kubw'uko
uruganda ruto rw'ibyokurya rwajyaga kubakwa kuri izo mbuga nziza, ahantu hegereye cyane ikigo
gikorerwamo imirimo yo kwita ku barwayi. Bamwe bari bazinutswe rwose... [3UB43]
Hanyuma, hari Uwagaragaye muri ibyo byabaga, nuko aravuga ati: "Ibi byose byanyujijwe imbere
y'amaso yawe nk'icyigisho kugira ngo urebe umusaruro uva mu gushyira imigambi imwe mu
bikorwa... [3UB43]
Noneho ibintu byose byarahindutse. Inyubako y'uruganda rw'imigati ntiyari aho twari
twarateganyije, ahubwo yari iri hafi y'inyubako z'ivuriro, ku muhanda ugana ku nzira y'igare
ry'umwotsi. Yari inyubako yoroheje, kandi hakorerwaga umurimo muto. Igitekerezo cy'ubucuruzi
cyari cyaribagiranye, kandi mu mwanya wacyo imbaraga ihindura y'iby'umwuka ni yo yari iganje
aho hantu. -Letter 140, 1906. [3UB43]
 IGICE CYA 7

KUMENYESHA ABANDI UBUTUMWA IMANA YAHISHUYE

Amabwiriza Ellen White Yahawe. Ubwo Mwuka w'Imana yampishuriraga ukuri gukomeye
kw'ljambo ryayo ndetse n'ibyabaye mu bihe byahise n'ibizaba mu bihe bizaza, nararikiwe
kumenyesha abandi ibyo neretswe mbwirwa kwerekana amateka yaranze intambara ikomeye mu
bihe byahise ariko by'umwihariko nkayagaragaza nerekana intambara yihutira kutwegera yo mu
bihe bizaza. -Intambara Ikomeye, p. 14. [3UB44]
-
Kuva mu itangira ry'umurimo wanjye... Nahamagariwe gutanga ubuhamya bwumvikana kandi
bwahuranyije, bwo gucyaha ibibi, no kutagira uwo mbererekera. - Testimonies, vol. 5, p. 678.
[3UB44]
Gutanga Ubuhamya -Afashijwe na Mwuka w'Imana. Nyuma yo kuva mu iyerekwa ntabwo
mpita nibuka ibyo nabonye byose, kandi ibyo neretswe simbisobanukirwa neza kugeza igihe
mbyandikiye. Iyo nanditse ni bwo bingaruka imbere nk'uko nabibonye mu iyerekwa, maze noneho
nkandika mu mudendezo. Rimwe na rimwe ibyo neretswe biranyihisha kugeza igihe ngerejwe
imbere y'itsinda rirebwa na rya yerekwa, ubwo nibwo ibyo nabonye bigaruka mu ntekerezo zanjye
bifite imbaraga nyinshi. [3UB44]
Nishingikiriza ku Mwuka w'Uwiteka haba mu gutekerereza abantu ibyo neretswe cyangwa
kubyandika kimwe no guhabwa iyerekwa ubwaryo. Ntibyanshobokera kwiyibutsa ibyo neretswe
keretse Uwiteka abigaruye imbere yanjye mu gihe abona ko bikwiriye ko mbivuga cyangwa
mbyandika. - Spiritual Gifts, vol.2, pp. 292,293. [3UB44]
Ellen White Yagombaga Guhatwa na Mwuka Wera. Mu mbaraga zanjye sinshobora gukora
umurimo cyangwa ngo nywutangire. Ngomba gukoreshwa na Mwuka w'Imana. Sinshobora
kwandika keretse Mwuka Wera amfashije. Rimwe na rimwe simba nshobora kugira icyo nandika
rwose. Hanyuma, nanone njya nkangurwa nka saa tanu, saa sita cyangwa [3UB44] saa saba; maze
nkabasha kwandika vuba vuba nk'uko ikiganza cyanjye gishobora kwandika. - Letter 11, 1903.
[3UB45]
Iyo Ikaramu Iri mu Kiganza. - Iyo ngifata ikaramu mu kiganza cyanjye, ntabwo mba nkiri mu
mwijima wo kutamenya ibyo nandika. Biba byumvikana cyane nk'aho ari ijwi riri kuvugana
nanjye. "Nzakwigisha nkwereke inzira unyura, nzakugira inama." "Uhore umwemera mu
migendere yawe yose, nawe azajya akuyobora inzira unyuramo." (Zaburi 32:8; Imigani 3:6). -
Manuscript 89, 1900. [3UB45]
Mpugiye cyane mu kwandika. Mu gitondo kare na nijoro mba nandika ibyo Uwiteka aba
yampishuriye. Umutwaro mfite mu murimo wanjye ni ugutegurira ishyanga kuzahagarara ku
munsi w'Uwiteka. - Letter 371, 1907. (Byacapwe mu gitabo ibyo kwandika no kohereza ibihamya
by 'Itorero [Writing and Sending Out of the Testimonies to the Church, p. 15]) [3UB45]
Ukuri k'Ubutumwa bwe. - Mvuga ibyo nabonye kandi nzi ko ari ukuri. - Letter 4,1896. [3UB45]
Ku byerekeye umurimo wanjye, mvuga ibyo Uwiteka ampa. Kandi mu magambo mbabwira
sinshobora gutinyuka kuvuga ko Uwiteka atari we wanteye kuvuga ibyo nababwiye muri cya
kiganiro cyose twagiranye. - Letter 18d,1890. [3UB45]
Nandika ibyo Uwiteka kwandika byose. - Letter 52,1906. [3UB45]
Ubuhamya Butangwa mu Magambo ye. - Nubwo nishingikiriza kuri Mwuka w'Uwiteka mu
kwandika ibitekerezo byanjye nk'uko mbihabwa, ariko na none amagambo nkoresha mu
gusobanura ibyo neretswe ni ayanjye bwite, keretse gusa iyo ari amagambo nabwiwe na marayika,
kandi iteka bene ayo magambo nyashyira mu dukubo. - Review and Herald, Oct. 8, 1867. [3UB45]
Ngomba Kwandika Ibyo Bintu Inshuro Nyinshi. - Nagiye nandikana ubudahemuka imiburo
Imana yampaye. Yagiye icapwa mu bitabo, ariko sinshobora gutuza. Ngomba kwandika ubwo
butumwa inshuro nyinshi. Ntabwo nsaba kuruhurwa. Igihe cyose Uwiteka akimpaye kubaho,
ngomba gukomeza gutanga ubu butumwa bw'ingenzi. - Manuscript 21, 1910. [3UB45]

Uko Ellen White Yari Asobanukiwe Inyandiko Ze -

a. Ibihamya: Abasoma ibihamya babyitondeye nk'uko byari bimeze mu minsi ya mbere,
ntibazahangayika bibaza inkomoko yabyo. Ibitabo byinshi byanditswe kubw'ubufasha bwa
Mwuka w'Imana, bifite igihamya gihoraho cyerekana imiterere y'ibihamya. - Letter 225,1906.
(Byacapwe mu Butumwa Bwatoranyijwe, Igitabo cya 1, p. 56). [3UB45]

7 Inama y'Inteko Nkuru Rusange yize ku guhishurirwa: "Twizera ko umucyo Imana yahaye abagaragu bayo ari iyerekwa ry'ibitekerezo bityo
bikwiriye kumenyeshwa abandi kandi (nubwo atari buri gihe) iryo yerekwa riruta amagambo ubwayo ashobora gukoreshwa mu kurisobanura.
Imyanzuro y'Inteko Nkuru Rusange, Review and Herald, Nov.27,1883.

b. Ibitabo bivuga ku Ntambara Hagati ya Kristo na Satani: Ellen White si we nkomoko y'ibi bitabo.
Ibi bitabo bikubiyemo impuguro n'imiburo Imana yagiye imuha mu gihe cy'umurimo yakoze mu
buzima bwe. Birimo umucyo w'igiciro cyinshi kandi w'ihumure Imana yahaye umuja wayo ku
bw'ubuntu bwayo ngo ugezwe ku batuye isi. - Colporteur Ministry, p. 125. [3UB46]
c. Ingingo Zisohoka mu Zindi Nyandiko: Ntabwo nandika ingingo imwe runaka ngo ibe ari iyo
kugaragaza ibitekerezo byanjye bwite. Ni ibyo Imana iba yampaye mu iyerekwa - bikaba ari
imirasire y'agaciro kenshi y'umucyo umurika uturuka ku ntebe ya cyami. -Testimonies, vol.5, p.67.
[3UB46]
d. Inzandiko (ibihamya): Nabyutse saa cyenda za mu gitondo kugira ngo mbandikire nshitse intege
kandi mpinda umushyitsi. Imana yari iri kuvugira mu kibumbano cyayo. Mushobora kuvuga ko
ubu butumwa bwari urwandiko rusanzwe. Yego rwari urwandiko, ariko rwanditswe biturutse kuri
Mwuka w'Imana kugira ngo mbamenyeshe ibyo nari neretswe. Muri izi nzandiko nandika, no mu
bihamya ntanga, mbandikira ibyo Uwiteka yanyeretse. -Testimonies, vol.5, p. 67. [3UB46]
e. Ibiganiro: Umukuru G. A. Irwin yari afite agatabo gato yari yanditsemo ibibazo bikomeye
yazanye ngo abimbaze, kandi niba hari umucyo mfite kuri izo ngingo, nywandika kubw'inyungu
z'abantu bacu, atari muri Amerika gusa ahubwo n'abo muri iki gihugu [Ositaraliya]. - Letter 96,
1899. [3UB46]
f. Igihe nta Mucyo Yabaga Afite. Nta mucyo mfite kuri iyi ngingo [y'abazaba bagize abantu
ibihumbi ijana na mirongo ine na bine].. Nyamuneka nimumbwirire bene data ko nta kintu
neretswe cyerekeye ibyo bandikaho, kandi ko ibyo nshobora kubashyira imbere ari ibyo neretswe
gusa. - Byakuwe mu rwandiko uwitwa C.C. Crisler yandikiye E. E. Andross, ku wa 8, Ukuboza,
1914. (Rwakuwe mu bubiko rw'Inyandiko za Ellen White, nimero 164). [3UB46]
Nta burenganzira mfite bwo kwandikira bene data mbamenyesha ibyerekeye umurimo uzakora mu
gihe kiri imbere ... Nta mabwiriza nahawe yerekeye aho ukwiriye kujya... Uwiteka nampa
amabwiriza yumvikana neza akwerekeye, nzayakugezaho; ariko sinatinyuka kwiha inshingano
Uwiteka atampaye gukora. - Letter 96, 1909. [3UB46]
Ibyo Imana Yabaga Yerekanye Byasubirirwagamo Abantu nk'Uko Biri. Nshaka ko inyuguti
yose n'umutwe w'amagambo wose biva mu mbaraga nkoresha nandika bisubiramo neza ibyo
Uwiteka yanyeretse, kandi nkabigaragaza neza uko nshoboye kose. -Letter 325, 1905. [3UB46]
Mwuka Wera Atanga Amagambo Akwiriye. - Ineza y'Imana kuri jye irakomeye cyane.
Ndahimbaza izina ry'Uwiteka kuko intekerezo zanjye zisobanukirwa neza ingingo zivugwa na
Bibiliya. Mwuka w'Imana akorera mu ntekerezo zanjye maze akampa amagambo akwiriye
ngomba gukoresha [3UB46] mvuga ukuri. Ikindi kandi, mpabwa imbaraga zikomeye iyo mpagaze
imbere y'iteraniro rinini. - Letter 90, 1907. [3UB47]
Ubufasha bwa Mwuka Wera mu Guhitamo Amagambo Akwiriye. - Ndi kugerageza gushaka
amagambo n'imvugo yakoreshejwe mu kuvuga kuri iyi ngingo, kandi iyo nshidikanyije akanya
gato mbuze ibyo nandika, amagambo akwiriye aza mu ntekerezo zanjye. - Letter 123, 1904.
[3UB47]
Iyo nabaga nandika ibi bitabo by'agaciro kenshi, iyo nagiraga gushidikanya, ijambo nyakuri
nabaga nkeneye ngo mvuge igitekerezo nshaka nararihabwaga. - Letter 265, 1907. [3UB47]
Guhitamo Amagambo mu Bwitonzi. -Mpangayikishwa cyane no gukoresha amagambo
adashobora guha umuntu uwo ari we wese icyuho cyo gushyigikira ibitekerezo by'ubuyobe.
Ngomba gukoresha amagambo atazumvikana nabi cyangwa ngo akoreshwe asobanura ibihabanye
n'ibyo yandikiwe gusobanura. - Manuscript 126, 1905. [3UB47]
Nta Nteruro n'Imwe y'Ubuyobe. - Ubu ndi kugenzura ibyo nanditse muri ajenda zanjye ndetse
na za kopi z'inzandiko nanditse mu myaka myinshi ishize... Mfite ibyo nkwiriye kongera kwandika
by'agaciro kenshi kugira ngo mbishyikirize abantu biri mu gitabo cy'ibihamya. Nubwo nshoboye
gukora uyu murimo, nzirikana ko abantu bashobora kuba bafite ibintu bibibutsa amateka yahise,
kugira ngo babashe kubona ko mu byo nanditse harimo umurunga umwe ugororotse w'ukuri,
utarimo umurongo n'umwe w'ubuyobe. Nahawe amabwiriza avuga ko ku bantu bose ibi bigomba
kuba urwandiko ruzima ku bijyanye no kwizera kwanjye. - Letter 329a, 1905. [3UB47]
Bwa Mbere Nandika Ingingo Rusange, Hanyuma Ngatanga Ingero Zifatika. Mu iyerekwa,
nakuwe mu cyumba cy'abarwayi kimwe njyanwa mu kindi aho Dogiteri B. yari umuganga. Rimwe
na rimwe nagiye mbabazwa no kutagira ubushobozi gukomeye. Nta bumenyi buhagije yari afite
bwo gusobanukirwa icyasabwaga kuri ubwo burwayi n'icyari ingenzi cyane mu guhangana
n'indwara. [3UB47]
Nuko ufite ubutware wari waragiye ambwiriza icyo nkora kenshi yaravuze ati: "Musore, ntabwo
uri umunyeshuri witondera ibyo akora. Uca ibintu hejuru. Ugomba kwiga ubyitayeho cyane, kandi
ugakoresha amahirwe ufite, ukiga biruseho; kandi amasomo wiga ugomba kuyiga ubihugukiye.
Ugenda umeze nk'utazi ibyo akora. Ni ikintu gikomeye cyane kugira ubuzima bw'abantu mu
biganza byawe, aho ikosa ryose wakora cyangwa ukwirengagiza gusesengura byimbitse kose
wagira bishobora kuvutsa ubuzima abagombaga kubaho. Aka kaga gashobora kugabanywa ari uko
umuganga afite ubumenyi bwimbitse ku buryo bwo kuvura abarwayi." [3UB47]
Sinigeze nkwandikira ibi, ariko nabivuze byose muri rusange ntabiguhererejeho. Ntekereza ko
ukwiriye kumenya ibi bintu, ukamenya ko umucyo wahawe abakora mu ivuriro nawe ukureba ku
bintu bimwe. Nkubwira mu mwuka w'urukundo nkunda ubugingo bwawe, kandi nifuza ko wagera
ku ntego zawe nk'umuganga. Ugomba kunywera ku isoko y'ubumenyi ukimbika mbere y'uko
witegura kuba nyambere cyangwa ugakora wenyine mu kigo cyita ku barwayi. - Letter 7, 1887.
[3UB48]
Nta Gusigiriza Ikibazo. - Mu iyerekwa mperutse kugira ibyawe byaje imbere yanjye... Nkurikije
ibyo neretswe wica itegeko rya karindwi. None se ni gute umutima wawe wakumva ugendana
rwose n'ljambo ry'Imana rigizwe n'ukuri kugutsinda kuri buri ngingo? Niba warashutswe ukagwa
muri ubu bupfapfa utabishaka, ibyo byakwihanganirwa, ariko si ko byagenze. Waraburiwe.
Waracyashywe kandi wagiriwe inama... [3UB48]
Umutima wanjye urahagaze... Ntabwo nzasigiriza ikibazo cyawe. Uri ahantu hateye ubwoba kandi
ukeneye guhinduka rwose. - Letter 52, 1876. [3UB48]
Ntabwo Iyerekwa Rihora Ari Umwihariko. - Nandika ibi kubera ko ntahangara kubiceceka. Uri
kure yo gukora iby'ubushake bw'Imana, uri kure ya Yesu, ndetse kure y'ijuru. Ntabwo bintangaza
kubona Imana itarahiriye imirimo yawe. Ushobora kwibaza uti: "Imana ntiyahaye Ellen White
iyerekwa ryerekeye ikibazo cyanjye, none se kuki yandika ibyo yandika?" [3UB48]
Nabonye iby'abandi bantu bameze nkawe basuzugura inshingano zabo. Nabonye byinshi mu byo
wakoze mu gihe cyashize. Kandi iyo ninjiye mu muryango nkabona bakora ibyo Imana yatanzeho
umuburo ndetse ikabiciraho iteka, ngira agahinda kenshi n'umubabaro, naba nareretswe ibyaha
byihariye cyangwa nkerekwa ibyaha by'undi muntu wirengagije inshingano nk'izo. Nzi neza ibyo
mvuga. Nshishikajwe cyane n'iki kibazo. Kubw'ibyo rero, kubwa Kristo ndakubwira nti: 'Gira
bwangu ugaruke ku rufatiro nyakuri, kandi witegure kurwana urwo rugamba. - Letter 52, 1886.
[3UB48]
Inama zo mu Bihamya Zishingiye ku Mayerekwa Menshi. -Imana yampaye ubuhamya bwo
gucyaha ababyeyi bafata abana babo nk'uko mufata umwana wanyu muto. - Letter 1, 1877. [3UB48]
Ariko iki kibazo cyangejejwe imbere kiri hamwe n'ibindi aho abantu bavugaga ko bafitiye
Abadiventisiti b'Umunsi wa Karindwi ubutumwa bwinshi bumeze butyo. Kubw'ibyo rero, ijambo
nababwiye ryari iri ngo: "Ntimukabizere." Letter 16, 1893. (Byavuzwe no mu Butumwa
Bwatoranyijwe, Igitabo cya 2, p.70). [3UB48]
Gutanga Ubuhamya Butitezwe. - Ku Isabato mu gitondo kare, nagiye mu materaniro maze
Uwiteka ampa ubuhamya bwari bugenewe abari mu materaniro, kandi bwose sinari mbwiteze.
Narabubabwiye bwose, mbereka ko Uwiteka yohereje abagabura yatoranyije akabaha n'ubutumwa
kandi [3UB48] ubwo butumwa bazanye nibwo bwari uburyo Imana yari yahisemo gukoresha kugira
ngo ibagereho. Ariko bumvise bafite umudendezo wo kutabufata bwose uko buri no guhindura
ubusa Ijambo ry'Imana... Nababwira ko kuba narahangaye kubibabwira ntyo habayeho gutangara
gukomeye. - Letter 19, 1884. [3UB49]
Gucyaha Abantu Yagaba ari Inshingano Idashimishije Ellen White. Iyo nagombaga kujya mu
nama y'Inteko Nkuru Rusange byabaga ngombwa ko mpatirwa gufata ibyemezo byabaga
bitoroheye abantu bamwe. Gukora uyu murimo birambabaza cyane, kandi bintwara igihe kirekire
kugira ngo nkire igikomere nterwa no gukora bene uwo murimo. - Letter 17, 1903. [3UB49]
Umurimo Wahamijwe n'Ubutumwa Bwavuzwe mu Magambo ndetse n'Ubwanditswe. -
Ubutumwa Imana yampaye bwagejejwe ku bwoko bwayo binyuze mu magambo yasohokaga mu
kanwa kanjye no mu nyandiko. ĺbi byombi byatumye umurimo wanjye urushako kwemerwa.
[3UB49]
Nabwirijwe ko kubw'imbaraga ze zitagira akagero, Uwiteka yarinze ukuboko kw'iburyo
kw'intumwa Ye mu gihe gisaga imyaka mirongo itanu kugira ngo ukuri kwandikwe nk'uko
ambwiriza kukwandika ngo gusohoke mu nyandiko zisohoka buri gihe no mu bitabo. - Letter 136,
1906. [3UB49]
Rimwe na Rimwe Ntiyashoboraga Kuvuga Niba Iyerekwa ari iry'Igihe Cyashize cyangwa
iry'Ahazaza. - Nagiye mpatwa na Mwuka w'Uwiteka ngo mburire abantu bacu ku byerekeye
ubucuti budakwiriye bwari hagati y'abagabo n'abagore bashatse. Aya marangamutima y'urukundo
rw'agahararo yagaragaye muri misiyoni yo mu mujyi wa mbere y'uko uhagera. Nakubonye uri
kumwe n'abandi nawe witwara utyo. Sinshobora kuvuga niba ari mu gihe cyashize cyangwa niba
ari mu gihe kizaza, kubera ko akenshi nerekwa ibintu mbere cyane y'uko bibaho. Letter 17, 1891.
[3UB49]
Kwerekwa Umurimo nk'Uwamaze Gukorwa. - Namaze igihe ntekereza uburyo, nyuma y'aho
dutangiriye umurimo w'ivuriro i Battle Creek, mu iyerekwa nabonye inyubako z'iryo vuriro zuzuye
zose kandi ziteguye gukorerwamo. Uwiteka yanyigishije uko umurimo wagombaga gukorwa muri
izi nyubako kugira ngo uwo murimo utere abarwayi impinduka iganisha ku gakiza. [3UB49]
Ibi byose nabyeretswe nk'ibiriho, ariko ubwo nakangukaga, nasanze umurimo utarakorwa, nsanga
nta nyubako zazamuwe. [3UB49]
Ikindi gihe neretswe inyubako nini iri kuzamurwa ku kibanza ivuriro rya Battle Creek ryaje
kubakwaho nyuma yaho. Bene data bari bahagaritse umutima cyane bibaza uwari gufata izo
nshingano zo gukurikirana uwo murimo. Nararize cyane. Nuko hagati yacu hahagarara Ufite
ububasha maze aravuga ati: "Ntabwo igihe kiragera. Ntabwo mwiteguye gushora [3UB49]
umutungo mu kuzamura iriya nyubako, cyangwa kwitegura uko izacungwa mu gihe kizaza."
[3UB50]
Muri icyo gihe [nerekwaga ibyo], umusingi w'ivuriro wari warubatswe. Ariko twari dukeneye
kwiga isomo ryo gutegereza. - Letter 135, 1903. [3UB50]
Pawulo Yeretswe Akaga Kajyaga Kuzabaho. Pawulo yari intumwa yahishuriwe, nyamara igihe
cyose Imana ntiyamuhishuriraga uko ubwoko bwayo bumerewe. Ababaga bashishikajwe no
kugubwa neza kw'itorero, kandi bakabona ibibi bigenda biryinjiramo, bamubwiye icyo kibazo,
kandi ahereye ku mucyo yari yarahawe mbere y'icyo gihe yari yiteguye kumenya imiterere nyakuri
y'ibyo byadukaga. Kubera ko Uwiteka atari yaramuhaye ihishurirwa rishya kubw'icyo gihe
cyihariye, abifuzaga umucyo bakomeje ntibirengagije ubutumwa bwe ngo babufate nk'urwandiko
rusanzwe. Ashwi da. Uwiteka yari yaramweretse ibibazo n'ingorane byajyaga kuvuka mu
matorero, kugira ngo igihe byari kuvuka azabashe kumenya uko abyitwaramo. -Testimonies, Vol.
5, p. 65. [3UB50]
Ubu Noneho Ellen White Yashoboraga Kuvuga. - Iki gitondo nagiye mu nama yari
yatumiwemo abantu bake batoranyijwe kugira ngo baganire ku bibazo bimwe bari bandikiwe
basabwa gutekereza no gutanga inama kuri izo ngingo. Nashoboraga kuvuga kuri zimwe muri izo
ngingo kubera ko inshuro nyinshi ndetse n'ahantu hatandukanye nagiye nerekwa ibintu byinshi...
Ubwo abavandimwe banjye basomaga ingingo z'ingenzi zabaga ziri mu nzandiko, namenyaga icyo
nabivugaho; kubera ko inshuro nyinshi neretswe ibyerekeye iki kibazo ndetse n'ibijyanye na filidi
y'amajyepfo. Ntabwo nigeze numva mfite umudendezo wo kwandika kuri iyi ngingo kugeza ubu...
Umucyo Imana yampaye ibihe bitandukanye wari uw'uko filidi y'amajyepfo (ahari umubare
munini w'abantu b'amoko atandukanye) itashoboraga gukorwamo umurimo hifashishijwe uburyo
bumwe n'ubukoreshwa mu zindi filidi. - Letter 73, 1895. (Byacapwe muri Southern Work, p.72)
[3UB50]
Iyo Igihe Gisohoye Rwose. - Ubu sinshobora kwandika byinshi, nubwo hari ibintu byinshi cyane
nzandika ubwo nzamenya ko igihe gikwiriye gisohoye rwose ngo mbyandike. - Letter 124, 1902.
[3UB50]
Ubutumwa Bwasubitswe Umwaka Wose. Ubwo nari mu nama yabereye i Melbourne, Uwiteka
yaramfashije kandi ampa umugisha mu buryo bukomeye cyane. Mbere yo kwinjira mu nama,
narakoze cyane. Natangaga ibihamya bwanjye byihariye nari naranditse mu mwaka wa mbere
yaho, ariko nkaba ntariyumvishaga neza ko nabyohereza. Natekereje ku magambo Kristo yari
yaravuze agira ati: "Ndacyafite ibyo kubabwira byinshi, ariko ubu ntimubasha kubyihanganira."
(Yohana 16:12). Ubwo nari maze gufunga ubwo butumwa ngo mbwohereze numvise ijwi
rimbwira riti, "Igihe ntikiragera, igihe ntikiragera, ntabwo bazakira ubuhamya bwawe." - Letter
39, 1893. [3UB50]
Iteka Amayerekwa Ntahita Yumvikana Neza. Igihe kimwe ubwo twaganiraga ku byo unyuramo
mu murimo wawe, warambajije uti: "Mbese wambwiye ibintu byose?" Nta kindi nashoboraga
kuvuga muri urya mwanya. Akenshi hari ibyo nerekwa maze simbashe guhita mbisobanukirwa
ryose, ariko nyuma y'igihe runaka nkabisobanukirwa binyuze mu kongera kwerekwa bya bintu
ntari narahise nsobanukirwa, kandi noneho nkabibona mu buryo butuma ubusobanuro bwabyo
bwumvikana kandi nta kwibeshya kurimo. - Letter 329, 1904. [3UB51]
Ibyo Nanditse Byasaga n'aho Ari Bishya. Nijoro nakanguwe mu bitotsi, maze nandika muri
ajenda yanjye ibintu byinshi byasaga n'aho ari bishya kuri njye igihe nasomaga, kimwe no ku
muntu uwo ari wese ubyumva. Iyo ntabona iyo nyandiko yanditswe mu mukono wanjye sinari
gutekereza ko ari njye wayandikishije ikaramu yanjye. - Letter 118,1898. [3UB51]
Inyandiko za Kera Zibonekera Igihe. Mfite inyandiko nyinshi z'ingirakamaro nandikiye i
Koranibonge muri Ositaraliya [Cooranbong; Australia] ku italiki ya 20, Ukuboza 1896, kandi muri
iki gihe ni zo zikenewe. Ndazandukura uyu munsi, kandi nibishoboka ndazohereza mu butumwa
bwa nimugoroba. Nari naribagiwe aho izo nyandiko zandikishijwe intoki ziri, ariko muri iki
gitondo hari ikirundo cy'inyandiko cyakuruye ibitekerezo byanjye, ku buryo ubwo
nagicukumburaga natangajwe no gusanga ari zo nyandiko nifuzaga. - Letter 262, 1907.
[3UB51]
Intekerezo Zigomba Gutegurwa mu Buryo bw'Umwuka. - Sinigeze ngerageza kwanga
kumenyesha abantu bacu inama yose Imana yampaga [ngo mbagezeho], ariko rimwe na rimwe
byabaye ngombwa ko nzisubika kubera amabwiriza nabaga nahawe ngo: "Ubungubu
ntibakwihanganira kuzumva." Ndetse n'ukuri ubwako mu mwuzuro wako ntigushobora kubwirwa
abantu badafite umwiteguro mu by'umwuka ngo babe babwakira. Mfite byinshi ngomba kuvuga,
ariko ukurikije kutitanga kugaragara muri iki gihe ku bantu ubu butumwa bureba, ntibashobora
kubwihanganira. -Letter 55, 1894.
Impamvu Pawulo Atavugaga Byose. Intumwa ikomeye (Pawulo) yagize amayerekwa menshi.
Uwiteka yamweretse ibintu byinshi umuntu adafitiye uburenganzira bwo kuvuga. Kuki
atashoboraga kubwira abizera Kristo ibyo yabaga yeretswe? Ni ukubera ko bari kugoreka ukuri
gukomeye bari kubwirwa. Ntabwo bari gusobanukirwa uku kuri. Nyamara kandi ibintu byose
Pawulo yeretswe byahaga umurongo ubutumwa Imana yamuhaye ngo abugeze ku matorero. -
Letter 161, 1903. [3UB51]
Ellen White Ntavuga ko Yahawe Umucyo Udasanzwe Urebana n'Inyandiko z'iby' Imibereho ye
Bwite. - Mu gutegura igitabo gikurikiraho cyitwa Impano z'Umwuka, umuzingo wa kabiri
uvugwamo iby'imibereho yanjye bwite [Spiritual Gifts, vol. 2], nakoze umurimo ukomeye wahuye
n'imbogamizi zitoroshye, kuko akenshi nagiye nshingira kubyo nibuka [3UB51] byambayeho,
kandi nta nyandiko nari narabitse kugeza mu myaka mike yari ishize. Inshuro nyinshi nagiye
noherereza inyandiko zandikijwe íkaramu inshuti zanjye zari zihari ubwo bimwe mu byo mvuga
byabayeho byabaga kugira ngo bazigenzure mbere y'uko zicapwa. Narabyitondeye cyane, kandi
nabihaga umwanya munini, mparanira kwandika ingingo zoroheje zivuga ibyabayeho nk'uko
byabaye neza mu buryo bushoboka bwose. [3UB52]
Nyamara iyo nandikaga nkagera ku matariki, nafashwaga cyane n'inzandiko nyinshi nagiye
nandika. (Ijambo ry'ibanze mu gitabo cy'Impano z'Umwuka [Preface to Spiritual Gifts, vol.2]).
[3UB52]
Ndasaba abantu mu buryo budasanzwe ko nibabona amagambo arimo ikosa muri iki gitabo
bazajya bamenyesha bakiribona. Ikosora ryacyo rizaba rirangiye ahagana itariki ya 1, Ukwakira.
Bityo rero, muzanyoherereze aho mwabonye ikosa mbere y'icyo gihe. (Spiritual Gifts, Appendix).
[3UB52]
Itandukaniro Hagati y'Ingingo Zisanzwe n'Izerekeye Iyobokamana. - Ariko hari ibihe bimwe
ibintu bisanzwe bigomba kuvugwa, ibitekerezo bisanzwe bikaba mu bwenge, amabaruwa asanzwe
akandikwa n'amakuru yahererekanyijwe ava ku mukozi umwe ajya ku wundi agatangwa. Ntabwo
amagambo nkayo n'amakuru nk'ayo atangwa kubwo guhumeka kwihariye kwa Mwuka w'Imana.
Rimwe na rimwe hari ibibazo bibazwa bidafitanye isano na hato n'iby'iyobokamana, kandi ibyo
bibazo bigomba gusubizwa. Tuganira ku byerekeranye n'inzu n'ibibanza, ubucuruzi bugomba
gukorwa, ahantu hagomba kubakwa ibigo byacu, ibyiza n'ibibi byabyo. Manuscript 107, 1909.
(Byacapwe no mu Butumwa Bwatoranyijwe, Igitabo cya 1, p.44 [2016]). [3UB52]
Ingingo Yagaragajwe. - Nta butumwa nabonye bumbwira ko mwene data Caza muri Ositaraliya.
Oya. Kubw'ibyo rero, ntabwo mvuga ko nzi ko aha ari abantu ukwiriye kuza. Ariko ni amahirwe
mfite yo kugaragaza ibyifuzo byanjye nubwo ntabivuga nk'utegeka. [3UB52]
Nyamara, sinshaka ko uza ahangaha kubera ko mbiguhatiye. Nifuza ko usenga Uwiteka ushyizeho
umwete, hanyuma ugakurikira aho azakuyobora. Nshaka ko uzaza ari uko Imana ivuze iti, Ngwino,
ntuzigere uza mbere y'uko ibyemera. [3UB52]
Nyamara kandi, ni amahirwe yanjye ko mvuga ubukene bw'umurimo w'Imana hano muri
Ositaraliya. Ositaraliya si igihugu cyanjye ariko ni intara y'Uwiteka. Igihugu ni icy'Imana; ndetse
n'abantu bagituye ni abayo. Hari umurimo ukwiriye gukorwa ahangaha kandi niba atari wowe
uzawukora nzumva ko wagiye gukorera mu kandi karere. - Letter 129, 1897. (Byakuwe mu
rwandiko rwavugaga ku gukenera kubaka ivuriro muri Ositaraliya n'uburyo uyu mugabo
yashoboraga kujya gutangiza uwo mushinga.) [3UB52]
Amakuru Yamenye Aturutse ku Bari Bayazi. - Amakuru natanze ku byerekeranye n'umubare
w'ibyumba by'ivuriro rya Paradise Valley ntabwo ari uguhishurirwa kwavuye ku Uwiteka ahubwo
ni igitekerezo cy'umuntu. Ntabwo nigeze mpishurirwa umubare nyawo w'ibyumba biri mu
mavuriro yacu ayo ari yo yose; kandi ibyo nagiye menya kuri ayo mavuriro nabimenye binyuze
mu kubaza abantu bashoboraga kuba babizi. Mu magambo yanjye, igihe mvuga ku ngingo
zisanzwe nk'izi, nta kintu na kimwe gikwiye gutera abantu kwizera ko ibyo namenye byavuye mu
iyerekwa rikomotse ku Uwiteka kandi ko mbivuga nk'uko biri.- Manuscript 107,1909.
(Byavuzweho mu Butumwa Bwatoranyijwe, Igitabo cya 1, pp. 42,43.) [3UB53]
Ubwoko Bubiri bw'Inzandiko. Bana banjye nkunda [Edson na Emma]: Nari mfite ibintu byinshi
ngomba kwandika, kandi nagize akazi katanyoroheye. Umutima wanjye urashikamye, kandi
niringiye Uwiteka. Nta na rimwe tugomba gushidikanya, ahubwo tugomba kugira ibyiringiro.
[3UB53]
Muri iki gitondo nabonye urwandiko rwanyu munsi y'urugi rwanjye. Nashimishijwe no kumenya
amakuru yanyu. Ejo hashize nabandikiye urwandiko ruvuga ku ngingo zisanzwe, cyangwa ku
buzima bwa buri munsi. Uru rwandiko ndaruboherereza uyu munsi. Nanditse urwandiko rurerure
rwerekeye ingingo mwavuzeho mu rwandiko mwanyoherereje, kandi narutanze ngo
rwandukurwe. Urwo rwandiko ndaruboherereza vuba bidatinze... [3UB53]
Nshingiye kumpuguro Uwiteka yampaye uko ibihe byagiye bisimburana, nzi ko hakwiriye kubaho
abakozi bakora umurimo w'ivugabutumwa rishingiye ku buvuzi bagendagenda hose mu mijyi no
mu midugudu mito. Abakora uyu murimo bazabona umusaruro w'imitima mu bakomeye ndetse
no mu boroheje. - Letter 202, 1903. [3UB53]
Urwandiko Ruvuga ku Ngingo Zisanzwe. Bana nkunda Edson na Emma. -Hashize igihe kirekire
ntabandikira. Nashimishwa cyane no kubasura mu rugo rwanyu. Willie yambwiye ko anejejwe
cyane n'uko mumerewe. Maze igihe kirekire nta makuru yanyu numva. Nashimishwa cyane no
kubona urwandiko rubaturutseho nubwo yaba imirongo mike. Kandi mwibuke ko igihe cyose
mwakwifuza kudusura ngo tubagire inama ku murimo wanyu no ku bitabo turi kugerageza
kwandika, nzanezezwa cyane no kubabona. [3UB53]
Bisa n'aho hashize igihe kirekire cyane Willie adusize. Yagiye tariki yanyuma ya Kamena none
ubu turi tariki 10 Nzeri. Ntazaba ahari mu gihe kingana n'icyumweru. - Letter 201, 1903.
Uko Ellen White Yatekerezaga Ibintu. Washimangiye igitekerezo cyawe kivuye ku myumvire
yawe -uvuga ko ari icyo kwizerwa kurusha icya Ellen White? Mbese wigeze uzirikana ko Ellen
White yagiye ahura b'ibibazo nk'ibyo mu murimo yakoreye Imana mu mibereho ye, kandi ko
ibibazo nk'icyo cyawe ndetse n'ibindi byinshi bitandukanye byanyuze imbere ye [3UB53] bigomba
kuba byaratumye agira ubushobozi bwo kumenya icyiza n'ikibi muri ibyo bintu? Mbese
imyumvire yatojwe n'Imana mu gihe kirenze imyaka mirongo itanu ishobora guhinyurwa
uyigereranyije n'iy'abantu batigeze batozwa cyangwa bahabwe uburere muri ubwo buryo?
Ndakwinginze zirikana ibi bintu. - Letter 115, 1895. [3UB54]
Ntiyatinyukaga Kuvuga nta Mucyo Udasanzwe Yahawe. - Akenshi njya nisanga ahantu
ntashobora guhangara kuvuga nemeza cyangwa mpakana ibyifuzonama ngezwaho; kubera ko hari
akaga k'uko amagambo yose navuga yatangazwa nk'aho ari ikintu nahawe n'Uwiteka. Ntabwo biba
binkwiriye ko buri gihe ngaragaza uko mbona ibintu; kubera ko rimwe na rimwe iyo umuntu
ushaka gushyira umugambi we mu bikorwa, afata ijambo ryose ryamushyigikira nshobora kuvuga
akaryita umucyo wihariye uvuye ku Uwiteka. Nzajya nigengesera mu byo nkora byose. - Letter
162, 1907, p. 2. [3UB54]
Icyitonderwa: Uretse ingingo zo mu buzima busanzwe cyangwa aho avuga ku mibereho
ye bwite, ubundi ibyo Ellen White yashyiraga imbere y'abantu byabaga bishingiye ku
mayerekwa yahawe, yaba yarakoresheje ijambo ngo, "Nabonye" cyangwa atararikoresheje.
Mu gihe cye kimwe no mu gihe cyacu, Ellen White ntiyacaga umurongo utandukanya
ibitabo n'inzandiko ndetse n'ibindi, ahubwo yatandukanyaga ibyera n'ibintu bisanzwe. Nta
muntu ukwiriye kuba mu rujijo. [3UB54]
Mu bitabo byabaga byandikiwe kuzasomwa n'abantu bose muri rusange, Ellen White
yirinze gukoresha imvugo nka "Nabonye" cyangwa "Neretswe" kugira ngo intekerezo
z'abasomyi batamenyereye iby'imibereho ye n'umurimo we badateshuka ku butumwa
atanga ubwabwo. Mu bitabo bye bitanu bivuga ku ntambara iri hagati y'icyiza n'ikibi,
umuntu ashobora gushaka ariya magambo ngo "neretswe" cyangwa "nabonye" ntayabone.
Ariko mu ijambo ry'ibanze ry'Intambara Ikomeye, ari cyo gitabo cye cya mbere muri ibyo
bitanu cyasohotse mbere mu mwaka wa 1888, ndetse n'ahandi, agaragaza ko yabonye
ibintu biba kandi ko "yategetswe kumenyesha abandi ibyo yahishuriwe." Soma ibitabo
Kugana Yesu, Abahirwa ni Ba Nde, Imigani ya Kristo, Uburezi na Rengera Ubuzima. Ellen
White yaranditse ati: "Umuvandimwe wanyu Ellen White si we nkomoko y'ibi bitabo."
[3UB54]
 IGICE CYA 8

IKIBAZO CYO GUKORERWAMO N'IBITEKEREZO BY'ABANDI

"Ni Nde Wabibwiye Ellen White?" - Abasuzuguye ubutumwa bw'imbuzi batakaje imbaraga
zabo. Mu kwiyiringira kwabo bamwe batinyutse gutera umugongo ibyo bari bazi ko ari ukuri,
maze bakabaza bati: "Ni nde wabibwiye Ellen White?" Aya magambo agaragaza igipimo cyo
kwizera n'ibyiringiro bafitiye umurimo Imana yampaye gukora. Imbere yabo bahafite umusaruro
w'umurimo Imana yanshinze gukora, kandi niba uyu musaruro utagira icyo ubemeza, nta
magambo abibumvisha cyangwa guhishurirwa kuzabaho bizabahindura. Ingaruka zizakurikiraho
ni uko Imana izongera kuvuga ibacira urubanza nk'uko yavuze mbere hose. - Review and Herald,
May 19, 1903, p. 8. [3UB55]
Mbese hari umuntu wamubwiye ibi bintu? - Abantu benshi biteguye kubaza bati: "Ni nde
wabwiye Ellen White ibi bintu?" Nanjye barabimbajije bati: "Mbese hari uwakubwiye ibi bintu?"
Narabasubije nti: "Yego, yego, marayika w'Imana ni we wavuganye nanjye." Nyamara icyo baba
bashaka kubaza ni iki ngo: "Mbese bene data na bashaki bacu baba barashyize ahagaragara
amakosa yabo?" Mu gihe kizaza, sinzatesha agaciro ibihamya Imana yampaye kugira ngo ntange
ibisobanuro ngerageza gutuma abafite intekerezo zo hasi banyurwa. Ahubwo nzafata ibibazo
nk'ibyo byose nk'igitutsi batuka Mwuka w'Imana. Imana yabonye ko bikwiriye maze inshyira mu
mwanya itashyizemo undi uwo ariwe wese mu bo dufatanyije urugamba. Yampaye imitwaro yo
gucyaha abantu itigeze yikoreza undi uwo ariwe wese. - Testimonies, Vol.3, pp. 314, 315. [3UB55]
Hari Uwabibwiye Ellen White. Na n'ubu kutizera kugaragarira mu magambo nk'aya ngo: "Ni
nde wandikiye Ellen White ibi bintu?" Nyamara, nta muntu nzi ubizi nk'uko biri kandi nta muntu
washoboraga kwandika ibyo atazi ko bibaho. Hari uwavuganye nanjye. Uwo ntahimba ibitariho,
ntaca urwa kibera cyangwa ngo akabye ikibazo icyo aricyo cyose. -Special Instruction Relating to
the Review and Herald Office and the Work in Battle Creek, p.16. [3UB56]
Si uwo Kwiringirwa Niba Yaragenderaga ku Bitekerezo by'abandi. - Mutekereza ko hari
abantu bakorera mu ntekerezo zanjye. Ndamutse meze ntyo sinaba nkwiriye kuragizwa umurimo
w'Imana. - Letter 16,1893. [3UB56]
Ellen White Ntiyasomye Inzandiko cyangwa Izindi Ngingo Zanditswe n'Abandi. -Ushobora
kunenga kubera ko ntasomye inyandiko zawe nyinshi. Ntazo nasomye, ndetse sinigeze nsoma
inzandiko Dogiteri Kellogg yohereje. Nari mfite ubutumwa bwo gucyaha gukomeye bwari
bugenewe inzu y'icapiro, kandi nari nzi ko ninsoma ubutumwa nohererejwe, nyuma yaho ubwo
ibihamya byajyaga gusohoka, wowe na Dogiteri Kellogg mwari kugwa mu gishuko cyo kuvuga
ngo: "Nitwe twamuteye kugira biriya bitekerezo." - Letter 301, 1905. [3UB56]
Sinigeze ngira umuco wo gusoma inyandiko yose ivuga ku by'imyizerere nk'uko zasohokaga mu
kinyamakuru cy' Urwibutso n'Integuza kugira ngo intekerezo zanjye zitakira ibitekerezo by'undi
muntu wese, kandi ngo hatagira umugabane muto w'inyigisho z'undi muntu ugirana isano iyo ari
yo yose n'ibyo nandika. -Letter 37, 1887. [3UB56]
Ikibazo Cyibajijwe mu Itangira ry'Umurimo. - Mbese utekereza ko byari kugenda bite iyo ibyo
wagiye uvuga kenshi biza kugira icyo bihindura ku mayerekwa Imana impa? Bigenze bityo,
amayerekwa yaba ari ubusa... Ibyo wowe n'undi uwo ari wese yavuze ni ubusa rwose. Imana ni yo
yafashe ikibazo mu biganza byayo... Íbyo wavuze, mugenzi wanjye D, ntiyigeze aba inyuma y'ibyo
navuze na gato. Igitekerezo cyanjye ntaho gihuriye n'ibyo Imana yanyeretse mu iyerekwa. - Letter
6, 1851. [3UB56]
Gucyaha Ntikwaturutse ku Mabwire. Nakiriye urwandiko rwawe kandi ndakora uko nshoboye
ngo ndusubize. Uvuga ko wakiriye ibihamya, ariko uvuga ko utakiriye umugabane wabyo uvuga
ibyerekeye ubushukanyi. Nyamara, muvandimwe ni ukuri, kandi nta hantu amabwire ahuriye
n'uku gucyaha. Letter 28,1888. [3UB56]
Kugerageza Kuyobora Ellen White. Mwene data E avuga ko byashimisha abantu ndamutse
mvuze bike ku byerekeye inshingano maze nkavuga byinshi ku rukundo rwa Yesu. Nyamara,
nifuza kuvuga uko Umwuka w'Uwiteka azantera kuvuga. Uwiteka azi neza ibyo aba bantu be
bakeneye. Ku gicamunsi cyo ku Isabato ku wa 17, Ukwakira, nigishije igice cya Yesaya 58.
Sinigeze nkikira ukuri. -Manuscript 26, 1885. [3UB56]
Nkoreshwa n'Umujyanama Ukomeye. - Hari abantu bavuga bati: "Hari ujya agenga inyandiko
ze." Icyo kirego ndacyemera. Ni Umujyanama ukomeye, wa wundi ujya unyereka uko ibintu
bimeze. - Letter 52, 1906. [3UB57]
Impamvu Rimwe na Rimwe Ibibazo Byabajijwe. - Nabwiwe n'umuntu umwe waje kunyaturira
yihana ko bari baratwawe no gushidikanya no kutizera ibihamya babitewe n'amagambo babwiwe
na mushiki wacu F Ikintu kimwe yavuze ni uko ngo ibihamya mbwira abantu bihariye mba
nabibwiwe n'abandi maze nkabibagezaho, nkavuga ko ari ubutumwa buvuye ku Mana. Mbese
mushiki wacu uwo azi ko mu kuvuga ibyo aba ampinduye indyarya n'umubeshyi? ... [3UB57]
Urugero rumwe rwatanzwe na mushiki wacu F. Yavuze ko ari we wambwiye ibyerekeye
umuryango wa mwene data G. maze ngo icyaje gukurikiraho yumvise, ni uko yaje kumva mvuga
ibyo we ubwe yambwiye ngo nkabivuga nk'ibyo Uwiteka yanyeretse. [3UB57]
Mureke mbisobanure. Akenshi nerekwa imiryango n'abantu ku giti cyabo, kandi iyo ngize
amahirwe yo guhura n'abagera muri iyo miryango, mbabaza uko umuryango uhagaze ngamije
kumenya neza niba abagabura cyangwa abantu muri rusange bazi ibibi biwuberamo. [3UB57]
Uku ni ko byagenze ku birebana n'umuryango wa mwene data G. Nashakaga kumenya niba hari
ukuri gushyigikira ibihamya. Ariko amakuru nahawe si yo mvano y'ibihamya, nubwo abantu
bareba hafi kandi bashukitse bashobora kubisobanura batyo. - Letter 17, 1887. [3UB57]
Ni Nde Wabwiye Pawulo na Ellen White? - Iyo hatanzwe ubuhamya buturutse ku Uwiteka
bugenewe abayobagurika akenshi ikibazo kiravuka kibaza ngo: Ni nde wabibwiye Ellen White?
Ibi bigomba kuba ari nabyo byabayeho mu gihe cya Pawulo, kubera ko hashoboraga kuba hari
abantu bari bashishikajwe n'itorero bityo bakageza ku ntumwa Pawulo (umugabura wari
warashyizweho n'Imana) ingorane abagize itorero bari barimo kandi izo ngorane zari zibasiye
kugubwa neza kw'itorero. Hari igihe cyo kuvuga n'igihe cyo kuceceka. Birumvikana, hari
igikwiriye gukorwa kandi umugabura washyizweho n'Imana ntagomba kunanirwa mu murimo we
wo gukosora ibyo bibi. Icyo gihe ibyo bibi byari bihari kandi Pawulo yagombaga kubirwanya...
[3UB57]
Tuzi ko Imana yari yareretse Pawulo uko amatorero yari ahagaze. Imana yari yaramuhaye umucyo
n'ubwenge ku byerekeye gahunda yagombaga gukurikizwa mu matorero. Yari yaramubwiye ibibi
byajyaga kwaduka mu matorero kandi byajyaga gukosorwa ndetse bikarwanywa hakurikijwe
uburemere bwayo. Imana yari yarahishuriye Pawulo ukwera, ubwitange no gukiranuka byari
bikwiriye kurindirwa mu itorero, kandi yari azi ko ibyajyaga kwaduka bihabanye n'ibyo
byagombaga kurwanywa hashingiwe ku mucyo Imana yari yaramuhaye. [3UB57]
Kuki Ibibazo Bibazwa. Iyo hari ibibazo byerekeye itorero bije mu ntekerezo zanjye, rimwe na
rimwe umucyo uturutse mu ijuru urarasa maze ukampishurira ingingo zihariye Imana
yampishuriye kuri ibyo bibazo, kandi iyo hari umutwaro uremereye umutima wanjye ku byerekeye
amatorero yihariye, imiryango cyangwa abantu ku giti cyabo, akenshi nibaza uko ibintu bimeze
mu itorero, maze ikibazo cyose nkacyandika uko cyakabaye mbere y'uko ngera kuri iryo torero.
[3UB58]
Ariko mba nshaka ukuri ko gushyigikira ibihamya, kandi numva mfite umutwaro wo kumenya
uburyo nakwerekana umucyo Imana iba yampaye. Iyo hari ubuyobe bwagiye bumunga itorero mu
buryo bugaragara, hakaba hari ingero ziteye ku buryo zayobya itorero cyangwa zikaricogoza mu
kwizera kandi zigashimangira kutizera, ubwo nibwo umurimo uba ukwiriye gukorwa utagomba
kugarukira ku miryango mu ibanga cyangwa ku bantu ku giti cyabo gusa, ahubwo ugomba kugera
imbere y'itorero ryose kugira ngo uhagarike icyo kibi kandi ngo uwo murimo urase umucyo mu
ntekerezo z'abantu bariganyijwe n'imirimo y'ubushukanyi no kugoreka. [3UB58]
Byongeye kandi, ubwo nari imbere y'abantu, kuri njye harashe umucyo Imana yampaye mu gihe
cyashize ku byerekeye abantu bari bari imbere yanjye, maze Umwuka w'Uwiteka ampatira kugira
icyo mvuga. Ubu nibwo buryo nakoreshejwemo, nabonaga ibintu byinshi, kandi mbere y'uko ibyo
nabonye mbishyira ahagaragara, mba nshaka kumenya niba ibyo nabonye hari abandi bantu babizi;
kandi niba ijambo bafite mu bantu rigamije gukomeretsa itorero muri rusange. Rimwe na rimwe
hari ibibazo bibazwa kandi rimwe na rimwe uko bibazwa ni ko kugena uburyo umuntu abikemura,
kwaba kubikemurira imbere y'abantu benshi cyangwa se bake, cyangwa se imbere y'abantu
ubwabo. [3UB58]
Iyo ikibazo giteye ku buryo gishobora gukemurirwa mu muhezo, kandi abandi bakaba badakeneye
kukimenya, mba nifuza cyane gukora ibyo nshoboye byose kugira ngo nkosore abantu kandi icyo
kibazo ne kugitangariza abantu bose. - Letter 17, 1887. [3UB58]
Mpagarara Jyenyine, Jyenyine Rwose. Hari icyo nshaka kuvuga. Uwiteka nagira ingingo iyo
ariyo yose cyangwa impuguro ampa, kandi nkaba mfite ubutumwa ngomba gutanga bwerekeye
iyo ngingo, ubwo ni bwo iyo ngingo nzayimenyesha abantu nshingiye ku bushobozi Imana
yampaye, maze mvuge ibivuye ku Mana n'ibyo ishaka mu buryo bwumvikana neza mu bushobozi
bwanjye bwose nk'umuntu. Kandi nyobowe ndetse ngengwa na Mwuka Wera nzavuga ibintu
byose byanyujijwe imbere ngo mbimenyeshe abandi. Ku byerekeye ingingo zikomeye cyane
nahawe, nta muntu nigeze mpa uburenganzira bwo kugenzura na gato umurimo Uwiteka yampaye
ngo nkore, yaba umugabo cyangwa umugore. [3UB58]
Kuva mu myaka makumyabiri n'umwe ishize, ubwo urupfu rwantwaraga umugabo wanjye;
sinigeze ngira igitekerezo na gito cyo kongera [3UB58] gushyingirwa. Ni ukubera iki? Si uko Imana
yabimbujije. Oya rwose. Ahubwo ni uko guhagarara jyenyine byari byiza cyane kuri jye, kugira
ngo hatagira umuntu ubabarana na jye mu gusohoza umurimo Imana yampamagariye gukora.
Nanone kandi, nta muntu ufite uburenganzira bwo kumpata mu buryo ubwo ari bwo bwose ku
birebana n'inshingano yanjye n'umurimo wanjye mu gutanga ubuhamya bwanjye bwo gukomeza
abantu no kubacyaha. [3UB59]
Umugabo wanjye ntiyigeze anyitambika imbere ngo ambuze gukora uyu murimo nubwo
yamfashaga kandi akankomeza ndetse akangaragariza impuhwe. Kunzirikana kwe, amasengesho
yansabiraga n'amarira yariraga kubwanjye narabikumbuye cyane, nongere ngo cyane rwose. Nta
muntu ushobora kumva ibi nk'uko mbyumva. Ariko ngomba gukora umurimo wanjye. Nta
mbaraga z'umwana w'umuntu zikwiriye kugenekereza na gato ko nari gukoreshwa n'ibitekerezo
by'abandi mu gukora umurimo Imana yampaye wo kugeza ibihamya byanjye ku bantu Imana yari
yampaye ubutumwa bwo gucyaha cyangwa gukomeza ngo mbubagezeho. [3UB59]
Muri iki kibazo nabaye njyenyine rwose, mba mu ngorane zose n'ibigeragezo byose bifitanye isano
n'uyu murimo. Imana yonyine ni yo yashoboraga kumfasha. Umurimo wa nyuma ngomba
gukorera muri iyi si uzarangira vuba bidatinze. Niba bishoboka, ngomba kuvuga neruye mu buryo
butagira uwo butera urujijo ngo anyumve nabi. [3UB59]
Nta muntu n'umwe mfite ku isi uzashyira mu ntekerezo zanjye ubutumwa ubwo aribwo bwose
cyangwa ngo agire inshingano ampa. Reka ubu nkubwire mwene data F, niba Imana impaye
umutwaro [w'ubutumwa] bukureba cyangwa undi muntu uwo ari we wese, uzabubona mu nzira
no mu buryo Imana yabumpayemo. -Manuscript 227, 1902. [3UB59]
 IGICE CYA 9

GUSOBANURA IMYUMVIRE YA ELLEN WHITE N'IJAMBO RY'IMANA

MBESE NI IGITEKEREZO CYA ELLEN WHITE?

Umwanya w'Uruhare rwa Muntu n'Uruhare rw'Imana. Inshuro nyinshi mu byo nanyuzemo,
nagiye mpamagarirwa guhangana n'amatwara y'itsinda rimwe ry'abantu bazirikanaga ko ibihamya
byaturukaga ku Mana, ariko bagafata ko iyi ngingo runaka n'iriya ari igitekerezo bwite
n'imyumvire bya Ellen White. Ibi bikwiriye abantu badakunda gucyahwa no gukosorwa, kandi
bakaba ba bandi babona uburyo bwo gusobanura itandukaniro riri hagati y'ibyavuye ku muntu
n'ibyavuye ku Mana igihe gusa ibitekerezo byabo bihinyuwe. [3UB60]
Iyo ibitekerezo byashinze imizi cyangwa ibitekerezo byihariye bya bamwe bihinyuwe bitewe
n'uko bicyashywe n'ibihamya, bahita bagira umutwaro wo kugaragaza neza uruhande bahagazemo
bajora ibihamya, bagasobanura ibiva mu myumvire ya kimuntu ya Ellen White n'ibyaba ari ijambo
ry'Uwiteka. Ikintu cyose gishyigikira ibitekerezo biziritseho bagifata ko gikomoka mu ijuru, naho
ibihamya (ibitekerezo bya Ellen White) bikosora amakosa yabo bikaba ibya muntu. Kubw'iyo
migenzereze yabo, bahindura ubusa inama iva ku Mana. - Manuscript 16, 1889. [3UB60]
Guhakana Ibihamya mu Buryo Butagaragara neza. - Wavuze ibintu uko wabibonaga, uvuga
ko ubutumwa bwa Ellen White bwose budakomoka ku Mana, ko ahubwo umugabane umwe
wabwo ari ibitekerezo bye bwite cyangwa imyumvire ye, bitaruka uby'undi muntu wese. Uyu ni
umwe mu mitego ya Satani wo kukuremamo gushidikanya kugira ngo ashuke ubugingo bwawe
ndetse n'ubw'abandi bazahangara guca umurongo [3UB60] bakavuga ko umugabane w'ubutumwa
ubanezeza ukomoka ku Mana naho uwerekana kandi ugacyaha amakosa yabo ari ibitekerezo bwite
bya Ellen White. Muri ubu buryo rero, mu buryo butagaragara neza wanze ubutumwa bwose Imana
yari yarakoherereje ngo mu rukundo rwayo rwuje ibambe n'imbabazi igukize kurimbuka mu
by'imico mbonera.... [3UB61]
Inyuma yanjye hari Uwiteka, We watanze ubutumwa wanga ubu, ukabuhinyura kandi
ukabusuzugura. Mu kugerageza Imana wononnye intekerezo zawe kandi urujijo n'ubuhumyi by
intekerezo ni byo byabaye umusaruro. Letter 16, 1888. [3UB61]
Iki Si Igitekerezo Cyanjye Bwite. Nyuma y'uko nkwandikira urwandiko rurerure umukuru H
yasuzuguye akarufata nk'inyandiko isanzwe ivuga ibitekerezo byanjye bwite, ubwo nari mu
materaniro makuru muri California y'amajyepfo, Uwiteka yampaye umudendezo maze nandika
ibyo nkora. Nta kindi natinyuka kuvuga ubu kugira ngo ntarengera nkavuga ibirenze ibyo Mwuka
w'Uwiteka yanyemereye. [3UB61]
Ubwo Porofeseri I yazaga, namubajije ibibazo bike bikomeye ikigamijwe cyane ari ukugira ngo
menye uko afata ibintu aho kugira ngo mbone amakuru gusa. Nabonye ko ingorane zari zaje. Iyo
umukuru H n'abifatanyije na we baba barahagaze mu mucyo, baba baramenye ijwi ry'umuburo no
gucyaha; nyamara aryita umurimo w'umuntu nuko akaryirengagiza. Mu minsi iri imbere bidatinze,
azifuza kuba atarigeze akora umurimo ari gukora ubu. Ari kuboha urushundura arwizengurutsa ku
buryo adashobora kuruca ngo aruvemo bimworoheye. Iki si igitekerezo cyanjye bwite. [3UB61]
Ni irihe jwi muzemera ko ari ijwi ry'Imana? Mbese Uwiteka afite imbaraga zingana iki mu bubiko
bwe zo gukosora amakosa yanyu no kubereka ibyo mukora nk'uko biri? Ni izihe mbaraga afite zo
gukoreshereza mu itorero? Kubw'imigirire yanyu, wafunze inzira yose Uwiteka yari kunyuramo
ngo abagereho. Mbese muragira ngo Uwiteka azazura uwapfuye abe ari we ubabwira? [3UB61]
Mu bihamya nohereje i Battle Creek, nabahaye umucyo Imana yampaye. Ntabwo nigeze mbabwira
igitekerezo cyangwa imyumvire byanjye bwite. Mfite byinshi nahawe nkwiriye kwandika ku
buryo ntatandukira ngo nkoreshe ibitekerezo byanjye bwite. Muri gukora ibyo Abisirayeli bakoze
inshuro nyinshi. Aho kugira ngo mwihane imbere y'Imana, muhinyura amagambo yayo, maze
mukavuga ko imiburo yose no gucyaha mugezwaho bikomoka ku ntumwa Uwiteka yabatumyeho.
- Testimonies for Battle Creek Church, pp. 50-58 (1882). [3UB61]
Mureke mvuge ibindi mu bitekerezo. Si intekerezo zanjye bwite ahubwo ni ijambo ry'uwiteka. -
Letter 84, 1899. (Quoted in Counsels to Writers and Editors, p. 122). [3UB61]
Satani Azafasha Abumva Bagomba Kuvangura. Mfite umurimo wanjye nkwiriye gukora
kugira ngo ndwanye imyumvire ipfuye y'abibwira ko bashobora kuvuga ibiri ubuhamya bwavuye
ku Mana n'ibyaba ari umurimo w'umuntu. Abakoze uyu murimo nibakomeza muri iyi nzira, ingabo
za Satani zizabatoranya... [3UB62]
Abantu bafashije abandi kumva ko bafite umudendezo wo kuvangura mu Bihamya bakerekanamo
ibyavuye ku Mana n'ibyaba ari amagambo atarahumetswe ya Ellen White, bazasanga ko bari bari
gufasha umwanzi Satani mu murimo we w'ubushukanyi. Nyamuneka nimusome Ibihamya.
[Testimonies No. 33, p.211 [Testimonies, vol.5, 682], ahavuga "Uburyo bwo Kwakira Ubutumwa
bwo Gucyahwa." - Letter 28, 1906. [3UB62]
Imana Yabageraho Ite? - Ni izihe mbaraga z'ikirenga Uwiteka afite ngo agere ku birengagije
imiburo ye no gucyaha kwe, kandi bakaba baravuze ko ibihamya by Umwuka w'Imana nta yindi
soko ihanitse bikomokaho uretse ubwenge bwa muntu? Mbese mwebwe mwakoze ibi, ni iki
mushobora guha Imana mu rubanza nk'urwitwazo rw'uko mwateye umugongo ibihamya Imana
yabahaye byerekenaga ko yari iri mu murimo wayo? - Testimonies to Ministers, p. 466. [3UB62]
 IGICE CYA 10

IBYEREKEYE KUBA INTUMWA YAHUMEKEWE

Ubuhamya bw'Ibyabayeho nk'Uko Intumwa y'Imana Yabuvuze. - Nabaye intumwa

y'Uwiteka mu gihe cy'imyaka igera kuri mirongo itanu, kandi igihe cyose nzaba nkiriho
nzakomeza kuvuga ubutumwa Imana intuma ku bwoko bwayo. Nta cyubahiro niha. Mu bwangavu
bwanjye, Uwiteka yangize intumwa ye kugira ngo mbwire ubwoko bwe ibihamya byo
kubukomeza, mbugezeho umuburo no gucyaha. Namaze imyaka mírongo itandatu mvugana
n'intumwa zo mu ijuru, kandi nahoraga niga byinshi byerekeye ijuru, kandi nkiga ibyerekeye
uburyo Imana ihora ikoresha kugira ngo ikure abantu mu buyobe bw'inzira zabo ubwabo ibageze
mu mucyo wayo. [3UB63]
Imitima y'abantu benshi yarafashijwe kubera ko bizeye ko ubutumwa nahawe bwoherejwe
kubw'imbabazi Imana yagiriye abayobye. Igihe nabonaga ababaga bakeneye ubundi buhamya
butandukanye bw'imibereho ya Gikristo, narabubabwiye kubw'ibyiza byabo byo muri iki gihe
n'iby'iteka ryose. Igihe cyose Uwiteka akimpaye kubaho, nzakora umurimo wanjye nkiranutse
nubwo abagabo cyangwa abagore batakumva, ntibakire ndetse ntibanumvire ubu butumwa.
Umurimo wanjye nawuhawe mu buryo bwumvikana ngo nywukore, kandi ninumvira nzagirirwa
ubuntu. [3UB63]
Nkunda Imana. Nkunda Yesu Kristo, Umwana w'Imana kandi numva nshishikajwe cyane
n'ubugingo bw'umuntu wese uvuga ko ari umwana w'Imana. Niyemeje kuba igisonga gikiranuka
igihe cyose Imana izaba ikimpaye kubaho. Sinzatsindwa kandi sinzacogora. [3UB63]
Nyamara maze amezi menshi ubugingo bwanjye buri mu mubabaro ukomeye uterwa no kubona
abantu bakiriye inyigisho z'ubuhendanyi bwa Satani kandi bakaba bazigisha abandi, batanga
ubusobanuro bashobora [3UB63]

8 Yavugaga ku nyigisho zivuga ko Imana ari imbaraga n'amategeko bikorera mu isanzure.

gutekereza bwose mu nzira zitandukanye kugira ngo basenye kwizera ubutumwa bwiza
bwagenewe ab'iki gisekuru giheruka, kandi ntibizere umurimo udasanzwe Imana yampaye ngo
nkore. Nzi neza ko Imana ari yo yampaye uyu murimo, kandi sinicuza ibyo nakoze. [3UB64]
Mu byo myuramo, mpora mpabwa igihamya cy'imbaraga y'Imana ikora ibitangaza kandi inkomeza
haba ku mubiri no mu bugingo bwanjye, kuko uyu mubiri n'ubugingo bwanjye nabyeguriye
Uwiteka. Ntabwo ndí uwanjye ngo nigenge. Naguzwe igiciro cyinshi kandi mfite ibyo byiringiro
by'ibyo Uwiteka ankorera kugira ngo nsobanukirwe ubuntu bwe buheranije... [3UB64]
Kuki nakwiganyira? Inshuro nyinshi cyane Uwiteka yankijije uburwayi, yarankomeje mu buryo
butangaje kugira ngo ntagira gushidikanya na hato. Mfite ibihamya byinshi bidashidikanywaho
by'imigisha yayo yihariye yampaye kugira ngo ntashobora guhangara gushidikanya na gato. Imana
impa umudendezo wo kuvugira ukuri kwayo imbere y'iteraniro ry'abantu benshi. Ntabwo mpabwa
ubufasha budasanzwe iyo ndi imbere y'iteraniro rinini gusa ahubwo n'igihe nkoresha ikaramu
yanjye, mbona amayerekwa ahebuje y'ibihe bya kera, ibihe turimo n'ibihe by'ahazaza. - Letter 86,
1906. [3UB64]
Nahawe Ururimi n'Amagambo yo Kuvuga. Mu magambo y'agaciro kenshi atera ibyiringiro
Imana yampaye ku byerekeye umurimo wanjye, nta yambereye ay'igiciro kuruta aya avuga ko aho
nzajya hose azajya ampa ururimi n'amagambo yo kuvuga. Ahantu hari uguhangana gukomeye
cyane, ururimi rwose rwaracecekeshejwe. Nabwiye ubutumwa bweruye abantu bacu ndetse
n'imbaga y'abantu, kandi amagambo yanjye yakiriwe nk'avuye ku Uwiteka. - Letter 84, 1909.
[3UB64]
Ubutumwa bwa Ellen White Ntibwahindagurikaga Uko Imyaka Yashiraga Indi Igataha. -
Iteraniro ryo ku wa mbere w'Isabato ryitabiriwe n'abantu benshi bi Battle Creek. Bateze amatwi
ku rwego ruhanitse. Muri iri teraniro nagize amahirwe yo guhamya nshize amanga ko ibitekerezo
byanjye bitari byarahindutse. Umugisha w'Uwiteka wageze kuri benshi mu bumvise amagambo
yahavugiwe. Naravuze nti: "Mushobora kumva mufite ubwuzu bwo kumenya ibyo Ellen White
yizera. Mwamwumvise avuga inshuro nyinshi... Aracyafite umurimo wo gukorera Shebuja nk'uwo
yari afite ubwo yavuganaga n'abantu b'i Battle Creek mu myaka yashize. Amasomo ahabwa
aracyayakomora kuri wa Mwigisha. Amabwiriza yahawe ni aya ngo, 'Andika ubutumwa nguhaye,
kugira ngo abantu babumenye? Ubwo butumwa bwagiye bwandikwa nk'uko Imana yabumpaye."
-Letter 39, 1905. [3UB64]
Icyizere Ellen White Yari Afitiye Inkomoko Mvajuru y'Amahishurirwa Ye. -Mbega intambara
ngomba kurwana! Bene data basa n'abamfata nk'aho hari ibirindiro mpagararamo bitari ngombwa.
Ntibabona ko Imana mu bwenge bwayo hari ibyo yampishuriye umuntu adashobora kuvuguruza
cyangwa ngo abijyeho impaka abe yagera ku ntego ye. Nta kintu na kimwe [3UB64] gishobora
guhanagura ibyo neretswe kandi bikandikwa ku mutima wanjye. Ukurwanya kose no gupfobya
bikorwa kugira ngo bihindure ubusa ibihamya byanjye nta kindi bikora uretse ko kubw'imbaraga
z'Umwuka w'Imana bimpatira gusubiramo nkomeje ibyo navuze, kandi ngahagarara ku mucyo
nahishuriwe mu mbaraga zose z'ubushobozi Imana yampaye. -Manuscript 25, 1890. [3UB65]
Guhangana n'Akaga mu Buryo Bwiza. - Satani azakomeza kuzana inyigisho ze z'ibinyoma no
kuvuga ko ibyo yibwira ari ukuri. Imyuka iyobya iri ku murimo. Nkwiriye guhangana nakaga mu
buryo bwiza, nkanga uburenganzira umuntu uwo ari we wese yakwiha bwo gukoresha inyandiko
zanjye ngo asohoze umugambi wa Satani wo kwikururiraho no kuriganya ubwoko bw'Imana.
Imana yarinze ubugingo bwanjye kugira ngo nzabashe gutanga ibihamya nahawe, ngo mpamye
ibyo Imana ihamya kandi mvuguruze ukwigaragaza kose kw'inyigisho z'uburiganya bwa Satani.
Mu nyigisho z'ubuyobe mu by'umwuka ikintu kimwe kizajya gikurikira ikindi kugira ngo Satani
ayobye n'intore niba bishoboka. - Manuscript 126, 1905. [3UB65]
Nta Guhungabanywa n'Abamurwanya. Nshobora kurwanywa bikomeye, ariko ibyo
ntibizahindura na gato umugambi wanjye cyangwa umurimo wanjye. Twagiye duhura na bene ibi
bibazo inshuro nyinshi. Uwiteka yampaye ubutumwa ubwo nari mfite imyaka cumi n'irindwi gusa
... Ubutumwa Uwiteka yampaye ngo mvuge bwari mu murongo ugororotse uva ku mucyo ujya ku
wundi, bwerekeza mu ijuru kandi bukomeza buva ku kuri bugana ku kundi kuri kwisumbuyeho. -
Manuscript 29, 1897. [3UB65]
Nta Gusaba Kwitwa "Umuhanuzikazi." - Mu iteraniro ryabereye i Battle Creek ku wa 2,
Ukwakira, 1904 navuze ko ntiyita umuhanuzikazi. Abantu bamwe batangajwe n'iyi mvugo. Nifuza
gutanga ubusobanuro ku byo muyibazaho byinshi. Abandi banyise umuhanuzikazi ariko sinigeze
nemera kwitwa iryo zina. Nabonye ko atari inshingano yanjye kuvuga uwo ndi we. Akenshi abantu
bavuga ko ari abahanuzi muri iyi minsi bagwabiza umurimo wa Kristo. [3UB65]
Umurimo wanjye uruta icyo iryo zina risobanura. Mbona ko ndi intumwa yahawe ubutumwa
bw'Imana bugenewe abantu bayo. -Letter 55,1905. (Byavuzweho no mu Butumwa Bwatoranyijwe,
Igitabo cya 1, pp.38, 39). [3UB65]
Umurimo w'Umuhanuzi n'Ibindi. -Nahawe ubutumwa ko ntakwiriye guterwa ubwoba n'abantu
barwanya umurimo wanjye banenga imiterere yawo. Bashishikazwa no kwibaza ibibazo
by'uburyarya bibaza niba nkora umurimo w'umuhanuzi. Inshingano yanjye ni umurimo
w'umuhanuzi ariko nturangirira aho. Umurimo wanjye urenze cyane ibyo ibitekerezo by'ababiba
imbuto zo kutizera bashobora gusobanukirwa. Letter 244,1906. [3UB65]

9 Abari bashyigikiye inyigisho zavugaga ko Imana ari imbaraga n'amategeko bikorera mu isanzure bakoreshaga inyandiko za Ellen White kugira
ngo bashyigikire ibitekerezo byabo by'ibinyoma.

(Amagambo yabwiwe abakuru b'itorero bo ku rusengero rwa Battle Creek, reba Ubutumwa
Bwatoranyijwe, Igitabo cya 1, pp.38, 39). [3UB66]
Nta Kwiyogeza. Umutima wanjye ubabazwa cyane n'uko bene data J na K bafashe icyemezo
bafite... Mushobora ku baza muti: "Mbese ibyo byagutwara iki?" Kaba agahinda gusa, ndetse ni
agahinda k'umutima nagira aho kugira amahoro, ikiruhuko gitunganye no kwiringira Yesu.
Sinshobora kuvuga n'amagambo icumi yo kwishyigikira, gushyigikira inshingano mfite ndetse
n'umurimo wanjye. Sinshobora gushaka uko ntanga igihamya cyo gushyigikira umurimo wanjye.
"Muzabamenyera ku mbuto zabo." (Matayo 7:20).- Letter 14, 1897. [3UB66]
Kurekera Ingaruka mu Biganza by'Imana. -Rimwe na rimwe ngira umutwaro nijoro. Mbyuka
mu buriri bwanjye maze nkagendagenda mu cyumba, nsenga Imana ngo imfashe kwihanganira
uwo mutwaro, kandi ntacyo mvuga ngo ntere abantu kwizera ko ubutumwa Imana yampaye ari
ukuri. Iyo nshoboye gushyira uyu mutwaro ku Uwiteka, mba mfite umudendezo rwose. Numva
mfite amahoro ntabasha gusobanura. Numva nzamuwe nk'aho nteruwe mu maboko y'iteka maze
amahoro n'ibyishimo bikuzura umutima wanjye. [3UB66]
Inshuro nyinshi cyane nibutswa ko ntakwiri ye kugerageza gukuraho urujijo, kuvuguruza
ukwizera, amarangamutima no kutizera bigaragara. Ntabwo ngomba gucogora, ahubwo ngomba
kuvuga amagambo y’ Uwiteka mfite ubutware, hanyuma ingaruka zizakurikiraho nkazimuharira.
[3UB66]
Mbwirizwa n'Umuganga Ukomeye kuvuga jambo Uwiteka ampa nubwo abantu baryumva
cyangwa ntibaryumve. Mbwirwa ko nta cyo nkwiriye gukora ku ngaruka zikurikiraho, nkabwirwa
ko Imana, Uwiteka Yehova ubwe azandindira mu mahoro asesuye ninguma mu rukundo rwe kandi
ngakora umurimo yampaye. - Letter 146, 1902. [3UB66]
Sinzatura Ibyaha Bizwi na ba Nyirubwite Gusa. - Bene so cyangwa se benshi muri bo ntibazi
ibyo wowe ubwawe uzi kandi Uwiteka nawe akaba abizi... Niyemeje ko ntazatura ibyaha
by'abavuga ko bizera ukuri, ahubwo ibyo nzabibaharira abe aribo babyatura ubwabo. -Letter 113,
1893. [3UB66]
Ellen White Yungukiraga mu Butumwa Butangwa. - Nkumbura kubwira amateraniro y'abantu
benshi kuko nzi ko ubutumwa mbabwira atari ubwanjye ahubwo ari ubwo Uwiteka ashyira mu
bwenge bwanjye kugira ngo mbuvuge. Iyo mpagaze imbere y'abantu mbabwira ubutumwa,
ntabwo mba ndi njyenyine. Iyo ndi imbere y'abantu bisa n'aho imbere yanjye haza ibintu by'igiciro
cyinshi byo mu butu mwa bwiza maze nkitabira ubwo butumwa bwiza kandi nkarya kuri iryo
Jambo nk'undi muntu wese uteze amatwi. Ibibwirizwa bimbera byiza kuko igihe cyose mbumbuye
akanwa kanjye ngo mbwire abantu, mpabwa ubusobanuro bushya. [3UB67]
Sinshobora na gato gushidikanya umurimo wanjye kuko nanjye nitabira guhabwa ku mahirwe
atangwa kandi ngaburirwa ndetse nkongerwamo imbaraga, kuko nzi ko nahamagariwe guhabwa
ku buntu bwa Kristo. Igihe cyose mbwiye abantu ukuri, kandi nkabararikira kwita ku bugingo
buhoraho Kristo yatumye bishoboka ko twakira, nunguka cyane kimwe n'abo mba mbwira,
nkavumbura ibintu bitangaje ku buntu bw'Imana, urukundo rwayo n'imbaraga zayo igaragariza
ubwoko bwayo, binyuze mu gutsindishirizwa no kwiyunga n'Imana. - Manuscript 174, 1903.
[3UB67]
Amahirwe yo Kuba Intumwa y'Imana. -Ndashima cyane kuko Uwiteka yampaye amahirwe yo
kuba intumwa ye yo kumenyesha abandi ukuri kw'igiciro cyinshi. - Letter 80, 1911. [3UB67]

NYUMA Y'URUPFU RWA ELLEN WHITE

Inyandiko za Ellen White zakomeje guhamya. - Ngomba kwandika ibi bihamya ku mpapuro
kugira ngo ninsinzirira muri Yesu, ubuhamya bw'ukuri buzakomeze gutangwa. - Letter 116, 1905.
[3UB67]
Kuvuga Kugeza ku Mperuka. - Muri ibi bihe biheruka, umucyo uhagije wagejejwe ku bantu
bacu. Ubuzima bwanjye bwakomeza kubaho cyangwa ntibubeho, inyandiko zanjye zizakomeza
kuvuga, kandi umurimo wazo uzakomeza igihe cyose isi izaba ikiriho. Inyandiko zanjye zibitswe
mu bubiko mu biro, ndetse nubwo naba ntakiriho, aya magambo nahawe n'Uwiteka azakomeza
kubaho no kuvugana n'abantu. Letter 371, 1907. (Byacapwe muri Butumwa Bwatoranyijwe,
[2016], Igitabo cya 1. p. 63). [3UB67]
Ubutumwa Bwagombaga Kugira Imbaraga Ikomeye Cyane Nyuma y'Urupfu
rw'Umuhanuzi. Mu bigaragarira amaso, iteka ryose nagiye mba nk'ikibindi kimenetse; nyamara
mu myaka yanjye y'izabukuru Uwiteka akomeje kungenderera kubw'Umwuka Wera kugira ngo
nandike ibitabo by'ingirakamaro cyane bitigeze bigera imbere y'amatorero ndetse n'isi yose.
Uwiteka ari guhamya ibyo ashobora gukorera mu bikoresho by'ibinyantegenke. Ubuzima
akindindiye nzabumukoreshereza mu kumuhesha ikuzo. Kandi ubwo Uwiteka azabona ko
binkwiriye kuruhuka, ubutumwa bwe buzarushaho kugira imbaraga nyinshi kurusha uko byari biri
igihe igikoresho cyoroshye yakoresheje ngo butangwe cyari kikiriho. - Manuscript 122, 1903.
[3UB67]
 IGICE CYA 11

KWAKIRA UBUTUMWA

Ubutumwa bwo Gukomezwa, Umuburo no Gucyaha. -Maze imyaka mirongo itanu ndi
intumwa y'Uwiteka, kandi igihe cyose nzaba nkiriho nzakomeza gutwara ubutumwa Imana impa
ngo mbugeze ku bwoko bwayo. Siniyogeza. Mu buto bwanjye Uwiteka yangize intumwa ye ngo
menyeshe ubwoko bwe ibihamya byo kubukomeza, umuburo no gucyaha. Maze imyaka mirongo
itandatu mvugana n'intumwa mvajuru, kandi nahoraga niga ibyerekeye ijuru, n'ibijyana n'uburyo
Imana ihora ikora ubudacogora kugira ngo ikure imitima y'abantu mu buyobe bw'inzira zabo maze
ibageze mu mucyo wayo w'itangaza. - Letter 86, 1906. [3UB68]
Bamwe Bakira Ubutumwa Abandi Bakabwanga. Mfite umurimo ngomba gukorera
abazafashwa nubwo umucyo bahabwa waba udahuza n'ibitekerezo byabo. Bazamenya umucyo
uva ku Mana kubera ko bafite imbuto z'umurimo Uwiteka yashimye gukorera mu gikoresho cye
gicishije bugufi mu myaka mirongo ine n'itanu ishize. Bazirikana ko uyu ari umurimo w'Imana,
bityo rero bafite ubushake bwo gukosorwa mu bitekerezo byabo no guhindura imigenzereze yabo.
[3UB68]
Nyamara, abazatsimbarara kandi bagakomera ku bitekerezo byabo bwite, ndetse bitewe n'uko
bakosowe bagafata umwanzuro ko Ellen White yoshywa [n'abandi] kugira imikorere runaka
ihabanye n'ibitekerezo byabo ... bene abo ntibashobora kugira icyo bunguka. Izo nshuti sinazifata
nk'ingirakamaro aho rukomeye, ariko cyane cyane mu gihe cy'amakuba. Ubu noneho mumenye
ibiri mu bitekerezo byanjye. Sinshaka gukorana umurimo w'Imana ngwaguza. Nshaka kumenya
uko inshingano iteye maze ngakora ntabusanya n'Umwuka w'Imana. -Letter 3, 1889. [3UB68]
Urwandiko rwa Ellen White, Ubutumwa Buva ku Mana. - Umbaza niba Uwiteka yarampaye
rwa rwandiko ngo ndugushyikirize. Ndakubwira ko yarumpaye rwose. Imana Uwera wa Isirayeli
ntazakorana n'ibyaha byawe. Ubwo butumwa bwatanzwe n'Imana. Niba guhera igihe bwa
butumwa bwatangiwe waragize imyumvire mishya ku cyo icyaha ari cyo, [3UB68] kandi niba
warahindutse by'ukuri, ukaba umwana w'Imana aho kuba uwica amategeko yayo; nta muntu
n'umwe bizanezeza kundusha. -Letter 95, 1893. [3UB69]
Ukuri kw'Ibihamya Byemewe ku Mugaragaro. -Nigishije abantu [i Bloomfield muri Leta ya
California] ku gicamunsi, mbabwira ko ari ngombwa ko inenge zo mu mico yabo zikurwaho kugira
ngo bazabashe guhagarara imbere y'Umwana w'Imana ubwo azaza nta nenge ibarangwaho. Muri
ayo materaniro abantu bakozweho cyane. Nabwiye abantu benshi ku giti cyabo, mbereka ibibi nari
nareretswe byabarangwagaho. Bose bafashe icyemezo kandi abenshi batuye ibyaha byabo barira
kandi bahamya ko ibyo ibihamya byavuze ari ukuri. -Letter 7, 1873. [3UB69]
Gusobanura mu Mucyo w'Ibyo Basanzwe Bibwira. - Hari abantu benshi basobanura ibyo
nandika bakurikije umucyo w'ibitekerezo basanzwe bibwira. Muzi icyo ibi bisobanuye. Ingaruka
ntakuka ni amacakubiri mu myumvire ndetse no kugira ibitekerezo bihabanye. [3UB69]
Uburyo bwo kwandika ngo numvwe n'abo menyesha ubutumwa bw'ingenzi ni ikibazo ntashobora
gukemura. Ariko nzihatira kwandika bike bikwiriye. Dushingiye ku buryo abantu banduza
imitekerereze y'abandi, abantu badasobanukirwa neza bashobora gutera abandi kumva ibintu nabi
bitewe n'ubusobanuro baha ingingo ziva mu byo mba nanditse. Umuntu umwe asobanukirwa ibyo
nanditse nk'uko atekereza ko ari ko byagombye kumera akurikije ibitekerezo bye. Undi nawe
ashyira ibye ku byo nanditse maze umusaruro ukaba urujijo. - Letter 96, 1899." [3UB69]
Kwemera Igice. -Uretse amajoro make, mu mezi menshi ashize sinabashije gusinzira nyuma ya
saa saba z'ijoro. Nagiye nisanga ndi kuganira nawe ndetse n'abandi, nguhendahenda nk'uko
umubyeyi yabigirira umwana we... [3UB69]
Nk'uko nari niteze ko ari ko bizakugendekera, nta gushidikanya watunguwe cyane no kubona
nkwandikiye mu buryo bweruye kandi budakebakeba. Ariko, ibi ngomba kubikora, kuko nagizwe
igisonga cy'ubuntu bwa Kristo, kandi uyu murimo ngomba kuwukorera Imana. Ushobora kumva
unyuzwe n'uko uri. Ushobora no guhakana ibyo neretswe birebana n'imibereho yawe. Bamwe bari
gukora batyo muri iyi minsi... [3UB69]
Iyi ni yo mpamvu iteka abagabo n'abagore batabona amakosa no kwibeshya byabo n'igihe baba
babyeretswe. Bavuga ko bizera ibihamya bagezwaho kugeza ubwo babonye ubutumwa bubabwira
ko bagomba guhindura imigambi yabo n'uburyo bakora, kandi ko inyubako y'imico yabo nayo
igomba guhinduka, nibitaba ibyo ishuheri n'umugaru bizayitembana bihereye mu rufatiro rwayo.
Nyuma y'ibyo, umwanzi abashukisha kwitsindishiriza. [3UB69]
Sinshidikanya ko nyuma yo gusoma ubu butumwa uragwa mu mutego wo kuvuga utí: "Ibi si ko
bimeze. Ntabwo meze nk'uko nagaragajwe [3UB69] ahangaha. Hari umuntu wujuje ibitekerezo bya
Ellen White imyanda myinshi yerekeye imibereho yanjye." Nyamara ndagira ngo nkubwire mu
izína ry'Úwiteka ko amagambo y'iyi nyandiko yavuye ku Mana. Bityo rero, nuhitamo kureka ibyo
bintu, uraba werekanye urugero rwo kwizera ufitiye umurimo Uwiteka yahaye umugaragu we ngo
akore. -Letter 13, 1902. [3UB70]
Bimwe mu Bihamya Biciraho Iteka Ibyo Abantu Bararikira. -Hari abiyita abizera bamwe
bemera ibice bimwe by'ibihamya ko ari bwo butumwa bw'Imana ari nako banga ibice bimwe
byabyo biciraho iteka ibyo bararikira. Bene aba bantu bari gukora ibihabanye n'ibyabaha kugubwa
neza ndetse no kugubwa neza kw'Itorero. Birakwiye ko tugendera mu mucyo tugifite umucyo. -
Manuscript 71, 1908. [3UB70]
Gukinisha Ubutumwa. - Akenshi na kenshi ntabwo mba niteze kuvuga ibyo njya mvuga iyo
mvugira imbere y'iteraniro ry'abantu. Igihe ibonye ko ari ngombwa kubw'inyungu z'imitima
y'abantu, Imana ishobora kumpa amagambo yo gucyaha, ay'umuburo cyangwa ayo gukomeza.
Nzavuga bene ayo magambo, kandi ashobora kunyuranya n'inzira za bene data nkunda kandi
nubaha mu kuri. [3UB70]
Niteze ko abatizera bazagoreka kandi bakakira nabi ayo magambo, kandi ibyo ntibintungura.
Ariko kubona bene data bazi iby'inshingano n'umurimo byanjye bakinisha ubutumwa Imana impa
ngo ngeze ku bantu, bitera agahinda Umwuka wayo. [3UB70]
Binca intege kubona abantu bitoranyiriza ibice bimwe by'ibihamya bibanezeza maze
bakabyubakiraho kugira ngo bashyigikire imigenzereze yabo kandi bagaragaze ko uwo mugabane
bawemera ko ari ijwi ry'Imana. Ariko igihe ibindi bihamya bicyaha imigirire yabo, igihe havuzwe
amagambo adahuje n'ibitekerezo n'imyumvire yabo, basuzugura umurimo w'Imana bakavuga ngo,
"Yooo, ibi ntitubyemera. Ibi ni igitekerezo bwite cya Ellen White gusa, kandi ntikiruta igitekerezo
cyanjye cyangwa icy'undi muntu uwo ari we wese." -Letter 3, 1889. [3UB70]
Gushakashaka Amagambo yo Kubakiraho Ubusobanuro bwa Muntu. -Nzirikana cyane rwose
ko ndi umuntu upfa, kandi ko ngomba kurinda imbaraga z'impagarike yanjye y'umubiri,
iz'ubwenge n'iz'imico mbonera. Guhora mpindagura aho nabaga bitewe n'ingendo nakoraga,
ndetse no gufata inshingano yo kwigisha mu ruhame aho najyaga hose, byarampagije cyane,
hakiyongeraho inyandiko nagiye ntegura amanywa n'ijoro nk'uko Uwiteka yakoreye mu ntekerezo
zanjye kubw'Umwuka we Wera. [3UB70]
Kandi iyo mbonye ibimenyetso byerekana ko ubwo butumwa buzatwarwa mu myumvire ya
kimuntu n'abantu bamwe bazabwakira, iyo mbonye ko bari gushakishanya ubwuzu amagambo
amwe nanditse bashobora gushyiraho ubusobanuro bwabo bwa kimuntu kugira ngo bashyigikire
ibyo bemera kandi babonere ubusobanuro imigenzereze yabo iyo ntekereje ibyo bintu, ntabwo
bintera umwete cyane wo gukomeza kwandika. [3UB70]
Bamwe muri abo bantu bacyahwa, baharanira ko ijambo ryashyigikira amagambo yabo bwite.
Kugoreka, kuryarya, gusobanura no gukoresha nabi Ijambo [ry'Imana] biratangaje cyane! Abantu
bihuriza hamwe muri uyu murimo. Ibyo umuntu umwe adatekereza, undi arabimubwira. - Letter
172, 1906. [3UB71]
Kugoreka Ibyanditswe Byera n'Ibihamya. - Akenshi abantu bumvaga nabi ibyigisho Kristo
yigishaga bidatewe n'uko atabisobanuraga mu buryo bwumvikana neza, ahubwo byaterwaga n'uko
intekerezo z'Abayuda zabaga zuzuye urwikekwe kimwe n'intekerezo z'abantu benshi muri iki gihe
bavuga ko bizera. Bitewe n'uko Kristo atifatanyije n'Abanditsi n'Abafarisayo, baramwanze,
baramurwanya kandi bashaka uko bahinyura umuhati yakoreshaga no guhindura ubusa amagambo
ye. [3UB71]
Kuki abantu batazabona ukuri kandi ngo bakugenderemo? Abantu benshi biga Ibyanditswe Byera
kugira ngo bashimangire ko ibitekerezo byabo ari ukuri. Bahindura ubusobanuro bw'Ijambo
ry'Imana kugira ngo risanishwe n'imyumvire yabo. Ibyo banabikora ku bihamya Imana
iboherereza. Bavuga igice cy'interuro, maze ikindi gice bakagisiga kandi iyo bakivuga ari cyo
cyajyaga kugaragaza ko imitekerereze yabo ikocamye. Imana ihanganye ku rugamba n'abagoreka
Ibyanditswe, bagatuma bihuza n'ibitekerezo byabo byababayemo karande. - Manuscript 22, 1890.
[3UB71]
Amagambo Agoretswe kandi Yumvikana Uko Atari. - Bisa n'ibidashoboka ko abantu babonye
umucyo bakanga kuwugenderamo basobanukirwa ubutumwa bwanjye. Ibyo nshobora kuvugira
mu biganiro nihereranye n'abantu bishobora gusubirwamo ku buryo babitera gusobanura
ibihabanye rwose n'ibyo byajyaga kuba bisobanura iyo abateze amatwi baza kuba bejejwe mu
mitima no mu mwuka. Ntinya no kuvugana n'inshuti zanjye, kubera ko nyuma numva bavuga ngo,
'Ellen White yavuze ibi cyangwa yavuze biriya. [3UB71]
Amagambo yanjye aragorekwa kandi agasobanurwa uko atari ku buryo maze kugera ku mwanzuro
w'uko Uwiteka yifuza ko ndeka kujya mu materaniro manini kandi nkanga kugira uwo tuganira
twiherereye. Ibyo mvuga bisubirwamo mu mucyo ugoretswe ku buryo usanga kuri njye bimbereye
bishya kandi bidasanzwe. Biba bivanzwe n'amagambo yavuzwe n'abantu kugira ngo bashyigikire
inyigisho zabo bwite. - Letter 139, 1900. [3UB71]
Kuva Kera Hari Ijwi Ryumvikaniraga Muri Twe. -Turaguhamagarira guhagarara mu ruhande
rw'Uwiteka, kandi ugakora uruhare rwawe nk'umugaragu w'indahemuka w'ubwami. Zirikana
impano yashyizwe mu itorero kugira ngo iyobore ubwoko bw'Imana mu minsi iheruka amateka
y'isi. Kuva mu itangiriro, itorero ry'Imana ryagiye rigira impano y'ubuhanuzi hagati muri ryo
nk'ijwi rizima ribereyeho gutanga inama, gucyaha no guhugura. [3UB71]
Ubu tugeze mu minsi iheruka y'umurimo w'ubutumwa bwa marayika wa gatatu, aho Satani
azakorana imbaraga nyinshi bitewe n'uko azi ko afite igihe gito. Muri icyo gihe kandi, binyuze mu
mpano z'Umwuka Wera, tuzabona ibikorwa by'uburyo bwinshi bizagaragara mu isukwa rya
Mwuka Wera. Iki ni igihe cy'imvura y'itumba. -Letter 230, 1908. [3UB72]
Uruzitiro rw'Uburinzi Rwasenywe. - Umwanzi yakoresheje imbaraga ze mu buryo yitondeye
kugira ngo akure abantu bacu ku kwizera Ibihamya, kandi iyo aya makosa akozwe bavuga ko ibyo
bavuga babihamisha Bibiliya, ariko basobanura nabi Ibyanditswe Byera. Bavuga amagambo yo
kwiyemera nk'uko umukuru Canright yabikoze, bityo bakoresha nabi ubuhanuzi n'Ibyanditse
Byera kugira ngo bahamye ibinyoma. Kandi iyo abantu bamaze gukora umurimo wabo wo
kugwabiza icyizere amatorero yacu yari afitiye Ibihamya, basenya uruzitiro rw'uburinzi ku buryo
kutizera ukuri biba gikwira, maze ntihabe hakiriho ijwi ryarangurura ngo rihagarike imbaraga
z'ikinyoma. [3UB72]
Ibi bimeze uko Satani yabiteguye, kandi abamaze igihe bategurira abantu inzira yo kutumvira
imiburo no gucyaha by'ibihamya by Umwuka w'Imana bazabona ko urwunge rw'ibinyoma byinshi
by'ubwoko bwose rututumba. Bazavuga ko Ibyanditswe ari byo gihamya cyabo, ariko ibinyoma
bya Satani by'ubwoko bwose ni byo bizaganza. - Letter 109, 1890. [3UB72]
Mwirinde Uburiganya Bushukana bwa Satani. Abantu bashobora gucura imigambi igenda
ikurikirana, kandi umwanzi azashaka uko yayobya imitima ngo ive mu kuri, ariko abantu bose
bizera ko Uwiteka yavugiye muri Ellen White, kandi ko yamuhaye ubutumwa, bazakingirwa
uburiganya bwinshi buzaduka muri iyi minsi y'imperuka. -Letter 50, 1906. [3UB72]
Si Jye Mugambanira Ahubwo ni Uwiteka. Nagerageje gukora inshingano yanjye kuri mwe
ndetse no ku Mwami Yesu uwo nkorera kandi nkaba nkunda umurimo we. Ibihamya nabagejejeho
mu by'ukuri nabihawe n'Uwiteka. Mbabajwe no kuba mwaranze umucyo mwahawe... [3UB72]
Mbese muri kugambanira Umwami wanyu kubera ko mu mbabazi ze zikomeye yaberetse aho
muhagaze mu by'umwuka? Azi imigambi yose y'umutima. Nta na kimwe ahishwa. Ntabwo ari
njye mugambanira. Si jye murakarira mutyo. Ahubwo ni Uwiteka wampaye ubutumwa ngomba
kubagezaho. - Letter 66, 1897. [3UB72]
Kureka Kwizera Ibihamya. Hari ikintu kimwe cy'ukuri: Abo Badiventisiti b'Umunsi wa
Karindwi bahagarara munsi y'ibendera rya Satani bazabanza kureka kwizera imiburo n'ubutumwa
bwo gucyaha biri mu Bihamya by Umwuka w'Imana. [3UB72]
Guhamagarirwa kwitanga bikomeye n'umurimo wera cyane biri gukorwa, kandi bizakomeza
gukorwa. -Letter 156, 1903. [3UB72]

INGERO EBYIRI ZIFATIKA

1. Ibihamya Bigenewe Abantu ku Giti Cyabo Bwakiranwe Ishimwe. -Twagarutse kuwa 12,
Ukuboza 1892. Ku mugoroba w'umunsi wakurikiyeho, mwene data Folukehedi (Faulkhead)
yarampamagaye ngo duhure.10 Umutwaro w'ikibazo cye wari mu bitekerezo byanjye. Namubwiye
ko we n'umugore we nari mbafitiye ubutumwa nari narateguye kenshi kuboherereza, ariko nkaba
nari narabujijwe n'Umwuka w'Imana kubikora. Namusabye gushaka igihe cyo kubonana na bo.
[3UB73]
Yaransubije ati: "Nshimishijwe n'uko utanyoherereje ubutumwa bwanditse; nahitamo kwakira
ubutumwa umbwije akanwa kawe. Iyo buza mu bundi buryo, sintekereza ko hari icyiza bwari
kumarira." Yongeyeho kubaza ati: "Kuki utambwira ubwo butumwa aka kanya?" Naravuze nti:
"Mbese ushobora gusigara ukabwumva?" Yansubije ko arasigara akabwumva. [3UB73]
Nari naniwe cyane kubera ko uwo munsi nari nagiye mu bikorwa byo gusoza umwaka w'amashuri;
ariko noneho nabyutse aho nari ndyamye ku buriri nuko musomera [ubwo butumwa] mu gihe
cy'amasaha atatu. Umutima we waroroshye, yazengaga amarira mu maso, kandi igihe narangizaga
kumusomera bwa butumwa yaravuze ati: "Nemeye ijambo ryose wambwiye, ibi byose ni
ibyanjye." [3UB73]
Ibyinshi mu byo nari namusomeye byari byerekeye ibiro by' Ikinyamakuru cy'ljwi rya Ositaraliya
[Australian Echo Office] ndetse n'abari bashinzwe gucunga ibyo biro kuva mu itangira ry'icyo
kinyamakuru. Uwiteka yanampishuriye umubano wari hagati ya mwene data Folukehedi
(Faulkhead) n'abo mu muryango ukorera mu ibanga witwa "Free Masons," kandi namubwiye
neruye ko nadaca umurunga wose umwomatanya n'ayo mashyirahamwe akorera mu ibanga
azabura ubugingo bwe. [3UB73]
Yaravuze ati: "Nemeye umucyo Uwiteka yanyoherereje ikunyujijeho. Ndagira icyo mbikoraho.
Ndi umunyamuryango w'icyiciro cyayo cy'amacumbi atanu kandi ngenzura andi macumbi atatu.
Ni jye ucunga ibikorwa byabo by'ubucuruzi. Kuva ubungubu sinzongera kujya mu nama zabo,
kandi nzahagarika umubano w'ubucuruzi nari mfitanye nabo mu gihe gito cyihuse gishoboka."
[3UB73]
Namusubiriyemo amagambo yerekeye ayo mashyirahamwe nk'uko nari nayabwiwe n'umuyobozi
wanjye. Namweretse ikimenyetso nyakuri cyari cyatanzwe n'umuyobozi wanjye, maze ndavuga
nti: "Sinashobora kurondora ibyo nahawe byose." Mwene data Folukehedi (Faulkhead) yabwiye
umukuru Daniells n'abandi bantu ko namweretse ikimenyetso cyihariye cyari kizwi gusa n'abo ku
rwego rwo hejuru cyane muri rya shyirahamwe ry'udutsiko tw'umwijima rya "Masons" yari
yarinjiyemo. Yavuze ko ntari nzi icyo kimenyetso, kandi ko ntari nzi ko ndi kumwereka icyo
kimenyetso ntabizi. [3UB73]

10 Reba Ubutumwa Bwatoranyijwe, Igitabo cya 2, pp. 142-158 ku butumwa bwahawe N. D. Faulkhead. 73

Iki cyari igihamya kidasanzwe kuri we ko Uwiteka yari ari gukorera muri jye kugira ngo akize
ubugingo bwe. -Letter 46,1892. [3UB74]
2. Mwene Data Umwe n'Umushyitsi ku Kibuga cy'Ingando. - Nafashe bamwe muri bene data
mbajyana ku ruhande mu ihema ryacu [mu materaniro makuru yaberaga ahitwa i Milton muri
Washington] nuko mbasomera ubutumwa nari naranditse mu myaka itatu yari ishize bwari
bwerekeye imigirire yabo. Bari barahigiye Inteko Nkuru Rusange imihigo yo gutanga umutungo
wo gushyigikira umurimo ariko bari barisubiyeho. Nabasomeye ibihamya byahuranyije,
byumvikana neza kandi birasa ku ntego, ariko aha niho hari akaga (bari barumvise ko bitari
ngombwa ko bizera Ibihamya]. Mwene data I yari yarabaye umwe mu bagize Ishyaka rya Marion
(Marion Party)" ubwo yabaga ahitwa i Laport muri Leta ya Iowa, kandi kugira uko ukorera aba
bantu byari iyobera. Nta mugabura cyangwa ubutumwa bwe bubahaga ngo babirutishe imyumvire
yabo bwite. Uburyo bwo kugira icyo ubabwira ngo bakumve ni bwo bwari ikibazo. Icyo
twashoboraga ni ugusenga gusa, kandi tukabagenzereza nk'aho bizera ijambo ryose ry'ibihamya,
ariko kandi tukigengesera cyane nk'aho turi gukorera abatizera... [3UB74]
Mu gitondo cya kare ku Isabato yo ku wa 7 Kamena, 1884; nagiye mu materaniro maze Uwiteka
ampa amagambo y'ibihamya abareba mu buryo butaziguye, kandi yose sinari nyiteze.
Narayababwiye yose, mbereka ko Uwiteka yohereje abagabura yatoranyije akabaha ubutumwa
kandi ko ubutumwa bazanye bwari uburyo Imana yari yaratoranyije kugira ngo ibagereho,
nyamara bakaba barumvise bafite umudendezo wo kubufata uduce uduce no guhindura ubusa
Ijambo ry'Imana... [3UB74]

Ku Isabato, ku wa 14 Kamena. Twagize amateraniro azahora yibukwa. Ku Isabato mbere ya saa

sita, mwene data [J. N.] Lofuborufu (Loughborough) yarigishije. Nigishije nyuma ya saa sita.
Uwiteka yaramfashije. Noneho ndabahamagara ngo baze imbere. Abantu mirongo itatu na batanu
muri bo bitabye irarika baraza. Abenshi muri bo bari abagabo n'abagore bakiri bato ndetse
n'abakecuru n'abasaza. Twagize amateraniro y'agahozo. Abantu bamwe bari bararetse ukuri
bagarutse bihana kandi batura ibyaha byabo. Abandi benshi muri bo bwari ubwa mbere batangiye
uru rugendo. Uwiteka ubwe yari ahibereye. Ibi byabaye nko kumenagura urwikekwe kandi
ibihamya byoroshya imitima byaratanzwe. Twafashe akaruhuko nuko turongera turatangira maze
umurimo mwiza urakomeza ... [3UB74]

Ku wa Gatandatu nyuma ya saa sita, nasomye ubutumwa bw'ingenzi nari naranditse mu myaka
itatu yari ishize. Úbu butumwa bwakiriwe nk'ubuturutse ku Mana. Abantu bemeye ibihamya
babikuye ku mutima kandi kwatura kwabaye ukw'agaciro gakomeye ku bari barakoze ibibi. -
Letter 19, 1884. [3UB74]

11 Umuryango wadutse muri Marion, muri Leta ya Iowa, muri Leta Zunze Ubumwe za Amerika ahagana mu myaka ya 1860.
 UMUGABANE WA III

GUTEGURA IBITABO BYA ELLEN G. WHITE

IJAMBO RY'IBANZE
Igihe kinini cy'ubuzima bwa Ellen White yakimaze ategura ibitabo byarimo ubutumwa Imana
yamuhaye ngo abugeze ku bwoko bwayo kandi rimwe na rimwe bwari bugenewe abantu muri
rusange. Übubiko bw'inyandiko bw'Ikigo Gishinzwe Kwita ku Nyandiko za Ellen G. White kirimo
inyandiko nke z'amagambo yavuze atanga amakuru arambuye kuri uyu murimo. Nyamara, abandi
bakoranye na we bagize byinshi bawandikaho. Ariko kandi, inyandiko ze nkeya zitwinjiza mu
mutima w'umurimo we. Ahangaha tugiye kwerekana zimwe mu nyandiko ze zerekeye gutegura
no gusohora Ibihamya by Itorero ndetse na bimwe mu bitabo bye bigaragaza inkuru y'urugamba
ruri hagati y'icyiza n'ikibi, by'umwihariko, Intambara Ikomeye n'Uwifuzwa Ibihe Byose. [3UB75]

Kubera ko inyandiko za mbere zerekeye ingingo zitandukanye zigize inkuru y'intambara hagati
y'icyiza n'ikibi zagiye zandikwa ku buryo burambuye inshuro ebyiri cyangwa eshatu, ntibishoboka
ko twerekana mu buryo bwahuranyije uko ibikorwa byagiye bikurikirana mu murimo wa Ellen
White wo kwerekana ibyagiye biba mu muri iyi ntambara imaze imyaka myinshi cyane.
Birakwiriye kuzirikana kandi ko Ellen White yafataga imigabane yose y'iyi nkuru nk'umugabane
umwe mu nkuru ivuga intambara ikomeye, haba mu mateka avugwa mu Isezerano rya Kera, mu
Isezerano Rishya, cyangwa amateka ya nyuma yo kwandika Bibiliya. [3UB75]
Inyandiko zivuga ku bafasha be mu gutegura inyandiko ze na zo ziragaragara, kandi nizo zigize
igice gitangira uyu mugabane tugezemo. Ikindi gice kigaragaza umurimo we wo kwandika ku
mibereho ya Kristo aho yafashijwe n'umukobwa w'umuvandimwe we mu mwaka wa 1876 ndetse
n'uwitwa Marian Davis mu myaka ya 1890. [3UB75]
William, umuhungu wa Ellen White yakoranaga nawe bya hafi cyane mu gutegura no gusohora
ibitabo bye nyuma y'umwaka wa 1881, ari nawo [3UB75] mwaka umugabo we James White
yapfuyemo. Inshuro nyinshi William yanditse ahereye ku bumenyi bwimbitse yari afite ku murimo
nyina yakoraga mu gutegura ibitabo. -Abashinzwe kurinda Inyandiko za Ellen White. [3UB75]
 IGICE CYA 12

ABAHANGA MU NDIMI BAFASHIJE MU MURIMO WA ELLEN G. WHITE

James White n'Abandi Baramufashije. Igihe umugabo wanjye yari akiriho, yakoraga ari
umufasha n'umujyanama mu kohereza ubutumwa nahabwaga. Twakoraga ingendo nyinshi cyane.
Rimwe na rimwe nahabwaga umucyo ari nijoro, ubundi bikaba ari ku manywa ndi imbere
y'iteraniro rinini. Ubwo nabaga mfite igihe n'imbaraga byo gukora umurimo, ni jye ubwanjye
wiyandikiraga amabwiriza nahererwaga mu iyerekwa ntacyo mpinduye. Nyuma yaho
twasuzumiraga hamwe ibyo nanditse, umugabo wanjye agakosora amakosa y'ikibonezamvugo
kandi agakuramo amagambo adakeneye gusubirwamo. Iyo ibyo byabaga birangiye, ubwo
butumwa bwandukurwaga mu bwitonzi bukohererezwa abo bugenewe cyangwa ku icapiro.
[3UB77]
Uko umurimo wakuraga, hari abandi bamfashaga mu gutegura inyandiko zagombaga gushyirwa
ahagaragara. Nyuma y'urupfu rw'umugabo wanjye, hari abafasha b'abizerwa bansanze, bakoraga
ubudacogora umurimo wo kwandukura ibihamya no gutegura ingingo. zagombaga gushyikirizwa
abasomyi. [3UB77]
Ariko inkuru zagendaga zikwirakwizwa ko uwo ari we wese mu bamfashaga yari afite
uburenganzira bwo kugira icyo yongeraho cyangwa agahindura ubusobanuro bw'ubutumwa
nandikaga. Izo nkuru ntabwo ari ukuri. - Letter 225, 1906, byasohowe mu icapiro mu gice kivuga
Kwandika no Kohereza Ibihamya by Itorero, mu gitabo Ubutumwa Bwatoranyijwe, Igitabo cya 1,
p. 57. [3UB77]
Ellen White Yiyumvamo ko Adashoboye mu Mwaka wa 1873. - Muri iki gitondo nasuzumye
inyandiko zanjye ntakebakeba. Umugabo wanjye afite intege nke cyane ku buryo atabasha
kumfasha kuzitegura ngo zijye mu icapiro, bityo rero nta kindí nazikoraho muri iki gihe. Ntabwo
ndi intiti yajambuye mu mashuri. Sinshobora kwitegurira inyandiko zanjye ngo zijye mu icapiro.
Sinzongera kwandika kugeza igihe nzaba nshoboye kuzitegurira. Si inshingano yanjye kunaniza
abandi kubw'inyandiko z'intoki nandika. - Manuscript 3, 1873. (Diary Jan. 10,1873.) [3UB78]
Ellen White Yiyemeje Guteza Imbere Ubushobozi bwe bwo Kwandika. - Mu ijoro ryakeye
twaruhutse neza. Igitondo cy'iyi Sabato kiramutse ari ikibunda. Ibitekerezo byanjye byiyunguye
ibyemezo bidasanzwe. Ndi gutekereza ko ngomba kureka inyandiko yanjye nagiye nishimira
cyane, maze nkareba ko ntashobora guhinduka intiti yajambuye. Sindi impuguke mu
kibonezamvugo. Nyamara, Uwiteka namfasha, ku myaka yanjye mirongo ine n'itanu nzagerageza
kuba intiti yajambuye mu buhanga bw'ikibonezamvugo. Imana izamfasha. Nizeye ko izabikora. -
Manuscript 3, 1873. (Diary Jan.11,1873). [3UB78]
Kwiyumvamo ko Adashoboye mu Mwaka wa 1894. -Ubu noneho nkwiriye kureka iyi ngingo
yanditswe mu buryo budatunganye rwose ku buryo ntinya ko muzasobanura nabi ibyo nyumva
mpangayikishijwe no kuvuga mu buryo bweruye. Yooo, iyaba Imana yatyazaga imyumvire yanjye
kuko jye nta wundi ndi we keretse umwanditsi woroheje, kandi sinshobora gukoresha ikaramu
cyangwa ijwi ngo nsobanure amayobera y'Imana akomeye kandi yimbitse. Mwisengere kandi na
jye munsabire. -Letter 67, 1894. [3UB78]
Guhakana Ibyavugwaga ko Hari Impinduka Ziba mu Nyandiko. -Nk'uko mwabibonye
abandukura inyandiko zanjye ntibahindura imvugo yanjye. Ikomeza kuba nk'uko mba nayanditse...
[3UB78]
Umurimo wanjye wagiye ahagaragara guhera mu 1845. Kuva icyo gihe nagiye nkoresha ikaramu
n'ijwi. Uko najyaga mbwira abandi iby'umucyo nahawe, umucyo usumbyeho wanzagaho. Mfite
umucyo mwinshi usumbyeho werekeye Ibyanditswe byo mu Isezerano rya Kera n'Isezerano
Rishya nkwiriye kumenyesha abantu bacu. - Letter 61a, 1900. [3UB78]
Gusoma bwa Nyuma Inyandiko Zose Zicapwe n'Izitaracapwa. Ndacyafite umurava nk'uko
byahoze. Nta gutentebuka na guke kungaragaraho. Nshoboye gukora cyane, nandika kandi
nkavuga nk'uko nabikoraga mu myaka yashize. [3UB78]
Nsoma ibyandukurwa byose kugira ngo ndebe ko ikintu cyose kiri uko cyagombye kumera. Nsoma
igitabo cyose mbere y'uko kijyanwa mu icapiro. Bityo rero, murabona ko igihe cyanjye cyose mba
mpuze. Uretse kwandika, njya mpamagarirwa kujya kwigisha amatorero atandukanye no kwitabira
[3UB78] amateraniro [cyangwa inama] y'ingirakamaro. Sinari gushobora gukora uyu murimo iyo
Uwiteka atamfasha. - Letter 133, 1902. [3UB79]

Umurimo wa Marian Davis

Umukobwa witwa Davis, Umufasha w'Indahemuka. - Marian Davis yabanye nanjye mu myaka
ijya kugera kuri makumyabiri n'itanu. Yari umukozi wanjye uyobora abandi mu murimo wo
gutunganya ibyagombaga gusohoka mu bitabo byanjye. Iteka ryose yishimiraga izi nyandiko
nk'umutungo wera uri mu biganza bye, kandi akenshi yambwiraga ihumure n'umugisha yaboneye
mu gukora uyu murimo. Yambwiraga ko gukora uyu murimo ari byo magara mazima ye ndetse
n'ubuzima kuri we. Iteka ryose inyandiko yabaga ashyizwe mu biganza yazifatanga nk'izera.
Nzamukumbura cyane. Mbese ni nde uzajya mu mwanya we? – Manuscript 146, 1904. [3UB79]
Marian ni we Untunganyiriza Ibitabo. Umurimo wa Marian kandi unatandukanye n'iy'abandi.
Ni we untunganyiriza ibitabo. Fanny Bolton12 ntiyigeze ambera umukozi untunganyiriza ibitabo.
Ese ibitabo byanjye bikorwa bite? Marian ntashyiramo ibitekerezo bye ngo akunde amenyekane.
[3UB79]
Marian akora umurimo we muri ubu buryo: Afata ingingo mba nanditse zisohoka mu binyamakuru
bitandukanye maze akazishyira mu bitabo bitanditsemo. Ikindi kandi, afite za kopi z'amabaruwa
yose nandika. Mu gutegura igice kiba kirajya mu gitabo, Marian yibuka ko hari ikintu nigeze
kwandika kuri iyo ngingo idasanzwe gishobora gutuma ibyo nanditse birushaho kumvikanamo
uburemere. Atangira gushaka ibyo nigeze kwandika, kandi iyo abibonye, areba niba kizatuma icyo
gice kirushaho kumvikana neza, maze akabyongeraho. [3UB79]
Ntabwo Marian ari we wandika ibitabo, ahubwo ni ibyanjye akusanya bikuwe mu nyandiko zanjye
zose. Marian afite byinshi akuramo ibikwiriye gushyirwa mu gitabo, kandi ubushobozi bwe bwo
gutondeka inyandiko z'ibitabo ni ubw'agaciro gakomeye kuri njye. Ibyo bindinda gusoma
nsubiramo ibintu byinshi kuko nta mwanya mba mfite wo kubikora. [3UB79]
Bityo rero, murumvako Marian ari umufasha w'ingenzi cyane kuri njye mu gutunganya ibitabo
byanjye. Fanny Bolton ntacyo yashoboraga gukora kuri uyu murimo. Marian yagiye amusomera
ibice by'ibitabo nuko rimwe na rimwe Fanny akamuha íbitekerezo by'uko byashyirwa kuri
gahunda. [3UB79]
Iri ni ryo tandukaniro riri hagati y'abo bakozi. Nk'uko nabivuze, Fanny yabujijwe bidasubirwaho
kuba yahindura amagambo yanjye akayasimbuza aye. Nk'uko ayo magambo aba yavuzwe
n'intumwa zo mu ijuru, ayo magambo ni ayo kwitonderwa nubwo yaba avuganywe ukwiyoroshya.
Kandi ngerageza kwandika ibyo bitekerezo mu mvugo yoroheje ku buryo [3UB79]

12 Fanny Bolton yari umwanditsi w'ikinyamakuru. Ubwo yari amaze guhinduka Umudiventisiti w'umunsi wa Karindwi yinjijwe mu murimó wo
kunoza inyandiko za Ellen White maze nyuma y'aho gato aramuherekeza bajyana muri Australia.

n'umwana muto ashobora gusobanukirwa ijambo ryose rivuzwe. Amagambo y'undi muntu
ntiyatanga ubutumwa bwanjye nk'uko bikwiriye. [3UB80]
Ibyo nabyanditse ntyo uko byakabaye kugira ngo mubisobanukirwe. Fanny ashobora kuvuga ko
yakoze ibitabo byanjye, ariko nta byo yakoze. Uyu wari umurimo wa Marian kandi ibyo yakoze
birenze cyane umurimo uwo ariwo wose Fanny yankoreye. - Letter 61a, 1900. [3UB80]
Kwigengesera kwa Marian Ubwo Hategurwaga Igitabo cy'Abakurambere n'Abahanuzi mu
1889. Willie [W. C. White]13 ahora mu nama mu gitondo cya kare na nimugoroba, ategura kandi
ashyiraho ingamba z'uburyo umurimo warushaho gukorwa neza kandi ukagera ku ntego mu
murimo w'Imana. Tumubona ku meza gusa. [3UB80]
Marian amushakira utubazo duto bigaragara ko ashobora gukemura ubwe. Marian abura
kwihangana nuko akihutira kumushaka, kandi Willie uba unaniwe atyo aba agomba kwikomeza
maze akiyumanganya uko ashoboye kose. Naganiriye na Marian maze mubwira ko we ubwe
akwiriye kujya akemura ibibazo byinshi yagiye ashyira Willie. [3UB80]
Ibitekerezo bya Marian biba ku ngingo yose ndetse n'aho ihuriye n'izindi, naho ibitekerezo bya
Willie byagiye bihura n'ingingo zikomeye zitandukanye kugeza ubwo ubwonko bwe bunanirwa
ntibukore neza bityo intekerezo ze ntizibe ziteguye rwose kwita kuri utwo tuntu duto. Marian
agomba kwikorera umutwaro w'ibyo bibazo nk'umugabane w'umurimo we, kandi ntabishyire
Willie cyangwa ngo atume bimuhangayikisha. Rimwe na rimwe, njya ntekereza ko Marian
azatwica twembi mu buryo budakwiriye bitewe n'utuntu duto nawe aba ashobora gukemura aho
kutuzana imbere yacu. Marian aba ashaka ko tureba impinduka yose nto yakorwa ku ijambo. -
Letter 64a, 1889. [3UB80]
Imirimo ya Marian y'Ubudahemuka Yahawe Agaciro Gakomeye. -Ndashimira cyane
ubufasha bw'umuvandimwe wacu Marian Davis mu gutegura ibitabo byanjye. Akusanya
inyandiko azikuye muri ajenda zanjye, mu nzandiko nanditse ndetse no mu ngingo zirambuye
nanditse zasohowe mu binyamakuru. Ndashimira byimazeyo umurimo we w'ubudahemuka.
Twabanye mu myaka makumyabiri n'itanu, kandi yahoraga agwiza ubushobozi bwo gukora
umurimo wo gutondeka no kwegeranya inyandiko zanjye. -Letter 9, 1903. [3UB80]
Twarakoranye, Nongere ngo Twarakoranye. Marian, umufasha wanjye wari indahemuka
n'umunyakuri mu murimo we nk'uko urushinge rwa dira ruhora rwerekana amajyaruguru, agiye
gupfa... [3UB80]

13 William C. White, umuhungu wa Ellen White yari umuyobozi w'Inteko Nkuru Rusange muri icyo gihe.
14 Aya magambo yanditswe ku wa 24, Nzeri, 1904. Marian Davis yapfuye ku wa 25, Ukwakira, 1904 kandi ashyingurwa í St. Helena muri
California. Abakusanyije Inyandiko
Ejo nzajya i Battle Creek. Nyamara umutima wanjye urazirikana cyane umukobwa ugiye gupfa
wankoreye mu myaka makumyabiri n'itanu ishize. Twarahoranaga mu murimo, kandi muri wo
ntitwabusanyaga rwose. Ndetse ubwo yabaga ari kwegeranya inyandiko nto n'imitwe y'inyandiko
zirambuye by'agaciro kenshi byabaga byasohotse mu binyamakuru no mu bitabo maze
akabinyereka, yarambwiraga ati: "Ubu rero, aha hari ikintu kihabura [gikenewej. Ntabwo nabasha
kucyongeraho." Narabyitegerezaga neza maze mu kanya gato nkabasha koko kubona akarongo
kaburaho. [3UB81]
Twarakoranye, nongere ngo twakoranye neza ibihe byose nta kubusanya rwose. Dore agiye gupfa.
Kandi biturutse ku kwitangira umurimo. Yafataga uburemere bw'umurimo nk'ukuri kandi jye na
we twawinjiranyemo umuhati kugira ngo haboneke igika cyose kijya mu mwanya wacyo ukwiriye,
kandi cyerekane umumaro wacyo. -Manuscript 95, 1904. [3UB81]
 IGICE CYA 13

IBIHAMYA BY'ITORERO

Iyerekwa ryo mu 1855 Ryacapwe mu Bihamya Umuzingo wa Mbere.15 -Kuwa 20,

Ugushyingo, 1855, ubwo narimo nsenga, Mwuka w'Uwiteka yanjeho mu buryo butunguranye
kandi mu mbaraga nyinshi, maze njyanwa mu iyerekwa. Nabonye ko Mwuka w'Imana yagendaga
akurwa mu itorero. -Testimonies, Vol.1, p.113. [3UB82]
Ibihamya Byoherejwe n'Umwanditsi Atagize Icyo Ahindura. -Noherereje abavandimwe
dusangiye kwizera bo muri Leta zitandukanye kopi zigera ku ijana na mirongo itanu z'Ibihamya
by 'Itorero. Bishobora kuboneka munyandikiye aho ndi i Battle Creek muri Michigan.
Nzashimishwa no kumva amakuru y'abantu babyakiriye. Abashaka gutera umwete umurimo wo
gukwirakwiza bene ibi bihamya bashobora kubikora batanga ubufasha bwabo mu kubicapa. -
Review and Herald, Dec. 18, 1855. [3UB82]
Urwunge rw'Udutabo Cumi tw'Ibihamya bya Mbere Rusohorwa mu 1864. Mu myaka
icyenda ishize, kuva mu 1855 kugeza mu 1864, nanditse udutabo duto icumi twari dufite umutwe
uvuga ngo: Ibihamya by Itorero. Utwo dutabo twaracapwe kandi dukwirakwizwa mu bizera
b'Ábadiventisiti b'Umunsi wa Karindwi. Ubwo icapisha rya mbere ry'utwo dutabo hafi ya twose
ryari rishize, kandi hakaba hari umubare munini w'abasaba ibindi bitabo, byatekerejwe ko
bikwiriye kongera kuducapa nk'uko bigaragara mu mpapuro zikurikira, hagakurwamo ingingo
zirebana n'aho byandikiwe gusa kandi zivuga iby'umuntu ku giti cye, maze hagatangwa imigabane
ifatika yakenerwa kandi ikagirira umumaro abantu muri rusange. Ibyinshi mu byanditswe mu
Bihamya nimero ya 4 bishobora kuboneka mu muzingo[3UB82]

15 Gucapa iyerekwa ryo ku wa 20, Ukuboza, 1855 n'iryo ku wa 27, Gicurasi, 1856 mu nyandiko ya paji cumi nesheshatu maze ayo mapaji akitwa
"Ibihamya by Itorero" byakozwe hagendewe ku buhamya by'abari bahibereye ubwo aya mayerekwa yaberaga mu rusengero rwa Battle Creek
nk'uko bigaragazwa kuri buri nyandiko: "Twebwe ababishyizeho umukono, nkabahamya babyiboneye n'amaso yacu ubwo iri yerekwa ryabaga,
tubonye ko bikwiriye cyane ko ubu butumwa bwacapwa ku bw'inyungu zabagize itorero kubera ukuri kw'ingenzi n'imiburo birigize. Byashyizweho
umukono na Joseph Bates, J. H. Waggoner, G. W. Amadon, M. E. Cornell, J. Hart, Uriah Smith." Testimonies for the Church (No. 1,1855], p.8.
"Ku bera bari hirya no hino ku isi, iri yerekwa mubonye ryatanzwe hari abantu bagera mu ijana. Bene data na bashiki bacu bari bari mu nzu yo
gusengeramo ku buryo iri yerekwa ryahaye intekerezo zabo ubuhamya bukomeye. Kuva icyo gihe iri yerekwa ryagiye risomwa mu rusengero rwa
Battle Creek bityo abarigize bakaba barahamije bidasubir waho ko ricapwa ku bw'inyungu y'abera bo hirya no hino ku isi. Byashyizweho umukono
na Cyrenius Smith na J. P. Kellogg." Testimonies for the Church [No. 2, 1856 ed.]

wa kabiri w'igitabo kivuga iby'Impano za Mwuka (Spiritual Gifts), ni yo mpamvu bitari muri iki
gitabo. -Spiritual Gifts, Vol. 4a, p. 2.16 [3UB83]
Ibihamya Byerekeye Abantu ku Giti Cyabo Byaracapwe. - Kubera ko umuburo n'impuguro
bitangwa mu bihamya bireba abantu mu buryo bw'umwihariko bifite uburemere bumwe no ku
bandi bantu benshi batigeze bavugwa by'umwihariko muri ubu buryo, kubw'inyungu z'itorero
nabaye nk'ugira inshingano yo gucapa ibihamya by'abantu ku giti cyabo... [3UB83]
Nta bundi buryo bwiza nzi bwakoreshwa mu kugaragaza ibitekerezo byanjye byerekeye akaga
namakosa by'abantu muri rusange, ndetse n'inshingano y'abantu bose bakunda Imana kandi
bagakomeza amategeko yayo keretse gutanga ibi bihamya. Birashoboka ko nta bundi buryo
bwahuranyije kandi bufite imbaraga bwakoreshwa mu kuvuga ibyo Uwiteka yanyeretse. [3UB83]
Mu iyerekwa nagize ku wa 12, Kamena 1868, neretswe ibyashyigikiye mu buryo bwuzuye
imikorere yanjye yo gucapa ibihamya byahawe abantu ku giti cyabo: "Iyo Uwiteka agaragaje
ibikorwa by'abantu runaka, kandi akerekana ibibi byabo, abandi batagaragajwe mu iyerekwa
bakunze kubisuzugura bakibwira ko bo bari mu kuri, cyangwa se bakenda kubifata batyo. Igihe
umuntu runaka acyashwe kubera ikibi cyihariye yakoze, abavandimwe be baba bakwiriye
kwisuzumana ubwitonzi ngo barebe aho batsinzwe, n'aho nabo bakoze icyaha nk'icye." -
Testimonies, Vol. 5, pp. 658, 659. [3UB83]
Kunoza Ibihamya Byacapwe mu 1884. -Muvandimwe Smith: uyu munsi nakwandikiye
urwandiko ariko amakuru yangezeho avuye i Battle Creek ko umurimo uri gukorwa ku Bihamya
utemewe.17[3UB83]

16 Kubera ubusabe bw'abantu benshi, inyandiko za mbere icumi z'Ibihamya zongeye gucapwa mu 1874 mu gitabo cyuzuye ndetse hanacapwa
icyigisho cya 11 kugeza ku cya 20. Abakusanyije Inyandiko. 17 Aha haravugwa ku murimo wakorwaga kugira ngo hashyirwe mu bikorwa
imyanzuro y'Inama y'Inteko Nkuru Rusange yo ku wa 16, Ugushyingo, 1883 ku ngingo zikurikira:
32. Ubwo rero; Imwe mu mizingo y'ibitabo by Ibihamya by Itorero yacapwe iri hanze ku buryo nta bitabo biri mu biro, Kubera ko hakenewe
byihutirwa irindi capwa ry'iyi mizingo, twemeje ko hongera gucapwa iyi mizingo hagacapwa imizingo ine nuko buri muzingo ukaba ugizwe na paji
magana arindwi cyangwa magana inani.
33. Hemejwe ko: Byinshi muri ibi bihamya byanditswe mu bihe bigoye aho umwanditsi yari ahangayikishijwe cyane n'umurimo wo gusesengura
imyandikire y'ururimi yemewe nuko bicapwa muri iyo hutihuti bituma hagira amakosa y'imyandikire amwe n'amwe adakosorwa. Kandi kuko twese
twizera ko umucyo Imana yahaye abagaragu bayo ari uwo kumurikira ibitekerezo byabo nuko bakamamaza ibyo bitekerezo ko atari amagambo
ubwayo (keretse igihe bibaye ngombwa) akoreshwa mu gusobanura ibyo bitekerezo, twemeje ko: iyi mizingo yongera gucapwa, ayo makosa
y'imyandikire agakosorwa ngo ibitaragenze neza nk'uko byavuzwe hejuru bikosorwe uko bishoboka kose ariko hatagize uhindura igitekerezo.
34. Twemeje ko abari muri iyi nama batoranya abantu batanu nk'itsinda rishinzwe kongera gucapa iyi mizingo hashingiwe ku mabwiriza
n'imyanzuro twavuze hejuru. Review and Herald, Nov, 27, 1883. Itsinda ry'abantu ryari rishinzwe kongera gucapa imizingo y'ibihamya nk'uko
byavuzwe mu ngingo ya 34 ryatangajwe mu buryo bukurikira. Abagize inama bahaye umuyobozi w'Inteko Nkuru Rusange ububasha bwo guhitamo
abantu bane bari kumufasha gukora uyu murimo. Abo ni W. C. White, Uriah Smith, J. H. Waggoner, S. N. Haskell, George 1. Butler. Review and
Herald, Nov, 27, 1883. Ibid. Umurimo washyikirijwe Ellen White nuko arawemeza. Urwandiko Ellen White yandikiye umukuru Smith ruhamya ko
yari yiteguye cyane kwemera imikosorere yakozwe kuruta iyo muri Battle Creek. Umusaruro wabaye Ibihamya dufite ubu, umuzingo wa mbere
kugeza ku wa kane nk'uko byacapwe mu mwaka wa 1885. Abakusanyije Inyandiko.

Nshaka kugira ibibazo bimwe mvuga ngo ubikoreho ibyo ubona bikunogeye. Ya magambo
wumvise mvuga mbere ko mu myaka yashize neretswe ko tudakwiriye gutinza icapwa ry'umucyo
w'ingenzi nahawe bitewe n'uko ntashoboraga gutegura neza izi nyandiko. Rimwe na rimwe
umugabo wanjye yabaga arwaye cyane, bityo ntashobore kumpa ubufasha nari mukeneyeho kandi
nawe aba yarabumpaye iyo aza kuba afite amagara mazima. Ku bw'iyi mpamvu, natindije
umurimo wo kugaragariza abantu ibyo naherewe mu iyerekwa. [3UB84]
Nyamara neretswe ko nkwiriye gukoresha uburyo bwiza cyane bushoboka ngashyira imbere
y'abantu umucyo nakiriye; hanyuma igihe mbonye umucyo urushijeho gukomera, kandi
ngakoresha impano Imana yampaye, nari kugira ubushobozi bwiyongereye bwo gukoresha
nandika kandi mvuga. Nagombaga kunoza ikintu cyose uko nshoboye kugira ngo kibe gitunganye
kugira ngo cyemerwe n'abahanga. [3UB84]
Uko bishoboka kose, inenge yose ikwiriye gukurwa mu nyandiko zacu zose. Kubera ko ukuri
gukwiriye gutangazwa ndetse kukamamazwa hose, dukwiriye kwitonda uko dushoboye kose
tukanoza ibitabo bicapwa. [3UB84]
Ku byerekeye igitabo cyitwa "Amateka y'Isabatos cya mwene data Andrews, nabonye ko yakereje
cyane igitabo cye. Ibindi bitabo birimo ubuyobe byasakaraga hose maze bigafunga inzira ku buryo
igihe abantu bazabonera ibibivuguruza bazagira urwikekwe. Nabonye ko kubw'ibyo twari
guhomba byinshi. Nyuma y'uko icapisha rya mbere rya kiriya gitabo ryari rishize, yagombaga
guhita agira ibyo anoza; ariko yashatse kwivuna cyane ngo akigeze ku rwego rutunganye
bihambaye. Uku gutinda ntikwari mu mugambi w'Imana. [3UB84]

ELLEN WHITE YIFUZAGA KO URURIMI RUKORESHWA MU BURYO BUTUNGANYE

Ubungubu rero, mwene data Smith, nagiye ngenzurana ubwitonzi kandi njora umurimo wakozwe
ku Bihamya, kandi mbona ibintu bike ntekereza ko bikwiriye gukosorwa mu nyandiko
wagejejweho ndetse n'ibindi byagejejwe ku Nteko Nkuru Rusange mu Ugushyingo, 1883.
Nyamara, uko ndushijeho kugenzurana iyi nyandiko ubushishozi, mbonamo ibintu bike cyane
bishobora guteza impagarara. Aho imvugo yakoreshejwe itanoze cyane, nshaka ko hakosorwa
kandi ikibonezamvugo kikubahirizwa nk'uko nizera ko ari ko bikwiriye gukorwa kuri buri ngingo
aho bishoboka hatabayeho kwica ubusobanuro. Uyu murimo warakerewe kandi ibi
ntibinshimishije... [3UB84]
Nakoresheje ibitekerezo byanjye nibaza ku kibazo cy'ibihamya byasubiwemo. Twarabigenzuye
tubijorana ubushishozi. Ntabwo mbona ibintu uko bene data babibona. Ntekereza ko impinduka
zakozwe zizanoza igitabo. Niba abanzi bacu bakigenza uko bashaka, mureke babikore... [3UB84]

18 History of the Sabbath

Ntekereza ko ikintu cyose kizashyirwa ahagaragara kizajorwa, kikagorekwa, ndetse kigirweho

impaka ariko dukwiriye gukomeza tujya mbere dufite intekerezo zumvikana, dukora ibyo
dushoboye gukora maze ingaruka zabyo tukaziharira Imana. Ntitugomba gufata igihe kirekire
tudindiza umurimo. [3UB85]
Bavandimwe, ni iki mwifuza ko gikorwa? Sinshaka ko uyu murimo ukomeza kudindira rwose.
Nshaka ko hagira igikorwa ndetse gikorwe nonaha. -Letter 11,1884. (Byandikiwe i Healdburg
muri California ku wa 19, Gashyantare, 1884.) [3UB85]
Umurimo wa Ellen White wo Gutoranya Inyandiko zo Gushyira mu Bihamya. Ngomba
gutoranya ingingo z'ingenzi cyane zigomba kwandikwa mu Bihamya (umuzingo wa 6) hanyuma
nkagenzura ko ikintu cyose cyateguriwe kubijyamo, ndetse nkibera umusesenguzi w'inyandiko
zanjye; kubera ko ntifuza ko hari ibintu bimwe bicapwa nubwo ari ukuri rwose; kubera ntinya ko
abantu bamwe bashobora kubyifashisha bagakomeretsa abandi. [3UB85]
Nyuma yo gutegura inyandiko ishyirwa mu Bihamya, ngomba gusoma ingingo yose. Ngomba
kuzisomera ubwanjye kubera ko bisa n'aho ntihanganira rwose kwirangira kw'ijwi mu gusoma
cyangwa kuririmba. [3UB85]
Ngerageza kugaragaza amahame rusange, kandi iyo mbonye interuro ntinya ko ishobora guha
umuntu urwitwazo rwo kugira uwo akomeretsa, numva mfite umudendezo usesuye wo kuyizigama
nubwo yaba iri mu kuri rwose. -Letter 32, 1901. [3UB85]

INZANDIKO ZO GUFASHA ABANDI

Umugambi w'uko Inzandiko Zikoreshwa. -Kubwo gufashwa n'Imana ubu nshishikariye kwandika
inzandiko zizaba ubufasha bw'ingirakamaro atari ku bo zandikiwe gusa, ahubwo no ku bandi
benshi bazikeneye. -Letter 79, 1905. [3UB85]
 IGICE CYA 14

INTAMBWE Z'IBANZE MU NO MU KWANDIKA NO GUSOHORA INKURU

Y'INTAMBARA IKOMEYE

IYEREKWA RY'INTAMBARA IKOMEYE RYO MU 1858

Iyerekwa ryo ku wa 14, Werurwe, 1858. Muri iri yerekwa ryabereye mu gashyamba kuwitwa
Lovett, nongeye kwerekwa hafi y'ibintu byose mu byo nari narabonye mu myaka icumi yari ishize
byerekeye intambara ikomeye, kandi neretswe ko ngomba kubyandika. Neretswe ko nkwiriye
guhangana n'imbaraga z'umwijima, kubera ko Satani yajyaga gukoresha umwete mwinshi kugira
ngo ambere imbogamizi, ariko abamarayika b'Imana ntibari kuzansiga muri iyo ntambara, kandi
ngomba gushyira ibyiringiro byanjye mu Mana. - Spiritual Gifts, Vol. 2, p. 270. (Life Sketches, p.
162.) [3UB86]
Igitero cya Satani. -Ku wa kabiri w'Isabato twatangiye urugendo rwacu twerekeza mu rugo...
Ubwo twari mu modoka twagendaga dutegura ingamba zacu zo kwandika no gusohora igitabo
cyitwa Intambara Ikomeye tukigera mu rugo. Icyo gihe nari merewe neza nk'uko byari bisanzwe.
Ubwo igare ry'umwotsi ryari rigeze ahitwa i Jackson, twagiye gusura mwene data Palmer.
Twamaze umwanya muto mu nzu, nuko ubwo nari ndi kuganira na [3UB86]

19 Ellen White n'umugabo we babaga i Battle Creek muri Michigan. Bari bafite amateraniro hamwe n'abizera mu gashyamba k'uwitwa Lovett
muri Leta ya Ohio. Iri yerekwa ryakomojweho yarihawe ubwo yari yitabiriye umuhango wo gushyingura wari wayobowe n'umugabo we ku wa
mbere w'Isabato nyuma ya saa sita tariki ya 14, Werurwe, 1858. Abakusanyije Inyandiko.

mwene data Palmer ururimi ruragobwa nanirwa kuvuga ibyo nifuzaga kuvuga. Nuko rusa
n'urubaye runini kandi rugwa ikinya. Ubukonje budasanzwe bwafashe umutima wanjye,
bwahuranya mu mutwe maze buramanuka buca mu ruhande rwanjye rw'iburyo bw'impagarike
y'umubiri wanjye. Namaze akanya nagagaye nta cyo numva; ariko nakanguwe n'ijwi ry'isengesho
rivuye ku mutima. Nagerageje gukoresha amaboko n'amaguru byo mu ruhande rw'ibumoso ariko
ntacyo byashoboraga gukora rwose. Namaze igihe gito numva nta cyizere cyo kubaho mfite. -
Spiritual Gifts, Vol. 2, p. 271. [3UB87]
Kwandika Inkuru y'Intambara Ikomeye. Namaze ibyumweru byinshi ntashobora kumva ikintu
gitsikamiye ukuboko kwanjye, ndetse n'amazi y'ubutita asutswe ku mutwe wanjye. Ubwo
nageragezaga guhaguruka ngo ntambuke, akenshi naragwaguzaga, ndetse rimwe na rimwe nkagwa
hasi. Muri ibyo bihe ni bwo natangiye kwandika Intambara Ikomeye. Bigitangira nashoboraga
kwandika urupapuro rumwe ku munsi, nuko nkaruhuka iminsi itatu, ariko uko nakomezaga kujya
mbere nandika, imbaraga zariyongereye. Kugwa ikinya k'umutwe wanjye ntacyo bwatwaye
ubwenge bwanjye, kandi mbere y'uko nsoza icyo gitabo, [cy'Impano z'Umwuka, igitabo cya 1120,
ingaruka z'icyo kibazo nari nagize zarashize burundu. -Spiritual Gifts, Vol. 2, p. 272. [3UB87]
Neretswe Amayeri ya Satani yo Kuburizamo Igitabo. - Ubwo nari mu nama i Battle Creek muri
Kamena, 1858, nagize iyerekwa. Muri iryo yerekwa, nabonye ko mu gitero gitunguranye Satani
yangabyeho ubwo nari Jackson, yari agambiriye kunyica kugira ngo aburizemo igitabo nari ngiye
kwandika. Nyamara, abamarayika b'Imana boherejwe kuntabara ngo banyarure mu ngaruka
z'igitero cya Satani. Mu bindi bintu nabonye, neretswe ko nzagira umugisha w'amagara mazima
biruse uko nari nsanzwe merewe Satani atarangabaho igitero cy'i Jackson. - Spiritual Gifts, Vol.
2, p. 272. [3UB87]
IMPANO ZA MWUKA, UMUZINGO WA GATATU N'UWA KANE
Kwandika Amateka y'Isezerano rya Kera (1863-1864). - Nyuma y'uko tuvuye mu burasirazuba
[ku wa 21, Ukuboza, 1863], natangiye kwandika Impano za Mwuka umuzingo wa gatatu nizeye
ko nzabona igitabo gifite ingano nashoboraga gufatanya n'ibihamya byari gufasha mu kurema
[Impano za Mwuka] umuzingo wa kane. Ubwo nandikaga, igitekerezo [3UB87]

20 Ibwiriza ryerekeye icapwa ry'igitabo cy'Impano za Mwuka- Intambara Ikomeye hagati ya Kristo Abamarayika be na Satani n'Abadayimoni be
ndetse n'urutonde rw'ibice byacyo byatanzwe na James White mu kinyamakuru cy'Urwibutso n'Integuza (Review and Herald, September 9, 1858)
ku mpapuro ebyiri zisoza.
"Impano za Mwaka
Iki ni igitabo cya paji 224 cyanditswe na Ellen White gifite ijambo ry'ibanze ku byerekeye guhoraho kw'impano za Mwuka ryanditswe na Mwene
data R. F. Cornell.
"Igitabo cy'Impano za Mwuka cyangwa Intambara Ikomeye cyamaze koherezwa ku bantu bose bagitumije. Nihagira utakibonera ku gihe
abitumenyeshe."
Igitabo cyateguranwe umurava kandi gikorwamo ingeri ebyiri cyangwa zirenzeho.

cyaje imbere yanjye ubwo nabonaga ko bidashoboka gushyira ibyo nashakaga kwandika byose
[ku mateka y'Isezerano rya Kera] mu mpapuro nke nk'uko nari narabiteganyije mbere.
Narabisobanukiwe maze umuzingo wa gatatu urangira ufite paji 304. [3UB88]
Hanyuma, natangiye kwandika umuzingo wa kane, ariko mbere y'uko ndangiza umurimo wanjye,
ubwo nari ndi gutegura ingingo ivuga ku buzima ngo nyohereze abacapyi, naje guhamagarirwa
kujya i Monterey. Twagiyeyo bityo sinabasha kurangirizayo uwo murimo nk'uko twari tubyiteze.
Byabaye ngombwa ko ngaruka kurangiza ya ngingo yo koherereza abacapyi... [3UB88]
Nanditse mu gihe kirenga umwaka ntatezuka. Muri rusange natangiraga kwandika saa moya
z'igitondo ngakomeza kugeza saa moya z'ijoro, hanyuma nkareka kwandika ngo nsome nkosora
impapuro zigiye gucapwa.21 - Manuscript 7, 1867. [3UB88]
Iriburiro ry'Umwanditsi Ryagaragaje Inkomoko y'Iyerekwa. - Mu kwandika umuzingo muto
wa gatatu ngo nywushyikirize abantu, nahumurizwaga n'uko nemeraga ko Uwiteka yari yarangize
igikoresho cye cyoroheje ngo ncane imirasire y'umucyo uhebuje ku byabaye mu gihe cyashize.
Amateka yera yerekeye abantu bera babayeho mu gihe cya kera avugwa mu nshamake.... [3UB88]
Kuva naragaragarijwe mu iyerekwa ibihamya bikomeye byo kwizera bifitanye isano n'amateka
y'abakurambere bera; ni nako kandi nabonye igihamya cy'ingenzi ko Imana itigeze ikerensa icyaha
cy'ubuhakanyi. Narushijeho kwemera kurusha mbere hose ko kwirengagiza cyangwa
kugusuzugura uku kuri ku bushake bikozwe n'abantu bamwe bakuzi neza ari inkingi zikomeye zo
kutiringirwa. Niba ibyo nanditse kuri izi ngingo hari uwo bizafasha, mureke Imana ibihimbarizwe.
[3UB88]
Ubwo natangiraga kwandika, nari niringiye ko byose bishyirwa muri uyu muzingo, ariko nsabwa
guhagarika iby'amateka y'Abaheburayo, ngatangira inkuru za Sawuli, Dawidi, Salomo n'abandi,
maze mu wundi muzingo nkandika ku ngingo y'ubuzima." -Spiritual Gifts, Vol. 3, pp. 5, 6 (E. G.
W. Preface) [3UB88]
21 Gucapa ibitabo muri iki gihe byakorwaga buhoro buhoro icyigisho ku cyigisho. Ubwo umurimo wo kwandikisha intoki wari ugikomeje,
kwandikisha imashini byari byaratangiye nuko gucapa bigatangira. mbere y'uko kwandikisha intoki birangira. Bityo rero, kwandika no gusoma
inyandiko zigiye gucapwa byakorwaga mu gihe kimwe. Abakusanyije Inyandiko.
22 Igitabo cy'impano za Mwuka, umuzingo wa 4 cyacapwe mu mwaka wa 1864. Kurushaho gusobanura ijambo ry'ibanze byagaragaye mu Umwuka
w'Ubuhanuzi, umuzingo wa 1, 1870 no mu Abakurambere n'Abahanuzi (1890). Abakusanyije Inyandiko.

IGICE CYA 15

INKURU Y'IBYABAYE KURI ELLEN WHITE UBWO YANDIKAGA

IBY'IMIBEREHO YA KRISTO MU 1876"23

Ku wa 25, Werurwe, 1876. Jye na Mary Clough24 tuzakora uko dushoboye kose ngo umurimo
w'inyandiko zanjye ujye mbere. Ku bwanjye nta mucyo na mba mbona umurika kuri Michigan.25
Muri uyu mwaka ndiyumvamo ko umurimo wanjye ari ukwandika. Ngomba kwiheza, nkaguma
ahangaha kandi sinkwiriye kwemerera ibyo nibwira cyangwa ibyo nemezwa n'abandi ko
bihungabanya umwanzuro nafashe wo guhugira ku murimo wanjye kugeza urangiye. Imana
izamfasha niba nyizeye. - Letter 63, 1876. (Urwandiko rwandikiwe James White ku wa 25,
Werurwe, 1876.) [3UB89]
Ku wa 4. - Mata. Mu minsi ishize twagiye twakira abashyitsi hafi ya buri munsi, ariko ngerageza
kwibanda ku murimo wanjye wo kwandika, kandi[3UB89]

23 Byacapwe mu gitabo cy'Umwuka w'Ubuhanuzi (The Spirit of Prophesy, vol. 2), yandika ku mibereyo ya Kristo kuva ku ivuka rye kugeza ku
kwinjirana intsinzi muri Yerusalemu. 14 Mary Clough ni umukobwa Ellen G. White yari abereye nyina wabo. Yari uw'umuvandimwe we witwaga
Caroline. Yari umukristo w'indahemuka nubwo atari Umudivendisiti w'Umunsi wa Karindwi. Yabaye umufasha wa Ellen White mu gutegura
inyandiko ze igihe kirekire. Mu gihe cy'ingendo za Ellen White n'umugabo we, yakoraga nk'ushinzwe kumenyekanisha ibikorwa byabo kandi
akandika byigisho byasohokaga mu binyamakuru by'umwihariko ibyerekeye ibibwirizwa bya Ellen White wimbwirwaruhame zerekeye kwirinda
(kwitungira amagara mazima). Abakusanyije inyandiko. 15 Ku wa 22, Werurwe, James White yavuye i Oakland aho bari barubatse urugo nuko
yitabira inama Inteko Nkuru Rusange i Battle Creek muri Michigan. We n'umugore we batandukanye igihe kingana Kiminsi mirongo itandatu
n'itandatu kugeza ubwo bongeye guhurira mu materaniro makuru yabereye Kansas ku wa 27, Gicurasi. Muri iyi minsi yandikiraga umugabo we
hafi ya buri munsi ndetse rimwe na rimwe akandikira n'abandi. Abakusanyije inyandiko.

buri munsi ngakora uko nshoboye. Buri munsi nshobora kwandika kimwe cya kabiri cy'umunsi...
[3UB90]
Mary ari mu biro naho jyewe ndi mu cyumba cyo hejuru ndi kwandika... [3UB90]
Nagize umudendezo uhagije wo gusenga no gushyikirana n'Imana bihebuje mu masaha ya nijoro
na mu gitondo cya kare nkangutse. Ndi kurushaho kugwiza imbaraga, ariko nkabona ko
kwivunisha uko ari ko kose kungiraho ingaruka zikomeye ku buryo bitwara igihe ngo nongere
gusubizwamo intege. Niringiye Imana. Mfite icyizere ko Imana izamfasha mu muhati nkoresha
ngo mbashe kumenyekanisha ukuri n'umucyo yampaye ngo mbigeze ku bwoko bwayo. - Letter 3,
1876. [3UB90]
Ku wa 7, Mata. -Ingingo z'ibyigisho by'agahebuzo zaje mu ntekerezo zanjye. Nizera Imana kandi
imfasha kubyandika. Maze gusiga Mary ho impapuro makumyabiri n'enye. Akora neza umurimo
wo kwandukura ibyo nandika. Bizaba bisaba ko hari inshingano yumvikana neza isaba ko
mpamagarirwa kuva muri uyu murimo nkajya mu materaniro makuru. Nshaka kuvuga ko nshaka
gukora uko nshoboye ngo ndangize ibyo ndi kwandika ku gitabo kimwe mbere y'uko njya ahandi
hantu. [3UB90]
... Abo mu Burasirazuba ntibazambona mu gihe cy'umwaka wose keretse ninumva Imana
impamagariye kujyayo. Imana yampaye umurimo wanjye kandi nzawukora niba nshobora
guhabwa umudendezo. -Letter 4, 1876. [3UB90]
Ku wa 8, Mata. -Mfite umudendezo wo kwandika kandi ninginga Imana buri munsi ngo ingire
inama kandi ngo nuzuzwe Mwuka wayo. Iyo ibyo birangiye, nizera ko nzabona ubufasha,
imbaraga n'ubuntu bimbashisha gukora iby'ubushake bw'Imana... [3UB90]
Sinigeze mbona amahirwe yo kwandika nkaya mu mibereho yanjye ni yo mpamvu ngiye
kuyakoresha neza uko nshoboye... [3UB90]
Mbese bizagenda bite abakuru [J. H.] Waggoner na [J. N.] Loughborough nibasomerwa inyandiko
yanjye nandikisha inkoti? Niba hari ijambo ryerekeye ingingo z'amahameshingiro ritumvikana
nk'uko bikwiriye, Waggoner azarigaragaza (Waggoner). - Letter 4a, 1876. [3UB90]
Ku wa 8, Mata. -Umugabo wanjye yanyandikiye ko nshobora kubona ubutumire bwo kwitabira
inama y'Inteko Nkuru Rusange, ariko sinshobora guhaguruka ngo mve mu byo nizera ko ariyo
nshingano yanjye muri ibi bihe. Muri iki gihe mfite umurimo udasanzwe wo kwandika ibyo
Uwiteka yanyeretse... [3UB90]

26 Ubwo umukuru J. H. Waggoner yahindukaga Umudiventisiti w'Umunsi wa Karindwi yari umwanditsi ukosora ikinyamakuru kandí agakora mu
icapiro. -Abakusanyije Inyandiko.

Mfite umurimo nkwiriye gukora wambereye umutwaro uremereye umutima wanjye. Uburyo uyu
murimo ukomeye nta wundi ubizi uretse Imana yonyine. [3UB91]
Byongeye kandi, mu gihe mpugiye muri uyu murimo, nkeneye umwanya wo guturisha intekerezo
zanjye zigatekana. Sinshaka ibintera guhagarika umutima cyangwa ngo negerane n'abantu bacu
bazarangaza intekerezo zanjye. Uyu ni umurimo ukomeye, kandi mpora ntakira Imana buri munsi
ngo impe Mwuka wayo amfashe gukora uyu murimo neza. -Letter 40, 1876. (Urwandiko
yandikiwe uwitwa Lucinda Hall, kuwa 8, Mata, 1876). [3UB91]
Ku wa 14, Mata.- Bingaragarira ko inyandiko zanjye ari ingirakamaro, ariko jye ndi
umunyantegenke rwose, kandi sinshoboye gukorana uyu murimo gukiranuka. Nagiye ninginga
Imana ngo inyuzuze Mwuka wayo Wera, ngo nomatanywe n'ijuru bityo uyu murimo ukorwe neza.
Sinshobora gukora uyu murimo ntafite umugisha udasanzwe w'Imana. -Letter 7, 1876, P. 2.
[3UB91]
Ku wa 16, Mata. - Uyu munsi nanditse impapuro nyinshi. Mary na we ari gukora cyane ankurikiye.
Ashimishwa cyane n'ingingo zimwe. Iyo amaze kwandukura ibyo mba nandikishe intoki
arabinzanira, akabinsomera. Uyu munsi yanyeretse ikirundo cy'impapuro zandikishijwe intoki yari
yateguye.27[3UB91]
Ndumva mfite umudendezo n'amahoro cyane. Ndumva urukundo ruhebuje rwa Kristo rusabye mu
mutima wanjye. Iyo mbibonye binshisha bugufi maze Yesu agashyirwa hejuru imbere yanjye.
Yooo, mbega uburyo nkumbuye wa mushyikirano no kubana na Yesu bituzamura tukajya hejuru
y'ibintu byo mu mibereho yacu bishira. Mba mfite ubwuzu bwo kumva nkiranukiye Imana no
kugira Mwuka wayo uhora ampamiriza ko ndi umwana w'Imana rwose. -Letter 8, 1876. [3UB91]
Ku wa 18, Mata. -Twagiye mu mujyi wa San Francisco mu ijoro ryo ku wa mbere w'Isabato.
Nigishije iteraniro rinini ry'abantu bo hanze babikunze. Nigishije icyigisho cy'imigati n'amafi Yesu
yagaburiye abantu bagera ku bihumbi icumi kuby'imbaraga ze zikora ibitangaza, ... bakomezaga
guteranya ibyo byokurya nyuma y'uko Umukiza ahaye umugisha ibyo byokurya byari bike.
Nigishije kandi ku nkuru ya Kristo agendesha amaguru hejuru y'inyanja, n'Abayuda bamusaba
ikimenyetso ko ari Umwana w'Imana. Umuturanyi wari uturiye urusengero hafi y'ubusitani
rusange nawe yari ahari. Nizeye ko izina rye ari Cragg. Abantu bose bari bateze amatwi bahugutse
bampanze amaso kandi bamwe banabihamisha amajwi yabo... [3UB91]

27 Kugeza iki gihe inyandiko zose zari ku mpapuro zandikishije intoki. Abandika n'imashini ntibigeze bakora umurimo wa Ellen White kugeza mu
mwaka wa 1883 ubwo hari hashize imyaka ibiri umugabo we apfuye. Abakusanyije inyandiko.

Nashimishwa no guhurira mu materaniro makuru n'abavandimwe dusangiye kwizera. Bene uwo

murimo ni wo nishimira kuruta kuba jyenyine nandika. Nyamara, ibi byasenya umurimo wanjye
kandi bigatuma imigambi yanjye yo gusohora ibitabo byanjye itagerwaho kubera ko ntabasha
kubikora byombi (gukora ingendo no kwandika). Iki gihe gisa n'aho ari yo mahirwe yanjye
y'igiciro cyinshi. Mary ari kumwe na jye kandi ni we mwanditsi wandikisha imashini uhebuje
nigeze ngira. Andi mahirwe nk'aya ashobora kutaba ayanjye. -Letter 9, 1879. [3UB92]
Ku wa 21, Mata. - Narangije icyigisho kirekire kivuga ku bitangaza byinshi; kandi kingana
n'impapuro mirongo itanu. Tumaze gutegura impapuro ijana na mirongo itanu kuva aho ugendeye.
Twumva tunyuzwe cyane n'ibyo twateguye. -Letter 12, 1876. [3UB92]
Ku wa 24, Mata. - Mary yansomeye ibyigisho bibiri. Icyigisho kimwe ni icyerekeye imigati
n'amafi, Kristo agendera hejuru y'amazi kandi akabwira abamuteze amatwi ko ari Umutsima
w'ubugingo, ari nabyo byateye bamwe mu bigishwa be kumuvaho. Iki kigizwe na paji mirongo
itanu kandi kirimo ingingo nyinshi. Ntekereza ko ari cyo cyigisho cy'agahozo kurusha ibindi
nanditse. Mary ashimishijwe cyane no kucyandika. Atekereza ko ari icy'agaciro gakomeye cyane.
Iki cyigisho kiranyuze rwose. [3UB92]
Ikindi cyigisho cyerekeye Kristo ajya mu murima w'ingano, agesa amahundo ndetse anakiza
umuntu unyunyutse ukuboko. Gifite paji cumi nebyiri. Mfashijwe na Mary maze nkabasha
gusohora ibi byigisho biteye ubwuzu bitya, navuga nti: "Mwami, noneho urasezerere umuja wawe
amahoro." Izi nyandiko ni zo nshyizeho umutima muri uyu mwanya... [3UB92]
Umutima n'intekerezo byanjye biri muri uyu murimo, kandi Uwiteka azanshyigikira mu
kuwusohoza. Nizeye ko Uwiteka azampa amagara mazima. Narabimusabye kandi azasubiza
isengesho ryanjye. [3UB92]
Nkunda Uwiteka. Nkunda umurimo we. Nkunda ubwoko bwe. Numva mfite amahoro ahebuje
ndetse ntuje mu mutima. Bisa n'aho nta kintu cyatera urujijo intekerezo zanjye kandi
kikazirangaza, kandi nubwo ntekereza cyane ntyo, sinshobora kubuzwa amahoro n'ikintu icyo ari
cyo cyose hatabayeho kunanizwa cyane. - Letter 13, 1876. [3UB92]
Ku wa 25, Mata. - Sinshobora guharira umurimo wanjye wo kwandika kimwe cya kabiri
cy'amasaha y'umunsi, nubwo rimwe na rimwe umutwe wanjye undya maze bikaba ngombwa ko
nduhuka, nkaryama, nkaba mpagaritse gutekereza cyane, hanyuma nkongera gufata umwanya wo
kwandika igihe mba nshobora kubikora nta mbogamizi mfite. Sinshobora guhutiraho. Uyu murimo
ugomba gukorwa witondewe, buhoro buhoro kandi ugakorwa neza uko bikwiriye. Ingingo
z'ibyigisho twateguye zakiriwe neza. Ziranshimisha. -Letter 14, 1876. [3UB92]
Ku wa 27, Mata. -Uyu munsi nanditse paje cumi n'eshanu. Mary Clough arakora cyane ankurikiye.
Uyu munsi yandukuye paje cumi n'eshanu, kandi ni umurimo mwiza kandi mugari yakoze mu
munsi umwe... ntabwo nigeze ngira amahirwe nk'aya mu buzima bwanjye. Nzayakoresha neza
kurushaho. Kuva wagenda tumaze kwandika paji zigera kuri magana abiri, kandi zose
zarandukuwe ndetse ziteguye gucapwa... [3UB93]
Numva nta cyo ndi cyo ariko Yesu ni byose kuri jye. Ni We gukiranuka kwanjye, ubwenge
bwanjye n'imbaraga zanjye. - Letter 16a, 1876. [3UB93]
Ku wa 5, Gicurasi. - Nanditse birenze uko bisanzwe, kandi ibyo byari bimpagije rwose. Sinshobora
kandi sinkwiriye kwandika igihe kirenze kimwe cya kabiri cy'umunsi, ariko nkomeje kurenga
imbibi nkirengera ingaruka zabyo. Amanywa n'ijoro intekerezo zanjye ziba ziri ku ngingo
z'ibyigisho nandika. Mfite ibyiringiro bikomeye mu isengesho. Uwiteka aranyumva kandi nizeye
agakiza ke. Niringiye imbaraga ze. Mu mbaraga ze nzabasha gusoza inyandiko zanjye.
Nishingikirije cyane ku kuboko kwe mfite ibyiringiro bidacogora... [3UB93]
Mfite ibyigisho by'ingirakamaro bivuga ku gitabo cy'umuhanuzi Yeremiya bizasohoka mu
kinyamakuru gitaha cy' Ibimenyetso by 'Ibihe. Mwuka w'Imana ni we wakanguriye intekerezo
zanjye kubikora. Nongeye kwibutswa iyerekwa nagize mu myaka cumi n'itandatu ishize. Nabonye
ko hari ingingo y'ingirakamaro igomba kugaragara iri gukoreshwa ku bwoko bw'Imana. Ibi
byerekezaga ku bihamya Imana yari yarampaye ngo ntange mu rwego rwo gucyaha ikibi. -Letter
21, 1876. [3UB93]
Ku wa 11, Gicurasi. Nimbona inyandiko zanjye z'[Umwuka w'Ubuhanuzi, umuzingo wa 2] zimaze
kwandikwa ku mpapuro, umugabane w'umurimo wanjye uzaba urangiye noneho nzumva
nduhutse. -Letter 24, 1876. [3UB93]
Ku wa 19, Ukwakira. - Twafashe icyemezo cy'uko abakora umurimo wo gucapa [bo ku biro
by'Urwibutso n'Integuza byari i Battle Creek] bakomereza ku gitabo cyanjye aho kujyana ibi
bitabo mu bibaya nanone. Umugabane umwe w'iki gitabo uri hano wamaze gucapwa. Ntitwifuza
ko ibi bitabo byandikwa ku bikoresho byatuma hari ikidahindurwamo,28 kubera ko tudashaka
gutegereza ko binozwa cyane ahubwo dushaka ko hacapwa ingeri ya mbere kandi igatangira
kuboneka ku isoko. Ubwo ni bwo dushobora gufata umwanya tugakorera ingeri irushijeho kunoga
kuri Pacific Coast bityo tukandika mu buryo budatuma hari ibyakosorwa. Ubwo ni bwo ubuzima
bwa so n'uwanjye buzandikwa kandi bugacapwa mu biro by'icapiro rya Pacific. Ariko twashyize
mu gaciro uko dushoboye kose maze dutekereza ko ibyiza ari uko twaguma ahangaha [ i Battle
Creek] kugeza mu kwezi k'Ukuboza nuko tukarangiza iyi ngeri... [3UB93]

28 Paji ntizari kwandikwa mu buryo butambitse ahubwo zanditswe mu buryo buhagaze ku buryo byari gufasha abantu kugira impinduka bazikoraho
aho byari kuba ngombwa.

Ku wa 26, Ukwakira. -Tugeze aho umurimo utatworoheye kandi usaba kwihuta kugira ngo
dusohore umuzingo wa kabiri w' Umwuka w'Ubuhanuzi. Hari inyandiko eshatu nshya zamaze
gucapwa. Nituguma hano [i Battle Creek] mu byumweru bine, tuzarangiza gutunganya iki gitabo
bityo umutwaro uremereye wo guhagarikwa umutima nacyo uve mu ntekerezo zanjye.29 - Letter
46, 1876. (Yandikiwe W. C. White n'umugore we, ku wa 26, Ukwakira, 1876). [3UB94]

29 Igitabo Cyamamajwe. - Umuzingo wa kabiri w'Unwuka w'Ubuhanuzi, wanditswe na madame Ellen G. White, mu minsi mike uzaba urangiye.
Iki gitabo ni inyandiko ikora ku mutima isesengura ibyo kuza kwa Kristo kuri iyi si, ubuzima bwe, inyigisho ze n'ibitangaza bye, kandi inshuti za
madame Ellen G. White zizagifata nk'igitabo cy'agaciro katagerwa. Gishobora kugezwa ku bantu binyuze gusa mu kucyohereza mu iposita kugeza
ku bunane bw'uyu mwaka, kandi hejuru y'ibyo abazakigura bazajya bagabanyirizwaho kimwe cya kane (25%) cy'igiciro cyacyo gisanzwe. Review
and Herald, Nov. 9,
1876.
Icyo Gitabo Cyashimwe na Uriah Smith, wakosoraga ikinyamakuru cy'Urwibutso n'Integuza. -Twiteguye kuvuga iby'iki gitabo ubu cyamaze
gushyirwa ahagaragara, ko ari umuzingo uhebuje indi yigeze isohoka muri ibi biro. Ni umuzingo uvuga ku mugabane w'intambara ikomeye hagati
ya Kristo na Satani iboneka mu buzima n'umurimo, mu nyigisho n'ibitangaza bya Kristo kuri iyi si. Abantu benshi bagiye bashishikarira kwandika
iby'ubuzima bwa Kristo; ariko inyandiko zabo iyo uzigereranyije n'iki gitabo, zisa nk'aho ari imyambaro y'inyuma ku mubiri. Tubivuze neza, ubu
dufite isura y'imbere y'umurimo utangaje w'Imana muri iki gihe. Kandi niba umusomyi afite umutima ushobora gukorwaho, akagira
amarangamutima akorwaho ndetse n'imitekerereze ishobora kwakira ukugaragazwa neza kw'ibintu byabayeho bikora ku mutima, ndetse akagira
umutima wo kunywa ku masomo y'ubutungane, kwizera n'urukundo barebeye ku rugero rw'ijuru Kristo yatanze, uwo muntu muri iki gitabo
azasangamo amakuru azakoresha ubwo bushobozi bwose afite. Ariko igihebuje byose ni isura nziza idahanagurika iki gitabo gisiga mu ntekerezo
z'abagisoma. Iki gitabo cyagombye gúkwirakwizwa hose hakoreshejwe inzira zose. Review and Herald, Nov. 30, 1876.

IGICE CYA 16

KWANDIKA INKURU Y'INTAMBARA IKOMEYE MU BURYO BURAMBUYE

Gutegura Inyandiko y'Intoki y'Umwuka w'Ubuhanuzi, Umuzingo wa 4,30 Integuza y'Intambara

Ikomeye
Kwiyumvamo Ubwuzu Bwinshi mu Gihe Nandika (Ku wa 19, Gashyantare, 1884). - Buri munsi
nandika hagati ya paji cumi n'eshanu na makumyabiri. Ubungubu bigeze saa tanu zuzuye kandi
maze kwandika paji cumi n'enye y'inyandiko y'ikaramu y'umuzingo wa kane ndetse na paji
zirindwi z'inzandiko zigenewe abantu batandukanye. Nkomeje gushimira Imana ku bw'ineza yayo
yuje imbabazi... [3UB95]
Uko nandika ku gitabo cyanjye numva mfite ubwuzu bwinshi. Nshaka ko kirangira vuba cyane
hashoboka kubera ko abantu bacu bagikeneye cyane. Uwiteka nampa amagara mazima nk'uko
yagiye abinkorera, nzakirangiza mu kwezi gutaha. Kuryama nijoro byarananiye kubera ko mba
ntekereza ku bintu bikomeye byenda kubaho. Igihe kirekire cyo gusinzira njya mbona ni amasaha
atatu cyangwa rimwe na rimwe akaba atanu. Intekerezo zanjye zibuze amahwemo cyane ku buryo
ntashobora kuruhuka. Numva ko ngomba kwandika, nkandika, wongereho uti, nkandika kandi nta
gukererwa. [3UB95]

30 Kubera ko mu ntekerezo za Ellen White inyandiko zose zivuga ku ntambara imaze gihe kirekire zari umugabane w'inkuru y'intambara ikomeye,
iki gice cyibanda ku mugabane w'inkuru y'ibyabaye nyuma y'uko Bibiliya yandikwa nk'uko biboneka mu Umwuka w'Ubuhanuzi, umuzingo wa 4
wasohotse mu mwaka wa 1884 no mu gitabo cy'Intambara Ikomeye cyasohotse mu mwaka wa 1888. Inyandiko irambuye y'imibereho ya Kristo
yagombaga kujya mu Uwijuzwa Ibihe Byose ni yo iravugwa mu gice gikurikiraho. -Abakusanyije Inyandiko.

Ibintu bikomeye biri imbere yacu, kandi dushaka guhamagara abantu ngo bave mu kayubi barimo
bityo bitegure uriya munsi. Ibintu by'iteka ryose bihora biza mu iyerekwa ryanjye amanywa na
nijoro. Ibintu by'isi by'igihe gito bihanagurika mu maso yanjye. Ubungubu ntidukwiriye kurekura
icyizere cyacu, ahubwo tugire ibyiringiro birajegajega, ndetse birenze ibyo twigeze tugira. Kugeza
ubu Uwiteka yaradufashije, kandi azakomeza kudufasha kugeza ku iherezo. Tuzajya tureba ku
nkingi z'urwibutso, ari zo bimenyetso bitwibutsa ibyo Uwiteka yadukoreye kugira ngo
biduhumurize kandi bidukize ukuboko k'umurimbuzi. -Letter Ĭla, 1884. [3UB96]
Amateka Yahishuwe mu Mayerekwa mu Bihe Bitandukanye. Amurikiwe na Mwuka
Muziranenge, umwanditsi w'iki gitabo yahishuriwe urugamba rw'intambara iri hagati y'icyiza
n'ikibi imaze igihe kandi igikomeje. Mu bihe binyuranye nagiye nemererwa kwitegereza
imigendekere yiyo ntambara ikomeye ishyamiranyije Kristo, Umwami w'ubugingo kandi akaba
Inkomoko y'agakiza kacu na Satani, umugenga w'ikibi, isoko y'icyaha kandi akaba uwa mbere
wagomeye amategeko y'Imana azira inenge. - Intambara Ikomeye, p. 13. [3UB96]
Amayerekwa y'Igihe Cyahize n'Ikizaza mu Gihe Nandika. - Igihe ndi kwandikisha ikaramu
yanjye, mpishurirwa ibintu bitangaje byo mu gihe cyashize, iby'iki gihe ndetse n'iby'ahazaza. -
Letter 86,1906. [3UB96]
Amateka y'Ubugorozi Yahishuriwe mu Iyerekwa. - Ibendera ry'umutware w'isinagogi ya Satani
ryashyizwe hejuru, maze ikinyoma gisa nk'igikora umwiyereko kubw'intsinzi gifite, maze binyuze
mu buntu bagiriwe n'Imana, abagorozi barwana urugamba n'ingabo z'umwijima kandi
bararutsinda. Nagiye nerekwa ibyagiye biba mu mateka y'abagorozi. Nzi neza ko Umwami Yesu
n'abamarayika be bagiye bitegerezanya ubwuzu bwinshi urugamba rwo kurwanya imbaraga za
Satani wahurije hamwe ingabo ze nabantu b'abagome afite umugambi wo kuzimya umucyo
mvajuru, umuriro w'ubwami bw'Imana. Ku bwa Kristo bababajwe no gukwenwa, barasuzugurwa,
ndetse bangwa n'abantu batari bazi Imana. Bahinduwe urw'amenyo kandi baratotezwa kugeza
n'ubwo bicwa, bitewe n'uko batashoboraga gutatira ukwizera kwabo. -Letter 48, 1894. [3UB96]
Ibyeretswe Ellen White mu Myaka Myinshi Mbere y'uko Asura Uburayi mu Myaka ya 1885-
1887. Mu myaka myinshi ishize, neretswe umurimo w'ubutumwa bwa mbere muri ibi bihugu:
Suwede n'ibindi bihugu byo mu majyaruguru. Kandi neretswe ibyajyaga kubaho bisa rwose
n'ibyavuzwe haruguru [kubwiriza abana mu gihugu cya Suwede]. -Ellen G. White, Historical
Sketches of the Foreign Missions of the Seventh-day Adventists (Basel, 1886), p.108. [3UB96]
Igice Kivuga ku Gihe cy'Amakuba. -Twasomye icyigisho cyerekeye igihe cy'amakuba. Mwene
data Smith atekereza ko iki gice kidakwiriye [3UB96] gusigara kidashyizwe muri uyu muzingo wa
kane. Avuga ko nta nteruro n'imwe ikirimo idakenewe. Ibi bigaragaza ko cyamukoze ku mutima
cyane bityo natekereje ko ari ngombwa kukwandikira mvuga kuri iyi ngingo. Nasomye icyo gice
kandi mbona cyifitemo imbaraga zitangaje. Mbona ko nta mpamvu n'imwe yatuma tukivana mu
gitabo kizagurishwa muri rusange no ku batizera.1 - Letter 59, 1884. [3UB97]

INGERI Y'INTAMBARA IKOMEYE YO MU MWAKA WA 1888

Umurimo Utangirira ku Kwandika Igitabo cy'Intambara Ikomeye mu Buryo Burambuye.
Basel mu Busuwisi, ku wa 11 Kamena, 1886. Ntekereza ko mwifuza kugira amakuru amwe
y'umuryango wacu mumenya. Ubu turi abantu icumi. W. C. W. [White] na Mary na Ella bameze
neza. Sarah McEnterfer ameze neza kandi ahugiye cyane mu kwandika inzandiko musomeye
ndetse akanazandikisha imashini. Ubuzima bwa Marian Davis bumeze uko busanzwe. Ahugiye ku
muzingo wa kane w'Intambara Ikomeye. -Manuscript 20, 1886. [3UB97]
Gutegekwa Kwerekana Ibyabayeho Kera n'iby'Ahazaza. Ubwo Mwuka w'Imana
yampishuriraga ukuri gukomeye kw'ljambo ryayo ndetse n'ibyabaye mu bihe byahise n'ibizaba mu
bihe bizaza, nararikiwe kumenyesha abandi ibyo neretswe -mbwirwa kwerekana amateka yaranze
intambara ikomeye mu bihe byahise ariko by'umwihariko nkayagaragaza nerekana intambara
yihutira kutwegera yo mu bihe bizaza. Mu guharanira kugera kuri uwo mugambi, nihatiye
gutoranya no kwegeranya ibintu byabaye mu mateka y'itorero mbikora mu buryo bwo kugaragaza
guhishurwa kukuri gukomeye isi yagiye ihabwa mu bihe bitandukanye, kwagiye kubyutsa
umujinya wa Satani ndetse n'urwango rw'itorero ryiziritse ku gukunda iby'isi, kandi kwakomeje
kugaragazwa n'ubuhamya bw'abantu "bemeye guhara amagara yabo ntibatinya no gupfa."
Intambara Ikomeye, p.14. [3UB97]
Ibyo Yongeye Kwerekwa Ari Kwandika. -Ubwo nandikaga inyandiko y'intoki y'igitabo
cy'Intambara Ikomeye, kenshi nabaga nzi ko ndi kumwe n'abamarayika b'Imana. Kandi inshuro
nyinshi uruhererekane rw'ibintu nabaga ndi kwandikaho nongeraga kurubona bundi bushya mu
mayerekwa ya nijoro, ku buryo byabaga ari bishya kandi mbibona neza mu ntekerezo zanjye. -
Letter 56, 1911. [3UB97]
Kwerekwa ibyo Kugaruka kwa Kristo. Ijuru ryarakingutse kandi rirongera rirakingwa, kandi
ryari mu muvurungano." "Imisozi yanyeganyeze nk'uko urubingo ruhungabanywa n'umuyaga,
kandi ikajugunya ibítare hirya no hino. Inyanja yabiraga nk'inkono, kandi yajugunyaga amabuye
ku [3UB97]

31 Iki gitabo cyacapwe n'icapiro ryitwa Pacific Press muri Nzeri, 1884 kandi cyitwa Intambara Ikomeye, umuzingo wa 4. Uyu muzingo mwifuje
cyane noncho urahari kandi twizeye ko uzasubiza ibirenze ibyifuzo byanyu mwari muwutegerezanyije. Twarawusomye kandi turawusesengura
dusanga ufite ibyigisho biteye ubwuzu kuruta uko twabitekerezaga. Signs of Times, Oct. 2, 1884. Abakusanyije inyandiko.

butaka. Maze ubwo Imana yavugaga umunsi n'isaha byo kugaruka kwa Yesu, kandi igaha ubwoko
bwayo isezerano rihoraho iteka, Imana yavuze interuro imwe maze iraceceka mu gihe amagambo
yasesekaraga ku isi... [3UB98]
Nta kintu nzi na gito cyerekeye igihe cyavuzwe n'ijwi ry'Imana. Numvise isaha itangazwa, ariko
ubwo nari mvuye mu iyerekwa sinibukaga iyo saha. Ibintu nk'ibyo bitangaje byanciye imbere ku
buryo nta mvugo ikwiriye yo kubirondora. Byose byari ibintu by'ukuri kandi bifatika kuri jye kuko
ubwo ibyo byarangiraga hagaragaye igicu kinini cy'umweru, kuri cyo hari hicaye Umwana
w'umuntu. Letter 38, 1888. (Byacapwe mu Butumwa Bwatoranyijwe, Igitabo cya 1, p. 87). [3UB98]
Gusoma no Gukosora Ibyanditswe ku Mpapuro Umurimo wa Nyuma ku Gitabo. - Nasomye
inyandiko y'ikaramu y'ibice bitatu biheruka. Nabonye gusa ko byose bitunganye rwose kandi
biteye ubwuzu mu buryo bukomeye. Nshimishijwe n'uko wohereje izi paji kandi ndifuza kubona
igitabo, ndetse nkabona igitabo cya mbere munyoherereje kivuye mu icapiro. [3UB98]
Isabato ishize yabaye igihe kinejeje rwose kandi gihebuje. Nigishije kuri bimwe mu bivugwa
byasesenguwe muri ibi bice biheruka kandi mu materaniro habayeho gukorwa ku mutima cyane.
- Letter 57, 1884. [3UB98]
Intambwe Zatewe ngo Kibe Igitabo Gihebuje. Mu gutegura iki gitabo, hakoreshejwe abakozi
bashoboye kandi hashowemo amafaranga menshi kugira ngo uyu muzingo ushyirwe imbere
y'abatuye isi wanditswe mu buryo bwiza buhebuje uko byashoboka kose... [3UB98]
Uwiteka ni we wankanguriye kwandika iki gitabo kugira ngo gikwirakwizwe mu bice byose by'isi
mu buryo bwihuse kubera ko imiburo ikirimo ari ingirakamaro mu gutegura ishyanga rizahagarara
mu munsi w'Uwiteka. -Manuscript 24, 1891. [3UB98]
Ibyo Ellen White Yanyuzemo Ubwo Yandikaga Intambara Ikomeye. - Nahatiwe na Mwuka
w'Uwiteka kwandika kiriya gitabo, kandi ubwo nacyandikaga numvise umutima wanjye
uremerewe n'umutwaro ukomeye. Nari nzi ko igihe cyari gito kandi ko ibyari bigiye kutugeraho
vuba bidatinze amaherezo byajyaga kuza bitunguranye cyane kandi byihuta, nk'uko byagaragajwe
mu magambo y'Ibyanditswe Byera ngo: "Kuko ubwanyu muzi neza yuko umunsi w'Umwami
wacu uzaza nk'uko umujura aza nijoro" (1Abatesalonike 5: 2). [3UB98]
Uwiteka yanshyize imbere ibintu byihutirwa cyane muri iki gihe kandi bigenda bikagera mu gihe
kizaza. Nabwiwe aya magambo ntegekwa ngo: "Andika mu gitabo ibintu wabonye n'ibyo
wumvise, kandi ucyoherereze abantu bose; kuko igihe kiri bugufi ubwo amateka azisubiramo."
Nagiye nkangurwa saa saba, saa munani cyangwa saa cyenda z'ijoro mfite ingingo runaka yakoze
cyane ku ntekerezo zanjye nk'ivuzwe n'ijwi ry'Imana. [3UB98] Neretswe ko benshi mu bantu bacu
bari basinziriye mu byaha byabo, kandi nubwo bavugaga ko ari Abakristo, bajyaga kurimbuka
keretse gusa baramutse bahindutse. [3UB99]
Ubwo ukuri kwanyuzwaga imbere yanjye mu mirongo yumvikana neza, nagerageje kugeza imbere
y'abandi ubutumwa bukomeye bwakoze ku mutima wanjye, kugira ngo buri wese abashe kumva
ko akwiriye kwigirira ubunararibonye bwe ku giti mu byerekeye iyobokamana, akimenyera
Umukiza ubwe, agaharanira ubwe kugera ku kwihana, kwizera, urukundo, ibyiringiro no kwera.
[3UB99]
Nahamirijwe ko nta gihe cyo gutakaza kikiriho. Gucyaha n'imiburo bigomba gutangwa; amatorero
yacu agomba gukangurwa, kandi akigishwa kugira ngo aburire abantu bose ashobora kugeraho
maze atangaze ko inkota ije kandi ko umujinya w'Imana uzasukwa ku isi yasayishije mu bibi
utagitinze. Neretswe ko abantu benshi bazumva umuburo. Intekerezo zabo zari kuzategurirwa
gusobanukirwa neza n'ibintu uwo muburo ubereka. [3UB99]
Neretswe ko igihe cyanjye kirekire nagihariye kuvugana n'abantu kandi byari ingenzi cyane ko
nirundurira mu kwandika ingingo z'ingenzi zo gushyira mu muzingo wa kane. Neretswe ko
umuburo ugomba kugenda ukagera aho intumwa nzima itashoboraga kujya, kandi wari
gukangurira abantu benshi kwita ku bintu bikomeye bigomba kubaho mu bikorwa bisoza
by'amateka y'iyi si. [3UB99]
Ubwo nahishurirwaga imibereho y'itorero n'isi muri rusange, kandi nkitegereza ibiteye ubwoba
byari imbere yacu, naratangaye cyane; kandi ijoro ku rindi ubwo abandi bantu bose babaga
basinziriye, nandikaga ibyo Imana yanyeretse. Neretswe inyigisho z'ubuyobe zajyaga kwaduka,
nerekwa ibinyoma byari guhabwa intebe, kandi nerekwa imbaraga ya Satani ikora ibitangaza
(abiyita Kristo bajyaga kwaduka) yari kuzayobya umugabane munini w'abavuga ko bizera Imana,
ndetse byaba bishoboka ikayobya n'intore. [3UB99]
Mbese uyu ni umurimo w'Imana? Nzi ko ari wo, kandi abantu bacu bahamya ko bawizera.
Umuburo n'inyigisho byo muri iki gitabo bikenewe n'abantu bose bavuga ko bizera ukuri
kugenewe iki gihe. -Letter 1, 1890. [3UB99]

32 Kubwa Ellen White, ingeri y'Intambara Ikomeye yo mu mwaka wa 1888 yari icyitwa Umuzingo wa 4 mu kugaragaza inkuru y'intambara ikomeye
kandi akenshi ni ko yayitaga. Abakusanyije Inyandiko.
 IGICE CYA 17

IBYO ELLEN WHITE YANYUZEMO ARI GUTEGURA IGITABO CY'UWIFUZWA

IBIHE BYOSE
Inyandiko Zavuye mu Nzandiko no mu Gatabo Kandikwamo Ibikorwa bya buri Munsi33

Ku wa 15, Nyakanga, 1892. - Muri iki cyumweru nabashishijwe gutangira kwandika ku buzima
bwa Kristo. Mbega uburyo numva ntashyitse kandi ntashoboye kuvuga ibintu bigurumana mu
mutima wanjye byerekeye umurimo wa Kristo! Natinyutse kwinjira muri uyu murimo bingoye
cyane. Urimo ibintu byinshi cyane. Mbese nzavuga iki, kandi ni iki nzareka? Ndara amajoro
ninginga Uwiteka ngo Mwuka Wera angenderere kandi ambeho... [3UB100]
Ngendera imbere y'Imana mpinda umushyitsi. Sinzi uko navuga cyangwa ngo nandikishe ikaramu
ingingo yagutse ivuga iby'igitambo gihongerera ibyaha. Ntabwo nzi uburyo nakwandika ibyigisho
birambuye mu mbaraga nzima nk'uko bica imbere yanjye. Mpindishwa umushyitsi n'ubwoba
ntinya ko kubw'amagambo yanjye yoroheje nshobora gupfobya inama ikomeye y'agakiza. Nicisha
bugufi mu mutima ntangaye no mu cyubahiro gikomeye imbere y'Imana maze nkavuga nti:
"Mbese ni nde ukwiriye gukora ibi bintu?" -Letter 40, 1892. [3UB100]

33 Ajenda

Ku wa 23, Gicurasi, 1893. Muri iki gitondo hari ikibunda n'imvura. Nanditse ku buzima bwa Kristo
kuva saa kumi z'igitondo. Iyaba Mwuka Wera yabaga kuri jye kugira ngo ikaramu yanjye yandike
amagambo azamenyesha abandi umucyo Uwiteka yashimye kumpa mu mbabazi n'urukundo bye
bikomeye. - Manuscript 80, 1893. [3UB101]
Ku wa 2, Nyakanga, 1893. - Buri munsi nandika ku buzima bwa Kristo. Igice kimwe gikangurira
intekerezo zanjye kwandika ku zindi ngingo ku buryo mfite ibitabo bitandukanye ndi kwandikaho.
Mpa Linden ukiri muto inyandiko mba nandikishije ikaramu ngo azinjyanire bitewe n'uko ntinya
ko zishobora gutakara, kandi nifuza gukoresha umwanya uruseho nandika ku ngingo zimwe. -
Letter 132, 1893. (Byandikiwe i New Zealand). [3UB101]
Ku wa 15, Kamena, 1893. Mpangayikishijwe no gusohora igitabo kivuga ku buzima bwa Kristo.
Marian Davis anyereka ibice n'ibyigisho nkwiriye kwandikaho njye mbona mu by'ukuri
bidakeneye kwandikwaho. Nkeneye undi mucyo kuri byo. Ibi sinzigera mbyinjiramo keretse
Mwuka w'Uwiteka nanyobora. Inyubako y'umunara n'intambara z'abami ntibiremerera intekerezo
zanjye, ahubwo ingingo zivuga ku buzima Kristo, imico ye igaragaza Data wa twese ndetse
n'imigani y'ingenzi dukwiriye gusobanukirwa twese kandi tugashyira mu bikorwa ibiyirimo, ibyo
ni byo nzatindaho. Letter 131, 1893. [3UB101]
Ku wa 7, Nyakanga, 1893. Nagiye nkwandikira ubutumwa bwose twumvise ku byagiye muri...
[Amerika], kandi ubwo mwene data Linden yagendaga, nakoherereje urwandiko n'inyandiko
y'intoki... harimo ibintu bimwe bivuga ku buzima bwa Kristo... Ibivuga ku buzima bwa Kristo
bishobora gukoreshwa nk'ingingo zirambuye zandikwa ku kinyamakuru. -Letter 133, 1893.
[3UB101]
Mu mpera zumwaka wa 1894. -Byemerejwe mu nama ko nandika ku buzima bwa Kristo; ariko se
ni gute nabikora kurusha uko nabikoze mu gihe cyashize? Ndemerewe n'ibibazo ndetse n'uko mu
by'ukuri ibintu bimeze hirya no hino... [3UB101]
Nanditse bike cyane ku buzima bwa Kristo, kandi byagiye biba ngombwa kenshi ko nzana Marian
ngo amfashe ntitaye ku murimo wo k wandika ku buzima bwa Kristo yagombaga gukora mu bihe
bigoye, agakusanya ibyo akura mu nyandiko zanjye zose agira ibyo akura aha n'ibindi hariya,
murongo neza uko ashoboye kose. Ariko ubungubu ari gukora neza, iyaba gusa nashoboraga
kumva nisanzuye kugira ngo intekerezo zanjye zose nzerekeze ku murimo. Marian yigishijwe
kandi atozwa gukora uyu murimo; kandi nk'uko nagiye ntekereza inshuro nyinshi mbere hose, ubu
ntekereza ko Imana nibishaka, nyuma yo gusoza uru rwandiko nzabasha kwandika ku buzima bwa
Kristo. -Letter 55, 1894. [3UB101]
Ku wa 25, Ukwakira 1894. Marian ari gukora umurimo umugoye cyane bikabije. Mbona umwanya
muto cyane wo kwandika ku buzima bwa [3UB101] Kristo. Ndi kwakira inzandiko ubudatuza
zisaba gusubizwa, kandi sinatinyuka gusuzugura ibibazo by'ingenzi mba namenyeshejwe.
Byongeye kandi, hari namatorero ngomba gusura. Hari ibihamya byihariye ngomba kwandika
n'ibindi bintu byinshi binkenera bikandushya ndetse bikantwara igihe cyanjye. Marian yakirana
ubwuzu urwandiko rwose nandikira abandi kugira ngo ashakemo interuro ashobora gukoresha mu
kwandika ku buzima bwa Kristo. Yagiye akusanya inyandiko yose yerekeye ibyigisho Kristo
yigishije abigishwa be abikuye aho yashoboraga kubona hose. Amateraniro makuru nasoza, kuko
ari amateraniro y'ingenzi cyane, nzashaka ahantu njya kugira ngo mbone uko mpugira ku murimo
wo kwandika ku buzima bwa Kristo... [3UB102]
Mu matorero hari byinshi bigomba gukorwa, kandi sinashobora gukora uruhare rwanjye mu
kongera abagira ubwuzu bwo gusanga Umukiza kandi ngo nkore n'undi murimo mbona ko ari
ngombwa bitananije cyane ku buryo ntashobora kwegurira imbaraga zanjye mu kwandika
iby'ubuzima bwa Kristo. Mpagarikishwa umutima cyane no kwibaza inshingano yanjye iyo ari
yo... [3UB102]
Nafashe icyemezo cyo guharira igihe cyanjye cyose umurimo wo kwandika ibigomba kujya mu
bitabo bikwiriye gutegurwa vuba bidatinze. Nifuza kwandika ku buzima bwa Kristo, ku kwirinda
kwa Gikristo [Rengera Ubuzima], no gutegura Ibihamya nimero ya 34 [umuzingo wa 6] kubera
ko bikenewe cyane. Bizansaba kutongera kwandika cyane ingingo zijya mu binyamakuru, maze
muri uyu mwaka ndeke he kugira inyandiko y'ikiganza cyanjye isohoka mu Urwibutso n'Integuza,
Ibimenyetso by'ibihe, ndetse n'ibindi binyamakuru. [3UB102]
Ibyigisho byose bisohoka biriho umukono w'ikaramu yanjye ni bishyashya. Birambabaje kuba nta
bundi bufasha bwo kunoza imyandikire mfite. Úbu bufasha ndabukeneye cyane. Fanny [Bolton]
yagombye kumfasha cyane mu murimo wo kwandika iki gitabo iyaba atari afite ingingo nyinshi
agomba gutegurira gucapwa mu binyamakuru, ndetse n'inzandiko n'ibihamya byinshi agomba
kunoza ngo bihuze n'ibyo nshaka ndetse n'ubukene bw'abantu. [3UB102]
Ntacyo bimaze kwiringira ko hari ubufasha Marian Davis azatanga kugeza igihe igitabo kivuga ku
buzima bwa Kristo kizarangirira. Byambera byiza mbonye undi mukozi w'umuhanga ushobora
kwizerwa agashingwa umurimo wo gutegura ibigomba kujyanwa mu icapiro. Bene uwo mukozi
yaba ari uw'igiciro kuri jye. Ariko ikibazo ni iki, "Mbese umukozi nk'uwo namukura he?" Inshuro
nyinshi ubwonko bwanjye buba bunaniwe. Nandika paji nyinshi mbere y'uko mfata amafunguro
ya mugitondo. Mbyuka saa munani z'ijoro, saa cyenda cyangwa saa kumi... [3UB102]
Muzi ko insanganyamatsiko yanjye ari ubuzima bwa Kristo naba mvugira ku ruhimbi cyangwa
ahiherereye, naba nkoresha ijwi cyangwa [3UB102] nandika. Kugeza ubu, hafi y'ibintu byose
nanditse kuri iyi nsanganyamatsiko nabyanditswe mu masaha abandi baba basinziriye. -Letter 41,
1895. [3UB103]
Ku wa 6, Kamena, 1896. Ni inshuro nke cyane ntinyuka kwerekana ibyera kandi byo ku rwego
ruhanitse mu byerekeye ijuru. Akenshi nshyira ikaramu yanjye hasi maze nkavuga nti:
"Ntibishoboka, ntibishobokera abantu bapfa kwakira ukuri kw'iteka ryose n'amahame yera kandi
yimbitse, ndetse no kuvuga umumaro wabyo uhoraho." Mpagarara nk'utagira icyo azi kandi
w'impezamajyo. Imbaraga ikomeye y'ibitekerezo yigarurira impagarike yanjye yose maze
ngashyira ikaramu hasi nkavuga nti: "Ooo, Mwami, ndi umuntu upfa, ndi umunyantegenke,
ndoroheje kandi ndi umuswa; sinshobora kubona imvugo yo gusobanura ibyo umpishurira byera
kandi bikomeye. [3UB103]
Amagambo yanjye asa nadakwiriye. Mbura ibyiringiro byo kwambara ukuri Imana
yamenyekanishije kwerekeye agakiza kayo gakomeye, ukuri gukubiyemo uburyo butagabanije
Imana yitaga ku Mwana w'ikinege w'Imana Ihoraho. Ukuri kuzahoraho ibihe byose kugeza iteka
ryose, umugambi ukomeye wo gucungura umuntu wasabye byinshi kubw'agakiza Kinyokomuntu,
gushyira imbere y'abantu ubugingo buhwanye n'ubugingo bw'Imana ubwayo bene uku kuri
kuruzuye, kurimbitse kandi kurera cyane ku buryo amagambo y'umuntu cyangwa ikaramu ye
bidashobora kugusobanura uko bikwiriye. - Manuscript 23, 1896. [3UB103]
Ku wa 29, Nyakanga, 1897. - Nabyutse saa munani n'igice z'ijoro maze nsenga Imana mu izina
rya Yesu. Mfite imbaraga nke z'umubiri; ndababara umutwe kandi ijisho ryanjye ry'ibumoso
rirambabaza. Igihe nandika ku buzima bwa Kristo numva hari imbaraga impata. Nibagirwa
guhumeka nk'uko bikwiriye. Sinshobora kwihanganira ugukomera kw'imbaraga zinzaho igihe
ntekereza ku mibabaro Kristo yagiriye muri iyi si yacu. -Manuscript 70, 1897. [3UB103]
Ku wa 16, Nyakanga, 1896. -Inyandiko y'ikaramu ivuga iby" "Ubuzima bwa Kristo" iri hafi
koherezwa muri Amerika.34 Iyi nyandiko izitabwaho n'icapiro rya Pacific Press. Nakoresheje
abakozi benshi mu gutegura iki gitabo, cyane cyane Davis kandi ibi byantwaye ibihumbi bitatu
by'amadolari. Andi madolari ibihumbi bitatu azakenerwa mu kugiteguramo ibitabo bibiri
bizakwirakwizwa hirya no hino ku isi. Twizera ko bizagurishwa cyane. Nakoresheje igihe gito
kuri ibyo bitabo kubera ko kuvuga nigisha, kwandika ingingo zisohoka mu binyamakuru ndetse
no kwandika ibihamya byihariye byo guhangana no gutsimbura ibibi bigenda byaduka bituma
mpuga cyane. Letter 114, 1896. [3UB103]

34 Ibitandukanye n'ibyo yari yiteze, byasabye gutegereza kugeza mu itangira ry'umwaka wa 1898 ngo inyandiko irangire yoherezwe mu icapiro
rya Pacific Press. Iyo nyandiko yagiye yoherezwa icyigisho ku cyigisho kuko amayerekwa mashya yatumaga haboneka ibindi byo kongera muri
iyo nyandiko nubwo yabaga isa nk'iyarangiye. Abakusanyije inyandiko.

GUHANGANA N'IBYANENGWAGA KU GITABO CY'UWIFUZWA IBIHE BYOSE

Ku wa 20, Kamena, 1900. Edisonis, nakiriye urwandiko rwawe. Ku byerekeye igitabo
cy'Uwifuzwa Ibihe Byose, igihe uzajya uhura n'abafite ibyo bakijora nk'uko ari ko bizakomeza
kuba, ntukite na gato kucyo bita ko ari ikosa rikirimo, ahubwo ujye ugishyigikira, uvuge ibyiza
byacyo. Igitabo cy'Uwifuzwa Ibihe Byose cyagakwiriye kuba cyaranganyije umubyimba n'ibitabo
bibiri byabanje [Abakurambere n'Abahanuzi n' Intambara Ikomeye] iyo bitaba ubusabe bwa
mwene data O. wari umukozi mukuru wakira ibitekerezo by'abantu na komande by'abagishaka.
Ibyo uvugal ku mugereka wacyo ni cyo kibazo cya mbere twumvise kijyana n'imiterere y'iki
gitabo. Abantu benshi bavuze ku bufasha bukomeye bakuye mu mugereka w'iki gitabo. Niba
abantu bafite urwikekwe ku kintu icyo aricyo cyose cyerereza Isabato, uko kurwanya iyo ngingo
byerekana ubwayo ko ari ingenzi kugira ngo yemeze imitima. [3UB104]
Nimureke twirinde. Mureke twe kwemera ko ijora ry'umuntu uwo ariwe wese riducengezamo
ibitekerezo byivuguruza. Nimureke abajora babeshweho n'umurimo wabo wo kunenga.
Ntibashobora kuvuga bashyigikira imigisha ihebuje dufite badashyizeho kujora kugira ngo hagire
ibinengwa. Mureke mu gihe abandi baba banenga twe twiyigishe kogeza ibyiza. Iteka abavugira
mu byongorero bazabona inenge, ariko mureke twe kubabazwa n'umuntu uregana. Nimureke
gushyiraho cyangwa kuvuga ingorane umuntu umwe cyangwa undi wese yazana kugira ngo abuze
abantu amahwemo cyangwa abatere guhagarika umutima twe kubifata nk'umuco mwiza. - Letter
87, 1900. [3UB104]

35 James Edson White yandikiye nyina ku wa 11, Gicurasi, 1900 amubwira ibinengwa ku ngan ishusho, igiciro n'ibishushanyo byari mu gitabo
cy'Uwifuzwa Ibihe Byose. Yanavuze ku byanditswe mu mu ka wo mu ngeri ya mbere. Yarabajije ati: "Ni uwuhe mumaro wo kwinjira mu myizerre
y'abandi nk'uko byakozwe mu mugereka w'iki gitabo?" Yagaragaje ko ibyanditswe muri uwo mugeeks byatumye ababwiririshabutumwa ibitabo
bahura n'ingorane mu kukigurisha.
 IGICE CYA 18

INYUNGANIZI ZATANZWE UBWO ELLEN WHITE YARI KU MURIMO WO

KWANDIKA URWUNGE RW'IBITABO BIVUGA KU NTAMBARA IRI HAGATI
Y'ICYIZA N'IKIBI

UMUSARURO W'AMAYEREKWA YAGIZE MU MIBEREHO YE

Mu myaka mirongo ine n'itanu ishize ndi muri uyu murimo, neretswe iby'ubuzima, imico
n'amateka by'abakurambere n'abahanuzi bagiye bazanira abantu ubutumwa buvuye ku Mana,
kandi Satani nawe atangira kubavugaho ibibi, cyangwa se agahagurutsa kutavuga rumwe mu
bitekerezo cyangwa agateshurira abantu mu wundi muyoboro kugira ngo abantu be kugerwaho
n'ibyiza Uwiteka yagombaga kubasesekazaho... [3UB105]
Uko iminsi yahitaga indi igataha, mu ntekerezo zanjye nagiye mbona ishusho nyayo y'uburyo
abagorozi bafatwaga, n'uburyo gutandukana guto cyane kw'ibitekerezo kwasaga n'uguteza urujijo.
Uko ni ko byagenze Yesu [3UB105] agambanirwa, mu rubanza rwe no mu ibambwa rye. Ibi byose
byanyujijwe mu maso ingingo ku yindi. - Letter 14, 1889. [3UB106]
Ijora Ryubaka Ryarashimwe (1885)
Mubwire [Marian Davis] ko hashize umunota umwe nsomye inzandiko yanditse agaragaza
ibikwiriye kunozwa mu ngingo zigomba kujya mu muzingo wa mbere [Abakurambere
n'Abahanuzi]. Ndamushimiye. Mubwire ko afite inama nziza ku byerekeye uko Sedekiya
yanogowemo amaso. Ibindi bikwiriye kwandikwa neza ni íbyerekeye urutare, ubwo amazi
yatembaga n'ibijyanye na byo. Ntekereza ko nshobora kwandika izo ngingo nkazumvikanisha mu
buryo bwuzuye. - Letter 38, 1885. [3UB106]
Ibitabo Byashatswe ngo Ibikorwa Bishyirwe kuri Gahunda
Nyamuneka Willie, Edson na Emma nkunda, nimureke twegere Imana. Mureke buri munsi tubeho
nk'uko twakwifuza kuba twarabayeho igihe urubanza ruzaba rushinzwe maze ibitabo
bikabumburwa, n'igihe buri muntu wese azagororerwa ibikwiriye ibyo yakoze... Bwira Mary
anshakire ibitabo bimwe by'amateka ya Bibiliya birampa uko nkurikiranya ibintu. Nta na kimwe
mfite kandi nta na kimwe nabona mu isomero riri aha [I Basel, mu Busuwisi]. -Letter 38,1885, p.
8. [3UB106]
Mwuka Wera Yashyize Ukuri mu Mutima wa Ellen White
Ni bangahe basomye Abakurambere n'Abahanuzi, Intambara Ikomeye n'Uwifuzwa Ibihe Byose
bitonze? Ndifuriza abantu bose gusobanukirwa ko ibyiringiro mfitiye umucyo Imana yampaye
bishikamye kubera ko nzi ko imbaraga z'Umwuka Wera zagaragaje ukuri mu buryo bwagutse
kandi zikakubahisha ubwo yavugaga ati: "Iyi ni yo nzira, abe ari yo ukurikira." Mu bitabo byanjye,
ukuri kuragaragara kandi kurinzwe n'ijambo ngo: "Ni ko Uwiteka avuga." [3UB106]
Mwuka Wera yashyize uku kuri mu mutima no mu ntekerezo zanjye mu buryo butabasha
guhanagurwa nk'uko amategeko y'Imana yanditswe n'urutoki rwayo ku bisate by'amabuye ubu biri
mu isanduku [y'Isezerano] bigomba kuzashyirwa ahagaragara 'kuri wa munsi ukomeye ubwo ikibi
cyose, n'ubuhanga buyobya byazanwe na se w'ibinyoma bizacirwa urubanza. -Letter 90, 1906.
(Colporteur Ministry, p. 126.) [3UB106]
 KONGERA GUTUNGANYA INTAMBARA IKOMEYE MU MWAKA WA 1911
UMWANDITSI ARASOBANURA IBYATUNGANYIJWE N'IMPAMVU YABITEYE Sanitarium, Cal.,
Ku Wa 25, Nyakanga, 1911

Mwene data nkunda [F.M.] Wilcox:

Mu minsi mike ishize nakiriye igitabo cy'ingeri nshya y'Intambara Ikomeye giherutse gucapirwa
mu icapiro rya Mountain View, ndetse n'ikindi cyacapiwe i Washington. Iki gitabo
kiranshimishije. Namaze amasaha menshi nsoma ibyanditswe ku mpapuro zacyo kandi ndabona
ko inzu z'icapiro zakoze umurimo mwiza. [3UB107]
Igitabo cy'Intambara Ikomeye ngikunda kurusha ifeza n'izahabu, kandi nifuza cyane ko cyagera
ku bantu. Mu gihe nandikaga Intambara Ikomeye, akenshi numvaga abamarayika b'Imana bari
iruhande rwanjye. Kandi akenshi ibyo nabaga ndi kwandikaho nongeraga kubibona bundi bushya
mu mayerekwa ya nijoro, ku buryo byabaga byumvikana kandi ari bishyashya mu ntekerezo
zanjye. [3UB107]
Mu minsi mike ishize byabaye ngombwa ko iki gitabo cyongera gutunganywa kubera ko
ibikoresho cyari cyanditsweho byangiritse cyane. Byantwaye umutungo mwinshi kugira ngo ibi
bikorwe, ariko sinitotomba; kubera ko icyo byaba byaratwaye cyose, iyo ndebye iyi ngeri nshya
numva nyuzwe cyane. [3UB107]
Ejo hashize, nasomye ibyo W. C. White aherutse kwandikira abakora umurimo wo kwamamaza
no kugeza ku bantu ibitabo ndetse n'abayobozi bo ku nzu zacu z'ibitabo ababwira ibyerekeye iyi
ngeri isohotse vuba y'Intambara Ikomeye, kandi ntekereza ko yagaragaje iyo ngingo mu buryo
butunganye kandi bwiza.36[3UB107]
Ubwo namenyaga ko igitabo cy'Intambara Ikomeye kigomba kongera gutunganywa, niyemeje ko
dukwiriye kugenzurana ubwitonzi ikintu cyose, kugira ngo turebe ko ukuri kose kugikubiyemo
kwanditswe mu buryo bwiza cyane bushoboka kugira ngo twemeze abo tutizera kimwe ko
Uwiteka yanyoboye kandi akankomeza ubwo nandikaga impapuro z'icyo gitabo. [3UB107]
Umusaruro w'igenzura ryitondewe ryakozwe n'abakozi bacu b'inararibonye kurusha abandi
wabaye uw'uko hagombaga kubaho impinduka zimwe na zimwe mu myandikire. Izi mpinduka
nazigenzuranye [3UB107]

36 Mu gutunganya igitabo cy'Uwifuzwa Ibihe Byose, izo nyandiko zakoreshejwe mu kugena uruhererekane rw'ibikorwa. Ubwo Marian Davis
yandikiraga umuyobozi w'icapiro rya Pacific Press ku wa 23, Ugushyingo, 1896 yaravuze ati, "Mu kwandika uruhererekane rw'ibice twakurikije
igitabo cya Andrews cyitwa Harmony nk'uko yanabikoze no mu cyitwa Life of Christ. Afatwa nk'umuyobozi mwiza cyane kandi inyandiko ze
zikoreshwa n'abanditsi bakomeye. Nta wundi tuzi watondetse inyandiko ze kumurusha. Igitabo cya Samuel J. Andrews cyitwa The Life of Our Lord
Upon the Earth cyacapwe bwa mbere mu mwaka wa 1861. Ingeri yo mu mwaka wa 1891 yari mu isomero rya Ellen White. Abakusanyije Inyandiko,

ubushishozi, kandi ndazemeza. Ndashima cyane kuko ubuzima bwanjye bwarinzwe kandi nkaba
mfite imbaraga no gusobanukirwa mu ntekerezo kuri iki gitabo ndetse no ku bindi. [3UB108]
Ubwo nateguraga igitabo cy'Ibyakozwe n'Intumwa, Imana yujuje umutima wanjye amahoro
ahebuje. Iki gitabo kizajya ahagaragara vuba bidatinze. Ubwo iki gitabo kizaba gitunganye ku
buryo cyacapwa, Uwiteka nashima ko nduhuka, nzavuga nti, "Amena kandi amena." Uwiteka
nanyongerera iminsi yo kubaho, nzakomeza nandike kandi ntange ubuhamya bwanjye mu
materaniro y'abantu benshi uko Uwiteka azampa imbaraga kandi akanyobora... [3UB108]
(Byashyizweho umukono) na Ellen G. White,
- Letter 56,1911.
 UMUGABANE WA IV

KWIGIRA UMUNTU KWA KRISTO

IJAMBO RY'IBANZE
Inama y'agakiza, ari nayo mu ipfundo ryayo dusangamo Kwigira umuntu kwa Kristo, ni
insanganyamatsiko tutabasha kureba ubu ngo tuyisesengure irangire, kandi ni yo izaba icyigwa
cy'ibanze mu myaka izakurikirana y'ibihe bidashira. Inshuro nyinshi mu myaka Ellen G. White
yamaze, mu bibwiriza yabwirije, mu nzandiko yanditse, mu ngingo zajyaga zisohola kenshi yagiye
yandika ndetse no mu bitabo bye, yagiye avuga kuri iyi ngingo ifite umwihariko ukomeye ivuga
uko Imana n'umuntu bahurijwe hamwe bakaba umwe. Ibi bigaragara by'umwihariko mu gitabo
Uwifuzwa Ibihe Byose. [3UB109]
Amagambo atari make atanga umucyo kuri iyi ngingo aboneka mu kinyamakuru yanditse cyitwa
Umwigisha w'Abasore (The Youth's Instructor). Ibice bimwe by'ayo magambo ndetse n'ibyakuwe
mu nyandiko zindi byamaze gusohorwa mu gitabo "Ubutumwa Bwatoranyijwe", igitabo cya 1,
Igice cya 33 kugeza icya 41, mu gitabo cya gahunda y'amasengesho ya buri gitondo cyasohotse
mu mwaka wa 1965 cyavugaga ngo "Kugira ngo Menye Kristo"; ndetse n'izindi nyandiko za Ellen
G. White ziboneka mu bitabo by'ubusobanuro bwa Bibiliya bw'Itorero ry'Abadiventisiti b'umunsi
wa Karindwi, umuzingo wa gatanu n'uwa karindwi." [3UB109]
Nyamara, uko ibihe byagiye bisimburana hari izindi ngingo zatoranyijwe zagiye ziza ziturutse mu
byavuzwe byanditswe bidapfa kuboneka ahantu hose. Inyinshi muri izo zashyizwe hamwe muri
uyu mugabane w'iki gitabo uvuga "Kwigira umuntu kwa Kristo." [3UB109]
Mu gihe twiga uku kuri kw'agahozo kandi kutagerwa, tuributswa aya magambo yavuzwe na Ellen
G. White agira ati: "Kwigira umuntu kwa Kristo kwahoze ari ubwiru kandi kuzakomeza kuba
ubwiru." -Letter 8, [3UB109]

37 That I May Know Him

38 The SDA Bible Commentary, volume 5, pp. 1126-1131; Vol. 7a. pp.443-456.

1895 (Biri mu Busobanuro bwa Bibiliya bw'itorero ry'Abadiventisiti b'umunsi wa Karindwi [The
SDA Bible Commentary, vol. 5, p.1129]). [3UB110]
Ariko uku kuri gukomeye ni ukwacu mu gihe dushobora kukwakira kubwo kwizera. - Abashinzwe
Kurinda Inyandiko za Ellen G. White. [3UB110]
 IGICE CYA 19

KWIGIRA UMUNTU KWA KRISTO

KUZURA K'UBUMUNTU BWA KRISTO

Ntabwo dushobora gusobanukirwa uburyo Kristo yahindutse umwana muto w'uruhinja rw'intege
nke. Yashoboraga kuba yaraje mu isi afite ubwiza bwari kuba buhabanye n'ubw'abana b'abantu.
Mu maso he hashoboraga kuba hararabagiranaga nk'umucyo, kandi igihagararo cye cyashoboraga
kuba cyari kirekire ndetse gifite n'ubwiza buhebuje. Yashoboraga kuba yaraje mu buryo bwajyaga
kureshya abamurebaga; ariko ubwo si bwo buryo Ímana yateguye ko Kristo yagombaga kuza mu
bantu. [3UB111]
Yagombaga gusa n'abo mu muryango wa muntu ndetse n'abo mu bwoko bw'Abayuda. Ibyari
bigize uko yagaragaraga byagombaga gusa n'iby'abandi bantu, kandi ntiyagombaga kugira ubwiza
bw'umuntu uteye ku buryo abandi bantu bazajya bamutunga agatoki berekana ko atandukanye
n'abandi. Yagombaga kuza ari umwe mu bagize umuryango wa muntu, kandi agahagarara
nk'umuntu imbere y'ijuru n'isi. Yari yaraje ngo ajye mu mwanya wa muntu, ngo yitange mu
mwanya wa muntu kandi ngo yishyure umwenda abanyabyaha bagombaga kwishyura.
Yagombaga kurangwa n'ubuzima bwera ku isi, kandi akerekana ko Šatani yari yaravuze ibinyoma
igihe yavugaga ko umuryango wa muntu ari uwe by'iteka, kandi ko Imana idashobora kuvuvunura
abantu mu biganza bye. [3UB111]
Abantu babanje kubona Kristo ari uruhinja, ndetse nk'umwana ... [3UB111]
Uko turushaho gutekereza uko Kristo yahindutse uruhinja hano ku isi, ni ko birushaho
kudutangaza. Bishoboka bite ko uruhinja rw'intege nke rwari ruryamishijwe mu muvure i
Betelehemu rwaba ari Umwana w'Imana wavuye mu ijuru? Nubwo tudashobora kubisobanukirwa,
dushobora kwizera ko Uwaremye isi n'indi mibumbe, yahindutse uruhinja rw'intege nke ku bwacu.
Nubwo yari Ukomeye kuruta abamarayika bose, nubwo yari ku rwego rumwe rwo gukomera
n'urwa Data wa twese ku ntebe y'ubwami mu ijuru, yahindutse umwe natwe. Muri We, Imana
n'umuntu bahindutse [3UB111] umwe, kandi muri uko kuri ni ho tubona ibyiringiro
by’inyokomuntu yaguye. Iyo twitegereje Kristo yambaye umubiri, tubona Imana yigize umuntu
kandi tukamubonamo kurabagirana k'ubwiza bw'Imana, ari ko kwigaragaza kw'ishusho y'Imana
Data. -Signs of Times, Nov. 21, 1895. [3UB112]

KRISTO YARAMANUTSE AJYA KU RWEGO RW'INYOKOMUNTU YACUMUYE

Kristo yatanze igitambo kitagerwa. Yatanze ubugingo bwe ku bwacu. Ubugingo bwe bw'ubumana
yabwikoreje ingaruka zo kwica amategeko y'Imana. Yarambitse ikamba rye ry'ubwami, maze aca
bugufi rwose, intambwe ku ntambwe aramanuka ajya ku rwego rw'inyokomuntu yacumuye.
[3UB112]
Avuye muri Yorodani, Yesu yajyanywe mu butayu bw'ibigeragezo."Amaze iminsi mirongo ine
n'amajoro mirongo ine atarya, abona gusonza. Umushukanyi aramwegera aramubwira ati: "Niba
uri Umwana w'Imana, bwira aya mabuye ahinduke imitsima." (Matayo 4:2,3). [3UB112]
Kristo yari arembejwe n'inzara bikomeye cyane, kandi iki kigeragezo cyari gikomeye cyane. Ariko
yagombaga gutangirira umurimo wo gucungura umuntu aho kurimbuka kwatangiriye. Adamu yari
yaratsinzwe n'ipfa ry'inda, bityo Kristo nawe yagombaga gutsindira aho. Imbaraga zari muri we
zari ziturutse kuri Data wa twese, ariko Kristo ntiyagombaga kuzikoreshereza ubwe. Hamwe na
cya gihe kirekire yamaze atarya, mu byamubayeho harimo imbaraga n'ububasha bishobora
gutangwa n'Imana yonyine. Yahanganye n'umwanzi kandi amutsinda ari mu mbaraga z'ijambo
ngo, "Uku ni ko Uwiteka avuga." "Handitswe ngo 'Umuntu ntatungwa n'umutsima gusa, ahubwo
atungwa n'amagambo yose ava mu kanwa k'Imana." (Umur. 4) [3UB112]
Izi mbaraga yahawe ni amahirwe ashobora guhabwa abari ku isi bose bageragezwa. Ibyabaye kuri
Kristo byamubayeho kubw'inyungu zacu. Urugero yatanze mu gutsinda ipfa ry'inda rwerekana
inzira abazaba abayoboke be bose bashaka gutsinda bakwiriye kunyuramo. [3UB112]
Kristo yababazwaga nk'uko abagize umuryango wa mwene muntu bose bababazwa n'ikigeragezo;
ariko ntibyari ubushake bw'Imana ko Kristo yakoresha imbaraga ze z'ubumana kubw'inyungu ze
bwite. Iyo ataba uduhagarariye, ubuziranenge bwa Kristo ntibuba bwaratumye agerwaho n'uwo
mubabaro wose ukomeye utyo, ariko ubwo buziranenge bwe ni bwo bwatumye yumva uburemere
bwo kwibasirwa n'ibitero bya Satani. Umubabaro wose ari nawo ngaruka z'icyaha wasutswe ku
Mwana w'Imana utaracumuye. Satani yari ari gukomeretsa agatsinsino ka Kristo, ariko intimba
yose Kristo yihanganiye, umubabaro wose n'agahinda kose yagize, byari biri gusohoza umugambi
ukomeye wo gucungurwa kwa muntu. Imibyimba yose Kristo yatewe n'umwanzi yayisubizaga
uyimuteye. Kristo yamenaguraga umutwe w'inzoka. -The Youth Instructor, Dec. 21, 1899.
[3UB112]

MBESE BYASHOBOKAGA KO KRISTO YATSINDWA N'IKIGERAGEZO?

Mu rwandiko wanditse uvuga ku bigeragezo bya Kristo, uravuga uti: kwibaza ni iki: "Niba yari
umwe n'Imana ntiyashoboraga gucumura.... Ikibazo untera kwibaza ni iki: Mu rugamba rukomeye
Umwami wacu yagiriye mu butayu, ari munsi y'ububasha bwa Satani n'abamarayika be nk'uko
byagaragaraga, mbese muri kamere ye ya kimuntu yashoboraga gutsindwa n'ibigeragezo?
[3UB113]
Ndagerageza gusubiza iki kibazo cy'ingenzi: Nk'Imana ntiyashoboraga kugeragezwa: ariko
nk'umuntu yashoboraga kugeragezwa, kandi ndakubwira nkomeje ko yashoboraga gutsindwa
n'ibigeragezo. Kamere ye ya muntu yararemwe; ndetse ntiyari ifite n'imbaraga nk'iz'abamarayika.
Yari kamere ya kimuntu, isa rwose n'iyacu. Yari ari kunyura ku rubuga Adamu yatsindiweho. Icyo
gihe Kristo yari ahantu yashoboraga gukuraho gutsindwa gukojeje isoni no gucumura kwabaye
kuri Adamu, ubwo Kristo yambaye ubumuntu yashoboraga kwihanganira ikigeragezo mu mwanya
w’inyokomuntu yacumuye. [3UB113]
Kristo Yari Afite Umubiri n'Umutima by'umuntu - Yari afite umubiri n'intekerezo bya muntu.
Kristo yari amagufa nk'ayacu n'umubiri nk'uwacu. Akimara kwinjira mu isi, yashoboraga guhura
n'ubukene. Yashoboraga guhura n'ibicantege n'ibigeragezo mu rugo aho yavukiye, hagati ya bene
se. Ntabwo yari akikijwe n'ibiremwa byera kandi byuje urukundo nk'uko byari bimeze mu bikari
byo mu ijuru. Ahubwo yari akikijwe n'ingorane. Yaje muri iyi si yacu kugira ngo akomeze
kurangwa n'imico yera kandi izira icyaha, no kuvuguruza ikinyoma cya Satani cyavugaga ko
abantu batashobora kubahiriza amategeko y'Imana. Kristo yaje kubaho yubahiriza amategeko ari
muri kamere ye ya kimuntu mu buryo bumwe n'ubwo abantu bose bashobora kubaho bakurikiza
amategeko muri kamere yabo ya kimuntu baramutse bakoze nk'uko Kristo yakoraga. Ni we wateye
abera ba kera kwandika kubw'inyungu za muntu bagira bati: "Ahubwo yisunge imbaraga zanjye
abone kuzura nanjye, ndetse niyuzure nanjye" (Yesaya 27:5). [3UB113]
Ibihagije byose byaratanzwe kugira ngo umuntu upfa kandi wacumuye abashe kungwa n'Imana,
bityo binyuze muri ya Sōko yabashishije Kristo kunesha yambaye kamere muntu, umuntu nawe
abashe guhagarara ashikamye imbere y'ikigeragezo cyose nk'uko Kristo yabigenje. Yashoboraga
kugira intege nke kameremuntu ishobora kugira. Yahumekaga umwuka nk uwo duhumeka.
Yahagaze kandi agenda mu isi natwe dutuyeho kandi dufitiye igihamya nyakuri cy'uko icyo gihe
isi yishimiraga cyane ubuntu no gukiranuka kurusha uko bimeze ubu. [3UB113]
Ibyari Bigize Kristo Bishobora Kuba Ibyacu. - Turamutse tubishatse, natwe dufite amahirwe
yo kugira ibyarangaga Kristo byo ku rwego ruhanitse, kandi binyuze mu byo yaduteganyirije,
dushobora kwakira iyo [3UB113] migisha ikaba iyacu ndetse tukabasha gukuza icyiza muri twe mu
mwanya w'ikibi. Dufite inyurabwenge, umutimanama, ubwonko, ubushake n'urukundo -
ibyaranga umuntu wese ashobora kugira. Binyuze mu byo twateganyirijwe ubwo Imana
n'Umwana w'Imana batangaga isezerano ryo gutabara umuntu bakamukura mu bubata bwa Satani,
igikenewe cyose cyaratanzwe kugira ngo kameremuntu ibashe kunga ubumwe ka kamere y'Imana.
Muri kamere iteye ityo ni ho Umukiza wacu yageragerejwe. Yashoboraga kuba yaratsinzwe
n'ibyongorerano by'ibinyoma bya Satani nk'uko byagendekeye Adamu, ariko dukwiriye kuramya
no gusingiza Umwana w'intama w'Imana ko atigeze na rimwe yemera gutsindwa n'igishuko na
gito. [3UB114]
Kamere Ebyiri Zahurijwe muri Kristo - Binyuze mu kugabana kuri kamere y'ubumana, natwe
dushobora guhagarara dutunganye, twera kandi tuzira ikizinga cyose. Ntabwo Ubutatu bugize
Imana imwe bwahindutse umuntu, kandi n'umuntu nawe ntiyahindutse Imana kubwo guhuzwa
kw'izo kamere zombi. Kristo ntiyari afite kamere yo kugoma kuranga icyaha, kononekara no
gucumura twe dufite, kubera ko iyo biba bityo ntiyashoboraga kuba igitambo kizira inenge. -
Manuscript 94, 1893. [3UB114]
Ukuri Kurebana n'Ibishuko Kristo Yahuye na Byo. - Igihe umuyoboke wa Kristo ahuye
n'ikigeragezo n'ibimuhagarika umutima, ntabwo agomba gucika intege. Nubwo atabona ibyo yari
yiteze kubona byose, ntabwo agomba kureka ibyiringiro bye. Igihe asumbirijwe n'umwanzi,
akwiriye kwibuka ubuzima bw'ibigeragezo n'ibicantege Umukiza yanyuzemo. Ingabo zo mu ijuru
zagobokaga Kristo mu byo yabaga akeneye, nyamara ibi ntibyatumye ubuzima bw'Umukiza
bubura kurangwamo intambara n'ibigeragezo. Yageragejwe mu buryo bwose nkatwe, keretse ko
atigeze akora icyaha. Ubwoko bwe nibukurikiza iki cyitegererezo, buzuzuzwa Umwuka Wera,
kandi abamarayika bo mu ijuru bazabugoboka. [3UB114]
Ibigeragezo Kristo yahuye nabyo byari ibigeragezo bikomeye cyane mu buryo bufatika.
NK'umuntu wari ufite umudendezo, yashyizwe aho yagombaga guhitamo. Yari afite umudendezo
usesuye wo kwemera gukurikiza ibishuko bya Satani agakora ibinyuranye n'imigambi y'Imana.
Iyo bitaba bimeze bityo, ntabwo biba byarashobokaga ko yacumura, bityo rero ntabwo aba
yarageragejwe mu buryo bwose nk'ubwo bene muntu bageragezwamo. [3UB114]
Ibishuko bya Kristo n'imibabaro yabigiriyemo byari biri ku rugero rw'imico ye ihebuje kandi izira
icyaha. Ariko igihe cyose yabaga ari mu makuba, Kristo yahangaga Se amaso. "Yararwanye
kugeza ubwo amena amaraso" muri ya saha ubwo yagiraga ubwoba atinya urupfu. Ubwo
yapfukamaga i Getsemane, afite intimba mu mutima, ibitonyanga by amaraso byaguye biva mu
twenge two ku mubiri we, maze bitosa ubutaka. Yasenganye umubabaro mwinshi n'amarira, kandi
mu byo yatinyaga yarumviswe. Imana yamwongereye imbaraga kandi izaha [3UB114]imbaraga
n'abantu bose bazicisha bugufi, bakishyira mu biganza by'Imana ikomeza isezerano. [3UB115]
Ku musaraba, Kristo yamenye imbaraga iteye ubwoba y'ibishuko bya Satani kurenza uko undi
muntu wese yayimenya, ariko umutima we wagiriye impuhwe n'imbabazi igisambo cyapfaga,
cyari cyarafatiwe mu mutego n'umwanzi Satani. - The Youth's Instructor, Oct. 26, 1899. [3UB115]
Umutima wa Kristo wahuranyijwe n'uburibwe butyaye cyane kurenza ubwatewe n'imisumari
bateye mu biganza no mu birenge bye. Yari ari kwikorera ibyaha by'isi yose, yihanganira igihano
cyari icyacu ari cyo mujinya w'Imana igirira gucumura. Ikigeragezo cye cyari gikubiyemo
igishuko gikomeye cyane cyo gutekereza ko Imana yamutereranye. Ubugingo bwe bwashenguwe
n'uburemere bw'umwijima ukomeye wari ugamije ko yagamburura akareka gukiranuka kwe muri
uwo mubabaro wari uteye ubwoba. [3UB115]
Ikigeragezo nticyaba ari ikigeragezo keretse gusa igihe bishoboka ko umuntu yatsindwa nacyo.
Umuntu arwana n'ikigeragezo iyo hariho imbaraga iri kumuhatira gukora ikintu kibi; kandi kubera
ko aba azi ko ashobora kugikora, kubwo kwizera arwana yishingikirije ku mbaraga y'Imana. Ayo
ni yo makuba Kristo yanyuzemo. -The Youth's Instructor, July 20, 1899. [3UB115]
Dushobora Kunesha nk'uko Kristo Yanesheje. Urukundo n'ubutabera bw'Imana, ndetse no
kudahinduka kw'amategeko yayo ntibyagaragarijwe mu mibereho y'Umukiza kuruta uko
byagaragarijwe mu rupfu rwe. Yambaye kamere ya muntu n'intege nke zayo, n'ibiyigize ndetse
n'ibishuko ihura nabyo... "Yageragejwe mu buryo bwose nkatwe" (Abaheburayo 4:15). Nta
mbaraga ubwe yikoreshereje umuntu adashobora gukoresha. Nk'umuntu, yahuye n'ibigeragezo,
kandi yatsindiye mu mbaraga Imana yamuhaye. Aduha urugero rwo kumvira kuzira amakemwa.
Yagenye ko natwe dushobora kuba abaragwa kamere y'Imana, kandi adusezeranira ko dushobora
kunesha nk'uko nawe yanesheje. Ubuzima bwe buhamya ko dufashijwe na ya mbaraga mvajuru
Kristo yahawe, bishoboka ko umuntu nawe yakumvira amategeko y'Imana. -Manuscript 141,
1901. [3UB115]

IMANA YOHEREJE UTAGIRA ICYAHA NGO AZE MURI IYI SI

Imana yadukoreye ikintu gihebuje yashoboraga gukora igihe yohereza Umuziranenge akava mu
ijuru aje kwereka iyi si yazahajwe n'icyaha uko abakijijwe bagomba kumera mu mico yabo -
bakarangwa n'imico iboneye, yera kandi izira ikizinga, bafite Kristo muri bo. Mu Mwana wayo,
yohereje ishusho y'uko abakijijwe bagomba kumera, kandi isaba abantu kubaka imico ihuje n'uko
ishaka ko twamera. -Letter 58, 1906. [3UB115]

UMUNTU NTIYAREMANWE KAMERE Y'ICYAHA

Mu nama zo mu ijuru Imana yaravuze iti: "Tureme umuntu agire ishusho yacu ase natwe.... Imana
irema umuntu ngo agire ishusho yayo, afite ishusho y'Imana ni ko yamuremye" (Itang. 1:26,27).
Uwiteka yaremye ububasha bw'imicombonera ya muntu ndetse n'imbaraga z'umubiri we. Byose
byari ishusho yayo bwite itarangwamo icyaha. Imana yahaye umuntu imico imugize yera, maze
imushyira mu busitani yari yaratganyirijwe. Icyaha cyonyine ni cyo cyashoboraga kurimbura ibyo
Imana Ishoborabyose yaremesheje ukuboko kwayo. -The Youth's Instructor, July 20, 1899.
[3UB116]
 YISHYIZEHO UBURWAYI BW'ABANDI ATAGIZEMO URUHARE
Kristo wenyine ni we wari ushoboye kwikorera imibabaro y'umuryango wa mwene muntu wose.
"Yababaranye nabo mu mibabaro yabo." Ntabwo yigeze agira indwara mu mubiri we, ariko
yishyizeho uburwayi bw'abandi. Igihe inyokomuntu yababazwaga yamusangaga, We wari
inziramuze yabaye ubabarana nabo... [3UB116]
Mu buzima bwe hano ku isi, Kristo yakujije imico itunganye rwose, yumviye amategeko ya Se mu
buryo buzira amakemwa. Mu kuza ku isi yambaye umubiri w'umuntu, mu gutwarwa n'amategeko
kwe, mu guhishurira abantu ko yishyizeho indwara zabo, imibabaro yabo n'intimba yabo, ntabwo
yigeze ahinduka umunyabyaha. Ari imbere y'Abafarisayo yashoboraga kuvuga ati: "Ni nde muri
mwe unshinja akanyemeza icyaha?" Nta kizinga na kimwe cy'icyaha cyabonetse kuri We. Imbere
y'isi, yari Umwana w'intama w'Imana uzira inenge. -The Youth's Instructor, Dec. 29,
1898. [3UB116]

KUTAGIRA ICYAHA KWA YESU KWAKANGARANYIJE SATANI

Kristo, Umucunguzi w'isi, ntabwo yari ahantu ibyari bimukikije byari bitunganye rwose ngo
bimutere gukomeza kurangwa n'ubuzima bwera n'imicombonera izira ikizinga, nyamara nyiyigeze
yanduzwa. Ntabwo yari aho atashukwa. Satani yari yarasheze kandi akora ubudatuza mu muhati
we kugira ngo ashuke kandi atsinde Umwana w'Imana akoresheje imitego ye. Kristo ni wenyine
wabaye ku isi utarigeze arangwaho n'ikizinga cy'icyaha. Yari atunganye kandi azira inenge. Kuba
kuri iyi si harashoboraga kubaho Utarangwaho ikizinga cy'icyaha, byababaje cyane nyirabayazana
w'icyaha, bityo nta buryo Satani atagerageje ngo atsinde Kristo akoreheje imbaraga z'ubushukanyi
bwe. Ariko Umukiza wacu yishingikirije kuri Se wo mu ijuru amubera isoko y'ubwenge
n'imbaraga zo kurwanya no gutsinda umushukanyi. Umwuka wa Se wo mu ijuru ni wo
wakoreshaga ubugingo bwe. Nta cyaha yagiraga. Kubonera n'ubutungane ni byo byarangaga
ubuzima bwe. - The Youth's Instructor, February, 1873. [3UB116]

KAMERE YACU YA MUNTU YACUMUYE YAHUJWE N'UBUMANA BWA KRISTO

Nubwo nta kizinga cy'icyaha yari afite mu mico ye, ariko yaciye bugufi cyane afatanya kamere
yacu ya kimuntu yacumuye n'ubumana bwe. Muri uko gufata ubumuntu, yubahishije
ikiremwamuntu. Kubwo gufata kamere yacu yacumuye, yerekanye icyo iyo kamere ihinduka
binyuze mu kwemera icyo yayiteganyirije cyonyine no guhinduka umuragwa wa kamere y'Imana.
-Letter 81, 1896. [3UB117]

YAGERAGEJWE NK'UKO ABANA B'IMANA BAGERAGEZWA MURI IKI GIHE

Hari ushobora gutekereza ko bitewe n'uko Kristo yari Umwana w'Imana yaba atageragejwe nk'uko
abana b'Imana bageragezwa muri iki gihe. Ibyanditswe Byera bivuga ko yageragejwe mu buryo
bwose nkatwe. - The Youth's Instructor, April, 1873." [3UB117]
ICYO KWIGIRA UMUNTU KWA KRISTO BISOHOZA
Uwiteka ntiyaremye umuntu ngo azacungurwe, ahubwo yamuremeye kugira ishusho Ye. Ariko
bitewe n'icyaha umuntu yatakaje ishusho y'Imana. Binyuze mu gucungurwa k'umuntu konyine ni
ho Imana ishobora gusohoza umugambi imufitiye imugira umwana w'Imana. [3UB117]
"Icyakora abamwemeye bose bakizera izina rye, yabahaye ubushobozi bwo kuba abana b'Imana.
Abo ntibabyawe n'amaraso cyangwa n'ubushake bw'umubiri, cyangwa n'ubushake bw'umugabo,
ahubwo babyawe n'Imana. Jambo uwo yabaye umuntu abana natwe (tubona ubwiza bwe busa
n'ubw'Umwana w'ikinege wa Se), yuzuye ubuntu n'ukuri... Kandi ibimwuzuye akaba ari byo
twahaweho twese, ni ubuntu bukurikira ubundi" (Yohana 1:12-16). [3UB117]
Bitewe n'incungu yatangiwe, kubwo guhitamo kwe no kumvira kwe, umuntu ashobora gusohoza
umugambi w'Imana, kandi binyuze mu buntu butangwa n'Imana, ashobora kugira ishusho yayo
yari yarahawe katanga ka mbere akaza kuyitakaza kubera gucumura... [3UB117]
Kumvira kwa Kristo Ntigutandukanye n'Ukwacu. -Umwigisha mukuru yaje muri iyi si yacu
atazanywe no guhongerera icyaha gusa ahubwo yari aje no kuba umwigisha haba mu mategeko no
mu rugero yatangaga. Yaje kwereka umuntu uburyo yakubahiriza amategeko mu bumuntu, kugira
ngo umuntu ye kugira urwitwazo rwo gukurikiza imyumvire ye bwite irangwamo ibizinga. Tubona
kumvira kwa Kristo. Ubuzima ntibwarangwagamo icyaha. Uko yumviye mu buzima bwe bwose
ni ikinegu ku kutumvira kw'inyokomuntu. Kumvira kwa Kristo ntigukwiriye kwirengangizwa ngo
gufatwe ko gutandukanye no kumvira asaba buri muntu wese ku giti cye. Kristo yatweretse ko
bishoboka ko abantu bose bakumvira amategeko y'Imana... [3UB117]
Umurimo Kristo yakoze si umurimo atari ashyizeho umutima we wose. Ntabwo Kristo yaje gukora
ibyo yishakiye ahubwo yaje gukora ibyo uwamutumye ashaka. Yesu aravuga ati: "Mugere ikirenge
mu cyanjye nk'Umwana wumvira Se muri byose. Mujye mwumvira mudakebakeba. Mugomba
kumvira nk'abakorana n'Umwana w'Imana. Kenshintimuzabona inzira mucamo igaragara neza;
ariko icyo gihe muzasabe Imana, bityo izabaha ubwenge n'ubutwari no kwizera bibabashisha kujya
mbere, ibibazo byose mubiharire Imana." Uko bishoboka kose dukeneye gusobanukirwa kamere
muntu nyakuri y'Umukiza wacu. Ubumuntu n'ubumana byari bihurijwe muri Kristo, kandi byombi
byari byuzuye. [3UB118]
Nk'Umwana w'Imana, Umukiza wacu yafashe isano nyakuri ya muntu. Turi abahungu n'abakobwa
b'Imana. Kugira ngo tumenye uko dukwiriye kwitwara kubw'ibyo, tugomba gukurikira Kristo aho
atuyobora hose. Yaranzwe n'imibereho izira amakemwa mu myaka mirongo itatu, agera ku rwego
rw'ubutungane ruhanitse kurusha izindi. Kubw'ibyo, mureke umuntu nubwo atari imbonera
yiringire Imana, ye kuvuga ati: "Iyaba ntari meze ntya nakorera Imana," ahubwo nasange Imana
ayikorere uko bikwiriye…Kristo aravuga ati: "Iyo kamere narayicunguye" "Icyakora
abamwemeye bose bakizera izina rye, yabahaye ubushobozi bwo kuba abana b'Imana" (Yohana
1:12). Ntabwo mwateshejwe agaciro, ahubwo mwarazamuwe, muhabwa icyubahiro kandi
mutunganywa na Jye. Mushobora kubonera ubuhungiro muri jye. Mushobora kubona intsinzi
kandi mukarushishwaho kunesha mu izina ryanjye." - Letter 69, 1897. [3UB118]

SATANI YAVUGAGA KO UMUNTU ADASHOBORA KUBAHIRIZA AMATEGEKO Y'IMANA

Umucunguzi w'isi yanyuze ku rubuga Adamu yatsindiweho akagwa bitewe no kutumvira
amategeko Uwiteka yari yamuhaye; kandi Umwana w'Imana w'ikinege yaje kuri iyi si yacu
nk'umuntu, kugira ngo agaragarize isi ko abantu bashobora gukurikiza amategeko y'Imana. Nyuma
yo kutumvira kwa Adamu, Satani umumarayika waguye, yari yaravuze ko nta muntu washobora
gukurikiza amategeko y'Imana. Satani yavugaga ko yitegekera inyokomuntu yose. [3UB118]
Umwana w'Imana yishyize mu cyimbo cy'umunyabyaha, maze anyura ku rubuga Adamu
yatsindiweho akagwa, kandi ahangana n'ikigeragezo mu butayu. Cyari ikigeragezo gikomeye
inkubwe ijana kurenza icyo inyokomuntu yari guhura nacyo cyangwa izigera ihura nacyo. Yesu
yatsinze ibishuko bya Satani mu buryo nk'ubwo umuntu wese ugeragezwa ashobora gutsindiramo,
abwira Satani ibyanditswe byahumetswe n'Imana avuga ati: "Handitswe ngo." [3UB118]
Inyokomuntu Ishobora Gukurikiza Amategeko y'Imana kubw'Imbaraga Mvajuru. Kristo
nk'umuntu, yatsinze ibigeragezo bya Satani. Umuntu wese ashobora kunesha nk'uko Kristo
yanesheje. Yicishije [3UB118] bugufi kubwacu. Yageragejwe mu buryo bwose nkatwe. Yakuyeho
gutsindwa gukojeje isoni no gucumura kwabaye kuri Adamu, kandi yaranesheje. Bityo rero, ibyo
bihamiriza amasi yose ataracumuye n'inyokomuntu yacumuye ko umuntu ashobora kubahiriza
amategeko y'Imana binyuze mu mbaraga z'Imana ahabwa n'ijuru. Yesu Umwana w'Imana yicishije
bugufi kubwacu, yihanganira ikigeragezo kubwacu, atsinda kubwacu kugira ngo atwereke uko
tubasha kunesha. Muri ubwo buryo yahuje inyungu ze n'umuntu binyuze mu komatanywa
n'imirunga ikomeye cyane, kandi yatanze ibyiringiro nyakuri ko tutazageragezwa ibirenze ibyo
dushobora, kuko hamwe n'ibitugerageza izaducira icyanzu. [3UB119]
Mwuka Wera Atubashisha Kunesha. - Mwuka Wera yasezeranywe ko azabana n'abazaba bari
gukirana ngo bagere ku ntsinzi, akigaragaza mu bubasha bukomeye, agaha umuntu imbaraga
ndengakamere, kandi akigisha umuswa iby'ubwiru bw'ubwami bw'Imana. Kuba Mwuka Wera
agomba kuba umufasha ukomeye ni isezerano ry'agahozo dufite. Byari kutumarira iki iyo Umwana
w'Imana w'ikinege aza kuba yaricishije bugufi, akihanganira ibigeragezo by'umwanzi gica, kandi
agakirana nawe mu buzima bwose yamaze ku isi, Umukiranutsi agapfira abakiranir wa kugira ngo
inyokomuntu ye kurimbuka, ariko Mwuka Wera ntabe yaratanzwe ngo abe umufasha utabura,
uhoraho kandi uhembura kugira ngo ibyo Umucunguzi w'isi yakoze bigire impinduka bizana muri
twe? [3UB119]
Mwuka Wera watanzwe yabashishije abigishwa be n'intumwa ze guharagara bashikamye
bagahangana n'uburyo bwose bwo gusenga ibigirwamana kandi ngo baheshe ikuzo Uwiteka
wenyine. Ni nde uretse Yesu Kristo (kubwe n'imbaraga ze z'ubumana), wayoboye ikaramu
y'abanditsi b'amateka bera kugira ngo isi ibashe kugezwaho inyandiko y'agaciro irimo ibyo Yesu
Kristo yavuze n'ibyo yakoze? [3UB119]
Mwuka Wera wasezeranywe, uwo yajyaga kohereza nyuma yo kuzamuka ajya kwa Se, akora
ubudatuza kugira ngo arehereze intekerezo z'abantu gutumbira igitambo gikomeye cyo ku
musaraba w'i Kaluvali, no kwereka neza abatuye isi urukundo Imana ikunda umuntu no
gusobanurira umutima witanze ibintu by'agaciro kenshi biboneka mu Byanditswe Byera, ndetse
no gukingurira abari mu mwijima bakabona imyambi irabagírana ya Zuba ryo Gukiranuka,
bakabona n'ukuri kwateye imitima yabo kugurumanira muri bo bitewe no gukangukira kumenya
ukuri kw'iteka ryose. [3UB119]
Ni nde uretse Mwuka Wera wereka umuntu urugero rukwiriye rwo gukiranuka kandi akemeza
umuntu ibyaha, ndetse akamutera kugira agahinda ko mu buryo bw'Imana gatera kwihana
kuticuzwa, kandi agatera umuntu kwizera Kristo wenyine ushobora gukiza abantu icyaha cyose.
[3UB119]
Ni nde wundi uretse Mwuka Wera ushobora gukorana n'intekerezo za muntu agahindura imico ye
binyuze mu kumutera kuzinukwa iby'isi [3UB119] by'igihe gito kandi bibora, maze akuzuza mu
bugingo icyifuzo gikomeye abwereka umurage utazabora, akereka umuntu iby'iteka ryose
bitangirika, kandi akarema bushya, agatunganya ndetse akeza ibikoresho-bantu kugira ngo
babashe guhinduka abo mu muryango wa cyami, abana b'Umwami wo mu ijuru.... [3UB120]
Kristo nk'umuntu Yanesheje Icyaha. - Gucumura kw'ababyeyi bacu ba mbere kwaciye
umurunga w'izahabu wo kumvira Imana kudakebakeba k'ubushake bwa muntu. Ntabwo kumvira
kongeye kuba icyangombwa umuntu atagomba guteshukaho. Abantu bikurikirira ibyo
bitekerereza, ari byo Uwiteka yavuze ku baturage bo mu isi ya kera ko bari babi kandi bakomezaga
gukora ibibi. Umwami Yesu aravuga ati: "Nubahirije amategeko ya Data." Ate? Nk'umuntu.
Yaravuze ati: "Dore nzanywe no gukora ibyo ushaka, Mana." Ku birego Abayuda bamuregaga,
yahagaze ashikamye mu mico ye itunganye, ikiranuka, kandi yera maze akababaza ati: "Ni ndé
muri mwe unshinja icyaha" (Yohana 8:46). [3UB120]
Urugero Rwacu n'Igitambo Cyacu cy'Icyaha. Umucunguzi w'isi ntiyaje kuba igitambo
cy'icyaha gusa ahubwo yaje no kubera umuntu urugero mu bintu byose, aba umuntu uzira inenge.
Yari Umwigisha isi itari yarigeze ibona cyangwa ngo yumve mbere yaho. Yavugaga nk'ufite
ubutware, nyamara kandi yateraga abantu bose kumugirira icyizere. [3UB120]
Aravuga ati: "Mwese abarushye n'abaremerewe, nimuze munsange ndabaruhura. Mwemere kuba
abagaragu banjye munyigireho, kuko ndi umugwaneza kandi noroheje mu mutima, namwe
muzabona uburuhukiro mu mitima yanyu, kuko kunkorera kutaruhije, n'umutwaro wanjye
utaremereye" (Matayo 11:28-30). [3UB120]
Kubw'amagambo ye, urugero rwe mu buzima bufatika, Umwana w'ikinege w'Imana ihoraho
yadusigiye icyitegererezo cyumvikana neza tugomba gukurikiza. Akoresheje amagambo ye,
yatwigishije kumvira Imana, kandi kubw'imigirire ye yatweretse uko dushobora kumvira Imana.
[3UB120]
Ntabwo Kristo yatanze amategeko asobanutse neza gusa yerekana uburyo dushobora guhinduka
abana bumvira ahubwo mu buzima bwe bwite no mu mico ye yanatweretse uburyo bwo gukora
ibyo bintu bitunganye kandi byemerwa n'Imana. Bityo rero, nta rwitwazo rw'impamvu tutakora
ibyo bintu bishimishije mu maso y'Imana. [3UB120]
Kristo Yahinyuje Ibyo Satani Yavugaga. - Dukwiriye guhora iteka dushima kuko Yesu
akoresheje ibihamya bifatika yatweretse ko umuntu ashobora kubahiriza amategeko y'Imana, bityo
rero yavuguruje ibinyoma Satani yavugaga ko umuntu adashora kuyubahiriza. Umwigisha
Ukomeye yaje kuri iyi si yacu kugira ngo ahagararire ikiremwamuntu, bityo arakizahura kandi
acyejesha kumvira kwe kwera yumvira amategeko yose y'Imana. Yerekanye ko kubaho umuntu
yumvira mu buzima bwe bwose bishoboka. Muri ubwo buryo nk'uko Data wa twese yatanze
Umwana we, [3UB120] Kristo aha isi abantu batoranyijwe kandi bamuharariye kugira ngo
bagaragarize mu mibereho yabo ubuzima Yesu Kristo nawe yabayeho. [3UB121]
Nk'Umuntu Nyakuri, Yatsinze Ikigeragezo. Ntabwo dukwiriye gufata kumvira kwa Kristo
ubwako nk'ikintu yabashije kugeraho mu buryo bwihariye abibashishijwe na kamere ye
y'ubumana, kubera ko yahagaze imbere y'Imana nk'uhagarariye umuntu kandi yageragejwe
nk'insimbura y'umuntu n'umwishingizi we. Iyo Kristo aza kugira imbaraga zidasanzwe umuntu
nawe adafite amahirwe yo kugira, Satani aba yaraboneye urwaho kuri iyi ngingo. Umurimo wa
Kristo wari uwo gufata ibyo Satani yavugaga maze akabikuramo kuba avuga ko ari we witegekera
umuntu, kandi Kristo yashoboraga gukora ibyo biciye gusa mu nzira yajemo -akaza ari umuntu,
akageragezwa nk'umuntu, kandi akumvira nk'umuntu.... [3UB121]
Muzirikane ko gutsinda kwa Kristo no kumvira kwe ari uk'umuntu nyakuri. Mu myanzuro dufata,
dukora amakosa menshi bitewe n'imyumvire yacu irimo ubuyobe ku birebana na kameremuntu
y'Umukiza wacu. Iyo duhaye kameremuntu ye imbaraga umuntu atashobora kugira mu rugamba
arwanamo na Satani, tuba dusenye ukuzura k'ubumuntu bwe. Ubuntu n'imbaraga ze duhabwa
abiha abantu bose bamwakira kubwo kwizera. Kumvira kwa Kristo yumviye Se kwari ukumvira
kumwe n'ugusabwa umuntu. [3UB121]
Umuntu ntashobora gutsinda ibishuko bya Satani adafite imbaraga z'Imana zihujwe n'icyo
gikoresho cyayo [umuntu]. Ni nako byari bimeze kuri Yesu Kristo, yashoboraga kugundira
imbaraga mvajuru. Ntabwo yaje kuri iyi si yacu kugira ngo atange kumvira nk'ukw'Imana nto yaba
yumvira Imana nkuru, ahubwo yaje nk'umuntu kugira ngo yumvire Amategeko Yera y'Imana,
kandi atubera urugero muri ubu buryo. [3UB121]
Yesu Yerekanye ibyo Umuntu Ashobora Gukora. - Umwami Yesu yaje kuri iyi si yacu, atari
ukugira ngo ahishure ibyo Imana ishobora gukora, ahubwo kwari uguhishura ibyo umuntu
ashobora gukora binyuze mu kwizera imbaraga z'Imana zimufasha mu makuba yose. Kubwo
kwizera, umuntu agomba kuba usangiye kamere n'Imana, kandi agatsinda igishuko cyose
kimwibasira. Noneho rero, Uwiteka asaba ko, binyuze mu kwizera Yesu Kristo, umuhungu
n'umukobwa wese wa Adamu yamukorera ari muri kamere muntu dufite ubu. [3UB121]
Umwami Yesu yatinze iteme ry'umworera icyaha cyazanye. Yahuje isi n'ijuru, ahuza umuntu ugira
iherezo n'Imana ihoraho iteka ryose. Yesu, Umucunguzi w'isi yashoboraga gukurikiza amategeko
y'Imana gusa mu buryo bumwe n'ubwo inyokomuntu ishobora kuyakurikiza. "Ibyo ni byo
byatumye aduha ibyo yasezeranije by'igiciro cyinshi, bikomeye cyane kugira ngo bibatere
gufatanya na kamere y'Imana, mumaze guhunga no gukira kononekara kwazanywe mu isi no
kwifuza" (2Petero 1:4). [3UB121]
Tugomba gukurikiza urugero rwa Kristo, tuzirikana mu bwenge bwacu ubumuntu bwe n'uko ari
Umwana w'Imana. Ntabwo mu butayu Imana ari yo yageragejwe, kandi Imana si yo yihanganiye
kuvuguruzwa n'abanyabyaha igihe bamuhinyuraga. Umwami ukomeye wo mu ijuru ni we
wahindutse umuntu - yicisha bugufi ajya ku rwego rwa kameremuntu yacu. [3UB122]
Uko Tugomba Gukorera Imana. Ntabwo tugomba gukorera Imana nk'aho tutari abantu, ahubwo
tugomba kuyikorera muri kamere dufite yacunguwe n'Umwana w'Imana. Binyuze mu gukiranuka
kwa Kristo tuzahagarara imbere y'Imana tubabariwe, kandi tumeze nk'aho tutigeze ducumura.
Ntabwo tuzigera tubona imbaraga na mba igihe tuzajya twita kubyo twakora iyaba twari turi
abamarayika. Mu kwizera, tugomba guhindukira tugatumbira Yesu Kristo, kandi tukerekana
urukundo dukunda Imana tubinyujije mu kumvira amategeko yayo. Yesu "yageragejwe mu buryo
bwose nkatwe, keretse ko atigeze acumura." Yesu aravuga ati: "Munkurikire." "Umuntu nashaka
kunkurikira yiyange, yikorere umusaraba we, ankurikire (Matayo 16:24)." -Manuscript 1, 1892.
[3UB122]

UBUSOBANURO NYABWO BWO KWIGIRA UMUNTU KWA KRISTO

Kristo yambaye ubumuntu, kandi atanga ubugingo bwe ho igitambo, kugira ngo kubwo guhinduka
usangiye kamere n'Imana, umuntu abashe kubona ubugingo buhoraho. Ntabwo Kristo yari
Igitambo gusa, ahubwo yari n'Umutambyi utamba igitambo. Yaravuze ati: "Umutsima nzatanga
kubw'abari mu isi kugira ngo babone ubugingo, ni umubiri wanjye" (Yohana 6:51). Yesu
ntiyarangwagaho icyaha na mba. Yitangiye abantu bari barigurishije bakiha Satani binyuze mu
kwica amategeko y'Imana. Yatanze ubugingo bwe ku bugingo bw'umuryango wa muntu, maze
kubw'ibyo umuntu ahinduka ubutunzi bwa Kristo yicunguriye. [3UB122]
Kristo yaravuze ati: "Igituma Data ankunda ni uko ntanga ubugingo bwanjye ngo mbusubirane.
Nta wubunyaka, ahubwo mbutanga ku bushake bwanjye. Nshobora kubutanga kandi nshobora
kubusubirana, kuko iryo ari ryo tegeko nategetswe na Data." (Yohana 10:17, 18). [3UB122]
"Ibihembo by'ibyaha ni urupfu" (Abaroma 6:23). Mbere y'uko Adamu acumura, Imana
yaramubwiye iti: "umunsi wakiriyeho no gupfa uzapfa" (Itangiriro 2:27). "Niwica amategeko
yanjye, igihano cyawe kizaba urupfu nta kabuza." Kubwo kutumvira amategeko y'Imana, Adamu
yatakaje ubugingo bwe. [3UB122]
Mbere yo gucumura kwe, nta ngaruka z'umuvumo Adamu yabonaga. Igihe yibasirwaga
n'umushukanyi, nta ngaruka n'imwe y'icyaha yari imuriho. Yari yararemwe atunganye haba mu
ntekerezo no mu bikorwa. Ariko yemeye gukora icyaha, maze aragwa ava ku rwego ruhanitse
kandi rwera yariho. [3UB122]
Mu Ishusho y'umubiri w'Icyaha. -Kristo, Adamu wa kabiri, yaje mu ishusho y'umubiri w'icyaha.
Mu kigwi cy'umuntu, yagezweho n'umubabaro, araremererwa, arasonza kandi agira inyota.
Yarageragejwe, ariko ntiyigeze akora icyaha. Nta kizinga cy'icyaha cyari kuri we. Yaravuze ati:
"Nitondeye amategeko ya Data [mu buzima bwanjye ku isi]" (Yohana 15:10). Yari afite imbaraga
zitagira iherezo kubera ko yumviraga ubushake bwa se mu buryo buzira amakemwa. Adamu wa
kabiri yatsinze igipimo cy'igishuko n'ikigeragezo kugira ngo abashe guhinduka Umutware
Nyir'inyokomuntu yose. - Manuscript 99, 1903. [3UB123]
 UMUGABANE WA V: AMAHAME Y'AGAKIZA

IJAMBO RY'IBANZE
Amahame y'ibanze ku byerekeranye n'agakiza agaragazwa mu buryo bumwe cyangwa ubundi hafi
muri buri gitabo cyose cya Ellen White ndetse no mu binyamakuru byinshi yagiye yandika.
Inyigisho za Bibiliya n'ibiganiro byabereye i Meneyapolisi (Minneapolis) mu mwaka wa 1888 mu
Nteko Nkuru Rusange y'itorero byari byibanze cyane ku mahame y'agakiza ku bwo kwizera
tubonera muri Kristo gusa, kwari ukuri kutitaweho na benshi mu bagabura n'abakorerabushake.
Igitabo Ubutumwa Bwatoranyijwe, umuzingo wa 1, mu mugabane wacyo uvuga "Kristo
Gukiranuka kwacu" (guhera ku gice cya 54 kugeza icya 63), gishimangira cyane ibyabereye i
Minneapolis. Mbega uko Ellen White yanejejwe no kumva uko kuri kw'ibanze kwerekeye
gutsindishirizwa ku bwo kwizera gushyirwa ahagaragara muri iyo nama, n'uko yafatanyije
n'abandi mu kugeza ubwo butumwa bunejeje ku matorero atandukanye! Nyamara, nubwo uko kuri
kwagaragariraga mu bibwirizwa bye no munyandiko ze yagiye atanga mu myaka myinshi,
yabikoraga mu buryo bwitondewe. Ibi bigaragazwa neza mu nyandiko ze nyinshi zigize igitabo
cya Ellen G. White cyitwa Kwizera n'imirimo (Faith and Works), kigizwe n'ibiganiro n'inkuru
yatanze kuva mu mwaka wa 1881 kugeza mu 1902. [3UB124]
Iki gice kigizwe n'ingingo eshatu zigaragaza ukuri kw'ingenzi ku byerekeye kwizera n'imirimo.
Ingingo ya mbere itinda ku magambo yavuzwe na Ellen White kuva mu mwaka wa 1850 kugeza
mu 1888 yerekana mu buryo busobanutse uko yagaragazaga mu buryo bwitondewe ibyerekeye
gutsindishirizwa ku bwo kwizera. Ingingo ya gatatu yerekana uko ibyo yagiye avuga bigiye
umujyo umwe, bikagaragaza ubumwe bwagaragaraga munyigisho ze igihe cyose yamaze akora
umurimo. Hongewemo amagambo make gusa kugirango atwibutse iby'umurimo we mu
kugaragaza uko kuri kw'ingenzi, ari ko mutima w'ubutumwa bwiza. Ingingo ya kabiri, igizwe
n'amateka, itwereka ibyabereye mu Nteko Nkuru Rusange yabereye i [3UB124] Minneapolis
n'uruhare Ellen White yagize kuri ibyo byabaye, mu myaka yakurikiye iyo nama yaberere i
Minneapolis. Iyi ngingo itangirana n'amagambo atubwira amateka ye mu buryo bwagutse.
Abashinzwe Kurinda Inyandiko za Ellen G. White [3UB125]
 IGICE CYA 20

АМАНАМЕ Y'AGAKIZA NK'UKO AVUGWA NA ELLEN WHITE MU ITANGIRA

RY'UMURIMO WE

Tera Umugongo Inarijye Uhange Yesu Amaso -1850. Malayika yaravuze ati: "Mwizere Imana."
Nabonye ko benshi bananirwa kugira kwizera. Kwizera biroroheje cyane, reba ikirenze uko
kwizera. Satani yagerageje kuriganya bamwe mu bana b'Imana, maze abatera kwihangaho amaso
ngo bagire ikintu cy'agaciro bibonamo. Nabonye ko bagomba bagomba gukura amaso yabo ku
narijye, bagahanga amaso yabo ku gaciro ka Yesu, ndetse bakiyegurira imbabazi ze
nk'impezamajyo zitagize icyo zimariye, kandi kubwo kwizera akaba ari we bakuraho imbaraga
n'ibibatunga. Letter 8, 1850. [3UB126]
Ishingikirize kubyo Yesu Yakoze Gusa-1862. -Buri wese mu bagize umuryango akwiye
kuzirikana ko afite icyo akwiriye gukora ngo ahangane n'umwanzi wacu ukomeye, kandi
kubw'amasengesho avuye ku mutima no kwizera kudacogora buri wese akwiriye kwishingirikiriza
ku byakozwe n'amaraso ya Yesu Kristo, kandi agasaba imbaraga ze zikiza. Hari igihe imbaraga
z'umwijima zigota ubugingo bwacu zikatubuza kureba Yesu, rimwe na rimwe bikadusaba
gutegerereza mu bwihebe no gutangara kugeza igihe igihu gitamuruwe. Ibyo bihe akenshi
birababaza. Ibyirigiro bisa n'ibiyoyoka, maze kwiheba kukadusaba. Mu bihe nk'ibi bibabaje
dukwiriye kwiga kwiringira no kwishingikiriza gusa ku mpongano yacu, maze muri uko
kwiyumvamo ko turi impezamajyo zidafite gifasha, tukishingikiriza [3UB126] gusa ku Mukiza
wacu wabambwe akazuka. Ntituzigera tuzimira igihe tuzaba dukora dutyo- Ntibishoboka na mba.-
Testimonies for the Church 1:309, 310 (1862). [3UB127]
Ukuri Kugomba Kweza Ubugingo-1869.-Musaza wacu na mushiki wacu P. bafite umurimo
bagomba gukora ngo batunganye umuryango wabo n'imitima yabo... Ntabwo musaza wacu P.
yigeze abona cyangwa ngo yumve ko Mwuka w'Imana ari ngombwa mu mutima kugira ngo azane
impinduka mu bugingo, mu magambo ndetse no mu bikorwa. Imibereho y'iby'idini ya musaza
wacu P. yahindutse iy'umuhango cyane. [3UB127]
Yabonye kandi yemeye amahame yerekeranye n'ukuri, ariko ntiyigeze yimenyera umurimo
wihariye wo kwereshwa ukuri. Inarijye yakomeje kumugiraho imbaraga. Iyo hagiraga amagambo
avugirwa mu materaniro kandi akaba adahuje n'uko abibona, yarayacyahaga, atabikoranye
urukundo no kwicisha bugufi, ahubwo mu buhubutsi, kandi akabikorana amagambo akakaye. Iyi
mvugo ntikwiriye gukoreshwa n'Umukristo wese, by'umwiriko wa wundi ugikeneye kugira
ubunararibonye bwisumbuyeho, kandi akaba agifite byinshi byo gukosora mu mibereho ye. -
Manuscript 2, 1869. [3UB127]
Imbuto Zikomoka ku Kwezwa Nyakuri-1874. Mwakomeje kugundira ibitekerezo byo kwezwa
n'ubutungane bidaturutse kuri ya mpamvu nyakuri ibyara urubuto nyarwo. Kwezwa si umirimo
w'inyuma. Ntabwo bishingiye ku gusenga no kwingingwa bibera mu materaniro, ahubwo
kwigarurira ubugingo bwose, kugaha isura nshya amagambo n'ibikorwa, ndetse kugahindura
n'imico.... [3UB127]
Hasa naho hariho imyanya y'ingenzi igomba gukorwamo n'abantu bejejwe by'ukuri, bafite
umwuka warangaga Umwami wacu. Bakeneye kandi kunesha inarijye kugirango umurimo
n'imbaraga byabo bitangizwa n'inenge zo mu mico ya bo. -Manuscript 6, 1874. [3UB127]
Imico Yatunganyijwe Yagaragajwe na Enoki na Eliya-1874. - Abantu bake muri buri gisekuru
kuva kuri Adamu bagiye bahangana n'ubucakura bwose bwa Satani, maze bahagarara nk'intwari
zigaragaza icyo umuntu ashobora gukora ndetse n'icyo ashobora kuba cyo-Kristo akorana
n'imbaraga z'umuntu, maze akamufasha gutsinda imbaraga za Satani. Enoki na Eliya ni
ibyitegererezo butunganye by'icyo abantu bashoboraga kuba cyo binyuze mu kwizera Yesu Kristo
baramutse babishatse. Satani yarahungabanye cyane bitewe n'uko abo bagabo b'intwari kandi bera
batandujwe no kononekara mu mico mbonera kwari kubazengurutse, ahubwo baranzwe n'imico
yo gukiranuka iboneye, kandi bakagaragara ko bakwiriye kwimurirwa mu ijuru. Kubera ko bari
barahagaze mu mbaraga z'imicombonera bakabaho batunganye kandi bakiranutse, bakanesha
ibigeragezo bya Satani, byatumye Satani adashobora kubashyira munsi y'ubutware bw'urupfu.
Satani yari yarashimishijwe n'uko yabashije gutsindisha Mose ibigeragezo bye, kandi ko yabashije
kwanduza imico ye [3UB127] yari icyitegererezo kandi amutera gukora icyaha cyo guhagarara
imbere y'Abisirayeli akiha icyubahiro cyari gikwiriye guhabwa Imana. The Review and Herald,
March 3, 1874. [3UB128]
Kwizera n'Imirimo mu Gakiza-1878. Imirimo yanyu yose myiza ntishobora kubahesha agakiza;
ariko nubwo bimeze bityo ntimushobora gukizwa mudafite imirimo myiza. Kwitanga kose
gukozwe ku bwa Kristo kuzabahesha ingororano y'iteka. -The Review and Herald, March 21,
1878. [3UB128]
Kwiringira Kristo ni Ingenzi-1879. -Wakundaga Kristo, nubwo kwizera kwawe kwagiye kugira
intege nke kandi n'ibitekerezo byawe bikagwa mu rujijo. Ariko Yesu Kristo ni Umukiza wawe.
Agukiza bidatewe nuko utunganye, ahubwo kuko umukeneye, kandi nubwo udatunganye ukaba
warakomeje kumwiringira. Mwana wanjye nkunda, Yesu aragukunda. Ushobora kuririmba uti:
"Mu gicucu cy'intebe yawe y'ubwami ni ho twibera tukaba amahoro; Ukuboko kwawe konyine
kurahagije, Kandi uburinzi bwacu burashinganye."-Letter 46, 1879. [3UB128]
Imirimo yo Gukiranuka Ipimirwa mu Rubanza-1881. -Rimwe na rimwe abapasitoro cyangwa
ababwiriza babwira abantu ko nta cyo bagomba gukora uretse kwizea gusa; bakavuga ko Yesu
yabirangije byose, kandi ko imirimo yabo ari ubusa. Nyamara Ijambo ry'Imana rivuga ryeruye ko
mu rubanza umunzani uzaraturwa neza nta 'kwibeshya, kandi imyanzuro izashingira ku bizaba
bigaragajwe. [3UB128]
Umuntu umwe ahinduka umuyobozi w'imidugudu icumi, undi itanu, undi ibiri, buri wese
ahembwa hakurikijwe uko yakoresheje neza impano yaragijwe. Imihati tugira mu mirimo yo
gukiranuka, haba kubwacu no kubwagakiza kabandi, izagira icyo ikora gikomeye ku ngororano
tuzahabwa.-The Review and Herald, Oct. 25, 1881. [3UB128]
Ibyiringiro bya Ellen White byari muri Kristo Gusa-1881. -Mu byago mperutse kugira byo
gupfusha inshuti magara, neretswe ubuturo bw'iteka ryose mbwegereye cyane. Uko
byangaragariraga, najyanywe imbere y'intebe yera ya cyami, kandi nitegereje imibereho yanjye
nk'uko izahagaragara. Ntacyo nabonye nakwirata, ntacyo mfite gikwiye nazana imbere y'iyo ntebe.
[3UB128]
Naratatse nti: "Mana yanjye, sinkwiriye, sinkwiriye kugirirwa imbabazi na nke." Ibyiringiro
byanjye rukumbi biri mu Mukiza wabambwe kandi akazuka. Nishingikirije ku byakozwe
n'amaraso ya Kristo. Yesu azakiza rwose abamwiringira. - The Review and Herald Nov. 1, 1881.
[3UB128]
Haranira Gutungana kw'Imico-1882. -Ntituzasanganira Umwami wacu mu mahoro, keretse
gusa nituba tudafite ikizinga mu bugingo bwacu. Tugomba kugira ishusho itunganye ya Kristo.
Igitekerezo cyose kigomba kugandukira ubushake bwa Kristo. Nk'uko intumwa ikomeye yabivuze
tugomba kuba abantu "bashyitse bageze ku rugero rushyitse rw'igihagararo [3UB128] cya Kristo."
Ntituzigera tugera kuri iki gisabwa tudakoresheje umwete udacogora. Niba dushaka kugera ku
kubonera kw'imico ya Gikristo, tugomba kumaramaza buri munsi tukarwanya ikibi kigaragara
inyuma n'icyaha kiri imbere muri twe. -The Review and Herald, May 30, 1882. [3UB129]

INGINGO Z'IBANZE ZAGARAGAJWE MU NTEKO NKURU RUSANGE YO MU 1883

IRIBURIRO: Mu nama y'Inteko Nkuru Rusange yabereye i Battle Creek, muri Leta ya Michigan
mu mwaka wa 1883, Ellen White yahaye ibiganiro abagabura mu bitondo cumi na bitatu
bikurikirana, kandi ku Isabato isoza aha ikiganiro abari bitabiriye inama bose. Mu mwaka
wakurikiycho, ikinyamakuru Urwibutso n'Integuza rwasohoye ibyo biganiro byose. Muri bine
muri ibyo biganiro yagaragaje amahame yo gukiranuka kubwo kwizera nk'uko agaragazwa mu
bice bigiye gukurikiraho [muri iki gitabo]. Ikiganiro kirambuye cyavugaga ngo: "Kristo
Gukiranuka kwacu", nicyo cyabaye urufunguzo rw'ayo materaniro, cyasohotse bwa mbere mu
gitabo kivuga Abakozi Babwiriza Ubutumwa bwiza", cyongera gusohoka mu gitabo Ubutumwa
Bwatoranyijwe, Umugabane wa 1, Igice cya 54, nanone gisohoka no mu gitabo Kwizera
n'Imirimo- Abakusanyije inyandiko... [3UB129]
Ku wa Gatandatu, Ugushyingo 9, 1883-Reba kuri Yesu. - Muri iki gitongo habaye umwuka wo
gusengana umwete ngo Uwiteka yihishurire muri twe mu mbaraga. Umutima wanjye
by'umwihariko wazamuwe igihe twasengaga, maze Imana irumva iduha umugisha. Twumvise
ubuhamya bwa benshi bari bacitse intege, biyumvagamo ko badakwiriye rwose ku buryo Imana
yabakoresha mu murimo wayo. Iyo yari imvugo yo kutizera. [3UB129]
Nagerageje kwerekeza iyo mitima kuri Yesu, We buhungiro bwacu, Umufasha utabura kuboneka
igihe cyose tumukeneye. Ntajya aduhana kubera ibyaha byacu. Dushobora gukora amakosa kandi
tugatera Umwuka We agahinda, ariko iyo twihannye, tukamugarukira n'umutima umenetse,
ntazatwirukana na hato... [3UB129]
Ku Isabato, Ugushyingo 10, 1883-Ngwino Uko Uri. -Numvise ubuhamya nk'ubu ngo: "Simfite
umucyo nifuza; Nta byiringiro mfite ko Imana yanyemera." Ubuhamya nk'ubu nta kindi
bugaragaza uretse kutizera n'umwijima. [3UB129]
Mbese witeze ko Imana izakwemera kubera ibyiza byawe, kandi ko ugomba kubanza
kwitandukanya n'icyaha mbere y'uko wiringira imbaraga zayo zikiza? Niba uru ari rwo rugamba
ruri mu mutima wawe, ndatinya ko wazabura imbaraga, maze amaherezo ugacika intege. Nk'uko
inzoka y'umuringa yamanitswe mu butayu, ni ko na Kristo yamanitswe ngo yireherezeho abantu
bose. Abarebye ku nzoka bose, kuko ari bwo buryo[3UB129]

39 Gospel Workers, Edition 1893, p. 411

40 Faith and Works, 35-39.

Imana yari yateganyije, barakize. Ni ko bimeze no mu bunyacyaha bwacu n'ubukene bwacu,

tugomba "kureba maze tukabaho." [3UB130]
Iyo tumenye ko turi impezamajyo tudafite Kristo, ntitugomba kwiheba; tugomba kwishingikiriza
ku byakozwe n'Umukiza wabambwe akazuka. Yewe mutima ukennye urembejwe n'ibyaha, kandi
ukaba wihebye, reba maze ubeho. Yesu yarabisezeranye, ko azakiza abo bose baza bamusanga.
Reka tumusange twature ibyaha byacu, maze twere imbuto zikwiriye abihannye. [3UB130]
Yesu ni Umukiza wacu uyu munsi. Aradusabira ari Ahera cyane ho mu buturo bwera bwo mu
ijuru, kandi azatubabarira ibyaha byacu. Hari itandukaniro rikomeye cyane ribaho mu by'umwuka
kuri twe twaba twishingikirije ku Mana nta gushidikanya, tukayishingikirizaho nk'urufatiro
nyakuri; cyangwa se tukaba dushaka ugukiranuka runaka muri twe mbere yuko dusanga Imana.
Ikureho amaso maze uyahange Ntama w'Imana ukuraho ibyaha by'abari mu isi. Gushidikanya ni
icyaha. Kutizera urwego ruto kwaba kuriho rwose, iyo kugundiriwe mu mutima, gutera inkomanga
y'icyaha mu bugingo, kandí kukazana umwijima ukomeye no gucika intege…[3UB130]
Abantu bamwe basa n'abiyumvamo ko bagomba kugira igihe cyo kugira ibyo batunganya kandi
ko bagomba kwereka Imana ko hari impinduka bakoze muri bo maze bakabone kuyisaba
umugisha. Nyamara n'ubu iyo mitima ishobora gusaba Imana umugisha. Bagomba kugira ubuntu
bw'Imana, kandi umwuka wa Kristo akabafasha mu ntege nke zabo, nibitaba bityo ntibashobora
kugira imico ya Gikristo. Yesu akunda ko tumusanga uko turi: turi abanyabyaha, impezamajyo
zitishoboye. Tuvuga ko turi abana b'umucyo, tutari abana b'ijoro cyangwa b'umwijima; none kuki
twaba abatizera?- The Review and Herald, April 22, 1884. [3UB130]
Ku wa Kane, Ugushyingo 14, 1883-Iyobokama Nyakuri Risobanuye Gukurikiza Ubushake
bw'Imana. -Abantu bamwe bihanzeho amaso aho kuyahanga kuri Kristo. Ariko benedata,
mukeneye kwambara gukiranuka kwa Kristo. Niba mwiringira gukiranuka kwanyu, muri
abanyantegenke bikabije; kubera ko muhanganye n'imyambi ya Satani, kandi nubwo ubu
mwishimira amahirwe menshi mufite, muzagira intambara zikomeye mugomba kurwana.
Murakonje cyane. Umurimo uzitirwa n'uko mudafite rwa rukundo rwagurumanaga mu mutima wa
Yesu. Mufite kwizera guke cyane. Mwitega kubona bike, maze kubw'ibyo mukabona bike; kandi
munyurwa na bike cyane mwagezeho. Mushobora kwishuka ubwanyu, kandi mukanyurwa
n'ishusho yo kwera. Ibi ntaho bizabageza. [3UB130]
Mugomba kugira kwizera kuzima mu mitima yanyu; ukuri kugomba kubwirizanywa imbaraga
iturutse mu ijuru. Muzagera ku bantu ari uko gusa Yesu akoreye mu mihati yanyu. Isooko
irafunguye; dushobora guhemburwa, maze tukabona uko duhembura abandi. Niba imitima yanyu
[3UB130] yarahembuwe n'ukuri gukomeye kandi gusobanutse mubwiriza, ubukonje bw'umutima,
kutagira gahunda no kutagira ibyo mwitaho bizayoyoka, kandi abandi bazagerwaho n'imbaraga
z'umuhati no kudacogora byanyu. [3UB131]
Iyobokamana nyakuri ntiritandukana no kugendana n'ubushake bw'Imana, no kumvira ibyo
yategetse byose; biduhesha ubuzima bw'iby'umwuka, bikadutera kubarwaho gukiranuka kwa
Kristo, bigatera gukoresha neza mu buryo bunejeje ubushobozi bw'umutima n'ubwenge.
Ubukungu buheranije, ikuzo n'umunezero by'ubugingo buhoraho, tubihabwa hakurikije ibisabwa
byoroheje cyane ngo impano itagira akagero igezwe ku mutindi n'umunyabyaha ruharwa.
Turasabwa kumvira no kwizera gusa. Kandi amategeko yayo ntabwo aruhije; kumvira ibyo
idusaba ni ingenzi ndetse no ku munezero wacu muri ubu buzima. - The Review and Herald, May
27, 1884. [3UB131]
Kuwa Kabiri, Ugushyingo 19, 1883-Mumwitegereze Maze Mubeho. -Ni bangahe bari gukora
umurimo ushishikaje wo kugendera mu nzira ifunganye yo kwera no gutungana? Kuri benshi
amahoro n'ikiruhuko bibonerwa muri iyi nzira ihiriwe bisa n'ibibari kure n'ubu nk'uko byari
bibamereye mu minsi ya kera. Bashakira kure ikiri hafi yabo, ibyo Yesu yashyize ahabona babifata
nk'ibitumvikana. Ni we "nzira, ukuri n'ubugingo." Ínama y'agakiza yagaragajwe neza mu ljambo
ry'Imana; nyamara ubwenge bw'isi ni bwo bwatwaye ibitekerezo by'abantu, naho ubwenge bwo
gukiranuka kwa Kristo bwitabwaho gake cyane. Kandi imitima yagombaga kuruhukira mu
rukundo rwa Yesu, yakomeje gushidikanya, ikomeza kwirushya muri byinshi. [3UB131]
Ubuhamya bwatangiwe hano ntibugaragaza kwizera gukomeye. Kwizera ko Yesu azababarira
abandi si ikintu gikomeye, ariko kugira ngo umuntu ubwe agaragaze kwizera kuzima bisa n'aho
bidashoboka. Ariko, benedata nkunda, bimaze iki kugaragaza gushidikanya ku bushake Kristo
afite bwo kubemera? Ndatinya ko mwaba mwishingikirije cyane ku marangamutima y'uko
mwiyumva maze mukayagira icyangombwa gishingirwaho. Mutakaza byinshi binyuze muri iyo
migirire; ntabwo muri guca intege imitima yanyu gusa, ahubwo muraca intege n'imitima
y'ababahanze amaso. [3UB131]
Mugomba kwiringira Yesu ubwanyu, amasezerano y'Imana mukayagira ayanyu, bitabaye bityo
mwashobora mute kwigisha abandi kugira ibyiringiro bicishije make kandi byera muri Yo?
Mwiyumvamo ko mwirengagije inshingano, kandi ko mutasenze nk'uko mwagombaga kubikora.
[3UB131]
Mugaragara nk'abari kure ya Yesu, kandi mugatekereza ko yabaretse; ariko nimwe
mwitandukanyije na We. Ategereje ko muhindukira. Umutima ushenjaguritse azawakira.
N'akanwa ke yatwijeje ko yiteguye guha Mwuka Wera abamumusabye kuruta uko ababyeyi baba
biteguye guha abana babo ibyiza. [3UB131]
Twakomerekejwe kandi twanduzwa n'icyaha; none se twakora iki ngo dukire ibibembe byacyo?
Igihe bikigushobokera kubikora, boneza urusengero rw'umutima wawe urukuremo kwandura
kose, hanyuma urebe kuri "Ntama w'Imana ukuraho ibyaha by'abari mu isi" (Yohana 1:29).
[3UB132]
Niba usobanukiwe n'ubukene bwawe, ntugatakaze imbaraga zawe mu gutinda kuri ubwo bukene
cyangwa kubabazwa na bwo, ahubwo reba maze ubeho. Yesu ni we Mukiza wacu wenyine.
Nubwo miliyoni nyinshi z'abakeneye gukizwa bazanga imbabazi atanga, ariko nta n'umwe mu
biringira ibyo yakoze azareka ngo arimbuke. [3UB132]
Kuki wanga kuza kuri Yesu ngo aguhe uburuhukiro n'amahoro? Uyu munsi ushobora kubona
umugisha. Satani akubwira ko uri impezamajyo, kandi ntacyo wakwimarira. Ni ukuri; uri
impezamajyo. Ariko mwereke Yesu, maze umubwire uti: "Mfite Umukiza. Ndamwiringira, kandi
ntabwo azatuma nkorwa n'isoni. Neshereza mu izina rye. Ni we gukiranuka kwanjye, kandi ni
ikamba ryanjye ry'umunezero." Ntihagire rero umuntu n'umwe uri aha wumva ko ibye byarangire
nta garuriro bifite, kuko atari ko bimeze. [3UB132]
Bishobora kukugaragarira ko uri umunyabyaha, kandi ko ibyawe byarangiye; ariko ibyo ni byo
bituma ukeneye Umukiza. Niba ufite ibyaha ugomba kwatura, witindiganya upfusha igihe ubusa.
Iki ni igihe gikomeye cyane. "Ariko nitwatura ibyaha byacu, ni yo yo kwizerwa kandi ikiranukira
kutubabarira ibyaha byacu, no kutwezaho gukiranirwa kose" (1 Yohana 1 :9). Abafite inzara
n'inyota byo gukiranuka bazahazwa; kuko Yesu yabisezeranye. Mbega Umukiza dufite! Amaboko
ye aramburiye kutwakira, kandi umutima we wuje urukundo witeguye kuduha umugisha. The
Review and Herald, July 1, 1884. [3UB132]
Kwezwa Gupfuye-1885.-Hari umugabo, ni umugabura utari Umudiventisiti w'umunsi wa
karindwi, izina rye ni Brown, ubanza mumuzi." Uwo mugabo yavugaga ko yera. Yaravugaga ati:
"Igitekerezo kivuga kwihana ntikiri muri Bibiliya." Yakomeje agira ati: "Iyo hagize umuntu
unsanga akambwira ko yizera Yesu, ako kanya mpita mujyana mu itorero, yaba yarabatijwe
cyangwa se atarabatijwe; kandi ibyo nabikoreye abantu benshi." Uwo mugabo akomeza agira ati:
"Kandi maze imyaka itandatu ntakora icyaha." [3UB132]
Yakomeje avuga ati: "Ubwo kandi muri ubu bwato harimo abantu bamwe bizera ko twezwa no
[gukomeza] amategeko. Muri ubu bwato harimo umugore wigisha ibyo, izina rye ni White."
[3UB132]

41 Ellen White, yavuganaga n'abizera b'Itorero ry'Abadiventisti b'Umunsi wa Karindwi i Santa Rosa, California, taliki ya 7 Werurwe, 1885,
abaganirira ku byabaye mu bwato yarimo mu mwaka wari ushize, ubwo yari mu rugendo ava Portland, Oregon, yerekeza San Francisco,
California.-Abakusanyije inyandiko.

Ibyo narabyumvise, maze ntera intambwe ndamwegera ndamubwira nti: "Umukuru Brown, ba
wihanganye gato. Sinshobora kwemera ko ayo magambo agenda gutyo gusa. Madamu White
ntiyigeze avuga ikintu nk'icyo mu nyandiko ze izo ari zo zose, kandi ntiyigeze avuga ikintu nk'icyo,
kubera ko tutizera ko amategeko hari umuntu yeza. [3UB133]
"Twizera ko tugomba kubahiriza amategeko, nibitaba ibyo ntituzakirizwa mu bwami bwo mu
ijuru. Nta wica amategeko ushobora gukirizwa mu bwami bw'ubwiza. Ntabwo amategeko ari yo
agira uwo yeza, kandi nta n'ubwo adukiza. Ahubwo ayo mategeko arahagarara akarangurura cyane
ati: 'Mwihane muhindukire, ibyaha byanyu bihanagurwe. Iyo bibaye bityo, umunyabyaha asanga
Yesu, maze igihe asezeranye ko azumvira ibyo amategeko asaba, Yesu amuhanaguraho ibizinga
by'icyaha maze akamuha umudendezo, ndetse akamuha imbaraga zikomotse ku Mana."-
Manuscript 5, 1885. [3UB133]
Umudendezo Utera Kwica Amategeko ni Ikinyoma-1886. Muzumva abantu basakuza bati:
"Izere gusa." Satani yarizeraga kandi agahinda umushyitsi. Tugomba kugira kwizera gukoreshwa
n'urukundo kandi kukeza umutima. Hari igitekerezo cyabaye gikwira ko Kristo yaturangirije
byose, kandi ko dushobora gukomeza gucumura amategeko y'Imana ntituzabibazwe. Iki ni
ikinyoma gikomeye umwanzi yahimbye. Tugomba kwiyemeza ko tutazica amategeko y'Imana uko
byagenda kose, kandi tugakomeza kumera dutyo mu buryo bw'umwuka kugira ngo tubashe
kwigisha abandi iby'umwuka. -Manuscript 44, 1886. [3UB133]
Kugira Imbaraga zo Gukora Ibyiza Binyuze muri Yesu-1886. - Kristo yari azi ko umuntu
adashobora kunesha atamufashije. Kubw'ibyo rero, Yesu yemeye kwiyambura ikanzu ye ya cyami,
maze ubumana bwe abwambika ubumuntu kugira ngo tube abatunzi. Yaje kuri iyi si, arababara,
kandi azi kubabarana natwe no kudufasha ngo tuneshe. Yaje kuzanira umuntu imbaraga
zimubashisha gukora icyiza, kandi ntiyifuza ko umuntu yiyumvamo ko ntacyo yakora, kuko buri
wese afite umurimo agomba gukora ubwe, kandi binyuze mu byo Yesu yakoze dushobora kunesha
icyaha n'umubi. -Manuscript 46, 1886. [3UB133]
Iyobokamana ryo Gushimisha Abantu Rikerensa Icyaha-1887. - "Nzabaha n'umutima mushya,
mbashyiremo umwuka mushya." Nizera n'umutima wanjye wose ko Mwuka w'Imana ari kugenda
akurwa mu isi, kandi ko abahawe umucyo mwinshi n'amahirwe menshi ntibabikoreshe ari bo
bazabanza kurekwa. Bateye Mwuka w'Imana agahinda arigendera. Ibikorwa bya Satani muri gihe
ari gukorera mu mitima, mu matorero no mu mahanga byagombye gutangaza umuntu wese wiga
ubuhanuzi. Imperuka iri hafi. Amatorero yacu akwiye guhaguruka. Mureke imbaraga ihindura
y'Imana yumvikane mu mitima y'abizera buri wese ku giti cye, bityo tuzabona gukora gukomeye
kwa Mwuka w'Imana. Kubabarirwa ibyaha gusa si byo byonyine twazaniwe n'urupfu rwa Yesu.
Yatanze igitambo [3UB133] kitagira akagero atari ukugirango icyaha gikurweho gusa, ari no
kugirango kamere muntu yongere kuzahurwa, yongere kugirwa nziza, yongere kubakwa ikuwe
mu musaka, igirwe ikwiriye kuzaba imbere y'Imana... [3UB134]
Kristo ni We rwego Yakobo yeretswe rushinze ku isi rukagera hejuru mu ijuru. Ibi byerekana
uburyo bwo gukiza umuntu bwaringanyijwe. Tugomba kuruzamuka ingazi ku ngazi. Niba hari
uzakizwa muri twe, bizaterwa nuko yakomeje kwizirika kuri Kristo nk'uko tubigenza ku ngazi
z'urwego. Ku mwizera, Kristo amuhindukira ubwenge no gukiranuka, kwezwa no gucungurwa...
[3UB134]
Hazaba kugwa kumwe gukomeye ku bantu batekereza ko bahagaze bashikamye kubera ko bafite
ukuri; nyamara bakaba batagufite nk'uko kuri muri Yesu. Kurangara kw'akanya gato gushobora
kugusha ubugingo mu kurimbuka gukomeye. Icyaha kimwe kiyobora ku kindi, maze icya kabiri
kigategurira inzira icya gatatu bityo bityo. Nk'intumwa z'Imana ziringirwa, tugomba kuyisaba
ubudahwema kugira ngo turindwe n'imbaraga zayo. Niduteshuka gato ku nshingano yacu, tuzaba
turi mu kaga ko gukurikira inzira y'icyaha igana mu irimbukiro. Hari ibyiringiro kuri buri wese
muri twe, ariko biboneka mu nzira imwe gusa: ni kubwo kwizirika kuri Kristo, no gukoresha
imbaraga zose ngo tugere ku kubonera kw'imico Ye. [3UB134]
Iri yobokamana ryo gushimisha abantu rikerensa icyaha kandi buri gihe rigatinda ku rukundo
Imana ikunda umunyabyaha, rishishikariza umunyabyaha kwizera ko Imana izamukiza nubwo
akomeza kwivuruguta mu cyaha kandi azi neza ko ari icyaha. Uku ni ko benshi mu bavuga ko
bizera ukuri kw'iki gihe bakora. Ukuri gutandukanywa n'uko babayeho, ni yo mpamvu kutakigira
imbaraga yemeza kandi igahindura ubugingo. Hagomba kubaho gukoresha buri mutsi wose
n'umwuka ndetse n'imikaya yose ngo twitandukanye n'isi, imigenzo yayo, imigenzereze yayo
ndetse n'ibigezweho byayo..." [3UB134]
Nimuzibukira icyaha kandi mukarangwa no kwizera kuzima, ubutunzi bw'imigisha yo mu ijuru
buzaba ubwanyu. -Letter 53, 1887. [3UB134]
Kugaruka kwa Yesu Gushyira Iherezo ku kwitegura K'Umutima-1888. Ikanzu y'imico yawe
igomba kumeswa mu isoko yafunguriwe kweza imyanda yose kugeza ubwo itagifite ikizinga.
Agaciro kawe k'imico kazapimirwa mu minzani yo mu buturo bwera, kandi nugaragara ko
udashyitse, uzazimira by'iteka ryose. Gusharira kose n'ububi bwose bigomba gukurwa mu mico
yawe mbere yuko Yesu agaruka; kuko nagaruka, imyiteguro y'umutima wose izashyirwaho
iherezo. [3UB134]
Niba mutarazibukiriye igomwa ryanyu, ishyari n'urwango mugirirana, ntimushobora kwinjira mu
bwami bw'Imana. Kuko ibyo ni byo gusa mwajyanayo; nyamara nta kintu giteye gitya kizarangwa
mu isi izaza. Nta kindi kizabayo uretse urukundo, ibyishimo no guhuriza hamwe. Abantu bamwe
bazaba bafite amakamba arabagirana kurusha ay'abandi, ariko nta [3UB134] bitekerezo by'ishyari
bizarangwa mu mitima y'abacunguwe. Buri wese azaba anyuzwe rwose, kuko buri wese
azagororerwa ibikwiriye ibyo yakoze. -The Signs of the Times, Feb. 10, 1888. [3UB135]
 IGICE CYA 21

IBYO Ellen G. WHITE YATANGAJE KU NAMA YABEREYE | MINNEAPOLIS

AMAGAMBO AGARAGAZA IMVANO Y'IBYABEREYE MU NAMA

Iki gice kigaragaza amagambo yateguwe na Ellen White ibyumweru bike nyuma y'isoza ry'inama
y'Inteko Nkuru yo mu 1888. Yasubije amaso inyuma ku byabaye hanyuma asobanura
ibyahabereye. Inama zabereye i Minneapolis zagiye zumvikana neza uko amezi yagendaga ahita,
kandi amagambo ya Ellen White atanga umucyo uruseho kandi afite akamaro. Incamake igaragaza
amateka y'ibyahebereye irahari. [3UB136]
Inama y'Inteko Nkuru Rusange yabereye i Minneapolis yaranzwe no kwiga Bibiliya no kungurana
ibitekerezo ku mategeko avugwa mu rwandiko rw'Abagalatiya ndetse no gukiranuka kwa Kristo
kwakirwa kubwo kwizera. [3UB136]
Iyi nama yitabiriwe n'abantu mirongo icyenda n'umwe bari boherejwe guhagararira abandi,
yabereye i Minneapolis, muri Leta ya Minnesota, kuva taliki ya 17 Ukwakira igeza ku ya 4
Ugushyingo, ibera mu rusengero twari tumaze kuzuza. Nkuko bimenyerewe, hari n'umubare
munini w'Abadiventisiti b'Umunsi wa Karindwi batoherejwe guhagararira abandi. Inama
yabanjirijwe n'ibyigisho byerekeranye n'umurimo byamaze iminsi irindwi, guhera ku italiki ya 10
Ukwakira kugeza ku italiki ya 16 z'uko kwezi. Ibyigisho bisesengura Bibiliya byatangiriye muri
bya byigisho byavugaga ku murimo w'Itorero mu ngingo zimwe byakomeje kwigishwa no mu
Nama y'Inteko Nkuru Rusange, bigafata isaha imwe yagenewe kwiga Bibiliya. [3UB136]
Ellen White yari ahari kandi aboneka muri ibyo byigisho byavugaga ku murimo kimwe no mu
Nama yamaze iminsi cumi n'icyenda. Inama ubwayo [3UB136] yari imeze nk'uko bisanzwe, ariko
irimo ibintu by'ingirakamaro. Twakiraga raporo kandi hakabaho inama z'ibyiciro bitandukanye,
nk'Ishuri ryo ku Isabato, Ubuzima no Kwirinda, Inyandiko n'Ibwirizabutumwa, nazo zarakozwe.
Ibyerekezo bitandukanye by'umurimo w'ivugabutumwa byahawe abagabura, hashyirwaho za
gahunda zo guteza imbere umurimo, abakozi baratorwa, na za komite zitandukanye zishyirwaho.
[3UB137]
W. C. White watugejejeho incamake yanditswe y'ibyagezweho n'ibitekerezo, kandi iminsi ibiri
mbere y'uko inama irangira yandikiye umwe mu bagabura bagenzi bacu wari muri Leta
z'amajyepfo amagambo akurikira: [3UB137]
"Turi hafi gusoza indi Nama y'Inteko Nkuru Rusange, kandi mu minsi mike intumwa zihagarariye
abizera zizaba zamaze gutandukana zasubiye aho zikorera umurimo, bityo tube dutangiye undi
mwaka w'umurimo. [3UB137]
"Iyi nama yari inejeje cyane, kandi nubwo itaranzwemo amahoro no kumvikana nk'uko byari
bisanzwe, ariko bishoboka ko ari yo nama y'ingirakamaro kuruta izo twigeze kugira, kuko hari
amahame y'ingenzi yashyizwe ahagaragara, imyanzuro imwe n'imwe igafatwa, kandi ikazaba
iyagaciro gaheranije, kuko ishobora kuzagira uruhare mu murimo w'igihe kizaza. Benshi bavuye
muri iyi nama biyemeje kwiga Bibiliya kuruta uko bari basanzwe babikora, kandi ibi bizabyara
kubwiriza mu buryo busobanutse kurushaho. [3UB137]
"Nk'uko wabibonye ntagushidikanya mu kinyamakuru cy'Inteko Nkuru Rusange intambwe
nyinshi zijya mbere zatewe mu murimo w'ivugabutumwa rikorerwa mu bindi bihugu, kandi hari
n'ibintu byiza byagezweho ngo biteze imbere umurimo ukorerwa mu Majyepfo".- Ibaruwa W. C.
White yandikiye Smith Sharp, yandikirwa Minneapolis, muri Leta ya Minnesota, Ugushyingo 2,
1888. [3UB137]
Bizagaragara ko muri raporo yakozwe ku byagezweho, Umukuru White yavuze ibyo kubura kw'
"amahoro no guhuza kwari gusanzwe kugaragara" mu biganiro byacu by'Inama y'Inteko Nkuru
Rusange. Aha yerekezaga ku mpaka zerekeranye n'inyigisho z'iyobokamana zatumye Inama
yabaye mu 1888 itandukana n'izindi zakozwe n'Inteko Nkuru Rusange mu mateka
y'Abadiventisiti. [3UB137]
Izi mpaka zatangiriye muri bya byigisho byerekeranye n'umurimo byamaze icyumweru cyose.
Icyo gihe ukurikije ibyari biteganyijwe kuri gahunda, ingingo zivuga iby'amami icumi, ubumana
bwa Kristo, gukira Kuruguma rwica, no gutsindishirizwa n'ubuntu kubwo kwizera zagombaga
kuganirwaho. Impaka zerekeranye n'amami icumi zari zikomeye cyane kandi zatwaye igihe kinini.
Izindi ngingo zari ziteganyijwe zagiye zigizwa inyuma. Ibyigisho biri hafi gusozwa, Umukuru E.
J. Waggoner, umuyobozi wungirije w'ikinyamakuru Ibimenyetso by'Ibihe [The Signs of the
Times], [3UB137]

42 The General Conference Bulletin

yatangiye irindi tsinda ry'ibyigisho ku mategeko avugwa mu rwandiko cy'Abagalatiya, byaje

kwinjira mu cyigisho cye cyerekeranye no kwizera kumukristo no gukiranuka kwa Kristo. Ibi
bikaba byarakomereje no mu cyumweru cya mbere cy'Inama y'Inteko Nkuru Rusange. [3UB138]
Iritsinda ry'ibyigisho, by'umwihariko ibyakoraga ku ngingo y'amategeko avugwa mu rwandiko
rw'Abagalatiya yatezaga ibice mu bantu, ni ryo ryakongeje impaka zakurikiyeho. Nta nyandiko
yerekerenye n'izo mpaka yanditswe, ariko inyandiko z'umwe cyangwa babiri mu bari bahagarariye
abandi, ibyanditswe na Ellen White, n'ibyakusanyijwe bikuwe muri benshi byagaragaje uko izo
mpaka zari zikomeye ndetse n'ingaruka mbi cyane zaturutse ku nyifato ya benshi mu bari
abayobozi b'ibirangirire mu itorero. [3UB138]
Ndetse na mbere yuko intuma zihagarariye abandi ziteranira i Minneapolis hari harabaye impaka
kuri za ngingo fatizo z'iyobokamana mu myaka myinshi. Kandi mu mitima ya bamwe hari
haramaze kubakwamo imico yo kurwanya no kwanga ubutumwa bw'imiburo no gucyaha
bwaturukaga kuri Ellen White. Ellen White yabonye hakiri kare imyifatire idasanzwe yuzuye
umwuka wo guhangana yagaragarizwaga na bamwe mu bagabura bakomeye. [3UB138]
Ubwo E. J. Waggoner yayoboraga ikiganiro cyo gusesengura iby'amategeko avugwa mu rwandiko
rw'Abagalatiya nagakiza kubwo kwizera, umwuka w'impaka ni wo wiganje muri bamwe bari bari
muri ibyo biganiro. Ibyo byahungabanyije cyane Ellen White. Nubwo atari yiteguye kumvikana
n'Umukuru Waggoner ku ngingo zose zari mu biganiro yatanze ku mategeko avugwa mu rwandiko
rw'Abagalatiya, umutima we wasusurukijwe n'uburyo bugaragara Waggoner yasobanuraga mu
buryo bwumvikana neza iby'amahame yo gutsindishirizwa n'ubuntu kubwo kwizera ndetse no
gukiranuka duhabwa binyuze mu kwizera Kristo. Mu nama y'i Minneapolis, Ellen White yavuze
inshuro makumyabiri, ariko by'umwihariko mu materaniro y'abagabura yabaga karekare
mugitondo aho Ellen White yasabaga ko habaho kwiga Bibiliya bagiye ibitekerezo. Ellen White
ubwe ntiyigeze avuga ku ngingo yo gukiranuka kubwo kwizera. [3UB138]
Inyifato abantu bagaragaje kuri uku kuri kw'ingenzi zabaye uruvange. Mu Nama y'Inteko Nkuru
Rusange yabaye mu 1893, A. T. Jones, avuga ku buryo ukuri kwavugiwe i Minneapolis kwakiriwe,
yaravuze ati: "Nzi ko bamwe bakwakiriye; naho abandi barakwanga kose. Nawe ni ko ubizi.
Abandi na bo bagerageje guhagarara hagati, kandi uko ni ko bakomeje kumera."-The General
Conference Bulletin, 1893, 185. [3UB138]
Inshuro nyinshi impaka zarakomeraga. Abantu bamwe, kubwo gutinya ko uko gushimangira [izo
nyigisho] gushya kwari guca intege uruhande rukomeye itorero rihagazeho ku ngingo y'amategeko
y'Imana, by'umwihariko ukuri kw'Isabato, barwanyije ubutumwa bwo gukiranuka kubwo kwizera
bivuye inyuma. Nta myanzuro yafashwe n'inama kuri iyi [3UB138] ngingo cyangwa ku yindi
ngingo iyo ari yo yose yaganiriweho mu kwiga Bibiliya. [3UB139]
Mu ibaruwa Ellen White yanditse ubwo Inama y'Inteko Nkuru Rusange yasozwaga (ni ibaruwa
igaragara muri iki gice), yaravuze ati: "Ubutwari bwanjye no kwizera byabaye byiza", nubwo
byanyuze mu "ntambara ijya kuba nk'itakumvikana", kandi ubwo yabonaga inama ijya gusoza,
yashyize ahagaragara ibyo yemeraga avuga ko "iyo nama izavamo ikintu cyiza cyane" (Letter
82,1888). Ibyumweru bike nyuma yaho hari amagambo yanditse asubiza amaso inyuma ku
byabereye mu Nama y'Inteko Nkuru yabereye i Minneapolis, kandi umugabane munini w'ayo
magambo ari muri iki gice. [3UB139]
Mu byumweru n'amezi byakurikiye iyo Nama kurwanywa gukomeye kwagaragaye i Battle Creek,
ahari icyicaro gikuru cy'itorero kandi hakabarizwa bitatu mu bigo bikomeye by'itorero. Ellen
White ntiyabonekaga kenshi i Battle Creek, yabaga yagiye mu murimo ashyiriye amatorero
ubutumwa. Kenshi yakoranaga n'abakuru Jones na Waggoner kuko bose uko ari batatu bari
bahugiye mu kwigisha ukuri kw'agaciro kenshi K'ubutumwa bwiza. Yayoboye amateraniro
y'ingirakamaro kandi yagize umusaruro y'abagabura bacu muri Mutarama, 1889, ahitwa Safu
Lankasiteri (South Lancaster), aho benshi muri bo baboneye "umugisha bikomeye." Amakuru
y'uko byagenze turayasanga muri iki gice. [3UB139]
Ububiko bw'inyandiko za Ellen G. White burimo imbwirwaruhame ifite imbaraga yatanze ku
mahame y'ibanze y'agakiza kubwo kwizera nk'uko yatangiwe mu materaniro makuru yabereye
Ottawa, muri Leta ya Kansas, muri Gicurasi 11, 1889. Iyi mbwirwaruhame ndetse n'ibyo yanditse
ku kuntu abantu bayakiriye bigaragara mu gitabo cya E G. White kivuga ibyo Kwizera n'Imirimo
(Faith and Works, pp. 63-84). [3UB139]
Habaye intsinzi i Chicago, i Denver, Colorado, aho mu materaniro makuru yabaye muri Nzeri,
1889, Ellen White yaganirije abakozi ku bukene mu byerekeranye n'ubusobanuro nyakuri bwo
gukiranuka kubwo kwizera. Ibyavugiwe i Denver turabisanga muri iki gice. [3UB139]
Igihe yari mu Nama y'Inteko Nkuru Rusange yateranye mu 1889, umwaka umwe nyuma
y'iyabereye i Minneapolis, Ellen White yaravuze ati: [3UB139]
"Dufite amateraniro [inama] arushijeho kuba meza cyane. Umwuka wari waranze iteraniro ry'i
Minneapolis ntawe uboneka hano. Byose biragenda bisimburana neza. Hari intumwa nyinshi mu
iteraniro. Iteraniro ryacu rya saa kumi n'imwe za mu gitondo rifite abantu benshi kandi amateraniro
ni meza. Ubuhamya bwose numvise bwari ubuhamya bwubaka. Bavuga ko umwaka ushize
wabaye umwaka uhebuje iyindi mu buzima bwabo; umucyo waka uturuka mu Ijambo ry'Imana
warumvikanye kandi wari usobanutse-gutsindishirizwa ku bwo kwizera, Kristo gukiranuka
kwacu. Ibyo twabonye kandi twumvise byaradushimishije [3UB139] cyane.»-Manuscript 10, 1889
(Byasohotse mu Ubutumwa Bwatoranyijwe, Vol.1, p. 416). [3UB140]
Ku italiki ya 3 Gashyantare, 1890, ubwo gatangaga ikiganiro ku murimo agiha abagabura bari
bateraniye i Battle Creek, yabasubiriyemo ibyo yagiye ahura nabyo mu murimo yakoze mu 1889.
Amagambo yavuze akoze umugabane w'ingenzi w'iri riburiro: [3UB140]
"Twagendaga tunyura ahantu hatandukanye haberaga amateraniro ku buryo nashoboraga
guhagararana n'intumwa z'Imana nari nzi ko ari intumwa zayo koko: ni abo nari nzi ko bafite
ubutumwa bugenewe ubwoko bwayo. Ubutumwa natanze bwari buhuje neza n'ubutumwa bari
batwaye. Icyo twabonye ni iki? [3UB140]
"Twabonye imbaraga yigaragaza muri ubwo butumwa. Aho twakoreye hose (kandi bamwe bazi
uko twakoze bikomeye) ntekereza ko cyari icyumweru cyose, twagendaga karekare mugitondo na
nimugoroba tugiye i Chicago, kugirango ibi bitekerezo tubigeze ku mitima ya benedata. [3UB140]
"Umwanzi yakoze umwaka wose ngo arimbure ibyo bitekerezo-byose uko byakabaye. Byari
bikomeye cyane guhindura ibitekerezo byabo bya kera. Batekerezagako bakwiriye kwiringira
gukiranuka kwabo, bakiringira imirimo yabo, bagakomeza kwitegaho amakiriro, ntibagire
gukiranuka kwa Kristo ukwabo, ngo bagutuze mu bugingo bwabo, no mu mico yabo. Aho
twahakoreye icyumweru kimwe... Icyumweru kimwe cyarangiye nta kuruhuka, maze imbaraga
z'Imana, zimeze nk'umuraba ukomeye, zigaragara mu iteraniro ryari aho. Reka mbabwire, abantu
bagombaga kubohorwa; bagombaga kwerekwa Ntama w'Imana ukuraho ibyaha by'abari mu isi.
[3UB140]
"Kandi aho i Safu Lankasiteri (South Lancaster), imbaraga zikomeye za Mwuka w'Imana zari
zihari. Bamwe mu bari hano bari bari muri ayo materaniro. Imana yagaragaje icyubahiro cyayo,
kandi buri munyeshuri wo mu Kigo cy'amashuri yagejejwe ku muryango yagombaga kwihaniraho;
Mwuka w'Imana yakoreraga aho hantu. [3UB140]
"Kandi uko [ni ko byari bimeze] aho twajyaga hose. Aho twajyaga hose twabonaga Mwuka
w'Imana akora. [3UB140]
"Mbese mutekereza ko, nka ba babembe icumi, nari guceceka, maze sinshyire ijwi ryanjye hejuru
ndirimba gukiranuka kw'Imana ngo nyisingize kandí nyihimbaze? Ngerageza kubereka
gukirakuna kw'Imana, ngo mubone ibihamya nk'ibyo nabonye: ariko mbona amagambo asa n'aho
aheze mu kirere cyambaye ubusa; none ibyo bizageza ryari? Bizageza ryari abafite uruhare
rukomeye muri uyu murimo bakomeza kurwanya Imana? Bizageza ryari abantu bari aha bakomeza
kubashyigikira mu gukora batyo? Benedeta, nimuve mu nzira. Nimukure amaboko yanyu ku
nkuge y'Imana, [3UB140] maze mureke Umwuka w'Imana yinjire yikorere umurimo mu mbaraga
ikomeye."-Manuscript 9, 1890. [3UB141]
Mwite ku magambo avuye ku mutima ushengutse yo mu gika dusoje. Nubwo kwakirwa
k'ubutumwa bw'agakiza kubwo kwizera kwarwanyijwe na bamwe bari mu mu Nama y'Inteko
Nkuru i Minneapolis kandi kukaza kwemerwa n'abandi mu minsi yakurikiyeho, kurwanya ubwo
butumwa kwakomeje gukura vuba mu mutima w'umurimo. Nk'uko Ellen White abivuga, uko
abizera b'itorero babwakiraga mu duce tunyuranye, byari bitandukanye. Kurwanya ubwo butumwa
kumaramaje kwakozwe na bamwe mu bakoreraga ku cyicaro Gikuru cy'itorero kwadindije
bikomeye umurimo Umwami Imana yari agambiriye ko ukwiriye kurangizwa. [3UB141
Ubwo umwaka wa 1890 wari ugiye kurangira, ibi Ellen White yabyanditseho agira ati:
"Urwikekwe n'ibitekerezo byaganje i Minneapolis ntaho byagiye rwose; imbuto zahabibiwe mu
mitima ziteguye kumera no kwera imbuto" (Testimonies to Ministers, p.467). [3UB141
Mu bijyana n'ibi kandi yaranditse ati: "Bamwe ntibashoboye gutandukanya izahabu itunganye
n'inkamba."" Kandi_yongeyeho ati: "Iyobokamana nyakuri, ari ryo yobokamana ryonyine rya
Bibiliya, ryigisha kubabarirwa binyuze mu byo Úmukiza wabambwe akazuka yakoze kandi
rigashyigikira gukiranuka kubwo kwizera Umwana w'Imana, ryacishijwe bugufi, rirarwanywa,
rirasuzugurwa kandi rirangwa."-Testimonies to Ministers and Gospel Workers, p.468. [3UB141
Mu gitabo cye yise Guca mu Makuba Ukagera ku Ntsinzi, Umukuru A. V. Olson yavuze ku mateka
kandi asesengura impinduka nziza zagiye ziba gahoro gahoro mu myaka itanu cyangwa itandatu
nyuma y'inama yabereye i Minneapolis. [3UB141
Nubwo byari bimeze gutyo, habayeho kudindiza umajyambere y'umurimo w'Imana mu buryo
bubabaje. Ellen White ibyo yari abizi kandi hari igihe yagiye abivuga, kenshi mu magambo asa
n'atunguranye. Nyamara, nta gihe yigeze avuga cyangwa ngo atangaze ko abayobozi b'itorero
banze ku mugaragaro ubutumwa bw'agaciro kenshi bwahawe Inteko Nkuru Rusange mu 1888.
Ibiramambu, ku italiki ya 19 Ukuboza, 1892, nyuma y'imyaka ine iyo nama ikomeye ibaye, mu
ibaruwa yoherereje avuga ati: "Benedata nkunda bo mu Nteko Nkuru Rusange," yavuze
amagambo arangwa n'intsinzi agira ati: [3UB141
"Iyo nongeye kureba amateka y'ibyatubayeho, maze guca muri buri ntambwe yose yo kujya mbere
kugeza uko tumeze ubungubu, nshobora kuvuga nti: "Imana ihimbazwe!" Iyo nitegereje ibyo
Uwiteka yakoze byose, nuzura gutangara cyane no kugirira icyizere Kristo, Umuyobozi wacu. Nta
[3UB141]

43Soma Testimonies to Ministers and Gospel Workers, p. 363.

44Testimonies to Ministers, 467.
45Through Crisis to Victory.

kintu na kimwe cy'ahazaza tugomba gutinya, keretse turamutse twibagiwe uburyo Uwiteka
yatuyoboye, n'ibyo yatwigishirije mu mateka y'ibyatubayeho mu gihe cyashize. Úbu noneho turi
ubwoko bukomeye, niba tuzashyira ibyiringiro byacu mu Mwami; kubera ko dufite ukuri
gukomeye kw'ijambo ry'Imana. Dufite ikintu cyose gikwiriye kudutera gushima."-The General
Conference Bulletin, 1893, 24 (Life Sketches, 196; Testimonies to Ministers and Gospel Workers,
31). [3UB142]
Nanone kandi, mu 1907 yaranditse ati: "Itorero rigomba kwiyongera mu mikorer kandi rikagura
imbibe zaryo... Nubwo habaho gutsindwa gukomeye mu muhati wo kugumana ikituranga
kidutandukanya n'abandi, nk'Abakristo bemera Bibiliya twakomeje kujya tunesha."-Letter 170,
1907 (Ubutumwa Bwatoranyijwe 2016, Vol. 2, p. 450). [3UB142]
Dutangiye igice kivuga amateka cy'uyu mugabane twifashishije aya makuru y'ibyabayeho. -
Abakusanyije inyandiko. [3UB142]

AMASEZERANO Y'AGAHOZO UGERERANYIJE N'AMASHUSHO YIJIMYE

Kubwo kwizera nahangaye kwambuka Imisozi y'Ibiharabuge mfite umugambi wo kwitabira Inama
y'Inteko Nkuru Rusange yabereye i Minneapolis.... [3UB142]
Aho Minneapolis twateranye n'inteko nini y'abagabura bahagarariye abandi. Bigitangira mu nama
nahabonye umwuka wanteye guhangayika. Havugirwaga ibibwirizwa bitahaga abantu ifunguro
bari bakeneye cyane. Ipica yijimye kandi icuze igihunya yashyizwe imbere yabo ngo ibe mu
bwenge bwabo bajye bayibuka. Ibi ntibyashoboraga kuzana umucyo n'umudendezo
w'iby'umwuka, ahubwo byagombaga kuzana gucika intege. [3UB142]
Ku gicamunsi cyo ku Isabato [Ukwakira 13, 1888], numvise mpatwa na Mwuka w'Imana ngo
menyeshe abari bitabiriye inama urukundo Imana igaragariza ubwoko bwayo. Umutima
ntiwagombaga kwemererwa gutinda cyane ku ngingo zisa n'aho zitera ibibazo zijyanye no kwizera
kwacu. Kubwo kwizera, Ijambo ry'Imana rishobora kugereranywa n'ubusitani bwuzuye indabo
z'amaroza, amarebe n'izindi, dushobora kurikuramo amasezerano y'agahozo Imana yatanze,
tukayagira ay'imitima yacu, kandi tukagira ubutwari (rwose tukishimira mu Mana), bitabaye ibyo
dushobora gukomeza guhanga intekerezo zacu ku mahwa n'ibitovu maze tukikomeretsa bikomeye
kandi tukitotombera ubuzima bugoye dufite. [3UB142]
Imana ntinezezwa no kubona ubwoko bwayo bumanika amapica yijimye kandi ababaje mu
ntekerezo zabo. Yifuza ko buri muntu asoroma indabyo nziza z'amaroza, amarebe n'izindi, mu
cyumba cy'intekerezo zabo hakamanikwamo amasezerano y'agahozo y'Imana yumbura mu
busitani bw'Imana. Imana ishaka ko twatinda kuri ayo masezerano, ibyumviro byacu bigatyazwa
kandi bikabonezwa, tukayakira mu mwuzuro wa yo, [3UB142] tukavuga iby'ibyishimo
byadushyizwe imbere. Ishaka ko tuba mu isi, ariko tutari ab'isi, urukundo rwacu rugakomera ku
bintu bizahoraho iteka ryose. Yifuza ko twajya tuganira ku byo yateguriye abayikunda. Ibi
bizakurura intekerezo zacu, bikangure ibyiringiro byacu n'ibyo dutegereje, kandi bikomereze
imitima yacu kwihanganira intambara n'ibirushya by'ubu bizima. Uko dutinda kuri ibyo Imana
izakomeza kwizera n'ubushizi bw'amanga bwacu. Izakuraho inyegamo maze turabukwe umurage
w'abera. [3UB143]
Uko nagaragazaga ubugwaneza, urukundo, n'imbabazi bya Data wo mu ijuru, niyumvishemo ko
Mwuka w'Imana atari kuri jye gusa ko ahubwo yari no ku bwoko bwe. Umucyo, umudendezo
n'umugisha byageze ku bari bateze amatwi maze bakirana umutima ukunze amagambo
yavugwaga. Amateraniro yo gusabana yakurikiyeho yabaye igihamya cy'uko Ijambo ry'Imana
ryabonye icyicaro mu mitima y'abari bateze amatwi. Benshi batanze ubuhamya ko uwo munsi ari
wo ubanejeje kurusha indi mu buzima bwabo, kandi koko cyari igihe cy'agahozo, kuko twamenye
ko Umwami Yesu yari muri ayo materaniro kugira ngo aduhe umugisha. Nari nzi ko guhishurwa
kudasanzwe kwa Mwuka w'Imana kwari gufite umugambi, wari uwo gukuraho gushidikanya,
gusubiza inyuma umuraba wo kutizera wari waramaze kwinjira mu mitima no mu ntekerezo bya
benshi ku byerekeye Ellen White n'umurimo Imana yari yaramuhaye gukora. [3UB143]
Benshi Barahembuwe, Ariko si Bose. Iki cyari igihe cy'ihembura ku bantu benshi, ariko hari
bamwe ritagezeho. Ubwo bari bakimara kubona ko Ellen White atemeranya n'ibitekerezo byabo
byose kandi ngo ahuze n'ibyifuzo n'imyanzuro yagombaga gutorerwa muri iyo nama, igihamya
bari bahawe cyagize agaciro gake kuri bamwe nk'uko byagenze ku bumvise amagambo Kristo
yigishirije ab'Inazareti mu isinagogi. Imitima yabo [abari bateze amatwi i Nazareti] yakozweho na
Mwuka w'Imana. Bumvise nk'aho Imana ivugana na bo binyuze mu Mwana wayo. Babonye, kandi
biyumvamo imbaraga ya Mwuka w'Imana kandi bose babaye abahamya b'amagambo yuzuye
ubuntu yavaga mu kanwa ke. Ariko Satani yari iruhande rwabo no kutizera kwe maze bemera
guhinyura no gushidikanya, bityo bikurikirwa no kutizera. Bazimije Mwuka w'Imana. Mu burakari
bwabo baba baratembagaje Yesu ku manga y'umusozi iyo Imana itamutabara ngo
adahungabanywa n'umujinya wa bo. Iyo Satani amaze kwigarurira umutima ahindura abasazi
n'abadayimoni abagaragaraga nk'abantu b'ibitangarirwa. Urwikekwe, ubwibone, no kwinangira ni
byo bisigara bigenzura umutima w'umuntu. [3UB143]
Ellen White Ajya Inama na Bamwe mu Bayobozi. -Nari narigeze kwakira ibaruwa ndende
iturutse ku mukuru Butler, kandi nayisomanye ubwitonzi. Natangajwe n'ibyari byanditswemo.
Nabuze uko nifata kubw'iyo baruwa, ariko kuko ibitekerezo byari biri muri iyo baruwa byari
bimeze nk'ibyakoreshaga kandi bigatwara basaza banjye b'abagabura, nahamagaye [3UB143]

46 Umuyobozi w'Inteko Nkuru Rusange yari yaragumye i Battle Creek kubera uburwayi.

bake muri bo tujyana mu cyumba cyo hejuru maze mbasomera iyo baruwa. Nta n'umwe muri bo
wagaragaraje ko atangajwe n'ibyari biri muri iyo baruwa, ndetse benshi bavuze ko bari bazi ko
ibyo ari byo bitekerezo by'umukuru Butler, kubera ko bari baramwumvise avuga ibintu nk'ibyo.
[3UB144]
Ubwo nahise nsobanura ibintu byinshi. Navuze ko ibyo nari nzi ari inzira itunganye kandi
ikiranuka ikwiriye gukurikizwa, umuntu umwe ku wundi, mu murimo wo gucukumbura
Ibyanditswe. Nari nzi ko itsinda riri imbere yanjye ritabonaga ibintu byose mu mucyo nyakuri,
bityo ibyo byatumve mvuga ibintu byinshi. Ibyo navuze byose byashyize ahagaragara amahame
atunganye agomba gukurikizwa, ariko natunyaga ko amagambo yanjye ntacyo yakoze ku mitima
yabo. Bumvaga ibintu mu buryo bwabo, maze umucyo nababwiye ko nahawe wababereye
nk'imigani itagira agaciro. [3UB144]
Irarika Ryatangiwe mu Materaniro ya Mugitondo. --Numvaga mbabaye cyane mu mutima
bitewe n'uko ibintu byari bimeze. Byatumye ndarika benedata n'abavandimwe banjye mbinginga
igihe bari bateranye mu materaniro ya mugitondo, maze mbahendahendera dukwiriye gufata icyo
gihe tukakigira umwanya ukwiriye kutwungura, tugafatanyiriza hamwe kurondora mu Byanditswe
dufite imitima icishijwe bugufi. Nabasabye ko nta mudendezo uri buhabe wo kuvuga ku bintu
bumva badasobanukiwe neza. [3UB144]
Bose bari bakeneye kwigira amasomo mu ishuri rya Kristo. Yesu yarararitse ati: "Mwese
abarushye n'abaremerewe, nimuze munsange, ndabaruhura. Mwemere kuba abagaragu banjye,
munyigireho; kuko ndi umugwaneza kandi noroheje mu mutima; namwe muzabona uburuhukiro
mu mitima yanyu: kuko kunkorera kutaruhije, n'umutwaro wanjye utaremereye" (Matayo 11:28-
30). Niba buri munsi twiga amasomo yo kwicisha bugufino kwiyoroshya mu mutima, ntihazabaho
amarangamutima nk'ayagaragaye muri aya materaniro. [3UB144]
Hari ibitekerezo bitandukanye ku ngingo zimwe na zimwe, ariko se ibyo byaba impamvu
z'amarangamutima akakaye? Mbese igomwa no kunegurana no gutekereza ibibi, gukekeranya
kubi, urwango n'ishyari bikwiye kwimikwa mu mitima? Ibi byose ni ibibi gusa gusa. Ubufasha
bwacu buri mu Mana yonyine. Nimutyo dufate igihe gihagije dusenga kandi turondora mu
Byanditswe n'umutima utunganye (umutima uhangayikishijwe no kwiga ndetse wifuza gukosorwa
no kuvanwa mu kwishuka ku ngingo yose twaba twibeshyaho. Niba Yesu ari muri twe kandi
imitima yacu ikoroshywa n'urukundo rwe, tuzagira inama ihebuje kuruta izo twigeze kwitabira."
[3UB144]
Inama Yakozwemo byinshi kandi y'Ingirakamaro. -Hari byinshi byagombaga gukorwa.
Umurimo wari waragutse. Misiyoni nshya zari zarafunguwe kandi amatorero mashya arahangwa.
Abantu bose bari bakwiriye guhiriza hamwe bakagishanya inama nta wishisha [3UB144]
nk'abavandimwe bari ku murimo mu murima munini ugomba gusarurwa, bose bagakora
bashishikaye mu mashami atandukanye y'umurimo, kandi nta bwikanyize bagashaka uburyo
umurimo w'Imana wakorwa mu buryo bunoze kurushaho. Nk'abitabiriye inama, niba harigeze
kubaho igihe twigeze gukenera ubuntu bwihariye no kumurikirwa na Mwuka w'Imana, ni muri iyi
nama. Hari imbaraga ituruka ikuzimu igakoresha ingaga runaka kugira ngo zizane impinduka mu
itegekonshinga n'amategeko by'igihugu cyacu, kandi izo mpinduka zizashyire mu bubata
umutimanama w'abantu bose bakomeza Isabato ivugwa na Bibiliya, kandi isobanurwa mu buryo
bwumvikana neza mu itegeko rya kane ko ari umunsi wa karindwi. [3UB145]
Igihe cyarageze aho buri wese yagombye kuba ari gukora inshingano ye uko ashoboye kose kugira
ngo ashyire hejuru kandi ashyigikire amategeko y'Imana imbere y'ab'ishyanga ryacu ubwabo
ndetse n'imbere y'ab'isi, agakoresha ubushobozi bwe bwose n'impano zose yahawe. Abantu benshi
bagizwe impumyi, kandi bayobejwe n'abavuga ko ari abagabura b'ubutumwa bwiza, kandi batera
benshi kubatekereza ko bari gukorera Imana umurimo mwiza nyamara bari gukora umurimo wa
Satani. [3UB145]]
Ingamba Karundura za Satani. -Ubu, Satani yakoresheje inama ashaka uko yacecekesha
ikaramu n'ijwi by'Abadiventisiti b'Umunsi wa Karindwi. Aramutse ashoboye kubarangaza no
guteshura imbaraga zabo mu cyerekezo kugira ngo abace intege kandi abacemo ibice, ibyo yifuza
byaba bigezweho. [3UB145]
Satani yakoze umurimo we agera ku ntego ku rwego runaka. Habayeho gutandukana mu
bitekerezo, kandi habaho kwirema ibice. Habayeho ishyari no gukekeranya ibibi bikabije.
Habayeho amagambo menshi atejejwe, amagambo yo kuninura, n'imvugo zitandukanye.
Intekerezo zabantu bakagombye kuba ku murimo bawirunduriyemo n'umutima n'ubugingo bwabo
bwose, biteguriwe gukorera Imana ibikomeye cyane mu gihe nk'iki, zihugiranye mu bintu
by'agaciro gake. Kubera ko ibitekerezo bya bamwe bidahamanya neza n'ibyabo bwite kuri buri
ngingo ijyanye n'imyizerere ikubiyemo ibitekerezo byoroheje n'inyigisho zidatera ibibazo
bikomeye, ikibazo gikomeye cy'umudendezo w'iby'idini ku gihugu, ubu kikaba kirebana n'ibintu
byinshi cyane, usanga kuri benshi gihabwa agaciro gake. [3UB145]
Satani yagiye akora ibintu mu buryo bwe; ariko Imana yahagurukije abantu kandi ibaha ubutumwa
bukomeye bagomba gushyira ubwoko bwayo, ngo bukangurire abantu b'abanyambaraga
kwitegura urugamba, ngo bitegure umunsi w'Imana. Ubu butumwa Satani yashatse kubuhindura
ubusa, maze igihe ijwi ryose n'ikaramu byakagombye kuba byarashyizwe ku murimo mu buryo
bukomeye ngo bihagarike ibikorwa n'imbaraga bya Satani, habonekaga kwitandukanya; habagaho
guhabana mu bitekerezo. Ubu ntibwari uburyo bwo gukora kw'Imana rwose. [3UB145]
Amategeko mu Rwandiko rw'Abagalatiya ni Ingingo Imwe Yatandukanyije Abantu. -Muri
iyi nama ingingo ivuga ku mategeko mu Bagalatiya yazanywe imbere y'abagabura. Iyi ngingo
kandi yari yarazanywe mu nama mu myaka itatu yari ishize.... [3UB146]
Tuzi ko iyo abantu bose baza mu Byanditswe bafite imitima yigaruriwe kandi igengwa n'imbaraga
ya Mwuka w'Imana, hari kubaho gusuzumana Ibyanditswe umutima utuje, utarimo urwikekwe no
kwishyira hejuru mu bitekerezo. Umucyo uturutse ku Uwiteka wari kumurika ku Ijambo rye kandi
ukuri kuba kwarahishuwe. Ariko hagombaga kubaho umwete mu gusenga n'ubwitange ndetse no
kwihangana cyane, kugirango isengesho Yesu yasengeye abigishwa be ngo babe umwe nk'uko na
we ari umwe na Se ribone gusubizwa. Isengesho rivuye ku mutima nta buryarya rizumvikana kandi
Imana izarisubiza. Mwuka Wera azakangura imbaraga z'ibitekerezo kandi hazabaho kurebana
imbona nkubone. "Guhishurirwa amagambo yawe kuzana umucyo, guha abaswa ubwenge"
(Zaburi 119:130). [3UB146]
Icyigisho ku Gutsindishirizwa no Gukiranuka kwa Kristo. Umukuru E. J. Waggoner yahawe
amahirwe yo kuvuga yisanzuye no kugaragaza ibitekerezo bye gutsindishirizwa no kwizera ndetse
no gukiranuka kwa Kristo n'isano bifitanye n'amategeko. Uyu ntabwo wari umucyo mushya,
ahubwo wari umucyo usanzwe washyizwe mu mwanya ugomba kubamo mu butumwa bwa
malayika wa gatatu.... Mbese ubwo butumwa buhatse iki? Yohana yabonye abantu. Aravuga ati:
"Aho ni ho kwihangana kw'abera kuri, bitondera amategeko y'Imana, bakagira kwizera nk'ukwa
Yesu" (Ibyahishuwe 14:12). Aba bantu Yohana yababonye mbere yuko abona Umwana w'umuntu
"afite umuhoro utyaye mu ntoki ze" (Umurongo wa 14). [3UB146]
Kwizera kwa Yesu kwarirengagijwe, ntikwitabwaho kandi kwafashwe mu buryo budafashije.
Ntikwahawe umwanya ukomeye kwahishuriwemo Yohana. Kwizera Kristo ko ari we byiringiro
rukumbi by'umunyabyaha kwarirengagijwe bikomeye, bitari mu bibwirizwa bitangwa gusa
ahubwo no mu mibereho y'iby'idini ya benshi mu bavuga ko bizera ubutumwa bwa malayika wa
gatatu. [3UB146]
Ukuri Ellen White Yigishije Guhera mu 1844. Muri iyi nama natanze ubuhamya yuko umucyo
w'agaciro kenshi cyane wagiye umurika uturuka mu Byanditswe igihe hatangwaga icyigisho ku
ngingo ikomeye ku isano gukiranuka kwa Kristo gufitanye n'amategeko, kukaba gukwiriye
guhozwa imbere y'umunyabyaha nk'ibyiringiro bye rukumbi by'agakiza. Uyu ntiwari umucyo
mushya kuri jye, kuko wangezeho uturutse ku butware bwo hejuru mu myaka mirongo ine n'ine
ishize, kandi nawugejeje ku bantu bacu nkoresheje ikaramu n'ijwi mu bihamya by'Umwuka
w'Imana. Nyamara bake gusa ni bo babyitayeho bemera ibihamya byatanzwe kuri iyi ngingo.
Hagiye habaho kandi ibintu bike cyane bivugwa ndetse byandikwa [3UB146] kuri iki kibazo
gikomeye. Ibibwirizwa bya bamwe byavugwa mu buryo bw'ukuri ko ari nk'ituro rya Kayini-Ituro
ritagira Kristo. [3UB147]
Ubwiru bw'Ubumana. Urugero rugereshwa imico ni itegeko rya cyami. Amategeko ni yo
gikoresho gitahura icyaha. Amategeko ni yo amenyekanisha icyaha. Ariko umunyabyaha ahora
yegerezwa Yesu kubwo kwigaragaza gutangaje k'urukundo rwa Yesu rwatumye yicisha bugufi
agapfa urupfu rukojeje isoni rwo ku musaraba. Mbega icyigisho gitangaje! Abamalayika bihatiye
kandi bifuje cyane gusesengura ngo basobanukirwe ubwo bwiru butangaje. Iki ni icyigisho
gishobora kugora ubwenge bwa muntu buhanitse cyane, kubona uburyo umuntu, wacumuye,
washutswe na Satani, uhora ari mu ruhande rwa Satani ku birebana n'iki kibazo ashobora
guhinduka agasa n'Umwana w'Imana itarondorwa. Kubwo gukiranuka kwa Kristo umuntu
ahabwa, umuntu azasa na Kristo, kandi Imana izakunda umuntu (wacumuye ariko
akanacungurwa)-nk'uko yakunze Umwana wayo. Bisome mu magambo ahoraho y'inyandiko zera.
[3UB147]
Ubu ni ubwiru bw'ubumana. Iyi pica ifite agaciro gahanitse cyane ku buryo ikwiriye gushyirwa
mu kibwirizwa cyose, igashyirwa mu bwenge bwacu, igahora ivugwa n'iminwa y'abantu,
ikamenywa n'abantu bamaze gusogongera kandi bamenye ko Uwiteka ari mwiza, igahora
itekerezwaho, kandi ikaba ishingiro ry'ikibwirizwa cyose. Hagiye habaho inyigisho zumagaye
zigishijwe nyamara kandi imitima isonzeye umutsima w'ubugingo. Uko si ko kubwiriza gukenewe
cyangwa kubwiriza Imana yo mu ijuru izemera, kuko kutarangwamo Kristo. Ishusho y'ubumana
ya Kristo igomba guhozwa imbere y'abantu. Ni we Malayika uhagaze mu izuba ryo mu ijuru. Nta
gicucu kimugaragaraho. Kristo agomba kwererezwa imbere y'abantu, yifubitse imico y'Imana,
yitwikiriye icyubahiro cy'ubumana kandi asa n'Imana itarondoreka. Iyo iyo shusho ishyizwe
imbere y'abantu, ibyo umuntu yirata yagezeho bita agaciro. Uko umuntu arushaho kumwitegereza,
uko arushaho kwiga imibereho ya Kristo, inyigisho ze n'imico ye itunganye, ni ko azarushaho
kubona ko icyaha ari kibi cyane kandi ko ari icyo kwangwa urunuka. [3UB147]
Kubwo kumwitegereza, nta kindi umuntu akora uretse kunyurwa no kurushaho kureherezwa kuri
Yesu, akarushaho kumukunda kandi akarushaho kwifuza gusa nawe kugeza ubwo agira ishusho
n'umutima wari muri Kristo. Uwo muntu agendana n'Imana nk'uko Henoki yagenze. Umutima we
wuzuramo gutekereza ibya Yesu. Amuhindukira Inshuti magara. [3UB147]
Iga ibya Yesu we Cyitegererezo cyacu. "Ni cyo gituma bene Data bera, mwebwe abafatanije
guhamagarwa kuva mu ijuru mukwiriye gutekereza Yesu, ari we ntumwa n'umutambyi mukuru
w'ibyo twizera fukabyatura" (Abaheburayo 3:1). Iga ibya Yesu. Iga imico ye, umuco ku wundi. Ni
we Cyitegererezo cyacu dusabwa kwigana mu mibereho yacu no mu mico yacu, bitabaye ibyo
ntituzashobora guhagararira Yesu, ahubwo [3UB147] tuzereka isi isura Ye itari ukuri. Ntukagire
umuntu uwo ariwe wese wigana, kuberako abantu bafite inenge mu byo bamenyereye, mu mvugo,
mu migirire no mu mico. Nshyize imbere yanyu Umuntu witwa Yesu Kristo. Mugomba
kumwimenyera buri muntú kú giti cye nk'Umukiza wanyu mbere yuko mwiga ibye
nk'icyitegererezo cyanyu n'urugero rwanyu. [3UB148]
Pawulo yaravuze ati: "Erega ubutumwa bwiza ntibunkoza isoni: kuko ari imbaraga y'Imana ihesha
uwizera wese gukizwa, uhereye ku Muyuda ukageza ku Mugiriki, kuko muri bwo ari namo
gukiranuka kuva ku Mana guhishurirwa, guheshwa no kwizera kugakomezwa na ko, nk'uko
byanditswe ngo "Ukiranuka azabeshwaho no kwizera.... kuko bigaragara ko bazi Imana, Imana
ikaba ari yo ubwayo yabahishuriye ubwo bwenge" (Abaroma 1:16-19). [3UB148]
Kwishimira ko Imitima Yakanguwe na Mwuka w'Imana. Twiyumvisemo mu buryo bwimbitse
kandi butangaje ko dushimiye Imana cyane kubera ko abantu bakangurwaga na Mwuka w'Imana
kugira ngo barebe Kristo mu nyandiko zera nzima kandi ngo bamugaragaze mu isi, kandi atari mu
magambo gusa. Babona ibyo Ibyanditswe bisaba ko abantu bose bavuga ko ari abayoboke ba
Kristo bagomba kugera ikirenge mu cye, bakuzura Mwuka we, kandi bakereka ab'isi Yesu Kristo,
waje kuri iyi si ngo ahagararire Data wa twese. [3UB148]
Iyo duhagarariye Kristo tuba duhagarariye Imana kuri iyi si yacu. "Ariko umuntu wese utagira
Umwuka wa Kristo ntaba ari uwe" (Abaroma 8:9). Nimutyo twibaze tuti: Mbese mu itorero
n'imbere y'ab'isi tugaragaza imico ya Yesu Kristo? Dusabwa kwiga twimbitse kurushaho
tukarondora mu Byanditswe. Gushyira gukiranuka kwa Kristo mu mategeko mu buryo
busobanutse neza bihishura Imana mu mico yayo nyakuri kandi bigahishura ko amategeko ko yera,
akiranuka, kandi ari meza, ari ayo kubahwa rwose iyo yitegerejwe nk'uko ari by'ukuri.
Iyaba benedata b'abagabura bose baragiye bahurira hamwe bakiga Bibiliya zabo, bafite umwuka
wa Kristo, bakubahana, kandi bafite urugwiro nyakuri rwa Gikristo, Umwami Uwiteka aba
yarababereye umwigisha. Ariko Uwiteka ntiyabonye amahirwe yo gukora ku mitimą Satani yari
afiteho ubutware bukomeye. Ikintu cyose kidahuje n'imitekerereze yabo n'imyumvire ya kimuntu
kizagaragara mu gicucu n'umwijima.... [3UB148]
Umwuka wa Benshi Waremereye Ellen White. -Umutwaro nari mfite mu nama wari uwo
kwerekana Yesu n'urukundo rwe imbere ya benedata kubera ko nabonye ibihamya bigaragara ko
benshi batari bafite umwuka wa Kristo. Nakomeje kugira amahoro mu mutima wanjye, nkomeza
kuwuhanga ku Mana, kandi nababajwe no kubona ko umwuka utandukanye wari warabonye akito
muri benedata b'abagabura, kandi uwo mwuka mubi wari uri gusembura ingando. Nari nzi ko hari
ubuhumyi bugaragara buri mu mitima ya benshi, ku buryo batashoboraga kumenya aho Mwuka
w'Imana [3UB148] ari ndetse n'ibigize imibereho nyakuri ya Gikristo. Kandi kuzirikana ko abo
bantu bari abashinzwe kurinda umukumbi w'Imana byarababazaga cyane. Nta kwizera nyakuri
bari bafite, bari bamanuye amaboko kubera ko batari bayazamuranye amasengesho avuye ku
mutima! [3UB149]
Bamwe bumvaga badakeneye gusenga. Bumvaga ko imitekerereze yabo bwite ihagije, kandi
ntibiyumvishaga ko umwanzi w'ibyiza byose ayoboye imyumvire yabo. Bari bameze
nk'abasirikare bagiye ku rugamba nta ntwaro zo kuranisha bafite. Mbese byadutangaza kubona
ibibwirizwa bitararangwagamo umwuka, kuba amazi abeshaho y'ubugingo yaranze gutemba aca
mu miyoboro yazibye, kandi umucyo wo mu ijuru ukaba utarashoboye kwinjira mu gihu kibuditse
cy'akazuyazi no gukiranirwa? [3UB149]
Nashoboye gusinzira ariko amasaha make. Amasaha ya mugitondo yose nabaga nandika, kenshi
ngahaguruka saa munani na saa cyenda z'igitondo, kandi nkaruhura intekerezo zanjye nandika ku
ngingo zanyujijwe imbere yanjye. Umutima wanjye wababazwaga no kubona umwuka
wayoboraga bamwe muri benedata b'abagabura, kandi uwo mwuka wasaga n'ugenda wanduza
abandi. Havuzwe byinshi. [3UB149]
Kugaragaza Ukuri Ellen White Yashoboraga Gushyigikira. -Igihe navugira imbere ya
benedata ko bwari ubwa mbere nari numvise ibitekerezo by'umukuru E. J. Waggoner, bamwe
ntibizeye ibyo mbabwiye. Navuze ko numvise ukuri kw'agahano kwavugwaga ku buryo
nakwakiranye umutima wanjye wose. None se iyo hataba uko kuri gukomeye kandi kw'icyubahiro,
gukiranuka kwa Kristo n'igitambo gihagije yatanze ku bw'umuntu, biba byaracengejwe mu mutima
wanjye na Mwuka w'Imana mu buryo butangaje? Mbese iyi ngingo ntiba yaravuzwe kenshi mu
bihamy? Igihe Imana yahaga benedata umutwaro wo kwamamaza ubu butumwa numvise nshimye
Imana mu buryo butavugwa, kubera ko nari nzi ko ari bwo butumwa bukwiranye n'iki gihe.
[3UB149]
Ubutumwa bwa malayika wa gatatu ni ugutangazwa kw'amategeko y'Imana no kwizera kwa Yesu
Kristo. Amategeko y'Imana yaratangajwe, ariko kwizera kwa Yesu Kristo ntikwatangajwe
n'Abadiventisiti b'Umunsi wa Karindwi ku rwego rumwe n'urw'amategeko, ngo amategeko
n'ubutumwa bwiza bigendane. Sinshobora kubona ururimi nakoresha mvuga iby'iyi ngingo mu
buryo bwuzuye. [3UB149]
"Kwizera kwa Yesu." Kuvugwaho, ariko ntikwasobanutse. Ni iki kigize kwizera kwa Yesu
kigaragara mu butumwa bwa malayika wa gatatu? Yesu yahindutse uwikorera ibyaha byacu kugira
ngo ahinduke Umukiza wacu ubabarira ibyaha. Yagiriwe ibyo twagombaga kugirirwa. Yaje kuri
iyi si yacu maze afata ibyaha byacu kugira ngo twakire gukiranuka kwe. Kandi kwizera
ubushobozi bwa Kristo bwo kudukiza mu buryo bwagutse kandi bwuzuye ndetse buheranije ni ko
kwizera kwa Yesu. [3UB149]
Umutekano rukumbi w'Abisirayeli wari amaraso yari ku nkomanizo z'imiryango. Imana yaravuze
iti: "Nanjye ubwo nzabona ayo maraso nzabanyuraho, nta cyago kizababaho ngo kibarimbure"
(Kuva 12:13). Ubundi buryo bwose bwo kubahesha umutekano ntacyo bwashoboraga kugeraho.
Nta kindi uretse amaraso yari asize ku nkomanizo z'umuryango yashoboraga gufunga inzira ngo
malayika murimbuzi atinjira. Agakiza k'umunyabyaha kari mu maraso ya Yesu Kristo honyine,
yo atwezaho ibyaha byacu byose. Umuntu wize cyane ashobora kugira ubumenyi bwinshi,
ashobora kujya impaka zijyanye n'ingingo z'iyobokamana, ashobora kuba igitangaza kandi
akubahwa n'abantu, ndetse agafatwa ko atunze ubwenge rwose, nyamara, keretse gusa afite
ubwenge bukiza bwo kumenya Kristo wamubambiwe, kandi kubwo kwizera agasingira
gukiranuka kwa Kristo, nibitaba ibyo yarazimiye. Kristo “ibicumuro byacu ni byo yacumitiwe,
yashenjaguriwe gukiranirwa kwacu, igihano kiduhesha amahoro cyari kuri we, kandi imibyimba
ye ni yo adukirisha" (Yesaya 53:5). Ibyiringiro byacu rukumbi bya none n'indirimbo tuzaririmba
iteka ryose ni ibi ngo: "Twakijijwe n'amaraso ya Yesu Kristo." [3UB150]
Guhangana n'Urwikekwe n'Ibirego by'Ibinyoma. -Igihe navugaga ukwizera kwanjye neruye
hari benshi batanyumvise maze bakwiza inkuru ko Ellen White yahindutse; ko yahinduwe
n'umuhungu we W. C. White ndetse n'umukuru A. T. Jones. Kuba ayo magambo yari aturutse mu
kanwa k'abari bamaze imyaka myinshi banzi, abantu bari barakuranye no kwamamazwa
kubutumwa bwa malayika wa gatatu kandi bakaba barubahwaga kubwo kwiringirwa ndetse no
kwizerwa by'abantu bacu, nta gushidikanya ibyo byagombaga gutera impinduka. [3UB150]
Nahindutse uwo kuganirwaho no kunengwa, nyamara nta n'umwe muri benedata wigeze ansanga
ngo agire icyo ambaza cyangwa ngo agire ubusobanuro ansaba. Twagerageje uko dushoboye kose
ngo dusaba benedata b'abagabura ngo duhurire mu nzu yaberagamo inama tujye mu cyumba
cyumba kitarimo ibintu maze dufatanyirize hamwe gusenga, ariko ntitwabashije kubigeraho
keretse kabiri cyangwa se gatatu gusa. Bahisemo kwigira mu byumba byabo no kugira ibyabo
biganiro n'amasengesho yabo ukwabo. Byagaragaraga ko nta yandi mahirwe ahari yo gukuraho
urwikekwe rwari rwarashinze imizi kandi rukomeye, nta mahirwe yo kuvanaho imyumvire mibi
bari bafite kuri njye, umuhungu wanjye, na J. Waggoner ndetse na A. T. Jones. [3UB150]
Nagerageje gushyiramo izindi mbaraga. Mugitondo nanditse kare ibyo nagombaga kugeza imbere
ya benedata, kugirango amagambo yaniye atazavugwa uko atari. Umubare uringaniye w'abayobozi
bari bahari, kandi nababajwe n'uko umubare munini batari bazanywe muri iyo nama, kuko bamwe
mu bari bahari, nk'uko nabibonye, batangiye kubonana ibintu undi mucyo utandukanye, kandi
n'abandi benshi baba barungutse iyo bahambwa amahirwe yo gutega amatwi ibyo bavugaga. Ariko
ntacyo bamenye kandi [3UB150] ntibungukiye mu bisobanuro nabahaye bijyanye n'iri jambo
risobanutse ngo: "Ni ko Uwiteka avuga." [3UB151]
Icyo gihe nabajijwe ibibazo. Barabajije bati: "Mushiki wacu White, mbese utekereza ko
nk'ubwoko bwayo Imana yaba idufitiye undi mucyo mushya kandi urushijeho?" Narasubije nti:
"Mwinshi kandi bidashidikanywaho. Ntabwo mbitekereza gusa, ahubwo nshobora kubivuga
nshize amanga. Nzi ko hari ukuri kw'agahano tuzahishurirwa niba turi ubwoko bugomba
guhagarara mu minsi yo kwitegura Imana." [3UB151]
Ellen White Ashishikariza Abantu Kwigana Ibitekerezo Byagutse. - Nabajijwe niba ntekereza
ko ibyavuzwe byageze ku ntego, nyuma y'uko Mwenedata Waggoner yari amaze gutangaza
ibitekerezo bye ku mategeko avugwa mu Bagalatiya. Narasubije nti: "Reka da. Dukeneye ko twese
twita ku mbande zombi z'ikibazo". Ariko navuze ko umwuka nabonye wigaragaza mu nama utari
usobanutse. Nakomeje gutsindagira ko hakenewe umwuka mwiza, umwuka nk'uwa Kristo,
nk'uwagaragajwe n'Umukuru E. J. Waggoner mugihe cyose yatangaga ibitekerezo bye: kandi ibi
ntibyagombaga kuvugwaho mu buryo bwo kujya impaka. Ímpamvu nshimangira ko byagombaga
kuganirwaho mu mwuka nk'uwa Kristo ni uko nta guhangana kwagombaga kugirirwa benedata
tutumva ibintu kimwe. Nk'uko Umukuru E. J. Waggoner yitwaye nk'Umukristo wicisha bugufi ni
ko n'abandi bakagombye kwitwara, bagatanga ibitekerezo byabo ku ruhande baherereyemo kuri
icyo kibazo mu buryo busobanutse neza... [3UB151]
Ikibazo cy'Amategeko yo mu Bagalatiya si Ngombwa-Havuzwe amagomba akurikira ngo:
"Niba uko dusobanukiwe n'amategeko avugwa mu Bagalatiya atari ukuri, ubwo ntabwo dufite
ubutumwa bwa marayika wa gatatu. Úbwo rero dukwiye kureka igitekerezo cyacu. Ntacyo twaba
dusigaranye mu kwizera kwacu." [3UB151]
Naravuze nti: "Benedata, iki ni cyo nakomeje kubabwira. Iyi mvugo ntabwo ari ukuri. Ni imvugo
idasobanutse rwose kandi ikabya. Íyaba yari ivugiwe mu biganiro mpaka kuri iki kibazo nari
kwiyumvamo ko ari inshingano yanjye kubivugira imbere y'abahateraniye, kandi babyumva
cyangwa bakabyihanganira nari kubabwira ko iyo mvugo atari ukuri. [3UB151]
Ikibazo kuri iyi ngingo si ikibazo cy'ingenzi cyane kandi si uko cyari gikwiye gufatwa. Akamaro
n'uburemere byahawe iyi ngingo byarakabirijwe, kandi kubw'iyi mpamvu- mu kumva nabi
n'ibitekerezo bipfuye-tubona umwuka wiganje muri iyi nama atari nk'uwa Kristo. Bene uyu
mwuka ntitwakagombye kuwubona wigaragaza muri benedata. Hari umwuka wa Gifarisayo wari
ugiye kuza muri twe kandi ngomba kuzamura ijwi ryanjye nkawurwanya igihe cyose waba
ugaragaye. [3UB151]
Nashoboraga kubona ko hari ubukene bukomeye mu kumenya kuvangura no gutekereza neza.
Neretswe kenshi akaga gaturuka kuri ibyo. Guhabana mu bitekerezo kwagaragariraga abizera
n'abatizera. Ibyo [3UB151] byatumye mu mutima wanjye niyumvisha ko bahuye n'impinduka
zikomeye cyane. Ibyo byagaragaye imbere yanjye ubwo nari ku mugabane w'i Burayi, mu buryo
bw'amashusho n'ibimenyetso, ariko ubusobanuro nabuhawe hanyuma ku buryo ntaheze mu
mwijima ku byerekeye uko amatorero yacu na benedata mu murimo bahagaze.... [3UB152]
Nasubiye mu cyumba cyanjye nibaza icyo nagombaga gukora cyiza kurushaho. Amasaha menshi
muri iryo joro nayamaze mu masengesho nsengera ibyerekeranye n'amategeko avugwa mu
Bagalatiya. Ibyo byari ikintu cyoroshye cyane. Ku ngingo yose ijyanye na "Ni ko Uwiteka avuga",
umutima wanjye washoboraga kuvuga, Amena, nanone Amena. Ariko umwuka wayoboraga
benedata wari utandukanye n'umwuka wa Kristo, utandukanye n'umwuka wagombaga
kugaragarira hagati yabo, ibyo byateye umutima wanjye agahinda. [3UB152]
Mu materaniro yo mugitondo cyakurikiyeho twakoranye n'abayobozi. Nari mfite ibintu
bisobanutse nagombaga kubwira benedata, kandi ibyo sinashoboraga guhangara kubiceceka.
Umunyu warakayutse, izahabu nziza ihinduka inkamba. Umwijima w'iby'umwuka wari utwikiriye
abantu kandi benshi bagaragaje ko bayobowe n'imbaraga iturutse hasi, kuko ibyavuyemo byari
ibikwiriye kugaragara igihe batayobowe no kumurikirwa n'Umwuka w'Imana. [3UB152]
Mbega inyandiko z'amateka zarimo zandikwa na marayika! Umusemburo wari waramaze
kugaragaza umurimo wawo ukomeye, kandi irobe ryari rimaze kubyimba. Nari nzi ko mfitiye
benedata ubutumwa bwo gucyaha no kubaburira. Umutima wanjye wari uremerewe n'agahinda.
Kubwira benedata ibyo byaranshavuzaga cyane kuruta uko byababazaga abo byabwirwaga.
Kubw'ubuntu bw'Imana niyumvishemo imbaraga z'Imana zimpatira guhagarara imbere ya
benedata mu murimo, ngahagarara mu izina ry'Imana, nizeye kandi nsengera ko yahumura amaso
ahumye. Narakomejwe maze mvuga amagambo umunyamabanga wanjye yari yanditse mu
ncamake. -Manuscript 24, 1888. [3UB152]
Minneapolis Urubuga rwo Kugeragerezwaho. Imana yari iri kugerageza no kureba ubwoko
bwayo bwari bwarahawe umucyo mwinshi, ngo irebe niba nibuhura n'ikigeragezo bushobora
kuzawugenderamo cyangwa bukawutera umugongo, kuko bake gusa ari bo bari basobanukiwe
n'umwuka ubakoresha kugeza igihe ibintu bizahinduka ibyo kugerageza umwuka ubatera
kwihutira gukora. Muri benshi umutima wa kamere ni wo mbaraga ibayobora, nyamara kandi
ntibatekereza ko ubwibone n'urwikekwe byahawe icyicaro nk'abashyitsi bakunzwe cyane, kandi
bigakorera mu magambo no mu bikorwa birwanya umucyo n'ukuri. Benedata bari bafite imyanya
ikomeye mu murimo no mu gukorera Imana bagombaga kuba bomatanye cyane na Soko y'umucyo
wose kugira ngo batazita umucyo umwijima kandi umwijima bakawita umucyo... [3UB152]
Gukiranuka kubwo Kwizera Ntibitesha Agaciro Amategeko- Gukomera kuri Kristo nk'isoko
yacu yonyine y'imbaraga zacu, kugaragaza urukundo rwe rutagira akagero rwo kuba yarikoreye
ibyaha by'abantu bikamubarwaho no gukiranuka kwe umuntu abarwaho, nta na rimwe bikuraho
amategeko cyangwa ngo biyateshe agaciro. Ahubwo, biyashyira aho umucyo nyakuri
uyamurikaho ukayahesha ikuzo. Ibi bikorwa binyuze mu mucyo wagaragariye ku musaraba w'i
Kaluvari. Amategeko arashyitse kandi yuzuye mu nama ikomeye y'agakiza, nk'uko
byagaragarijwe gusa mu mucyo urabagiranira mu Mukiza wabambwe akazuka. Ibi kandi
bishobora kumvikana gusa mu buryo bw'umwuka. Bibyutsa mu mutima w'uwitegereza ukwizera
gushyushye, ibyiringiro, n'umunezero w'uko Kristo ari we gukiranuka kwe. Ibi byishimo
iby'ababandi gusa bakunda kandi bakitondera amagambo ya Yesu, ari na yo magambo y'Imana.
[3UB153]
Iyo benedata baba bari mu mucyo amagambo Uwiteka yampaye ngo mbashyikirize yari kubona
igisubizo mu mitima y'abo Imana yadushinze. Ubwo nabonaga ko imitima y'abo nifuzaga
kutanyuranya na bo yari ifungiranywe n'urwikekwe no kutizera, natekereje ko byambera byiza
mbaretse. Umugambi wanjye wari uwo kuza i Minneapolis kuwa mbere w'icyumweru.... [3UB153]
Nifuzaga gutekereza nitonze, ngasenga, [kugirango mbashe kumenya] uburyo tugomba gukoramo
tugaragariza abantu ingingo yerekeranye n'icyaha no guhongerera mu mucyo wa Bibiliya. Bari
bakeneye cyane impuguro nk'iyi kugirango babashe kugeza umucyo ku bandi kandi bagire
amahirwe anejeje yo kuba abakozi bakorana n'Imana mu kwegeranya no kuzana mu rugo
umukumbi wo mu bushyo bwayo. Mbega imbaraga tugomba kugira ziturutse ku Mana kugira ngo
imitima yabaye ubutita, ifite gusa iyobokama rishingiye ku mategeko, ibashe kubona ibintu
bihebuje yahawe ari byo: Kristo no gukiranuka kwe! Ubutumwa butanga ubugingo bwari
bukenewe kugira ngo buhe ubugingo amagufwa yumye. -Manuscript 24, 1888. [3UB153]

AMAGAMBO YA ELLEN WHITE KU MUNSI USOZA INAMA (Yandikiwe umwe mu bagize

umuryango we, taliki ya 4 Ugushyingo, 1888)
Imana yacu [Inama y'Inteko Nkuru Rusange yabereye i Minneapolis] irasoje. Ku Isabato iheruka
natanze ikiganiro cyanjye cya nyuma. Uko byagaragaraga bwari ubwa mbere hagaragaye
impinduka zikomeye mu iteraniro. Nabahamagariye kuza imbere tugasenga nubwo urusengero
rwari rwuzuye abantu cyane. Umubare utari muto waje imbere. Imana yampaye umwuka wo
kwinginga maze umugisha wayo unzaho. Sinigeze nsohoka ngo mve mu nama muri iki gitondo.
Yari inama isaba imbaraga nyinshi kuri Willie, kandi nagombaga kwitegereza ingingo yose
kugirango [3UB153] hatabamo intambwe iterwa cyangwa imyanzuro ifatwa, bikazatera impagarara
mu murimo mu minsi izaza. [3UB154]
Navuze hafi inshuro makumyabiri mfite ubwisanzure buhagije kandi twizeye ko muri iyi nama
hazavamo icyiza gikomeye. Ntituzi ahazaza, ariko turumva ko Yesu ahagaze ku ruhembe
rw'imbere, kubw'ibyo ntituzarohama. Ubutwari bwanjye no kwizera kwanjye byakomeje kuba
byiza kandi ntibyantengushye, nubwo twahuye n'intambara ikomeye cyane kandi itumvikana
kuruta izo twigeze guhura na zo mu bantu bacu. Ibi ntibyashobora gusobanurwa n'ikaramu keretse
nanditse amapaji menshi, wongere ngo menshi. Ni cyo cyatumye ntirushya nkora uwo murimo.
[3UB154]
Umukuru Olsenni agiye kuba umuyobozi w'Inteko Nkuru Rusange kandi mwenedata Dan Jones,
ukomoka i Kansas, azajya amufasha. Umukuru Haskell azakomeza gukora iyo nshingano kugeza
igihe Olsen azava mu Burayi. Ntabwo nshobora kuvuga icyo ahazaza haduhishiye, ariko tuzaguma
i Battle Creek hafi ibyumweru bine maze tubone ubuhamya tuzahita dushyira ahagaragara
tudatíndiganyije. Nibwo tuzakomeza kureba uko ibintu bigenda hagati mu murimo. Twamaramaje
ibyo dushoboye kose twubaha Imana ngo dufashe abantu bacu mu bihe byihutirwa nk'ibi. [3UB154]
Intekerezo z'umuntu urwaye zagiye ububasha bugenga Komite y 'Inteko Nkuru Rusange kandi
abagabura bagiye baba igicucu no kwirangira kw'ijwi ry'umukuru Butler igihe cyose ari bizima
kandi bikanaba byiza ku murimo. Igomwa, gukeka ibibi, n'ishyari byagiye bikora nk'umusemburo
kugeza ubwo irobe ryose risemburiwe... [3UB154]
Uyu munsi, kuwa mbere w'iminsi irindwi, sinabonetse mu nama, ariko nagombaga gusuura cyane.
Ndashimira Imana kubw'imbaraga n'ubwisanzure n'ububasha bwa Mwuka wayo yampaye
mugutanga ubuhamya bwanjye, nubwo bwagize imbaraga nke ku mitima ya benshi kuruta ikindi
gihe cyose cyabanje mu mateka yanjye. Satani yagaragaraga nk'ufite imbaraga zo gukoma mu
nkokora umurimo wanjye ku rwego ruhanitse, ariko mpindishwa umushyitsi no gutekereza ibyari
kuba muri iyi nama iyo tutahaba. Imana iba yarakoze mu bundi buryo ngo iburizemo umwuka
wazanywe mu nama, ufite imbaraga zashoboraga gutegeka abantu. Ariko ntabwo twaciwe intege.
Twiringiye Imana ya Isirayeli. Ukuri kuzanesha kandi ndavuga kuneshesha ukuri. [3UB154]
Turatekereza kuri mwese muri imuhira kandi twanezezwa no kubana namwe, ariko ibyo ibyifuzo
si byo tugomba kurebaho. Imana ni yo Muyobozi wacu, reka abe ari yo iyobora uko ibintu bigenda
natwe tuzakurikira inzira ituyoboyemo. -Letter 82, 1888. [3UB154]

47 Igihe George I. Butler atari ahari, ari we muyobozi w'Inteko Nkuru Rusange, umukuru Haskell ni we wayoboraga imirimo y'Inteko Nkuru
Rusange. Nyuma gato y'uko inama yari isoje, W. C. White yasabwe gukora nk'uyoboye inzibacyuho y'Inteko Nkuru Rusange, ibyo yabikoze hafi
amezi atandatu.

IBICE BIBIRI BYAKUWE MU BIBWIRIZWA BYABWIRIJWE I MINNEAPOLIS48

Ubu rero icyo dushaka kwerekana ni ukumenya uko twatera imbere mu bugingo bukomoka ku
Mana. Twumva inzitwazo nyinshi: Sinashobora kubaho gutya cyangwa gutyo. [3UB155]
Uba ushatse gusobanura iki iyo uvuze uti gutya cyangwa gutyo? Uba ushaka kuvuga ko igitambo
cyatangiwe i Kaluvari kubw'inyokomuntu yaguye ari igitambo kidatunganye, yuko nta buntu
buhagije cyangwa imbaraga twahawe idukura mu kwangirika kwa kamere yacu' n'ibyo irarikira,
yuko tutahawe Umukiza uko yakabaye? [3UB155]
Cyangwa urashaka kushyira umugayo ku Mana? Ni byo, uravuga uti: 'cyari icyaha cya Adamu.
Uravuga uti: 'ibyo sinkwiye kubiryozwa, sinabigizemo uruhare kandi sinjye ubazwa ibyo kugwa.
Dore ibyo kamere yanjye irarikira muri jye, kandi sinkwiye kubigayirwa niba nkoze ibyo kamere
yanjye ibogamiyemo? None ni nde ukwiye kubigayirwa? Mbese ni Imana? [3UB155]
Kuki Imana yemereye Satani kugira ububasha kuri kamere muntu? Ibi ni ibirego biregwa Imana
yo mu ijuru, kandi izaguha akanya, niba ubishaka, ngo ugaragaze ibirego byawe uyirega. Nayo
kandi izahita izana ibirego uregwa ugeze mu rukiko rw'imanza rwayo. -Manuscript 8, 1888, Oct.
20, 1888. [3UB155]
Iyo Imana ibasha kuba yahindura amategeko yayo kugira ngo isange umuntu mu buzima bwe bwo
kugwa, ntibyari kuba ngombwa ko Kristo aza kuri iyi si. Kubera ko amategeko adahinduka kandi
atashoboraga guhinduka, Imana yohereje umwana wayo w'ikinege kugira ngo apfire ubwoko
bwacumuye. Áriko se Umukiza yaba yarishyizeho igicumuro cy'abantu maze akababaraho
gukiranuka kwe kugira ngo bakomeze kwica amategeko ya Yehova? Oya, oya! Kristo yaje kubera
ko bitashobokaga ko umuntu yakomeza amategeko mu mbaraga ze. Yaje kumuzanira imbaraga zo
kubaha amabwiriza y'amategeko. Bityo umunyabyaha, wihana ibicumuro bye, ashobora gusanga
Imana akavuga ati: "Data, ndagusaba ngo umbabarire binyuze mu gaciro k'ibyakozwe n'Umukiza
wabambwe akazuka." Imana izakira abantu bose bayisanga mu izina rya Yesu. -Manuscript 17,
1888, Sunday, October 21, 1888. [3UB155]

AMEZI ATATU NYUMA Y'INAMA Y'I MINNEAPOLIS

Iyo Dukoze Ibyo Dushoboye Byose. -Reka dushimire Imana ko igihe kitararenga ngo amakosa
yose akosorwe. Kristo yitegereza umwuka dufite, kandi iyo abonye twikorera umutwaro wacu mu
kwizera, gukiranuka kwe [3UB155]

48 Ellen White yavuze inshuro makumyabiri i Minneapolis, ariko ntabwo yahinjiye igihe hatangwaga ibyigisho ku gutsindishirizwa n'ubuntu kubwo
kwizera. Ahubwo, yakoranye umwete ngo ayobore abagabo n'abagore bafungurire imitima yabo ukuri gushingiye kuri Bibiliya.

kuzuye kuduhongerera ku tutashoboye kugeraho. Iyo dukoze uko dushoboye kose, ahinduka
gukiranuka kwacu. Uko gukiranuka kwakira buri murasire wose w'umucyo Imana itwoherereza
kugira ngo duhinduke umucyo w'abari mu isi. Letter 22, 1889. (Byasohotse mu Butumwa
Bwatoranyijwe, 2016, Vol.1, pp. 423,424) [3UB156]

UKO UBUTUMWA BWO GUTSINDISHIRIZWA KUBWO KWIZERA BWAKIRIWE AHAKORERWA

UMURIMO
Amateraniro adasanzwe yatangiriye ahitwa South Lancaster kuwa Gatandatu, taliki ya 11
Mutarama [1889]. Twanejejwe no kubona urusengero rwuzuye abari baje kwakira ibyiza
byakomokaga muri ayo materaniro..... Intumwa zihagarariye abandi zari zihari ziturutse muri Leta
ya Maine, iya Connecticut n'iya Massachusetts, n'izindi. Twabonye ko hari umurimo ugomba
gukorwa kugirango ibintu bishyirwe mu buryo, ibyo imbaraga z'umuntu zose zitabasha kugeraho
hatabayeho gufashwa n'Ímana. Imitima yacu yashishikariye kwinginga Imana ngo igire icyo
idukorera... [3UB156]
Twiyumvisemo umutwaro w'abajyanaga ubutumwa bw'ukuri babushyiriye abandi, kugirango
badakinga imitima yabo maze imirasire y'agahano y'umucyo uturutse mu ijuru Imana yaboherereje
ntubone uko winjira. Yesu yaranezerewe igihe abamukurikira bakiraga ubutumwa bwe bw'ukuri....
[3UB156]
Ku Isabato ku gicamunsi, imitima ya benshi yakozweho, kandi benshi bagaburiwe umutsima
umanuka uva mu ijúru. Nyuma y'icyigisho twanejejwe n'iteraniro ry'agahano ryo gusabana. Imana
yaratwegereye, yemeza imitima iby'ubukene bwayo bukomeye bw'ubuntu bwayo n'urukundo
rwayo. Twumvise uburyo byari ngombwa kugaragaza Kristo nk'Umukiza utari kure yacu, ahubwo
ugeze hafi. Igihe Mwuka yatangiraga gukora ku mitima y'abantu, imbuzo zagaragariraga mu
kwihana no gukosora ibifutamye. Mu materaniro yose, uko abantu bumvaga bashaka kwegera
Imana, beraga imbuto zíkwiriye abihannye babikoresheje kwaturirana aho baba barahemukiranye
mu magambo cyangwa mu bikorwa.... [3UB156]
Hari abantu benshi, ndetse no mu bagabura, babonye ukuri nk'uko kuri muri Yesu mu mucyo
utandukanye n'uko bakubonaga mbere. Babonye Umukiza nk'Umukiza ubabarira ibyaha, kandi
babona ukuri nk'ukweza ubugingo. "Ariko nitwatura ibyaha byacu, ni yo yo kwizerwa kandi
ikiranukira kutubabarira ibyaha byacu no kutwezaho gukiranirwa kose."... [3UB156]

49 Iri ryari irya mbere mu materaniro Ellen White yabonetsemo atanga ubutumwa bwo gutsindishirizwa kubwo kwizera ahakorerwaga umurimo
mu gihe cyakurikiye Inama yabereye i Minneapolis. Mu mwaka wa 1889 Ellen White yagiye ayobora mu gikorwa cyo kugeza ubutumwa ku
matorero. Bimwe mu bibwirizwa bye byaratangajwe, nka kimwe cyatangiwe ahitwa Ottawa, Kansas, taliki ya 11 Gicurasi. Iki kibwirizwa
cyasohotse mu gitabo kivuga kwizera n'imirimo, (Faith and Works, pp. 63-79).

Benshi Bafite Imyumvire Igoretswe. -Hari abantu benshi bagaragara nk'abumva ko bafite
umurimo ukomeye bagomba kwikorera mbere y'uko basanga Yesu ngo abahe agakiza. Bagaragara
ko batekereza ko Yesu agomba kuza bageze ku musozo w'urugamba barwana, akabaha ubufasha
ashyira akadomo ku murimo bakože mu buzima bwabo. Biragaragara ko bibakomereye
gusobanukirwa ko Kristo ari Umukiza uhagije, ushobora gukiza rwose abagerezwa Imana na We.
Batakobwa kubona ko Yesu We ubwe ari "inzira, n'ukuri, n'ubugingo." Igihe twishingikirije kuri
Yesu buri wese ku giti cye, twizera tudashidikanya, twizera ko amaraso ye ashobora rwose
kutwezaho ibyaha byose, tuzagira amahoro mu kwizera ko Imana ibasha gusohoza rwose ibyo
yasezeranye.... [3UB157]
Ubutumwa Nyabwo Bwatanzwe. Uko benedata ba bashiki bacu bakinguriraga imitima yabo
kwakira umucyo, bakiriye ubwenge burushijeho ku byerekeranye n'icyo kwizera ari cyo. Imana
yari iyagaciro; kandi yari yiteguye gukomeza ubwoko bwayo. Amateraniro yarakomeje arenga
icyumweru nk'uko byari byemejwe mbere. Ishuri riba rihagaritswe, maze abantu bose bihatira
gushaka Imana. Umukuru Jones yaturutse i Boston, kandi yari yakoranye umwete kubw'abantu
b'Imana, yigisha kabiri cyangwa gatatu ku munsi. Umukumbi wagaburiwe ifunguro ritunga
ubugingo. Ubutumwa nyakuri Imana yoherereje ubwoko bwayo muri iki gihe bwatangiwe mu
byigisho. Amateraniro yarakomeje kuva mugitondo kare kugeza mu gicuku, kandi umusaruro
wavuyemo wari ushimishije. [3UB157]
Abanyeshuri n'abarimu bose bagabanye bihagije umugisha w'Imana. Ubuhamya rusange
bwatanzwe n'abari mu materaniro ni uko bagize ubunararibonye batari baragize mbere hose.
Banyuzwe n'umunezero wabo ko Kristo yababariye ibyaha byabo. Imitima yabo yari yuzuye
gushima no gusingiza Imana. Amahoro yari yatashye mu mitima yabo. Bakundaga umuntu wese,
kandi bumvaga ko bashobora kuruhukira mu Rukundo rw'Imana. [3UB157]
Sinigeze mbona umurimo w'ububyutse ujya imbere nko muri ubu buryo bunoze butyo kandi
ntugaragaremo gutwarwa kudakwiriye. [3UB157]
Hari benshi bemeje ko uko gucukumbura ukuri byashyirwaga ahagaragara, bemejwe mu mucyo
w'amategeko ko ari abanyabyaha. Bari barakomeje kwishingikiriza ku gukiranuka kwabo.
Nyamara ubu bakubonye kumeze nk'ubushwambagara bufite ibizinga ukugereranyije no
gukiranuka kwa Kristo ko konyine kwemerwa n'Imana.
Nubwo batari abanyabyaha bihandagaje, bibonye nk'impezamajyo kandi bangiritse mu mitima.
Bari barimitse ibigirwamana mu mwanya wa Data wo mu ijuru. Bari barakomeje gukirana no
kureka ibyaha, ariko bakomeza kwiringira imbaraga zabo. Tugomba gusanga Yesu uko turi,
tukatura ibyaha byacu, kandi tugatura imitima yacu y'akahebwe ku Mukiza wacu wuje impuhwe.
-The Review and Herald, March 5, 1889. [3UB157]
 HAKENEWE IMVUGO IKWIRIYE ISOBANURA GUKIRANUKA KUBWO KWIZERA
Naratumiwe kugira ngo ngire amagambo mbwira abagabura turi mu ihema ryari rigenewe
abagabura.50 Twavuganye na bamwe kuri gahunda nziza yakorwa ngo abantu bigishwe kuri iyi
ngingo bahereye kuby'idini mu muryango. [3UB158]
Abantu benshi bagaragara ko ntacyo basobanukiwe ku bigize kwizera. Benshi bavuga
iby'umwijima no gucika intege. Narababajije nti: "Mbese amaso yanyu muyahanze kuri Yesu?
Mbese muramwitegereza, we Zuba ryo Gukiranuka? Mukeneye gusobanurira amatorero
ibyerekeranye no kwizera no kwishingikiriza rwose ku gukiranuka kwa Kristo. Mu biganiro
mugira no mu masengesho yanyu mutinda gake cyane kuri Kristo, ku Rukundo rwe rutagira
akagero, ku gitambo cye gikomeye yatanze ku bwacu, ku buryo Satani yijimishije ibitekerezo
mwakagombye kuba mufite kandi mugomba kugira kuri Kristo. Mu kurushaho kwegera Yesu
Kristo nk'Umucunguzi wacu, tugomba kwiringira gake ibya muntu ku byerekeranye n'ubufasha
bw'iby'umwuka. Tugomba gutinda kandi tumaramaje ku mico yo mu ijuru ya Yesu Kristo;
tugomba kuvuga iby'urukundo rwe, tugomba kuvuga no kuririmba imbabazi ze, kandi tukamugira
Umukiza wacu bwite. Übwo tuba tubaye umwe na Kristo. Dukunda ibyo Kristo akunda, twanga
icyaha, icyo Kristo yanga. Ibi bintu ni byo tugomba kaganiraho, tukanabitindaho." [3UB158]
Naganirije abagabura. Muyobore abantu intambwe ku ntambwe, mutinde cyane ku kuba Kristo
ahagije kugeza ubwo, kubwo kwizera kuzima, babona Yesu nk'uko ari-bamubona wese wese, ko
ari Umukiza ubabarira ibyaha, wa wundi ushobora kubabarira ibicumuro byacu byose. Ni kubwo
kumwitegereza duhindurirwa gusa na we. Uku ni ukuri kugenewe iki gihe. Twavuze
iby'amategeko. Ibyo ni ukuri. Ariko ni gake twerereje Kristo nk'umukiza ubabarira ibyaha.
[3UB158]
Tugomba guhoza imbere y'ubwenge bwacu Umukiza ubabarira ibyaha. Ariko tugomba
kumugaragaza mu mwanya we nyakuri-nk'uwaje gupfa kugira ngo yogeze kandi yubahishe
amategeko y'Imana, kandi atsindishirize umunyabyaha wishingikiriza ku byakozwe n'amaraso
y'Umukiza wabambwe akazuka. Ibi ntibyagaragajwe neza. [3UB158]
Ubutumwa bukiza ubugingo, ari bwo butumwa bwa marayika wa gatatu, ni bwo butumwa
bugomba kubwirwa abari mu isi. Amategeko y'Imana no kwizera Yesu byombi ni ingenzi, ni
ingenzi cyane, kandi bigomba guhabwa imbaraga n'ububasha bingana. Umugabane wa mbere
w'ubu butumwa ni wo wibanzweho cyane, naho umugabane wa nyuma uvugwaho gake. Kwizera
kwa Yesu [kwizera Yesu) ntabwo kwasobanutse. Tugomba kukuganiraho, tugomba kubaho uko
kuvuga, tugomba gusenga tugusaba, [3UB158]

50 Inama yahawe abagabura mu materaniro makuru yabereye i Colorado, Nzeri 13, 1889, hatangwa ibyigisho ku gukiranuka kubwo kwizera.

tukigisha abantu gushyira uyu mugabane w'ubutumwa mu buzima bwo mu miryango yabo.
"Mugire wa mutima wari muri Kristo Yesu" (Abafilipi 2:5). [3UB159]
Ibiganiro Byuzuye Kristo Birakenewe. Hari ibiganiro byose, bikakaye kandi bitagira Kristo,
kandi muri ibyo biganiro Yesu yavugwaga gake. Umutima w'umubwiriza ntiwigaruriwe kandi ngo
woroshywe n'urukundo rwa Yesu. Yibanda ku nyigisho zumagaye. Nta bikomeye zikora ku
bazumva. Umubwiriza ntiyejejwe n'amavuta ava mu ijuru, none yabasha ate kunyeganyeza
imitima y'abantu? Dukeneye kwihana no guhinduka: ni byo rwose, umubwiriza agomba
guhinduka. Yesu agomba kwererezwa imbere y'abantu, kandi na bo bakararikirwa "Kureba
bakabaho." [3UB159]
Kuki iminwa yacu yicecekeye ku ngingo yerekeranye no gukiranuka kwa Kristo n'urukundo rwe
akunda abari mu isi? Kuki tudaha abantu ibyo kubabyutsa no kubakangurira ubugingo bushya?
Intumwa Pawulo yari yuzuye gutwarwa no kuramya ubwo yavugaga ati: "Si ugushidikanya,
ubwiru bw'ubumana burakomeye cyane: Imana kwerekanwa ifite umubiri, ikagaragara ko ari
umukiranutsi mu mwuka, ikabonwa n'abamarayika, ikamamazwa mu banyamahanga, ikizerwa mu
isi, ikazamurwa igahabwa ubwiza" (1Timoteyo 3:16). [3UB159]
"Mugire wa mutima wari muri Kristo Yesu. Uwo nubwo yabanje kugira akamero k'Imana,
ntiyatekereje yuko guhwana n'Imana ari ikintu cyo kugundirwa, ahubwo yisiga ubusa ajyana
akamero k'umugaragu w'imbata, agira ishusho y'umuntu, kandi amaze kuboneka afite ishusho
y'umuntu yicisha bugufi, araganduka ntiyanga no gupfa ndetse urupfu rwo ku musaraba.....Ngo
amavi yose apfukame mu izina rya Yesu, ari ay'ibyo mu ijuru, cyangwa ay'ibyo mu isi, cyangwa
ay'ibyo munsi y'isi, kandi índimi zose zihamye ko Yesu Kristo ari Uwiteka, ngo Imana Data wa
twese ihimbazwe." (Abafilipi 2:5-11). [3UB159]
"Ni we waducunguje amaraso ye ngo tubone kubabarirwa ibyaha byacu. Ni na we shusho y'Imana
itaboneka, ni we mfura mu byaremwe byose, kuko muri we arimo byose byaremewe, ari ibyo mu
ijuru cyangwa ibyo mu isi, ibiboneka n'ibitaboneka, intebe z'ubwami n'ubwami bwose, n'ubutware
bwose n'ubushobozi bwose. Ni we wabiremye byose kandi rero ni na we byaremewe. Yabanjirije
byose kandi byose bibeshwaho na we" (Abakolosayi 1:14-17). [3UB159]
Iyi ni insanganyamatsiko ikomeye kandi ikomoka mu ijuru yirengagijwe ku rwego rukomeye mu
biganiro kubera ko Kristo atigeze aremerwa mu mitima y'abantu. Kandi Satani yakoresheje uburyo
bwe ngo bigende gutyo, kugira ngo Kristo ataba ingingo yo gutekerezwaho no guhimbaza. Iri zina,
rikomeye cyane, kandi ry'ingenzi, rikwiriye kuba ku rurimi rwose. [3UB159]
"Iryo nahindukiye umubwiriza nkurikije ubusonga Imana yampaye ku bwanyu, kugira ngo
mbwirize abantu ijambo ry'Imana ryose, ari ryo bwa bwiru bwahishwe uhereye kera kose n'ibihe
byose, ariko none bukaba [3UB159] bwarahishuriwe abera bayo, abo Imana yishimiye kumenyesha
ubutunzi bw'ubwiza bw'ubwo bwiru bwageze mu banyamahanga, ari bwo Kristo uri muri mwe,
ari byo byiringiro by'ubwiza. Ni we twamamaza tuburira umuntu wese, tumwigisha ubwenge
bwose kugira ngo tumurikire Imana umuntu wese, amaze gutunganirizwa rwose muri Kristo. Icyo
ni cyo gituma nkora cyane, ndwanana umwete nk'uko imbaraga ze ziri zinkoreramo cyane
(Ábakolosayi 1:25-29). [3UB160]
Aha ni ho hari umurimo w'abagabura bavuga ibya Kristo. Kuko uyu murimo utakozwe, kuko
Kristo n'imico ye, amagambo ye, ndetse n'umurimo we bitashyizwe imbere y'abantu, uko
amatorero ameze mu by'iyobokamana birarega ababwiriza bayo. Amatorero agiye gupfa kuko
abantu batagaragarijwe Kristo uko bikwiye. Nta buzima bw'ibya mwuka buyarangwamo kandi nta
bushishozi mu bya mwuka buharangwa. [3UB160]
Ubwoba Butewe n'Ubutumwa bwo Gukiranuka kubwo Kwizera. Abigisha abantu
ntibimenyereje kugira ubunararibonye buzima bagirana n'Isoko yabo bishingikirizaho ndetse
n'Isoko y'imbaraga zabo. Maze igihe Uwiteka ahagurukije abantu akabohereza batwaye ubutumwa
bugenewe iki gihe bashyiriye abantu (ubutumwa butari ukuri gushya, ahubwo ari nabwo butumwa
Pawulo yigishaga, ubutumwa Yesu nawe ubwe yigishije) bwa butumwa bubagaragarira
nk'inyigisho z'inzaduka. Batangira kubwira abantu kubyitondamo-abantu bagiye gupfa kuko
batakomejwe no kuba Yesu yarererejwe imbere yabo. [Barabwirwa ngo]: "Mwe kwihuta cyane.
Ibyiza ni uko mwategereza, kandi mwe kwemera ibi bintu kugeza ubwo muzabimenyaho byinshi."
Kandi abagabura babwiriza izo nkuru zumagaye zidafite ubuzima mu gihe abantu bakeneye manu
nshya. [3UB160]
Imico ya Kristo ni imico itunganye bitagerwa, kandi agomba kwererezwa cyane, kuko ni imbaraga,
ni ubushobozi, ni ukwezwa no gukiranuka ku bamwizera bose. Abantu bigeze kugira umwuka wa
Gifarisayo, batekereza ko niba bashikamye ku nyigisho nziza za kera, nyamara ntibagire uruhare
mu butumwa Imana yoherereje ubwoko bwayo, ubwo bumva ko bazaba bari mu mwanya mwiza
kandi utekanye. Uko ni ko Abafarisayo ba kera batekerezaga, kandi urugero rwabo rwagombye
kubera umuburo abagabura bakava kuri urwo rubuga rwo kumva bihagije. [3UB160]
Igisha Insanganyamatsiko z'Ubutumwa Bwiza Zizamura Abantu mu by'Umwuka. Dukeneye
imbaraga zo kwisubiraho no kudukomeza mu mwete no kwizera gukomeye. Bityo rero,
nitubatizwa na Mwuka Wera, Kristo azaremwa muri twe, we byiringiro by'ubwiza. Ubwo nibwo
tuzagaragaza Kristo nk'uwo mu ijuru ukwiye kwizera kwacu n'urukundo rwacu. Tuzaganira ibya
Krito, tuzasenga Kristo kandi tuzasaba ibimwerekeye. Tuzasingiza izina rye ryera. Tuzereka
abantu ibitangaza bye, kwiyanga kwe, kwitanga kwe, imibabaro ye, no kubambwa kwe, kuzuka
kwe no kuzamukana intsinzi kwe. Izi ni zo ngingo z'ubutumwa bwiza zizamura abantu mu
by'umwuka, zikabyutsa urukundo n'ishyaka [3UB160] rigurumana mu mutima wa buri wese. Aha
ni ho hari ubutunzi bw'ubwenge no kumenya, hakaba isoko idakama. Uko ushishikarira kugera
kuri ubu bunararibonye, ni ko ubuzima bwawe buzarushaho kugira agaciro. [3UB161]
Amazi y'ubugingo ashobora kuvomwa muri iryo riba ariko ntiryigera rikama. Abagabura
b'ubutumwa bwiza bari kuba abanyambaraga iyo bakomeza gushyira Umwami Yesu Kristo imbere
yabo kandi igihe cyabo bakagikoresha biga imico ye myiza. Iyo bakora batyo, nta buhakanyi bwari
kubaho, nta n'umwe wari gutandukana n'itorero kuko, kubw'ibikorwa byabo byo kwiyandarika,
basuzuguje umurimo w'Imana bakoza Yesu isoni ku mugaragaro. Imbaraga za buri mugabura wese
w'ubutumwa bwiza zakagombye kuba zarakoreshejwe mu kwigisha amatorero y'abizera kwakira
Kristo kubwo kwizera nk'Umukiza wabo ku giti cyabo, bakamugira mu bugingo bwabo kandi
bakamugira Icyitegererezo, ngo bigire kuri Yesu, bizere Yesu, kandi berereze Yesu. Umugabura
na we ubwe yagombye kwibanda ku mico ya Kristo. Yagombye gutekereza ukuri, kandi
agatekereza byimbitse ku bwiru bwo gucungurwa, by'umwihariko ku murimo wa Kristo wo
kuduhongerera muri iki gihe. [3UB161]
Ibande Cyane ku Kwigira Umuntu kwa Kristo no Guhongerera kwe. -Niba Kristo ari byose
kandi akaba muri buri wese muri twe, kuki mu matorero hatariho kwibanda cyane kwigira umuntu
kwe ndetse n'igitambo cye cyo kuduhongerera bidatindwaho? Kuki imitima n'indimi
bidakoreshwa mu gusingiza Umucunguzi? Ibi ni byo imbaraga z'abacunguwe zizakora mu bihe
bizira iherezo. [3UB161]
Twe ubwacu dukeneye kugirana n'Imana umubano uhoraho kugira ngo tubone uko twigisha ibya
Yesu. Nibwo tuzashobora gutanga ubunararibonye buzima bwacu bwite bw'uwo Kristo ari we kuri
twe haba mu ngiro no mu kwizera. Twakiriye Kristo kandi kubw'umuhati mvajuru dushobora
kuvuga iby'imbaraga iturimo. Abantu bagomba kureherezwa kuri Kristo. Gukiza kwe ni ko
kugomba gushyirwa hejuru. [3UB161]
Abigishwa nyakuri, nibaba bicaye ku birenge bya Yesu, bazavumbura amabuye y'agaciro y'ukuri
kwavuzwe n'Umukiza wacu, kandi bazasobanukirwa n'icyo avuze ndetse n'agaciro kayo. Kandi
icy'ingenzi kurushaho, uko bazaca bugufi bakigishwa, gusobanukirwa kwabo kuzaguka maze
bavumbure ibintu bitangaje byo mu mategeko ye, kuko Kristo yabigaragaje mu mirongo
isobanutse kandi igaragara neza. [3UB161]
Inyigisho y'ubuntu n'agakiza muri Yesu Kristo ni ubwiru ku mugabane munini w'abafite amazina
yabo mu bitabo by'itorero. Iyaba Kristo yari ku isi yigisha abantu be, yabagayira ko batinda
gusobanukirwa. Yabwira abo batinda kumva n'abo badasobanukirwa ati: "Nabahaye ukuri
kurebana n'agakiza kanyu, ariko ntimutekereza agaciro gufite." [3UB161]
Yooo, iyaba abagabura bacu babwiriza abantu n'amatorero bavugwagaho ngo, "Maze abungura
ubwenge ngo basobanukirwe n'ibyanditswe!" (Luka [3UB161] 24:45). Ndababwira mfite kubaha
Imana yuko kugeza ubu, ukuri kwa Bibiliya kwerekeranye n'inama ikomeye y'agakiza
kwasobanutse gake. Ukuri kuzakomeza guhishurwe, kwaguke, kandi gutere imbere, kuko
gukomoka mu ijuru, kimwe n'Uwo gukomokaho. [3UB162]
Uko Yesu Yigishaga Abantu-Yesu ntiyatangaga ubusobanuro bwose cyangwa ibiganiro
birambuye ku nyigisho runaka, ahubwo kenshi yavugaga mu nteruro ngufi, nk'uwabaga abiba
imbuto zo mu ijuru z'inyigisho nk'amasaro agomba gutoragurwa n'umukozi usobanukiwe.
Inyigisho zo kwizera n'ubuntu yazigaragazaga aho yabaga yigishiriza hose. Oh, kuki abagabura
batagaburira amatorero igaburo rizabaha ubuzima bwiza n'imbaraga mu by'umwuka? Umusaruro
uzavamo uzaba ubunararibonye bukungahaye mu kumvira Ijambo ry'Imana gushyizwe mu
bikorwa. Kuki abagabura bacu badakomeza ibisigaye bigiye gupfa? [3UB162]
Igiheyari hafi gutandukana n'abigishwabe, Yesu yashakagaicyashoboraga kubakomeza cyane
kurushaho yashoboraga kubasigira. Yabasezeraniye Umwuka Wera-Umufasha-ngo afatanye
n'imbaraga z'umuntu. Ni irihe sezerano ryumvikana gake, risohorezwa itorero gake, nk'isezerano
ry'Umwuka Wera? Igihe uyu mugisha (umugisha uzana n'indi migisha yose iwukurikiye) watawe
hasi, ingaruka zidasubirwaho ziba amapfa mu by'umwuka. Uyu mugayo ushyirwa ku mubwiriza.
Itorero rigomba guhaguruka kandi ntiryongere kunyurwa n'ikime gike cyane kidahagije. [3UB162]
Ubukene Bwacu bwa Mwuka Wera. -Oh, kuki abizera b'amatorero yacu bahagarariye aho
kongera kubona ayo mahirwe yabo? Ntabwo bo ubwabo biyumvamo ko bakeneye gukoreshwa na
Mwuka w'Imana. Nka Mariya, itorero rishobora kuvuga riti: "Bakuyemo Umwami wanjye, nanjye
sinzi aho bamushyize" (Yohana 20:13). [3UB162]
Abagabura babwiriza ukuri kw'iki gihe bazemera ko ari ngombwa gukoreshwa na Mwuka w'Imana
mu kwemeza icyaha no guhindura imitima, kandi uko gukora kwa Mwuka w'Imana kugomba kuba
no mu kubwiriza Ijambo, nyamara ntibiyumvamo akamaro ka Mwuka bihagije ngo babashe kugira
ubumenyi bwimbitse kandi bw'ibikorwa bya Mwuka. Ubukene bw'ubuntu n'imbaraga mvajuru
y'ukuri ikorera mu mitima yabo bubabuza gusobanukirwa n'iby'umwuka no kugaragaza impamvu
ari ngombwa ku itorero. Nuko bakagenda inzira yose bacumbagira, bakaba ingwingiri mu gukuza
amajyambere y'iby'umwuka, kuko mu murimo bakora iyobokama ryabo rishingiye ku matekego.
Imbaraga y'ubuntu bw'Imana ntiyumvikana nk'ihame rizima kandi rya ngombwa. [3UB162]
Oh, iyaba bose bashoboraga kubona ibi maze bakakira ubutumwa Imana yabahaye! Imana
yahagurukije abagaragu bayo ngo bigishe ukuri kwirengagijwe, kandi kukaba kwaratabwe munsi
y'ibishingwe by'imihango, kubera ko gusaba kwerereza umusaraba. Kugomba kuvanwa aho
kwatabwe kugasubizwa mu mwanya w'ukuri kugenewe iki gihe. Ibyo gusaba bigomba [3UB162]
gushimangirwa, kandi kugahabwa umwanya wako mu butumwa bwa marayika wa gatatu.
[3UB163]
Mureke abagabura bakorera Kristo bategeke kwiyiriza ubusa, bahamagaze iteraniro ryera, bashake
Uwiteka bigishoboka ko abonwa. Nimwumwambaze igihe mukirambaraye munsi y'umusaraba w'i
Kaluvari. Nimwiyambure ubwibone bwanyu bwose kandi nk'abarinzi bahagarariye amatorero,
muririre hagati y'umuryango w'urusengero n'igicaniro, maze muboroge muti: "Uwiteka we, kiza
ubwoko bwawe, [3UB163]
Ntureke ab'umwandu wawe bashinyagurirwa. Dukuremo ibyo ushaka, ariko ntudukureho
Umwuka wawe Wera, turi ubwoko bwawe." Musenge, ni ukuri, musengere gusukirwa Umwuka
w'Imana! -Manuscript 27, 1889. [3UB163]
 IGICE CYA 22

GUSHIMANGIRA INSANGANYAMATSIKO Y'AGAKIZA- 1890-1908

Guteganyirizwa Agakiza. -Kwicuza, kubabaza umubiri, kwatura ibyaha guhoraho nyamara nta
kwihana kuvuye ku mutima kubayeho; kwiyiriza ubusa, iminsi mikuru n'amateraniro, n'ibyo
twubahiriza bigaragara inyuma bidaherekejwe no kwitanga nyakuri-ibi byose nta gaciro byaba
bifite. Igitambo cya Kristo kirahagije; yatanze ituro rishyitse kandi rihagije ku Mana; kandi imihati
y'umuntu utishingikirije ku byakozwe na Kristo, nta gaciro ifite. Ntidusuzuguza Imana gusa iyo
tugendeye muri iyo nzira ahubwo tunangiza kuba ingirakamaro kwacu kwa none n'uko mu gihe
kizaza. Kutanyurwa n'agaciro K'igitambo cya Kristo, bigira ingaruka mbi; byijimisha ibyo
twirigiraga, maze bigatuma tudashyikira amahirwe yacu; bituyobora ku kwakira inyigisho zipfuye
kandi ziteza akaga zerekeranye n'agakiza twahawe kaguzwe igiciro kitagira akagero. Inama
y'agakiza ntiyumvikana nk'aho ari uburyo imbaraga mvajuru zigera ku muntu kugira ngo imihati
ya muntu ibashe kugera ku ntsinzi rwose. [3UB164]
Kubabarirwa mu buryo Kristo ababariramo, ntabwo ari ukubabarirwa gusa, ahubwo ni
uguhindurwa mushya mu mwuka w'umutima wacu. Uwiteka aravuga ati: "Nzabaha n'umutima
mushya." Ishusho ya Kristo igomba kwandikwa mu bwenge bwose, mu mutima wose, ndetse
n'ubugingo bwose. Intumwa Pawulo iravuga iti: "Nyamara twebwe dufite gutekereza kwa Kristo"
(1Abakorinto 2:16). Hatabayeho igikorwa cyo guhinduka gushobora kubaho gusa binyuze mu
mbaraga z'Imana, kubogamira mu cyaha twavukanye bigumana mu mutima imbaraga zabyo,
bigakora iminyururu mishya, bigatera ububata budashobora gucibwa n'imbaraga z'umuntu. Ariko
abantu ntibashobora kwinjirana mu ijuru n'ibyo bakunda [3UB164] bya kera, ibyo barangamira,
ibigirwamana byabo n'inyigisho zabo. Ijuru ntiryababera ahantu h'umunezero; kuko ikintu cyaho
cyose cyabusanya n'ibyo bakunda, n'ibyo barangamira, kandi mu buryo bubabaje kigahangana
n'imico bavukanye ndetse n'iyo banduye ya kamere yabo. [3UB165]
Umunezero ni umusaruro uturuka mu kwera no guhuza n'ubushake bw'Imana. Abazaba abera mu
ijuru bagomba kubanza kuba abera hano ku isi; kuko igihe tuzava kuri iyi si, tuzagendana n'imico
yacu, kandi ibi bizaba ari ukugendana na bimwe mu biranga ijuru tuzaba twarahawe binyuze mu
gukiranuka kwa Kristo. - Review and Herald, Aug. 19, 1890. [3UB165]
Gutsindishirizwa no Kwezwa Bigerwaho Binyuze mu Kwizera-1890. -Iyo binyuze mu
kwihana no kwizera twemeye Kristo nk'Umukiza wacu, Uwiteka atubabarira ibyaha byacu, maze
agakuraho igihano cyari kigenewe uwacumuye ku mategeko. Ubwo umunyabyaha agahagarara
imbere y'Imana nk'umuntu ukiranuka; akemerwa n'ijuru, kandi binyuze muri Mwuka agasabana
na Data wa twese n'Umwana. [3UB165]
Icyo gihe kandi haba hasigaye undi murimo ugomba gukorwa, kandi uwo ni umurimo ukomeza.
Ubugingo bugomba kwereshwa ukuri. Kandi ibyo nabyo bikorwa binyuze mu kwizera. Kubera ko
ari kubw'ubuntu bwa Kristo gusa twakira kubwo kwizera, imico ishobora guhinduka. [3UB165]
Ni ingenzi ko dusobanukirwa neza n'imiterere yo kwizera. Hari benshi bizera ko Kristo ari
Umukiza w'abari mu isi, bakizera ko ubutumwa bwiza ari ukuri kandi ko buhishura inama
y'agakiza, ariko bakaba badafite kwizera gukiza. Bemejwe ukuri mu bwenge bwabo, ariko ibyo
ntibihagije. Kugira ngo atsindishirizwe, umunyabyaha agomba kugira kwa kwizera gufata ibyo
Kristo yakoze kukabigira ibye mu bugingo bwe. Dusoma ko abadayimoni na bo "bizera, ndetse
bagahinda umushyitsi," ariko uko kwizera kwabo ntikubazanira gutsindishirizwa, kimwe n'uko
kwizera kw'abemera ukuri kwa Bibiliya gusa mu bwenge bwabo bitabazanira inyungu z'agakiza.
Bene uko kwizera ntigushyikira ingingo y'ingenzi cyane, kuko uko kuri kudakora ku mutima
cyangwa ngo guhindure imico. [3UB165]
Mu kwizera nyakuri, kandi gukiza, harimo kwiringira Imana, binyuze mu kwizera igitambo
gikomeye cy'impongano cyatanzwe n'Umwana w'Imana i Kaluvari. Muri Kristo niho gusa uwizera
watsindishirijwe abonera ibyiringiro bye n'umurengezi. Kwizera gushobora kubaho nta byiringiro,
ariko gushikama gukomotse mu kwiringira ntigushobora kubaho kudafite kwizera. Umunyabyaha
wese wamaze kumenya imbaraga za Kristo zikiza, azagaragaza uku kwiringira ku rwego ruhanitse
uko azajya atera imbere mu bunararibonye. -Signs of the Times, Nov. 3, 1890. [3UB165]
Guhangana n'Ikigeragezo-1891.-Abantu benshi basa n'abatekereza ko kutagwa mu kigeragezo
ari ibidashoboka, ko nta mbaraga bafite zababashisha kunesha, maze bagacumura ku Mana
bakoresheje iminwa yabo, bavuga iby'urucantege no gushidikanya, aho kuvuga kwizera [3UB165]
n'ubutwari. Kristo yageragejwe uburyo bwose nka twe, ariko ntiyakora icyaha. Yaravuze ati:
"Umutware w'ab'iyi si araza, ariko ntacyo amfiteho." Ibi bisobanuye iki? Bisobanuye ko umutware
w'ikibi atashoboraga kubona muri Kristo urubuga yamushukiraho; kandi natwe byadushobokera.
- The Review and Herald, May 10, 1891. [3UB166]
Gutungana Ntikugerwaho kubwo Gusimbuka Rimwe-1891. Turitegereza hirya y'igihe;
turitegereza ahazaza h'iteka ryose. Tugerageza kubaho mu buryo Kristo ashobora kuvuga ati:
"Nuko nuko, mugaragu mwiza ukiranuka." Reka buri wese muri twe, abeho muri ubwo buryo.
Dushobora gukora amakosa; dushobora kuyoba; ariko Imana ntizaturekera muri ayo makosa.
"Icyakora, nihagira umuntu ukora icyaha, dufite Umurengezi kuri Data wa twese, ni we Yesu
Kristo ukiranuka." Hari ibyiringiro kuri twe; turi imbata z'ibyiringiro. [3UB166]
Reka dusingire amasezerano akungahaye Imana yatanze. Umurima w'Imana wuzuye amasezerano
akungahaye. Oh, nimutyo tuyakusanye; nimutyo tuyagire ayacu; nimutyo twerekane ko twizera
Ímana. Nimutyo dufatire Imana ku ijambo ryayo; kandi he kugira umuntu n'umwe muri twe
ugaragara ko atiringira Imana cyangwa ngo ayishidikanyeho. [3UB166]
Reka tube Abakristo bakura. Ntidukwiye guhagararira aho. Tugomba kuba turi imbere uyu munsi
kuruta uko twari tumeze ejo hashize. Buri munsi twige kurushaho kwiringira, kurushaho
kumaramaza mu kwishingikiriza kuri Yesu. Ubwo nibwo tuzakuza amajyambere. Ntiwasimbuka
rimwe ngo ushyikire gutungana; kwezwa ni umurimo w'ubuzima bwose.... [3UB166]
Ndibuka mu mwaka wa 1843 umugabo n'umugore we...bari biteguye ko Umukiza agaruka mu
1844, bari bategereje kandi bari maso. Buri munsi bagombaga gusenga Imana; mbere y'uko
bifurizanya ijoro ryiza, barabwiranaga bati: "Birashoboka ko Umukiza yagaruka dusinziriye,
dushaka kuba twiteguye." Umugabo yagombaga kubaza umugore we niba uwo munsi atavuze
ijambo ridahuje n'ukuri ndetse n'ukwizera kwabo, n'umugore na we yagombaga kumubaza atyo.
Maze bagaca bugufi imbere y'Imana bakayisaba bavuga ko niba bacumuye mu ntekerezo cyangwa
mu magambo cyangwa mu bikorwa yabababarira icyo gicumuro. Ubu dukeneye kwiyoroshya
nk'uku. [3UB166]
Murifuza kuba nkabana bato, bizirika ku byakozwe n'Umukiza wabambwe akazuka, maze
mukabona gukomezwa. Byagenda bite? Abamarayika b'Imana bazakugota babe nk'inkike
y'umuriro. Gukiranuka kwa Kristo, uko usaba, kuzakujya imbere, icyubahiro cy'Imana
kizagushorera. Mana eza indimi zacu; Mana eza intekerezo zacu; Mana eza imitima yacu
kugirango twibande ku ngingo z'iby'ijuru, kandi ngo tubashe kugeza ubwo bwenge n'umucyo ku
bandi. Hari iterambere rikomeye kuri [3UB166] twe, ariko ntiduhagararire aho. Imana ibafashe
gusohoza neza inshingano mufite. -Manuscript 9, 1891. [3UB167]
Gutsindishirizwa Gusobanurwa-1891. -Kuri benshi gutsindishirizwa kubwo kwizera ni ubwiru.
Umunyabyaha atsindishirizwa n'Imana igihe yihannye ibyaha bye. Areba Yesu ari ku musaraba
w'i Kaluvari. Aribaza ati: "Kuki habayeho uyu mubabaro wose?" Ni uko amategeko ya Yehova
yishwe. Amategeko y'ingoma y'Imana mu ijuru no ku isi yarishwe, kandi igihano cy'icyaha
gitangazwa ko ari urupfu. Ariko "Imana yakunze abari mu isi cyane, byatumye itanga Umwana
wayo w'ikinege, kugira ngo umwizera wese atarimbuka, ahubwo ahabwe ubugingo buhoraho."
Oh, mbega urukundo, mbega urukundo rutagira akagero! Kristo, Umwana w'Imana, apfira
umunyabyaha ruharwa! [3UB167]
Umunyabyaha abona umwuka w'amategeko y'Imana n'ibyo asaba bihoraho iteka ryose. Abona
urukundo rw'Imana mu guteganya inshungu n'ubwishingizi ku munyabyaha ruharwa, kandi iyo
nshungu ni Umwe ungana n'Imana. Uko kugaragaza ubuntu bw'Imana mu mpano y'agakiza ku
bari mu isi byuzuza umunyabyaha gutangara. Uru rukundo Imana yakunze umuntu rusenya inkuta
zose. Umunyabyaha aza ku musaraba washyizwe hagati y'ubumana n'ubumuntu, maze akihana
ibyaha byo gucumura kwe, kuko Kristo yakomeje kumwireherezaho. Ntatekereza ko amategeko
yamwezaho icyaha, kuko amategeko atifitemo gukiza umunyabyaha wayishe. Areba igitambo
cy'impongano nk'ibyiringiro bye rukumbi, binyuze mu kwihana imbere y'Imana-kuko amategeko
agenga ubutegetsi bwayo yishwe-no kugira kwizera mu Mwami wacu Yesu Kristo nk'Ushobora
kudukiza kandi akezaho umunyabyaha igicumuro cyose. [3UB167]
Umurimo wo guhongerera wa Kristo watangiranye n'uko umuntu yiyumvisemo ikidodo
n'umubabaro n'ubutindi, igihe yari amaze gucumura. Amategeko ntiyakuweho ngo umuntu bashe
gukizwa maze yongere kunga ubumwe n'Imana. Ahubwo Kristo yiyemeje kumuhindukira
umwishingizi n'umucunguzi igihe yahindukaga icyaha kubw'umuntu, kugirango uwo muntu na we
ahinduke gukiranuka kw'Imana muri Uwo wabanye na Data wa twese kandi binyuze muri Uwo
nyine wabanye na Data wa twese. Abanyabyaha bashobora gutsindishirizwa n'Imana gusa igihe
ibababariye ibyaha byabo, igakuraho igihano cyari kibakwiye, maze ikabafata nk'aho ari
abakiranutsi koko kandi batigeze bacumura, ikabakira mu mbabazi z'Imana kandi ikabafata
nk'abakiranutsi. Batsindishirizwa gusa binyuze mu gukiranuka kwa Kristo babarwaho. Data wa
twese yemera Umwana we, maze binyuze mu gitambo cy'impongano cy'Umwana we akemera
umunyabyaha. [3UB167]
Ukwizera Rusange Ntiguhagije. Ukwizera rusange kwishimirwa na benshi, kandi bakemera ko
Ubukristo ari bwo byiringiro rukumbi ku mitima irimbuka. Ariko kwemera ibi mu bwenge
ntibihagije ngo bikize ubugingo.... [3UB167]
Ntihakenewe kwizera gusa ahubwo hakenewe no kwiringira Imana. Uku ni ko kwizera nyakuri
kwa Aburahamu, kwizera kwera imbuto. "Aburahamu yizeye Imana, bimuhwanirizwa no
gukiranuka" (Yakobo 2:23). Igihe Imana yamusabaga gutamba umwana we nk'igitambo ryari
rimwe na rya jwi ryavuze rimusaba gusiga igihugu cye akajya mu gihugu Imana izamwereka.
Aburahamu yakijijwe no kwizera Kristo rwose nk'uko umunyabyaha akizwa no kwizera Kristo
uyu munsi. [3UB168]
Kwizera gutsindishiriza buri gihe kubanza kubyara kwihana nyakuri, maze kukabyara imirimo
myiza, ari byo mbuzo z'uko kwizera. Nta kwizera gukiza kudatera kwera imbuto nziza. Ímana
yahaye Kristo abari mu isi ngo ahinduke inshungu y'umunyabyaha. Igihe kwizera nyakuri
ibyakozwe n'igitambo cy'impongano cy'agaciro kenshi gushyizwe mu bikorwa, kukatura Kristo
nk Umukiza bwite w'umunyabyaha, icyo gihe umunyabyaha aba atsindishirijwe imbere y'Imana,
kuko aba ababariwe. [3UB168]
Uko Twanesha-1891.-Yohana yerekaga abantu Umwana w'Intama w'Imana ukuraho ibyaha
by'abari mu isi. Yaravuze ati: "Dore Umwana w'intama w'Imana, ukuraho ibyaha by'abari mu isi."
Muri uko "gukuraho" harimo ibintu bikomye. Ikibazo ni iki: "Mbese tuzakomeza gukora icyaha
nk'aho ari ikidashoboka kuri twe ngo tuneshe?" Ni gute twabasha kunesha, nk'uko Kristo
yanesheje? Kandi ubwo ni bwo buryo rukumbi. Kristo yasenze Se wo mu ijuru. Natwe tubasha
gukora dutyo Igihe ushutswe ngo uvuge nabi cyangwa ukore nabi, rwanya Satani maze umubwire
uti, 'sinakwegurira ubushake bwanjye ngo bugengwe nawe. Nzisunga imbaraga z'Imana kandi
kubw'ubuntu nzanesha. -Manuscript 83, 1891. [3UB168]
Kristo Atunganya iby'Intege nke Zacu Tutakwibuza Kugira-1891. -Yesu akunda abana be,
ndetse n'igihe bakosheje. Ni aba Yesu kandi tugomba kubafata nk'abaguzwe amaraso ya Yesu
Kristo. Icyo bakorewe cyose kidakwiriye cyandikwa mu bitabo nk'aho ari Yesu Kristo gikorewe.
Abahozaho ijisho rye, kandi iyo bakoze uko bashoboye kose, bagatabaza Imana ngo ibafashe,
bizezwa ko uwo murimo uzemerwa, nubwo udatunganye. [3UB168]
Yesu aratunganye. Gukiranuka kwa Kristo kubabarwaho, kandi azavuga ati: "Nimumwambure iyo
myenda y'ibizinga kandi ndakwambika imyambaro myiza cyane." Kristo atunganya iby'intege nke
zacu tutakwibuza kugira. Aho Abakristo babaye abiringirwa kuri bagenzi babo, bakaba abanyakuri
kandi badahemukira Umuyobozi w'ingabo z'Uwiteka, ntibagambanire icyizere bagiriwe ngo
bagitange mu maboko y'umwanzi, bazahindurwa bagire imico ya Kristo. Yesu azatura mu mitima
yabo kubwo kwizera. Letter 17a, 1891. (Wabona amagambo asa n'aya mu gitabo kivuga ibyo
Kwizera n'Imirimo ("Faith and Works, p. 50). [3UB168]
Ukimara Gukora Icyaha Hita Uhungira Kuri Kristo-1892. -Benshi ntibasenga. Bumva
baciriweho iteka kubw'icyaha cyabo, maze bagatekereza [3UB168] ko batagomba gusanga Imana
mbere yuko bagira icyo bakora ngo bemerwe imbere yayo cyangwa kugeza igihe Imana yibagiriwe
ibicumuro byabo. Baravuga bati: "Sinshobora kuzamura amaboko yera imbere y'Imana nta
mujinya cyangwa gushidikanya, bityo rero sinshobora kuza." Nuko bagakomeza kuba kure Kristo,
kandi bagakomeza gukora icyaha igihe bakora batyo, kuko nta kindi babasha gukora batamufite
uretse ikibi. [3UB169]
Ukimara gukora icyaha, ukwiriye guhungira imbere y'intebe y'ubuntu, maze ukabwira Yesu
ibikubayeho. Ugomba kumva ufite agahinda kubera icyaha, kuko binyuze mu gucumura waciye
intege iby'umwuka muri wowe, wateye agahinda abamarayika bo mu ijuru, maze ukomeretsa
kandi ushenjagura umutima wuje impuhwe w'Umucunguzi wawe. Igihe usabye Yesu imbabazi
n'umutima umenetse, izere ko yakubabariye. Ntushidikanye imbabazi ze cyangwa ngo wange
gukomezwa n'urukundo rwe rutagira akagero. The Bible Echo, Feb. 1, 1892. (Icyigisho
cyatangiwe ahitwa Melbourne, muri Australia, Ukuboza 19, 1891.) [3UB169]
Bigenda Bite Iyo Dukoze Icyaha Nyuma Yuko Twababariwe? - 1892. Mwuka Wera ni we
uduha kwihana. Yesu atwireherezaho binyuze mu gukora kwa Mwuka w'Imana; maze kubwo
kwizera amaraso ye, tukezwaho ibyaha: "kandi amaraso ya Yesu Umwana wayo atwezaho ibyaha
byose" (1Yohana 1:7). "Ariko nitwatura ibyaha byacu, ni yo yo kwizerwa kandi ikiranukira
kutubabarira ibyaha byacu no kutwezaho gukiranirwa kose" Umurongo wa 9. [3UB169]
Ariko dutekereze ko dukoze icyaha nyuma yuko twari twababariwe, mbese dukwiriye kwiheba? -
Oya: kuko Yohana yanditse ati: "Bana banjye bato, mbandikiriye ibyo kugira ngo mudakora
icyaha. Icyakora nihagira umuntu ukora icyaha, dufite Umurengezi kuri Data wa twese, ari we
Yesu Kristo ukiranuka" (1 Yohana 2:1). Yesu ari mu bikari byo mu ijuru, adusabira kuri Data.
Agaragaza amasengesho yacu, akayavanga n'umubavu w'agaciro w'ibyo yakoze, maze
amasengesho yacu akemerwa na Data wa twese. Ashyira impumuro nziza mu masengesho yacu,
maze Data wa twese akatwumva kuko twasabye ibyo dukeneye koko, maze tugahinduka
impumuro y'ubugingo itanga ubugingo ku bandi. [3UB169]
Kristo yaje kubabazwa mu cyimbo cyacu, kugirango aduhe gukiranuka kwe. Hari uburyo bumwe
gusa tubasha kuboneramo icyanzu, kandi buboneka gusa mu guhinduka abasangiye na kamere
y'Imana. [3UB169]
Nyamara benshi bavuga ko Yesu atari ameze nka twe, ko atari ameze nk'uko tumeze mu isi, ko
yari Imana, ko tutabasha kunesha nk'uko yanesheje. Nyamara Pawulo yaranditse ati: "Kandi rero
tuzi yuko atari abamarayika yatabaye, keretse urubyaro rwa Aburahamu. Ni cyo cyatumye yari
akwiriye gushushanywa na bene Se kuri byose, ngo abe umutambyi mukuru w'imbabazi kandi
ukiranuka mu by'Imana, abe n'impongano y'ibyaha by'abantu. Kuko ubwo yababajwe no
kugeragezwa ubwe, abasha [3UB169] no gutabara abageragezwa bose" (Abaheburayo 2:16-18).
"Kuko tudafite umutambyi mukuru utabasha kubabarana natwe mu ntege nke zacu, ahubwo
yageragejwe uburyo bwose nkatwe, keretse yuko atigeze akora icyaha. Nuko rero, twegere intebe
y'ubuntu tudatinya, kugira ngo tubabarirwe tubone ubuntu bwo kudutabara mu gihe gikwiriye"
(Abaheburayo 4:15,16). Yesu aravuga ati: "Unesha nzamuha kwicarana nanjye ku ntebe yanjye
y'ubwami, nk'uko nanjye nanesheje nkicarana na Data ku ntebe ye" (Ibyahishuwe 3:21). [3UB170]
Yesu yagotesheje abantu ubumuntu bwe; maze imbaraga mu by'umwuka ikagera ku muntu
binyuze mu bikorwa bitunganye bya Yesu. Abavuga izina rye binyuze mu buntu bwe bagomba
kwiyeza kugirango bageze imbaraga yeza ku bafatanyije na bo bose. -The Review and Herald,
March 1, 1892. [3UB170]
Nta Gihe cyo Kwipfumbata-1892. -None ubwo tumaze kumva ko ku gakiza twishingikirije
burundu kuri Kristo, mbese twipfumbate, maze tuvuge tuti: "Nta cyo mfite nakora; ndakijijwe,
Yesu yarangije byose"? Oya, ahubwo tugomba gukora uko dushoboye kose ngo duhinduke
abafatanyije na kamere y'Imana. Tugomba guhóra turi maso, dutegereje, dusenga, kandi dukora.
[3UB170]
Nyamara dukore ibyo dushoboye byose, ariko ntidushobora kwishyura inshungu y'ubugingo
bwacu. Nta cyo tubasha gukora ngo kituzanire kwizera, kuko kwizera ni impano y'Imana; kandi
ntidushobora no kugusohoza, kuko Kristo ari we banze ryo kwizera kandi ni nawe ugusohoza
rwose. Byose tubikesha Kristo. Kwifuza ubugingo bwiza kurutaho kose tugira bituruka kuri Kristo,
kandi ibyo ni igihamya cy'uko Kristo ari kukwireherezaho, kandi ko uri kwitaba imbaraga ze
zikureshya. --The Bible Echo, May 15, 1892. [3UB170]
Kamere ya Kristo Itewe muri Twe-1894.-Ukuri, ukuri kw'agahano, ni ukuri gufite imbaraga
zeza. Kwezwa k'ubugingo bikozwe na Mwuka Wera ni igikorwa cyo gutera kamere ya Kristo mu
bumuntu. Ni Ubuntu bwa Yesu Kristo Umwami wacu bugaragarijwe mu mico, kandi ni Ubuntu
bwa Kristo buri gukora bugaragazwa mu mirimo myiza. Uko ni ko imico irushaho guhindurwa
ikabonera isanishwa n'ishusho ya Kristo mu gukiranuka no kwera. Hari ibisabwa byagutse biri mu
kuri mvajuru biva mu murongo umwe bigasingira undi murongo w'imirimo myiza. Ukuri kuvugwa
n'ubutumwa bwiza ntabwo gucagaguritse; kurafatanye kukarema umugozi umwe w'amasaro
mvajuru, nko mu murimo bwite wa Kristo, kandi nk'umugozi wa zahabu gukomereza mu murimo
w'umukristo wose no mu bunararibonye bwe. [3UB170]
Kristo ni we rusobe rwuzuye rw'ukuri. Aravuga ati: "Ni jye nzira, n'ukuri, n'ubugingo." Abizera
nyakuri bose bahurijwe muri Kristo, imico yabo irabagiranishwa na Kristo; bose bahurira muri
Kristo, kandi ni we bizengurukaho. Ukuri guturuka mu Ijuru bityo kugatunganya kandi kukeza
[3UB170] umuntu ubusembwa bwose bwo mu mico mbonera. Kuyobora mu bikorwa
by'ubugwaneza, kwitonda, kugwa neza, urukundo rwita ku batishoboye, abihebye, n'abababaye.
Uku ni ni ko kubaha amagambo ya Kristo gushyizwe mu bikorwa. -Manuscript 34, 1894. [3UB171]
Satani Yavugaga ko Yejejwe-1894. -Satani yavugaga ko yejejwe, kandi yishyize hejuru y'Imana
n'igihe yari mu bikari byo mu ijuru. Imbaraga ze zishukana zari zikomeye cyane ku buryo
yononnye n'umubare munini w'abamarayika, maze abikururiraho mu nyungu ze zishingiye ku
narijye. Igihe yageragezaga Yesu mu butayu yavugaga ko yejejwe, ko yari marayika utunganye
uvuye mu bikari byo mu ijuru. Ariko Kristo ntiyashutswe n'uko kwishushanya kwa Satani kandi
ni ko n'ababeshejweho n'ijambo ryose riva mu kanwa K'Imana batazashukwa. [3UB171]
Ntabwo Imana izemera ukumvira kudashyitse bigambiriwe. Abavuga ko bera, maze bakiziba
amatwi ngo batumva amategeko baba bigaragaje ko ari abana bo kutumvira, bafite umutima wa
kamere utumvira amategeko y'Imana, ndetse udashobora kuyumvira. -Manuscript 40, 1894.
[3UB171]
Kwizera n'Imirimo Myiza-1895. -Kwemerwa n'Imana kwacu gushingiye gusa mu Mwana wayo
ikunda, kandi imirimo myiza iza gusa ari imbuto iva ku gukora k'urukundo rwa Kristo rubabarira
ibyaha. Ntabwo imirimo myiza itwitirirwa, kandi nta na kimwe duhabwa kubw'imirimo yacu
myiza ngo tube twavuga ko ifite uruhare mu gakiza kubugingo bwacu. Agakiza ni impano y'ubuntu
Imana iha uwizeye, akayihabwa kubwa Kristo wenyine. Umutima uhangayitse ushobora kubona
amahoro binyuze mu kwizera Kristo, kandi amahoro umuntu azagira azaba agendanye n'uko
kwizera no kwiringira kwe bingana. Ntashobora kwerekana imirimo ye myiza nk'icyo
yashingiraho asaba agakiza k'ubugingo bwe. [3UB171]
Ariko se imirimo myiza nta gaciro kagaragara ifite? Mbese umunyabyaha wigaragura mu byaha
buri munsi ntahanwe, arebwa imbere y'Imana kimwe n'undi binyuze mu kwizera Kristo ugerageza
gukorera mu bunyangamugayo bwe? Ibyanditswe birasubiza biti: "Turi abo yaremye ituremeye
imirimo myiza muri Kristo Yesu, iyo Imana yiteguriye kera kugira ngo tuyigenderemo." [3UB171]
Muri gahunda yagenwe n'Imana, binyuze mu buntu bwayo tudakwiriye, Uwiteka yagennye ko
imirimo myiza izagororerwa. Twemerwa binyuze mu byo Kristo yakoze gusa; kandi ibikorwa
by'imbabazi, ibikorwa by'urukundo dukora, ni imbuto zo kwizera; kandi biduhindukira umugisha,
kuko abantu bazagororerwa hakurikije ibyo bakoze. [3UB171]
Umubabwe uhumura neza w'ibyo Kristo yakoze ni wo utuma imirimo yacu myiza yemerwa
n'Imana, kandi ubuntu ni bwo budushoboza gukora imirimo azaheraho atugororera. Imirimo yacu
ubwayo ntacyo yifitemo kizima. Igihe tumaze gukora ibyo dushobora gukora byose, tugomba
kwibara nk'abagaragu b'imburamumaro. Nta shimwe ridukwiriye riturutse [3UB171] ku Mana.
Twakoze gusa ibyo twagombaga gukora, kandi imirimo yacu ntiba yabashije gukorwa mu mbaraga
za kamere zacu z'icyaha. [3UB172]
Uwiteka yadusabye kumwegera bityo na we azatwegera; kandi nitumwegera, tuzabona ubuntu
budufasha gukora iyo mirimo izagororerwa nagaruka. -The Review and Herald, Jan. 29, 1895.
[3UB172]
Tuzengurutswe n'Ikirere cy'Ijuru-1898. "Turayikunda, kuko ari yo yabanje kudukunda"
(1Yohana 4:19). Guhinduka nyakuri no kwezwa nyakuri bizaba intandaro y'impinduka z'uko
tubona n'uko twumva abandi ndetse n'Imana. "Natwe twamenye kandi twizeye urukundo Imana
idukunda. Imana ni urukundo, kandi uguma mu rukundo aguma mu Mana, Imana ikaguma muri
we" (Umurongo wa 16). Tugomba gukura mu kwizera. Tugomba kumenya kwezwa na Mwuka
Wera. Tugomba gushaka Imana binyuze mu isengesho rivuye ku mutima kugira ngo Mwuka
w'Imana akorere muri twe. Bityo rero Imana izahererwa icyubahiro mu rugero rutanzwe
n'igikoresho muntu. Tuzaba abakozi bakorana n'Imana. [3UB172]
Kwezwa k'ubugingo, umubiri, ndetse n'umwuka bizatugotesha ikirere cy'ijuru. Niba Imana
yaradutoranyije kuva kera kose, ni ukugira ngo tube abera, imitima yacu yejejwemo imirimo
ipfuye kugira ngo tubone uko dukorera Imana ihoraho. Ntitugomba na gato guhindura inarijye
imana yacu. Imana yaritanze ngo idupfire, kugirango itwezeho gukiranirwa kose. Uwiteka
azakomeza gukora uyu murimo wo kudutunganya nitwemera kugengwa nawe. Uyumurimo
awukora kubw'ineza yacu no kubw'icyubahiro cy'izina rye. [3UB172]
Akamaro ko Kwizera Koroheje kandi Kumaramaje. -Tugomba guha abantu ubuhamya
buzima, tukabereka kwiyoroshya ko kwizera. Tugomba gufatira Imana ku ijambo ryayo, kandi
tukizera ko izakora nk'uko yavuze. Iyo Imana iduhannye, iduhanira kugirango tube abafatanya na
kamere yayo. Biri muri gahunda zayo n'ibyo yagennye byose ko ikomeza kutwezwa buri munsi.
Mbese ntituzabona umurimo wacu? Mbese ntituzereka abandi inshingano yabo, ngo tubereke
amahirwe bafite yo gukurira mu buntu no mu kumenya Yesu Kristo? [3UB172]
"Icyo Imana ishaka ni iki: ni ukwezwa kwanyu" (1Abatesalonike 4:3). Ntitwamaraniye kugera aho
dutanguranwa, ngo duhabwe ingororano zo guhamagara kwacu kwavuye mu ijuru. Inarijye
yahawe umwanya munini cyane. Oh, reka umurimo ukorwe uyobowe mu buryo budasanzwe na
Mwuka Wera. Imana isaba ko dukoresha imbaraga zose z'ubwenge n'impagarike. Ni ubushake
bwe ko dushushanywa na Yo mu byo dushaka, mu myifatire, mu mwuka, no mu mitekerereze
yacu. Umurimo wo gukiranuka ntushobora kujya mbere tudakoresheje ukwizera kumaramaje.
[3UB172]
Buri munsi gendera munsi y'imbaraga ikomeye y'Imana. Imbuzo zo gukiranuka ni ugutuza
n'ibyiringiro bidashidikanywa iteka ryose. Iyo tuba twaragaragaje kwizera Imana gusumbyeho
kandi tukaba twariringiye gake [3UB172] ibitekerezo n'ubwenge byacu, Imana iba yarerekaniye
imbaraga zayo mu mitima y'abantu mu buryo budasanzwe. Kubwo komatana na Yo, binyuze mu
kwizera kuzima, duhabwa amahirwe yo kunezezwa n'ibyiza no kugera ku ntego k'umurimo wayo
w'ubuhuza. Bityo rero tubambanwa na Kristo, tugapfana na Kristo, tukazukana na Kristo kugira
ngo tugendere mu bugingo bushya turi kumwe na We. -Letter 105, 1898. [3UB173]
Kwezwa Nyakuri Kurakenewe-1902. Mu majoro abiri ashize, nabyutse saa yine zuzuye, nari
ndemerewe cyane nuko nta mikorere ya Mwuka Wera yarangwaga mu bantu bacu. Narahagurutse
ntembera mu cyumba, nsaba Imana ngo yegere ndetse yegere cyane ubwoko bwayo, ibwambike
imbaraga kugira ngo bubashe gukorana umurimo wayo imbaraga ngo ubuntu busendereye bwa
Kristo buhishurirwe muri bwo .... [3UB173]
Mu kibwirizwa cyo ku Musozi, Kristo yatanze ubusobanuro byo kwezwa nyakuri. Yabayeho
ubuzima bwera. Yari isomo rifatika ry'icyo abayoboke be bagomba kuba cyo. Tugomba
kubambanwa na Kristo, tugahambanwa na We, hanyuma tugakangurwa n'Umwuka we. Ubwo ni
bwo tuba twujujwe ubugingo bwe. [3UB173]
Umurimo w'Ubuzima Bwose. -Kwezwa kwacu ni cyo Imana iba yitayeho mu byo idukorera
byose. Yadutoranyije uhereye kera kose ngo tube abera. Kristo yitangiye kugira ngo aducungure,
ngo binyuze mu kwizera imbaraga ye ikiza ibyaha, tube twuzuriye muri We. Ubwo yaduhaga
Ijambo rye, yari aduhaye umutsima uturutse mu ijuru. Avugako niba turiye umubiri we kandi
tukanywa n'amaraso ye, tuzabona ubugingo buhoraho. [3UB173]
Kuki ibi atari byo dutindaho cyane? Kuki tutagira umwete wo kubyumvikanisha mu buryo
bworoshye, kandi bifite icyo bisobanuye gikomeye? Kuki Abakristo badafungura amaso yabo ngo
barebe umurimo Imana ibasaba gukora? Kwezwa ni umurimo ukomeza w'ubuzima bwose.
Uwiteka aravuga ati: "Icyo Imana ishaka ni iki: ni ukwezwa kwanyu" (1Abatesalonike 4:3). Mbese
ni ubushake bwawe ko ibyifuzo byawe n'ibyo ubogamiramo byahuzwa n'ubushake bw'Imana?
[3UB173]
NK'Abakristo, twasezeranye kumenya no gusohoza inshingano zacu ndetse no kwereka ab'isi ko
dufitanye isano ya bugufi n'Imana. Muri ubwo buryo, binyuze mu magambo n'imirimo itunganye
by'abigishwa be, Kristo agomba kugaragazwa. [3UB173]
Imana idusaba kumvira amategeko yayo gutunganye, kuko ayo mategeko agaragaza imico yayo.
"Mbese none duhinduze ubusa amategeko kwizera? Ntibikabeho! Ahubwo turayakomeza"
(Abaroma 3:31). Aya mategeko ni ukwirangira kw'ijwi ry'Imana, ritubwira riti, 'komeza were,
yego, komeza were. Mwifuze kuzura k'ubuntu bwa Kristo. Yego rwose, mwifuze cyane
(musonzere kandi mugirire inyota) gukiranuka. Isezerano ni iri ngo: "Muzahazwa." Reka imitima
yanyu icyifuzo gikomeye cyo guhabwa uko [3UB173] gukiranuka, uko Ijambo ry'Imana rivuga ko
umurimo wako ari amahoro, kandi ibiva kuri uko gukiranuka ni ihumure n'ibyiringiro by'iteka
ryose. [3UB174]
Abafatanyije na Kamere y'Imana. Ni amahirwe yacu kuba abafatanyije na kamere y'Imana,
tumaze guhunga kononekara kwazanywe mu isi no kwifuza. Imana yavuze yeruye neza ko idusaba
kuba abera; kandi kubera ko ibidusaba, yakoze ibikenewe byose ngo tube abafatanyije na kamere
y'Imana. Ubwo nibwo tubasha kugera ku ntsinzi igihe tumaranira gusingira ubugingo buhoraho.
Imbaraga zitangwa na Kristo. "Icyakora abamwemeye bose bakizera izina rye, yabahaye
ubushobozi bwo kuba abana b'Imana" (Yohana 1:12). [3UB174]
Imana idusaba ko dushushanywa n'ishusho yayo. Kwera ni ukwigaragaza guturutse ku bwoko
bwayo kw'imirasire irabagirana y'ubwiza bwayo. Nyamara kugirango ubwo bwiza bugaragazwe,
umuntu agomba gukorana n'Imana. Umutima n'ubwenge bigomba gukurwamo ibintu byose
biyobora ku kibi. Ijambo ry'Imana rigomba gusomwa kandi rikiganwa umwete kugirango
turikuremo imbaraga z'umwuka. Umutsima wo mu ijuru ugomba kuribwa no kugogorwa,
kugirango uhinduke umugabane w'ubugingo. Uko ni ko twakira ubugingo buhoraho. Iyo bigenze
bityo, habaho gusubizwa kw'isengesho Umukiza yasenze agira ati: "Ubureshe ukuri: ijambo ryawe
ni ukuri."-Letter 153, 1902. [3UB174]
Ibitekerezo n'Imigirire Bigomba Gukurikiza Ijambo ry'Imana. Hari abantu benshi bavuga ko
berejwe Imana, ariko igihe urugero ngenderwaho rwo gukiranuka rubashyizwe imbere bajya mu
bicu maze bakagaragaza umwuka werekana ko batagize icyo bazi ku cyo kwezwa bisobanuye.
Ntibafite umutima wari muri Kristo; kubera ko abejejwe by'ukuri bazubaha kandi bumvire Ijambo
ry'Imana igihe cyose rizaba ribabumburiwe, kandi bazagaragaza icyifuzo gikomeye cyo kumenya
ukuri kuri buri ngingo yose y'inyigisho. Amarangamutima yo gutwarwa si igihamya cyo kwezwa.
Imvugo ihamya ngo: "Ndakijijwe, ndakijijwe," ntigaragaza ko ubugingo bwakijijwe cyangwa
bwejejwe. [3UB174]
Abantu benshi baba batwawe bikomeye babwirwa ko bejejwe, nyamara nta gitekerezo cy'ubwenge
bafite cy'icyo iryo jambo risobanuye, kuko batazi Ibyanditswe Byera cyangwa imbaraga y'Imana.
Bihimbaza ko bagendana n'ubushake bw'Imana kuko bumva bishimye; ariko iyo bageragejwe, iyo
Ijambo ry'Imana rije kugira icyo rikora ku mibereho yabo, bahagarikira aho gutega amatwi ukuri,
bakavuga bati: "Ndejejwe," maze ibyo bigashyira iherezo ku makimbirane. Ntibazigera barondora
Ibyanditswe ngo bamenye ukuri icyo ari cyo, bityo bakagaragaza ko bishuka bikomeye. Kwezwa
bisobanuye ikirenze gutwarwa kw'amarangamutima. [3UB174]
Gutwarwa si ko kwezwa. Gukurikiza rwose ubushake bwa Data wa twese uri mu ijuru ni byo
kwezwa konyine, kandi ubushake bw'Imana bugaragarizwa mu mategeko yayo yera. Kwitondera
amategeko yose [3UB174] y'Imana ni ukwezwa. Kuba abana bumvira Ijambo ry'Imana ni ukwezwa.
Íjambo ry'Imana rigomba kuba umuyobozi wacu, si amagambo cyangwa ibitekerezo by'abantu. -
The Review and Herald, March 25, 1902. [3UB175]
Kwezwa, Ni Imibereho yo Gukura Gukomeza-1908. -Nidukomeza guhanga intekerezo zacu
kuri Kristo, azadusanga ameze nk'imvura, ameze nk'imvura y'umuhindo n'imvura y'itumba isomya
ubutaka. Nka Zuba ryo Gukiranuka, azaturasira afite gukiza mu mababa ye. Tuzarabya
nk'uburabyo, tuzahembuka nk'umurima w'ibigori, kandi dutohe nk'umuzabibu. [3UB175]
Kubwo guhora tumuhanze amaso kandi tukigana Kristo nk'Umukiza wacu bwite, tuzakurira muri
We muri byose. Kwizera kwacu kuzakura, umutimanama wacu uzezwa. Tuzarushaho guhinduka
nka Kristo mu bikorwa byacu byose no mu magambo. Imana ishimwe, kuko tuzizera Ijambo ryayo.
"Imbuto z'Umwuka ni urukundo n'ibyishimo n'amahoro, no kwihangana no kugira neza, n'ingeso
nziza no gukiranuka, no kugwa neza no kwirinda. Ibimeze bityo nta mategeko abihana."-Letter
106, 1908. [3UB175]
 UMUGABANE WA VI

Uburezi-ISHURI RY'ITORERO ΝΑ KAMINUZA Z'ISI

IJAMBO RY'IBANZE
Mu mwaka wa 1902, abantu bari batuye ahakikije ivuriro rya St. Helena aho Ellen White yari
atuye kuva mu mwaka wa 1901 kugeza ku rupfu rwe bakoreshaga ishuri ryitwaga Crystal Springs
ryari rigizwe n'icyumba kimwe. Umwarimu muri iryo shuri yari Umudiventisiti w'Umunsi wa
Karindwi wari warabyitangiye witwaga Mr. Anthony. [3UB176]
Mu ntangiriro z'ikinyejana cya 20, Abadiventisiti b'Umunsi wa Karindwi mu bice bimwe byo muri
Leta Zunze Ubumwe za Amerika batewe umurava cyane n'inama za Ellen White, batangiye
gushyiraho ibigo by'amashuri bishingiye ku itorero by'abana bari mu kigero cyo gutangira ishuri.
Saa kumi nebyiri z'igitondo cyo ku wa mbere, tariki 14, Nyakanga, 1902, Ellen White yagejeje
imbwirwaruhame ku bakozi b'ivuriro ry'itorero abashishikariza gushyiraho ishuri rishingiye ku
itorero ndetse abemerera kubaha ku butaka bwe bwari ahitwa Elmshaven ngo bushyigikire uwo
mushinga. Amwe mu magambo yavuze ari mu ntangiriro y'uyu mugabane. [3UB176]
Abari bagize itorero ryari kumwe n'ivuriro bemeye igitekerezo cya Ellen White ariko ubwo ishuri
ryafunguraga mu ntangiriro z'umuhindo nta cyari cyarateganyirijwe abana bato kuko byari
byaratekerejwe ko abari mu kigero kiri munsi y'imyaka umunani cyangwa icumi bagombaga
kwigishirizwa mu rugo nk'uko inama Ellen White yari yaratanze mbere zabivuze. [3UB176]
Ababyeyi bose ntibari biteguye gukurikiza inama Ellen White yari yaratanze mu nyandiko ze za
mbere maze ibi bituma abana benshi babura uko bigishwa ngo bahabwe uburezi bukwiriye mu
myaka y'ubuto bwabo Imwe mu mbogamizi itorero ryahuye na zo ngo riteganyirize abana bato ni
imvugo yagarutsweho cyane Ellen White yanditse mu mwaka wa 1872 avuga ko, "Ababyeyi
bakwiriye kuba abarimu b'abana babo ubwabo kugeza [3UB176] bagize imyaka umunani cyangwa
icumi y'ubukure." -Testimonies, Vol. 3, p. 137. [3UB177]
Habayeho ukutumvikana gukomeye mu ntekerezo hagati y'abayobozi b'itorero ndetse n'abizera
kuri iki kibazo cy'ingenzi. [3UB177]
Uko ibihe byagiye biha ibindi, abayobozi b'ishuri ry'itorero bashatse uko bavugana na Ellen White
mu rugo rwe mu gitondo cyo kuwa gatanu w'Isabato, tariki ya 14, Mutarama, 1904 ngo bungurane
ibitekerezo ku ngingo yerekeye imyaka umwana ajya ku ishuri afite ndetse n'inshingano y'itorero
ku byerekeye uburezi bw'abana bato. W. C. White yabonye ko iyi yari igiye kuba inama ikomeye
yari gushyiraho ingamba zo kugira andi mashuri y'itorero muri ako karere. [3UB177]
Ellen White yabwiwe mbere y'igihe iby'ikibazo bari kunguranaho ibitekerezo ku buryo yari
yiteguye kuvuga kuri buri ngingo y'icyo kibazo. Imyanzuro yarafashwe maze irandikwa ndetse
ishyirwa mu nyandiko rusange zo mu nzu y'ububiko bw'inyandiko y'i Elmshaven. Nyamara,
byagaragaye ko nta nyandiko nk'iyo yanditswe mu nzandiko cyangwa ibindi byigisho Ellen White
yasohoraga mu buryo buhoraho. Kuba yari imyanzuro y'inama y'abayobozi b'ishuri byatumye isa
n'itakaye mu gihe cy'imyaka myinshi. Mu bushakashatsi bwitondewe bwakozwe mu mwaka wa
1975 ku byigisho byerekeye uburezi bw'abana bato, iyi nyandiko y'iki kiganiro cyamurikiwe
n'umucyo yagaragaye ku wa 24, Mata, 1975 bityo yose icapwa mu kinyamakuru Urwibutso
n'Integuza [Review and Herald] cyo ku wa 24, Mata, 1975 (Review and Herald ubu ni Adventist
Review). [3UB177]
Inyandiko z'inshamake zo mu mwaka wa 1902 zerekeye ishuri ry'itorero ndetse n'iyo nyandiko
y'inama y'abayobozi b'ishuri yo ku wa 24, Mutarama, 1904 bigaragaza mu buryo bwihuse imyaka
ikwiriye yo gutangira ishuri ku bana b'ababyeyi b'Abadiventisiti, ziri mu gice cya 23 n'icya 24.
[3UB177]
Igice cya 25 gihuriza hamwe inama zitandukanye zifite umutwe ugira uti, Amahame Rusange
Ngenderwaho." [3UB177]
Mu mwaka wa 1887, Ellen White yanditse mu Bihamya by❜Itorero (Testimonies, Vol. 5, pp.583-
584) agira ati: "Baramutse bahawe inama na bene data b'abayobozi, abasore bakomeye bakiri bato
bashinze imizi kandi bashikamye mu kwizera bashobora kwinjira muri koleji zikomeye zo mu
gihugu cyacu aho bahererwa ubumenyi bwagutse mu byo biga n'ibyo bitegereza, kandi
nk'Abavoduwa bakora umurimo mwiza ndetse no mu gihe baba bakurikirana amasomo yabo." Aya
magambo yuje imbamutima yasubiwemo inshuro nyinshi mu myaka icumi yakurikiyeho
ashimangira amahirwe ibi byari kubyara kugira ngo habeho ubuhamya bwiza mu mashuri y'abatari
Abadiventisiti b'Umunsi wa Karindwi kandi na none yumvikanagamo inama zari zikenewe icyo
gihe. Igice cya 26 gisoza cyerekana izi nama. -Abashinzwe kurinda inyandiko za Ellen White.
[3UB177]
 IGICE CYA 23

KURARIKIRWA KUGIRA ISHURI RY'ITORERO51

Nabasezeraniye ko muri iki gitondo ndavuga ku mpamvu ari ngombwa gukura abana bacu mu
mashuri asanzwe no ku buryo twababonera ahantu hakwiriye bashobora kwigishirizwa mu buryo
nyakuri. Natunguwe cyane n'imyitwarire ya bamwe bahora basubiramo imiburo ivuga ko ababyeyi
bakwiriye guhaza imiryango yabo. Aha bakwiriye kuzirikana ibirenze iki gihe turimo bakita ku
by'igihe gihoraho. Imico tugira uyu munsi izagena abo tuzaba bo. Tubihisemo, dushobora kubaho
imibereho ihuje n'icyo Imana idushakira. [3UB178]
Buri muryango wa Gikristo ubwawo ni itorero. Abagize umuryango bagomba gusa na Kristo mu
gikorwa cyose bakora. Umugabo akwiriye gukomeza umushyikirano agirana n'Imana kugira ngo
amenye inshingano ye yo gutegurira abagize umuryango we kwakira uburezi no gutozwa
bizabafasha mu gihe cy'ahazaza, mu buzima budapfa. Abana be bakwiriye kwigishwa amahame
y'ijuru. Ni umutambyi w'urugo rwe ukorera Imana kugira ngo akoreshe ubwo bubasha ku muntu
wese ugize umuryango we. Akwiriye kugeza umuryango we ahantu heza hashoboka kugira ngo
batazageragereshwa kwisanisha n'imyitwarire ndetse n'imico, ingeso mbi n'amahame agayitse
bazahura na byo muri iyi si... [3UB178]
Ababyeyi b'abagore n'abagabo bahawe inshingano yo guha uburezi bwa Gikristo abana baragijwe.
Ntibakwiriye na gato gusuzugura abana babo. Nta mpamvu n'imwe ikwiriye gutuma bahuga ngo
hagire ikintu na kimwe cyigarurira intekerezo, umwanya n'impano by'abo bana bagakwiriye kuba
barayobowe ku Mana nuko bagatwarwa na cyo kugeza ubwo bajya kure y'Imana. Ntibakwiriye
kurekura abana babo ngo bisange mu biganza by'abatizera. Bagomba gukora uko bashoboye kose
ngo babarinde gutwarwa [3UB178]

51 Umuburo werekeye ishuri ry'itorero ryari gukora ku bw'inyungu z'ivuriro [Deer Park), ku itorero rya California, mu gitondo cyo ku wa kabiri
w'Isabato tariki 14, Nyakanga, 1902.

n’umwuka w’ab’isi. Bakwiriye kubatoza kuba abafasha bakorana n'Imana. Abo babyeyi ni
ikiganza cy'Imana. Bakwiriye kuba baboneye ndetse n'abana babo kugira ngo bose babe bakwiriye
kuba abaragwa b'ubugingo buhoraho mu rugo rwo mu ijuru. Uburezi bw'abana bacu butangirira
mu rugo. Umubyeyi w'umugore ni we mwigisha wabo wa mbere. Igihe bamaze kuba bakuru nibwo
dukwiriye kubemerera kujya mu mashuri rusange. [3UB179]
Ishuri Rusange cyangwa Ishuri ry'Itorero? - Mu myaka myinshi ishize ubwo nari kumwe
n'umugabo wanjye ahitwa Oakland (Okilandi) twagiranye ikiganiro n'umwarimu wigishaga mu
ishuri rusange atubwira ibyerekeye amashuri rusange yo mu mujyi. Yaravuze ati: "Iyo ababyeyi
baba bazi ibyo tuzi ku bibi bikorerwa muri ariya mashuri hari gukongezwa uburakari burwanya
ariya mashuri ku buryo mwebwe cyangwa jye tutabasha gutekereza. Urubyiruko rwarangiritse
kandi imiryango yabo iri ku rwego ruruta uko abarimu bacu babivuga." Aya magambo yavuzwe
mu myaka isaga makumyabiri ishize. Mbese kugeza uyu munsi imibereho yo mu mashuri yacu
rusange yagize impinduka nziza? [3UB179]
Ababyeyi b'abagabo n'abagore benshi ntacyo bibabwiye ndetse ntibagira icyo bitaho ku buryo
batekereza ko nta tandukaniro riri hagati yo kujyana abana babo mu ishuri ry'itorero cyangwa
ishuri rusange. Baravuga bati: "Turi mu isi kandi ntaho twayihungira." Nyamara babyeyi,
turamutse tubihisemo dushobora kubona inzira nziza itandukanye n'isi. Dushobora kwirinda
kubona ibibi byinshi byiyongera vuba cyane muri iyi minsi iheruka. Twakwirinda kumva byinshi
mu ngeso mbi n'ibyaha biriho uyu munsi. [3UB179]
Icyakorwa cyose gikwiriye gukorwa kugira ngo twebwe n'abana bacu twishyire aho tutazabona
ibyaha bikorerwa muri iyi si. Dukwiriye kurindana ubushishozi indoro y'amaso yacu ndetse n'ibyo
dutega amatwi kugira ngo izi ngeso mbi zitagera mu ntekerezo zacu. Iyo ikinyamakuru gisohoka
buri munsi kigeze mu rugo iwanjye, numva nshaka kugihisha ngo ayo mateshwa n'ubuhendanyi
bitagaragara. Bigaragara ko umwanzi ari we musingi w'icapwa ry'ibintu byinshi biboneka mu
binyamakuru. Igikorwa cyose cy'icyaha cyerekanwa nk'icyambaye ubusa imbere y'isi. [3UB179]
Umurongo utandukanya abakorera Imana n'abatayikorera ukwiriye guhora uhamye. Itandukaniro
hagati y'abizera Imana n'abatayizera rikwiriye gukomera nk'uko umucyo uhabanye n'umwijima.
Iyo abantu b'Imana bahamije ko ari urusengero rw'Umwuka Wera, Kristo ubwe akaba muri bo,
bamugaragaza mu mwuka, mu magambo ndetse n'ibikorwa kandi bagaragaza badakebakeba ko
hari itandukaniro hagati yabo n'abayoboke ba Satani... [3UB179]
Kurerera Abana mu Mahame ya Bibiliya. -Bamwe mu bantu b'Imana bemerera abana babo
kujya mu mashuri rusange aho bivanga n'abafite imico yabaye akahebwe. Muri aya mashuri, abana
babo ntibiga Bibiliya [3UB179] cyangwa amahame yayo. Babyeyi b'Abakristo, mukwiriye gukora
ibishoboka byose ngo abana banyu barererwe mu mahame ya Bibiliya kandi ntimukanyurwe no
kuba biga Ijambo ry'Imana mu ishuri ry'itorero gusa. Mujye mwigisha abana banyu Ibyanditswe
Byera igihe mwicaye, igihe mugiye hanze, igihe mugarutse ndetse n'igihe mutemberana na bo.
Mujye mutemberana nabana banyu inshuro nyinshi kuruta uko bisanzwe. Mujye mubaganiriza.
Murarikire intekerezo zabo kugendera mu nzira y'ukuri. Uko muzakora ibi, muzabona ko umucyo
n'ikuzo by'Imana bizataha ingo zanyu. Ese ni gute mwakwitega kubona imigisha yayo kandi
mutigisha abana banyu iby'ukuri? [3UB180]
Nkomoje ku ngingo nke nubwo hari byinshi byerekeye gutoza no kurera abana. Nizeye ko umunsi
umwe nsazisobanura mu buryo bwuzuye kuko nakanguriwe ko izi ngingo zigomba kumenyeshwa
abantu bacu. Abadiventisiti b'Umunsi wa Karindwi bose bakwiriye kugenda mu buryo
butandukanye n'ubwo bari bafite niba biringiye ko bemerwa n'Imana mu ngo zabo. [3UB180]
Buri mubyeyi w'indahemuka azumva Shebuja amubwira ati, "Nuko nuko mugaragu mwiza... injira
mu munezero wa Shobuja." Imana idufashe kuba abagaragu beza mu bikorwa dukorera bagenzi
bacu. Imana iratubwira ngo "tujye tuzirikanana ubwacu, kugira ngo duterane ishyaka ryo
gukundana n'iry'imirimo myiza," (Abaheburayo 10:24) tugafashanya ndetse tugakomezanya.
[3UB180]
Ishuri ry'Itorero Rikenewe i Crystal Springs. Turi hafi kugera mu rugo. Duhagaze ku nkengero
z'isi ihoraho. Abahamya ko ari ingirakamaro bagiye kwinjira mu bwami bw'Imana. Nta gihe dufite
cyo gupfusha ubusa. Dukwiriye gutangiza umurimo mu buryo nyakuri ahangaha i Crystal Springs.
Aha hari abana bacu. Ese turabemerera kwanduzwa n'isi, ibicumuro byayo no kugomera
amategeko y'Imana? Ndabaza abafite umugambi wo kohereza abana babo mu mashuri rusange
aho bashobora kwandurira. Mbese ni gute mwakwigerezaho mutyo? [3UB180]
Twifuza kubaka ishuri ry'itorero ry'abana bacu. Kubera ibyo duhamagarirwa gukora byinshi,
bigaragara ko bitoroshye kubona amafaranga ahagije cyangwa ngo tubone inyungu nyinshi yo
kubaka icyumba cy'ishuri gito. Nabwiye abagize komite nyobozi y'ishuri ko nzabaha ubutaka bwo
gukoresha mu gihe baba bagiye kubukoresha mu mpamvu z'ishuri. Nizeye ko tuzabona
ubushobozi buhagije bwo kubakira abana bacu inyubako aho bakwigishirizwa ijambo ry'Imana,
ryo maraso y'ubugingo n'umubiri w'Umwana w'Imana... [3UB180]
Ese nta bushake mufite bwo kubaka ishuri ry'itorero ahantu ijambo ry'Imana rizigishirizwa?...
Twizeye ko tuzagira inyubako y'ishuri aho Bibiliya izigishwa, Imana igasengwa kandi abana
bakigishwa amahame ya Bibiliya. Twizeye ko umuntu wese uzafatanya natwe aragira ubushake
bwo [3UB180] gutanga umugabane we mu kubaka iri shuri. Twizeye ko tuzatoza itsinda rito ry
abakozi kuri iki kibaya... [3UB181]
Nta mpamvu n'imwe yagwabiza uyu murimo. Mureke buri muntu akore uruhare rwe rwo gufasha
maze dushikame mu mbaraga zitagamburuzwa kugeza iyi nyubako irangiye. Mureke buri muntu
agire icyo akora. Bamwe bashobora kubyuka kare nka saa kumi z'igitondo kugira ngo batange
ubufasha... [3UB181]
Bavandimwe banjye, ni iki muzakora kugira ngo mufashe mu kubaka ishuri ry'itorero? Twizeye
ko kubona inyubako y'ishuri buri wese azabifata nk'iby'agaciro kandi bikaba umugisha. Mureke
twese twivumvemo ko tugiye gukora maze tuvuge tuti, "Tuzahaguruka twubake." Buri wese
nabigiramo uruhare tugakorera hamwe, bidatinze tuzabona inyubako y'ishuri aho abana bacu
bazigishwa inzira y'Imana umunsi ku wundi. Uko duzakora uko dushoboye kose, umugisha
w'Imana uzatubaho. Mbese ntituzahaguruka ngo twubake? - Manuscript 100, 1902. [3UB181]
 IGICE CYA 24

INAMA YEREKEYE IMYAKA Y'UBUKURE YO GUTANGIRA ISHURI

RAPORO Y'IKIGANIRO
Raporo y'inama yakozwe na komite nyobozi y'ishuri ryo ku rusengero rw'ivuriro yabereye i
Elmshaven muri California mu gitondo cyo ku wa gatanu w'Isabato, tariki ya 14, Mutarama, 1904.
[3UB182]
Ellen White yavuze atya:
Mu myaka myinshi ishize nahawe umuburo werekeye akamaro ko kwimakaza ubupfura nyakuri
mu rugo. Narawanditse kandi nawugejeje ku bandi. Umwe mu mizingo y'inyandiko zanjye
zikurikira [Uburezi] uzacapwamo ibyigisho by'inyongera ku byerekeye kurera abana. [3UB182]
Abafata inshingano yo kurera bakwiriye bwa mbere kumenya niba bazashobora gukikiza abana
babo impanuro nyakuri. Urugo ni itorero ry'umuryango kandi rukaba ishuri ry'umuryango.
Imibereho yo mu rugo ikwiriye kugengwa n'iby'umwuka cyane ku buryo abarugize bose, ababyeyi
n'abana bahabwa umugisha kandi bagakomezwa no kubana. Imico mvajuru iratozwa. Abakikijwe
n'abafite iyo mico bategurirwa kwinjira mu ishuri ryo mu ijuru. [3UB182]
Abagore bakwiriye kugira ubushobozi bwo kwigisha bana babo bato mu bwenge bigakorwa bakiri
mu myaka yabo y'ibanze. Iyaba buri mugore yabashaga gukora ibingibi kandi agashaka umwanya
wo kwigisha abana be ibyigisho bakwiriye kwiga mu myaka y'ubuto bwabo, abana bose baguma
mu ishuri ry'umuryango kugeza bafite imyaka umunani, icyenda cyangwa icumi. [3UB182]
Nyamara abenshi mu binjira mu nshingano yo gushyingiranwa ntibasobanukirwa n'inshingano
zera zizanwa no kuba ababyeyi. Birababaje kuba abenshi nta mbaraga bagira zo gutoza abana
ubupfura. Mu ngo nyinshi harangwa ikinyabupfura gike kandi abana bemererwa gukora ibyo
bishakiye. Abana nk'abo bayoba inzira kuko nta muntu mu muryango ubasha kubayobora mu kuri.
Nta muntu ushobora gukoresha ubuhanga bwose ngo abigishe gufasha ababyeyi babo. Nta muntu
ushobora gushyiraho umusingi wo kubakiraho uburere bwabo bw'ahazaza. Mu by'ukuri, abana
bakikijwe n'ibikorwa nk'ibyo bigayitse bakwiriye kugirirwa impuhwe. Iyo batabonye uburyo bwo
kubona uburere bukwiriye hanze y'umuryango babuzwa amahírwe menshi buri mwana afitiye
uburenganzira bwo kwishimira. Uyu ni umucyo nahawe. [3UB183]
Abantu badashoboye kurera abana babo neza ntibakwiriye kuba barafashe inshingano yo kuba
ababyeyi. Ese twashingira ku makosa yabo ntitugire umuhati wo gufasha abo bana kugira imico
mbonera? Imana ishaka ko duhangana n'ibi bibazo mu bwitonzi. [3UB183]
Amashuri y'Itorero Agomba Kubangikana n'Amavuriro. - Mu mavuriro yacu yose hakwiriye
kurangwa imikorere yo ku rwego rwo hejuru. Abakwiriye gukorera muri ibi bigo ni abaganga,
abayobozi n'abafasha bonyiné bagira gahunda mu ngo zabo. Imico yabana ifite byinshi ibwira
abantu batugana muri aya mavuriro. Imana ishaka ko ibyo byigisho biba iby'ivugurura. Ibi
birashoboka ariko bisaba kwitonda. Umugabo n'umugore bakwiriye kwita cyane ku burere bwa
buri mwana. Ariko muzi uko imiryango y'aha hantu imeze. Abarwayi bazi uko bimeze. Uko
nabyeretswe ni uko biteye isoni kuba nta rugero rwiza abana bato bahabwa kandi bibakwiriye.
Buri wese muri bo akwiriye gutozwa gukora umurimo w'ingirakamaro. Ababyeyi babwiwe ibyo
bakora. Niba se w'abo bana adashobora kubana na bo, umugore akwiriye kugirwa inama y'uko
yabigisha. [3UB183]
Kuva igihe nabereye hano, nahawe umucyo umbwira ko ikintu cy'ingenzi gikwiriye gukorwa ari
ukugira ishuri. Nta gitekerezo mfite ko abana bato bazakirwa - abana bato cyane. Nyamara, bizaba
byiza cyane kugira iri shuri ry'abana bashobora kwigishwa kandi bakihanganira igitsure
umwarimu w'ishuri yabashyiraho. Dukwiriye kugira ishuri hano kuko Ijambo ry'Imana
ritakwigishirizwa mu kindi kigo rusange. Mwene data Anthony ucyigishamo ashoboye kuyobora
ishuri kandi akigisha abaririmo ijambo ry'Imana mu buryo bwuzuye. Ashoboye kubikora neza.
Afite iyo nshingano, bamuhaye akazi kandi nibatamubangamira ibyaba byiza ni uko yagumayo.
[3UB183]
Ibyiza by'Ishuri ku Bana Bato. - Nyamara ahangaha hari umurimo wo gukorerwa imiryango
n'abana bafite imyaka irindwi, umunani n'icumi. Dukwiriye kugira urwego rwo hasi rumeze
nk'urwego rwa kabiri aho abana bashobora kwigishirizwa. Bazigira mu ishuri ibyo badakunze
kwigira ahandi hatari mu ishuri keretse bahuye n'abandi... [3UB183]
Ubungubu biragaragara ko hari ikibazo cyerekeye aba bana bajya ku ishuri. Nshaka kumenya ibyo
buri mubyeyi atekereza, umubyeyi wumva anyuzwe rwose n'abana be nk'uko bari, atabohereje ku
ishuri rifite ibyigisho bya Bibiliya mu nyigisho ritanga, rikagira gahunda, ikinyabupfura kandi
rikagerageza gushakira abana icyo bakora ngo be gupfusha ubusa igihe cyabo. Nibabisobanukirwa,
ntekereza ko nta n'umwe uzagira ibitekerezo birwanya iyi gahunda. [3UB184]
Uko Nabonye Umuburo w'Ibanze. Nyamara ubwo numvaga ibitekerezo bihabanye n'icyanjye
ibyo ari byo, aho byavugwaga ko abana badakwiriye kujya ku ishuri kugeza bagize imyaka icumi,
nashakaga kubabwira ko ubwo nahabwaga uyu mucyo nta shuri ryubahiriza Isabato ryariho mu
gihe nabwirwaga ko abana batagombaga kujya ku ishuri batarageza imyaka yabashoboza
kwigishwa. Bagomba kwigishirizwa mu rugo kugira ngo bamenye inzira nziza bityo
batazayobywa ubwo bazaba bagiye ku ishuri. Ingeso mbi zikorerwa mu mashuri rusange zirenze
ukwemera. [3UB184]
Ibyo ni ko biri kandi intekerezo zanjye zakangukiye cyane ibyerekeye iby'igitekerezo kivuga kiti:
"Kuki Mushiki wacu White yavuze ibi n'ibi?" Abandi bati: "White yarabivuze none tugiye
kubikurikiza." [3UB184]
Imana ishaka ko dukoresha ubwenge yaduhaye kandi ishaka ko dushyira mu gaciro. Ibihe
bihindura ibintu kandi bibasha no guhindura isano ibintu bigirana. [3UB184]
Ishuri ry'Itorero no Gucunga Imiryango Nabi. Ahangaha hari ivuriro kandi iri vuriro rigomba
kugirira umumaro ukomeye abarigana ndetse n'abarikikije. Bityo rero, nibabona abana
b'abanyamafuti, bazerera, batagira icyo bakora, bishora mu bibi n'ibindi nk'ibyo bizaba bibabaje
ku bantu bifuza kurinda icyubahiro cy'ishuri. Ndavuga mu mucyo Imana yampaye ko niba hari
umuryango udafite ubushobozi bwo kurera, gutoza no kuyobora abana bawurimo ngo bagire
ikinyabupfura, icyiza ni uko babashyira ahantu hazabasaba kumvira. Mubashyire ahantu
bazasabwa kumvira kuko kumvira kuruta ibitambo. Imyitwarire myiza igomba kuranga buri
muryango. [3UB184]
Turi kwigishiriza Imana abana bato. None ni ubuhe burezi turi kubaha? Mbese amagambo yacu ni
ay'ubupfapfa no kutagira icyo twitaho? Mbese twamenyereye guhinyura? Mbese hariho
intonganya n'ubushyamirane kubera ko ababyeyi badafite ububasha bwo kuyobora imiryango?
Imana ishaka ko twita ku bintu byose. Buri mubyeyi afite inshingano: Mbese abana banjye
bamerewe bate? Mbese bari he? Mbese bakurikira Imana cyangwa ni Satani? Ibi bintu byose
bikwiriye kwitabwaho. [3UB184]
Igitabo kigiye gucapwa kizavuga byinshi byerekeye amahame akomeye agomba gukurikizwa mu
kurera abana kuva bakiri impinja zo mu biganza. Umwanzi azakoresha abo bana niba badatojwe
kumvira. Niba umubyeyi [3UB184] w'umugore cyangwa uw'umugabo batabikora, umwanzi we
arabikora. Ibyo ni ko biri. Umwanzi arabagenza... [3UB185]
Ubu nta byinshi mfite byo kuvuga kuko nifuza gusobanukirwa neza ibyo nkwiriye kuvuga. Nshaka
ko ubirwanya avuga ukuntu abana badakwiriye kugira uburezi n'uburere. [3UB185]

ISHURI RY'INSHUKE RY'I BATTLE CREEK

Dukwiriye gukora nk'ibyo i Battle Creek bakoze. Bantambagije ahantu hose mu kigo cy'imfubyi
[Haskell Home] muri Battle Creek. Hari ameza yabo mato, hari abana babo bato kuva ku myaka
itanu gukomeza. Bari bari kwigishwa kuri gahunda y'uburezi bw'inshuke: Uburyo bwo gukora
n'ubwo kuyobora. Bari bafite ikirundo kinini cy'umucanga w'ubwoko bwiza kandi babigishaga
uburyo bwo gukorera hamwe, bakabigisha uko bakora inkuge ya Nowa no gukora inyamaswa
zinjiye mu nkuge. Bose bari bahugiye kuri uyu murimo. Bisaba kwigomwa... [3UB185]
Ubungubu, mfitiye icyizere gikomeye imyigishirize y'umuvandimwe wacu Peck ariko nakomeza
gukora nk'uko asanzwe akora kandi anyuzwe n'uko ari byo bikwiriye gukorwa, hazakenerwa undi
mwarimu. Mbese si ko mubibona namwe? [3UB185]
Mushiki wacu Pecks: Ntekereza ko niba twarakoze umurimo mu buryo buhagije kandi tukaba
dufite abandi bana dukeneye ubundi bufasha. [3UB185]

UMUCYO NAHAWE KURI "IZI NGINGO"

Mushiki wacu White: Ibitekerezo byanjye byatanzwe mu buryo butandukanye, bimwe aha n'ibindi
hariya. Narabyanditse ariko si byose. Mfite ibindi byo kwandika. Nshaka kwita ku byo navuze.
Bwa mbere, mubisobanukirwe. Uyu ni umucyo nahawe ku byerekeye izi ngingo. [3UB185]
Ahangaha hari abana barusha abandi umuvuduko mu byo bakora. Hari abana benshi bafite imyaka
itanu bashobora kwigishirizwa hamwe n'abafite imyaka icumi turamutse dushingiye ku bushobozi,
twitaye ku bibazo by'umubyeyi wabo ndetse n'amasomo. [3UB185]
Nonaha, nifuza ko mu gihe abana ba Willie" bakiri ahangaha bakaba bakihatuye bakwiriye
kujyanwa mu ishuri. Niba bishobora guhuzwa n'iri shuri hagashyirwaho icyumba cy'inyongera ku
nyubako ku bw'aba banyeshuri, buri wese muri twe agomba kwiyumvamo inshingano yo
kugitanga. Abagore bifuza kurekera abana babo mu rugo kandi bakaba bafite ubushobozi buhagije
bwo kubiyigishiriza nta muntu ubasha kubarwanya. Bashobora kubikora. Nyamara, dukwiriye
guteganyiriza abana b'abantu bose bafite aho bahuriye n'uru ruganda ruto rw'ibyokurya [3UB185]

52 Umwe mu bafasha bunganiraga Ellen White mu gutunganya inyandiko wabaye umwarimu mu ishuri ry'itorero.
53 Imyaka: Henry na Herbert bari impanga bafite imyaka 7. Grace afite imyaka 3. Muri icyo gihe bose bize muri iryo shuri.

n'ivuriro n'ibindi bikorwa bikorerwa ahangaha kugira ngo babone uko biga. Dukwiriye guharanira
ko iryo shuri rigera ku rugero rusumbyeho. [3UB186]
Umukuru C. L. Taylor: Mushiki wacu White, hari ikibazo kimwe nshaka kukubaza ku byerekeye
inshingano z'ababyeyi n'isano iri shuri rifitanye n'itorero. Ubungubu, tuvuge ko mfite umuhungu
muto. Mfite umwe w'imyaka irindwi. Dushoboye ku rwego ruhagije kumwigisha kuko
twahuguriwe uwo murimo. Reka tuvuge ko turetse iyo nshingano, tukamusuzugura nuko akigira
aho ashaka. Ese ibyo bihinduka inshingano y'itorero gukora ibyo nari nshoboye gukora iyo
mbyemera? Iki ni cyo kibazo. Ese niba ntitaye ku muhungu wanjye mbishoboye kandi mfite
uburyo, nzasaba itorero kubinkorera? [3UB186]
Ellen White: Wabitaho. Mbese ubitaho? [3UB186]
Umukuru W. C. White: Ellen White yanze gufata ubuhamya bwawe bw'umwihariko. [3UB186]
Ellen White: Abizera bo ku rusengero ruri aha kuri uyu musozi bakora inshingano zabo. Iri torero
rifite aho rihuriye n'abo hanzé yaryo kandi ibyo biriho kugira ngo tubahe ubuhamya. Ikibazo ni iki
ngo: Mbese iri torero rishobora kugira aho rihurira n'ishuri? Yego. Niba biri ngombwa mutegure
icyumba kitazabahenda cyane, icyumba aba bana bashobora kuzamo bagatozwa kumvira kandi
bakagira umwarimu ndetse bagakurira aho bategurirwa kuba mu ishuri ryisumbuye. Ubu iki ni cyo
kibazo. [3UB186]

UBUREZI ABANA BAKENEYE

Mureke mvuge ko aba bana bato bakeneye uburezi, ubwo bazabonera mu ishuri. Bakwiriye kugira
ikinyabupfura cyo ku ishuri bafashijwe n'umuntu usobanukiwe n'uburyo bwo kwita ku bana bafite
imyitwarire itandukanye. Abo bantu bakwiriye gufasha abana gusobanukirwa n'inshingano zabo
hagati yabo ndetse no ku Mana. Bakwiriye kuba barazirikanye mu ntekerezo zabo amahame
y'ingenzi akwiriye abo bana kugira ngo abageze ku rwego rusumbyeho ndetse n'ishuri ryisumbuye.
[3UB186]
Hari ishuri ryo hejuru twese tugiye kujyamo kandi aba bana batarezwe mu buryo nyakuri ngo
bagire imico n'ibitekerezo bizima ndetse no kumvira, nibaza uko bazinjira muri iri shuri ryo hejuru.
Mbes kumvira kwabo kuri he? Mbese ibitekerezo by'amahitamo yabo bikwiriye kubagenga biri
he? Ndetse n'ibi bintu byose. Ibyo bikwiriye kuba ubuhamya bwabo bwa buri munsi. [3UB186]
Uko umubyeyi w'umugore agenda ntakwiriye kubakankamira ngo avuge ngo, "Muri mu nzira
yanjye kandi nifuzaga ko mwakwigendera. Nifuzaga ko mwajya ahandi," cyangwa ngo avuge
ibindi nk'ibi. Agomba gufata abana be nk'uko Imana ifata abana bayo bakuru. Imana itwita abana
bo mu muryango wayo. Imana ishaka ko twigishwa kandi tugatozwa hakurikijwe amahame
y'ljambo ryayo. Imana ishaka ko ubu burezi [3UB186] butangirira ku bana bato. Niba umubyeyi
adafite uburyo n'ubuhanga ndetse akaba atazi uko yafasha intekerezo z'abantu agomba kubaha
umuntu uzabatoza kumvira, uzarema ibitekerezo byabo ndetse agaha icyerekezo ibyo batekereza.
[3UB187]
Mbese ubu mbivuze neza ku buryo mushobora kubisobanukirwa? Mbese Willie, hari ingingo iri
mu gitabo ntavuzeho muri uyu mwanya? [3UB187]
W. C. White: Ntabyo nzi. Mama, mbona ko rimwe na rimwe abantu bacu bo muri Leta Zunze
Ubumwe za Amerika n'ahandi ku isi bagira ubwaka bashingiye ku mvugo yihariye. [3UB187]
Ubungubu, nshingiye ku byo nize muri Bibiliya ndetse no mu nyandiko zawe nageze ku mwanzuro
wo kwizera ko hari ihame riyobora imyitwarire ya buri muntu kandi ko tudashobora
gusobanukirwa imyitwarire tudashingiye ku ihame runaka. [3UB187]
Nizera ko muri bimwe mu byo wavuze byateje ukutumvikana nk'ibyerekeye inama zerekeye uko
bakoresha amavuta y'inka n'ibyerekeye umwarimu rukumbi umwana akwiriye kugira kugeza afite
imyaka umunani cyangwa icumi, byari amahirwe kuri twe kwakira iryo hame. Nizera ko mu gihe
twiga ayo masomo dukwiriye kuzirikana ko buri hame Imana iritanga mu mbabazi zayo kandi
ikita ku bihe abantu baba bagezemo. [3UB187]
Imana yaravuze iti, "Icyo Imana yateranije hamwe, umuntu ntakagitandukanye" (Mariko 10:9),
ariko Kristo yasobanuye ko itegeko ryo gutandukana kw'abashakanye ryatanzwe kuko imitima
y'Abisirayeli yari yarinangiye. Kubera ubuhenebere bw'abantu, itegeko ryo gutandukana
kw'abashakanye ritari mu mategeko y'umwimerere y'Imana ryaremewe. Nizera ko iri hame
rikwiriye gusobanuka dushingiye ku mvugo zumwihariko nk'izo wakoresheje urwanya
imikoreshereze y'amavuta y'inka ndetse n'ibyerekeye ko umwana w'imyaka umunani cyangwa
icumi nta wundi mwarimu agomba kugira keretse nyina umubyara. [3UB187]
Ubwo wahabwaga iyerekwa ryerekeye amavuta y'inka, weretswe uko ibintu byari bimeze abantu
bakoresha amavuta y'inka yuzuye udukoko. Bayakoreshaga bakaranga ndetse bakanayatekesha
kandi kuyakoresha byari bibi. Nyamara hanyuma, ubwo abantu bacu bigaga amahame agenga
ibintu, babonye ko nubwo amavuta y'inka atari meza cyane adakwiriye kubarwa nk'ibindi bizira.
Bityo, iyo bibaye ngombwa barayakoresha. [3UB187]
Natekereje ko iki kibazo cy'ishuri kitahindutse. Umugambi nyamukuru ni uko umubyeyi akwiriye
kuba umwigisha umwigisha w'umuhanga nk'uko wabidusobanuriye mu gitondo. Nyamara,
nabonye ko ari igihombo gikomeye ku murimo wacu kuva i Maine kugera i California ndetse no
kuva i Manitoba ukagera Florida kuko abantu bacu bashobora gufata iyi mvugo ivuga ko umwana
nta wundi mwigisha agomba kugira kugeza agize imyaka umunani cyangwa icumi nk'ibabuza
amahirwe yo kujyana abana [3UB187] babo mu ishuri. Niba mbisobanukiwe neza, icyo ni cyo
kibazo kituri imbere muri iki gitondo. [3UB188]
Igihe bene data bize iki kibazo bashingiye ku nyungu z'umwana ndetse bakanashingira ku gushyira
mu gaciro kwa kibyeyi, nk'uko mbibona, basobanukirwa ko hari ubwo kugira amahirwe yo kujya
ku ishuri biba byiza kuruta kutabikora. Ariko hari ihame rivuga ko umwana atagira undi mwarimu
keretse ababyeyi be kugeza agize imyaka umunani cyangwa icumi y'ubukure. Iryo hame
rirabisobanura... [3UB188]
Ellen White: Yego, niba ababyeyi ubwabo batabikora ushobora guhagararira aho. Ahubwo,
dukwiriye guteganya kuko hariho ababyeyi benshi batigeze babona ko ari inshingano yabo
kwirerera abana... [3UB188]
Nizera ko abantu muri ahangaha mubona ko ari amahirwe mufite yo kugira icyo mukora mu
gushyigikira ishuri ry'abandi. Nanjye mfite ubushake bwo kubikora. Ntekereza ko iyo ngingo itari
ikwiriye kongera kugaruka. Tuvuga ngo, "igihombo", "igihombo", "igihombo."- Ntacyo bimaze
rwose kumva ufite umutwaro wo kugira icyo utanga gito cyane. [3UB188]

GUSHYIRAHO IGENAMIKORERE
W. C. White: Kuko abana banjye bakomojweho, nifuza kugira icyo mbivugaho. Kuba
nashishikajwe n'iki kiganiro ntabwo ari uko abana banjye barebwa n'iyi gahunda. Impamvu yanjye
igambiriye umusaruro wava muri iki kiganiro n'uburyo byagira impinduka nziza bizana ku murimo
wacu hirya no hino ku isi. Kuva kera kose kugeza magingo aya, impamvu yanjye ku byerekeye iri
shuri ntiyigeze iba umwihariko ku bana banjye... [3UB188]
Birazwi cyane ko mushiki wacu Peck afite ubunararibonye bwinshi mu kwigisha kandi ko
yakoranye na mama mu gihe kingana n'imyaka ine amufasha gutunganya inyandiko ze bategura
igitabo cy'Uburezi. Úbushake bukomeye mfite bwo gushyigikira ishuri si ubw'umuryango wanjye
nta n'ubwo ari ubw'itorero rya St. Helena gusa. [3UB188]
Ubushake bwanjye mu gushyigikira iri shuri bushingiye ku mpamvu y'uko bidukwiriye gushyiraho
igenamikorere. Intsinzi, ugutsindwa n'imiyoborere by'iri shuri bizagira ingaruka ku murimo
w'ishuri ry'itorero muri California ndetse na kure kubera ubunararibonye bw'igihe kirekire bwa
mushiki wacu Peck nk'umwarimu n'umurimo wakoranye na we (mama) mu gutegura igitabo
cy'Uburezi. Ibi bintu byose ni byo byatumye iri shuri riba nk'umurwa uri ku musozi. [3UB188]
Ubungubu, agahinda kanjye ku byerekeye imiyoborere y'uko dufata abana bato ntikigeze
gashingira ku kuba mfite abana batiga ahubwo gashingiye ku kubaka ubuyobozi mbona ko
budahwitse. Mbona bikorwa mu buryo bushyira abana bacu mu kaga. [3UB188]

IKIBAZO CYEREKEYE ISHURI RY'INSHUKE

Binyujijwe mu mashuri y'inshuke, isi iri gukora umurimo ukomeye ureba abana. Mu turere
dufitemo ibigo kandi ababyeyi bombi bakaba bafite akazi, bari gushimishwa no kohereza abana
babo mu ishuri ry'inshuke. Nabonye ibihamya binyemeza ko mu matorero yacu menshi ishuri
ry'inshuke riyobowe neza mu masaha make ku munsi rishobora kuba umugisha ukomeye. Mama,
sinigeze mbona mu nyigisho zawe, mu mahame no mu nama wagiriye abantu ahagaragara ingingo
ivuguruza iki gitekerezo. Nyamara mu bice byinshi by'igihugu, amategeko y'abayobozi b'ishuri
ryacu yishe rwose umuhati uwo ari wo wose wari ugendereye kugira umurimo w'ishuri ry'inshuke
ugeza ku bana bacu. [3UB189]
Hari ingero nkeya aho bawuteza imbere. Dogiteri Kellogg awukora mu ishuri rye ry'imfubyi
nk'uko mwabibonye kandi mukabishimira ndetse no mu tundi turere bari kubikora. I Berrien
Springs bahariye impeshyi y'umwaka ushize igikorwa cyo kuzana umwarimu wo kwigisha inshuke
no kwemera ko uwo murimo uhabwa agaciro ariko muri rusange nk'icyenda ku icumi ubu
buyobozi bw'abashinzwe ishuri ryacu bubera inkomyi umugabane w'uyu murimo mu buryo
bukomeye. [3UB189]
Ellen White: Yego, ahangaha hakwiriye kuba ivugurura muri icyo cyerekezo. [3UB189]
W. C. White: Ndetse n'ubuyobozi bw'iri shuri n'impamvu bagiye bampa buri gihe bigaragaza ko
ubuyobozi bushingira ku bwiriza rivuga ko nyina w'umwana akwiriye kuba umwarimu we
rukumbi kugeza agize imyaka umunani cyangwa icumi. Kubw'inyungu nziza z'umurimo w'ishuri
ryacu, nizera ko byari ingenzi kugira iki kiganiro nk'uko twabikoze muri iki gitondo kandi tukiga
ku ihame ibyo bintu bishingiyeho. [3UB189]
Ellen White: Yego, ni byiza ko abantu babisobanukirwa mu buryo nyakuri. Ubu ntuzigera ubona
andi mahirwe yo gukoresha mushiki wacu Peck mu gukurikirana abana bato. Hakwiriye kubaho
impinduka mu buryo bumwe cyangwa ubundi. [3UB189]
Nko ku byerekeye icyumba, kukigira ni ngomba. Ndibaza ibyaba byiza niba cyahita gifatanywa
n'inyubako cyangwa niba byatandukanywa. Kuri jye mbona byaba byiza ibaye inyubako ukwayo.
Sinzi ibyaba byiza. Ibyo bishobora kwitabwaho, hakarebwa inyungu n'ingaruka birimo. Ntekereza
ko mushiki wacu Peck uturusha kubisobanukirwa yatubwira uko abona byakorwa... [3UB189]
 MBESE ISHURI RISHOBORA GUHUSHA INTEGO?

C. L. Taylor: Ibi twabivuzeho. Ishuri ntirizaba umugisha niriramuka rifashe inshingano ababyeyi
ubwabo bakwikorera. Kandi nidukomeza tugashora amafaranga yacu muri iyi nyubako, nta
tandukaniro byagaragaza yaba inyubako cyangwa icyumba. Nyamara nidufata inshingano
ishobora [3UB189] gukorwa n'ababyeyi ubwo ni nibwo ishuri ry'itorero rizahinduka umuvumo
cyangwa ribe imbogamizi aho kuba umugisha. Ibyo ni byo numvise kuva twavuga kuri iyo
ngingo... [3UB190]
Mushiki wacu Peck: Mushiki wacu White, iki ni ikibazo nahoze nibaza kuri iyi ngingo ku
byerekeye inshingano yacu nkabarimu. Niba ari ukugerageza gufasha ababyeyi kubona inshingano
yabo no kuyisohoza cyangwa niba ari ukuyibakuraho tukajyana abana babo mu ishuri. [3UB190]
Ellen White: Niba batarumvise ko ari inshingano yabo babikuye mu bitabo byose, inyandiko
n'ubuhamya ushobora kubibabwira kuva uyu munsi kugeza Umwami agarutse kandi ntibigere
bumva ko uwo ari umutwaro wabo. Ntacyo bimaze kuvuga ku nshingano kandi tuzi ko batayumva.
[3UB190]

ISHURI RY'INTANGARUGERO
Dushaka kugira ishuri rifite aho rihuriye n'ivuriro. Neretswe ko ahantu hose dufite ivuriro
hakwiriye kuba ishuri kandi iryo shuri rikabaho ku buryo riba intangarugero ku bantu bose baza
bagana iryo vuriro. Abantu bazaza muri iryo shuri bazareba uko iryo shuri riyoborwa. Ntirikwiriye
kuba kure y'ivuriro kugira ngo basobanukirwe ibyaryo. [3UB190]
Mu miyoborere y'ishuri hakwiriye kuba ikinyabupfura ntagereranywa. Mu myigire abanyeshuri
ntibagomba kwifata uko bashaka. Bakwiriye kureka imyitwarire yabo bwite bakumvira. Iri ni
isomo ritarigwa n'imiryango myinshi. Áriko twumva abavuga ngo, "Yooo, mubareke bakore ibi.
Baracyari abana. Baziga nibakura." [3UB190]
Nshaka kubabwira ko igihe umwana nabaga ndera yatangiraga kugaragaza uburakari maze
akijugunya hasi, ibi ntiyashoboraga kubikora inshuro irenze imwe. Ntabwo nashoboraga kureka
ngo umwanzi akorere muri uwo mwana cyangwa ngo amwigarurire. [3UB190]
Uwiteka ashaka ko dusobanukirwa ibintu. Yavuze ko Aburahamu yayoboye abana be
n'umuryango we kandi dukwiriye gusobanukirwa icyo kuyobora bisobanuye ndetse tunakeneye
gusobanukirwa uko twakwitangíra umurimo niba turwanya umwanzi. [3UB190]
Yego, sinzi niba hari icyo tumaze kugeraho ugereranyije n'aho twatangiriye. [3UB190]
C. L. Taylor: Ni byo. Ntekereza ko hari aho tumaze kugera. [3UB190]
Ellen White: Nyamara hari ibyavuzwe. [3UB190]
L. M. Brown: Nizeye ko tuzi ibyo dukwiriye gukora. [3UB190]
Mushiki wacu Gotzian: Ibyavuzwe birahagije kugira ngo dutekereze kandi tugire icyo dukora.
[3UB190]
Ellen White: Imana iri kumwe natwe. Yego, birakwiye kuba urugero. Ubu murabona ko hari
amavuriro menshi kandi hagomba kubaho ibigo by'amashuri byinshi bibangikanye na yo.
Dukwiriye kuzirikana kandi tukamenye ko hari icyo tugomba gukora kandi icyo ni icyo gukorera
abana... [3UB191]
Ishuri ryanyu ni ryo tugiye gufataho urugero. Ntirikwiriye kuba urugero turisanishije n'amashuri
y'iki gihe. Ntirigomba kubaho muri ubwo buryo. Ishuri ryanyu rikwiriye kubaho rishingiye ku
ntego irenze cyane iz'aya mashuri yandi. Rikwiriye gukora umurimo ufatika. Amasomo agomba
gushyirwa mu bikorwa aho kuba amagambo asanzwe. [3UB191]
C. L. Taylor: Nyuzwe cyane n'uko nidutangira kugendera muri icyo cyerekezo tuzabona umucyo
nyakuri wigaragaza. - Manuscript 7, 1904. [3UB191]
 IGICE CYA 25

AMAHAME RUSANGE NGENDERWAHO

AHANTU HOSE HARI ITORERO

Ahantu hose hari itorero ryaba rinini cyangwa rito hakwiriye kuba ishuri. - Letter 108, 1899.
[3UB192]

SI IMIGANI Y'ABANTU AHUBWO NI IJAMBO RY'IMANA

Kugabura Ijambo ry'Imana ni umugabane mvajuru ubugingo bukeneye kugira ngo bugire
iterambere ritunganye mu mbaraga zabwo zose z'iby'umwuka. Mu mashuri yacu yose iri jambo
rikwiriye kuba ishingiro ry'uburezi. Niturikurikiza, bizatuma habaho imbaraga zejejwe, ubwenge,
ubudahemuka n'ingeso nziza. Si amagambo y'ubwenge bw'isi, si amagambo y'abantu cyangwa
imvugo z'ikiremwamuntu ahubwo ni Ijambo ry'Imana. - Manuscript 41a, 1896. [3UB192]

NTA MUGAMBI WO KWIGANA MU BUREZI

Imana isaba umuntu wese ufata inshingano yo gukora umurimo kugira ubushobozi bushingiye ku
buhanga no gutozwa kandi agakoresha ibitekerezo bye mu bwenge akurikije ubunararibonye
bw'ubumenyi n'umurimo yakuye mu mashuri. Imana ntiyashyizeho igenamikorere ry'umwihariko
ryahuranyije mu burezi. Kubaha Uwiteka ni ryo shingiro ry'ubwenge. Iyo abantu bafite imico
itandukanye bafashe inshingano yo kuba abarimu kandi bakagira igenamikorere ry'imyigishirize
rishingiye ku bushobozi bwabo, ntibaba bahatirwa kumera nkabarimu bakoze uwo murimo mbere
yabo keretse batesheje agaciro ubushobozi bwabo bwite. - Manuscript 170, 1901. [3UB192]

UBUSOBANURO BW'UBUREZI NYAKURI

Uburezi nyakuri ni ugutegurira umuntu kugira imbaraga z'ubwenge, iz'imico n'umubiri kugira ngo
akore inshingano yose inejeje. Uburezi kandi ni ugutoza buri myitwarire n'ibikorwa by'umutima,
ubwenge n'ubugingo [3UB192] ngo bikore umurimo w'Imana. Maze kuri uwo muntu ijuru rikavuga
riti, "kuko twembi Imana ari yo dukorera namwe mukaba umurima w'Imana n'inzu yayo." (Reba
mu 1 Ábakorinto 3: 9). - Letter 189, 1899. [3UB193]

INDANGAGACIRO ZO MU MASHURI YO MU BUSUWISI ZIKWIRIYE GUSHIMIRWA

Hari byinshi mbona ahangaha mu Busuwisi ntekereza ko ari ingirakamaro kubyigana. Abarimu bo
mu mashuri bahora bajyana n'abanyeshuri gukina maze bakabigisha uko bakwishimira ibyo bihe
kandi bagakumira umuvundo cyangwa ikibi gishobora kubaho. İri ni itegeko ridahinduka kandi
rireba abana bari mu kigero cyo kuva ku myaka itanu kugeza ku myaka cumi n'itanu. [3UB193]
Nk'ingororano yo kwitwara neza no kugira umurava mu byo bakora, abarimu bajyana abanyeshuri
babo gutemberana na bo bagakora urugendo rurerure. [byo bikorwa basoje amasomo mbere y'igihe
giteganyijwe. Ndabikunda kuko ntekereza ko haba hari amahirwe make y'uko abana bashobora
kugwa mu bigeragezo. Abarimu binjira mu bikorwa by'imyitozo ngororamubiri y'abana kandi
bakabaha umurongo ngenderwaho. [3UB193]
Urukundo n'Amategeko Ahamye Adakebakeba. Sinshobora kurwanya igitekerezo cy'uko
abana bakwiriye kwiyumvamo ko bari ahantu hatizewe cyane ku buryo baba bakwiriye
guhozwaho ijisho kandi ko batashobora gukora nk'abana. Ariko rero, mureke abarimu bifatanye
na bo mu bibashimisha, babe umwe na bo kandi babereke ko bifuza ko bishima. Ibyo bizatera
abana kugira icyizere. Bashobora kugenzurwa mu rukundo aho kubaha itegeko rikaze,
bagaherekezwa aho bafatira amafunguro ndetse no mu bikorwa bibashimisha. - Letter 42, 1886.
[3UB193]
Impano zacu twazitijwe ku bw'icyizere twagiriwe ngo tuzikoreshe kandi zikuzwe no kuzikoresha.
Yooo, iyaba ababyeyi basobanukirwaga ko imiryango y'aha ku isi ari igishushanyo cy'imiryango
yo mu ijuru. Iyo basobanukirwa n'ubudahemuka bwabo bwo kurinda ingo zabo ingeso mbi yose.
Imana yateganyije ko ijuru rishobora kurushaho kutwigaragariza mu miryango yacu kuruta uko
tubyishimira uyu munsi. [3UB193]
Ibintu Bishimishije n'Umurimo Unejeje. - Kuva bakiri bato abana ni abanyeshuri kandi iyo
ibibashimisha bihora imbere yabo mu rugo bazimenyereza ubwuzu bwa Gikristo, ubugwaneza
n'urukundo. Intekerezo zabo zubakwa n'ibyo babona n'ibyo bumva kandi ababyeyi baba babiba
imbuto izavamo umusaruro mwiza cyangwa uteye agahinda. Niba ababyeyi ari Abakristo ku izina,
niba badakora ibyo Ijambo ry'Imana rivuga baba bandika imico yabo ku bana babo aho
kubandikaho ibyo Imana ishaka. Abana bifuza ikintu kidasanzwe mu ntekerezo zabo. Ku
bw'ubushake bwa Kristo, ababyeyi babona icyo bagaburira imitima y'abana babo iba ifite inzara
n'inyota byo kumenya. [3UB193]
Ni kamere y'abana kumva bashaka kugira ibyo bakora kandi ababyeyi nibatabaha inshingano yo
gukora, Satani azashaka ikintu bahugiraho bakora ibibi. Bityo rero, mutoze abana banyu gukora
umurimo w'ingirakamaro. Mushobora kwambika umurimo wose icyubahiro gituma uzana inyungu
kandi ugashyirwa hejuru. [3UB194]
Kuzana Ibyishimo mu Mubano Mugirana n'Abana. - Ntukumve ko ufite inshingano yo gutuma
imibereho y'abana bawe iburamo ibyishimo. Kubabara bizihuta. Nk'umwigisha n'umurezi w'abana
bawe, kora ku buryo uzana ibyishimo bishoboka byose mu myitozo ubakoresha. Bashishikarize
kukugira inshuti bifuza kubana nayo. Nta kabuza uzasanga mu bana bawe kurarikira ibyaha,
kwishora mu bibi n'ingeso mbi; ariko nubashishikariza gushaka kubana nawe, ushobora guha
icyerekezo cyiza ibyo bakunda n'amarangamutima yabo, kandi ugakumira umubabaro, umushiha
no kwigomeka. Tsinda ubwibone bwabo ubabera intangarugero mu bugwaneza no kwiyoroshya
mu mutima. [3UB194]
Dukwiriye gukura mu biganiro byacu ijambo ryose rishariye no gucira abandi imanza. Nitureka
Kristo akagenga ukwicisha bugufi no kwiyoroshya mu mitima byacu tuzamugaragaza mu mibanire
yacu yose tugirana n'abana bacu. Abantu bose bakora ibyo Kristo ashaka ku bwo gukiza imitima
y'abantu, Umukiza arababwira ati, "kuko twembi Imana ari yo dukorera namwe mukaba umurima
w'Imana n'inzu yayo." - Manuscript 143, 1899. [3UB194]
 IGICE CYA 26

KUJYA MURI KOLEJI NA KAMINUZA BY'ISI

Byari kuba bitekanye cyane ku rubyiruko ryacu kwinjira muri koleji z'isi iyo baba bihana buri
munsi ariko niba bumva bafite uburenganzira bwo kuva mu byizerwa umunsi umwe, uwo munsi
Satani azaba yateguye imitego ye. Bazatsindwa kandi bayoborwe mu nzira z'ibinyoma inzira
zabuzanyijwe, inzira Imana itashyizeho. [3UB195]
None se Abakristo bitangiye umurimo bazanga kwifatanya n'abatarihana ndetse bifuze kutagirana
nabo umushyikirano? Ŏya, bagomba kubana na bo mu isi ariko ntibabe ab'isi kandi ntibafatanye
nabo inzira zabo, ntibakururwe na bo ndetse ntibakingurire imitima yabo kwakira imico n'ingeso
zabo. Imibanire yabo ikwiriye kuba igamije kuzana abandi kuri Kristo. [3UB195]
Ingaruka y'Amakosa Asubirwamo. -Aha hari akaga ku rubyiruko. Ibirangaza muri ibi bigo ni
uko inyigisho zivangwa n'amakosa n'uburyarya ku buryo badashobora gutandukanya uburozi
bw'amarangamutima buvanze n'iby'ingirakamaro kandi by'agaciro. Hariho icyo kinyoma cyihishe
kandi gikora mu buryo abenshi batakibona ariko kiba kiri ku murimo. Ibitekerezo bimwe na bimwe
bizanwa n'abarimu kandi bakabisubiramo inshuro nyinshi maze hanyuma intekerezo zigatangira
kubyakira no kwisanisha na byo. [3UB195]
Ibi binabaho iyo abanyeshuri biga ibitabo by'abanditsi batizera Imana. Aba bantu bagira ubwenge
butyaye kandi ibitekerezo byabo bityaye birigishwa maze intekerezo z'umunyeshuri zikigarurirwa
na byo. Abanyeshuri bashimishwa n'ubwo buhanga bw'abanditsi. [3UB195]
Nyamara se aba bantu bakura he imbaraga z'ubwo bwenge? Mbese ubwo butyoza babukura hehe?
Babukura ku isoko y'ubwenge bwose. Ariko bavangiye imbaraga zabo nuko bafasha umwanzi
gukora umurimo. Mbese ntimuzi ko umwanzi agira uburyarya bwinshi? Abantu benshi bagendera
mu nzira za sekibi mu gihe basoma inyandiko z'abanditsi batizera Imana. Satani ni umuhanga
kandi benshi bagwa mu mutego wo gukunda inyigisho n'ubuhanga bye. - Manuscript 8b, 1891.
[3UB195]

AKAGA GATERWA NO GUTEGA AMATWI ABANTU B'IBIRANGIRIRE BO KU ISI

Kuri benshi mu rubyiruko hari akaga gakomeye ko gutega amatwi imbwirwaruhame zitangwa
n'abantu ab'isi bita ibirangirire. Izi mbwirwaruhame zikunze kuba zuzuyemo ibitekerezo
by'ubuhanga buhambaye. Amakosa yabaye gikwira yo muri siyansi nk'uko byitwa mu kinyoma
n'amahame azwi cyane mu by'iyobokamana bivangwa n'amagambo n'ubushakashatsi by'ubuhanga
ariko ibyo bitesha agaciro amahame ya Bibiliya ndetse bigakangurira abantu kubona ko hari
impamvu yo gushidikanya ukuri kw'ijambo ryahumetswe n'Imana. Muri ubu buryo, imbuto zo
gushidikanya zibibwa n'abitwa abakomeye n'abahanga b'ibirangirire ariko amazina yabo
yanditswe mu bitabo byo mu ijuru nk'abatagira ubwenge kandi ari ibizira ku Mana. Basubiramo
ibinyoma Satani yashyize mu kanwa k'inzoka kandi bakigisha urubyiruko mu buyobe. [3UB196]
Ubu ni uburezi umwanzi yishimira. Ni ubupfumu. Intumwa ikomeye yarabajije iti: "Ni nde
wabaroze kugira ngo mwe kumvira ukuri?" Abakira kandi bakishimira amarangamutima y'abiyita
ibirangirire bari mu kaga kubera ko mu bugenza bw'umwanzi imitekerereze y'amayobera y'aba
bigisha b'ibinyoma ishinga imizi mu mitima y'urubyiruko rwacu kandi mu buryo busa
n'ubutagaragara barahinduka bakava mu kuri bakajya mu kinyoma. Nyamara guhinduka gukwiriye
kubaho mu bundi buryo. Ábasore bacu babonye ibihamya bw'ukuri guhoraho bakwiriye
gushyigikirwa mu mbaraga maze bakabasha kugarura imitima kuri Kristo bayikuye mu mwijima
w'ikinyoma. [3UB196]
Abasore bajya muri Ann Arbor bakwiriye kwakira Yesu nk'Umwami n'Umukiza. Nibitaba bityo
bazubaka ku musenyi kandi urufatiro rwabo ruzakurwaho. Umwuka wa Kristo ukwiriye kuzahura
kandi ukeza ubugingo, kandi urukundo nyakuri tugirira Kristo rukwiriye kubeshwaho no kwizera
Imana twicishije bugufi buri munsi. Kristo akwiriye kuba mu byiringiro by'umugisha. Mureke
Kristo ahishurirwe mu bo mubana. - Letter 26, 1891. [3UB196]

ABANYESHURI B'ABADIVENTISITI B'UMUNSI WA KARINDWI

Abavoduwa binjiraga mu bigo by'amashuri by'isi nk'abanyeshuri. Ntibifataga uko batari ku
bigaragara ntibagiraga uwo barangarira ariko babagaho mu kwizera kwabo. Nta hame na rimwe
bigeze bica maze bidatinze amahame yabo aramenyekana. Ibi byari bitandukanye cyane n'ibyo
abandi banyeshuri bari barabonye bityo batangira kwibaza bati: "Mbese ibi byose bisobanura iki?
Ni gute aba bantu badashobora gushukwa ngo bateshuke ku mahame yabo?" Ubwo bitegerezaga
neza ibingibi, [3UB196]

54 Kaminuza ya Michigan yari iri muri Ann Arbor, mu ntera igera kuri kilometero 104 mu burasirazuba bwa Battle Creek. Mu mwaka wa 1891
abasore b'Abadiventisiti bashakaga kwiga iby'ubuvuzi bayizemo. Abakusanyije inyandiko.

bumvise basengera mu byumba byabo badasenga Bikira Mariya ahubwo basenga Umukiza
babwiraga nk'umuhuza rukumbi hagati y'Imana n'umuntu. Abanyeshuri basanzwe bashishikajwe
no gucukumbura nuko inkuru yoroheje y'ukuri nk'uko iri muri Yesu iravugwa maze intekerezo
zabo zirayakira. [3UB197]
Iyi nkuru yayivuze mu nama y'uburezi yabaye mu mwaka wa 1891 ibera ahitwa i Harbor Heights
[Haba Hayitsi]. Abafite umwuka w'Imana kandi ukuri kukaba kwarashinze imizi mu mitima yabo
bakwiriye gushishikarizwa kwinjira muri koleji nuko bakabaho bagendera mu kuri bamenye
nk'uko Daniyeli na Pawulo babigenje. Buri wese akwiriye kwiga akareba uburyo bwiza
bwakoreshwa ngo ukuri kugezwe mu kigo cy'ishuri, bityo umucyo urabagirane. Nimureke
bagaragaze ko bumvira amategeko n'amabwiriza byose by'ikigo. Umusemburo uzatangira gukora,
kubera ko dushobora kwishingikiriza cyane ku mbaraga y'Imana yigaragariza mu mibereho
y'abana bayo kurusha uko twakwishingikiriza ku magambo yose yavugwa. Nyamara kandi,
bashobora gukoresha imvugo yoroheje uko bashoboye kose, bakabwira abababaza iby'amahame
yoroheje ya Bibiliya. [3UB197]

KUBIBA IMBUTO Z'UKURI MU NTEKEREZO NO MU MITIMA

Hari abo bikwiriye ko nyuma yo gukomezwa, gushikama no kwimbika mu kuri binjira muri ibi
bigo byo kwigiramo nk'abanyeshuri. Bagomba kuguma mu mahame mazima y'ukuri, bakubahiriza
Isabato kandi bagashaka umwanya wo gukorera Shebuja babiba imbuto z'ukuri mu ntekerezo no
mu mitima. Mu mbaraga z'Umwuka Wera, izi mbuto zizakura maze zere izindi ku bw'ikuzo
ry'Imana kandi umusaruro uzaba uwo gukiza imitima. Abanyeshuri ntibakeneye kujya muri ibi
bigo byigirwamo kugira ngo bakunde bamurikirwe kuko n'abarimu ubwabo bakwiriye kuba
abigishwa ba Bibiliya. Nta guhangana gushya gukwiriye gutangizwa, nyamara hazatangwa
amahirwe yo kubaza ibibazo ku mahame ya Bibiliya kandi umucyo uzarabagiranira mu ntekerezo
za benshi. Umwuka wo gucukumbura uzavuka. [3UB197]
Imikorere Iteza Agaka Gakomeye. Ariko mfite igishyika cyo kubabwira ubu buryo bwo gukora;
kubera ko hari akaga k'uko abadafitanye umushyikirano n'Imana bazijyana muri ayo mashuri,
maze aho kugira ngo bakosore amakosa kandi bakwize umucyo, ahubwo nabo ubwabo
bazayobywe. Ariko uyu murimo ugomba gukorwa kandi uzakorwa na ba bandi bayoborwa
n'Imana kandi bakigishwa. - Manuscript 22a, 1895. [3UB197]
 UMUGABANE WA VII

AMAHAME NGENDERWAHO
IJAMBO RY'IBANZE
Umukristo akwiriye guhora arinda amahame shingiro agenderaho. Ubwo tugenda duhura
n'impinduka zo kuba muri iyi si aho indangagaciro ziteshwa agaciro kandi tukabana n'abagize
itorero bigereranya na bagenzi babo, amahame yacu twari twarasigasiye ashobora gukurwaho mu
buryo busa n'ubutagaragara. [3UB198]
Iyo twitegereje ubutumwa Imana yagiye yoherereza abantu bayo mu gihe cya kera no muri iki gihe
cyacu tubona uburyo yabonye ko byari ngombwa gusubiramo inshuro nyinshi ubutumwa bwo
gukomeza abantu bayo ngo bagendere mu bushake bwayo. Muri iki gihe cyacu ibi ni ukuri
k'umwihariko ku byerekeye gukomeza Ísabato, imyambarire no kwirimbisha ndetse n'ivugurura
mu byo kwitungira amagara mazima. Zimwe mu nyigisho z'ingenzi ziri muri uyu murongo
ziboneka mu nyandiko no mu nzandiko Ellen White yandikishije ikiganza cye agira abantu inama.
Kugeza igihe hacapiwe imizingo ibiri yabanjirije uyu nguyu, izo nyigisho zasohokaga mu
kinyamakuru cyitwaga Urwibitso rw'Abadiventisiti (Adventist Review) none ubu ziri muri iki
gitabo. Zimwe mu nyigisho zari zaracapwe zongeye gucapwa mu bice bine by'uyu mugabane.
[3UB198]
Igice cyerekana itsinda ry'inyigisho zivuga ko "Guhinduranya Inyifato mu Gusenga Bikwiriye"
cyabaye ingirakamaro kubera ko abantu bamwe bari kuyobywa ubwo bari gushyira mu bikorwa
inama ziboneka mu gitabo kivuga iby'abakozi bagabura ubutumwa bwiza (Gospel Workers, pp.
178, 179) no mu Butumwa Bwatoranyijwe, igitabo cya 2, Igice cya 32, ["Inyifato Ikwiriye mu
Gihe cyo Gusenga"], ahari ubutumwa buhamagarira Abadiventisiti b'Umunsi wa Karindwi
gupfukama mu isengesho nk'ikimenyetso cyo kubaha no kwicisha bugufi. Nubwo inama
ihamagarira abizera gupfukama mu gihe cy'isengesho ryo mu ruhame n'igihe umuntu asenga mu
rwiherero, inama yumvikana n'urugero bya Ellen White bigaragaza ko gupfukama bitari ngombwa
mu bihe byose iyo umutima n'ijwi bizamuwe mu isengesho. Inyigisho ziri muri uyu mugabane
zakuwe mu murimo mugari wa Ellen White. - Abashinzwe kurinda inyandiko za Ellen White.
[3UB198]
 IGICE CYA 27

UMUCO WO KUGIRA URUGWIRO

Abakorera Kristo bagomba kuba baboneye, batunganye kandi ari abiringirwa, ndetse bagomba no
kuba boroheje mu mutima, ari abanyampuhwe kandi bagira urugwiro. Mu mibanire y'abantu
b'abanyarugwiro by'ukuri habamo imbaraga ikurura. Amagambo y'ineza, indoro inejeje
n'imyitwarire irangwa n'urugwiro ni iby'agaciro katagereranywa. Kubwo kwirengagiza abandi,
Abakristo batagira urugwiro berekana ko batunze ubumwe na Kristo. Ntabwo bishoboka ko
umuntu yakunga ubumwe na Kristo ngo ye kurangwa n'urugwiro. [3UB199]
Uko Kristo yari mu buzima bwe kuri iyi si, ni ko Umukristo wese akwiriye kuba. Ni icyitegererezo
cyacu atari mu butungane bwe buzira ikizinga gusa ahubwo no mu kwihangana kwe, ubugwaneza
bwe no mu myitwarire ye yireherezagaho abantu. Ku byabaga birebana n'ukuri no gusohoza
inshingano ye, yabaga ashikamye nk'urutare, ariko kandi akaba umugwaneza ndetse akagira
urugwiro. Ubuzima bwe bwari icyitegererezo kizira amakemwa cyerekana urugwiro nyakuri.
Yahoranaga indoro yuje ineza akavuga n'ijambo rihumuriza abakene n'abakandamizwaga bose.
[3UB199]
Kugera mu muryango runaka kwe kwahazanaga umwuka urushijeho kuba mwiza, kandi ubuzima
bwe bwari nk'umusemburo ukorera hagati mu bagize umuryango mugari. Ntawe yagiriraga nabi
kandi nta kizinga cyamurangwagaho, yagenderaga hagati y'abantu batagira icyo bitaho, ibihubutsi
n'abatagira urugwiro. Yari hagati y'abakoresha b'ikoro b'abariganya, Abasamariya bakiranirwa,
abasirikare b'abapagani, rubanda rutagira ikinyabupfura ndetse n'imbaga y'abantu b'uruvange. Aho
yageraga hose yahavugiraga ijambo ryuje impuhwe ubwo yabonaga abantu bananiwe kandi
basabwa kwikorera imitwaro iremereye. Yafatanyaga nabo kwikorera imitwaro yabo, maze
akabasubiriramo ibyo yari yarigiye mu byaremwe byerekeye urukundo, ubugwaneza no kugira
neza by'Imana. [3UB199]
Yashakaga kuzuza ibyiringiro ababaga bafite amatwara mabi kurusha abandi kandi batatangaga
icyizere cyo guhinduka, akabizeza ko bashobora[3UB199] guhinduka ntibarangweho inenge ndetse
ntibabe bagira uwo bagirira nabi, bityo bakagera ku mico ibagaragaza ko ari abana b'Imana.
[3UB200]
Igihe Yakoreraga Abatizera. - Nubwo yari Umuyuda, Kristo yifatanyaga n'Abasamariya,
akarenga ku migenzo ya Gifarisayo y'ishyanga yavukagamo. Imbere y'urwikekwe rwabo, Kristo
yemeraga kwakirwa nk'umushyitsi muri abo bantu b'insuzugurwa. Yararaga mu mazu yabo,
agasangirira nabo ku meza amwe, akarya ku byokurya byateguwe kandi byagabuwe n'amaboko
yabo ndetse yigishirizaga mu nzira zabo, akabagirira neza n'urugwiro bihebuje. [3UB200]
Yesu yicaye ku meza y'abakoresha b'ikoro, yababereye umushyitsi w'icyubahiro, maze
kubw'impuhwe n'urugwiro yabagiriraga akerekana ko azirikana agaciro k'ikiremwamuntu; kandi
abantu bifuzaga cyane ko yabagirira icyizere akabana nabo. Amagambo ye yageraga ku mitima
yabo yabaga ifite inyota yuzuye umugisha kandi afite imbaraga itanga ubugingo. Ímbaraga nshya
zakangurwaga muri bo, kandi abo babaga ari ibicibwa mu muryango mugari w'abantu
bagakingurirwa amahirwe yo kwakira ubugingo bushya. [3UB200]
Igihamya Gikomeye Gishyigikira Ubutumwa Bwiza. - Urukundo rwa Kristo rworoshya
umutima kandi rugakura inkamba zose mu matwara y'umuntu. Nimutyo twigire kuri Kristo uko
twahuza kwera no kubonera byo ku rwego ruhanitse n'umucyo nk'uw'izuba wo mu miterere
n'imyitwarire. Umukristo w'umugwaneza kandi ugira urugwiro aba igihamya gikomeye kurusha
ibindi gishyigikira ubutumwa bwiza. [3UB200]
Imyitwarire ya bamwe bavuga ko ari Abakristo cyane ikunze kutarangwa n'ineza n'urugwiro ku
buryo ibyiza byabo bivugwaho nabi. Kuvugisha ukuri kwabo gushobora kudashidikanywaho,
kandi kudakebakeba kwabo nako ntigukemangwe. Ariko kuvugisha ukuri no kudakebakeba
ntibizahongerera kuba umuntu atarangwa n'ubugwaneza n'urugwiro. Bene abo bantu bakeneye
kumenya ko inama y'agakiza ari umugambi wuje imbabazi, wabereyeho kugira ngo woroshye
ikintu cyose gikomeye kandi kidatunganye kiri muri kamere muntu. Bakeneye gukuza muri bo
rwa rugwiro rwa Gikristo rudakunze kuboneka rutera abantu kugirira neza abandi bose no
kubazirikana. Umukristo agomba kurangwa n'imbabazi kandi akaba umunyakuri, akaba
umunyampuhwe n'umunyarugwiro, ndetse akagenda atunganye kandi yiringirwa. [3UB200]
Ab'isi biga kuba abanyarugwiro kugira ngo bihindure abantu bashimisha abandi uko bashoboye
kose. Biga icyatuma amagambo bavuga n'imyitwarire byabo biba imbaraga ikomeye igira icyo
ihindura mu bo bahura nabo. Bakoresha ubumenyi bwabo n'ubushobozi bwabo mu buhanga
bwinshi uko bashoboye kose kugira ngo bagere kuri iyo ntego. "Abana b'iyi si ni abanyabwenge
mu byo ku ngoma yabo kuruta abana b'umucyo" (Luka 16:8). [3UB200]
Uko muzajya munyura mu buzima, muzahura n'abantu ubuzima butoroheye na gato. Umuruho
n'ubukene, kutagira ibyiringiro by'ibyiza mu gihe kizaza, bituma umutwaro wabo urushaho
kubaremerera. Kandi iyo hiyongeyeho uburibwe n'uburwayi, umutwaro uraremera birenze ku
buryo baba batakibasha kuwikorera. Ábantu baruhijwe kandi bakandamizwa ntibazi aho babonera
ihumure. Igihe uhuye na bene abo bantu, shyira umutima wawe wose mu murimo wo kubafasha.
Ntabwo ari umugambi w'Imana ko abana bayo baba ba nyamwigendaho ntibite ku bandi. Ibuka ko
Kristo yapfiriye abo bantu nk'uko nawe yagupfiriye. Mu byo ubagirira, ba umunyampuhwe kandi
ugire n'urugwiro. Ibi bizagukingurira inzira kugira ngo ubafashe, utume bakugirira icyizere,
ubatere ibyiringiro n'ubutwari. [3UB201]
Ubuntu bwa Kristo Buhindura Umuntu uko Yakabaye. - Intumwa Petero aratwinginga ati:
"Ahubwo nk'uko uwabahamagaye ari uwera, abe ari ko namwe muba abera mu ngeso zanyu zose.
Kuko byanditswe ngo "Muzabe abera kuko ndi uwera." (1Petero 1:15,16). Ubuntu bwa Kristo
buhindura umuntu wese uko yakabaye, uwari umunyamahane bukamutunganya, umunyarugomo
agacisha make, uwikanyizaga akagira ubuntu. Ubwo buntu butegeka amarangamutima ye n'ijwi
rye. Imikorere yabwo igaragarira mu kinyabupfura n'ineza umuvandimwe agirira mugenzi we, mu
magambo y'ineza kandi akomeza ndetse n'ibikorwa bitarangwa no kwikanyiza. Marayika w'Imana
aba mu rugo. Ubugingo buhumeka umwuka uhumura neza, ukazamuka ujya ku Mana ari umubavu
uhumura neza. [3UB201]
Urukundo rugaragarizwa mu bugwaneza, ubwitonzi no kwihangana. Indoro nayo irahinduka.
Amahoro yo mu ijuru arigaragaza. Hagaragara ubugwaneza bwabaye akamenyero, burenze
urukundo rwa kimuntu. Ubumuntu buhabwa kuri kamere y'Imana. Kristo yubahishwa no kubonera
kw'imico. Iyo izo mpinduka zitunganijwe, abamarayika bahanika indirimbo, maze Imana na Kristo
bakishimira abantu batunganyijwe ngo base n'Imana. [3UB201]
Imivugire Inejeje n'Imvugo Itunganye. Dukwiriye kwimenyereza kuvuga dukoresheje ijwi
rinejeje; tugakoresha imvugo izira amakemwa kandi itunganye, n'amagambo y'ineza n'urugwiro.
Amagambo yuje ineza ameze nk'ikime n'ibitonyanga bituje bigwa mu bugingo. Ibyanditswe
bivuga kuri Kristo ko ubuntu bwashyirwaga mu kanwa ke kugira ngo "amenye gukomeresha
urushye amagambo." (Yesaya 50:4). Kandi Uwiteka aradutegeka ati: "Ijambo ryanyu rifatanye
iteka n'ubuntu bw'Imana risize umunyu, kugira ngo mumenye uko mukwiriye gusubiza umuntu
wese." Abakolosayi 4:6. [3UB201]
Abantu bamwe muzahura bazaba batagira ikinyabupfura ndetse nta n'urugwiro, ariko kubera ibyo,
wowe ntukabure kugira urugwiro. Umuntu ushaka gusigasira kwiyubaha kwe agomba
kwigengesera kugira ngo adakomeretsa kwiyubaha kw'abandi bitari ngombwa. Iri tegeko rikwiriy
[3UB201] kubahirizwa bikomeye imbere y'umuntu w'intumva bikomeye kandi w'igihubutsi.
[3UB202]
Ntabwo uzi icyo Imana igamije kuzakorera abo bantu bagaragara ko nta cyizere batanga. Mu gihe
cyashize Imana yagiye yemera abantu bagaragaraga ko nta cyizere batanga cyangwa se badateye
ubwuzu bwo kuba bayikorera umurimo ukomeye. Umwuka w'Imana, ugenderera umutima, yagiye
akangura ubushobozi bwose bw'umuntu ngo bukorane imbaraga. Uwiteka yabonaga ko muri ayo
mabuye ahanda kandi adaconzwe harimo igikoresho cy'agaciro kizabasha kwihanganira
ikigeragezo cy'umugaru n'ubushyuhe bwinshi no gutsikamirwa. Imana ntireba nk'uko umuntu
areba. Ńtica urubanza ishingiye ku bigaragara inyuma gusa, ahubwo igenzura umutima, kandi
igaca urubanza rutabera. [3UB202]
Nimutyo tube abantu batirebaho, tujye duhora turi maso kugira ngo dukomeze abandi,
tuborohereze imitwaro kubw'ibikorwa by'ubugwaneza n'ibiva ku rukundo rutikanyiza tubakorera.
Iyo mico yo kuzirikanana iyo itangiriye mu rugo maze ikagera ku bari hirya y'urugo rwanyu, igera
kure ikazabyara uruhurirane rw'umunezero mu buzima, kandi kwirengagiza iyo mico bigira
uruhare runini mu kumererwa nabi mu buzima. - Manuscript 69, 1902. (Published in Review and
Herald, Aug. 20, 1959.) [3UB202]
 IGICE CYA 28

IMYAMBARO N'IMIRIMBO

IMIGISHA IKOMOKA KU KWAMBARA IMYAMBARO IKWIRIYE

Imyambaro Ikwiriye, Idasamaje kandi Iboneye. Haba mu myambarire cyangwa mu bindi bintu
byose, dufite inshingano yo guha Umuremyi wacu icyubahiro. Ntashaka ko imyambaro yacu iba
iboneye kandi ituma tugira amagara mazima gusa, ahubwo anashaka ko iba idukwiriye, idozwe
neza kandi atari urukozasoni. Uburezi, p.259. [3UB203]
Tugomba guharanira kugaragara neza. Mu mirimo yo mu buturo bwera, Imana yatanze
amabwiriza kuri buri kintu cyose cyerekeye imyambaro y'abakoreraga imbere yayo. Bityo rero,
twigishwako Imana ifite urugero rukwiriye kureberwaho mu bijyanye n'imyambaro abayikorera
bagomba kwambara. Hari amabwiriza asobanutse neza yatanzwe ku bijyanye n'amakanzu ya
Aroni, kubera ko imyambaro ye yari ifite icyo ishushanya. Ni nako imyambaro y'abayoboke ba
Kristo ikwiriye kuba ifite icyo ishushanya. Mu bintu byose tugomba kuba abantu bahagarariye
Kristo. Uko tugaragara ku ruhande urwo ari rwo rwose bikwiriye kurangwa n'isuku, kwicisha
bugufi no gutungana. Testimonies, Vol.6, p. 96. [Ibihamya by Torero]. [3UB203]
Binyuze mu byaremwe [indabo z'amoko atandukanye] Kristo agaragaza ubwiza ijuru riha agaciro
ubwo ari bwo, akagaragaza umuco wo kudakabya, kwiyoroshya, ubutungane no kwitwara mu
buryo bukwiriye bigomba gutuma imyambarire yacu ishimisha Imana. -The Ministry of Healing,
p.289. [3UB203]
Muri rusange, imyambaro n'uburyo yambawe bigomba kuba ikirango cyerekana niba uyambaye
ari umugabo cyangwa umugore. - The Review and Herald, Jan. 30, 1900. [3UB203]
Tumenya imico y'umuntu dushingiye ku mideli y'imyambaro yambara. Umugore wiyubaha kandi
wubaha Imana azarangwa no kwambara [3UB203] imyenda idasamaje. Gukunda ibitunganye no
kugira intekerezo zubakitse neza bizagaragaríra mu guhitamo kwambara imyambaro yoroheje
kandi ikwiriye... Umugore [cyangwa umukobwa] wiyoroshya kandi utagambiriye ikibi mu
myambarire no mu myitwarire ye aba agaragaza ko asobanukiwe ko umugore nyamugore arangwa
no kugira agaciro mu micombonera. Mbega uburyo kwiyoroshya mu myambarire ari ibintu
binezeza cyane kandi bishimishije, bishobora kugereranywa n'uburabyo bwo mu busitani mu
bijyane n'ibintu bigaragara neza! -The Review and Herald, Nov. 17, 1904. [3UB204]

AMAHAME MAZIMA NGENDERWAHO

Ab'isi nibadukana umuderi w'imyambaro urangwa no kwiyoroshya, ukwiriye kandi utabangamiye
kugira amagara mazima, ndetse utanyuranyije na Bibiliya, ntabwo kwemera uwo muderi
w'umwambaro bizahindura umubano dufitanye n'Imana cyangwa n'isi. Abakristo bakwiriye
gukurikira Kristo kandi imyambaro yabo ikaba ihamanya n'Iljambo ry'Imana. Bagomba kwirinda
gukabya. Bakwiriye gukurikira inzira igororotse badakebakeba, batitaye ko bashobora gushimwa
cyangwa kunengwa, kandi bakwiriye gushikama ku cyiza bitewe n'ibyo gikora. -Testimonies
Vol.1, pp.458, 459'[3UB204]
Ndasaba abantu bacu kugendana ubwitonzi n'ubushishozi imbere y'Imana. Mujye mukurikiza
imigenzereze mu myambarire igihe ikurikiza amahame agenga ubuzima. Nimutyo bashiki bacu
bajye bambara bikwije, nk'uko abenshi muri bo babigenza, bambare imyambaro idozwe mu
gitambaro cyiza, kiramba kandi gikwiranye n'iki gihe, kandi ikibazo cy'imyambaro ntikikabe ari
cyo cyuzura mu ntekerezo zabo. Bashiki bacu bakwiriye kwambara mu buryo burangwa no
kwiyoroshya. Bakwiriye kwambara imyambaro idasamaje, irangwa no kugira isoni no gushishoza
badakebakeba. Nimuhe ab'isi icyitegererezo kizima cy'umurimbo w'imbere w'ubuntu bw'Imana
buri muri mwe. -Manuscript 167,1897 (Byasohotse mu gitabo kivuga ibyo kurera umwana [Child
Guidence, p. 414]). [3UB204]

UMUDENDEZO N'UBUTWARI BYO GUKORA IBIKWIYE

Abakristo ntibakwiriye kurushywa no kwigira ibishungero bitewe no kwambara mu buryo
butandukanye n'ubw'abandi. Ariko nanone iyo mu gukurikiza ibyo bemera nk'inshingano yabo mu
bijyanye no kwambara mu buryo budasamaje kandi bubatera kugira amagara mazima bisanze
batacyambara ibijyanye n'igihe barimo, ntabwo bakwiriye guhindura imyambarire yabo kugira
ngo bakunde base n'ab'isi. Ahubwo niba abatuye isi bose batandukanye nabo, bakwiriye
kugaragaza umudendezo ukomeye bafite ndetse n'ubutwari mu mico mbonera. - Testimonies,
Vol.1, p.458. [3UB204]

GUTUNGANYA UBUSHOBOZI BWO KUGIRA ICYO UKUNDA

Ntabwo ukuri gutuma abagabo cyangwa abagore baba abantu badatunganye, cyangwa batagira
urugwiro. Ahubwo gufata abantu uko bari mu byaha byabo no mu buzima busuzuguritse,
kukabatandukanya [3UB204] n'ab'isi ndetse kugatunganya ubushobozi bwabo bwo kugira ibyo
bakunda, nubwo baba basanzwe ari abakene kandi batarize. Kubwo kuyoborwa na Kristo,
umurimo wo kubatunganya urakomeza, bakereshwa ukuri. Iyo bahuye n'igishuko cyo kugaragaza
n'agace kamwe k'imbaraga ihindura ishobora kujyana abantu kure ya Kristo bakayoboka inzira
y'ab'isi, mu bwibone cyangwa imideri igezweho, cyangwa mu kwiyerekana, bavuga amagambo
yo kwihagararaho atsinda imbaraga y'umwanzi. Baravuga bati: "Ntabwo ndi uwanjye, naguzwe
igiciro. Ndi umwana w'Imana." - Letter 26, 1900. [3UB205]

KWIYOROSHYA MU MYAMBARIRE
Ubwo nabonaga benshi mu Badiventisite bakomeza Isabato bagenda bisanisha n'ab'isi mu
mitekerereze, mu biganiro, no mu myambarire, umutima wanjye wagize agahinda kenshi. Abantu
bavuga ko bizera ko bafite ubutumwa buheruka bw'imbabazi bagomba kugeza ku batuye isi nabo
bakururwa n'imideri y'isi, kandi bakoresha imbaraga nyinshi mu kuyigana ku rwego rw'uko
batekereza ko kwizera kwabo kubemerera gutera iyo ntambwe! Imyambarire y'ab'isi iragaragara
cyane mu bantu bacu ku buryo akenshi n'abatizera bavuga bati, "Mu myambarire yabo ntushobora
kubatandukanya n'ab'isi." Tuzi ko ibi ari ukuri, nubwo hari benshi batagenza batyo. [3UB205]
Abakurikiza urugero rw'ab'isi ntabwo ari bake. Tubabazwa no kubona uko hari impinduka bari
guteza, bagatera abandi gukurikiza urugero rwabo. Iyo mbonye abitirirwa izina rya Kristo bigana
imideri y'ab'isi, ntekereza ibintu bikambabaza cyane. Kuba badasa na Kristo bigaragarira abantu
bose. Mu murimbo ugaragara inyuma habamo guhishurira ab'isi ndetse n'Abakristo ko umuntu nta
murimbo w'imbere mu mutima afite, ari wo murimbo w'ubugwaneza n'ubwitonzi kandi ari
by'igiciro cyinshi mu maso y'Imana.... [3UB205]
Kugaragaza Uko Umutima Uteye. Turaburira bashiki bacu b'Abakristo turwanya uburyo
bashaka kwambara bakurikije imideri y'isi, bityo bagatera abantu kubarangarira. Inzu y'Imana
ihumanywa n'imyambarire y'abagore n'abakobwa muri iki gihe bavuga ko ari Abakristo.
Umwambaro w'akataraboneka, kwambara imikufi ya zahabu n'amaherena, ni ikintu kigaragaza
intege nke mu ntekerezo n'ubwibone bwo mu mutima. [3UB205]
Kubwo gushaka kujyana n'ibigezweho, abenshi mu rubyiruko rwacu bakoresha umutungo
imibereho bafite idashobora gusobanura. Abana bakomoka ku babyeyi bakennye bashaka
kwambara nk'abana bavuka ku babyeyi bakize. Ababyeyi bakoresha cyane umutungo wabo, igihe
n'imbaraga Imana yabahaye mu kudodesha imyenda cyangwa gusubirishamo imideri y'imyambaro
kugira ngo bahaze ubwibone bw'abana babo. Iyaba bashiki bacu bafite umutungo mwinshi
bashyiraga ku murongo ibyo batangaho umutungo, ntibawukoreshe bashingiye ku bukungu bafite
[3UB205] ahubwo bagashingira ku nshingano bafite ku Mana, nk'ibisonga by'ubwenge
by'umutungo baragijwe, urugero rwabo rwakora byinshi mu guhagarika iki kibi kiri muri twe.
[3UB206]
Amayere ya Satani. - Satani niwe ubyihishe inyuma, ahimba imideri iganisha mu gutagaguza
umutungo. Mu gukora imideri yo muri iki gihe, Satani aba afite umugambi azi neza yihaye. Azi
ko igihe n'amafaranga bikoreshwa kugira ngo abantu buzuze ibyo imideri igezweho isaba
bitazakoreshwa kubw'imigambi ihanitse kandi yera. Igihe cy'agaciro kenshi gitakazwa mu gushaka
kujyana n'imideri igezweho ihora ihindagurika kandi itigera inyura abantu. Iyo umuderi umwe
ukimara kwaduka, indi mishya ihita ihimbwa, maze kugira ngo abantu badasigara inyuma, ya
myambaro ikaba igomba gusubirwaho. Uko ni ko abavuga ko ari Abakristo, bafite imitima yitanze
igice bapfusa ubusa igihe cyabo, maze hafi y'imbaraga zabo zose bakazegurira gukorera isi.
[3UB206]
Bashiki bacu bahitamo ku bushake bwabo kwikorera uwo mutwaro utari ngombwa. Kimwe cya
kabiri cy'imitwaro yabo gituruka mu kugerageza gukurikira ibigezweho; nyamara uwo mutwaro
bawemerana ibyishimo bitewe n'uko imideri igezweho ari ikigirwamana baramya. Mu by'ukuri
babohewe mu minyururu y'ububata nk'inkoreragahato; nyamara bakavuga ko bafite umudendezo!
Ntabwo bazi amahame y'ibanze y'umudendezo. Ntabwo bitekerereza cyangwa ngo bakunde ku
bwabo ndetse ntibanafite gushyira mu gaciro kabo bwite. [3UB206]
Satani agera ku ntego ze mu buryo butangaje atwara intekerezo z'abantu zigahora zihugiye mu
mideri igezweho y'imyambaro ihora ihindagurika. Azi neza ko igihe intekerezo z'abagore
[n'abakobwa] zihora zuzuye ibyifuzo bigurumana byo kujyana n'ibigezweho, bacika intege mu
micombonera maze ntibabe bagishobora gukangurirwa kumenya uko mu by'ukuri bahagaze mu
by'umwuka. Baba bahindutse ab'isi, badafite Imana ndetse nta n'ibyiringiro. [3UB206]
Imyenda Myiza, Ikwiye Uyambaye kandi Iramba. - Ntabwo tubuzanya ubwiza no kubonera
mu myambarire. Gukunda ibintu bitunganye mu bijyana n'imyambarire ntibikwiriye gusuzugurwa
cyangwa gucirwaho iteka. Nubwo imideri, imirimbo n'imitako bishyirwa mu myambaro bitari
ngombwa bikwiriye kurekwa, turashishikariza bashiki bacu kugura imyenda myiza kandi iramba.
Nta kintu umuntu yunguka mu kugerageza kuzigama amafaranga binyuze mu kugura imyambaro
yo mu mwenda utaramba. Nimutyo imyambaro ibe ikwiye nyirayo kandi iboneye, ariko itarangwa
no gukabya kwiyerekana. [3UB206]
Abakobwa bacika ububata bwo gutwarwa n'imideri igezweho mu myambarire bazabera
umuryango mugari imitako myiza. Umuntu wiyoroshywa mu myambarire no mu myifatire
yerekana ko umukobwa nyakuri arangwa n'agaciro mu micombonera. Manusript 106,1901.
[3UB206] (Byanditswe no mu kinyamakuru cy'Urwibutso n'Integuza "The Review and Herald",
March 20, 1958) [3UB207]
Kwizinukwa mu myambarire ni umugabane umwe w'inshingano dufite nk'Abakristo. Kwambara
wikwije, kwirinda kwambara ibikomo n'imitako y'amoko yose bihuje rwose no gukurikiza
imyizerere yacu. Mbese twaba turi mu mubare w'ababona ubupfapfa bw'ab'isi bugaragarira mu
kwirundurira mu gushayisha mu myambarire no gukunda ibinezeza? Niba ari ko biri, dukwiriye
kuba muri rya tsinda ry'abantu bazibukira ikintu cyose gishyigikira uwo mwuka mubi wigarurira
intekerezo n'imitima by'abantu babaho bitaye ku buzima bw'iyi si gusa kandi batigera batekereza
cyangwa ngo bite ku buzima buzaza. -Testimonies, Vol.3, p. 366. [3UB207]

TURAGANA HE?
Umukobwa umwe wamaze ibyumweru runaka mu bigo byacu ahitwa Battle Creek (Batolo Kiriki)
yavuze ko yababajwe cyane n'ibyo yahabonye ndetse n'ibyo yahumvise. Yari yaratekereje ko
azahasanga abantu bateye imbere cyane mu kumenya ukuri no mu mibereho y'iby'umwuka
kurusha abantu bo mu matorero yari ahanzwe vuba. Yari yiringiye ko azahungukira inyigisho
nyinshi yari kuzashyira bagenzi be mu byo kwizera babaga muri Leta ya kure y'aho. Ariko
yatunguwe kandi ababazwa no kudaha ibintu agaciro, umwuka w'ab'isi ndetse no kutiyegurira
Imana rwose yabonye impande zose. [3UB207]
Mbere y'uko uyu mukobwa yemera ukuri, yari yaragiye yikurikirira imideri igezweho y'ab'isi mu
myambarire, kandi yajyaga yambara ibikomo n'indi mitako bihenze cyane. Ariko ubwo yari amaze
gufata icyemezo cyo kumvira ijambo ry'Imana, yumvise ko inyigisho zaryo zamusabaga kureka
kwambara iyo mitako n'imirimbo by'ikirenga. Yari yarigishijwe ko Abadiventisiti b'umunsi wa
Karindwi batambaraga amaherena, ibikomo, imikufi, izahabu, ifeza cyangwa andi mabuye
y'agaciro, kandi ko mu myambarire yabo badakurikiza imideri igezweho y'ab'isi. [3UB207]
Igihe yabonaga bene uko gutandukira ukwiyoroshya Bibiliya yigisha mu bavuga ko bizera,
yarumiwe. Mbese ntibari bafite Bibiliya imeze nk'iyo yari amaze igihe yiga kandi akaba yaragiye
aharanira kubaho nk'uko yigisha? Mbese ibyari byaramubayeho byari ubwaka? Mbese yari
yarasobanuye nabi amagambo yavuzwe n'intumwa Pawulo ngo "ntimuzi yuko ubucuti bw'iby'isi
butera kwangwa n'Imana? Nuko rero umuntu wese ushaka kuba incuti y'iby'isi, aba yihinduye
umwanzi w'Imana?" (Yakobo 4:4). [3UB207]
Umunsi umwe Madame D., wakoraga mu kigo cyacu yari yasuye Mushiki wacu ……mu cyumba
cye, maze uwari wasuwe akura imikufi ya zahabu mu gikapu cye, bityo avuga ko ashaka
kwikuraho iyo mirimbo maze amafaranga avuyemo akayashyira mu bubiko bw'Uwiteka. Uwo
mugore mugenzi we yaravuze ati: "Kuki ushaka kuyigurisha? Njye, ari ibyanjye, nabyambara."
Undi yaramusubije ati ngo: "Kuki? Igihe nakiraga [3UB207] ukuri, nigishijwe ko ibi bintu byose
bigomba kuzibukirwa. Mu by'ukuri binyuranyije n'inyigisho z'ljambo ry'Imana." Uwo mukobwa
yamusubiriyemo amagambo yavuzwe n'intumwa Pawulo na Petero ati: "Kandi n'abagore ni uko
ndashaka ko bambara imyambaro ikwiriye, bakagira isoni birinda, kandi batirimbisha kuboha
umusatsi, cyangwa izahabu cyangwa imaragarita, cyangwa imyenda y'igiciro cyinshi, ahubwo
birimbishishe imirimo y'ingeso nziza nk'uko bikwiriye abagore bavuga yuko bubaha Imana."
"Umurimbo wanyu we kuba uw'inyuma, uwo kuboha umusatsi cyangwa uwo kwambara izahabu
cyangwa uwo gukānisha imyenda, ahubwo ube w'imbere uhishwe mu mutima, umurimbo
utangirika w'umwuka ufite ubugwaneza n'amahoro ari wo w'igiciro cyinshi mu maso y'Imana."
(1Timoteyo 2:9,10; 1 Petero 3:3,4). [3UB208]
Mu kumusubiza, uwo mukobwa yamweretse impeta ya zahabu yari yambaye ku rutoki rwe yari
yarahawe n'umuntu utizera, maze avuga ko yatekerezaga ko kwambara iyo mitako ntacyo bitwaye.
Yaravuze ati: "Ntabwo turi abantu b'umwihariko cyane nk'uko byari bisanzwe. Abantu bacu
bagiye bakabya ku bijyanye n'ibitekerezo byabo ku ngingo y'imyambarire. Abakobwa bakora muri
iki kigo bambara amasaha ya zahabu n'imikufi ya zahabu, kandi bambara nk'abandi bantu. Ntabwo
ari byiza ko tuba abantu bihariye tukitandukanya n'abandi mu myambarire kuko tutabona uko
duhindura abandi cyane."" [3UB208]
Kwisanisha na Kristo cyangwa n'Isi. -Turabaza tuti: "Mbese ibi bihuje n'inyigisho za Kristo?
Mbese tugomba gukurikiza ijambo ry'Imana cyangwa ni imigenzo y'ab'isi? Mushiki wacu yafashe
icyemezo ko kwemera gukurikiza urugero ngenderwaho rwa Bibiliya ari byo bitekanye kurushaho.
Mbese muri wa munsi ubwo buri wese azagororerwa ibihwanye n'ibyo yakoze aho madame D.
n'abandi bakora nkawe bazashimishwa no kubona umusaruro w'impinduka bateje? [3UB208]
Ijambo ry'Imana rirasobanutse neza. Inyigisho zaryo ntizishobora gufatwa uko zitari. Mbese
tuzaryumvira nk'uko twarihawe cyangwa tuzashaka uko twabona uburyo dushobora kuriteshukaho
nyamara kandi tukaba dukijijwe? Mbese abantu bose bafite aho bahuriye n'ibigo byacu bashobora
kwakira no gukurikiza umucyo ijuru ryatanze, bityo bikabashoboza kugeza uwo mucyo ku
bakigendera mu mwijima? [3UB208]
Kwisanisha n'ab'isi ni icyaha kigwabiza ibya mwuka mu bantu bacu, kandi kikabangamira mu
buryo bukomeye kuba ingirakamaro kwabo. Kwaba ari ukurushwa n'ubusa kubwira abatuye isi
ubutumwa bw'imbuzi nyamara tubuhakanira mu migirire yacu mu buzima bwa buri munsi. - The
Review and Herald, March, 28, 1882. [3UB208]

"INARINJYE, INARINJYE, INARINJYE IGOMBA KUGABURIRWA"

Abafite ibikomo, kandi bakambara izahabu n'imitako, ibyiza ni uko bakuramo ibyo bigirwamana
bakabigurisha kabone n'ubwo babigurisha [3UB208] amafaranga make ugereranyije n'ayo
babitanzeho, bityo kaba bakoze igikorwa cyo kwiyanga. Igihe ni kigufi cyane ku bury tudakwiriye
kugitakaza turimbisha umubiri izahabu cyangwa ifeza, cyanga imyambaro ihenze cyane. Nzi ko
hari umurimo mwiza ushobora gukora mu bijyane n'ibi. Yesu, Umugaba w'ingabo zo mu bikari
byo mu iju yiyambuye ikamba rye rya cyami n'ikanzu ye, aramanuka ava ku ntebye ya cyami,
maze ubumana bwe abwambika ubumuntu, ahinduka umuine ku bwacu kugira ngo binyuze mu
bukene bwe tubashe guhabwa ubutun buzahoraho iteka. Nyamara abo Kristo yakoreye
icyashoboraga gukora cyose ngo akize abarimbuka kurimbuka kw'iteka ryose bumva bafite ushake
buke cyane bwo kwiyima ikintu icyo ari cyose bafitiye ubushobozowo kugura. [3UB209]
Umwami wacu agiye kugaruka vuba kandi araza azan ingororano kugira ngo agororere umuntu
wese ibikwiriye ibyo yako. Ngerageza kubwira abantu ko dukoresha amafaranga y'Uwiteka
kugirago turangize umurimo w'ingenzi cyane ushobora gukorwa. Binyuze mu kizinukwa no
kwitanga, buri wese kú giti cye agakora uruhare rwe ruto, bas bora gukora byinshi bisumbyeho,
bityo ayo masoko mato mato azaremangezi itemba yerekeza mu ijuru. [3UB209]
Ni ukuri, bikomereye abantu bose kuba babigiramo urukre. Inarinjye, inarinjye, inarinjye igomba
kugaburirwa kandi igakuzwa, no rero mbega uburyo bikomereye abantu bose guhinduka abakozi
bakona n'Imana! Yooo, iyaba umwuka wo kwitanga wageraga ku itorero ryose, ityo umuntu wese,
yaba uri hafi n'uri kure, akamenya agaciro k'amairanga, bityo akayakoresha bigishoboka, maze
akavuga ati: "Ibyawe niby tuguhayeho" (1Ngoma 29:14). Letter 110, 1896. [3UB209]
Nta gihe dufite cyo gutakaza dutekereza kubyo tuzarya, kuyo tuzanywa cyangwa kubyo
tuzambara. Mureke tubeho twiyoroheje, jandi dukore twicishije bugufi. Mureke tujye twambara
imyambaro idaamaje kandi ikwiye ku buryo bizatuma twakirwa aho tugiye hose. Kwamba
imaragarita n'indi mirimbo ndetse n'imyambaro ihenze ntibizaduha i baraga itera abandi
guhinduka, ahubwo ikizabibatera ni umurimbo w'u gwaneza no kwicisha bugufi (uva ku
kwiyegurira gukorera Imana), niwo uzaduha imbaraga zo gukorana n'Imana. Ubugwaneza no
kuzirikana sadukikije ni byo mico y'agaciro kenshi mu maso y'ijuru. Niba mutarigte mwita ku
buryo mwakwakira iyo mico, nimubikore ubu kuko nta gihe yo gupfusha ubusa mufite. -
Manuscript 83, 1909. [3UB209]

IMYAMBARO ABAGABURA B'ABADIVENTISITE BAMBARA

"Yuko abanyamahanga ari abaraganwa natwe kandi baba ingingo z'umubiri umwe natwe,
abaheshejwe n'ubutumwa bwiza kuzaabana natwe muri Kristo Yesu ibyasezeranijwe. Nanjye
nahindutse umub iriza wabwo nk'uko impano y'ubuntu bw'Imana iri, iyo naheshejwe n'imbaraga
zayo zinkoreramo" Abefeso 3:6,7. [3UB209]
"Nagizwe umugabura," atari ukugira ngo mbwire abantu ukuri gusa, ahubwo no kugira ngo
ngushyire mu bikorwa mu buzima bwanjye... Nyamara si n'ibi byonyine gusa. Hari ibindi bintu
bigomba kwitabwaho abantu bamwe bagiye birengagiza ariko bikaba ari ingirakamaro ubirebeye
mu mucyo nabyerekewemo.... [3UB210]
Kwitwararika mu myambarire ni ikintu cy'ingezi. Kuri iyi ngingo hagiye habamo icyuho ku
bagabura bizera ukuri kugenewe iki gihe. Imyambaro ya bamwe muri bo ntiyabaga itunganye.
Ntabwo imyambaro yabo itarangwaga gusa n'uko atari myiza kandi nta gahunda irangwa mu buryo
bayambaramo, ndetse no kuba yari ifite ibara rikwiriye kandi ribereye umugabura wa Kristo,
ahubwo imyambaro ya bamwe muri bo yagiye igaragara ko isuzuguritse haba ku gucya kwayo
n'isuku. Abagabura bamwe bambara ikote ry'ibara rigaragara cyane mu gihe ipantalo yo iba
yijimye, cyangwa se ikote rikaba ryijimye naho amapantalo yo afite ibara rigaragara cyane bityo
igihe bageze imbere y'abantu ugasanga bambaye ibihabane bidahwitse. Ibyo bintu ubwabyo biba
bibwiriza abantu. Umugabura atanga urugero rwa gahunda, bityo ashyira imbere y'abantu
ibikwiriye bijyana no kubonera n'ubwiza mu myambarire yabo, cyangwa se akabigisha kutiyitaho
no kudakunda ibyiza ba bantu bashobora kugwa mu kaga ko gukurikiza. [3UB210]
Imyambaro Ikwiriye Kujyanwa ku Ruhimbi. - Imyambaro y'umukara cyangwa y'ibara ryijimye
niyo ahanini ikwiriye umubwiriza uri ku ruhimbi kandi bene iyo myambaro ni yo izasiga isura
nziza mu bantu kurusha iyasigwa no kujyanisha uruhurirane rw'amabara abiri cyangwa atatu
atandukanye mu myambaro ye. [3UB210]
Nongeye kwerekwa abana ba Isirayeli ba kera, bityo mbona ko Imana yari yaratanze amabwiriza
yihariye ku bijyana n'imyenda n'imideri y'imyambaro yagombaga kwambarwa n'abakoreraga
imbere yayo (ari bo batambyi). Imana yo mu ijuru, ifite amaboko anyeganyeza isi, idusigasiye
kandi ikaduha ubugingo n'ubuzima, yaduhaye igihamya cy'uko ishobora kubahwa cyangwa
igasuzugurwa bitewe n'imyambarire y'abakorera imbere yayo. Yahaye Mose amabwiriza yihariye
ku bijyanye n'ikintu cyose gifitanye isano n'umurimo wayo. Yatanze amabwiriza no ku bijyanye
n'uko Abisirayeli bagombaga kubaka amazu yabo, kandi inavuga mu buryo bweruye iby
imyambaro abagombaga gukora umurimo wayo bagombaga kwambara. Bagombaga kugira
gahunda mu kintu cyose... [3UB210]
Isura Nziza Ikwiriye Kugaragazwa. - Nta kintu na kimwe gisuzuguritse kandi kidatunganye
cyagombaga kugaragara ku bantu bazaga imbere y'Imana bakaboneka imbere y'ukwera kwayo.
Mbese kuki byari bimeze bityo? Impamvu y'uko kwigengesera kose yari iyihe? Mbese kwari
ukugira ngo abantu bagaragare imbere y'Imana gusa? Mbese kwari ukugira ngo abo bantu
bemerwe imbere y'Imana gusa? [3UB210] Impamvu nahawe ni iyi ngo: "Kwari ukugira ngo isura
nziza isigare mu bantu." Iyo abantu bakoraga inshingano zera batagaragazaga kwigengesera no
kubaha Imana, haba mu myambarire yabo n'imyitwarire yabo, rubanda rwashoboraga gutakaza
ikuzo n'icyubahiro bahaga Ímana n'umurimo wayo wera. [3UB211]
Igihe abatambyi bagaragazaga kubaha Imana gukomeye binyuze mu kwigengesera cyane no
kwitwararika ubwo bazaga imbere y'Imana, byatumaga abantu bagira igitekerezo gihanitse
cyerekeye Imana n'ibyo ibasaba. Byaberekaga ko Imana yera, kandi ko umurimo wayo wera,
ndetse ko ikintu cyose gifitanye isano n'umurimo wayo kigomba kuba cyera; ko kitagomba
kurangwamo ikintu cyose gihumanye n'umwanda; ndetse ko kwiyanduza kose kugomba gukurwa
ku begera Imana. [3UB211]
Imyambaro y'Umugabura n'Ukuri. -Nshingiye ku mucyo nahawe, hagiye habaho gukerensa ku
bijyanye n'iyi ngingo. Nshaka kuyivugaho nk'uko Pawulo ayigaragaza. Bikorwa mu kuramya
ubushake bwa muntu no kutita ku mubiri. Ariko uku kwicisha bugufi ku bushake, uku kuramya
ubushake bw'umuntu no kutita ku mubiri, ntabwo ari ko kwicisha bugufi kunezeza ijuru. Uko
kwicisha bugufi kuzaba umwihariko kugira ngo gutume igihagararo, ibikorwa n'imyambaro
by'abantu bose babwiriza ukuri kwera kw'Imana biba bitunganye kandi bikwiriye rwose, bityo
ikintu cyose kitwerekeyeho kizajye kigaragaza imyizerere yacu yera. Imyambaro ubwayo
izahamiriza ukuri abatizera. Imyambarire ubwayo izaba ikibwirizwa... [3UB211]
Umubwiriza wambara imyambaro isuzuguritse akenshi akomeretsa abakunda ibyiza kandi
bitunganye. Abantu bakora ikosa kuri iyi ngingo bakwiriye gukosora ikosa ryabo kandi
bakarushaho kwigengesera. Amaherezo kuzimira kw'abantu bamwe kuzaba gufitanye isano no
kwambara nabi k'umugabura. Uko yagaragaraga ukimubona byagize ingaruka mbi ku bantu
kubera ko nta buryo na bumwe bashoboraga guhuza uko agaragara n'ubutumwa yigishaga.
Imyambaro ye yaramuvuguruzaga; kandi isura yatanze yabaye iy'uko abantu yari ahagarariye ryari
itsinda ritagira icyo ryitaho, rititaga ku myambarire yabo, bityo abari bamuteze amatwi ntibashatse
kwiyegereza na gato itsinda ry'abantu nk'abo... [3UB211]
Urwego Umurimow'Umugabura Ugezeho Rureberwaku Myambarire Ye. Abantu bamwe
bakora mu nshingano zera biyambika mu buryo, nibura ku rwego runaka, iyo myambarire yabo
isenya impinduka umurimo wabo wari kuzana. Hariho kutagaragaza ibyiza bishimishije kuboneka
haba mu bijyana n'amabara no kwambara ibiboneye kandi bikwiye. Mbese ni iyihe sura bene iyo
myambarire itanga? Ni iy'uko umurimo abo bantu bakora ufatwa nk'aho utakiri uwera cyangwa
ngo ube ufite isumbwe kurusha umurimo usanzwe, nko guhinga mu murima. Kubw'urugero
atanga, umugabura [w'ljambo ry'Imana] amanura ibintu byera akabishyira ku rwego rw'ibisanzwe.
Isura bene abo babwiriza batanga ntinezeza Imana. Testimonies, Vol.2, pp. 609-614. [3UB211]
 KU BIJYANA NO KUGIRA IKIBAZO CY'IMYAMBARIRE IGIPIMO
Ibaruwa yawe narayakiriye kandi narayisomye... Ingingo ungezaho nyitangeho inama [icyifuzo
cyo kugaruka ku ivugurura mu myambarire yashyigikiwe kandi yambarwaga mu myaka ya 1860],
ni ingingo ikeneye kwiganwa ubushishozi. Bashiki bacu bahungabanye mu bitekerezo ku bijyana
n'ingingo yo gusubukura ivugurura mu myambarire, bari bakwiriye kwigengesera kandi basenga
mu ntambwe yose batera. Ubu dufite ibipimo bifite agaciro gakomeye kandi by'ingenzi twahawe
bivuye mu ljambo ry'Imana bigenewe iki gihe cyacu kidasanzwe. Iki gipimo ni icy'isi yose.
Ntabwo Uwiteka ashaka ko hagira ibipimo ibyo ari byo byose byahimbwe n'abantu byazanwa
kugira ngo biteshure intekerezo cyangwa biteze amakimbirane mu kintu icyo ari cyose. [3UB212]
Bishoboka ko abantu bamwe bafite inyota yo kubona itandukaniro mu buryo runaka. Niba bashaka
guhangana n'ibikoresho bya Satani, mureke mbere ya byose barebe ko bafite intwaro zose z'Imana.
Niba batazifite, bazatsindwa, kandi bikururire ibigeragezo no kubura ibyo biteze nyamara
batiteguye guhangana nabyo. Mureke abantu bose bashake Uwiteka bashyizeho umwete, bashake
kugirana nawe umubano wimbitse kandi ukungahaye ugomba kugaragarira mu kuba umutima
witeguye gukurikira Kristo aho azatuyobora hose. [3UB212]
Kristo aravuga ati: "Umuntu nashaka kunkurikira, yiyange, yikorere umusaraba we ankurikire"
(Matayo 16:24). Aya magambo agomba kugenzurwa neza. Umuntu ushaka gukurikira Kristo,
agahitamo kugera ikirenge mu cye, muri iyo nzira azasangamo kwiyanga no kwikorera umusaraba.
Abantu bose bakurikira Kristo bazasobanukirwa icyo ibyo bisaba. [3UB212]
Imyambaro Ntikwiriye Kugirwa Ikibazo cy'Igipimo. - Ubu ibipimo by'Imana bigomba
kugaragazwa mu buryo bweruye kandi butakwibeshywaho. Imbere yacu hari imigaru izisukiranya,
hari amakimbirane atekerezwaho n'abantu bake cyane. Ubu si ngombwa ko duhinduranya
imyambaro yacu mu buryo budasanzwe. Imyambaro y'imideli yoroheje kandi ikwije abantu
yambarwa muri iki gihe, kandi ikozwe mu buryo uyambara agira amagara mazima, ntisaba
ibikomo n'indi mirimbo kandi iyo myambaro igaragara neza ahantu aho ariho hose. Bityo rero, ibi
bintu ntibikwiriye kwinjizwa [muri twe] ngo biteshure intekerezo zacu ku gipimo kiruta ibindi
gitanga umwanzuro ku iherezo ry'iteka ryose ry'abatuye isi ari cyo: amategeko y'Imana no kwizera
Yesu. [3UB212]
Twegereye iherezo ry'amateka y'iyi si. Muri iki gihe hakenewe ubuhamya bweruye kandi
butaziguye nk'uko bwatanzwe mu Ijambo ry'Imana ku bijyanye n'imyambaro yoroheje
itarangwaho imitako. Úyu ni wo wagombye kuba umutwaro wacu. Ariko ubu igihe cyaratinze cyo
kuba umuntu yagira ubwuzu bwinshi mu kugira iyi ngingo igipimo. Kugira icyifuzo cyo [3UB212]
gukurikira Kristo twicishije bugufi rwose, gutegura umutima no kweza imico ntabwo ari umurimo
woroshye na hato. Bashiki bacu bakwiriye kumenya neza ko Uwiteka atari we wabateye guhindura
ikigeragezo ibyari byaratangiwe kuba umugisha ariko abantu benshi bakaba barabyanze kandi
bakabisuzugura nk'aho ari umuvumo. [3UB213]
Ubugorozi mu Myambarire. Ubugorozi mu nyambarire bwigeze gushyigikirwa, bwagaragaye
ko bubyara amakimbirane kuri buri ntambwe yabwo. Abizera bagize itorero banze gukurikiza iyo
myambarire yasigasiraga amagara mazima, maze ibyo bitera amacakubiri no kutumvikana. Kuri
bamwe, babonaga ko nta guhuza mu myambarire ndetse ko nta n'ubwiza burangwa mu mitegurire
y'iyo myambaro nk'uko bari barabishyizwe imbere mu buryo bweruye. Ibi byavuzweho cyane.
Umusaruro waje kuba uw'uko amapantaro ari nayo batumvikanyeho, bayakuye muri iyo
myambarire. Umutwaro wo gushyigikira ubugorozi mu myambarire waje kuvaho kubera ko icyari
cyatangiwe kubera abantu umugisha cyari gihinduwemo umuvumo. [3UB213]
Nyamara hari ibintu bimwe byatumye ubugorozi mu myambarire buba umugisha udasubirwaho.
Kubera ubwo bugorozi, amaherena yari agezweho icyo gihe ntiyashoboye kongera kwambarwa.
Amakanzu maremare cyane yagendaga akubura hasi akazamura umwanda wo mu nzira ntiyongeye
gushyigikirwa. Ariko undi mudeli w'imyambaro urushijeho guhesha agaciro noneho waje
kwemezwa kandi ntiwari ufite ibyatumaga ugirwaho impaka. Imideli y'imyambaro igezweho
ishobora kurekwa kandi ikwiriye kurekwa n'abantu bose basoma Ijambo ry'Imana. Igihe gitakazwa
mu gushyigikira ubugorozi mu myambarire cyagombye gukoreshwa mu kwiga Ijambo ry'Imana.
[3UB213]
Imyambaro y'abantu bacu igomba kuba yoroheje cyane. Ijipo n'udukoti tugufi navuze bishobora
kwambarwa - atari uko icyo cyitegererezo ari cyo gikwiriye gukurikizwa nta kindi, ahubwo ni uko
umuderi woroheje ari wo wagaragarijwe muri iyo myambarire. Abantu bamwe bibwiye ko icyo
cyitegererezo cyatanzwe cyari rwo rugero abantu bose bagomba gukurikiza. Ibyo si ko bimeze.
Ariko ikintu cyoroheje rwose nk'iki ni cyo cyakabaye cyiza twagombye gukurikiza. Nta mudeli
umwe uzwi w'imyambarire nahawe ngo ube itegeko ntakuka rigomba kuyobora abantu bose mu
myambarire... [3UB213]

55 "Ubugorozi mu myambarire" bwashyigikiwe kandi bwakozwe mu myaka ya 1860 bwari bwateguwe n'itsinda ry'abagore b'Abadiventisiti
b'Umunsi wa Karindwi bari kugerageza gutanga imyambarire isigasira amagara mazima, yoroheje idasamaje, itera umuntu kumva amerewe neza
ndetse ikeye ihuje n'umucyo Ellen White yari yahawe, kandi uwo mucyo wari ukenewe cyane muri icyo gihe. Ubwo bugorozi bwasabaga kwambara
ímyenda idahambiriye umuntu ifashe ku ntugu kandi umusozo wayo wo hasi ukaba ugarukira kuri santimetero hafi 25 uvuye ku butaka. Amaguru
yabaga yambitswe umwambaro ujya kumera nk'ipantaro watumaga uwambaye yumva atekanye kandi agasusuruka. Reba igitabo "Story of Our
Health Message," pp.112-130. -Abakusanyije inyandiko.

Hakwiriye kwambarwa imyambaro yoroheje. Bavandimwe bagore n'abakobwa, nimugerageze

impano yanyu muri iri vugurura ry'ingenzi. [3UB214]
Ubwoko bw'Imana bwose buzahura n'ikigeragezo bushobora kwihanganira. [3UB214]
Kubahiriza Isabato ni ikigeragezo kizagera ku batuye isi bose. Nta kintu dukeneye ko kiza ubu ngo
kibere ikigeragezo ubwoko bw'Imana bityo ngo gitume ikigeragezo busanganwe kirushaho
kubukomerera. Umwanzi Satani yanezezwa no kuzana ibibazo muri iki gihe kugira ngo arangaze
intekerezo z'abantu kandi abashore mu ntambara y'impaka zishingiye ku myambarire. Nimutyo
bashiki bacu bajye bambara bikwije, nk'uko abenshi muri bo babigenza, bambare imyenda idozwe
mu gitambaro cyiza kiramba, imyenda irangwa no kwiyoroshya kandi ikwiranye n'iki gihe
tugezemo, ndetse ikibazo cy'imyambarire ntabe ari cyo cyuzura mu ntekerezo zabo. [3UB214]
Urugero Abantu Bamwe Bashyiraho. Hamwe n'umucyo wose w'ljambo ry'Imana watanzwe,
hari abantu batazumvira amabwiriza yayo. Bazakurikiza ibyo bishakiye bibashimisha kandi bakore
uko bashaka. Bene abo baha urubyiruko urugero rubi, ndetse n'abakiriye ukuri bakiri bashya bafite
akamenyero ko kwigana umuderi mushya wose w'imyambaro bawushyiraho imirimbo itwara igihe
n'amafaranga, bityo ugasanga hari itandukaniro rito hagati y'imyambaro yabo n'iy'ab'isi. [3UB214]
Nimutyo bashiki bacu ubwabo bumvire ijambo ry'Imana babikuye ku mutima. Ntimugatangirire
umurimo w'ubugorozi cyangwa ivugurura ku bandi mutarabanza kwivugurura ubwanyu; kubera
ko nimutiheraho ntacyo muzageraho. Uko bishoboka kose ntimushobora guhindura umutima.
Umwuka w'Imana ukorera imbere mu mutima azagaragariza impinduka inyuma. Abantu
bahangara gusuzugura amagambo yumvikana neza yahumetswe n'Imana ntibazatega amatwi
cyangwa ngo bakire cyangwa ngo bagire icyo bakora ku muhati wose umuntu akoresha kugira ngo
abo bantu basenga ibigirwamana batere intambwe yo kwambara imyambaro ibakwije, itariho
imitako, yoroheje, isukuye kandi ikwiye itigera na gato ibagira abantu badasanzwe cyangwa
bihariye. Bakomeza kwigaragaza bambara nk'uko ab'isi bambara.... [3UB214]
Igihe cyacu cyose cyo kwakira imbabazi z'Imana ni kigufi cyane, kandi ku isi hazakorwa umurimo
muto cyane. Ibipimo by'Imana ubwayo bizaza; ikigeragezo cyayo kizaba gityaye kandi
kidasubirwaho. Mureke buri muntu wese yicishe bugufi imbere y'Imana, kandi yitegure ibigiye
kuba biri imbere yacu. Letter 19, 1897. [3UB214]
 IGICE CYA 29
ISABATO: AMAHAME NGENDERWAHO MU KUBAHIRIZA İSABATO

Isabato, Ikimenyetso Cyereka Ab'isi ko Tuyoboka Imana. - Yesu yavugiye mu nkingi y'igicu
abwira Mose ati: "Kandi ubwire Abisirayeli uti 'Ntimukabure kuziririza amasabato yanjye, kuko
ari yo kimenyetso hagati yanjye namwe mu bihe byanyu byose, kugira ngo mumenye yuko ndi
Uwiteka ubeza" (Kuva 31:12,13). Isabato ni indahiro Imana yagiriye umuntu ni ikimenyetso
cy'isano iri hagati y'Umuremyi n'ibiremwa yiremeye. Kubwo kubahiriza urwibutso rw'irema ry'isi
mu minsi itandatu n'ikiruhuko cy'Umuremyi ku munsi wa karindwi, kubwo kweza Isabato nk'uko
Imana yabitegetse, Abisirayeli bagombaga kumenyesha abatuye isi ko ari indahemuka ku Mana
imwe y'ukuri kandi ihoraho, Umugenga w'isanzure. [3UB215]
Kubwo kubahiriza Isabato y'ukuri, Abakristo bagomba iteka guha abatuye isi igihamya
kidashisikanywaho ko bamenye Imana y'ukuri kandi ihoraho itandukanye n'ibigirwamana byose,
kuko Umwami w'Isabato ari yo Muremyi w'ijuru n'isi, Yo ishyizwe hejuru y'icyitwa imana cyose.
[3UB215]
"Nuko mujye muziririza Isabato kuko ari iyera kuri mwe,... Mu minsi itandatu abe ari mo imirimo
ijya ikorwa, ariko uwa karindwi ni Isabato yo kuruhuka yerejwe Uwiteka. Úzagira umurimo akora
ku munsi w'Isabato ntakabure kwicwa. Nuko Abisirayeli baziririze Isabato, bajye bayitondera mu
bihe byabo byose, ibe isezerano ridakuka. Ni ikimenyetso cy'iteka ryose hagati yanjye
n'Abisirayeli, kuko iminsi itandatu ari yo Uwiteka yaremeyemo ijuru n'isi, ku wa karindwi
akarorera, akaruhuka." (Kuva 31: 14 -17). - Manuscript 122, 1901. [3UB215]
Inama Yatanzwe Kera ku Bijyanye n'Isabato n'Abana. -Inzu y'Imana irahumanywa kandi
abana b'abizera bemera Isabato ntibayubahiriza. Biruka ahazengurutse inzu, bagakina, bagasakuza
kandi bakagaragariza amatwara mabi yabo mu materaniro abera baba bahuriyemo kugira ngo
basingize Imana kandi bayiramye mu mwuka mwiza urangwa no kwera. Ahantu hagombye kuba
hera, ahagombye kurangwa no kwera gutuje kandi hakaba gahunda itunganye, kubonera no
kwicisha bugufi, hahinduwe Babuloni nyakuri n'ahantu haganje urudubi, akajagari no kutagira
gahunda. Ibi birahagije kugira ngo byirukane Imana mu materaniro yacu kandi bikongeze
umujinya wayo, bityo ye kuzanezezwa no kujyana n'ingabo za Isirayeli ku rugamba zigiye
guhangana n'umwanzi. [3UB216]
Imana ntiyari gutanga intsinzi mu materaniro yabereye- Ahubwo umwanzi wo kwizera kwacu
yaratsinze. Ibyo byababaje Imana. Umujinya wayo ukongezwa n'uko inzu yayo yahinduwe nka
Babuloni.... [3UB216]
Ikirenze ibintu byose, mwite ku bana banyu ku munsi w'Isabato. Ntimukabemerere kuyica, kubera
ko namwe ubwanyu muba muyica igihe mwemerera abana banyu bakagenza batyo. Igihe
mwemerera abana banyu bagakina ku munsi w'Isabato, namwe Imana ibafata nk'abishe iryo
tegeko. Ntimwubahiriza Isabato yayo. - Manuscript 3, 1854. [3UB216]
Nta Nduru n'Urudubi Bikwiriye Kubaho. - Ab'umuryango bose baza ku meza batuje kandi
biyubashye. Induru n'amahane ntibikwiriye guhabwa umwanya ku munsi uwo ari wo wose
w'icyumweru; ariko ku munsi w'Isabato ho abantu bose bakwiriye gutuza. Nta mategeko
atanganwe urusaku akwiriye kumvikana igihe icyo ari cyo cyose; ariko ku munsi w'Isabato ho
ntibikwiriye na gato. Uyu ni umunsi wera w'Imana, umunsi yitoranyirije kugira ngo kuri wo
hizihizwe imirimo yayo yo kurema, ni umunsi yejeje kandi iwuha umugisha. - Manuscript 57,
1897. [3UB216]
Kwishakira Ibinezeza. Ndabwira abavuga ko ari Abadiventisiti b'umunsi wa Karindwi nti:
"Mbese mushobora kuvuga ko mufite ikimenyetso cy'Imana ihoraho? Mbese mwavuga ko
mwereshejwe ukuri?" Nk'ishyanga, ntabwo twahaye amategeko y'Imana uburemere bwayo
n'agaciro kayo nk'uko twari dukwiriye kubikora. Turi mu kaga ko gukora ibidushimisha ubwacu
ku munsi w'Isabato. -Letter 258, 1907. [3UB216]
Si Umunsi wo Kwishakira Ibinezeza, umunsi wo Kujya Koga cyangwa Gukina Umupira. -
Imana yifuza ko twakwishimira impano zose yatanze. Agace kose, akanyuguti gato kose
n'insanganyamatsiko zose bikwiriye guhabwa agaciro mu bushishozi, kandi tugomba
kwigengesera tukamenya neza ibyo abandi bakeneye. Ibyo dufite byose bijyana n'ukuri kwa
Bibiliya ntibibereyeho inyungu zacu bwite gusa, ahubwo tugomba kubiha no ku bandi, kandi uko
kuri kugomba gucengezwa mu bwenge bw'abantu, ndetse amagambo yuje ineza akaba ari yo
avugwa kugira ngo ategure inzira ashyireho umuyoboro ukuri kuzanyuramo kukagera ku bandi ari
kwinshi. [3UB216]
Ikintu cyose Kristo yakoze mu bitangaza bye cyari ingenzi, kandi cyabereyeho guhishurira abatuye
isi ko hariho umurimo ukomeye ugomba gukorwa ku munsi w'Isabato kugira ngo umuntu
wababazwaga ahemburwe, ariko imirimo isanzwe yo ntiyagombaga gukorwa. Gushaka ibinezeza,
gukina umupira, no koga mu mazi menshi ntibyari ibintu bikenewe byihutirwa, ahubwo kubikora
ni ugukora icyaha abantu birengagije umunsi wera wejejwe na Yehova. Ntabwo Kristo yakoreye
ibitangaza kugaragaza imbaraga ze, ahubwo iteka yabikoreraga guhangana na Satani mu murimo
akora wo kubabaza inyokomuntu. Kristo yaje ku isi yacu kugira ngo akemure ubukene
bw'abababazwa, abo Satani yicaga urubozo. - Letter 252,1906. [3UB217]
Amasahane yo ku Isabato. - Turasaba abantu bose kutoza amasahane ku Isabato niba ibi
bishobora kwirindwa uko bishoboka kose. Imana isuzuguzwa n'umurimo uwo ari wo wose utari
ngombwa ukozwe ku munsi wayo wera. Ntabwo ari ibintu bidakwiriye, ahubwo birakwiriye ko
amasahane akwiriye kurekwa ntiyozwe kugeza Isabato isoje, niba ibi bishobora kwitwararikwa. -
Letter 104, 1901. [3UB217]
Isabato Umunsi wo Kuramya- Isabato ya mbere y'icyumweru cyo gusenga wabaye umunsi wo
gukorana umwete. Abantu bamwe bavuye ahitwa "Sunnyside" abandi bava ku ishuri, maze
amatsinda abiri n'ubwato yoherezwa i Dora Creek ngo ajye gutwara abantu batashoboraga
kugendesha amaguru abazane mu materaniro. Abantu bararikiwe kuzana ifunguro ryabo rya ku
manywa, kandi bakaza mu materaniro biteguye kuhamara umunsi wose, kandi bitabiriye iryo
rarika ari benshi. [3UB217]
Abantu bamwe batangajwe cyane n'uko twakoresheje imbaraga zacu kugira ngo tubazane mu
materaniro. Bari barigishijwe ko kubahiriza Isabato bivuze cyane kutagira umurimo ufatika
ukoresha umubiri wawe; kandi batekerezaga ko bitewe n'uko twari dufite ishyaka ku birebana no
kubahiriza Isabato, twari kuyubahiriza nk'uko inyigisho z'Abafarisayo zivuga. [3UB217]
Twabwiye inshuti zacu ko mu bijyanye no kubahiriza Isabato, twize urugero n'inyigisho za Kristo
we wamaraga amasabato menshi akorana umwete akiza abarwayi kandi yigisha; tubabwira ko
twizera ko umwe mu bagore twafatanyaga witaga ku muryango wari urwaye yubahiriza Isabato
kimwe n'uwari uyoboye itsinda mu ishuri ryo ku Isabato. Twababwiye ko Kristo atashoboraga
kunezeza Abafarisayo ku munsi we washyizeho, kandi ko tutari twiteze ko umwete tugira wo
gukorera Uwiteka utabasha kunyura Abafarisayo bo mu gihe cyacu. -The Review and Herald, Oct.
18, 1898. [3UB217]
Imirimo Yera n'Imirimo Isanzwe. "Ku munsi w'Isabato, ni bwo abatambyi bakoraga umurimo
ukomeye kurenza indi minsi. Umurimo bari gukora kuri uwo munsi ujyanye n'inyungu zabo z'isi
wari kuba ari icyaha, [3UB217] nyamara umurimo abatambyi bari barimo ni umurimo w'Imana." -
Uwifuzwa Ibihe Byose, p. 219. [2018] [3UB218]
Urugero Rutagereranywa rw'Itorero ryo ku Cyicaro Gikuru. - Abantu benshi bagiye
baremererwa ku bijyanye n'uko itorero rimeze aha hantu.. Aha hari hakenewe cyane kugaragaza
urugero ngenderwaho mu bintu byinshi mbere y'uko imbaraga ihindura itunganye kandi ikiza
ikwira ikagera ahandi hantu. Igihe ukuri kwigishwaga ahangaha, kwafashe abantu biviriye mu
by'isi no mu matorero yandi maze kubahuriza mu itorero; nyamara abantu bose bavuze ko bizera
ukuri ntibejejwe na ko... [3UB218]
Imana irahamagara abakozi bo mu murimo wayo ngo bazamure urugero ngenderwaho rukwiriye,
kandi berekane uko bitaye kubyo ibasaba bubaha Isabato.... Inyandiko n'ibitabo byoherezwa
biturutse aha hantu, kandi abakozi bahaturuka bagiye kwigisha abantu amategeko y'Imana; bityo
rero ni iby'agaciro gakomeye cyane ko iri torero rigaragaza imbaraga ihindura itunganye, haba mu
mategeko rikurikiza n'urugero ritanga. Urugero ngenderwaho ntirukwiriye kumanurwa cyane ku
buryo abemera ukuri bazageza ubwo bica amategeko y'Imana nyamara bavuga ko bayumvura.
Icyiza, ndetse icyiza kurutaho, ni uko basigara mu mwijima kugeza ubwo bazabasha kwakira ukuri
mu kwera kwako. [3UB218]
Abantu Bitegereza Abadiventisiti b'Umunsi wa Karindwi - Hariho abantu baba bahanze amaso
iri shyanga kugira ngo barebe icyo ukuri kwahinduye ku barigize. Abana b'iyi si ni abanyabwenge
mu byo ku ngoma yabo kuruta abana b'umucyo. Iyo ibyo itegeko rya kane risaba bishyizwe imbere
yabo, baritegereza kugira ngo barebe uko rifatwa n'abavuga ko baryumvira. Bagenzura imibereho
n'imico y'abashimangira iryo tegeko kugira ngo bamenye niba abo bantu bakora ibihuje rwose
n'ibyo batura ko bizera. Kandi bishingiye ku bitekerezo bibinjiramo, abantu benshi bareherezwa
cyane kwemera ukuri cyangwa kukwanga. Iyaba ab'iri shyanga ry Abadiventisiti b'umunsi wa
karindwi babagaho bakurikije urugero ngenderwaho Bibiliya itanga, baba rwose umucyo muri iyi
si, bakaba umudugudu wubatswe mu mpinga y'umusozi. -Manuscript 3, 1885. [3UB218]
Agaciro n'Icyubahiro by' Isabato. - Ku Isabato, kuwa 10 Kanama 1851, twagize igihe cyiza
cy'agahebuzo. Uwiteka yaratugendereye kandi ubwiza bw'Imana bwarabagiranye kuri twe bityo
bidutera kwishima no gusingiza Imana kubw'ineza yayo itagira akagero yatugiriye.... Najyanywe
mu iyerekwa.... [3UB218]
Nabonye ko twumvaga kandi twasobanukirwagaho gake cyane ku bijyanye n'agaciro k'Isabato,
ugereranyije n'ibyo twagombye gusobanukirwa no kumenya ku gaciro n'icyubahiro byayo.
Nabonye ko tutari tuzi icyo kuzamuka ukajya ahirengeye h'isi bisobanuye ndetse no kugaburirwa
ku murage wa Yakobo. Ariko igihe imvura y'itumba ihembura izagwira

56 Ni ahantu runaka Ellen G. White yavugaga.

[3UB218] iturutse imbere y'Uwiteka n'imbere y'ikuzo ry'imbaraga ze, tuzamenya icyo kugaburirwa
ku murage wa Yakobo no kuzamuka ukajya aharengeye h'isi ari cyo. Ubwo ni bwo tuzarushaho
kubona Isabato mu gaciro kayo n'icyubahiro cyayo. Ariko ntabwo tuzayibona mu cyubahiro cyayo
n'agaciro kayo kose kugeza ubwo ijwi ry'Imana riduhaye isezerano ry'amahoro, kandi amarembo
y'imaragarita ya Yerusalemu Nshya akadukingukira ku mapata yayo arabagirana maze ijwi
rinejeje kandi ry'ibyishimo rya Yesu udukunda rikumvikana riryoshye kurusha umuzika mwiza
wigeze kumvikana mu matwi y'abantu bapfa ritubwira ngo twinjire. Nabonye ko twari dufite
uburenganzira busesuye muri uwo murwa kuko twari twarubahirije amategeko y'Imana, kandi
kubwo kuyubahiriza ijuru ryiza ry'agahozo rikaba ari ho iwacu. - Letter 3, 1851. [3UB219]

AMASABATO MAKE N'UMURYANGO WA ELLEN WHITE

[Battle Creek, Michigan], Isabato yo kuwa 1 Mutarama, 1859. Ikibwirizwa, Umubatizo
n'Imihango Byitabiriwe. Ni itangira ry'umwaka mushya. Ku Isabato nyuma ya saa sita, Uwiteka
yahaye James umudendezo maze abwiriza ku mwiteguro wa ngombwa kugira ngo umuntu
abatizwe no kugira ngo ajye ku Ifunguro ry Umwami. Muri iryo teraniro ry'abantu habayemo
gukorwa ku mutima cyane. Igihe cy'akaruhuko gato, abantu bose begereye amazi aho abantu
barindwi bakurikiriye Umukiza wabo bakinjira mu mazi bakabatizwa. Cyari igihe kirimo imbaraga
nyinshi kandi kirimo gukanguka kwimbitse. Abakobwa babiri b'abavandimwe bari bafite imyaka
nka cumi n'umwe y'ubukuru barabatijwe. Umwe witwaga Cornelia C., yasengeye mu mazi asaba
kurindwa kwanduzwa n'isi. [3UB219]
Mu mugoroba, itorero ryakurikije urugero rw'Umukiza waryo maze abizera bozanya ibirenge,
hanyuma bajya ku Ifunguro ry'Umwami. Muri iyo nzu habaye ibyishimo byinshi ndetse no kurira.
Aho hantu hari yateye ubwoba ariko kandi huzuye ubwiza kubera ko Uwiteka yari ahari. -
Manuscript 5, 1859. [3UB219]
[Otsego, Michigan] Isabato yo kuwa 8 Mutarama, 1859. Kugendera mu Kagare Gakururwa
n'Indogobe Tugiye mu Materaniro no Kuhavugira Amagambo amwe. - Ni Isabato yera. Reka
twubahe Imana kandi tuyihe ikuzo uyu munsi.... twajyanye na mwenedata Leighton mu kagare ke
gakururwa n'indogobe twerekeza ahitwa Otsego mu birometero bitandatu. Twasanze inzu
yaberagamo amateraniro idashyushye cyane. Abantu bose bari bakonje cyane. Tugomba gufata
igihe kugira ngo habanze hashyuhe. Mwenedata Loughborough yabwirije ku nsanganyamatsiko
y'urubanza. Arangije jye navuze amagambo make. Nta mwanya munini nabonye. Hanyuma abari
mu itorero bahise batanga ubuhamya bwabo. - Manuscript 5, 1859. [3UB219]
[Battle Creek] ku Isabato, ku wa 5 Werurwe, 1859. Kuguma mu Rugo ngo Ndwaze James
White. - Uyu munsi sinagiye mu materaniro. Umugabo wanjye yari arwaye. Nagumanye nawe
kugira ngo mwiteho. Uwiteka yaratugendereye kandi aduha umugisha muri iki gitondo. Nagize
kwisanzura kudasanzwe mu isengesho. Mwenedata John Adrews yabwirije kabiri uyu munsi. Ku
mugoroba yaje kubana natwe ndetse tumarana ijoro ryose. Twashimishijwe cyane n'uko yadusuye.
-Manuscript 5, 1859. [3UB220]
[Battle Creek] ku Isabato, ku wa 19 Werurwe 1859. Nitabiriye Amateraniro kandi Nafashije
Abana. - Nitabiriye amateraniro mbere ya saa sita. Mwenedata Loughborough yabwirizanyije
ubwisanzure bwinshi ku bijyanye no gusinzira kw'abantu bapfuye ndetse n'umurage w'abera.
Nyuma ya saa sita natinze mu rugo. Ñasomeye abana banjye [ljambo ry'Imana], nandikira
urwandiko mwenedata Newton n'umugore we, mbakomeza mu by'umwuka. Nimugoroba
nitabiriye amateraniro yo kozanya ibirenge n'ifunguro ryera. Ntabwo nari mbohotse neza ngo mbe
muri iyo gahunda nk'uko nabyifuzaga. -Manuscript 5, 1859. [3UB220]
[Convis, Michigan] ku Isabato yo ku wa 9 Mata, 1859. Abantu b'i Convis Baranyitegereje
kandi Banyitaho. - Nabyutse kare kare maze dukora urugendo rw'ibirometero bigera kuri 18 ku
igare rikururwa twerekeza Convis kujya guterana n'abizera baho. Urwo rugendo rwatwongereraga
imbaraga. Twahamagariwe kunyura mu muryango wa mwenedata Brackett. Baraduherekeje
batugeza aho amateraniro yaberaga hari nko ku birometero bitatu uvuye ku rugo rwabo. Itsinda
rito ry'abubahiriza Isabato ryari riteraniye mu cyumba kinini cy'ishuri. James yagize umudendezo
uhagije wo kubwiriza abantu. Njyewe navuze amagambo make. Amateraniro yarakomeje agera
hafi saa munani z'amanywa. Hafi y'abantu bose batangaga ubuhamya ko ukuri kwabagezeho.
Nyuma yo gusangira ifunguro ry'umugoroba ubwo amasaha yera yari ari gusoza, twagize igihe
cyo guhemburwa dusenga. James yabanje kwigisha abana mbere y'uko dupfukama ngo dusenge.
- Manuscript 6, 1859. [3UB220]
[Battle Creek] ku Isabato yo ku wa 23 Mata, 1859. Amateraniro Nitabiriye n'Itsinda
Nafashije. Abavandimwe Brackett na Lane n'umukobwa wabo, umuvandimwe Scott, na mushiki
wacu Smith baje baturutse ahitwa Convis baza mu materaniro i Battle Creek. Twasangiriye

57 Adelia Patten, wamaze imyaka myinshi afasha mu muryango wa White i Battle Creek, mu nkuru yanditse ku "Buzima, Ibyo yanyuzemo
n'Uburwayi buherka bwa Henry N. White," wapfuye mu Kuboza 1863, yavuze amagambo akurikira ku bijyanye n'uko Ellen White yafataga abana:
Mu myaka myinshi yashize, nyina yajyaga amarana nabo igihe kirekire ku Isabato abasomera ibyo yabaga yatoranyije bijyana n'ingingo
ziby'iyobokamana n'ibirebana n'imico mbonera ikwiriye. akabasomera ibyo yabaga amaze igihe gito yanditse byarasohotse mu gatabo kitwaga,
"Ibyigwa byo ku Isabato" (Sabbath Readings). Kubasomera mbere y'uko bamenya kwisomera, byabakundishaga gusoma ibintu by'ingirakamaro,
kandi igihe babaga batari mu Ishuri ryo ku Isabato no mu materaniro, bamaraga amasaha menshi yo kwinezeza, by'umwihariko amasaha yo ku
Isabato, banyura mu bitabo byiza babaga barahawe barebamo ingingo zibashimishije. Appeal to Youth, p.19.

[3UB220] ifunguro rya saa sita iwacu.58 Amateraniro yari ashimishije umunsi wose. Mwenedata
Waggoner yabwirije nyuma ya saa sita. Ikibwirizwa cye cyari gikwiriye rwose. Igihe yari afashe
akaruhuko, abantu bane barabatijwe ari bo bashiki bacu Hide, Scott na Agnes Irving ndetse na
musaza wacu Pratt. Amateraniro twagize nyuma ya saa sita yari anejeje cyane. Umugabo wanjye
ntiyari yarigeze yumva abohotse kuri urwo rwego rukomeye. Umwuka w'Uwiteka yari ari muri
ayo materaniro. Uwiteka yampaye kwisanzura cyane mu gusenga no kwinginga. Mu mugoroba
abantu bitabiriye imihango yo mu nzu y'Uwiteka. Cyari igihe cy'agaciro cyane kandi kinejeje.
Ntabwo nashoboye kwitabira mu mugoroba kubera ko nari nananiwe cyane. - Manuscript 6, 1859.
[3UB221]
[Denver] ku Isabato yo ku wa 20 Nyakanga, 1872. Nakoze Urugendo rw'Amaguru,
Naranditse, kandi Ndasoma. - Ni igitondo cyiza bihebuje. Uyu ni umunsi w'ikiruhuko
cy'Uwiteka kandi twifuza kubahiriza Isabato ku buryo Imana ibasha kwemera ibyo dukora no ku
buryo imitima yacu ubwayo ihemburwa. Twagenze n'amaguru, dushaka ahantu hitaruye mu
gashyamba aho twashoboraga gusengera kandi tukahasomera Ijambo ry'Imana, ariko ntaho
twabonye. Twamaze umunsi wose tuganira ku nsanganyamatsiko z'iby'umwuka, twandika kandi
dusoma. - Manuscript 4,1872. [3UB221]
[Battle Creek] ku Isabato yo ku wa 12 Mata, 1873. Nakoze Ingendo nyinshi zo Gusura mu
Rwego rw'Ivugabutumwa. Umugabo wanjye yabwirije abantu mbere ya saa sita. Nagumye mu
rugo kubera ko numvaga ntashoboye kwitabira amateraniro. Nyuma ya saa sita nitabiriye
amateraniro. [3UB221]
Amateraniro asoje nasuye uwitwa Ella Belden. Nagiranye nawe igihe cyiza cyo gusenga. Ndangije
nagiye gusura W. Salisbury n'umugore we. Twagiranye n'uwo muryango ibihe byiza cyane byo
gusenga. Uyu mugabo n'umugore we bunze amasengesho yabo ku ryanjye. Twese twumvise
Uwiteka yaduhaye umugisha. Noneho nahamagaye mwenedata Morse n'umugore we bari bageze
mu zabukuru... Nasuye mwenedata Gardner n'umugore we. Yari ari kwegereza iherezo
ry'urugendo rwe. Indwara yari yaramuciye intege cyane. Yanejejwe cyane no kumbona.
Twafatanyije

58 Amafunguro yo ku Isabato mu muryango wa White yavuzwe n'umukazana we mu myaka yaje gukurikiraho mu nyandiko yo ku ya 16 Ukwakira
1949 igira iti: Nk'umukazana wa Ellen G. White, nari umwe mu bagize umuryango we mu gihe kirenga umwaka, kandi akenshi nabaga ndi mu
rugo rwe ndetse najyanaga nawe mu ngendo mu gihe cy'imyaka isaga makumyabiri. Nabajijwe ibijyanye n'amafunguro yafatwaga ku Isabato mu
rugo rwa White. Twakoraga imyiteguro yuzuye uko bishoboka kose ku wa gatandatu (Friday), umunsi wo kwitegura, tugategura amafunguro yo
ku Isabato. Ku Isabato, ibyokurya byaba ibya mu gitondo cyangwa ibya saa sita byagaburwaga bishyushye, bigashyushywa ako kanya mbere y'uko
biribwa. Imirimo yose itari ngombwa yaririndwaga ku munsi w'Isabato, ariko nta gihe na kimwe Ellen G. White yigeze afata ko gutanga
ibyangombwa bisanzwe bituma ubuzima bugenda neza nko gucana umuriro wo gushyushya inzu cyangwa gushyusha ibyokurya bihita biribwa ngo
abifate ko ari ukurenga ku buryo bukwiriye bwo kubahiriza Isabato. (Byashyizweho umukono) na Madame W. C. White.

[3UB221] gusenga maze imitima y'abo bantu bari baremerewe irahumurizwa kandi ihabwa
umugisha. -Manuscript 6, 1873. [3UB222]
[Battle Creek] ku Isabato yo kuwa 17, 1873. Nafashe urugendo rw'ibirometero bike, kandi
naryamye iminota mike. Twuriye igare tugenda ibirometero bike tunyura mu ishyamba ry'ibiti
by'inganzamarumbo. Twaruhutse hafi isaha yose. Twaryamye iminota mike. . . . Twafashe
umwanya wo gusenga mbere y'uko tugaruka mu rugo. Nyuma ya saa sita twagiye mu materaniro.
-Manuscript 7, 1873. [3UB222]
[Washington, Iowa] ku Isabato yo kuwa 21 Kamena, 1873. Nanditse ku Mibabaro ya Kristo.
Wari umunsi w'agahozo nubwo warimo ubushyuhe. Nafashe ibikapu. Numvise merewe neza
cyane. Nanditse amapaji cumi n'atanu ku mibabaro ya Kristo. Numvise natwawe rwose nitaye kuri
iyo nsanganyamatsiko yanjye. Benedata Wheeler, Hester, na Van Ostrand bagiye mu materaniro.
Twari twiteze ko imvura ishobora kugwa. Nahamagaye ab'umuryango duhurira hamwe maze
mbasomera ibyo nari nanditse. Byose byari bishimishije. - Manuscript 8, 1873. [3UB222]
Kuwa Gatandatu, ku wa 12 Nzeri 1873. Naganiriye n'Umuntu Utari Umudiventisiti. Twageze
mu rugo mbere gato y'uko izuba rirenga. Nakiriye inzandiko zivuye kuri benedata Canright, Mary
Gaskill na Daniel Bourdeau, zimbwira uko amateraniro makuru yagenze. Igihe twageraga mu rugo
twahasanze John Cranson. Twumvise tutabyakiriye neza kuko yari yaje kutureba ku munsi
w'Isabato. Ntabwo dukunda kugira abashyitsi bo kuganiriza ku munsi w'Isabato by'umwihariko
abashyitsi batubaha Imana cyangwa ngo bubahe n'umunsi wayo wera. -Manuscript 11, 1873.
[3UB222]
[Mu nzira tuva i Colorado tugana i Battle Creek]. Ku Isabato yo ku wa 8 Ugushyingo, 1873.
Twakoze urugendo ku Isabato, ariko twarabyicujije. Twaruhukiye neza mu modoka muri iryo joro.
Ntabwo twashakaga gutanga raporo z'imodoka twakoresheje muri iki gitondo, ariko hari ibintu
byabaye bijyanye n'umurimo w'Imana byasabaga ko tugera ku biro by'Inteko Nkuru Rusange.
Ntabwo twagombaga gutinda. Iyo tuba turi gukora imirimo y'inyungu zacu bwite twari kumva ko
twishe itegeko rya kane kubera gukora urugendo nk'urwo ku Isabato. Nta biganiro bindi bisanzwe
twaganiriye. Twaharaniye ko intekerezo zacu ziguma mu cyerekezo cyo gutekereza ku Ijambo
ry'Imana no kuramya kandi twashimishijwe n'uko Imana yari iri kumwe natwe nubwo twicuzaga
cyane kuba byabaye ngombwa ko dukora urugendo ku Isabato. -Manuscript 13,1873. [3UB222]
[Sydney, N.S.W., Australia] kuwa 4 Gashyantare, 1893. Nabwirije mu gitondo, nyuma ya
saa sita nikira mu bwato ndagenda. Twafashe imodoka nto twerekeza ku rusengero i Sydney,
maze mbwiriza ku butumwa buri mu Baheburayo igice cya 11 kivuga ku kwizera. Uwiteka
yankomeresheje
59 Soma Testimonies, vol.6, p.360

[3UB222] ubuntu bwe. Numvise nkomejwe cyane kandi mpawe umugisha. Umwuka Wera yari kuri
jye. Nahawe imbaraga z'umubiri n'iz'umwuka ku rugero rukomeye... [3UB223]
Nyuma ya saa sita saa munani, twinjiye mu bwato ngo dufate urugendo. Ibikapu byacu byose byari
byarabitswe kure kuwa Gatandatu. Twanga cyane gukora urugendo ku Ísabato ariko umurimo
ugomba gukorwa tukageza ubutumwa ku batuye isi, kandi dushobora gukomeza kwerekeza
intekerezo n'imitima byacu ku Mana ndetse dushobora kwihisha muri Yesu. Igihe tudashoboye
gutegeka ibyo bintu, byose tugomba kubiharira Data wo mu ijuru. Niba ibyiringiro byacu biri mu
Mana, izadufasha. - Manuscript 76, 1893. [3UB223]
 IGICE CYA 30
GUHINDURANYA INYIFATO Mu GUSENGA BIRAKWIRIYE

Ntabwo Dukeneye Gupfukama Igihe Cyose

Tugomba gusenga ubudasiba, twicishije bugufi mu mwuka w'ubugwaneza no kwiyoroshya.
Ntabwo dukwiriye gutegereza kubona umwanya n'igihe byo gupfukama imbere y'Imana. Aho
twaba turi hose dushobora gusenga no kuvugana n'Imana. -Letter 342, 1906. [3UB224]
Nta Hantu Umuntu Adakwiriye Gusengera Igihe icyo Ari cyo Cyose n'Ahantu aho ari ho
Hose. Nta gihe cyangwa ahantu bidakwiriye ko umuntu yabwira Imana ibyifuzo bye... Haba mu
mbaga y'abantu mu nzira, kaba mu iguriro, dushobora kubwira Imana ibyifuzo byacu, kandi
tugasaba kuyoborwa nayo nk'uko Nehemiya yabikoze ubwo yasabaga ari imbere y'umwami
Aritazerusi. -Step to Christ, p. 99. [3UB224]
Gusabanira n'Imana mu Mitima yacu Igihe Tugenda n'iyo turi Gukora. -Dushobora
kuvugana na Yesu igihe tugenda mu nzira, kandi aravuga ati, 'Ndi iburyo bwawe. Dushobora
gusabanira n'Imana mu mitima yacu; kandi tubasha kugendana na Kristo. Igihe duhugiye mu
mirimo yacu ya buri munsi, dushobora gusohora icyifuzo kiri mu mutima wacu nta gutwi k'umuntu
uwo ari we wese utwumvise; ariko iryo jambo ntirishobora kugenda gutyo bucece, cyangwa ngo
ritakare. Nta kintu gishobora kurengera icyifuzo cy'umutima ngo cye gusohoka. Kirazamuka
kikarenga

60 Mwenedata D. E. Robinson, umwe mu babaye abanyamabanga ba Ellen G. White guhera mu 1902 kugeza 1915 yaratangaje ati: "Inshuro
nyinshi nabaye mu materaniro makuru no mu nama z'Inteko Nkuru Rusange aho mushiki wacu White ubwe yagiye asenga iteraniro ryose rihagaze,
ndetse na we ubwe ahagaze." -D. E. Robinson, March 4, 1934.

[3UB224] urusaku rwo mu nzira, ndetse kikarenga n'urusaku rw'imashini nyinshyi zihererekanya
mu mirimo. Imana ni yo tuba tubwira, kandi isengesho ryacu rirumvwa. -Gospel Workers, p. 258.
[3UB225]
Ntabwo Gupfukama ari Ngombwa Igihe Cyose. -Ntabwo iteka ryose ari ngombwa gupfukama
kugira ngo usenge. Imenyereze kuvugana n'Umukiza igihe uri wenyine, igihe ugenda mu nzira
n'igihe uhugiye mu mirimo ya buri munsi. -The Ministry of Healing, pp. 510, 511. [3UB225]
Iteraniro Ripfukama Nyuma yo Guhagarara Ryitanga. - Umwuka w'Uwiteka yanjeho, kandi
wagaragariye mu magambo nahawe ngo mvuge. Nabajije abari bari aho abumvise Umwuka
w'Imana abahata, kandi bari bafite ubushake bwo kurahirira kugendera mu kuri no kukwigisha
abandi, ndetse no gukora kubw'agakiza kabo, ibyo bakabigaragarisha guhagurukira ku birenge
byabo. Natunguwe no kubona iteraniro ryose rihaguruka. Noneho nasabye abantu bose
gupfukama, maze icyifuzo cyanjye ngitura ijuru kubwabo bantu. Nakozwe ku mutima cyane n'ibyo
byari bibaye. Numvise Umwuka w'Imana angenderera bikomeye, kandi nzi ko Uwiteka yampaye
ubutumwa bwihariye bugenewe ubwoko bwe muri iki gihe. - The Review and Herald, March 11,
1909. [3UB225]
Iteraniro Rinini mu Burayi Ryakomeje Kwicara. "Nahamagaye abifuzaga ko abagaragu
b'Imana babasengera kuza imbere. Abantu bose bari barasubiye inyuma, abifuzaga bose
kugarukira Uwiteka kandi bakamushakana umwete bashoboraga gukoresha ayo mahirwe
kurushaho. Uwo mwanya ibyicaro byinshi byaruzuye kandi iteraniro ryose ryari rishyushye.
Twababwiye ko ibyiza biruseho bashoboraga gukora kwari ukuguma aho bari tugashakira Uwiteka
hamwe twatura ibyaha byacu, kandi Uwiteka yari yaravugiye mu ijambo rye ati: "Ariko nitwatura
ibyaha byacu, ni yo yo kwizerwa kandi ikiranukira kutubabarira ibyaha byacu no kutwezaho
gukiranirwa kose" 1 Yohana 1:9 -Diary, Feb. 20, 1887. (Byasohotse mu Butumwa Bwatoranyijwe,
Igitabo cya 1, pp. 169, 170). [3UB225]
Iteraniro ryose Ryarahagaze kugira ngo Dusenge Isengesho ryo Kwiyegurira Imana.
Nararitse abashakaga kwiyegurira Imana mu isezerano ridakuka, kandi bashaka kuyikorera
n'imitima yabo yose ngo bahagurukire ku birenge byabo. Icyumba cyari cyuzuye kandi hafi ya
bose barahagurutse. Umubare uhagije w'abantu tudasangiye kwizera wari uhari, kandi bamwe
muri abo barahagurutse. Nabaragije Uwiteka mu gusenga, kandi tuzi ko Umwuka w'Imana
yigaragaje. Twumvise ko intsinzi yari yabonetse. -Manuscript 30a, 1896. (Byasohotse mu
Butumwa Bwatoranyijwe, Ígitabo cya 1, pp.172,173). [3UB225]
Iteraniro Ryarapfukamye kugira ngo Hasengwe Isengesho ryo Kwiyegurira Imana.- Mu
kurangiza icyigisho, numvise mpatwa n'Umwuka w'Imana mu guhamagara abantu bose bifuza
kwiyegurira Uwiteka byimazeyo gutambuka bakaza imbere. Abumvaga ko bakeneye gusengerwa
[3UB225] n'abagaragu b'Uwiteka bahamagariwe kubyerekana. Hafi abantu mirongo itatu baje
imbere..... [3UB226]
Mbere nari nabanje kugingimiranya, nibaza niba byari byiza cyane kubikora igihe jye n'umuhungu
wanjye ari twe twashoboraga gutanga ubufasha ubwo aribwo bwose icyo gihe. Ariko igitekerezo
cyaje mu bwenge bwanjye nk'aho ari umuntu uvuganye nanjye kigira kiti: "Mbese ntushobora
kwiringira Uwiteka?" Naravuze nti: "Nzabikora, Mwami!" Nubwo icyo gihe umuhungu wanjye
yatangajwe cyane nuko mpamagaye ntyo, yaratunguwe, byabaye nko gutungurwa. Sinari narigeze
na rimwe mwumva avugana imbaraga ikomeye cyangwa ubwuzu nk'icyo gihe.... [3UB226]
Twarapfukamye ngo dusenge Imana. Umuhungu wanjye niwe wabanje kandi Uwiteka mu by'ukuri
yumvise gusenga kwe; kuko mu gusenga yagaragaraga nk'aho ari imbere y'Imana. -The Review
and Herald, July 30, 1895. (Byasohotse mu Butumwa Bwatoranyijwe, Igitabo cya 1, p. 171).
[3UB226]
Ku Kigo cy'abakozi cyari Oakland, muri California. - Ubu noneho turabasaba ngo mugenzure
imitima yanyu yose. Abiyemeje kwitandukanya n'igishuko cyose cy'umwanzi, maze bagaharanira
guhanga amaso mu ijuru babigaragarishe guhaguruka. [Hafi y'abantu bose bari bari mu iteraniro
barahagurutse.] [3UB226]
Twifuza ko buri wese muri mwe yakizwa. Twifuza ko inzugi z'umurwa w'Imana zazabakingukira
zikaraga ku mapata yazo arabagirana, kugira ngo mubashe kuwinjiranamo n'amahanga yose
yagendeye mu kuri. Aho ni ho tuzasingiriza kandi dushime ndetse duhe ikuzo Kristo na Data wa
twese iteka n'iteka ibihe bidashira. Imana idufashe gukiranuka mu murimo wayo mu gihe
cy'intambara ikomeye, kandi amaherezo tuzaneshe maze duhabwe ikamba ry'ubugingo buhoraho.
[3UB226]
[Gusenga] Data uri mu ijuru, aka kanya nje imbere yawe uko undi, umukene n'indushyi, kandi ni
wowe nishingikirijeho. Data, ndagusaba ngo umpe kandi uhe n'aba bantu ubuntu buboneza ímico
y'Umukristo, ndetse n'ibindi bakeneye. -The Review and Herald, July 16, 1908. [3UB226]
Ellen White n'Abari mu Iteraniro Bahaguruka ngo Hasengwe Isengesho ryo Kwiyegurira
Imana. - Ndabaza nti, 'Ubu ni nde uziyemeza akomeje guhabwa uburere buhanitse bukomoka mu
ijuru. Ababyiyemeza, mubigaragarishe guhagurukira ku birenge byanyu. [Iteraniro
ryarahagurutse.] Iri ni iteraniro ryose. Imana ibafashe gukomeza indahiro murahiye. Mureke
dusenge. [3UB226]
[Gusenga] Data wo mu ijuru, ubu nje imbere yawe uko ndi, umukene, umunyantege nke kandi
ntabwo nkwiriye, none ndagusaba gukora ku mitima y'aba bantu bateraniye aha uyu munsi.
Nababwiye amagambo yawe, ariko, Mwami Uwiteka, ni wowe wenyine ushobora gutuma ijambo
ryawe [3UB226] rigira icyo rikora muri bo. -The Review and Herald, April 8, 1909. (Sermon at
Oakland, California, Feb. 8, 1909.) [3UB227]
Ku Musozo w'Ikibwirizwa cyatanzwe mu Nteko Nkuru Rusange yabereye i Washington,
D.C.61 - Ndasaba ngo Uwiteka abafashe gusigasira uyu murimo birenze uko mwigeze
kuwusigasira. Mbese muzabikora? Mbese mushobora guhagurukira ku birenge byanyu ahangaha
mugahamya ko Imana ari yo muziringira kandi mukayigiraho umufasha? [Iteraniro ryose
ryarahagurutse]. [3UB227]
[Gusenga] Ndagushimye Uwiteka Mana ya Isirayeli. Emera iyi ndahiro y'ubwoko bwawe.
Bashyireho Umwuka wawe. Data, reka icyubahiro cyawe kigaragare muri bo. Ubwo bazaba
bavuga ijambo ry'ukuri, reka tuzabone agakiza k'Imana. - General Conference Bulletin, May 18,
1909.

61 Umukristo nyakuri akenshi aba ari gusengera ahantu hose haba mu ruhame n'ahiherereye. Asenga agenda mu nzira, igihe ahugiye mu murimo
we, ndetse no mu masaha ya nijoro. Ellen White yatanze inama mu magambo yaje kwandikwa mu gitabo "Gospel Workers, p. 178," avuga ko "haba
igihe turi gusengera mu ruhame cyangwa twiherereye, dufite amahirwe yo gupfukama imbere y'Uwiteka igihe tumubwira ibyifuzo byacu."
Amagambo akurikira yavuzwe kuri iyi ngingo, yandikiwe muri Australia kandi aboneka mu gitabo Ubutumwa Bwatoranyijwe, Igitabo cya 2, p. 251
arabishimangira cyane: "Haba igihe cyo gusengera mu ruhame cyangwa umuntu ari wenyine, dufite inshingano yo gupfukama ku mavi yacu imbere
y'Imana igihe tuyibwira ibyo byifuzo byacu. Iki gikorwa cyerekana ko tubeshejweho n'Imana." Ni ikimenyetso kandi cyo kubaha: "Hakwiriye
kubaho ubwenge bw'uburyo bwo kwegera Imana mu kwiyoroshya no kuyubaha bijyana n'urukundo rwo kuramya. Kubaha Umuremyi wacu bigenda
birushaho kubura, kandi kwirengagiza gukomera kwe n'icyubahiro cye birushaho kwiyongera." -Manuscript 84b, 1897. [Byavuzwe mu Butumwa
Bwatoranyijwe, Igitabo cya 2, p.251.] Kuba Ellen White atari agamije kwigisha ko igihe cyose habayeho gahunda yo gusenga tugomba gupfukama
bigaragarira neza mu magambo ye n'urugero yatanze. Kuri we, nta gihe ndetse nta n'ahantu hadakwiriye gusengerwa. Umuryango we uhamya ko
mu rugo rwe ababaga bari mu cyumba bariramo bagiye gufungura bubikaga imitwe yabo ko batapfukamaga. Ntabwo yari azwiho gupfukama mu
gihe cy'isengesho rihesha iteraniro umugisha igihe amateraniro yabaga yitabiriye yabaga ahumuje. Inama ikomeye yo gupfukama isa n'aho yari
ifite aho ireba hibanze muri gahunda yo kuramya yaberaga mu nzu y'Imana, mu muryango no muri gahunda yihariye y'umuntu yo gusengera mu
rugo iwe. Mu gihe cy'amateraniro yaberaga mu ruhame habagaho ibihe Ellen G. White yahagararaga agasenga. - Abakusanyije Inyandiko

[3UB227]
 UMUGABANE WA VIII: IVUGURURA MU BY'UBUZIMA

IJAMBO RY'IBANZE
Nubwo hari byinshi mu bitabo Ellen G. White yasohoye bivuga ku buzima n'ivugurura mu
by'ubuzima, nta nyandiko n'imwe yanditse yongera gusubira mu mayerekwa yahawe mbere kuri
iyi ngingo. Aya mayerekwa yagaragazwa ko yayahawe mu mwaka wa 1848, 1854 na 1863. Ku
makuru avuga ko habayeho iyerekwa rivuga ku ngingo zijyana n'ubuzima mu mwaka wa 1848,
tugomba kureba amagambo yavuzwe na James White [umugabo wa Ellen G. White] ari mu
kinyamakuru cyitwaga Urwibutso n'Iteguza cyasohotse ku ya 8 Ügushyingo 1870, aho avuga ati:
[3UB228]
"Hashize imyaka makumyabiri n'ibiri kugeza ubu, icyo gihe ni bwo intekerezo zacu zakanguriwe
kumenya ingaruka mbi cyane z'itabi, icyayi n'ikawa, binyuze mu buhamya bwa Madame Ellen
White... [3UB228]
"Igihe twari twarageze ku ntsinzi neza tunesha ibyo bintu, n'igihe Uwiteka yabonaga ko dushobora
kuwakira nta kibazo, twahawe umucyo urebana n'ibyokurya n'imyambarire." [3UB228]
Inama irambuye ivuga ku isuku n'imirire iboneka mu bihamya byanditswe mu 1854. Amagambo
yihariye yavuze ku iyerekwa ryavugaga ku ivugurura mu by'ubuzima ryo ku wa 6 Kamena 1863,
atangwa mu bisubizo Ellen G. White yatanze ku bibazo bimwe byari byanditswe mu Rwibutso
n'Integuza rwo ku wa 8 Ukwakira, 1867. [3UB228]
Kuzirikana cyane izo ngingo zirambuye kwagiye gukura nk'uko bigaragazwa ahangaha ni byo
bitanga impamvu yo gushyira izo ngingo muri iki gitabo, nubwo mu myandikirwe yazo zitagiye
zikurikiranywa. [3UB228]
Amagambo yagiye asubirwamo yerekana uburyo Ellen G. White atari yishingikirije ku bandikaga
ibijyanye n'ubuzima bo mu gihe cye, ayo magambo afite uburemere atari mu buryo yasobanuraga
uko umucyo

62 Iki kinyamakuru ntikiri mu rurimi rw'Ikinyarwanda

[3UB228] urebana n'amavugurura mu by'ubuzima wamugezeho gusa, ahubwo binanyuze mu kwiga

inyandiko ze muri rusange. [3UB229]
Mu mwaka wa 1881 inyandiko yavugaga ku gukoresha neza ibihamya ku ivugurura mu
by'ubuzima yerekana uko yigengeseraga mu murimo we wo kwigisha amahame y'ubuzima.
Abashinzwe kurinda inyandiko za Ellen G. White. [3UB229]
 IGICE CYA 31

AMAYEREKWA YAHAMAGARIYE ABANTU AMAVUGURURA MBERE

GUKANGURIRWA GUTEKEREZA IBY'ITABI, ICYAYI N'IKAWA MU MWAKA WA 1848 NA 1851

Mu iyerekwa, nabonye ko itabi ari ikimera cyanduye rwose, kandi ko kigomba kuzibukirwa ndetse
kikarekwa... Keretse gusa itabi nirirekwa burundu, naho ubundi umujinya w'Imana uzaba ku
muntu urikoresha, kandi bene uwo muntu ntashobora gushyirwaho ikimenyetso cy'Imana ihoraho.
-Letter 5, 1851. [Mu Rwibutso n'Integuza rwo kuwa 8 Ugushyingo 1870, James White avuga ko
iri yerekwa ryabayeho mu ntangiriro z'umwaka wa 1848 nk'uko bigaragara mu ljambo ry'ibanze
ry'iki gice). [3UB230]

AMAHAME Y'INGENZI YAHISHUWE MU MWAKA WA 1854

Icyo gihe nabonye ko mu bubahiriza Isabato harangwamo umwanda.. . Nabonye ko Imana yari iri
kwitunganyiriza ishyanga ridasanzwe. Imana izagira ishyanga rizira umwanda kandi ryera
ishobora kwishimira. Nabonye ko ingando yabo igomba kubonezwa, bitaba ibyo Imana yari
kubanyuraho maze ikabona umwanda wa Isirayeli ndetse ntiyari kujyana n'ingabo za Isirayeli ku
rugamba. Yari kubasiga ikabavaho ibabaye, bityo abanzi bacu bajyaga kudutsinda maze tugasigara
ducitse intege, dukozwe n'isoni n'ikimwaro. [3UB230]
Nabonye ko Imana itari kwemera umuntu utaboneye, kandi wanduye ngo imufate nk'Umukristo.
Igitsure cy'Imana cyari kuri bene uwo muntu. Yesu agomba kwereka Data wa twese imitima yacu,
imibiri yacu n'umwuka wacu bizira ikizinga, kandi nitutaba twejejwe mu bugingo, ndetse
tuboneye, ntidushobora kugezwa imbere y'Imana tudafite umugayo. [3UB231]
Nabonye ko inzu z'abera zidakwiriye kurangwamo akajagari kandi zigomba kuba ziboneye,
ntizirangwemo umwanda n'isuku nke y'uburyo bwose. Nabonye ko inzu y'Imana yahumanyijwe
n'uko ababyeyi n'abana babo batagira icyo bitaho, kandi bakarangwa n'umwanda n'akajagari.
Nabonye ko ibyo bintu bikwiriye gucyahwa nta guca ku ruhande, kandi niba nta mpinduka zihise
zikorwa kuri ibyo bintu muri bamwe mu bavuga ko bizera ukuri, bakwiriye gushyirwa hanze
y'ingando [y'ubwoko bw'Imana]... [3UB231]
Irari ry'Inda n'Ibyokurya Bikwiriye. Nongeye kubona ko irari ry'inda ritagomba kwemererwa
kudutegeka, kandi ko ibyokurya bikungahaye cyane ku ntungamubiri n'amavuta by'umurengera
bidakwiriye gutegurwa, kandi ko umutungo ukoreshwa ku guhaza ipfa ry'inda ukwiriye gushyirwa
mu mutungo w'Imana. Abiyanga baba biteganyiriza ingororano mu ijuru. Nabonye ko Imana yari
iri gutunganya ubwoko bwayo. [3UB231]
Ubwibone n'ibigirwamana bikwiriye kuzibukirwa. Nabonye ko ibyokurya bikungahaye cyane ku
ntungamubiri n'amavuta by'umurengera byari biri kurimbura imibiri yari isanzwe ari mitaraga,
bigasenya igihagararo n'intekerezo by'abantu, ndetse byari inzira ikomeye yo gupfusa umutungo
ubusa. [3UB231]
Nabonye ko abantu benshi bo mu basigaye barwaragurikaga, abo bantu bakaba bariteraga ubwo
burwayi binyuze mu gukabya guhaza ipfa ryabo. Niba twifuza kugira ubuzima bwiza, tugomba
kwita mu buryo bwihariye ku magara Imana yaduhaye, tukanga irari ry'inda mbi, tukarya
ibyokurya bike cyane birimo intungamubiri z'umurengera, tukirira ibyokurya bitarangwamo
amavuta akomoka ku matungo.63 Noneho igihe mwicaye ku meza kugira ngo mufungure
mushobora gusaba umugisha w'Imana kuba ku mafunguro yanyu mubikuye ku mutima kandi
mushobora gukura imbaraga mu byokurya bidakungahaye ku mavuta kandi bitera amagara
mazima. Imana izanezezwa no guha umugisha iryo funguro kandi rizagirira umumaro uryakiriye.
[3UB231]
Nabonye ko dukwiriye gusenga nk'uko Salomo yasenze agira ati: "Ungaburire ibyokurya
binkwiriye" (Imigani 30:8)- kandi igihe dusenze, tujye dushyira mu bikorwa ibyo dusaba. Shaka
ibyokurya byuzuye kandi byoroheje kandi by'ingenzi ku buzima, bitarangwamo amavuta akomoka
ku matungo. Bene ibyo byokurya bizaba bidukwiriye.

63 Reba Inama ku Mirire n'lbyokurya, pp. 360-362: Amavuta y'Inguruben'lbinure.

[3UB231] Hariho bamwe mu bubahiriza Isabato inda zabo zahindutse imana yabo. Bapfusha ubusa
umutungo wabo bagura ibyokurya bikungahaye cyane ku ntungamubiri n'amavuta by'umurengera.
Nabonye ko bene abo, niba barakijijwe by'ukuri, batazamenya icyo gutegeka ipfa ari cyo keretse
gusa nibazibukira ipfa ryabo maze bakajya barya kugira ngo baheshe Imana icyubahiro. Nyamara
hariho bake cyane barira guhesha Imana icyubahiro. [3UB232]
Ni gute abantu bafite umugati n'agasahane kuzuye amavuta yo kuwusiga basaba Imana kuwuha
umugisha hanyuma bakawurya bahanze amaso ku cyubahiro cy'Imana? Dutegetswe gukorera
ibintu byose guhimbaza Imana. Tugomba kurya no kunywa kubwo gihimbaza Imana. -Manuscript
3, 1854. [3UB232]
 IGICE CYA 32

IYEREKWA RYABAYE MU 1863 RIVUGA KU IVUGURURA MU BY'UBUZIMA

IBIBAZO BIKOMEYE BISUBIZWA

Ikibazo Kirebana n'Iyerekwa. - Mbese wakiriye ibyo bitekerezo byawe birebana n'ivugurura mu
by'ubuzima mbere y'uko usura Ikigo cy'Ubuvuzi cy'ahitwa Dansville, muri New York, cyangwa
ni mbere y'uko ugira ibitabo usoma bivuga kuri iyi ngingo? [3UB233]
Igisubizo. -Hari mu rugo rwa mwenedata A. Hilliard, ahitwa Otsego, muri Michgan, kuya 6
Kamena 1863, ni bwo ingingo ikomeye y'Ivugurura mu by'ubuzima yaje imbere yanjye mu
iyerekwa. [3UB233]
Nageze mu kwezi kwa Kanama 1864, ntarasura Dansville. Nahasuye hashize amezi cumi n'ane
mpawe icyo gitekerezo cy'ivugurura. Kugeza igihe nandikiye igitabo cya 3 n'icya 4 by' Impano
z'Umwuka,64 n'Irarika ku Babyeyi,65 ndetse n'igihe nari naranditse inyinshi mu ngingo esheshatu
zasohotse mu kanyamakuru kitwa Uburyo bwo Kubaho,66 nta bitabo nari narigeze nsoma bivuga
ku buzima. [3UB233]
Ntabwo nari nzi ko hari inyandiko yasohotse ivuga iby'Amategeko y'Ubuzima, yandikiwe i
Dansville, muri New York. Ntabwo nari narigeze numva iby'ibitabo byinshi bivuga ku buzima
byanditswe na Dogoteri J. C. Jackson n'ibindi bitabo byandikiwe i Dansville igihe nagiraga
igitekerezo navuze haruguru. Kugeza muri Nzeri 1863, ntabwo nari nzi ko bene ibyo

64 Spiritual Gifts
65 Appeal to Mothers
66 How to Live
67 The Laws of Life

[3UB233] bitabo biriho. Igihe twari i Boston, muri Leta ya Massachusetts, umugabo wanjye
yabibonye byamamazwa mu kinyamakuru cyitwaga Ijwi ry'Abahanuzi cyandikwaga n'Umukuru
J.V. Himes. Umugabo wanjye yatumije ibyo bitabo bituruka i Dansville maze bimusanga ahitwa
Topsham, muri Leta ya Maine. Imirimo myinshi yari afite ntiyamwemereye kubicamo ngo asome,
kandi kubera ko niyemeje kutabisoma ntararangiza kwandika ibitekerezo byanjye, ibyo bitabo
byagumye mu bifuniko byajemo. [3UB234]
Igihe natangiraga kwigisha inshuti zanjye ku nsanganyamatsiko y'ubuzima aho nakoreraga i New
England muri Michigan, ndetse no muri Leta ya New York, nkavuga namagana ibiyobyabwenge
n'inyama, ariko ngashyigikira ikoreshwa ry'amazi, guhumeka umwuka mwiza, n'indyo ikwiriye,
akenshi abantu baransubizaga bati: "Uvuga ibitekerezo bijya gusa rwose n'ibyigishwa mu gitabo
kivuga Amategeko y'Ubuzima", ndetse n'ibindi bitabo byanditswe na ba Dogiteri Trall, Jackson,
n'abandi. Mbese waba warigeze usoma izo nyandiko n'ibyo bitabo?" [3UB234]
Igisubizo natangaga ni uko ntigeze mbisoma, kandi nta nubwo nari kuzigera mbisoma kugeza igihe
nari kuzarangiriza kwandika ibitekerezo byanjye kugira ngo bitazavugwa ko nahawe umucyo
mfite ujyana n'insanganyamatsiko y'ubuzima nywukuye ku baganga atari ku Uwiteka. [3UB234]
Kandi igihe nari maze kwandika ingingo esheshatu nanditse zivuga Ku Buryo bwo Kubaho, ubwo
ni bwo nashakishije ibitabo bitandukanye bivuga ku isuku hanyuma nza gutangazwa no kubona
bijya kuvuga kimwe rwose n'ibyo Uwiteka yampishuriye. Bityo rero kugira ngo nerekane uburyo
bihuje, ndetse no gushyira imbere y'abavandimwe banjye iyi nsanganyamatsiko nk'uko yanditswe
n'abanditsi bafite ubushobozi, niyemeje kwandika agatabo kavuga Uburyo bwo Kubaho, aho muri
ko nakoresheje cyane amagambo nakuye mu bitabo navuze ko nasomye. [3UB234]

UKO NAHISHURIWE IVUGURURA MU MYAMBARIRE

Ikibazo:- Mbese ibyo bashiki bacu bakora bambara amakanzu agarukira hafi kuri santimetero
makumyabiri nebyiri n'igice (22.5cm) uturutse hasi ku itaka ntibyaba bihabanye n'Ibihamya
Nomero ya 11, bivuga ko ayo makanzu akwiriye kugera hepfo gato y'amavi n'intege by'umukobwa
cyangwa umugore? [3UB234]
Igisubizo. -Ntabwo nahawe mu bipimo bya santimetero intera ikwiriye uvuye ku mpera
z'umwenda ukagera hasi aho umuntu aba akandagiye... Ariko amatsinda atatu y'abagore
n'abakobwa yanyuze imbere imyambaro yabo iteye itya ku bijyana n'uburebure bwayo: [3UB234]
Aba mbere bari bambaye amakanzu agezweho maremare, wabonaga abereye umutwaro amaguru,
akababuza gutambuka, akagenda akubura

68 Voice of Prophets.
69 Iki gitabo cyavuzweho mu bika byabanje, ku karanga ka 50.
70 How to Live

[3UB234] inzira asakuma imyanda yo mu nzira; kandi ingaruka zabyo nazivuze neza mu buryo
bwuzuye. Iri tsinda, ryari ryarabaye imbata z'imideri igezweho, ryagaragaraga rifite intege nke
kandi rigwaguza. [3UB235]
Imyambaro y'itsinda rya kabiri ryanyuze imbere yanjye yari imeze nk'uko byari bikwiriye mu
mpande nyinshi. Amaguru yari yambitswe neza. Nta mitwaro bari bikoreye bayikorejwe
n'umunyagitugu ari we Mideri igezweho, wari warakoreje imitwaro rya tsinda rya mbere. Nyamara
bari barageze ku guheza inguni mu kwambara imyenda migufi kugeza ubwo bazinura abantu beza
kandi babatera kugira urwikekwe, ndetse ku rugero rukomeye cyane bo ubwabo basenye icyizere
n'impinduka bajyaga guteza mu bandi. Uyu ni umuderi n'impinduka ziterwa n' "Imyambarire ya
Kinyamerika," yigishwa kandi yambarwa na benshi ku kigo cyacu kiri i Dansville, muri New York.
Iyo myambaro ntigera no ku mavi. Ntabwo navuga ko uyu muderi w'imyambaro naweretswe ari
mugufi bene kariya kageni. [3UB235]
Itsinda rya gatatu ryanyuze imbere rifite mu maso huje ibinezaneza, kandi ubona babohotse batera
intambwe irambuye. Amakanzu yabo yari afite uburebure nk'ubwo nari naravuze ko ari bwo
bukwiriye, arangwa no kwiyoroshya kandi agasigasira ubuzima. Igihe cyose babaga batera
intambwe bazamuka cyangwa bamanuka, amakanzu yabo yahuhaga umwanda wo mu nzira
bacamo. [3UB235]
Nk'uko nabivuze mbere, ntabwo mu iyerekwa nahawe uburebure bw'amakanzu muri za
santimetero... [3UB235]

ISANO IYEREKWA RIFITANYE N'INYANDIKO N'IMIKORERE

Kandi ahangaha nshaka kuvuga ko nubwo mba nishingikirije ku Mwuka w'Uwiteka igihe nandika
ibitekerezo byanjye nk'aho ndi kubihabwa, nyamara iyo nsobanura ibyo neretswe nkoresha
amagambo yanjye bwite, keretse iyo ari amagambo nabwiwe na marayika, kandi iyo bimeze bityo,
iteka nyashyira mu twuguruzo n'utwugarizo. [3UB235]
Igihe nandikaga ku nsanganyamatsiko y'imyambarire, ishusho y'ariya matsinda uko ari atatu
yagarutse mu ntekerezo zanjye igaragara neza nk'igihe nayibonaga mu iyerekwa; ariko nasigiwe
inshingano yo gusobanura uburebure bw'imyambaro ikwiriye uko nashoboraga kose mu mvugo
yanjye bwite, ari nabyo nakoze mvuga ko impera yo hasi y'amakanzu ikwiriye kugera hafi
yutugombambari tw'umukobwa cyangwa umugore, aho usanga biba ngombwa ko ayo makanzu
ashobora kuba yahuha imyanda yo mu nzira nko mu bihe byo kuzamuka cyangwa kumanuka
nigeze kuvuga. [3UB235]
Nanjye nambara amakanzu afite uburebure bwegereza rwose ubwo nabonye kandi mvuga
nashima. Abakobwa n'abagore bagenzi banjye bari muri Michgan y'amajyaruguru nabo bayobotse
iyo myambarire. Kandi [3UB235] igihe ingingo yavugaga iby'uburebure bw'amakanzu muri za
santimetero yavugwaga kugira ngo ahantu hose habeho guhuza inkano ku bijyanye n'uburebure
[bw'imyambaro], hazanywe itegeko kandi byaje kugaragara ko uburebure bw'imyambaro yacu
bugarukira kuri santimetero ziri hagati ya makumyabiri na makumyabiri neshanu uvuye hasi aho
umuntu aba akandagiye. Amwe muri ayo makanzu yari maremare ho gato ku cyitegererezo
neretswe, mu gihe andi nayo yari magufi ho gato kuri icyo cyitegererezo. The Review and Herald,
Oct. 8, 1867. [3UB236]

INYANDIKO YO KU YA 6 KAMENA IVUGA KU BUZIMA, UMUNSI W'IYEREKWA"

Nabonye ko mu buryo bwihariye ubu dukwiriye kwita ku buzima Imana yaduhaye, kubera ko
umurimo wacu utararangira. Ubuhamya bwacu bugomba gutangwa kandi bukwiriye kugira
impinduka buzana. Nabonye ko nari narapfushije ubusa igihe kinini cyane ndetse n'imbaraga
ndoda imyambaro, ngabura ibyokurya kandi nganiriza abantu. Nabonye ko imíruho yo mu rugo
igomba kurekwa. Gutegura imyambaro ni umutego; hari abandi bashobora kubikora. Ntabwo
Imana yampaye imbaraga zo gukora bene uwo murimo. Dukwiriye gusigasira imbaraga zacu
kugira ngo zikore mu murimo wayo, kandi igihe bikenewe tugatanga ubuhamya bwacu. Nabonye
ko dukwiriye kwigengesera tukitondera uko dukoresha imbaraga zacu bityo ntitwiyikoreze
imitwaro abandi bashobora kandi bakwiriye kwikorera. [3UB236]
Nabonye ko dukwiriye gushishikarira kurangwa n'intekerezo zuzuye ibyishimo, ibyiringiro
n'amahoro, kubera ko ubuzima bwacu (amagara mazima) bushingiye mu kugenza dutyo. Nabonye
ko ari inshingano ya buri wese ko yita cyane ku buzima bwe, ariko by'umwihariko dukwiriye
kwerekeza intekerezo zacu ku magara yacu, kandi tugafata igihe tukakigenera kwiyitaho kugira
ngo ku rwego runaka tubashe kugarura ubuyanja dukire ingaruka zo gukora birenze urugero no
kunaniza cyane ubwonko bwacu. Umurimo Imana idusaba kuyikorera ntuzadutandukanya no
kwita ku buzima bwacu. Uko ubuzima bwacu burushaho kuba bumerewe neza, ni ko n'umurimo
dukora uzarushaho kuba utunganye rwose. [3UB236]
Kubahiriza no Kwigisha Amahame y'Ivugurura mu by'Ubuzima. - Nabonye ko igihe
dukoresha imbaraga zacu cyane, tugakora birenze urugero, kandi tukinaniza cyane, hanyuma
bikadutera gusuhererwa tukarwara, icyo gihe tuba turi mu kaga ko gufatwa n'indwara nyinshi
tukamererwa nabi bikabije. Kwiyitaho ubwacu ntitugomba kubiharira Imana kugira ngo irebe
kandi yite ku byo yadusigiye ubwacu ngo tubirinde kandi tubyiteho. Kwica amategeko agenga
ubuzima hanyuma tugasaba Imana kwita ku buzima bwacu no kuturinda indwara ntabwo ari byiza
kandi ntibishimisha Imana mu gihe turangwa n'imibereho inyuranyije rwose n'amasengesho
dusenga. [3UB236]

71 Reba Ibihamya, Vol.3, p.13.

Nabonye ko dufite inshingano yera yo kwita ku buzima bwacu no gukangurira abandi inshingano
yabo, nyamara kandi ntabwo tugomba kwikorera umutwaro w'ibibareba ubwabo. Nyamara kandi,
dufite inshingano yo kuvuga, tukamagana kutirinda k'uburyo bwose (kutirinda mu gukora imirimo,
mu mirire, mu minywere, no mu gukoresha imiti ibamo uburozi), hanyuma tukereka abantu umuti
ukomeye Imana yatanze uvura indwara, ugasukura umubiri kandi ukawutera kugubwa neza no
kuruhuka ari wo - amazi meza asukuye. [3UB237]
Inyifato Inejeje kandi Irangwa no Kumererwa neza. - Nabonye ko umugabo wanjye
adakwiriye kwemerera ubwenge bwe gutinda ku bintu bitari byo, ku ruhande rwijimye, ku ruhande
rucuze igihumya. Akwiriye kwikuramo ibitekerezo bibabaza n'ingingo zimwe zitera kubabara,
bityo akagira akanyamuneza, akishima kandi akamererwa neza, ndetse akwiriye gushikama ku
Mana atajegajega kandi akayiringira akanayigirira icyizere ubutanyeganyezwa. Naramuka
abashije gutegeka intekerezo ze, ubuzima bwe buzarushaho kumererwa neza. Nabonye ko mu
bintu byose umugabo wanjye akwiriye kuruhuka uko ashoboye kose ku munsi w'Isabato, igihe
adafite gahunda yo kubwiriza... [3UB237]
Nabonye tudakwiriye guceceka ku bijyanye n'ingingo irebana n'ubuzima ahubwo dukwiriye
gukangurira abantu kwita kuri iyi ngingo. - Manuscript1, 1863. [3UB237]

KWIGA INYANDIKO IVUGA KU IVUGURURA MU BY'UBUZIMA KWABAYEHO MU 1867

Intekerezo zirwaye zirangwa n'imibereho y'uburwayi no kurwaragura, mu gihe umuntu mutaraga,
uboneye kandi ufite intekerezo nzima, ufite ubushobozi bw'ubwenge budafite ibibwijimisha, bene
uyu azagira imibereho mizima izaba ifite agaciro katagerwa. Umunezero ujyana n'ubuzima bwo
gukora neza ni wo uzaba ingororano ya buri munsi kandi iyo ngororano izaba amagara mazima
n'ibyishimo. [3UB237]
Natangajwe n'ibintu neretswe mu iyerekwa. Hari ibintu byinshi byaje bihita byinjira mu bitekerezo
byanjye bwite. Icyo kibazo cyahoraga mu ntekerezo zanjye ubudatuza. Nakibwiraga abantu bose
nagiraga amahirwe yo kuganira nabo. Inyandiko ya mbere y'iyerekwa nagize yari ipfundo
ry'ingingoshingiro iri mu gitabo cyitwa [Impano z'Umwuka], umuzingo wa 4 ndetse no mu ngingo
esheshatu nanditse mu gatabo kavuga Uko Umuntu Yabaho zifite umutwe uvuga iby" Indwara
n'Ibizitera." [3UB237]
Mu buryo butunguranye twahamagariwe kujya gusura ahitwa Allegan muri Michgan tukajya
kwitabira imihango yo gushyingura [kuwa 23 Kamena 1863], hanyuma bidatinze dufata urugendo
rwerekeza mu burasirazuba [kuwa 18 Kanama], kandi nari mfite umugambi wo gusoza igitabo
cyanjye nandikaga ndi muri urwo rugendo. Ubwo twasuraga amatorero, ibintu neretswe bifitanye
isano n'ibibi byari biriho byansabaga [3UB237] hafi y'igihe cyanjye cyose ntari mu materaniro
ahubwo ndi kwandikira abo bantu. Mbere y'uko ngaruka mu rugo mvuye mu burasirazuba, nari
maze kwandika impapuro zigera kuri magana atanu nzandikira abantu ku giti cyabo ndetse
n'amatorero. [3UB238]
Nyuma yo kuva mu burasirazuba [kuya 21 Ukuboza 1863], natangiye kwandika [Impano
z'Umwuka] umuzingo wa 3 niteze kugira igitabo kinini kigomba gufatanywa n'ibihamya
byafashije gukora igitabo [Impano z'Umwuka], umuzingo wa 4. Ubwo nandikaga, iyo ngingo
yafungukiye imbere yanjye maze mbona ko bidashoboka ko ibintu byose ngomba kwandika
nabyandika mu mpapuro nke cyane nk'uko nari nabigennye mbere. Iyo ngingo yararambuwe maze
umuzingo wa 3 uruzura. Hanyuma naje gutangira umuzingo wa 5,2 ariko mbere y'uko ndangiza
umurimo wanjye, igihe nateguraga ingingo ivuga kuby'ubuzima kugira ngo nyoherereze abakora
umurimo wo gucapa, naje guhamagarirwa kujya ahitwa Monterey. Twagiyeyo, ariko
ntitwabashaga kurangiza umurimo waho byihuse nk'uko twari tubyiteze. Byabaye ngombwa ko
ngaruka kurangiza ya ngingo ivuga kuby'ubuzima ngo nyoherereze abacapyi, kandi twasize
dutanze gahunda y'icyumweru cyagombaga gukurikiraho. [3UB238]
Izo ngendo zombi mu gihe cy'ubushyuhe zari nyinshi bihagije ugereranyije n'imbaraga nari mfite.
Hafi y'igihe cyose nari naragiye nandika mara umwaka usaga. Muri rusange natangiraga kwandika
saa moya za mu gitondo ngakomeza kugeza saa moya z'ijoro, hanyuma ngahagarika kwandika
maze nkajya gusoma ngo noze impapuro nanditse. Ubwonko bwanjye bwarakoreshejwe cyane
bikabije, kandi namaze ibyumweru bitatu ntabasha gusinzira igihe kirenga amasaha abiri mu ijoro.
Nahoraga mbabara umutwe. [3UB238]
Hanyuma nakusanyirije mu muzingo wa 4 ingingo zose z'ingenzi cyane nari naherewe mu
iyerekwa zerekeye ubuzima. Nari mfite umugambi wo kuzasohora ikindi gíhamya nashoboraga
kuvugiramo mu buryo nisanzuye kurutaho nkavuga ku munezero namakuba birangwa mu buzima
bw'urushako. Nasoje umuzingo wa 4 [kuwa 23 Kanama 1864] nzirikana ko ugomba
gukwirakwizwa mu bantu. Nazigamye ingingo zimwe z'ingenzi zivuga ibijyanye n'ubuzima
kubera ko ntari mfite imbaraga cyangwa igihe byo kuzitegura ngo zijye muri uwo muzingo, kandi
ngo ziboneke mu gihe cy'urugendo rwacu rwerekezaga mu Burasirazuba mu mwaka wa 1864.
[3UB238]
KWANDIKA UDASHINGIYE KU BITABO CYANGWA KU BITEKEREZO BY'ABANDI
Ibyo nanditse byerekeye ubuzima ntibyakuwe mu bitabo cyangwa izindi nyandiko. Igihe
nabwiraga abandi ibintu nabaga nareretswe, bambazaga ikibazo bati: "Mbese wigeze ubona
inyandiko nka, Amategeko y'Ubuzima

72 Umuzingo wa 5 wakomeje uvuga ku mateka yo mu Isezerano rya Kera uhereye igihe cyo kubaka ingoro y'Imana ukageza kuri Salomo. Aya
magambo yanditswe kuri paji 119, zikurikiwe n'igice gifite paji 40 gifite umutwe uvuga ngo "Ubuzima."

[3UB238] cyangwa Ikinyamakuru kivuga ibyo Kuvurisha Amazi?" Narababwiye nti, "Oya, izo
nyandiko zose nta n'imwe nigeze mbona." Baravuze bati: "Ibyo weretswe bihuje cyane na nyinshi
mu nyigisho ziri muri ziriya nyandiko." Naganiriye na Dogoteri Lay nisanzuye ndetse n'abandi
benshi ku bintu nari nareretswe bijyanye n'ubuzima. Ntabwo nari narigeze mbona inyandiko ivuga
ku by'ubuzima. [3UB239]
Nyuma yo guhabwa iyerekwa, umugabo wanjye yakangukiye kwita ku bibazo bijyanye n'ubuzima.
Igihe twari mu rugendo twerekeza mu Burasirazuba yabonye ibitabo ariko ntiyabasha kubisoma.
Igitekerezo nari mfite cyari gisobanutse neza, bityo rero ntabwo nashakaga kugira ikindi kintu
nsoma ntarasoza neza ibitabo byanjye nandikaga. Ibitekerezo byanjye byanditswe bidashingiye ku
bitabo cyangwa ku bitekerezo by'abandi." Manuscript 7, 1867. [3UB239]
 IGICE CYA 33
IMIKORESHEREZE IKWIRIYE Y'IBIHAMYA BIVUGA KU IVUGURURA MU BY'UBUZIMA"73
Nizera rwose ntashidikanya ko iherezo rya byose riri bugufi, kandi imbaraga zose Imana yaduhaye
zikwiriye gukoreshwa mu murimo ukoranywe ubwenge cyane kandi uhanitse dukorera Imana.
Uwiteka yahagurukije ishyanga arikuye mu b'isi kugira ngo ye kuribonereza gusa kuzaba mu ijuru
ritunganye kandi ryera, ahubwo binanyuze mu bwenge azariha, anabategurire kuba abakozi
bakorana n'Imana mu gutegura ishyanga rigomba kuzahagarara mu munsi w'Imana. [3UB240]
Umucyo mwinshi watanzwe ku bijyanye n'ivugurura mu by'ubuzima, ariko ni ngombwa ko abantu
bose bafata iyi ngingo mu bwitonzi n'ubushishozi bwinshi kandi bakayishyigikirana ubwenge. Mu
byagiye bitubaho, twabonye abantu benshi batagiye bigisha ivugurura mu by'ubuzima mu buryo
butashyiraga isura nziza cyane mubo bifuzaga ko bakira ibitekerezo byabo. Bibiliya yuzuyemo
inama nziza z'ubwenge, ndetse muri yo ibijyana no kurya no kunywa byitabwaho uko bikwiriye.
Amahirwe ahebuje andi umuntu ashobora kwishimira ni ayo kugabana kuri kamere y'Imana, kandi
kwizera kutubera umurunga uduhuriza mu mubano ukomeye n'Imana kuzarema kandi kugorore
intekerezo n'imyitwarire ku buryo tuzahinduka umwe na Kristo. Binyuze mu ipfa ry'inda
ritarangwa no kwirinda, nta muntu n'umwe wari ukwiriye gukabya guhaza ipfa rye kugeza

73 Iyi ngingo yandikiwe i Battle Creek muri Michgan, kuwa 23 Werurwe 1881, kandi isohoka mu Rwibutso n'Integuza rwo kuwa 25 Kamena 1959.

[3UB240] ubwo aciye intege imikorere iyo ari yo yose y'umubiri w'umuntu bityo akangiriza
ubwenge n'umubiri. Umuntu ni ubutunzi bw'Uwiteka yicunguriye. [3UB241]
Niba twaragabanye kuri kamere y'Imana, tuzabaho dusabana n'Umuremyi wacu kandi duhe
agaciro imirimo yose y'Uwiteka yateye Dawidi kuvuga ati: "Maremwe mu buryo buteye ubwoba
butangaza" (Zaburi 139:14). Ntabwo ingingo z'imibiri yacu tuzazifata nk'umutungo wacu bwite
nk'aho ari twe twaziremye. Ubushobozi bwose Imana yahaye umubiri w'umuntu bugomba
guhabwa agaciro. "Ntimuri abanyu ngo mwigenge, kuko mwaguzwe igiciro. Nuko rero mutume
imibiri yanyu ihimbaza Imana" (1Abakorinto 6:19, 20). [3UB241]
Ntabwo tugomba gufata nabi n'ubushobozi bumwe bw'ubwenge, ubugingo cyangwa umubiri.
Ntabwo dushobora gukoresha uko bidakwiriye na rumwe mu ngingo z'ingenzi z'umubiri w'umuntu
ngo tubure guhanwa bitewe no kwica amategeko y'ibyaremwe. Iyo idini ya Bibiliya ishyizwe mu
bikorwa mu buzima ituma habaho gukuza ubwenge ku rwego ruhanitse. [3UB241]
Kwirinda kurererezwa kugashyirwa ku rwego ruhanitse mu Ijambo ry'Imana. Iyo twumviye
Ijambo ry'Imana dushobora kuzamuka tukagenda turushaho kujya ku rwego ruhanitse. Muri ryo
havuzwemo akaga gaterwa no kutirinda. Ibyiza bironkerwa mu kwirinda byashyizwe imbere yacu
twese binyuze mu Byanditswe Byera. Ijwi ry'Imana riratubwira riti: "Namwe mube mukiranutse
nk'uko So wo mu ijuru akiranuka" (Matayo 5:48). [3UB241]
Urugero rwa Daniyeli twaruherewe ngo twigane ubushishozi kandi tumenye amasomo Imana
ishaka ko twigira muri uru rugero twaherewe mu mateka yera. [3UB241]

KWIRINDA UBUHEZANGUNI
Dushaka kwigisha kwirinda ndetse n'ivugurura mu by'ubuzima dushingiye kuri Bibiliya, kandi
dushaka kwigengesera cyane kugira ngo tutajya mu buhezanguni dukorera ubuvugizi ivugurura
mu by'ubuzima mu buryo buhutiyeho. Nimutyo twigengesere twe gutsindira agashami gato kamwe
gapfuye mu ivugurura mu by'ubuzima dukurikije ibitekerezo byacu byihariye birangwamo
gukabya kandi ngo turisobekemo amatwara akomeye arangwa mu mico yacu ngo ibyo tubigire
nkaho ari ijwi ry'Imana, ndetse ducire urubanza abantu bose batabona ibintu nk'uko tubibona.
Kwigisha umuntu ngo ave mu kamenyero kabi asanganwe bitwara igihe. [3UB241]
Hari ibibazo byinshi biza biturutse ku bavandimwe bacu mu kwizera bibaza ku bijyanye
n'ivugurura mu by'ubuzima. Hari amagambo avugwa ko abantu bamwe bari gufata umucyo
watanzwe mu bihamya ku ivugurura mu by'ubuzima maze uwo mucyo bakawugira igipimo
[bapimisha abandi]. Batoranya amagambo amwe yavuzwe ku bijyana n'ingingo zimwe zanditswe
ku mirire nk'izigirwaho impaka (ni amagambo yanditswe ari umuburo[3UB241] n'amabwiriza
byahabwaga abantu runaka binjiraga cyangwa bari barinjiriye mu nzira mbi). Batinda kuri ibyo
bintu maze bakabikomeza uko bashoboye kose, maze ya magambo yanditswe bakayacengezamo
amatwara yabo yihariye kandi ahinyurwa arangwa mu mico yabo, bityo byose bakabitwara mu
mbaraga nyinshi, muri ubwo buryo bakabigira igipimo, kandi bakabijyana aho bitagira ikindi
bikora uretse kwangiriza. [3UB242]

GUTWARA IBINTU MU RUGERO NO KWIGENGESERA BIRAKENEWE

Ubugwaneza no kwiyoroshya byarangaga Kristo birabuze. Gutwara ibintu mu rugero no
kwigengesera birakenewe cyane, ariko abantu ntibafite aya matwara yifuzwa aranga imico.
Bakeneye ko Imana ibagenderera ikabatunganya. Kandi bene abo bantu bashobora gufata
ivugurura mu by'ubuzima maze bakangiriza byinshi baryifashishije bashyira urwikekwe mu
ntekerezo z'abantu ku buryo abantu bazagera ubwo biziba amatwi kugira ngo batumva ukuri.
[3UB242]
Ivugurura mu by'ubuzima nirikorwa neza, rizaba icyanzu ukuri gushobora gucamo kukagera ku
ntsinzi igaragara. Ariko kwigisha ivugurura mu by'ubuzima mu buryo butarangwamo ubwenge,
maze iyo nsanganyamatsiko ikagirwa umutwaro ku butumwa, ibyo byateje urwikekwe ku batizera
maze biba inkomyi mu nzira igana ku kuri, bisiga isura mu bantu ko turi abahezanguni. Ubu
noneho Uwiteka ashaka ko tuba abanyabwenge kandi tugasobanukirwa ubushake bwe. Ntabwo
tugomba gutanga icyuho cyo gutera abantu kudufata nk'abahezanguni. Ibi byazatuma abantu
bafata nabi ari twe ubwacu ndetse n'ukuri Imana yaduhaye. Binyuze mu gucengeza inarijye [muri
uko kuri] ibyo tugomba guhora tugeza ku bandi nk'umugisha bihinduka igisitaza. [3UB242]
Tubona abantu bazajya mu bihamya maze bagatoranyamo amagambo akomeye cyane, maze aho
gusesengura cyangwa kureba amateka y'uko ibintu byari bimeze ubwo ayo mabwiriza n'imiburo
byatangwaga, ya magambo akomeye bayagire ihame mu kantu kose. Uko ni ko batuma mu
ntekerezo z'abantu hazamo isura mbi. Iteka haba hariho abantu baba biteguye kwakira ikintu icyo
ari cyo cyose bashobora gukoresha bagashyira abantu ku gipimo gikakaye, kandi bazacengeza
ibijyanye n'imico yabo mu mavugurura. Ibi mu itangira bihita bibyutsa kurwanywa n'abo bajyaga
gufasha iyo baza gukorana ubushishozi, bagateza impinduka nziza yari gutera abantu kubakurikira.
Bazajya ku murimo, maze bibasire abantu. Bazajya bafata ibintu bimwe bakuye mu bihamya maze
babitsindagire umuntu wese, bityo bazinure abantu aho kubazana ku kuri. Barema ibice mu bantu
mu gihe bagombye kandi bari bakwiriye kuzana amahoro mu bantu. [3UB242]
AKAGA K'IMIRYANGO ELLEN G. WHITE YERETSWE
Neretswe akaga Kimiryango igira amatwara arangwa n'iruba, aho usanga kamere ya kinyamaswa
iganje. Abana babo ntibagombye kwemererwa kurya amagi, kubera ko ibi byokurya (amagi
n'inyama) bigaburira kandi bigatera iruba rya kinyamaswa kugurumana. Kuri bo, ibi bituma
bibakomerera cyane gutsinda igishuko cyo kwirundurira mu migenzereze y'icyaha yo
kwiyandarika gukorwa hafi y'ahantu hose ku isi muri iki gihe. Iyi migirire ica intege imbaraga
z'umubiri, iz'ubwenge n'iz'imicombonera kandi bigafunga inzira igana ku bugingo buhoraho.
[3UB243]
Neretswe imiryango imwe nabonye iri mu mibereho ibabaje cyane. Bitewe n'iki cyaha
cy'urukozasoni, bari ahantu ukuri kw'Imana kudashobora kubona aho kunyura ngo kugere mu
mutima cyangwa mu ntekerezo. lyi migirire iganisha ku bushukanyi, ku kinyoma, ku gutwarwa
n'iruba, ndetse no kwangiriza no guhumanya intekerezo z'abandi hatabuzemo n'izabana bato.
Ingeso umuntu yatoye kuyitsinda biba bikomeye cyane kuruta gutsinda kurarikira inzoga cyangwa
itabi. [3UB243]
Ibyo bibi biganje bityo, byanteye kuvuga amagambo navuze. Ugucyaha kwihariye kwagiye
gutangwa mu miburo yahabwaga abandi; bityo bikaza kugera imbere y'indi miryango itari
iy'abantu babaga bakosowe kandi bacyashywe. Ariko mureke ibihamya byivugire. Ntihakagire
abantu bakusanya amagambo akomeye yavuzwe yahawe abantu bihariye n'imiryango, ngo ibyo
bintu babihatire abandi kubera ko bashaka kubikoresha nk'inkoni no kugira ikintu cyo
kubakubitisha. Nimutyo abo bantu bagira amashagaga kandi baba bamaramaje bafate Ijambo
ry'Imana n'ibihamya kuko ari byo bigaragaza uburyo kwihangana, urukundo n'ubumwe buzira
amakemwa ari ngombwa bityo bakorane umwete kandi badacogora. Nibaba bafite imitima
yorohejwe kandi igengwa n'ubuntu bwa Kristo, ndetse bakaba bacishijwe bugufi muri bo ubwabo
kandi bakaba buzuye ubugwaneza bwa kimuntu, ntabwo bazateza urwikekwe, kandi ntibazateza
ibice mu matorero ndetse ngo bayace intege. [3UB243]

AMAVUTA Y'INKA, INYAMA, NA FOROMAJE

Ikibazo kibaza niba dushobora kurya amavuta y'inka, inyama na foromaje ntikigomba gushyirwa
imbere y'umuntu uwo ari wese nk'igipimo, ahubwo tugomba kwigisha kandi tukerekana ibibi
by'ibintu abantu bibazaho. Abantu bakusanya ibyo bintu maze bakabishyira ku bandi nk'igipimo
ntibazi umurimo bari gukora. Ijambo ry'Imana ryatanze ibipimo ubwoko bwayo bupimirwaho.
Kubahiriza itegeko ryera ry'Imana, itegeko ry'Isabato, ni igipimo, kandi ni ikimenyetso hagati
y'Imana n'ubwoko bwayo mu bisekuru byabwo bwose iteka ryose. By'iteka ryose, uyu ni wo
mutwaro ugize ubutumwa bwa marayika wa gatatu: amategeko y'Imana n'ibihamya bya Yesu
Kristo. [3UB243]

ICYAYI, IKAWA, ITABI N'INZOGA

Tugomba kwerekana ko kunywa icyayi, ikawa, itabi n'inzoga ari ibinezeza by'icyaha. Ntabwo
dushobora kubishyira ku rwego rumwe n'inyama, amagi, amavuta y'inka, foromaje ndetse n'ibindi
biribwa bishyirwa ku meza. Ibi byo ntibigomba gushyirwa imbere nk'aho ari umutwaro
w'umurimo wacu. Nyamara biriya twavuze ahabanza (icyayi, ikawa, itabi, inzoga z'amoko yose
na divayi ihiye) ntibigomba no gufatwaho mu rugero, ahubwo bigomba kwirindwa rwose.
Ibinyabutabire by'uburozi bubibamo ntibigomba gufatwa kimwe n'amagi, amavuta y'inka na
foromaje. [3UB244]
Katanga ka mbere ibyokurya bikomoka ku nyamaswa ntibyari byaragenewe kuba ibiribwa
by'umuntu. Dufite ibihamya byose byerekana ko inyama (umubiri) z'inyamaswa (amatungo)
zapfuye zateza akaga bitewe n'indwara zigenda ziba gikwira mu isi yose, kandi bitewe n'umuvumo
ugenda urushaho kugwira ari ingaruka z'ingeso mbi n'ibyaha bya muntu. Tugomba kwerekana
ukuri. Tugomba kurindwa tubwirwa uburyo bwo gukoresha ubwenge bwacu maze tugahitamo
ibiribwa bizabyara amaraso meza cyane kandi bikayarinda ntarangwemo uburwayi. -Manuscript
5,1881. [3UB244]
Umurimo Utesha Agaciro Ivugurura mu by'Ubuzima
Hazabaho abantu bamwe batazasiga isura nziza kandi itunganye rwose mu ntekerezo z'abandi.
Hazabaho abantu bihambira ku bitekerezo n'imigambi bitagutse, ndetse ntibagire n'igitekerezo na
gito ku cyaba kigize ivugurura mu by'ubuzima. Bene abo bazafata ibihamya byahawe abantu
bihariye bari bari mu bihe n'imibereho byihariye, maze ibyo bihamya babigire rusange kandi
bavuge ko bigomba gukoreshwa ahantu hose, kandi mu kugenza batya bazatesha agaciro umurimo
wanjye n'imbaraga y'ibihamya ku ivugurura mu by'ubuzima. -Letter 57, 1886. [3UB244]
 IGICE CYA 34

INGORANE MU BY'UMWUKA NO KU MUBIRI ZITERWA NO GUKABYA Mu

GUHAZA IPFA

IMPINDUKA ZATEWE NO KURYA INYAMA

Inyama z'inyamaswa (amatungo) zapfuye ntizari ibyokurya by'umwimerere umuntu yahawe.
Umuntu yemerewe kuzirya nyuma y'umwuzure bitewe n'uko ibimera byose byari byaratikiye.
Ariko umuvumo umuntu yavumwe ndetse n'isi n'igifite ubugingo cyose wazanye impinduka
z'amayobera kandi zitangaje. Uhereye igihe cy'umwuzure, inyokomuntu yagiye igabanya igihe
cyayo cyo kurama. Gusigingira mu gihagararo, mu bwenge no mu mico mbonera biragenda
birushaho kwiyongera muri iyi minsi iheruka. -Manuscript 3, 1897. [3UB245]

GUSHAKA IBYIZA MU NYURABWENGE KWARANGIRITSE

Ntabwo muzi akaga ko kurya inyama bitewe n'uko muba muzirarikiye. Kubwo kurya inyama,
umuntu aba ashyize mu kanwa ke ibyokurya bikangura ibyifuzo bibi. Amarangamutima
atarangwamo kwera yuzura intekerezo, bityo amaso y'umwuka akijimishwa; kubera ko aho
kwinezeza kuganisha ari ukwangiriza inyurabwenge n'ubushobozi bwo gukunda ibyiza. Kubwo
gushyira ku meza yawe bene ibi byokurya, uba ukora ibinyuranyije n'ubushake bw'Imana. Haba
habayeho ibintu bizaganisha umuntu mu gusuzugura amahame yo mu mategeko y'Imana...
[3UB245]
Ariko gutsinda imbaraga yo guhengamira ku kibi umuntu yakuye ku babyeyi n'izo we ubwe
yamenyereje ntabwo ari ibintu byoroshye. Kamere ifite ubutware kandi ihora irwanira gutsinda.
Ariko "unesha" nawe yahawe amasezerano. Uwiteka yerekana inzira itunganye, ariko ntawe
ahatira kumvira. Areka abo yahaye umucyo ngo bawakire cyangwa bawuhinyure, ariko imigirire
yabo ntibura gukurikirwa n'ingaruka. Igikozwe kigomba kugira ingaruka... [3UB246]
Ababyeyi bafite inshingano irushijeho gukomera yo gukurikiza imigenzereze itunganye mu mirire
no mu minywere. Babyeyi, nimushyire imbere y'abana banyu ibyokurya byoroheje kandi
bikungahaye ku byo umubiri ukeneye ngo umererwe neza, mwirinde ikintu cyose gikabura
umubiri. Ingaruka ibyokurya bigizwe n'inyama bigira ku bana barakazwa n'ubusa si izo
kubahindura abana bafite amatwara yo gutuza kandi bihangana, ahubwo baba ibifura,
abanyaburakari, kandi ntibihanganire umuntu ubakumira agira ibyo ababuza. Imigirire itunganye
iratakara, bityo kwangirika kukarimbura intekerezo, ubugingo n'umubiri. -Manuscript 47,1896.
[3UB246]

UBUZIMA BW'IBY'UMWUKA BUSHYIRWA MU KAGA

Kurya inyama z'amatungo yapfuye byangiriza ubuzima bw'umubiri w'umuntu, kandi abantu bose
barya ibyokurya birimo inyama baba bari kongera amatwara yabo ya kinyamaswa kandi baba bari
kugabanya ubushobozi bw'ubugingo bwabo bwo gusobanukirwa imbaraga y'ukuri n'uburyo ari
ngombwa ko uko kuri kwinjizwa mu mibereho yabo y'ibigaragara. -Letter 54, 1896. [3UB246]
 UBUZIMA BUFATIKA BUFITANYE ISANO N'UBUZIMA BW'IBY'IDINI
Kurya inyama z'inyamaswa zapfuye bigira ingaruka zangiriza ku mibereho y'iby'umwuka. Iyo
inyama zigizwe icyokurya cy'ingenzi gihora mu mafunguro, ubushobozi buhanitse bw'umuntu
butsikamirwa n'ibyifuzo bibi byo ku rwego rwo hasi. Ibyo bintu ni igitutsi ku Mana, kandi ni
intandaro yo gusigingira mu mibereho y'iby'umwuka.... Ibyo dukora byose mu bijyanye n'imirire
n'iminywere bikwiriye gukorwa hari umugambi wihariye wo gutunga umubiri, kugira ngo tubashe
gukorera Imana duhesha izina ryayo icyubahiro. Umubiri wose ni ubutunzi bw'Imana, bityo rero
tugomba kwita cyane ku mibereho myiza y'umubiri wacu kubera ko ubuzima bw'iby'idini
bufitanye isano ya bugufi n'ibyo twimenyereza ndetse n'imigenzereze mu by'umubiri. -Letter 69,
1896. [3UB246]
Uwiteka yagiye yigisha ubwoko bwe ko kwirinda kurya inyama biri mu nyungu zabwo mu
by'umwuka n'iby'umubiri. Ntabwo ari ngombwa ko ubwoko bwe burya inyama z'inyamaswa
zapfuye. - Letter 83, 1901. [3UB246]

AKAGA GATERWA NO GUKERENSA KU BUSHAKE

Ibyo turya n'ibyo tunywa bigira ingaruka z'ingenzi ku buzima bwacu, kandi Abakristo bakwiriye
kuzana akamenyero kabo mu mirire n'iminywere ntikanyuranye n'amategeko agenga ibyaremwe.
Tugomba gusobanukirwa inshingano dufite ku Mana muri izi ngingo. Kumvira amategeko
y'ubuzima bikwiriye kugirwa ingingo yiganwa umwete; kubera ko gukerensa ku bushake mu
bijyanye n'iyi ngingo ari icyaha. Umuntu wese yari akwiriye kumva ko afite inshingano yihariye
yo gukurikiza amategeko agenga imibereho igamije amagara mazima. [3UB247]

MBESE TURI ABA NDE?

Abantu benshi batera ukuri umugongo basembuwe n'uko hari ijambo ry'imbuzi bahawe, maze
bakabaza bati: "Mbese ntitwakora ibidushimisha ubwacu?" Mbese mwariremye? Kandi nimwe
mwiyishyuriye ikiguzi cyo gucungurwa k'ubugingo bwanyu n'imibiri yanyu? Niba ari ko bimeze,
ubwo muri abanyu bwite. Ariko ljambo ry'Imana riravuga riti: "Mwaguzwe igiciro," "amaraso
y'igiciro cyinshi ya Kristo." Ijambo ry'Imana ritubwira ryeruye ko ingeso karemano zacu zigomba
kurindwa rwose kandi zigategekwa. "Mwirinde irari ry'umubiri rirwanya ubugingo." Mbese ibi
tuzabikora? Ijambo ry'Imana riratunganye rwose, rihindura ubugingo. Nitwumvira amategeko
yaryo tudakebakeba, tuzahindurwamo ishusho y'Imana haba ku gihagararo no mu by'umwuka. -
Letter 103, 1896. [3UB247]

IMBOGAMIZI KU GUTERA IMBERE MU BY'UBWENGE NO KWEZWA K'UBUGINGO

Imana isaba ubwoko bwayo guhora bukuza amajyambere. Bukeneye kumenya ko ipfa ry'inda
rikabije guhabwa intebe ari yo mbogamizi ikomeye cyane ku gutera imbere mu by'ubwenge no
kwezwa k'ubugingo. Nk'ishyanga rifite ibyo twizera byose bijyanye n'ivugurura mu by'ubuzima,
turya ibyokurya byinshi. Gukabya mu guhaza ipfa ni yo ntandaro ikomeye cyane y'ubushobozi
buke mu mubiri no mu bwenge, kandi ni byo ahanini bigize ipfundo ry'intege nke no gukenyuka.
Kutirinda gutangirira ku meza yacu igihe dukora uruvangitirane rudakwiriye rw'ibyokurya.
Mureke umuntu wese ushaka kugira gutungana mu mwuka we azirikane ko muri Kristo hari
imbaraga zo gutegeka ipfa. -Manuscript 73, 1908. [3UB247]
Ubwo twegereza iherezo ry'amateka y'iyi si, kwikanyiza, urugomo n'ubugome biraganje nk'uko
byari biri mu minsi ya Nowa. Kandi intandaro ni imwe (ni ugusayisha mu guhaza ipfa n'irari).
Ívugurura mu byo abantu bagize akamenyero mu buzima rirakenewe ariko by'umwihariko muri
iki gihe, kugira ngo ishyanga ribe riteguriwe kugaruka kwa Kristo. Umukiza ubwe aburira itorero
agira ati: "Ariko mwirinde, imitima yanyu ye kuremererwa n'ivutu no gusinda n'amaganya y'iyi si,
uwo munsi ukazabatungura" (Luka 21:34). [3UB247]
Ivugurura mu birebana n'isuku ni ingingo dukeneye gusobanukirwa kugira ngo tubashe kwitegura
ibigiye kubaho bitwegereye. Iri ni ishami rimwe ry'umurimo w'Uwiteka rititaweho nk'uko byari
bikwiriye, kandi hari byinshi byatakaye bitewe no gukerensa. Iri vugurura ryagombye guhabwa
umwanya w'ingenzi; ntabwo ari ingingo ikwiriye gufatwa mu buryo bworoheje, ngo abantu
bayitambukeho nk'aho itari ingenzi, cyangwa ngo ifatwe nk'urw'amenyo. Iyaba abagize itorero
bagaragazaga kwita kuri iri vugurura bisumbyeho, imbaraga bafite yo kurehereza abantu gukora
icyiza yakwiyongera cyane. [3UB248]
Ku bategereje kugaruka K'Umukiza Yesu Kristo, ku bahamagariwe kuba abakozi bo mu ruzabibu
rwe (ku bantu bose bari kwitegura kuzagira umwanya mu ngoma itazahanguka), mbega ukuntu ari
ingenzi ko ubwonko bwabo buba butunganye, kandi uko bishoboka kose umubiri nawo ukaba
utarangwamo indwara. - Undated Manuscript 9. [3UB248]
 IGICE CYA 35
KWIGISHA IVUGURURA MU BY'UBUZIMA MU MURYANGO

KUTABUSANYA KW'ABABYEYI N'ABANA IGIHE BARI KU MEZA

Umurimo wacu muri iki gihe ni umurimo wubashywe kandi usaba ubwitonzi. Ntabwo tugomba
kuwuhunga. Hari ubukene bukomeye cyane bwo kwigisha mu byerekezo byinshi. Übukene
bumwe bukomeye cyane mufite ni ubwo kumva ko Imana ari yo ikurikirana ibyo mukora. Muri
umutungo w'Imana. Abana banyu nabo ni umutungo wayo mugomba kwigisha no gutoza nka
bamwe mu bagize umuryango w'Uwiteka bakiri bato, badakwiriye kwifata ko bagomba gusayisha
mu tugeso utwo ari two twose kandi nta kintu na kimwe babuzwa. Iyaba namwe mwitegerezaga
gahunda nk'iyo yo gutoza ikinyabupfura mubonana abandi mu buryo bacunga abana babo, namwe
ubwanyu mwabanenga bikomeye. [3UB249]
Byongeye kandi, ntimugakabye ngo mwicare ku meza ateguyeho amoko menshi y'ibiribwa, ngo
kubera ko mubikunda, mubirire imbere y'abana maze mubabwire muti, "Oya, mwebwe
ntimushobora kurya ibi. Na biriya nabyo ntimwabirya, byazabagirira nabi," nyamara mwe
ubwanyu muri kurya byinshi cyane kuri ibyo bintu muri kubabuza gukoraho. Imyitwarire yanyu
muri ibi ikeneye ivugurura n'ihame ry'imigirire ikurikiza. [3UB249]
Ni ubugome ubwanyu muba mukoze kwicara imbere y'ifunguro rya gatatu, maze mukanyurwa no
kuvuga no kwinezeza ubwanyu nyamara abana banyu babicaye iruhande ntacyo barya, mu rwego
rwo kwerekana ikinyabupfura gihanitse abana banyu bafite gituma mubareka bakabahanga amaso
murya ariko ntibigomeke ku butware bwanyu. Nyamara barigomeka. [3UB249]
Ubu baracyari bato, ariko amaherezo gukomeza iyi myitwarire bizahindura ubusa ubutware
bwawe. [3UB250]
GUHATIRA ABANA KURYA BAKARENZA URUGERO
Hanyuma kandi nanone usa n'aho ugira ubwoba iyo abana bawe bari ku meza ugatinya ko
batararya bihagije bityo ukabahatira kurya no kunywa. Ntabwo ari ngombwa ko uhangayika na
gato kandi ngo werekane umutima uhagaze wagaragaje utinya ko batararya bihagije. Ibifu byabo
ni bito bityo rero ntibishobora kujyamo ibyokurya byinshí. Icyiza kirutaho, kubw'iyi mpamvu
nimubareke bajye bafata amafunguro atatu aho gufata abiri. Mujya mubareka bakarya ibyokurya
byinshi ku ifunguro rimwe. Muri gushyiraho urufatiro rwo kwagura ibifu, kandi ibyo bizabyara
kugira ibibazo by'igogorwa ry'ibyokurya. [3UB250]
Kurya no kunywa ibitabakwiriye kuri bo nta bwenge bubirimo. Kandi nanone, menya neza ko
wabashyize imbere ibyokurya wifuza ko barya koko. Ibyokurya byujuje ubyangombwa bituma
bagira amagara mazima kandi nawe byagutera kugira amagara mazima. Ariko ingano y'ibyokurya
bitera kugira amagara mazima ikwiriye kwiganwa ubushishozi kugira ngo mu gifu hatajyamo
ubwoko bumwe bwinshi mu ifunguro rimwe. Niba dushaka kwigisha abana bacu amasomo
akwiriye, twe ubwacu tugomba kwirinda mu bintu byose. Iyo bamaze gukura icyo ari cyo cyose
utitayeho kiragaragara. -Letter 12, 1884. [3UB250]

KUDASHYIRAHO ITEGEKO NA RIMWE

Nta byokurya bikwiriye kwemerwa kuribwa hagati y'amafunguro yacu. Mu myaka makumyabiri
n'itani ishize nagiye mfata amafunguro abiri gusa mu munsi. Njye ubwanjye sinkoresha amavuta
y'inka, ariko bamwe mu bakozi banjye dusangirira ku meza yanjye barayarya. Ntabwo bita ku
mata kuko abamerera nabi mu gifu nyamara bashobora kurya amavuta y'inka make. [3UB250]
Ntabwo dushobora gukemura ikibazo cy'imirire dushyiraho itegeko iryo ari ryo ryose. Abantu
bamwe bashobora kurya ibishyimbo n'amashaza yumye, ariko kuri njye iyi mirire imerera nabi.
Imbera nk'uburozi. Abantu bamwe bagirira ipfa ndetse bagakunda ibintu runaka kandi bikabagwa
neza. Abandi nabo ugasanga batabikunda. Bityo rero, abantu bose ntibashobora gushyirirwaho
itegeko rimwe. -Manuscript 15, 1889. [3UB250]
 IGICE CYA 36
ELLEN WHITE NO GUSENGERA ABARWAYI
Abantu bamwe babajije ikibazo kigira kiti: "Mbese Ellen White yigeze akiza abarwayi?"
Ndasubiza nti: "Oya, oya; akenshi umuvandimwe wanyu Ellen White yagiye ahamagarirwa
gusengera abarwayi, no kubasiga amavuta mu izina ry'Umwami Yesu, kandi ari kumwe n'abo
barwayi yagiye abasabira gusohorezwa isezerano rivuga ngo, 'Isengesho ryo kwizera rizakiza
umurwayi." Nta mbaraga y'umuntu yakiza umurwayi, ariko binyuze mu isengesho risenganwe
kwizera, Umuganga Ukomeye yasohoreje isezerano rye abiyambaje izina rye. Nta mbaraga
z'umuntu zishobora kubabarira icyaha cyangwa gukiza umunyabyaha. Nta muntu n'umwe
ushobora gukoraibyouretse Kristo wenyine, we muganga w'umunyampuhwe uvura umubiri
n'ubugingo. [3UB251]
Akenshi nagiye ngira amahirwe yo gusengana n'abarwayi. Ibi twagombye kubikora kenshi kurenza
uko tubikora. Iyaba mu mavuriro n'ibitaro byacu hasengerwa amasengesho asumbyeho dusabira
gukira kw'abarwayi, imbaraga ikomeye y'Umuganga Mukuru yagaragara. Abandi bantu benshi
bahabwa imbaraga n'umugisha, kandi n'izindi ndwara nyinshi z'ibikatu zakira. [3UB251]
Imbaraga za Kristo zo gukiza indwara zagiye zihishurwa mu bihe byashize mu buryo bugaragara
rwose. Mbere y'uko tugira umugisha wo kubaka ibigo abarwayi bashoboraga kugana
bakahabonera ubufasha kubw'umubabaro babaga bafite, kubwo kubitaho mu bwitonzi no
gusengana umwete twizeye Imana, twabashije gufasha abari barwaye ku buryo byasaga n'aho nta
cyizere na gike bari bafite cyo gukira maze babisohokamo amahoro. Muri iki gihe Uwiteka
arararikira abarwayi bababazwa kumwizera. Icyo umuntu akeneye giha Imana akito ko gukora.
[Mariko 6:1-5].... [3UB251]

ISENGESHO RYOROHEJE RIVUYE KU MUTIMA RIGOMBA GUHEREKEZA KUVURWA

Mu buvuzi bwose duha abarwayi, dukwiriye gusenga isengesho ryoroheje rivuye ku mutima risaba
umugisha wo gukira indwara. Tugomba kwereka abarwayi Umukiza w'umunyampuhwe, kandi
tukabereka n'imbaraga afite zo kubabarira ibyaha no gukiza indwara. Bashobora guhemburwa
bagakira binyuze mu mbabazi ze zuje ubuntu. Abababazwa nimubereke Umuvugizi wabo uri mu
bikari byo mu ijuru. Nimubabwire ko Kristo azakiza abarwayi, nibaramuka bihannye kandi
bakareka kwica amategeko y'Imana. Hariho Umukiza uzigaragariza mu mavuriro n'ibitaro byacu
kugira ngo akize abazamwiyegurira. Abarwayi bashobora gufatanya namwe mu isengesho,
bakatura ibyaha byabo, kandi bakakira imbabazi. [3UB252]
Kristo ni we Ukiza Indwara. Ntabwo Ellen White yigeze avuga ko akiza abarwayi. Mu byabaye
byose Kristo ni we wagiye ukiza abarwayi, kandi Kristo mu minsi y'umurimo we ku isi ni we
wazuye abapfuye. Kristo ni we ukorera ibikomeye byose mu murimo w'abagaragu be. Uyu Kristo
ni we ukwiriye kwiringirwa no kwizerwa. Umugisha we uba ku buryo bukoreshwa ngo habeho
guhemburwa kubuzima uzazana kugera ku ntsinzi. Kristo yishimira kugaragariza impuhwe ze
inyokomuntu ibabazwa. Kristo ni we uha abarwayi gukira, kandi abaganga bagomba kumuha
ikuzo kubw'imirimo itangaza yakoze. -Letter 158, 1908. [3UB252]
 UMUGABANE WA IX: INAMA ZATANZWE KU NGINGO ZITARI ZIMWE

IJAMBO RY'IBANZE
Kubera impamvu imwe cyangwa indi, mu myaka myinshi hari ingingo zitandukanye z'inama Ellen
White yatanze zagiye zishyirwa ku ruhembe rw'imbere kandi zasabaga ko tuzitaho. Izo ngingo
zihera ku mucyo wagiye utangwa uhereye ku byerekeye gukora uturima tw'imbuto, ukagera ku
ngingo ivuga ubuziranenge n'agakiza. Izi ngingo zose zasaga n'aho bikwiriye ko zinjizwa mu
gitabo cy'Ubutumwa Bwatoranyijwe. Izi ngingo nizo ziri muri uyu mugabane. [3UB253]
Nubwo inyinshi muri izi ngingo zizaba zinejeje kandi zikagirira umumaro abasomyi hafi ya bose,
hariho umwihariko wo kwita ku ngingo nyinshi ziheruka, harimo "Guhinyura Abavugabutumwa
bajya ku ruhembe rw'imbere" n' "Ibitero kuri Ellen White no ku Murimo we." Iyo haza kuboneka
umwanya wo kwandikamo, hari izindi ngingo ziba zarashyizwe muri uyu mugabane. -Abashinzwe
kurinda inyandiko za Ellen White." [3UB253]
 IGICE CYA 37

ABADIVENTISITI B'UMUNSI WA KARINDWI NO KUBURANA MU ΝKΙΚΟ

Kubwira Abatizera Ibibazo Biri mu Itorero. - Igihe mu itorero havutse impagarara, ntabwo
dukwiriye kujya gushakira ubufasha ku banyamategeko n'abacamanza tudahuje kwizera. Ntabwo
Imana yifuza ko ibibazo by'itorero tubivugira imbere y'abantu batayubaha. Ntabwo ishaka ko
dushakira ubufasha ku bantu batumvira ibyo isaba. Abantu biringira bene abo bajyanama baba
berekana ko batizera Imana. Bitewe no kutagira kwizera kwabo, Uwiteka arasuzugurwa bikomeye,
kandi imigirire yabo irabakomeretsa ubwabo ku rwego rukomeye. Mu kwitabaza abatizera ngo
bakemure ibibazo biri mu itorero, baba bashikurana kandi baconshomerana, bashaka "kumarana"
(Abagalatiya 5:15). [3UB254]
Abo bantu baba birengagije inama Imana yatanze, kandi bakora ibintu yababujije gukora.
Berekana ko bahisemo isi ngo abe ari yo ibabera umucamanza, kandi amazina yabo mu ijuru
yandikwaho ko bifatanyije n'abatizera. Baba bongeye kwibambira Kristo no kumukoreza isoni ku
mugaragaro. Mureke bene abo bantu bamenye ko Imana itumva amasengesho yabo. Batuka izina
ryayo ryera, bityo izabarekera Satani akomeze abababaze cyane kugeza ubwo bazabona ubupfapfa
bwabo maze bashake Uwiteka biciye mu kwatura icyaha cyabo. [3UB254]
Ibibazo bijyanye n'itorero ntibigomba gusohoka mu mbibi zaryo. Niba Umukristo ahohotewe,
akwiriye kubyihanganamo; niba ariganyijwe, [3UB254] ntabwo agomba kwitabaza inkiko. Ahubwo
mureke yemere guhomba no kuriganywa. [3UB255]
Imana izakurikirana umwe mu bagize itorero udakwiriye uriganya mugenzi we cyangwa
akariganya umurimo w'Imana. Umukristo ntakeneye kurwanira uburenganzira bwe. Imana
izikurikiranira umuntu uvogera ubwo burenganzira. "Guhōra ni ukwanjye, ni jye uzitura, ni ko
Uwiteka avuga" (Abaroma 12:19). Ibyo bibazo byose birandikwa, kandi Uwiteka abwira abantu
bose ko azītura. Azazana umurimo wose mu rubanza. [3UB255]

ABAJYANAMA BABI
Inyungu z'umurimo w'Imana ntizigomba kuragizwa abantu badafitanye umubano n'ijuru. Abantu
batari indahemuka ku Mana ntibashobora kuba abajyanama beza. Ntabwo bafite bwa bwenge buva
mu ijuru. Ntabwo bakwiriye kwiringirwa ngo batange ibitekerezo ku ngingo zifitanye isano
n'umurimo w'Imana, ingingo zishingiyeho ingaruka n'umusaruro bikomeye. Nidukurikiza
ibitekerezo byabo, nta kabuza tuzagera ahantu habi bikomeye, kandi tuzadindiza umurimo
w'Imana. [3UB255]
Abatomatanye n'Imana bafatanyijwe n'umwanzi wayo, kandi nubwo bashobora kuba bavugisha
ukuri mu nama batanga, ubwabo bihinduye impumyi kandi barishuka. Satani ashyira inama mu
ntekerezo zabo n'amagambo mu kanwa kabo bihabanye rwose n'ibyo Imana itekereza ndetse
n'ubushake bwayo. Uko ni ko Satani abakoreramo akadushora mu nzira zitari zo. Satani
nabishobora, azayobya, agushe abantu mu mutego kandi abarimbure. [3UB255]
Mu bihe bya kera, ku bwoko bw'Imana kwiha abanzi babo no kubabwira ibibuhagaritse umutima
cyangwa kugubwa neza bufite cyabaga ari icyaha gikomeye. Mu migirire yo mu gihe cya kera
gutambira igitambo ku gicaniro kitari icy'ukuri byabaga ari icyaha. Byabaga kandi ari icyaha
gutura umubavu woserejwe ku muriro udakwiriye. [3UB255]
Turi mu kaga ko kuvanga ibyera n'ibintu bisanzwe. Umuriro wera uva ku Mana ni wo ugomba
gukoreshwa mu mihati tugira. Igicaniro cy'ukuri ni Kristo; kandi Umwuka Wera ni wo muriro
w'ukuri. Uyu ni we soko y'inama tuba dukeneye. Iyo Umwuka Wera wenyine ari we uyoboye
umuntu ni ho aba ari umujyanama mwiza. Nituva ku Mana tukayihitaho ndetse n'abo yatoranyije
maze tukajya kugishiriza inama ku bicaniro bindi tuzasubizwa nk'uko imirimo yacu iri. [3UB255]
Nimutyo tugaragaze kwiringira kutagira amakemwa tugirira Umuyobozi wacu. Nimutyo
dushakire ubwenge mu Isoko y'ubwenge. Mu bintu n'ibihe byose biduhagarika umutima kandi
bitugerageza, mureke ubwoko bw'Imana bwemere ko buri gukora ku kintu bwifuza, hanyuma
bushyire hamwe mu gusenga Imana, kandi burangwe no kwihangana igihe busaba ubufasha
bukeneye. Mu nama zose dukeneye tugomba kuzirikana Imana, [3UB255] kandi igihe tuyigishije
inama, tugomba kwizera ko duhawe umugisha twasabye. -Undated Manuscript 112. [3UB256]

INAMA YAHAWE UMWIZERA WAKANGISHAGA KUJYA KUREGA MU NKIKO

Navuze ko niba uwitwa S yarageze kure hangana hatyo akinjira muri ibyo bintu, igihe wowe S
wakwinjira muri rwa rubanza ukarega umuvandimwe R, byazaba ari icyasha ku buzima bwe.
Narababaye bitewe n'imikorere yawe muri ibi; nzi neza ko bidakwiriye kandi ko bitazigera
bikemura ikibazo kuri wowe no ku rwego ruto. Icyo bikora nta kindi uretse kugaragaza bwa
bwenge budaturuka mu ijuru. [3UB256]
Namenyeshejwe ko wagize umugambi wo kujya mu rukiko, ngo ushingiye ko waba warayobejwe
n'ibihamya byatanzwe bijyana n'ikibazo cyawe. Hari urwandiko rwangezeho runkangisha ko niba
ntazirikanye ko nagushutse [ngo mbisabire imbabazi] ngiye kuregwa mu rukiko. Ubu birangoye
cyane kwizera ko wamaramaje ukajya mu ruhande rw'umwanzi utyo n'uburyo uzi neza umurimo
nahawe mu buzima bwanjye bwose. [3UB256]
Ibyo nakwandikiye byose n'ijambo ryose ribirimo, byari ukuri. Ntabyo ngomba kwisubiraho. Ibyo
nakoze gusa ni ibyo nzi neza ko ari inshingano yanjye kubikora. Intego imwe rukumbi nari mfite
mu gusohora mu nyandiko kiriya kibazo ni uko nari niringiye kugukiza. Nta kindi gitekerezo nari
mfite uretse icy'impuhwe n'urukundo bivuye ku mutima nari ngufitiye. Nawe ubwawe uzi ko
nitaye cyane ku bugingo bwawe... [3UB256]
Nihagira umuntu ushaka kumbera inzitizi muri uyu murimo akoresheje kwitabaza amategeko y'isi,
ntabwo nzigera mpanagura n'akanyuguti na kamwe k'ibihamya natanze. Ntabwo umurimo nkora
ari uwanjye. Ni umurimo w'Imana yampaye ngo nkore. Ntabwo nigeze nizera ko ushobora gukora
ikintu giteye ubwoba gityo cyo kurambura ukuboko kwawe kugira iherezo ukarwanya Imana yo
mu ijuru. Niba hari umuntu uwo ari we wese uzakora ibi, ntakabe wowe.... [3UB256]
Ni wowe nshaka kubwira. Ntugashake gukura amafaranga y'indonke mu muntu uwo ari we wese
bitewe n'amagambo yavuze atagushyigikira cyangwa se ngo ashyigikire abawe. Iyo ukoze utyo
uba wiyangiriza. Niba duhanze Yesu amaso we Banze ryo kwizera kwacu kandi akaba ari we
Ugusohoza, tuzabasha gusenga tutí: "Data, utubabarire ibyaha byacu, kuko natwe duharira
abarimo imyenda yacu bose." Ntabwo Yesu yigeze yitabaza amategeko ngo amurengere igihe
yabaga yashinjwe ibinyoma. Igihe yatukwaga ntawe yasubije; kandi igihe yakangishwa kugirirwa
nabi ntiyihimuye. - Letter 38, 1891. [3UB256]
Icyo Imana Yabwiye Abakristo Batagomba Gukora. - Nanditse ibintu byinshi ku birebana
n'Abakristo bizera ukuri bajyana ibibazo byabo mu nkiko ngo bikemuke. Mu kugenza batyo, mu
busobanuro nyabwo bw'ijambo [3UB256] baba baryana kandi baconshomerana, bashaka
"kumarana." Birengagiza inama yahumetswe Imana yatanze, kandi bari imbere y'ubutumwa Imana
ibaha, bakora ikintu yababwiye ko batagomba gukora. Bene abo bantu bakwiriye no guhagarika
gusenga Imana, kuko itazumva amasengesho yabo. Batuka Yehova, kandi azabareka bahinduke
abambari ba Satani kugeza ubwo bazabona ubupfapfa bwabo maze bashake Uwiteka binyuze mu
kwatura ibyaha byabo... [3UB257]
Icyo Kurega mu Nkiko Bihishura. - Ab'isi buzura n'abizera b'itorero batahindutse. Iyo Imana
icyahiye abantu bamwe gushaka kwikurikirira inzira yabo bwite, biringira ab'isi maze ibibazo
by'itorero bakabijyana imbere y'ab'isi ngo abe ari bo babifataho umwanzuro. Icyo gihe habaho
guhangana n'intonganya, kandi bakongera kwibambira Kristo ndetse bakamukoreza isoni ku
mugaragaro. Abo bizera b'itorero bajya kwitabaza inkiko z'isi berekana ko bahisemo isi ngo abe
ari yo ibabera umucamanza, kandi amazina yabo yandikwa mu ijuru nkabifatanyije n'abatizera.
Mbega uburyo ab'isi bakira amagambo avuzwe n'abantu bagambanira indagizo zera twahawe!
[3UB257]
Ntabwo mbere hose Abadiventisiti b'umunsi wa Karindwi bari barigeze binjira muri iki gikorwa
cyo kwitabaza inkiko z'abantu nk'uko bikorwa muri iki gihe. Imana yemeye ko ibyo bibaho kugira
ngo mwebwe abashutswe mubashe gusobanukirwa n'imbaraga ikoresha abari barabahaye
inshingano zikomeye. Mbese abarinzi bashyizweho n'Imana bari hehe? Mbese abantu
bazahagarara bafatanye urunana, bahuje imitima, bakomatana n'ukuri kandi bakavuga ukuri
kugenewe iki gihe babikuye ku mutima bari hehe? - Manuscript 64, 1898. [3UB257]

ABERA BAZACIRA AB'ISI URUBANZA

Abera bagomba gucira ab'isi urubanza. None se ubwo bagomba kwishingikiriza ku b'isi no ku
banyamategeko y'ab'isi kugira ngo abe ari bo bakemura ibibazo byabo? Ntabo Imana ishaka ko
ibibazo byabo babishyira abambari b'umubi ngo abe ari bo babifatira umwanzuro. Nimutyo hagati
yacu habemo kugirirana icyizere. - Manuscript 71, 1903. [3UB257]

ABUNGANIZI MU MATEGEKO N'ABANYALAWODOKIYA

Kwishingikiriza ku bubasha bw'amategeko [y'isi] ni igitutsi ku bakristo; nyamara iki kibi cyinjijwe
kandi gihabwa intebe mu bwoko bw'Imana bwatoranyijwe. Amahame agenga ab'isi yagiye
yinjizwa ni ruto ni ruto, kugeza ubwo mu mikorere benshi mu bakozi bacu bagenda bahinduka nk
Abanyalawodokiya -bitanze igice, bitewe no kwishingikiriza cyane ku bunganizi mu mategeko,
ku nyandiko zivuga iby'amategeko n'ibyumvikanyweho n'ab'isi. Iyi miterere y'ibintu itera Imana
ishozi. Manuscript 128, 1903. [3UB257]

URUBANZA RWAREZWE ICAPIRO

"Iyo umuntu wo muri mwe afite icyo apfa na mugenzi we, mbese ahangāra kuburanira ku
bakiranirwa ntaburanire ku bera? Ntimuzi yuko abera bazacira ab'isi urubanza? Kandi ubwo ari
mwe muzacira ab'isi urubanza, ntimushobora no guca imanza z'ibintu bito hanyuma y'ibindi?
Ntimuzi ndetse yuko tuzacira abamarayika urubanza, nkanswe iby'ubu bugingo? Nuko rero niba
mufite imanza zo gucibwa zerekeye ku by'ubu bugingo, ni iki gituma mubishyiraho abatagira icyo
bahuriyeho n'Itorero ngo abe ari bo bazica? Ibyo mbivugiye kubakoza isoni. Mbese koko nta
munyabwenge n'umwe uba muri mwe, wabasha gucira bene Se urubanza? Ahubwo mwene Data
akaburana na mwene Data wundi, kandi baburanira ku batizera? Nuko mumaze kubonekaho
icyaha rwose, kuko muburana musubiranamo. Mbese ni iki gituma mudahitamo ahubwo kugirirwa
nabi? Ni iki gituma mudahitamo guhuguzwa? Ariko ni mwe ubwanyu mugirirana nabi
muhuguzanya, kandi abo mugirira mutyo ni bene Data. Ntimuzi yuko abakiranirwa batazaragwa
ubwami bw'Imana?" (1Abakorinto 6:1-9). Abizera b'itorero nibamenya ibi, imikorere yabo izaba
iteye ku buryo ishimangira kwizera kwabo. Kubwo kugira imibereho igendera kuri gahunda cyane
n'ibiganiro byubahisha Imana, bazagaragaza Kristo. Icyo gihe nta kuregana mu nkiko kuzaba
hagati y'abaturanyi cyangwa abavandimwe. [3UB258]
Ndakurarika mu izina rya Kristo guhagarika urubanza watangiye no kutigera ujyana undi mu
rukiko. Muri ubwo buryo Imana ikubuza gusuzuguza izina ryayo. Wagiye uhabwa umucyo
mwinshi kandi wagize amahirwe menshi, bityo rero ntukwiriye kwifatanya n'ab'isi no gukurikiza
imigenzereze yabo. Ibuka ko uko Uwiteka azakugenza kuzaba gushingiye ku cyemezo ufata muri
ubu buzima.... [3UB258]
Ndakubwira nkomeje ko niba ufashe icyemezo ufite umugambi wo gufata ubu, ntabwo uzakira
ingaruka zacyo. Nuramuka ushyize imbere y'ab'isi ibibi wibwira ko mwene so yagukoreye, ku
rundi ruhande ntihazabura kubaho ibintu runaka bizavugwa. Mfite umuburo ngomba kuguha.
[3UB258]
Ku bijyana n'ikibazo cy'abo wafatanyije nabo inshingano nyinshi mu Rwibutso n'Integuza, ariko
bakaba barahindutse bakaba abanzi b'umurimo, ntabwo uzifuza kumva iteka bazacirwaho ubwo
imanza zizashingwa kandi ibitabo bikabumburwa, maze umuntu wese agacirwa urubanza ruhuje
n'ibyanditswe mu bitabo. Nshaka kugukiza ngo ureke gukurikira inzira ishobora kuguhuza
n'abifatanyije n'abamarayika baguye, bakora ibibi byose bashobora gukorera abakunda Imana,
kandi mu ngorane ikomeye bafite, bakaba bari kwiyuha akuya kugira ngo babwirize ukuri
kugenewe iki gihe. [3UB258]
Icapiro Naryo si Shyashya. - Abo urega bazi neza ko ntemeye uko bakugenjereje, kandi ko
nabacyahiye uko batitwaye neza ku kibazo cyawe. Hariho abatarakoze ibintu byubahitse. Ntabwo
bakoze nk'uko nabo bari kugenzerezwa. Ariko se kubera ibi, ndetse n'imiburo yatanzwe, wari
ukwiriye kwihandagaza ukarwanya impuguro zatanzwe? Ndakwinginga ngowe kwitandukanya
n'icyizere bene So bagufitiye kandi ngo witandukanye no kuba wagira uruhare mu murimo wo
kwamamaza ubutumwa hifashishijwe gusohora ibitabo. [3UB259]
Njye nahitamo gusangira nawe igihombo wagize aho kugira ngo ukomeze gusunika iki kibazo
kugeza ubwo gikomeretsa ubugingo bwawe, bityo ukaba waha Satani akito ko gushyira ikibazo
cyawe imbere y'abatizera mu buryo bukojeje isoni cyane, no gutesha agaciro ibiro bishinzwe
ivugabutumwa ryifashisha gukwirakwiza ibitabo... [3UB259]

UMURIMO W'IMANA UHAKURA IGIKOMERE

Kura urwo rubanza mu maboko y'abanyamategeko. Bisa n'ibintera ubwoba cyane gutekereza ko
uzakora ibinyuranyije rwose n'ijambo ry'Imana ryumvikana neza, kandi ukazashyira imbere
y'ab'isi umurimo wawe mubi cyane wo kurwanya ubwoko bw'Imana bwitondera amategeko yayo.
Iyaba iki gikorwa cyawe cyari cyibasiriye abakurenganyije gusa, ingaruka zacyo ntizagera kure
cyane; ariko se ntubona ko igikorwa cyawe kizahagurutsa urwikekwe ku bwoko bw'Imana bwose
hamwe? Muri ubwo buryo uzaba uteye imibyimba kandi ukomerekeje Kristo binyuze mu bera be,
kandi uzatera Satani kwishima bitavugwa bitewe n'uko agukoreyemo agashobora kurwanya
ubwoko bw'Imana n'ibigo by'umurimo wayo maze akabyangiriza cyane. - Letter 301, 1905.
[3UB259]
 IGICE CYA 38
UBUMENYI BUHANITSE N'IBYAHISHUWE
"Umupfapfa ajya yibwira ati "Nta Mana iriho." (Zaburi 14:1). Abanyabwenge bahebuje abandi ku
isi ntibashobora gusobanukirwa. Niba Imana yihishurira abantu, ibihushurira yitwikiriye ubwiru.
Inzira zayo ntizirondoreka. Abantu bashobora guhora bashakashaka kandi biga; nyamara hirya
y'ibyo hari ibyo badashobora kurangiza. Babashije gusobanukirwa n'imigambi y'Imana, ubwenge
bwayo, urukundo rwayo n'imico yayo mu buryo bwuzuye ntabwo bayizera nk'itagira itangiriro
n'iherezo, kandi ngo bayiragize ibyo imitima yabo irangamira. Abantu babashije gusobanukirwa
uko Imana iteye byuzuye n'imikorere yayo, ntabwo Imana yaba ikiri Umutware w'ikirenga.
[3UB260]
Hariho abantu bavuga ko bavumbuye ibintu bitangaje mu by'ubuhanga buhanitse. Basubiramo
ibitekerezo by'abantu b'intiti nk'aho babafata nk'abadashobora kwibeshya, maze bakigisha
ibyasesenguwe bahereye ku buhanga buhanitse (siyanse) bakabyigisha nk'ukuri kudashobora
kuvuguruzwa. Ijambo ry'Imana ryatanzwe ngo ribe itara rimurikira ibirenge by'umugenzi unanijwe
n'isi, barigeresha icyo gipimo ngenderwaho cyabo maze bakavuga ko ridashyitse. [3UB260]
Ubushakashatsi mu bya siyanse abo bantu birunduriyemo bwabahindukiye umutego.
Bwapfukiranye intekerezo zabo, bityo barayoba bajya mu gushidikanya. Bafite ubushobozi bwo
gusobanukirwa bufite imbaraga; ariko aho kugira ngo bahange amaso Soko y'ubwenge bwose,
bagera ku ntego yo gusigarana udusigazwa tw'ubumenyi bagombye kunguka. Bakujije ubwenge
bwabo bwa kimuntu ngo buhangane n'ubwenge bw'Imana ikomeye kandi nyir'ububasha.
Kubw'ibyo, bahangaye kujya mu rugamba rwo guhangana nayo. Ijambo ryahumetswe rivuga ko
bene abo bantu ari "abapfapfa." [3UB260]

IMBUTO ZERA KU GUSHIDIKANYA

Imana yemeye ko umucyo mwinshi usesekara ku isi mu bivumburwa mu buhanga buhanitse
(siyanse) n'ubugeni. Ariko abavuga ko ari abahanga bahanitse nibigisha kandi bakandika kuri ibyo
byigwa bashingiye ku mirebere ya muntu gusa, nta kabuza bazagera ku myanzuro ipfuye. Iyo
abanyabwenge bahanitse batayobowe n'Ijambo ry'Imana mu bushakashatsi bwabo, bagwa mu
rujijo mu byo bagerageza bacukumbura bashaka isano iri hagati y'ubuhanga buhanitse (siyanse)
n'ibyahishuwe. Umuremyi n'imirimo yakoze birenze kure cyane ibyo bashobora gusobanukirwa;
kandi kubera ko badashobora gusobanura Umuremyi n'imirimo yakoze bifashishije amategeko
karemano yo mu bibaho, amateka ya Bibiliya bayafata nk'adakwiriye kwiringirwa. Abantu
bashidikanya uko ibyanditswe mu Isezerano rya Kera n'Isezerano Rishya bikwiriye kwiringirwa,
bazatezwa indi ntambwe irenzeho, bagere ubwo bashidikanya ko Imana iriho; kandi kubera ko
bazaba barekuye igitsikabwato cyabo, bararekwa maze bagasekura ibitare byo kutizera. [3UB261]
Mose yanditse ayobowe n'Umwuka w'Imana, kandi ihame ngenderwaho ritunganye rishingiye ku
kwiga ubutaka n'ibitare bigize isi yacu ntirizigera rigaragaza ko hari ibyo ryavumbuye bidashobora
guhuzwa n'ibyo yavuze. Igitekerezo abantu basitaraho, bakavuga ko Imana itaremye igihe
yashyiragaho isi, gishyira imbibi ku mbaraga z'Uwera wa Isirayeli. [3UB261]
Genzuza Siyansi Ijambo ry'Imana. Iyo abantu benshi basanze badashobora kurondora
Umuremyi n'imirimo ye bakoresheje ubumenyi bwabo bwa siyansi budatunganye, bashidikanya
ko Imana iriho maze urusobe rw'ibiriho akaba ari rwo baha imbaraga zitarondoreka. Bene abo
bantu bamaze gutakaza kwiyoroshya kuranga kwizera bityo mu ntekerezo no mu mwuka wabo
Imana ntibe ikiharangwa. Hakwiriye kubaho kwizera Ijambo Ryera ry'Imana kutanyeganyezwa.
Bibiliya ntikwiriye kugenzuzwa igitekerezo gishingiye ku buhanga bw'abantu, ahubwo ubwo
buhanga buhanitse (siyansi) ni bwo bugomba gupimishwa iki gipimo ngenderwaho kitibeshya
(ljambo ry'Imana). Iyo Bibiliya ivuze amagambo agaragaza ukuri kuboneka mu byaremwe,
ubuhanga buhanitse (siyansi) bushobora kugereranywa n'ljambo Ryanditswe (Bibiliya), kandi
gusobanukirwa ibyo byombi uko bikwiriye, iteka bizahamya ko ari mahwi. Nta kivuguruza ikindi.
Ukuri kose kurahuza, kwaba uko mu byaremwe cyangwa se ukwahishuwe. [3UB261]
Ubushakashatsi mu by'ubuhanga buzagaragariza ubwenge bw'abanyabwenge nyakuri imbuga
zagutse z'ibitekerezo n'amakuru. Bazabona Imana mu mirimo yakoze, kandi bazayisingiza. Kuri
bo, Imana izababera nyambere, kandi ubwenge bwabo buzerekezwa kuri Yo. Abashidikanya kandi
bahakana ariko basoma Bibiliya bagamije kuyijora gusa, binyuze mu kwirengagiza bavuga ko
babona kuvuguruzanya kudasubirwaho kuri hagati y'ubuhanga buhanitse (siyansi) n'ibyahishuwe.
[3UB261]
Ariko igipimo umuntu akoresha arondora Imana ntikizigera gitungana. Ubwenge butamurikiwe
n'Umwuka w'Imana buzahora mu mwijima ku bijyanye n'imbaraga z'Imana. [3UB262]
Iby'umwuka bisobanurwa mu buryo bw'umwuka. Abantu badafitanye ubumwe buzima n'Imana
bakomwa hirya no hino; bashyira ibitekerezo by'abantu imbere, naho Ijambo ry'Imana bakarishyira
inyuma. Bakomera ku byo abantu bahamya, ko gucira icyaha ho iteka binyuranyije na kamere
y'Imana igira ubuntu, kandi mu gihe batekereza ku buntu bw'Imana butagerwa, bagerageza
kwibagirwa ko hariho n'ubutabera butagira imbibi. [3UB262]
Nitugira ibitekerezo bitunganye ku bijyana n'imbaraga, gukomera n'icyubahiro giheranyije
by'Imana ndetse n'intege nke za muntu, ntituzaha agaciro ibitekerezo bishingiye ku bwenge
bivugwa n'ingirwabakomeye zo ku isi zidafite na kimwe mu biranga icyubahiro cy'ljuru mu mico
yazo. Nta kintu na gito abantu bagombye gusingirizwa cyangwa kuhererwa ikuzo ko bakoze. Nta
mpamvu n'imwe ikwiriye gutuma ibitekerezo by'abanyabwenge byiringirwa mu gihe bagenzura
iby'Imana bakoresheje imyumvire yabo yagoramye. Abakorera Imana ni bo bonyine bafite
ibitekerezo n'urugero umuntu yakurikiza ntibimuteze ingorane. Umutima wejejwe ukangura kandi
ugaha ingufu imbaraga z'ubwenge. Kwizera Imana kuzima gutanga imbaraga; kugatanga gutuza
n'ihumure mu mwuka w'umuntu, imbaraga n'imico yubahwa. [3UB262]
Imana Ishobora Gukora Ibirenze Amategeko Yayo. - Abahanga mu bya siyansi batekereza ko
bifashishije ibitekerezo byabo byagutse bashobora gusobanukirwa ubwenge bw'Imana neza,
bagasobanukirwa ibyo yakoze n'ibyo ishobora gukora. Hariho igitekerezo kiganje muri bo ko
Imana iboshywe kandi ikumirirwa n'amategeko yashyizeho ubwayo. Ku ruhande rumwe abantu
bahakana kandi bagakerensa kubaho kw'Imana, cyangwa ku rundi ruhande bagatekereza
gusobanura ikintu cyose ndetse n'ibyo Umwuka w'Imana akora ku mutima w'umuntu; bityo
ntibabe bacyubaha izina ryayo cyangwa ngo batinye imbaraga zayo. Mu gihe baba batekereza ko
bari kuronka ikintu cyose bifuza, baba barushywa n'ubusa, kandi bakaba bari gutakaza amahirwe
y'agaciro kenshi yo kumenya Imana. Ntabwo bizera iby'ububasha ndengakamere, kandi ntibabona
ko Uwahanze amategeko agenga ibyaremwe ashobora gukora ibirenze ayo mategeko. Bahakana
ibyo Imana yavuze, kandi bagasuzugura ibyakungura ubugingo bwabo bwite; nyamara kubaho
kw'Imana, imico yayo, n'amategeko yayo ni ukuri kudashobora gutsimburwa n'imitekerereze
y'abantu bageze ku bintu bihanitse mu by'ubuhanga. [3UB262]
Umwanditsi wahumekewe asobanura imbaraga no gukomera kw'Imana muri ubu buryo: "Ni nde
wigeze kugera amazi y'inyanja ku rushyi, akageresha ijuru intambwe z'intoki, akabona indengo
yajyamo umukungugu wo ku isi, agashyira imisozi mu gipimo, n'udusozi akatugera mu minzani?
Ni nde wigeze kugenzura Umwuka w'Uwiteka, akamuhugura nk'umugira [3UB262] inama? Ni nde
yigeze kugisha inama kandi ni nde wigeze kumwigisha, akamwereka uburyo bwo guca imanza
zitabera, akamwigisha ubwenge, akamuha uburyo bwo kwitegereza? Dore amahanga ameze
nk'igitonyanga kiri mu kibindi, agereranywa n'umukungugu ufashe ku minzani. Dore aterura
ibirwa nk'uterura akantu gato cyane. I Lebanoni ntihaba inkwi zo gucana zihagije, kandi
n'inyamaswa zaho ntizashyika kuba igitambo cyoswa. Mu maso ye amahanga yose ni nk'ubusa,
kuri we abarwa nk'ubusa ndetse ari hanyuma y'ubusa. Nuko rero Imana mwayihwanya na nde,
cyangwa mwayigereranya n'ishusho ki? Dore igishushanyo kibajwe umucuzi abanza kukiyaza,
umucuzi w'izahabu akagiteraho izahabu, akagicurira imikufi y'ifeza. Umutindi utabona ituro
ringana rityo ashaka igiti kitazabora, maze akishakira umukozi w'umuhanga wo gushinga
igishushanyo kibajwe, kitazakuka. Mbese ntimwamenye kandi ntimurakumva? Nta cyo
mwabwiwe uhereye mbere na mbere? Uhereye igihe isi yaremewe nta cyo mwasobanuriwe? Iyo
ni yo yicaye hejuru ku rusenge rw'ijuru, abaturage bo mu isi bameze nk'ubuzīkira. Ni yo ibamba
ijuru nk'inyegamo, ikaribamba nk'ihema ryo kubamo." (Yesaya 40:12-22). [3UB263]
Imico y'Imana Isobanurwa n'Ibyo Yakoze. -Urwunge rw'ibyaremwe ni imbaraga, ariko Imana
yashyizeho urwo rwunge ni nyir'imbaraga zitagerwa. Ïbyo yakoze bisobanura imico yayo. Abareba
imigenzereze yayo bashingiye ku mirimo y'intoki zayo, badashingiye ku bitekerezo
by'abakomeye, bazabona ko yigaragariza mu kintu cyose. Babona kumwenyura kwayo mu kurasa
kw'izuba, kandi bakabonera urukundo rwayo n'uko yita ku muntu mu mirima ikungahaye yo mu
gihe cy'itumba. Ndetse n'imitako irimbishije isi nk'uko igaragara mu bwatsi butoshye, indabo
z'agahebuzo z'amoko yose ndetse n'ibiti by'inganzamarumbu kandi by'amoko menshi biboneka mu
ishyamba, ibyo byose bihamya uko Imana yacu itwitaho nk'umubyeyi wuje ineza, kandi
bikerekana uko yifuza kunezeza abana bayo. [3UB263]
Imbaraga z'Imana ikomeye zizagaragarizwa abayubaha. Numwumve amagambo y'umuhanuzi
ugira ati: "Mbese ntiwari wabimenya? Ese nturabyumva? Imana ihoraho, Uwiteka Umuremyi
w'impera z'isi ntirambirwa, ntiruha. Ubwenge bwayo ntiburondoreka. Ni yo iha intege
abarambiwe, kandi utibashije imwongeramo imbaraga. Abasore b'imigenda bazacogora baruhe,
n'abasore bazagwa rwose. Ariko abategereza Uwiteka bazasubizwamo intege nshya,
bazatumbagira mu kirere bagurukishe amababa nk'ibisiga, baziruka be kunanirwa, bazagenda be
gucogora." (Yesaya 40:28-31). [3UB263]
Mu Ijambo ry'Imana harimo ibibazo byinshi bibazwa abahanga bajambuye byimbitse badashobora
gusubiza. Intekerezo zacu zikangurirwa kwita kuri izi ngingo kugira ngo twerekwe ibintu
bigaragara no mu bisanzwe byo mu buzima bwa buri munsi abantu bagira iherezo, ndetse
n'ubwenge birata, badashobora na gato gusobanukirwa byuzuye. [3UB263]
Ubuhanga Buhanitse (siyansi) Budufasha Gusobanukirwa Imana. - Igihe cyose Imana itahawe
agaciro kandi ngo yubahwe, gahunda z'ubucurabwenge zose zahimbwe n'umuntu zagiye ziganisha
mu rujijo no gukorwa n'isoni. Gutakaza kwizera Imana biteza akaga. Kugubwa neza ntigushobora
kuba umugisha ukomeye uhabwa amahanga n'abantu ku giti cyabo igihe baretse kwizera Ijambo
ryayo. Mu by'ukuru nta kintu gifite gukomera ubwacyo uretse ikizahoraho iteka. Ukuri, ubutabera,
imbabazi, kwera, n'urukundo by'Imana ntibishiraho. Iyo abantu bafite bene iyo mico, bagirana
n'Imana umubano wimbitse, kandi baba ari abakandida bo gushyirwa ku rwego rwo hejuru
ruhanitse cyane umuntu ashobora kwifuza kugeraho. Ntabwo bazita ku gushimwa n'abantu, kandi
bazarenga ibibaca intege, ibibananiza, intambara y'amagambo no kurwanira ubutware. [3UB264]
Umuntu ufite ubugingo bwuzuwe n'Umwuka w'Imana aziga isomo ryo kwiringira kutadohoka.
Kubwo kugira Ijambo ry'Imana yandikishije umujyanama n'umuyobozi we, ubuhanga buhanitse
(siyansi) buzamufasha gusobanukirwa Imana, ariko ntazishyira hejuru kubera ko mu buhumyi bwe
azi ko ari umupfapfa mu byo atekereza ku Mana. -Signs of Times, March 13, 1884. [3UB264]
Amategeko n'amahame y'iyobokamana ni zo ntambwe za mbere mu kunguka ubumenyi, kandi ni
zo rufatiro rw'uburezi nyakuri. Ubumenyi n'ubuhanga buhanitse bigomba guhabwa imbaraga
n'Umwuka w'Imana kugira ngo bikoreshwe mu migambi myiza ihebuje. Umukristo wenyine ni we
ushobora gukoresha ubumenyi uko bikwiriye. Kugira ngo bukundwe mu buryo bwuzuye,
ubuhanga buhanitse (siyansi) bugomba kureberwa mu mucyo w'iby'iyobokamana. Nibiba bityo,
abantu bose bazaramya Imana yatanze ubuhanga buhanitse." - Manuscript 30, 1896. [3UB264]

IMANA UMUHANZI N'UMUREMYI

Dukeneye kurushaho kuba imbere y'Imana. Kurinda intekerezo zacu birakenewe. Nta
gushidikanya turiho mu bihe by'akaga ko mu minsi ya nyuma. Tugomba kugendera imbere
y'Imana twiyoroheje kandi twicishije bugufi cyane; kuko abagenza batyo ari bo bonyiné
bazashyirwa hejuru. [3UB264]
Yooo, mbega urugero ruto cyane umuntu ashobora gusobanukirwa gutungana kw'Imana n'uko
ibera hose icyarimwe bifatanye n'imbaraga yayo ishoborabyose! Umuntu w'umunyabugeni
ahabwa ubwenge n'Imana. Ashobora gusa gukora igihangano cye mu rwego rw'ubugeni ubwo ari
bwo bwose kigatungana ahereye ku bikoresho byateguriwe umurimo we mbere hose. Mu
bushobozi bwe bufite aho bugarukira ntiyashobora kurema no gukora ibikoresho bye bwite ngo
abyifashishe mu mugambi we iyaba Umuhanzi w'Icyatwa atarabayeho mbere ye, akabanza
kumuha ibyo agenda anoza mu mitekerereze ye. [3UB264]
Uwiteka Imana itegeka ibintu bikabaho. Ni yo yabaye umuhanzi wa mbere. Ntabwo yishingikiriza
ku muntu, ahubwo n'imbabazi nyinshi [3UB264] irarikira umuntu kuyitaho, kandi igakorana nawe
mu byo umuntu ahanga bigenda byaguka kandi bihanitse. Iyo bibaye bityo, umuntu afata
icyubahiro cyose akacyishyiraho, kandi agatangarirwa na bagenzi be nk'umuntu w'umuhanga
uhanitse. Nyamara nta kindi aba ari cyo kirenze kuba umuntu. Nyamara intandaro [y'urwo rwego
agezeho] ikibagirana... [3UB265]
Ndatinya ko twese dufite ibitekerezo byoroheje kandi bisanzwe cyane. "Dore ijuru ndetse n'ijuru
risumba ayandi nturikwirwamo" (2Ngoma 6:18). Ntihakagire umuntu n'umwe uhangara gushyira
imbibi ku mbaraga z'Uwera wa Isirayeli. Hariho ibyo abantu bibwira ndetse n'ibibazo babaza mu
byerekeye ibyo Imana yakoze. "Kwetura inkweto zawe kuko aho uhagaze ari ahera." Ni ukuri,
abamarayika ni intumwa z'Imana ku isi zikora ibyo ishaka. [3UB265]
Ubwo Ijwi ryayo Ryavugaga Ibintu Byose Byahagaze Imbere yayo. Mu kuremwa kw'isi yacu,
ntabwo Imana yashingiye ku kintu runaka cyari cyarabanje kubaho. Kuko "ibiboneka bitaremwe
mu bigaragara" (Abaheburayo 11:3). Ahubwo ibintu byose, byaba ibifatika cyangwa iby'umwuka,
ubwo Uwiteka yavugaga byahagaze imbere yayo kandi ni yo byaremewe. Amajuru n'ingabo zose
zo mu yo, isi n'ibintu biyirimo byose, ntabwo ari umurimo w'intoki zayo gusa, ahubwo
byabeshejweho n'umwuka wo mu kanwa kayo. [3UB265]
Uwiteka yatanze igihamya cyerekana ko, mu isaha imwe gusa, kubw'imbaraga ze ashobora
guhindura ubusa ibyaremwe byose. Ashobora kubika ibintu byose, kandi akarimbura ibyo umuntu
yubatse mu buryo bwe butajegajega kandi bukomeye kurusha ubundi. "Yimura imisozi,"
"ikayubikana uburakari bwayo," "itigisa isi ikayikura ahayo, n'inkingi zayo zikanyeganyega."
"Inkingi z'ijuru ziranyeganyega, zigatangazwa no gukomera kwayo" "Imisozi iratigita imbere ye,
n'udusozi turayenga, kandi isi iterurirwa imbere ye, ni ukuri isi n'abayituye bose." (Yobu 26:11;
Nahumu 1:5) Manuscript 127, 1897. [3UB265]
 IGICE CYA 39
IBIBAZO BYEREKEYE ABAKIJIJWE

MBESE ABANA B'ABABYEYI BATIZERA BAZAKIZWA?74

Nagiranye ikiganiro n'umukuru [J.G] Matterson ku bijyanye no kwibaza niba abana b'ababyeyi
batizera bashobora gukizwa. Namubwiye ko hari umukobwa wari warambajije iki kibazo afite
agahinda kenshi, ambwira ko hari abari baramubwiye ko abana bato b'ababyeyi batizera
badashobora kuzakizwa. [3UB266]
Iki kibazo dukwiriye kugifata nka kimwe mu bibazo tudafiteho uburenganzira bwo kuvuga
uruhande duhagazeho kuri cyo cyangwa ngo dutangeho igitekerezo, dushingiye ku mpamvu
yoroheje y'uko mu Ijambo ryayo Imana itagize icyo itubwira kuri iyi ngingo. Iyo Imana itekereza
ko ibyo ari ngombwa ko tubimenya, iba yarabitubwiye yeruye. [3UB266]
Ibyo Imana yahishuye ni ibyacu n'abana bacu. Hariho ibintu tudasobanukirwa ubu. Nta nubwo tuzi
ibintu byinshi byahishuwe mu buryo bweruye. Igihe izo ngingo zifitanye isano ya bugufi
n'imibereho yacu myiza y'iteka ryose zizaba zimaze kwigwa zose, ubwo ni bwo igihe gikwiriye
kizaba kigeze ngo tuzirikane zimwe muri izo ngingo abantu bamwe barushya intekerezo zabo
batekerezaho bitari ngombwa. [3UB266]
Abana b'Ababyeyi Batizera. - Nzi neza ko abantu bamwe banibaza niba abana bato b'ababyeyi
bizera bakizwa, bitewe n'uko imico yabo itigeze igenzurwa kandi bose bakaba bagomba
kugenzurwa maze imico yabo igahamywa n'igeragezwa. Ikibazo cyibazwa ni iki ngo: "Ni gute
abana bato bakorerwa iryo genzura n'igeragezwa?" Nsubiza ko kwizera kw'ababyeyi bizera
gutwikira abana babo, nk'igihe Imana yoherezaga amateka yayo ku bana b'impfura
b'Abanyegiputa. [3UB266]

74 Reba ingingo ivuga ngo "Abana mu gihe cy'umuzuko Muzuko mu Butumwa Bwatoranyijwe, igitabo cya 2, p.293 (2016).

Ijambo ry'Imana ryageze ku Bisirayeli bari bari mu buretwa ngo bateranyirize abana babo mu nzu
zabo kandi basige amaraso y'umwana w'intama bagombaga kuba bishe ku nkomanizo z'imiryango
yabo. Ibyo byashushanyaga kuzicwa k'Umwana w'Imana n'akamaro k'amaraso ye yamenwe
kubw'agakiza k'umunyabyaha. Cyari ikimenyetso cyerekana ko uwo muryango wemeye Kristo
nk'Umucunguzi wasezeranwe. Uwo muryango wabaga urinzwe imbaraga z'umurimbuzi.
Ababyeyi bagaragarizaga kwizera kwabo mu kumvira amabwiriza yari yatanzwe nkuko ari ntacyo
bahinduyeho, kandi ukwizera kw'ababyeyi kwarabatwikiriye ubwabo ndetse n'abana babo.
Bagaragaje ko bizera Yesu, Igitambo gikuru, uwo amaraso ye yashushanywaga mu mwana
w'intama wabaga wishwe. Marayika murimbuzi yanyuze ku nzu yose yari ifite iki kimenyetso. Iki
ni ikimenyetso cyerekana ko ukwizera kw'ababyeyi kugera ku bana babo kandi kukabatwikira
kukabakingira marayika murimbuzi. [3UB267]
Imana yoherereje ijambo ryo guhumuriza ababyeyi b'i Betelehemu bari bapfushije abana
ryavugaga ko ba Rasheli bariraga bari kuzabona abana babo bava mu gihugu cyumwanzi. Kristo
yateruye abana bato mu maboko ye, abaha umugisha kandi acyaha abigishwa birukanaga ababyeyi
babo avuga ati: "Mureke abana bato ntimubabuze kunsanga, kuko abameze batyoubwami bwo mu
ijuru ari ubwabo" (Matayo 19:14). [3UB267]
Kristo yahaye umugisha abana ababyeyi babo bakiranuka bamuzaniye. N'ubu azabikora ababyeyi
nibaramuka bakoze inshingano yabo bafite ku bana babo, bakabigisha, kandi bakabarera babatoza
kubaha no kumvira. Ubwo ni bwo bazatsinda igeragezwa kandi bazumvira ubushake bw'Imana,
kubera ko ababyeyi bari mu mwanya w'Imana ku bana babo. [3UB267]
Abana b'Intumva Bavuka ku Babyeyi b'Abadiventisiti. -Ababyeyi bamwe bemerera Satani
gutegeka abana babo, bityo abana babo bakabaho ntawe ubakoma imbere, ahubwo bemererwa
kugira amatwara mabi, ntibifate, bakikanyiza kandi ntibumvire. Abo bana baramutse bapfuye,
ntibazajyanwa mu ijuru. Imikorere y'ababyeyi igenda igena imibereho myiza y'ahazaza h'abana
babo. Iyo babemereye kuba abana batumvira kandi batitangira, baba bemerera Satani kubitaho
akabagenza uko ashaka kandi akabakoreramo ibihuje n'ubutware bwe, bityo abo bana batigeze
bigishwa kumvira no kugira imico ishimwa ntibazajyanwa mu ijuru, kubera ko ayo matwara
n'imico yabo byabagaragaramo. [3UB267]
Nabwiye mwene data Matteson nti: "Ntabwo dushobora kuvuga niba abana bose b'ababyeyi
batizera bazakizwa, kubera ko Imana itatumenyesheje imigambi yayo ku bijyanye n'iki kibazo,
kandi ibyiza ni uko iki kibazo twakirekera aho Imana yakigarukirije ahubwo tugatinda ku ngingo
zasobanuwe neza mu Ijambo ryayo." [3UB267]
Iyi ni ingingo isaba kwigengesera cyane. Ababyeyi benshi batizera barerana abana babo ubwenge
buhambaye kurusha benshi mu bavuga ko [3UB267] ari abana b'Imana. Bashyira imbaraga nyinshi
ku bana babo kugira ngo babagire abanyabwenge, babatoze urugwiro, be kwikanyiza no kugira
ngo babigishe kumvira, kandi muri ibi abatizera bagaragaza ubwenge bwinshi kurusha ababyeyi
bafite umucyo mwinshi w'ukuri nyamara imirimo yabo ntigire aho ihurira na gato no kwizera
kwabo. [3UB268]
Mbese Hazabaho Umubare Runaka? -Ikindi kibazo twaganiriyeho cyari ikirebana n'intore
z'Imana kibaza niba Uwiteka azagira umubare runaka [w'intore ze], kandi igihe uwo mubare uzaba
wuzuye igihe cy'imbabazi kikazarangira. Ibi ni ibibazo njye nawe tudafitiye uburenganzira bwo
kuvugaho. Umwami Yesu azakira abantu bose bamusanga. Yapfiriye abatubaha Imana kandi
umuntu wese uzamusanga, ashobora kuza akamusanga. [3UB268]
Ku ruhande rw'umuntu hari ibyo agombwa gukurikiza, kandi igihe yanze gukurikiza ibisabwa,
ntabwo ashobora guhinduka intore y'Imana. Umuntu nabikurikiza, aba ari umwana w'Imana, kandi
Kristo avuga ko uwo muntu nakomeza mu gukiranuka, agashikama mu kumvira kwe kandi
ntakurwe mu byimbo, ntabwo Kristo azahanagura izina rye mu gitabo cy'ubugingo ahubwo
azaturira izina rye imbere ya Se n'imbere y'abamarayika be. Imana yifuza ko dutekereza,
tukaganira kandi tukabwira abandi uko kuri kwahishuwe mu buryo bweruye, kandi abantu bose
ntibakwiriye kugira icyo bakora kuri izo ngingo zitera gukekeranya bitewe n'uko badafite
ibyanditswe byihariye bivuga ku gakiza kubugingo bwacu. -Manuscript 26, 1885. [3UB268]

MBESE ABAZABA BAZUTSE BAZAMENYANA?

Impano ihebuje izindi Imana yatanze ni Kristo. Ubugingo bwe ni ubwacu kandi yabutanze
kubwacu. Yaradupfiriye, kandi yaratuzukiye kugira ngo tuzabashe kuva mu gituro tujyane
n'abamarayika bo mu ijuru, tujye guhura n'abo twakundaga kandi tumenye isura yabo, kubera ko
gusa na Kristo bidatsembaho ishusho yabo ahubwo biyihinduramo ishusho ye y'ubwiza. Abera
bose bafite isano y'umuryango bahuriyeho n'abandi kuri iyi si, mu ijuru bazamenyana.
Igihe tuzaba ducunguwe, tuzasobanukirwa Bibiliya mu busobanuro buhambaye, bwagutse kandi
busobanutse neza kurushaho kurenza uko biri ubu. Umwenda ukingiriza uri hagati y'imibereho
irangwamo gupla n'ubuzima bwo kudapfa uzatabuka. Tuzareba Imana mu maso. - Letter 79, 1898.
[3UB268]
 IGICE CYA 40
IKIBAZO CY'UMURONGO W'IMINSI

ISABATO YAHANGIWE ISI YIBURUNGUSHUYE

Imana yaruhutse ku munsi wa karindwi, maze iraweza iwutoranyiriza umuntu ngo ajye
awubahiriza mu rwego rwo kubaha umurimo w'irema Imana yakoze irema ijuru n'isi mu minsi
itandatu nyayo. Umunsi w'ikiruhuko Imana yawuhaye umugisha kandi iraweza. Iyo abantu
bigengesereye cyane mu gushakashaka no gucukumbura kugira ngo barebe ibijyanye n'igihe
nyacyo [icyo kiruhuko gifata], tugomba kuvuga tuti: "Imana yahanze Isabato yayo iyishyiriraho
isi yiburungushuye; kandi igihe umunsi wa karindwi utugezeho muri iyo si yiburungushuye,
igengwa n'izuba ritegeka umunsi, icyo aba ari igihe mu bihugu byose n'ahantu hose ngo bubahirize
Isabato. Mu bihugu bimara amezi menshi izuba ritarenga, kandi hagashira n'andi mezi menshi
izuba ritarasa, igihe kizabarwa hashingiwe ku makuru yabitswe [uhereye igihe izuba ryaherukaga
kurasa no kurenga]... [3UB269]
Uwiteka yemera kumvira kose kwa buri kiremwa yiremeye, hashingiwe ku kuntu ibihe bimeze mu
birebana no kurasa no kurenga kw'izuba... Isabato yahangiwe isi yiburungushuye, bityo rero
kumvira gusabwa abantu bose bagenda batabusanya rwose n'isi Uwiteka Imana yaremye." -Letter
167, 1900. [3UB269]

IKIBAZO CY'AMATALIKI
Umuvandimwe T yambwiye ibyawe. Avuga ko hari urujijo ufite ku bijyana n'umurongo ugaragaza
umunsi. Ubu rero muvandimwe nkunda, iki kiganiro kivuga ku murongo ugaragaza igihe nta kindi
kiri cyo uretse kuba ari ikintu Satani yateguye ngo kibe umutego. Ashaka uko ajijisha ibyumviro
by'abantu nk'uko abigenza avuga ati: "Dore, Kristo ari hano, cyangwa se ari hariya." Hazabaho
igihimbano cyose n'amayere yose ya [3UB269]
Satani kugira ngo ayobye abantu, ariko jambo riravuga riti: "Ntimuzabyemere. Kuko abiyita Kristo
n'abahanuzi b'ibinyoma bazaduka bakora ibimenyetso bikomeye n'ibitangaza, kugira ngo babone
uko bayobya n'intore niba bishoboka. Dore mbibabwiye bitaraba. Nuko nibababwira bati, 'Dore
ari mu butayu' ntimuzajyeyo, cyangwa bati, 'Dore ari mu kirambi, ntimuzabyemere." (Matayo
24:23-26). [3UB270]
Nta Rujijo ruri ku Isabato yo ku Munsi wa Karindwi. - Ku bijyanye n'Isabato, dufite ijambo
ry'Imana ryumvikana (Kuva 31:12-18). [3UB270]
Mbese bishoboka ko habaho kwita cyane ku bubahiriza Isabato, nyamara ntihabe habaho umuntu
n'umwe ushobora kuvuga igihe Isabato ibera? Ubwo se abantu bafite ikimenyetso cy'Imana baba
bari hehe? Icyo kimenyetso ni ikihe? Ni Isabato y'umunsi wa karindwi Uwiteka yahaye umugisha
akaweza, akavuga ko ari uwera, kandi akavuga ibihano bikomeye biterwa no kuyica. [3UB270]
Nta rujijo ruri mu Isabato yo ku munsi wa karindwi. Ni urwibutso rw'Imana rwibutsa umurimo
wayo wo kurema. Yashyizweho ngo ibe urwibutso ijuru ryatanze, kugira ngo yubahirizwe
nk'ikimenyetso cyo kumvira. Imana yandikishije amategeko yose urutoki rwayo ku bisate bibiri
by'amabuye... [3UB270]
Noneho rero muvandimwe wanjye,... nanditse... kugira ngo nkubwire ko tutagomba kugira ibyo
twizera na bike bijyanye n'inyigisho ivuga iby'umurongo werekana umunsi. Ni umutego wa Satani
wazanywe n'abakozi be bwite kugira ngo bashyire intekerezo z'abantu mu rujijo. Urabona ukuntu
bidashoboka rwose kuba iki kintu cyabaho, kubona isi yose yubahiriza Icyumweru (Sunday) neza,
nyamara ubwoko bw'Imana bwasigaye bwo bukaba bwose bwibeshya. Iyi nyigisho ivuga
iby'umurongo werekana umunsi yahindura amateka yacu yose yaturanze mu gihe gisaga imyaka
mirongo itanu n'itanu ishize, maze ya mateka akaba ari ikinyoma cyuzuye nyamara gifatwa
nk'ukuri. Nyamara tuzi aho duhagaze... [3UB270]
Gushikama ku Bituranga. - Muvandimwe, reka kwizera kwawe kwe gucogora. Tugomba
gushimakama ku bituranga, amategeko y'Imana no kwizera Yesu. Abantu bose bashikama ku
byiringiro batangiranye ntibinyeganyege kugeza ku iherezo bazubahiriza Isabato y'umunsi wa
karindwi itugeraho iranzwe n'izuba iyo rirenze. Ikinyoma gifatwa nk'ukuri kivuga iby'umurongo
uranga umunsi ni umutego Satani yateze ngo ace abantu intege. Nzi neza ibyo ndi kuvugaho. Izere
Imana. Wowe murika aho uri, ube ibuye rizima riri ku nyubako y'Imana. [3UB270]
Abana b'Imana bazanesha. Bazatabaruka ari abaneshi ndetse barurishishweho kunesha
ibibarwanya n'ibibatoteza byose. Ntutinyc. Kubw'imbaraga z'ukuri kwa Bibiliya n'urukundo
rwagaragarijwe mu musaraba kandi rugacengezwa mu mutima n'Umwuka Wera, tuzagera ku
[3UB270] ntsinzi. Urugamba rwose ruri imbere yacu ruzingiye ku kubahiriza Isabato y'ukuri ya
Yehova.... [3UB271]
Ubu sinshobora kongera kwandika, ariko ndakubwira nti, 'Ntugatege amatwi ubuyobe. Shikama
ku ijambo ryumvikana neza rigira riti: "Uku ni ko Uwiteka avuga." Uwiteka azaguhumuriza kandi
aguhire, ndetse azaguha ibyishimo mu mutima wawe. Uwiteka ashimirwe ko dufite umucyo
urabagirana, kandi tukagira ubutumwa bwumvikana neza kandi bwihariye tugomba gutanga. -
Letter 118, 1900. [3UB271]
 IGICE CYA 41

MBESE INZIBUTSO ZIRAKWIRIYE?

INZIBUTSO ZITWIBUTSA AMATEKA YACU

Igihe Abisirayeli babonaga intsinzi zikomeye nyuma yo kuva muri Egiputa, hashyizweho
inzibutso zerekana izo nstinzi. Ímana ni yo yategetse Mose na Yosuwa gukora ibyo, bakubaha
inzibutso. Igihe Abisirayeli bageraga ku ntsinzi idasanzwe banesheje Abafilisitiya, Samweli
yashinze ibuye ry'urwibutso maze aryita Ebenezeri, ati: "Uwiteka yaratuzahuye kugeza n'ubu"
(1Samweli 7:12). [3UB272]
Yooo, none nk'ubwoko bw'Imana, amabuye yacu y'urwibutso ari he? Mbese inkingi zacu
z'urwibutso zicorogoshoweho inyuguti zerekana inkuru ihebuje y'ibyo Imana yadukoreye mu byo
twanyuzemo ziri hehe? Mbese dushingiye ku bihe byashize, ntabwo dushobora kureba ku
bigeragezo bishya n'amakuba yiyongera (arimo imibabaro, ubukene, no gupfusha) ngo twe
kubabara no gucika intege, ahubwo turebe ahashize maze tuvuge tuti: "Uwiteka yaratuzahuye
kugeza n'ubu. Nzabitsa uwo Muremyi wo kwizerwa ubugingo bwanjye. Azarinda ikibitsanyo
namubikije kugeza kuri urya munsi. Uko iminsi yawe ingana, ni ko intege zawe zizangana." -
Manuscript 22, 1889. [3UB272]
GUHAMAGARIRWA KWIBUKA IMINSI YA KERA
Ibyo Imana yagiriye ubwoko bwayo bikwiriye kujya bisubirwamo kenshi. Mbega ukuntu inshuro
nyinshi habayeho inzibutso ziranga inzira zashinzwe n'Uwiteka mu byo yagiye agirira Isirayeli ya
kera! Kugira ngo batazibagirwa amateka y'igihe cyashize, Uwiteka yategetse Mose gushyira ibyo
byagiye biba mu ndirimbo, kugira ngo ababyeyi bajye babyigisha abana babo. Bagombaga
gushyira hamwe izo nzibutso maze bakazishinga ku buryo zigaragara. Hagombaga gukoreshwa
umwete wihariye kugira ngo zirindwe, bityo igihe abana bari kuzabaza ibyo bintu ibyo ari byo
n'icyo bisobanuye, bagombaga gusubirirwamo inkuru yose y'uko byagenze. Ibitangaza Imana
yabakoreye, ineza yayo n'imbabazi zayo byagaragaye mu buryo yitaye ku bwoko bwayo kandi
ikaburokora ni ko byahoraga mu [3UB272] bwenge bwabo. Dushishikarizwa "kwibuka iminsi ya
kera, uburyo twihanganiraga imibabaro y'intambara nyinshi tumaze kuvirwa n'umucyo"
(Abaheburayo 10:32). Ubwoko bwe bwo muri iki gisekuru, Uwiteka yabubereye Imana ikora
ibitangaza. Amateka ya kera y'umurimo w'Imana akwiriye kujya asubirirwamo ubwoko bwayo
kenshi, baba abato n'abakuze. Dukeneye kujya dusubiramo ineza y'Imana kenshi kandi
tukayisingiriza imirimo itangaza yakoze. -Testimonies, Vol. 6, pp. 364, 365. [3UB273]
 IGICE CYA 42

GUTIZA INSENGERO ZACU ANDI MATORERO

Mu cyumweru gishize ku Isabato ishize, nitabiriye gahunda nari natanze yo kujya kubwiriza mu
rusengero mu mujyi wa San Francisco. Twagize amateraniro meza cyane. Hasaga n'ahagaragara
icyifuzo gikomeye abantu bashaka gutega amatwi, kandi bitaye cyane ku magambo yavugwaga.
[3UB274]
Iyi yari inshuro ya mbere nari mvugiye mu rusengero rw'i San Fransisco uhereye igihe hari
harabereye umutingito kandi hakaba n'inkongi y'umuriro. Inyubako yari imeze neza cyane kuruta
uko nari niteze kuyisanga. Icyumba kiberamo amateraniro ni kigari, kandi kiratunganyijwe neza.
Ku ruhímbi ndetse n'imbere hari hashashwe imiteguro (tapi) itukura. Iyo miteguro yitabwagaho
neza kandi igahora igaragara neza. Uruhimbi narwo rwari ruteguye neza. [3UB274]
Njye na sogokuru wawe ni twe twari twarakoze ingamba zo kuzamura iyi nyubako. Abandi bantu
bake cyane bifatanyije natwe, maze twese dukorera hamwe uko twari dushoboye kose. [3UB274]
Iyo nyubako yari ifite amadirishya magari arimo ibirahuri by'amabara, kandi byafashaga gutuma
igaragara neza. Yorodani yo kubatirizamo yari iteretswe ahantu heza hakwiriye. Inyuma
y'uruhimbi hari urukuta rubasha kwikaraga ku mapata bityo rwahava abari mu rusengero bose
bakabona ya yorodani. Ntabwo nabona uko ngaragaza gushima kwanjye nshimira uko Uwiteka
yarinze iyi nzu nini y'amateraniro mu gihe cy'umutingito n'inkongi y'umuriro. Ibi turabishimira
cyane. [3UB274]
Uru rusengero rukodeshwa Abaperisebuteriyani kugira ngo basengeremo ku Cyumweru. Inshuro
nyinshi hari ukuntu ibi byatubangamiraga, ariko kubera ko inzu bakoreragamo amateraniro yari
yarasenyutse, bumvaga banejejwe cyane n'amahirwe bafite yo gukoresha urusengero rwacu.
[3UB274]
Muri bimwe mu byumba byo hasi hakorerwa imirimo y'ivuriro, kandi harimo ibyumba birimo
ibyangombwa bihagije byo kuvuriramo abarwayi. Umurimo wagiye ukorerwa ahangaha wabaye
umugisha ku bantu benshi, ariko by'umwihariko uhereye igihe inkongi y'umuriro yabaga. -Letter
18a, 1906. [3UB275]
 IGICE CYA 43

KUMVA NTA BYIRINGIRO

ELLEN WHITE YIGEZE KWIYUMVAMO ATAKAJE IBYIRINGIRO

Umbaza impamvu ujya ukanguka mu ijoro maze ukumva ugoswe n'umwijima? Nanjye inshuro
nyinshi njya numva merewe ntyo; ariko ayo marangamutima yo gutakaza ibyiringiro si igihamya
cy'uko Imana yakuretse cyangwa yandetse ... Amarangamutima arangwa n'umwijima
w'icuraburindi si igihamya cy'uko amasezerano y'Imana ntacyo avuze. [3UB276]
Ureba ku marangamutima yawe, kandi kubera ko ibyo ubona byose bitarabagirana, utangira
kwiyegereza cyane umwambaro w'umubabaro ukawambika ubugingo bwawe. Wirebaho maze
ugatekereza ko Imana iri kukureka. Ugomba kureba kuri Kristo... [3UB276]
Iyo dusabanye n'Umukiza wacu, tuba twinjiye ahantu hamahoro... Tugomba guhora dushyira
kwizera kwacu mu bikorwa, kandi tukiringira Imana tutitaye ku kuntu amarangamutima yacu yaba
ameze kose.. Tugomba kugira akanyamuneza kuko tuzi ko Kristo yanesheje isi. Mu isi tuzagira
umubabaro, ariko tuzagira n'amahoro muri Yesu Kristo. Musaza wanjye, reka kwihanga amaso
ahubwo urebe kuri Yesu kuko ari we mufasha wawe rukumbi. - Letter 26, 1895. [3UB276]

INAMA YAHAWE UMUKOBWA WARI WATAKAJE IBYIRINGIRO

Mu mibereho yanjye ya Gikristo nanjye nanyuze ku rubuga uri kunyuraho muri iki gihe. Icyo gihe
byasaga n'aho nari mboshye mu minyururu y'ubwihebe. Igihe nari nkiri muto cyane, mfite impaka
12 gusa, namaze amezi menshi ntentebutse. Ariko Uwiteka ntiyandetse ngo ngume muri ubwo
buzima. Yankuruje imbabazi ze n'ubuntu bwe maze angeza mu mucyo. Nawe azagufasha. [3UB276]
Reka kwihanga amaso. Ntukitekerezeho cyangwa ngo uvuge ibikwerekeyeho. Ntabwo ushobora
kwikiza ubwawe kukw'umurimo wose mwiza ubasha gukora. Ntabwo Umwami Yesu yakugize
uwikorera icyaha [3UB276] [cyawe]. Ntabwo yabashije kubona umuntu n'umwe cyangwa
umumarayika wakwikorera icyaha [cya muntu]. Aravuga ati: "Mwese abarushye n'abaremerewe
nimuze munsange ndabaruhura." Mbese ntiwizera amagambo ya Kristo? Arakubwira ati:
"Mwemere kuba abagaragu banjye munyigireho, kuko ndi umugwaneza kandi noroheje mu
mutima, namwe muzabona uburuhukiro mu mitima yanyu, kuko kunkorera kutaruhije n'umutwaro
wanjye utaremereye" (Matayo 11:28, 29). [3UB277]
Tekereza ku Mukiza. Shyira ibyaha byawe ku Mukiza wikorera ibyaha, byaba ibyo wakoze
utabigambiriye n'ibyitumano. Uzi ko ukunda Umwami wawe; bityo rero wihangayikisha ubugingo
bwawe bitewe n'uko Satani akubuza amahwemo akoresheje ibinyoma bye. Izere ko Yesu
azababarira igicumuro cyawe kandi arakibabarira koko. Yikoreye ibyaha by'isi yose. Yishimira ko
umuntu w'umunyantege nke kandi uhagaritse umutima yamusanga maze akamwishingikirizaho.
Shaka Imana mu kwizera koroheje uvuga uti, "Ndizeye nkiza kutizera kwanjye." [3UB277]
Abamarayika Bita ku Bantu Bizera. - Ntabwo Uwiteka ahita aca abana be bararagira.
Arabihanganira. Abamarayika be bita ku muntu wese umwizera kandi akamwiringira. Muri aka
kanya ubwo usoma aya magambo, izere ko Uwiteka akwemera uko uri, nk'ikirara kandi
nk'umunyabyaha. Azi neza ko udashobora guhanagura n'icyaha na kimwe; azi ko amaraso ye
y'igiciro cyinshi yameneye umunyabyaha ahindura umwana w'Imana umuntu wihebye kandi
uhagaritse umutima. [3UB277]
Ijambo ry'Imana rimeze nkakarima kuzuyemo uburabyo bwiza buhumura. Muvandimwe wanjye,
mbese ntuzaca uburabyo, ngo uce indabyo z'amaroza n'andi moko menshi y'amasezerano ye?
Turiza mu rukundo rwe. Nta rurimi rushobora gusobanura cyangwa ubwenge bugira aho
bugarukira bubasha kwiyumvisha gukomera n'ubutunzi by'amasezerano yahawe abantu
b'abanyantege nke kandi batengurwa nk'uko umeze. Icyo usabwa gusa ni ukwizera no kwiringira
byoroheje; Uwiteka nawe ntajya ananirwa gusohoza uruhare rwe. Kubwo kwizera, egera Umukiza
uhebuje wikorera ibyaha, hanyuma kubwo kwizera umwifatanyeho akaramata. Ntuhagarike
umutima, kuko kugenza utyo bitazakemura ikibazo na gato. Izere ko Kristo ubwe ari we ucyaha
umwanzi, kandi ko umwanzi adashobora kuzongera kugutegeka. Izere ko Satani yacyashywe.
Igihe umwanzi agusanze ameze nk'umwuzure, Mwuka w'Uwiteka azakuzamurira ibendera kugira
ngo amurwanye. [3UB277]
Gundira Yesu Ntiwigere Umurekura. - Nongeye kugutegeka nti, 'Reka kwirebaho. Reba kuri
Yesu. Gundira Umunyambaraga ntumurekure. Umwami wacu Yesu yagaragarije urukundo
agukunda mu kuba yaratanze ubugingo bwe kugira ngo ukizwe. Bityo rero, ntukwiriye kutiringira
urwo rukundo. Ntukarebe ku ruhande rwijimye. Iringire Imana. Kubwo guhanga Yesu amaso we
Mukiza wawe ubabarira ibyaha, urahindurwa ugasa nawe. Vuga uti: "Nasabye Umukiza wanjye,
yarambatuye, kandi mfite umudendezo [3UB277] rwose. Ndi uw'Umwami wanjye, kandi nawe ni
uwanjye. Sinzatinya. Nzi ko mu ntege nke zanjye ankunda, kandi sinzamubabaza kubwo
kwerekana kutamwiringira. Nitandukanyije n'umwanzi. Kristo yaciye imigozi yari imboshye,
bityo nzasingiza Uwiteka." [3UB278]
Uko niko ushobora kwigisha no gukomeza umutima wawe. Uwiteka agufashe kandi aguhire igihe
cyose. Gira umudendezo, ni ukuri gira umudendezo mu Mwami wawe aka kanya. Ishimire
umudendezo wawe.- Letter 36, 1900. [3UB278]

REBA HIRYA Y'UMWIJIMA

Yesu ariho; yarazutse, yarazutse rwose, ni muzima iteka ryose. Ntukumve ko wikoreye umutwaro.
Ni ukuri hari umutwaro ukuriho, ariko se ni nde mwikoreranye uwo mutwaro? Nta wundi utari
Umucunguzi wawe. Satani azashyira umwijima we mu nzira unyuramo; nta kindi ushobora
kwitega uretse icyo. Ariko kandi uwo mwijima yawushyize no mu nzira Kristo yanyuzemo. Ubu
rero icyo ugomba gukora ni ukurenza amaso umwijima ukareba ku kurabagirana kwa Kristo...
Ntuhange amaso ibicantege; ahubwo utekereze uburyo Yesu ari uw'agaciro kenshi. [3UB278]
Ubwenge bwawe buzagirwa bushya n'Umwuka Wera. Mbese ushobora kwibagirwa ibyo Yesu
yagukoreye?... Wikuyeho amaso; maze ibitekerezo byawe byimbitse cyane kandi binejeje bihebuje
ubyerekeza ku Mukiza wawe uhebuje, uyrekeza ku kuntu akwitaho, ku byiringiro atanga no ku
rukundo rwe. Mbega uburyo ibyo wifuza ari we byerekejweho! [3UB278]
Ibyiringiro byawe byose wabishyize kuri we, kandi ibyo wari witeze byose byari bihujwe nawe.
Ni ukuri aracyagukunda; afite umuti wo komora inguma zawe, bityo rero ushobora guturiza muri
We... [3UB278]
Umuhumuriza azakubera ibyo wifuza byose. Uzumva usabwe na Mwuka w'Imana, kandi wumve
uburemere bw'ubutumwa n'umurimo. Nzi ko Uwiteka ashaka kuguhishurira ibitangaza byo mu
mategeko ye. Reka abantu bose bakumenye, ndetse bamenye ko wabanye na Yesu. -Letter 30a,
1892. [3UB278]
Hanga Amaso Umucyo. - Ntabwo nzemerera intekerezo zanjye gutinda ku ruhande rurangwamo
umwijima. Yesu amfitiye umucyo, ihumure, ibyiringiro n'ibyishimo. Nshaka guhanga amaso
umucyo, kugira ngo kurabagirana kwa Zuba ryo Gukiranuka kubashe kurasa mu mutima wanjye,
kandi kumurike no ku bandi. Inshingano ya buri Mukristo ni ukurabagirana - agakwiza hose
umucyo w'ubuntu Kristo atanga. Imana ishaka ko nyisingiza no mu mubabaro wanjye, nkerekana
ko nsobanukiwe ko iri kumwe nanjye. (Abaroma 5:1; 1Yohana 5:11). - Manuscript 19, 1892.
[3UB278]
 IGICE CYA 44

UMUCYO WIHARIYE WATANZWE KU GUTUNGANYA UBUSITANI

ELLEN G. WHITE YATANZE AMABWIRIZA AJYANA NO GUTERA IBITI BYERA IMBUTO

Igihe twari turi muri Australia, twafashe umugambi wo gucukura imyobo miremire maze
tukayuzuzamo ifumbire yari gutuma ubutaka buba bwiza. Ibi twagiye tubikora mu guhinga
inyanya, amacunga, indimu, pome n'inzabibu. [3UB279]
Umugabo watugurishije ingemwe za pome yambwiye ko yashimishwa n'uko najya kwitegereza
uko bazitera. Icyo gihe namusabye kundeka nkamwereka uko neretswe mu nzozi za nijoro uburyo
zikwiriye guterwa. Nasabye umugabo nari nahaye akazi gucukura icyobo kinini, hanyuma
agashyiramo itaka ryiza rivanze n'imborera, agakurikizaho amabuye, hejuru yayo akongeraho
itaka rivanze n'imborera. Nyuma y'ibyo yashyizeho itaka rigenda rigerekerana n'ifumbire kugeza
igihe icyobo cyuzuriye. Nabwiye wa mugabo watunganyaga ingemwe ko nagiye mpinga ntyo mu
butaka bw'uruharabuge muri Amerika. Namurarikiye kuzansura igihe izo mbuto zari kuzaba zeze.
Yarambwiye ati: "Ntabwo ukeneye ko nkwigisha uko batera ibiti." [3UB279]
Imbuto twahinze zareze cyane. Pome zabaye agahebuzo zifite amabara meza cyane, kandi ni zo
zabaye iza mbere mu buryohe ugereranyije n'izo nari narariyeho zose. Twahinze imbuto z'amoko
menshi cyane. -Letter 350, 1907. [3UB279]

GUTERA UMUTI WICA UDUKOKO MU BITI BY'IMBUTO

Hariho abantu bavuga ko nta kintu gikwiriye kwicwa, ndetse n'udukoko. Nta muntu Imana yahaye
ubutumwa nk'ubwo ngo abushyire ubwoko bwayo. Birashoboka ko umuntu yakwagura itegeko
rivuga ngo, "Ntukice" maze akarigeza aho ariho hose; ariko gukora ibyo ntibihuje n'imitekerereze
mizima. Abakora ibyo ntibigiye mu ishuri rya Kristo. [3UB280]
Kubera icyaha iyi si yaravumwe, kandi muri iyi minsi iheruka, udukoko twangiriza tw'ubwoko
bwose tuziyongera. Ibyo byonnyi bigomba kwicwa, nibitaba bityo bizatubuza amahoro kandi
bitubabaze ndetse bibe byanatwica, cyangwa se bibe byarimbura ibyo twakoze n'imbuto zo mu
mirima yacu. Ahantu henshi hari imiswa yangiriza rwose ibikoresho byo mu nzu bikozwe mu biti.
Mbese iyo miswa ntikwiriye kwicwa? Ibiti byera imbuto bigomba guterwa umuti wica udukoko
kugira ngo udusimba twari kwangiriza imbuto dupfe. Imana yaduhaye uruhare natwe tugomba
gukora, kandi uru ruhare tugomba kurukora dukiranuka, maze ibisigaye tukabiharira Uwiteka.
[3UB280]
Nta muntu Imana yahaye ubutumwa buvuga ngo, "Ntukice umuswa, cyangwa ikibugu cyangwa
ikimonyo." Tugomba kwirinda no kurimbura udukoko n'ibikururanda biteza ingorane kandi
byangiriza, kugira ngo twirinde kandi turinde n'ibyacu kwangirika. Kandi nubwo dukora uko
dushoboye kose kugira ngo twice ibyo byonnyi, nta kabuza bizakomeza kororoka. -Manuscript 70,
1901. (Review and Herald, Aug. 31, 1961.) [3UB280]
 IGICE CYA 45

INAMA ZIKWIRIYE ZATANZWE KU KWIFOTOZA NO GUSENGA

IBIGIRWAMANA
Ni ikibazo gikomereye abagabo n'abagore kuba baca umurongo ngenderwaho mu bijyanye no
kwifotoza. Bamwe bibasiriye amafoto y'ubwoko bwose. Bavuga ko ayo mafoto yose agomba
gutwikwa, bagashimangira ko gukora amafoto yose bibuzanywa n'itegeko rya kabiri; ko ibyo ari
ibigirwamana. [3UB281]
Ikigirwamana ni ikintu cyose abantu bakunda kandi bakacyiringira mu mwanya wo gukunda no
kwiringira Uwiteka Umuremyi wabo. Ikintu icyo ari cyose cyo ku isi abantu bifuza kandi biringira
ko gifite ububasha bwo kubafasha no kubagirira neza kibateshura ku Mana, kandi kiba
kibahindukiye ikigirwamana. Ikintu cyose kibasaba gugando urukundo rwabo, cyangwa gikura mu
bugingo bwabo ruheranyije rw'Imana, cyangwa se kikitambika kugira ngo kibabuze kwizera
Imana no kuyigirira icyizere cyose, kiba cyamaze gufata ishusho y'ikigirwamana mu ngoro
y'ubugingo bw'umuntu. [3UB281]
Itegeko rya mbere rikomeye riravuga riti: "Ukundishe Uwiteka Imana yawe umutima wawe wose,
n'ubugingo bwawe bwose n'ubwenge bwawe bwose" (Matayo 22:37). Ahangaha ntawemererwa
gukura urukundo rwe ku Mana. Mu 1 Yohana 2:15-17 tuhasoma aya magambongo:
"Ntimugakunde iby'isi cyangwa ibiri mu isi. Umuntu nakunda iby'isi, gukunda Data wa twese
ntikuba kuri muri we, kuko ikiri mu isi cyose ari irari ry'umubiri ari [3UB281] n'irari ry'amaso,
cyangwa kwibona ku by'ubugingo bidaturuka kuri Data wa twese, ahubwo bituruka mu isi. Kandi
isi irashirana no kwifuza kwayo, ariko ukora ibyo Imana ishaka azahoraho iteka ryose." Noneho
níba amafoto akozwe ari kuganisha ku gukura umuntu ku gukunda Imana, kandi akaba asengwa
mu mwanya w'Imana, aba yabaye ibigirwamana. Mbese abavuga ko ari abayoboke ba Yesu Kristo
baba bararutishije ibyo bintu Imana, kandi baba barabyeguriye urukundo rwabo? Mbese urukundo
bakunda ubutunzi rwaba rwarafashe umwanya Kristo yagombye gufata mu mitima yabo? [3UB282]
Mbese abatwitse amafoto yose y'inshuti zabo n'andi mafoto yose bigeze kugira, baba barageze ku
rwego ruhanitse rwo kwitanga kubera iki gikorwa bakoze, kandi mu magambo yabo, mu
myitwarire no mu bugingo bwabo baba basa n'abahawe icyubahiro kandi bajya ku rwego rwo
hejuru, ndetse imitima yabo ikaba irushjeho kurangamira ijuru? Mbese imibereho yabo yaba
yarakungahaye kurenza uko byari biri mbere? Mbese barushaho gusenga, kandi baba bizera ko
bafite ukwizera kurushijeho gutungana rwose nyuma y'iki gitambo batanze? Mbese baba
barazamutse umusozi. Mbese umuriro wera waba waracanwe mu mitima yabo, ukabaha ishyaka
rishya no kwiyegurira Imana n'umurimo wayo mu buryo bukomeye kuruta uko byari bimeze
mbere? Mbese ikara ryaka rikuwe ku gicaniro cy'ibitambo ryaba ryarakoze ku mitima yabo
n'iminwa yabo? Urebye imbuto bera wavuga umurimo bakora uwo ari wo. -Manuscript 50, 1886.
[3UB282]
 IGICE CYA 46

UMUZIKI N'INDIRIMBO N'UMUYOBOZI WABYO

KURIRIMBA BYIRUKANA INGABO Z'UMWIJIMA

Nabonye ko tugomba kujya duhaguruka buri munsi maze tukaganza ingabo z'umwijima. Imana
yacu irakomeye. Nabonye ko kuririmba ikuzo ry 'Imana akenshi byagiye byirukana umwanzi,
kandi gusingiza Imana byanesha Satani bikaduha intsinzi. -Manuscript 5, 1850. [3UB283]

UMWUKA W'AB'ISI MU BIJYANA N'INDIRIMBO

Si byiza ko abakozi b'Uwiteka bagira uruhare mu binezeza by'isi. Bamwe mu bubahiriza Isabato
bafata ko kwifatanya n'ab'isi mu bijyana n'indirimbo n'umuziki ntacyo bitwaye. Ariko bene abo
ngabo bari ku rubuga ruteza akaga. Uko ni ko Satani ashaka kuyobya abagabo n'abagore, kandi
muri ubwo buryo yamaze kwigarurira ubugingo bwabo. Umwanzi akora niruto niruto
yigengesereye mu buryo bureshyareshya ku buryo umuntu atakeka amayere ye maze benshi mu
bagize iterero bagahinduka abakunda ibinezeza aho gukunda Imana. -Manuscript 82, 1900.
[3UB283]
Neretswe ibya mwenedata U, mbona ko azabera itorero umutwaro keretse gusa naramuka agiranye
umubano wimbitse n'Imana. Ariyemera cyane. Iyo imigenzereze ye inenzwe yumva
akomerekejwe. Iyo atekereje ko hari undi muntu bamurutishije bakamushyira imbere ye, yumva
ko bamugiriye nabi... [3UB283]
Mwenedata u azi neza umuziki n'indirimbo, ariko uburere yahawe mu bijyana n'umuziki
n'indirimbo buteye ku buryo akwiriye guhagarara imbere y'imbaga kuruta kuba muri gahunda yera
yo kuramya Imana. Kuririmba [3UB283] bihwanye rwose no kuramya Imana mu materaniro
y'iby'idini, kimwe no kuvuga, kandi akantu kose umuntu akora gatandukanye n'abandi cyangwa
kihariye gakurura intekerezo z'abantu kandi karimbura isura idakebakeba kandi yera yagombye
gusigara mu bantu ari imbuto ivuye ku ndirimbo zera. Ikintu cyose cy'inzaduka mu kuririmba
giteshura abantu mu kudakebakeba no kwera kwa gahunda y'iyobokamana. [3UB284]
Umuziki Wiyubashye, Wera kandi Ukora ku Mutima. Gukoresha umubiri ibimenyetso nta
kintu kinini byungura. Ikintu cyose gifitanye isano mu buryo ubwo ari bwose no kuramya Imana
gikwiriye kuba cyiyubashye, cyera kandi gikora ku mutima. Iyo abagabura bavuga ko
bahagarariye Kristo bamugaragaje nabi ku rwego rw'uko bakoresha umubiri wabo nk'abari gukina
ikinamico, bagakora ibimenyetso bitiyubashye kandi bitagira gahunda, bidatunganye kandi
bidafite injyana, ibyo ntibinezeza Imana. Ibi byose birasetsa kandi bizabyutsa amatsiko y'abantu
bifuza kubona ibintu by'inzaduka kandi bitera gusamara, ariko bene ibyo bintu ntibizazamura
intekerezo n'imitima by'ababireba. [3UB284]
Ibintu nk'ibyo byavugwa no ku kuririmba. Ugira inyifato itarangwa no kwiha agaciro. Ushyiramo
imbaraga zose kandi ukarangurura ijwi ryawe ku rwego rwa nyuma ubasha kugeraho. Usohora
amajwi anoze kandi asobetse ntiyumvikane kubera gusakuza cyane akumvikana nk'ay'umuziki
gusa kurenza ko ari ayawe. Kwiyerekana nk'uko nagiye mbona mu materaniro yacu rimwe na
rimwe ntikurangwa mu bamarayika. Amanota y'indirimbo nkayo atumvikana neza ndetse
n'ibimenyetso bikorwa ntibyigera bigaragara mu mutwe w'abaririmbyi w'abamarayika. Ntabwo
kuririmba kwabo kuryana mu matwi. Kuratuje kandi kurimo injyana ndetse kubaho badakoresheje
izo mbaraga nyinshi nk'izo nabonye. Ntibaririmba bahata cyangwa ngo bibananize, kandi ngo
bibasabe gukoresha imbaraga z'umubiri. [3UB284]
Amarangamutima Ntakorwaho, Umutima nawo Ntutsindwa. Mwenedata U. ntazi umubare
w'abantu barangara kandi bazinukwa. Abantu bamwe ntibashobora kwikuramo ibitekerezo
bitejejwe rwose n'amarangamutima bidahamye kugira ngo barebe ibintu bidatunganye bikorwa
mu kuririmba. Mwenedata U ariyerekana ubwe. Kuririmba kwe ntikugira imbaraga yo kwigarurira
umutima no gukora ku marangamutima. Abantu benshi bitabiriye amateraniro kandi bumvise
amagambo y'ukuri yavugiwe ku ruhimbi yagiye atsinda imitima yabo kandi akayizahura. Nyamara
inshuro nyinshi uburyo kuririmba kwagiye gukorwa ntikwatumye uko gukorwa ku mutima
byimbika. Kwitakuma no guhindura umubiri ukundi, isura idashimishije z'imbaraga akoresha
yihata, byagiye bigaragara ko bidakwiriye gukorerwa mu nzu y'Imana, byari nk'umukino wo
gusetsa ku buryo uko imitima yari yakozweho mu buryo bukomeye byayivuyemo. Abizera ukuri
ntibakomeza gutekerezwa nk'uko batekerezwaga mbere yo kuririmba. [3UB284]
Byose Bigomba Gukorwa nk'Uko Ashaka. Kumenya uko abantu bafata ikibazo cya mwenedata
U. byaragoye. Yabaye nk'umwana utaratojwe ikinyabupfura kandi utararezwe. Igihe imigenzereze
ye yakemangwaga, aho kugira ngo uko gucyahwa agufate nk'umugisha, yaretse amarangamutima
ye amutwara nk'uko yibwira maze acika intege ntiyagira ikindi kintu yongera gukora. Mu bintu
byose iyo atashoboraga gukora uko yishakira, ngo byose abikore mu buryo bwe, ntiyashoboraga
kugira icyo afashamo na gito. Ntabwo yitwararitse mu murimo ku buryo ahindura amatwara ye,
ahubwo yiyeguriye gutwarwa n'amarangamutima yo kwinangira amutandukanya n'abamarayika
beza maze akazana abadayimoni bakamukikiza. Ukuri kw'Imana kwakiriwe mu mutima gutangira
kuzana impinduka iboneza kandi yeza ubugingo. [3UB285]
Mwenedata U. Yagiye atekereza ko kuririmba byari ikintu gihebuje ibindi kigomba gukorwa muri
iyi si kandi ko afite uburyo bwagutse ndetse bukomeye bwo kuririmba. [3UB285]
Kuririmba kwawe ntigushobora na gato kunezeza korari y'abamarayika. Tekereza nawe uhagaze
mu itsinda ry'abamarayika maze ukajya uzamura intugu zawe, ugatsindagira amagambo,
ukanyeganyeza umubiri wawe kandi ugahanika ijwi ryawe ryose ukarimarayo. Ni gitaramo ki no
kuzuzanya ki byaba muri uko kwiyerekana imbere y'abamarayika? [3UB285]
Imbaraga z'Umuziki n'Indirimbo. -Umuziki n'indirimbo bikomoka mu ijuru. Mu muziki
n'indirimbo habamo imbaraga ikomeye. Indirimbo yaririmbwaga n'umutwe w'abamarayika ni yo
yakoze ku mitima y'abashumba bari bari mu bibaya by'i Betelehemu kandi yirangira ku isi yose.
Mu ndirimbo ni ho ibisingizo byacu bizamukira bigana ku Mana yo yuje ubutungane no
kutabusanya. Amaherezo abacunguwe bazinjira mu ngororano yo kudapfa bacuranga kandi
baririmba indirimbo zo kunesha. [3UB285]
Mu ijwi ry'umuntu harimo ikintu cyera mu buryo bwihariye. Uko ritabusanya n'imbaraga itera
ubwuzu n'ibambe ikomoka mu ijuru irirangwamo bituma rihebuza igicurangisho cya muzika icyo
ari cyo cyose. Umuziki w'ijwi ni imwe mu mpano Imana yahaye abantu, kandi ni igikoresho
kitagira icyakiruta kandi kitagereranywa igihe urukundo rw'Imana rusabye mu bugingo.
Kuririmbana umwuka no gusobanukirwa [ibyo uririmba] nabyo ni ikintu gikomeye cyiyongera
kuri gahunda zo kuramya zibera mu nzu y'Imana. [3UB285]
Mbega uburyo iyi mpano yateshejwe agaciro! Igihe iyi mpano izaba yejejwe kandi itunganijwe
izakora ibyiza bikomeye mu gusenya insika z'urwikekwe no kutizera kurimo kwinangira, kandi
izaba inzira yo guhindura ubugingo bw'abantu. Ntabwo gusobanukirwa amahame yo kuririmba
bihagije, ahubwo gusobanukirwa no kumenya bigomba kuba byomatanye n'ijuru ku buryo
abamarayika bashobora kuririmbira muri twe. [3UB285]
Amagambo n'Amajwi Atuje kandi meza Yaranizwe. -Ijwi ryawe ryumvikanye mu rusengero
rirangurura cyane, ryabaye amakaraza, riherekejwe n'ibimenyetso ukora bitiyubashye rwose ku
buryo amagambo n'amajwi atuje kandi meza cyane, ameze rwose nk'indirimbo ya marayika
adashobora kumvikana. Waririmbiye abantu kuruta uko waririmbiye Imana. Ubwo ijwi ryawe
ryazamukaga ukarihanika rikaruta ay'abari mu iteraniro yose, watekereje gutangarirwa kwawe
wari uri gutera mu bantu. Mu by'ukuri wagiye ugira ibitekerezo bihanitse bijyana no kuririmba
kwawe, ku buryo wagiye utekereza ko ukwiriye kujya uhemberwa gukoresha iyi mpano yawe.
[3UB286]
Gukunda gusingizwa ni byo byabaye impamvu shingiro y'ibyo ukora m buzima bwawe. Iyi ni
impamvu nkene ku Mukristo. Wagiye wifuza guteteshwa no gusingizwa nk'umwana muto. Ufite
ibintu byinshi ugomba kurwana nabyo byo muri kamere yawe bwite. Gutsinda intege nke za
kamere yawe no kurangwa n'imibereho yo kwiyanga kandi yera byaragukomereye. -Manuscript
5, 1874. [3UB286]
 IGICE CYA 47

MUKORERE MU MWUKA Wo GUSENGA

Numva mfite icyifuzo gikomeye cy'uko iyi nama y'Inteko Nkuru Rusange [yo mu 1901] yazaba
inama iyobowe n'Imana. Iki ni igihe cy'ingenzi, ndetse cy'ingenzi cyane. Hari umurimo ukomeye
ugomba gukorwa. Ariko kuba inama yazagenda neza bishingiye kuri twe ndetse buri wese ku giti
cye. Dushobora kugira ijuru ahangaha muri iyi nama... [3UB287]
Hari imyanzuro ikomeye ndetse y'ingenzi igomba gufatirwa muri iyi nama, kandi Imana ishaka ko
buri wese muri twe ahagarara mu mwanya w'umubano mwiza nayo. Ishaka ko dukora umurimo
ukomeye turushaho gusenga cyane maze tukavuga make. Ishaka ko dukingura amadirishya
y'imitima yacu yerekeye mu ijuru. Amarembo y'ijuru yuzuyemo umucyo w'ubwiza bw'Imana,
kandi Imana izatuma uyu mucyo umurika mu mutima w'umuntu wese uzahagarara mu mwanya
w'umubano mwiza n'Imana muri iyi nama. [3UB287]
Abantu bamwe bagiye bavuga ko batekerezaga ko muri iyi nama iminsi myinshi yagombye
gukoreshwa mu masengesho dusaba İmana kuduha Umwuka Wera, nk'uko byagenze ku munsi wa
Pentekote. Ndifuza kubabwira ko umurimo wagombye kuba uri gukorerwa muri iyi nama ari
umugabane umwe w'umurimo w'Imana nk'uko gusenga nawo ari umugabane umwe. Inama yiga
ku miterere y'umurimo igomba kuba iyobowe n'Umwuka Wera kimwe n'amateraniro yo gusenga.
Hari akaga ko kugira iyobokamana rishingiye ku marangamutima no gutwarwa n'imbaraga kamere
nta kwitegeka. Nimutyo ibivugwa n'ibikorwa byose muri iyi nama bibe byera ku buryo intumwa
iturutse mu ijuru ishobora kubyemera. Tugomba kurinda mu buryo bwera cyane ibyerekezo bitari
bimwe by'umurimo wacu. Buri cyerekezo cyose cy'umurimo ukorerwa hano muri iyi nama
gikwiriye kuba gihuje n'amahame y'ijuru. [3UB287]
Imana ishaka ko muhagarara aho ishobora kubahumekeraho Umwuka Wera, aho Kristo ashobora
gutura mu mutima. Ishaka ko mu itangira ry'iyi nama muzibukira rwose ikintu icyo ari cyo cyose
cyateza guhangana, amakimbirane, kwirema ibice no kwitotomba mwagiye mugira. Icyo dushaka
ni ibintu byinshi bikomoka kuri Kristo cyane bityo ntihagire na kimwe kiva ku narinjye. Umukiza
aravuga ati: "Ntacyo mubasha gukora mutamfite."... [3UB288]
Tugeze aho Imana igiye kugira icyo ikorera ubwoko bwayo. Yifuza ko ubwoko bwayo bwaba
ubwoko buyihagarariye, butandukanye rwose n'abandi bantu muri iyi si yacu. Imana ishaka ko
ubwoko bwayo buhagarara aharengeye, kubera ko yatanze ubugingo bwayo kugira ngo ubwoko
bwayo bubashe guhagarara aho hantu. Ntimugatume Uwiteka atababonaho icyo yari abitezeho. -
Manuscript 29, 1901. [3UB288]

IMYANZURO MYINSHI CYANE

Imyanzuro myinshi cyane mufata ikeneye kugabanywa hagasigara kimwe cya gatatu cyayo,
hakabaho ubushishozi bukomeye ku bijyanye n'imyanzuro ifatwa ikandikwa. -Letter 45, 1899.
[3UB288]
Neretswe ko inama twagiye tugira zagiye zikabirizwa kuremererwa n'imyanzuro ifatwa. Kimwe
cya cumi cy'ayo cyaba ingirakamaro cyane kurusha ko habaho umubare munini wayo. Ibi bintu
nabivuze neruye, ariko mwakomeje gushimangira ko umwanzuro ukwiriye gushyirwa mu
bikorwa. -Letter 22, 1889. [3UB288]

IGICE CYA 48

ABAHANUZI BO MURI BIBILIYA BANDIKIYE IGIHE CYACU

Ntabwo Imana yigeze ibura kutuzirikana. Imana ni yo byishimo byacu n'agakiza kacu. Buri wese
mu bahanuzi ba kera yavuze bike bijyanye n'igihe cyabo ariko avuga byinshi birebana n'icyacu ku
buryo ubuhanuzi bwabo butureba cyane. "Ibyo byabereyeho kutubera akabarore, kandi
byandikiwe kuduhugura, twebwe abasohoreweho n'imperuka y'ibihe." (1Abakorinto 10:11).
Kandi bahishurirwa yuko batabyiyerekewe ahubwo ko ari mwe babyerekewe. Ibyo none mumaze
kubibwirwa n'ababwirije ubutumwa bwiza, babwirijwe n'Umwuka Wera woherejwe ava mu ijuru,
kandi ibyo abamarayika babigirira amatsiko bashaka kubirunguruka" (1 Petero 1:12). [3UB289]
Bibiliya ni cyo gitabo mwagiye mwiga. Niko iteye kubera ko ariyo nama y'ukuri y'Imana, kandi
ni yo yagiye inyuzwamo imbaraga zera ziyobora abantu isi yigeze igira uhereye ku kuremwa
kwayo. Dufite inkuru idukomeza ivuga ko Henoki yagendanye n'Imana. Niba Henoki
yaragendanye n'Imana muri cya gihe cy'ubuhenebere cyabanjirije kurimbuka kw'isi 'irimbujwe
umwuzure, tugomba guhabwa ubutwari kandi tugaterwa umwete n'urugero rwe ko tudakwiriye
kwanduzwa n'isi, ahubwo ko dushobora kugendana n'Imana n'igihe turi hagati y'imbaraga
n'amatwara byayo byangiriza. Dushobora kugira wa mutima wari muri Kristo. [3UB289]

UBUTUNZI BUGENEWE AB'IGISEKURU GIHERUKA

Henoki, uwa karindwi uhereye kuri Adamu, yahoraga ahanura ibyo kuzaza k'Umukiza. Icyo
gikorwa gikomeye yagihishuriwe mu nzozi. Nubwo Abeli yapfuye, ahora avuga iby'amaraso ya
Kristo yo yonyine ashobora gutuma ituro n'impano byacu biba bitunganye. Bibiliya yashyize
hamwe [3UB289] kandi ikusanya ubwo butunzi bwayo ibuteganyirije ab'iki gisekuru giheruka.
Ibintu byose bikomeye byabaye n'ibikorwa bikomeye byo mu mateka yo mu Isezerano rya Kera,
byagiye byisubiramo kandí biri no kwisubiramo mu itorero muri iyi minsi ya nyuma. Hariho Mose
ukivuga, kandi ucyigishiriza kwiyanga mu magambo yavuze yifuza ko yahanagurwa mu Gitabo
cy'Ubugingo kubwa bagenzi be, kugira ngo bakizwe. [Binyuze mu nyandiko] Dawidi
aracyayobora isengesho asabira itorero kubw'agakiza kabantu kugeza ku mperuka y'isi. Abahanuzi
baracyahamya iby'imibabaro ya Kristo ndetse n'ikuzo ryajyaga kuyikurikira. Ukuri kose
kwakusanyijwe kwatugaragarijwe muri Bibiliya gufite imbaraga kugira ngo tubashe kungurwa
n'inyigisho zako. Tuyoborwa n'uko kuri kose. Mbega abantu twagombye kuba bo ku bantu bahawe
uyu murage w'umucyo mwinshi! Imbaraga zisumbyeho zizahabwa abantu bose bazakurikíra
umucyo, bagakomatanya imbaraga zihindura zose zo mu gihe cyashize n'umucyo mushya kandi
wiyongereye wo muri iki gihe. Kwizera kwabo kuziyongera, kandi gukoreshwe muri iki gihe,
gukangure imbaraga n'umwete mwinshi, ndetse binyuze mu kwishingiriza ku Mana izabaha
imbaraga zayo ngo baringanize ahataringaniye kandi bohereze umucyo wa Zuba ryo Gukiranuka
ugere ku mpera z'isi. [3UB290]
Ubwoko bw'Imana nibwakira impano yayo itagira akagero kandi bukomatanya ikibushishikaje
cyose na Yo, buzabona muri iyi minsi ya nyuma Imana yakungahaje isi ku rwego rungana n'urwo
gukiranirwa kwagezeho. Ntihakwiriye kubaho ibigirwamana abantu biziritseho, kandi
ntidukwiriye gutinya ibizaba, ahubwo nibabitse uwo Muremyi wacu wo kwizerwa ubugingo
bwabo. Azarinda icyo yabikijwe. -Letter 74a, 1897. [3UB290]

IGICE CYA 49

MBESE ABANTU BOSE BAGIRA IMPANO YO GUHANURA?

Hari amakuru agenda angeraho uko ibihe bigenda bisimburana yerekeye ku magambo avugwa ko
yavuzwe na Ellen G. White ariko kuri njye ayo magambo akaba ari mashya, ndetse ayo magambo
akaba atabura kuyobya abantu ku birebana n'ibitekerezo byanjye n'inyigisho zanjye nyakuri. Hari
umugore, mu rwandiko yoherereje inshuti ze, uvugana ubwuzu bwinshi ku magambo yavuzwe
n'umuvandimwe Jones ngo ko Ellen White yabonye ko, niba tugirana n'Imana umubano
utunganye, igihe cyageze ubwo abantu bose bashobora kugira impano y'ubuhanuzi ku rwego
rumwe n'urw'abari kugira amayerekwa muri iki gihe. [3UB291]
Mbese aya magambo avugwa afite imbaraga akura hehe? Nizera ko uwo mugore atumvise ibyo
umuvandimwe Jones yavugaga, kubera kontashobora gutekereza ko yaba yaravuze ariya
magambo. Umwanditsi akomeza agira ati: "Mu ijoro ryashize mwene Data Jones yavuze ko ari ko
bimeze, ko Imana itazabwira abantu bose ibigendereye kungura buri muntu wese ko ahubwo
izavugana na buri muntu kubw'ibimwungura ku giti cye, ndetse ibi bizasohoza ubuhanuzi bwa
Daniyeli." Yavuze ko ibi biri kugenda bibaho ahantu henshi. [3UB291]
Yavugaga nk'aho yatekerezaga ko nta muntu n'umwe wari kuzafata umwanya w'imbere nk'uko
Ellen G. White yari yarakoze kandi azakomeza gukora. Yavuze kuri Mose nk'icyitegererezo. Mose
yari umuyobozi, ariko hari abandi benshi bavuzweho ko bahanuraga, nubwo ubuhanuzi bwabo
butanditswe. Nta burenganzira mwene Data Jones azatanga bw'uko ibyasomwe ahangaha
byaturutse kuri uwo mugore byakwandukurwa mu mpapuro nyinshi ngo bikwirakwizwe mu
bantu... [3UB291]
Ntabwo nshidikanya kuvuga ko ibyo bitekerezo bifitanye isano no guhanura icyari kuba cyiza ari
uko bitari kuvugwa na gato. Bene ayo magambo ategurira inzira imigendekere y'ibintu Satani
azuririraho nta kabuza kugira ngo yinjize ibikorwa by'ubushukanyi. Hariho akaga k'uko abantu
badafite intekerezo zihamye atari bo gusa bazashorwa mu bwaka, ko ahubwo abantu b'incakura
bazaca urwaho uko gutwarwa kugira ngo bagure imigambi ishingiye kuri kamere yabo bwite.
[3UB292]
Yesu yavuze ijwi ry'imbuzi agira ati: "Mwirinde abahanuzi b'ibinyoma baza aho muri basa
n'intama, ariko imbere ari amasega aryana. Muzabamenyera ku mbuto zabo. Mbese hari
abasoroma imizabibu ku mugenge, cyangwa imbuto z'umutini ku gitovu?" (Matayo 7:15,16). "Uko
ni ko Uwiteka Nyiringabo avuga ati "Ntimukumvire amagambo abahanuzi babahanurira:
Babigisha ibitagira umumaro bihimbwe n'imitima yabo bitavuye mu kanwa Davuga ibyo beretswe,
(Yeremiya 23:16)."Icyo gihe umuntu nababwira ati 'Dore Kristo ari hano, cyangwa ati 'Dore ari
hariya' ntimuzabyemere, kuko hazaduka abiyita Kristo n'abahanuzi b'ibinyoma bakora
ibimenyetso n'ibitangaza, kugira ngo babone uko bayobya n'intore niba bishoboka. Ariko mwebwe
mwirinde, dore mbibabwiye byose bitaraba." (Mariko 13:21-23). -Letter 6a, 1894. [3UB292]

IGICE CYA 50

GUPFOBYA ABAVUGABUTUMWA BATUBANJIRIJE MU MURIMO

Birashoboka kuvuga ibyabayeho bifitanye isano n'iby'ubwoko bw'Imana bwanyuzemo mu gihe
cyashize, ndetse bikavugwa mu buryo butuma ibyo baciyemo bihabwa isura isuzuguritse kandi
inengwa. Si byiza gufata ibintu bimwe byaranze umurimo maze ukabitandukanya n'umurimo wose
ukomeye wakozwe. Bigenze bityo habaho kugaragaza uruvange rw'ukuri n'ikinyoma, urwo abanzi
bacu bakwifashisha cyane bakabangamira ukuri kandi bikabera imbogamizi umurimo w'Imana...
[3UB293]
Mureke ntihakagire umuntu n'umwe mu bo dusangiye kwizera utekereza ko yaba ari gukora
umurimo w'Imana igihe avuga inenge z'abantu bakoze umurimo mwiza, wagutse kandi ushimwa
ubwo biyuhaga akuya kugira ngo babwire abantu bacumuye ubutumwa bw'imbabazi,
bashishikajwe nagakiza k'ubugingo bw'abarimbuka. Reka tuvuge ko abo bene Data bari bafite
intege nke zirangwa mu mico yabo barazwe na ba sekuruza babo nabo batari miseke igoroye,
mbese izo nenge zijye zishakishwa zishyirwe ahagaragara kandi zikuririzwe? [3UB293]
Mbese abantu Imana yatoranyije ngo bakore ubugorozi bahinyuza ubupapa no gusenga
ibigirwamana bazajya bagaragazwa mu buryo buhinyurwa? Ibendera ry'umutware w'isinagogi ya
Satani ryarazamuwe rigezwa hejuru, kandi ikinyoma gisa n'icyiyereka cyizihiza intsinzi, kandi
binyuze mu mpano Imana yahaye abagorozi, barwanye urugamba bararutsinda bahanganye
n'ingabo z'umwijima. Neretswe ibyabaye mu mateka y'abagorozi. Nzi neza ko Umwami Yesu
n'abamarayika be bitegerezanyije amatsiko menshi urugamba [abagorozi] barwanye [3UB293]
bahanganye n'imbaraga za Satani wahurije hamwe ingabo ze n'abantu babi mu mugambi wo
kuzimya burundu umucyo uva mu ijuru, ari wo muriro w'ubwami bw'Imana. Kubwa Kristo,
barakobwe, barasuzugurwa kandi bangwa n'abantu batari bazi Imana. Bashinjwe ibinyoma ndetse
baratotezwa kugeza no ku rupfu, bitewe n'uko batashoboraga kureka kwizera kwabo. Niba hari
umuntu uhangara gufata abo bantu mu kiganza cye, kandi agashyira kwibeshya kwabo n'amakosa
yabo imbere y'isi yose, mureke bene uwo muntu yibuke ko ibyo akora ari kubikorera Kristo
binyuze mu bera be…..[3UB294]
Gucyahwa k'Umwanditsi w'Umudiventisiti. - Washyize ku karubanda amakosa n'inenge
by'ubwoko bw'Imana, kandi kubwo kugenza utyo wubahutse Imana na Yesu Kristo. Kuri njye
ntabwo mba narakoresheje ukuboko kwanjye kw'iburyo ngo mpe abatuye isi ibyo wanditse.
Ntabwo wigeze utekereza kumpinduka umurimo wawe ushobora kuzabyara... [3UB294]
Ntabwo Uwiteka yaguhamagariye gushyira ibyo bintu ku karubanda nk'amateka atunganye
y'abantu bacu. Umurimo wawe uzatuma biba ngombwa dukora umurimo wo kwerekana impamvu
abo bene Data bagiye mu ruhande bahagazemo, kandi twibutse abantu uko ibintu byari bimeze
kwateye abo inyandiko zawe zashyizeho urwikekwe no kugawa gukora uko bakoze. [3UB294]
Watanze Isura Igoretse. -Ntabwo wowe ubwawe wari mu byo abo wanditseho banyuzemo mu
bihe bya mbere, ari nabo bahawe kwiruhukira imihati yabo. Icyo watanze gusa ni isura irangwamo
kubogama; kubera ko utigeze werekana ko imbaraga z'Imana zakoranye n'imihati yabo, nubwo
hari amakosa amwe bakoze. Washyize imbere y'abatuye isi amakosa ya bene Data dusangiye
kwizera, ariko nta kintu wigeze ugaragaza cy'uko Imana hari icyo yakoze kugira ngo ikosore ayo
makosa, kandi ngo ishyire ku murongo izo ngingo zakemangwaga. Abaturwanya bazanezezwa no
gutubura ingingo bahawe n'abantu bacu. Wagaragaje neza amakosa y'intumwa za mbere,
ugaragaza amakosa y'abantu bari ab'agaciro mu maso y' Uwiteka mu gihe Kristo yari hano ku isi.
[3UB294]
Mu kugaragaza ibyemezo bikaze byagiye bifatwa n'intumwa z'Imana, mbese utekereza ko uzatera
abantu kugirira icyizere umurimo w'Imana ukorwa muri iki gihe? Reka kubwo guhumekerwa
n'Imana, Imana abe ari yo igaragaza amakosa y'ubwoko bwayo kugira ngo bwigishwe kandi
bucyahwe; ariko ntihakagire iminwa y'abantu bapfa cyangwa amakaramu yabo bitinda ku bintu
byaranzwe mu byo ubwoko bw'Imana bwanyuzemo bishobora kuzaganisha mu kujijisha no
kwijimisha intekerezo. Mureke he kugira umuntu n'umwe wita ku makosa y'abantu umurimo wabo
rusange wemewe n'Imana. Inyandiko watanze ntabwo ziteye ku buryo zasiga isura nyakuri kandi
nziza mu ntekerezo z'abazisoma ku birebana n'umurimo wacu n'abakozi bacu... [3UB294]
Abana b'Imana ni ab'agaciro cyane mu maso yayo, kandi abantu bakoresha ikaramu yabo cyangwa
ijwi ryabo bagaca intege n'iyo yaba uworoheje hanyuma y'abandi mu bizera Yesu Kristo, abo bantu
bandikwa mu ijuru nk'abakomeretsa Kristo ubwe. "Ndababwira ukuri yuko ubwo mwabikoreye
umwe muri bene Data aba boroheje bari hanyuma y'abandi, ari jye mwabikoreye." (Matayo 25:40).
Dukeneye kwibuka ko twagombye kurinda intekerezo zacu, amarangamutima yacu, amagambo
yacu n'ibikorwa byacu twigengesereye kugira ngo tudakomeretsa kandi tudatera imibyimba
Umukiza binyuze mu bera be; kubera ko yatubwiye yeruye ko we ubwe yisanisha
n'ikiremwamuntu kibabazwa. Nta muntu n'umwe wo mu bakiranutsi b'Imana uzahabwa icyubahiro
cy'ikamba ry'ubugingo mu bwami bw'ubwiza ataranyuze mu ntambara n'ibigeragezo bikomeye.
Umuntu wese utsinda mu marushanwa yo gusiganirwa guhabwa ikamba ritangirika, agomba
kuzaba yarahatanye akurikiza amategeko ... [3UB295]
Ntimukerekeze Intwaro Zanyu z'Intambara ku Basirikare ba Kristo. -Tugomba kwerekeza
intwaro zacu z'intambara ku banzi bacu, ariko ntitugomba kuzerekeza ku bari kugenda bakurikiza
amabwiriza bahabwa n'Umwami w'abami kandi bari kurwana kigabo urugamba rw'Umwami
w'abami. Mureke he kugira umuntu n'umwe urasa ku musirikare w'Imana izi neza, uwo Imana
yohereje ngo ashyire isi ubutumwa bwihariye kandi ajye gukora umurimo wihariye. [3UB295]
Abasirikare ba Kristo ntibabasha kugaragaza ubutungane mu ntambwe zabo igihe cyose, ariko
amakosa yabo ntakwiriye gutera bagenzi babo kuvuga amagambo azabaca intege, ahubwo
bakwiriye kuvuga amagambo azabakomeza, kandi azabafasha kongera kwigarurira ibirindiro bari
batakaje. Ntabwo bakwiriye gusuzuguza icyubahiro cy'Imana, kandi ngo bahe icyuho abanzi gica
b'Umwami wabo. [3UB295]
Mureke he kugira abasirikare baba abacamanza b'intavumera kandi badashyira mu gaciro ba
bagenzi babo, kandi ngo babe bakuririza inenge yose. Mureke be kugaragaza imico ya Satani
bahinduka abarezi ba bene se. Dushobora kuzisanga ubwacu ab'isi batuvuga uko tutari kandi
batwita abanyabinyoma, nyamara dushikamye ku kuri kandi twerereza amategeko y'Imana
yaribaswe. Ariko mureke he kugira umuntu n'umwe usuzuguza umurimo w'Imana akoresheje
gushyira ku karubanda ikosa runaka abasirikare ba Kristo bashobora gukora, igihe iryo kosa
rirebwa kandi rigakosorwa n'abantu bamaze kujya mu ruhande rutari urw'ukuri... [3UB295]
Abantu bakorana ubwenge buke bagashyira ku karubanda amakosa ya bagenzi babo basangiye
kwizera Imana izababaraho icyaha gikomeye cyane kurusha icyo izabara ku muntu uteshuka
inzira. Kunenga no guciraho iteka abavandimwe dusangiye kwizera bifatwa nko kunenga no
guciraho iteka Kristo ubwe. -Letter 48, 1894. [3UB295]

KUGIRA UMUCYO MWINSHI BITANGA INSHINGANO IRUSHIJEHO GUKOMERA

Muri iki gihe twahawe umucyo mwinshi n'amahirwe yagutse, bityo rero tubarwaho inshingano yo
kurushaho kugaragaza uwo mucyo. Ibi bizagaragazwa n'ubutungane no kwitanga biruseho.
Kuyoboka Imana kwacu gukwiriye kuba guhwanye n'umucyo utumurikira muri iki gihe. [3UB296]
Ariko kuba dufite umucyo mwinshi ntibiduha urwitwazo rwo gusesengura no gucira urubanza
imico y'abantu Imana yahagurukije mu bihe bya kera ngo bagire umurimo bakora kandi ngo
bacengere mu mwijima w'imicombonera y'ab'isi. [3UB296]
Mu bihe byashize abagaragu b'Imana bakiranaga n'abatware n'abafite ubushobozi n'abategeka iyi
si y'umwijima, n'imyuka mibi y'ahantu ho mu ijuru, ari nako bimeze kuri twe abazamura ibendera
ry'ukuri muri iki gihe. Ábo bantu bari inkoramutima z'Imana, ibikoresho byayo bizima
yakoreragamo mu buryo butangaje. Bari bararagijwe ukuri mvajuru ku rwego rw'uko Uwiteka
yabonye ko bakwiriye guhishurirwa ukuri isi yashoboraga kwihanganira kumva. Bamamaje ukuri
igihe idini y'ikinyoma kandi yangiritse yigiraga igitangarirwa mu isi. [3UB296]
Nta Gihe cyo Gupfobya cyangwa Gutangira Icyaha Urwitwazo. - Nakwifuza ko umwenda
ukingiriza wazingwa ugakurwaho, kandi ko abantu badafite amaso y'umwuka babona abo bantu
nk'uko bagaragara mu maso y'Imana; kuko muri iki gihe bababona nk'ibiti bigenda. Bigenze bityo,
ntibashyira ibitekerezo byabo bya kimuntu ku bunararibonye n'imirimo by'abantu birukanye
umwijima mu nzira maze bagategurira inzira ibisekuru byari kuzakurikiraho. [3UB296]
Kuba turiho muri iki gisekuru cyacu, tubasha gucira urubanza abantu Imana yahagurukije kugira
ngo bakore umurimo udasanzwe bakurikije umucyo bari barahawe mu gihe cyabo. Nubwo
bashobora kuba baratsinzwe n'ibishuko, bihannye ibyaha byabo; ariko nta mahirwe twe
twasigaranye yo gupfobya imico yabo cyangwa gutangira icyaha urwitwazo. Amateka yabo ni
umunara w'imbuzi kuri twe, kandi werekana inzira itekanye dushobora kunyuramo niba tubishaka
ariko tukirinda amakosa bakoze. Abo bantu b'abanyacyubahiro bisunze intebe y'imbabazi kandi
bacishije bugufi imitima yabo imbere y'Imana. [3UB296]
Nimutyo amajwi yacu cyangwa inyandiko zacu bye kwerekana ko dukerensa amabwiriza n'imbuzi
bikomeye Uwiteka atanga. Nimutyo he kugira umuntu n'umwe utesha agaciro abo Imana
yatoranyije, barwanye kigabo urugamba rw'Uwiteka, bomatanyije umutima, ubugingo n'ubuzima
bwabo n'umurimo w'Imana, bapfanye kwizera, kandi bakaba ari abaragwa b'agakiza gakomeye
twaronkewe binyuze mu Mukiza wacu uhebuje wikoreye ibyaha byacu kandi akaba ari we
ubibabarira. [3UB296]
Ntukavuge ku Makosa y'Abakiriho cyangwa Abapfuye. - Nta muntu Imana yatumye kongera
kugaragaza amafuti yabo, no kwereka amakosa yabo isi yibereye mu gukiranirwa, ndetse n'itorero
rigizwe n'abantu benshi b'abanyantege nke mu kwizera. Nta bantu Uwiteka yakoreye umutwaro
wo kwibukiriza amafuti n'amakosa y'abantu bariho cyangwa abapfuye. Uwiteka yifuza ko abakozi
be bavuga ukuri kugenewe iki gihe. Ntukavuge iby'amakosa y'abo musangiye kwizera bakiriho,
kandi ujye wicecekera we kuvuga amakosa yakozwe n'abamaze kwipfira. [3UB297]
Mureke amafuti n'amakosa yabo bigume aho Imana yabishyize -aho yabijugunye imuhengeri mu
nyanja. Uko abavuga ko bizera ukuri bavuga bike cyane ku bijyanye n'amakosa n'amafuti byo mu
gihe cyashize by'abagaragu b'Imana, ni ko bazarushaho kumererwa neza cyane kubw'ubugingo
bwabo bwite, no kubw'ubugingo bw'abo Kristo yaguze amaraso ye. Nimutyo ijwi ryose
ryamamaze amagambo y'uwa mbere akaba n'uw'imperuka, Alufa na Omega, itangiriro n'iherezo.
Yohana yumvise ijwi rivuga riti, "Andika uti 'Uhereye none hahirwa abapfa bapfira mu Mwami
wacu." Umwuka na we aravuga ati "Yee, ngo baruhuke imihati yabo, kuko imirimo yabo ijyanye
na bo ibakurikiye." (Ibyahishuwe 14:13). -The Review and Herald, Nov. 30, 1897.75[3UB297]

75 Iyi nama yandikiwe umukozi wari wasohoye inyandiko ebyiri mu kinyamakuru cy'Urwibutso Integuza (Ku ya 3 no ku ya 10 Mata, 1894) aziha
umutwe uvuga ngo, 'Akaga gaterwa no Kwemera Ibitekerezo by'Ubuhezanguni."-Abakusanyije Inyandiko.
 IGICE CYA 51

IBITERO KURI ELLEN WHITE N'UMURIMO WE

MBESE DUKWIRIYE GUCECEKA?

Iyo umuntu yibasiye bagenzi be, akanagaragaza mu mucyo uteye isoni abo Imana yahamagariye
kuyikorera, turamutse twicecekeye ntitwaba tugaragarije ubutabera abazana ibyo birego ndetse
n'abayobywa n'ibyo birego byabo, ngo tureke abantu batekereze ko bene Se na bashiki babo bari
baragiriye icyizere noneho batagifite impamvu yo kuba babakunda kandi ngo basabane. Uyu
murimo uri kuvuka hagati muri twe, kandi ukaba usa neza n'umurimo wa Kora, Datani na
Abiramu, ni igitutsi ku Mana, kandi ukwiriye kurwanywa. Kandi kuri buri ngingo yose,
abaregana" bakwiriye gusabwa gutanga igihamya bafite. Buri kirego cyose kigomba kwigwaho
muburyo bwitondewe; ntabwo gikwiriye kurekwa mu buryo budasobanutse, ntabwo abantu
bakagombye kurekerwa mu rujijo ngo batekereze uko bishobora kuba bimeze cyangwa uko
bitameze. Abaregana bakwiriye gukora uko bashoboye kose ngo bakureho ikimenyetso cyose cyo
kugaya kidafitiwe gihamya. [3UB298]
Ntimukareke ngo Abantu Bizere Ikinyoma. - Iki gikwiriye gukorwa mu birebana na buri torero.
Kandi igihe hari umukozi w'Imana yatoranyirije gukora umurimo wihariye, kandi akaba amaze
imyaka mirongo itanu ari umukozi wemewe, akorera abantu duhuje kwizera, kandi imbere
y'abakozi b'Imana akaba afatwa nk'umwe Uwiteka yatoranyije; igihe ku mpamvu runaka umwe
mu benedata aguye mu gishuko, bityo kubera ubutumwa bw'umuburo ahawe akumva ko
yandagajwe, nk'uko abigishwa ba Kristo babigenje, bityo ntiyongere kugendana na Kristo. Iyo rero
atangiye kurwanya ukuri, maze ibitamunyuze akabishyira ku karubanda, ibintu bitari ukuri
akabitangaza nk'ukuri, ibyo bintu biba bigomba kurwanywa.

76 Aya magambo yabwiwe abantu bamwe bareganaga bo muri Australia bari barabonye igihamya cyihariye cy'umurimo wa Ellen White. -
Abakusanyije inyandiko.

[3UB298] Abantu ntibakwiye kurekwa ngo bizere ibinyoma. Bagomba kutayobywa. Ubucocero
bwanduye uwo mugaragu w'Imana yari yambaye bugomba gukurwaho. [3UB299]
Niba abakoze bene uyu murimo bitwikira ingingo ivuga ko bayobowe n'Umwuka Wera, biba
bimeze nk'aho Satani yambaye imyambaro y'ubutungane yo mu ijuru, nyamara agikora ibijyanye
n'imico ye. -Letter 98a,1897. [3UB299]
Ibyitirirwa Kubusanya no Kuvuguzanya mu Bihamya. - Abahisemo kwikurikirira inzira yabo
bwite batangiye gushyira hanze ibyo bita ibibusanya n'ibivuguruzanya, bavuga ko bifitanye isano
n'Ibihamya. Kandi hari ibyo bavuga uko bitari bakoresheje amagambo yabo bwite aho gukoresha
amagambo ari mu nyandiko zanjye. Ibi birego bigomba kurwanywa kugira ngo ukuri gusimbure
ikinyoma. -Letter 162, 1906. [3UB299]

KURWANYA IBINYOMA NO KUBIKOSORA

Nta makimbirane mfitanye na V. Umurimo ngomba gukora mu buzima bwanjye uri imbere y'isi
yose. Ntabwo ari umurimo wanjye. Ni umurimo w'Uwiteka. Ntacyo njye ubwanjye nirata; kuko
Uwiteka azandokora akankura mu ntambara y'amagambo. "Muzabamenyera ku mbuto zabo."
[3UB299]
Noneho rero bizaba ngombwa ko turwanya kandi tugakosora ibinyoma byakwirakwiye bivuye
kuri mwenedata V. n'umugore we, kugira ngo abavandimwe bacu [dusangiye kwizera] bamenye
aho byaturutse. Ngomba kumenya ibyo uriya mwenedata abarega. Kuvugira mu ruhame ijambo
ryuzuye uburakari wibasiriye umugore ntabwo ari umusaruro uturuka ku murimo wa Mwuka
Wera, ahubwo bituruka ku mwuka w'umwanzi, kandi ntituzawuha umwanya. Mbese tuzareka
abantu banywere ku gikombe cy'ibishuko bitewe no kuvuga ibintu uko bitari? Oya, ntibizabaho.
Ndamutse nkoze ibi naba mbaye igisonga gikiranirwa. Hakwiriye kubaho imvugo y'ukuri ishyirwa
imbere y'abantu; maze umurimo wanjye ukaba ukozwe. Ntabwo njya ninjira mu kujya impaka,
ariko sinshobora kwemera ko umurimo w'Imana (wereye imbuto imbere y'abantu hafi mu gihe
cy'ubuzima bwanjye bwose), wakuburwa nk'inzu y'igitagangurirwa, na nde? Umuntu buntu,
umuntu ushobora gushukwa, umuntu Satani ari kugosora nk'ingano. - Letter 65,1897. [3UB299]

URUPAPURO RW'ITORERO RUKWIYE KUVUGA

(Ubutumwa bwandikiwe uwari ushinzwe kunoza inyandiko mu 1883)
Maze igihe ntegereje ngo ndebe ibyo wakora ugira ikintu wandika ngo ushimangire ko hari
uburenganzira. Wabonye igihe gihagije... [3UB299]
Kuki udakora ibyo ubutabera busaba mu izina ry'umugabo wanjye no kumenyekana kwe, kandi
kuki muceceka rwose maze ukareka ikiyoka kigatontoma? [3UB300]
Kuri njye ntacyo bimbwiye, ntakimbuza amahoro yanjye. Gusa nita cyane ku barinzi Ímana
yashyize ku nkike z'i Siyoni bagombye kuvuza impuruza. Wowe uko biri kose hari icyo wagombye
gukora ku bwawe, ku bwa Kristo, no ku bw'ukuri. Kuki utareka ngo ukuri kugaragare? Kubera iki
ukomeza kwicecekera nk'umuntu wapfuye? Mbese ubu nibwo buryo urwanirira ukuri?... [3UB300]
Madamu White; Inyandiko ya Buri Wese Urwanya Kwizera. -Ukuri kuzatsinda. Niteze ko
ibitero shuma bizanyibasira kugeza ubwo Kristo azagaruka. Buri muntu urwanya ukwizera kwacu
yandika ibivuga kuri madamu Ellen G. White. Bene abo bantu batangira barwanya ukuri hanyuma
bakangabaho igitero. Ni iki nakoze, niba ari kibi, rero nimubareke bampamye ikibi..... [3UB300]
Nibyo, ibitabo" by'uwitwa Long n'uwitwa Green byarasohotse. Ni ibitabo byoroshye kandi
bisuzuguritse hanyuma y'ibindi. Ndagutegereje wowe n'abandi ngo mubivugeho, kubera ko muri
mu mwanya y'ubuyobozi mwakoze nk'abarinzi bo ku nkike z'i Siyoni kandi mukwiriye kuburira
abantu. [3UB300]
Uyu Muhati Wose wo Kundwanya ni uw'Iki? Ibintu biragenda byihuta cyane; kandi hari
iterambere ridasanzwe kandi ritangaje mu rukurikirane rwihuta. Turi kwegereza imperuka.
Ndabaza nti: Kubera iki hariho uyu muhati wose wo kundwanya? Nakoze ibyo Imana yampaye
gukora. Nta muntu n'umwe nakomerekeje. Nabwiye abayobye amagambo Imana yampaye.
Birumvikana, ntabwo nashoboraga kubahatira kumva. Abagize amahirwe yo kugerwaho n'ibyiza
Kristo yakoraga baramurakariye cyane baramurwanya nk'uko nanjye abanzi bandwanya. [3UB300]
Nakoze gusa inshingano yanjye. Navuze kubera ko nahatirwaga kuvuga. Ntabwo banyanze
ahubwo banze uwantumye. Ni we wampaye umurimo wanjye... [3UB300]
Mpanzwe amaso, ijambo ryose nanditse rirajorwa, kandi intambwe yose ntera abantu
bayivugaho..... [3UB300]
Ndeka umurimo wanjye n'umusaruro uwuturukaho kugeza igihe tuzahurira ku ntebe yera ya
cyami. Mbese mubona Umwuka wa Kristo muri iri genzurwa, muri uko gukekeranya, no guhimba
n'ibyo bibwira? Ni ubuhe burenganzira bafite bwo gukekeranya ku magambo yanjye, kuyibwiraho
ibitari byo no kuyagoreka? Ndetse bakankosereza nk'uko babigenza?

77 Ibi bitabo byanditswe n'itsinda ry'abahakanyi bari baritandukanyije n'itorero.

Hari urwego rw'abantu bakunda ibyokurya nk'ibi. Ni abantu batungwa no gutoragura ibyo abandi
bataye, ntibareba neza ngo babe babona ibyiza inyandiko zanjye n'ibihamya byanjye byakoze.
Ahubwo nka Satani, umurezi wa benedata, bashakisha ikibi bashobora kubona, ngo barebe ikibi
bashobora kubona, bakareba ijambo bashobora kugoreka, maze bakarishyiraho imvugo yabo mbi
kugira ngo bahinduke umuhanuzi w'ibinyoma... [3UB301]
Ndabona umwuka wa Satani wigaragaza mu buryo bweruye kurusha uko wagaragaye mu myaka
mirongo ine ishize. - Letter 3,1883. [3UB301]
Byatangajwe nk'Igitubura. Iyo Satani ashoboye guhagurutsa kunengana hagati mu bantu bavuga
ko ari ubwoko bw'Imana, uko kunenga kugenda guhererekanywa nk'igitubura kuva ku muntu
kujya ku wundi. Ntimugahe umwanya n'umwe umwuka wo kujorana no kunenga kubera ko ari
ubuhanga bwa Satani. Mubyemere, kandi ko ibyo bikurikirwa n'igomwa, ishyari no gukekakekana
ibibi. [3UB301]
"Mushyire hamwe", ni itegeko numva rivuye ku Mugaba w'agakiza kacu. Mushyire hamwe. Ahari
ubumwe haba imbaraga. Abari ku ruhande rw'Uwiteka bose bazashyira hamwe. Mu bizera ukuri
hakeneye kurangwa ubumwe buzira amakemwa ndetse n'urukundo, kandi ikintu cyose kiganisha
ku macakubiri gituruka ku mubi. Uwiteka ashaka ko ubwoko bwe bwaba umwe nawe nk'uko
amashami ari amwe n'umuzabibu. Ubwo ni bwo bazaba bamwe umuntu n'undi.- Letter 6, 1899.
[3UB301]
Kwitega kubona Urutonde Rurerure rw'Ingingo z'Ibinyoma. - Ubu niteze ko hari urutonde
rurerure rw'ingingo z'ibinyoma ruzagezwa ku batuye isi, kandi niteze ko ikinyoma ku kindi,
n'amagambo agoretse ageretse ku yandi Satani yatangije mu ntekerezo z'abantu, bizemerwa na
bamwe nk'ukuri. Ariko ndekeye ibyanjye mu maboko y'Imana, kandi n'abazi neza imigenzereze
yanjye mu buzima bwanjye ntibazigera bakira ibinyoma bivugwa. -Letter 22, 1906 [3UB301]
 IGICE CYA 52

UBUZIRANENGE N'AGAKIZA

KWIVUGA UBUZIRANENGE78
Yohana avuga iby'umushukanyi ukora ibitangaza bikomeye, avuga ko azarema igishushanyo cya
ya nyamaswa, kandi ko azahatira bose kwakira ikimenyetso cye. Nyabuneka mbese muzita kuri
ibi bintu? Murondore mu Byanditswe murebe. Hari ububasha bukora ibitangaza buzagaragara:
kandi ibyo bizabaho ubwo abantu bazaba bivugaho kwezwa, n'ubutungane, bishyira hejuru cyane
kandi birata. [3UB302]
Murebe Mose n'abahanuzi; murebe Daniyeli na Yozefu ndetse na Eliya. Mwitegereze abo bantu
maze munyereke nibura interuro imwe bavuze ko ari abaziranenge batagira icyaha. Umuntu
ufitanye na Kristo umushyikirano wimbitse, akitegereza kwera kwe n'icyubahiro cye azagwa
igihumure imbere ye akozwe n'isoni. [3UB302]
Daniyeli yari umuntu Imana yari yarahaye ubuhanga bwinshi no kujijuka, kandi igihe yiyirizaga
ubusa marayika yaramugendereye maze aramubwira ati: "Yewe Daniyeli mugabo ukundwa."
(Daniyeli 10:11). Daniyeli yararabiranye agwa imbere ya marayika. Ntabwo yavuze ati: "Mwami,
nabaye indahemuka kuri wowe kandi nakoze ikintu cyose kugira ngo nguhe icyubahiro kandi
ndwanire ijambo ryawe n'izina ryawe. Mwami, uzi uko nabaye indahemuka ku meza y'umwami,
n'uko nakomeje gukiranuka kwanjye igihe najugunywaga mu mwobo w'intare." Mbese uko ni ko
Daniyeli yasenze Imana? [3UB302]
Oya, yarasenze anatura ibyaha bye, aravuga ati: "Uwiteka tega amatwi yawe wumve, twavuye mu
ijambo ryawe kandi twaracumuye." Kandi igihe yabonaga marayika, yaravuze ati: "Ubwiza
bwanjye bwampindukiyemo ububore ndatentebuka." Ntiyashoboraga kureba mu maso ha
marayika, kandi nta n'imbaraga yari afite kuko zose zari zamushizemo. Bityo rero,

78 Iki ni igice cy'ikibwirizwa Ellen G. White yabwirije ahitwa Santa Rosa, muri Leta ya California, ku ya 7 Werurwe 1885.

[3UB302] marayika yaramwegereye amuhagarika ku mavi ye, maze ntiyongera kumureba na none.
Nyuma yaho marayika yamujeho afite ishusho nk'iy'umuntu. Ubwo ni bwo yashoboraga
kwihanganira kumureba. [3UB303]
Abari kure ya Kristo Nibo Bonyine bivuga Ubuziranenge. - Kuki abantu benshi aka kageni bivuga
kuba abera n'abaziranenge? Biterwa n'uko bari kure cyane ya Kristo. Ntabwo nigeze ntinyuka
kwivugaho ikintu kimeze gityo. Kuva mfite imyaka cumi n'ine y'ubukuru, iyo namenyaga icyo
Imana ishaka, nagiraga ubushake bwo kugikora. Ntabwo mwigeze munyumvana amagambo
mvuga ngo ndi umuziranenge. Abarabutswe igikundiro n'imico ihebuje ya Yesu Kristo, uwera
kandi washyizwe hejuru ndetse igishura cye kikuzura urusengero, ntabwo bazigera bavuga ko ari
abaziranenge. Nyamara tugomba kuzahura n'abantu bazavuga cyane cyane ibyo. -Manuscript 5,
1885. [3UB303]

MUREKE IMANA ABE ARI YO IBIVUGA, SI ABANTU

Ndashaka kubwira umuntu wese Imana yahishuriye ikuzo ryayo nti, "Nta gatekerezo na gato
uzigera ugira ko kuvuga uti: 'Ndi umuziranenge, Ndi uwejejwe."
Nyuma y'iyerekwa ryanjye rya mbere ubwo nabonaga ikuzo ry'Imana, sinashoboraga kureba
umucyo urabagirana. Byaje gutekerezwa ko natakaje ubushobozi bwo kurebesha amaso, ariko
igihe nari maze kwimenyereza ibintu byo kuri iyi si nashoboye kongera kureba. Iyi ni yo mpamvu
mbabwira kutirata ngo muvuge muti, "Ndi umuziranenge, ndejejwe," kuko icyo ari igihamya
kidakuka cy'uko mutazi neza Ibyanditswe cyangwa imbaraga Z'Imana. Mureke Imana ibyandike
mu bitabo byayo niba ibishaka, ariko mwebwe ntimukwiriye kubivuga. [3UB303]
Ntabwo nigeze ntinyuka kuvuga ngo, "Ndi umuziranenge, nta cyaha ngira," ariko ibyo
natekerezaga byose byari ubushake bw'Imana nageragezaga gukora n'umutima wanjye wose,
kandi mfite amahoro y'Imana mu mutima wanjye. Nshobora kuragiza Imana Umuremyi wo
kwizerwa ikibitsanyo cy'ubugingo bwanjye, kandi nkamenya ko izarinda icyo nayibikije.
Ibyokurya n'ibyokunywa byanjye ni ugukora ibyo Databuja ashaka. - Manuscript 6a, 1886.
[3UB303]

NTIBISHOBOKA KUGEZA UBWO UYU MUBIRI WOKOJWE IKIBI UZAHINDURWA

Tugomba kubaka urwango rudatezuka hagati y'ubugingo bwacu n'umwanzi wacu; ariko tugomba
gukingurira imitima yacu imbaraga no gukoreshwa na Mwuka Wera... Dushaka kuba
abakabakabwa cyane n'imbaraga zera, kugira ngo kongorerwa na Yesu bucece kunyeganyeze
ubugingo bwacu kugeza ubwo azaba muri twe, natwe tukaba muri We, tubeshejweho no kwizera
Umwana w'Imana. [3UB303]
Dukeneye gutunganywa, tukezwaho imyanda yose y'isi kugeza ubwo tuzagaragaza ishusho
y'Umukiza wacu, kandi bikadutera "gufatanya na kamere y 'Imana, tumaze guhunga no gukira
kononekara kwazanywe mu isi no kwifuza." Ubwo ni bwo tuzanezezwa no gukora ibyo Imana
ishaka, kandi Kristo ashobora kutujyana imbere ya Data n'abamarayika bera nk'ababa muri we,
kandi ntazakorwa n'isoni zo kutwita bene se. [3UB304]
Ariko ntabwo tuzirata ukwera kwacu. Nitumara kubona neza ubuziranenge no gutungana kutagira
akagero bya Kristo, tuzumva tumeze nk'uko Daniyeli yiyumvise igihe yitegerezaga ubwiza
bw'Imana akavuga ati, "Ubwiza bwanjye bwampindukiye ububore." [3UB304]
Ntabwo dushobora kuvuga ngo, "Nta cyaha mfite," kugeza igihe uyu mubiri wokojwe ikibi
uzahindurirwa maze ugashushanywa n'umubiri wa Yesu Kristo w'ubwiza. Ariko niba duhora
dushaka gukurikira Yesu, ibyiringiro by'umugisha ni ibyacu byo kuzahagarara imbere y'intebe ya
cyami y'Imana tudafite ikizinga cyangwa umunkanyari, cyangwa ikintu cyose gisa gityo. Muri
Kristo tuzaba dushyitse, twambaye gukiranuka no kwera kwe. -Signs of Times, March 23, 1888.
[3UB304]
 IGIHE INTAMBARA IZABA IRANGIYE
Ubwo igihe cy'ihembura kizaza giturutse ku Mwami Imana, ubwo ni bwo ibyaha by'umuntu
wihannye wakiriye ubuntu bwa Kristo kandi akaba yaraneshesheje amaraso y'Umwana w'intama
bizakurwa mu nyandiko zo mu ijuru, maze bigerekwe kuri Satani, ihene yo koherwa, akaba na
nyirabayazana w'icyaha, bityo ntibizongere kwibukwa ukundi bimubarwaho…..Igihe intambara
y'ubuzima izaba irangiye, igihe intwaro zizaba zirambitswe ku birenge bya Yesu, igihe abera
b'Imana bazaba bahawe ikuzo, ubwo nibwo bwonyine tuzaba dufte umutekano wo kuvuga ko
dukijijwe, kandi ko turi abaziranenge. - Signs of Times, May 16, 1895. [3UB304]
IBYIRINGIRO BY'AGAKIZA MURI IKI GIHE
Umunyabyaha uri mu nzira yo kurimbuka ashobora kuvuga ati: <<Ndi umunyabyaha wazimiye,
nyamara Kristo yazanywe no gushaka no gukiza icyari cyazimiye. Yesu aravuga ati: "Sinazanywe
no guhamagara abakiranuka keretse abanyabyaha." (Mariko 2:17). Ndi umunyabyaha kandi Yesu
yapfiriye ku musaraba w'i Kaluvari kugira ngo ankize. Sinkeneye gukomeza kubaho ikindi gihe
ntakijijwe. Kristo yarapfuye kandi arazuka kugira ngo ntsindishirizwe, kandi arankiza. Nemeye
imbabazi yasezeranye." "Gutsindishirizwa kubwo Kwizera" (Agatabo gato kasohowe mu 1893),
p7. Byongeye gucapwa mu Butumwa Bwatoranyijwe, Vol. 1, p. 451. (2016)." [3UB304]
Uwihana ibyaha bye kandi akakira impano y'ubugingo bw'Umwana w'Imana, ntashobora
gutsindwa. Kubwo kwizera asingira kamere y'ubumana, ahinduka umwana w'Imana. Arasenga
kandi akizera. Igihe ashutswe kandi ageragejwe, asaba guhabwa imbaraga Kristo yapfiriye ngo
[3UB304] atange, maze akanesha ku bw'ubuntu bwe. Iki buri munyabyaha wese akeneye kucyumva.
Agomba kwihana ibyaha bye, agomba kwizera ububasha bwa Kristo kandi akemera imbaraga ikiza
ikanamurinda icyaha. Mbega uburyo dukwiye gushimira kubw'impano y'urugero Kristo yatanze!-
The Review and Herald, Jan. 28, 1909. [3UB305]

NTUKUKE UMUTIMA, IBYIRINGIRO BYAWE BIRI MURI KRISTO

Ubuzima muri Kristo ni ubuzima bw'umutuzo. Hashobora kuba nta byiyumviro by'ibinezeza, ariko
hakagombye kuba ibyiringiro bituje kandi by'amahoro. Ibyiringiro ntabwo biri muri mwe
ubwanyu; biri muri Kristo. Intege nke zanyu zunzwe n'imbaraga ze, ubuswa bwanyu ku bwenge
bwe, ubuhanya bwanyu ku bushobozi bw'iteka ryose. [3UB305]
Kuba muri Kristo bizana kubaho kw'ihumure. Ahari nta munezero uhebuje mwabona, ariko rero
mukwiye kugira ibyiringiro by'amahoro bitagira impinduka. Simwe mwitezeho amakiriro, ahubwo
mwizigire Kristo. Mureke intege nke zanyu zifatanye n'imbaraga ye, ubujiji bwanyu bufatanye
n'ubwenge bwe... [3UB305]
Ntabwo dukwiriye kwihugiraho n'ubwoba n'imitima ihagaze kuko bidutera gushidikanya ko
tutazakira. Ibyo byose byibagiza imitima yacu Isoko y'imbaraga. [3UB305]
Mukundire Imana kurinda imitima yanyu, muyiringire. Mujye muganira, mutekereze Yesu, ngo
ibye abe ari byo bibatwara umutima. Mureke gushidikanya kose; mureke ibibatera ubwoba.
Muvuge nk'intumwa Pawulo, muti: "Ndiho nyamara si jye uriho, ahubwo ni Kristo uriho muri jye,
ibyo nkora nkiriho mu mubiri, mbikoreshwa no kwizera Umwana w'Imana wankunze
akanyitangira." (Abagalatiya 2:20). Muruhukire mu Mana. Ibasha kubarindira ibyo mwayibikije.
Nimwirekere mu maboko yayo, kandi izabaganziriza ku bw'uwabakunze. Kugana Yesu, 2019;
pp.73,74. [3UB305]
 IGICE CYA 53

MWIGE IBIHAMYA

UMUCYO UZACIRAHO ITEKA ABADAHITAMO KWIGA NO KUMVIRA

Amabwiriza y'agaciro kenshi yahawe abantu bacu mu bitabo nategetswe kwandika. Ni bangahe
basoma kandi bakiga ibyo bitabo? Umucyo Imana yatanze ushobora kutitabwaho kandi
ntiwizerwe, nyamara uyu mucyo uzaciraho iteka abantu bose batahisemo kuwakira no kuwumvira.
-Letter 258, 1907. [3UB306]

ELLEN G. WHITE AHABWA KURARIKIRA ABANTU KWIGA IBIHAMYA

Nahawe amabwiriza yo kubwira amatorero yacu ngo, 'Mwige Ibihamya." Byandikiwe kuduhugura
no kudukomeza twebwe abasohoreweho n'imperuka y'isi. Ubwoko bw'Imana nibutiga ubu
butumwa bwohererejwe uko ibihe byahaga ibindi, buzahamwa n'icyaha cyo kwanga umucyo.
Imana iri koherereza ubwoko bwayo impuguro, umurongo ku murongo, itegeko ku itegeko, bike
hano n'ibindi bike hariya. Mwite kandi mwumvire izo mpuguro; mukurikire umucyo. Uwiteka
afitanye intambara n'ubwoko bwe kubera ko mu gihe cyashize butitaye ku mpuguro ze kandi
ntibwakurikiye ubuyobozi bwe. [3UB306]
Nari ndi gusoma umuzingo wa gatandatu w'Ibihamya, nuko muri icyo gitabo gito mbonamo
impuguro zizadufasha guhangana n'ibibazo byinshi by'urungabangabo. Ni abantu bangahe
basomye muri iki gitabo ingingo ivuga iby' "Umurimo wo Kwamamaza Ubutumwa"? Ndatanga
inama ko ayo mabwiriza n'imiburo ndetse n'ibikwiriye kwitonderwa byasomerwa abantu bacu
igihe runaka bazaba bateraniye hamwe. Abatari bake mu bantu bacu batunze ibi bitabo. - Letter
292, 1907. [3UB306]

KWIYIGISHA KWAGOMBYE GUSUBIZA IBIBAZO

Twakira amabaruwa aturuka kuri bene data na bashiki bacu bagisha inama ku ngingo
zitandukanye. Iyaba biyigishaga Ibihamya byabandikiwe ubwabo, babona kumurikirwa bakeneye.
Reka dushishikarize abantu bacu kwiga ibi bitabo, tunabikwirakwize. Mureke inyigisho zibirimo
zikomeze kwizera kwacu. [3UB306]
Mureke twige Ijambo ry'Imana tubwitayeho. Bibiliya irasobanutse cyane kandi irumvikana ku
buryo abantu bose babishaka bazayisobanukirwa. Nimutyo dushimire Imana jambo ryayo
ry'agaciro kenshi, kandi tuyishimire ubutumwa bwa Mwuka wayo butanga umucyo mwinshi.
Nahawe amabwiriza ko uko turushaho kwiga Isezerano rya Kera n'Isezerano Rishya, ari ko
tuzarushaho gucengerwa n'ukuri mu ntekerezo zacu ko Isezerano rya Kera n'Isezerano Rishya
bifitanye isano yimbitse cyane, kandi ko aribwo tuzahabwa igihamya gisumbyeho cy'uko
yahumetswe n'Imana. Tuzabona neza ko asangiye Umwanditsi umwe. Kwiga iyi mizingo y'agaciro
kenshi kuzaduhishurira imico ya Kristo. -Manuscripts 81, 1908. [3UB307]
MWISOMERE IBIHAMYA UBWANYU
Rimwe na rimwe njya mbabara cyane iyo ntekereje ku mikoreshereze y'Ibihamya. Abagabo
nabagore bavuga ikintu cyose kibarwanya cyangwa icyo bumva nk'igihamya cyavuye kuri
madamu White mu gihe Ellen G. White we atigeze yumva bene icyo kintu... [3UB307]
Umutekano dufite wonyine ni ugushinga ibirenge byacu mu Ijambo ry'Imana no kwiga
Ibyanditswe, tugahora dutekereza ku ĺjambo ry'Imana. Nimubwire abantu kutagira ijambo
ry'umuntu bemera ku byerekeye Ibihamya, ahubwo babisome kandi babyige ku giti cyabo, ubwo
ni bwo bazamenya ko bahamanya n'ukuri. Ijambo ry'Imana ni ukuri. -Letter 132,1900. [3UB307]

IBIHAMYA NI UBURINZI BWACU

Ndingingira bene data kugira ngo bimenyereze inyigisho ziboneka mu Bihamya. Imana yaduhaye
umucyo tudashobora kwirengagiza cyangwa ngo tuwufate nk'utagira akamaro cyangwa ngo
tuwusuzugure. Yatumye umucyo utumurikira binyuze mu kuducyaha no mu miburo kugira ngo,
niba tubishaka, dushobore kuwukomeraho kandi dukire ibyago byibasiriye inzira tunyuramo. Igihe
ibishuko bije, dushobora kurindwa kandi dushobora kubitahura kubera ko Uwiteka yabitweretse,
kugira ngo tudashukwa. - Manuscripts 23, 1889. [3UB307]
Kwicisha bugufi kwera imbuto, kukuzuza umutima kumva ukabakabwa n'urukundo rw'Imana,
kuzavugira uwagukunze mu munsi ukomeye igihe abantu bazagororerwa hakurikijwe imirimo
bakoze. Hazanezerwa abazabwirwa ngo, "Ntabwo Umwuka w'Imana yakanguye umutima w'uyu
muntu ku busa. Yakomeje urugendo ajya mbere kandi azamuka. Ntabwo inarijye yari yizingiye
mu buzima bwe. [3UB307]
"Ubutumwa bwose bwo gukosora, bw'umuburo n'inama yabwakiriye nk'umugisha uturutse ku
Mana. Uko ni ko yateguriwe inzira yo kwakira imigisha irushijeho gukomera, kubera ko Imana
itamuvugishirije ubusa. Intambwe yose izamuka urwego rwo gutera imbere yamuteguriye
kuzamuka hejuru kurutaho. Imyambi irabagirana y'ubwiza bw'Imana [3UB307] yamurasiraga
iturutse ku mpera yo hejuru y'urwo rwego. Ntabwo yatekerezaga kuruhuka, ahubwo yahoraga
ashaka kugera ku bwenge no ku gukiranuka bya Kristo. Yahoraga amaranira kugera aho
dusiganirwa kugera, kugira ngo ahabwe ingororano yo guhamagara kw'Imana muri Kristo Yesu."
[3UB308]
Iyi mibereho umuntu wese wakijijwe agomba kuyigira. Ku munsi w'urubanza, imibereho y'umuntu
wagumanye ubuhanya n'inenge bya muntu ntizarengerwa. Uwo muntu nta mwanya azabona mu
ijuru. Ntabwo ashobora kwishimira ubutungane bw'abera bazaba bari mu mucyo. Umuntu udafite
kwizera gushyitse muri Kristo ngo yizere ko Kristo ashobora kumurinda gukora icyaha, bene uwo
ntafite kwizera kuzamuhesha kwinjira mu bwami bw'Imana. -Manuscript 161, 1897. [3UB308]
 UMUGABANE WA X

GUHURA N'UBWAKA

IJAMBO RY'IBANZE
Itorero ry'Imana ryagiye kenshi ryibasirwa n'ubwaka n'ubuhezanguni bw'uburyo bumwe cyangwa
ubundi. Uko ni ko byagenze mu gihe cy'Ubugorozi kandi ni nako byabaye mu gihe cy'itorero
ryasigaye. Umugabane uvuga "Ubwaka n'Inyigisho Ziyobya" uri gitabo cya 2 cy'Ubutumwa
Bwatoranijwe, urimo imiburo myinshi yatangwaga buri gihe ku bibazo biteye bityo. Nyamara,
ibibazo bibiri bitashimangiwe mu buryo bwihariye muri uwo mugabane ni ukuvuga mu ndimi
kw'ikinyoma, no gufatwa n'abadayimoni ndetse no kwirukana abadayimoni. [3UB309]
Mu mwaka wa 1908, bwana na madame Ralph Mackin bahamagaje Ellen White. Ubwo icyo gihe
yatangaga inama ndetse no mu minsi yakurikiyeho, aba bantu bombi baje guhinduka
ibimenyabose. Raporo y'ibiganiro n'iy'amabaruwa atanga inama yanditswe nyuma y'uko Ellen
White aherewe mu iyerekwa amabwiriza kuri ibyo bibazo, byanditswe kandi bisohoka mu
kinyamakuru cy'Urwibutso n'Integuza cyo mu 1972 (Review and Herald, August 10, 17, 24, 1972).
Ibikigize by'ingenzi bikubiye muri uyu mugabane kugira ngo ibyo byanditswe bikiboneka bibe
biri mu gitabo. - Abashinzwe Kurinda Inyandiko za Ellen White. [3UB309]
 IGICE CYA 54

IKIBAZO CYA MACKIN

Ku wa gatanu mu gitondo, kuya 12 Ugushingo 1908, Ellen White yari mu rugo rwe rw'ahitwa
Elmshaven ahugiye mu cyumba yandikiragamo. Aho niho umwana we w'umuhungu witwaga W.
C. White yamusanze amubwira ko hari abantu babiri bari mu cyumba cy'uruganiriro cyo hasi
bifuzaga kuvugana nawe. Ellen White yamanukanye nawe ingazi ajya kubonana na Ralph Mackin
n'umugore we. Yabonye umugabo n'umugore we bari bambaye neza kandi basaga rwose
n'abavugisha ukuri. Bari bafite imyaka mirongo itatu irengaho gato. Bidatinze madame Ellen
White yamenye ko abo bashyitsi be bari abigishwa badakebakeba ba Bibiliya n'Ibihamya kandi
bari baje muri Leta ya Kaliforoniya (California) bavuye bavuye muri Leta ya Ohiyo (Ohio) bafite
umugambi wo kumenya niba ibyari biherutse kubabaho bidasanzwe mu mezi make yari ashize
byaba byari byemewe n'Uwiteka. [3UB310]
Ikiganiro Ellen White yagiranye na Mackin n'umugore we cyandukuwe ubwo baganiraga bikorwa
na Clarence C. Crisler, wari umukarane wa Ellen White.- Abakusanyije Inyandiko. [3UB310]

RAPORO Y'IKIGANIRO
Mwenedata Mackin n'umugore we bavuze ko bari barumvise bahatwa n'Umwuka Wera ngo bakore
urugendo rudasanzwe berekeza mu burengerazuba kugira ngo babaze Ellen White ku bintu
bidasanzwe bari baragiye banyuramo. Mu gihe cy'icyumweru cyo gusenga mu myaka nk'itatu yari
ishize mbere y'uko bifatanya n'abagize itorero rito ry'ahitwa Fayindile muri Leta ya Ohiyo
(Findlay, Ohio), mu bihe byari byihariye byo gusaba Imana ngo ibasukire Umwuka Wera. [3UB310]
Bwana Ralph Mackin: Mu byigwaga mu cyumweru cyo gusenga cyabaye muri uriya mwaka,
ingingo yose yabwiraga abantu gushaka gusukirwa Umwuka Wera. Mu rusengero rwacu ruto,
twatoranyije iminsi itatu yo gusenga no kwiyiriza ubusa, kandi twabikoze iminsi itatu bivuze ko
tudahora hamwe, ariko twe twiyumvisemo ko dukeneye umurimo wimbitse biruseho kandi
twumva ko ari ngombwa ko tugira Umwuka w'Imana bisumbyeho. Guhera icyo gihe, twifashishije
Bibiliya n'Ibihamya. Twatangiye kwiga ibyerekeye umurimo wa Mwuka Wera, kandi
by'umwihariko twiga umuzingo wa 7 n'uwa 8, twiga Inyandiko z'Ibanze, [3UB310] ndetse n'akandi
gatabo gato kagizwe n'urwunge rw'utunyamakuru duto twashyizwe hamwe maze kakitwa
Ibihamya Byihariye ku Bagabura n'Abakozi. Aka gatabo twasanze ari ak'agaciro kenshi kuri twe.
Kerekana uko mu bihe byashize abantu bari barahamagawe bafatwaga, ndetse n'ibindi. [3UB311]
Ubutumwa Uwiteka yampaye by'umwihariko bwari ubwo gukurikiza imibereho y'intumwa....
[3UB311]
Icyo gihe amasomo menshi yo mu Byanditswe yarasomwe, harimo na Luka 24 ahagana ku iherezo
ry'icyo gice gisozanya amagambo agira ati: [3UB311]
"Nabo baramuramya basubirana i Yerusalemu umunezero mwinshi, baguma mu rusengero iteka
bashima Imana." [3UB311]
Ubu rero, nigisha ko uyu mugisha ari umugisha wo kwezwa bakiriye, nkigisha ko ari umugisha
Yesu yabasukiye; kandi ko igihe dusenze Imana- igihe turi abanyabyaha, kugeza igihe
duhinduriwe; iyo duhindutse, ubwo ni bwo tuzamura isengesho dusaba imbaraga yo kwezwa
kugira ngo tugire imibereho yejejwe kandi itunganye. Atari uko ari umurimo w'akanya gato; atari
ukuvuga ngo "iyo wejejwe uhora wera"; ibyo si ukuri. Áhubwo dukwiriye gusaba dushikamye
kandi dukomeje kugira ngo duhabwe umugisha. Ibyo bifite imikorere nk'iyu mubiri kuri twe -
(Yooo, dushaka guhimbaza Yesu, kandi ibyo bitugira abantu buje urukundo, bitonda kandi bagwa
neza. Ariko tubona ko abigishwa ba Yesu batari biteguye kujyana uwo mugisha ngo bajye
gukorera Umwami wabo. Yababwiye ko bakwiye gutegereza kugeza ubwo bazahabwa imbaraga
ivuye mu ijuru. Natwe rero tuzamura amasengesho yacu kandi turashikama ku bwo kwizera,
ndetse icyaduteye umuhati wo gukora ibyo cyari igice gifite umutwe "Igihe cy'Ishungura"
kiboneka mu Nyandiko z'Ibanze)-Kubwo kwizera twahanze amaso hejuru kugeza igihe
ibitonyanga binini by'ibyuya byaziye mu ruhanga rwacu. Kubwo kwizera ko ya mbaraga
abigishwa bari bafite yari iyacu no muri iki gihe, twagize umuhati wo gukomeza. [3UB311]
Ibyanditswe mu Byakozwe n'Intumwa 2 Bisubirwamo. - Igihe uwo mugisha wasezeranwe
watugeragaho ubwo twakomezaga gusenga Imana, twagize ibyatubayeho bisa n'ibiboneka mu
Byakozwe n'Intumwa 2 byerekeranye n'intumwa. Ubwo iyo mbaraga yasezeranwe yatugeragaho
twavuze mu zindi ndimi uko Umwuka yaduhaga kuzivuga. [3UB311]
Turi ahitwa Toledo, igihe twavugiraga ubutumwa bwacu mu nzira, umuntu wari Umukatorika
w'Umunyapolonye yahagaraye ku muhanda igihe Madamu Mackin yavugaga; kandi ubwo
Umwuka w'Imana yamuzagaho, kandi akamuvugiramo ababwira mu rundi rurimi we atashoboraga
gusobanukirwa, uwo munyapolonye yaratangaye ati: "Nzi ibyo uriya mugore ari kuvuga. Ari
kuvuga mu rurimi rwanjye iby'ibyago bigiye gusukwa kuri uyu mujyi." [3UB311]
Ibyahamijwe ko Ari Ururimi rw'Amahanga. - Mu bindi bihe, ubwo umuntu umwe yinjiraga
muri uyu mugisha wo kuvuga indimi, Imana ishobora kumpa urwo rurimi avuga, bityo
tugashobora kuganira mu rurimi Umwuka w'Imana ashobora kuba yaduhaye ngo turuvuganemo.
Ndetse n'abantu batatu cyangwa bane bashobora kuganira, nyamara kandi urwo rurimi rukaba ari
ururimi rw'amahanga kuri bo, kandi umwe agategereza undi igihe arangiriza kuvuga; bityo byose
bikaba muri gahunda. Ibi ni ibyatubayeho hakurikijwe umugisha wasezeranwe.... [3UB312]
Niba turi mu buyobe, aho ni ho duhagaze nta kubeshya. Ariko niba ibi biturutse ku Mwuka
w'Imana, dushaka kuwukurikira... [3UB312]
Uyu Mwuka atubwira kwiga Ijambo ry'Imana: atubwira kudakebakeba; kandi atubwira ko
tugomba kwitondera ibyo turya; atubwira ibihwanye rwose n'ibyo wavuze. [3UB312]
Kuvuga ko Afite Impano y'Ubuhanuzi. - Ubungubu, Umwuka akorera mu mugore wanjye,
kandi twizera ko iyi ari impano y'ubuhanuzi igomba gusukwa ku bantu bose. Uyu Mwuka
atuyobora ku kugira neza no gutungana k'ubugingo, kandi ntidushobora kubisobanukirwa. Bitewe
n'iki? Ni uko gusa Ijambo ry'Imana ryavuze ko ibyo bibaho ari umusaruro uturutse ku kwakira
umugisha w'Umwuka w'Imana.... [3UB312]
Ibyabereye mu Materaniro Makuru. Mbere y'uko tujya aho amateraniro makuru yaberaga -
(kugeza ku wa gatandatu twari tutaragenda) - umugore wanjye n'abandi babiri (mama n'undi
mugore witwa Edwards, akaba ari muramukazi wa Perezida wa Konferance) - mbere y'uko tujya
aho amateraniro yaberaga muri uyu mwaka, abo bagore uko ari batatu basengaga Imana
bashimikiriye. Nari nagiye gutembera mu mujyi; maze Umwuka w'Imana abwira umugore wanjye
(Madamu Mackin) kujya aho amateraniro yaberaga, yahagera akaririmba; kandi ubwo yari kuba
ahageze Umwuka yari kumubwira icyo aririmba. [3UB312]
Yarize nk'umwana muto, kandi yasaga rwose n'utabyihanganira kubera ko Uwiteka yamweretse
uko abantu bacu bateye - bidatinze ibyago byari bigiye kuza, kandi ntibari biteguye. Aho nta
materaniro yari ahari, kandi Umwuka w'Imana yamujeho ubwo yageraga aho amateraniro
yaberaga. Nuko arahindukira abwira Madamu Mackin [umugore we] ati: ubasha kumubwira
amagambo waririmbye. [3UB312]
Madamu Mackin: Uwiteka yankoreye uyu mutwaro. Ntabwo nashoboraga kuwihanganira.
Nashakaga kuwuvuga nabi cyane, kandi iyo ndirimbo nkayiririmba nabi. Ariko sinashoboraga
kuwanga kugeza igihe mbikoreye. Mbwira umuvandimwe madame Edwards nti: "Senga"; nuko
mpagarara mu materaniro, maze ndirimba ibyo Uwiteka yampaye kuririmba. Ibi ni byo
naririmbye: [3UB312]
"Araje, araje; Umwami araje; [3UB312]
Mwitegure; Mwitegure." [3UB313]
Hanyuma hakurikiraho amagambo yo mu Nyandiko z'Ibanze avuga
ngo: [3UB313]
"Mbega abantu benshi nabonye bagera mu gihe cyo gusukwa kw'ibyago badafite aho kwikinga.
Mwakire Umwuka Wera." Ayo ni yo magambo naririmbye. Nayaririmbye nyasubiramo kenshi.
Abari aho amateraniro yaberaga bose bashoboraga kuyumva, maze baraterana; ariko mbere y'ibyo,
Uwiteka yanyeretse uko bazipfumbata ubwo ibyago bizaba biri kugwa. Uwiteka ashobora
kwerekana ikintu icyo ari cyo cyose mu kanya gato kurusha uko ishobora kukitubwira. Bityo rero
Uwiteka yanyeretse uko bazipfumbata, kandi ko anshyizeho umutwaro uremeye ntigeze ngira. Ni
ukuri, iki ni cya gihe [abashyinzwe umutekano] badufataga... [3UB313]
Igihe kuririmba bibaye bitunguranye utabiteguye (bitegetswe n'Umwuka) niho biba agahebuzo.
Niba hari umucyo ufite waduha.... [3UB313]
Ellen G. White: Ntabwo nzi ko hari ikintu kidasanzwe nshobora kuvuga. Hazabaho ibintu bizabaho
twegereje cyane iherezo ry'amateka y'iyi si, ibyo narabyeretswe, kandi bisa rwose n'ibyo mumaze
kumbwira; ariko ubu nta kintu nshobora kuvuga kuri izo ngingo. [3UB313]
R. Mackin: Mbese hari ikibazo, Mwenedata White, cyangwa ubu hari ikindi mwavuga? [3UB313]
W. C White: Ntabwo nzi niba hari ikindi kintu kirenze gusenga kugira ngo Uwiteka agire ijambo
abwira Mama, noneho tugafata igihe kugira ngo turebe uko ibintu bigenda. Igihe hari ikintu icyo
ari cyose mumubwira, ni byiza kuvuga ibyo ushaka kuvuga mu magambo make ndetse yumvikana,
hanyuma ahari wenda mukazagirana ibindi biganiro nyuma. [3UB313]
R. Mackin: Twiyiriza ubusa kandi tugasenga. Niba turi mu buyobe, dushaka kubimenya, kimwe
nk'uko twaba turi mu kuri. [3UB313]
Madamu Mackin: Nta kabuza abo dusengana batekereza ko turi mu buyobe. [3UB313]
Ellen G. White: Mbese aho hantu muvuga ni he, aho muvuga uko kuririmba kwabereye ni he?
[3UB313]
R. Mackin: Mansifilidi, Ohiyo, mu materaniro makuru. [3UB313]
Ellen G. White: Y'abantu bacu- Abakomeza Isabato? [3UB313]
R. Mackin: Yego, mu bantu bacu. [3UB313]
W. C. White: Mbese ya ndirimbo Madamu Mackin yaririmbye mu ijoro ryashize yamujemo
itunguranye atayizi cyangwa n'indirimbo izwi? [Mu materaniro yo gusenga yabereye mu nzu
mberabyombi y'ibitaro mwenedata[3UB313] Mackin yari yatanze ubuhamya bwe muri gahunda yo
gushima Imana kandi akurikirwa na Madamu Mackin, araririmba.] [3UB314]
Madame R. Mackin: Yooo, iyo yari imwe mu ndirimbo zacu zasohotse. Iri mu nshya ivuga Yesu
mu Ndirimbo. [3UB314]
R. Mackin: Maze kumva ko mushobora kunguka igitekerezo cy'uko yaririmbye igihe amagambo
aririmba ayahabwa na Mwuka Wera. Ikintu gitangaje cyane ni igihe aririmba "Singizwa!" Avuga
ko igihe ayiririmba asa n'uri imbere ya Yesu, hamwe n'abamarayika. Asubiramo ijambo
"Singizwa" inshuro nyinshi. Yagerageje guhererekeranya na piyano, kandi abacuranzi bavuga ko
batajyana no kumanuka no kuzamuka akoresha. Ntabwo yashobora kubikora uretse gusa igihe aba
asengera mu Mwuka kandi imbaraga idasanzwe ikamuzaho. [3UB314]
Madame Mackin: Ntabwo dufite iyi mbaraga, tuyigira gusa igihe turi kwambaza Yesu. [3UB314]
Kwirukana Abadayimoni. - R. Mackin: Mushiki wanjye White, Imana yaduhaye imbaraga yo
kwirukana abadayimoni. Abantu benshi bafashwe n'abadayimoni. Ndibuka amagambo wanditse
mu myaka mike ishize ko abantu benshi bari batewe nabadayimoni mu kuri nk'uko abantu bari
bameze mu gihe cya Kristo. Igihe turi mu materaniro, abo badayimoni bashobora gutera abantu
gukora ibintu bitagira agaciro. Nabonye muri Bibiliya igihe Yesu yari mu rusengero ko
abadayimoni bagaragaye. [Yarategtse ati:] "Mumureke, mumusohokemo." Imana itubwira ngo
turyamishe abantu hasi kugira ngo abadayimoni batabakubita hasi igihe baraba babasohotsemo.
Mu itangira twabonye ko iyo dutangiye gucyaha abo badayimoni, kenshi bafunga amaso y'abo
bantu, kandi rimwe na rimwe bakabatera kumoka nk'imbwa, bagasohora ururimi rwabo; ariko uko
dukomeza kubacyaha, tubaza impamvu yabo, amaso yabo arahumuka bagatuza, nuko
abadayimoni-- -[3UB314]
Nyine ni mu mbaraga ya Mwuka Umwami Imana atubwira ko abadayimoni bagiye, ndetse ko bose
bagiye. By'umwihariko hari mugore umwe wari ufite abadayimoni batandatu, kandi yavuze ko
yabumvaga igihe babaga bamuvamo- byari bimeze nko kubasosora mu bice byose by'umubiri.
[3UB314]
Ariko benedata baravuga ngo ntibyabaho mu minsi y'imperuka; ariko tubona ko bimeze rwose
n'ibyo Umukiza yavuze mu gice cya nyuma cya Mariko, muri ya nshingano ikomeye yatanze agira
ati: "Kandi ibimenyetso bizagumana n'abizera ngibi: bazirukana abadayimoni mu izina ryanjye;
bazavuga indimi nshya;" ugukomeza. [3UB314]
Madamu Mackin: Nyamara ntabwo ibi byose twabiherewe icyarimwe. [3UB314]
R. Mackin: Soma imirongo isigaye ya Mariko. "Kandi ibimenyetso bizagumana n'abizera ngibi:
bazirukana abadayimoni mu izina ryanjye, bazavuga indimi nshya, bazafata inzoka, kandi
nibanywa ikintu cyica nta[3UB314] cyo kizabatwara na hato, bazarambika ibiganza ku barwayi
bakire." Nuko Úmwami Yesu amaze kuvugana na bo, ajyanwa mu ijuru yicara iburyo bw'Imana.
Abo barasohoka bigisha hose, Umwami Yesu ari kumwe na bo abafasha, akomeresha ijambo rye
ibimenyetso byagendanaga na ryo. Amena." Ibyatubayeho, uko tugenda dushobora
kubisobanukirwa, bihamanya na Bibiliya. Hano hari ikintu nshaka gusoma [Aha mwenedata
Mackin yasomye amagambo yavanwe mu ngingo yanditswe Ellen White mu kinyamakuru
cy'Urwibitso n'Integuza cyo muri Mata 11, 1899, ifite umutwe uvuga ngo "Amateraniro Makuru
yabereye i Niyukaso (Newcastle), hakubiyemo n'aya magambo akurikira: [3UB315]
"Mu ijoro ry'Isabato ya mbere y'amateraniro makuru yabereye Niyukaso (Newcastle), nasaga n'uri
mu materaniro, nerekana impamvu n'akamaro byo kwakira Umwuka Wera. Uwo ni wo wari
umutwaro w'umurimo wanjye - gukingurira imitima yacu Umwuka Wera." [3UB315]
[Nta kintu umukarani yanditse ku bijyana n'ahantu nyaho bwana Mackin yatangiriye asoma iyo
ngingo ndetse n'aho yarangirije asoma; ariko nibura igice kigararaga cyarasomwe]. [3UB315]
Igihamya ni Ikihe? - R. Mackin: Ku bijyana no kwakira imbaraga iturutse mu ijuru hari ikibazo,
nk'uko bingaragarira, ni ikibazo gikomeye muri iki gihe nk'uko byari bimeze mu minsi y'intumwa
- Mbese igihamya ni ikihe? Niba twakira iyo mbaraga, mbese ntizagira ibyo ihindura kuri twe
nk'uko yabigenje kera kuri bo? Umuntu ashobora kwitega ko tuzavuga nk'uko Umwuka azaduha
amagambo yo kuvuga. [3UB315]
Ellen G. White: Mu bihe bizaza tuzagira ibimenyetso byihariye bigaragaza imbaraga ya Mwuka
w'Imana- cyane cyane igihe abanzi bacu bazaba batwibasiriye cyane. Igihe kizagera ubwo
tuzabona ibintu bimwe by'amayoberane; ariko se ni mu buhe buryo? Ntabwo nshobora kuvuga
niba bizaba bisa na bimwe mu byabaye ku bigishwa ubwo bari bamaze kwakira Umwuka Wera
ubwo Kristo yari amaze kuzamurwa mu ljuru. [3UB315]
R. Mackin: Tuzakomeza dusenge Imana kubw'ibi, maze tuyisabe kuguha umucyo ku byerekeye
ibi. Nuko rero mbasigiye aderesi yacu, kandi niba hari icyo ufite kutumenyesha nyuma y'ibi,
tuzanezerwa ko kucyakira. [3UB315]
W. C White: Mushobora kumara iminsi mike hano, ntibishoboka? [3UB315]
R. Mackin: Umwuka Wera natubwira ko noneho umurimo wacu urangiye, tuzagenda; natubwira
gutinda, tuzatinda. Ni we utuyobora. Ubwo namenyeshaga ubu butumwa amateraniro y'abantu
atandukanye, Umwuka w'Imana yarabuhamije, kandi abantu benshi bararize maze baravuga bati:
"Yooo, dukeneye imbaraga, dukeneye ubufasha, kandi iyi ni imbaraga yasezeranwe, bityo muze
dushake Imana." [3UB315]
Madamu Mackin: Igipimo nyakuri ni Urukundo -1 Abakorinto 13. [3UB315]
R. Mackin: Satani arashaka kuburizamo uyu murimo. Twashizweho ikimenyetso na Mwuka Wera
wasezeranywe. Mbivuze mbihereye mu Nyandiko z'Ibanze igihe abamarayika biteguye kurekura
imiyaga ine, Yesu yitegerezanyije impuhwe abasigaye, maze azamura amaboko ararangurura ati:
"Amaraso yanjye, Data, amaraso yanjye, amaraso yanjye, amaraso yanjye!" Abisubiramo kane;
kubera ko ubwoko bwe butari bwashyirwaho ikimenyetso. Ategeka marayika kuguruka vuba ngo
abwire abamarayika bane bafashe imiyaga ine ubu butumwa ngo: "Mufate! Mufate! Mufate!
Mufate! kugeza ubwo imbata z'Imana zizaba zimaze gushyirwaho ikimenyetso mu ruhanga."
Kandi ubwo navugiraga ibyo bintu imbere y'iteraniro, abanyakuri bamaramaje kandi bitanze nibo
byabaye nk'ibikora ku mutima cyane. [3UB316]
Ellen White Asubiramo Ibyabayeho Mbere. - Nuko madamu Ellen White atangira kuvuga,
kandi arakomeza amara hafi igice cy'isaha. Yavuze ibyabaye uko byagiye bikurikirana mu bijyana
n'imirimo yakoze mu minsi ibanza nyuma gato yo kurangira kw'igihe mu mwaka wa 1844.
Ubunararibonye bwe mu mashusho adasanzwe y'ubuyobe muri iyo minsi mu myaka yaherukaga
byamuteye gutinya ikintu cyose kirangwaho umwuka w'ubwaka. [3UB316]
Ubwo Ellen White yakomezaga, yavuze ku bantu bamwe bagiye bagaragarwaho gukoresha
umubiri wabo mu buryo budasanzwe ndetse n'abandi bari bayobowe cyane n'ibyo bibwiraga
ubwabo. Abantu bamwe batekerezaga ko gukora ari bibi. Hari n'abandi bizeraga ko abakiranutsi
bapfuye bamaze kuzurwa bagahabwa ubugingo buhoraho. Abandi nabo bashakaga kwihingamo
umwuka wo kwicisha bugufi bakuruza inda hasi nk'abana bato. Abandi nabo bashoboraga kubyina,
no kuririmba ngo: "Singizwa, singizwa, singizwa, singizwa, singizwa, singizwa," bakabisubiramo
kenshi. Rimwe na rimwe umuntu yashoboraga gusimbuka akanikubita hasi, azamuye amaboko,
asingiza Imana; ibyo akabikomeza akamara nk'igice cy'isaha. [3UB316]
Mu bantu bagize uruhare muri ubwo bwaka budasanzwe harimo abari barigeze kuba abizerwa,
benedata na bashiki bacu bubahaga Imana. Imyitozo y'amayoberane y'umubiri n'iy'intekerezo
bakoraga yakozwe ku rugero rukabije ku buryo mu bice bimwe abayobozi ba Leta bumvise
bahatwa kubahagarika babashyira muri gereza. Uko ni ko umurimo w'Imana wagiyeho
igisuzuguriro kandi byafashe imyaka kugira ngo impinduka uko kwiyerekana k'ubwaka kwagize
muri rubanda zibagirane. [3UB316]
Ellen G. White yakomeje avuga uburyo yagiye ahamagazwa kenshi kugira ngo ahangane mu buryo
bwahuranije n'ubwo bwaka kandi abucyahe bikomeye mu izina ry'Uwiteka. Yashimangiye uburyo
dufite umurimo ukomeye tugomba gukora muri iyi si, kandi ko imbaraga zacu mu bantu zishingiye
mu mbaraga iherekeza kwamamaza Ijambo ry'Imana ihoraho mu buryo bwumvikana neza.
Amategeko ya Yehova agomba kwererezwa [3UB316] kandi akubahwa; kandi ingingo zinyuranye
zigize ubutumwa bwa marayika wa gatatu zigomba gushyirwa imbere y'abantu mu buryo bweruye
kugira ngo abantu bose babashe kugira amahirwe yo kumva ukuri kugenewe iki gihe no gufata
umwanzuro wo kumvira Imana aho kumvira abantu. [3UB317]
Niba twe nk'itorero duhaye umwanya ubwaka bw'uburyo ubwo ari bwo bwose, ibitekerezo
by'abatizera byateshurwa ku Ijambo rizima bikayoboka ibyakozwe n'abantu bapfa, kandi habaho
kwigaragaza kw'iby'abantu mu cyimbo cy'iby'Imana. Ikindi kandi, abantu benshi bazinurwa n'ibyo
intekerezo zabo zasa n'izibona ko ari ibidasanzwe maze bakabogamira ku bwaka. Bityo rero
kwamamaza ubutumwa bugenewe iki gihe kwakomwa mu nkokora mu buryo bubabaje cyane.
Umwuka Wera akora mu buryo butera abantu kugira imyumvire myiza. [3UB317]
Icyifuzo Giteye Amatsiko. - Ubwo Ellen White yari ageze hagati avuga ibyo yanyuzemo mu bihe
bya mbere ahanganye n'ubwaka, mwenedata Mackin yamuciye mu ijambo maze abaza ikibazo
gikurikira: [3UB317]
R. Mackin: Mbese turamutse tugize umwuka wo gusenga, maze iyi mbaraga ikaza ku mugore
wanjye, washobora kumenya niba ituruka ku Mana cyangwa atariho ituruka? [3UB317]
Ellen G. White: Ntacyo nashobora kukubwira kuri icyo kibazo. Ariko, ndi kubabwira imibereho
twagize kugira ngo mumenye ibyo twanyuzemo. Twagerageje inzira zishoboka zose kugira ngo
dukize itorero iki kibi. Twatangaje mu izina ry'Uwiteka Imana ya Isirayeli ko Imana itajya ikorera
mu bana bayo mu buryo bushyira igisuzuguriro ku kuri, kandi buteza urwikekwe no guhangana
gukomeye bitari ngombwa. Mu mikorerere yacu tugomba gufata inzira idakebakeba kandi
tugashaka kugera ku bantu aho bari. [3UB317]
Gucyaha Ubwaka. - R. Mackin: Nibutse nsoma cyane ibijyana n'ibi mu muzingo wa mbere
w'Ibihamya by'Itorero. Ibyakubayeho ucyaha ubwaka, ndetse n'ibyakubayeho mu murimo
wakoreye mu Burasirazuba ubwo bashyiragaho igihe mu mwaka wa 1855, ndabyizera. [3UB317]
Ellen G. White: Abantu bamwe basimbukiraga hasi no hejuru baririmba ngo, "Singizwa, singizwa,
singizwa, singizwa, singizwa." Rimwe na rimwe nariyicariraga kugeza igihe barangirije hanyuma
nkabona guhaguruka nkavuga nti: Ubu sibwo buryo Imana ikora. Ntabwo yiyerekana gutya.
Tugomba kwerekeza intekerezo z'abantu ku Ijambo ry'Imana kuko ari ryo shingiro ryo kwizera
kwacu. [3UB317]
Icyo gihe nari umwana muto, nyamara kandi nagombaga gutanga ubuhamya bwanjye kenshi
ndwanya iyo mikorere y'amayoberane. Kandi guhera icyo gihe nagiye nshaka kenshi uko naba
maso cyane kugira ngo hatagira ikintu gisa n'icyo cyongera kugaruka mu bantu bacu.
Ukwigaragaza [3UB317] kose k'ubwaka kujyana ibitekerezo by'abantu kure y'ibihamya by'ukuri -
ari ryo Jambo ry'Imana ubwayo. [3UB318]
Mwagombye kuba mufata imikorere idahuzagurika, ariko abakururwa namwe bafata imikorere
ihuzagurika cyane, kandi ingaruka yakurikiraho ni uko bidatinze twasanga mu biganza byacu
huzuye ikintu cyatuma bisa n'aho bitadushobokera rwose ko duha abatizera isura nyayo
y'ubutumwa bwacu n'umurimo wacu. Tugomba gusanga abantu tubashyiriye Ijambo ry'Imana
rihamye; kandi igihe bakiriye iryo Jambo, Mwuka Wera ashobora kuza, ariko nk'uko nabivuze
mbere, buri gihe aza mu buryo yiyumvikanisha mu bitekerezo by'abantu. Mu mivugire yacu,
imiririmbire yacu, ndetse no mu byo dukora byose mu by'umwuka, tugomba kwerekana ubwitonzi
n'icyubahiro no gutinya Imana gukoresha umwana w'Imana wese nyakuri. [3UB318]
Ingorane Zitwibasiye Ubu. - Hari ingorane idahinduka yo kwemerera ikintu kuza hagati mu twe
dushobora gufata nk'aho ari umurimo wa Mwuka Wera, ariko mu by'ukuri ari imbuto y'umwuka
w'ubwaka. Uko twemerera umwanzi w'ukuri kutuyobora mu nzira y'ubuyobe ntabwo dushobora
kwiringira ko tuzageza ubutumwa bwa marayika wa gatatu ku bantu babanyakuri mu mitima.
Tugomba kwereshwa kumvira ukuri. [3UB318]
Ntinya ikintu cyose cyashobora guteshura intekerezo z'abantu ku bihamya bitajegajega by'ukuri
nk'uko byahishuwe mu Ijambo ry'Imana. Icyo kintu ndagitinya; ndagitinya rwose. Tugomba
gushyira intekerezo zacu mu mbibi z'inyurabwenge, kugira ngo umwanzi atazinjirira maze ibintu
byose akabishyira mu kajagari. Hari abantu benshi bagira amatwara yo gushorwa mu bwaka mu
buryo bworoshye; kandi turamutse twemereye icyaricyo cyose kwinjira mu matorero yacu
cyajyana bene abo bantu mu buyobe, bidatinze twabona ubwo buyobe bugera ku ntera ndende;
kandi noneho kubera imikorere y'ibyo bintu by'akajagari, icyasha cyajya ku Badiventisiti
b'Umunsi wa Karindwi bose. [3UB318]
Nahoze niga uburyo bwo gufata bimwe muri ibyo nabonye mu bihe byabanje kugira ngo
mbisohore ku mpapuro na none, bityo ngo benshi mu bantu bacu babashe kubona amakuru; kubera
ko namaze igihe kirekire nzi ko ubwaka buzongera kwigaragaza mu buryo butandukanye.
Tugomba gukomeza ibirindiro by'uruhande duhagazemo tuba mu Ijambo ry'Imana, kandi twirinda
ibintu byose n'imikorere bidasanzwe abantu bamwe bashobora kwihutira kwakira no gukora.
Turamutse twemereye urudubi n'urujijo kwinjira mu bantu bacu, ntabwo twazasohoza umurimo
wacu nk'uko dukwiriye kuwurangiza. Ubungubu turi kugerageza kuwusohoza mu nzira yose
ishoboka. [3UB318]
Natekezaga ko ngomba kukurondorera ibi bintu. [3UB318]
R. Mackin: Ni byiza rwose, ibyo umaze kuvuga ntabwo bihuye n'ibyatubayeho. Twagiye
twigengesera cyane muri iki kibazo, kandi turabona ko imibereho twanyuzemo, kandi twagerageje
kugusobanurira [3UB318] muri make muri iki gitondo, ihura neza n'ibyabaye ku bagaragu b'Imana
ba kera nk'uko byavuzwe mu Ijambo ry'Imana. [3UB319]
Ellen G. White: Mu myaka y'umurimo ya Yesu ku isi abagore bubahaga Imana bafashaga mu
murimo Umukiza n'abigishwa be bakoraga. Iyo abarwanyaga uwo murimo bashobora kubona
ikintu cyose gihabanye na gahunda yari isanzwe mu myifatire y'abo bagore, kiba cyarahise
gihagarika uwo murimo. Ariko igihe abagore bakoranaga na Yesu n'intumwa, umurimo wose
warakozwe ugera ku rwego ruhanitse ruri hejuru y'igicucu cy'urwikekwe. Nta mwanya w'ikirego
icyo ari cyo cyose washoboraga kuboneka. Intekerezo z'abantu bose zayobowe ku Byanditswe aho
kwerekezwa ku bantu. Ukuri kwigishanyijwe ubwenge, kandi mu buryo bwumvikana neza ku
buryo umuntu wese yashoboraga kugusobanukirwa. [3UB319]
Ubu ndatinya cyane ko habaho ikintu icyo ari cyose cyose cy'ubwaka cyakwinjizwa mu bantu
bacu. Hari benshi, ndetse benshi cyane bagomba kwezwa; ariko bagomba kwereshwa kumvira
ubutumwa bw'ukuri. Ndi kwandika kuri iyi ngingo muri iyi minsi. Muri ubu butumwa harimo
kudahuzagurika guhebuje kugaragarira inyurabwenge. Ntabwo dushobora kwemera ibintu bitera
abantu gusamara ngo byigaragarize muri twe mu buryo bishobora gusenya imbaraga ihindura
dufite kubo twifuza kugezaho ukuri. Byadusabye imyaka myinshi ngo tuvaneho isura mbi
abatizera bari bafite ku Badiventisiti bitewe n'uko bamenye iby'imikorere y'amayobera kandi mibi
y'ibintu by'ubwaka byabonetse muri twe mu myaka yabanje mu kubaho kwacu nk'ishyanga
ryihariye. [3UB319]
Murarindwe- R. Mackin: Ni byiza, rwose. None ibi uri kuduha byafatwa nk'ubuhamya buyobowe
n'Umwuka, cyangwa ni inama gusa - yerekeranye no kuvuga íby'ubunararibonye bwawe? [3UB319]
Ellen G. White: Ndi kubabwira amateka. [3UB319]
R. Mackin: Ariko ntabwo uvuga ko ibyo birebana n'ikibazo cyacu ubu, kugeza ubwo uzagirira
umucyo usumbyeho kuri cyo? [3UB319]
Ellen G. White: Sinabivuga; ariko bisa n'aho biri muri uwo murongo, nk'uko mbitinya. Bigaragara
nk'ibiri muri uwo murongo w'ibyo nagiye mpura nabyo kenshi. [3UB319]
W. C White: Ubu noneho bigeze ku isaha ya saa sita. Ntimwakunda kuruhuka mbere yo gufata
icyo kurya? [3UB319]
Ellen G. White: Nibyo, ntabwo nashoboboraga kubareka ngo mugende ntavuze icyo namaze
kuvuga. Ndavuga nti: Murarindwe. Ntimugatume hari ikintu icyo ari cyo cyose kigaragara gitanga
impumuro y'ubwaka, kandi n'abandi bashobora kwigana. Hari bamwe baba bafite akayihayiho ko
kwigaragaza, kandi bazigana icyo ari cyo cyose mushobora gukora - cyaba icyo mu rwego rumwe
n'icyo mukora cyangwa bitandukanye. Nagiye [3UB319] nigengesera cyane kugira ngo ntagira icyo
mbyutsa gisa n'ikidasanzwe mu bantu bacu. [3UB320]
R. Mackin: Ariko ni ukuri ko Mwuka Wera naza, nk'uko byavuzwe mu nzandiko zawe, ko abantu
benshi bazawurwanya, kandi bakavuga ko ari ubwaka? [3UB320]
Ellen G. White: Ni byo rwose bazawurwanya; kandi kubera iyo mpamvu tugomba kurindwa cyane.
Mu Ijambo (atari amarangamutima, atari no mu gutwarwa) ni ho dushaka kuyobora abantu ku
kumvira ukuri. Ku mugambi rw'Ijambo ry'Imana ni ho dushobora guhagarara dutekanye. Ijambo
rizima ryuzuye ibihamya, kandi kwamamazwa kwaryo guherekezwa n'imbaraga itangaje. [3UB320]
R. Mackin: Ni byiza, ntabwo tugomba kukunaniza. [3UB320]
Madame R. Mackin: Imana ishimwe! [3UB320]
Ellen G. White: (arahaguruka abahereza ibiganza arabashimira): Ndifuza ngo Mwuka w'Imana
abane namwe, na njye. Dukwiriye gusa nk'abana b'Imana bato. Imbaraga y'ubuntu bwayo ntikwiye
kumvikana nabi. Tugomba kuyigira dufite ubugwaneza bwose, kwicisha bugufi kose ndetse no
kwiyoroshya mu ntekerezo, kugira ngo Imana ibashe gukora ku ntekerezo z'abantu. Mfite
ibyiringiro ko Uwiteka azabaha umugisha kandi akabaha urufatiro rukomeye, kandi urwo rufatiro
ni Ijambo ry'Imana ihoraho. -Manuscript 115, 1908. [3UB320]
 UWITEKA YATANZE UMUCYO
Bwana Mackin na Madamu Ralph Mackin: [3UB320]
Bavandimwe nkunda: Vuba aha, mu iyerekwa rya nijoro, [kuwa 10 Ukuboza] hari ibintu
byabumburiwe imbere yanjye ngomba kubamenyesha. Neretswe ko hari amakosa ababaje muri
gukora. Übwo mwigaga Ibyanditswe n'Ibihamya mwageze ku myanzuro ipfuye. Muramutse
mukomeje gukora nk'uko mwatangiye, umurimo w'Uwiteka wakumvikana nabi cyane. Mwashyize
ubusobunuro butari bwo ku Ijambo ry'Imana no ku Bihamya byasohowe mu mpampuro. Hanyuma
kandi mushaka gukomeza gukora umurimo w'inzaduka mukurikije uko mwitekerereza ku bijyana
n'ubusobanuro bwabyo. Mwibwira ko ibyo mukora byose mubikora kubw'icyubahiro cy'imana,
ariko muri kwishuka kandi mugashuka n'abandi. [3UB320]
Mu mvugo, mu ndirimbo ndetse no mu kwiyerekana kudasanzwe kutagira aho guhuriye
n'umurimo nyakuri wa Mwuka Wera, umugore wawe ari gufasha mu kuzana igika cy'ubwaka
cyazangiriza cyane umurimo w'Imana igihe bwaba buhawe umwanya uwo ari wo wose mu
matorero yacu. [3UB320]
Ku Bijyana no Kwirukana Abadayimoni. - Mwageze n'aho muvuga ko mwahawe imbaraga yo
kwirukana abadayimoni. Binyuze mu mbaraga ihindura mufite ku bwenge bw'abantu, abagabo
n'abagore batewe kwizera ko batewe n'abadayimoni, kandi ko Uwiteka yabashiriyeho kuba
ibikoresho bye byo kwirukana iyo myuka mibi. [3UB321]
Neretswe ko ibika nk'ibyo by'ubuyobe nk'ubwo nahatiwe guhangana nabwo mu bizera bari
bategereje nyuma yo kurangira kw'igihe mu mwaka wa 1844 bizongera kwisubiramo muri iyi
minsi y'imperuka. Mu byo twanyuzemo mu myaka ya mbere, byabaga ngombwa ko mva ahantu
hamwe njya ahandi ngeza ubutumwa bugenda busimburana ku matsinda y'abizera bari bacitse
intege. Ibihamya byaherekezaga ubwo butumwa bwanjye byari bikomeye ku buryo abanyakuri
mu mitima bakiraga amagambo yabaga avuzwe bakayafata ko ari ukuri. Imbaraga y'Imana
yigaragaje mu buryo bukomeye, kandi abagabo n'abagore babatuwe mu mbaraga y'ubwaka
n'akajagari, maze bajyanwa mu bumwe bwo kwizera. - Manuscript 115, 1908 (Byasohotse mu
Kinyamakuru "Urwibutso n'Integuza.[3UB321]
Kurakirwa Guhagarika: Bavandimwe, mbafitiye ubutumwa: muratangirira ku byiyumviro
by'ibinyoma. Ibyo mutangaza bisobetsemo inarinjye nyinshi. Satani azinjirana imbaraga
y'ubupfumu muri uko kwiyerekana. Igihe kirageze kugira ngo mubihagarike. Niba Imana
yarabahaye ubutumwa budasanzwe mugomba kugeza ku bwoko bwayo, mwari mukwiriye
kugendera no gukorera mu kwicisha bugufi kose- atari nk'aho mwaba muri aho bakinira ikinamico,
ahubwo mu kwiyoroshya k'umuyoboke wa Yesu w'i Nazareti wicishaga bugufi byatuma muba
umusemburo w'impinduka zitandukanye n'uko bisanzwe... Mwagombye kuba mushikamye kuri
Rutare, ari we Kristo Yesu. [3UB321]
Basore nkunda, ubugingo bwanyu ni ubw'agaciro mu maso y'ijuru. Kristo yabaguze amaraso ye
y'igiciro cyinshi, kandi simbifuriza gushimisha ibyiringiro bipfuye no gukorera mu byerekezo
biyobya. Muri mu by'ukuri ubu mu nzira y'ubuyobe, kandi ndabinginze, ku bw'ubugingo bwanyu,
kugira ngo mutongera gushyira mu kaga umurimo w'ukuri muri iyi minsi ya nyuma. Ku
bw'ubugingo bwanyu, mutekereze ku buryo muri gukoramo butari ubw'umurimo w'Imana ugomba
gujyanwamo imbere. Icyifuzo nyakuri cyo kugirira abandi neza kizayobora umukozi w'Umukristo
kuzibukira igitekerezo cyose cyo kwinjiza mu butumwa bugenewe iki gihe inyigisho z'inzaduka
ziyobora abagabo n'abagore mu bwaka. Muri iki gihe cy'amateka y'isi, tugomba kwigengesera
cyane ku byerekeye iyi ngingo. [3UB321]
Ibihe bimwe munyuramo ntabwo bishyira mu kaga imitima yanyu gusa, ahubwo binateza akaga
mu mitima y'abandi benshi, kubera ko mwifashisha amagambo ya Kristo y'agaciro kenshi ndetse
mukanifashisha ibihamya kugira ngo muhamye ko ubutumwa bwanyu ari ukuri. Muyoba
mwibwira

79 The Review and Herald, Aug. 10, 17, 24, 1972.

[3UB321] ko muyoborwa n'ljambo ry'agaciro gakomeye, ari ryo kuri, ndetse n'Ibihamya Imana
yahaye ubwoko bwayo. Mukoreshwa n'imbaraga mbi zibakoreramo, kandi mwishingikirije ku
mvugo ziyobya. Mugerageza gutuma ukuri kw'Imana gushyigikira ibitekerezo by'ibinyoma ndetse
n'ibikorwa bidatunganye bidafite ishingiro kandi by'ubwaka. Ibi bituma umurimo w'itorero wo
gushyira abantu ukuri k'ubutumwa bwa marayika wa gatatu urushaho gukomera incuro cumi
ndetse na makumyabiri. - Letter 358,1908 (Byasohotse no mu Butumwa Bwatoranyijwe, Vol.2;
2016, p.50). [3UB322]

URUNDI RUGERO KU GUFATWA N'ABADAYIMONI

Mu ijoro ryakeye nahawe amabwiriza yo guha abantu bacu. Byasaga n'aho nari ndimu materaniro
aho abantu bivovoteraga umurimo w'inzaduka wa mwene Data Mackin, n'umugore we.
Namenyeshejwe ko uwo wari umurimo usa n'uwakozwe ahitwa Orrington, muri Leta ya Maine,
ndetse n'ahandi henshi nyuma yo kurangira kw'ibihe byo mu mwaka wa 1844. Nategetswe
kwamagana uyu murimo w'ubwaka ntajijinganya. [3UB322]
Neretswe ko Mwuka w'Imana atari we wamurikiraga mwene Data Mackin n'umugore we,
neretswe ko ahubwo ari mwuka w'ubwaka uhora ushaka uko wakwinjira mu itorero ryasigaye.
Uko bashyigikiza Ibyanditswe imikorere yabo idasanzwe ni ugukoresha Ibyanditswe mu buryo
bubi. Umurimo wo kuvuga abantu bafashwe n'imyuka mibi maze hanyuma ugasengana nabo usa
n'uwirukana imyuka mibi, ni ubwaka buzatuma itorero ryose ryemera uwo murimo ritiringirwa.
[3UB322]
Neretswe ko tutagomba gushyigikira uko kwiyerekana, ko ahubwo tugomba kurinda abantu
twifashishije ibihamya nyakuri tukabarinda ibishobora gushyira ikizinga ku izina ry'Abadiventisiti
b'umunsi wa Karindwi, kandi bigasenya ibyiringiro abantu bafite mu butumwa bw'ukuri bagomba
kugeza ku batuye isi.. Pacific Union Recorder, Dec. 31, 1908. (Byongeye gusohoka mu Butumwa
Bwatoranijwe, Vol. 2, 2016; pp. 50, 51). [3UB322]

80 Amakuru menshi yatanzwe yerekeye ibya Mackin yasohotse mu Butumwa Bwatoranyijwe, Vol I. pp. 46-54 (2016)
 UMUGABANE WA XI:

IBIZABA MU MINSI Y'IMPERUKA

IJAMBO RY'IBANZE
Hamwe n'uko Abadiventisiti bashimangira ukugaruka kwa Kristo, ibintu bikomeye bizabaho mu
minsi iheruka bigendana no kugaruka kwe byabaye insanganyamatsiko yitabwaho cyane
n'Abadiventisiti b'Umunsi wa Karindwi. Nta kundi byari kugenda kubera ko imyizerere
y'Abadiventisiti b'umunsi wa Karindwi yakomotse mu bantu barangwaga n'iby'iyobokamana, ari
bo tsinda rya Mileri, ryashimangiraga ingingo zijyanye n'iherezo ry'isi ari zo umuzuko, urubanza
ruheruka, kurimbura icyaha n'abanyabyaha. [3UB323]
Amayerekwa yahawe Ellen White mu ntangiriro z'umurimo we yashyize ahagaragara uburemere
bw'Isabato y'Umunsi wa Karindwi nk'ukuri gushyira abantu ku gipimo, kuko mu minsi iheruka ari
ukuri kuzagabanya abatuye isi mo amatsinda abiri: abubaha Imana kandi bazakizwa by'iteka ryose
n'abasuzugura amategeko yayo bakazarimbuka by'iteka ryose. Uko buri muntu ku giti cye yitwara
ku Isabato y'umunsi wa karindwi kuzaba icyangombwa nshingirwaho kigaragaza uruhande
ajyamo. [3UB323]
Ibizabaho biheruka amateka y'iyi si bigaragazwa mu gitabo cy'Intambara Ikomeye (paji 429-444),
kandi byagaragajwe ko ari ikibazo gikomeye cyane kandi gisoza mu ntambara ikomeye nk'uko
bivugwa muri icyo gitabo. [3UB323]
Mbega uburyo Abadiventisiti biganye ubwitonzi ibice biheruka iki gitabo (Intambara Ikomeye),
kandi bakaba barakozwe ku mutima n'ishusho yagaragajwe y'ibintu biri imbere y'itorero n'ab'isi
bategereje! Mu bwuzu bwinshi, basesenguranye ubushibozi inyandiko zose zanditswe na Ellen G.
White bashakashakamo amagambo y'ingenzi ashobora kugira umucyo yongera ku bivugwa bigiye
kubaho. Muri uyu mugabane w'iki gitabo, turerekana bwa mbere amagambo atari make avuga
ibyerekeye imperuka atari yarigeze ashyirwa hanze mu nyandiko, ari nayo afasha mu kuzuza
ishusho igaragaza ibintu biheruka bizaba mu mateka y'isi. [3UB323]
Ubwo ibibazo by'itegeko ry'Icyumweru byiyongeraga ahagana mu mwaka wa 1900 kandi
intugunda zijyana n'itegeko ry'Icyumweru ku rwego rw'igihugu muri Leta Zunze Ubumwe za
Amerika zikiyongera, Ellen White yanditse mu buryo burambuye iby' "Urugamba rwari
Rwubikiriye" mu Biharya, umuzingo wa 5 (paje 711-718 mu Cyongereza), avuga ku buremere
bw'ibibazo Abadiventisiti b'umunsi wa Karindwi bari barimo icyo gihe, avuga ko itorero ritari
ryiteguye icyo kibazo, kandi anerekana ko kubw'igisubizo ku masengesho y'abana bayo, "Imana
yanashoboraga kuburizamo imikorere y'abantu bahinduraga amategeko yayo ubusa" (Ibihamya by
Itorero, Vol. 5, p.714 mu Cyongereza). [3UB324]
Ubwo amategeko yahamagariraga abantu kubahiriza Icyumweru muri zimwe muri Leta zo mu
majyepfo ya Leta Zunze Ubumwe za Amerika yashimangirwaga maze Abadiventisiti bagafatwa,
bagafungwa, kandi bagahatirwa gukora imirimo y'agahato kubera kutubahiriza ayo mategeko,
ikibazo cy'Isabato n'Icyumweru (Sunday) cyafashe intera ikomeye maze kizanwa mu Nama
y'Inteko Nkuru Rusange yo 1889 kugira ngo cyigweho mu buryo bwitondewe. Amaze kongera
gusesengurana ubwitonzi amahame yagendeweho, Ellen White yatanze inama ko kwigengesera
mu mwanzuro wose wafatwa n'intumwa zitabiriye inama. [3UB324]
Intugunda zijyana n'itegeko ry'Icyumweru zagiye zigabanya umurego buhoro buhoro, ariko mu
myaka yakurikiyeho Ellen White yashyize imbere y'abayobozi b'itorero ibibazo by'urugamba
ruheruka. Ku bijyana n'itotezwa nyakuri abantu bazira kubahiriza Isabato, kugeza ubu ibihe
bishobora kuba byarahindutse, ariko ibibazo n'amahame ruzingiyeho biracyari bya bindi. Guhera
igihe Ellen White yapfiriye, hagiye habaho izindi mpinduka, ariko twizera ko amahame n'ibibazo
nk'iby'icyo gihe bizongera guhemburwa mu rugamba rugiye kuza. [3UB324]
Umugabane munini w'iki gice ukubiyemo amagambo avuga ku bizaba mu mperuka y'ibihe ari
nabyo akenshi bigaragazwa biteganye n'ibivugwa mu Ntambara Ikomeye, ariko rimwe na rimwe
byo bitanga amakuru mashya arambu ye n'ibitekerezo bishya. Izo nyandiko zagabanijwemo ibice
bitatu by'ingenzi aribyo: [3UB324]
1. Amasomo yigiwe mu guhura n'akaga katewe n'itegeko ry'Icyumweru mu myaka ya 1880 no mu
myaka ibanza ya 1890. [3UB324]
2. Inama rusange zikwiriye abantu begereje iherezo. [3UB324]
3. Ibirebana n' "urugamba rukomeye," rujyana n'ikibazo cy'Isabato n'Icyumweru nk'ingingo
ikomeye. [3UB324]
Umusomyi azibonera ko, nubwo Ellen White adukangurira kwita ku bihe bishishana biri imbere
yacu, bikubiyemo nta shiti kuzicwa kw'abantu bazira kwizera kwabo, kandi agahanura ubuhakanyi
buzaboneka mubo dufatanyije kwizera, anahanura iby'abantu benshi bazinjira mu itorero [3UB324]
kandi akanatanga ibyiringiro bitsika umutima by'ubuntu bukomeza buva mu Ijuru buzahabwa
ubwoko bw'Imana buyinambaho. - Abashinzwe Kurinda Inyandiko za Ellen G. White. [3UB325]
 IGICE CYA 55

AMASOMO YIGIWE MU GUHURA N'AKAGA ΚATEWE N'ITEGEKO

RY'ICYUMWERU MU MYAKA IHERUKA YA 1880 NO MU MYAKA IBANZA YA
1890

IBYIRINGIRO IGIHE IBICU BYABUDIKAGA MU MWAKA WA 1884

Imbere yacu hari ibintu bikomeye, bityo turashaka guhamagarira abantu kuva mu bunenganenzi
barimo bakitegura......Ubu ntidukwiye kureka ibyiringiro byacu, ahubwo tugomba kugira
ibyiringiro bishikamye, ndetse bikomeye cyane kurusha ibyo twigeze kugira. Kugeza ubu Imana
yaradufashije, kandi izanadufasha kugeza ku mperuka. Tuzareba ku nkingi zitwibutsa, ari zo
bimenyetso bitwibutsa ibyo Uwiteka yadukoreye, kugira ngo biduhumurize kandi bituvuvunure
mu maboko y'umurimbuzi. [3UB326]
Dushobora kureba imbere tukabona ibihagarika umutima bishya bizaba mu rugamba rugiye kuza,
ariko dushobora no kwitegeza neza ibyatambutse [3UB326] kimwe n'ibizaza maze tukavuga tuti:
"Kugeza ubu Uwiteka yaratuzahuye" (1 Samweli 7:12). "Uko iminsi yawe ingana, niko intege
zawe zizaba" (Guteg. 33:25). Ikigeragezo ntikizarenga imbaraga tuzahabwa ngo tubashe
kucyihanganira. Nuko rero, nimutyo tujye ku murimo wacu aho tuwubonye, twe kuvuga ijambo
na rimwe ryo kwinuba, tutibwira ko nta kintu gishobora kubaho, ahubwo twibwire ko tuzahabwa
imbaraga zihwanye n'uko ibigeragezo bizaba bingana..... [3UB327]
Amahoro yacu muri iki gihe ntakwiriye guhungabanywa n'ibigeragezo byitezwe kuzabaho, kubera
ko Imana itazigera ireka cyangwa ngo ihäne umuntu n'umwe uyiringira. Imana iturutira ubwoba
tugira... [3UB327]
Ntumukitize Amakuba Azaba mu Kaga K'Ahazaza. -Abantu benshi bazakura amaso yabo ku
nshingano bafite muri iki gihe, bayakure ku kumererwa neza kwa none ndetse n'imigisha bafite
ubu, maze bitize amakuba agendanye n'akaga kahazaza. Ibi bizaba kuzana igihe cy'amakuba kandi
igihe cyacyo kitaragera, kandi nta humure tuzahabwa kubw'ayo makuba twizaniye imburagihe.....
Ubwo igihe cy'urugamba rukaze kizaba kigeze, tukazaba twaramaze kwiga isomo ryo kugira
ibyiringiro byera n'isomo ryo kwizera, kandi tukazaba dufata mu biganza bya Kristo, ndetse
ibirenge byacu tukabishinga kuri Rutare rw'Iteka, bityo rero tuzaba turinzwe umugaru n'umuyaga
w'ishuheri. Tugomba gutegereza Umwami wacu. Yesu azaba umufasha utabura kuboneka igihe
cyose tumukeneye. -Letter 11a, 1884. [3UB327]
Urabaza ibyerekeye inzira yagombye gukurikizwa kugira ngo abantu bacu babone uburenganzira
bwo gusenga bakurikije ibyo umutimanama wacu utwemeza. Iki cyabereye umutwaro umutima
wanjye mu bihe bitari bimwe, nibaza niba byaba guhakana kwizera kwacu ndetse n'igihamya
cy'uko kwizera Imana kwacu kudashyitse. Ariko ndibuka ibintu byinshi Imana yanyeretse mu gihe
cyashize birebana n'ibintu bisa bityo, nka rya tegeko [ryariho mu gihe cy'Intambara ya Gisivile yo
muri Amerika] ndetse n'ibindi bintu. Nshobora kuvuga ndi mu gitinyíro cy'Imana ko nta kibi
kirimo, ko dukwiriye gukoresha imbaraga zose uko dushoboye tugakuraho igitutu kiri gushyirwa
ku bantu bacu... [3UB327]
Ntabwo twe tugomba gusembura abantu bahisemo kwemera isabato y'ikinyoma kandi mpimbano,
yashyizweho n'Ubupapa, buyisimbuje Isabato yera y'Imana. Kuba badafite ingingo z'ibihamya bya
Bibiliya zibarengera bibatera kurakara cyane no kumaramaza kuzuza imbaraga z'ubushobozi
bwabo mu mwanya w'ingingo batanga zidashingiye mu Ijambo ry’Imana. Imbaraga zakarengane
zikurikira intambwe z'ikiyoka. Kubw'ibyo rero, hagomba gukoreshwa ubwitonzi bukomeye kugira
ngo hatabaho ubushotoranyi. Kandi nanone, nk'ubwoko bw'Imana, nimutyo uko bishoboka kose
tweze inkambi yacu ivemo kwiyanduza mu micombonera n'ibyaha bitwizingiraho.... [3UB327]
Amategeko yose yo mu isi ntashobora kuturokora ishungura riteye ubwoba, kandi imbaraga zose
zashyirwaho n'ubutware bukomeye ntizizadukuraho igihano cy'Imana, bitewe gusa n'uko icyaha
cyagundiwe. Niba twebwe nk'ishyanga tutagumye mu kwizera kandi, ntidukore ubuvugizi
dushyigikira amategeko y'Imana mu nyandiko cyangwa mu magambo gusa, kandi ntituyakomeze
yose nta kwica itegeko na rimwe tubizi, ubwo ni bwo intege nke no kurimbuka bizatuzaho....
[3UB328]
Ubusabe Butazagira Icyo Bugeraho mu Gihe Mwuka Wera Ntacyo Akoze. Intambara zose
turwana tugeza ubusabe bwacu ku bayobozi bo mu nzego zo hejuru mu gihugu cyacu, uko ibyo
dusaba byaba bifite ishingiro kose, bifite imbaraga kandi byumvikana rwose ngo biturengere,
ntibizatugeza ku cyo twifuza, keretse gusa Uwiteka nakoreshereza Mwuka we Wera mu mitima
y'abavuga ko bizera ukuri. Dushobora guhangana nk'umuntu w'umunyambaraga uri koga
ahanganye n'umuvumba w'isumo rya Niagara, ariko tuzatsindwa keretse gusa Uwiteka
naturengera. Imana izahabwa icyubahiro mu bwoko bwayo. Bugomba kuba butunganye, bugomba
kwiyambura inarijye, bugahagarara mu byimbo bushikamye, kandi bugahora iteka bwitabira
umurimo w'Uwiteka ari benshi. [3UB328]
Amategeko yo Kwerereza Isabato y'Ikinyoma. Tugomba kuba twiteguye kandi dutegereje
amabwiriza y'Imana. Amahanga azakangarana imbere muri yo. Üburengezi buzavanwa ku
bamamaza amahame ngenderwaho rukumbi yo gukiranuka, kandi akaba n'igipimo rukumbi
kitibeshya cy'imico. Kandi abantu bose batazemera gucira bugufi itegeko ry'inama z'igihugu, kandi
ngo bubahe amategeko y'igihugu yo kwerereza isabato yashyizweho n'umunyabugome basuzugura
umunsi wera w'Imana, ntibazagerwaho gusa n'ububasha bukandamiza bw'ubupapa, ahubwo
bazanagerwaho n'ububasha nk'ubwo bw'Ubuporotesitanti, ari bwo gishushanyo cy'inyamaswa.....
[3UB328]
Akaga gakomeye kegereje kazashungura abo Imana itahaye inshingano kandi Imana izagira
umurimo utunganye, umurimo w'ukuri kandi wejejwe wateguriwe imvura y'itumba.... [3UB328]
Ubugingo bushya buragenda buturuka mu bikoresho bya Satani kugira ngo bukorane imbaraga
tutigeze twiyumvisha kugeza ubu. None se nta mbaraga nshya zizava mu ijuru ngo zuzure ubwoko
bw'Imana? - Letter 55,1886. [3UB328]
Vuba aha tugomba kuzakirana n'abategeka b'igihugu, kandi dufite impamvu yose idutera gutinya
ko ikinyoma cyazatsinda. Mu izina rya Yesu, tuzahamagarira amatorero yacu kurebera uru
rugamba mu mucyo warwo nyakuri. Ni intambara hagati y'Ubukristo bushingiye ku Isezerano rya
Kera n'Isezerano Rishya n'Ubukristo bushingiye ku migenzo y'abantu n'imigani ipfuye. [3UB328]

81 Soma Ibihamya by 'Itorero, Vol.5, Igice kivuga "Urugamba Rwegereje." Abakusanyije Inyandiko. 328

Iyi ntambara igomba kuzatanga umwanzuro niba ubutumwa bwiza butavangiye buzahabwa
urubuga mu gihugu cyacu, cyangwa niba ubupapa bwo mu myaka yashize buzahabwa ukuboko
kw'iburyo n'Ubuporotesitanti bagasabana, kandi ubu bubasha bugera ku ntego yo kubuzanya
umudendezo w'idini...... Ubutumwa bugomba gutangazwa hose, kugira ngo abantu bagiye
bifatanya n'ubupapa mu buryo batiyumvishaga, ariko batazi ibyo bari gukora, babashe kumva.
Bari gucudika n'ubupapa binyuze mu guhara ibintu bimwe bemeraga ndetse no kugira ibindi
bemera kandi ibyo bigatungura abayoboke b'ubupapa.... [3UB329]
Abana b'Imana mu Yandi Matorero. - Imana ifite abana, ndetse benshi muri bo bari mu
matorero ya Giporotesitanti, kandi ikagira n'umubare munini mu matorero y'Abagatolika
b'abanyakuri rwose mu kumvira umucyo bazi, kandi b'abanyakuri mu gukora uko bashoboye kose
bagakurikiza ibyo bazi kurusha umubare munini wo mu Badíventisiti bubahiriza Isabato
batagendera mu mucyo. Uwiteka azatuma ubutumwa bw'ukuri bwamamazwa kugira ngo
Abaporotesitanti babashe kuburirwa kandi bakangurirwe kumenya ibintu nk'uko biri mu kuri,
kandi bite ku gaciro k'amahirwe y'umudendezo mu by'idini bamaze igihe kirekire bishimira.
[3UB329]
Ubugororangingo ku Cyumweru muri Leta Zunze Ubumwe za Amerika. Iki gihugu cyabaye
ubuhungiro bw'abatotezwa, kiba ubuhamya bw'umudendezo w'umutimana ndetse n'izingiriro
rikomeye ry'umucyo w'ibyanditswe. Imana yohereje intumwa82 zagiye ziga Bibiliya zazo kugira
ngo zivumbure ukuri uko ari ko, kandi zize iby'imikorere y'abantu bari gukora uruhare rwabo mu
gusohoza ubuhanuzi bazana ubugororangingo mu by'idini buhindura ubusa amategeko y'Imana,
bityo bakimika umunyabugome. None se nta jwi rizavuga ngo ritange umuburo wahuranyije bityo
rimenyeshe amatorero akaga arimo? Mbese tuzareka ibintu bidogere, kandi tureke Satani aneshe
nta kumurwanya? Ntibikabeho.... [3UB329]
Abenshi mu bo Tudasangiye Kwizera Bazaza ku Rugerero. Hari abantu benshi bagomba kuva
mu b'isi, bakava mu matorero, ndetse no mu Itorero Gatolika. Ni abantu bazagira umuhati urenze
cyane uw'abigeze kuba mu ngabo z'Uwiteka kandi kuva ubwo baziyemeza kwamamaza ukuri.
Kubw'iyo mpamvu, abakozi ba saa kumi n'imwe bazahabwa ibihembo byabo. Aba bazabona
intambara itutumba kandi bazavuza impanda mu ijwi ryihariye. Igihe ibihe bishishana bizaba
bitugezeho, ubwo ibihe by'amakuba bizaba bije, bazaza ku rugerero, batwaye intwaro zose
z'Imana, berereze amategeko yayo, bayoboke kwizera Yesu, kandi bakomeze umurimo wo
gushyigikira umudendezo mu by'idini abagorozi barwaniriraga biyushye akuya kandi batangiye
n'ubuzima bwabo... [3UB329]
Ikibazo cy'Isabato y'Ikinyoma. Isabato y'ikinyoma yerekanwa ko igomba kubahirizwa
bishimangiwe n'amategeko ahatira abantu kubahiriza

82 A.T. Jones n'abandi.

[3UB329] isabato Imana itigeze itegeka umuntu. Itotezwa ry'Abaporotesitanti ryakozwe na Roma,
aho muri ryo iyobokamana rya Yesu Kristo ryendaga gukurwaho burundu. Ariko igihe
Übuporotesitanti n'ubupapa bizahuriza imbaraga hamwe, itotezwa rizaba rikomeye mu buryo
butagereranywa n'iryabaye kera.... [3UB330]
Igihugu cyacu kigomba guhinduka isibaniro ry'urugamba, ahagomba kubera urugamba rwo
guharanira umudendezo w'idini kuramya Imana dukurikije ibyo umutimanama wacu utwemeza.
None se ntidushobora kubona umurimo w'umwanzi ukomeza gusinziriza abantu bakagombye kuba
bari maso, abantu bafite imbaraga ihindura itazabura kugira icyo ikora ahubwo bazaba bari ku
ruhande rw'Uwiteka batizigamye? Mbese abantu bazarangurura ngo, 'Ubu hari amahoro
n'umutekano, mu gihe kurimbuka gutunguranye kuri kwegera isi, igihe umujinya w'Imana ugiye
gusukwa? -Manuscript 30, 1889. [3UB330]
 AMERIKA ISHOBORA GUHINDUKA AHANTU H'AMAKUBA ARUTA ANDI YOSE
Amerika, ..... ahantu umucyo mwinshi cyane uvuye mu ijuru warasiye abantu, ishobora guhinduka
ahantu h'amakuba aruta andi yose n'umwijima ukaze kubera ko abantu badakomeza gukurikiza
ukuri no kugendera mu mucyo.... [3UB330]
Uko tutushaho kwegera ibintu bizabaho bisoza amateka y'iyi si, ni ko umurimo wa Satani
uzarushaho kwigaragaza. Ubushukanyi bw'ubwoko bwose buzafata uruhembe rw'imbere kugira
ngo buteshure imitima y'abantu ku Mana binyuze mu bikoresho bya Satani. - Letter 23c, 1894.
[3UB330]

ISHUSHO YO HAMBERE IGARAGAZA UBUREMERE BW'ISABATO83

Nabonye ko twumvaga kandi twasobanukirwaga uburemere bw'Isabato gake cyane ugereranyije
n'uko twagombye gusobanukirwa no kumenya uburemere bwayo n'icyubahiro cyayo. Nabonye ko
tutari tuzi icyo kuzamuka ukajya aharengeye ho ku isi maze ukagaburirwa ku murage wa Yakobo
bisobanuye. Ariko igihe imvura y'itumba ihembura izagwa ivuye ku Uwiteka n'icyubahiro
cy'ububasha bwe, tuzamenya icyo kugaburirwa ku murage wa Yakobo no kuzamurwa ugashyirwa
aharengeye ku isi bivuze. Ubwo nibwo tuzarushaho kubona Isabato mu buremere bwayo
n'icyubahiro cyayo. [3UB330]
Ariko ntituzayibona mu cyubahiro cyayo n'uburemere bwayo bwose kugeza igihe ijwi ry'Imana
rizavuga tugatangarizwa isezerano ry'amahoro, kandi n'inzugi z'imaragarita za Yerusalemu Nshya
zigakingurirwa ku mapata yazo ashashagirana, bityo ijwi rya Yesu mwiza ry'ibyishimo
n'umunezero rikumvikana neza kurusha indirimbo iyo ariyo yose yigeze yumvwa n'ugutwi
k'umuntu upfa atubwira ngo twinjire. - Letter 3, 1851. [3UB330]

83 Soma Inyandiko z'lbanze, 2019; pp.50-53. (Amayerekwa Yakurikiyeho).

Tugomba gushikama mu birindiro kugira ngo tutazubahiriza umunsi wa mbere w'icyumweru

nk'Isabato, kubera ko atari wo munsi wahawe umugisha kandi ngo wezwe na Yehova, kandi mu
kubahiriza Icyumweru twaba twishyize mu ruhande rw'umushukanyi ukomeye. Urugamba
rurebana n'Isabato ruzafungura ikigirwaho impaka ku bantu, kandi amahirwe azatangwa kugira
ngo ibiranga Isabato y'ukuri bibashe kugaragazwa... [3UB331]
Abantu bubaha Imana kandi bagakomeza amategeko yayo bakwiriye kudakebakeba, atari mu
masengesho gusa, ahubwo no mu bikorwa, kandi ibyo bizashyira ukuri imbere y'abatarigeze
bakumva .... [3UB331]
Igihe amategeko y'Imana azaba yamaze guhindurwa ubusa, kandi ubuhakanyi bugahinduka icyaha
cy'igihugu, Uwiteka azarwanira ubwoko bwe. Nibigera aho badashobora kugira indi ntambwe
batera bizaba ari umwanya we wo kugira icyo akora. Uwiteka azerekana imbaraga ze kubw'itorero
rye.... [3UB331]
Igihe cyo Guhamya. - Imana yaduhaye umucyo ku byerekeye ibigiye kuba ku isi kugira ngo
tubashe kumurikira abandi, kandi ntituzabarwa ko nta cyaha dufite nitwiyicarira tugatuza,
twipfumbase, tujya impaka gusa ku bintu by'umumaro muke... [3UB331]
Ntabwo abantu bagomba kurekwa ngo bagwaguze bagenda mu nzira y'umwijima, batazi ibiri
imbere yabo, kandi bataniteguye ibibazo bikomeye bibasatiriye. Hari umurimo ugomba gukorwa
muri iki gihe wo gutegurira abantu guhagarara mu munsi w'amakuba, kandi abantu bose bagomba
gukora uruhare rwabo muri uyu murimo. Bagomba kuba bambaye gukiranuka kwa Kristo, kandi
bagakomezwa n'ukuri kugira ngo batazemera ibinyoma bya Satani babifata nk'ukwigaragaza
nyakuri kw'imbaraga y'Imana.... [3UB331]
Ni igihe kitoroshye ku bwoko bw'Imana, ariko nibuhagarara bwegereye urubavu rwa Yesu
rwavushijwe amaraso, azababera igihome kibakingira. Azakingura inzira kugira ngo ubutumwa
bw'umucyo bubashe kugera ku bantu bakomeye, ku banditsi n'abanyamategeko. Bazagira
amahirwe mutigeze kurota, kandi bamwe muri bo bazarengera ibyo amategeko y'Imana
yasuzuguwe asaba bashize amanga.... [3UB331]
Ingamba za Satani mu Rugamba Ruheruka. Ubu hari ubukene bw'abagabo n'abagore
b'abanyamwete bazashakisha uko basohoza agakiza k'abantu, kubera ko Satani nk'umugaba
w'ingabo ukomeye yamaze kwigarurira ibirindiro, kandi muri iki gihe gisigaye ari gukoresha
uburyo bwose bushoboka ngo akinge urugi abantu be kubona umucyo Imana yifuza ko ugera ku
bwoko bwayo. Ari gukuburira ab'isi bose mu ngabo ze, kandi bake cyane b'indahemuka kubyo
Imana isaba nibo bonyine bashobora guhangana nawe bakamutsinda, nubwo ari bo ari kugerageza
kunesha.... [3UB331]
Nimusange Imana ubwanyu; musengere kugira ngo mumurikirwe nayo bityo mube mwamenya ko
muzi ukuri uko ari ko, kugira ngo igihe imbaraga ikomeye ikora ibitangaza izigaragariza, kandi
umwanzi akaza nka marayika w'umucyo, muzashobore gutandukanya umurimo nyakuri w'Imana
n'umurimo w'umwiganano cyangwa se imbaraga z'umwijima. [3UB332]
Isi igomba kuburirwa, kandi igihe ubutumwa bwa marayika wa gatatu buzavugwa mu ijwi rirenga,
imitima y'abantu izategurirwa byuzuye gufata ibyemezo byaba kwemera ukuri cyangwa se
kukwanga. Impinduka ikomeye igomba gukorwa na Satani n'abamarayika be babi, bafatanyije
n'abantu babi bazashimangira iherezo ryabo binyuze mu guhindurira ubusa amategeko y'Imana
imbere y'igihamya kibatsinda kiva mu ljambo ryayo cyerekana ko aya mategeko adahinduka kandi
ari ay'iteka ryose. [3UB332]
Ijwi Rirenga ry'Ubutumwa bwa Marayika wa Gatatu. - Igihe nyakuri umuhanuzi yanditse
kizasohora, kandi ijwi rikomeye rya marayika wa gatatu rizumvikana mu isi, isi izamurikirwa
n'ubwiza bwe, kandi ubutumwa buzatsinda, ariko abatagendera mu mucyo wabwo ntibazatsindana
nabwo.... [3UB332]
Igihe gishishana cyamaze kugera ubwo abagabura bakagombye kuba baririra hagati y'irebe
ry'umuryango n'igicaniro bataka bati: "Uwiteka we kiza ubwoko bwawe ntureke ab'umwandu
wawe bashyinyagurirwa" (Yoweli 2:17). Aho kuzamura imitima yabo bumva ko bihagije, ni
umunsi abagabura (ababwiriza) n'abizera bagombye kuba bari kwaturira ibyaha byabo imbere
y'Imana kandi n'umuntu yaturira mugenzi we. [3UB332]
Ingabo z'Abizera Zitsinda Ikigeragezo Giheruka. Amategeko y'Imana ahindurwa ubusa, kandi
no mu bashyigikira ibyo asaba harimo bamwe barenga ku byo ategeka byera. Bibiliya
izabumburirwa inzu ku yindi, kandi abagabo n'abagore bazakirwa muri izo ngo, ndetse imitima
y'abantu izakingukira kwakira Ijambo ry'Imana. Kandi ubwo igihe cy'akaga kizaba kigeze, benshi
bazaba biteguye gufata imyanzuro mizima, nubwo bazaba bari imbere y'ingorane ziteye ubwoba
bizazanwa icyo gihe binyuze mu bitangaza by'ubushukanyi bwa Satani. Nubwo abongabo
bazahamya ukuri kandi bagahinduka abakozi bakorana na Kristo mu isaha ya saa kumi n'imwe,
bazahabwa ibihembo bingana n'ibya ba bandi bakoze umunsi wose. Hazabaho ingabo z'abizera
bahagarara bashikamye nk'urutare mu kigeragezo giheruka.... [3UB332]
Umucyo mwinshi uzamurika ku kuri kwagutse k'ubuhanuzi, kandi uko kuri kuzagaragara ari
gushya kandi kurabagirana kubera ko imirasire irabagirana ya Zuba ryo Gukiranuka izamurika
hose... [3UB332]
Igihe marayika yari agiye guhishurira Daniyeli ubuhanuzi buteye amatsiko cyane twagombaga
kwandikirwa twebwe ababona busohora, marayika yaravuze ati: "Komera, koko komera"
(Daniyeli 10:19). Tugomba kwakira ubwiza bwa bundi Daniyeli yahishuriwe, kubera ko
bwagenewe [3UB332] ubwoko bw'Imana muri iyi minsi iheruka kugira ngo bubashe kuvuza
impanda mu ijwi ryihariye. - Manuscript 18,1888. [3UB333]
Igihe Kristo azaba agarutse, isi yose izaba igizwe n'amatsinda abiri, intungane n'abanyabyaha,
abakiranutsi n'abakiranirwa. Mbere gato yo kuboneka kw'ikimenyetso gikomeye cyo kuza
k'Umwana w'umuntu, mu ijuru hazaba ibimenyetso n'ibitangaza... [3UB333]
Ibitonyanga byo mu ducuma tw'umujinya w'Imana byamaze gusukwa ku butaka no mu nyanja,
byangiza ibigize umwuka wo mu kirere. Intandaro y'iyo miterere irakorwaho ubushakashatsi, ariko
bikaba iby'ubusa. [3UB333]
Ntabwo Imana yabujije imbaraga z'umwijima gukomeza umurimo wazo kirimbuzi wo kwangiriza
umwuka wo mu kirere ikoresheje igihu gihumanye kandi kinuka kandi wa mwuka wo mu kirere
ari umwe mu masoko y'ubuzima n'ibyokurya. Ntabwo ubuzima bw'ibimera ari bwo bwangiraka
gusa, ahubwo n'umuntu ababazwa n'ibyorezo... [3UB333]
Isi Igaragara n'iy'Iby'Idini Igomba Kunyeganyezwa. Ibi bintu ni ingaruka z'ibitonyanga biva
ducuma tw'umujinya w'Imana biri kuminjagirwa ku isi, ariko ni ingero zoroheje cyane z'ibizabaho
vuba aha. [3UB333]
Imitingito yagiye yumvikana mu bice bitandukanye, ariko uko kwivumbagatanya kwagiye
kugabanywa cyane... Ibishyitsi biteye ubwoba bizaba ku isi, maze amazu y'ibitabashwa yubatswe
hatanzwe umutungo mwinshi cyane nta kabuza azahinduka ibirundo by'ibyavu n'amatongo.
[3UB333]
Igice cy'inyuma cy'ubutaka bw'isi kizamenagurwa no guturitswa n'amahindure ahishwe mu nda
y'isi. Igihe ayo mahindure azaba arekuwe, azatembana ibintu by'agaciro by'abantu barundanije
imyaka myinshi kugira ngo bigwizeho ubutunzi bwinshi bagura n'abakozi babo babaha intica
ntikize. [3UB333]
Isi y'iby'idini nayo, igomba kunyeganyezwa biteye ubwoba, kubera ko iherezo rya byose riri
bugufi...... Umuryango mugari w'abantu wose uri kwigabanyamo amatsinda abiri, abumvira
n'abatumvira .... [3UB333]
Hazabaho Amategeko Agenga Umutimanama. Isi yiyitirira Ubukristo igomba kuba urubuga
ruberaho ibikorwa bikomeye kandi byahuranyije. Abantu bari mu myanya y'ubuyobozi bazashyira
mu bikorwa amategeko agenga umutimanama, bakurikije urugero rw'ubupapa. Babuloni
izanywesha amahanga yose ku nzoga y'umujinya w'ubusambanyi bwayo. Amahanga yose azaba
arebwa n'ibi. Yohana umuhishuzi yavuze iby'icyo gihe agira ati: [3UB333]
"Abatunzi bo mu isi bagatungishwa n'ubwinshi bw'ubutunzi bwawo no kudamarara. Numva irindi
jwi rivugira mu ijuru riti, "Bwoko bwanjye, nimusohokemo kugira ngo mwe gufatanya n'ibyaha
byawo, mwe guhabwa no ku byago bwawo. Kuko ibyaha byawo byarundajwe bikagera mu ijuru,
[3UB333] kandi Imana yibutse gukiranirwa kwawo. Muwiture ibihwanye n'ibyo wabagiriye, kandi
muwusagirizeho kabiri ibikwiriye ibyo wakoze. Mu gikombe wafunguragamo, muwufunguriremo
kabiri. Nk'uko wihimbazaga ukidamararira ukishima ibyishimo bibi, mube ari ko muwuha
kubabazwa agashinyaguro no kuboroga, kuko wibwira uti "Nicara ndi umugabekazi sindi
umupfakazi, ni cyo gituma nta gahinda nzagira na hato" (Ibyah. 18:3-7). [3UB334]
Kwishyira Hamwe kw'Amahanga y'Isi Yose. "Abo bahuje inama, baha ya nyamaswa imbaraga
zabo n'ubutware bwabo. Bazarwanya Umwana w'Intama, ariko Umwana w'Intama azabanesha,
kuko ari we Mutware utwara abatware n'Umwami w'abami, kandi abari hamwe na we
bahamagawe baratonijwe bakiranutse nabo bazayinesha" (Ibyahishuwe 17:13, 14). [3UB334]
"Abo bahuje inama." Hazabaho kunga ubumwe kw'isi yose, habeho ubwumvikane bukomeye,
habeho kwishyira hamwe kw'ingabo za Satani. "Bazaha ya nyamaswa imbaraga zabo n'ubutware
bwabo." Uku ni ko ya mbaraga itegeka kandi ikandamiza ikarwanya umudendezo w'idini
n'uburenganzira bwo kuramya Imana umuntu akurikije umutimanama we ikora, nk'uko iyo
mbaraga yagaragajwe n'ubupapa, ubwo mu gihe cyashize bwarengaga abatinyutse kwanga
gukurikiza imigenzo n'imihango y'idini y'I Roma. [3UB334]
Mu rwego rwo kurwanya ubwoko bw'Imana, mu rugamba ruzabaho mu minsi ya nyuma hazabaho
kwishyira hamwe kubutegetsi bwose bwahakanye bukareka kubaha amategeko ya Yehova. Muri
uru rugamba, Isabato y'itegeko rya kane izaba izingiro rikomeye ry'ikibazo, kubera ko mu itegeko
rivuga Isabato, Uwiteka Ukomeye watanze amategeko niho yigaragariza ko ari Umuremyi w'isi
n'ijuru... [3UB334]
Mu Byahishuwe, tuhasoma ibivugwa kuri Satani ngo: "Kandi ikora ibimenyetso bikomeye,
imanura umuriro uva mu ijuru ugwa mu isi mu maso y'abantu. Iyobesha abari mu isi ibyo
bimenyetso yahawe gukorera imbere ya ya nyamaswa, ibabwira kurema igishushanyo cya ya
nyamaswa yari ikomerekejwe n'inkota ikabaho. Ihabwa guha icyo gishushunyo cy'inyamaswa
guhumeka, ngo kivuge kandi cyicishe abatakiramya bose. Itera bose aboroheje n'abakomeye,
n'abatunzi n'abakene, n'ab'umudendezo n'ab'imbata, gushyirwaho ikimenyetso ku kiganza
cy'iburyo cyangwa mu ruhanga, kugira ngo hatagira umuntu wemererwa kugura cyangwa gutunda,
keretse afite icyo kimenyetso, cyangwa izina rya ya nyamaswa cyangwa umubare w'izina ryayo"
(Ibyahishuwe 13:13-17).... [3UB334]
"Nuko mbona mu kanwa ka cya kiyoka no mu kanwa ka ya nyamaswa, no mu kanwa ka wa
muhanuzi w'ibinyoma, havamo imyuka itatu mibi isa n'ibikeri, kuko ari yo myuka y'abadayimoni,
ikora ibitangaza igasanga abami bo mu isi yose, ngo ibahururize kujya mu ntambara yo ku munsi
ukomeye w'Imana Ishoborabyose. Dore nzaza nk'umujura. Hahirwa uba [3UB334] maso akarinda
imyenda ye, kugira ngo atagenda yambaye ubusa bakareba isoni z'ubwambure bwe" (Ibyahishuwe
16:13-15).... [3UB335]
Satani Azagaragara nk'Utsinze. -Ibintu byose byo mu bidukikije no mu isi muri rusange
birahangayitse ku buryo bukomeye. Afatanyije n'abamarayika be ndetse n'abantu babi, Satani
azakoresha imbaraga zose kugira ngo arebe ko yabona intsinzi, kandi azagaragara nk'utsinze.
Ariko iyi ntambara, ukuri no gukiranuka bizayivamo bibyina intsinzi. Abantu bizeye ikinyoma
bazatsindwa, kubera ko iminsi y'ubuhakanyi izashyirwaho iherezo. Manuscript 24, 1891. [3UB335]
 INAMA IREBANA N'IBIBAZO BY'ITEGEKO RY'ICYUMWERU
Mu nama yacu havutse ibibazo bikeneye kwitabwaho byitondewe, abantu bibaza niba abubahiriza
Isabato bo muri Leta zo mu Majyepfo, aho bashobora guhura n'ububasha bubakandamiza
bw'amategeko ya Leta zabo baramutse bakoze ku Cyumweru. Mbese bazaruhuka ku Čyumweru
kugira ngo birinde itotezwa bahura naryo baramutse bagize umurimo uwo ari wo wose bakora ku
Cyumweru. Bamwe muri benedata basa n'abahagaritse umutima ko Inteko Nkuru Rusange yafata
umwanzuro uha inama benedata bubahiriza Isabato bashobora gufungwa cyangwa gucibwa
amande, ko bahagarika imirimo kuri uwo munsi. Imyanzuro nk'iyo ntikwiriye gushyirwa imbere
y'iyi nama, ngo isabe kuyemeza. [3UB335]
Hari ibibazo icyiza cyane kuri byo ari ukwirinda kubivugaho cyane uko bishoboka kose ku
ruhande urwo ari rwo rwose - kwaba kubishyigikira cyangwa kutabishyigikira... [3UB335]
Imana Izatanga Umucyo n'Ubwenge Igihe Bizaba Bikenewe. - Igihe ikibazo cyo kubahiriza
Icyumweru kigizwe itegeko, ntihazabaho ingorane zikomeye zo gutera intambwe zitemewe
n'ljuru..... bishingiye ko Uwiteka atanga umucyo n'ubwenge igihe bikenewe." [3UB335]
Mu gihe abubahiriza Isabato bose bababaye kandi bahagaritse umutima, bashaka gucengera mu
bwiru bwo mu gihe kizaza, no kwiga ibyo bashobora byose ku birebana n'umurongo utunganye
bazafata, mujye mwitonda kugira ngo bahabwe inama itunganye ku byerekeye kubahiríza
Icyumweru .... Iteka hazajya habaho akaga ko kuba abahezanguni.... [3UB335]
Niba icyemezo gifashwe ko abantu bacu batazakora ku Cyumweru kandi ko benedata bo muri Leta
zo mu Majyepfo bazitwara nk'abatavuguruzanya n'itegeko ry'Icyumweru, kubera impamvu
y'akarengane, bizatwara igihe kingana iki mbere y'uko abari mu isi bose

84 Inama y'Inteko Nkuru Rusange yo mu mwaka wa 1889 yabereye i Battle Creek kuva kuwa 18 Ukwakira kugeza kuya 5 Ugushyingo. Ku Isabato
yo kuwa 2 Ugushyingo mu gitondo, Ellen White yavuze ku Byahishuwe 13, "agaragaza mu magambo yumvikana neza uruhande ubwoko bw'Imana
buhagazemo kubw'iki gihe mu birebana n'amategeko agendanye no kubahiriza Icyumweru." Ku Isabato ku gicamunsi yasomye mu Bihamya asoma
n'ibyavugiwe mu kibwirizwa cyabwiririjwe mu Nteko Nkuru Rusange mu mwaka wa 1883 cyavugaga ibijyanye n'iyi ngingo. Nta mvugonyandiko
yakozwe kuri izo ngingo zombi. ABAKUSANYIJE INYANDIKO.

[3UB335] [abantu bacu] bazaba mu bihe nk'ibi biri mu Majyepfo. Icyemezo kigomba kuba ikireba
abantu bose. Nibiramuka pbibayeho umunsi umwe nk'uko bizajya bigenda mu nzego zitandukanye
kandi hazabaho ibintu bizemezwa ndetse abubahiriza Isabato bagashyirwa mu bubata bwo
kuramya igishushanyo cy'ikigirwamana, hazabaho kudohoka ku mahame kugeza ubwo bazatakaza
byose. [3UB336]
Niba tubagiriye inama yo kutubaha isabato y'ikigirwamana yererejwe gusimbura Isabato
y'Uwiteka Imana yacu, muri iki kibazo mubahe amabwiriza mu buryo butuje kandi ntimutere
umwete uburyo ubwo ari bwo bwose bwo gusuzugura ububasha bw'amategeko haba mu magambo
cyangwa mu bikorwa keretse gusa igihe bahamagarirwa kubikora kubw'icyubahiro cy'Imana
bashyigikira amategeko yayo yasiribanzwe. Ntihakabeho igikorwa kitari ngombwa cyo kubyutsa
umwuka w'ubushyamirane cyangwa uburakari bw'abaturwanya... [3UB336]
Ntihakwiriye kubaho ko abanzi bacu babona icyuho cyo kutugerekaho ibirego cy'uko tutubaha
amategeko cyangwa ko tuyasuzugura biturutse ku kudashishoza ku ruhande rwacu.... [3UB336]
Ntihakwiriye kubaho kugaragaza kuvuza urusaku. Nimutyo tuzirikane uburyo ubushukanyi
bwagize isi imbata buteye ubwoba kandi ari bubi bikabije bityo dukoreshe uburyo bwose uko
dushoboye dushake uko tumurikira abanzi bacu gica. Niba hariho kwemera amahame ya Mwuka
Wera umukoreramo ugomba kubonereza Umukristo kuzaba mu ijuru, ntacyo azakora ahubutse
cyangwa yigerejeho ngo atere abantu kurakarira Imana cyangwa kuyituka... [3UB336]
Uko Mufata Ikibazo cy'Isabato nta Gukebakeba Kubirangwamo. - Hari ubuhamya bukomeye
bugomba gutangwa n'abakomeza Isabato bashize amanga maze amaherezo bakaba bagomba
kwihanganira itotezwa rikomeye..... Reka he kugira imyanzuro ifatirwa aha izatera abantu gukora
umurimo uvuye ku mutima witanze igice cyangwa ukoranywe ubwoba bagahisha umucyo dufite
munsi y'intonga cyangwa munsi y'uburiri, kubera ko tuzageragezwa nta kabuza...... Mumenye neza
ko Isabato ari ikibazo cy'ishungura, kandi ko uko mufata iki kibazo bibashyira ku ruhande
rw'Imana cyangwa ku ruhande rwa Satani. Ikimenyetso cy'inyamaswa kigomba kugaragarizwa
urwego urwo ari rwose ndetse na buri muntu wese mu ishusho runaka....... [3UB336]
Kuva mbere hose, intambwe yose Satani yateye yari intangiriro y'umurimo we wagombaga
gukomeza kugeza ku iherezo kugira ngo yerereze ikitari ukuri maze gifate umwanya w'Isabato
y'ukuri ya Yehova. N'ubu aracyabigambiriye kandi arushijeho kumaramaza kugenza atyo kuruta
mbere hose. Yamanutse ku isi afite imbaraga nyinshi kugira ngo ashuke abatuye isi akoresheje
ibinyoma bye. [3UB336]
Mu gihe rero tugeze aho rukomeye, amategeko y'Imana ahinduka ay'agaciro kenshi kurutaho, yera
kurushaho, kandi uko arushaho guhindurwa ubusa no kwirengagizwa mu buryo bugaragara cyane,
ni ko natwe dukwiriye kongera uburyo tuyumvira kandi tuyubaha.... [3UB337]
Mu kwihangana kw'Imana, iha igihe amahanga ngo yakire imbabazi zayo, ariko icyo gihe
nikirangira, hari igihe Imana izabagenderera mu burakari bwayo. Izahana. Isi yagiye itera
intambwe iva ku rwego rumwe rwo gusuzugura amategeko y'Imana ikagera ku rundi, ku buryo
muri iki gihe isengesho rikwiriye rishobora kuba iri ngo: "Igihe gikwiriye cyo gukora cy' Uwiteka
kirasohoye, kuko bahinduye ubusa amategeko yawe" (Zaburi 119:126)... [3UB337]
Abantu Bagomba Gufata Inshingano. -Ntihakagire umuntu n'umwe wirata, haba mu matwara
ye cyangwa ku cyitegerezo atanga, ngo yerekane ko ari gusuzugura amategeko y'igihugu.
Ntímukagire imyanzuro mufata ku bigendana n'ibyo abantu bo muri za Leta zitandukanye bakora
cyangwa se ntibakore. Ntihakagire igikorwa ngo kigwabize inshingano y'umuntu ku giti cye.
Bagomba guhagarara bagashikama ku Mana yabo cyangwa se bakagwa. Ntihakagire uwibwira ko
afite inshingano yo kugira ibyo avugira imbere y'abantu bacu cyangwa imbere y'abanzi bacu
gishobora kubyutsa ubushyamirane, kandi [mumenye ko] bafata amagambo yanyu mu buryo
usanga muregwa ko muri ibyigomeke ku butegetsi, kubera ko ibyo biba bizakinga umuryango wari
kwifashishwa ngo mugere ku bantu... [3UB337]
Nubwo tudashobora kunamira ubutegetsi ubwo ari bwo bwose ngo twerereze Icyumweru tugicira
bugufi, nubwo kandi tutazigera twica Isabato kubera ko ubutegetsi bw'igitugu bubiduhatiye,
tuzaba tugomba kuba abanyabwenge muri Kristo... Ntabwo tubomba kuvuga amagambo yatugirira
nabi ubwacu, kubera ko ibyo byaba ari bibi cyane, ariko igihe muvuze amagambo n'igihe mukoze
ibintu byo kwigerezaho bishyira umurimo w'Imana mu kaga, muba mukora umurimo w'ubugome,
kuko muba muha Satani urwaho. Ntabwo dukwiye kuba ibihubutsi n'abadashishoza, ahubwo
dukwiriye guhora twigira kuri Yesu uko dukwiye gukorera mu Mwuka we, twerekana ukuri nk'uko
kuri muri Yesu.... [3UB337]
-
Akaga Gaterwa n'Ibikorwa bya Hutihuti kandi Bitagiweho Inama Neza. Mu kibazo gikomeye
kizashyirwa imbere yacu, umuntu utagira ibanga, urakara vuba kandí w'intumva azateza akaga
kenshi. Ni ukuri, azasiga isura izatuma imbaraga zose z'Abadiventisiti b'umunsi wa Karindwi
zitabasha kuvuguruza ibikorwa bye byo kwigerezaho kubera ko Satani, umushukanyi ruharwa
n'icyigomeke kabuhariwe, ari kuyobya imitima y'abantu ngo batamenya ingingo nyakuri y'ikibazo
gikomeye, ndetse n'ingaruka zacyo z'iteka ryose..... [3UB337]
Kubw'ibikorwa bya hutihuti kandi bitagiweho inama neza, hariho abazagambanira umurimo
w'Imana bawutange mu maboko y'umwanzi. [3UB337]
Hazabaho abantu bazashaka guhorwa, ariko bazahinduka abahakanyi kandi bakagambanira Kristo
bitwikiye umwambaro w'abera be. Bose bakeneye kwiga kwigengesera; nanone kandi ku rundi
ruhande hari ingorane yo gutsimbarara, no guha umwanzi urwaho mu kugira ibintu byemerwa....
[3UB338]
Ikintu twakora cyose cyakwimika icyiganano mu mwanya w'Isabato y'ukuri, ni ukugomera Imana,
kandi tugomba kugenda twigengesereye cyane kugira ngo tuterereza imyanzuro y'umunyabugome.
Ntabwo tugomba kuba abantu badafite aho babogamiye kuri iki kibazo gifite uburemere
bukomeye... [3UB338]
Akarengane mu Ntambara Izaba Mbere y'Urugamba rwa nyuma Ruheruka. - Imitwe ibiri
y'ingabo izahagarara mu birindiro bitandukanye, kandi iri tandukaniro rizaba rigaragara cyane ku
buryo abantu benshi bazemezwa ukuri bazaza ku ruhande rw'ubwoko bw'Imana bukomeza
amategeko yayo. Ubwo uyu murimo ukomeye uzaba ukorwa mu gihe cy'urugamba ruzabanziriza
urugamba ruheruka, benshi bazafungwa, abandi benshi bazahungisha ubuzima bwabo bava mu
mijyi mito n'iminini, kandi benshi bazicwa bazira Kristo ubwo bazaba bahagaze ku rugamba
bahagarariye ukuri...... Ntabwo muzigera mugeragezwa ibirenze ibyo mushobora kwihanganira.
Yesu yihanganiye ibi byose ndetse n'ibirenzeho...... [3UB338]
Umurimo w'Ibirura Byitwikiriye Uruhu rw'Intama. Ndetse no hagati muri twe, hazabaho
abagabo b'indarikwa n'ibirura byambaye uruhu rw'intama bazemeza bamwe mu bagize umukumbi
w'Imana gutambira ibigirwamana ibitambo imbere y'Uwiteka.... Urubyiruko rudashikamye kandi
rudashyinze imizi mu kuri, ruzagurirwa maze ruyobywe n'abayobozi b'impumyi zirandase izindi
mpumyi; ndetse abatizera, abakerensa babaza ibibazo by'urudaca kandi barimbuka, ba bandi
bakerensa Umukuru Nyiribihebyose, maze bakimika ikigirwamana, ikiremwa bitekerereje,
ikiremwa kimeze nkabo, abo bakozi bazaba bari mu maboko ya Satani kugira ngo bangirize
kwizera kw'abadashishoza.
Abarangwa no Kwinezeza Bahaza Irari ryabo Bazakwena Indahemuka
Abantu bagiye barangwa no kwinezeza bahaza irari ryabo kandi biteguye gutwarwa n'ubwibone
n'ibigezweho no kwiyerekana, bazaneguriza izuru abantu b'inyangamugayo, bakunda ukuri kandi
bubaha Imana, ndetse muri uwo murimo wo kubaneguriza izuru, bazaba basuzugura Imana yo mu
ijuru ubwayo..... [3UB338]
Mu izina ry'Uwiteka ndagira inama ubwoko bwayo bwose ngo bwiringire Imana kandi bwe
gutangira ubu gutegura umwanya woroheje buzahagararamo kubw'ibihe by'ikubagahu
bizatungurana mu gihe kizaza, ahubwo bareke Imana ibategurire kubw'iryo tungurana... [3UB338]
Uko Iminsi Yacu Izangana ni ko n'Imbaraga Zacu Zizangana. - Igihe Umukristo ahanze amaso
inshingano n'ibigeragezo bikomeye atekereza ko bizamubaho bitewe n'uko ahamya ko afite
imyizerere ya Gikristo, ibi bisanzwe ari ibya kameremuntu gutekereza ku ngaruka zazamubaho
ndetse no gutinya ibishobora kuzabaho, ndetse ibyo ntibizabura kubaho mu gihe twegereje
umusozo w'amateka y'isi. Dushobora gukomezwa n'uko ijambo ry'Imana ari ukuri, ko Kristo We
muyobozi wiringirwa atigeze atenguha abana be mu isaha y'ikigeragezo cyabo kubera ko dufite
ibyanditswe bivuga ukuri by'abantu batotejwe n'imbaraga za Satani, ariko ko ubuntu bwa Kristo
bwabagezeho hakurikijwe uko iminsi yabo yari iri. Imana ni iyo kwiringirwa ntizadukundira
kugeragezwa ibiruta ibyo dushobora kwihanganira.... [3UB339]
Hashobora kubaho imisozi minini y'ibirushya ku byerekeye kuzuza ibyo Imana isaba ndetse no
kudasuzugura amategeko ya Leta. Umwizera ntagomba kugira ibyo yiteganyiriza bihagije ngo
yikingire ikigeragezo, kubera ko nta kindi ari cyo uretse kuba igikoresho cy'Imana. Agomba kujya
mbere afite intego imwe rukumbi, intekerezo ze n'umutima we birinzwe umunsi ku munsi kugira
ngo atazatatira ihame na rimwe ry'ubunyangamugayo bwe, ahubwo ye kuzirata, ngo agire
ibikangisho atanga, cyangwa ngo avuge icyo azakora cyangwa atazakora kubera ko atazi icyo
azakora kugeza igihe azageragezwa.... [3UB339]
Ntabwo Tugomba Kurakaza Abaturanyi Bacu Bubahiriza Icyumweru. -Birakwiriye ko
duhora tugendera mu kwicisha bugufi kose. Ntíhakwiriye kubaho icyuho na gito cyatuma abanzi
bacu baturega ko turi abantu batita ku mategeko kandi ko tuyasuzugura binyuze mu kutagira
ubushishozi uko ari ko kose ku ruhande rwacu. Ntabwo dukwiriye kumva ko dushinzwe kurakaza
abaturanyi bacu bagize Icyumweru ikigirwamana tubinyujije mu dukoresha imbaraga zose ngo
dukorere imirimo imbere yabo kuri uwo munsi w'Icyumweru, dufite umugambi wo kwerekana ko
dufite umudendezo. Ntabwo bashiki bacu bakwiriye gufata Icyumweru nk'umunsi wo kugaragaza
ko bameshe imyenda. Ntihakagomye kubaho imyireko irangwamo urusaku. Nimutyo tuzirikane
uburyo ubuyobe bwafatiye isi mu bubata buteye ubwoba kandi ari bubi bikabije, bityo dukoreshe
ubushobozi bwose dufite mu mbaraga zacu dushake uko twamurikira abanzi bacu gica. Niba
hariho kwemera amahame yo gukorerwamo na Mwuka Wera Umukristo agomba kuba afite ngo
bimutunganyirize kuzaba mu ijuru, ntacyo azakora ahubutse cyangwa yigerejeho ngo atere abantu
kugira umujinya no gutuka Imana. [3UB339]
Ntawe Uzapfa mu Bwoko bw'Imana Ubwo Igihe cy'Imbabazi Kizaba Kirangiye. -Ubwo Yesu
azaba amaze guhaguruka ku ntebe y'ubuhuza, ikintu cyose kizaba cyarafatiwe umwanzuro, kandi
icyo gihe gutotezwa n'urupfu bigera ku bwoko bw'Imana ntibizaba igihamya gishyigikira
ukuri[3UB339]
Turabingingira kwita kuri aka kaga: Icyo tugomba gutinya kurenza ibindi ni Ubukristo
bw'icyitiriro. Dufite abantu benshi bavuga ko bizera ukuri ariko bazatsindwa kubera ko batahuye
n'Umwami Yesu Kristo ngo bamenyane. Ntibashobora gutandukanya ijwi rye n'ijwi ry'undi.
Ntidukwiriye gutinya umuntu uwo ari we wese ushishikaye no mu buhakanyi bwabaye gikwira,
kandi akaba afite ubunararibonye buzima mu kumenya Yesu Kristo Umwami n'Umukiza wacu.
Iyo Yesu We byiringiro by'ubwiza aremwe mu muntu, injiji kimwe n'uwaminuje bashobora
guhamya kwizera kwacu bavuga bati: "Nzi uwo nizeye uwo ari we?" Mu kujya impaka, bamwe
ntibazashobora kwerekana aho uwo bahanganye yahushije ukuri, kubera ko batabonye amahirwe
nk'ayo abandi bahawe, nyamara bene abo ntibatsindwa n'ubuhakanyi, kubera ko bafite igihamya
mu mitima yabo ko bafite ukuri, bityo imitekerereze y'ubucakura bukaze ndetse n'ibitero bikomeye
bya Satani ntibishobora kubakura mu byimbo by'ukuri bamenye, kandi ntibafite gushidikanya
cyangwa ubwoba bw'uko bo ubwabo bari mu buyobe.... [3UB340]
Igihe kwiyandarika, inyigisho z'ubuyobe ndetse n'ubuhemu bizuzura mu gihugu, hazaba hari ingo
zicishije bugufi aho amasengesho, ndetse amasengesho y'ukuri kandi avuye ku mutima azaba
asengwa n'abantu batigeze bamenya ukuri, kandi hazabaho imitima myinshi izemera kwikorera
umutwaro wo kurenganywa izira kwamagana gusuzugura Imana. Mu bitekerezo byacu tugarukira
hafi cyane, turi abacamanza b'abatindi, kubera ko benshi muri abo bantu bazemerwa n'Imana kuko
bakunda cyane umwambi wose w'umucyo ubagezeho. - Manuscripts 6,1889. [3UB340]
Muzigure Niba Byarokora Umuntu Akava mu Maboko y'Urenganya. Abantu bakoreshwa na
Satani ngo basohoze imigambi ye kurwanya Imana. Uwiteka yaravuze ati: "Ntimukabure kuziriza
amasabato yanjye kuko ari ikimenyetso hagati yanjye namwe mu bihe byanyu byose" (Kuva
31:13). Nta muntu wagombye gusuzugura iri tegeko kugira ngo akunde akire gutotezwa. Ariko
mureke abantu bose bazirikane amagambo yavuzwe na Yesu ngo: "Nibabarenganiza mu
mudugugu umwe, muzahungire mu wundi" (Matayo 10:23). Niba kubyirinda byashoboka,
ntimukishyire mu maboko y'abantu bakoreshwa n'umwuka wa Antikristo. Niba kwigura
byazavana abantu bacu mu maboko y'ababarenganya, ibiguzi bizatangwe, aho kugira ngo umuntu
azahatwe kandi akoreshwe imirimo ku munsi w'Isabato. Icyo twashobora gukora cyose
cyagombye gukorwa kugira ngo abiteguye kurenganywa bazira ukuri babashe kurokorwa mu
karengane n'ubugome....... [3UB340]
Igihe abantu basobanukiwe neza ariko bakanga umucyo, maze bagakurikira ibyo bararikira, kandi
bagaha agaciro gushimwa n'abantu aho gushimwa n'Imana, baba bakora nk'uko benshi bakoze mu
gihe Kristo yari ku isi... [3UB340]
Amategeko Ntagomba Gusuzugurwa ngo Mukunde Mugubwe Neza. -Kristo ni icyitegererezo
cyacu. Uko Antikristo yiyemeje gukora ubwigomeke bwe yatangiriye mu ijuru kuzakomeza
gukorera mu bana bo kutumvira. Igomwa n'urwango bagirira abumvira itegeko rya kane bizagenda
birushaho kugwira. Ariko ubwoko bw'Imana ntibugomba guhisha ibendera ryabwo. Ntabwo
bukwiriye gusuzugura amategeko y'Imana, kugira ngo bukunde bwumvikane n'imbaga y'inkozi
z'ibibi. Bakwiriye kwigengesera kugira ngo badacira urubanza bene se mu kwizera bashikamye,
batanyeganyezwa, bahora iteka basabye mu gukora umurimo w'Umwami... [3UB341]
Abareka Imana kugira ngo barengere ubugingo bwabo na Yo izareka. Mu gushaka kurengera
ubugingo bwabo maze bagatatira ukuri, ibyo bizatuma babura ubugingo buhoraho. [3UB341]
Urukundo kamere abavandimwe n'inshuti bakundana ntirukwiriye gutera umuntu uwo ariwe wese
ubona umucyo kuwanga, ngo asuzugure Imana Data na Yesu Kristo, umwana wayo w'ikinege.
Inzitwazo zishoboka zose zo kutumvira zizashakwa n'abantu bahitamo gushimwa n'abantu mu
cyimbo cyo gushimwa n'Imana nk'uko benshi bitwaye mu gihe cya Kristo. Úmuntu nahitamo
umugore cyangwa abana, se cyangwa nyina kubarutisha Kristo, ayo mahitamo azaba ari ay'iteka
ryose, ndetse n'uburemere bwose bw'iyo nshingano abazwa... [3UB341]
Umuntu wigeze kugira umucyo ku birebana n'Isabato y'Uwiteka, urwibutso Rwe rw'irema, maze
kubwo kwikiza ingorane zajyaga kumubaho ndetse no gutukwa agahitamo kutumvira,
yagambaniye Umwami we. Yasuzuguye izina rya Kristo. Yafashe ibirindiro mu ngabo za
Antikristo; kandi ku munsi ukomeye uheruka azaba ari hamwe n'izo ngabo bari hanze y'umurwa
w'Imana. Ntabwo azaba ari kumwe n'indahemuka, abanyakuri n'abakiranutsi mu bwami bwo mu
ijuru. [3UB341]
Abantu bose bafite ukwizera nyakuri bazageragezwa kandi bashungurwe. Kubera kurwanywa
kuzaba gukomeye cyane, bashobora kuzasabwa kuzibukira amazu yabo n'amasambu, ndetse n'abo
bahuje umuryango. Kristo yaravuze ati: "Ariko nibabarenganiza mu mudugudu umwe,
muzahungire mu wundi. Ndababwira ukuri ko mutazarangiza imidugudu yose ya Isirayeli
Umwana w'umuntu ataraza." (Matayo 10:23). [3UB341]
Antikristo. -Abishyirira Hejuru Kurwanya Imana- Bazagerwaho n'Umujinya Wayo. -Uko
imbaraga iganisha umuntu ku cyiza irushaho gukomera muri we kubwo kugengwa n'Umwuka
w'Imana, ni ko n'umwanzi azarushaho gukaza umurego amugirira ishyari n'igomwa akoresheje
kumutoteza mu by'idini. Ariko ijuru ryose riri ku ruhande rwa Kristo, ntiriri kurwa Antikristo.
Abakunda Imana kandi bakaba bifuza gufatanya na Kristo mu mibabaro ye, Imana izabaha
icyubahiro. Antikristo usobanura abantu bose bavuga ko bishyirira hejuru kurwanya ubushake
bw'Imana [3UB341] n'umurimo wayo, igihe gikwiriye nikigera azagerwaho n'umujinya wa Kristo
witanze kugira ngo batazarimbuka ahubwo babone ubugingo buhoraho. Abantu bose bihanganira
mu kumvira, abantu bose batazagurisha ubugingo bwabo ngo babone amafaranga cyangwa ngo
bashimwe n'abantu, Imana izabandika mu gitabo cy'ubugingo. - Manuscript 9, 1900. [3UB342]
 IGICE CYA 56

IGIHE TWEGEREJE IMPERUKA

UBUTUMWA BUYOBYA BUZEMERWA NA BENSHI

Genzura ikintu cyose mbere y'uko gishyikirizwa umukumbi w'Imana... Mu butumwa buvuga ko
buvuye mu Ijuru, hari ibizavugwamo biyobya, kandi imbaraga y'ibyo bintu niyemerwa, izayobora
abantu mu matsinda no mu migambi by'ubwaka bizazana ibintu neza neza Satani yakagombye
kuba yarazanye ubwe ari byo: umwuka w'inzaduka, umwuka mubi witwikiriye imyambaro
y'ubutungane; umwuka ufite imbaraga zo kwiganzura ibintu byose. Ubwaka buzinjira, kandi
buzivanga ndetse bwisobekeranye rwose n'imirimo ya Mwuka w'Imana, ku buryo abantu benshi
bazabwemera nk'aho buvuye ku Mana, kandi bazashukwa nabwo ndetse bubayobye. [3UB343]
Hari amagambo akomeye akunze kuvugwa n'abavandimwe bacu mu kwizera bageza ubutumwa
bw'imbabazi n'imbuzi ku batuye isi yacu, kandi byaba byiza ayo magambo acecetswe.... Mureke
he kugira ijambo na rimwe rivugwa ngo ribyutse umwuka wo kwihimura mu barwanya ukuri.
Mureke he kugira icyo ari cyo cyose gikorwa cyabyutsa umwuka nk'uw'ikiyoka kubera ko uwo
mwuka uzigaragaza ubwawo vuba bidatinze mu buryo buhagije ndetse no mu miterere yawo
nk'ikiyoka, kandi uzahagurukira kurwanya abakomeza amategeko bakagira guhamya nk'ukwa
Yesu.... [3UB343]
Guhangana n'Amagambo Tutavuganye Ubushishozi. - Igihe kizagera ubwo tuzahamagarirwa
guhagarara imbere y'abami n'abategetsi, abacamanza n'abanyabubasha kugira ngo duhamye ukuri.
Icyo gihe abo bahamya bazatungurwa no kubona ko imyanya yabo, amagambo yabo, imvugo
nyazo bakoresheje ntacyo bitayeho cyangwa mu buryo budatekerejweho igihe bavugaga bibasira
ikinyoma cyangwa bashyira ukuri ahagaragara (imvugo batigeze batekereza ko izibukwa),
bizongera gusubirwamo, kandi bazahangana nabyo, ndetse abanzi babo bazabiganzura, bubakire
kuri ayo magambo ubwabo bivugiye batayatekerejeho uko bikwiriye... [3UB343]
Uko Satani Azakora ngo Ayobye. - Hazaza ibintu byinshi bigendereye kutuyobya, birimo
ibimenyetso bimwe biranga ukuri. Vuba aha bidatinze ibyo bintu bizerekanwa nk'imbaraga
ikomeye y'Imana, Satani yiteguye rwose gusobekeranyamo ibyo yateguriye kuyobya imitima ngo
ayivane mu kuri kugenewe iki gihe. [3UB344]
Bamwe bazemera kandi bazatangaza ikinyoma, kandi igihe gucyahwa kuzaza kugashyira ibintu
mu mucyo nyakuri, abantu bafite ubunararibonye buke kandi badasobanukiwe imikorere ya Satani
ihora yisubiramo kenshi, ibyari byarashyizwe imbere yabo ari ukuri bazabijugunyana n'imyanda
y'ikinyoma. Uko ni ko umucyo n'imiburo Imana itanga kubw'iki gihe bizahíndurwa ubusa....
[3UB344]
Ellen White Azashinjwa Ubutumwa bw'Ibinyoma. Ubutumwa bwose bwahimbwe burimo
buraza kugira ngo buharabike umurimo w'Imana, kandi buri gihe bugaragara nk'ubufite ikirango
cy'ukuri ku ibendera ryabwo. Kandi abantu biteguye ikintu gishya icyo aricyo cyose kandi kijyana
n'amatsiko n'amarangamutima atimbitse, bazafata ibyo bintu ku buryo abanzi bacu bazagereka
ibintu byose birangwa no guhuzagurika no gukabya kuri madamu Ellen White, umuhanuzikazi...
Hazabaho ubutumwa bugoretswe buturutse ku bantu mu mpande zose. Abantu bazajya bahaguruka
basimburana, bagaragara nk'aho bahumekewe, mu gihe nta guhumekerwa n'ijuru bafite, ahubwo
bazaba bayobowe n'ubushukanyi bw'umwanzi. Abantu bose bazakira ubutumwa bwabo
bazayobywa. Nuko rero, nimutyo tugende twigengesereye, kandi twe gukingurira umwanzi urugi
ngo yinjire anyuze mu byiyumviro tugira, mu nzozi no mu mayerekwa. Imana iradufasha ngo mu
kwizera turebe kuri Yesu, kandi ngo tuyoborwe n'amagambo ubwe yavuze - Letter 66, 1894.
[3UB344]

GUSHIKAMA KUTARI UBUTAGONDWA

Tugomba guhanga amaso yo kuzera kuri Yesu tudakebakeba. Igihe nikigera, kandi koko kizaza,
ubwo amategeko y'Imana azahindurwa ubusa, umwete w'abanyakuri kandi b'indahemuka uzaba
ukwiye kubyuka bwangu, kandi ushyushye kurushaho ndetse udakebakeba, kandi ubuhamya
bwabo bukwiriye kuba ari bwiza ndetse buhamye. Ariko niba imitima yacu yariyeguriye Imana
burundu, nta kintu na kimwe dukwiriye gukorana umwuka w'ubutagondwa... [3UB344]
Umujinya Satani Afitiye Ubutumwa bw'Abamarayika Batatu. Marayika wa gatatu
agaragazwa aguruka aringanije ijuru, akaba ashushanya umurimo wabamamaza ubutumwa bwa
malayika wa mbere, ubwa malayika wa kabiri n'ubwa malayika wa gatatu. Ubwo butumwa bwose
buromatanye. Ibihamya by'ukuri kuriho kandi kuzahoraho iteka k'ubwo butumwa bukomeye
busobanuye byinshi kuri twe, ndetse bwakanguye ukurwanywa gukomeye guturuka mu
banyamadini yo mu isi, bene ibyo bihamya ntibyazimye. Satani ahora ashakisha ubutitsa
gutwikiriza ubwo [3UB344] butumwa umwijima we w'ikuzimu kugira ngo ubwoko bw'Imana
bwasigaye butazasobanukirwa agaciro kabwo neza (igihe cyabwo n'umwanya bufite) ariko buriho,
kandi bugomba gukoresha imbaraga zabwo mu mibereho yacu y'iyobokamana mu gihe igihe kiri
gushyira.... [3UB345]
Umuhishuzi aravuga ati: "Mbona malayika wundi amanuka ava mu ijuru afite ubutware bukomeye
isi imurikirwa n'ubwuza bwe. Arangurura ijwi rirenga ati, 'Iraguye iraguye, Babuloni ikomeye!"
(Ibyah. 18:1,2). Ubu ni bwa butumwa bumwe n'ubwatanzwe na malayika wa kabiri avuga ko
Babuloni iguye, "Kuko yateretse amahanga yose inzoga ari zo ruba ry'ubusambanyi bwawo"
(Ibyah. 14:8). Iyo nzoga ni iyihe? Ni inyigisho zayo z'ibinyoma. Babuloni yahaye isi isabato
y'ikinyoma mu mwanya w'Isabato ivugwa n'itegeko rya kane, kandi yashimangiye ikinyoma
Satani yabanje kubwira Eva muri Édeni ari cyo: kudapfa kubugingo. Babuloni yakwije ibinyoma
by'amoko menshi hirya no hino, "yigisha inyigisho z'amategeko y'abantu." [3UB345]
Irarikwa ry'Uburyo Bubiri Butandukanye Rigezwa ku Matorero. -Igihe Yesu yatangiraga
umurimo we mu ruhame, yejeje urusengero avanamo ibyaruhumanyaga. Hafi y'umurimo wose
uheruka yakoze wari uwo kongera kweza urusengero. Bityo rero, mu murimo uheruka wo kuburira
isi, irarika ry'uburyo bubiri butandukanye rigezwa ku matorero; [ni] ubutumwa bwa malayika wa
kabiri, maze ijwi rikumvikanira mu ijuru rivuga riti: "Bwoko bwanjye nimuwusohokemo.......
Kuko ibyaha byawo byarundanijwe bikagera mu ijuru, kandi Imana yibutse gukiranirwa kwayo"
(Ibyahishuwe 18:4,5). [3UB345]
Nk'uko Imana yahamagariye abana ba Isirayeli kuva muri Egiputa kugira ngo babashe kubahiriza
Isabato, ni nako ihamagara ubwoko bwayo ngo buve muri Babuloni kugira ngo butaramya
inyamaswa n'igishushanyo cyayo. Umunyabugome, watekereje guhindura ibihe n'amategeko,
wishyize hejuru y'Imana aha abatuye isi iyi sabato y'ikinyoma. Isi ya Gikristo yemeye uyu mwana
w'Ubupapa, iramukikira kandi iramugaburira, nuko isuzugura Imana ikuraho urwibutso rwayo
maze ishyiraho isabato ihanganye n'iy'Imana. [3UB345]
Umuhati Umaramaje wo Kwerereza Icyumweru. - Nyuma y'uko ukuri kuzaba kumaze
gutangazwa ngo kubere ubuhamya amahanga yose, ari nako muri icyo gihe imbaraga z'umwanzi
zishoboka zose zizaba zikora, igihe intekerezo z'abantu zizaba ziri mu rujijo rutewe n'amajwi
menshi asakuza ngo, "Dore, Yesu ari hano," "Dore, Yesu ari hariya," "Uku ni ukuri," "Mfite
ubutumwa buvuye ku Mana," "Yantumye impaye umucyo ukomeye," kandi hariho ivanwaho
ry'ibyapa, no kugerageza gusenya inkingi zo kwizera kwacu ubwo ni bwo umwete umaramaje
uzakoreshwa mu kwerereza isabato y'ikinyoma, no gushyira igisuzuguriro ku Mana ubwayo
binyuze mu gukuraho umunsi yahaye umugisha kandi ikaweza. [3UB345]
Mu Gihe Satani Akora, Malayika wo mu Byahishuwe 18 Atangaza Ubutumwa Bwe. Iyi
sabato y'ikinyoma igomba guhabwa imbaraga n'itegeko ry'agahato. Satani n'abamarayika be
barakangutse rwose kandi barakorana umwete, bakorana imbaraga no kwihangana bakorera mu
bikoreshobantu kugira ngo basohoze umugambi we wo gusibanganya kumenya Imana. Mu gihe
Satani ari gukoresha ibitangaza by'ibinyoma, igihe cyari cyaravuzwe mu Byahishuwe kirageze,
ubwo malayika ukomeye umurikishiriza isi ubwiza bwe atangaza kugwa kwa Babuloni
akanahamagarira ubwoko bw'Imana kuyisohokamo... [3UB346]
Abaziba Icyuho. Ubwo iherezo ryegereza, ubuhamya bw'abagaragu b'Imana buzarushaho kuba
budakebakeba kandi bufite imbaraga, bumurike umucyo w'ukuri ku rwunge rw'imikorere
y'ikinyoma n'akarengane imaze igihe kirekire iganje. Uwiteka yatwoherereje ubutumwa
bukwiranye n'iki gihe kugira ngo twubakire Ubukristo ku rufatiro rw'iteka ryose, kandi abantu
bose bizera ukuri kw'iki gihe bagomba guhaguruka, ntibahagarare mu bwenge bwabo, ahubwo
bahagarare mu Mana; maze bazamure urufatiro rwashinzwe mu bisekuru byinshi. Abongabo
bazandikwa mu bitabo byo mu ijuru ko ari abaziba icyuho, abasubizaho inzira zo kubamo. Imbere
yo kurwanywa gukaze, tugomba gukomera ku kuri kubera ko ari ukuri. [3UB346]
Ibigeragezo bizatugeraho. Gukiranirwa kuganje n'aho utajyaga kukwitega na gato. Hazakinguka
ibikorwa byijimye ndetse biteye ubwoba bikomeye kugira ngo bitsikamire ubugingo; ariko
ntidukwiriye gutsindwa cyangwa gucika intege mu gihe tuzi neza ko umukororombya w'isezerano
uri hejuru y'intebe ya cyami y'Imana. [3UB346]
Tuzagerwaho n'ibigeragezo biremereye, kurwanywa gukaze, gupfusha n'umubabaro; ariko tuzi ko
ibyo byose Yesu yabinyuzemo. Ibyo tuzanyuramo ni iby'agaciro kuri twe. Ibyiza byabyo
ntibigarukira rwose kuri ubu buzima bugufi. Biragenda bikagera mu bihe bidashira... [3UB346]
Ubwo dusatira iherezo ry'amateka y'iyi si, turushaho kugenda dutera imbere twihuta mu gukura
kwa Gikristo, cyangwa se turasubira inyuma bikomeye - Letter 1f, 1890. [3UB346]

ABADIVENTISITI B'UMUNSI WA KARINDWI BASUBIYE INYUMA BAZIFATANYA N'ABATIZERA

Satani ubwe ni umwanzi wa Kristo..... Hashize igihe kirekire ayobya inyokomuntu, kandi afite
ububasha bukomeye ku muryango wa muntu; ndetse umujinya afitiye ubwoko bw'Imana
uriyongera iyo abonye ko kumenya ibyo Imana isaba kugenda kwaguka kukagera mu bice byose
by'isi, kandi ko umucyo w'ukuri kugenewe iki gihe umurikira abamaze igihe kirekire biyicariye
mu mwijima... [3UB346]
Ijambo ry'Imana... rigomba kutubera intwaro idukingira igihe Satani akoresha ibitangaza
nk'ibinyoma kugira ngo ayobye n'intore niba bishoboka. [3UB346] Muri iki gihe ni ho
abatarashikamye ku kuri bazifatanya n'abatizera bakunda kubeshya kandi bakabikora. Igihe ibyo
bitangaza bizakorwa, igihe abarwayi bakizwa n'ibindi bitangaza bigakorwa, bene abo bantu
bazayobywa. Mbese twiteguye ibihe by'amakuba bitwegereye? Cyangwa duhagaze aho tuzagwa
mu mitego ya Satani bitworoheye? - Manuscript 81, 1908. [3UB347]

UBUHANGA BWAHIMBWE NA SEKIBI

Ni iki kigiye kutugeraho vuba aha? Imyuka y'ubushukanyi iri kwinjira. Niba Imana yarigeze
kumvugiramo, bidatinze muzumwa iby'ubuhanga butangaje -ubuhanga bwahimbwe na Sekibi.
Intego yabwo ni iyo gutesha agaciro Imana na Yesu Kristo uwo yatumye. Bamwe bazasingiza ubu
buhanga bupfuye, kandi Satani azabakoreramo ashake uko ahindura ubusa amategeko y'Imana.
Ibitangaza bikomeye bizakorerwa mu maso y'abantu mu izina ry'ubwo buhanga butangaje. - Letter
48, 1907. [3UB347]
Igihe cy'Ubuhakanyi Kitugezeho
Iherezo rya byose riregereje. Ibimenyetso birasohora byiyungikanya, ariko bigaragara ko abantu
bake ari bo babona ko umunsi w'Umwami uje wihuta, mu buryo bwa bucece, nk'uko umujura aza
nijoro. Abantu benshi bari kuvuga bati: "Ni amahoro, ni amahoro." Keretse gusa nibaba maso
kandi bagategereza Umwami, naho ubundi bazafatwa mu mutego... [3UB347]
"Ariko Umwuka avuga yeruye ati, 'Mu bihe bizaza bamwe bazagwa bave mu byizerwa, bite ku
myuka iyobya n'inyigisho z'abadayimoni" (1Timoteyo 4:1). Iki gihe cy'ubuhakanyi tukigezemo.
Hazakoreshwa imbaraga zishoboka zose kugira ngo gushidikanya gusakare mu birindiro tumaze
imyaka isaga mirongo itanu duhagazemo... [3UB347]
Umuriro Uturutse mu Ijuru. - Abarebera ku bitangaza nk'ikimenyetso cy'ubuyobozi bw'Imana
bari mu kaga gakomeye ko kuyoba. Byanditswe mu Ijambo ry'Imana ko Umwanzi azakorera mu
bakozi be bavuye mu byo kwizera, kandi bazakora ibisa n'ibitangaza, kugeza n'aho bamanura
umuriro uturutse mu ijuru mu maso y'abantu. Yifashishije “ibitangaza by'ibinyoma" Satani
ashobora kuzayobya n'intore bibaye bishobotse. - Letter 410, 1907. [3UB347]
Abamarayika Bazafata Imiyaga Ine Kugeza Gushyirwaho Ikimenyetso Birangiye. -
Abamarayika bafashe imiyaga ine, bagereranywa n'ifarashi irakaye ishaka guca ikiziriko, ngo
yiruke mu isi yose, ijyanye kurimbura n'urupfu mu nzira inyuramo... [3UB347]
Ndababwira mu izina ry'Uwiteka Imana ya Isirayeli ko imbaraga zose zangiza, kandi z'ibicantege
zifashwe n'amaboko ataboneshwa amaso ya marayika, kugeza ubwo umuntu wese ukorera mu
gitinyiro n'urukundo by'Imana ashyiriweho ikimenyetso mu ruhanga. - Letter 138, 1897. [3UB347]

SATANI N'ABAMARAYIKA BE BIVANGA N'ABAHAKANYI

Satani n'abamarayika be bazagaragara ku isi bameze nk'abantu, kandi bazivanga n'abo Ijambo
ry'Imana rivugaho ngo, "Bamwe bazagwa bave mu byizerwa, bite ku myuka iyobya n'inyigisho
z'abadayimoni" (1Timoteyo 4:1). Letter 147, 1903. [3UB348]

UMURIMO W'ABIGISHA BIGENGA

Mpereye kubyo Uwiteka yanejejwe no kunyereka, mu gihe cyose hazabaho abantu bazahaguruka,
kandi benshi cyane bo muri bo, bazaba bavuga ko bafite umucyo mushya, uzaba ikibazo cyo
kwirema ibice, n'icyuho cyo kwitandukanya. Kwaguka kwawo kuziyongera kugeza ubwo
hazavuka icyuho kizashyirwa hagati y'abemera ibyo bitekerezo n'abizera ubutumwa bwa marayika
wa gatatu. [3UB348]
Ibyo bitekerezo bishya nibiba bimaze kwemerwa, hazabaho kwitandukanya n'abantu Imana
yakoresheje muri uyu murimo, kubera ko umutima utangira gushidikanya kandi ukavanwa ku
bayobozi, ngo kubera ko Imana yabashyize ku ruhande maze igatoranya abantu "baciye bugufi
kurutaho" ngo bakore umurimo wayo. [3UB348]
Ubu ni bwo busobanuro bwonyine bashobora guha iki kibazo, nk'aho abayobozi batabona uyu
mucyo w'ingenzi. [3UB348]
Imana iri guhagurutsa itsinda ry'abantu ngo rivuge ijwi rirenga ry'ubutumwa bwa marayika wa
gatatu... Ni intego ya Satani guhagurutsa inyigisho nshya kugira ngo ateshure abantu ku murimo
nyakuri n'ubutumwa nyabwo bugenewe iki gihe. Satani ahagurutsa abantu ngo batange
ubusobanuro bupfuye bw'Ibyanditswe Byera, ngo bavuge ijwi rirenga ry'iryiganano, kugira ngo
ubutumwa nyakuri nibuza bwe kugira icyo bukora. Iki ni kimwe mu bihamya bikomeye cyane
by'uko ijwi rirenga rizumvikana vuba bidatinze kandi isi izamurikirwa n'ubwiza bw'Imana. - Letter
20, 1884. [3UB348]

ABAMARAYIKA BABI BAZAKORERA HAGATI MURI TWE MU ISHUSHO Y'ABIZERA

Neretswe ko abamarayika babi bambaye ishusho y'abizera bazakorera hagati muri twe kugira ngo
binjize umwuka ukomeye wo kutizera. Nimutyo n'ibi ubwabyo ntibizabace intege, ahubwo
muzane umutima muzima wo gufasha Umwami mu kurwanya imbaraga z'ibikoresho bya Satani.
[3UB348]
Izo ngabo z'umubi zizitabira amateraniro yacu, atari ukugira ngo zihabwe umugisha, ahubwo
zizanwe no kuvuguruza imbaraga ihindura y'Umwuka Wera w'Imana. Ntimukite ku gitekerezo
bashobora gutanga,

85 Ibi bireba ibitekerezo bimwe bijyana n'ubuhanuzi byari bifitwe na "mwenedata D" (Testimonies, vol. 5, pp.289-297), uruhande rurwanya
Umwuka w'Ubuhanuzi ahagazemo, ndetse n'uburyo atari afitiye icyizere ubuyobozi bw'Inteko Nkuru Rusange. -Abakusanyije Inyandiko.

[3UB348] ahubwo musubiremo amasezerano y'agahozo y'Imana, avuga ngo "ye" na "Amena" muri
Kristo Yesu. [3UB349]
Ntabwo tugomba na rimwe gusubiramo amagambo umuntu ashobora kuvuga ngo dushyigikire
abamarayika babi mu murimo wabo, ahubwo dukwiriye gusubiramo amagambo ya Kristo. Kristo
ni we wari Umwigisha mu materaniro y'abo bamarayika mbere y'uko bagwa bakava mu buturo
bwabo bwo mu ijuru. - Letter 46, 1909. [3UB349]
Dufite ukuri gukomeye kandi gufite icyubahiro tugomba kugeza ku batuye isi, kandi uko kuri
gukomba kwamamazwa nta mususu, nta kugwaguza. Impanda igomba kuvuga ijwi ryihariye.
Abantu bamwe bazaza kumva ubutumwa bw'inzaduka babitewe n'amatsiko; abandi nabo baze
bafite inyota yo kunguka ubumenyi nyakuri, babaza ikibazo ngo, "Nkore nte ngo mbone kuragwa
ubugingo buhoraho?" (Mariko 10:17)." [3UB349]
Uko ni ko abantu bazaga kuri Kristo. Kandi abamarayika babi mu ishusho y'abantu bivangaga
n'ababaga baje kumwumva, bagatanga ibitekerezo byabo, bagahinyura, bakagoreka, kandi
bagasobanura nabi amagambo y'umukiza...... [3UB349]
Muri iki gihe abamarayika babi mu ishusho y'abantu bazaganira n'abazi ukuri. Bazasobanura nabi
kandi bagoreke amagambo avugwa n'intumwa z'Imana... [3UB349]
Mbese Abadiventisiti b'umunsi wa Karindwi bibagiwe umuburo watanzwe mu gice cya 6
cy'Abefeso? Turi ku rugamba turwana n'ingabo z'umwijima. Keretse gusa nidukurikira
Umuyobozi wacu tumuri hafi cyane, naho ubundi nibitaba bityo Satani azadutsinda. - Letter 140,
1903. [3UB349]

UBUHAKANYI BUZADUTUNGURA
Nk'uko byagenze mu gihe cyashize, mu gihe kizaza tuzabona habaho gukura kw'imico y'ubwoko
bwose. Tuzabona ubuhakanyi bw'abantu twagiriraga icyizere, abo twiringiraga, abo twibwiraga
ko bakomeye nk'icyuma mu kudahemuka ku mahame kwabo. [3UB349]
Hari ikigiye kuza kubagerageza, kandi bazarindimuka. Bene abo bantu nibagwa, bamwe bazavuga
bati: "Ninde twakwiringira?" Ibi ni ibishuko Satani azana kugira ngo arimbure ibyiringiro
by'abahirimbanira kunyura mu nzira ifunganye. Mu by'ukuri abagwa bamaze kwanduriza inzira
yabo imbere y'Uwiteka, kandi ni ibyapa by'imbuzi byigisha abahamya ko bizera ukuri ko Ijambo
ry'Imana ryonyine ari ryo rishobora kurinda abantu bagashikama mu nzira yo kwera, cyangwa
ríkabakura mu cyaha ..... [3UB349]
Reka umuntu wese, aho yaba akorera hose, amenye neza ko ukuri kwacengejwe mu mutima we
n'imbaraga y'Umwuka Wera w'Imana. Nibitaba bityo, ababwiriza Ijambo ry'Imana bazatatira
icyizere cyera bagiriwe. [3UB349] Abaganga bazageragezwa maze kwizera kwabo kurohame.
Abanyamategeko, abacamanza n'abasenateri, bazamungwa na ruswa biyegurire kwakira
impongano, baziyemeza kugurwa no kugurishwa. - Manuscript 154, 1898. [3UB350]

ABAHAKANYI BAZAKORESHA KUGUSHA ABANTU IKINYA

Igihe cyarageze ubwo no mu itorero ndetse no mu bigo byacu, abantu bamwe bazareka kwizera,
bumvire imyuka iyobya n'inyigisho z'abadayimoni. Ariko Imana izarinda ikibitsanyo twayibikije.
Nimutyo tuyegere, kugira ngo nayo itwegere. Nimutyo dutange ubuhamya bweruye kandi
bwumvikana kuri iyi ngingo, twerekane ko kugusha abantu ikinya biri gukoreshwa n'abantu
bavuye mu murongo wo kwizera, kandi ko tutagomba kwifatanya nabo. Imbaraga z'umwanzi
zizakorera mu batandukira bakareka kwizera kugira ngo ziyobye n'abandi. -Letter 237, 1904.
[3UB350]

"MUFATANYE, MUFATANYE"
Intambara ikomeye iheruka iri imbere yacu, ariko abakunda Imana kandi bakumvira amategeko
yayo bose bazahabwa ubufasha, kandi isi yose, nayo izamurikirwa n'ubwiza bw'Imana. "Marayika
wundi" agiye kumanuka ava mu ijuru. Uyu mumarayika ashushanya kuvuga ijwi rirenga, rigomba
guturuka mu bantu bari kwitegura kurangurura cyane mu ijwi rikomeye bagira bati: "Iraguye,
iraguye, Babuloni ikomeye! Thindutse icumbi ry'abadayimoni, aharindirwa imyuka mibi yose
y'ibisiga byose bihumanye kandi byangwa" (Ibyahishuwe 18:1, 2). [3UB350]
Dufite ubutumwa bw'ishungura tugomba gutanga, kandi nategetswe kubwira abantu bacu ngo,
"Mufatanye, Mufatanye." Ariko ntabwo tugomba gufatanya n'abitandukanya no kwizera maze
bakita ku myuka iyobya n'inyigisho z'abadayimoni. Tugomba kujya kwamamaza ubutumwa
imitima yacu inezerewe, yuje ineza n'ukuri, kandi ntitwite ku bayobya abandi babavana ku kuri.
Manuscript 31, 1906. [3UB350]
 IGICE CYA 57
URUGAMBA RUKOMEYE RUHERUKA

Nahaswe na Mwuka w'Uwiteka ngo nandike cya gitabo [cy'Intambara Ikomeye]...... Nari nzi ko
igihe ari kigufi, kandi ko ibyajyaga kubaho bikisukiranya kuri twe bidatinze amaherezo byajyaga
kuza bitunguranye cyane kandi byihuta cyane, nk'uko byavuzwe mu magambo y'Ibyanditswe
Byera ngo, "Kuko ubwanyu muzi neza yuko umunsi w'Umwami wacu uzaza nk'uko umujura aza
nijoro" (1Abatesalonike 5:2). [3UB351]
Uwiteka yanshize imbere ibintu byihutirwa birebana n'iki gihe, kandi bigera no mu gihe kizaza.....
Nahamirijwe ko nta gihe kiriho cyo gupfusha ubusa. Irarika n'imbuzi bigomba gutangwa.
Amatorero yacu akwiye gukangurwa kandi agomba kwigishwa kugira ngo [abayagize] babashe
kugeza ubutumwa bw'imbuzi ku bantu bose bashobora kugeraho, batangaze ko inkota ije, kandi
ko umujinya w'Uwiteka ugomba gusukwa ku isi yashayishije utazabura kuza nta kabuza. Neretswe
ko abantu benshi bazumva uwo muburo. Imitima yabo yagombye gutegurirwa gusobanukirwa
neza ibyo iyo miburo ibabwira." [3UB351]
Neretswe...... ko umuburo ugomba kugera aho intumwa nzima [z'Imana] zitashoboraga kugera,
kandi ko uzakangurira intekerezo za benshi kwita ku buremere bw'ibintu bigomba kubaho mu
bikorwa bizasoza amateka y'iyi si. [3UB351]
Ellen White Yeretswe Ibigiye Kuzabaho. - Ubwo nashyirwaga imbere uko itorero n'isi bimeze,
kandi nkitegereza ibintu bishishana bizabaho biri imbere yacu, nakangaranyijwe no kubyitereza;
kandi ijoro ku rindi, mu gihe abo mu nzu bose babaga basinziriye, nanditse ibintu Imana
yampishuriye. Neretswe inyigisho z'ubuyobe zigomba kwaduka, ubushukanyi buzaba buganje,
ndetse n'imbaraga ya Satani ikora ibitangaza (abiyita Kristo bazaduka) izayobya itsinda rinini
cyane, ndetse mu isi [3UB351] y'iby'iyobokamana (abasenga Imana), kandi niba bishoboka iyo
mbaraga izayobya n'intore... [3UB352]
Imiburo n'inyigisho biri muri iki gitabo bikenewe n'abantu bose bavuga ko bizera ukuri kugenewe
iki gihe, kandi iki gitabo cyanditswe mu buryo kigomba kugezwa no ku batuye isi yose kugira ngo
gikangurire intekerezo zabo kwita ku bigiye kuba imbere yacu. Letter 1, 1890. [3UB352]

AMAKUBA ARI IMBERE

Abarenganya Bazemererwa Kunesha Agahe Gato. Uwiteka ari kureba ubwoko bwe
bugeragezwa afite imbabazi, impuhwe, igishyika n'ineza nyinshi. By'agahe gato, abarenganya
bazemererwa kunesha abazi amategeko yera y'Imana. Bose bazahabwa amahirwe amwe
n'ayahawe icyigomeke cya mbere gikomeye kugira ngo bagaragaze umwuka ubakoresha. Ni
umugambi w'Imana ko buri wese azageragezwa kandi agapimwa kugira ngo harebwe niba
azumvira cyangwa niba azagomera amategeko agenga ingoma y'ijuru. Kugera ku musozo, Imana
yemerera Satani ngo ahishure imico ye ko ari umunyakinyoma, umurezi n'umwicanyi. Noncho
intsinzi iheruka y'ubwoko bw'Imana izarushaho kugaragazwa, yuje icyubahiro giheranije, ishyitse
kandi yuzuye rwose.... [3UB352]
Ubwoko bw'Imana bukwiriye guhaguka rwose, ntibwiringire ubwenge bwabo bwite, ahubwo
bukiringira rwose ubwenge bw'Umuyobozi wabwo. Bwagombye gushyiraho iminsi yihariye yo
kwiyiriza ubusa no gusenga... [3UB352]
Twegereje Akaga. - Twegereje akaga gakomeye cyane katigeze kaba ku isi. Niba tudakangutse
cyane kandi ngo tube maso, aka kaga kazadutungura nk'umujura. Satani ari gutegura gukorera mu
bantu b'ibikoresho bye mu ibanga... [3UB352]
Tugomba kumenya impamvu zo kwizera kwacu. Uburemere no gukomera kw'ibigiye kubera
imbere yacu bisaba ko tumenya izo mpamvu, kandi ntibikwiriye ko dushyigikira umwuka wo
kwitotomba... [3UB352]
Twagombye gusaba dushimikiriye turi imberey'inamanshingamategeko, duharanira uburenganzira
bwo gukoresha umutimanama wacu utavogerwa, duharanira gusenga Imana dukurikije uko
umutimanama wacu utubwira. Muri ubwo buryo, Imana mu buntu bwayo yateganyije ko ibyo
amategeko yayo yera asaba bizagezwa imbere y'abantu bo mu nzego zo hejuru. Ariko mu gihe
dukora uko dushoboye kose nk'abagabo n'abagore batayobewe imitego ya Satani, ntabwo tugomba
kugaragaza uburakari bw'amarangamutima. Tugomba guhora dusaba ubufasha butangwa n'Imana.
Imana yonyine ni yo ishobora gufata imiyaga ine kugeza ubwo abamarayika bazaba bamaze
gushyira ikimenyetso mu ruhanga rw'imbata zayo. [3UB352]
Umwete Udakebakeba wa Satani. Uwiteka azakora umurimo ukomeye mu isi. Satani akoresha
umwete udakebakeba kugira ngo ace ibice [3UB352] kandi atatanye ubwoko bw'Imana. Azana
ibibazo bidafite aho bihuriye kugira ngo ateshure imitima ku ngingo z'ingirakamaro intekerezo
zacu zagombye kuba zihugiyeho... [3UB353]
Abantu benshi bafatishije ukuri imitwe y'intoki zabo gusa. Bagiye bahabwa umucyo mwinshi
n'amahirwe menshi. Ku biregana n'umucyo n'amahirwe bagize, bahawe isumbwe nka
Kaperinawumu. Mu gihe cyo gushungurwa no kugeragezwa cyegereje, bazahinduka abahakanyi
keretse gusa nibazibukira ubwibone bwabo no kumva ko bihagije, keretse kandi nibaba bahindutse
mu mico burundu. Letter 5, 1883. [3UB353]

ITEGEKO RY'IBIHUGU RIZATERA ABANTU KWICA AMATEGEKO Y'IMANA

Abashaka gushyiraho amategeko y'ibihugu azatera abantu kwica amategeko y'Imana Uwiteka
azabacira imanza akurikije imirimo yabo. Igihano cyabo kizaba kingana n'icyaha cyabo. - Letter
90, 1908. [3UB353]

ISI MU BWIGOMEKE
Kugambanira Kristo no Kumubamba Bizongera Bikorwe. - Ibyabaye mu kugambanira Kristo,
kumwanga no kumubamba byongeye gukorwa kandi bizongera bisubirwemo ku rwego rukomeye.
Abantu bazuzura imico ya Satani. Ibinyoma by'umwanzi gica w'Imana n'abantu bizagira imbaraga
ikomeye. Aberekeje urukundo rwabo ku muyobozi uwo ari we wese utari Kristo (umubiri,
ubugingo n'umwuka) bategekwa n'imbaraga ireshyareshya ku buryo kubw'ububasha bwayo abantu
bazareka kumva ukuri bakizera ikinyoma. Baratezwe kandi bafatwa mu mutego, kandi muri buri
gikorwa cyose bakora baba basakuza bati: "Tubohorere Baraba, ariko ubambe Kristo." [3UB353]
Mu matorero yateshutse ku kuri no gukiranuka hari guhishurirwa icyo kamere muntu izaba n'icyo
izakora igihe urukundo rw'Imana atari ryo hame rishinze imizi mu mutima. Ntabwo dukwiriye
gutangazwa n'ikintu icyo ari cyose gishobora kuba muri iki gihe. Ntidukwiye gutangazwa no
kwiyongeranya uko ari kose kw'amakuba. Abaribatira amategeko y'Imana munsi y'ibirenge byabo
byanduye bafite umwuka umwe n'uwari mu bantu batutse Yesu kandi bakamugambanira. Nta
kwicuza na guke bafite mu mutimanama wabo, bazakora imirimo ya se ari we Sekibi... [3UB353]
Abahitamo Satani ngo abayobore bazagaragaza umwuka wa shebuja bahisemo, we wagushije
ababyeyi bacu ba mbere mu cyaha. Kubwo kwanga Umwana w'Imana we wabaye kwigaragaza
kw'Imana imwe y'ukuri, wari wuzuye ubuntu n'imbabazi, n'urukundo rudacogora, uwari ufite
umutima wahoraga ukorwagaho n'umubabaro ugera ku kiremwamuntu, kandi abantu bakaba
barahisemo umwicanyi mu cyimbo cye, abo bantu berekanye icyo kamere muntu ishobora gukora
kandi ízakora igihe Umwuka w'Imana ukumira ibibi azaba akuweho maze abantu bakayoborwa
n'umuhakanyi [3UB353] ukomeye. Nibigera kuri urwo rugero ubwo umucyo uzaba wanzwe
cyangwa uretswe ni ho hazabaho imitekerereze n'imyumvire ipfuye. Abanga Kristo bagahitamo
Baraba bazakorera mu bushukanyi burimbura. Kugoreka no gutanga ubuhamya bw'ibinyoma
biziyongeranya byigaragarize mu bwigomeke bweruye... [3UB354]
Kwihuriza mu Bucuti Burimo Akaga. - Kristo yerekana ko umuntu adafite imbaraga imuyobora
ya Mwuka w'Imana, bene uwo muntu yaba imbaraga iteye ubwoba ikora ikibi. Kutizera no kwanga
gucyahwa bizabyutsa imbaraga za Satani. Abatware n'abafite ubushobozi, n'abategeka iyi si
y'umwijima, n'imyuka mibi y'ahantu ho mu ijuru, bazihuriza mu bucutí burimo akaga. Bazishyirira
hamwe kurwanya Imana barwanya abera bayo. Binyuze mu kugoreka ndetse n'ibinyoma, bazaca
intege abagabo n'abagore bagaragara ko bizera ukuri. Abahamya b'ibinyoma ntibazabura muri uyu
murimo uteye ubwoba.... [3UB354]
Ubwo yari amaze kuvuga iby'imperuka y'isi, Yesu yagarutse kuri Yerusalemu, umurwa wari
wicaye mu bwibone no kwishyira hejuru maze aravuga ati: "Nicara ndi umugabekazi sindi
umupfakazi, nicyo gituma nta gahinda nzagira na hato." (Ibyahishuwe 18:7). Ubwo ijisho rye rya
gihanuzi ryitegerezaga Yerusalemu, Yesu yabonye isi nayo izarekwa ikarimbuka nk'uko
Yerusalemu yaretswe ikarimbuka. Ibyabaye mu irimbuka rya Yerusalemu bizasubirwamo kuri wa
munsi ukomeye kandi uteye ubwoba w'Uwiteka, ariko mu buryo buteye ubwoba kurutaho...
[3UB354]
Ubwo abantu bazakuraho ibyabatangiraga byose, kandi ubwabo bagahindura ubusa amategeko
y'Imana maze bagashyiraho amategeko yabo agoretse, ndetse bakagerageza guhatira imitimanama
y'abubaha Ímana bakanakomeza amategeko yayo kugira ngo baribatire amategeko y'Imana munsi
y'ibirenge byabo, bazabona ko imbabazi bakerensheje zirangiye..... [3UB354]
Ibyago Bigiye Kuza. - Isi yagaragajwe mu kurimbuka kwa Yerusalemu, kandi umuburo watanzwe
na Kristo icyo gihe ugaruka usubiramo ya magambo ku b'igihe cyacu ngo: "Kandi hazaba
ibimenyetso ku zuba no ku kwezi no ku nyenyeri, kandi no hasi amahanga azababara, bumirwe
bumvise inyanja n'umuraba bihorera." (Luka 21:25). Nibyo, [inyanja n'umuraba] bizarenga imbibi
zabyo, kandi kurimbuka kuzabikurikira. Bizarengera amato agenda ku mazi yabyo magari, kandi
hamwe n'imitwaro bitwaye, abantu bazihutishwa bagana mu rupfu nta kubona igihe cyo kwihana.
[3UB354]
Hazaba ibyago ku butaka no ku nyanja, "abantu bazagushwa igihumura n'ubwoba no kwibwira
ibyenda kubaho mu isi, kuko imbaraga zo mu ijuru zizanyeganyega. Ubwo nibwo bazabona
Umwana w'umuntu aje mu gicu, afite imbaraga n'ubwiza bwinshi." (Luka 21: 26,27). Nk'uko Yesu
yazamutse ajya mu ijuru ni ko azagaruka kuri iyi si yacu. "Nuko ibyo nibitangira[3UB354] kubaho
muzararame, mwubure imitwe yanyu, kuko gucungurwa kwanyu kuzaba kwenda gusohora" (Luka
21:28). - Manuscript 40, 1897. [3UB355]
Isenyuka ry'umuryango Mugari. - Kubera ko abari mu isi baramaze gutakaza icyabahuzaga
n'Imana, bari gukoresha umwete urimo ubwihebe n'ubusazi kugira ngo buri wese akurure yishyira.
Ibi bibatera kutizerana, nabyo bigakurikirwa n'ibyaha by'urugomo n'ubwicanyi. Ubwami bwo ku
isi buzicamo ibice bihangana hagati yabyo. Bake cyane nibo bazahinduka nk'imigozi yuje
urugwiro ihuriuza umuntu na mugenzi we mu isano y'ubuvandimwe. Ukwikunda kamere
k'umutima w'umuntu kuzakorerwamo na Satani. Azakoresha ubushake bw'umuntu atagenzura
ubwe n'amarangamutima y'urugomo bitegeze byegurirwa gutegekwa n'ubushake bw'Imana...
[3UB355]
Ukuboko k'umuntu wese azakubangurira kurwanya mugenzi we. Abavandimwe baba abagabo
n'abagore bazahagurukirana, ababyeyi bahagurukire abana babo, n'abana barwanye ababyeyi.
Bose bazaba mu rujijo. Abahuje umuryango bazagambanirana. Hazabaho kugambanirana mu
ibanga kugira ngo bahitane ubuzima bw'abantu. Kurimbuka, imibabaro n'urupfu bizaboneka
impande zose. Abantu bazakurikiza kamere itagira kwitangira barazwe n'ababyeyi babo kandi
bakurikize na kamere mbi bimenyereje... [3UB355]
Imanza zo Guhora kw'Imana Zerekanwa mu Iyerekwa. - Imana ifite ububiko burimo imanza
zo guhora, yemera ko zigera ku bakomeje kwibera mu cyaha kandi barabonye umucyo ukomeye.
Nabonye ibintu bihenze cyane mu mazu yubatswe kandi byafatwaga ko bidashobora gufatwa
n'umuriro. Kandi nk'uko Sodomu yarimbutse ikagurumana kubwo guhora kw'Imana, ni nako izo
nyubako z'ibitangarirwa zizahinduka umuyonga. Nabonye amato yatwaye amafaranga menshi
cyane ari guhangana n'amazi afite imbaraga, ashaka uko yahangana n'imiraba izikuka. Ariko
hamwe n'imitungo ya zahabu n'ifeza yari muri ayo mato, ndetse n'abantu bose barimo yararohamye
ajya ikuzimu. Ubwibone bw'umuntu buzahambanwa n'ubutunzi yarundanyije mu nzira
z'uburiganya. Imana izahorera abapfakazi n'imfubyi bamutakiye bashonje kandi babuze icyo
bambara bamusaba ngo abafashe abakure mu gukandamizwa no guhohoterwa. [3UB355]
Igihe kiraje vuba ubwo mu isi hazaba umubabaro udashobora gukizwa n'amavuta yomora yakozwe
n'umuntu. Ibibumbano byo kwishyeshya bigaragaza ubuhangage bw'abantu bizahinduka
umukungungu na mbere y'uko kurimbuka gukomeye guheruka kugera ku isi... [3UB355]
Dushobora gukira amateka agiye gusukwa ku isi binyuze gusa mu kwambara ikanzu yo gukiranuka
kwa Kristo. - Letter 20, 1901. [3UB355]

ABANA BENSHI BAZASINZIRA

Vuba aha bidatinze tuzajyanwa ahantu hafunganye kandi h'ibigeragezo, kandi ku bw'imbabazi
[z'Imana] abana benshi bazanwe mu isi bazajyanwa basinzire mbere yuko igihe cy'umubabaro
kigera. -Manuscript 152, 1899. (Reba igitabo Child Guidance pp. 565,566; Testimonies to
Ministers, p.375). [3UB356]

URUGAMBA RUHERUKA RUZABA RUGUFI ARIKO RUTEYE UBWOBA

Dusatiriye ibintu bikomeye kandi bikura umutima bigiye kuzabaho. Ubuhanuzi burimo
burasohora. Uruganba ruheruka ruzaba rugufi, ariko ruzaba ruteye ubwoba. Intambara zo hambere
zizongera zihemburwe. Intambara nshya nazo zizabyuka. Dufite umurimo ukomeye tugomba
gukora. Umurimo wacu w'ibwirizabutumwa ntugomba guhagarara. Imiburo iheruka igomba
guhabwa isi. Gushyira ahagaragara ukuri muri iki gihe birimo imbaraga yihariye. Mbese ibyo
bizamara igihe kingana iki? Ni agahe gato cyane... [3UB356]
Icyo umuntu wese yagombye kwibaza ni iki ngo: "Ndi uwande? Ni nde nkwiriye kubaha? Mbese
umutima wanjye wahinduwe mushya? Mbese ubugingo bwanjye bwaravuguwe? Mbese ibyaha
byanjye byarababariwe? Cyangwa se bizahanagurwa ubwo igihe cyo guhemburwa kizaba kigeze?
[3UB356]
Abahanuzi Banditse Ibirebana n'Igihe Cyabo n'Icyacu. Ibitabo biheruka by 'Isezerano rya Kera
bitwereka abakozi bavanwe mu bahinzi bo mu murima. Abandi bari abantu bafite ubushobozi
bukomeye kandi bize cyane, ariko Imana yabahaye amayerekwa, ibaha n'ubutumwa. Abo bantu
bo mu Isezerano rya Kera bavuze ku bintu byarebanaga n'igihe cyabo, kandi Daniyeli, Yesaya na
Ezekiyeli ntibavuze ku bintu byabarebaga nk'ukuri kw'icyo gihe gusa, ahubwo amaso yabo
yarebaga kure no mu gihe kizaza, kandi babonye n'ibyajyaga kuzabaho muri iyi minsi ya nyuma.
-Letter 132, 1898. [3UB356]

NIBABARENGANYA MUZAHUNGIRE AHANDI HANTU

Ahantu hamwe hatangarijwe kurwanya intumwa z'Imana, icyo gihe ubuzima bwazo bushobora
kujya mu kaga. Igihe bimeze bityo rero, ni amahirwe yabo gukurikiza urugero rwa Shebuja bakajya
ahandi hantu. - Letter 20, 1901. [3UB356]

GUTOTEZWA KW'ABANTU BAZIRA KWIZERA IMANA NI UBURYO IMANA IKORESHA IZANA

BENSHI KU KURI
Abahamya nyabo banze kuramya igishushanyo cy'izahabu bajugunywe mu itanura ry'umuriro
ugurumana, ariko Kristo yari kumwe nabo muri uwo muriro kandi umuriro ntacyo wabatwaye...
[3UB356]
Ubu noneho benshi muri twe bashobora kugezwa mu igeragezwa rikomeye cyane None se
tuzumvira amategeko y'abantu cyangwa [3UB356] tuzumvira amategeko y'Imana? Iki ni ikibazo
abantu benshi bazabazwa. Icyiza cyane kuri twe ni ukomatana n'Imana cyane, bityo niyemera ko
twicwa tuzira ukuri, bishobora kuba uburyo bwo kuzana abandi bantu benshi ku kuri. - Manuscript
83, 1886. [3UB357]

KRISTO AHAGAZE MU RUHANDE RW'ABERA BARENGANYWA

Nta na rimwe Umukiza akunda cyane umuntu uteraganwa kurusha igihe ari gutotezwa azira ukuri.
Igihe umwizera ahagaze imbere y'inkiko zikiranirwa azira ukuri, Kristo amuhagarara iruhande.
Ibitutsi byose bitukwa umwizera bigera kuri Kristo ubwe mu ishusho y'abera be. Yesu yaravuze
ati: "Nanjye nzamukunda mwiyereke" (Yohana 14:21). Kristo acirwa urubanza kenshi mu ishusho
y'abigishwa be bamwizera. [3UB357]
Kubwo kuzira ukuri, igihe umwizera afungiranwe mu gihome cya gereza, Kristo aramwiyereka,
maze umutima we ugasabwa n'urukundo rwa Kristo. Igihe yishwe azira Kristo, Kristo aramubwira
ati: "Bashobora kwica umubiri, ariko ntibashobora kwica ubugingo." "Komera, uhumure
nanesheje isi." "Barambambye, kandi niba bakwishe, baba bambambye na none mu ishusho
y'abera banjye." [3UB357]
Gutotezwa nta kindi kwazana kirenze urupfu, ariko ubugingo bubikiwe ikuzo n'ubugingo
buhoraho. Ubutware butoteza bushobora guhagarara mu mwanya wabwo, maze bugategeka
abigishwa ba Kristo guhakana kwizera kwabo, ngo bite ku myuka iyobya n'inyigisho
z'abadayimoni bahindura ubusa amategeko y'Imana. Ariko abigishwa ba Kristo bashobora kubaza
bati: "Kuki nakora ibyo? Nkunda Yesu, kandi sinzigera nihakana izina Rye." Igihe ubwo butware
buvuze ngo, "Turabita abahungabanya amahoro." Abigishwa ba Kristo bashobora gusubiza bati:
"Ni uko bise Yesu, wari ukuri, ubuntu n'amahoro." - Letter 116, 1896. [3UB357]

ABACURUZI BAKOMEYE N'IBIKOMANGOMA BAZAHITAMO URUHANDE BAHAGARARAMO

Abantu bamwe babarizwa mu bacuruzi bakomeye no mu bikomangoma baziyemeza kumvira
ukuri. Ijisho ry'Imana ryagiye riba kuri abo bantu ubwo bakoraga ibihuje n'umucyo bamenye,
bagakomera ku bunyangamugayo bwabo. Koruneliyo, umuntu wari mu mwanya wo hejuru,
yashikamaga ku mibereho ye y'iby'idini, akagenda adakebakeba akurikije umucyo yari yarakiriye.
Imana yaramwitegerezaga, maze ituma marayika wayo ngo amugezeho ubutumwa. Intumwa
y'ijuru yanyuze ku biyitaga abakiranutsi iza kuri Koruneliyo maze imuhamagara mu izina rye...
[3UB357]
Ibi byandikiwe kubera inyungu z'abariho muri iyi minsi ya nyuma. Abantu benshi bahawe umucyo
mwinshi ntibawuhaye agaciro cyangwa ngo bawukoreshe neza nk'uko byari amahirwe yabo
kubigenza batyo. Ntabwo bashyize ukuri mu bikorwa. Kandi kubera ibyo, Uwiteka azazana
abashyize mu bikorwa umucyo wose bahawe mu mibereho yabo. Kandi [3UB357] abagize
amahirwe yihariye yo gusobanukirwa ukuri ariko ntibabe barumviye amahame yako, bazatwarwa
n'ibishuko bya Satani kugira ngo abagenze uko yishakiye. Bazahakana amahame y'ukuri mu
migirire yabo kandi batukishe umurimo w'Imana. [3UB358]
Kristo avuga ko azaruka bene abo, kandi akabareka ngo bakurikire imigirire yabo bityo
bitandukanye nawe. Iyo migirire ibahindura ibirangirire nk'abagaragu bakiranirwa Shebuja
yasigiye urugo rwe. [3UB358]
Igipimo cy'Imana cy'Abagendera mu Mucyo Bamenye. - Uwiteka azaha ubutumwa bwe abantu
bagendera mu mucyo bahawe, kandi azabemera nk'abanyakuri n'abizerwa hakurikijwe igipimo
cye bwite. Aba bantu bazafata umwanya w'abahawe umucyo kandi bakawumenya ariko
ntibagendere mu nzira y'Uwiteka, ahubwo bakaba barikurikirije ibyo bitekererezaga mu mitima
yabo itejejwe. [3UB358]
Ubu turi mu minsi ya nyuma, igihe ukuri kugomba kuvugwa, igihe ukuri kunyuze mu magambo
yo gucyaha n'imbuzi kugomba kubwirwa abatuye isi hatitawe ku ngaruka bishobora guteza. Niba
hari abantu bamwe bazumva bakozwe mu jisho maze bagatera ukuri umugongo, tugomba
kuzirikana ko no mu gihe cya Kristo hari abakoze batyo.... [3UB358]
Ingabo z'Uwiteka Ntizizagabanuka. - Ariko hariho abantu bazakira ukuri, kandi abo bazafata
imyanya yasigayemo ubusa bitewe n'abantu bumvise bakozwe mu jisho maze bakitandukanya
n'ukuri.... Uwiteka azakora ku buryo abatarahindutse bazatandukanywa n'abanyakuri kandi
b'indahemuka.... Ingabo z'Uwiteka ntizizagabanuka. Abazaba bashikamye kandi b'abanyakuri
bazuzuza imyanya yasigayemo ubusa ivuyemo abumvise bakozweho maze bakaba abahakanyi...
[3UB358]
Abantu benshi bazaha agaciro ubwenge bw'Imana baburutishe inyungu z'iby'isi, kandi bazumvira
ljambo ry'Imana nk'urugero ngenderwaho ruhebuje izindi. Abo bantu bazayoborwa ku mucyo
mwinshi. Bazamenya ukuri, kandi bazashaka uko bageza uyu mucyo w'ukuri ku bo bazi ko bagira
ubwuzu bwo kwakira ukuri nkabo. -Manuscript 97, 1898. [3UB358]
 BURI MUNTU AZABA MU NGABO ZA KRISTO CYANGWA MUZA SATANI
Turi kwegereza iherezo ry'amateka y'iyi si, ubwo impande ebyiri gusa ari zo zishobora kubaho,
kandi buri mugabo, buri mugore, na buri mwana azaba muri umwe muri iyi mitwe y'ingabo. Yesu
azaba Umugaba w'umutwe umwe w'ingabo; Satani nawe azaba umuyobozi w'urundi ruhande
rurwanya urwa Yesu. Abantu bose bica amategeko y'Imana kandi bakigisha n'abandi kugenza
batyo, kandi ari yo rufatiro rw'ingoma yayo mu ijuru no mu isi, bari munsi y'umutware ukomeye,
ubayobora ngo barwanye ubutegetsi bw'Imana. Kandi "abamarayika batarinze ubutware bwabo
ahubwo abakareka ubuturo bwabo (Yuda 6) ni ibyigomeke ku mategeko y'Imana, [3UB358] kandi
ni abanzi b'abubaha kandi bagakunda amategeko yayo. Abongabo hamwe n'umuyobozi wabo
Satani bazakoresha uburyo bushoboka bwose maze bakoranyirize abandi bantu mu ngabo zabo,
kugira ngo bakomeze ingabo za Satani kandi bashimangire ibyo yigamba. [3UB359]
Bishobotse Satani yayobya n'intore akoresheje ibishuko n'ubuhendanyi bye. Ntabwo ubushukanyi
bwe bworoheje. Azashaka uko abuza amahwemo, asebye, aharabike, arege kandi agaragaze nabi
abantu bose adashobora guhatira kumuha icyubahiro no kumufasha mu murimo we. Kugera ku
ntego kwe gukomeye gushingiye mu gukomereza abantu mu rujijo no kutamenya imitego ye, kuko
iyo bigenze bityo aba ashobora kuyobora abatari maso nk'uyobora impumyi... [3UB359]
Isabato Niyo Kibazo mu Rugamba Ruheruka. Isabato ni yo kibazo gikomeye cy'ishungura. Ni
yo murongo utandukanya abubaha b'abanyakuri n'abigometse kandi batumvira. Iyi ni Isabato
Imana yategetse, kandi abavuga ko bakomeza amategeko y'Imana, kandi bizera ko ubu bari kuvuga
ubutumwa bwa marayika wa gatatu, bazabona uruhande rw'ingenzi Isabato ivugwa n'itegeko rya
kane ifite muri ubwo butumwa. Isabato ni ikimenyetso cy'Imana ihoraho. Ntibazoroshya ibyo
Isabato isaba kugira ngo bihuze n'ibyo bibwira ko bikwiriye. - Manuscript 34, 1897. [3UB359]
Yohana mu gitabo cy'Ibyahishuwe yanditse ibyo kunga ubumwe kw'abatuye ku isi kugira ngo
bahindure ubusa amategeko y'Imana. Yaranditse ati: "Abo bahuje inama, baha ya nyamaswa
imbaraga zabo n'ubutware bwabo. Bazarwanya Umwana w'Intama, ariko Umwana w'Intama
azabanesha, kuko ari we Mutware utwara abatware n'Umwami w'abami, kandi abari hamwe n'abo
bahamagawe batoranijwe bakiranutse nabo bazayinesha" (Ibyahishuwe 17: 13,14). "Nuko mbona
mu kanwa ka cya kiyoka no mu kanwa ka ya nyamaswa, no mu kanwa ka wa muhanuzi
w'ibinyoma, havamo imyuka itatu isa n'ibikeri" (Ibyahishuwe 16:13). [3UB359]
Abantu berereza kandi baramya isabato y'ikigirwamana, umunsi Imana itahaye umugisha, bafasha
umwanzi n'abamarayika be bakoresheje imbaraga zose bahawe n'Imana, bagoretse ngo zikoreshwe
mu buryo bubi. Bahumekewe n'undi mwuka uhindura impumyi ubushishozi bwabo, ntibashobora
kubona ko kwerereza Icyumweru ari gahunda yashyizweho rwose n'Itorero Gatolika... [3UB359]
Isabato ni Ingingo Igabanya Isi. - Uwiteka nyir'ijuru yemerera abatuye isi guhitamo uwo
bazemerera kubabera umuyobozi. Mureke abantu bose basome bitonze igice cya cumi na gatatu
cy'Ibyahishuwe, kubera ko kireba umuntu wese, yaba ukomeye n'uworoheje. Umuntu wese
agomba gufata uruhande ahereramo rwaba urw'Imana y'ukuri ihoraho, Yo yahaye isi urwibutso
rw'Irema arirwo Sabato y'umunsi wa karindwi, cyangwa akajya mu ruhande rw'isabato y'ikinyoma,
yashizweho n'abantu bishyize hejuru y'icyitwa Imana cyose, cyangwa igisengwa cyose, kandi
bishyizeho ibiranga [3UB359] Satani barenganya abubaha b'abanyakuri bakomeza amategeko
y'Imana. Ubu butware butoteza buzahatira abantu kuramya inyamaswa bushimangira gukomeza
isabato bwashyizeho. Nuko rero atuka Imana, "yicara mu rusengero rw'Imana, yiyerekana ko ari
Imana" (2Abatesalonike 2:4). [3UB360]
Ibihumbi Ijana na Mirongo ine na bine Batabonetseho Ikinyoma. -kimwe mu birango
bikomeye byagaragaye ku bantu ibihumbi ijana na mirongo ine na bine (144 000) ni uko mu kanwa
kabo hatabotsemo ikinyoma. Uwiteka yaravuze ati: "Hahirwa umuntu ..... mu mutima we utabamo
uburiganya." Bahamya ko ari abana b'Imana, kandi bagaragazwa nk'abakurikira Umwana
w'intama aho ajya hose. Tubagaragarizwa nk'abahagaze ku musozi wa Siyoni, bakenyereye gukora
umurimo wera, bambaye imyenda yera, ari yo gukiranuka kw'abera. Ariko abakurikira Umwana
w'Intama bose mu ijuru bagomba kuzaba barabanje kumukurikirira ku isi, bamwumvira
bamwiringiye, bamukunda kandi babishaka, batamukurikira bagwaguza cyangwa bahuzagurika,
ahubwo bafite ishema kandi bakomeje nk'uko umukumbi ukurikira umwungeri... [3UB360]
Satani Akoresha Imbaraga ze Ziheruka ngo Arebe ko Yanesha. - Isi ifatanyije n'amatorero
yiyita ko ari aya Gikristo mu guhindura ubusa amategeko ya Yehova. Amategeko y'Imana
yashyizwe ku ruhande, kandi aribatirwa munsi y'ibirenge; kandi ubwoko
bw'Imanabwosebw'indahemuka buzasenga isengesho rizamuka rijya mu ijuru busenga buti: "Igihe
gikwiriye cyo gukora cy Uwiteka kirasohoye, kuko bahinduye ubusa amategeko yawe." (Zaburi
119:126). Satani ari gukoresha imbaraga ze ziheruka kandi zikomeye cyane kugira ngo arebe ko
yigarurira ubutware. Ni rwo rugamba rwe ruheruka arwanya amahame y'amategeko y'Imana.
Ubuhemu bwihandagaje bugwiriye hose. [3UB360]
Nyuma y'ibyo Yohana yavuze mu Byahishuwe 16 yerekana iby'iyo mbaraga ikora ibitangaza
yagombaga gukoranyiriza isi yose kujya mu rugamba rukomeye ruheruka, ibimenyetso
byarasutswe maze ijwi ry'impanda ryumvikana mu ijwi ryihariye. "Dore ndaza nk'umujura.
Hahirwa uba maso akarinda imyenda ye, kugira ngo atagenda yambaye ubusa bakareba isoni
z'ubwambure bwe." (Ibyahishuwe 16:15). - Manuscript 7a, 1896. [3UB360]

KRISTO YIVANGA N'INGABO ZE MU RUGAMBA RUHERUKA

Umurimo w'Umwuka Wera ni ukwifatanya n'imbaraga ya muntu kandi ijuru ryose riri gukora
umurimo wo gutegurira ubwoko [bw'Imana] guhagarara bushikamye muri iyi minsi ya nyuma.
Therezo riri bugufi kandi turashaka guhanga amaso isi izaza... [3UB360]
Muri uru rugamba ruheruka Umugaba w'ingabo z'Uwiteka [Yosuwa 5:15] ayoboye ingabo zo mu
ijuru kandi yivanga n'ingabo bityo akaturwanira intambara. Tuzagira abahakanyi, turabizi neza.
"Bazava muri twe, icyakora ntibari abacu by'ukuri, kuko iyo baba abacu bagumanye na twe" (reba
[3UB360]1 Yohana 2:19). "Igiti cyose Data wo mu ijuru adateye, kizarandurwa" (Matayo 15:13).
[3UB361]
Wa mumarayika, marayika ukomeye uvuye mu ijuru, agomba kumurikishiriza isi ubwiza bwe
(Ibyahishuwe 18:1), ari nako avuga n'ijwi rirenga ati: "Iraguye, iraguye Babuloni ikomeye"
(umurongo wa 2). Íyo tutaba dushyigikiwe n'imbaraga y'Imana, twatakaza kwizera n'ubutwari
muri iyo ntambara. [3UB361]
Ibibi by'ubwoko bwose bigomba kwaduka bikorana umwete mwinshi. Abamarayika babi
bahuza imbaraga zabo n'abanyabyaha, kandi kubera ko bamaze igihe kirekire bari ku rugamba
rudatuza ndetse bakaba baragwije ubunararibonye mu buryo bwiza cyane bwo gushukana no
kurwana, ndetse bakaba baragwije imbaraga mu binyejana byinshi, ntabwo bazavirira urugamba
rukomeye ruheruka hatabaye intambara y'ubwiyahuzi, kandi isi yose izaba ku ruhande rumwe
cyangwa urundi rw'ikibazo. [3UB361]
Intambara ya Harimagedoni izarwanwa, kandi icyo gihe nta n'umwe muri twe kizasanga asinziriye.
Tugomba guhora turi maso, tumeze nk'abakobwa b'abanyabwenge bafite amavuta mu mperezo
zacu dufite n'amatara yacu. Imbaraga y'Umwaka Wera igomba kuba kuri twe, kandi Umugaba
w'ingabo z'Uwiteka azahagarara ayoboye abamarayika bo mu ijuru kugira ngo ayobore urugamba.
Ibihe bikomeye biri imbere. Impanda zigomba kuvuzwa zungikanya; kandi uducuma
[tw'umujinya] tugenda dusukwa ku batuye isi dukurikiranye. Hazabaho ibintu bitangaza ndetse
bigiye kutugeraho kandi ibyo bintu bizaba ari ibimenyetso ndakuka byerekana ko Kristo ari
kumwe natwe, We wayoboye mu bihe byose bikomeye cyane, We waherekezaga urugendo
rw'umurimo We ibihe byose, kandi warahiriye kubana n'ubwoko bwe mu ntambara zabwo zose
kugeza ku mperuka y'isi. Azahagararira ukuri kwe. Azatuma ukuri kwe gutsinda. Yiteguye guha
abamunambaho impamvu n'imbaraga mu mugambi bagira, akabatera ibyiringiro, ubutwari no
kwikomeza mu murimo urushaho kwiyongera uko igihe kigenda kidusatira. [3UB361]
Urugamba Rumwe Ruheruka kandi Rukaze. - Ubushukanyi, ubuyobe n'ubuhendanyi
biziyongera. Urusaku ruzumvikana impande zose ngo: "Dore nguyu Kristo! Dore, nguriya Kristo!"
Ariko Kristo yaravuze ati: "Ntimukajyeyo.... ntimukabakurikire" (Luka 28:8). Hazaba urugamba
rumwe rukaze mbere y'uko umunyabugome afungirwa kuri iyi si... [3UB361]
Mu gihe ubuporotesitanti buri kugwa neza imbere y'umunyabugome kandi bukanamukunda
(2Abatesalonike 2:3), mbese ubwoko bw'Imana ntibwagombye gufata ibirindiro byabwo
nk'abasirikare ba Yesu Kristo bashiritse ubwoba kandi b'intwari bugahangana n'ikibazo kigomba
kuza, ndetse ubugingo bwabo bukaba buhishanwe na Kristo mu Mana? Babuloni y'amayoberane
ntiyagiye igira uwo irokora mu kumena amaraso y'abera, none ntitwakanguka tukaba maso kugira
ngo dufate imyambi y'umucyo [3UB361] wakomeje kurasa uva ku mucyo wa marayika ugomba
kumurikishiriza isi ubwiza bwe? - Letter 112,1890. [3UB362]

UBUGINGO BWACU NO KWITEGURA GUHERUKA

Imana Izatugerageza. - Mbere yo kuduha umubatizo w'Umwuka Wera, Data wa twese wo mu
ijuru azatugerageza kugira ngo arebe ko dushobora kubaho tutamusuzugura. - Letter 22,1902.
[3UB362]
Ikintu Cyose Kidatunganye Kizazibukirwa. - Igihe imirimo yacu yo ku isi izaba írangiye, maze
Kristo akaza kujyana abana be bamunambaho, icyo gihe tuzarabagirana nk'izuba mu bwami bwa
Data. Ariko mbere y'uko icyo gihe kigera, ikintu cyose kidatunganye muri twe kizaba cyaramaze
kugaragazwa kandi cyararetswe. Igomwa ryose n'ishyari no kuvuga ibibi ndetse n'imigambi yose
yo kwikanyiza bizaba byaramaze gucibwa mu bugingo. Letter 417, 1907. [3UB362]
Igihe Gutungana kw'Imico Kugerwaho. - Mbese twaba turi kurwana dukoresheje imbaraga zose
Imana yaduhaye kugira ngo tugere ku gihagararo cy'abagabo n'abagore muri Kristo? Mbese turi
gushaka kuzura kwa Kristo, tugahora tugera ku rugero rusumbyeho, tugerageza kugera ku
gutungana kw'imico? Igihe abagaragu b'Imana bazagera kuri urwo rwego, bazashyirwaho
ikimenyetso mu ruhanga. Marayika wandika azavuga ati: "Birarangiye." Bazaba bashyitse muri
we, kuko ari abe kubw'iremwa no gucungurwa. -Manuscripts 148, 1899. [3UB362]
Tuzahabwa Akamero ko mu Rwego rwo Hejuru. - Kristo nagaruka, azajyana aberesheje
ubugingo bwabo kumvira ukuri... Uyu mubiri upfa uzambikwa kudapfa, kandi iyi mibiri ibora,
yokamwe n'indwara, izahindurwa yambikwe kudapfa. Icyo gihe tuzahabwa akamero ko mu rwego
rwo hejuru. Imibiri y'abantu bose beresha ubugingo bwabo kumvira ukuri izambikwa ubwiza.
Bazaba rwose barakiriye Yesu kandi baramwizeye. - Manuscript 36, 1906. [3UB362]
 IPICA IKORA KU MUTIMA Y'IBIGIYE KUBAHO
Ku Gatandatu [Ku wa 18 Mutarama 1884] nijoro abantu benshi bumvise ijwi ryanjye ntangara
ngira nti: "Reba, Reba!" Niba nari mu nzozi cyangwa mu iyerekwa sinabona icyo navuga. Nari
ndyamye jyenyine. [3UB362]
Igihe cy'amakuba cyari kitugezeho. Nabonye abantu bacu bari mu mubabaro ukomeye, barira
kandi basenga, basaba gusohorezwa amasezerano adakuka y'Imana, mu gihe abanyabyaha bo bari
badukikije impande zose badukwena, kandi badukangisha kuturimbura. Bakinnye ku mubyimba
intege nke zacu, badukoba baseka umubare wacu muto, kandi badukangisha bakoresheje
amagambo yateguwe kuducengera mu mutima. Batugerekagaho icyaha cyo kuba mu ruhande
rwigenga rwitandukanyije n'isi yose. Bari bahagaritse ibyo twakenera byose kugira ngo twe
kubasha kugura cyangwa kugurisha, kandi baganiraga iby'ubukene bwacu bukabije [3UB362]
n'imibereho ibabaje cyane turimo. Ntibashoboraga kubona uburyo dushobora kubaho tutishingirije
ku isi. Twakeneraga ibyo ku isi, bityo rero tugomba kwemera imigenzo yayo, imigirire yayo
n'amategeko y'isi, bitaba ibyo tukayivamo. Niba ari twe bantu twenyine ku isi Uwiteka yagiriraga
neza, twari dutumbiriwe mu buryo buteye ubwoba. [3UB363]
Bavugaga ko bafite ukuri, ko ibitangaza bikorerwa muri bo; ko abamarayika bavuye mu ijuru
bavuganaga nabo kandi bakagendanaga nabo, ndetse ko ububasha bukomeye n'ibimenyetso
n'ibitangaza byakorerwaga muri bo, bityo ko icyo ari ikinyagihumbi bari barategereje igihe
kirekire. Isi yose yarahindutse kandi ntibusanye n'itegeko ry'Icyumweru, maze iri tsinda rito
ry'irinyantege nke rihagarara ritumvira amategeko y'igihugu n'amategeko y'Imana, kandi
ryavugaga ko ari ryo ryonyine ritunganye ku isi... [3UB363]
"Murarame, Murarame!"- Ariko igihe umubabaro wari ku ndahemuka n'abanyakuri
batashoboraga kuramya inyamaswa cyangwa igishushanyo cyayo kandi ngo bemere cyangwa ngo
bubahe isabato y'ikigirwamana, Úmwe yaravuze ati: "Murarame! Murarame!" Bose bubuye
amaso, maze ijuru risa niryizinga nk'igihe bazinga umuzingo w'igitabo, kandi nk'uko Sitefano
yitegereje mu ijuru, natwe twatumbiriye mu ijuru. Abakobanyi baradukangishaga kandi
badukwena, birata ibyo bari bagambiriye kudukorera niba dukomeje kwifata tugashikama ku
kwizera kwacu. Ariko icyo gihe twasaga n'abatari kubumva; twari dutumbiriye ibyabaga
byaduteye kutita ku kindi kintu icyo ari cyo cyose. [3UB363]
Nuko intebe y'ubwami y'Imana irahishurwa. Yari ikikijwe n'uduhumbi n'iduhumbagiza, kandi
iruhande rw'iyo ntebe y'ubwami hari abahowe Imana. Muri bo nabonyemo abari baherutse guca
mu makuba akomeye, abo isi itigeze imenya, abo isi yangaga kandi yasuzuguraga. [3UB363]
Ijwi ryaravuze riti, "Yesu, wicaye ku ntebe y'ubwami, yakunze umuntu cyane bituma atanga
ubugingo bwe ho igitambo kugira ngo amucungure amukure mu butware bwa Satani, kandi ngo
amuzamure amugeze ku ntebe ye y'ubwami. Uri hejuru y'ubutware bwose, Ufite ubutware
buhebuje mu ijuru no mu isi, Uwo umuntu wese akesha ineza yose yagiriwe, yari umugwaneza,
yiyoroheje mu mutima, uwera, uzira ikibi kandi utunganye mu bugingo. [3UB363]
"Yagandukiye amategeko yose ya Se. Ubugome bwuzuye ku isi; kandi isi ihumanijwe n'abaturage
bayo. Mu myanya yo hejuru y'ubutware bwo ku isi handujwe na ruswa no gusenga ibigirwamana
kubi bikabije, ariko igihe kirageze ngo gukiranuka guhabwe amashami y'imikindo y'intsinzi no
kunesha. Abo ab'isi bafataga nk'abanyantege nke kandi nta gaciro bafite, abatari bafite
uwabarengera ngo abakize ubugome bw'abantu, bazahabwa ikamba ry'abanesheje ndetse
barushishweho kunesha" [Ibyahishuwe 7:9-17]. [3UB363]
Bari imbere y'intebe y'ubwami bishimira ubwiza bw'umunsi uhoraho iteka ryose butarangwamo
umucyo w'izuba, batameze nk'abatatanye b'abanyantege nke, bagomba kubabazwa n'ubugome
bwa Satani bw'ab'isi bigometse kandi bagaragaza amarangamutima, inyigisho n'inama
zabadayimoni. [3UB364]
Noneho Abera Ntacyo Batinya. - Abatware barangwa no gukiranirwa bahindutse abanyambaraga
kandi bateye ubwoba mu isi iyoborwa na Satani, ariko Uwiteka Imana ucira Babuloni urubanza ni
umunyambaraga. Noneho abakiranutsi nta kintu bagifite bashobora gutinya gituruka mu mbaraga
n'uburiganya kubera ko ari indahemuka n'abanyakuri. Ufite ububasha buruta ubw'umuntu
w'igihangage wikwije intwaro yiteguye kubarengera. Ubutware bwose no gukomera n'imico
y'agahebuzo bizahabwa abazaba barizeye kandi bahagaze mu byimbo bakarwanira ukuri,
bahagaze kandi bashikamye bakarengera amategeko y'Imana. [3UB364]
Undi wo mu ijuru yavuze mu ijwi rikomeye kandi ryirangira ati: "Bavuye mu mubabaro ukomeye.
Banyuze mu itanura ry'umuriro ugurumana mu isi, ryacaniriwe cyane n'ubugome bw'abantu
bashakaga kubahatira kuramya inyamaswa n'igishushanyo cyayo, babahatiraga guhemukira Imana
yo mu ijuru. [3UB364]
"Bavuye mu misozi, mu bitare, mu myobo no mu buvumo byo ku isi, mu twumba twa kasho, mu
magereza, mu nama zaberaga mu bwihisho, mu byumba byakorerwagamo iyicarubozo, mu tuzu
tw'ivundi no mu nzu zituzuye. Banyuze mu mubabaro ukomeye, mu kwiyanga no kubura ibyo
babaga biteze. Ntabwo bakiri ibikinisho n'ibishungero by'abanyabyaha. Ntabwo bagomba
kuzongera kuba abanyagisuzuguriro n'abanyamubabaro imbere y'ababasuzugura. [3UB364]
"Nimubambure imyambaro y'ubushwambagara abanyabyaha bashimishijwe no kubambika.
Mubahe indi myambaro, ndetse mubambike amakanzu yera yo gukiranuka, kandi mubambike
igitambaro cyiza ku mitwe yabo." [3UB364]
Bari Bahagaze Aho Ari Abaneshi mu Ntambara Ikomeye. Bari bambaye amakanzu y'igiciro
cyinshi atarigeze yambarwa n'abo ku isi. Bari batamirijwe amakamba y'icyubahiro abantu batigeze
kubona. Ibihe by'umubabaro, byo gutukwa, by'ubukene n'inzara ntibizongera kubaho ukundi;
kurira kurashize. Nuko baterura indirimbo mu ijwi rirenga, ryumvikana kandi riyunguruye.
Bazunguza amashami y'imikindo yo kunesha, maze baravuga bati: "Agakiza ni ak'Imana yacu
yicaye ku ntebe, n'ak'Umwana w'intama" (Ibyahishuwe 7:10). [3UB364]
Ooo, Imana itwuzuze Mwuka wayo, kandi iduhe gukomerera mu mbaraga zayo! Muri wa munsi
ukomeye wo kunesha guheruka kandi guhebuje bizagaragara ko abakiranutsi bari bakomeye kandi
ko gukiranirwa uko kwigaragaza kose ndetse n'ubwibone bwako bwose bwari ugutsindwa
[3UB364] kurangwa n'intege kandi kubabaje. Tuzomatana na Yesu, tuzamwizera, tuzashaka Ubuntu
bwe n'agakiza ke gakomeye. Tugomba kwihisha muri Yesu, kuko ari ubwihisho bw'umugaru,
umufasha utabura mu bihe by'amakuba. - Letter 6, 1884. [3UB365]
Imirongo Ibiri y'Abamarayika Bashagaye Abera Bagana mu Rurembo. Umutangabugingo
aje kumenagura iminyururu y'igituro. Agomba gukuramo abagizwe imbohe maze agatangaza ati:
"Ni njye kuzuka n'ubugingo." Ingabo nyinshi z'abazutse zari zihagaze aho. Igitekerezo cya nyuma
cyari icy'urupfu n'umubabaro warwo. Ibitekerezo bya nyuma bari baragize byari iby'imva n'igituro,
ariko ubungubu noneho bateye hejuru bati: "Wa rupfu we urubori rwawe ruri he, wa rupfu we
kunesha kwawe kuri he?" (1 Kor. 15:55). Umubabaro w'urupfu niwo kintu cya nyuma bumvishe...
[3UB365]
Igihe bari bakangutse kuribwa kose kwari kwashije. "Wa kuzimu we, kunesha kwawe kuri
he?" Ngaba aho bahagaze kandi bambikwa kudapfa nuko barazamurwa bajya gusanganira
Umwami wabo mu kirere. Inzugi z'umurwa w'Imana zikaragiye ku mapata yazo zirakinguka, maze
amahanga yarinze ukuri arinjira. [3UB365]
Hari imirongo y'abamarayika ku mpande zombi, maze abacunguwe n'Imana banyura hagati
y'abakerubi n'abaserafi. Kristo abaha ikaze kandi abaha umugisha agira ati: "Nuko nuko mugaragu
mwiza ukiranuka, wakiranutse mu bike.... injira mu munezero wa Shobuja." (Matayo 25:21).
Mbega ibyishimo! Yesu abonye ibiturutse mu bise by'ubugingo bwe biramunyura. Ibyo nibyo
dukorera. [3UB365]
Nguyu wa muntu, wa wundi twaraye ijoro dusenga Imana kubwe. Hari n'uwo twaganirije
ubwo yari ku gisasiro cye agiye gupfa, kandi yerekeje ubugingo bwe bwari butentebutse rwose
kuri Yesu. Nguyu uwari umusinzi ruharwa. Twagerageje gukebura amaso ye ngo ayahange ku
Ushobora gukiza kandi twamubwiye ko Kristo ashobora kumuha intsinzi. Ngaya amakamba
y'icyubahiro cyo kudapfa ku mitwe yabo, maze abacunguwe barambika amakamba yabo
arabagirana ku birenge bya Yesu; nuko umutwe w'abaririmbyi babamarayika utera indirimbo yo
kunesha, maze ba bamarayika bari ku mirongo ibiri bikiriza iyo ndirimbo, kandi n'imbaga
y'abacunguwe yungamo amajwi yabo nk'aho bari baramenyereye kuririmbira iyo ndirimbo ku isi.
[3UB365]
Indirimbo yo mu Ijuru. - Ooo, mbega indirimbo! Nta jwi ryo gusobanya riyirimo. ljwi ryose
riravuga riti: "Umwana w'Intama watambwe niwe ukwiriye" (Ibyahishuwe 5:12). Abonye
ibiturutse mu bise by'ubugingo bwe kandi aranyuzwe. Mbese utekereza ko hari umuntu n'umwe
uzafata igihe cyo kuvuga ku bigeragezo yahuye nabyo n'ingorane yanyuzemo? "Ibya kera
ntibizibukwa kandi ntibizatekezwa" (Yesaya 65:17). "Imana izahagura amarira yose ku maso
yabo" (Ibyahishuwe 21:4). -Manuscript 18, 1894. [3UB365]