UBURYO BWO KUBA

URUBYIRUKO
RW’ ICYITEGEREREZO
MU ISI YANDUYE.

Cyanditswe na NSHUTI
Manasseh.

IJWI RY’IMPINDUKA 1 | P a g e VOICE OF CHANGES

 ISHAKIRO
AMAGAMBO Y’INTEGUZA..........................................................3
UBUHAMYA.....................................................................................4
INGINGO Z’ IBANZE......................................................................9
INGINGO YA MBERE: GUKIZWA NEZA..................................9
AMAHAME Y’ AGAKIZA.........................................................11
1. Gukizwa ni iby’ umuntu ku giti cye.......................................11
Ese ubundi umuntu akizwa iki?...................................................12
 Umuntu akizwa urupfu rw’ iteka........................................12
 Umuntu akizwa imbaraga z’ icyaha....................................12
 Umuntu akizwa ingaruka z’ icyaha.....................................12
2. Gukizwa birashoboka.............................................................12
3. Gukizwa bigira inyungu, bigira inyungu ebyiri zikomeye
cyane.............................................................................................. 15
- Inyungu ya mbere, ni ukumenya YESU Kristo..................15
- Inyungu ya kabiri, ni ukumenyekanisha YESU Kristo.....15
4. Gukizwa ni intabwe eshatu;....................................................15
- Intabwe ya mbere, ni ; Guhindukira,..................................15
- Intabwe ya kabiri, ni; Guhinduka,......................................16
- Intabwe ya gatatu, ni, Guhindura abandi,..........................16
IBINTU BITATU BIRANGA ABIGISHWA BA YESU
KRISTO.........................................................................................17
BIRINDWI BIRANGA UMUKOBWA CYAGWA UMUSORE
W’ICYITEGERERZO MU ISI YANDUYE..............................17
IJWI RY’IMPINDUKA 2 | P a g e VOICE OF CHANGES
INGINGO YA KABIRI: KUGIRA UMWIHARIKO WAWE.. .18
ISI IKORESHA INZIRA 4 NGO IBUZE URUBYIRUKO
IMBARAGA ZARWO ZO KUGIRA UMWIHARIKO...........19
1. Gukoresha ikigaare..............................................................19
2. Gukoresha imbugankoranyambaga mu guhindura
imitekerereze yawe.....................................................................19
3. Amabanga y’ ibyo ukorera mu ibanga................................20
4. Kuguhindura icyuma gicurwa.............................................22
INTAMBARA 3 TURWANA NAZO N’ UBURYO BWO
KUZITSINDA...............................................................................23
1. INTAMBARA Y’ UMUBIRI...............................................23
2. INTAMBARA Y’ ISI............................................................23
3. INTAMBARA YA SATANI.................................................23
DORE IMIRONGO IBIRI Y’INGENZI MURI BIBILIYA
SATANI ADASHAKA KO URUBYIRUKO RUYIMENYA....24
IBIBAZO BIBIRI BY’ URUBYIRUKO RUFITE, BITUMA
IMANA ITABASUBIZA IBYIFUZO BASENGEYE..............25
 Ikibazo cya mbere, Twanze kurekura ibyo dufite, ngo
twakire ibyo Imana ishaka kuduha..........................................25
 Ikibazo cya kabiri, Ibyakaduhaye imbaraga, nibyo
byatubujije imbaraga.................................................................26
INGINGO YA GATATU: KUGIRA ICYEREKEZO CYANGWA
INTUMBERO NYAYO...................................................................27
IBYICIRO BITATU BY’ IGIHE CY’ UMUNTU, NICYO
GUKORAMO................................................................................29
1. IGIHE URI UMWANA. { Igihe cyo kurerwa no gukora
ibyo utazi}...................................................................................29
2. IGIHE URI MU BUSORE CYAGWA UBUKUMI BWAWE.
{ Igihe cyo gutera imbuto}...........................................................29

IJWI RY’IMPINDUKA 3 | P a g e VOICE OF CHANGES

 IBINTU BITATU IMANA IHA AGACIRO KURUSHA
IBINDI........................................................................................ 31
3. IGIHE USHAJE.{ Igihe cyo gusarura}..............................34
INGINGO YA KANE : KUBAHO UBUZIMA BWO KUGERA
KU NZOZI.......................................................................................36
AMAHAME 8 Y’ IKIZU{ KAGOMA }......................................36
1. Kagoma iguruka yonyine.....................................................36
2. Kagoma igera ku ntego yihaye.............................................37
3. Kagoma ntabwo ijya irya inyamaswa zapfuye...................38
4. Kagoma zibanza kugerageza mbere yuko zizera...............39
5. Kagoma ikunda umuyaga mwinshi n’ Imiraba..................39
6. Kagoma itoza ibyana byayo.................................................40
7. Kagoma kandi igira imbabazi..............................................42
8. Kagoma yicisha mu buribwe iyo irimo kwigira nshya.......42
AMAHAME 6 YO KUGERA KU BUTSINZI...........................43
 Gukora cyane........................................................................43
 Kwihangana..........................................................................44
 Igitambo.................................................................................44
 Kutava ku izima....................................................................44
 Imyitwarire myiza................................................................44
 Kwigirira ikizere...................................................................44
IMIGISHA 10 TUBONERA MU GUKORERA IMANA
TUKIRI BATO.............................................................................44

IJWI RY’IMPINDUKA 4 | P a g e VOICE OF CHANGES

 AMAGAMBO Y’INTEGUZA.

…SI KUBWANGE AHUBWO NI KUBW’

UMWUKA WERA….

IJWI RY’IMPINDUKA 5 | P a g e VOICE OF CHANGES

Umwanditsi w’iki gitabo, yacyanditse ari umunyeshuri
muri kaminuza y’u Rwanda. Ubwo yari mu minsi y’
ubusore bwe, kandi amaze igihe cye kinini abana n’
urubyiruko ndetse n’ abasore bagenzi be, ndetse
akomeze kwibaza itandukaniro riri hagati y’ urubyiruko
rw’iki gihe ndetse n’ urubyiruko rw’ ahashize, bimutera
gushakisha icyo bibiliya ivuga ku rubyiruko ndetse
nibyo umwami wacu YESU Kristo ashaka ku rubyiruka
kuko nawe yisanishije n’ ikiremwamuntu akiyambura
ishusho y’ ubumana kugira ngo atugaruze ishusho
y’ubumana twari twarataye. Nawe iyo mwaka
yayibayemo ndetse akayikiranukiramo. Yibaza
impamvu twe nk’ urubyiruko tudakora neza ibyo kristo
yasize avuze ndetse ngo tubishyire mu bikorwa.
Bimutera gukora ubushakashatsi kuri byo ndetse
Umwuka wera nk’ umufasha twasigiwe amwigisha
byinshi bimutera kubyandika abifashijemo n’ Umwuka
wera.
UBUHAMYA
Uyu mwanditsi yavukiye mu gihugu cy’ u Rwanda,
Intara y’ uburasirazuba akarere ka NYAGATARE.
Avukira mu muryango ukijijwe akurira mu itorero rya
ANGLICAN CHURCH. Atanga ubu buhamya;
Navukiye mu muryango ukijijwe, nkurira mu itorero
ariko nkura nibwira ko nyijijwe kubera ko ababyeyi
banjye bakijijwe, nyamara nasanze nibeshya cyane
kuko agakiza ni ikinige ntabwo agakiza ari umurage
umubyeyi yagabira umwana ahubwo yamubera inzira
yo kukageraho. Igihe kiragera njya kwiga mu ishuri
IJWI RY’IMPINDUKA 6 | P a g e VOICE OF CHANGES
ryiga ribamo, mfite imyaka cumi n’ itatu nibwo nahuye
n’ ishuti zitakundaga kujya gusenga, kabone ko no
gusenga bitari itegeko.
Nsubira inyuma mu gusenga ndetse ngarutse na korari
nabagamo sinayisubiramo, ariko najya naha mu rugo
nkasenga nkuko bisanzwe. Mu mwaka wa 2018 nibwo
nasubiye muri korari ariko nabwo ntari ntarakizwa
neza. Kuko rimwe na rimwe twajyaga mu masengesho
bashyiraho umwanya wo kwihana, nkumva mfite isoni
nyinshi, nashyikwaho nkatangira gusubiramo ibyaha
abandi bihannye aho kwihana ibyange, kugira ngo
bitagararagara ko ntanze kwihana.
Namaze igihe kinini nsenga nibwira ko nyijijwe, ndetse
nsoma n’ ijambo ry’ Imana nkanarisomera abandi.
Hari ijoro rimwe ntazibagirwa ubwo nari mushya ku
kigo bari bamamagayeho kujya kwigaho nari ryamye,
umuntu araza arankangura, yari akuriye
abanyamasengesho ariko twari tutaramenyana kuko nari
mushya. Arabwira ngo bari barimo gusenga, IMANA
ibatumaho abasore batatu (Najye nari murabo).
Irababwira ngo baze batubwire ngo tuze dukorero
IMANA tutaryarya.
Nabwo najyaga nizera ko Imana yatuma umuntu ku
wundi, kandi sinajyaga nemere ko ndi umunyabyaha
kuko nibeshyaga ko nta cyaha nkora nyamara ntarakira
kristo, uwo muntu ama ibimenyetso, kandi koko
naryaryaga IMANA kuko nasomaga ijambo ry’ Imana
nk’ irigenewe abandi nkaho njye ritandeba. Uwo muntu
IJWI RY’IMPINDUKA 7 | P a g e VOICE OF CHANGES
ambwira ko kandi nahamagawe kujya mu itsinda ry’
abanyamasengesho, ambwira umunsi nzaziraho.
Ariko hariho umunsi ntazibagirwa itariki 24, Mutarama,
2020 byari ku munsi wa gatandatu, uwo munsi
sinzawibagirwa kuko niwo naboneyeho agakiza nyakuri
kabonerwa mu kwizera ko amaraso ya YESU Kristo
akwejejeho ibyaha byawe byose.
Twageze mu mwanya wo kwatura, ngira ubwoba
bwinshi nkuko byari bisanzwe, kuko ninabwo nari
mbonye abantu batuza abandi, ibyaha batatuye, najye
nagezweho nangiye kwatura numva UMWUKA wera
aransanze anyemeza ibyaha, ndatura nakira YESU nk’
Umwami n’ umukiza wanjye, byarwa ubwa kabiri, ngo
anyoborere ubuzima. Nyuma nibwo namenye ko
navukiye muri

MARIKO 8;22 kugeza ku murongo wa 25.

22. Bagera I betsayida bamuzanira impumyi
baramwinginga ngo ayikoreho.
23. Ayifata ukoboko ayisohokana mu kirorero, acira
amacandwe mu maso yayo, ayirambikaho ibiganza
arayibaza ati hari icyo ureba
24. Irarama iramusubiza ati Ndareba abantu ariko
barasa n’ibiti bigenda

IJWI RY’IMPINDUKA 8 | P a g e VOICE OF CHANGES

25. Arongera ayishyira ibiganza ku maso, iratumbera
irakira isigara ireba byose neza.

Najye nari meze nk’ iyi mpumyi, YESU yankozeho

bwa mbere, mvukira mu muryango ukijijwe, najye
nkura nziko ndeba byose, nyamara ndeba abantu basa
nk’ibiti bigenda, YESU aransanga anyemeza ibyaha
byange, najye nemera ko ntareba neza, YESU ankoraho
bwa kabiri, ndahumuka ndeba neza ndatumbera
ndakira. Nibwo namenye ko agakiza atari umurage
ahubwo ari ikinege, Agakiza ni ikinege umuntu ahabwa
ku giti cye, atabihawe n’ undi muntu ahubwo ni impano
y’ imana tubonera muri Kristo YESU.
Ibi kandi, urubyiruko rwinshi, niko babitekereze, kuko
ababyeyi babo bakijijwe bakibwira ko nabo bakijijwe,
ibi nabyo ni ubuhumyi.
Hariho umugabo wari impumyi, rimwe umuntu
aramuhamagara ati “ Ni iki cyatumye uba impumyi,
aramusubiza ati “ sindi impumyi” uwo aramusubiza ati
“ Impumyi se iba imeze ite? ’’Aramubwira ati “
Impumyi ni wa muntu ureba umugore w’ abandi,
akagira ngo nuwe agashaka ngo baryamane, Indi
mpumyi ni wa muntu ureba umufuka wa mugenzi we,
akawitiranya n’ uwe akamwiba, Impumyi kandi ni wa
muntu ureba mugenzi we, akamwitiranya n’ ikindi
kintu, akakimutuka, n’ izindi nyinshi, izo nizo mpumyi.
Rero umuntu wese ukora ibyo gukiranirwa niwe
mpumyi, ariko haracyari amahirwe yo guhumurwa no
IJWI RY’IMPINDUKA 9 | P a g e VOICE OF CHANGES
kwizera amaraso y’ Umwana w’ Imana YESU Kristo.
iki gitabo kizagufasha muri ibi bikurikira;
1. Kumenya impamvu yawe yo kuba uri hano ku isi,
kuko ntabwo wabayeho ku mpamvu y’ impanuka.

2. Kumenya umuhamagaro wawe mu murimo w’

IMANA, kuko buri muntu wese afite icyo IMANA
yamuhamagriye, ahubwo ikibazo , akenshi
ugasanga ibyo dukora bitandukanye nicyo IMANA
iduhamagarira gukora.
3. Kubaho ubuzima busabana n’ Imana, kuko kubaho
ubuzima bwo gusaba IMANA, ntiyibinezeza nk’
uko wabaho ubuzima busabana nayo.

4. Kubaho ubuzima bwo kutiganyira ndetse no

kudatinya, kuko igituma abantu babaho ubuzima
bwo kwiganyira, ni ukubera ko baba babayeho mu
buzima butandukanye nubwo IMANA yabaremeye
kubamo.

5. Kuba umusore cyagwa inkumi y’ icyitegererezo,

mu isi yanduye.

6. Kuba umuntu ufite icyerekezo cyiza, kuko iyo

utageneye ubuzima bwawe icyerekezo, icyerekezo
kibi nicyo kikugenera ubuzima ubamo.
n’ ibindi byinshi byafasha umuntu wese kwaguka.
Murakoze cyane.

IJWI RY’IMPINDUKA 10 | P a g e VOICE OF CHANGES

 Nyimara kwakira Mwuka wera, yaranyoboye ama
inshingano, zikurikira zamfashije kubana n’ urubyiruko
kenshi, ari nayo mpamvu y’ iki gitabo.
1. Yangize umuyobozi w’ ivugabutumwa ku ishuri
nigagaho, mu yandi magambo yangize umushumba
w’ intama ze ku ishuri.
2. Yangize umuyobozi wa korari ya Anglican ku
ishuri.
3. Yangize umuyobozi w’ urubyiruko ku ishuri -
(Youth representative).
4. Yangize umuyobozi wungirije ushizwe ururimi rw’
icyongereza ( V.P of English club and debate)
IJWI RY’ IMPINDUKA.
5. Ndetse yongera no kungira umuyobozi wa korali
mu itorero ryange mu rugo ndetse n’ ukuriye
urubyiruko.
Ibi byose byafashije kubana na bagenzi banjye b’
urubyiruko no kuganira nabo cyane, ndetse bima n’
uburambe mu kumenya, ubushake bw’ Imana ku
rubyiruko.
Ndetse byamaye imbaraga zo kuvugana n’ abantu
binyuze mu nyandiko,hamwe na MWUKA WERA
bishobozaza kwandika igitabo cyabanjirije iki cyitwa;
INGINGO 8 ZO KUGUMA MU BUSHAKE BW’
IMANA.
RUBYIRUKO MUZE DUKORE UBUSHAKE BW’
IMANA MURI IYI SI YANDUYE.
IJWI RY’ IMPINDUKA.
IJWI RY’IMPINDUKA 11 | P a g e VOICE OF CHANGES
 INGINGO Z’ IBANZE.
INGINGO YA MBERE: GUKIZWA NEZA.
Niba ushaka kuba inkumi cyagwa umusore w’
icyitegererezo mu isi yanduye ugomba gukizwa neza.
Dushingiye ku buhamya natanze, nibwiraga ko
nyijijwe, kuko navugaga ko ntakora ibyaha nk’ibyo
abandi bagenzi bajye bakora, nyamara umuntu wese
azabazwa byose yakoze, yavuze kuko nibyo
bizamushinja,
MATAYO 12; 36 Haravuga ngo “ Kandi ndababwira
yuko ijambo ry’ imfabusa ryose abantu bavuga,
bazaribazwa ku munsi w’ amateka”.
Niba nibyo uvuga byose utebya, uzabibazwa, urumva
ubwami bw’ IMANA uzabuhabwa?, kwihana nibwo
buryo bwo kongera kwiyunga n’ IMANA, kandi
umuntu wese utarabyarwa uba kabiri, ntazinjira mu
bwami bw’ Imana.( Yohana 3; 3,5).
Nituvuga gukizwa neza, utumva ko habaho gukizwa
nabi, kuko ntabwo biba bikiswe gukizwa ahubwo ni
ugukiranirwa, ndetse ni uburyarya bukabije.
Hari inshuti yange yigeze kumbwira ubuhamya, ukuntu
yatumiye inshuti ye, ngo imusure ku rusengero
yasengagaho, ariko ntabwo iyo nshuti ye yakundaga
gusenga, barajyana binjiye basanga korali irimo
kuramya, iyo nshuti ye ihita isohoka, arayikurikira
ayibaza impamvu ihise isohoka, iramubwira ngo uriya
IJWI RY’IMPINDUKA 12 | P a g e VOICE OF CHANGES
mukobwa urimo gutera indirimbo, ndamuzi twakoranye
amahano, kandi yaciye ibintu hanze, sijye ngenyine
umuzi ni umusambanyi. None nge nabashe gufashwa
nte, ariwe urimo gutera indirimbo?. Birangira atashye.
Ikibazo gihari hari abagumye ku muryango w’ agakiza
banze kwinjira kandi babujije n’ abandi kwinjira,
nonese urumva uwo muririmbyi atarabujije undi
kuguma munzu y’ IMANA kubera uburyarya bwe. Niba
ushaka kuba icyitegerezo ni uko ubanze kwihana
ukerera abandi imbuto z’ agakiza.
Kandi ibi bibazo byugariye itorero, impamvu ni uko
abantu bibwira ko, Gukizwa ari ukubatuka gusa, Oya si
kubatuka gusa ahubwo , Gukizwa ni ukuva mu bubata
bw’ ibyaha ugahita uba imbata ya YESU Kristo, si
ukubatuka gusa, ahubwo ni ukuva mu bubata bumwe
ujya mu bundi bubata.( ABAROMA 6;1)
Gukizwa ni uguhindura umukoresha, wakoreshwaga na
Satani, ugahita utangira gukoreshwa na YESU Kristo,
apana kwigenga no kwiyobora.
Umuvugabutumwa witwa EV HUDUMA James
yaravuze ngo, Gukizwa ni ukwimura wowe muri wowe,
ukimika kristo muri wowe. Igihe cyose ugifite wowe
muri wowe ntabwo urakizwa.
Na bibiriya ibivugaho neza, muri ( 2 ABAKORINTO 5;
17) haravuga ngo “ Iyo umuntu ari muri Kristo YESU
aba ari icyaremwe gishya, ibya kera biba bishize. Dore
byose biba bihindutse bishya’’.
Igihe ni iki cyo kwatura kuko;
IJWI RY’IMPINDUKA 13 | P a g e VOICE OF CHANGES
Uhisha ibicumuro bye ntazagubwa neza, ariko
ubyatura akabireka azakizwa (IMIGANI 28;13 )
Kandi ibyaha bituma umuntu ahura n’ ibyago byinshi
ndetse, rero igihe ni iki cyawe ngo ucunguze ubugingo
bwawe kwakira YESU Kristo.
( YOHANA 5;14) Haravuga ngo ‘’ Hanyuma y’ ibyo
YESU amubona mu rusengero aramubwira ati Dore
ubaye muzima, ntukongere gukora icyaha utazabona
ishyano riruta irya mbere’’. Mugenze wanjye hunga
umujinya ugiye kuzatera.
AMAHAME Y’ AGAKIZA.
1. Gukizwa ni iby’ umuntu ku giti cye. Umuntu
yagufasha kugusengera ariko ntiyaguhindukirira,
guhinduka ni ibyawe ku giti cyawe . Agakiza si
umurage umuntu yakuraga, kuko gukizwa bisaba
kureba imbere, ntabyo kureba inyuma.
Ariko YESU arababwira ati ‘’Nta muntu ufashe
isuka ureba inyuma, ukwiriye ubwami bw’
Imana’’. ( LUKA 9;62).
Umuntu wese wakiriye YESU akwiriye guhoza
amaso ku biri imbere , agatumbira YESU wenyine,
ntabyo kureba inyuma.
Ese ubundi umuntu akizwa iki?
 Umuntu akizwa urupfu rw’ iteka. Iyo wakiriye
YESU nk’ Umwami n’ umukiza wawe, agukiza
kurimbuka kuzabaho kw’ iteka ryose.
 Umuntu akizwa imbaraga z’ icyaha. Iyo uri muri
Kristo Yesu ntabwo uba ukiri imbata y’ icyaha,
IJWI RY’IMPINDUKA 14 | P a g e VOICE OF CHANGES
 ntabwo kiba kikigufiteho ubushobozi. Umwuka
wera niwe uba abaye umuyobozi wawe,
akakurinda, ugahora wezwa.
IJWI RY’ IMPINDUKA.
 Umuntu akizwa ingaruka z’ icyaha. Bya bindi
byose biza nk’ ingaruka zo gukora icyaha, iyo
uhuye na Yesu arabigukiza.
2. Gukizwa birashoboka. Impamvu gukizwa neza
bishoboka, ni uko udusaba gukizwa, ariwe
ubidufashamo. Ibi bihe turimo dufite amahirwe
menshi, yo gukizwa kuko dufite ni Umwuka wera
wo kubidufashamo. Kera mbere y’ ivuka rya
YESU Kristo Umwami wacu, agakiza kari kagoye
ariko, ikibazo ni uko naya mahirwa dufite
tutayabyaza umusaruro.

-Hariho impanza z’ abasinziriye tutazabasha gucika

kubera kwihugiraho:
Urubanza rwa ab’ iSodoma n’ iGomora, bazaza
batubwire ngo “ Twe twaracuye dukora ibyaha
byinshi n’ ubutinganyi, Imana iturimbuza umuriro
ukomeye turarimbuka twese, ariko ubutumwa
bwiza bwavugiwe iwanyu, bibiliya mwasomaga,
ibitabo by’ indirimbo mwagiraga,
abavugabutumwa mwumvaga, buri cyumweru
mwasengaga, iyo biza kuvugirwa iwacu umunsi
umwe, twese tukumva inkuru y’ agakiza, twari
gushyira amavi hasi tukarira tukihana, ariko mwe
mwari mubifite tugiye kurimbukana’’. Urumva

IJWI RY’IMPINDUKA 15 | P a g e VOICE OF CHANGES

 urwo rubanza uzarucika? Mugenze wanjye hunga,
ukize ubugingo bwawe urupfu rw’ iteka.

-Urubanza rw’ abakene bo hambere y’ ivuka rya

YESU KRISTO, bazatubwira ngo “ Twe
twaracuye dukora ibyo gukiranirwa, ariko kuko
twari dukennye, nta mwana w’ intama twari dufite
ngo tumutambe dutwikirirwe ibyaha byacu,
twirukanse ku ntuma y’ intungura, ariko kuko twari
tunaniwe nitwayifata, dupfira mu byaha gutyo,
none tugiye kuririmba, ariko wowe wari ufite
amahirwe menshi, yo kwatura gusa, ukihana,
ukizera ko amaraso ya YESU KRISTO, akwejejeho
gukiranirwa kose, ukababarirwa, none tugiye
kurimbukana? Urumva urwo rubanza uzarucika?
Mugenzi wanjye bitekerezeho neza wumve ko
ukwiriye kwicececyera? Hunga umujinya uzatera,
ukize ubugingo bwawe.

Urubyiruko rwinshi ntabwo baba bashaka kumva

inkuru ya agakiza, najye niko nari meze, nkumva
nijya gusenga nshaka ko bigisha ku nkuru zifasha,
kuruta inkuru y’ agakiza, ariko aho amaso yanjye
yahwejeshejwe, nta kinduturi inkuru y’ agakiza.
Niba ushaka kuba umuntu w’ ikitegererezo, kuda
inkuru y’uko wacunguwe. Kuko kwihana ni
urufatiro rw’ ubuzima bwawe bwose kandi ni
urufatiro rw’ amahirwe yose uzagirira muri iyi si.

IJWI RY’IMPINDUKA 16 | P a g e VOICE OF CHANGES

 - Urubanza rwab’ I Neneve, ku gihe cya Yona; Bo
bazaza batubwire ngo “ Twaracumuye, dukora
ibyo gukiranuka, ariko Imana yohereza umuntu
umwe ariwe Yona, ngo atubwire ibyo gucungurwa,
ko nitutihana Imana izaturirmbura, bigeze ku
mwami, ategeka kwiyiriza ubusa, twese tukihana
kugira ngo tubabarirwe, turamwumvira turihana
ntitwarimbuka, kandi nubu tubonye ubugingo
buhoraho, ariko mwe, Imana siyabohereje umuntu
umwe gusa, ahubwo mwahoraga mu byumva,
mubisoma, mubireba ku mbugankoranyambaga,
mu ibitabo by’ indirimbo mu biririmba, mu
biterene mubyumva, none mugiye kurimbuka”.
Mugenzi wanjye, bitekerezeho neza wumve ko
uzabasha gutsinda urwo rugamba, igihe ni iki ngo,
uhunge isi y’ ubu irashukana, kiza ubugingo
bwawe kurimbuka.

3. Gukizwa bigira inyungu, bigira inyungu ebyiri

zikomeye cyane.
- Inyungu ya mbere, ni ukumenya YESU Kristo,
Agakiza gatuma umenya icyo kristo ashaka,
akunda, nicyo yanga, bigatuma ubaho ubuzima
bwo ashaka ko ubamo.

- Inyungu ya kabiri, ni ukumenyekanisha YESU

Kristo, Agakiza kagira umumaro, igihe kabaye
umusemburo w’ agakiza ku wundi muntu. Ikintu
cyose uzakora mu murimo w’Imana kitazana
IJWI RY’IMPINDUKA 17 | P a g e VOICE OF CHANGES
 impinduka, icyo kiba gikozwe kubw’ inyungu
zawe atari kubw’ inyungu z’ ubwami. Kuko
inyungu z’ ubwami zizana impinduka y’ agakiza
ku bantu.

Gusenga k’ umuntu kugira umumaro, igihe

bibaye umusembura w’ agakiza k’ uwundi
muntu. Niyo nyungu y’ agakiza.

4. Gukizwa ni intabwe eshatu;

- Intabwe ya mbere, ni ; Guhindukira, iyo umuntu
atarakizwa aba ari mu nzira yo kurimbuka, ariko
iyo ahuye na Yesu arahindukira agatera
umugongo inzira yo kurimbuka. Iyo ahindukiye,
ntabwo ahagarara aho. Hajyaho indi ntabwe.
- Intabwe ya kabiri, ni; Guhinduka, iyo umuntu
ahindukiye, atangira kubaho ubuzima bwo
guhinduka aribwo buzima bwo gukura, gusoma
ijambo ry’ Imana, guterana kwera, kugirira
inyota ibyanditswe byera, kuyoborwa n’
umwuka, gukura ingeso zawe muri wowe,
ukimika kristo muri wowe.
- Intabwe ya gatatu, ni, Guhindura abandi, Iyo
umaze guhinduka, uhita ubaho ubuzima bwo
kwigisha abandi ngo nabo bahinduka. Aribyo
twavuze hejuru byo kumenyekanisha kristo.
Kandi ninayo ntego Umwami yadusigiye, yo
kugenda mu bihugu twigisha ubutumwa bwiza
duhindura abantu abigishwa, bamara guhinduka
IJWI RY’IMPINDUKA 18 | P a g e VOICE OF CHANGES
 bagahindura abandi, gutyo gutyo tugakora icyo
Umwami yadusigiye( MATAYO 28:16-19).

Kandi mu ijuru hazajyayo abigishwa, kuko

YESU ashaka ko abantu bose bo mu mahanga
baba abigishwa. Kandi iyo ubaye umwigisha,
uhita ufata ishingano yo gukora ibyo Yesu
yabwiye abigishwa.

Kuba isi yanduye, si ikibaza cy’ imyuka mibi

yiyongereye, ahubwo ni ikibazo cy’ abantu
batarimo gukora icyo YESU yasize avuze ngo
dukore.

Umunezero wawe wose Imana yawusize mucyo

yaguhamagariye gukora, aricyo kuba
Umwigishwa.
IBINTU BITATU BIRANGA ABIGISHWA BA
YESU KRISTO.
Bibiliya itubwira ibintu bitatu biranga abigishwa ba
YESU nyakuri.
 Kugira urukundo { Yohana 13: 35}
 Kuguma mu ijambo ry’ Imana { Yohana 8:31}
 Kwera imbuto nziza {Yohana 15:8}
Wakibaza ngo “Ese ni ibihe bintu bishobora kuranga
urubyiruko rw’ icyitegererezo muri iyi si yanduye,
bishingiye kuri bibiliya?’’.

IJWI RY’IMPINDUKA 19 | P a g e VOICE OF CHANGES

BIRINDWI BIRANGA UMUKOBWA CYAGWA
UMUSORE W’ICYITEGERERZO MU ISI
YANDUYE.
Ngibi ibintu 7 biranga umukobwa cyangwa umusore
w’ icyitegererezo mu isi yanduye;
 Agomba kuba yarahuye na YESU akaba
icyaremwe gishya. { 2 Abakorinti 5:17}
 Kwizera Imana { Abaheburayo 11:6}
 Kwihangana { Yakobo 1:12}
 Gukunda gusenga{1 Abateselonike 5:17}
 Kubabarira{ Abefeso 4:32}
 Kugira umutima wihana icyaha { Imigani
28:13}
 Gusoma Ijambo ry’ Imana nk’ uko bikwiriye.{
Yohana 8:31}
Wowe, wasomye ino ngingo ukaba utarakizwa, hunga
uve mu bubata bwa Satani, hunga umujinya ugiye
kuzatera ukize ubugingo bwawe kuko ibyisi
ntamumaro,hunga kuko aya niyo mahirwe yawe
ubonye, ushobora kuba wasenganga bisanzwe ariko uri
mu kivunge utabyitayeho, hunga, ushobora kuba
wotaga igicaniro cy’ abandi ariko iwawe ntacyo ugira,
hunga, Ushobora kuba wari umuririmbyi cyagwa
umuvugabutumwa mu nzu y’ Imana, ariko wagera
hanze ukambara indi shusho, hunga, Ushobora kuba
wakoraga ibyaha ariko ugakora imirimo myiza yo
gufasha, kwitanga, ukibwira ko bitwikira gukiranirwa

IJWI RY’IMPINDUKA 20 | P a g e VOICE OF CHANGES

kwawe, uribeshya, hunga usange YESU yagutura uwo
mutwaro.

Niba wasomye ino ngingo, ukaba warabyawe bw’

kabiri, warakijijwe bibiliya iravuga ngo { UWIBWIRA
KO AHAGAZE YIRINDE ATAGWA ( 1
ABAKORINTO 10:12)}.
INGINGO YA KABIRI: KUGIRA
UMWIHARIKO WAWE.
Niba ushaka kuba umuntu w’ icyitegererezo muri iyi si
yanduye, ugomba kuba ufite umwihariko wawe.
Kuko Umwihariko wawe nizo mbaraga zawe. Iyo
utakaje umwihariko wawe,uba utakaje imbaraga zawe.
Ubusore n’ ubukumi birashukana, niyo mpamvu
ugomba gutandukana n’ abandi. Kuko iyi si irashaka
kutugira nk’ impuzankano, ngo twese duse,irashaka
kutwambika ishusho imwe gusa.
ISI IKORESHA INZIRA 4 NGO IBUZE
URUBYIRUKO IMBARAGA ZARWO ZO
KUGIRA UMWIHARIKO.
1. Gukoresha ikigaare
Isi yifashisha ikigaare, cyagwa mugenzi wawe, ngo
yambutse kutagira umwihariko ku rubyiruko.
Ariko nk’ urubyiruko rushaka kugira umwihariko
ntabwo uba ugitwadwa n’ ikigare, ngo ukore ikintu
IJWI RY’IMPINDUKA 21 | P a g e VOICE OF CHANGES
cyose kubw’ undi muntu, kuko no muri iyi si turi
abantu billion 8 ariko nta muntu numwe uhuje
igikumwe {fingerprint} n’ undi muntu, rero nawe
ntugashingire ibikorwa byawe ku wundi muntu.
2. Gukoresha imbugankoranyambaga mu guhindura
imitekerereze yawe.
Satani akoresha cyane imbugankoranyambaga, mu
kubuza urubyiruko kugera ku mwihariko wabo.
Binyuze mu kugaburira imitekerereze yabo, mubyo
ubona ku mbugankoranyambaga.
Ubundi umuntu wese aba icyo agaburira imitekerereze
ye. Imitekerereze yawe ntishobora guhinduka keretse
iyo uhinduye icyo uyigaburira.
Ibi kandi biterwa nuko, tugura ibikoresho by’
ikoranabuhanga { telephone, computer n’ ibindi},
turabigura ngo tubitunge, tubitegeke byarangiza akaba
aribyo bidutegeka. Ugomba kubiyobora ntabwo
ugomba kuyoborwa na byo.
Niba ugiye ku mbugankoranyambaga, ugomba
gukurikira abantu uziko bazakugeza ku nzozi zawe,
apana kubona ibyo ubonye byose ngo uhite ubiha
umwanya wawe. Ikintu uhaye umwanya wawe,
kikugiraho ingaruka zikomeye, urugero
Hari incuti yanjye yambwiye inkuru zabereye mu
bihugu bya’ abaturanyi ngo “Hari ikigo kigeze
kugararagaramo imico mibi y’ ubusambanye ndetse no
gufata ku ngufu, icyo kigo kizana abazungu ngo baze
IJWI RY’IMPINDUKA 22 | P a g e VOICE OF CHANGES
bigishe uburyo bwo kwirinda uko gufata ku ngufu
kwabayeho ngo kutazasubira. Abazungu baje bigisha
abana kwikinisha ngo bigabanye gufata ku ngufu kw’
abana b’ abakobwa. Noneho abantu bose babyumvishije
bikabajya mu mitekerereze, bahise badura icyaha cyo
kwikinisha.
Uku si ugucyemura ikibazo ahubwo ni uguteze ikindi,
rero wowe nk’ umusore w’ icyitegererezo ugomba
kumenya ibyo ugaburirira imitekerereze yawe. Kuko
umuntu wese aba icyo agaburiye imitekerereze ye.
3. Amabanga y’ ibyo ukorera mu ibanga.
Satani akoresha ibintu bibi bibera mu ibanga, kugira
ngo abuze urubyiruko kugera ku mwihariko warwo.
Ibyo umuntu akorera mu ibanga, bigira imbaraga
zituma uba ukomeye cyagwa usuzuguritse muri
rubanda.
Niyo mpamvu buriya, ubukristo sicyo umuntu akorera
muri rubanda ahubwo ubukristo nicyo umuntu akorera
mu ibanga{ mu rwihisho}
Iyo umuntu agiye akaryamana n’ undi mu ibanga, icyo
ni icyaha baba bakoreye mu binga, ariko igihe kiragera
bikagaragarira muri rubanda, umwe ashobora kwandura
indwara zitandukanye cyagwa undi agasama inda
ikagaragarira muri rubanda. Iyo bibaye, ibi
bikwangiriza izina ndetse bikagusuzuguza muri
rubanda.

IJWI RY’IMPINDUKA 23 | P a g e VOICE OF CHANGES

Ku rundi ruhande, iyo ugiye ugasengera mu binga,
ugakiranukira mu binga, ukerere imbuto nyinshi mu
ibanga , ugafasha mu ibanga, ibyo byose imana
ibikwiturira muri rubanda, kandi byarabereye mu
ibanga.
Bishatse kuvuga ko rero icyo ukoreye mu ibanga kigira
imbaraga zo kukubaka cyagwa kikagusenya muri
rubanda. Rero amahitamo ni ayawe. Niba ushaka
kugera ku ntego yawe, ujye ubisengera mu ibanga.
Erega burya, ibyo dukora sibyo bivuga abo turibo,
ahubwo abo turibo hariya hanze, nibo bavuga ibyo
dukora.
Ntabwo nzakubonana bibiliya, ngo mvuge ko ukijijwe,
ahubwo uwo uriwe hanze niwe uzanyemeza ko ukijijwe
nyakuri. Apana ibyo kuba umuririmbyi ku cyumweru,
ku wambere ukaba umusizi, kuwagatanu ukaba
umubyinnyi mu kirori, ibi nibyo Satani akoresha ngo
yice icyerekezo cy’ umuntu.
4. Kuguhindura icyuma gicurwa.
Satani akoresha abandi bantu mu guhindura imico
yawe, ubukristo bwawe, n’ibindi kuko muri iyi si, { Iyo
utemeye kuba icyuma gicura uhinduka icyuma
gicurwa}, mu yandi magambo, iyo utemeye kubaho
ubuzima bwo guhindura abandi nkuko YESU yasize
avuze, ubaho ubuzima bwo guhindurwa n’ abandi.
Mugenzi wanjye rero umenye ubwenge, wibaze uti
“Ese abantu mbana nabo buri munsi, ndimo ndakora
IJWI RY’IMPINDUKA 24 | P a g e VOICE OF CHANGES
umurimo wo kubahindura cyagwa nibo barimo gukora
umurimo wo kumpindura?”. Igisubizo kiguhe
amahitamo meza.
Erega buriya muri iyi si ujye uhora uzirikana iki “
Umwanzi wawe mu buzima ni wowe, kandi n’ incuti
yawe mu buzima ni wowe” gutya;
Iyo ufashe umwanzuro mubi mu kwica ubuzima
bwawe{ Gukora ibyaha no gukiranirwa}, uba uhindutse
umwanzi w’ ubuzima bawe, kandi nanone, iyo ufashe
umwanzuro mwiza w’ ubuzima bwawe{ Kuva mu
byaha ugakiranuka}, uba uabaye inshuti y’ ubuzima
bwawe. Ujye umenya ko imico yawe mibi igaragaza
ishusho ya Satani n’ imico yawe myiza igararagaza
ishusho y’ Imana. Ese wowe uri inshuti cyagwa
umwanzi w’ ubuzima bwawe? Igisubizo kiguhe
amahitamo meza.
INTAMBARA 3 TURWANA NAZO N’ UBURYO
BWO KUZITSINDA
1. INTAMBARA Y’ UMUBIRI.
Intambara y’ umubiri ni intambara ya mbere twese
turwana nayo, iyi ntambara itsindishwa no GUSENGA.
Gusenga niyo ntwaro yonyine inesha umubiri, kuko
umuntu ufite amasengesho muri we, umubiri ntuba
ukimufiteho ububasha ahubwo, umwuka wera niwe uba
umuyobora.

IJWI RY’IMPINDUKA 25 | P a g e VOICE OF CHANGES

 2. INTAMBARA Y’ ISI.
Intambara y’ isi ni intambara ya kabiri twese turwana
nayo, iyi ntambara itsindishwa no GUCECEKA.
Guceceka niyo ntwaro yonyine umuntu atsindisha isi,
umuntu uzi guceceka mu bigereragezo, uwo yanesha
isi, Umusore uzi guceceka, Imana imurinda isi kuko isi
iba ifite intego nk’ iya DERIRA yari afite, avuga ngo “
Ni gute uyu musore SAMUSONI nawe namugira nk’
abandI basore”. Ntuzigere na rimwe wemerera ururimi
rwawe kururekurira ab’ isi. Mwige guceceka kuko
nibwo n’ Imana izabarinda abameze nka Derira ndetse
na Muka Potifari.{ITANGIRIRO 39:7}.

3. INTAMBARA YA SATANI.
Intambara ya gatatu, ni intambara ya Satani, twese
turwana nayo, iyi ntambara itsindishwa n’ IJAMBO
RY’ IMANA.
Umuntu ufite Ijambo ry’ Imana, niwe ufite intwaro yo
kunesha satani. Mugenzi wanjye rero kugandukira
IMANA, ugasoma Ijambo ry’ Imana, Satani we ubwe
araguhunga .
Kandi niba ushaka kugira imibereho myiza kurikiza,
Ijambo ry’ Imana
{ ZABULI 119:9} Haravuga ngo “Mbese umusore
yagenza ate, kugira ngo agire imibereho iboneye?.
Yakurikiza ijambo wavuze”.
IJWI RY’IMPINDUKA 26 | P a g e VOICE OF CHANGES
Gukurikiza ijambo ry’ Imana ntabwo ari ukurisoma
gusa, ahubwo ni ukurisoma warangiza ukanarikurikiza,
bikakuzanira imibereho myiza.
DORE IMIRONGO IBIRI Y’INGENZI MURI
BIBILIYA SATANI ADASHAKA KO
URUBYIRUKO RUYIMENYA.
 { YAKOBO 4:7} Haravuga ngo “Nuko rero
mugandukire Imana, ariko murwanye Satani
nawe azabahunga”.
Iri jambo, ntabwo Satani aba ashaka ko urubyiruko,
ruwumenya kuko azi neza imbaraga z’ ijambo ry’
Imana, rero mugenzi wanjye menya neza ko nuramuka
urwanije satani azaguhunga, umurwanisha ijambo ariko
Gusoma buri gihe Ijambo ry’ Imana.
 {1 YOHANA 4:4} Haravuga ngo “ Bana bato,
muri ab’ Imana kandi babandi
mwarabanesheje, kuko uri muri mwe aruta uri
mu b’ isi”.
Iri jambo ntabwo Satani yifuza ko urubyiruko, ruyifata
mu mutwe kandi ntiyifuza ko barimenya kuko ririmo
imbaraga zamushyira hasi, igihe umuntu yaryumvise
akarigenderaho, ni ukuri turi ab’ Imana kandi Satani
twaramunesheje kuko uri muri twe aruta uri mu b’isi.
Rero izere Imana n’ Umwami wacu YESU Kristo ibindi
byose uzabyongererwaho.
Erega burya, ibiri muri iyi si byose ni ibyacu, kandi na
so wo mu ijuri aziko tubikeneye, ahubwo tubanze
IJWI RY’IMPINDUKA 27 | P a g e VOICE OF CHANGES
dushake ubwami bwo mu ijuru ibindi byose
tuzabyongererwaho.
{ LUKA 12: 30-31} Haravuga ngo “Ibyo byose abo mu
isi nibyo bashaka, burya so aba aziko namwe
mubikennye. Ahubwo mushake ubwami bwe, kuko ari
ho ibyo muzabyongerwaho.
Humura ibyo byose bikuremereye, ushaka byihanganire
so aziko ubikwiriye, rero banza ushaka ubwami bw’
Imana no gukirinanuka kwayo, ibindi izabikora.
IBIBAZO BIBIRI BY’ URUBYIRUKO RUFITE,
BITUMA IMANA ITABASUBIZA IBYIFUZO
BASENGEYE.
 Ikibazo cya mbere, Twanze kurekura ibyo
dufite, ngo twakire ibyo Imana ishaka kuduha.
Urugero, Ese nguhaye inkoni mu kubuko
kumwe, ukundi nkaguha inkota ukayifata,
narangiza nkakongera indi nkota wabona aho
uyishyira? Ntaho wabona byagusaba ko
ubanza kugira ibyo ushyira hasi kugira ngo
ubone uko wakira ibindi.
Rero, hari igihe Imana iba ishaka kukugirira
neza, yareba mu mutima wawe igasanga
wujujemo ibintu byinshi [ Ibyaha, Urwangano,
Amashyari, Inzika, Agahinda, n’ ibindi byinshi
], rero biragusaba ko ubishyira hasi
ukabyihana, noneho ukirebera imirimo myiza
Imana igukorera.

IJWI RY’IMPINDUKA 28 | P a g e VOICE OF CHANGES

  Ikibazo cya kabiri, Ibyakaduhaye imbaraga,
nibyo byatubujije imbaraga. Hari igihe
usengera imodoka, Imana yayiguha aho kugira
ngo uyikoresha mu kubaka ubwami bw’
Imana, ndetse ikakwihutisha kugera mu nzu y’
IMANA, Warangiza ugatangira kuvuga ngo
wagize akazi kenshi.Bikakubuza kwegerana n’
IMANA.

INGINGO YA GATATU: KUGIRA

ICYEREKEZO CYANGWA INTUMBERO
NYAYO.
Niba ushaka kuba, umusore cyagwa umukobwa w’
icyitegererezo mu isi yanduye, ujye ubaho ubuzima
bufite intego, bufite icyerekezo nyacyo.
Ikintu cya mbere ugomba kumenya udashidikanya
nuko, hari impamvu ikomeye itumye ubaho, hari ibintu
byinshi Imana yagushyizemo, isi ikeneye. Isi ikeneye
impinduka nyinshi zawe, kuko kuba uriho si impanuka.
Ahubwo kuba ubyuka bigakunda, ni andi mahirwe
Imana iba iguhaye, kugira ngo ahari irebe ko ibyo
yaguhaye wabikoresha mu guhindura isi yanduye.

IJWI RY’IMPINDUKA 29 | P a g e VOICE OF CHANGES

Ubundi buri muntu wese yavukanye umufuka wuzeye,
uwo mufuka uba wuzuyemo ibintu byose Imana
yagutumye mu guhindura ino si yanduye. Uko ukoresha
uwo mufuka ukora icyo Imana yaguhamagariye aribyo
kuvuga ubutumwa, kubwira abantu inkuru nziza y’
agakiza, gufasha abandi, kuyobora intama zayo zaba
zayobye inzira, n’ ibindi byinshi bihindura isi. Rero uko
ubikora uba urimo kugabanya byabindi Imana
yagushyiriye muri uwo mufuka. Niyo mpamvu Pawulo
yavuze ngo meze nk’ ibisukwa ku gicaniro, ibyo
Umwami yantumye ndabishoje, ni uko yari amaze
umufuka we.
Ariko kandi iyo utabikoresheje, uzabibazwa kandi
bizakujyana no murubanza, ndetse iyo upfuye bipfana
nawe ariko bigahora bikwishyuza impamvu utabikoze
aho uzaba usinziriye.
Ikindi gikomeye ku munsi w’ urubanza, Imana
izakubaza umufuka yaguhaye ngo igushyiriremo
ingororano, niba warawumaze warakoze ibyo Imana
yagutumye byose, uwo mufuka izawuzuza ingororano.
Ariko kandi niba utarabikoze ubwo nta ngororano
uzahabwa, ntaho waba warakijijwe uzahabwa ubugingo
buhoraho, ariko ingororano zizahabwa bitewe nibyo
umuntu yakoze. Rero shakashaka uko wamara umufuka
wawe utazicuza birushaho.
Ikibazo dufite twishimira gupfa dushaje, aho
kwishimira gupfa dushoje. Kuko nibwo tuba dupfuye
neza. Urugero
IJWI RY’IMPINDUKA 30 | P a g e VOICE OF CHANGES
Ese uguze ikaramu mu iduka, ukayibika imyaka 30
ukazasanga yarapfuye, no kuyigura ukayikoresha
umunsi umwe igashira, ni iyihe yakoze ibyo yaremewe?
Ni iyo wakoresheje igashira , nonese ipfuye ishaje
cyagwa ipfuye ishoje?
Ipfuye ishoje kuko icyo yaremewe yagishoje. Ni ko ni
umuntu upfuye ashoje aba agiye neza naho yaba akiri
muto. Urugero Umwami wacu YESU kristo yatanze
ashoje icyo
IMANA yamutumye nyamara ntiyari ashaje, yari akiri
Urubyiruko n’ Imyaka 33. Niyo mpamvu ariwe rugero
rw’ urubyiruko mu gusoza icyo Imana yaduhaye gukora
muri iyi si yanduye.
Ese wari uziko muri iyi isi, iyo umuntu apfuye, hari
umuntu upfa Imana ikamubara nkaho atabayeho, kuko
ntacyo yakoze ngo ahindure isi kandi Imana
yaramuhaye ubwo bushobozi, hari n’ umuntu upfa
Imana ikamubara nk’ umuntu wabayeho kuko aba
yarazanye impinduka nziza mu isi nkuko Imana
yamutumye.
Ese wowe umufuka wawe ugeze he? Igisubizo kiguhe
amahitamo aboneye.

IJWI RY’IMPINDUKA 31 | P a g e VOICE OF CHANGES

IBYICIRO BITATU BY’ IGIHE CY’ UMUNTU,
NICYO GUKORAMO.
1. IGIHE URI UMWANA. { Igihe cyo kurerwa no
gukora ibyo utazi}
Igihe umuntu ari umwana, ni igihe twese twaciyemo,
igihe ibyo ukoreramo uba utabizi. Ntabwo uba uzi
icyiza n’ ikibi. Kandi tuba tutarafata imyanzuro y’uko
tuzabaho ndetse ntanamahitamo tuba dufite. Icyi gihe
gitegura igihe cy’ ubusore n’ ubukumi.
2. IGIHE URI MU BUSORE CYAGWA UBUKUMI
BWAWE. { Igihe cyo gutera imbuto}
Icyi gihe, ni igihe cyitwa, igihe cyo gutera imbuto, aha
ubyitondere cyane. Iki nicyo gihe twese turimo. Iki ni
igihe cyo kubiba imbuto, nuyibiba neza uzasarura
byinshi, ariko kandi nuyibiba nabi, ntacyo uzasarura.
Ubusore busobanuye imbuto, ishobora kuzakurumbira
cyagwa ikakwerera ibizagutunga bitewe n’ uburyo
uyibibye.
Ibyo ubibye uri umusore cyagwa inkumi, nibyo
uzasarura mu busaza bwawe.Uno mwanya ufite nonaha,
ni amahirwe yo kubaka ejo heza ushaka.
Ibyo umuntu akora akiri umusore ubisanga imbere, ibyo
bijya bituma wishima cyagwa ukicuza, buri mwanzuro
ufata ukiri umusore, ukugarukira ugeze mu busaza
bwawe.

IJWI RY’IMPINDUKA 32 | P a g e VOICE OF CHANGES

Niba ushaka kuba umusore w’ icyitegererezo, ugomba
guha agaciro iby’ agaciro kuko nibyo biguhesha
agaciro. Iteka ujye uzirikana iki;
Imana yashyize agaciro mubyo iha agaciro, rero ujye
uha agaciro ibyo Imana iha agaciro kuko nibyo
bizaguhesha agaciro, kandi bikagufasha gusingira iby’
Imana ishaka kuguha. Mu yandi magambo, Imana
yashyize imigisha yawe yose, mu byo iha agaciro. Niba
ushaka imigisha yawe Imana yakugeneye, ujye uha
agaciro ibyo yo iha agaciro. Noneho wakwibaza ngo
niki Imana iha agaciro?
IBINTU BITATU IMANA IHA AGACIRO KURUSHA
IBINDI.
1. AGAKIZA.

Agakiza nicyo kintu cya mbere Imana iha agaciro, niko

katumye Imana yo itanga Umwana wayo w’ ikinege
ngo tubashe kukabona.
{YOHANA 3:16} Haravuga ngo “Kuko Imana yakunze
abari mu isi cyane, byatumye itanga umwana wayo w’
ikinege, kugira ngo umwizera wese atarimbuka ahubwo
ahabwe ubugingo buhoraho”
Imana yashatse kuduha ubugingo buhoraho, ibinyuza
mu gutanga umwana wayo,ngo tumwizere tubone ubwo
bugingo, iki nicyo Imana iha agakiro kurusha ibindi.
Ikigaragaza ko iha agaciro kenshi agakiza. Ni uko
byageze naho itanga umwana wayo ngo atubere
incungu.Agakiza ni ryo rembo ryonyine rikugeze mu

IJWI RY’IMPINDUKA 33 | P a g e VOICE OF CHANGES

byo Imana yaguhamagariye muri iyi si, kandi rikaba ari
naryo rikwinjiza mu bwami bw’ Imana.
Ikibazo ibyo twe duha agaciro, usanga bidusaba ikiguzi
kinshi, ariko icyo Imana iha agaciro ni ubuntu. Agakiza
twahawe ni ubuntu, nta kiguzi bisaba.
Nuramuka ukijijwe neza ukabyarwa bwa kabiri, uzaba
ugeze mu cyo Imana iha igaciro kandi nawe uzaba uw’
agaciro, ube ugeze mu bushake bw’ Imana kubwo guha
agaciro icyo Imana iha agaciro.
Ijambo ry’ Imana ni cyo kintu Imana iha agaciro cya
kabiri, rero niba ushaka kuba umusore w’
icyitegererezo, ujye usoma ijamabo ry’ Imana
unarishyire no mu bikorwa ubihe agaciro, kuko nubiha
agaciro uzaba uhaye agaciro ibyo Imana iha agaciro,
bizakuyobora bikugeze ku ntego yawe, ndetse no mu
bushake bwayo.
Ijambo ry’ Imana, niryo rituyobora muri iyi si, rero
utayobowe n’ Ijambo, ntabwo waba inkumi cyagwa
umusore w’ icyitegererezo kuko udafite uwo mwihariko
wo kuyoborwa n’ Ijambo.
Ijambo riguha icyerekezo, Ijambo riguha umwihariko,
Ijambo rikurinda gutwarwa n’ iby’isi, Ijambo
rirakwagura, Ijambo rigukuramo ubunebwa ukaba
umunyamwete,
Ijambo riguha ubwenge, Ijambo riduha kuguma mu
buntu bw’Imana , ubuntu bukaduha abantu, abantu

IJWI RY’IMPINDUKA 34 | P a g e VOICE OF CHANGES

bakaduha ibintu. Ijambo kandi ritwigisha gukoresha
amaboko yacu, bikatugeze ku ntego zacu.

2. GUSABANA NAYO.
Icya gatatu Imana iha agaciro ni ugusabana nayo. Niba
ushaka kuba umusore w’ icyitegererezo, uhindure
uburyo bwo usengamo.
Uve ku gusenga ko gusaba, ujye ku gusenga ko
gusabana n’ Imana. Wakwibaza ngo gusenga nyako ni
gute ndetse no gusabana n’ Imana ni gute?
-Gusenga nyako si ugusenga ngo Imana ikubone, Oya
Gusenga nyako ni ugusenga ngo wowe ubone Imana.
Kuko iyo ubonye Imana uba ubonye ibyo ushaka byose.
Ikibazo turasenga ngo “MANA ndashaka ko umbona
naje mu nzu yawe aho gusenga ngo MANA nkubone
naje mu nzu yawe, kuko yo no hanze iba ikubona”.
-Gusenga nyako si ugusenga ngo Imana ikumve, Oya
ahubwo gusenga nyako ni ugusenga ngo wowe wumve
Imana. Kandi nuramuka wumvishije Imana, uba ugeze
mu migisha yawe. Ikibazo turasenga ngo “ Mana ndi
imbere yawe unyumve, aho gusenga ngo Mana ndi
imbere yawe nkumve kuko iyo wumvishije Imana uba
ugeze mu migisha yawe”.
-Gusenga nyako si ugusenga usaba, ahubwo gusenga
nyako ni ugusenga usabana n’ Imana, kuko iyo buri
gihe usenga usaba, ni ikimenyetso cyuko udakunda

IJWI RY’IMPINDUKA 35 | P a g e VOICE OF CHANGES

Imana ahubwo ukunda ibyo itanga. Ariko iyo usenga
usabana uba ukunda Imana, bigatuma ikwishimira
ikaguha ibirenze n’ ibyo wasabye.
Rero ,nuha agaciro ibyo ibi Imana iha agaciro, uzaba
uwagaciro. Ushobora kwibaza rimwe na rimwe, ngo
niki gituma Imana itansubiza igihe nsenze?
IMPAMVU 5 ZITUMA IMANA ITADUSUBIZA, IGIHE
TWASENZE.
 Igihe dusenganye ibyaha, ndetse no
gukiranirwa { YESAYA 59 : 1-2}
 Igihe dusenganye kwizera gucye.{ MATAYO
17:20}
 Igihe tutagumye mu ijambo kandi n’
amagambo yayo ntagume muri twe.
{ YOHANA 15:7}
 Igihe dusenga tudashaka gusabana nayo,
tugasenga dusaba. Ahubwo tubanze dushake
yo, ibindi byose tuzabyongererwaho.
IJWI RY’ IMPINDUKA.
 Igihe tutabaho ubuzima bumurikiwe n’ Imana.
Ibintu 6 biranga ubuzima bumurikiwe na
YESU Kristo.
1. Iyo umuntu amurikiwe n’ Imana abona ko
ari umunyabyaha, agahora yiyeza ngo
ashyikire ubwiza bwayo.
2. Iyo umuntu amurikiwe na YESU, abaho
ubuzima bushaka ubushake bw’ Imana
{ Abaroma 12: 2}.

IJWI RY’IMPINDUKA 36 | P a g e VOICE OF CHANGES

 3. Umuntu umurikiwe amenya umuhamagaro
we mu murimo w’ Imana.
4. Iyo Umuntu amurikiwe n’ Imana aragwa n’
ubuzima buguma mu ijambo. { ZABULI
119: 11}, {YOHANA 15:7}
5. Umuntu umurikiwe abaho ubuzima busa nk’
ubwo YESU yaciyemo no guca bugufi.
6. Umuntu umurikiwe agira imbaraga zo
kubababrira kuko nawe yababariwe.

3. IGIHE USHAJE.{ Igihe cyo gusarura}

Igihe ushaje ni igihe cyo gusarura ibyo wabibye ukiri
umusore, ibyo ukora ukiri umusore, byose bikugarukira
muri iki gihe. Iyo wiyangirije igihe cy’ ubusore bwawe,
iyo ugeze muri iki gihe uricuza, ariko kandi iyo
ukoresheje ubusore bwawe neza, iki gihe uracyishimira.
Muyandi magambo ibyo ukora ukiri umusore, bituma
mu busaza bwawe wishima cyagwa ukababara ukicuza.
Kimwe n’ ubuzima tubamo muri iyi si.
Ubuzima ubamo muri iyi si, nibwo buzagena ubundi
buzima tuzabamo hanyuma y’ ubu buzima. Imirimo
myiza yawe izaguherekeza mu bundi buzima. Igihe cy’
ubusaza nicyo kigaragaza icyo wakoreshejwe ubusore
bwawe. Nk’ urubyiruko rw’ ikitegererezo ukwiye
gukoresha ubusore bwawe neza, ukabubyaza
umusarura, ugakorere Imana mu busore bwawe.
{ UMUBWIRIZA 12:1} Haravuga ngo “Ujye
wibuka Umuremyi wawe mu minsi y’ ubusore bwawe,
IJWI RY’IMPINDUKA 37 | P a g e VOICE OF CHANGES
iminsi mibi itaraza n’ imyaka itaragera ubwo uzaba
uvuga ati “Sinejejwe nabyo”.
Nta kindi gihe bibiliya itubwire kwibukiramo umuremyi
wacu uretse mu minsi y’ ubusore kandi ikatuburira ngo
twirinda mu gihe cy’ ubusaza bwacu tutazicuza tuvuga
ngo ntabwo tunejejwe nibyo twakoze tukiri abasore.
Rero mugenzi wanjye iki nicyo gihe cyawe cyo
guhindukira ukareka imirimo wakoraga yari kuzatuma
wiheba mu gihe cy’ ubusaza bwawe. Uko uzabaho uri
mu babifatira umwanzuro. Ese wowe ubayeho
IJWI RY’ IMPINDUKA.
ubuhe buzima mu busore bwawe? Igisubizo cyigutere
gufata umwanzuro uboneye.
INGINGO YA KANE : KUBAHO UBUZIMA
BWO KUGERA KU NZOZI.
Niba ushaka kuba urubyiruko rw’ ikitegererezo ugomba
kubaho ubuzima bugera ku nzozi zawe, Abantu benshi
bagira inzozi, ariko 25% nibo bajya bagera ku nzozi
zabo, ariko 75% ntabwo bajya bagera ku nzozi. Kuva
mu isi yo kuroteramo ukagera mu yindi si yo kugera ku
nzozi zawe warose, habamo urugendo. Urwo rugendo
nirwo umuntu uzaba icyitegegererezo agomba kubamo.
Urwo rugendo reka turwigera ku mwami w’ Inyoni
witwa Kagoma cyagwa ikizu {An eagle}. Kuko iri mu
nyoni twafatiraho amasomo menshi nk’ Urubyiruko.
Ndetse nk’ abantu bashaka kugera ku nzozi zabo
twayigiraho.
IJWI RY’IMPINDUKA 38 | P a g e VOICE OF CHANGES
AMAHAME 8 Y’ IKIZU{ KAGOMA }
1. Kagoma iguruka yonyine.
Mu kirere habamo ubwoko bwinshi bw’ inyoni, ariko
kagoma iguruka yonyine, kimwe mu bintu bituma
umuntu atagera ku ntego ze biterwa nabo agendana
nabo. Ntukagendane n’ abagizi ba nabi kuko
bakwanduza, ntukagendane n’ abanebwe kuko batinza
inzozi zawe, ahubwo ujye ugendana n’ abanyabwenge.
{IMIGANI 13: 20} haranditswe ngo “ Ugendana n’
abanyabwenge azaba umunyabwenge, Ariko mugenzi
w’ abapfu azabihanirwa”
Mugenzi wanjye, igihe niki ngo uhitemo inshuti nyazo
kuko abo ugendana n’ abo bashobora kuzatuma
ubihanirwa cyagwa bakakugira abanyabwenge, subiza,
ese wowe ni izihe nshuti ngendana nazo? Igisubizo
kigutere gufata umwanzuro uboneye.
Bibiliya iravuga ngo “ Mbwira uwo mugendana,
nkubwire uwo uriwe”. Abo ugendana nabo bagaragaza
nawe icyo uricyo. Rero niba ushaka kugera kure, ujye
ugendana n’ abantu mufatanije urugendo kandi bafite
icyerekezo. Kagoma ntabwo ishobora kugendana n’
izindi nyoni z’ inyantege nke ahubwo irigendana
cyagwa ikagendana na
ngenzi zayo z’ inyembaraga. Hari abantu bibiliya
itubuza kwiyuzuza nabo kuko
IJWI RY’IMPINDUKA 39 | P a g e VOICE OF CHANGES
bashobora kutwanduza.
{ IMIGANI 20 : 19} haranditswe ngo “ Ugenda ari
inzimizi amena ibanga, Nuko ntukiyuzuze n’ ukunda
kuvugavuga”
Nuko wirinde cyane nabo wiyuzuza nabo.
2. Kagoma igera ku ntego yihaye.
Kagoma niyo nyoni iba hejuru mu kirere kure cyane,
rero kagoma ihiga umuhigo iri mu kirere muri metero 5
ntabwo ijya ihusha kuko iba yamaze umwanya
yitegereza intego yayo, ikabona inyamaswa, cyagwa ifi
mu mazi, igakoresha imbaraga zayo kugira ngo igere ku
ntego yihaye ntishobora gusubirayo itageze ku ntego
yayo.
Rero ugomba kureba kure kandi nawe ugomba kwiha
intego, ugakoresha imbararaga zawe zose, ntugacike
intege ujye ushaka buryo ki wagera ku ntego yawe
wahize. Naho yaba ikomeye ite wowe ujye wumva ko
ushobora kuyigeraho, kuko uri muri wowe aruta uri mu
b’ isi.
3. Kagoma ntabwo ijya irya inyamaswa zapfuye.
Kagoma rero iba ishaka ibishya, ntabwo ishobora
gusanga inyamaswa yapfuye ngo iyirye, irya
inyamaswa nzima yo ubwayo yihigiye ikayifatisha
inzara zayo.
Inyamaswa zapfuye tuzifata nk’ ejo hahise hawe.
Gutsindwa wagize ahashije, ibyaha wanyuzemo

IJWI RY’IMPINDUKA 40 | P a g e VOICE OF CHANGES

ahahise, ibyago wagize ahahise, n’ ibindi byinshi
wahuye nabyo.
Rero nawe ugomba kujya uharanira ibishya, niba
ushaka kugera ku nzozi zawe, ugomba guharanira
ibishya kandi ukibagirwa ahahise hawe, ntukahahe
umwanya wawe, ntukanabitekerezeho kuko byaguca
intege.
Inyamaswa nzima tuzifata nk’ intego zawe wihaye
utarageraho, inzozi zawe, imigisha yawe, amasezerano
yawe, gukiranika, ibyo nibyo ugomba guharanira
ukabikurikira ngo ubisingire.Ibyo nibyo ugomba guha
umwanya wawe mu buzima bwawe, ukajya uhora
ubitekerezaho.
4. Kagoma zibanza kugerageza mbere yuko zizera.
Kagoma y’ ikigore, iyo igiyi gushaka iyindi izayibera
ikigabo, irabanza ikayigerageza, gutya;
kiramanuka kigafata akatsi kikazamukana hejuru mu
kirere kure nko muri metero 30 kuzamuka cyarangiza
kikazamukana,
n’ ibindi by’ ibigabo, ikarekura ako katsi hasi, noneho
bigasiganwa bikagatanguranwa, kataragera
hasi ,kikabikora inshuro nyinshi amasaha abiri yose,
noneho cyarangiza nyuma y’ amasaha abiri kikarebamo
ikizu cyafasha akatsi inshuro nyinshi, icyo kikaba
aricyo kiba ikigabo.

IJWI RY’IMPINDUKA 41 | P a g e VOICE OF CHANGES

Rero nawe niba uri urubyiruko, ukaba ushaka guhitamo
uwo muzabana, ugomba guhitamo umuntu ubona ko
azakugirira umumaro udakoreshaje amarangamutima
yawe, ahubwo ukareba umuntu ufite intego nzima kuko
muba muzabana ubuzima bwawe bwose. Rero ujye
ubanza ugerageze ntugahite wizera uwo muhuye wese.
Uwo azagufasha kugera ku nzozi zawe.
5. Kagoma ikunda umuyaga mwinshi n’ Imiraba.
Izindi nyoni nyinshi, iyo zibonye umuyaga mwinshi
uje, zirahunga zikajya kwihisha mu mashami y’ibiti,
ariko ikizu cyo iyo kibonye umuyaga mwinshi
kiwujyamo, cyarangiza kigatega amababa yacyo,
umuyaga ukaba ariwo ugitwara kidakoreshweje
imbaraga zacyo. Noneho uwo muyaga ukakizamura
hejuru cyane, aho cyifuzaga kugera.
Rero nawe niba ushaka kugera ku ntego zawe, umuyaga
mwinshi tuwufata nk’ ibigeragezo cyagwa
ibyaduhagarika kugera ku ntego zacu. Ntukagire
ibiguharika kugera ku ntego zawe ahubwo ibyo ubona
nk’ inzitizi, ujye ubibona nk’ ibyagufasha kuguruka
bikakugeza kure cyane wifuza kugera, kandi
bikanagukomeza. Bibiriya ibivugaho neza ngo “
Hahirwa umuntu wihanganira ibimugerageza kuko
namara kwemerwa azahabwa ikamba ry’ ubugingo”.
Rero nawe ntukagire ibiguharika cyagwa ngo bigukure
mu buntu bw’ Imana, ahubwo ijye ubibona nk’
ibisubizo.

IJWI RY’IMPINDUKA 42 | P a g e VOICE OF CHANGES

 6. Kagoma itoza ibyana byayo.
Kagoma kandi iyo haciye igihe gito ibyaye, ifata icyari
yabyariyemo igakuramo ibyatsi byiza byafubikaga
icyana cyayo, ibikuramo kugira ngo icyana kitaguma
gushyuhirwa kikaguma mu cyari aho kuvamo ngo
gitangire kwihigira, mu yandi magambo kiba cyanze ko
icyana cyacyo kiba ikinebwe, ahubwo ko gikwiye
gushaka uko cyava muri icyo cyari kirimo guhanda,
kandi kitarimo n’ ubushyuhe.
Rero nawe ukwiye kuva bunebwe kuko aho uri, nta
kugera ku ntego wahabonera, nta gakiza wabonera mu
byaha, ihane ubivemo. Wikwibwira ko ibyiza
bizakwizanira, ugomba guhaguraka ukajya kubishaka,
ibyiza, kwaguka, gukura, kugera ku ntego zawe, ibyo
byose ntabwo byizana, ugomba kubiharanira ukava aho
uri, erega n’ abanyarwanda barabivuze ngo
“ Akanyoni katagurutse ntikamenya iyo bweze”. Rero
Imana yanga abantu badakora, bagira ubunebwe.
{ IMIGANI 20:4} haranditswe ngo “Nzarimimirana w’
umunyabute ntiyihigire atinya imbeho, Nicyo gituma
mu isarura azasabiriza kandi ntagire icyo abona”.
Niba ikizu ubwacyo kizi neza ko nta kwaguka
wabonera mu buriri, bigatuma ikura ibyatsi byiza
byafubikaka icyana cyayo mu cyari, niki gituma wowe
ukunda kuryamira ukaba umunyabute?
{ IMIGANI 19: 15} haranditswe ngo “Ubute butera
gusinzira ubuticura, kandi uwinaniwe arananuka”
IJWI RY’IMPINDUKA 43 | P a g e VOICE OF CHANGES
Mugenzi wanjye, ubute nibwo bugusinziriza, rero
kanguka utangire ushake gukiranuka, kwanguka , uko
wagera ku nzozi zawe. Haguruka uve aho uri, ushakishe
uko wagera ku ntego zawe. Ntukunde kuryamira.
{ IMIGANI 20 4} Handitswe ngo “ Ntukunde kuryamira
kugira ngo utazakena, Kanguka ube maso kandi
uzahaga ibyokurya”.
Na bibiliya irabitubujije rero, niba ushaka kuba umukire
wirinde kuryamira. Ntugashake kubaho nk’ uwagezeyo,
ahubwo ujye ubaho nk’ ushaka kugerayo.
Mugenzi wanjye, ntukifuze ahubwo ujye uharanira uko
waba uwifuzwa, biva mu gukora ntabwo byizana. Soma
{IMIGANI 21: 25} haranditswe ngo “ Umunyabute
yicwa no kwifuza, kuko yanga gukoresha amaboko ye”
Imana ikunda abanyamwete bakunda gukora, niba hari
inzozi wifuza kuzageraho, zisengere cyane, Imana nayo
izazikugezaho kuko ahantu hose irahashaka abayo
itumayo; mu buganga, mu barinda umutekano, mu
barinda ubusugire bw’ igihugu, mu bwubatsi, n’ ahandi
henshi, Imana irahashaka abo ihatuma wiryamiye gusa,
kanguka uze ukoreshe amaboko yawe, kuko hari ibyo
Imana yagushyizemo ntutabikoresha uzabibazwa.
7. Kagoma kandi igira imbabazi.
Kagoma nayo igira imbabazi ikunda kubabarira, iyo
ikigore gifasha icyana cyacyo kirimo kugitoza
kuguruka, kikirekurira hasi, icyana kikamanuka

IJWI RY’IMPINDUKA 44 | P a g e VOICE OF CHANGES

gisakuza, ariko cyaba kigiye gushyika hasi, ikigabo
kikirukanka kigahita kidufata tutarashyika hasi
ikatugirira impuhwe.
Rero nawe niba warababariwe, nawe ugomba
kubabarira abandi. Mu buzima ujye uharanira ibi bibiri.
 Ujye ushaka uburyo bwose wababarira
uwaguhemukiye atabigizemo uruhari,
{ atagusabye imbabazi}
 Ujye ushaka uburyo bwose wababarirwa
ubigizemo uruhari { Ujye usaba imbabazi}.
8. Kagoma yicisha mu buribwe iyo irimo kwigira nshya.
Kagoma iyo imaze kugera mu myaka 40, ibona ko igiye
kujya inanirwa guhiga, iragenda ikajya kure mu misozi
miremire, noneho ikikuraho amababa yayo ashaje,
yarangiza igafata umunwa wayo ikawuhonda ku rutare
kugeza igihe umunwa uvuyeho ikava amaraso menshi
ariko ikihangana kuko ishaka kuba nshya, yarangiza
ikaguma aho mumisozi kure amezi 5, kugeza igihe
imereye andi mababa akomeye kurusha n’ ayambere,
ikamera n’ undi munwa ukomeye kurusha uwambere,
yarangiza ikaguruka ikagaruka mu zindi ifite imbaraga
nyinshi, ziyongereraho indi myaka 30.
Niba kagoma ibona ko ikwiya kwiyambara imyambaro
mibi ikaba nshya, nawe ukwiye kwiyambura
imyambara mibi ukihana, ukiyeza, ukakira Yesu Kristo
akakwambika imyenda mishya ukaba mushya ukagira
imbaraga n’ ubugingo buhoraho.

IJWI RY’IMPINDUKA 45 | P a g e VOICE OF CHANGES

Rero niba ikizu kizi neza ko kuba mushya bisaba
kwibabaza, ukigoma, ugaca mu buribwe, ugaca mu
rembo rifunganye ariko bikugeza mu butsinzi, wowe
urinde wo gutinya ibikomeye ngo bikugire mushya.
Utinya ibikomeye nawe, ntabwo azaba ukomeye. Niba
ushaka kuba umuntu w’ icyitegererezo ugomba
kudakunda ubuzima bworoshye ahubwo ugakunda
ibikomeye kuko nibyo bigukomeza bikakugira
ukomeye.
Nta ntsinzi ushobora kubona itanyuze mu buribwe,
itsinzi isaba ibintu bikurikira.

AMAHAME 6 YO KUGERA KU BUTSINZI.

 Gukora cyane: Ibikomeye biragora ariko
birishyura, kandi ibyiza byose biraharanirwa.
 Kwihangana: Iyo urimo kubura ibyiringiro uba
urimo kugutsindwa urugamba.
 Igitambo : Buri tsinzi yose isaba igitamba,
natwe kugira ducungurwe Yesu Kristo
yatubereye igitambo, kandi utabereye igitambo
icyo ushaka, icyo ushaka nicyo kiba igitambo
cyawe, uragihomba.
 Kutava ku izima: Ntuzigera na rimwe uva ku
izima, ngo ucike intege, usubire inyuma, muri
iyi si ntakintu ntakimwe kidashoboka, iyo uri
kumwe n’ Imana, wowe gendana nayo gusa.
IJWI RY’IMPINDUKA 46 | P a g e VOICE OF CHANGES
  Imyitwarire myiza: Naho waba
umunyamyamahirwe ute, udafite imyitwarire
myiza byose bipfa ubusa. Amagambo yubaka
akomeza umuntu agakomeza urugendo ariki
imyitwarire myiza ituma umuntu yaguka
agakura.
Ibuka ko ubwiza bw’ Umukobwa bumugeza
ibwami, ariko imico ye niyo ituma ahaguma.
 Kwigirira ikizere: Umuntu utifitiye icyizera,
hari amahirwe menshi azabura, ariko uwifitiye
icyizera azahazwa, Kwizera k’ umuntu niko
kumutera gukira no kugera ku ntsinzi yifuza.
IMIGISHA 10 TUBONERA MU GUKORERA
IMANA TUKIRI BATO.
1. Iyo ukoreye Imana ukiri muto, nayo iguhemba
ukiri muto.
2. Iyo ukoreye Imana ukiri muto, uba wizigamiye ejo
hawe heza, haba hashinganye.
3. Iyo ukoreye Imana ukiri muto, umugisha
ukurikirana n’ abazagukomokaho.
4. Iyo ukoreye Imana utayivangira nayo ntabwo
ikuvangira mu byo uyisaba.
5. Iyo ukoreye Imana ukiri muto, ikurindira ubusore
bwawe, ukaba icyitegererezo.
6. Iyo ukoreye Imana ukiri muto, ntabwo iby’ isi
bikubona kuko uba wihishe mu mababa y’ Imana.
7. Iyo ukoreye Imana ukiri muto, ikurinda ibyago
byose kandi ikanagusogongeza mu busaza bwawe
ibinyujije mu masezerano.
IJWI RY’IMPINDUKA 47 | P a g e VOICE OF CHANGES
 8. Iyo ukoreye Imana ukiri muto, Imana irakubahisha,
ikagushyiraho igitinyiro cyayo.
9. Iyo ukorereye Imana ukiri muto, igihugu
cyibiboneramo inyungu nawe ukakiboneramo
izindi.
10. Iyo ukoreye Imana ukiri muto, ubaho ubuzima
busabana n’ Imana, kandi ubaho nkuri mu ijuri
ariko ukagendera mu isi.

Imana ibahe umugisha mwinshi kubwo gufata

umwanya wanyu, mugasoma iki gitabo, kandi ndasenga
Imana ngo yumve imyanzuro yose ufashe, igufashe
kuyishyira mu bikorwa, nawe ushyiremo imbaraga
nyinshi, usengesha umwuka iteka, kandi ntujya ujya
gusenga ujye umenya ko gusenga ari ukuvugana n’
Imana atari ikiganiro cyawe gusa, ngo wiganirize
nurangiza uhite ugenda, ahubwo ni ukuvugana n’ Imana
ujye uyiha umwanya utegerereze wumve icyo ikubwira.
Kandi niba hari amasomo ukuyemo we kuyagira
ubwiru, ahubwo nawe uyasangize abandi.

IJWI RY’IMPINDUKA 48 | P a g e VOICE OF CHANGES

Ndashimira abavagabutumwa bose, abashumba bacu,
ababyeyi bacu, abavandimwe bacu, abanyamasengesho,
abaririmbyi, inshuti zanjye mwese Imana ibahe
umugisha mwinshi kuko muri ab’ ingirakamaro
Kandi niba ushaka kwerera abantu imbuto z’ ibyo
uvuga, ujye ubaho ubuzima busa nkubwo uvuga, ujye
ubaho ubuzima busa nk’ ubwo wizera. Imana iguhe
umugisha mwinshi.
Witinya ibiri imbere, ahubwo vayo, vayo ubisanga,
nibwo uzagera ku ntego zawe, ugomba kutagira
ubwobo ahubwo ukajya uhora ufite imbaraga, molare,
n’ ibindi byinshi, kuva ukibasha gusoma ano magambo
ukaba ugifite ubuzima, uri uwagaciro kandi ni
ikimenyetso cy’ uko hakiri amahirwe y’ ibyo Imana
ishaka kugukorera kandi si ibibi ahubwo ni ibyiza,
uracyafite byinshi ufite kuzakora hano ku isi, kuva
ugihumeka umwuka w’ abazima, Wowe gusa
uzubahirize ano mahame atatu.
 Gusenga
 Gusenga
 Gusenga.

IJWI RY’IMPINDUKA 49 | P a g e VOICE OF CHANGES

NSHUTI Manasseh.
Voice of changes {Social media name on Instagram and Tick
tock names}
0786559336/0793168388
Email: [email protected]

IJWI RY’IMPINDUKA 50 | P a g e VOICE OF CHANGES