Q1 lesson 7 pagdating ng mga kastila
Download as PPTX, PDF4 likes12,757 views
Ang mga Kastila, sa ilalim ni Ferdinand Magellan at Miguel Lopez de Legazpi, ay naglayag patungo sa Pilipinas mula sa Espanya noong ika-16 dantaon upang mapalaganap ang Kristiyanismo at palawakin ang kanilang kapangyarihan. Matapos ang unang misa at labanang naganap, itinatag ni Legazpi ang lungsod ng Maynila noong 1571 at sinakop ang iba pang lugar sa bansa sa pamamagitan ng dahas at pakikipag-alyansa sa mga lokal na lider. Ang pagdating ng mga misyonero mula sa iba't ibang orden ng relihiyon ay nagdulot ng malaking impluwensya sa kulturang Pilipino matapos ang pagsakop.
Q1 lesson 7 pagdating ng mga kastila
- 1. Aralin 7 Pagdating ng mga Kastila sa Pilipinas Inihanda ni: Arnel O. Rivera
- 2. Panimula: • Ang mga kaganapan noong ika-15 dantaon ay nagbunga ng pag-unlad sa larangan ng pulitika, kabuhayan at lipunan sa Europa. Mahalaga ang naging papel ng mga paglalakbay sa pagtuklas ng bagong lupain upang maragdagan ang kayamanan at kapangyarihan ng isang bansa. Dalawang bansa ang nangunguna sa larangang ito ang Spain at Pogtugal.
- 3. Mga Layunin ng Paglalayag (Tatlong K) • Karangalan. Makilala ang kanilang bansa na pinakamakapangyarihan sa buong mundo. • Kayamanan. Magkaroon ng bagong pagkukunan ng mga likas na yaman. • Kristiyanismo. Mapalaganap ang relihiyon sa labas ng Europa.
- 4. Paglalayag ni Magellan • Si Ferdinand Magellan ay isang manlalayag na Portuges na naglingkod sa hari ng Espanya. Ipinanukala niya sa hari ng Espanya na mararating niya ang East Indies sa pamamagitan ng paglalayag pakanluran.
- 5. Paglalakbay ni Magellan Sept. 20, 1519 Umalis ang plota ni Magellan mula San Lucar, Spain. Marso 16, 1521 Narating nila ang isla ng Homonhon .. Marso 21, 1521 Nagpunta sila sa isla ng Limasawa at ginanap ang unang misa sa Pilipinas. Abril 7, 1521 Narating ng mga Kastila ang Cebu at naganap ang sandugan ni Magellan at Raha Homabon. Abril 27, 1521 Naganap ang labanan sa Mactan kung saan namatay si Magellan Nob. 1521 Narating ng mga nalalabing tauhan ni Magellan ang Moluccas. Sept. 6, 1522 Nakabalik ang natitirang tauhan ni Magellan sa Espanya.
- 6. Ekspidisyon ni Legazpi • Marami pang mga ekspidisyon ang ipinadala ang Espanya sa Pilipinas. Ngunit ang nagtagumpay lamang ay ang ekspidisyong pinamunuan ni Miguel Lopez de Legazpi na nakarating sa Pilipinas noong Pebrero 13, 1565. Unang narating nila ang isla ng Cebu ngunit tinaboy sila ng mga Cebuano. Naglakbay sila hanggang marating nila ang isla ng Bohol. Dito, tinanggap sila ng kanilang pinuno na si Raha Sikatuna at naganap ang kanilang sanduguan noong Marso 16, 1565.
- 7. Pagpapalawak ng Nasasakupan • Noong ika-27 ng Abril 1565, dumaong sa Cebu si Legazpi upang magtatag ng pamayanang Kastila. Madali nilang nasakop ang Cebu na tinawag nilang Ciudad de Santisimo Nombre de Jesus. Noong 1569, nagtungo naman sila sa Panay at nagtatag din ng panahanan. Sumunod na sinakop nila ang Masbate, Ticao, Burias at iba pang lugar sa Kabisayaan.
- 8. Pagsakop sa Maynila • Pinamunuan ni Martin de Goiti ang ekspidisyon upang sakupin ang Maynila. Ang Maynila noon ay nasa pamumuno ni Rajah Sulayman at ang Tondo sa pamumuno ni Rajah Lakandula. Nagsimula ang labanan sa pagitan ni Goiti at Sulayman noong Mayo 24, 1570. Madaling natalo ng mga Kastila ang hukbo ni Sulayman. Agad na pinatawag ni de Goiti si Legazpi mula Panay.
- 9. Pagtatatag ng Lungsod ng Maynila • Narating ni Legazpi ang Maynila noong Mayo 15, 1571 at doon mapayapang tinanggap sila ni Rajah Lakandula ng Tondo. Pormal na itinatag ang Lungsod ng Maynila noong Hunyo 24, 1571 matapos isaayos ito ng mga Kastila. Matapos na masakop ng mga Kastila ang Maynila, nasakop din nila ang mga bayan sa Gitnang Luzon, Laguna, Bicol at Catanduanes.
- 10. Pagdating ng mga Misyonero • Malaki ang ginampanan ng relihiyon sa pagsakop ng Pilipinas. Anim na pangkat ng mga misyonero ang dumating sa kapuluan upang magturo ng bagong relihiyon: • Agustino (1565) • Pransiskano (1577) • Heswita (1581) • Dominiko (1587) • Recolletos (1606) • Benedictos (1895)
- 11. Sintesis: • Ang tatlong K (Karangalan, Kayamanan at Kristiyanismo) ang nagtulak sa mga Kastila na maghanap ng mga lupain at magpalawak ng kapangyarihan. • Ginamit ng mga Kastila ang dahas at relihiyon upang masakop ang Pilipinas. • Nakipaglaban ang mga Pilipino sa kabila ng mas malakas na armas ng mga mananakop. • Malaki ang naging papel ng mga misyonero upang mapayapa ang mga Pilipino matapos sakupin.